የዓለም ክብረወሰን ያስመዘገቡት አትሌት ዮሚፍ ቀጄልቻ እና አትሌት ፎቴን ተስፋይ አዲስ አበባ ሲገቡ ደማቅ አቀባበል ተደረገላቸው
#ethiopia | በአርጀንቲና ቦነስ አይረስ በተካሄደው የግማሽ ማራቶን ውድድር አዲስ የዓለም ክብረወሰን ያስመዘገበው አትሌት ዮሚፍ ቀጄልቻ እና የቦታውን ክብረወሰን በማሻሻል በሴቶች ያሸነፈችው አትሌት ፎቴን ተስፋይ አዲስ አበባ ሲገቡ በቦሌ ዓለም አቀፍ ኤርፖርት ደማቅ አቀባበል ተደርጎላቸዋል።

አትሌት ዮሚፍ ቀጄልቻ ርቀቱን 56 ደቂቃ ከ51 ሰከንድ በሆነ ጊዜ በመጨረስ፣ በዩጋንዳዊው አትሌት ጃኮብ ኪፕሊሞ ተይዞ የነበረውን 57 ደቂቃ ከ20 ሰከንድ የዓለም ክብረወሰን በማሻሻል አዲሱን የዓለም ፈጣን ሰዓት አስመዝግቧል።

በሴቶች ውድድር ደግሞ አትሌት ፎቴን ተስፋይ 1 ሰዓት ከ03 ደቂቃ ከ57 ሰከንድ በሆነ ጊዜ በመግባት የቦታውን ክብረወሰን በመስበር በአንደኝነት አጠናቃለች።

አትሌቶቹ አዲስ አበባ ሲደርሱ የባህልና ስፖርት ሚኒስቴር የስፖርት ልማት ዘርፍ ሚኒስትር ዴኤታ አቶ መኪዩ መሐመድ፣ የኢትዮጵያ አትሌቲክስ ፌዴሬሽን ፕሬዚዳንት ኮማንደር አትሌት ስለሺ ስህን፣ ተቀዳሚ ምክትል ፕሬዚዳንት ኢንጅነር ጌቱ ገረመው፣ የኢትዮጵያ አትሌቶች ማህበር ፕሬዚዳንት ኮሎኔል አትሌት የማነ ፀጋይ፣ የፌዴሬሽኑ ጽህፈት ቤት ኃላፊ ዶክተር አመንሲሳ ከበደ፣ አሰልጣኝ ገመዶ ደደፎ፣ የአትሌቶቹ ቤተሰቦችና ጥሪ የተደረገላቸው እንግዶች በተገኙበት በፌዴራል ፖሊስ ማርሽ ባንድ አጃቢነት አቀባበል ተደርጎላቸዋል።
#ethiopianathletics #yomifkejelcha #foteintesfay #halfmarathon #worldrecord #ethiopianews #getutemesgen #getu #ጌጡ #ጌጡተመስገን #addisababa

ትግስት አሰፋ በለንደንን ጎዳናዎች ዳግሞ ተሞሸረች
#ethiopia | ​የለንደን ጎዳናዎች ዛሬም የኢትዮጵያዊቷ የጥንካሬ ምልክት በሆነችው ትግስት አሰፋ ደምቀው ውለዋል። ትግስት ዝም ብላ አልሮጠችም፤ ታሪክን በድጋሚ በአዲስ ቀለም ጽፋለች።

የለንደን ማራቶን ክብሯን ከማስጠበቅ ባለፈ፣ በሴቶች ብቻ ሩጫ (Women-only race) የራሷን የዓለም ክብረ ወሰን በመስበር ለዓለም ድንቅ ብቃቷን አሳይታለች።

​ትግስት ዛሬ ያስመዘገበችው ውጤት በቁጥር ሲሰላ እንዲህ ይነበባል፦

​የተመዘገበ ሰዓት፦ 2:15:41
​መሻሻል፦ ባለፈው ዓመት ካስመዘገበችው ሰዓት ላይ 9 ሰከንድ ቀንሳለች።

​ይህ ድል ለኢትዮጵያ ብቻ ሳይሆን ለመላው አፍሪካ ኩራት ነው። ትግስት አሰፋ በራስ መተማመን እና በማይበገር ስነ-ልቦና የታጀበው ሩጫዋ፣ "የማይቻል ነገር የለም" የሚለውን መልእክት ለዓለም አስተላልፏል።

ባለፈው ዓመት የራሷ ያደረገችውን ክብረ ወሰን ዛሬ በለንደን በድጋሚ ማሻሻሏ፣ በሴቶች ማራቶን ንግሥትነቷን አስመስክሯል።

Getu Temesgen - (ጌጡ ተመስገን) #getutemesgen #getu
​#ethiopia #tigstassefa #londonmarathon #worldrecord #athletics #ethiopianpride #legend #ትግስትአሰፋ #ለንደንማራቶን #ኢትዮጵያ

የለንደን ማራቶን ነገ ይካሄዳል

* ኢትዮጵያውያን አትሌቶች ለድል ተዘጋጅተዋል
#ethiopia | ​ነገ ሚያዚያ 18 ቀን 2018 ዓ.ም. በዓለም አትሌቲክስ የፕላቲኒየም ደረጃ የተሰጠውና በጉጉት የሚጠበቀው የለንደን ማራቶን ይካሄዳል። የኢትዮጵያ የቁርጥ ቀን ልጆች ክብራቸውን ለማስጠበቅና አዲስ ታሪክ ለመጻፍ ወደ ለንደን አምርተዋል።

በሴቶች

​ያለፈው ዓመት ሻምፒዮን እና በለንደን ማራቶን (ሴቶች ብቻ በሚሳተፉበት) የዓለም ክብረ ወሰን ባለቤት (2:15:50)! ትግስት ባደረገቻቸው ያለፉት 6 ማራቶኖች ከ2ኛ ደረጃ ዝቅ ብላ አታውቅም። ነገም ክብሯን እንደምታስጠብቅ ትልቅ ተስፋ ተጥሎባታል።

በወንዶች
​የኦሎምፒክና የዓለም ሻምፒዮኑ ታምራት ቶላ ለ5ኛ ጊዜ በለንደን ይሳተፋል። ከዚህ ቀደም በተሳተፈባቸው 4ቱም ውድድሮች እስከ 6ኛ ባለው ደረጃ ማጠናቀቁ ለነገው ድል ትልቅ መተማመኛ ሆኖታል።

​በ10 ሺህ ሜትር ዝነኛው ዮሚፍ፣ ለመጀመሪያ ጊዜ 42 ኪሎ ሜትር (ማራቶን) የሚሮጥበት ታሪካዊ መድረክ ይሆናል። ዮሚፍ በማራቶን ምን ዓይነት አስገራሚ ውጤት ይይዝ ይሆን? የሚለው የብዙዎች ጥያቄ ነው።

​ያለፈው ዓመት ሻምፒዮኑ ኬንያዊው ሰባስቲያን ሳዌ፣ ዩጋንዳውያኑ ጃኮብ ኪፕሊሞ እና ጆሽዋ ቼፕቴጋይ ለኢትዮጵያውያን ብርቱ ተቀናቃኝ እንደሚሆኑ ይጠበቃል።

​ለንደን ማራቶን ለኢትዮጵያውያን የድል አውድማ ነው። ትግስት አሰፋ በለንደን ጎዳናዎች ላይ በድጋሚ የዓለምን ትኩረት እንደምትስብ ጥርጥር የለኝም። ዮሚፍ ቀጀልቻ ደግሞ ወደ ማራቶን ያደረገው ሽግግር ለሀገራችን አትሌቲክስ አዲስ ተስፋ ነው። ይህንን ታላቅ ውድድር በሀገሬ ቴሌቪዥን በቀጥታ መመልከት መቻላችን ደግሞ ድሉን ከቤታችን ሆነን እንድንጋራ ያደርገናል።

​ድል ለኢትዮጵያ አትሌቶች!

​#getu #londonmarathon2026 #ethiopianathletes #tigistassefa #tamirattola #yomifkejelcha #athleticsnews #worldrecord #hagerietv #ለንደንማራቶን #ኢትዮጵያ #ትግስትአሰፋ #ታምራትቶላ #ዮሚፍቀጀልቻ #ጌጡተመስገን #getutemesgen

ዕጅ እና እግሩን ተጠቅሞ በመሮጥ የዓለም ክብረ ወሰን የሰበረው ጃፓናዊ
#ethiopia | የ22 ዓመቱ ጃፓናዊ ስፖርተኛ ራዩሴይ ዮኔ ዕጁ እና እግሩን ተጠቅሞ በፍጥነት መሮጥ በ100 ሜትር የጊነስ ወርልድ ሪከርድን አስመዝግቧል።

አትሌቱ ከዚህ ቀደም አሜሪካዊው ኮሊን ማክሉር ያስመዘገበውን 15.66 ሰከንድ በማሻሻል ርቀቱን በ14.55 ሰከንድ ማጠናቀቅ ችሏል።

ወጣቱ በመካከለኛ ደረጃ ትምህርት ቤት በነበረበት ወቅት አስተማሪው እንስሳት በአራት እግሮች እንደሚሮጡ ሲያስተምሩ ካዳመጠ በኋላ እሱም ለዚህ እንቅስቃሴ መነሳሳት እንደተፈጠረበት ተናግሯል።

ለውድድሩ ለመዘጋጀትም ውሾች፣ ድመቶች እና ጦጣዎች እንዴት እንደሚንቀሳቀሱ ማጥናቱን ይናገራል።

ወጣቱ ከመቼውም ጊዜ በበለጠ ጠንክሬ እለማመዳለሁ፣ ይህ የስፖርት ዘርፍ በየትኛውም ቦታ ማሳደግ እፈልጋለሁ” ብሏል።

በሴራን ታደሰ
#worldrecord #athletics