ሺ ጂንፒንግ ሰሜን ኮሪያ ገቡ
#ethiopia | ​የቻይናው ፕሬዚዳንት ሺ ጂንፒንግ ለይፋዊ የሥራ ጉብኝት ሰሜን ኮሪያ የገቡ ሲሆን፥ በፒዮንግያንግ አየር ማረፊያ ሲደርሱም በሀገሪቱ መሪ ኪም ጆንግ ኡን ከፍተኛና ደማቅ አቀባበል ተደርጎላቸዋል።

​ይህ በሁለቱ መሪዎች መካከል የሚካሄደው ታሪካዊ ምክክር በዓለም አቀፍ ደረጃ ከፍተኛ ትኩረትን የሳበ ሲሆን፥ በቆይታቸውም ቀጣናዊ ደህንነትንና የሁለትዮሽ ስትራቴጂካዊ ግንኙነትን ይበልጥ ማጠናከር በሚቻልባቸው አበይት ጉዳዮች ላይ በስፋት ይመክራሉ ተብሎ ይጠበቃል።

Getu Temesgen - (ጌጡ ተመስገን)
#getutemesgen #getu
​#china #northkorea #xijinping #kimjongun #geopolitics #asiapacific #breakingnews

ዶናልድ ትራምፕ በቤጂንግ
#ethiopia | የአሜሪካው ፕሬዚዳንት ዶናልድ ትራምፕ ለሁለት ቀናት የሚቆይ ይፋዊ የስራ ጉብኝት ለማድረግ ቻይና ዋና ከተማ ቤጂንግ ገብተዋል።

ፕሬዚዳንቱ ቤጂንግ ሲደርሱ በታላቁ የህዝብ አዳራሽ ደማቅ የአቀባበል ስነ ስርዓት ተደርጎላቸዋል።

ትራምፕ ከቻይናው መሪ ሺ ጂንፒንግ ጋር የሚያደርጉት ውይይት በዋነኝነት በንግድ፣ በቴክኖሎጂ ፉክክር፣ በታይዋን መጻኢ እድል እና በኢራን ወቅታዊ ሁኔታ ላይ ያተኩራል ተብሎ ይጠበቃል።

ፕሬዚዳንት ትራምፕ ከጉዟቸው አስቀድሞ ባስተላለፉት መልዕክት ቻይና የንግድ ገበያዋን ለአሜሪካ ኢንደስትሪዎች እና የግብርና ምርቶች ክፍት እንድታደርግ ፍላጎታቸውን ገልጸዋል።

በጉብኝታቸውም እንደ ቴስላ እና ኤንቪዲያ ያሉ ግዙፍ የቴክኖሎጂ ተቋማት መሪዎችን አስከትለዋል።

በሌላ በኩል የቤጂንግ ባለስልጣናት በአሜሪካ የሚጣሉ የታሪፍ ጫናዎች እንዲቀንሱ እና በታይዋን ጉዳይ ላይ ያላቸውን አቋም ለማንጸባረቅ አቅደዋል።

ይህ የትራምፕ ጉብኝት በፈረንጆቹ 2017 ካደረጉት ጉዞ በኋላ ወደ ሥልጣን ተመልሰው ወደ ቻይና ያቀኑበት የመጀመሪያው አጋጣሚ ነው።

ቀደም ሲል በመጋቢት ወር ሊካሄድ ታቅዶ የነበረው ይህ መርሃ ግብር በኢራን ጦርነት ምክንያት ተራዝሞ አሁን በግንቦት ወር ሊከናወን ችሏል።
#donaldtrump #china #usa #xijinping #beijing #tradewar #internationalnews #getutemesgen #getu #ጌጡ #ጌጡተመስገን #addisababa

ትራምፕ በኢራን ጉዳይ የቻይና ድጋፍ አያስፈልገኝም አሉ
#ethiopia | ​የአሜሪካው ፕሬዝዳንት ዶናልድ ትራምፕ ዋሽንግተን ከቴህራን ጋር ለገባችበት ዲፕሎማሲያዊ እና ፖለቲካዊ ፍጥጫ የቻይናው ፕሬዝዳንት ዢ ጂንፒንግ እርዳታ እንደማያስፈልጋቸው በይፋ አስታወቁ።

ዛሬ ለጋዜጠኞች መግለጫ የሰጡት ፕሬዝዳንቱ፣ አሜሪካ በኢራን ጉዳይ ላይ የራሷን የውሳኔ አቅጣጫ እንደምትከተልና ከቤጂንግ የሚመጣን ማንኛውንም ዓይነት ጣልቃ ገብነትም ሆነ ድጋፍ እንደማትጠብቅ በግልጽ አመልክተዋል።

​በአሜሪካ እና በቻይና መካከል ያለው ግንኙነት በንግድ ጦርነትና በጂኦ-ፖለቲካዊ ጉዳዮች ሳቢያ ውጥረት ውስጥ ባለበት በዚህ ወቅት፣ የትራምፕ ንግግር ዋሽንግተን በመካከለኛው ምስራቅ ያላትን የበላይነት ለማሳየትና የግሏን የኃይል እርምጃ ለመውሰድ ያላትን ቁርጠኝነት የሚያሳይ መሆኑ ተነግሯል። አል አራቢያ እንደዘገበው፣ ይህ የፕሬዝዳንቱ ግልጽ አቋም በዓለም አቀፍ ዲፕሎማሲው መድረክ ከፍተኛ ትኩረትን ስቧል።

Getu Temesgen - (ጌጡ ተመስገን) #getutemesgen #getu
​#trump #usa #iran #china #geopolitics #xijinping #whitehouse #internationalnews #alarabiya #diplomacy

የቻይናው ፕሬዝዳንት ዢ ጂንፒንግ አረንጓዴ አሻራን ተቀላቀሉ

📌 ዢ ጂንፒንግ "ውብና አረንጓዴ ቻይናን" ለመገንባት የችግኝ ተከላ ጥሪ አቀረበዋል
#ethiopia | የቻይናው ፕሬዝዳንት ዢ ጂንፒንግ መላው የሀገሪቱ ዜጋ በአረንጓዴ አሻራ እና በችግኝ ተከላ መርሃ ግብሮች ላይ በነቃ ሁኔታ እንዲሳተፍ ጥሪ አቀረቡ።

ፕሬዝዳንቱ ይህንን ጥሪ ያስተላለፉት በቤጂንግ በተካሄደ የበጎ ፈቃድ የችግኝ ተከላ መርሃ ግብር ላይ ተገኝተው በተሳተፉበት ወቅት ነው።

በመርሃ ግብሩ ላይ ለህዝቡ አርአያ የሚሆኑ ሀገር በቀል ችግኞችን የተከሉት ፕሬዝዳንቱ፣ የነገዋን ውብ ቻይና ለመገንባት እያንዳንዱ ዜጋ የድርሻውን ሊወጣ እንደሚገባ አሳስበዋል።

የነገዎቹ ተረካቢዎችና የአረንጓዴው ጉዞ
በዕለቱ በተካሄደው ስነስርዓት ላይ አዳጊ ተማሪዎችም የተሳተፉ ሲሆን፣ ዢ ጂንፒንግ ከተማሪዎቹ ጋር በነበራቸው ቆይታ በስፖርት፣ በትምህርትና በተፈጥሮ ጥበቃ ዙሪያ ሰፊ ውይይት አድርገዋል። ፕሬዝዳንቱ ለልጆቹ በለገሱት ምክር፦

* ትልቅ ህልም እንዲኖራቸው፤
* ለትምህርትና ለስራ ትጋት እንዲኖራቸው፤
* ተፈጥሮን የሚወዱና የሚንከባከቡ

የህብረተሰቡ አለኝታ እንዲሆኑ አሳስበዋል። ቻይና በአረንጓዴ ልማት ያስመዘገበችው ስኬት
ፕሬዝዳንት ዢ እንደገለጹት፣ ቻይና ደኖችን በማስፋትና በረሃማነትን በመከላከል ረገድ በአለም አቀፍ ደረጃ ከፍተኛ ስኬት እያስመዘገበች ትገኛለች። ይህም ሀገሪቱን በአረንጓዴ ልማት ረገድ ከአለም ቀዳሚ ተርታ እያሰለፋት መሆኑን ጠቁመዋል።

ቤጂንግ በአየር ንብረት ለውጥና በስነ-ምህዳር ጥበቃ ዙሪያ የምትከተለው ጠንካራ ህግና መመሪያ ለቀጣዩ ትውልድ የምትመችና ውብ ቻይናን ለመፍጠር መሰረት እየጣለ መሆኑንም ፕሬዝዳንቱ በንግግራቸው አረጋግጠዋል።

Getu Temesgen - (ጌጡ ተመስገን)
#getutemesgen #getu #china #xijinping #greendevelopment #afforestation #climateaction #sustainability #environment #globalnews

የቻይናው ፕሬዝዳንት ዢ ጂንፒንግ አረንጓዴ አሻራን ተቀላቀሉ

📌 ዢ ጂንፒንግ "ውብና አረንጓዴ ቻይናን" ለመገንባት የችግኝ ተከላ ጥሪ አቀረበዋል
#ethiopia | የቻይናው ፕሬዝዳንት ዢ ጂንፒንግ መላው የሀገሪቱ ዜጋ በአረንጓዴ አሻራ እና በችግኝ ተከላ መርሃ ግብሮች ላይ በነቃ ሁኔታ እንዲሳተፍ ጥሪ አቀረቡ።

ፕሬዝዳንቱ ይህንን ጥሪ ያስተላለፉት በቤጂንግ በተካሄደ የበጎ ፈቃድ የችግኝ ተከላ መርሃ ግብር ላይ ተገኝተው በተሳተፉበት ወቅት ነው።

በመርሃ ግብሩ ላይ ለህዝቡ አርአያ የሚሆኑ ሀገር በቀል ችግኞችን የተከሉት ፕሬዝዳንቱ፣ የነገዋን ውብ ቻይና ለመገንባት እያንዳንዱ ዜጋ የድርሻውን ሊወጣ እንደሚገባ አሳስበዋል።

የነገዎቹ ተረካቢዎችና የአረንጓዴው ጉዞ
በዕለቱ በተካሄደው ስነስርዓት ላይ አዳጊ ተማሪዎችም የተሳተፉ ሲሆን፣ ዢ ጂንፒንግ ከተማሪዎቹ ጋር በነበራቸው ቆይታ በስፖርት፣ በትምህርትና በተፈጥሮ ጥበቃ ዙሪያ ሰፊ ውይይት አድርገዋል። ፕሬዝዳንቱ ለልጆቹ በለገሱት ምክር፦

* ትልቅ ህልም እንዲኖራቸው፤
* ለትምህርትና ለስራ ትጋት እንዲኖራቸው፤
* ተፈጥሮን የሚወዱና የሚንከባከቡ

የህብረተሰቡ አለኝታ እንዲሆኑ አሳስበዋል። ቻይና በአረንጓዴ ልማት ያስመዘገበችው ስኬት
ፕሬዝዳንት ዢ እንደገለጹት፣ ቻይና ደኖችን በማስፋትና በረሃማነትን በመከላከል ረገድ በአለም አቀፍ ደረጃ ከፍተኛ ስኬት እያስመዘገበች ትገኛለች። ይህም ሀገሪቱን በአረንጓዴ ልማት ረገድ ከአለም ቀዳሚ ተርታ እያሰለፋት መሆኑን ጠቁመዋል።

ቤጂንግ በአየር ንብረት ለውጥና በስነ-ምህዳር ጥበቃ ዙሪያ የምትከተለው ጠንካራ ህግና መመሪያ ለቀጣዩ ትውልድ የምትመችና ውብ ቻይናን ለመፍጠር መሰረት እየጣለ መሆኑንም ፕሬዝዳንቱ በንግግራቸው አረጋግጠዋል።

Getu Temesgen - (ጌጡ ተመስገን)
#getutemesgen #getu #china #xijinping #greendevelopment #afforestation #climateaction #sustainability #environment #globalnews

⚽️ የቻይናው ፕሬዝዳንት "የቀይ ሰይጣኖቹ" ደጋፊ መሆናቸውን ገለጹ
#ethiopia | በፖለቲካው ዓለም ተሰሚነት ያላቸው የቻይናው ፕሬዝዳንት ዢ ጂንፒንግ፣ በስፖርቱ ዓለም ደግሞ የልባቸው ክለብ ማንችስተር ዩናይትድ መሆኑን ይፋ አድርገዋል።

🤝 በስብሰባው ላይ የተሰማው አስገራሚ መረጃ

ከእንግሊዙ ጠቅላይ ሚኒስትር ኪር ስታርመር ጋር በነበራቸው ቆይታ፣ ፕሬዝዳንቱ ስለ እግር ኳስ ፍቅራቸው ሲናገሩ፦

"እኔ የማንችስተር ዩናይትድ ደጋፊ ነኝ" ብለዋል።

ይሁን እንጂ ፕሬዝዳንቱ ለዩናይትድ ያላቸው ፍቅር ሌሎች ክለቦችን ከመመልከት አልገደባቸውም። እንደ አርሰናል፣ ክሪስታል ፓላስ እና ማንችስተር ሲቲ ያሉ ክለቦችን ጨዋታም በመከታተል የእንግሊዝ ፕሪሚየር ሊግ አፍቃሪ መሆናቸውን አሳይተዋል።

🎁 የኳስ ስጦታ እና "የለንደኑ መድፈኛ"

ታዋቂ የአርሰናል ደጋፊ የሆኑት ጠቅላይ ሚኒስትር ኪር ስታርመር፣ ለፕሬዝዳንቱ ልዩ ስጦታ አበርክተውላቸዋል።

ስጦታውም፦

* ማንችስተር ዩናይትድ ከአርሰናል ጋር ሲጫወቱበት የነበረ ኳስ ነው።
ይህ አጋጣሚ በሁለቱ ሀገራት መሪዎች መካከል ከፖለቲካዊ ውይይት ባለፈ፣ እግር ኳስ የዲፕሎማሲ ድልድይ መሆኑን ያሳየ ክስተት ሆኖ ተመዝግቧል።

Getu Temesgen - (ጌጡ ተመስገን)
#getutemesgen #getu #ጌጡ #xijinping #manchesterunited #sirkeirstarmer #premierleague #footballdiplomacy #ethiopia #manutd #arsenal