በከተማዋ የምገባ ፕሮግራም በየአመቱ ከ5 ቢሊየን ብር በላይ ወጪ እየተደረገ መሆኑን የምገባ ኤጀንሲ አስታወቀ

👉በየእለቱ ከ41 ሺ በላይ አቅመ ደካሞች ትኩስ ምግብ እየቀረበላቸው ነው ተብሏል

👉41 ባለሃብቶች በመርሃ ግብሩ እተሳተፉ ነው

👉ሴንቸሪ ኢንቨስትመንት ግሩፕ ለማህበራዊ
ሃላፊነት በየአመቱ ከ40 ሚሊየን ብር ያላነሰ ገንዘብ ወጪ እንደሚያድ አስታውቋል
#ethiopia | የአዲስ አበባ ምገባ ኤጀንሲ ከ41 ሺ በላይ ለሚሆኑ አዛውንቶች እና አቅመ ደካሞች በከተማው በሚገኙ 31 የምገባ ማእከላት በየቀኑ ምግብ እያቀረበ መሆኑን አስታወቀ፡፡

የኤጀንሲው ምክትል ዋና ዳይሬክተር ወ/ሮ ስንታየሁ ማሞ በዛሬው እለት በተስፋ ብርሃን ቁጥር 14 የምገባ ማእከል ለበአል መዋያ ለአቅመ ደካሞች ድጋፍ በተደረገበት ወቅት እንደተናገሩት በከንቲባ አዳነች አበቤ ሃሳብ አመንጪነት እና ክትትል የከተማ አስተዳደሩ አቅም የሌላቸው አዛውንቶችን በየእለቱ እየመገበ ነው።

በዚህም በከተማው ውስጥ በልበ ቀና ባለሃብቶች በተገነቡ እና በሚተዳደሩ 31 የምገባ ማእከላት በጠቅላላው በየእለቱ ከ 41 ሺ በላይ አቅመ ደካሞች ትኩስ ምግብ እየቀረበላቸው ይገኛል ብለዋል፡፡

እንደ ኤጀንሲው ምክትል ዋና ዳይሬክተር ገለፃ በምገባ እና ተያያዥ ስራዎች በየአመቱ ከ 5 ቢሊየን ብር በላይ በዚህ ድጋፍ በሚሳተፉ 41 ባለሃብቶች ወጪ እንደሚደረግ ነው የገለፁት፡፡

የአዲስ አመት በአልን አስመልክቶ በሴንቸሪ ኢንቨስትመንት ግሩፕ ተገንብቶ በየእለቱ 300 አካባቢ አቅመ ደካማ አዛውንቶች በየእለቱ ምገባ የሚደረግበት ኮተቤ አካባቢ የሚገኘው የተስፋ ብርሃን ቁጥር 14 ምገባ ማእከል ላይ በተደረገው የበአል መዋያ ድጋፍ መርሃ ግብር ለ 250 አዛውንቶች የዶሮ፣ ዘይት፣ ሽንኩርት እና ዱቄት ድጋፍ ተደርጓል፡፡

ሴንቸሪ ኢንቨስትመንት ግሩፕ ላለፉት 25 አመታት በትምህርት፣ ድጋፍ ለሚሹ ህፃናት፣ አዛውንቶች እንዲሁም የጤና መታወክ ለገጠማቸው እና እርዳታ ለሚያስፈልጋቸው ዜጎች ከፍተኛ ድጋፍ በማድረግ ማህበራዊ ሃላፊነቱን እንደሚወጣ ነው በመድረኩ የተገለፀው፡፡

በተጨማሪም በመንግስት እና የማህበረሰብ አካላት በሚደረግለት ጥሪ ለሰው ሰራሽ ሆነ የተፈጥሮ አደጋዎች ፈጣን ምላሽ በመስጠት የበኩሉን እየተጫወተ መሆኑን በመድረኩ የተገኙት ከፍተኛ የመንግስት ሃላፊዎች ገልፀዋል፡፡

ለዚህም በጎ አላማ በስሩ በሚገኙ ኩባንያዎች አማካኝነት በየአመቱ ከ43 ሚሊየን ብር በላይ ወጪ እንደሚያደርግ ነው የታወቀው፡፡

ሴንቸሪ ኢንቨስትመንት ግሩፕ ከሚያደርጋቸው እጅግ በርካታ የህበረተሰብ ተኮር ድጋፎች እና መደጋገፎች መካከል አንደኛው የሆነውን የአውዳመት ማእድ ማጋራት መርሃ ግብር ዿግሜ 5 ቀን 2018 ዓም ባከናወነበት ወቅት የተገኙት የኩባንያው ከፍተኛ ሃላፊዎች ይህ ድጋፍ ለዘመናት ከኩባንያው ጋር የኖረ ነው ብለዋል፡፡

ሴንቸሪ ባስገነባው የምገባ መአከል በተደረገው ድጋፍ የአዲስ አበባ ከተማ አስተዳደር ከንቲባ ጽ/ቤት ተወካይ እንዲሁም የከተማዋ ምገባ ኤጀንሲ አመራር እና የየካ ክፍለ ከተማ ከፍተኛ የስራ ኃላፊዎች ተገኝተዋል፡፡

“መስጠት ያስደስታል፣” ያሉት የኤጀንሲው ምክትል ዋና ዳይሬክተር “ሌሎችም ይህን አርአያ ተከተሉ፣” ሲሉ ሴንቸሪ እያደረገ ያለውን ሰው ተኮር ስራ በምሳሌነት በመጥቀስ ጥሪ ያቀረቡት።

በመድረኩ የሴንቸሪ ኢንቨስትመንት ግሩፕ ከፍተኛ የስራ ሃላፉ የሆኑት አቶ ግርማ አዲስ መደጋገፍ የቆየ የኩባንያው ባህል መሆኑን ጠቅሰው።

ይህንኑ የማህበራዊ ሃላፊነት ስራ በተዋቀረ መልኩ ለማከናወን ፋውንዴሽን ለማቆም ስራው መጠናቀቁን አስታውቀዋል።

እኛ የገንዘብ ወይም የአይነት ድጋፍ ማድረግ ብቻ ላይ አልተወሰንም ያሉት አቶ ግርማ ይልቁንም የተለያዩ በጎ ስራ ውስጥ የሚገኙ ተቋማት ውስጥ በቦርድ እና ሞያዊ ምክር በመሳተፍ ውጤታማ እንዲሆኑ የበኩላችንን እገዛ በማድረግ ጭምር እንሳተፋለን ሲሉ አክለዋል።

በሴንቸሪ ኢንቨስትመንት ግሩፕ የእርዳታ ማስተባበሪያ ዴስክ ሃላፊ የሆኑት ወ/ሮ ራሄል ተስፋማርያም በበኩላቸው በኩባንያው ስር የሚገኙ ድርጅቶች ላለፉት 25 አመታት በበጎ ስራ እየተሳተፉ ቆይተዋል ብለው።

በተለየ በአዲስ አበባ፣ ቢሾፍቱ፣ ደብረ ብርሃን እና ሌሎች ለተሞች በቋሚነት ድጋፍ ለሚያደርጉ ከ10 ላላነሱ ተቋማት በቋሚነት በጀት በመያዝ የገንዘብ እና የአመራር ምክር ድጋፍ እንደሚያደርጉ ገልፀዋል።

አክለውም ድጋፉ በዋናነት እገዛ ለሚሹ ህፃናት፣ አረጋውያን እንዲሁም ሴቶች ትኩረት እንደሚሰጥ አስታውሰዋል።

ትምህርት ቤት ገንብቶ ማስረከብ ብቻ ሳይሆን ለተማሪዎች ቋሚ የትምህርት መርጃ መሳሪያ እና ዩኒፎርም እንደሚቀርብ አስታውሰዋል።

በተጨማሪ የላቀ ውጤት ላላቸው ተማሪዎች በአመት ሁለቴ የማነቃቂያ ሽልማት በማበርከት ቤተሰባዊ አጋርነት የሚከናወን መሆኑን ጠቅሰዋል።

በተመሳሳይ መስራት እና መለወጥ ለሚቸሉ ሴቶች ተዘዋዋሪ ፈንድ በማቅረብ ሰርተው ራሳቸውን እንዲችሉ እና ቋሚ የገቢ ምንጭ እንዲኖራቸው ድጋፍ እንደሚደረግ ነው የጠቀሱት፡፡

ኩባንያው በእርዳታ ድርጅቶች አማካኝነት ከሚያደርገው ድጋፍ በተጨማሪ ለበርካታ ዜጓች በቋሚነት ድጋፍ እንደሚደረግ ነው አስተባባሪዋ የገለፁት።

ከበአል ጋር በተያያዘም እንደ ባህሉና ወጉ ድጋፍ ለሚሹ ወገኖች በተለያየ አጋጣሚ የበኩሉን ሲጫወት ነው የቆየው።SECO የአዲስ አበባ ከተማ ኮሙኒኬሽን ቢሮ Addis Ababa City Communication Adanech Abiebie- አዳነች አቤቤ
#centuryinvestmentgroup #steelyrmi #etbusinessview #ቅዳሜገበያ #csr

በከተማዋ የምገባ ፕሮግራም በየአመቱ ከ5 ቢሊየን ብር በላይ ወጪ እየተደረገ መሆኑን የምገባ ኤጀንሲ አስታወቀ

👉በየእለቱ ከ41 ሺ በላይ አቅመ ደካሞች ትኩስ ምግብ እየቀረበላቸው ነው ተብሏል

👉41 ባለሃብቶች በመርሃ ግብሩ እተሳተፉ ነው

👉ሴንቸሪ ኢንቨስትመንት ግሩፕ ለማህበራዊ
ሃላፊነት በየአመቱ ከ40 ሚሊየን ብር ያላነሰ ገንዘብ ወጪ እንደሚያድ አስታውቋል

የአዲስ አበባ ምገባ ኤጀንሲ ከ41 ሺ በላይ ለሚሆኑ አዛውንቶች እና አቅመ ደካሞች በከተማው በሚገኙ 31 የምገባ ማእከላት በየቀኑ ምግብ እያቀረበ መሆኑን አስታወቀ፡፡

የኤጀንሲው ምክትል ዋና ዳይሬክተር ወ/ሮ ስንታየሁ ማሞ በዛሬው እለት በተስፋ ብርሃን ቁጥር 14 የምገባ ማእከል ለበአል መዋያ ለአቅመ ደካሞች ድጋፍ በተደረገበት ወቅት እንደተናገሩት በከንቲባ አዳነች አበቤ ሃሳብ አመንጪነት እና ክትትል የከተማ አስተዳደሩ አቅም የሌላቸው አዛውንቶችን በየእለቱ እየመገበ ነው።

በዚህም በከተማው ውስጥ በልበ ቀና ባለሃብቶች በተገነቡ እና በሚተዳደሩ 31 የምገባ ማእከላት በጠቅላላው በየእለቱ ከ 41 ሺ በላይ አቅመ ደካሞች ትኩስ ምግብ እየቀረበላቸው ይገኛል ብለዋል፡፡

እንደ ኤጀንሲው ምክትል ዋና ዳይሬክተር ገለፃ በምገባ እና ተያያዥ ስራዎች በየአመቱ ከ 5 ቢሊየን ብር በላይ በዚህ ድጋፍ በሚሳተፉ 41 ባለሃብቶች ወጪ እንደሚደረግ ነው የገለፁት፡፡

የአዲስ አመት በአልን አስመልክቶ በሴንቸሪ ኢንቨስትመንት ግሩፕ ተገንብቶ በየእለቱ 300 አካባቢ አቅመ ደካማ አዛውንቶች በየእለቱ ምገባ የሚደረግበት ኮተቤ አካባቢ የሚገኘው የተስፋ ብርሃን ቁጥር 14 ምገባ ማእከል ላይ በተደረገው የበአል መዋያ ድጋፍ መርሃ ግብር ለ 250 አዛውንቶች የዶሮ፣ ዘይት፣ ሽንኩርት እና ዱቄት ድጋፍ ተደርጓል፡፡

ሴንቸሪ ኢንቨስትመንት ግሩፕ ላለፉት 25 አመታት በትምህርት፣ ድጋፍ ለሚሹ ህፃናት፣ አዛውንቶች እንዲሁም የጤና መታወክ ለገጠማቸው እና እርዳታ ለሚያስፈልጋቸው ዜጎች ከፍተኛ ድጋፍ በማድረግ ማህበራዊ ሃላፊነቱን እንደሚወጣ ነው በመድረኩ የተገለፀው፡፡

በተጨማሪም በመንግስት እና የማህበረሰብ አካላት በሚደረግለት ጥሪ ለሰው ሰራሽ ሆነ የተፈጥሮ አደጋዎች ፈጣን ምላሽ በመስጠት የበኩሉን እየተጫወተ መሆኑን በመድረኩ የተገኙት ከፍተኛ የመንግስት ሃላፊዎች ገልፀዋል፡፡

ለዚህም በጎ አላማ በስሩ በሚገኙ ኩባንያዎች አማካኝነት በየአመቱ ከ43 ሚሊየን ብር በላይ ወጪ እንደሚያደርግ ነው የታወቀው፡፡

ሴንቸሪ ኢንቨስትመንት ግሩፕ ከሚያደርጋቸው እጅግ በርካታ የህበረተሰብ ተኮር ድጋፎች እና መደጋገፎች መካከል አንደኛው የሆነውን የአውዳመት ማእድ ማጋራት መርሃ ግብር ዿግሜ 5 ቀን 2018 ዓም ባከናወነበት ወቅት የተገኙት የኩባንያው ከፍተኛ ሃላፊዎች ይህ ድጋፍ ለዘመናት ከኩባንያው ጋር የኖረ ነው ብለዋል፡፡

ሴንቸሪ ባስገነባው የምገባ መአከል በተደረገው ድጋፍ የአዲስ አበባ ከተማ አስተዳደር ከንቲባ ጽ/ቤት ተወካይ እንዲሁም የከተማዋ ምገባ ኤጀንሲ አመራር እና የየካ ክፍለ ከተማ ከፍተኛ የስራ ኃላፊዎች ተገኝተዋል፡፡

“መስጠት ያስደስታል፣” ያሉት የኤጀንሲው ምክትል ዋና ዳይሬክተር “ሌሎችም ይህን አርአያ ተከተሉ፣” ሲሉ ሴንቸሪ እያደረገ ያለውን ሰው ተኮር ስራ በምሳሌነት በመጥቀስ ጥሪ ያቀረቡት።

በመድረኩ የሴንቸሪ ኢንቨስትመንት ግሩፕ ከፍተኛ የስራ ሃላፉ የሆኑት አቶ ግርማ አዲስ መደጋገፍ የቆየ የኩባንያው ባህል መሆኑን ጠቅሰው።

ይህንኑ የማህበራዊ ሃላፊነት ስራ በተዋቀረ መልኩ ለማከናወን ፋውንዴሽን ለማቆም ስራው መጠናቀቁን አስታውቀዋል።

እኛ የገንዘብ ወይም የአይነት ድጋፍ ማድረግ ብቻ ላይ አልተወሰንም ያሉት አቶ ግርማ ይልቁንም የተለያዩ በጎ ስራ ውስጥ የሚገኙ ተቋማት ውስጥ በቦርድ እና ሞያዊ ምክር በመሳተፍ ውጤታማ እንዲሆኑ የበኩላችንን እገዛ በማድረግ ጭምር እንሳተፋለን ሲሉ አክለዋል።

በሴንቸሪ ኢንቨስትመንት ግሩፕ የእርዳታ ማስተባበሪያ ዴስክ ሃላፊ የሆኑት ወ/ሮ ራሄል ተስፋማርያም በበኩላቸው በኩባንያው ስር የሚገኙ ድርጅቶች ላለፉት 25 አመታት በበጎ ስራ እየተሳተፉ ቆይተዋል ብለው።

በተለየ በአዲስ አበባ፣ ቢሾፍቱ፣ ደብረ ብርሃን እና ሌሎች ለተሞች በቋሚነት ድጋፍ ለሚያደርጉ ከ10 ላላነሱ ተቋማት በቋሚነት በጀት በመያዝ የገንዘብ እና የአመራር ምክር ድጋፍ እንደሚያደርጉ ገልፀዋል።

አክለውም ድጋፉ በዋናነት እገዛ ለሚሹ ህፃናት፣ አረጋውያን እንዲሁም ሴቶች ትኩረት እንደሚሰጥ አስታውሰዋል።

ትምህርት ቤት ገንብቶ ማስረከብ ብቻ ሳይሆን ለተማሪዎች ቋሚ የትምህርት መርጃ መሳሪያ እና ዩኒፎርም እንደሚቀርብ አስታውሰዋል።

በተጨማሪ የላቀ ውጤት ላላቸው ተማሪዎች በአመት ሁለቴ የማነቃቂያ ሽልማት በማበርከት ቤተሰባዊ አጋርነት የሚከናወን መሆኑን ጠቅሰዋል።

በተመሳሳይ መስራት እና መለወጥ ለሚቸሉ ሴቶች ተዘዋዋሪ ፈንድ በማቅረብ ሰርተው ራሳቸውን እንዲችሉ እና ቋሚ የገቢ ምንጭ እንዲኖራቸው ድጋፍ እንደሚደረግ ነው የጠቀሱት፡፡

ኩባንያው በእርዳታ ድርጅቶች አማካኝነት ከሚያደርገው ድጋፍ በተጨማሪ ለበርካታ ዜጓች በቋሚነት ድጋፍ እንደሚደረግ ነው አስተባባሪዋ የገለፁት።

ከበአል ጋር በተያያዘም እንደ ባህሉና ወጉ ድጋፍ ለሚሹ ወገኖች በተለያየ አጋጣሚ የበኩሉን ሲጫወት ነው የቆየው።SECO የአዲስ አበባ ከተማ ኮሙኒኬሽን ቢሮ Addis Ababa City Communication Adanech Abiebie- አዳነች አቤቤ
#centuryinvestmentgroup #steelyrmi #etbusinessview #ቅዳሜገበያ #csr

የኩርሙክ ወርቅ ማዕድን ሥራውን በነሐሴ ወር ሊጀምር መሆኑ ተገለጸ

👉የቻይናው ግዙፍ ወርቅ አምራች 9 በመቶ ድርሻ ለመውሰድ ተስማምቷል

የካናዳው ማዕድን አምራች ኩባንያ የሆነው አላይድ ጎልድ ኮርፖሬሽን በኢትዮጵያ የሚገኘውን ግዙፉን የኩርሙክ ወርቅ ማዕድን ማውጫ ፕሮጀክት ግንባታ አጠናቆ በመጪው የነሐሴ ወር ውስጥ ሥራ ሊጀምር መሆኑን አስታወቀ። ማዕድን ማውጫው ሥራውን ሲጀምር የመጀመሪያውን ወርቅ ምርት በቅርብ ሳምንታት ውስጥ ለገበያ ያቀርባል ተብሎ ይጠበቃል።

ይህ ወሳኝ መረጃ ይፋ የሆነው ከአላይድ ጎልድ እና ከቻይናው ዚጂን ጎልድ ኢንተርናሽናል ጋር የነበረው የ4 ቢሊዮን ዶላር የመገዛት ስምምነት መሰረዙን ተከትሎ ነው።

እንደሚታወሰው የቻይናው ኩባንያ አላይድ ጎልድን በአክሲዮን ለመግዛት አቅዶ አንዳንድ ቅድመ ሁኔታዎች በመዘግየታቸው የስምምነቱ የመጨረሻ የጊዜ ገደብ ሊከበር እንዳልቻለ አላይድ ዛሬ ባወጣው መግለጫ ጠቅሷል።

ሆኖም ሁለቱ ኩባንያዎች ሙሉ ግዢውን በመሰረዝ ፋንታ በግንኙነታቸው ለመቀጠል እና አዲስ አጋርነት ለመፍጠር በመስማማታቸው ዚጂን ጎልድ በግምት 295 ሚሊዮን ዶላር ስትራቴጂካዊ ኢንቨስትመንት በአላይድ ጎልድ ላይ አድርጓል።

በዚህ አዲስ የኢንቨስትመንት ስምምነት መሠረት ዚጂን ጎልድ 12.8 ሚሊዮን መደበኛ አክሲዮኖችን የሚገዛ ሲሆን፣ ይህም የኩባንያውን 9.2 በመቶ ድርሻ እንዲይዝ ያስችለዋል።

አላይድ ጎልድ እንዳስታወቀው ከዚህ አጋርነት ከሚገኘው የገንዘብ መጠን ውስጥ ከፍተኛው ድርሻ ለኩባንያው ዕድገት ስትራቴጂ፣ ለአሰራር ማሻሻያ እና በተለይም በኢትዮጵያ የሚገኘውን የኩርሙክ ወርቅ ማዕድን ፕሮጀክት ግንባታ ወደ ምርት ለማሸጋገር ይውላል። ከዚህ በተጨማሪ በ ማሊ የሚገኘውን የሳዲዮላ ማዕድን ማስፋፊያ፣ በኮትዲዕፍዋር ያሉ የምርት ማሳደግ ሥራዎችን እና በሌሎችም አካባቢዎች የሚደረጉ የፍለጋ ሥራዎችን ፋይናንስ ለማድረግ ያገለግላል ብሏል።

የኩርሙክ ወርቅ ማዕድን ማውጫ ሥራውን መጀመር ለኢትዮጵያ የማዕድን ዘርፍ ትልቅ ፋይዳ ያለው ሲሆን፣ የሀገሪቱን የውጭ ምንዛሪ ግኝት ከማሳደግ ባለፈ ለአካባቢው ማህበረሰብ በርካታ የስራ እድሎችን ይፈጥራል ተብሎ ይጠበቃል።
#ቅዳሜገበያ #etbusinessview #ethiopia #alliedgoldcorp #mali #cotedivoire #canada #china #zijingold Ministry of Finance - Ethiopia Ministry of Mines - Ethiopia Abiy Ahmed Ali

ስጦታን ወደ ገንዳ
#ethiopia | ከፕሬዝደንት ዶናልድ ትራምፕን ተከትሎ ወደ ቻይና የቀናው ከፍተኛ የአሜሪካ ልኡክ ወደ አገሩ ከመመለሱ በፊት በስጦታ መልክ የተቀበለውን በሙሉ እዛው ቻይና ጥሎ መሄዱ ታውቋል።

በረቀቀው የስለላ አለም ለቡድኑ አባላት የተሰጡት የተለያዩ ከፍተኛ ግምት እና ዋጋ ያላቸው ስጦታዎች በውስጣቸው ድብቅ የኤሌክትሮኒክ እና ሳይበር መጥለፊያ ሊኖራቸው እንደሚችል በመሰጋቱ ነው እንዲጣሉ የተደረገው።

ስለጉዳዩ እየወጡ ያሉ መረጃዎች እንደሚገልፁት የልኡክ አባላት ከትልልቅ ስጦታዎች ባሻገር እንደ ጊዜያዊ መታወቂ/ ባጅ የመሰሉ ጥቃቅን ነገሮች ሳይቀር ፕሬዝደንቱ በሚጓጓዙበት ወደ ኤርፎርስ ዋን አውሮፕላን ከመሳፈራቸው በፊት ወደ ቆሻሻ ገንዳ እንዲጥሉ መደረጉ ነው የተገለፀው።

Getu Temesgen - (ጌጡ ተመስገን) #getutemesgen #getu #ቅዳሜገበያ #etbusinessview #kidamegebeya#trump #ኤርፎርስ_ዋን #airforce_one

የአይ.ኤም.ኤፍ እና የኢትዮጵያ መንግሥት 5ኛውን የኢኮኖሚ ግምገማ ጀመሩ፤ የመካከለኛው ምስራቅ ግጭት ተፅዕኖ የውይይቱ ትኩረት ሆኗል
#ethiopia | በዓለም አቀፉ የገንዘብ ድርጅት (አይኤምኤፍ ) ዋና ዳይሬክተር ክሪስታሊና ጆርጂየቫ እንደገለጹት፤ ድርጅቱ ከኢትዮጵያ መንግስት ጋር በአምስተኛው የተራዘመ ብድር አቅርቦት ፕሮግራም ክለሳ ላይ ውይይት እያደረገ ይገኛል።

የዚህ ውይይት ዋነኛ ትኩረት በመካከለኛው ምስራቅ እየተካሄደ ያለው ጦርነት በኢትዮጵያ ኢኮኖሚ ላይ የሚያሳድረውን ተጽዕኖ ለመቋቋም የሚያስችሉ የፖሊሲ እርምጃዎችን መቀየስ ነው።

​ወይዘሮ ጆርጂየቫ ናይሮቢ ለሚካሄደው የ"Africa Forward" ጉባኤ ሲጓዙ አዲስ አበባ ላይ በነበራቸው ቆይታ፤ ኢትዮጵያ የምትከተለው የሀገር በቀል የኢኮኖሚ ማሻሻያ አጀንዳ አበረታች መሆኑን ገልጸው፣ ሆኖም የውጭ ተፅዕኖዎች የሀገሪቱን ጥንካሬ እየፈተኑ መሆኑን አስገንዝበዋል።

ዓለም አቀፍ የኢኮኖሚ መቀዛቀዝ ቢኖርም፣ ኢትዮጵያ ባለፈው ዓመት ባሳየችው ጠንካራ እድገት፣ የወጪ ንግድ አፈጻጸም እና ከመንግስት ገቢ አሰባሰብ አንጻር ለገጠማት ድንገተኛ ጫና ዝግጁ ሆና መገኘቷን ዋና ዳይሬክተሯ ጠቅሰዋል።

ይሁን እንጂ በመካከለኛው ምስራቅ ያለው ጦርነት በተለይም የሆርሙዝ የባህር በር መዘጋት በኢትዮጵያ ላይ ከፍተኛ ስጋት የደቀነ ሲሆን፣ ሀገሪቱ ነዳጅን ሙሉ በሙሉ ከውጭ የምታስገባ በመሆኗ ለዋጋ ንረት ተጋላጭ እንድትሆን አድርጓታል።

ከዚህ በተጨማሪ የማዳበሪያ ዋጋ መጨመር በግብርናው ዘርፍ ላይ ጫና እየፈጠረ ሲሆን፣ ከወርቅ ውጭ ካለው የወጪ ንግድ 19 በመቶው እና ከሃዋላ ገቢ 35 በመቶው ከመካከለኛው ምስራቅና ከባህረ ሰላጤው ሀገራት የሚገኝ በመሆኑ አካባቢው በከፍተኛ ክትትል ስር እንዲውል አድርጓል።

​ዋና ዳይሬክተሯ በዚህ አምስተኛ ክለሳ ወቅት ሀብትን በጥንቃቄ ጥቅም ላይ ማዋል ቅድሚያ የሚሰጠው ጉዳይ መሆኑን አሳስበው፣ የዋጋ ንረቱን ለመቆጣጠር መንግስት ጥብቅ የፊስካልና የገንዘብ ፖሊሲን መከተል እንዳለበት መክረዋል።

በተለይም እንደ ነዳጅ ድጎማ ወይም አጠቃላይ የቀረጥ ቅነሳ ያሉ ኢላማቸውን ያልጠበቁ እርምጃዎች በከፍተኛ ዋጋ ምክንያት የሚመጣውን ስቃይ ከማራዘም ውጭ ፋይዳ እንደሌላቸው በመጥቀስ፤ መንግስት ዝቅተኛ ገቢ ያላቸውን ዜጎች ለመጠበቅ በሚያደርገው ጥረት እና በሀገሪቱ የፋይናንስ ዘላቂነት መካከል ጥንቃቄ የተሞላበት ሚዛን መጠበቅ እንዳለበት አሳስበዋል።

​በአይኤምኤፍ እና በኢትዮጵያ መካከል ያለው አጋርነት ተጠናክሮ መቀጠሉ የተገለጸ ሲሆን፣ ፕሮግራሙ ከተጀመረ አንስቶ ድርጅቱ ከ2 ቢሊዮን ዶላር በላይ መልቀቁና ባለፈው ጥር ወር አራተኛው ክለሳ በተሳካ ሁኔታ መጠናቀቁ ይታወሳል።

ኢትዮጵያ በጋራ ማዕቀፍ ስር እያከናወነች ያለው የዕዳ ሽግሽግ ሂደት ከሌሎች ሀገራት በበለጠ ፍጥነት እየተጓዘ መሆኑን ያደነቁት ጆርጂየቫ፣ ይህም ለዓለም አቀፍ ባለሀብቶች ትልቅ የቁርጠኝነት ምልክት መሆኑን ገልጸዋል።

አሁን በቴክኒክ ባለሙያዎች ደረጃ የቀጠለው አምስተኛው ክለሳ ዋና ዓላማው የሀገር በቀል ማሻሻያው በክልላዊ አለመረጋጋት ሳይደናቀፍ ይልቁንም ተጠናክሮ እንዲቀጥል ማስቻል ነው።

Getu Temesgen - (ጌጡ ተመስገን) #getutemesgen #getu #ቅዳሜገበያ #etbusinessview #ethiopia

ጋሽ አንተነህ በትንሳዔ ዋዜማ 2 ሚሊዮን ብር ተበረከተላቸው
#ethiopia | አዋሽ ባንክ 1 ሚሊዮን ብር የሸለመ ሲሆን፣ ታሜሶል ኮሙኒኬሽን ከታምኮን ሶፍትዌር ሶሉሽን እና ከሊያን ቢዝነስ ግሩፕ ጋር በመተባበር ተጨማሪ 1 ሚሊዮን ብር አበርክተዋል። በአጠቃላይ ደራሲ አንተነህ የ2 ሚሊዮን ብር ስጦታ ተረክበዋል።

ደራሲ አንተነህ ከጤና እክላቸው ጋር እየታገሉ ላሳዩት ከፍተኛ የሥራ ተነሳሽነትና ውጤታማነት የተሰጠ እውቅና ነው። ደራሲው ያዘጋጇቸውን የሥራ ውጤቶችም ሙሉ በሙሉ ሽጠው ማጠናቀቃቸው ተገልጿል።

የአዋሽ ባንክ ዋና ሥራ አስፈጻሚ አቶ ፀሐይ ሽፈራው ባንኩ በየዓመቱ ለማህበራዊ ኃላፊነት አገልግሎት ከ500 እስከ 700 ሚሊዮን ብር እንደሚመድብ ጠቁመው፣ እንደ ደራሲ አንተነህ ያሉ ጠንካራና ለሀገር ባለውለታ የሆኑ ዜጎችን መደገፍ የኩራት ምንጭ እንደሆነ ገልጸዋል።

ይህ እውቅና ለታታሪ ዜጎች የሚሰጥ ማበረታቻና የባለሙያዎችን ድካም የሚመጥን ተግባር መሆኑ በዕለቱ ተመላክቷል።

Getu Temesgen - (ጌጡ ተመስገን)
#getutemesgen #getu #sputnik #ደራሲ_አንተነህ #አዋሽ_ባንክ #ታሜሶል #ታታሪነት #ኢትዮጵያ #awashbank #tamesol #ethiopia #kidame_gebeya #etbusinessview

ኢትዮጵያ በቀይ ባሕር ጉዳይ 'ለሁሉም አሸናፊ' የሆነ ስትራቴጂካዊ መፍትሔ አስፈላጊነትን አሳሰበች
#ethiopia | ኢትዮጵያ ወደ ቀይ ባሕር ሉዓላዊ መዳረሻ ለማግኘት የምታደርገው ጥረት ለቀጣናው አገራት የጋራ ብልጽግና እና ለቀጣናዊ ውህደት ወሳኝ መሆኑን የኢትዮጵያ ባሕር ኃይል አስታወቀ።

በአዲስ አበባ በተካሄደው 4ኛው ዓመታዊ የቀይ ባሕር እና የኤደን ባሕረ ሰላጤ ውይይት ላይ የተገኙት የባሕር ኃይል ዋና አዛዥ **ሪር አድሚራል ክንዱ ገዙ ፣ የኢትዮጵያ የባሕር በር ፍላጎት ከብሔራዊ ምኞት ባለፈ የአፍሪካ ኅብረት የ2063 አጀንዳን መሠረት ያደረገ ስትራቴጂካዊ ራዕይ መሆኑን አጽንኦት ሰጥተዋል። አዛዡ እንደገለጹት፣ ኢትዮጵያ በቀይ ባሕር ላይ የምትፈልገው ሚና ሁሉንም ወገኖች ተጠቃሚ የሚያደርግ "ለሁሉም አሸናፊ" (Win-Win) መፍትሔ ነው።

በተጨማሪም በቀጣናው ላይ እያያንዣበቡ ያሉ የጸጥታ ስጋቶችን በተመለከተ የሚከተሉትን ዋና ዋና ነጥቦች አንስተዋል

* የባሕር ላይ ወንጀሎችና ሕገ-ወጥ የጦር መሣሪያ ዝውውር መስፋፋት።

* *መደበኛ ያልሆነ ስደት እና በጂኦፖለቲካዊ ፉክክር የሚመጡ ውስብስብ ፈተናዎች።

* እነዚህን ችግሮች ለመፍታትም የቀጣናው አገራት በትብብር እና በስትራቴጂካዊ ውይይት መስራት እንዳለባቸው ጥሪ አቅርበዋል።
ይህ የኢትዮጵያ አቋም የቀይ ባሕር ቀጣናን ሰላምና ደኅንነት ከማረጋገጥ ባለፈ፣ የንግድና የኢኮኖሚ ትስስርን ለማጠናከር ፋይዳው የጎላ መሆኑ ተመላክቷል።

Getu Temesgen - (ጌጡ ተመስገን)
#getutemesgen #getu #ቅዳሜገበያ #etbusinessview #ethiopia #redsea

"ነባሩ ሥርዓት ዳግም አይመለስም" የዓለም ንግድ ድርጅት
#ethiopia | በካሜሩን መዲና ያውንዴ በተካሄደው 14ኛው የሚኒስትሮች ጉባኤ ላይ፣ የዓለም ንግድ ድርጅት (WTO) ታሪክ ታይቶ የማይታወቅ ከፍተኛ የመፈራረስ አደጋ ተጋርጦበታል የሚል ማስጠንቀቂያ ተሰጠ። የድርጅቱ ዋና ዳይሬክተር ንጎዚ ኦኮንጆ-ኢዌላ እንደገለጹት፣ ዓለም ላለፉት 80 ዓመታት አይታው የማታውቀው ዓይነት የንግድ መስተጓጎል ውስጥ ትገኛለች።

የኃያላን አገራት ፍጥጫ እና የሥርዓቱ መናጋት
ለድርጅቱ መዳከም በዋናነት የተጠቀሰው የአሜሪካው ፕሬዝዳንት ዶናልድ ትራምፕ የሚከተሉት የ"ጥበቃ ፖሊሲ" (Protectionism) እና የጣሉት ሰፊ የታሪፍ ገደቦች ናቸው። አሜሪካ ነባሩ ሥርዓት ውጤታማ አይደለም ስትል፣ ቻይና በበኩሏ ሕጉ መናጋቱ "የፓንዶራ ሳጥንን" ከመክፈት ጋር እኩል የሆነ አስከፊ ውጤት ይኖረዋል ስትል አስጠንቅቃለች።

የአውሮፓ ህብረት እና እንግሊዝ ድርጅቱ በአፋጣኝ መዋቅራዊ ማሻሻያ ካላደረገ፣ ዓለም አቀፉ የንግድ ሕግ ተጠያቂነት በሌለው መልኩ ሊበታተን እንደሚችል ስጋታቸውን ገልጸዋል። ዋና ዳይሬክተሯም "ነባሩ የንግድ ሥርዓት ዳግም እንደማይመለስ" በማረጋገጥ፣ ዓለም አዳዲስ የንግድ አቅጣጫዎችን መመልከት እንዳለባት አሳስበዋል።

Getu Temesgen - (ጌጡ ተመስገን)
#getutemesgen #getu #ጌጡ #wto #globaltrade #economynews #tradewar #ngoziokonjoiweala #donaldtrump #internationalbusiness #etbusinessview #የዓለምንግድ

በአርቴፊሻል ኢንተለጀንስ የተመከረው ወጣት እናቱን ገደለ
#ethiopia | በሰሜን ዌልስ የሚኖር ትሪስታን ሮበርትስ የተባለ የ18 ዓመት ወጣት፣ የራሱን እናት በአሰቃቂ ሁኔታ መግደሉን ተከትሎ የዕድሜ ልክ እስራት ተፈረደበት። ወጣቱ ለዚህ አሰቃቂ ድርጊት "DeepSeek" የተሰኘውን የአርቴፊሻል ኢንተለጀንስ (AI) ቴክኖሎጂ ለክፉ ዓላማ መጠቀሙ ጉዳዩን ልዩና አስደንጋጭ አድርጎታል።

ለረጅም ጊዜ በኢንተርኔት የጥላቻ ንግግሮች (Hate Speech) ተጽዕኖ ሥር የነበረው ትሪስታን፣ እናቱን አንጄላ ሼሊስን ለመግደል የሚያስችሉ መረጃዎችን ከ-AI ለማግኘት ሙከራ ሲያደርግ ቆይቷል። መጀመሪያ ላይ ቴክኖሎጂው ጥያቄዎቹን ውድቅ ቢያደርግም፣ ወጣቱ ግን "መጽሐፍ እየጻፍኩ ስለሆነ ለፈጠራ ስራ ያግዘኛል" በሚል ማታለያ የግድያ መሳሪያዎችን እንዴት ማዘጋጀት እንደሚችል መረጃ ማግኘቱ ተረጋግጧል።

ግድያውን ከፈጸመ በኋላም "Discord" በተሰኘው የማኅበራዊ ሚዲያ መድረክ ላይ ስለ ድርጊቱ ሲያጋራ የነበረ ሲሆን፣ በመጨረሻም በፖሊስ ቁጥጥር ስር ውሎ ፍርድ ቤት ቀርቧል። ፍርድ ቤቱም የወጣቱን ድርጊት "እጅግ አሰቃቂ" በማለት የዕድሜ ልክ እስራት ውሳኔ አስተላልፎበታል።

ይህ ክስተት የሰው ሰራሽ አስተውሎት (AI) ኩባንያዎች የደህንነት ጥበቃቸውን (Safety Guards) ማጥበቅ እንዳለባቸው ትልቅ ማስጠንቀቂያ ሆኗል። በተለይም የተከለከሉ መረጃዎችን በፈጠራ ስራ ስም ለማውጣት የሚደረጉ "Jailbreaking" የተሰኙ ዘዴዎች በሰው ሕይወት ላይ ስጋት እየፈጠሩ መሆኑ አነጋጋሪ ሆኗል።

Getu Temesgen - (ጌጡ ተመስገን)
#getutemesgen #getu #ጌጡ #cybersecurity #aisafety #deepseek #tristanroberts #unitedkingdom #breakingnews #techethics #internetsafety #etbusinessview

ሩሲያ ለሽያጭ ቤንዚን ወደ ውጭ ሀገራት አልክም አለች
#ethiopia | የሩሲያ መንግስት ከፊታችን መጋቢት 23 ቀን 2018 ጀምሮ ለሚቀጥሉት ስድስት ወራት የሚቆይ የቤንዚን ኤክስፖርት እገዳ ለመጣል መወሰኑን አስታወቀ። ይህ ውሳኔ በዓለም አቀፍ ደረጃ እየታየ ያለውን የነዳጅ ዋጋ መለዋወጥ ተከትሎ የሀገር ውስጥ ገበያውን ለማረጋጋት የታለመ መሆኑ ተገልጿል።

የሩሲያ ምክትል ጠቅላይ ሚኒስትር አሌክሳንደር ኖቫክ የኢነርጂ ሚኒስቴር እገዳውን የሚጥል ረቂቅ ደንብ እንዲያዘጋጅ ትእዛዝ አስተላልፈዋል። እንደ መንግስታዊው የዜና ወኪል ታስ (TASS) ዘገባ ከሆነ፣ እገዳው እስከ ሐምሌ 24 ቀን 2018 ድረስ የሚቆይ ይሆናል።

ሩሲያ ይህን ጠንከር ያለ እርምጃ እንድትወስድ ካስገደዷት ምክንያቶች መካከል፦

* በመካከለኛው ምስራቅ ባለው ጦርነት ሳቢያ የሚታየውን የነዳጅ ዋጋ መለዋወጥ መቋቋም፣
* የሀገር ውስጥ የነዳጅ አቅርቦትን ማረጋጋት፣
* በሀገር ውስጥ የሚታየውን የዋጋ ንረት መቆጣጠር ዋነኞቹ ናቸው።

ሩሲያ ባለፈው የፈረንጆቹ ዓመት ብቻ ወደ 5 ሚሊዮን ሜትሪክ ቶን የሚጠጋ ቤንዚን ለዓለም ገበያ ያቀረበች ግዙፍ ሀገር በመሆኗ፣ አሁን የጣለችው እገዳ በዓለም አቀፍ የነዳጅ ዋጋ ላይ ከፍተኛ ጫና ሊፈጥር እንደሚችል የዘርፉ ባለሙያዎች እየገለጹ ይገኛሉ።

በተለይም የነዳጅ ፍላጎት በሚጨምርባቸው ወቅቶች ላይ አቅርቦቱ መቋረጡ የዋጋ ጭማሪን ሊያስከትል ይችላል ተብሎ ተሰግቷል።

Getu Temesgen - (ጌጡ ተመስገን)
#getutemesgen #getu #ጌጡ #russia #fuelexportban #globalenergy #oilmarket #gasolineprices #economynews #alexandernovak #tass #etbusinessview #ቅዳሜገበያ

የትግራይ ክልል የአጀንዳ ማሰባሰብ ሂደት በአዲስ አበባ እንዲካሄድ ተወሰነ
#ethiopia | የኢትዮጵያ ሀገራዊ ምክክር ኮሚሽን በትግራይ ክልል ተገኝቶ ማከናወን የነበረበትን የተሳታፊዎች ልየታ እና የአጀንዳ ማሰባሰብ ሂደት በአዲስ አበባ ለማካሄድ መወሰኑን አስታወቀ። ኮሚሽኑ ዛሬ በሰጠው ጋዜጣዊ መግለጫ፣ በክልሉ ውስጥ ሂደቱን ለማስጀመር አስቻይ ሁኔታዎች ባለመፈጠራቸው ስራውን በአዲስ አበባ ለማከናወን መገደዱን አረጋግጧል።

የውሳኔው ምክንያት እና ዝርዝር ሁኔታዎች
ኮሚሽኑ ከዚህ ቀደም በትግራይ ክልል አምስት የዞን ከተሞች ላይ ስራውን ለመጀመር ከጊዜያዊ አስተዳደሩ ጋር ስምምነት ላይ ደርሶ የነበረ ቢሆንም፣ ባልታወቀ ምክንያት ፍቃድ ሳይገኝ መቅረቱን ገልጿል።

የአጀንዳ ማሰባሰቡ ከመጋቢት 23 እስከ 25 ቀን 2018 ዓ.ም ይካሄዳል።

በአዲስ አበባ እና በመቀሌ የሚገኙ የክልሉ ተወላጆች፣ የሲቪል ማህበራት ተወካዮች እና ሌሎች ባለድርሻ አካላት ይሳተፋሉ።

ከ400 በላይ ተሳታፊዎች ይገኛሉ ተብሎ የሚጠበቅ ሲሆን፣ ለትራንስፖርት ምቾት ከኢትዮጵያ አየር መንገድ ጋር ትብብር ይደረጋል።

የኮሚሽኑ ሰብሳቢ ኮሚሽነር መስፍን አርአያ እንደገለጹት፣ ሀገራዊ ምክክር ኮሚሽኑ በአጠቃላይ ማከናወን ከነበረበት ተግባር 93 በመቶ የሚሆነውን አጠናቋል። ቀሪው 7 በመቶ የትግራይ ክልል ስራ ሲሆን፣ ኮሚሽኑ ይህንንም ለማጠናቀቅ በትኩረት እየሰራ መሆኑን ገልጸዋል።

ከዚህ ቀደም በጊዜያዊ አስተዳደሩ የተቀመጡ ቅድመ ሁኔታዎች ሂደቱን በክልሉ ውስጥ ለማከናወን እንቅፋት ሆነው መቆየታቸው ይታወሳል። ኮሚሽኑ ስራውን ለማጠናቀቅ ስምንት ወራት ተጨማሪ ጊዜ ተሰጥቶት ወደ ተግባር መግባቱም የሚታወስ ነው።

Getu Temesgen - (ጌጡ ተመስገን)
#getutemesgen #getu #ጌጡ #ethiopia #nationaldialogue #tigray #addisababa #peacebuilding #newsupdate #etbusinessview #ሀገራዊምክክር

አሜሪካ ደቡብ አፍሪካ ከቡድን 7 (G7) ጉባኤ እንድትገለል ፈረንሳይ ላይ ጫና እያሳደረች ነው
#ethiopia | በፈረንሳይ ኤቪያን ከተማ በግንቦት 2018 ዓ.ም (እንደ ኢትዮጵያ አቆጣጠር) በሚካሄደው የቡድን 7 (G7) አባል ሀገራት ጉባኤ ላይ ደቡብ አፍሪካ እንዳትሳተፍ አሜሪካ በፈረንሳይ ላይ ከፍተኛ ዲፕሎማሲያዊ ጫና እያሳደረች መሆኑን የደቡብ አፍሪካ ፕሬዝዳንት ጽሕፈት ቤት አስታውቋል።

ይህ የአሜሪካ እንቅስቃሴበሁለቱ ሀገራት መካከል ለወራት የዘለቀውና እየተሻከረ የመጣው ግንኙነት ውጤት እንደሆነ ተገልጿል።

ደቡብ አፍሪካ የአሜሪካ የቅርብ ወዳጅ በሆነችው እስራኤል ላይ በዓለም አቀፍ ፍርድ ቤት የመሰረተችው የዘር ማጥፋት ወንጀል ክስ ዋነኛው የውጥረት ምንጭ ሆኗል።

ፕሬዝዳንት ዶናልድ ትራምፕ “ነጭ አፍሪካውያን ከሀገሪቱ እየተሰደዱ ነው” በማለት የሰነዘሩት አወዛጋቢ መከራከሪያ ለዲፕሎማሲያዊ ፍጥጫው ተጨማሪ ምክንያት መሆኑ ተጠቁሟል።

ይህ ውሳኔ በዓለም አቀፍ መድረኮች ላይ የአፍሪካን ድምፅ የመወከል አቅም ባላት ደቡብ አፍሪካ እና በምዕራባውያን ኃያላን መካከል ያለውን ልዩነት ይበልጥ ያሰፋዋል ተብሎ ተሰግቷል።

Getu Temesgen - (ጌጡ ተመስገን)
#getutemesgen #getu #ጌጡ #southafrica #usa #g7summit #france #diplomacy #internationalrelations #g7 #breakingnews #africanews #etbusinessview

Yederaw Support:
አሜሪካ ደቡብ አፍሪካ ከቡድን 7 (G7) ጉባኤ እንድትገለል ፈረንሳይ ላይ ጫና እያሳደረች ነው
#ethiopia | በፈረንሳይ ኤቪያን ከተማ በግንቦት 2018 ዓ.ም (እንደ ኢትዮጵያ አቆጣጠር) በሚካሄደው የቡድን 7 (G7) አባል ሀገራት ጉባኤ ላይ ደቡብ አፍሪካ እንዳትሳተፍ አሜሪካ በፈረንሳይ ላይ ከፍተኛ ዲፕሎማሲያዊ ጫና እያሳደረች መሆኑን የደቡብ አፍሪካ ፕሬዝዳንት ጽሕፈት ቤት አስታውቋል።

ይህ የአሜሪካ እንቅስቃሴበሁለቱ ሀገራት መካከል ለወራት የዘለቀውና እየተሻከረ የመጣው ግንኙነት ውጤት እንደሆነ ተገልጿል።

ደቡብ አፍሪካ የአሜሪካ የቅርብ ወዳጅ በሆነችው እስራኤል ላይ በዓለም አቀፍ ፍርድ ቤት የመሰረተችው የዘር ማጥፋት ወንጀል ክስ ዋነኛው የውጥረት ምንጭ ሆኗል።

ፕሬዝዳንት ዶናልድ ትራምፕ “ነጭ አፍሪካውያን ከሀገሪቱ እየተሰደዱ ነው” በማለት የሰነዘሩት አወዛጋቢ መከራከሪያ ለዲፕሎማሲያዊ ፍጥጫው ተጨማሪ ምክንያት መሆኑ ተጠቁሟል።

ይህ ውሳኔ በዓለም አቀፍ መድረኮች ላይ የአፍሪካን ድምፅ የመወከል አቅም ባላት ደቡብ አፍሪካ እና በምዕራባውያን ኃያላን መካከል ያለውን ልዩነት ይበልጥ ያሰፋዋል ተብሎ ተሰግቷል።

Getu Temesgen - (ጌጡ ተመስገን)
#getutemesgen #getu #ጌጡ #southafrica #usa #g7summit #france #diplomacy #internationalrelations #g7 #breakingnews #africanews #etbusinessview

ራፕር ባሌንድራ የኔፓል ጠቅላይ ሚኒስትር በመሆን ተሾሙ
#ethiopia | የራፕ ሙዚቀኛ ባሌንድራ ሻህ፣ በታሪክ በዕድሜ ትንሹ የኔፓል ጠቅላይ ሚኒስትር በመሆን ዛሬ ቃለ-መሃላ ፈጽሟል። ይህ በኔፓል ፖለቲካ ውስጥ አዲስ ምዕራፍ የከፈተ ትልቅ ክስተት ሆኖ ተመዝግቧል።

ባሌንድራ በሙዚቃው ይገልጻቸው የነበሩት የሙስና እና የማህበራዊ እኩልነት ትችቶች ለወጣቱ ትውልድ ድምፅ በመሆን ለፖለቲካ ስኬቱ መንገድ ጠርገዋል።

የሀገሪቱን የወደፊት ተስፋ የሚያሳየውና "አንድ ኔፓል" በሚል የለቀቀው ዘፈን በሰዓታት ውስጥ ለ2 ሚሊዮን ተመልካቾች መድረሱ በሀገሪቱ የጥበብ ታሪክ አዲስ ክስተት ሆኖ አልፏል።

ወደ ከፍተኛው ስልጣን ከመምጣቱ በፊት ለሦስት ዓመታት የዋና ከተማዋ ካትማንዱ ከንቲባ በመሆን ያገለገለው ባሌንድራ፣ በሀገራዊ ምርጫው የሚመራው ራስትሪያ ስዋታንትራ ፓርቲ በከፍተኛ ድምፅ እንዲያሸንፍ አድርጓል።

አዲሱ ጠቅላይ ሚኒስትር ዛሬ ቃለ-መሃላ በፈጸሙበት ወቅት አምስት ሴቶች የተካተቱበትን አዲስ ካቢኔ ይፋ ማድረጋቸውን "ዘ ዊክ" መፅሄት ዘግቧል።
ይህ የወጣቱ መሪ ወደ ስልጣን መምጣት በኔፓል ብቻ ሳይሆን በደቡብ እስያ ፖለቲካ ላይ አዲስ ተስፋን የፈነጠቀ ክስተት ሆኗል።

Getu Temesgen - (ጌጡ ተመስገን)
#getutemesgen #getu #ጌጡ #nepal #balendrashah #youngleaders #rsp #onenepal #globalpolitics #newsupdate #

ታሳ ታሳ ጋሞ
የሲሲአርዲኤ (CCRDA) አመታዊ ጉባኤ ተካሄደ

* ጋሞ በመሬት መንሸራተት ሕይወታቸውን ላጡ ወገኖች የአንድ ደቂቃ የሕሊና ጽሎት ተደርጎ ጉባኤው ተከፍቷልዠ
#ethiopia | የሲሲአርዲኤ (CCRDA) አባላት አመታዊ ጠቅላላ ጉባኤያቸውን አካሂደዋል።

በጉባኤው ላይ የድርጅቱ የጠቅላላ ጉባኤ ሰብሳቢ አቶ መላኩ ስብሀት እንደገለጹት፤ ስብሰባው ያለፈውን አመት የስራ አፈጻጸም ሪፖርት ለመገምገም እና ለማጽደቅ ያለመ ነው። ከዚህ ባለፈም በዘርፉ ያሉ ተግዳሮቶች ላይ ውይይት ተደርጓል።

በዋና ዋና ሃገራዊ ጉዳዮች ላይ ያለው ተሳትፎ የሲቪክ ማህበራት በሃገሪቱ ወቅታዊ ጉዳዮች ላይ ያላቸው ሚና ከፍተኛ መሆኑ በጉባኤው ተመላክቷል።

በተለይም በሃገራዊ ምክክር ሂደት ላይ ንቁ ተሳትፎ ማድረግ እንዲሁም በምርጫ ወቅት መራጮችን በማስተማር ገለልተኛ ሚና ለመወጣት ይተጋል ተብሏል።

ሰብአዊ ድጋፍ እና ልማት🔎

ማህበራቱ በተጠናቀቀው አመት በበርካታ የልማት ስራዎች ላይ የተሳተፉ ሲሆን፣ በተለይም ከግጭት ጋር ተያይዞ ለተፈናቀሉ ወገኖች አስቸኳይ የሰብአዊ ድጋፍ በማቅረብ ረገድ ከፍተኛ ስራ ሰርተዋል። በጤና፣ በትምህርት እና በመልካም አስተዳደር ረገድም ማህበረሰብ ተኮር ስራዎች መከናወናቸው ተገልጿል።

የጋሞ አደጋ እና ቀጣይ እቅዶች🔎

በደቡብ ኢትዮጵያ ክልል ፋይናንስ ቢሮ – የሲቪል ማህበረሰብ አስተባባሪ ዳይሬክቶሬት ዳይሬክተር አቶ ማሞ ሞሊሶ በጋሞ ዞን ጥር 30 ቀን 2018 ዓ.ም ጀምሮ በጣለው ከፍተኛ ዝናብ ጋጮባባ፣ ከምባ ዙሪያ ወረዳ፣ አርባምንጭ ዙሪያ ወረዳ፣ አርባምንጭ ከተማ፣ ቦንኬ ወረዳ፣ ጨንቻ፣ ገረሴ ዙሪያ እና ገረሴ ከተማ በጎርፍ፣ በናዳ እና አውሎ ንፋስ ከፍተኛ ቁጥር ያለው ሰብአዊ እና የንብረት ጉዳት ማድረሱን አብራርተዋል፡፡

አደጋው ጋጮባባ ፣ ከምባ ዙሪያ ወረዳ ፣ አርባምንጭ ዙሪያ ወረዳ ፣አርባምንጭ ከተማ ፣ ቦንኬ ወረዳ ፣ጨንቻ ፣ ገረሴ ዙሪያ ምእራብ አባያ እና ገረሴ ከተማ ላይ የደረሰ ሲሆን የጉዳቱ መንስኤም በጎርፍ ፣ በናዳ እና አውሎ ንፋስ ሰፊ ሞትና የንብረት ጉዳት ደርሷል ፡፡

በዚህም በአደጋ አባወራ 2644 እማወራ 376 በድምሩ 302ዐ እና ወንድ 8261 ሴት 10310 በድምሩ 18571 ቤተሰብ አባላት ተፈናቅለዋል፡፡

አደጋው በደረሰባቸው ወረዳዎች በተከሰተው አደጋ 1271 ሄር በላይ የሙዝ ፣ የሰብል ጉዳት ደርሷል ፤ 1100 የመኖሪያ ቤቶች የወደሙ ሲሆን በተያያዘም በአርባ ምንጭ ከተማ የኩልፎ ወንዝ በመሙላት ተፈጥሮአዊ አቅጣጫውን ለቆ በመሄድ በተከሰተ የጎርፍ አደጋ 31 በተለያዩ ደረጃ የሚገኙ ማህበራት፣ 2 የኢንቨስትመንት ፕሮጀክቶችና 1 የግብረ ሰናይ ድርጅት ንብረት ወድሟል አቶ ማሞ አስረድተዋል።

አያይዘውም በዞኑ አደጋ በደረሰባቸው ወረዳዎች ከ 125 በላይ ከፍተኛ ሞት የተመዘገበበት ነው፡፡ በዚህም 81 አስክሬን በቁፋሮ ተገኝቶ በክብር እንዲያርፉ መደረጉን አስታውቀዋል።

የሲሲአርዲኤ ዋና ስራ አስፈፃሚ ዶ/ር ንጉሱ ለገሰ በጋሞ አካባቢ በደረሰው የተፈጥሮ አደጋ ለተጎዱ ወገኖች ዘላቂ መፍትሄ ለመስጠት ሲሲአርዲኤ (CCRDA) አባላቱን በማስተባበር እና ድጋፎችን በማሰባሰብ በኩል ኃላፊነት ወስዶ እየሠራ መሆኑን አውስተዋል።

የክርስትያን በጎ አድራጎት እና ልማት ማህበራት ኅብረት (CCRDA) ከ500 በላይ አገር በቀልና ዓለም አቀፍ የሲቪል ማህበረሰብ ድርጅቶችን አባል ይዟል።

ሲሲአርዲኤ(𝐂𝐂𝐑𝐃𝐀)
LinkedIn: www.linkedin.com/in/ccrda-...
Telegram: https://t.me/ccrda_et
Twitter: https://x.com/CCRDA454972
Website: https://ccrdaeth.org/

Getu Temesgen - (ጌጡ ተመስገን)
#getutemesgen #getu #ጌጡ #ccrda #civilsociety #ethiopia #humanitarianaid #nationaldialogue #development #civicengagement #etbusinessview

በቴሌኮም አገልግሎቶች ላይ የ5 በመቶ "የአደጋ ሥጋት ፈንድ" ክፍያ ተግባራዊ መደረግ ጀመረ!

​#ethiopia | ኢትዮ ቴሌኮም እና ሳፋሪኮም ኢትዮጵያ አዲሱን ደንብ ተግባራዊ ማድረግ ጀምረዋል

​የኢትዮጵያ መንግሥት የአገሪቱን የአደጋ መከላከል አቅም በራስ አቅም ለመገንባት ባወጣው አዲስ ደንብ መሠረት፣ በቴሌኮም የድምፅና የዳታ አየር ሰዓት ሽያጭ ላይ የ5 በመቶ ክፍያ እንዲሰበሰብ መወሰኑ ይታወሳል። ይህ ውሳኔ ከየካቲት ወር 2018 ዓ.ም. ጀምሮ በሁለቱም ኦፕሬተሮች በኩል ተግባራዊ መደረግ ጀምሯል።

​ቁልፍ ነጥቦች፡-
​ተፈፃሚነት፦ በድምፅ (Voice) እና በዳታ (Data) አየር ሰዓት ግዢ ላይ 5 በመቶ ተቀናሽ ተደርጎ ለአገራዊ የአደጋ ሥጋት ምላሽ ፈንድ ጽሕፈት ቤት ገቢ ይደረጋል።

​ሕጋዊ መሠረት፦
በአዋጅ ቁጥር 1386/2017 እና በሚኒስትሮች ምክር ቤት ደንብ ቁጥር 576/2018 መሠረት።

​ዓላማው፦
በተፈጥሮና ድንገተኛ አደጋዎች ወቅት በውጭ ዕርዳታ ላይ ያለንን ጥገኝነት በመቀነስ፣ አገር በቀል የአደጋ መከላከያ አቅምን መገንባት።

​ይህ ክፍያ በቴሌኮም ዘርፍ ብቻ ሳይሆን ከባንኮች፣ ኢንሹራንስ፣ ነዳጅ፣ አየር መንገድ እና ሌሎች 17 የገቢ ምንጮች ላይ የሚሰበሰብ አገራዊ መርሃ ግብር አካል ነው።

​የአየር ሰዓት ሲሞሉ ወይም የዳታ ጥቅል ሲገዙ የሚታይባችሁን የዋጋ ለውጥ በዚህ አውድ ተረዱት።

​#ethiopia #telecom #ethiotelecom #safaricomethiopia #economicnews #disasterfund #etbusinessview #getutemesgen #getu #ጌጡ #ጌጡተመስገን

በኢትዮጵያ የወርቅ ልማት ላይ የተሰማራው አላይድ ጎልድ በቻይናው ዚጂን ሊጠቅለል ነው
#ethiopia | በኢትዮጵያ፣ በማሊ እና በኮትዲቩዋር ግዙፍ የወርቅ ማዕድን ፕሮጀክቶች ያሉት ካናዳዊው አላይድ ጎልድ ኮርፖሬሽን ፣ በሆንግ ኮንግ የአክሲዮን ገበያ ከተመዘገበው ዚጂን ጎልድ ኢንተርናሽናል ኩባንያ ጋር የመጨረሻ ስምምነት ላይ መድረሱን አስታወቀ።

በዚህም መሠረት ዚጂን ጎልድ ሁሉንም የአላይድ ጎልድ አክሲዮኖች በአንድ አክሲዮን 44 የካናዳ ዶላር በጥሬ ገንዘብ (ካሽ) ለመግዛት ተስማምቷል።

ይህም ኩባንያው ባለፉት 30 ቀናት በገበያ ላይ ከነበረው አማካይ ዋጋ የ27% ብልጫ ያለው በመሆኑ ለባለአክሲዮኖች ከፍተኛ ትርፍ የሚያስገኝና ፈጣን የገንዘብ ክፍያ የሚያረጋግጥ መሆኑ ተገልጿል።

በቶሮንቶ ካናዳ ይፋ የተደረገው ይህ በሁለቱ ኩባንያዎች መካከል የተደረገው የወዳጅነት የሽያጭ ስምምነት 5.5 ቢሊዮን የካናዳ ዶላር (C$5.5 Billion) ዋጋ የተሰጠው ሲሆን፣ ክፍያውም ሙሉ በሙሉ በጥሬ ገንዘብ የሚፈጸም መሆኑ ተገልጿል።

የዚጂን ጎልድ ሊቀመንበር ሆንግፉ ሊን እንደገለጹት፣ በኢትዮጵያ የሚገኘው የኩርሙክ ፕሮጀክት እና በማሊ የሚገኘው ሳዲዮላ "የትውልድ ሀብቶች" መሆናቸውን ጠቅሰው፣ አዲሱ ባለቤት እነዚህን ፕሮጀክቶች ለበርካታ አስርት ዓመታት ምርት እንዲሰጡ ለማድረግ እንደሚሰራ አረጋግጠዋል።

የአላይድ ጎልድ ዋና ሥራ አስፈጻሚ ፒተር ማሮን በበኩላቸው፣ ይህ ሽያጭ ቡድናቸው በአፍሪካ ያለውን ዓለም አቀፍ ደረጃውን የጠበቀ የወርቅ ሀብት ለማልማት ላደረገው ጥረት ትልቅ እውቅና መሆኑን ገልጸው፣ ዚጂን ጎልድ በዓለም ካሉ ግዙፍ የማዕድን ኩባንያዎች አንዱ በመሆኑ የጀመሩትን ፕሮጀክት ዳር ለማድረስ አቅም እንዳለው ያላቸውን እምነት ገልጸዋል።

ሊቀመንበር ሆንግፉ ሊንም በበኩላቸው በኢትዮጵያ፣ በማሊ እና በኮትዲቩዋር ካሉ ባለድርሻ አካላት ጋር በጋራ ለመስራት እንደሚጓጉና ግዥው በአፍሪካ ያለባቸውን ተጽዕኖ በከፍተኛ ሁኔታ እንደሚያሳድገው አብራርተዋል።

ይህ ግዙፍ ግዥ በጥሬ ገንዘብ የሚፈጸም በመሆኑና ዚጂን ጎልድ ክፍያውን በእጁ ላይ ካለው ተቀማጭ የሚሸፍን በመሆኑ፣ በብድር ምክንያት የሚፈጠር ምንም ዓይነት መዘግየት እንደማይኖር ተገልጿል።

የአላይድ ጎልድ የዳይሬክተሮች ቦርድም ባለአክሲዮኖች ለዚህ ስምምነት ድጋፋቸውን እንዲሰጡ በሙሉ ድምጽ መክሯል። ግዥው በካናዳ ፍርድ ቤት፣ በባለአክሲዮኖች እና በቻይና መንግስት የቁጥጥር ተቋማት ተቀባይነት አግኝቶ እስከ መጪው ሚያዝያ 2026 ይጠናቀቃል ተብሎ የሚጠበቅ ሲሆን፣ ስምምነቱ ሲጠናቀቅ አላይድ ጎልድ ከቶሮንቶ እና ከኒውዮርክ የአክሲዮን ገበያዎች እንደሚሰረዝ ታውቋል።
#ቅዳሜገበያ #etbusinessview #ethiopia #zijin #allied Gold
#china #canada

ኢትዮ ቴሌኮም የ23% አማካይ የዋጋ ማስተካከያ አደረገ!

ኢትዮ ቴሌኮም ለሚድያ አካላት በላከው እና ለደንበኞቹ በተለያዩ ማህበራዊ ገፆቹ ባሰራጨው መግለጫ በአሁኑ ወቅት ያለውን ማክሮ ኢኮኖሚያዊ ሁኔታ ታሳቢ በማድረግ፣ የአገልግሎት ጥራትን በዘላቂነት ለማስጠበቅ የታሪፍ ማሻሻያ ማድረግ አስፈላጊ ሆኖ ተገኝቷል ብሏል።

እናም የአገልግሎት ጥራትን በዘላቂነት ለማስጠበቅና የቴክኖሎጂ አቅሙን ለማሳደግ የሚያስችል ስትራቴጂካዊ የታሪፍ ማስተካከያ በዛሬው ዕለት ይፋ አድርጓል።

በዚህም መሰረት ኢትዮ ቴሌኮም በአማካይ የ23% የዋጋ ጭማሪ ማድረጉን አስታውቋል።

ይህ ማስተካከያ የደንበኞችን ተጠቃሚነት ለማረጋገጥ እንዲቻል ሶስት አበይት ነጥቦችን ማካተቱንም የጠቆመ ሲሆን፡፡ እነዚህም፦

• የቴሌብር ልዩ ስጦታ ማዕቀፍ፦ በቴሌብር በኩል ጥቅል ሲገዛ የነበረው የ10% ቅናሽ ወደ 20% ከፍ እንዲል ተደርጓል።
• ዋጋቸው ያልተቀየሩ ጥቅሎች፦ በርካታ ደንበኞች የሚጠቀሙባቸው 38 የተለያዩ ጥቅሎች ላይ ምንም ዓይነት የዋጋ ጭማሪ አልተደረገም።
• ዲጂታል አካታችነትን ለማስቀጠል፦ ዝቅተኛ ገቢ ያላቸው የኅብረተሰብ ክፍሎች የሚጠቀሙባቸው የ1 ብር፣ የ2 ብር፣ የ5 ብር እና የ1 ሰዓት ጥቅሎች ባሉበት እንዲቀጥሉ ተወስኗል።

ኢትዮ ቴሌኮም የዋጋ ጭማሪው ለኢትዮጵያውያን የዲጂታል አገልግሎት ተጠቃሚነት ቀጣይነት እንዲሁም የሀገሪቱን አካታች የዲጂታል ኢኮኖሚ ግንባታ የሚያፋጥን እንዲሆን በማሰብ ተመጣጣኝ እንዲሆን ማድረጉን ገልፃል፡፡

የቴሌኮም ዘርፉን የወጪ ጫና መብዛትና የዘርፉ ተዋናዮች ዋጋ እንዲጨምር በተደጋጋሚ ያሳደሩትን ጫና ተከትሎ ኢትዮ ቴሌኮም የዋጋ ማሻሻያ ሊያደርግ እንደሚገደድ ቅዳሜ ገበያ መዘገቧ ይታወሳል፡፡
#ቅዳሜገበያ #ethiotelecom #etbusinessview

አነጋጋሪው በሽፍንፍን እስከ 82% የዋጋ ጭማሪ የተደረገበት የሳፋሪኮም ነገር
#ethiopia | ትላንት ታህሳስ 14 ቀን ሳፋሪኮም በማህበራዊ ሚዲያ ባሰራጨው የእንግሊዘኛ ማስታወቂያ ዝርዝር ሳይገልፅ የዴታ ጥቅል ላይ ጭማሪ ማድረጉን አስታውቋል።

ጉዳዩም ብዙዎች እያነጋገረ ሲሆን በተለይ ለወትሮው ትንሽ ሲናገር አይደለም የአገር ውስጥ የውጭ ሚዲያን ቀልብ የሚገዛው ግዙፉ ኩባንያ ትላንት ይፋ ያደረገው የጭማሪ መግለጫው ምንም ትኩረት አለመሳቡ ዘርፉን የሚከታተሉትን አስገርሟል።

ሌላው ቢቀር የማህበራዊ ሚዲያን መሰረት ያደረጉ ዜና ዘጋቢዎች ስለጭማሪው ያን ያህል ሳይናገሩ አልፈውታል።

ቀላል የማይባል ጭማሪ ነው የተደረገው የሚሉት ውሰጥ አዋቂዎች ሳፋሪኮም ዝርዝሩን ለምን አላወጣም ሲሉ ጥያቄ አንስተዋል።

ስለጭማሪው ለደንበኞች በአግባቡ አላስታወቀም ይልቁንም በማህበራዊ ሚዲያ በእንግሊዘኛ የተሸፋፈነ መግለጫ ነው ብቻ ነው ያወጣው ሲሉ ነው የገለፁት።

ጭማሪው ይፋ ባይደረግም እስከ 82 በመቶ እንደሚደርስ ቅዳሜ ገበያ ያገኘው መረጃ ያሳያል።

በዚህም መሰረት ዝቅተኛ የሚባለው የዋጋ ጭማሪ ለወርሃዊ የ300 ብር ዋጋ ላለው ጥቅል የተደረገው ሲሆን። ይሄም በ300 ብር ይገዛ የነበረው 6 ጂቢ ኢንተርኔት ወደ 5 ጂቢ የወረደበት ነው።

ከዛ በዘለል ሁሉም በሚባል ደረጃ የእለት፣ ሳምንት እና ወርሃዊ ጥቅሎች በጠቅላላው ከ50 በመቶ እስከ 82 በመቶ ጭማሪ የተደረገባቸው ናቸው። #ቅዳሜገበያ #etbusinessview

የኢትዮጵያ የባሕር ትራንስፖርትና ሎጅስቲክስ አዲስ ዋና ስራ አስፈፃሚ ተሾመለት
#ethiopia | የኢትዮጵያ ማሪታይም ባለስልጣን ዋና ዳይሬክተር የነበሩት ኢንጂነር አብዱልበር ሸምሱ የኢትዮጵያ የባሕር ትራንስፖርትና ሎጅስቲክስ አዲሱ ዋና ሥራ አስፈፃሚ በመሆን መሾማቸው ተገለጸ።

ኢ/ር አብዱልበር ሸምሱ በቀድሞው ዋና ሥራ አስፈፃሚ በሪሶ አመሎ(ዶ/ር) ምትክ ከጥቅምት 04 ቀን 2018 ዓ.ም. ጀምሮ ድርጅቱን መምራት የጀመሩ ሲሆን፣ የሥራ ርክክቡን በዛሬው ዕለት በይፋ አከናውነዋል።

በሪሶ አመሎ (ዶ/ር) ከመጋቢት 21 ቀን 2015 ዓ.ም. አንስቶ ላለፉት 2 ዓመት ከ6 ወራት ያህል የኢትዮጵያ የባሕር ትራንስፖርትና ሎጅስቲክስን በመምራት ሲያገለግሉ ቆይተዋል።
#etbusinessview