ከድል ባሻገር ያለው የሕመም መስዋዕትነት እና
የኃይሌ ገብረሥላሴ ወንድማዊ እቅፍ!
#ethiopia | ፎቶው ብዙ ይናገራል።

አንዳንድ ምስሎች ከሺህ ቃላት በላይ ይናገራሉ። ይህ ፎቶም ኢትዮጵያዊነት በታላላቅ ድሎች ብቻ ሳይሆን፣ በመተሳሰብ፣ በመደጋገፍ እና በሕመም ጊዜ እርስ በርስ በመቆም የሚገለጽ እሴት መሆኑን ያሳያል።

በበርሊን ማራቶን አትሌት ትዕግስት አሰፋ ያስመዘገበችው ታሪካዊ ድል የጽናትና የትጋት ውጤት ነው። ነገር ግን ከማጠናቀቂያው መስመር በኋላ የታየው ትዕይንት የድሉን ያህል ልብ የሚነካ ሆኖ ታይቷል።

ትዕግስት የውድድሩን መስመር ስትሻገር የድል ደስታ ብቻ አልነበረም፤ ከባድ የሰውነት ድካምና የሕመም ስሜትም አብሮ ነበር። ሀገርን በክብር ለማስጠራት የሚከፈለው ዋጋ በዚያ አፍታ በፊቷ ላይ በግልጽ ይነበብ ነበር።

በዚህ ወቅት በስፍራው የነበረው ኃይሌ ገብረስላሴ ያደረገው ወንድማዊ ድጋፍ ደግሞ የዚህን አፍታ ትርጉም የበለጠ አጠናክሮታል።

ኃይሌ ከሩቅ ሆኖ እንኳን ደስ አለሽ ብሎ ከመለየት ይልቅ፣ ወደ ማጠናቀቂያው በመድረስ ታናሽ የሀገሩን ልጅ አቅፎ አጽናና። የድል ደስታዋን ብቻ ሳይሆን የድካሟንና የሕመሟን ጊዜም አብሮ ተጋራ።

ይህ እቅፍ የሁለት ታላላቅ አትሌቶች ምስል ብቻ አይደለም። የትውልድ ቅብብል፣ የሀገር ፍቅር፣ የመተሳሰብና የመደጋገፍ መልዕክት የያዘ አፍታ ነው።

የዓለምን መድረክ በሩጫ ያንቀጠቀጠው ኃይሌ ገብረስላሴ ዛሬ ደግሞ ታናሹን አትሌት በእቅፉ ደግፎ ሲታይ፣ አንድ ትልቅ እውነትን አስታውሶናል፦ ድል በመድረክ ላይ ብቻ አይገነባም፤ በመተሳሰብም ይገነባል።

የትዕግስት ድል የግል ስኬቷ ቢሆንም፣ የኢትዮጵያውያን የጋራ ኩራት ነው።

ሔኖክ ወ/ገብርኤል

Getu Temesgen – (ጌጡ ተመስገን)
#ethiopia #getutemesgen #tigstassefa #hailegebrselassie #berlinmarathon #ethiopianathletics






ከድል ባሻገር ያለው የሕመም መስዋዕትነት እና
የኃይሌ ገብረሥላሴ ወንድማዊ እቅፍ!
#ethiopia | ፎቶው ብዙ ይናገራል።

አንዳንድ ምስሎች ከሺህ ቃላት በላይ ይናገራሉ። ይህ ፎቶም ኢትዮጵያዊነት በታላላቅ ድሎች ብቻ ሳይሆን፣ በመተሳሰብ፣ በመደጋገፍ እና በሕመም ጊዜ እርስ በርስ በመቆም የሚገለጽ እሴት መሆኑን ያሳያል።

በበርሊን ማራቶን አትሌት ትዕግስት አሰፋ ያስመዘገበችው ታሪካዊ ድል የጽናትና የትጋት ውጤት ነው። ነገር ግን ከማጠናቀቂያው መስመር በኋላ የታየው ትዕይንት የድሉን ያህል ልብ የሚነካ ሆኖ ታይቷል።

ትዕግስት የውድድሩን መስመር ስትሻገር የድል ደስታ ብቻ አልነበረም፤ ከባድ የሰውነት ድካምና የሕመም ስሜትም አብሮ ነበር። ሀገርን በክብር ለማስጠራት የሚከፈለው ዋጋ በዚያ አፍታ በፊቷ ላይ በግልጽ ይነበብ ነበር።

በዚህ ወቅት በስፍራው የነበረው ኃይሌ ገብረስላሴ ያደረገው ወንድማዊ ድጋፍ ደግሞ የዚህን አፍታ ትርጉም የበለጠ አጠናክሮታል።

ኃይሌ ከሩቅ ሆኖ እንኳን ደስ አለሽ ብሎ ከመለየት ይልቅ፣ ወደ ማጠናቀቂያው በመድረስ ታናሽ የሀገሩን ልጅ አቅፎ አጽናና። የድል ደስታዋን ብቻ ሳይሆን የድካሟንና የሕመሟን ጊዜም አብሮ ተጋራ።

ይህ እቅፍ የሁለት ታላላቅ አትሌቶች ምስል ብቻ አይደለም። የትውልድ ቅብብል፣ የሀገር ፍቅር፣ የመተሳሰብና የመደጋገፍ መልዕክት የያዘ አፍታ ነው።

የዓለምን መድረክ በሩጫ ያንቀጠቀጠው ኃይሌ ገብረስላሴ ዛሬ ደግሞ ታናሹን አትሌት በእቅፉ ደግፎ ሲታይ፣ አንድ ትልቅ እውነትን አስታውሶናል፦ ድል በመድረክ ላይ ብቻ አይገነባም፤ በመተሳሰብም ይገነባል።

የትዕግስት ድል የግል ስኬቷ ቢሆንም፣ የኢትዮጵያውያን የጋራ ኩራት ነው።

ሔኖክ ወ/ገብርኤል

Getu Temesgen – (ጌጡ ተመስገን)
#ethiopia #getutemesgen #tigstassefa #hailegebrselassie #berlinmarathon #ethiopianathletics

የጀግኖች መታሰቢያ በአዲስ ፓርክ
ከአበበ ቢቂላ እስከ ቀነኒሳ በቀለ! ✨
#ethiopia | ​የኢትዮጵያ የአትሌቲክስ ዝና በዓለም ዙሪያ እንዲናኝ ያደረጉ 15 ታዋቂ አትሌቶቻችን፣ በአዲሱ አዲስ ፓርክ (Addis Park) ደማቅ የመታሰቢያ ሐውልት ቆመላቸዋል።

ይህ ስፍራ የጀግኖቻችንን የድል ታሪክና የሀገራችንን ስፖርታዊ ልዕልና የሚዘክር ድንቅ የጥበብ ሥራ ሆኗል።

​በሐውልት የተዘከሩት ዋና ዋና ጀግኖች፦

​ሻምበል አበበ ቢቂላ፦
በባዶ እግሩ ሮጦ ለኢትዮጵያና ለአፍሪካ የመጀመሪያውን የኦሊምፒክ ወርቅ ያስገኘው ታሪካዊ ጀግና።

​ሻምበል ማሞ ወልዴ፦
በሜክሲኮ ኦሊምፒክ የኢትዮጵያን የበላይነት ያስቀጠለው ድንቅ አትሌት።

​ሻለቃ ኃይሌ ገብረሥላሴ፦
በዓለም አቀፍ መድረክ በርካታ ክብረ ወሰኖችን በመስበር የኢትዮጵያ አምባሳደር የሆነው "ንጉሥ"።

​ሻለቃ ደራርቱ ቱሉ፦
የአፍሪካ ሴቶች የኦሊምፒክ ወርቅ ፋና ወጊና ተምሳሌት።

​ሻለቃ ቀነኒሳ በቀለ፦
የረጅም ርቀት ሩጫን የበላይነት በክብር ወሰኖች ያረጋገጠው ታላቁ አትሌት።

ኮማንደር ጥሩነሽ ዲባባ -
(በኦሎምፒክና በዓለም መድረክ ድልን የለመደችው የረጅም ርቀት ንግሥት)

አትሌት መሰረት ደፋር -
(በአምስት ሺህ ሜትር ሩጫ ስሟ በወርቅ የተጻፈ ድንቅ አትሌት)

​... እና ሌሎችም በድምሩ 15 የሚሆኑ የኢትዮጵያ የአትሌቲክስ ስም ማዕረጎች።

​የመታሰቢያው ፋይዳ፦
እነዚህ ሐውልቶች ለቱሪስት መስህብነት ብቻ ሳይሆን፣ ለታዳጊ አትሌቶችና ለወጣቱ ትውልድ "መስራትና ማሸነፍ ይቻላል" የሚል ትልቅ የሞራል ስንቅ የሚሰጡ ናቸው።

ጀግኖቻችንን በሕይወት እያሉ ማክበርና ታሪካቸውን በሐውልት መዘከር ትልቅ ባህላዊ ዕድገት ነው።

​የጀግና ስም ከመቃብር በላይ ይውላል!

​#getu #addispark #ethiopianathletics #heroesmemorial #abebebikila #hailegebrselassie #kenenisabekele #derartutulu #visitaddis #ethiopia #athleticslegend #አዲስፓርክ #አትሌቲክስ #ጀግኖች #አበበቢቂላ #ኃይሌገብረሥላሴ #ቀነኒሳበቀለ #ጌጡተመስገን #getutemesgen

ይቻላል" ምሽት በአዲስ አበባ ዩኒቨርሲቲ
ሻለቃ ኃይሌ ገብረሥላሴ የክብር እንግዳ ይሆናል
#ethiopia | ​የአዲስ አበባ ዩኒቨርሲቲ የባህል ማዕከል 48ኛውን የኪነጥበብ ምሽት ረቡዕ መጋቢት 16 ቀን 2018 ዓ.ም. በልዩ ዝግጅት ሊያከናውን ነው።

ማዕከሉ ከዚህ ቀደም የኪነጥበብ ባለሙያዎችን ብቻ ሲጋብዝ የቆየ ቢሆንም፣ ከዚህ ሳምንት ጀምሮ ግን አገራቸውን በተለያዩ ዘርፎች ያገለገሉ ስመጥር ባለውለታዎችንም እንግዳ ማድረግ ይጀምራል።

​ የብሔራዊ ኩራት ምልክት የሆነውና "ይቻላል" በሚለው መሪ ቃሉ የሚታወቀው ሻለቃ አትሌት ኃይሌ ገብረሥላሴ በመካከላችን በመገኘት ሙያዊ ልምዱን ያካፍላል።

​በዕለቱ ግጥሞች፣ ወግ፣ ሙዚቃና ሞኖሎግ ለታዳሚዎች ተሰናድቶ ይጠብቃል።

​ረቡዕ መጋቢት 16 ቀን 2018 ዓ.ም. ከቀኑ 11:30 ጀምሮ በባህል ማዕከል አዳራሽ ይካሄዳል።

​ለመግቢያ፦ የዩኒቨርሲቲው ተማሪ ያልሆናችሁ የሥነ-ጽሑፍ አፍቃሪያን መግቢያችሁ በ5ተኛ በር በኩል መሆኑ ተገልጿል።

​ይህ ምሽት ከጥበብ ባለፈ ከአገራዊ ባለውለታዎች ልምድ የሚቀሰምበት ታላቅ መድረክ በመሆኑ ሁላችሁም ተጋብዛችኋል።

​#getu #ethiopia #addisababauniversity #culturalcenter #artnight #hailegebrselassie #literature #poetry #music #አዲስአበባዩኒቨርሲቲ #የባህልማዕከል #ኪነጥበብ #ኃይሌገብረሥላሴ #ይቻላል #ጌጡተመስገን #getutemesgen

ኃይሌ - የኢትዮጵያ ስም፣ የዓለም ምልክት!
​⚽️🏃‍♂️ ሁለት የስፖርት ዓለም "ግዙፎች" በአዲስ አበባ ተገናኙ!
#ethiopia | ​"የአርሰናሉ ኮከብ ባካሪ ሳኛ ከጀግናው ሻለቃ ኃይሌ ገብረሥላሴ ጋር ቡና ጠጡ፤ ፊርማውንም ተቀበለ!"

​በኢትዮጵያ ጉብኝት እያደረገ የሚገኘው የቀድሞው የፈረንሳይ ብሔራዊ ቡድን እና የአርሰናል እግር ኳስ ክለብ ተከላካይ ባካሪ ሳኛ፤ ከኢትዮጵያዊው የምንጊዜም የአትሌቲክስ ንጉሥ ሻለቃ ኃይሌ ገብረሥላሴ ጋር በኃይሌ ግራንድ ሆቴል ተገናኝተዋል።

​የቆይታው ድምቀት:

እነዚህ ሁለት የስፖርት ጀግኖች የኢትዮጵያን ቡና እየጠጡ ፍሬያማ ውይይት ያደረጉ ሲሆን፤ ለዓለም አቀፍ ስፖርተኞች ኃይሌን ማግኘት ትልቅ ክብር እንደሆነ ሁሉ፣ ሳኛም የሻለቃ ኃይሌን ፊርማ (Autograph) እንደ ትልቅ መታሰቢያ ተቀብሏል።

​ይህ ክስተት ኃይሌ በዓለም አቀፍ ደረጃ ያለውን ተቀባይነት እና የኢትዮጵያን እንግዳ ተቀባይነት ያረጋገጠ ልዩ አጋጣሚ ሆኗል።

​ኃይሌ - የኢትዮጵያ ስም፣ የዓለም ምልክት!

​#hailegebrselassie #bacarysagna #arsenal #legend #hailegrandhotel #ethiopia #sportsicons #getutemesgen #getu #ጌጡ #ጌጡተመስገን

🏰 "የአፄዎቹ ሽልማት" ለኢትዮጵያ ባለውለታዎች በፋሲል ግቢ ተበረከተ! 🏅

​"በታሪካዊቷ ጎንደር የክብር ምሽት!"
#ethiopia | ​በታሪክ፣ በኪነ-ጥበብ፣ በስፖርት እና በሕክምና ዘርፎች ሀገራቸውን ላገለገሉ 9 ታላላቅ የኢትዮጵያ ባለውለታዎች፤ በጎንደር አብያተ-መንግሥት (ፋሲል ግቢ) "የአፄዎቹ ሽልማት" እና የክብር እውቅና ተሰጥቷል።

​የክብር ተሸላሚዎች ዝርዝር፡-

1️⃣ ዶክተር ማለደ ማሩ
2️⃣ ፕሮፌሰር ዕደማርያም ጸጋ
3️⃣ ፕሮፌሰር ባህሩ ዘውዴ (የታሪክ ተመራማሪ)
4️⃣ ሰዓሊ ወርቁ ማሞ
5️⃣ ዶክተር ሙላቱ አስታጥቄ (የኢትዮ-ጃዝ አባት)
6️⃣ ፕሮፌሰር ኃይሌ ገሪማ (ፊልም ሰሪ)
7️⃣ ሻለቃ አትሌት ኃይሌ ገብረሥላሴ
8️⃣ አቶ ኃብተሥላሴ ታፈሰ (የቱሪዝም አባት)
9️⃣ አቶ ካሳሁን ምስጋናው

​በመርሃ-ግብሩ ላይ የኢንዱስትሪ ሚኒስትሩ አቶ መላኩ አለበልን ጨምሮ የክልል እና የፌደራል ከፍተኛ የስራ ኃላፊዎች፣ የሀገር ሽማግሌዎች እና ጥሪ የተደረገላቸው እንግዶች ተገኝተዋል።

​ህያው ምስክሮቻችንን በህይወት እያሉ ማክበር ትልቅነት ነው! እንኳን ደስ አላችሁ! 👏

​#ጌትነት ተመስገን

​#gondar #fasilghebbi #ethiopianheroes #awards #hailegebrselassie #mulatuastatke #hailegerima #history #getu Temesgen - (ጌጡ ተመስገን)