ሳውዲ አረቢያ በእስራኤል የተፈጸመውን የሊባኖስ ወታደራዊ ወረራ ኮነነች
#ethiopia | እስራኤል በሊባኖስ ላይ የከፈተችውን ወታደራዊ ጥቃት ሳውዲ አረቢያ አጥብቃ ያወገዘች ሲሆን የእስራኤል ጦር የሊባኖስን ድንበር ጥሶ መግባቱንና የሀገሪቱን ሉዓላዊነት መጣሱን በፍጹም እንደማትቀበለው የሳውዲ አረቢያ የውጭ ጉዳይ ሚኒስቴር አስታውቋል።

ሚኒስቴሩ ዓለም አቀፉ ማህበረሰብ የተጀመረውን ወረራ ለማስቆም እንዲሁም የእስራኤል ወታደራዊ ኃይል በሊባኖስ መሬት ላይ የሚያደርገውን መስፋፋት እንዲያበቃ የድርሻውን ኃላፊነት እንዲወጣ ጥሪ አቅርቧል።

በተጨማሪም የሊባኖስን ሉዓላዊ ፖለቲካዊ መብትና የህዝቧን ሰላም ማስከበር ከዓለም አቀፍ ስምምነቶች አንጻር ወሳኝ መሆኑን ሳውዲ አረቢያ በአጽንኦት ገልጻለች።

የሊባኖስ መንግስት በመላው የአገሪቱ ክልሎች ላይ ሙሉ ስልጣኑን እና ቁጥጥሩን መዘርጋት እንዲችል የጣኢፍ ስምምነት መከበር እንዳለበትም ሚኒስቴሩ አስገንዝቧል።

በመጨረሻም ማንኛውም ዓይነት የጦር መሳሪያ በመንግስትና በህጋዊ የጸጥታ ተቋማት ቁጥጥር ስር ብቻ እንዲሆን የሊባኖስ ባለስልጣናት ያስተላለፉትን ውሳኔ ወደ ተግባር መለወጥ እንደሚገባ የሳውዲ መንግስት አመልክቷል።

ይህ ተግባር በሊባኖስ ምድር ዘላቂ ሰላምና መረጋጋትን ለመገንባት ከፍተኛ አስተዋጽኦ እንደሚኖረው ሚኒስቴሩ ባወጣው መግለጫ ይፋ አድርጓል።
#saudiarabia #israel #lebanon #middleeast #news #getutemesgen #getu #ጌጡ #ጌጡተመስገን #addisababa

''ሊባኖስ ገና ቅጣቷን አልጨረሰችም'' ኔታንያሁ
#ethiopia | በመካከለኛው ምስራቅ ያለው ውጥረት አዲስ መልክ እየያዘ ባለበት በዚህ ወቅት፣ እስራኤል ሌሊቱን ይፋ የተደረገውን ባለ ሁለት ሳምንት የተኩስ አቁም ስምምነት እንደምትደግፍ አስታውቃለች። ይሁን እንጂ ይህ ስምምነት "ሊባኖስን እንደማያካትት" ግልጽ በማድረግ ጉዳዩን ወደ ሌላ አቅጣጫ መልሳዋለች።

የጠቅላይ ሚኒስትር ቤኒያሚን ኔታንያሁ ጽሕፈት ቤት ባወጣው መግለጫ፣ በኢራን እና በምዕራባውያን መካከል የተደረሰውን ስምምነት መቀበሏን አረጋግጧል።

እንደ እስራኤል መግለጫ ከሆነ፣ ለሚቀጥሉት ሁለት ሳምንታት የሚቆየው ይሄው ስምምነት የሚከተሉትን ዋና ዋና ጉዳዮች ይዟል፦

እስራኤል በኢራን ላይ የምታደርሰውን ወታደራዊ እርምጃ ታቆማለች።

ኢራን ወሳኝ የሆነውን የሆርሙዝ የባህር ሰርጥ ለትራንስፖርት ክፍት ታደርጋለች።

ኢራን በአሜሪካ፣ በእስራኤል እና በቀጠናው አገራት ላይ የምታደርሰውን ማንኛውንም ጥቃት ለሁለት ሳምንታት ሙሉ በሙሉ ታቆማለች።

አሜሪካ ኢራን "የኑክሌር፣ የሚሳኤል እና የሽብር ስጋት እንዳትሆን" የምታደርገውን ጥረት እስራኤል እንደምትደግፍ ገልጻለች።

የዚህ ስምምነት ትልቁ አነጋጋሪ ነጥብ በሊባኖስ በኩል ያለው ግንኙነት ነው። የፓኪስታኑ ጠቅላይ ሚኒስትር ሼህባዝ ሻሪፍ ስምምነቱ ሊባኖስንም እንደሚያካትት ቀደም ብለው ቢናገሩም፣ የእስራኤል ወገን ግን ይህንን በፍጹም ውድቅ አድርጎታል።

"ይህ ስምምነት ሊባኖስን አያካትትም" ሲል የኔታንያሁ ቢሮ በግልጽ አስታውቋል።

ይህም ማለት እስራኤል ከኢራን ጋር "ጊዜያዊ ሰላም" ብታወርድም፣ በሰሜን በኩል ከሂዝቦላህ ጋር የምታደርገው ፍልሚያ እንደማይቆም ፍንጭ ሰጥታለች። ቀጠናው ለሁለት ሳምንታት "እፎይ" ቢልም፣ የሊባኖስ ሰማይ ግን አሁንም በስጋት እንደተሸፈነ ነው።

Getu Temesgen - (ጌጡ ተመስገን)
#getutemesgen #getu #israel #iran #ceasefire #lebanon #middleeastnews #breakingnews

"ኢራን በሀገራችን ጦርነት እያካሄደች ነው!"
የሊባኖስ ጠቅላይ ሚኒስትር
#ethiopia | ​የሊባኖስ ጠቅላይ ሚኒስትር ናዋፍ ሰላም ከአል አረቢያ ጋር ባደረጉት ታሪካዊ ቃለ ምልልስ፣ የኢራን አብዮታዊ ዘብ በሊባኖስ ሉዓላዊነት ላይ ጣልቃ በመግባት የሄዝቦላህን ወታደራዊ እንቅስቃሴ በቀጥታ እየመራ መሆኑን በይፋ አጋለጡ።

​የኢራን ቀጥተኛ እጅ፦ የኢራን አብዮታዊ ዘብ አባላት በሐሰተኛ ፓስፖርት በሕገ-ወጥ መንገድ ሊባኖስ በመግባት ጦርነቱን እያቀናጁ እንደሚገኙ ጠቅላይ ሚኒስትሩ ገልጸዋል።
​
በቆጵሮስ በሚገኘው የብሪታንያ ጦር ሰፈር ላይ የተፈጸመው የድሮን ጥቃት በሊባኖስ በሚገኙ የኢራን መኮንኖች መሪነት የተቀነባበረ መሆኑን አረጋግጠዋል።

​የሊባኖስ መንግስት ማንኛውም የኢራን አብዮታዊ ዘብ እንቅስቃሴ በሀገሪቱ እንዳይኖር ያገደ ሲሆን፣ ሄዝቦላህም ወታደራዊ ኦፕሬሽኖችን እንዲያቆምና ትጥቁን ለመንግስት እንዲያስረክብ ጥሪ አቅርቧል።

​ይህ ጦርነት የሊባኖስ ፍላጎት ሳይሆን የኢራኑን መሪ አሊ ካሜኒን ግድያ ለመበቀል በሊባኖስ ላይ የተጫነ መሆኑን ጠቅላይ ሚኒስትር ሰላም በዝርዝር አስረድተዋል።

​ይህ የሊባኖስ መንግስት ቁርጠኝነትና የሄዝቦላህ ትጥቅ የመፍታት ጥሪ፣ በቀጠናው ለሚጠበቀው ሰላም ወሳኝ እርምጃ እንደሆነ ተነግሯል።

​#getu #lebanon #iran #hezbollah #middleeastconflict #nawafsalam #breakingnews #internationalpolitics #militaryoperation #ሊባኖስ #ኢራን #ሄዝቦላህ #ሰበርዜና #መካከለኛውምስራቅ #ጌጡተመስገን #getutemesgen

ለጥንቃቄ‼️

የሥራና ክህሎት ሚኒስቴርን ስምና አርማ እንዲሁም አሁን የሌሉ ተቋማትን ስም በመጠቀም ለውጭ ሀገር ሥራ ስምሪትን ለማከናወን ፍቃድና ውክልና ተሰጥቶናል በሚሉ የጉዞ ወኪሎች ብዙዎች እየተጭበረበሩና ለከፋ ችግር እየተጋለጡ እንደሚገኝ ይታወቃል።

ማሳሰቢያ

ውክልናና ፍቃድ:- ሚኒስቴር መስሪያ ቤታችን ለየትኛውም የጉዞ ወኪል ለውጭ ሀገር ስራ ስምሪት ፍቃድም ሆነ ውክልና አልተሰጠም፣

መዳረሻ ሀገራት:- ከታች ከተዘረዘሩት ሀገራት ውጪ ወደ አውሮፓም ሆነ ካናዳ ህጋዊ የሥራ ስምሪት የለም፣

ህጋዊ የሥራ ስምሪት የሚሰጥባቸው ሀገራት

በአሁን ወቅት የሁለትዮሽ ስምምነት ተፈርሞ ስምሪት እየተሰጠባቸው የሚገኙ ሀገራት የሚከተሉት ብቻ ናቸው:-

1️⃣ 🇸🇦 ሳዑዲ አረቢያ (Saudi Arabia)
2️⃣ 🇦🇪 የተባበሩት አረብ ኤሚሬትስ (UAE)
3️⃣ 🇰🇼 ኩዌት (Kuwait)
4️⃣ 🇶🇦 ኳታር (Qatar)
5️⃣ 🇯🇴 ዮርዳኖስ (Jordan)
6️⃣ 🇱🇧 ሊባኖስ (Lebanon)

ህጋዊ የሥራ ስምሪት

በተጠቀሱት ሀገራት ስምሪቱ የሚሰጠው ሚኒስቴር መስሪያቤቱ ባለማው የኢትዮጵያ የሥራ ገበያ መረጃ ስርዓት ህጋዊ ፈቃድ ባላቸው የአሠሪና ሠራተኛ አገናኝ ኤጀንሲዎች ብቻ ነው።(ayu)

seledadotio
seledadotio