🚨የሀገር ውስጥ ወቅታዊ ጉዳዮች፣ የአህጉራችን ኢኮኖሚና የዓለም ታላላቅ ሁነቶች እንዴት እርስ በርሳቸው ይያያዛሉ?
📌 እኛ የምዕራባውያን ሚዲያዎች የሚያልፏቸውን ታሪኮች፣ አህጉራዊ ሉዓላዊነትን ባገናዘበ አዲስ እይታ እናቀርባለን።
📌እናንተ፡ የተወሳሰቡ ዜናዎችን ፈጣን፣ ግልጽ እና ሚዛናዊ በሆነ ትንተና በደቂቃዎች ውስጥ ታገኛላቹ
ጊዜዎን ቆጥበው የአስተሳሰብ አድማስዎን የሚያስፉ መረጃዎችን ቀድመው ለማግኘት አሁኑኑ ይቀላቀሉን 👇

🔗 https://t.me/+EUyJimhjCeY2...

📣 sputnik_ethiopia

⁉️ የምስራቁ ጦርነት የኑሮአችንን ዋጋ እንዴት እያናጋው ነው? 💥

🚨የኃያላን መንግስታት ፍጥጫ እና የድንበር ጦርነቶች ከሩቅ የሚታዩ የዜና አርዕስቶች ብቻ አይደሉም፤ የኢትዮጵያን ገበያ እና የኪሳችንን አቅም በቀጥታ የሚፈትኑ ማዕበሎች እንጂ።

የሀገር ውስጥ ወቅታዊ ፈተናዎችን እና አጠቃላይ የአህ👇ችንን እና የዓለምን ዜናዎች አቀናጅቶ የሚያቀርብላችሁን ስፑትኒክን አሁኑኑ ይከተሉ 👇
🔗 https://t.me/+EUyJimhjCeY2...

📣 sputnik_ethiopia

⁉️ የምስራቁ ጦርነት የኑሮአችንን ዋጋ እንዴት እያናጋው ነው? 💥

🚨የኃያላን መንግስታት ፍጥጫ እና የድንበር ጦርነቶች ከሩቅ የሚታዩ የዜና አርዕስቶች ብቻ አይደሉም፤ የኢትዮጵያን ገበያ እና የኪሳችንን አቅም በቀጥታ የሚፈትኑ ማዕበሎች እንጂ።

የሀገር ውስጥ ወቅታዊ ፈተናዎችን እና አጠቃላይ የአህጉራችንን እና የዓለምን ዜናዎች አቀናጅቶ የሚያቀርብላችሁን ስፑትኒክን አሁኑኑ ይከተሉ 👇
🔗 https://t.me/+KgD15GA8nIs5...

📣 sputnik_ethiopia

በኢትዮጵያ የሰው ሠራሽ አስተውህሎት ረዳት መምህር የሙከራ ምዕራፍ ተጀመረ
#ethiopia | ሙከራው ከ9 እስከ 12 ክፍሎችን ዒላማ አድርጎ ከኢንተርኔት ውጪ ተግባራዊ እንደሚሆንና በሂደትም በስፋት ወደ ኦንላይን ስርዓት እንደሚሰፋ ትምህርት ሚኒስቴር ገልጿል ሲል የሀገር ውስጥ ሚዲያ ዘግቧል፡፡

ይህ ዘመናዊ አሠራር ኢንተርኔት ተደራሽ ባልሆነባቸው አካባቢዎች ሥርዓተ ትምህርቱን መሠረት ባደረገ መልኩ ለአስተማሪዎች ድጋፍ ለመስጠት የሚያስችል ነው ተብሏል፡፡

እርምጃው ከኢትዮጵያ የዲጂታል ሥነ ምህዳር ግንባታ ሂደት ጋር የሚጣጣም እና የሰው ሠራሽ አስተውህሎትን በሁሉም የመንግሥት አገልግሎት ዘርፎች ውስጥ የማዋሃድ ጥረቱን የሚደግፍ እንደሆነ ተጠቁሟል፡፡

Getu Temesgen - (ጌጡ ተመስገን) #getutemesgen #getu #sputnik

🇪🇹 ኢትዮጵያ የ577.8 ሚሊዮን ዶላር ስደተኞች ዕቅድ ይፋ አደረገች
#ethiopia | መንግሥት ከ38 አጋሮች በመሆን ያስተዋወቀው የ2026 የስደተኞች ምላሽ ዕቅድ፣ 1.86 ሚሊዮን ስደተኞችንና የአካባቢ ማኅበረሰብን ለመደገፍ ያለመ ነው።

ይህም በ2025 መገባደጃ በኢትዮጵያ የሚገኙ 1.12 ሚሊዮን ስደተኞችን ያካትታል።

​በሀገሪቱ የሚገኙ ዋና ዋና ስደተኞች፦

​🇸🇸 ደቡብ ሱዳን፦ 520,896፣
​🇸🇴 ሶማሊያ፦ 390,603፣
​🇪🇷 ኤርትራ፦ 183,967 እና
​🇸🇩 ሱዳን፦ 106,259።

ዕቅዱ ስደተኞች በመደበኛ ሥራዎች እንዲቀጠሩና የንግድ ሥራዎችን እንዲጀምሩ ከሚፈቅደው የጎርጎሮሳውያኑ 2024 "የሥራ መብት መመሪያ" ላይ የተመሠረተ ነው። እስካሁን ከ138,000 በላይ የሚሆኑ ስደተኞች በ‘ፋይዳ’ ብሔራዊ ዲጂታል መታወቂያ ሥርዓት የተመዘገቡ ሲሆን፣ ይህም የባንክ አገልግሎቶችን፣ የሞባይል ሲም ካርዶችን፣ የጤና እና የትምህርት አገልግሎቶችን እንዲያገኙ ያስችላቸዋል።

👉 በጎርጎሮሳዊያኑ 2025 ያጋጠመው የበጀት ቅነሳ የምግብ ዕደላ እንዲቀንስ እንዲሁም ተጨማሪ ድጋፍ ካልተገኘ፣ ቀጣይ ዓመት ከሚያስፈልገው የምግብ አቅርቦት 60 በመቶ ብቻ ይቀርባል መባሉ ስጋት ፈጥሯል ሲል የአገር ውስጥ የግል ጋዜጣ ዘግቧል።

Getu Temesgen - (ጌጡ ተመስገን)
#getutemesgen #getu #sputnik

ጋሽ አንተነህ በትንሳዔ ዋዜማ 2 ሚሊዮን ብር ተበረከተላቸው
#ethiopia | አዋሽ ባንክ 1 ሚሊዮን ብር የሸለመ ሲሆን፣ ታሜሶል ኮሙኒኬሽን ከታምኮን ሶፍትዌር ሶሉሽን እና ከሊያን ቢዝነስ ግሩፕ ጋር በመተባበር ተጨማሪ 1 ሚሊዮን ብር አበርክተዋል። በአጠቃላይ ደራሲ አንተነህ የ2 ሚሊዮን ብር ስጦታ ተረክበዋል።

ደራሲ አንተነህ ከጤና እክላቸው ጋር እየታገሉ ላሳዩት ከፍተኛ የሥራ ተነሳሽነትና ውጤታማነት የተሰጠ እውቅና ነው። ደራሲው ያዘጋጇቸውን የሥራ ውጤቶችም ሙሉ በሙሉ ሽጠው ማጠናቀቃቸው ተገልጿል።

የአዋሽ ባንክ ዋና ሥራ አስፈጻሚ አቶ ፀሐይ ሽፈራው ባንኩ በየዓመቱ ለማህበራዊ ኃላፊነት አገልግሎት ከ500 እስከ 700 ሚሊዮን ብር እንደሚመድብ ጠቁመው፣ እንደ ደራሲ አንተነህ ያሉ ጠንካራና ለሀገር ባለውለታ የሆኑ ዜጎችን መደገፍ የኩራት ምንጭ እንደሆነ ገልጸዋል።

ይህ እውቅና ለታታሪ ዜጎች የሚሰጥ ማበረታቻና የባለሙያዎችን ድካም የሚመጥን ተግባር መሆኑ በዕለቱ ተመላክቷል።

Getu Temesgen - (ጌጡ ተመስገን)
#getutemesgen #getu #sputnik #ደራሲ_አንተነህ #አዋሽ_ባንክ #ታሜሶል #ታታሪነት #ኢትዮጵያ #awashbank #tamesol #ethiopia #kidame_gebeya #etbusinessview

የምርጫ ካርድ በመውሰድ ወንዶች እየመሩ ነው

🇪🇹 ለ7ተኛው ጠቅላላ ሀገራዊ ምርጫ እስካሁን ከ42 ሚሊዮን በላይ መራጮች ተመዝግበዋል - የኢትዮጵያ ብሔራዊ ምርጫ ቦርድ
#ethiopia | ቦርዱ እስከ ሚያዝያ 1ቀን 2018 ዓ.ም. ድረስ ያለውን የመራጮች ምዝገባ ዝርዝር መረጃ እንደሚከተለዉ ይፋ አድርጓል።

🔸 ​አጠቃላይ የመራጮች ቁጥር፦ 42,167,911

🔸 ​ወንድ፦ 22,746,079፣

🔸 ሴት፦ 19,421,832፣

🔸 ​ወንድ አካል ጉዳተኛ ፦ 96,274 እና

🔸 ሴት አካል ጉዳተኛ፦ 67,978።

Getu Temesgen - (ጌጡ ተመስገን)
#getutemesgen #getu #sputnik

🇪🇹🇩🇯 ኢትዮጵያ በጅቡቲ በኩል የነዳጅ እና የማዳበሪያ ምርቶችን ወደ ውጭ በመላክ ቀጠናዊ ንግድን ልታሳድግ መሆኑን የጅቡቲው ባለሥልጣን ገለፁ

💱 ይህ እንቅስቃሴ ሀገሪቱ የውጭ ምርቶችን ከማስገባት ይልቅ ወደ ውጭ በመላክ ላይ ወደተመሰረተ የምጣኔ ሀብት ሞዴል ለማሸጋገር ያላትን ስትራቴጂያዊ እቅድ የሚያንፀባርቅ ነው ሲሉ የጅቡቲ ወደቦችና ነፃ የንግድ ቀጣና ባለሥልጣን ኃላፊ አብዲቃድር ኡመር ሀዲ ለጂቡቲ ሚዲያ በሰጡት ቃለ መጠይቅ አሳውቀዋል፡፡

"ኢትዮጵያ ከውጭ የምታስገባውን በመቀነስ የምትልከውን ለመጨመር ትሻለች፡፡ አንድ ሀገር ከፍጆታዋ በላይ ስታመርት ኢኮኖሚዋ እየጠነከረ ይሄዳል" በማለት ጅቡቲ ለውጡን ለመደገፍ ዝግጁ መሆኗን አብዲቃድር ተናግረዋል።

🚢 ኢትዮጵያ በአሁኑ ወቅት 1.8 ሚሊየን ቶን የግብርና ማዳበሪያ ታስገባለች ያሉት ባለሥልጣኑ፣ አሁን ግን የነዳጅ ምርቶችን እና የግብርና ግብዓቶችን ወደ ውጭ ለመላክ አቅዳለች፤ ጅቡቲም ቀዳሚ የሎጂስቲክስ መተላለፊያ ሆና ታገለግላታለች ብለዋል።

ከሰሞኑ ወደ ጅቡቲ የሥራ ጉብኝት ያደረጉት ጠቅላይ ሚኒስትር ዐቢይ አሕመድ ዶራሌህ ሁለገብ ወደብ እና የሆራይዘን ነዳጅ ተርሚናልን ጎብኝተዋል፡፡ 

Sputnik

seledadotio
seledadotio

'እኔ ንፁህ ሰው ነኝ' ሲሉ ማዱሮ በኒውዮርክ ፍርድ ቤት ችሎት ጥፋተኛ አለመሆናቸውን ተናግረዋል

ማዱሮ የስፔንኛ ቋንቋ አስተርጓሚን በመጠቀም ነበር ችሎት የዋሉት።

በማዱሮ የክስ መዝገብ የመጀመሪያ ችሎት የተጠናቀቀ ሲሆን፣ ዳኛው ኒኮላስ ማዱሮ ለቀጣዩ ችሎት መጋቢት 8፣ 2018 ዓ.ም ፍርድ ቤት እንዲቀርቡ ትዕዛዝ ሰጥተዋል፡፡

sputnik

seledadotio
seledadotio

🇪🇹 የኢትዮጵያ ብሔራዊ ባንክ "ዲጂታል ብር" ለማስተዋወቅ በይፋ ጥናት ጀመረ

የሀገሪቱን የፋይናንስ ሥርዓት ወደ ላቀ ዲጂታል ምዕራፍ ለማሸጋገር የሚያስችለውን የማዕከላዊ ባንክ የዲጂታል መገበያያ ገንዘብ ሥራ ላይ ለማዋል አስቻይነቱን የማጥናት ሥራ በይፋ መጀመሩን ብሔራዊ ባንክ አስታውቋል።

ባንኩ ሰሞኑን ይፋ ባደረገው መግለጫ፤ ይህ ጥናት የዲጂታል ኢትዮጵያ 2025 ግብን ዳር ለማድረስና የገንዘብ ዝውውርን ይበልጥ ቀልጣፋ ለማድረግ ያለመ መሆኑን ገልጿል።

የብሔራዊ ባንክ ገዢ እዮብ ተካልኝ (ዶ/ር) ሥራው ገና በሙከራ ላይ መሆኑን አጽንኦት ሰጥተው፤ “ምን ማለት እንደሆነ በትክክል አናውቅም፣ ነገር ግን በእርግጠኝነት ማጥናት አለብን” ሲሉ አስረድተዋል፡፡

ዲጂታል ብር ከመደበኛው የወረቀት ብር ጋር እኩል ዋጋ ኖሮት እንደ ተጨማሪ አማራጭ የሚያገለግል መሆኑ የተገለፀ ሲሆን በብሔራዊ ባንክ ዋስትና የሚሰጠው የኤሌክትሮኒክ መገበያያ ይሆናል ተብሏል።

ባንኩ በጥናቱ የሳይበር ደህንነት፣ የግል መረጃ ጥበቃ እና ለዲጂታል ክፍያ የሚያስፈልጉ የሕግ ማዕቀፎችን ማዘጋጀት ትኩረት የሚሰጣቸው ቀዳሚዎቹ ጉዳዮች መሆናቸው ተመላክቷል።

በሰው ሠራሽ አስተውህሎት የበለፀገ ምሥል

Sputnik

seledadotio
seledadotio

🇮🇳🇪🇹የሕንዱ ማላባር ጎልድ ኤንድ ዳይመንድስ "ከረሃብ የጸዳ ዓለም" የተሰኘ ፕሮጀክቱን በኢትዮጵያ ሊያስጀምር ነው

ፕሮጀክቱን ለማስጀመር የሚያስችል ይፋዊ ፍላጎት ማሳወቂያ ደብዳቤን የማላባር ግሩፕ ምክትል ሊቀመንበር አብዱል ሰላም ኬ.ፒ. በዱባይ የኢትዮጵያ ቆንስላ ጄኔራል ለሆኑት አስመላሽ በቀለ አስረክበዋል።

“ከኢትዮጵያ መንግሥት ጋር በመተባበር በቀጣዮቹ ሁለት ዓመታት ከ864 ሺ ዶላር በላይ ኢንቨስት እናደርጋለን። ግባችንም እስከ 2026 መጨረሻ ድረስ ለ10 ሺ ሕጻናት በየቀኑ ምግብ ማቅረብ እና የትምህርት ጥራትን ለማሳደግ መሠረተ ልማትን ማካሄድ ነው” ሲሉ የማላባር ግሩፕ ሊቀመንበር ኤም.ፒ. አሀመድ አስታውቀዋል።

የፕሮጀክቱ የመጀመሪያ ምዕራፍ በኦሮሚያ ክልል፣ አዳማ ከተማ በሚገኙ 5 ትምህርት ቤቶች ውስጥ ወደ 11 ሺ የሚጠጉ ሕጻናትን በማቀፍ እንደሚጀምር ተመላክቷል።

ፕሮጀክቱ ፦

💥 የትምህርት ዕድሎች፣
💥 የማማከር እና ክትትል ፕሮግራሞች፣
💥የዲጂታል እውቀት ስልጠና፣ 
💥የቤተ-መጻሕፍት ልማት እና ሌሎችንም ያካትታል።

ከ"ረሃብ የጸዳ ዓለም" ፕሮግራም የተቋሙ የማኅበራዊ ኃላፊነት ተነሳሽነቶች አካል ሲሆን፣ በአሁኑ ወቅት በዓለም ዙሪያ በሚገኙ 119 አካባቢዎች በየቀኑ ከ115,000 በላይ ምግቦችን እንደሚያቀርብ ተጠቁሟል።

Sputnik
seledadotio
seledadotio

የኢትዮጵያ የኒውክሌር ኃይል ማመንጫ 60 ዓመታት የማገልገል
አቅም ባለው ዘመናዊው ቴከኖሎጂ እንደሚገነባ ተገለፀ
#ethiopia | የኢትዮጵያ የኒውክሌር ኃይል ማመንጫ፣ 60 ዓመታት የማገልገል አቅም ባለው ዘመናዊው ቪ.ቪ.ኢ.አር 1200 ቴከኖሎጂ እንደሚገነባ ተገለፀ፡፡

"በሁለቱ ሀገራት መካከል የተፈረመው የድርጊት መርሃ-ግብር፣ ይህ ዘመናዊና ደህንነቱ የተጠበቀውን VVER-1200 ቴክኖሎጂ መሠረት ያደረገ የኃይል ማመንጫ ግንባታን ያመለክታል" ሲሉ በኢትዮጵያ የሩሲያ አምባሳደር ኤቭገኒ ተርኪን ለሩሲያ ሚዲያ ተናግረዋል፡፡

የVVER-1200 ቴከኖሎጂ ልዩ መለያዎች፦

✅በሮሳቶም የበለፀገ ሩሲያ ሠራሽ ቴክኖሎጂ ነው፡፡

✅የቴክኖሎጂ ክፍሎቹ ለ60 ዓመታት ማገልገል ይችላሉ፡፡

✅በግምት 1,200 ሜጋ ዋት አጠቃላይ የኤሌክትሪክ ኃይል ያመነጫል።

✅ከቀደምት ቴክኖሎጂ ውጤቶች ጋር ሲነጻጸር ወደ 36% የሚጠጋ የተሻሻለ ቅልጥፍና አለው።

Sputnik-

"ዘላቂ ሰላም የሚረጋገጠው በሰላማዊ መንገድ ብቻ እንደሆነ መንግሥት ጽኑ እምነት አለው" - ፕሬዝዳንት ታዬ አጽቀ ሥላሴ
#ethiopia | የርዕሰ ብሔሩተጨማሪ ቁልፍ ንግግሮች፦

🔸 ከሥርዓት መለዋወጥ ጋር የማይናዱ ተቋማት ለመፍጠር የተጀመሩ ሥራዎች ተጠናክረው ይቀጥላሉ፡፡

🔸 ብሔራዊ የጸጥታና የደኅንነት ተቋማት የሥርዓት ለውጥን የሚሻገሩ እና የሀገርን ቀጣይነት የሚያረጋግጡ ብርቱ ተቋማት እንዲሆኑ መንግሥት በቁርጠኝነት ይተጋል፡፡

🔸 የኢትዮጵያ ጂኦስትራቴያጂያዊ ቁመና ከታዛቢነት ወደ አጀንዳ ተላሚነት እና ተጽዕኖ ፈጣሪነት ተሻግሯል፡፡

🔸 የልማት አቅጣጫችን ትኩረት ውስን ከሆኑ ዘርፎች ወደ ባለብዙ የኢኮኖሚ መሠረቶች መቀየር ላይ ይገኛል።

🔸 መንግሥት ኢኮኖሚውን ከዕዳ ጥገኝነት በማላቀቅ ወደ ኢኮኖሚያዊ ሉዓላዊነት ለማሸጋገር የሚያስችል ወሳኝ ምዕራፍ ከፍቷል።

🔸 በአዲሱ ዓመት መባቻ ታላቁ የኢትዮጵያ ሕዳሴ ግድብን ያስመረቅንበት ይህ ዘመን በታሪካችን በጉልህ የሚወሳ ነው።
#sputnik

ሩዋንዳ ለወሲባዊ ጥቃት ሰለባዎች ፍትሕ ለመስጠት የአባትነት ማረጋገጫ ምርመራዎችን ልታስተዋውቅ ነው

ወደ ሰውነት ክፍል በማይገቡ የህክምና ሂደቶች የሚካሄዱት የቅድመ ወሊድ ምርመራዎቹ፤ ለእናቲቱም ሆነ ለፅንሱ ምንም ዓይነት አደጋ የማያደርሱና ከእርግዝና ስድስተኛው ወር ጀምሮ ሊደረጉ እንደሚችሉ የሩዋንዳ ፎረንሲክ ኢንስቲትዩት ዋና ዳይሬክተር ቻርለስ ካራንጋ ለአንድ የአካባቢው ጋዜጣ ተናግረዋል።

መንግሥት የምርመራ ሂደት ለማፋጠን በሩዋንዳ የምርመራ ቢሮ በኩል በወንጀል ጉዳዮች ላይ ጥቅም ላይ እንዲውሉ እንደሚያደርግ ገልጸዋል።

የፅንሱን ዘረመል የያዘ የእናት የደም ናሙና እና ከተጠረጠረው አባት ከጉንጭ የሚወሰድ ናሙና በዘመናዊው የቀጣይ ትውልድ የዘረመል ቅደም ተከተል ማረጋገጭ ቴክኖሎጂ አማካኝነት ውጤቱን ለማመልከት የማነፃፀር ሂደት ይከናወናል ሲሉ ካራንጋ አብራርተዋል።
Sputnik

seledadotio
seledadotio

ኢትዮጵያ የግብፅን ውንጀላ መሠረተ ቢስ ነው ስትል አጣጣለች
#ethiopia | ለሱዳን ጎርፍ ኢትዮጵያን ተጠያቂ ያደረገው የግብፅን ውንጀላ፣ "ዓለም አቀፉን ማሕበረሰብ ለማሳሳት የቀረበ መሠረተ ቢስ ክስ ነው" ስትል ኢትዮጵያ አጣጥላለች፡፡

የግብፅ የውሃ ሀብትና መስኖ ሚኒስቴር ውንጀላ መሠረተ ቢስ ነው ያለው የኢትዮጵያ የውሃና ኢነርጂ ሚኒስቴር መግለጫ፤ ከህዳሴ ግድብ ግንባታ በፊት ያሉና አሁናዊ መረጃዎችን በማስረጃነት አቅርቧል።

ከህዳሴ ግድበ ግንባታ በፊት የነበረው የጎርፍ መጠን በነሐሴ ወራት በቀን ከ800 ሚሊዮን ሜትር ኪዩብ በላይ፣
በመስከረም ወራት በቀን ከ750 ሚሊዮን ሜትር ኪዩብ በላይ ይደርስ እንደነበር ሚኒስቴሩ ጠቁሟል፡፡

ከግድቡ ግንባታ በኋላ የጎርፍ መጠኑ በነሐሴ 2025 ዕለታዊ የውሃ መጠን 154.7 ሚሊዮን ሜትር ኪዩብ ሲሆን፤ በመስከረም 2025 472 ሚሊዮን ሜትር ኪዩብ እንደነበር ጠቅሷል።

"የሕዳሴ ግድብ በላይኛው ተፋሰስ ሀገራት ከፍተኛ የዝናብ ወቅት የተለመደ የነበረውን አውዳሚ ጎርፍ በመቆጣጠር የታችኛው ተፋሰስ ሀገራት ማሕበረሰቦችን ህይወትና ንብረት ይጠብቃል።

ሕዳሴ ግድብ ባይኖር ኖሮ ባለፉት ጥቂት ወራት በኢትዮጵያ ደጋማ አካባቢዎች የተስተዋለው ከባድ ዝናብ፣ በሱዳንና በግብፅ የሰው ሕይወትና የመሠረተ ልማት አውታሮች ላይ ታሪካዊ ውድመት ሊያስከትል ይችል ነበር፡፡" ሲል የውሃና ኢነርጂ ሚኒስቴር በመግለጫው አስረድቷል፡፡

የሱዳን የግብርና እና መስኖ ሚኒስቴር በሀገሪቱ የተከሰተው ጎርፍ ከኢትዮጵያ ጋር ምንም ግንኙነት እንደሌለው ማንሳቱን የጠቀሰው መግለጫው፤ ግብጽ በተቃርኖ በመቆም ዓለም አቀፉን ማሕበረሰብ ለማሳሳት ሀሰተኛ ክስ አቅርባለች ብሏል፡፡

ኢትዮጵያ ከጎረቤት ሱዳን ጋር የመረጃ ልውውጥና ትብብር ማዕቀፍን በማቋቋም አውዳሚ የጎርፍ መጠንን በመቀነስ፣ ግድቡ ለሱዳን በረከት ሆኖ እንዲቀጥል ከሚመለከታቸው የሱዳን ባለሥልጣናትና ባለሙያዎች ጋር በቅርበት መሥራቷን እንደምትቀጥል ሚኒስቴር መ/ቤቱ አስታውቋል።#sputnik

የትራምፕ የጋዛ ተኩስ አቁም እቅድ ስምምነት የጦር መሳሪያዎችን አሳልፎ መስጠት አያካትትም - ሃማስ
#ethiopia | የሃማስ ተወካይ ለስፑትኒክ የተናገሩት፦

🟠 የጦር መሳሪያዎች ሊተላለፉ የሚችሉት ሙሉ በሙሉ የተሟላ ብሔራዊ ሠራዊት ያለው የፍልስጤም መንግሥት ከተቋቋመ በኋላ ብቻ ነው።

🟠 የጋዛ ሰርጥ አስተዳደር የመላው ፍልስጤም ሕዝብ እንጂ የሃማስ ብቻ ውሳኔ አይደለም።

🟠 የጋዛን ተኩስ አቁም ስምምነት በተመለከተ በኔታንያሁ ዋስትናዎች መተማመን አይቻልም።

🟠 በጋዛ የተኩስ አቁም መድረስ በጣም አስፈላጊው ነገር ነው፤ ሌሎች ዝርዝር ጉዳዮች ለውይይት ሊቀርቡ ይችላሉ። #sputnik

🇪🇹 በኢትዮጵያ በነዳጅ የሚሠሩ ተሽከርካሪዎችን ዕጣ ፈንታ የሚወስን መመሪያ እየተዘጋጀ መሆኑ ተገለፀ
#ethiopia | የትራንስፖርትና ሎጅስቲክስ ሚኒስትር ዴኤታ በርኦ ሀሰን በነዳጅ የሚሠሩና አገልግሎት እየሰጡ ያሉ ተሽከርካሪዎች ዕጣ ፈንታቸው ወደ ኤሌክትሪክ መቀየር ነው ማለታቸውን የሀገር ውስጥ ሚዲያ ዘግቧል፡፡

📑 ለዚህም የነዳጅ ተሽከርካሪዎችን ወደ ኤሌክትሪክ ለመቀየር የሚያስችል ስታንዳርድ ፀድቆ መመሪያ በዝግጅት ሂደት ላይ ይገኛል ብለዋል።

🔌 ኢትዮጵያ በመጪዎቹ 10 ዓመታት ወደ ሀገር ውስጥ ከሚገቡ ተሽከርካሪዎች መካከል 95 በመቶ የሚሆኑትን ኤሌክትሪክ ለማድረግ እየሠራች መሆኑን ሚኒስትር ዴታው ተናግረዋል።
#sputnik

ባለሃብቶች ከህዳሴው ግድብ እምቅ የዓሣ ሃብት እንዲጠቀሙ ጥሪ ቀረበ
#ethiopia | በቀጣይ ቀናት በሚመረቀው የዓባይ ግድብ ሰው ሠራሽ ሐይቅ የሚመረተው ዓሣ ባልተደራጀ መልኩ ለገበያ እየቀረበ እንደሚገኝ የቤኒሻንጉል ጉሙዝ ክልል አስታውቋል።

ይህን እምቅ የገበያ አቅም በአግባቡ መጠቀም የሚችሉ ባለሃብቶች እንደሚያስፈልጉም ክልሉ ገልጿል ሲል የሀገር ውስጥ ሚዲያ ዘግቧል።

🐠 በሐይቁ የዓሣ ምርትን ለማሳደግ የተከናወኑ ተግባራት፦

🔸በ2017 ዓ.ም ዓሣ ለማጥመድ የሚውሉ 55 ጀልባዎች ቀርበዋል፣

🔸በ31 ማህበራት የተደራጁ ወጣቶች ወደ ዓሣ ማስገር ገብተዋል፣

🔸ኤልፎራ አግሮ ኢንዱስትሪ በቅርቡ ወደዚህ ሥራ ገብቷል።

🔸በቀን 14 ሺ ኪሎ ግራም ዓሣ የማምረት አቅም ተፈጥሯል።

📌 በ2018 በጀት ዓመት 9 ሺህ 500 ቶን የዓሣ ምርት ከህዳሴው ግድብ ለማግኘት ታቅዷል።
#sputnik

በየጊዜ እየጨመረ የመጣው የናይጄሪያ የጋዝ ምርት
#ethiopia | ሀገሪቱ በሀምሌ ወር የ 8.58 በመቶ ተጨማሪ የጋዝ ምርት ማግኘቷን ተከትሎ የምርት መጠኗን እያሳደገች ትገኛለች ሲል የነዳጅ ተቆጣጣሪ ባለሥልጣን አስታወቋል፡፡

የናይጄሪያ የጋዝ ምርት በሀምሌ ወር 214.92 ቢሊዮን ኪዩቢክ ሜትር ደርሷል፡፡

የጋዝ ስርጭቱ በሀምሌ ወር

✅ 36 በመቶ ለወጪ ንግድ ቀርቧል፡፡
✅ 28 በመቶ ለሀገር ውስጥ ገበያ ቀርቧል፡፡
✅29 በመቶ በነዳጀ ዘርፍ ስራዎች እና ማቀነባበሪያዎች ውስጥ ጥቅም ላይ ውሏል፡፡

ከዚህ በተጨማሪ በ2030 ለማሳካት የተያዘውን የዜሮ-ቃጠሎ ግብ ለማሳካት ዝቅተኛ የጋዝ ቃጠሎ መመዝገቡን የሀገሪቱ ባለስልጣናት ተናግረዋል፡፡

📈 የጋዝ ዘርፉ ለሶስት ዓመታት እያደገ ሲሆን የዕለት ምርቱ ካለፈው ዓመት ጋር ሲነፃፀር በ10 በመቶ ጭማሪ የታየበት ነው፡፡

🥇 የአፍሪካ ከፍተኛ የነዳጅ ዘይት አምራች የሆነችው ናይጄሪያ በአኅጉሪቱ ቀዳሚዋ የተፈጥሮ ጋዝ አቅራቢም እየሆነች ነው፡፡ #sputnik

በትራምፕ እና ዘለንስኪ የኋይት ሃውስ ስብሰባ
የተሰጡ ቁልፍ መግለጫዎች፦

ትራምፕ፦

🔹 ከዘለንስኪ እና ከአውሮፓ መሪዎች ጋር ከተገናኙ በኋላ የዩክሬንን ግጭት ለመፍታት "ጥሩ እድሎች" እንዳሉ ተናግረዋል።

🔹 ፑቲን እና ዘለንስኪ የዩክሬንን ግጭት ማቆም ይፈልጋሉ።

🔹 የአውሮፓ መሪዎችም የዩክሬንን ሰላም እንደሚሹ ገልጸዋል።

🔹 በሰላም እልባቱ መሠረት ለዩክሬን "የተሻለ ዋስትና" ለመስጠት ቃል ገብተዋል።

🔹 የዩክሬን ግጭት እንዲቆም ተዋጊዎቹም እና መላው ዓለም የሚመኘው ነው በማለት ይህ የሚሆንበትን ግዜ ግን አሁን ላይ ለማወቅ እንደማይቻል ገልፀዋል።

🔹 ከዘለንስኪ እና ከአውሮፓ መሪዎች ጋር ያሚያደረጉት ስብሰባ የመጨረሻ አለመሆኑን ተናግረዋል።

🔹 የዩክሬን ሰላም ዘላቂ መሆን እንዳለበት አሳስበዋል።

🔹 ኔቶ ለዩክሬን የሚቀርበውን የአሜሪካ የጦር መሳሪያ ወጪ እንደሚሸፍን ገልፀዋል።

ዘለንስኪ፦

🔹 ለግዛት ጥያቄዎች ምላሽ አልሰጠም።

🔹 በዩክሬን ምርጫ ማድረግን በተመለከተ "የደህንነት ሁኔታዎች" እንደሚያስፈልጉ ተናግሯል።

🔹 ኪዬቭ የአሜሪካን የጦር መሳሪያ በመግዛት ረገድ ችግሮች አየገጠሟት እንደሆነ ገልጿል።
#sputnik

ከፍተኛ የዩክሬን ባለሥልጣን በስፔን በመዋኛ ገንዳ ውስጥ ሞተው ተገኙ
#ethiopia | ሟቹ የዩክሬን የውስጥ ጉዳይ ሚኒስቴር ከፈተኛ ባለሥልጣን ኢጎር ግሩሼቭስኪ ናቸው፡፡ የ61 ዓመቱ ግሩሼቭስኪ የልብ ድካም ወይም ስትሮክ አጋጥሟቸው ሰጥመው እንደሞቱ ታምኗል፡፡

ከፈተኛ ቁጥር የሩሲያ ቋንቋ ተናጋሪዎች የሚኖሩበት ይህ አካባቢ ከዓመት ተኩል በፊት በሩሲያዊው ከዳተኛ ማክሲም ኩዝሚኖቭ ሞት ምክንያት መነጋገሪያ ነበር፡፡

ግሩሼቭስኪ በዩክሬን የተደራጀ ወንጀል ውስጥ ተሳታፊ ሲሆኑ የሞታቸው ምክንያት እየተመረመረ ነው፡፡ #sputnik

የሩሲያ የመርከበኞች ማሠልጠኛ መርከብ ክሩዘንስቴርን የታላቁን የአፍሪካ የባሕር ጉዞ አጠናቀቀ
#ethiopia | መጋቢት 9 በጀመረው ጉዞ መርከቡ ባልቲክ እና የሰሜን ባሕርን አልፎ ወደ አትላንቲክ እና ህንድ ውቅያኖሶች ገበቷል።

መርከቡ ያረፈባቸው ወደቦች፦

⛵️አጋዲር፣
⛵️ካዛብላንካ፣
⛵️ኬፕ ታውን፣
⛵️ፖርት ሉዊስ።

መርከቡ በሞሪሺየስ በነበረው የተለየ ቆይታ እ.ኤ.አ በ1975 የሶቪየት የባሕር ኃይል ለደሴቲቱ ያደረገውን ድጋፍ እንዲሁም ናዚ ድል የተደረገበት 80ኛ ዓመት በዓል ተዘክሯል።

የጉዞው ዋና ዋና ነጥቦች፦

🟠 በግምት 20 ሺህ ኖቲካል ማይል ተጉዟል፣
🟠 ከ15 ሺህ በላይ ኖቲካል ማይል ሸፍኗል፣
🟠 የምድር ወገብ እና የቀትር መስመርን ሁለት ጊዜ አቋርጧል፤
🟠 ከ80 በላይ የአደጋ ጊዜ ልምምዶችን አካሂዷል።

ከአምስት የሩሲያ ዩኒቨርሲቲዎች የተውጣጡ 140 ካዴቶች ከግብፅ፣ ሞሮኮ፣ ኩባ እና ካዛክስታን ከመጡ 13 የውጭ ሀገር ሠልጣኞች ጋር የመጀመሪያ የባሕር ሥልጠናቸውን አጠናቀዋል።

መርከቧን የሚያንቀሳቅሰው የካሊኒንግራድ ስቴት ቴክኒካል ዩኒቨርሲቲ አመራር እና የክሩዘንስቴርን መርከበኞች ጉዞው የተሳካ እንደሆነ ገልፀው፤ መርከቧ፣ ሠራተኞቿ እና ካዴቶች በውጭ ሀገር ወደቦች በቆዩበት ጊዜ ሩሲያን በሚያስደንቅ ሁኔታ ወክለዋል ብለዋል። #sputnik

ከ30 ሺህ ብር በላይ የጥሬ ገንዘብ ግብይትን
የሚያግደው የሕግ ማሻሻያ ለፓርላማ አቀረበ
#ethiopia | የገንዘብ ሚኒስቴር ከ30 ሺህ ብር በላይ የጥሬ ገንዘብ ግብይት ላይ እገዳ የሚጥለውን የሕግ ማሻሻያ ለፓርላማ አቀረበ፡፡

ገደቡን ያለፈ ማንኛውም ግብይት በሞባይል ገንዘብ ማስተላለፊያና ፍቃድ የተሰጣቸው የፋይናንስ ተቋማትን ጨምሮ በመደበኛ የባንክ ሂደት እንዲፈፀም ይገደዳል ተብሏል።

ሚኒስቴሩ እርምጃው የመንግሥት አስተዳደርን ለማዘመንና የግብር አሰባሰብን ለማሻሻል ወሳኝ ነው ብሏል፡፡

በአንድ ቀን ውስጥ የሚደረግ የተከፋፈለ ክፍያ እንደ ነጠላ ግብይት የሚቆጠር ሲሆን፤ ገደቡን የተላለፈ ሰው የተቀበለውን ክፍያ እጥፍ ሊቀጣ እንደሚችልና ወጪው ከግብር ቅነሳ ውጪ እንደሚሆን በረቂቅ ሕጉ ተቀምጧል፡፡

(sputnik)

አሜሪካ 8 ስደተኞችን ከጅቡቲ ደቡብ ሱዳን ወደሚገኘው የጦር ሰፈሯ ማዛወሯን የሀገር ውስጥ ደህንነት ሚኒስቴር አስታወቀ
#ethiopia | የቬትናም፣ ኩባ፣ ላኦስ፣ ሜክሲኮ እና ማይናማር ዜግነት ያላቸው ወንጀለኞች፤ በጅቡቲ የአሜሪካ ወታደራዊ ካምፕ የሕግ ሂደት ከጨረሱ እና ከሳምንታት እስራት በኋላ እንዲወጡ መደረጋቸውን መሥሪያ ቤቱ አስታውቋል፡፡

ግለሰቦቹ አሜሪካ ውስጥ የግድያ፣ ፆታዊ እና የአደንዛዥ ዕፅ ወንጀል እስረኞች የነበሩ ሲሆን የትውልድ ሀገሮቻቸው ሊቀበሏቸው ፈቃደኛ ባለመሆናቸው ነው ወደ ደቡብ ሱዳን የተዛወሩት።

እርምጃው የአሜሪካ ጠቅላይ ፍርድ ቤት የተወሰኑ ስደተኞች ወደ ሦስተኛ ሀገራት እንዲዛወሩ (ዲፖረት እንዲደረጉ) በውሳኔው መፍቀዱን ተከትሎ የመጣ ነው። የታችኛው ፍርድ ቤት የፍትሕ ሂደቱን አልተከተለም በማለት ስደተኞቹን ማስወጣት በማገድ ለታሳሪዎች ከአንድ ቀን ያነሰ የይግባኝ ጊዜ ሰጥቶ ነበር።

ትራምፕ ሕገ-ወጥ ስደተኞችን በማስወጣት ስደት እንደሚያስቆሙ በበዓለ ሲመታቻው ወቅት ቃል ገብተዋል። አስተዳደራቸው በመቶ ሺዎች የሚቆጠሩ ስደተኞችን ወደ ትውልድ ሀገራቸው ወይም ወደ ሦስተኛ ሀገራት ለመላክ እንዳቀደ ዘገባዎች ይጠቁማሉ፡፡ #sputnik