አስቸኳይ ጊዜ አዋጅ‼️
በአላማጣ ከተማ እና አካባቢው አስተማማኝ ሰላምና መረጋጋትን ለማስፈን #ኮማንድ_ፖስቱ ከዛሬ ቀን ( መስከረም 22/2019 ዓ/ም ) ጀምሮ የሚተገበር የሰዓት_ገደቦችን እና የእጅ_መስጠት ጥሪ ጨምሮ ጥብቅ የሆኑ ድንጋጌዎችንና እገዳዎችን ጥሏል።

የተጣሉ የሰዓት ገደቦችና እገዳዎችም የሚከተሉት ናቸው

#የተሽከርካሪዎች
➡️ #ማንኛውም_ዓይነት ተሽከርካሪ #መንቀሳቀስ የሚችለው እስከ ምሽቱ 12:00 ሰዓት ድረስ ብቻ ነው !!

#የንግድ_ተቋማት
➡️ ማንኛውም ሆቴል ፣ መጠጥ ቤትና የመዝናኛ ቦታዎች አገልግሎት መስጠት የሚችሉት እስከ ምሽቱ 2፡00 ሰዓት ድረስ ብቻ ነው።

#የሰዎች_እንቅስቃሴ
➡️ማንኛውም ሰው ከምሽቱ 3፡00 ሰዓት #በኋላ_መንቀሳቀስ ሙሉ በሙሉ ተከልክሏል።

#የጦር_መሳሪያ ይዞ መንቀሳቀስ
➡️ የፌዴራል_ ፀጥታ_ሃይሎች ውጪ በከተማው ውስጥ ማንኛውም ሰው መሳሪያ ይዞ መንቀሳቀስ በጥብቅ የተከለከለ ነው።

#የተሰጡ_ጠንካራ_መመሪያዎችና_ማስጠንቀቂያዎች
#የግል_ትጥቅ_ምዝገባ

➡️ #በገጠርም ሆነ #በከተማ የምትገኙ የግል የጦር መሳሪያ ያላችሁ ግለሰቦችና ድርጅቶች በአቅራቢያችሁ በሚገኝ የፖሊስ ጣቢያ በአስቸኳይ እንድታስመዘግቡ ታዟል።

➡️ #ለንብረት_ዘረፊዎች የተሰጠ ማስጠንቀቂያ
ማንኛውም አካል የግለሰብ ፣ የህዝብና የመንግስት ንብረት ከመዝረፍ እንዲቆጠብ ይህንን ድርጊት ሲፈፅም በተገኘ ማንኛውም አካል ላይ ግን የማያወላዳ ጥብቅ ህጋዊ እርምጃ እንደሚወሰድ ኮማንድ ፖስቱ አስታውቋል።

➡️ #የእጅ_መስጠት ጥሪ
የፅምዶ  ሃይሎች #በአምስት ( 5 ) ቀናት ውስጥ ለፌዴራል ፖሊስ #ከተደበቁበት እየወጡ  #እጃቸውን እንዲሰጡ ጥሪ ቀርቧል።

Seledadotio
Seledadotio

⚡️💬 የቴሌብር አገልግሎቶችን በፈጣን USSD በቅጽበት ያግኙ! 

ብር ለመላክ፣ ለማውጣት፣ የአየር ሰዓት ለመግዛት፣ ሒሳብ ለመጠየቅ እንዲሁም ክፍያዎችን ለመፈጸም ረጅም መንገድ መጠቀም ቀረ!

👉 በማንኛውም ዓይነት ስልክ ከፊት *127* በማስቀደምና የሚፈልጉትን አገልግሎት USSD ኮድ በማስገባት በሰከንዶች ውስጥ ሂደቱን ያጠናቅቁ።

⚠️ የቴሌብር የምስጢር ቁጥርዎን (PIN) ከማስገባትዎ በፊት መልእክቱን በጥንቃቄ ይመልከቱ!

🔗 ጠቃሚ አጭር ኮዶች: https://bit.ly/USSDRapidMe...

#telebirrussd
#ethiotelecom #telebirr #ussd #digitalethiopia #realizingdigitalethiopia

⚡️💬 የቴሌብር አገልግሎቶችን በፈጣን USSD በቅጽበት ያግኙ!

ብር ለመላክ፣ ለማውጣት፣ የአየር ሰዓት ለመግዛት፣ ሒሳብ ለመጠየቅ እንዲሁም ክፍያዎችን ለመፈጸም ረጅም መንገድ መጠቀም ቀረ!

👉 በማንኛውም ዓይነት ስልክ ከፊት *127* በማስቀደምና የሚፈልጉትን አገልግሎት USSD ኮድ በማስገባት በሰከንዶች ውስጥ ሂደቱን ያጠናቅቁ።

⚠️ የቴሌብር የምስጢር ቁጥርዎን (PIN) ከማስገባትዎ በፊት መልእክቱን በጥንቃቄ ይመልከቱ!

🔗 ጠቃሚ አጭር ኮዶች: https://bit.ly/USSDRapidMe...
#telebirrussd #ethiotelecom #telebirr #ussd #digitalethiopia #realizingdigitalethiopia

(ዘ-ሐበሻ ዜና) የቀድሞው የኦሮሞ ነጻነት ግ*ንባር (ኦ*ነግ) ቃል አቀባይ፣ የጠቅላይ ሚኒስትር ዐቢይ አህመድ የቀድሞ አማካሪ እንዲሁም በሳዑዲ አረቢያ የኢትዮጵያ አምባሳደር የነበሩት ሌንጮ ባቲ በቅርቡ የተመሰረተውን አዲስ የታጣቂዎች ጥምረት "ከንቱ ጅማሮ" በማለት አጥብቀው ተቹ። አንጋፋው ፖለቲከኛ ጥምረቱ በኢትዮጵያ መሬት ላይ ካለው ነባራዊ እውነታ ጋር ፈጽሞ በማይገናኝ "የስነ-ልቦና ቅዠት" ውስጥ እንደሚገኝ ገልጸዋል።

አምባሳደር ሌንጮ ባቲ ባወጡት አጭር የፖለቲካ ትንታኔ፣"ጽምዶ" ወይም "ትብብር" በማለት ራሱን የሚጠራው ይህ ቡድን ካለፈው ተሞክሮው፣ ከውስጣዊ ፍርሃቱ እና ለራሱ ከሰጠው የተጋነነ ግምት የተነሳ እውነታውን የማየት አቅሙ መጋረዱን አስረድተዋል። እንደ አምባሳደሩ ማብራሪያ ከሆነ ከእንግዲህ በኢትዮጵያ ውስጥ በማንኛውም ዓይነት የትጥቅ ትግል አሊያም የኃይል እርምጃ የመንግስት ለውጥ ማምጣት የማይቻልበት ደረጃ ላይ ተደርሷል። በሀገሪቱ ውስጥ ፖለቲካዊ ለውጥ ሊመጣ የሚችለው በሰላማዊ ምክክር እና በዲሞክራሲያዊ ምርጫ ብቻ መሆኑን በማስገንዘብም "ይህ ፋይል ተዘግቷል" ሲሉ የትጥቅ ትግል አማራጭ ማክተሙን አጽንኦት ሰጥተውበታል።

የቀድሞው ዲፕሎማት እና የጠቅላይ ሚ/ር ዐቢይ አማካሪ በመልዕክታቸው ማጠቃለያ ላይ የፌደራል መንግስቱን እና የጥምረቱን የወደፊት የኃይል ሚዛን ሲያነጻጽሩ "ከእንግዲህ እኛ ቀይ ባህር እንደርሳለን እንጂ፣ እነሱ አምቦ እንኳን አይደርሱም" በማለት የታጣቂዎቹን ወታደራዊ አቅም እና የስልጣን ምኞት ሙሉ በሙሉ አጣጥለውታል።

ይህ የአምባሳደር ሌንጮ ባቲ ጠንካራ ትችት የተሰማው - ህወሓት፣ የአማራ ፋ*ኖ* ብሔራዊ ንቅናቄ እና የኦሮሞ ነጻነት ሰ*ራዊትን (ኦ*ነግ-ሸኔ) ጨምሮ የተለያዩ ታጣቂ ኃይሎች መንግስትን በኃይል ከስልጣን ለማስወገድ ያለመ "የኢትዮጵያ ህዝባዊ ኃይሎች ትብብር ለህልውና" የተሰኘ አዲስ ጥምረት መመስረታቸውን ተከትሎ፣ በሰሜን ኢትዮጵያ መጠነ ሰፊ ውጊያዎች እየተካሄዱ ባለበት እጅግ ውጥረት በነገሰበት ወቅት ነው።








(u12d8-u1210u1260u123b u12dcu1293) u12e8u1240u12f5u121eu12cd u12e8u12a6u122eu121e u1290u133bu1290u1275 u130d*u1295u1263u122d (u12a6*u1290u130d) u1243u120d u12a0u1240u1263u12edu1363 u12e8u1320u1245u120bu12ed u121au1292u1235u1275u122d u12d0u1262u12ed u12a0u1205u1218u12f5 u12e8u1240u12f5u121e u12a0u121bu12abu122a u12a5u1295u12f2u1201u121d u1260u1233u12d1u12f2 u12a0u1228u1262u12eb u12e8u12a2u1275u12eeu1335u12eb u12a0u121du1263u1233u12f0u122d u12e8u1290u1260u1229u1275 u120cu1295u132e u1263u1272 u1260u1245u122du1261 u12e8u1270u1218u1230u1228u1270u12cdu1295 u12a0u12f2u1235 u12e8u1273u1323u1242u12ceu127d u1325u121du1228u1275 \

ቀይ ባህር የኢትዮጵያን ጠንካራና አስተማማኝ ክንድ ይፈልጋል - የፖለቲካ ተንታኞች እና ምሁራን
************************

በአፍሪካ ቀንድና በሎጂስቲክስ መተላለፊያ መስመሮች ላይ እየተከሰቱ ያሉ የደህንነት ስጋቶች፣ የኢትዮጵያን ኢኮኖሚና ሀገራዊ ህልውና በቀጥታ እየፈተኑት ይገኛሉ።

ከኢቢሲ ጋር ቆይታ ያደርጉት የፖለቲካ ተንታኝ አፈወርቅ በደዊ፥ የቀይ ባህር አካባቢ ሁከት እና መንግሥታዊ ያልሆኑ ታጣቂዎች እንቅስቃሴ እየጨመረ በመጣበት በዚህ ወቅት ቀጣናው አስተማማኝና ጠንካራ የሰላም ክንድ የሚፈልግበት ጊዜ ላይ መድረሱን ጠቁመው፣ ያም አስተማማኝ አቅም ያለው በኢትዮጵያ እጅ መሆኑን ገልጸዋል።

የኢትዮጵያ ወጪና ገቢ ንግድ ከ90 በመቶ በላይ የሚከናወነው በባብ ኤል መንደብ እና በቀይ ባህር መተላለፊያ መስመር በኩል በመሆኑ፣ በቀጣናው የሚፈጠር ማንኛውም ዓይነት አለመረጋጋት በሀገራችን ህልውና ላይ ከፍተኛ አደጋ ይደቅናል ብለዋል።

ባለፉት አስርት ዓመታት የባህር ላይ ውንብድና፣ የህገ-ወጥ ሰዎችና የጦር መሳሪያ ዝውውር እንዲሁም የሽብርተኞች እንቅስቃሴ እየተስፋፋ መምጣቱን ያነሱት ተንታኙ፤ እንደ አልሸባብና ሁቲ ያሉ ኃይሎች ቀጣናውን ለፖለቲካና ኢኮኖሚ ፍላጎቶቻቸው ማሳኪያ እያደረጉት ይገኛሉ ብለዋል።

በመሆኑም በዓለም አቀፍ ደረጃ ተጽዕኖ ፈጣሪ የሆኑ ሀገራት ሳይቀሩ ከኢትዮጵያ ጋር መስራታቸው ለአፍሪካ ቀንድ ሰላምና ልማት ወሳኝ መሆኑን እንደሚረዱት አክለዋል።

በተመሳሳይ የአዲስ አበባ ዩኒቨርሲቲ መምህርና ተመራማሪው ተስፋዬ ጂማ (ዶ/ር) በበኩላቸው፤ መንግስታዊ ያልሆኑ አካላት በሺዎች የሚቆጠሩ ኪሎ ሜትሮችን ተሻግረው በደጃችን ላይ ከፍተኛ ተጽዕኖ እያሳደሩ እንደሚገኙ ገልጸዋል።

በባህሩ ዙሪያ የሚገኙ ሀገራት ብቻቸውን እነዚህን ታጣቂዎች ማስቆም እንደማይችሉ የተናገሩት ዶክተር ተስፋዬ፤ ኢትዮጵያ ባላት የህዝብ ብዛት፣ የኢኮኖሚ አቅም እና ጠንካራ የመከላከያ ሰራዊት ታሪክ ቀይ ባህርን ብትጋራ የቀጣናውን ስጋት በመቀነስ ረገድ ትልቅ ድርሻ ማበርከት እንደምትችል ገልጸዋል።

የኢትዮጵያ የባህር በር ጥያቄ ከታሪክ አጋጣሚዎች ጋር ተያይዞ የተነጠቀን መብት የመመለስ ጥያቄ በመሆኑ፣ ጉዳዩ በሰላማዊ ዲፕሎማሲና ውስጣዊ አንድነትን በማጠናከር የሚሳካ ነው ብለዋል።

በተጨማሪም የኢትዮጵያ የባህር በር ጥያቄ "የፍትህ ጥያቄ" መሆኑን በማስመር፣ ሃገራችን ከተፈጥሮ ሃብቷ የምታገኘውን የኢኮኖሚ አቅም ተጠቅማ የዲፕሎማሲ ተደማጭነቷን እያደሰች እንደምትገኝ አስምረዋል።

የሱዊዝ ካናል ሰላምና የግብፅ ኢኮኖሚ ደህንነት የሚረጋገጠው በባብ ኤል መንደብ የሚያልፉ መርከቦች ሰላም ሲጠበቅ እንደሆነ ያብራሩት ተንታኙ፤ የቀይ ባህር ወጪና ስጋት እየጨመረ በሄደ ቁጥር ኢትዮጵያ የተፈጥሮ ሀብቶቿን እስከ መጨረሻው አቅሟ ለመጠቀም እንደምትገደድና ይሄንንም የቀጠናው ሀገራት ተረድተው በፍትሃዊ መንገድ ለመነጋገር ቁጭ ማለት እንዳለባቸው አሳስበዋል።

በኢንቲሃድ አብራር
#ebc #ebcnews #ethiopia #redsea #diplomacy #hornofafrica #economicgrowth #peaceandsecurity

በኤራትራ በወጣ አዲስ መመሪያ ግለሰቦች ከ25 ሺህ፣ ተቋማት ከ150 ሺሕ ናቅፋ በላይ ጥሬ ገንዘብ በእጅ እንዳይዙ ታዘዘ።

የኤርትራ ግለሰቦች እና የንግድ ተቋማት ከባንክ ሥርዓት ውጭ ለተወሰነ ጊዜ መያዝ የሚችሉትን የጥሬ ገንዘብ መጠን የሚገድብ አዲስ መመሪያ ማውጣቷን የአገሪቱ ብሔራዊ ባንክ አስታውቋል።

በአገሪቱ መንግሥታዊ የሕግ ጋዜጣ ላይ ታትሞ ይፋ በተደረገው መመሪያ፣ ማንኛውም ዓይነት የኤርትራ ገንዘብ፣ ናቅፋ ዝውውር በባንኮች እና በገንዘብ ተቋማት ብቻ መሆን እንዳለበት ያዛል።

መመሪያው ግለሰቦች ከ25 ሺህ ናቅፋ በላይ የሚሆን ጥሬ ገንዘብ ከ15 ቀናት በላይ በእጃቸው ማቆየት እንደማይችሉ ገደብ ጥሏል።

እንዲሁም በተለያዩ ሦስት ደረጃዎች የተመደቡ የንግድ ተቋማትም በ50 ሺህ፣ በ100 ሺህ እና በ150 ሺህ ናቅፋ መጠን የተገደበ ጥሬ ገንዘብ ለሁለት ሳምንታት ብቻ መያዝ እንዲችሉ ተፈቅዷል።

ከተፈቀደላቸው የጥሬ ገንዘብ መጠን እና ከተቀመጠው የጊዜ ገደብ በላይ ተቀባይነት ካለው ምክንያት ውጭ ይዘው የተገኙ ተቋማትና ግለሰቦች #ሕጋዊ_እርምጃ " እንደሚወሰድባቸው አስጠንቅቋል።

አሁን የኤርትራ ማዕከላዊ ባንክ ያወጣው በግለሰቦች እና በተቋማት ይዞታ ስር ሊቀመጥ የሚችልን የገንዘብ መጠንን የሚገድበው መመሪያ ከዛሬ ጀምሮ ተግባራዊ የሚሆን ነው።

የመዋዕለ ነዋይ ዘርፍ በመንግሥት ጥብቅ ቁጥጥር ሥር በሚገኘባት ኤርትራ በጥሬ ገንዘብ መገበያየት ዋነኛው እና በስፋት ጥቅም የሚውል ነው። የባንክ አገልግሎቶች በመላዋ አገሪቱ የተስፋፋ አይደለም።

Seledadotio
Seledadotio

የአዲስ አበባ ፖሊስ ዋና ጠቅላይ መምሪያ ለህፃን ፊዮና ሰለሞን አቀባበል አደረገ፡፡

ህፃን ፊዮና ሰለሞን ነሐሴ 21 ቀን 2018 ዓ/ም ከምሽቱ 12፡30 ሠዓት አካባቢ ከቦሌ ክ/ከተማ ወረዳ 12 ልዩ ቦታው ቦሌ ቡልቡላ በቤት ሠራተኛቸው የእገታ ወንጀል ተፈጽሞባት 3 ሚሊዮን ብር ተጠይቆባታል፡፡

የአዲስ አበባ ፖሊስ ዋና ጠቅላይ መምሪያ ከሌሎች የፀጥታ ተቋማት ጋር በመተባበር ባደረገው የተቀናጀ ኦፕሬሽን ተጠርጣሪዋን ከጎንደር ከተማ ማራኪ ክ/ከተማ በቁጥጥር ስር መዋሏን መግለፃችን ይታወቃል፡፡

ታጋችዋ ህፃን ፊዮና ሰለሞን ከባህዳር አዲስ አበባ ስትገባም የአዲስ አበባ ፖሊስ የታክቲክ ወንጀሎች ምርመራ ዋና መምሪያ ኃላፊ ረዳት ኮሚሽነር አድማሱ ኢፋን ጨምሮ ሌሎች በምርመራው ዘርፍ የሚገኙ የስራ ኃላፊዎች እንዲሁም የህጻኗ ቤተሰቦችና ወዳጅ ዘመድ አቀባበል አቀባበል አድርገውላታል፡፡

ህፃናት ልዩ ትኩረት ከሚሹ የህብረተሰብ ክፍሎች ቀዳሚ በመሆናቸው መጠበቅ፣ መንከባከብና ተገቢውን ትኩረት መስጠት እንደሚገባ የተናገሩት ረዳት ኮሚሽነር አድማሱ ኢፋ ወላጆች ልጆቻቸው የሚውሉበትንና የሚጫወቱበትን ቦታ ማወቅና መከታተል የሚገባ መሆኑን ገልፀዋል፡፡

የህፃን ፊዮና እናት ወ/ሮ ሄለን ኃ/ሚካኤል በበኩላቸው ተጠርጣሪዋ መቅደስ ሞገስ በቤት ሰራተኝነት ተቀጥራ ስትሰራ የቆየች በመሆኑ ህጻኗ ስለምታውቃት ይህን አጋጣሚ ተጠቅማ የእገታ ወንጀሉን በመፈፀሟ ማዘናቸውን በመግለፅ በወቅቱ የልጃችንን መጥፋት ለአዲስ አበባ ፖሊስ ካመለከትን ጀምሮ ፖሊስ ቀን ከሌሊት ፍለጋውን በማድረግ ልጃችንን በእጃችን በማስገባቱ ወደር የሌለው ደስታ ተሰምቶናል ብለው በዚህ ስራ ለተሳተፉ በሙሉ ክብር ይገባቸዋል ብለዋል፡፡

የወ/ሮ ሄለን ጎረቤት የሆኑት ወ/ሮ ሂሩት ለዓለም በበኩላቸው ፖሊስ የሰራው ስራ እጅግ የሚያስመሰግን መሆኑን በመግለፅ በማንኛውም ጉዳይ ህብረተሰቡ የፖሊስን ስራ ሊያግዝ ይገባልም ሲሉ መልዕክታቸውን አስተላልፈዋል፡፡

በከተማችን አዲስ አበባ በሚፈፀሙ ማንኛውም ዓይነት ወንጀሎች፤ ፈፃሚዎች ለጊዜውም ቢሆን ከሰው ዓይንና ጆሮ ቢሰወሩም ከህግ ማምለጥ አይችሉም ያለው የአዲስ አበባ ፖሊስ ዋና ጠቅላይ መምሪያ በዚህ ስራ ውስጥ ተሳታፊ ለነበሩ የአማራ ብሔራዊ ክልላዊ መንግስት ፖሊስ ዋና ጠቅላይ መምሪያ እና የጎንደር ከተማ ፖሊስ እንዲሁም ሌሎች የፀጥታ ተቋማት ላደረጉት ቀና ትብብር ምስጋናውን አቅርቧል፡፡

ህብረተሰቡ በአካባቢው ላይ የሚያያቸውን ማንኛውም አጠራጣሪ ጉዳዮች ለአቅራቢያ ፖሊስ መረጃ በመስጠት የህግ የበላይነትን ሊያረጋግጥ እንደሚገባም መልዕክቱን አስተላልፏል፡፡

Via Addis Ababa police #ababasketball

በጠላቶች ትብብር የማይገታው የኢትዮጵያ ጽናት

አዲስ አበባ፣ ነሐሴ 26፣ 2018 (ኤፍ ኤም ሲ) ኢትዮጵያ በታሪኳ በርካታ የውስጥና የውጭ ፈተናዎችን፣ የታሪካዊ ጠላቶቿን ጥምረትና የተደራጁ ሴራዎችን በጽናት በማሸነፍ ነጻነቷን አስከብራ የኖረች ሀገር ናት።

ትናንት አባቶቻችን በዓድዋ ድል የተባበረውን የቅኝ ግዛት ኃይል በጽናትና በአንድነት እንዳሸነፉት ሁሉ፣ ዛሬም እኛ የዚህ ትውልድ ልጆች ያንን ድል በዘመናዊ መልክ እየደገምነው እንገኛለን።

በተለያዩ የታሪክ አጋጣሚዎች ሀገሪቱ የኢኮኖሚ፣ የዲፕሎማሲና የደኅንነት ጫናዎች ሲያርፉባትም፣ የሕዝቡ የጋራ ማንነትና አገራዊ ፍቅር ፈተናዎቹን ወደ ዕድል የመቀየር አቅም ሆኖ አገልግሏል።

ለዚህም ማሳያ ከሆነው ሁነት ውስጥ በውስጥ ጉዳያችን ጣልቃ ለመግባትና ሉዓላዊነታችንን ለመገዳደር የተነሱ ኃይሎችን መላው የኢትዮጵያ ሕዝብና በዓለም ዙሪያ የሚገኘው ዳያስፖራ ማህበረሰብ በአንድ ድምፅ “ኖሞር” (No More) በማለት የውጭ ሴራዎችን አክሽፏል፤ የኢትዮጵያ ጽናት ጊዜያዊ ሳይሆን ጥንታዊና መዋቅራዊ መሠረት ያለው መሆኑንም አሳይቷል።

በቅርብ ጊዜያት የኢትዮጵያ ጽናት በከፍተኛ ዓለም አቀፋዊ፣ ቀጣናዊና የውስጥ ፈተናዎች ውስጥ ያለፈበትና ጥንካሬዋ የተመሰከረበት ወቅት ነው። የውጭ ታሪካዊ ጠላቶችና የጥቅም ተጻራሪዎች የሀገሪቱን ጉዞ ለማደናቀፍ በተቀናጀና በተባበረ መልኩ የሰነዘሯቸው ተጽዕኖዎች በሕዝቡና በመንግሥት ጽናት መክነዋል።

እንደ ታላቁ የኢትዮጵያ ሕዳሴ ግድብ ያሉ ፕሮጀክቶች፣ የተለያዩ የውጭ ተፅዕኖዎችና የጠላቶች ዲፕሎማሲያዊ ትብብር ቢኖርባቸውም፣ በሕዝቡ ጽናትና የገንዘብ ድጋፍ እውን መሆን ችለዋል። የ”አጎዋ”(AGOA) ዕድልን በመሰረዝና በመጫን ሀገራዊ ውሳኔዎችን ለመጠምዘዝ ቢሞከርም፣ ኢትዮጵያ እነዚህን ጫናዎች ተቋቁማ በራሷ አቅም መደበኛ ሥራዎቿንና ግዙፍ የኮሪደር ልማቶቿን ሳታቋርጥ አስቀጥላለች።

ኢትዮጵያ የምትገኝበት ቀጣና ለዓለም አቀፍ ንግድና ደኅንነት ወሳኝ በመሆኑ፣ የተለያዩ ጥቅምና ፍላጎት ያላቸው ኃይሎች በጋራም ሆነ በተናጠል ተፅዕኖ ለማሳደር ይሞክራሉ።

ነገር ግን የኢትዮጵያ የመንግሥት መዋቅር፣ ጠንካራ ማኅበራዊ እሴቶች እና ለነፃነት የሚሰጠው የላቀ ክብር ሀገሪቱ በማንኛውም ዓይነት የጠላቶች ትብብር እንዳትገታ ያደረጓት ዋና ምስሶዎች ናቸው።

ይህ የኢትዮጵያ የአይበገሬነት ታሪክ ለወደፊት ትውልድም ትልቅ ትምህርትና የጥንካሬ ምንጭ ሆኖ የሚቀጥል ነው።

ኢትዮጵያ ለቀጠናው ሰላም ያላትን ቁርጠኝነት ሳታጥፍ፣ የሕዝቦቿን የህልውና ጥያቄ ለመመለስ የምታደርገውን ዲፕሎማሲያዊ ጥረት በጽናትና በማይናወጥ አቋም እየገፋችበት ትገኛለች።

የቅርብ ጊዜ ታሪካችን የሚያሳየው የኢትዮጵያ ጠላቶች ስልታቸውን ቀይረው በዲጂታል ሚዲያ፣ በዲፕሎማሲና በኢኮኖሚ ማዕቀብ ተባብረው ቢመጡም፤ የሀገሪቱ የቆየ የመንግሥትነት መዋቅርና የሕዝቡ የነፃነት አርበኝነት ጽናት ዛሬም የማይበገር ጋሻ ሆኖ መቀጠሉን ነው።

በትዕግስት ግዛቸው

(ዘ-ሐበሻ ዜና) የአሜሪካ የአረብ እና አፍሪካ ጉዳዮች ከፍተኛ አማካሪ ማሳድ ብሎስ፣ የሱዳን ጦር (SAF) በጎረቤት ቻድ ግዛት ውስጥ የፈጸመውን የአየር ጥቃት በጽኑ አወገዙ።

ከፍተኛ አማካሪው ባወጡት ይፋዊ መግለጫ በሱዳንም ሆነ ከሱዳን ውጭ እየተካሄደ ያለው ደም አፋሳሽ ግጭት በአስቸኳይ ሊቆም እንደሚገባ አሳስበዋል። "ለዚህ ጦርነት ምንም ዓይነት ወታደራዊ መፍትሔ የለም፤ ግጭቱን ከሱዳን ድንበር ባሻገር ማስፋፋትም በምንም መልኩ ተቀባይነት የሌለውና ሊጸድቅ የማይችል ድርጊት ነው" ሲሉ አቋማቸውን በግልጽ አስቀምጠዋል።

ተፋላሚ ወገኖች ሰብዓዊነትን መሠረት ያደረገ የተኩስ አቁም ስምምነትን በአስቸኳይ እንዲቀበሉ፣ ሰላማዊ ዜጎችን እንዲታደጉ፣ እንዲሁም የሰብዓዊ እርዳታ አቅርቦት ያለ ምንም ገደብ ለተጎጂዎች እንዲደርስ አሜሪካ ጥሪዋን አስተላልፋለች።

ከዚህም ባሻገር፣ የተባበሩት መንግሥታት ድርጅት የጸጥታው ምክር ቤት አሁን ያለውን የጦርነቱን ተጨባጭ ሁኔታ በሚያንጸባርቅ መልኩ የጦር መሣሪያ ማዕቀቡን እና የቅጣት እርምጃዎችን በአስቸኳይ እንዲያሻሽል ተጠይቋል። ጦርነቱን ለሚያቀጣጥሉ እና ግጭቱን ለሚያስፋፉ አካላትም ተጠያቂነት ሊሰፍን እንደሚገባ መግለጫው አጽንዖት ሰጥቷል።
በመጨረሻም፣ ለተፋላሚ ወገኖች ከውጭ አካላት የሚደረገው ማንኛውም ዓይነት የገንዘብ እና የወታደራዊ ድጋፍ በአስቸኳይ መቆም እንዳለበት ከፍተኛ አማካሪው አሳስበዋል።

(ዘ-ሐበሻ ዜና) በሱዳን የሥልጣን ሽኩቻ የተጠመዱት ተፋላሚ ኃይሎች አንዱ ሌላውን በጦር መሣሪያ ኃይል ሙሉ በሙሉ አሸንፎ ለመውጣት የሚያደርጉት ጥረት ከንቱ መሆኑን መሬት ላይ ያለው ነባራዊ እውነታ ዳግም እያረጋገጠ ይገኛል። ይህንን የሱዳንን ማለቂያ የለሽ የጦርነት አዙሪት አስመልክቶ በምሥራቅ አፍሪካ ጉዳዮች የጠቅላይ ሚኒስትሩ አማካሪ የሆኑት አቶ ጌታቸው ረዳ ጠንከር ያለ ትንታኔያዊ መልእክት አስተላልፈዋል።

አቶ ጌታቸው በኤክስ ገጻቸው ባሰፈሩት መልእክት፣ ባለፉት ጥቂት ሳምንታት የጄኔራል አብደል ፋታህ አል-ቡርሃን ጦር በፈጥኖ ደራሽ ኃይሉ (RSF) ላይ ወታደራዊ የበላይነት ማግኘቱ በስፋት ሲነገር ቢቆይም፣ አሁን ላይ ግን አር.ኤስ.ኤፍ የጦርነቱን ሚዛን ወደ ፖርት ሱዳን አቅጣጫ እየቀለበሰው እንደሚገኝ አመላክተዋል። ፈጥኖ ደራሽ ኃይሉ በብሉ ናይል ግዛት የሚገኙትን ኩርሙክ እና ቃይሰን ከተሞችን ዳግም መቆጣጠሩ የዚሁ ወታደራዊ ፉክክር ማሳያ መሆኑን ገልጸዋል።

ነገ ወይም ከነገ ወዲያ በጦር ሜዳው ምን ሊፈጠር እንደሚችል በእርግጠኝነት መናገር ባይቻልም፣ ከተሞች እና የጦር ሰፈሮች እንደየሁኔታው ከሳምንት ሳምንት በተፋላሚዎቹ እጅ መቀያየራቸው እንደማይቀር አቶ ጌታቸው አስረድተዋል። ይሁን እንጂ በዚህ ሁሉ ምስቅልቅል ውስጥ የማይለወጠው ብቸኛው ሀቅ፣ ምስኪኑ የሱዳን ሕዝብ የሚገኝበት ሰቆቃ እና መከራ ከዕለት ወደ ዕለት እየከፋ መምጣቱ ነው። ተጨማሪ የጡንቻ መፈታተን ለሀገሪቱ የፖለቲካ ቀውስ መፍትሔ እንደማያመጣ ያሰመሩበት አማካሪው፣ ሁለቱም ወገኖች ከተኩስ ይልቅ ንግግር ብቸኛው እና የመጨረሻው አማራጭ መሆኑን አምነው መቀበል አለባቸው ሲሉ መክረዋል። ይህንኑ የሰላም እና የውይይት አማራጭ፣ ከዚህ ቀደም ወደ ፖርት ሱዳን ባቀኑበት ወቅት ለጄኔራል አል-ቡርሃን በአካል ማድረሳቸውንም አስታውሰዋል።

በሱዳን ጉዳይ ጣልቃ ለሚገቡ የውጭ ኃይሎች እና ለዓለም አቀፉ ማኅበረሰብ መልእክት ያስተላለፉት አቶ ጌታቸው፣ የውጭ መንግሥታትም ሆኑ ሌሎች አካላት ለተፋላሚዎቹ የሚያደርጉት ማንኛውም ዓይነት ድጋፍ የኃይል ሚዛኑን በአንዴ እንደማይቀይረው አስገንዝበዋል። በመሆኑም ዓለም አቀፉ ማኅበረሰብ የተለመደውን የዳር ተመልካችነት ትቶ፣ ደግ እና ሩኅሩኅ የሆነው የሱዳን ሕዝብ በከፍተኛ ሁኔታ የተጠማውን እና የሚገባውን ሰላም እንዲያገኝ በተቀናጀ መንገድ ሊሠራ ይገባል ሲሉ ጥሪያቸውን አቅርበዋል።

ቋሚ ሲኖዶስ በአዲስ አበባ ሀገረ ስብከት ጉዳይ የተቋቋመው አጣሪ ኮሚቴ ማስረጃ እንዲቀርብ ጥሪ አቀረበ
#ethiopia | የኢትዮጵያ ኦርቶዶክስ ተዋሕዶ ቤተ ክርስቲያን ቋሚ ሲኖዶስ፣ በአዲስ አበባ ሀገረ ስብከት በሚስተዋሉ የመልካም አስተዳደር ችግሮች ላይ ምርመራ ለማካሄድ የተቋቋመው አጣሪ ኮሚቴ ሕዝብ መረጃና ማስረጃ እንዲያቀርብ ጥሪ አቀረበ።

ኮሚቴው እንደገለጸው፣ በሀገረ ስብከቱና በአጥቢያ አብያተ ክርስቲያናት ደረጃ የተከሰቱ ሕገ-ወጥ ቅጥር፣ ዕድገትና ዝውውር፣ ሕገ-ወጥ የፋይናንስ አሠራሮችና የገንዘብ ዝውውሮች፣ ሕገ-ወጥ የቦታና የቤት ኪራይ ውሎች፣ ተደራራቢ ሥራዎችና መሰል ጉዳዮችን በዝርዝር በማጣራት ከመፍትሔ ሐሳብ ጋር ሪፖርት ለቋሚ ሲኖዶስ ያቀርባል።

በዚህ ሂደት የማጣራት ሥራው በማስረጃ ላይ የተመሰረተ፣ ተቋም ተኮርና ዘላቂ መፍትሔ የሚያመጣ እንዲሆን መረጃዎችን መሰብሰብ፣ መተንተን እና በዲጂታል ቴክኖሎጂ ማደራጀት ዋና የሥራ አቅጣጫው መሆኑን ገልጿል።

ኮሚቴው በተለይም ባለፈው አንድ ዓመት ውስጥ በተጠቀሱት እና ተመሳሳይ የመልካም አስተዳደር ችግሮች ምክንያት ተጎጂ የሆኑ እና በቂ ማስረጃ ያላቸው ግለሰቦች፣ በሥራ ሰዓት የማስረጃቸውን ኮፒ በመያዝ በጠቅላይ ቤተ ክህነት ጽሕፈት ቤት የሕዝብ ግንኙነት መምሪያ በተከፈተው የመረጃ መሰብሰቢያ ቢሮ በመቅረብ፣ በጽሑፍ፣ በድምፅ ወይም በምስል መረጃ እንዲያቀርቡ ጠይቋል።

በተጨማሪም መረጃ የሚያቀርቡ ሰዎች በዚህ ምክንያት ማንኛውም ዓይነት ጉዳት እንዳይደርስባቸው በቋሚ ሲኖዶስ ዋስትና መሰጠቱን አስታውቆ፣ ማንኛውም አካል ያለውን መረጃና ማስረጃ በነጻነት እንዲያቀርብ ጥሪ አቅርቧል።

መግለጫው በአጣሪ ኮሚቴው በሐምሌ 29 ቀን 2018 ዓ.ም. በአዲስ አበባ ተሰጥቷል።

Getu Temesgen - (ጌጡ ተመስገን)

ቋሚ ሲኖዶስ በአዲስ አበባ ሀገረ ስብከት ጉዳይ የተቋቋመው አጣሪ ኮሚቴ ማስረጃ እንዲቀርብ ጥሪ አቀረበ
#ethiopia | የኢትዮጵያ ኦርቶዶክስ ተዋሕዶ ቤተ ክርስቲያን ቋሚ ሲኖዶስ፣ በአዲስ አበባ ሀገረ ስብከት በሚስተዋሉ የመልካም አስተዳደር ችግሮች ላይ ምርመራ ለማካሄድ የተቋቋመው አጣሪ ኮሚቴ ሕዝብ መረጃና ማስረጃ እንዲያቀርብ ጥሪ አቀረበ።

ኮሚቴው እንደገለጸው፣ በሀገረ ስብከቱና በአጥቢያ አብያተ ክርስቲያናት ደረጃ የተከሰቱ ሕገ-ወጥ ቅጥር፣ ዕድገትና ዝውውር፣ ሕገ-ወጥ የፋይናንስ አሠራሮችና የገንዘብ ዝውውሮች፣ ሕገ-ወጥ የቦታና የቤት ኪራይ ውሎች፣ ተደራራቢ ሥራዎችና መሰል ጉዳዮችን በዝርዝር በማጣራት ከመፍትሔ ሐሳብ ጋር ሪፖርት ለቋሚ ሲኖዶስ ያቀርባል።

በዚህ ሂደት የማጣራት ሥራው በማስረጃ ላይ የተመሰረተ፣ ተቋም ተኮርና ዘላቂ መፍትሔ የሚያመጣ እንዲሆን መረጃዎችን መሰብሰብ፣ መተንተን እና በዲጂታል ቴክኖሎጂ ማደራጀት ዋና የሥራ አቅጣጫው መሆኑን ገልጿል።

ኮሚቴው በተለይም ባለፈው አንድ ዓመት ውስጥ በተጠቀሱት እና ተመሳሳይ የመልካም አስተዳደር ችግሮች ምክንያት ተጎጂ የሆኑ እና በቂ ማስረጃ ያላቸው ግለሰቦች፣ በሥራ ሰዓት የማስረጃቸውን ኮፒ በመያዝ በጠቅላይ ቤተ ክህነት ጽሕፈት ቤት የሕዝብ ግንኙነት መምሪያ በተከፈተው የመረጃ መሰብሰቢያ ቢሮ በመቅረብ፣ በጽሑፍ፣ በድምፅ ወይም በምስል መረጃ እንዲያቀርቡ ጠይቋል።

በተጨማሪም መረጃ የሚያቀርቡ ሰዎች በዚህ ምክንያት ማንኛውም ዓይነት ጉዳት እንዳይደርስባቸው በቋሚ ሲኖዶስ ዋስትና መሰጠቱን አስታውቆ፣ ማንኛውም አካል ያለውን መረጃና ማስረጃ በነጻነት እንዲያቀርብ ጥሪ አቅርቧል።

መግለጫው በአጣሪ ኮሚቴው በሐምሌ 29 ቀን 2018 ዓ.ም. በአዲስ አበባ ተሰጥቷል።

Getu Temesgen - (ጌጡ ተመስገን)

(ዘ-ሐበሻ ዜና) የአሜሪካ የሀገር ውስጥ ደህንነት መሥሪያ ቤት በፕሬዝዳንት ጆ ባይደን የሥልጣን ዘመን በፈረንጆቹ 2022 የወጣውን “በመንግሥት ላይ ጥገኛ መሆን” (ፐብሊክ ቻርጅ) የሚለውን የኢሚግሬሽን መመሪያ የሚሽር የመጨረሻ ውሳኔ ማውጣቱን አስታወቀ። ይህ እርምጃ የሀገሪቱ የኢሚግሬሽን ሕግ፣ ወደ አሜሪካ የሚመጡ የውጭ ዜጎች በራሳቸው የሚተማመኑ እና በግብር ከፋዩ ሕዝብ ገንዘብ በሚሸፈኑ የመንግሥት ድጎማዎች ላይ ጥገኛ እንዳይሆኑ ከሚያዘው የኮንግረሱ ቀጥተኛ ፍላጎት ጋር ይበልጥ እንዲጣጣም ለማድረግ ያለመ መሆኑ ተገልጿል።

በሀገሪቱ የኢሚግሬሽን እና ዜግነት ሕግ መሠረት፣ ለማንኛውም ዓይነት ቪዛ፣ ወደ ሀገር ውስጥ ለመግባት ወይም የነዋሪነት ደረጃን ለማስተካከል (ግሪን ካርድ) የሚያመለክት ማንኛውም ሰው በማንኛውም ጊዜ በመንግሥት ላይ ሸክም ወይም ጥገኛ ሊሆን ይችላል ተብሎ ከተገመተ ወደ ሀገሪቱ እንዳይገባ የመከልከል መብት አለ። አሁን የተሰረዘው የባይደን ዘመን ደንብ መሥሪያ ቤቱ ሊመረምራቸው የሚችላቸውን የጥቅማ ጥቅሞች ዓይነቶች በመገደብ፣ የኢሚግሬሽን ኦፊሰሮች በኮንግረሱ በተቀመጠው መሠረት ሁሉንም ተዛማጅ ሁኔታዎች በጥልቀት እንዳይመለከቱ አግዶ የነበረ መሆኑ ተጠቅሷል። በአዲሱ መመሪያ መሠረት ግን፣ ኦፊሰሮች የእያንዳንዱን አመልካች ሁኔታ በተናጠል በመመርመር ሁሉንም ተዛማጅ እውነታዎች እንዲገመግሙ ሙሉ ሥልጣን ተሰጥቷቸዋል።

የአሜሪካ የዜግነት እና የኢሚግሬሽን አገልግሎት ቃል አቀባይ ዛክ ኬለር በሰጡት መግለጫ "የትራምፕ አስተዳደር የሕግ የበላይነትን እያስከበረ እና አሜሪካውያን ግብር ከፋዮች በመንግሥት ጥቅማ ጥቅሞች ላይ ጥገኛ ሊሆኑ ለሚችሉ የውጭ ዜጎች ድጎማ እንዳያደርጉ እየጠበቀ ነው፤ ተቋማችን የአሜሪካውያንን ደኅንነት፣ ጥበቃ እና የፋይናንስ ደህንነት ለማረጋገጥ ቁርጠኛ ነው" ብለዋል።

ይህ አዲስ መመሪያ በፈረንጆቹ መስከረም 18 ቀን 2026 ዓ.ም. ጀምሮ ሙሉ በሙሉ ወደ ትግበራ የሚገባ ሲሆን፣ ተቋሙ አዲስ የተሻሻለ የቋሚ መኖሪያ ፈቃድ ወይም የነዋሪነት ደረጃ ማስተካከያ ማመልከቻ ቅጽ (ፎርም አይ-485) ይፋ ያደርጋል። ሕጉ መተግበር ከሚጀምርበት ቀን ጀምሮ በፖስታ የሚላኩ ወይም በበይነ መረብ (ኦንላይን) የሚገቡ የቆዩ የቅጹ ስሪቶች ሙሉ በሙሉ ተቀባይነት እንደማይኖራቸው ተገልጿል።

(ዘ-ሐበሻ ዜና) የእስራኤል መከላከያ ሚኒስትር እስራኤል ካትስ ከአሜሪካው አቻቸው የመከላከያ ሚኒስትር ፒት ሄግሴት ጋር በሌሊት በስልክ መወያየታቸውን መሥሪያ ቤታቸው አስታውቋል።

በውይይቱ ወቅት የአሜሪካው መከላከያ ሚኒስትር ፒት ሄግሴት አሜሪካ በኢራን ውስጥ ስላከናወነቻቸው ወታደራዊ እንቅስቃሴዎች ለካትስ ማብራሪያ የሰጡ ሲሆን፣ ሁለቱ መሪዎች በቀጣይ ሊፈጠሩ በሚችሉ ማናቸውም አዳዲስ ሁኔታዎች ዙሪያ በሀገራቱ መካከል ያለውን ወታደራዊና ዲፕሎማሲያዊ ትብብር አጠናክሮ ለመቀጠል ተስማምተዋል።

በሌላ በኩልም መከላከያ ሚኒስትር ካትስ እስራኤል በሶሪያ፣ በጋዛ እና በሊባኖስ ግንባሮች እያከናወነቻቸው ስላሉት ወታደራዊ ተግባራት እና ስምሪቶች ለአሜሪካው አቻቸው ገለጻ አድርገውላቸዋል።

ካትስ በመግለጫቸው ላይ «እስራኤል በድንበሮቿ አካባቢ አሜሪካ በእሷ ምትክ ወታደራዊ እርምጃ እንድትወስድላት ፈልጋም ሆነ ጠይቃ አታውቅም። እኛ የእስራኤልን ዜጎች ከማንኛውም ዓይነት ስጋት የመከላከል ፅኑ ኃላፊነትና ቁርጠኝነት አለብን፤ ለወደፊቱም የምናደርገው ይህንኑ ነው» በማለት የሀገራቸውን ሉዓላዊ አቋም አስምረውበታል።

(ዘ-ሐበሻ ዜና) በቴህራን የሚገኘው የተግባራዊ ሳይንስ እና ቴክኖሎጂ ዩኒቨርሲቲ ፕሮፌሰር የሆኑት ሞስታፋ ኾሽቼሽም ለአልጀዚራ እንደተናገሩት በቀድሞው ጠቅላይ መሪ አሊ ኻሜኒ ላይ የተፈጸመውን ግድያ ተከትሎ በሚሊዮኖች የሚቆጠሩ ኢራናውያን የበቀል እርምጃ እንዲወሰድ አጥብቀው እየጠየቁ ይገኛሉ። ፕሮፌሰሩ ይህን ያሉት የቀድሞው መሪ የሽኝት ስነ-ስርዓት ከመካሄዱ በፊትም ህዝቡ ቁጣውን ሲገልጽ እንደነበር በማስታወስ ነው።

አዲሱ ጠቅላይ መሪ ሞጅታባ ኻሜኒ የአባታቸውን ግድያ ለመበቀል የገቡትን ቃል በተመለከተ ፕሮፌሰሩ ሲያብራሩ፣ ኢራናውያን በየምሽቱ አደባባይ በመውጣት እያሰሙ ያሉት ድምጽ እያደገ ለመጣው የህዝብ የበቀል ጥያቄ ትክክለኛ ምላሽ መሆኑን ገልጸዋል።

"አሜሪካውያን የኢራንን መሪ እና ከፍተኛ ጄኔራሎች መግደላቸው ትክክል ነው፣ ኢራናውያንም ይህን አምነው ዝም ብለው መቀመጥ አለባቸው የሚል ማንም ሰው በዓለም ላይ ይኖራል ብዬ አላምንም" ያሉት ኾሽቼሽም፣ አሜሪካውያን ለፈጸሙት ጥቃት ተገቢውን ዋጋ ካልከፈሉ፣ በአደባባይ እያስጠነቀቁ እንዳሉት አዲሱንም ጠቅላይ መሪ ከመግደል ወደኋላ እንደማይሉ ስጋታቸውን አስቀምጠዋል።

አሜሪካውያን ከኢራን ጋር ለሚደረግ ለማንኛውም ዓይነት ስምምነት ታማኝ ሆነው ስለማያውቁ፣ በቀጣይ ቀናት በሁለቱ ሀገራት መካከል ያለው ግጭት እና ወታደራዊ ውጥረት መባባሱ ፈጽሞ የማይቀር ጉዳይ መሆኑን ምሁሩ አክለው አስጠንቅቀዋል።

ለቀጣናው ዋስትና እየሆነች ያለች ሀገር

የኢትዮጵያ የፀጥታና የደኅንነት ተቋማት ዘመናዊ ቴክኖሎጂንና ሰብአዊ አቅምን በማስተባበር በቀጣናው ሰላምና መረጋጋት ለማስፈን የጎላ ሚና እየተጫወቱ ይገኛሉ።

በሀገር መከላከያ ሰራዊት፣ በብሔራዊ መረጃና ደኅንነት እና በፌደራል ፖሊስ የተገነባው ይህ አስተማማኝ አቅም ቀጣናዊ የሽብር አደጋዎችን እና ሕገ-ወጥ የሰዎችና የጦር መሳሪያ ዝውውርን በመከላከል ረገድ ለአፍሪካ ቀንድ የማይተካ የደኅንነት ዋስትና ሆኗል።

የአፍሪካ ቀንድ ቀጣና በጂኦ-ፖለቲካዊ አቀማመጡ፣ በተለዋዋጭ የደኅንነት ምኅዳር እና በተለያዩ የድንበር ተሻጋሪ አደጋዎች የተከበበ ነው።

በእነዚህ ፈተናዎች መካከል ኢትዮጵያ ታሪካዊ ክብሯን እና የሕዝቦቿን ሰላም ለማስጠበቅ የገነባቻቸው የደኅንነትና የፀጥታ ተቋማት፤ በማንኛውም ዓይነት የውስጥም ሆነ የውጭ ሤራ የማትበገር ጽኑ ሀገር መሆኗን በተግባር እያሳዩ ይገኛሉ።

ተቋማቱ በሰው ኃይልና በዘመናዊ ቴክኖሎጂ የታገዘ አቅም በመገንባታቸው ተልዕኳቸውን በብቃት እየተወጡ ይገኛሉ።

ባለፉት ሀገራዊ የለውጥ ዓመታት ውስጥ መንግሥት ከተገበራቸው የሪፎርም አምዶች አንዱ ጠንካራና ገለልተኛ የፀጥታና የደኅንነት ተቋማትን መገንባት ነበር።

የሀገር መከላከያ ሠራዊት በቴክኖሎጂ፣ በመረጃና በሳይበር ሥርዓት የዘመነ አቅም በመገንባት ላይ ይገኛል።

ሰራዊቱ በዓለም አቀፍ ደረጃ እውቅናን ያተረፈ ሲሆን፣ ኢትዮጵያን ለቀጣናው ሀገራት መከታና የሰላም ምሰሶ አድርጓታል።

የብሔራዊ መረጃና ደኅንነት አገልግሎት በበኩሉ የቀጣናውን የፀጥታ ሁኔታ በጥልቀት በመተንተን አሸባሪ ቡድኖችና አደገኛ አውታረ መረቦችን ቀድሞ በመምታት ሀገራዊና ቀጣናዊ ሰላምን በማስጠበቅ ግንባር ቀደም ሚና እየተጫወተ ይገኛል፡፡

የኢፌዴሪ አየር ኃይል ዓለም አቀፍ ደረጃቸውን የጠበቁ ስልታዊ ድሮኖችን በመታጠቅ የአየር ክልሉን ፍፁም የማይደፈር አድርጎታል።

የኢትዮጵያ የባሕር ኃይል ደግሞ ኢትዮጵያ በግፍ ወደ ተነጠቀችው የባህር በር ለመመለስና የኢትዮጵያን የወደፊት የኢኮኖሚና የደኅንነት ጥቅም ለመጠበቅ በንቃት ራሱን አደራጅቶ ለተልእኮ እየተዘጋጀ ይገኛል።

በአጠቃላይ የአፍሪካ ቀንድ ለዓለም አቀፍ የሽብር ቡድኖች፣ ለሕገ-ወጥ የጦር መሳሪያና የሰዎች ዝውውር ተጋላጭ ነው።

የኢትዮጵያ የፀጥታ ተቋማት መረጃዎችን በወቅቱ በመለዋወጥ እና በማክሸፍ በቀጣናው ላይ ሊደርሱ የሚችሉ አደጋዎችን አስቀርተዋል።

የኢትዮጵያ አቪዬሽን ሴኪዩሪቲ አሰራሮች ምንም ዓይነት የስጋት ደረጃ እንደሌለባቸው የዓለም አቀፉ ሲቪል አቪዬሽን ድርጅት ያረጋገጠው፣ ተቋማቱ ዓለም አቀፍ ደረጃቸውን የጠበቁ መሆናቸውን አሳይቷል።

አዳዲስ ጦርነቶች በሳይበር ሥርዓት እና በፈጣን መረጃ ልውውጥ ላይ በተመሰረቱበት በዚህ ዘመን፣ የሀገሪቱ የሳይበር ደኅንነት ተቋማት ሀገራዊና ቀጣናዊ መሠረተ ልማቶችን ከአደጋ በመጠበቅ አስተማማኝ ዋስትና ሆነዋል።

የኢትዮጵያ የደኅንነትና የፀጥታ ተቋማት ሁለንተናዊ አቅም የኢትዮጵያን ሉዓላዊነት፣ ሰላምና ልማት ከማረጋገጥ ባለፈ ለቀጣናው አፍሪካ ቀንድ የሰላምና መረጋጋት ትልቅ ዋስትና ናቸው።

ተቋማቱ በዘመናዊ ቴክኖሎጂ፣ በሰለጠነ የሰው ኃይል እና በብቃት በመታገዛቸው ኢትዮጵያ በቀጣናው ያላትን የፖለቲካና የደኅንነት አጋርነት አጠናክረው የሚያስቀጥሉ ናቸው፡፡

የኢትዮጵያ የደኅንነት እና የፀጥታ ተቋማት ሁለንተናዊ አቅም
**************************

ኢትዮጵያ ታሪካዊ ክብሯን እና የሕዝቦቿን ሰላም ለማስጠበቅ የገነባቻቸው የደኅንነት እና የፀጥታ ተቋማት በማንኛውም ዓይነት የውስጥም ሆነ የውጭ ጠላት ሤራ የማትበገር እና የማትሸበር ጽኑ ሀገር መሆኗን በተግባር እያሳዩ ይገኛሉ።

ይህ አስተማማኝ አቅም የተገነባው ከሀገር መከላከያ ባሻገር ዘመኑ በደረሰበት ከፍተኛ የቴክኖሎጂ እና የሥልጠና ልክ ራሳቸውን ባደራጁ ልዩ ልዩ የደኅንነት፣ የቴክኖሎጂ እና የስትራቴጂክ ተቋማት ጥምረት ነው።

በዚህ ዘመናዊ የደኅንነት መዋቅር ውስጥ ግንባር ቀደም ተጠቃሽ የሆነው የኢፌዴሪ አየር ኃይል የላቁ የረጅም ርቀት ሚሳኤሎችን እና ዓለም አቀፍ ደረጃቸውን የጠበቁ ስልታዊ ድሮኖችን በመታጠቅ የአየር ክልሉ ፍፁም የማይደፈር አድርጎታል።

ከዚህ ጎን ለጎን የኢትዮጵያ ባሕር ኃይል የኢትዮጵያን የወደፊት ላይ ጥቅም እና ቀጣናዊ ደኅንነት በአስተማማኝ ሁኔታ ለመጠበቅ ሌት ተቀን እየተጋ የሚገኝ ስልታዊ ተቋም ነው።

የዘመኑ ጦርነት ከሜዳ ባለፈ በቴክኖሎጂ የሚመራ በመሆኑ በሳይበር ምህዳር ኢትዮጵያን ለመጠበቅ የኢንፎርሜሽን መረብ ደኅንነት አስተዳደር (INSA) እና የስትራቴጂክ መረጃዎችን አስቀድሞ በመተንተን ሴራዎችን የሚያከሽፈው የብሔራዊ መረጃና ደኅንነት አገልግሎት (NISS) ሌሎቹ የኢትዮጵያ የጀርባ አጥንቶች ናቸው።

እነዚህ ተቋማት የሀገርን የዲጂታል ሉዓላዊነት የባንክ እና የኮሙኒኬሽን መዋቅሮችን ከሳይበር ጥቃት ከመታደግ ባለፈ ጠላቶች የሚነዙትን የሥነልቦና ጦርነት እና ድብቅ ሤራዎች አስቀድመው በማምከን ረገድ ወደር የለሽ አቅም ገንብተዋል።

ይህ የተቀናጀ የተቋማት ግንባታ ኢትዮጵያ በምንም ዓይነት ሁኔታ ውስጥ ብትሆን የማትነቃነቅ በልጆቿ ጥበብ እና ፅናት የምትመራ መሆኗን በተግባር ያረጋገጠ እና ለትውልድ የሚተርፍ ታላቅ ሀገራዊ ኩራት ነው።

በሃና ምንዳሁን
#ethiopia #ebc #ebcdotstream #nationalsecurity #airforce #maritimedefense #insa #cybersecurity #ethiopiadefends

የአበጋር ሥርዓት ለሰላም …

አዲስ አበባ፣ ሰኔ 29፣ 2018 (ኤፍ ኤም ሲ) በኢትዮጵያ ዘላቂ ሰላምን ለማስፈንና ብሔራዊ አንድነትን ለመገንባት በሚደረገው ወሳኝ የሀገራዊ ምክክር ሒደት ውስጥ፣ የሀገር በቀል ዕውቀቶችና የባሕላዊ ዕርቅ ሥርዓቶች ሚና በቀላሉ የሚታይ አይደለም።

ለዚህ ደግሞ በአማራ ክልል በወሎ አካባቢ ለዘመናት የዘለቀው እና ማሕበረሰባዊ መስተጋብርን በማጠናከር ረገድ ትልቅ አቅም ያለው የ“አበጋር” የባሕላዊ ዳኝነትና የሽምግልና ሥርዓት በምሳሌነት የሚጠቀስ ታላቅ የሀገር ሃብት ነው።

ይህ ሥርዓት ከግለሰቦች አለመግባባት ጀምሮ እስከ ደም መቃባት የደረሱ ከባድ ማሕበረሰባዊ ቀውሶችን ያለ ምንም የመንግሥት የኃይል መዋቅር፣ በእውነትና በፈሪሃ ፈጣሪ ላይ ብቻ ተመስርቶ የመፍታት ጥበብ ያለው ሥርዓት ነው።

አንዱ ወገን አሸናፊ ሌላኛው ደግሞ ተሸናፊ ሆኖ ስለሚወጣ ቁርሾውና ቂሙ ለትውልድ የመሸጋገር ዕድል ካለው የመደበኛው የፍርድ ቤት ክርክር የሚለየው የአበጋር ሥርዓት ዋነኛ ፍልስፍናው ‘ሁለቱም አሸናፊ’ የሚያደርገውን እና ሁለቱንም ወገኖች የሚያስማማ የፍትሕ መርህን ይከተላል።

በአበጋር ሥርዓት በዳይ ጥፋቱን አምኖ ይቅርታ የሚጠይቅበት፣ ለተበደለው አካልም ተገቢው ካሳ የሚሰጥበት እና ሁለቱም ወገኖች ቂማቸውን አጥፍተው ወደ ቀድሞው የማሕበራዊ ትስስር ሕይወታቸው የሚመለሱበት በመሆኑ የነገን ቁርሾ ከሥሩ ነቅሎ መጣል የሚያስችል ሥርዓት አለው።

ይህ ዓይነቱ ዘላቂ ሰላምን የማምጣት አቅም አሁን ሀገሪቱ ለምትገኝበትና ዘላቂ አንድነትን ለምትሻበት የሀገራዊ ምክክር ሒደት እጅግ ተፈላጊና መሠረታዊ ግብዓት የመሆን ከፍተኛ አቅም ይዟል።

ሌላው የአበጋር ሥርዓት መገለጫ ለፍትሕ መረጋገጥ የሚሰጠው ፍጹም ታማኝነትና ከማንኛውም ዓይነት ሙስና የጸዳ መሆኑ ሲሆን÷ በሥርዓቱ ውስጥ የሚሳተፉ ሽማግሌዎች የሰውን እጅ የማያዩ የእውነትና የሕሊና ሰዎች በመሆናቸው በማኅበረሰቡ ዘንድ ያላቸው ቅቡልነት እጅግ ከፍተኛ ነው።

ማኅበረሰቡ ለአበጋሮች ቃል የሚገዛበትና የሚታመንበት የሕግ ልቦና ያለው ይህ ሥርዓት የራሱ የሆነ ‘ቁና ሰፊ’ በመባል የሚታወቅ የሕግ አውጪ እና ‘ቁና ሰፋሪ’ በመባል የሚታወቅ ሕግ ተርጓሚ መዋቅር ያቅፋል።

ከዚህ በተጨማሪ በዓመት አንድ ጊዜ በመሰብሰብ ሕጉን የመከለስና ከዘመኑ ጋር በማስማማት ራሱን በራሱ እያደሰ የመጣ ሕያው የሕግ ተቋም መሆን ችሏል።

ይህ የባሕል ዕሴት ከማንነት፣ ከብሔርና ከሃይማኖት ልዩነት የጸዳ መሆኑ ለሀገራዊ ምክክሩ ያለውን ፋይዳ የጎላ ያደርገዋል።

ከየትኛውም የሀገሪቱ ክፍል የመጣ ማንኛውም ሰው ችግር ሲገጥመው ያለ ምንም የባዕድነት ስጋት እኩል ፍትሕና አቀባበል እንዲያገኝ የሚያደርገው ሥርዓቱ ኢትዮጵያውያን የጋራ የሰላም እሴቶችና ታሪካዊ መስተጋብሮች እንዳሏቸው ትልቅ ማሳያ ነው።

በአሁኑ ወቅት ኢትዮጵያ እያከናወነች በምትገኘው የሀገራዊ ምክክር ሒደት ውስጥ ስኬትን ለማስመዝገብ፣ እንደ አበጋር ያሉ የሀገር በቀል የግጭት አፈታትና የዕርቅ ሥርዓቶችን ማዕከል ማድረግ ይገባል።

እነዚህን እሴቶች በደንብ አጥንቶ፣ መዝግቦና አደራጅቶ መጠቀም የሕዝቦችን ዘላቂ ሰላምና አብሮነት ለማረጋገጥ ያለውን ሚና ከግምት ውስጥ በማስገባት እና ለእነዚህ የሀገር ሀብት ልዩ ትኩረትና ድጋፍ በመስጠት፣ ከማኅበረሰቡ ተሰሚነት ካላቸው የሀገር ሽማግሌዎች ጋር በቅንጅት መሥራት ያስፈልጋል።

የሀገር ሰላም እና አንድነት በዘላቂነት ሊረጋገጥ የሚችለው ከውጭ በሚመጡ ፍልስፍናዎች ሳይሆን፣ እንደ አበጋር ካሉ ከኢትዮጵያውያን ሥነ ልቦና፣ እምነትና ነባራዊ አስተሳሰብ ውስጥ ተጨምቀው ከወጡ የውስጥ የሰላም መሣሪያዎች ጋር ማስተሳሰር ሲቻል ነው።

በዮናስ ጌትነት

የላሊበላ ውቅር አቢያተክርስቲያናት በዓለም ቁንጮ ተጓዦች ከተመረጡ 5 ምርጥ የዩኔስኮ ቅርሶች መካከል ተካተተ
******************

በዓለም ላይ ያሉትን ሀገራት በሙሉ በመጎብኘት “UN Grandmaster” የተባለውን ታዋቂ የክብር ማዕረግ ያገኙ የዓለማችን ቁንጮ ተጓዦች፣ የሚመክሯቸውን ምርጥ የጉዞ መዳረሻዎች ይፋ አድርገዋል።

በታዋቂው የዜና አውታር ‘ዩሮኒውስ’ (Euronews) በተደረገ ጥናት፣ እነዚህ ሁሉንም የዓለም ክፍሎች ያዩ አንጋፋ ተጓዦች ካስቀመጧቸው ተወዳጅ የዩኔስኮ የዓለም ቅርሶች መካከል የላሊበላ ውቅር አብያተ ክርስቲያናት በግንባር ቀደምትነት ከምርጥ 5 ውስጥ መካተት ችሏል።

ይህ በዓለም አቀፍ ደረጃ የተሰጠ ምስክርነት፣ ኢትዮጵያ አስደናቂ ታሪክና አስገራሚ ጥንታዊ ሥልጣኔ ባለቤት መሆኗን በድጋሚ ያረጋገጠ ነው። ተጓዦቹ እንደ አንኮር ዋት እና ታላቁ የቻይና ግንብ ካሉ ታዋቂ ቅርሶች ጎን ለጎን የላሊበላን ድንቅ የጥበብ ጥልቅነት እና መንፈሳዊ ግርማ ምስክርነታቸውን የሰጡ ሲሆን፣ ይህም ለዓለም አቀፍ ጎብኚዎች ሊታይ የሚገባው ቀዳሚ የጉዞ ዕንቁ መሆኑን ያሳያል።

መንግሥት ይህንን ዓለም አቀፍ ዕውቅና ይበልጥ ለማጎልበት የላሊበላን ውቅር አብያተ ክርስቲያናት ከማንኛውም ዓይነት የተፈጥሮና ሰው ሠራሽ አደጋዎች ለመጠበቅ፣ ለመንከባከብ እንዲሁም ከዘላቂ የቅርስ ልማትና ጥበቃ መርሆዎች ጋር በተጣጣመ መልኩ ለትውልድ ለማስተላለፍ ትልቅ ትኩረት ሰጥቶ እየሠራ ይገኛል።

ከዚህም ጋር ተያይዞ የቅርስ ጥበቃ ሥራዎችን ከዘመናዊ የቱሪዝም መሠረተ ልማት ዝርጋታ ጋር በማቀናጀት፣ አካባቢው ለጎብኚዎች ምቹና ደኅንነቱ የተጠበቀ እንዲሆን በማድረግ የቱሪዝም ዘርፉ ለሀገር ኢኮኖሚና ለአካባቢው ማኅበረሰብ የሚያበረክተውን ሁለንተናዊ ጥቅም ለማሳደግ መንግሥት በትጋት እየተንቀሳቀሰ መሆኑን የቱሪዝም ሚኒስቴር መረጃ አመላክቷል።
#ethiopianbroadcastingcorporation #lalibela #unescoheritage #visitethiopia #landoforigins #lalibelaethiopia

(ዘ-ሐበሻ ዜና) ከትናንት ጀምሮ በተለያዩ የማህበራዊ ሚዲያ ገጾች ላይ "የአማራ ክልል ከፍተኛ አመራሮች ከፋ ኖ ተወካዮች ጋር ድርድር ለማድረግ በኬንያ ናይሮቢ ተቀምጠዋል" በሚል በስፋት ሲሰራጭ የነበረው መረጃ ሙሉ በሙሉ ሐሰተኛ መሆኑን ዘ-ሐበሻ ማረጋገጥ ችሏል። ምንጮቻችን እንዳረጋገጡት፣ የክልሉ አመራሮች ወደ ናይሮቢ ያቀኑት ለማንኛውም ዓይነት የፖለቲካ ድርድር ሳይሆን፣ ከውሃ፣ ሳኒቴሽን እና ሃይጅን (WASH - Water, Sanitation, and Hygiene) ፕሮጀክት ጋር በተያያዘ ልማታዊ ስራ ነው።

ወደ ኬንያ የተጓዘው የልዑካን ቡድን የክልሉን ከፍተኛ አመራሮች ያካተተ ነው። ከድምጽ መረጃዎች ማረጋገጥ እንደተቻለው በልዑካን ቡድኑ ውስጥ የአማራ ክልል ብልጽግና ፓርቲ ጽ/ቤት ኃላፊ አቶ ይርጋ ሲሳይ፣ የአማራ ክልል ምክትል ርዕሰ መስተዳድር ዶክተር አብዱ፣ በምክትል ርዕሰ መስተዳድር ማዕረግ የሰላምና ደህንነት ክላስተር አስተባባሪ የሆኑት ዶክተር አማኑኤል ይገኙበታል። በተጨማሪም የክልሉ ምክር ቤት አፈ-ጉባኤ ወይዘሮ ፋንቱ በቀለ፣ የትምህርት ቢሮ ኃላፊው አቶ ጥላሁን፣ እንዲሁም ስማቸው ያልተገለጸ የውሃ ሀብት ቢሮ ኃላፊ የዚህ ጉዞ አካል ናቸው።
ይህ የWASH (የውሃና ንጽህና) ፕሮጀክት ጉዞ ለምን አስፈለገ? የክልሉ አመራሮች ይህንን ፕሮጀክት አንግበው ወደ ኬንያ ማቅናታቸው ከፖለቲካው ጀርባ ያለውን የክልሉን የጤና እና የመሰረተ ልማት ቀውስ ለመፍታት ያለመ ነው። ለዚህም በቅርቡ በአማራ ክልል የትራኮማ በሽታ ስርጭት እና የውሃ አቅርቦት ትስስርን አስመልክቶ ይፋ የተደረገው አዲስ ዓለም አቀፍ ጥናት በቂ ማሳያ ነው።

በአማራ ክልል ዕድሜያቸው ከ1 እስከ 9 ዓመት በሆኑ ህጻናት ላይ የተካሄደው ይህ ጥናት እንዳመለከተው፣ በክልሉ የትራኮማ በሽታ (TF) አማካይ ስርጭት 25.1 በመቶ ደርሷል። ትራኮማ በዓለም አቀፍ ደረጃ ለዓይነ ስውርነት ከሚዳርጉ ተላላፊ በሽታዎች ቀዳሚው ሲሆን፣ ይህን በሽታ ለመከላከል ደግሞ የውሃ አቅርቦት እና የፊት ንጽህና (WASH) ወሳኝ ሚና አላቸው። ጥናቱ እንዳረጋገጠው፣ ከ30 ደቂቃ ባነሰ የእግር ጉዞ ርቀት ውስጥ የንጹህ መጠጥ ውሃ ማግኘት በሚችሉ ማህበረሰቦች ውስጥ፣ የትራኮማ በሽታ ስርጭት በከፍተኛ ሁኔታ ዝቅተኛ ሆኖ ተገኝቷል።
በመሆኑም፣ በሽታውን ከክልሉ ሙሉ በሙሉ ለማጥፋት የንጹህ መጠጥ ውሃ አቅርቦት መሰረተ-ልማትን ማሳደግ እጅግ ወሳኝ ነው። የውሃ ሀብት ቢሮ፣ የትምህርት ቢሮ (በትምህርት ቤቶች የውሃ እና ንጽህና አቅርቦትን ከማሳደግ አኳያ)፣ እንዲሁም የክልሉ ከፍተኛ አመራሮች በኬንያ ናይሮቢ እያደረጉት ያለው ቆይታም፣ ይህንኑ የህዝብ ጤና እና የንጹህ መጠጥ ውሃ አቅርቦት ችግር የሚፈታውን የWASH ፕሮጀክት ለማጠናከር፣ የገንዘብ ድጋፍ ለማፈላለግ እና ልምድ ለመለዋወጥ ያለመ መሆኑ ተረጋግጧል።

ማህበረሰቡ እና የሚዲያ ተከታታዮች በማህበራዊ ሚዲያ ለሚለቀቁ እና የፖለቲካ ትርፍ ለማግኘት ለሚፈበረኩ የሐሰት ወሬዎች ጆሮ ከመስጠት ይልቅ፣ ከእውነተኛ ምንጮች የተረጋገጡ መረጃዎችን ብቻ ሊከታተሉ እንደሚገባ ማሳሰቢያ ተላልፏል። ማረጋገጥ እንደቻልነው የአመራሮቹ የኬንያ ጉዞ ከፋኖ ድርድር ጋር ምንም ዓይነት ግንኙነት የሌለው፣ እና ከላይ በተጠቀሰው የንጹህ መጠጥ ውሃ እና ንጽህና (WASH) ፕሮጀክት ዙሪያ ላይ ብቻ ያተኮረ ነው።

የትግራይ ኃይሎች ከኤርትራ ጋር በማበር አዲስ ጥቃት ለመሰንዘር አቅደዋል ተባለ 

ኢትዮጵያ በትግራይ ሕዝባዊ ወያኔ ሓርነት ግንባር (ትህነግ) ውስጥ የሚገኙ አክራሪ  አቋም ያላቸው አካላት በፌዴራል መንግሥቱ ላይ አዲስ ወታደራዊ ጥቃት ለመሰንዘር እየተዘጋጁ ነው ስትል መክሰሰሷን ሶማሊ ሪፖርት ዘግቧል።

ይህ እቅድ አውዳሚውን የትግራይ ጦርነት ተከትሎ የተገኘውን ደካማ ሰላም አደጋ ላይ ሊጥል እንደሚችል መንግሥት አስጠንቅቋል። በአልጀዚራ በተሰማው መረጃ መሰረት፥ የኢትዮጵያ ባለሥልጣናት የትህነግ መሪዎች ከጎረቤት ኤርትራ በሚያገኙት ድጋፍ በመታገዝ በሚቀጥሉት ቀናት ጥቃት ለመሰንዘር እያቀዱ መሆኑን ገልጸዋል።

ይህ ክስ የቀረበው የ600 ሺህ ሰዎችን ሕይወት የቀጠፈውን የሁለት ዓመት ጦርነት ያቆመውን የ2022ቱን የፕሪቶሪያ የሰላም ስምምነት በመጣስ ቡድኑ አዲስ ግጭት ለመቀስቀስ እየሞከረ ባለበት ወቅት ነው ተብሏል። በተጨማሪም ኢትዮጵያ ትህነግን በፌዴራል መንግሥት የሚደገፈውን የትግራይ ጊዜያዊ አስተዳደር በማፍረስ፣ በምትኩ ሕገ-ወጥ የተባለ ክልላዊ አስተዳደር  አቋቁሟል ስትል ከሳለች። ይህ ውንጀላ የመጣው ትህነግ ቀደም ሲል ታግዶ የነበረውን የክልል ምክር ቤት  መልሶ ለማቋቋም ከወሰነ በኋላ ቢሆንም፥ ቡድኑ እስካሁን ለቀረበበት ክስ ይፋዊ ምላሽ አልሰጠም

በአዲስ አበባና በአስመራ መካከል ያለው ግንኙነት ከቅርብ ዓመታት ወዲህ እየተበላሸ መምጣቱ በሰሜን ኢትዮጵያ የሚቀሰቀስ አዲስ አለመረጋጋት ለአጠቃላይ የአፍሪካ ቀንድ ሰፊ አንድምታ ሊኖረው ይችላል የሚል ሥጋት ፈጥሯል። ማንኛውም ዓይነት ወደ ከፍተኛ ውጊያ መመለስ አሁን ያለውን ተጋላጭ የሰላም ሂደት አደጋ ላይ እንደሚጥልና ቀጠናውን መልሶ ወደ አስከፊ ግጭት ውስጥ የመክተት ዕድል እንዳለው ተንታኞች ያስጠነቅቃሉ።

የአሜሪካ ኤምባሲ በኢየሩሳሌም ለዜጎቹ የአስቸኳይ ጊዜ የጥንቃቄ ማስጠንቀቂያ አስተላለፈ

(ዘ-ሐበሻ ዜና) በኢየሩሳሌም የሚገኘው የአሜሪካ ኤምባሲ በግዛቱ ውስጥ የሚንቀሳቀሱ የአገሪቱ ዜጎች ከፍተኛ ጥንቃቄ እንዲያደርጉ የሚያስጠነቅቅ መመሪያ አውጥቷል። ኤምባሲው ባወጣው መግለጫ በአካባቢው ካለው ከፍተኛ ውጥረት የተነሳ የጸጥታው ሁኔታ ውስብስብ መሆኑንና በፍጥነት ሊለዋወጥ እንደሚችል ገልጿል። በዚህም ምክንያት በመካከለኛው ምስራቅ የሚገኙ የአሜሪካ ዜጎች ቀጣይነት ያለው ጥንቃቄ እንዲያደርጉና አዳዲስ ሁነቶችን ለመከታተል የዜና ማሰራጫዎችን በንቃት እንዲከታተሉ አሳስቧል።

በተጨማሪም ዜጎች ሊከሰት ከሚችል ማንኛውም ዓይነት የየብስም ሆነ የየአየር ላይ ጥቃት ራሳቸውን ለመጠበቅ በአቅራቢያቸው የሚገኝ መጠለያ ያለበትን ቦታ አስቀድመው ማወቅ እንዳለባቸው ማስጠንቀቂያው ያክላል። ኤምባሲው አሁን ባለው የጉዞ መመሪያው ወደ እስራኤል እና አብዛኞቹ የባህረ ሰላጤው አገራት የሚደረጉ ጉዞዎች በድጋሚ ሊታዩ እንደሚገባ የገለጸ ሲሆን፣ ዜጎች ወደ ኢራን፣ ኢራቅ፣ ሊባኖስ፣ ሶሪያ፣ ጋዛ እና የመን ከመጓዝ እንዲቆጠቡ አሳስቧል።

ይህ የጉዞ ክልከላ እና የጥንቃቄ ማስጠንቀቂያ በአሁኑ ወቅት ምን እንደቀሰቀሰው በግልጽ ባይታወቅም፣ ከኢራን ጦርነት በፊት በአምባሳደር ማይክ ሃካቢ የቀረበውን መሰል ማስጠንቀቂያና ዜጎች ቀጠናውን ለቀው እንዲወጡ የተላለፉ የቀደሙ መመሪያዎችን የሚያስታውስ ሆኗል።

ሳውዲ አረቢያ በእስራኤል የተፈጸመውን የሊባኖስ ወታደራዊ ወረራ ኮነነች
#ethiopia | እስራኤል በሊባኖስ ላይ የከፈተችውን ወታደራዊ ጥቃት ሳውዲ አረቢያ አጥብቃ ያወገዘች ሲሆን የእስራኤል ጦር የሊባኖስን ድንበር ጥሶ መግባቱንና የሀገሪቱን ሉዓላዊነት መጣሱን በፍጹም እንደማትቀበለው የሳውዲ አረቢያ የውጭ ጉዳይ ሚኒስቴር አስታውቋል።

ሚኒስቴሩ ዓለም አቀፉ ማህበረሰብ የተጀመረውን ወረራ ለማስቆም እንዲሁም የእስራኤል ወታደራዊ ኃይል በሊባኖስ መሬት ላይ የሚያደርገውን መስፋፋት እንዲያበቃ የድርሻውን ኃላፊነት እንዲወጣ ጥሪ አቅርቧል።

በተጨማሪም የሊባኖስን ሉዓላዊ ፖለቲካዊ መብትና የህዝቧን ሰላም ማስከበር ከዓለም አቀፍ ስምምነቶች አንጻር ወሳኝ መሆኑን ሳውዲ አረቢያ በአጽንኦት ገልጻለች።

የሊባኖስ መንግስት በመላው የአገሪቱ ክልሎች ላይ ሙሉ ስልጣኑን እና ቁጥጥሩን መዘርጋት እንዲችል የጣኢፍ ስምምነት መከበር እንዳለበትም ሚኒስቴሩ አስገንዝቧል።

በመጨረሻም ማንኛውም ዓይነት የጦር መሳሪያ በመንግስትና በህጋዊ የጸጥታ ተቋማት ቁጥጥር ስር ብቻ እንዲሆን የሊባኖስ ባለስልጣናት ያስተላለፉትን ውሳኔ ወደ ተግባር መለወጥ እንደሚገባ የሳውዲ መንግስት አመልክቷል።

ይህ ተግባር በሊባኖስ ምድር ዘላቂ ሰላምና መረጋጋትን ለመገንባት ከፍተኛ አስተዋጽኦ እንደሚኖረው ሚኒስቴሩ ባወጣው መግለጫ ይፋ አድርጓል።
#saudiarabia #israel #lebanon #middleeast #news #getutemesgen #getu #ጌጡ #ጌጡተመስገን #addisababa

(ዘ-ሐበሻ ዜና) የአሜሪካ ማዕከላዊ ዕዝ አዛዥ የሆኑት የባህር ኃይል አድሚራል ብራድ ኩፐር፣ አሜሪካ በየካቲት ወር መገባደጃ ላይ የጀመረችው "ኦፕሬሽን ኤፒክ ፊዩሪ" የተሰኘው ወታደራዊ ዘመቻ የኢራንን ወታደራዊ አቅም እና በቀጠናው ያላትን ተጽዕኖ ፈጣሪነት ሙሉ በሙሉ ማዳከሙን አስታወቁ። አዛዡ ይህንን የተናገሩት በዋሽንግተን ዲሲ ለሴኔቱ የጦር ኃይሎች ኮሚቴ ስለ 2027 የበጀት ዓመት ጥያቄ እና በቀጠናው ስላለው ወታደራዊ አሰላለፍ ምስክርነት በሰጡበት ወቅት ነው።

አዛዡ በምስክርነታቸው እንዳብራሩት፣ የአሜሪካ ኃይሎች ከ40 ቀናት ባነሰ ጊዜ ውስጥ ወታደራዊ ግባቸውን በማሳካት የኢራንን የመከላከል አቅም ክፉኛ መትተዋል። በተለይም ባለፈው ዓመት ሚያዝያ እና ጥቅምት ወራት በእስራኤል ላይ ታይቶ የማያውቅ የጅምላ ሚሳኤል ጥቃት የፈጸመችው ኢራን፣ አሁን ላይ ይህን መሰል ጥቃት የመፈጸም አቅሟ በአሜሪካ ኃይሎች ተወግዷል። አድሚራል ኩፐር አክለውም፣ የኢራን የድሮን፣ የሚሳኤል እና የባህር ኃይል መከላከያ ኢንዱስትሪ በ90 በመቶ መውደሙን እና ቀሪ አቅሟ 10 በመቶ ብቻ መሆኑን አረጋግጠዋል። የኢራን የባህር ኃይል ይህንን ከባድ ውድመት ተቋቁሞ አቅሙን መልሶ ለመገንባት ከ5 እስከ 10 ዓመታት ሊወስድበት እንደሚችልም ወታደራዊ ግምገማቸውን አቅርበዋል።

ይህ ወታደራዊ እርምጃ ፕሬዚዳንት ዶናልድ ትራምፕ ኢራን መቼም ቢሆን የኒውክሌር ጦር መሣሪያ እንዳይኖራት ያስቀመጡትን ብሔራዊ ግብ ለማሳካት ትልቅ ሚና ተጫውቷል። ከዚህም ባሻገር ኢራን በቀጠናው ለሚገኙ አሸባሪ ቡድኖች ስታደርግ የነበረው ቀጥተኛ ያልሆነ ድጋፍ ክፉኛ ተመቷል። ለዓመታት በቢሊዮን የሚቆጠር ዶላር እና የጦር መሣሪያ ሲቀርብላቸው የነበሩት እንደ ሐማስ፣ ሕዝቦላህ እና ሁቲ ያሉ የተኪ ተዋጊ (Proxy) ቡድኖች፣ በዘመቻው ምክንያት ከኢራን የሚያገኙት ማንኛውም ዓይነት ትጥቅም ሆነ ሃብት መቋረጡን አዛዡ አብራርተዋል። ይህ ድል በአጋጣሚ የመጣ ሳይሆን፣ ለወራት የተደረገ ጥንቃቄ የተሞላበት ዕቅድ እና የዓመታት ልምድ ውጤት መሆኑንም አስገንዝበዋል።

"ኦፕሬሽን ኤፒክ ፊዩሪ" የአሜሪካን ወታደራዊ የበላይነት ከማረጋገጥ ባለፈ፣ በመካከለኛው ምሥራቅ ካሉ አጋር አገራት ጋር ያላትን ወታደራዊ ትብብር ወደ አዲስ ምዕራፍ ማሸጋገሩ ተገልጿል። አድሚራል ኩፐር እንደገለጹት የተባበሩት አረብ ኤምሬትስ፣ ባህሬን፣ ኩዌት፣ ኳታር እና ሳዑዲ አረቢያ ከአሜሪካ ጋር ጎን ለጎን በመቆም ራሳቸውንም ሆነ አሜሪካውያንን በመከላከል ከፍተኛ አስተዋጽኦ አበርክተዋል። በተጨማሪም ይህ ግዙፍ ወታደራዊ ስኬት ያለ ዮርዳኖስ እና እስራኤል የጠበቀ አጋርነት ሊሳካ እንደማይችል በመግለጽ፣ ዘመቻው በቀጠናው ያለውን የጸጥታ ትብብር ምን ያህል እንዳጠናከረው መስክረዋል።

ቻይና እና አሜሪካ የሆርሙዝ የባሕር ሰርጥ ክፍት ሆኖ እንዲቆይ ተስማሙ
**********************

የአሜሪካው ፕሬዚዳንት ዶናልድ ትራምፕ እና የቻይናው ፕሬዚዳንት ሺ ጂንፒንግ በቤጂንግ ባደረጉት የፊት ለፊት ውይይት በሆርሙዝ የባሕር ሰርጥ ዙሪያ መክረዋል።

በውይይታቸውም በኢራን ጦርነት ሳቢያ በዓለም አቀፍ ገበያ ላይ ያለው ውጥረት በበረታበት በዚህ ወቅት፣ ስትራቴጂያዊው የሆርሙዝ ባሕር ሰርጥ “ነፃ የኃይል አቅርቦት ፍሰትን ለመደገፍ ሲባል የግድ ክፍት ሆኖ መቆየት አለበት” በሚለው ነጥብ ላይ ፕሬዚዳንት ሺ መስማማታቸውን ኋይት ሐውስ አስታውቋል።

በሌላ በኩል፣ የኢራን የውጭ ጉዳይ ሚኒስትር አባስ አራቅቺ በኒው ዴልሂ፣ በተካሄደው ስብሰባ ላይ የብሪክስ (BRICS) አባል ሀገራት አሜሪካ እና እስራኤል በኢራን ላይ የከፈቱትን ጦርነት እንዲያወግዙት አሳስበዋል።

ሚኒስትሩ “ቴህራን ለማንኛውም ዓይነት ውጫዊ ጫና በፍጹም እጅ እንደማትሰጥ” በአፅንኦት መናገራቸውን አልጀዚራ ዘግቧል።

ይህ በእንዲህ እንዳለ፣ በደቡብ ሊባኖስ ከተሞች እና መንደሮች ላይ የእስራኤል ጥቃቶች አሁንም የቀጠሉ ቢሆንም፣ ግጭቱን በዘላቂነት ለማስቆም ያለመ የሊባኖስ እና የእስራኤል ተደራዳሪዎች ሦስተኛ ዙር የቀጥታ ውይይት በዋሽንግተን ዲሲ በመካሄድ ላይ እንደሚገኝ ተገልጿል።
#globalnews #usa #china #iran #hormuzstrait #brics #diplomacy

(ዘ-ሐበሻ ዜና) በመካከለኛው ምሥራቅ ከእስራኤል እና አሜሪካ ጋር የተፈጠረው የፖለቲካ እና የወታደራዊ ውጥረት ከጊዜ ወደ ጊዜ እጅግ አሳሳቢ ደረጃ ላይ በደረሰበት በዚህ ወቅት፣ የኢራን ጦር ለማንኛውም ዓይነት የውጭ ጥቃት ተመጣጣኝ እና አስተማሪ ምላሽ ለመስጠት በተጠንቀቅ መቆሙን የሀገሪቱ ከፍተኛ ባለሥልጣን በይፋ አስታወቁ። ይህንን ከረር ያለ ማስጠንቀቂያ የሰጡት የኢራን ምክር ቤት አፈ-ጉባኤ እና ሀገሪቱ ከአሜሪካ ጋር ለምታደርገው የኒውክሌር እና የቀጠናዊ ጉዳዮች ድርድር ዋና ተደራዳሪ የሆኑት ሞሃመድ ባገር ጋሊባፍ ናቸው።

አፈ-ጉባኤው በወቅታዊው የቀጠናው ውጥረት ዙሪያ በማኅበራዊ ትስስር ገጻቸው (ኤክስ) ላይ ባሰፈሩት መልዕክት፣ ሀገራቸው የጠላቶቿን እንቅስቃሴ በከፍተኛ ንቃት እየተከታተለች መሆኑን አመላክተዋል። የምዕራባውያንን እና የእስራኤልን የፖለቲካ አካሄድ በፅኑ የኮነኑት ጋሊባፍ፣ "የተሳሳተ ስትራቴጂ እና የተሳሳቱ ውሳኔዎች ምንጊዜም ቢሆን የተሳሳተ እና አውዳሚ ውጤት ይዘው ይመጣሉ፤ ይህንን ሃቅ አሁን ላይ መላው ዓለም በሚገባ ተገንዝቦታል" በማለት ኃያላን ሀገራት በኢራን ላይ የሚያደርጉት ጫና የከፋ መዘዝ ሊያመጣ እንደሚችል አስጠንቅቀዋል።

ከዚህም ባሻገር ቴህራን ሊሰነዘርባት ለሚችል ለማንኛውም ወታደራዊም ሆነ ፖለቲካዊ ጥቃት ራሷን በሚገባ ማዘጋጀቷን የጠቆሙት አፈ-ጉባኤው፣ የኢራንን አቅም ለሚጠራጠሩ ኃይሎች የማያሻማ መልዕክት አስተላልፈዋል። "እኛ ለሁሉም አማራጮች ዝግጁ ነን፤ ጠላቶቻችን በምንወስደው እርምጃ በእጅጉ ይደነቃሉ" በማለት መጪው ጊዜ በመካከለኛው ምሥራቅ ምን ያህል ፈታኝ እና ያልተጠበቁ ክስተቶች ሊስተናገዱበት እንደሚችል ፍንጭ ሰጥተዋል። ይህ የኢራን ከፍተኛ ባለሥልጣን እና ዋና ተደራዳሪ ንግግር፣ በቀጠናው እያንዣበበ ያለውን የለየለት የጦርነት ስጋት ይበልጥ ያረጋገጠ እና የዓለም አቀፉን ማኅበረሰብ ትኩረት በከፍተኛ ሁኔታ የሳበ ሆኗል።

ሌ/ጀ ታደሰ ወረደ ማስጠንቀቂያ ሰጡ

በትግራይ ክልላዊ መንግሥት ውስጥ ያለው የውስጥ የሥልጣን ሽኩቻ ወደ ከረረ ደረጃ መሸጋገሩን ተከትሎ፣ የጊዜያዊ አስተዳደሩ ፕሬዝዳንት ሌተናል ጄነራል ታደሰ ወረደ የተቃውሞ መግለጫ አወጡ።

ዛሬ ሚያዝያ 30 ቀን 2018 ዓ.ም “ተመርጠናል” የሚሉ አካላት በጸጥታ ኃይሎች ታጅበው በጊዜያዊ አስተዳደሩ የካቢኔ አዳራሽ ስብሰባ መጀመራቸውን ገልጸዋል። ድርጊቱ “የሥልጣን ወረራ” መሆኑን የጠቀሱት ጄነራሉ፣ ለሚከተለው ማንኛውም ዓይነት ቀውስ ተጠያቂው ይህ በጉልበት ሥልጣን ለመያዝ የሚንቀሳቀሰው አካል መሆኑን አስታውቀዋል።

seledadotio
seledadotio

ሌ/ጀ ታደሰ ወረደ ማስጠንቀቂያ ሰጡ
#fastmereja I በትግራይ ክልላዊ መንግሥት ውስጥ ያለው የውስጥ የሥልጣን ሽኩቻ ወደ ከረረ ደረጃ መሸጋገሩን ተከትሎ፣ የጊዜያዊ አስተዳደሩ ፕሬዝዳንት ሌተናል ጄነራል ታደሰ ወረደ የተቃውሞ መግለጫ አወጡ።

ዛሬ ሚያዝያ 30 ቀን 2018 ዓ.ም "ተመርጠናል" የሚሉ አካላት በጸጥታ ኃይሎች ታጅበው በጊዜያዊ አስተዳደሩ የካቢኔ አዳራሽ ስብሰባ መጀመራቸውን ገልጸዋል። ድርጊቱ "የሥልጣን ወረራ" መሆኑን የጠቀሱት ጄነራሉ፣ ለሚከተለው ማንኛውም ዓይነት ቀውስ ተጠያቂው ይህ በጉልበት ሥልጣን ለመያዝ የሚንቀሳቀሰው አካል መሆኑን አስታውቀዋል።

አሜሪካ በኤርትራ ላይ የጣለችውን ማዕቀብ እንድትቀጥል ሂውማን ራይትስ ዎች ጥሪ አቀረበ
#ethiopia | የዩናይትድ ስቴትስ መንግሥት በኤርትራ ላይ የጣለው ማዕቀብ እንዲነሳ መደረጉ ወደፊት ይበልጥ የከፉ የሰብዓዊ መብት ረገጣዎች እንዲፈጸሙ ዕድል ይሰጣል ሲል ሂውማን ራይትስ ዎች አስጠነቀቀ።

ድርጅቱ ባወጣው መግለጫ በትግራይ ጦርነት ወቅትም ሆነ በኤርትራ ውስጥ ለተፈጸሙ ግፎች ተጠያቂነት ሳይረጋገጥ ማዕቀቡን ማንሳት አደገኛ መሆኑን ገልጿል።

የኤርትራ መንግሥት ካለበት አፋኝ የፖለቲካ ሥርዓት ወጥቶ ተጨባጭ የሆኑ የለውጥ እርምጃዎችን እስኪያሳይ ድረስ ዓለም አቀፉ ጫና ሊላላ አይገባም ብሏል።

ከዚሁ ጋር ተያይዞ ካናዳና የአውሮፓ ኅብረት ከኤርትራ ጋር የሚያደርጉት ዲፕሎማሲያዊ ግንኙነት ለሰብዓዊ መብት ጥሰቶች ሽፋን የሚሰጥና ተጠያቂነትን የሚያዳፍን የጥቅም ልውውጥ እንዳይሆን ድርጅቱ አሳስቧል።

በተጨማሪም የተባበሩት መንግሥታት ድርጅት የሰብዓዊ መብቶች ምክር ቤት በኤርትራ ጉዳይ ላይ የመደበው የልዩ ሪፖርተር የሥራ ዘመን በመጪው ሐምሌ ወር እንዲራዘም ሂውማን ራይትስ ዎች ለዓለም አቀፉ ማኅበረሰብ ጥሪ አቅርቧል።

በአገሪቱ ያለው የሰብዓዊ መብት አያያዝ አሁንም እጅግ አሳሳቢ መሆኑን የጠቀሰው ተቋሙ፣ ያለ ተገቢው ክትትልና ፍትሕ የሚደረግ ማንኛውም ዓይነት የዲፕሎማሲ መቀራረብ ለተጎጂዎች የሚሰጠውን የፍትሕ ተስፋ አደጋ ላይ ይጥላል ሲል በዝርዝር አስታውቋል።
#ኤርትራ #ሰብዓዊመብት #አሜሪካ #ማዕቀብ #ሂውማንራይትስዎች #የዓለምዜና #getutemesgen #getu #ጌጡ #ጌጡተመስገን #addisababa

🚨 ከባይራ አክሲዮን ማኅበር የአክሲዮን ግዢ ይቆጠቡ!
#ethiopia | የኢትዮጵያ የካፒታል ገበያ ባለሥልጣን "ባይራ አክሲዮን ማኅበር" በተባለውና "የውሃ ፋብሪካ አቋቁማለሁ" በሚል ስም በሚንቀሳቀሰው ድርጅት ላይ ጥብቅ የጥንቃቄ ማሳሰቢያ አውጥቷል።

ድርጅቱ "አርባ ምንጭ ውሃ" በሚል ስያሜ በባለሥልጣኑ ያልተመዘገቡ አክሲዮኖችን ለሕዝብ ለሽያጭ በማቅረብ ላይ እንደሚገኝ በክትትል ተደርሶበታል።

ባለሥልጣኑ ባደረገው ምርመራ ድርጅቱ በካፒታል ገበያ አዋጅ ቁጥር 1248/2013 እና በሰነደ መዋለ ንዋዮች መመሪያ ላይ የተቀመጡ ድንጋጌዎችን በግልጽ ጥሷል። ማንኛውም ድርጅት አክሲዮን ለሕዝብ ከመሸጡ በፊት በባለሥልጣኑ መመዝገብ እና የቅድመ-ማስታወቂያ ፈቃድ ማግኘት ቢገባውም ባይራ አክሲዮን ማኅበር ግን ይህንን ሕጋዊ ሂደት ሳይከተል በማኅበራዊ ሚዲያ እና በተለያዩ አውታሮች ሽያጭ እያከናወነ ይገኛል።

ይህ ድርጊት በሕግ ፊት በወንጀል የሚያስጠይቅ ተግባር መሆኑን ባለሥልጣኑ በጽኑ አሳስቧል።

የኢንቨስትመንት ደህንነትዎን ለመጠበቅ ሲባል ማኅበረሰቡ አክሲዮኖቹ በባለሥልጣኑ ያልተመዘገቡ መሆናቸውን ተገንዝቦ ከማንኛውም ዓይነት ግዢ እንዲቆጠብ ጥሪ ቀርቧል።

በተመሳሳይ ሁኔታ ለማንኛውም የሽያጭ ወኪልም ሆነ በቀጥታ ለድርጅቱ ምንም ዓይነት ክፍያ እንዳይፈጸም ባለሥልጣኑ በጥብቅ አዟል። በአሁኑ ወቅት በድርጅቱ ላይ ጥልቅ አስተዳደራዊ ምርመራ እየተካሄደ ሲሆን የኢንቨስተሮችን መብት ለማስጠበቅ አስፈላጊው እርምጃ ሁሉ እንደሚወሰድ ታውቋል።

መሰል ሕገ-ወጥ የሆኑ የአክሲዮን ሽያጭ ተግባራትን ሲመለከቱ በስልክ ቁጥር +251 115 57 6123 በመደወል ወይም በኢሜይል አድራሻ compliantsecma.gov.et በመጠቀም ጥቆማ በመስጠት ከባለሥልጣኑ ጋር እንዲተባበሩ ጥሪ ቀርቧል።

የኢንቨስትመንት ደህንነትዎ በሕግ የተጠበቀ እንዲሆን ሁልጊዜም በባለሥልጣኑ የተመዘገቡ ተቋማትን ብቻ በመምረጥ እራስዎን ከማጭበርበር እንዲጠብቁ ባለስልጣኑ አሳስቧል።

Getu Temesgen - (ጌጡ ተመስገን) #getutemesgen #getu #menahriafm #eth #sharecompany