ኢትዮጵያ እና ኤርትራ ዲፕሎማሲያዊ ግንኙነታቸውን ካቋረጡ ከጥቂት ቀናት በኋላ፣ አንዱ አንዱን "የጥቃት ጦርነት" ጀምሮብኛል ሲሉ መወነጃጀል ጀመሩ።

-የኢትዮጵያ ፌደራል ፖሊስ፤ በመቀሌ ከተማ የሚገኙ ነዋሪዎች፣ ሰላምና ስርዓትን ወደነበረበት ለመመለስ እንዲተባበሩ ለነዋሪዎች በድምፅ ማጉያ ጥሪ ማቅረባቸዉ ተሰማ። በሌላ በኩል የኢትዮጵያ አየር መንገድ ወደ ትግራይ ክልል ፤ መቀሌ ከተማ የሚያደርገዉን በረራ ጥቅምት 1 እንደሚጀምር ተመልክቷል።

-አምነስቲ ኢንተርናሽናልና ሂውማን ራይትስ ዎችን ጨምሮ በርካታ አህጉራዊ እና ዓለማቀፍ የመብት ተሟጋች ድርጅቶች፣ በሰሜን ኢትዮጵያው ጦርነት እየተባባሰ የመጣውን የሰብአዊ መብቶች ሁኔታ ለመፍታት እና ተጨማሪ ጭካኔ የተሞላባቸው ወንጀሎችን ለመከላከል አስቸኳይ ልዩ ስብሰባ እንዲጠራ ለተመድ የሰብአዊ መብቶች ምክር ቤትን ጠየቁ።

-የኢትዮጵያ ህዝቦች አብዮታዊ ፓርቲ ፤ኢህአፓ፤ በኢትዮጵያ በተለያዩ እስር ቤቶች የታሰሩ እና «መንግስት ያቀረበውን የይቅርታ ሰነድ አንፈርምም» ብለው የቀሩ እስረኛ፣ ጋዜጠኞች፣ የፖለቲካ ሰዎች እና የማህበረሰብ አንቂዎች ላይ «ከፍተኛ ግፍ፣ ጫና እና እንግልት» እየደረሰ ነዉ ሲል አሳሰበ።

-ደቡብ አፍሪቃዊትዋ ዳና ናቫኔተም በአጭሩ ስማቸዉ "ናቪ" ፒላይ የዘንድሮዉን የጎርጎሮሳዉያን 2026 የኖቤል የሰላም ሽልማት አሸነፉ።

Via:- ዶቼቬሌ
@Yenetube Fikerassefa

ቤትና መኪና የሚያስገኝ ሎተሪ ደርሶናል በማለት የማታለል ወንጀል የፈፀሙ 3 ተጠርጣሪዎች እጅ ከፍንጅ ተያዙ።

አርሴማ ማስረሻ፣ ታደሰ ነሪ እና ዮሴፍ ተሾመ የተባሉት ተጠርጣሪዎች የማታለል ወንጀሉን ፈፅመው በቁጥጥር ስር የዋሉት በኮልፌ ቀራንዮ ክ/ከተማ ወረዳ 6 ቤቴል አካባቢ ነው።

ተጠርጣሪዎቹ ወንጀሉን ለመፈፀም አስበው በተከራዩት የሰሌዳ ቁጥር ኮድ3A-73299 አ.አ የሆነ ቪቲዝ መኪና እየተንቀሳቀሱ እያለ የግል ተበዳይ የቀበሌ መታወቂያ ለማሳደስ በአዲስ ከተማ ክ/ከተማ ወረዳ 12 አስተዳደር በሚሄዱበት አጋጣሚ ያገኟቸዋል።

ከሦስቱ ተጠርጣሪዎች መካከል ታደሰ ነሪ የተባለው ግለሰብ ቤትና መኪና የሚያስገኝ ሎተሪ ቢደርሰውም በቅርቡ ከክፍለ ሃገር ስለመጣ የአዲስ አበባ ከተማ መታወቂያ እንደሌለውና ጉዳዩን ለማስጨረስ የግል ተበዳይን እርዳታ እንደሚፈልግ በመናገር አታለው መኪና ውስጥ ያስገቧቸዋል።

ግለሰቦቹ ለ3 ሠዓታት ያህል የግል ተበዳይን በተለያዩ ቦታዎች ሲያዞሯቸውና ሲያንገላቷቸው ከቆዩ በኃላ የተለያዩ የማሳመኛ ዘዴዎችን በመጠቀም ለጉዳዩ ማስጨረሻ በሚል ማታለያ ከኢትዮጵያ ንግድ ባንክና እናት ባንክ 100 ሺህ ብር አውጥተው ለተጠርጣሪዎቹ ይሰጧቸዋል።

በዚህ የማታለል ወንጀል ያላበቃው የተጠርጣሪዎቹ ተግባር ቤቴል ወረዳ 6 አካባቢ ከሚገኝ የአንድ ግለሰብ ህንፃ አጠገብ ሲደርሱ በሎተሪ የደረሳቸውን ቤትና መኪና መውሰድ የሚችሉት በዚህ ህንፃ ቢሮ ውስጥ መሆኑንና ገብተው እንዲያስጨርሱላቸው ካሳመኗቸው በኃላ ቢሮ ውስጥ ሲገቡ የወርቅ ጌጣጌጥና ሞባይል ስልክ ይዞ መግባት እንደማይቻል፤ ጉዳዩን አስጨርሰው እስከሚመጡ ድረስ የግል ተበዳይ ንብረት በእነሱ እጅ እንዲቆይ ያደርጋሉ።

የግል ተበዳይም 220 ሺህ ብር የሚያወጣ 11 ግራም የአንገት ሃብልና የጆሮ ጌጥ ወርቅ እንዲሁም 17 ሺህ ብር የሚገመት ሳምሰንግ ሞባይል ስልክ በአጠቃላይ 337 ሺህ ብር ግምት ያለው ንብረት ለተጠርጣሪዎቹ አስረክበው ቤትና መኪና የደረሰን ሎተሪ በሚል በትንሽ ካኪ ወረቀት ውስጥ የታሸገ 75 ሺህ ብር የሚል ፅሁፍ ያለው የተፋቀ የፈጣን ሎተሪ ወረቀት ሰጥተዋቸው ከመኪናው እንዲወርዱ ካደረጉ በኃላ የግል ተበዳይን ንብረት ይዘው ለማምለጥ ሲሞክሩ በፖሊስ አባላትና ህብረተሰቡ ትብብር በቁጥጥር ስር መዋላቸውን በኮልፌ ቀራንዮ ክ/ከተማ ፖሊስ ዋና መምሪያ የቤቴል አካባቢ ፖሊስ መምሪያ አስታውቋል።

ግለሰቦቹ በቁጥጥር ስር በዋሉበት ወቅትም ሴት ተጠርጣሪዋ የማታለል ወንጀሉን ለመፈፀም በአርቴፊሻል ፀጉር እራሷን እንደምትቀያይር የግል ተበዳይ የሰጡት ቃልና የምርመራ መዝገቡ እንደሚያስረዳ ፖሊስ መምሪያው ገልጿል።

ወንጀል ፈፃሚዎች የተለያዩ የማታለያ ዘዴዎችን በመጠቀምና የሰዎችን እንቅስቃሴ በመከታተል መሰል ወንጀል ሊፈፅሙ ስለሚችሉ ህብረተሰቡ ተገቢውን ጥንቃቄ ማድረግ እንዳለበት ያሳሰበው የአዲስ አበባ ፖሊስ ዋና ጠቅላይ መምሪያ ወንጀል ከተፈፀመም በአፋጣኝ ለፖሊስ ማሳወቅ ተገቢ መሆኑን በመልዕክቱ አስተላልፏል።

በ5 ዓመት ህፃን ላይ የጉልበት ብዝበዛና ጉዳት ያደረሰችው ግለሰብ  በቁጥጥር ስር ዋለች

በሸኮ ከተማ አስተዳደር 01 ቀጠና  የጉልበት ብዝበዛና አካላዊ ጉዳት ያደረሰችው ግለሰብ  በቁጥጥር ሥር መዋሏን የደቡብ ምዕራብ ኢትዮጵያ ክልል ፖሊስ አስታውቋል

የክልሉ ፖሊስ የህዝብ ግንኙነትና ኮሚኒኬሽን ዳይሬክተር ኢንስፔክተር ደጀኔ አሰፋ ለብስራት ሬዲዮ እንዳስታወቁት በ5 ዓመቷ ህፃን ሳራ ዘማች ላይ ብዝበዛና አካላዊ ጉዳት አድርሳለች ተብላ የተጠረጠረችው ግለሰብ ከህብረተሰቡ በደረሰ ጥቆማ መሠረት በፖሊስ ቁጥጥር ሥር ውላለች።

መስከረም 27 ቀን 2019 ዓ.ም. በህፃኗ ላይ አካላዊ ጉዳት አድርሳለች ተብላ የተጠረጠረችው ግለሰብ በፈፀመችው ድርጊት ዙሪያ ምርመራ እየተካሄደ ይገኛል።በጉዳዩ ላይ ፖሊስ ምንም ዓይነት እርምጃ አልወሰደም በሚል በማኅበራዊ ሚዲያ የሚሰራጩ መረጃዎች ከእውነት የራቁ መሆናቸውንም ፖሊስ አስታውቋል።

ፖሊስ በደረሰው ጥቆማ መሠረት አስፈላጊውን እርምጃ በመውሰድ ምርመራውን እያካሄደ መሆኑንም  ኢንስፔክተር ደጀኔ አሰፋ ጨምረው ለብስራት ሬዲዮ ተናግረዋል።

በሳምራዊት ስዩም
#ዳጉ_ጆርናል

“ህይወታችንን በምን እንምራ? ችግር ላይ ወድቀናል!” | የሞተረኞች ቅሬታ❗

በአዲስ አበባ የተጣለው የሞተር ብስክሌት እገዳ በርካታ አሽከርካሪዎችን ለቅሬታ ዳርጓል። በሞተር ብስክሌት ሥራ ተሰማርተው የዕለት ገቢያቸውን በማግኘት ራሳቸውንና ቤተሰቦቻቸውን ሲደግፉ የነበሩ አሽከርካሪዎች፣ እገዳው በኑሯቸው ላይ ከፍተኛ ተጽዕኖ እያሳደረ እንደሆነ ገልጸዋል።

አሽከርካሪዎቹ እንደሚሉት፣ በሕጋዊ መንገድ በማህበር ተደራጅተው፣ ዩኒፎርምና መታወቂያ በማዘጋጀት ሥራቸውን ሲያከናውኑ ቆይተዋል። ድንገተኛው እገዳ ግን የዕለት ገቢያቸውን እንዳሳጣቸውና የቤተሰቦቻቸውን ወጪ ለመሸፈን እንዳስቸገራቸው ተናግረዋል።

አሽከርካሪዎቹ መንግሥት እገዳውን ከመጣሉ በፊት ቅድመ ማስጠንቀቂያ ሊሰጣቸውና አማራጭ የሥራ ዕድሎችን ወይም መፍትሔዎችን ሊያመቻችላቸው ይገባ እንደነበር ያምናሉ። ለሕብረተሰቡ የሚሰጡት አገልግሎትና ከሥራው የሚያገኙት ገቢ ግምት ውስጥ እንዲገባም ጠይቀዋል።

በሌላ በኩል፣ የአዲስ አበባ ፖሊስ ከዚህ ቀደም ባወጣው መረጃ፣ ከስርቆትና ወንጀል መከላከል እንዲሁም ከትራፊክ ደህንነት ጋር በተያያዘ፣ ከኮድ 4 እና ከፖሊስ ሞተር ብስክሌቶች ውጭ ያሉ ባለሁለት እግር ሞተር ብስክሌቶች እንዳይንቀሳቀሱ መከልከሉ ይታወሳል።

አሁን የአሽከርካሪዎቹ ዋነኛ ጥያቄ እገዳው በኑሯቸው ላይ ያሳደረው ጫና እንዲታይና ፍትሃዊ መፍትሔ እንዲፈለግላቸው ነው።

Seledadotio
Seledadotio

(ዘ-ሐበሻ ዜና) የኤደን ፕሪሪ ፖሊስ ባለፈው ሳምንት አርብ በሁለተኛ ደረጃ ትምህርት ቤቱ የእግር ኳስ ጨዋታ ላይ በተፈጠረ የተኩስ ልውውጥ የተጠረጠረውን የ18 ዓመቱን ወጣት አዳም አብዲሃኪም አዳምን በቁጥጥር ስር ማዋሉን አስታወቀ። የሴንት ሉዊስ ፓርክ ነዋሪ የሆነው ተጠርጣሪው ሐሙስ ከሰዓት በሚኒያፖሊስ ከተማ የተያዘ ሲሆን፣ በአሁኑ ወቅት በሁለተኛ ደረጃ ከባድ ጥቃት ጥርጣሬ በሄነፒን ካውንቲ እስር ቤት ይገኛል።

ፖሊስ እንዳስታወቀው አደጋው የተከሰተው በስታዲየሙ አካባቢ ከተፈጠረ ትልቅ ጸብ በኋላ የተወሰኑ ግለሰቦች ከስፍራው እንዲወጡ ከተደረገ በኋላ ነው። ወዲያውኑ በመኪና ማቆሚያ ስፍራው በተከፈተው ተኩስ የ17 እና 18 ዓመት ወጣቶች ላይ ጉዳት የደረሰ ሲሆን፣ ጨዋታውም እንዲቋረጥ ሆኗል። የጸጥታ አካላት ይህ የተኩስ ልውውጥ ከሶማሊያ የጋንግ ቡድኖች እንቅስቃሴ ጋር ቀጥተኛ ግንኙነት እንዳለው አረጋግጠዋል።

የኤደን ፕሪሪ ፖሊስ አዛዥ ማት ሳኬት ይህ እስራት ለምርመራው ትልቅ እርምጃ መሆኑን ገልጸው፣ ምርመራው አሁንም እንደቀጠለና ተጨማሪ ሰዎች በቁጥጥር ስር ሊውሉ እንደሚችሉ አስታውቀዋል። ፖሊስ ስለዚህ ጉዳይ ተጨማሪ መረጃ ያለው ማንኛውም ሰው በ 911 ወይም 952-949-8477 ደውሎ እንዲያሳውቅ ጥሪ አቅርቧል።

አንድን ሹፌር በሰደፍ ሲመታ እና ሲደበድብ የሚታየው የፖሊስ አባል በቁጥጥር ስር መዋሉን ፖሊስ ለቲክቫህ ኢትዮጵያ ገለጸ።
‎
ሰሞኑን በማህበራዊ ሚዲያዎች ላይ በርካቶችን ያስቆጣ አንድ ቪድዮ እየተዘዋወረ ይገኛል።

ይህ ቪድዮ ሁለት የጭነት መኪናዎች በቆሙበት ለዜጎች የሕግ ከለላና ሰላም መስጠት የነበረበት አንድ የፖሊስ አባል አንድ ግለሰብ ላይ ኢ-ሰብአዊ ድርጊት እና ድብደባ ሲፈጽም የሚያሳይ ነው።

በርካታ ሰዎች የተፈጸመውን ድርጊት " ከህግ የወጣ እና ኢሰብዓዊ ፤ በየቦታው በሹፌሮች ላይ የሚፈጸመውን በደል ጭምር በገሃድ የሚያሳይ " ሲሉ ኮንነውታል።

" አልተቀረጸ እንጂ ሹፌሮች በየቦታው ይህን መሰል ተግባር ነው የሚገጽማቸው " ሲሉም ገልጸዋል።

ድርጊቱ መቼ እና የት ተፈጸመ ?

ብዙሃንን ያስቆጣው ድርጊት የተፈጸመው ‎በደቡብ ኢትዮጵያ ክልል፣ በጋሞ ዞን፣ ቦረዳ ወረዳ " ጠንጠሌ " ተብሎ በሚጠራ አከባቢ ነው።

‎ቲክቫህ ኢትዮጵያም ከጉዳዩ ጋር በተያያዘ በጋሞ ዞን የቦረዳ ወረዳ ፖሊስ አዛዥ ም/ኢንስፔክተር አብረሃም አየለን አነጋግሯቸዋል።
‎
‎አዛዡ ለቲክቫህ ኢትዮጵያ በሰጡት ቃል ድርጊቱ የተፈፀመው መስከረም 23 ቀን 2019 ዓ/ም ከሰዓት በኋላ ነው።

" በወረዳው ጠንጠሌ አከባቢ ' ዮ ሆልዲንግ ' ከተሰኘ የድንጋይ ከሰል አቅራቢ ድርጅት ሳይት ከሰል ጭነው በመውጣት ላይ የነበሩ የዳንጎቴ የጭነት መኪና አሽከርካሪዎች በአከባቢው ከነበሩ የፖሊስ አባላት ጋር ያለመግባባት ተፈጥሮ ነበር " ብለዋል።

" የፖሊስ አባሉ ፍጹም ተገቢ ባልሆነ መንገድ አሽከርካሪውን ሲመታው የሚያሳይ ምስል በዚያው ቅፅበት በማህበራዊ ሚዲያ ተሰራጭቶ መረጃው በስልክ ነው የደረሰኝ " ሲሉ ገልጸዋል።
‎
‎" መረጃው እንደደረሰን በዕለቱ ድርጊቱ በተፈፀመ 30 ደቂቃ በማይሞላ ጊዜ ውስጥ ነው አባሉን በቁጥጥር ስር ያዋልነው " ያሉት አዛዡ " በአሁኑ ወቅት  ምርመራ ተጀምሯል የፍርድ ቤት የጊዜ ቀጠሮ እየተጠበቀ ነው " ሲሉ  ለቲክቫህ ኢትዮጵያ ተናግረዋል።
‎
‎" ድርጊቱ በየትኛውም አይነት መመዘኛ ትክክል አይደለም " ያሉ ሲሆን " የተፈጸመው ድርጊት ግለሰቡን እንጂ የወረዳውን ፣ የዞኑንና የክልሉን ፖሊስ የማይወክል ሆኖ ሳለ በተለያዩ ማህበራዊ ሚዲያዎች የሚሳራጩት አንዳንድ ማብራሪያና ፍረጃዎች ተገቢነት የላቸውም " ብለዋል።
‎
‎ቲክቫህ ኢትዮጵያ ከጉዳዩ ጋር በተያያዘ ከዳንጎቴ ተቋም በኩል መረጃ ለማግኘት ሙከራ አድርጎ አልተሳካም።

አንድ በተቋሙ ለዞኑ የተፃፈ ደብዳቤን ግን ተመልክቷል።

" ይህ የአሁኑን ጨምሮ በሌሎችም ጊዜያት የተለያዩ ክፍያዎችን እየከፈሉ ቢሆንም የድርጅቱን አሽከርካሪዎች እና መኪኖች ላይ ያለአግባብ የማንገላታት ሁኔታዎች አሉ " ይላል።
‎
‎ድርጅቱ  " ለልማት ማህበር፣ ለፋይናንስ ቢሮ፣ ለከተማ ልማት እንዲሁም ያለደረሰኝ 'የተራ እና ሽራ አሰራ' በሚል በድምሩ እስከ 27,100 ብር ህጋዊና ህገ-ወጥ ክፍያዎችን እየከፈለ " መሆኑን ጠቁሟል።

በተጨማሪም "ፓርኪንግ" በሚል ያልቆሙበትን ክፍያ ለመጠየቅ ሲባል ወጣቶች በመደራጀት ሾፌሮቹን ከ3 እስከ 4 ቀናት በማስቆም ከፍተኛ እንግልት እንደሚያደርሱባቸው ገልጿል።
‎
‎​" በመንገድ ላይ የተመደቡ ፖሊሶች ያለአግባብ ከሾፌሮች ከ200 እስከ 500 ብር ይጠይቃሉ " የሚለው የድርጅቱ ደብዳቤ " ክፍያውን ያልፈጸሙ አሽከርካሪዎችን በማንገላታትና በመደብደብ ጉዳት መድረሱን " አመልክቷል።

አንድ አሽከርካሪ በደረሰበት ከፍተኛ ድብደባ ምክንያት ደብዳቤ እንደተፃፈለትም ጠቅሷል።

እነዚህ አሰራሮች በአስቸኳይ እንዲቆሙ፣ የህግ የበላይነት እንዲከበር፣ አሽከርካሪዎች ያለስጋት ስራቸውን እንዲያከናውኑ እና ስልጣናቸውን ያለአግባብ በመጠቀም ህገ-ወጥ ድርጊት የፈጸሙ አካላት በህግ እንዲጠየቁ ጠይቋል።

ቲክቫህ ኢትዮጵያ
ሀዋሳ
መስከረም 28 ቀን 2019 ዓ/ም

@tikvahethiopia

Tigray Region 📍

መቐለ

እስከ ጥቅምት 05 ቀን 2019 ዓ.ም. ባሉት ቀናት ውስጥ የመቐለ ከተማ መደበኛ የፖሊስ አባላት ወደ መደበኛ የሥራ ገበታቸው እንዲመለሱ ጥሪ ቀርቦላቸዋል።

የመቐለ ከተማ ፖሊስ፣ አባላቱ በተቀመጠላቸው የጊዜ ሰሌዳ ውስጥ ሪፖርት ካላደረጉ በራሳቸው ፍላጎት ከሥራ እንደለቀቁ እንደሚቆጠሩ አሳውቋል።

ቲክቫህ ኢትዮጵያ ባገኘው መረጃ ዛሬ አንዳንድ ፖሊስ አባላት በቀረበው ጥሪ መሰረት ወደ ስራቸው ለመመለስ ሪፖርት ማድረግ መጀመራቸውን ተረድቷል።

ይህ በእንዲህ እንዳለ መቐለ አሁን ላይ ካለፉት ቀናት በተሻለ መረጋጋት እና ወደ መደበኛው የዕለት ተዕለት እንቅስቃሴ እየገባች ትገኛለች።

ቃለቸውን የሰጡን ነዋሪዎች፤ የሚፈጸሙ ዝርፊያዎች እና የፀጥታ ስጋቶች በእጅጉ መሻሻል አሳይተዋል።

የሀገር መከላከያ እና የትግራይ ሰላም ኃይል እንቅስቃሴ

የሀገር መከላከያ ሰራዊት እና የትግራይ የሰላም ኃይል የደቡባዊ እና ደቡብ ምስራቅ አካባቢዎችን ከተቆጣጠሩ በኋላ ወደ ሰሜናዊ ምዕራብ፣ ምስራቃዊ እና ማዕከላዊ ዞኖች አምርተዋል።

በማዕከላዊ ዞን ሶስተኛዋ ትልቅ ከተማ የሆነችው ዓብዪ ዓዲን በቁጥጥር ስር መዋላቸውን ነዋሪዎች ተናግረዋል።

በሰሜናዊ ምዕራብ ዞን በኩል፥ የዞኑን መቀመጫ የሆነችው የእንዳስላሴ (ሽረ) ከተማን ለመቆጣጠር በቅርብ ርቀት ላይ እንደሚገኙ ነዋሪዎች ገልጸዋል።

በምስራቃዊ ዞን የአጉላዕ እና ውቕሮ ከተሞችን በቁጥጥር ሥር በማዋል ወደ ዞኑ ዋና መናገሻ ዓዲግራት ከተማ እያመሩ መሆኑ ተነግሯል።

የኤርትራ (ሻዕቢያ) ሰራዊት

የኤርትራ (ሻዕቢያ) ሰራዊት ወደ ኢትዮጵያ ምድር ትግራይ ክልል ዘልቆ መግባቱ ይታወቃል።

ኤጀንሲ ፋራንስፕሬስ (AFP) በርከታ ምንጮች የኤርትራ ወታደሮች ዓዲግራት ከተማ ዙሪያ መሰማራታቸውን እንደገለጹለት ዘግቧል።

የግጭት ክትትል ተቋም የሆነው ACLED ይፋ ባደረገው መረጃ፤ በዓዲግራት አካባቢ "የኤርትራ ወታደሮች" ላይ ያነጣጠሩ በርካታ የድሮን ጥቃቶች መፈጸማቸውንና ኃይሎቹ መመታታቸው ተገልጿል።

በስማቸው እንዳይገለጹ የጠየቁ የዓይን እማኞች ለAFP እንደተናገሩት፤ " ትናንት በርካታ የድሮን ጥቃቶች ነበሩ። የኤርትራ የጭነት መኪኖች ወድመዋል። ከዛ በኋላ በጎዳናዎች ላይ አልታዩም "  ሲሉ አስረድተዋል።

ሌላው እማኝ በሌሊት ከፍተኛ ፍንዳታዎችን መስማቱን እና በድሮን ጥቃት የተመቱ የኤርትራ ወታደራዊ ተሽከርካሪዎችን በአይኑ መመልከቱን ገልጿል።

ሦስተኛ እማኝ ደግሞ ከጥቃቶቹ በኋላ የኤርትራ ወታደሮች ወደ ሰሜን አቅጣጫ እያፈገፈጉ የሚመስል እንቅስቃሴ ላይ ናቸው ብሏል።

ቲክቫህ ኢትዮጵያ ያነጋገራቸው ነዋሪዎች ደግሞ " የሻዕቢያ ሰራዊት " በዛላንበሳ መስመር ማፈግፈጉን ጠቁመዋል።

ቲክቫህ ኢትዮጵያ
መስከርም 28 ቀን 2019 ዓ/ም

@tikvahethiopia Photo

ሀሰተኛ ሰነዶችን በመጠቀም  ፓስፖርት ለማውጣት የሞከረው ኤርትራዊ ግለሰብ በቁጥጥር ስር ዋለ

​የጋሞ ዞን ፖሊስ መምሪያ እንደገለፀው ግለሰቡ ሀሰተኛ ሰነዶችን ተጠቅሞ ፓስፖርት ለማውጣት ሲሞክር መያዙን አስታውቋል።

ግለሰቡ  ዳዊት ጎይቶም የተባለ ሲሆን በኦንላይን ያመለከተውን የፓስፖርት ጥያቄ ለማስፈጸም ሀሰተኛ ሰነዶችን በመያዝ ወደ ኢሚግሬሽንና ዜግነት አገልግሎት አርባምንጭ ቅርንጫፍ ጽሕፈት ቤት በመጣበት ወቅት በተፈጠረ ጥርጣሬ እና በተሰጠ ጥቆማ በቁጥጥር ስር ውሏል።

የዞኑ ፖሊስ ባደረገው ማጣራት ተጠርጣሪው ከአዲስ አበባ የተሰጠ ሀሰተኛ የፋይዳ መታወቂያ፣ ከትግራይ ክልል ትምህርት ቢሮ የተሰጠ የ8ኛ ክፍል የትምህርት ሰነድ  ኮፒ እንዲሁም ከአርባምንጭ ከተማ የተሰጡ ሀሰተኛ የቀበሌ መታወቂያና የወሳኝ ኩነት ሰነዶችን አዘጋጅቶ ሲጠቀም ተገኝቷል።

​በተደረገው የማጣራት ስራ ግለሰቡ  የቀድሞ የኤርትራ ባሕር ኃይል አባል እንደነበርና ከሠራዊቱ በመኮብለል በትግራይ ክልል በኩል ወደ አዲስ አበባ ገብቶ ይኖር እንደነበር ተረጋግጧል።በዚህም ፖሊስ ግለሰቡን በቁጥጥር ስር አውሎ የክስ መዝገቡን በማጣራት ላይ እንደሚገኝ  የደቡብ ኢትዮጵያ ክልል ፖሊስ ኮሚሽን የሕዝብ ግንኙነትና ገፅታ ግንባታ ዳይሬክተር ምክትል ኮማንደር አሸናፊ ኃይሌ ለብስራት ሬዲዮ ተናግረዋል።

የጋሞ ዞን ፖሊስ መምሪያ ተጠርጣሪውን በቁጥጥር ስር ለማዋል ጥቆማ በመስጠትና በማስፈጸም ረገድ ላደረጉት ከፍተኛ ትብብር ለኢሚግሬሽንና ዜግነት አገልግሎት አርባምንጭ ቅርንጫፍ ጽሕፈት ቤት አመራሮችና ሠራተኞች ምስጋና አቅርቧል።

በሳምራዊት ስዩም
#ዳጉ_ጆርናል

«በደቡብ ጎንደር አምስት ሰዎች በፌዴራል ፖሊስ አባላት ተኩስ ቆሰሉ፤ የአንድ ታዳጊ ሕይወት አለፈ»

​በደቡብ ጎንደር ዞን በእስቴ ወረዳ ጉቢቻ ቀበሌ የጉምሩክ ጥበቃ የሚያደርጉ የፌዴራል ፖሊስ አባላት በከፈቱት ተኩስ ንጹሃን ሰዎች መመታታቸው ተገለጸ።

የፌዴራል ፖሊስ አባላቱ «ኮንትሮባንድ እቃ ይዛለች» ባሏት አንድ ባጃጅ ላይ በከፈቱት ተኩስ ጥቃቱ መከሰሱ ተገልጿል።

በተከፈተው ተኩስ ወደ ስፖርት በመሄድ ላይ የነበረ አንድ ታዳጊ ወጣት ሕይወቱ ሲያልፍ፣ ተማሪዎችን ወደ ትምህርት ቤት በማድረስ ላይ የነበሩ የእድሜ ባለጸጋን ጨምሮ አምስት ሰዎች በጽኑ ቆስለዋል።

ተጎጂዎቹ ምንም የማያውቁ ንጹሃን መሆናቸውንና በባጃጇ ተጭኖ የነበረውም እቃ ኮንትሮባንድ ሊባል የማይችል እንደነበር የአካባቢው ነዋሪዎች ገልጸዋል።

@Yenetube Fikerassefa

የአቦቦ ወረዳ ፖሊስ በአደረገው ክትትል የጂን አልኮል መጠጦች ተያዘ

በጋምቤላ ክልል በአኙዋሃ ብሔረሰብ ዞን በአቦቦ ወረዳ የተከለከለ የአልኮል መጠጥ ይዘው የሚዘዋወሩ ግለሰቦችን ለመቆጣጠር የወረዳው ፖሊስ በአደረገው ክትትል 180 የጂን አልኮል መጠጦች ተይዘው እንዲወገዱ ተደርጓል።

የአልኮል መጠጦችን በሚያዘዋዉሩ ግለሠቦች ላይ ወረዳው ጥብቅ ቁጥጥር እንደሚያደርግና እርምጃ እንደሚወስድ የወረዳው ፖሊስ አዛዥ ኢንስፔክተር ኡሞድ ኡጌራ ገልፀዋል።

የወረዳው ፖሊስ አዛዥ ኢንስፔክተር ኡሞድ ኡጌራ በተጨማሪ እንደገለጹት አልኮል ለጤና ጠንቅ በመሆኑ ህብረተሠቡ ይሄን የአልኮል ዝውውር ተግባር የሚያከናውኑ ግለሰቦች ሲያጋጥሟቸው ለወረዳው ፖሊስ ጽ/ቤት ሪፖርት እንዲያደርጉ አሳስበዋል።

#ችሎት

የፌደራል ጠቅላይ ፍርድ ቤት የስር ፍርድ ቤትን ውሳኔ በማጽናት በሽብር ወንጀል ተጠርጥረው በእስር ላይ የሚገኙት የኢህአፓ አባላት የዋስትና መብት እንዲከበር ብያኔ ሰጠ።

በሽብር ወንጀል ተጠርጥረው በእስር ላይ የሚገኙት የኢህአፓ አባላት የዋስትና ጉዳይ በዳኞች ፈረቃ መቀያየርና መዝገብ ባለመቅረቡ ምክንያት በተደጋጋሚ ተለዋጭ ቀጠሮ ሲሰጥበት መቆየቱ ይታወሳል።

የፌደራል ጠቅላይ ፍርድ ቤት የስር ፍርድ ቤት የዋስትና ውሳኔ ሊጸና ይገባል ወይስ አይገባም፤ እንዲሁም ለፖሊስ ተጨማሪ የምርመራ ጊዜ ያስፈልጋል ወይስ አያስፈልግም የሚለውን ለመመርመር የፌደራል ፖሊስ ያደራጀውን የምርመራ መዝገብ አስቀርቦ ሲመለከት ቆይቷል።

ጉዳዩን ሲመለከት የቆየው የፌደራል ጠቅላይ ፍርድ ቤት በዛሬው ዕለት በዋለው ችሎት፣ የስር ፍርድ ቤት የሰጠውን ውሳኔ ሙሉ በሙሉ አጽንቷል።

በዚህም መሠረት በሽብር ተግባር ተጠርጥረው በእስር ላይ የሚገኙት አቶ ይስሓቅ ወልዳይ፣ አቶ አበበ አካሉ እና ጠበቃ አቶ አበራ ንጉሥ የዋስትና መብታቸው ተከብሮ ከእስር እንዲፈቱ ብያኔ መሰጠቱን ጠበቃቸው አቶ ሰለሞን ገዛኸኝ ለቲክቫህ ኢትዮጵያ ገልጸዋል።

የፌደራል ከፍተኛ ፍርድ ቤት ልደታ ምድብ አንደኛ ጊዜ ቀጠሮ ችሎት፣ ነሐሴ 29 ቀን 2018 ዓ.ም በዋለው ችሎት፣ ፖሊስ የፎረንሲክ ውጤቶችን ለመጠበቅና ተጨማሪ ምስክሮችን ለመስማት በሚል የጠየቀውን የ14 ቀናት ተጨማሪ የምርመራ ጊዜ ውድቅ በማድረግ ተጠርጣሪዎቹ እያንዳንዳቸው በ50,000 (ሃምሳ ሺህ) ብር የገንዘብ ዋስትና ከእስር እንዲፈቱ ውሳኔ መስጠቱ ይታወሳል።

የፌዴራል ፖሊስ የተሰጠውን የፍርድ ቤት ውሳኔ በመቃወም ይግባኝ ማለቱን ተከትሎ ተጠርጣሪዎቹ ጉዳያቸውን እስከዛሬ መስከረም 27/2019 ዓም ድረስ በእስር ላይ ሆነው ሲከታተሉ ቆይተዋል።

ቲክቫህ ኢትዮጵያ
አዲስ አበባ
መስከረም 27 ቀን 2019 ዓ/ም

@tikvahethiopia #ችሎት ​በሽብር ወንጀል ተጠርጥረው በእስር ላይ የሚገኙት የኢሕአፓ አባላት የዋስትና ጉዳይ ዛሬም ውሳኔ ሳያገኝ ለአርብ ተቀጠረ። ​የፌደራል ጠቅላይ ፍርድ ቤት የስር ፍርድ ቤት የሰጠው የዋስትና ውሳኔ ሊጸና ይገባል ወይስ አይገባም? እንዲሁም ለፖሊስ ተጨማሪ የምርመራ ጊዜ ያስፈልጋል ወይስ አያስፈልግም? የሚሉትን ነጥቦች ለመመልከት የፌደራል ፖሊስ የምርመራ መዝገብ እንዲቀርብለት ማዘዙ ይታወሳል። ​ይሁን…

በአዳማ ከተማ በሽርክና አብራት በምትሰራው ባልደረባዋ ላይ የአሲድ ውሀ የደፈችው ግለሰብ ተያዘች
 
በአዳማ ከተማ ደበላ ክፍለ ከተማ ኢሬቻ ቀበሌ በጋራ በመሆን ዳይመንድ የማሳጅ አገልግሎት አቋቁመው ሲሠሩ በቆዩ ሁለት ወጣቶች መካከል በተፈጠረ የገንዘብ አለመግባባት  ባለደረባዋ ላይ የአሲድ ውሀ የደፈችው ግለሰብ በቁጥጥር ስር መዋሏን የአዳማ ከተማ አስተዳደር ፖሊስ ዋና መምሪያ አስታውቋል።
 
መብራቴ ጅሬኛ እና ኬርያ እንድሪስ የተባሉ ሃያዎቹ አጋማሽ ዕድሜ ላይ የሚገኙት ሁለቱ ወጣቶች ቀደም ሲል በነበራቸው የሥራ ልምድ ተነሳስተው በ2018 ዓ.ም ጥር ወር ላይ ገንዘባቸውን በማዋጣት ሥራውን ጀምረው በሂደቱም ስኬታማ በመሆን ሌሎች ሁለት ሴት ሠራተኞችን ጭምር ቀጥረው ሲሠሩ ቆይተዋል።
 
ይሁን እንጂ ከስድስት ወራት ቆይታ በኋላ በገንዘብ ወጪ ዙሪያ አለመግባባት መፈጠሩን የአዳማ ከተማ አስተዳደር ፖሊስ ዋና መምሪያ የኮሚኒኬሽን ክፍል ኃላፊ ምክትል ኮማንደር ታምራት ጌታሁን ለብስራት ሬድዮ ገልጸዋል።

ሁኔታው እየባሰ ሲሄድም መብራቴ መግባባት ካልቻልን ገንዘባችንን ተካፋለን በተናጠል እንሥራ የሚል ሐሳብ ያቀረበች ሲሆን በኬርያ በኩል ግን ፈቃደኝነት ባለመኖሩ አለመግባባቱ እስከ ድብድብ ደርሶ ፖሊስ ጣልቃ ገብቶ አስማምቷቸው እንደነበር ተነግራል።
 
የሰፈነው ስምምነት ለቀናት እንኳን ሳይዘልቅ በነበረ የገንዘብ ጫና ውዝግብ ኬርያ ቀደም ሲል በያዘችው ቂም በስልክዋ ስትጫወት በነበረችው መብራቴ ላይ ከፍተኛ የአሲድ ውሀ በጭንቅላቷ ላይ ደፍታባታለች።
 
ጉዳቱን ተከትሎ የአካባቢው ማህበረሰብ በሰጠው ፈጣን ትብብርና በፖሊስ ርብርብ ተጎጂዋ ወዲያውኑ ወደ ሕክምና ተወስዳለች።ተጠርጣሪዋም በቁጥጥር ሥር የዋለች ሲሆን ፖሊስ ጉዳዩን አጣርቶ ለፍትህ እንደሚያቀርብ ኮማንደር ታምራት ጨምረው ለብስራት ሬድዮ ተናግረዋል።

በትግስት ላቀው
#ዳጉ_ጆርናል Photo

በጋና የመገበያያ ገንዘብን ለጌጣጌጥ እና ለኬክ ማስጌጫነት የተጠቀሙ ሰባት ሴቶች በቁጥጥር ስር ዋሉ

​የጋና ማዕከላዊ ባንክ አገራዊ የመገበያያ ገንዘብን  ለተገቢው አገልግሎት ብቻ ማዋል እንደሚገባ እና በገንዘብ ማስጌጥ ህገ-ወጥ መሆኑን ቀደም ብሎ ማሳሰቡ ይታወሳል።

​የጋና ማዕከላዊ ባንክ ከጋና ፖሊስ አገልግሎት ጋር በመተባበር ባካሄደው ዘመቻ በዋና ከተማዋ አክራ የሀገሪቱን የመገበያያ ገንዘብ  ለጌጣጌጥ፣ ለአበባ እቅፍ እና ለኬክ ማስጌጫነት በመጠቀም ሲሸጡ የነበሩ ሰባት ሴቶችን በቁጥጥር ስር ማዋሉን አስታውቋል።

​እርምጃው የተወሰደው የሀገሪቱን ህጋዊ የመገበያያ ገንዘብ አግባብ ባልሆነ መልኩ የመጠቀም እና የመንከባከብ ልማድን ለመግታት በተደረገ አገር አቀፍ ቁጥጥር መሆኑ ተገልጿል።

​የጋና ማዕከላዊ ባንክ ባለፈው ወር ባወጣው መግለጫ የሴዲ ኖቶችን ለጌጣጌጥም ሆነ ለተለያዩ የአበባ እቅፎች መስሪያነት መጠቀም በህግ የተከለከለ መሆኑን አስጠንቅቆ ነበር።

​ከዚህ በተጨማሪም በተለያዩ ስነ-ስርዓቶች ላይ ገንዘብን መበተን፣ ኖቶችን መበጠስ፣ በላያቸው ላይ መጻፍ ወይም የባንክ ኖቶችን ማበላሸት ፈጽሞ የተከለከሉ ድርጊቶች እንደሆኑ ባንኩ አሳስቧል።

​በቁጥጥር ስር የዋሉት ሰባቱ ተጠርጣሪዎች በጋና ህግ መሰረት ክስ የሚመሰረትባቸው ሲሆን፣ የገንዘብ መቀጮ ወይም የእስራት ቅጣት ሊጠብቃቸው እንደሚችል ተጠቅሷል።

​ባንኩ አክሎ እንደገለጸው ሴዲ የሀገሪቱ ህጋዊ የመገበያያ ገንዘብ በመሆኑ ሁሉም ዜጋ ተገቢውን ክብር እና እንክብካቤ ሊያደርግለት እንደሚገባ አሳስቧል።

ሰላማዊ ነጋሲ
#ዳጉ_ጆርናል

ሼር

በኤምሬትስ የ7 ዓመት ህጻን ህይወት
የታደገችው ጀግናዋ ኢትዮጵያዊት!

በተባበሩት አረብ ኤምሬትስ ፉጃይራህ ግዛት ውስጥ አንዲት የ25 ዓመት ወጣት ኢትዮጵያዊት የቤት ሠራተኛ የሰራችው አስደናቂ የጀግንነት ስራ ብዙዎችን እያነጋገረ ይገኛል። ወጣቷ በምትሰራበት ቤት ጀርባ የነበረ ጥልቅ የውሃ ጉድጓድ ክዳን በድንገት ሲሰበር፣ እርሷ እና የ7 ዓመት ታዳጊ ህጻን አብረው ወደ ጉድጓዱ ውስጥ ወድቀዋል።

በወደቀችበት ቅጽበት የአንደኛ እግሯ አጥንት ቢሰበርም የራሷን ህመም ወደ ጎን በመተው የብረት መዋቅር ተደግፋ ህጻኑን አጥብቃ በመያዝ የአደጋ ጊዜ ሰራተኞች እስኪደርሱ ድረስ ሳትለቅ አቆይታዋለች። የፖሊስ እና የሲቪል ዲፌንስ ቡድኖች ደርሰው የማውጣት ስራ ሲጀምሩም ጀግናዋ ወጣት እሷ ከመውጣቷ በፊት ህጻኑ ቅድሚያ ተሰጥቶት ህይወቱ እንዲተርፍ አድርጋለች። ታዳጊው በሆስፒታል ታክሞ በጤንነት ሲመለስ፣ ወጣቷ በደረሰባት የእግር ጉዳት በፉጃይራህ ሆስፒታል በህክምና ላይ ትገኛለች።

ታዳጊው በሆስፒታል ታክሞ በጤንነት ወደ ቤተሰቡ ሲመለስ፣ ጀግናዋ ወጣት ግን በደረሰባት ከባድ የእግር ጉዳት በሆስፒታል በህክምና ላይ ትገኛለች። የፉጃይራህ ሲቪል ዲፌንስ ምክትል ዳይሬክተር በሆስፒታል ተገኝተው ወጣቷን የጎበኙ ሲሆን፣ ገልፍ ኒውስ እንደዘገበው፤ ወጣቷ ላሳየችው የላቀ መስዋዕትነትና ጀብዱ ከፍተኛ እውቅና እና ምስጋና ተሰጥቷታል።

ሼር

በአዲስ አበባ የ4 ዓመት ህፃን ልጅ በማታለል ሊሰርቅ የነበረ ተጠርጣሪ በቁጥጥር ዋለ

የወንጀል ድርጊቱ የተፈፀመው መስከረም 25 ቀን 2019 ዓ/ም ከምሽቱ 12 ሠዓት በየካ ክ/ከተማ ወረዳ 3 ልዩ ቦታው ቤላ 18 መናፈሻ ተብሎ በሚጠራው አካባቢ መሆኑን የአዲስ አበባ ፖሊስ ዋና ጠቅላይ መምሪያ አስታውቋል፡፡
 
 
ተጠርጣሪ ጠጋለም መርሻ በዛ የተባለ ግለሰብ አዶናይ ግዛቸው የተባለችን የ4 ዓመት ህፃን ከዘጠኝ ዓመት እህቷ ስጦታ ግዛቸው ጋር እየተጫወተች ባለችበት ወቅት ግለሰቡ ወደ እነርሱ በመቅረብ ህፃን አዶናይን ከእህቷ በመነጠል ይዟት ይሄዳል፡፡

ህፃኗም በፍርሃትና ድንጋጤ ውስጥ ሆና ግለሰቡ እንዲለቃት ብትጠይቀውም ብስኩትና ከረሜላ እገዛልሻለሁ በሚልና በማስገደድ ከአካባቢው ይዟት ሊሰወር ሲል በወቅቱ ከስራ ወደ ቤቱ ሲመለስ በነበረ የፖሊስ አባል እጅ ከፈንጅ ሊያዝ መቻሉን በየካ ክ/ከተማ ፖሊስ ዋና መምሪያ የጉራራና አካባቢው ፖሊስ መምሪያ አስታውቋል፡፡

ፖሊስ በተጠርጣሪው ላይ በተገቢው ማስረጃ የማጣራት ተግባሩን እያከናወነ መሆኑን የገለፀው የአዲስ አበባ ፖሊስ ዋና ጠቅላይ መምሪያ ህብረተሰቡም ልጆቹ የሚውሉበትንና የሚጫወትበትን ቦታ በማረጋገጥ ጥበቃ ሊያደርግ እንደሚገባም አሳስቧል፡፡

#ዳጉ_ጆርናል

ያለ ፈቃዷ ከወሲብ ንግድ ሰራተኛዋ ላይ ኮንዶም ያወለቀው ግለሰብ በ5 ዓመት እስራት ተቀጣ

በእንግሊዝ የግለሰቧን ፈቃድ ሳይጠይቅ በወሲብ ወቅት ኮንዶም ያወለቀ አንድ ሰው የወሲብ ሰራተኛን በመድፈር ለአምስት ዓመታት ተቀጥቷል። የ46 ዓመቱ አይሰን ቪር ራጋኒት፣ የዌስትዉድ ሮድ፣ ስቶክፖርት ነዋሪ፣ በነሐሴ ወር በዮርክ ክራውን ፍርድ ቤት በችሎት ከቀረበ በኋላ ጥፋተኛ ሆኖ ተገኝቷል።

ዛሬ ማክሰኞ ዕለት ዳኛ ሲን ሞሪስ ጥፋቱን የፈጸመው የተጎጂውን ፈቃድ በግልጽ መጣስን እንደሆነ ዳጉ ጆርናል ከዘገባዎች ተመማክቷል። ራጋኒት በጥፋተኝነት ውሳኔው ምክንያት በወሲብ ወንጀለኞች መዝገብ ላይ ላልተወሰነ ጊዜ ተፈርዶበታል። የሰሜን ዮርክሻየር ፖሊስ ራጋኒት በጥቅምት 2024 በሰሜን ዮርክሻየር በሚገኘው ቤቷ ውስጥ ተጎጂውን ለማግኘት በኦንላይን ቦታ ማስያዝ በኩል ተገናኝተዋል።

ከስራዋ ጋር በተያያዘ ስሟን የመደበቅ መብቷን የተጠቀመችው ተጎጂዋ "በድረገጿ ላይም ሆነ ከግንኙነቷ በፊት ደንበኞች ኮንዶም መጠቀም እንዳለባቸው ግልጽ አድርጋለች።ይሁን እንጂ፣ በግብረ-ሥጋ ግንኙነት ወቅት ራጋኒት እሷ ሳታውቅ ወይም ፈቃድ ሳትሰጥ ሆን ብሎ ኮንዶሙን አውልቆ ግንኙነቱን ቀጥሏል።

ሴትየዋ ወዲያውኑ ተቃውሞዋን ገልጻለት እንዲሄድ ከነገረችው በኋላ፣ ጉዳዩን ለፖሊስ አሳወቀች። የፖሊስ ቃል አቀባይ እንደገለጹት፣ ፖሊሶች በኋላ ላይ በራጋኒት ሞባይል ስልክ ውስጥ፣ በግብረ-ሥጋ ግንኙነት ወቅት ያለአጋር ፈቃድ ኮንዶም ስለማስወገድ የሚያሳዩ ቪዲዮዎችን ጨምሮ የተለያዩ መረጃዎችን አግኝቷል።

አጣሪዎች እንደገለጹት፣ ወንጀሉ ከመፈጸሙ ጥቂት ቀደም ብሎ አንዳንድ ቪዲዮዎች በዚህ ዙሪያ ተመልክቶ ነበር። ራጋኒት ክሱን የካደ ሲሆን፣ በደፈራ ወንጀል ክስ ላይም ጥፋተኛ አለመሆኑን ተናግሯል፤ ሆኖም የዳኞች ቡድን በአንድ ድምፅ ጥፋተኛ መሆኑን ወስነዋል። ተጎጂዋ በሰጠችው የግል መግለጫ ላይ "ክስተቱ ከተፈጸመ በኋላ፣ መጀመሪያ ላይ አዳዲስ ደንበኞችን ለማግኘት እጅግ በጣም ተረብሼና ተጨንቄ ነበር።" ስትል ተደምጣለች።

#ዳጉ_ጆርናል

በፌርፎርድ ጦር ሰፈር ላይ ጥቃት ለማድረስ አቅዶ የነበረ የ22 ዓመት እንግሊዛዊ በዩኬ ፖሊስ በቁጥጥር ስር ዋለ

​የእንግሊዝ ፖሊስ ማክሰኞ ዕለት እንደገለጸው፤ አሜሪካ በኢራን ላይ ጥቃት ለመሰንዘር በሚያገለግለው የራፍ ፌርፎርድ የአየር ኃይል ጦር ሰፈር አካባቢ የታሰበውን የሽብር ጥቃት ዝግጅት ተሳትፎበታል በሚል ጥርጣሬ አንድ የ22 ዓመት እንግሊዛዊ በለንደን በቁጥጥር ስር ውሏል።

​የብሪታንያ ፖሊስ እንዳስታወቀው፣ ግለሰቡ በለንደን የተያዘው አሜሪካ፣ በኢራን ላይ ጥቃት ለማድረስ የምትጠቀምበትን የራፍ ፌርፎርድ አየር ኃይል ጦር ሰፈርን ለማጥቃት የታቀደውን ሴራ በተመለከተ እየተካሄደ ባለው ምርመራ አካል እንደሆነ ተናግሯል።

​የፀረ-ሽብርተኝነት ፖሊስ ክፍሉ ግለሰቡ በዌስትሚኒስተር አካባቢ መያዙንና ፖሊሶች በዚያው አካባቢ የሚገኝን አንድ መኖሪያ ቤት መበርበራቸውን ገልጿል። ተጠርጣሪው በአሁኑ ወቅት በቁጥጥር ስር ይገኛል።

​የአሜሪካው ፕሬዚዳንት ዶናልድ ትራምፕ ከኢራን ጋር የተያያዘ ስጋት በመኖሩ ምክንያት አሜሪካ B-1 ቦምብ ጣይ ጄቶቿን ከጦር ሰፈሩ እንድታወጣ አድርጓል ካሉ በኋላ ይህ እስራት የአለም አቀፍ ትኩረትን የሳበው ምርመራ የቅርብ ጊዜ እርምጃ ነው።

ኢራን በተሰነዘረባት ክስ ላይ ምንም አይነት እጅ እንደሌላት አስተባብላለች። 

ሰላማዊ ነጋሲ
#ዳጉ_ጆርናል

በእስር ላይ የሚገኙ የዋስትና ውሳኔ ይፈጸም ወይም ይግባኙ በአፋጣኝ ይታይ ሲል ኢሕአፓ ጠየቀ!

የኢትዮጵያ ሕዝባዊ አብዮታዊ ፓርቲ(ኢሕአፓ) በእስር ላይ ያሉ የፓርቲው አባላት በተመለከተ ቀደም ሲል የተሰጠው የዋስትና ውሳኔ እንዲፈጸም ወይም በውሳኔው ላይ የቀረበው ይግባኝ በአፋጣኝ ተመርምሮ ተገቢው የፍርድ ቤት ውሳኔ እንዲሰጥ ጠየቀ።ፓርቲው ባወጣው መግለጫ፤ የሕዝብ ግንኙነት ኃላፊው ይስሐቅ ወልዳይ፣ አባሉ አበበ ፣ የቤንሻንጉል ጉሙዝ ክልል ተጠሪው ደረጄ ደለና እንዲሁም ጠበቃ አበራ ንጉስ አሁንም በእስር ላይ እንደሚገኙ ገልጿል፡፡
 
ተጠርጣሪዎቹ ከተደጋጋሚ የምርመራ ቀጠሮዎች በኋላ ነሐሴ 29 ቀን 2018 ዓ.ም. በ50 ሺህ ብር ዋስትና እንዲለቀቁ የፍርድ ቤት ውሳኔ ተሰጥቶ እንደነበር አስታው፤ የፌዴራል ፖሊስ በዋስትና ውሳኔው ላይ ይግባኝ በማቅረቡ ጉዳዩ በይግባኝ ሂደት ላይ ይገኛል፤ በዚህም ተጠርጣሪዎቹ እስካሁን ከእስር እንዳልተለቀቁ አመልክቷል።

ኢሕአፓ የዋስትና ጉዳዩ በአፋጣኝ እንዲታይ፣ ቀደም ሲል የተሰጠው የዋስትና ውሳኔ እንዲፈጸም ወይም ይግባኙ በፍጥነት ተመርምሮ ተገቢው የፍርድ ቤት ውሳኔ እንዲሰጥ ጠይቋል።በተጨማሪም የተጠርጣሪዎቹ የግል ነፃነትና የፍትሕ መብት እንዲከበር፣ የፍርድ ሂደቱም በተደጋጋሚ ቀጠሮዎች እንዳይጓተት እና የፍርድ ቤቶች ነፃነትና ገለልተኛነት እንዲጠበቅ አሳስቧል።ፓርቲው የአባላቱ ጉዳይ በፍጥነት፣ በግልጽነትና በሕግ መሠረት እንዲታይ በመግለጫው አሳስቧል።

Via Addis Maleda
@YeneTube FikerAssefa

በቤት ሠራተኝነት ተቀጥራ ከምትሰራበት መኖሪያ ቤት ከ6 ሚሊየን ብር በላይ የሚያወጡ የተለያዩ ጌጣጌጦችን የሰረቀች ግለሰብ ከነ አባሪዎቿ በቁጥጥር ስር ዋለች።

ኢየሩሳሌም በርገኔና አማኑኤል ማቲዮስ የተባሉ ተጠርጣሪዎች አባሪና ተባባሪ በመሆን የስርቆት ወንጀሉን የፈፀሙት በቂርቆስ ክፍለ ከተማ ወረዳ 2 ልዩ ቦታው ዲቦራ ፋውንዴሽን ተብሎ ከሚጠራባት ከጠዋቱ 3 ሠዓት አካባቢ ነው ።

ተጠርጣሪዋ ለ 1 ዓመት ከ5 ወር ያህል የግል ተበዳይ መኖሪያ ቤት በቤት ሰራተኝነት ተቀጥራ ስትሰራ የነበረች ሲሆን በቤት ውስጥ የነበሩት የእጅ የወርቅ ሰዓት የዋጋ ግምቱ 4 ሚሊዮን 74ሺ 250 ብር፣ 2 የዳይመንድ የእጅ ሰዓት የዋጋ ግምታቸው 2ሚሊየን 149ሺ 600 ብር፣ 1 የጆሮ ጌጥ የወርቅ ያልተመለሰ ግምቱ 126 ሺህ እንዲሁም የተለያዩ ጌጣጌጦች የዋጋ ግምታቸው 5ሺህ ብር፣ 2 የወርቅ ቅብ የእጅ ሰዓት ግምታቸው 3 መቶ 88 ሺህ እና ሌሎች የተለያዩ የዋጋ ግምት ያላቸውን ጌጣጌጦችን ምቹ ሁኔታን በመጠቀም ሰርቃ ሽሮ ሜዳ አካባቢ ለሚኖር የወንድ ጓደኛዋ ጋር በአደራ ታስቀምጣለች።

የግል ተበዳይም መስከረም 18 ቀን 2019 ዓ/ም ወደ ቂርቆስ ክፍለ ከተማ ፖሊስ ዋና መምሪያ ላንቻ አካባቢ ፖሊስ መምሪያ በመቅረብ አቤቱታቸውን አቅርበዋል፡፡

የግል ተበዳይን ጥቆማ መሠረት በማድረግ 24 ሰዓት ባልሞላ ጊዜ ውስጥ ፖሊስ ተጠርጣሪዎችን በቁጥጥር ስር ሊያውልም ችሏል፡፡ የተጠርጣሪዋ ፍቅረኛ የሆነው አማኑኤል ማትዮስ ከ 4ሚሊዮን ብር በላይ የሚያወጣውን 1 የእጅ የወርቅ ሰዓት በ540ሺ ብር አብዱልአፊዝ ነጂብንም ለተባለ ግለሰብ የሸጠ ሲሆን ፖሊስ ገዢውንም በቁጥጥር ስር አውሏል።

ሦስቱንም ተጠርጣሪዎች በቁጥጥር ስር በማዋል ንብረቶቹን ለባለቤቱ ያስመለሰው ፖሊስ አስፈላጊውን ማስረጃ በመሰብሰብ ምርመራው በተገቢው መልኩ ቀጥሏል፡፡

ፖሊስ በክፍሉ ዓቃቤ ህግ በኩል ክስ ለመመሰረት ዝግጅት ላይ ሲሆን ያልተመለሱ ንብረቶችን ለማስመለስም ምርመራ የማስፋት ተግባራት መቀጠላቸውን የላንቻ አካባቢ ፖሊስ መምሪያ አዛዥ ዋና ኢንስፔክተር ጌታደጉ ወርቁ ተናግረዋል፡፡

ህብረተሰቡ የቤት ሰራተኛን ሲቀጥር በቂ ተያዥ መኖሩን ማረጋገጥ እንዳለበት ያሳሰበው የአዲስ አበባ ፖሊስ ዋና ጠቅላይ መምሪያ ውድ ዋጋ ያላቸው ንብረቶች ላይ በቂ ጥንቃቄና ልዩ ትኩረት መስጠት እንዳለበትም መልዕክቱን አስተላልፏል።

በቤት ሠራተኝነት ተቀጥራ ከምትሰራበት መኖሪያ ቤት ከ6 ሚሊየን ብር በላይ የሚያወጡ  ጌጣጌጦችን የሰረቀች ግለሰብ ከነ አባሪዎቿ በቁጥጥር ስር ዋለች

ኢየሩሳሌም በርገኔና አማኑኤል ማቲዮስ የተባሉ ተጠርጣሪዎች አባሪና ተባባሪ በመሆን የስርቆት ወንጀሉን የፈፀሙት በቂርቆስ ክፍለ ከተማ ወረዳ 2 ልዩ ቦታው ዲቦራ ፋውንዴሽን ተብሎ ከሚጠራባት ከጠዋቱ 3 ሠዓት አካባቢ ነው ።

ተጠርጣሪዋ  ለ 1 ዓመት ከ5 ወር ያህል የግል ተበዳይ መኖሪያ ቤት በቤት ሰራተኝነት ተቀጥራ ስትሰራ የነበረች ሲሆን በቤት ውስጥ የነበሩት የእጅ የወርቅ ሰዓት የዋጋ ግምቱ 4 ሚሊዮን 74ሺ 250 ብር፣ 2 የዳይመንድ የእጅ ሰዓት የዋጋ ግምታቸው 2ሚሊየን 149ሺ 600 ብር፣ 1 የጆሮ ጌጥ የወርቅ ያልተመለሰ ግምቱ 126 ሺህ እንዲሁም  የተለያዩ ጌጣጌጦች የዋጋ ግምታቸው 5ሺህ ብር፣ 2 የወርቅ ቅብ የእጅ ሰዓት ግምታቸው 3 መቶ 88 ሺህ እና ሌሎች የተለያዩ የዋጋ ግምት ያላቸውን ጌጣጌጦችን ምቹ ሁኔታን በመጠቀም ሰርቃ ሽሮ ሜዳ አካባቢ ለሚኖር የወንድ ጓደኛዋ ጋር በአደራ ታስቀምጣለች።

የግል ተበዳይም መስከረም 18 ቀን 2019 ዓ/ም ወደ ቂርቆስ ክፍለ ከተማ ፖሊስ ዋና መምሪያ ላንቻ አካባቢ ፖሊስ መምሪያ በመቅረብ አቤቱታቸውን አቅርበዋል፡፡

የግል ተበዳይን ጥቆማ መሠረት በማድረግ 24 ሰዓት ባልሞላ ጊዜ ውስጥ ፖሊስ ተጠርጣሪዎችን በቁጥጥር ስር ሊያውልም ችሏል፡፡ የተጠርጣሪዋ ፍቅረኛ የሆነው አማኑኤል ማትዮስ ከ 4ሚሊዮን ብር በላይ የሚያወጣውን 1 የእጅ የወርቅ ሰዓት በ540ሺ ብር አብዱልአፊዝ ነጂብንም ለተባለ ግለሰብ የሸጠ ሲሆን ፖሊስ ገዢውንም በቁጥጥር ስር አውሏል።

ሦስቱንም ተጠርጣሪዎች በቁጥጥር ስር በማዋል ንብረቶቹን ለባለቤቱ ያስመለሰው ፖሊስ አስፈላጊውን ማስረጃ በመሰብሰብ ምርመራው በተገቢው መልኩ ቀጥሏል፡፡

ፖሊስ በክፍሉ ዓቃቤ ህግ በኩል ክስ ለመመሰረት ዝግጅት ላይ ሲሆን ያልተመለሱ ንብረቶችን ለማስመለስም  ምርመራ የማስፋት ተግባራት መቀጠላቸውን የላንቻ አካባቢ ፖሊስ መምሪያ አዛዥ ዋና ኢንስፔክተር ጌታደጉ ወርቁ ተናግረዋል፡፡

ህብረተሰቡ የቤት ሰራተኛን ሲቀጥር በቂ ተያዥ መኖሩን ማረጋገጥ እንዳለበት ያሳሰበው የአዲስ አበባ ፖሊስ ዋና ጠቅላይ መምሪያ ውድ ዋጋ ያላቸው ንብረቶች ላይ በቂ ጥንቃቄና ልዩ ትኩረት መስጠት እንዳለበትም መልዕክቱን አስተላልፏል።

#ዳጉ_ጆርናል Photo

በስህተት ወደ ባንክ አካውንቷ የገባውን 158ሺ ብር የፖሊስ አባሏ ለባለቤቱ መመለሳን የአዲስ በባ ፖሊስ ዋና መመሪያ አስታወቀ፡፡

ዋና ሳጅን ደገፈች ደሳለኝ በቂርቆስ ክፍለ ከተማ ፖሊስ ዋና መምሪያ የቄራ አካባቢ ፖሊስ መምሪያ ባልደረባ ስትሆን መስከረም 13 ቀን 2019 ዓ.ም  ወደ ስራዋ እያመራች አንድ የስልክ ጥሪ ይደርሰታል። ደዋዩ ሚኪያስ አንዳርጌ የተበለ ግለሰብ ሲሆን በስህተት 158ሺህ ብር ወደ እሷ አካውንት ገንዘብ ማስተላለፉን ይነግራታል።

በጋምቤላ ክልል እንደሚኖርና ወደ አዲስ አበባ መምጣት እንደማይችል፣ ገንዘቡን ያስተለለፈው ጋምቤላ ከሚገኝ የኢትዮጵያ ንግድ ባንክ ዲማ ቅርንጫፍ መሆኑንም ያስረዳታል።

የባንኩ ዲማ ቅርንጫፍ ከዋና ሳጅን ደገፈች ደሳለኝ ጋር በስልክ ከተነጋገረ በኋላም አዲስ አበባ ከሚገኘው የኢትዮጵያ ንግድ ባንክ ጎፋ ቅርንጫፍ በመሄድ ገንዘቡን ሙሉ በሙሉ ለባለቤቱ መልሳለች።

ፖሊስ የቆመለትን የህዝብ አገልጋይነትና ታማኝነትን ማረጋገጥ ያስፈልጋል ያለችው ዋና ሳጅን ደገፈች ገንዘቡን መመለሴ እንደ ትልቅ ጀብድ መታየት የሌለበትና ኃላፊነቴን የተወጣሁበት አግባብ ነውም ብላለች፡፡ የኢትዮጵያ ንግድ ባንክም ለዋና ሳጅን ደገፈች ደሳለኝ ባሳየችው ታማኝነትና የግለሰቡን ገንዘብ ያለ ምንም ጉድለት በመመለሷ የምስጋና የዕውቅና ሰርተፍኬት አበርክቶላታል።

@Yenetube Fikerassefa

በስህተት ወደ ባንክ አካውንቷ የገባውን 158ሺ ብር የፖሊስ አባሏ ለባለቤቱ መመለሳን የአዲስ በባ ፖሊስ ዋና መመሪያ አስታወቀ፡፡

ዋና ሳጅን ደገፈች ደሳለኝ በቂርቆስ ክፍለ ከተማ ፖሊስ ዋና መምሪያ የቄራ አካባቢ ፖሊስ መምሪያ ባልደረባ ስትሆን መስከረም 13 ቀን 2019 ዓ.ም  ወደ ስራዋ እያመራች አንድ የስልክ ጥሪ ይደርሰታል። ደዋዩ ሚኪያስ አንዳርጌ የተበለ ግለሰብ ሲሆን በስህተት 158ሺህ ብር ወደ እሷ አካውንት ገንዘብ ማስተላለፉን ይነግራታል።

በጋምቤላ ክልል እንደሚኖርና ወደ አዲስ አበባ መምጣት እንደማይችል፣ ገንዘቡን ያስተለለፈው ጋምቤላ ከሚገኝ የኢትዮጵያ ንግድ ባንክ ዲማ ቅርንጫፍ መሆኑንም ያስረዳታል።

የባንኩ ዲማ ቅርንጫፍ ከዋና ሳጅን ደገፈች ደሳለኝ ጋር በስልክ ከተነጋገረ በኋላም አዲስ አበባ ከሚገኘው የኢትዮጵያ ንግድ ባንክ ጎፋ ቅርንጫፍ በመሄድ ገንዘቡን ሙሉ በሙሉ ለባለቤቱ መልሳለች።

ፖሊስ የቆመለትን የህዝብ አገልጋይነትና ታማኝነትን ማረጋገጥ ያስፈልጋል ያለችው ዋና ሳጅን ደገፈች ገንዘቡን መመለሴ እንደ ትልቅ ጀብድ መታየት የሌለበትና ኃላፊነቴን የተወጣሁበት አግባብ ነውም ብላለች፡፡ የኢትዮጵያ ንግድ ባንክም ለዋና ሳጅን ደገፈች ደሳለኝ ባሳየችው ታማኝነትና የግለሰቡን ገንዘብ ያለ ምንም ጉድለት በመመለሷ የምስጋና የዕውቅና ሰርተፍኬት አበርክቶላታል።

Seledadotio
Seledadotio

ሀሰተኛ ሰነድ እያዘጋጀ ሲሸጥ የነበረ ተጠርጣሪን ከነ አባሪው በቁጥጥር ስር ዋለ

ተጠርጣሪ ኢብሳ ቶሎሳ ከአባሪው ገለታ ሞቲ ጋር የተለያዩ ሀሰተኛ ሰነዶች በማዘጋጀት ወንጀል ተጠርጥረው በቁጥጥር ስር የዋሉት መስከረም 20 ቀን 2019 ዓ/ም በለሚ ኩራ ክፍለ ከተማ ወረዳ 9 ጎሮ አደባባይ አካባቢ ነው፡፡

በለሚ ኩራ ክፍለ ከተማ ፖሊስ ዋና መምሪያ የጎሮ አካባቢ ፖሊስ መምሪያ የወንጀል ምርመራ ክፍል ከብሔራዊ መረጃ ደህንነት እና ከፌደራል ፖሊስ ኢንትሊጀንስ ጋር በመቀናጀት ባደረገው ክትትል ኢብሳ ቶሎሳ ከአባሪው ገለታ ሞቲ ጋር በመሆን የተለያዩ ሀሰተኛ ሰነዶችን ይዘው ለሌላ ግለሰብ ለመሸጥ በእንቅስቃሴ ላይ እያሉ ከነ ሰነዶቹ በቁጥጥር ስር ውለዋል፡፡

ተጠርጣሪዎች ከተያዙ በዋላ ፖሊስ የፍርድ ቤት የመበርበሪያ ትዕዛዝ በማውጣት በአቃቂ ቃሊቲ ክፍለ ከተማ ወረዳ 9 ቂሊንጦ አካባቢ በሚገኘው የተጠርጣሪው መኖሪያ ቤት በተደረገ ብርበራ ሀሰተኛ የትምህርት ማስረጃዎች፣ የተለያዩ ተቋማት ሀሰተኛ ሰነዶች፣ የተለያዩ መታወቂያዎች፣ 30 ክብ እና 5 የራስጌ ማህተሞች እንዲሁም 20 ቲተሮች የተገኙ በመሆኑ የምርመራ መዝገብ በማደራጀት ለአቃቤ ህግ በማቅረብ ጉዳያቸው በምርመራ ሂደት ላይ እንደሚገኝ የጎሮ አካባቢ ፖሊስ መምሪያ አስታውቋል።

#ዳጉ_ጆርናል

በስህተት ወደ ባንክ አካውንቷ የገባውን 158ሺ ብር የፖሊስ አባሏ ለባለቤቱ መመለሳን የአዲስ በባ ፖሊስ ዋና መመሪያ አስታወቀ፡፡
 
 
ዋና ሳጅን ደገፈች ደሳለኝ በቂርቆስ ክፍለ ከተማ ፖሊስ ዋና መምሪያ የቄራ አካባቢ ፖሊስ መምሪያ ባልደረባ ስትሆን መስከረም 13 ቀን 2019 ዓ.ም  ወደ ስራዋ እያመራች አንድ የስልክ ጥሪ ይደርሰታል። ደዋዩ ሚኪያስ አንዳርጌ የተበለ ግለሰብ ሲሆን በስህተት 158ሺህ ብር ወደ እሷ አካውንት ገንዘብ ማስተላለፉን ይነግራታል።

በጋምቤላ ክልል እንደሚኖርና ወደ አዲስ አበባ መምጣት እንደማይችል፣ ገንዘቡን ያስተለለፈው ጋምቤላ ከሚገኝ የኢትዮጵያ ንግድ ባንክ ዲማ ቅርንጫፍ መሆኑንም ያስረዳታል።

የባንኩ ዲማ ቅርንጫፍ ከዋና ሳጅን ደገፈች ደሳለኝ ጋር በስልክ ከተነጋገረ በኋላም አዲስ አበባ ከሚገኘው የኢትዮጵያ ንግድ ባንክ ጎፋ ቅርንጫፍ በመሄድ ገንዘቡን ሙሉ በሙሉ ለባለቤቱ መልሳለች።

ፖሊስ የቆመለትን የህዝብ አገልጋይነትና ታማኝነትን ማረጋገጥ ያስፈልጋል ያለችው ዋና ሳጅን ደገፈች ገንዘቡን መመለሴ እንደ ትልቅ ጀብድ መታየት የሌለበትና ኃላፊነቴን የተወጣሁበት አግባብ ነውም ብላለች፡፡ የኢትዮጵያ ንግድ ባንክም ለዋና ሳጅን ደገፈች ደሳለኝ ባሳየችው ታማኝነትና የግለሰቡን ገንዘብ ያለ ምንም ጉድለት በመመለሷ የምስጋና የዕውቅና ሰርተፍኬት አበርክቶላታል።

#ዳጉ_ጆርናል

ከ2 ሚሊዮን 4 መቶ ሺ ብር በላይ የሚያወጡ ቴሌቪዥኖችን በመስረቅ እና በመግዛት የተጠረጠሩ 4 ግለሰቦች በቁጥጥር ስር ውለው በአቃቤ ህግ ክስ ተመሰረተባቸው

ተጠርጣሪዎቹ ነሐሴ 5 ቀን 2018 ዓ.ም ከሌሊቱ 9 ሰዓት በየካ ክ/ከተማ ወረዳ 5 CC CC ከሚባል የቻይና ድርጅት መጋዘን ውስጥ የቴሌቪዥን ስርቆቱን መፈጸማቸው ተገልጿል።

ተጠርጣሪዎች መገርሳ መሳ፣ ተመስገን ደሳለኝ፣ ፍሩይ ሃጎስ እና ልሳነወርቅ ወሉ ይባላሉ። የቻይና CC CC ድርጅት ሾፌር መገርሳ መሳ እና የመጋዘኑ ጥበቃ ተመስገን ደሳለኝ በስራ ላይ እያሉ የተጣለባቸውን እምነት ወደ ጎን በመተው በድርጅቱ ንብረት ላይ ወንጀል ለመፈጸም ተነጋግረው ውሳኔ ላይ ይደርሳሉ።

ግለሰቦቹ ያሴሩት ሃሳብ ፍሬ አፍርቶ ከመጋዘን ውስጥ ታሽገው ተቀምጠው የነበሩትን የዋጋ ግምታቸው 2 ሚሊዮን 430 ሺ ብር የሚገመቱ 9 ባለ 54 ኢንች ቴሌቪዥኖችን በራሱ በድርጅቱ አምቡላንስ አውጥተው ከጫኑ በኋላ ቀድመው ላዘጋጇቸው ፍሩይ ሀጎስ እና ልሳነወርቅ ወሉ ለተባሉ ግለሰቦች ሸጠው ወደ ስራ ቦታቸው መመለሳቸውን የየካ ክ/ከተማ ፖሊስ ዋና መምሪያ አስታውቋል።

የድርጅቱ ጥበቃና ሾፌር እቃዎቹን ሸጠው ወደ ስራ ቦታቸው በመመለስ ስራቸውን እየሰሩ ባለበት ሁኔታ ላይ በመጠራጠር የንብረት ቆጠራ ሲደረግ የተቀመጡ ቴሌቪዥኖች መጋዘን ውስጥ እንደሌሉ ሲረጋገጥ ለፖሊስ ጥቆማ በመስጠት ፖሊስ ምርመራ እና ፍለጋ መጀመሩ ተገልጿል።

ፖሊስ ምርመራውን በድርጅቱ ጥበቃ ላይ በመጀመር የአምቡላንስ ሾፌሩን ጨምሮ በቁጥጥር ስር በማዋል ሁለቱን ገዢዎች በምሪት ከነኤግዚቢቱ በቁጥጥር ስር ሊያውል መቻሉን የየካ ክ/ከተማ ፖሊስ ዋና መምሪያ አስረድቷል።

በማስረጃ የተደገፈ መዝገብ በማደራጀት ለአቃቤ ህግ መላኩን የጠቆመው ፖሊስ መምሪያው ፈጣን ችሎት ቀርቦ ክስ መመስረቱን አመላክቷል።

ድርጅቶች መሰል የወንጀል ድርጊት እንዳይፈጸምባቸው ከሰራተኛ ቅጥር ጀምሮ የተቀጣሪዎችን እና የሚያቀርቧቸውን ዋሶች ትክክለኛ ማንነታቸውን የሚገልጽ ሰነድ መያዛቸውን በማረጋገጥ ከተቀጠሩም በኋላ የቁጥጥርና ክትትል ስራውን ማጠናከር አስፈላጊ መሆኑን የአዲስ አበባ ፖሊስ ዋና ጠቅላይ መምሪያ መልዕክቱን አስተላልፏል።

#ዳጉ_ጆርናል

“ሕልሜ አውሮፕላኑን ቴል አቪቭ ላይ መከስከስ ነበር!”

የፍላይዱባይ  ረዳት አብራሪ ሃማም አል-ሃማሚ ወደ እስራኤል የሚበር አውሮፕላን ለመጥለፍና ለመከስከስ አስቀድሞ በጥንቃቄ ያቀደ መሆኑን በምርመራ ወቅት ማመኑን የጄሩሳሌም ፖስት ዘገባ አመልክቷል። 

የ30 ዓመቱ ኦማናዊ ረዳት አብራሪ ወደ ቴል አቪቭ የሚበሩ አየር መንገድ ኩባንያዎችን አስቀድሞ በማጥናት ፍላይዱባይን እንደመረጠ ገልጾ፣ "ትልቁ ሕልሜ አውሮፕላኑን በቤን ጉሪዮን አውሮፕላን ማረፊያ ወይም በቴል አቪቭ ረጅም ሕንፃዎች ላይ መከስከስ ነበር" ብሏል። 

ለዚሁ ጥቃት መረጃ ለመሰብሰብም ቀደም ብሎ በሥራ አጋጣሚ ወደ እስራኤል ተደጋጋሚ ጉዞ ያደርግ ነበር።

የጥቃት ዕቅዱ የጦር ጄቶች ደርሰው ሳይከለክሉት በፍጥነት የሚፈጸም ነበር። 

ረዳት አብራሪው ዋና አብራሪውን በምሳር መትቶ እጁን ከባድ አደጋ ካደረሰበት በኋላ፣ የአውሮፕላኑን ሞተሮች በማጥፋት ለመከስከስ ሞክሯል። 

ሆኖም ዋና አብራሪው ከባድ ጉዳት ቢደርስበትም ከተሳፋሪዎች ጋር በመተባበር ረዳት አብራሪውን በቁጥጥር ስር በማዋል አውሮፕላኑን በሳዑዲ ዓረቢያ በሰላም ማሳረፍ ችለዋል።

የእስራኤል ባለስልጣናት ግለሰቡ ጥቃቱን የፈጸመው በራሱ ተነሳሽነት እንጂ ከሽብር ቡድን ታዝዞ እንዳልሆነ ገልጸዋል። 

አል-ሃማሚ ቀደም ሲል በኦማን አየር መንገድ ይሰራ የነበረ ቢሆንም በአክራሪነት አስተሳሰቡ ምክንያት ከስራ የተባረረ ሲሆን፣ በአሁኑ ወቅት የአውስትራሊያ ፖሊስና የደህንነት ተቋማት ግለሰቡ በአውስትራሊያ በነበረበት ወቅት እንዴት ወደ ፅንፈኝነት እንደገባ መረጃዎችን በማሰባሰብ  ሰፊ ምርመራ እያደረጉበት ይገኛሉ።

Seledadotio
Seledadotio

በትግራይ መቐለ ከተማ ተቋርጦ የነበረው የስልክ እና ኢንተርኔት አገልግሎት መመለስን ተከትሎ ነዋሪዎችን አነጋግረናል።

ነዋሪዎቹ " ጭልምልም ብሎብን ነበር። አሁን ከወዳጅ ዘመዶቻችን ጋር ስለተገናኘን ደስ ብሎናል " ብለዋል።

" አሁን በከተማዋ የተሻለ መረጋጋት አለ ፤ አልፎ አልፎ ከሩቅ የተኩስ ድምጽ ይሰማል ተኩሱ የትግራይ ሰላም ኃይሎች ከበረሃ ወደ ከተማ ሲገቡ ስለሚተኩሱ ነው " ሲሉ ገልጸዋል።

ትናንት ከረፋድ አንስቶ እግረኛ የኢትዮጵያ መከላከለያ ሰራዊት ሲገባ እንደነበር እና ከሰዓት ከ11:0ዐ በኃላ በመኪና በርካታ ኃይል ገብቶ ማደሩን ለቲክቫህ ኢትዮጵያ ተናግረዋል።

የንግድ ሱቆች፣ ቁርስ ቤቶች፣ ሆቴሎች እና ሌሎችም አገልግሎት ሰጪዎች ወደ መደበኛ ስራቸው ሙሉ በሙሉ ገብተዋል ባይባልም ተዘግተው የነበሩ አንዳንድ የስራ ቦታዎች ዛሬ ሲከፈቱ እንዳዩ ገልጸዋል።

የፀጥታ ሁኔታው አሁን ባለበት ከቀጠለ መደበኛ እንቅስቃሴ ቶሎ ይጀምራል ብለው እንደሚጠብቁ ተናግረዋል።

" አሁንም ጭንቀቶች አሉ ማህበረሰቡ እየተደራጀ አካባቢውን እየጠበቀ ነው። መከላከያ ሰራዊት ወደ ከተማዋ በመግባቱ ተስፋ ሰጥቶናል " ብለዋል።

" ዳግም ግጭቱ ሲያገረሽ ' መከላከያ ሰራዊቶች ይመጡባችኋል ' እየተባለ ሰው ንብረቱን ወደ መኖሪያ ቤት እንዲያሸሽ ሲደረግ ነበር " ያሉት ነዋሪዎቹ  ነገር ግን መከላከያ ሰራዊቱ መቐለ ሲገባ ምንም ነገር እንዳልተፈጠረ ተናግረዋል።

ዝርፊያ የነበረው ህወሓት ወጥቶ መከላከያ እስኪገባ በተፈጠረው ክፍተት እንደነበር ጠቁመዋል።

ሀገር መከላከያ ሰራዊት ከትግራይ ሰላም ኃይል ጋር በመሆን ከተማውን የመጠበቅና ህዝቡን የማረጋጋት ስራ እየሰራ እንዳለ አመልክተዋል።

ሀገር መከላከያ እና የትግራይ ሰላም ኃይል መቐለ ከመግባታቸው በፊት (ከትናንት በስቲያ ምሽት) በከተማው የነበሩ ታጣቂዎች ከፍተኛ ስርቆት ሲፈጽሙ ነበር ብለዋል ነዋሪዎቹ።

የመንግስት ተቋማት እና የግለሰብ ንብረቶች መዘረፋቸውን አመልክተዋል።

" በተለይ የመንግስት ተቋማት በሆኑት እንደ ፍርድ ቤቶች ባሉት ላይ ዘረፋውን ያስጀመሩት የህወሓት ታጣቂዎች ናቸው። ኮምፒውተሮች ተወስደዋል " ሲሉ ተናግረዋል።

" ታጣቂዎቹ ዘርፈው ሲወስዱ የተረፈውን ሌሎች ሌቦች ናቸው የሰረቁት። ታጣቂዎቹ ዘረፋውን ያቆሙትም ተኩስ ሲጀመርባቸው ነው " ሲሉ አክለዋል።

የህወሓት ኃይሎች በአንዳንድ ፖሊስ ጣቢያዎች መሳሪያ ከነ ጥይቱ ትተው በመሄዳቸው ትንንሽ ታዳጊዎች ሳይቀሩ ከዛ እየወሰዱ ታጥቀው መታየታቸውን ድንጋጤን የፈጠረ እንደነበር ቃላቸውን የሰጡ ነዋሪዎች አመልክተዋል።

ነዋሪዎቹ፣ የኢትዮጵያ መከላከያ ሰራዊት ወደ መቐለ ከተማ እየመጡ መሆኑ ሲሰማ ህወሓት ያለውን ኃይል ይዞ ወደ አክሱም ማጓጓዙን ገልጸዋል።

" በመቐለ ከተማ ወጣት የሚባል ሁ የህወሓትን አፈሳ ፈርቶ ከቤቱ ወደ ውጭ አይወጣም ነበር " ያሉት ነዋሪዎቹ " በቀን ቢያንስ 100 ወጣት አፍሰው ሲወስዱ ስንመለከት ነበር ፤ አሁን ላይ ግን በተፈጠረው ነገር ደስተኛ ነው ወጣቱ " ብለዋል።

የኢትዮጵያ መከላከያ ሰራዊት እና የትግራይ ሰላም ኃይል ከተማዋን ሙሉ በሙሉ ሲቆጣጠሩ በርካታ ወጣቶችና ነዋሪዎች አቀባበል ሲያደርጉ ደስታቸውንም ሲገልጹ እንደነበር አስረድተዋል።

ነዋሪዎቹ " አሁን ቢያንስ እፎይታ አግኝተናል " ብለዋል።

ቲክቫህ ኢትዮጵያ
መስከረም 24 ቀን 2019 ዓ/ም

@tikvahethiopia Photo

(ዘ-ሐበሻ ዜና) ሴፕቴምበር 23, 2026 (እ.ኤ.አ) ኳስ ለመጫወት ከቤቱ የወጣው የ23 ዓመቱ የሚኒሶታ ዩኒቨርሲቲ ተማሪ ቅዱስ ደረጀ (ፍቅረማርያም)፣ ከቤቱ 7 ደቂቃ ብቻ ርቀት ላይ በጭንቅላቱ ላይ በተተኮሰ ጥይት ህይወቱ አልፎ ተገኝቷል። ትልቅ ህልም የነበረው፣ ማህበረሰቡን አክባሪ እና ህፃናትን ኳስ የሚያሰለጥነው ቅዱስ፣ 24ኛ ዓመት ልደቱን ለማክበር እና የፕሮጀክት ማናጀር ሆኖ ለመመረቅ በዝግጅት ላይ ነበር።
ሆኖም የፖሊስ አካላት በአጭር ሰዓታት ውስጥ "ምንም ዓይነት የወንጀል ድርጊት የለበትም (no foul play)" የሚል መደምደሚያ በመስጠት ቤተሰቡን አሳዝነዋል። በሚኒሶታ የሚገኙ የአ*ስከሬን ምርመራ (autopsy) ማዕከላት ጥያቄያቸውን ባለመቀበላቸው፣ ቤተሰቡ ለገለልተኛ ምርመራ የልጃቸውን አስከሬን እስከ ካንሳስ ግዛት ድረስ ለመላክ ተገደዋል።
የቅዱስ ቤተሰቦች ይህን አሳዛኝ ገጠመኛቸውን ሲያካፍሉ፣ "ይህ በኛም ቤተሰብ ላይ ደርሶ ነበር" የሚሉ፣ ልጆቻቸውን በድንገተኛ እና ባልተብራራ ሁኔታ ያጡ በርካታ ወገኖች እንዳሉ ታዝበዋል። በመሆኑም በሚኒሶታ ለሚኖሩ የኢትዮጵያ፣ የኤርትራ እና መላው የአፍሪካ ማህበረሰብ ክፍሎች ክፍት ደብዳቤ አውጥተዋል።

ቤተሰቦቹ ማህበረሰቡን እና የህግ አካላትን የሚጠይቁት መሰረታዊ የፍትህ ጥያቄዎች፦

1ኛ. የማንኛውም ወጣት ሞት መንስዔ ከመረጋገጡ እና ከመዘጋቱ በፊት ጥልቅ እና ተገቢ ምርመራ ይደረግ።
2ኛ. ቤተሰቦች የልጃቸውን አስከሬን የማየት፣ በክብር የመያዝና መረጃ በፍጥነት የማግኘት መብታቸው ይጠበቅ።
3ኛ. የህክምና ሪኮርዶችን የማግኘት እና የገለልተኛ ምርመራ (Independent autopsy) የማድረግ መብት ለቤተሰቦች በግልፅ ይነገር።
ማስረጃዎች በአግባቡ ይጠበቁ፤ የቤተሰብ ጥያቄዎችም ግልፅ ምላሽ ያግኙ።

ቤተሰቦቹ "በቃ! ዝምታ ይሰበር! ማንም ቤተሰብ ብቻውን መቆም የለበትም!" በማለት፣ በተመሳሳይ ሁኔታ ልጆቻቸውን ያጡ እና ያልተመለሰ ጥያቄ ያላቸው ቤተሰቦች አደባባይ እንዲወጡ ጥሪ አቅርበዋል።
ይህንን መልዕክት በቤተክርስቲያን፣ በመስጊድ እና በማህበረሰብ ስብስቦች እንድታጋሩት፣ እንዲሁም ሀዘን ከደረሰባቸው ቤተሰቦች ጎን ቆማችሁ ለፍትህ ድምፅ እንድትሆኑ ቤተሰቦቹ ጠይቀዋል። በተመሳሳይ ሁኔታ ፍትህ ያጣችሁ ወገኖች፣ መረጃችሁን (የሟቹን ስም፣ ከተማ፣ የሞተበትን ቀን እና ያልተመለሱ ጥያቄዎችን) በሚከተለው የቤተሰቡ ኢሜል አድራሻ በምስጢር ማጋራት ትችላላችሁ፦
kidusefamily @ gmail .com #justiceforkidus #habeshaunited #protectouryouth








(ዘ-ሐበሻ ዜና) ሴፕቴምበር 23, 2026 (እ.ኤ.አ) ኳስ ለመጫወት ከቤቱ የወጣው የ23 ዓመቱ የሚኒሶታ ዩኒቨርሲቲ ተማሪ ቅዱስ ደረጀ (ፍቅረማርያም)፣ ከቤቱ 7 ደቂቃ ብቻ ርቀት ላይ በጭንቅላቱ ላይ በተተኮሰ ጥይት ህይወቱ አልፎ ተገኝቷል። ትልቅ ህልም የነበረው፣ ማህበረሰቡን አክባሪ እና ህፃናትን ኳስ የሚያሰለጥነው ቅዱስ፣ 24ኛ ዓመት ልደቱን ለማክበር እና የፕሮጀክት ማናጀር ሆኖ ለመመረቅ በዝግጅት ላይ ነበር።
ሆኖም የፖሊስ አካላት በአጭር ሰዓታት ውስጥ "ምንም ዓይነት የወንጀል ድርጊት የለበትም (no foul play)" የሚል መደምደሚያ በመስጠት ቤተሰቡን አሳዝነዋል። በሚኒሶታ የሚገኙ የአ*ስከሬን ምርመራ (autopsy) ማዕከላት ጥያቄያቸውን ባለመቀበላቸው፣ ቤተሰቡ ለገለልተኛ ምርመራ የልጃቸውን አስከሬን እስከ ካንሳስ ግዛት ድረስ ለመላክ ተገደዋል።
የቅዱስ ቤተሰቦች ይህን አሳዛኝ ገጠመኛቸውን ሲያካፍሉ፣ "ይህ በኛም ቤተሰብ ላይ ደርሶ ነበር" የሚሉ፣ ልጆቻቸውን በድንገተኛ እና ባልተብራራ ሁኔታ ያጡ በርካታ ወገኖች እንዳሉ ታዝበዋል። በመሆኑም በሚኒሶታ ለሚኖሩ የኢትዮጵያ፣ የኤርትራ እና መላው የአፍሪካ ማህበረሰብ ክፍሎች ክፍት ደብዳቤ አውጥተዋል።

ቤተሰቦቹ ማህበረሰቡን እና የህግ አካላትን የሚጠይቁት መሰረታዊ የፍትህ ጥያቄዎች፦

1ኛ. የማንኛውም ወጣት ሞት መንስዔ ከመረጋገጡ እና ከመዘጋቱ በፊት ጥልቅ እና ተገቢ ምርመራ ይደረግ።
2ኛ. ቤተሰቦች የልጃቸውን አስከሬን የማየት፣ በክብር የመያዝና መረጃ በፍጥነት የማግኘት መብታቸው ይጠበቅ።
3ኛ. የህክምና ሪኮርዶችን የማግኘት እና የገለልተኛ ምርመራ (Independent autopsy) የማድረግ መብት ለቤተሰቦች በግልፅ ይነገር።
ማስረጃዎች በአግባቡ ይጠበቁ፤ የቤተሰብ ጥያቄዎችም ግልፅ ምላሽ ያግኙ።

ቤተሰቦቹ "በቃ! ዝምታ ይሰበር! ማንም ቤተሰብ ብቻውን መቆም የለበትም!" በማለት፣ በተመሳሳይ ሁኔታ ልጆቻቸውን ያጡ እና ያልተመለሰ ጥያቄ ያላቸው ቤተሰቦች አደባባይ እንዲወጡ ጥሪ አቅርበዋል።
ይህንን መልዕክት በቤተክርስቲያን፣ በመስጊድ እና በማህበረሰብ ስብስቦች እንድታጋሩት፣ እንዲሁም ሀዘን ከደረሰባቸው ቤተሰቦች ጎን ቆማችሁ ለፍትህ ድምፅ እንድትሆኑ ቤተሰቦቹ ጠይቀዋል። በተመሳሳይ ሁኔታ ፍትህ ያጣችሁ ወገኖች፣ መረጃችሁን (የሟቹን ስም፣ ከተማ፣ የሞተበትን ቀን እና ያልተመለሱ ጥያቄዎችን) በሚከተለው የቤተሰቡ ኢሜል አድራሻ በምስጢር ማጋራት ትችላላችሁ፦
kidusefamily @ gmail .com #justiceforkidus #habeshaunited #protectouryouth

(ዘ-ሐበሻ ዜና) በመቀሌ የክልሉን ፕሬዝደንት ቢሮ ጨምሮ በርካታ መስሪያ ቤቶች መዘረፋቸው ገለፀ፡፡ በትግራይ ክልል ዋና ከተማ መቀሌ የሚገኙ የክልሉን ፕሬዝደንት ቢሮና ፖሊስ ጣቢያዎችን ጨምሮ በርካታ የመንግስት መስሪ ቤቶች ዘረፋና ወረራ ተፈፀመባቸው፡፡ ቢቢሲ በትግርኛ ባሰራጨው ዘገባ እንደገለፀው ይህ ድርጊትም በነዋሪዎቹ ላይ ትልቅ ስጋትን የፈጠረ ሆኗል፡፡

ፍፁም ብርሀኔ የተባለ የከተማው ነዋሪ ለዜና ምንጩ ሲናገር ‹‹ባለፉት 10 ቀናት ውስጥ በከተማው ውስጥ ያለው ሁኔታ እንደሲኦል ነበር፡፡ ሁኔታው ካለፈው ጦርነት ጋር ሲነፃፀር እጅግ የከፋ ነው ማለት ይቻላል›› በማለት ጠቅሶ ከ24 ሰአታት በፊት በከተማው ዝርፊያዎች መከናወናቸውን አስረድቷል፡፡ የትግራይ የሰላም ሀይሎች ወደከተማዋ ከገቡ በኋላ የከተማው ፀጥታ እየተሻሻለ መምጣቱንም ገልፆ በአሁኑ ወቅት በመቀሌ በአንፃራዊነት መረጋጋት እንዳለ ተናግሯል፡፡ ፍፁምና ሌላ የከተማው ነዋሪ ለቢቢሲ እንተናገሩት የፌዴራል ሀይሎች በከተማዋ ዳርቻ የሚገኙ ሲሆን እስካሁን ወደመሀል ከተማው አልገቡም፡፡

በሌላ በኩል በትላንትናው እለት በነበረው ዘረፋ ወቅት አንድ የጥበቃ ሰራተኛን ጨምሮ 3 ሰዎች መገ*ደ*ላ* ቸውን መስማቱን ፍፁም ተናግሯል፡፡ ሆኖም የአሟሟታቸው ሁኔታና ማንነታቸው የተባለ ነገር የለም፡፡ ሌላ የከተማው ነዋሪ እንደተናገረው ደግሞ ከተማው በአንፃራዊነት የተረጋጋ ቢሆንም ከሩቅ የሚሰማ የተኩስ ድምፅ አለ፡፡ ሲናገርም ‹‹ከሩቅ የተኩስ ድምፅ ይሰማል፡፡ ሰዎች ሁኔታው ወዴት ሊያመራ ይችላል ብለው በመጨነቅ ላይ ናቸው፡፡ የትግራይ ሀይሎች እንደታዘዙት በተደራጀ መልኩ ወደኋላ አፈግፍገዋል ብዬ አላስብም›› ብሏል፡፡ ዳዊት ሀይሌ የተባለው ነዋሪ በበኩሉ የመንግስት መስሪያ ቤቶች ከመዘረፋቸውም በላይ መውደማቸውን ገልፆ በፍጥነት ወደስራ መመለሳቸው አስቸጋሪ እንደሚሆን አስረድቷል፡፡






(ዘ-ሐበሻ ዜና) በመቀሌ የክልሉን ፕሬዝደንት ቢሮ ጨምሮ በርካታ መስሪያ ቤቶች መዘረፋቸው ገለፀ፡፡ በትግራይ ክልል ዋና ከተማ መቀሌ የሚገኙ የክልሉን ፕሬዝደንት ቢሮና ፖሊስ ጣቢያዎችን ጨምሮ በርካታ የመንግስት መስሪ ቤቶች ዘረፋና ወረራ ተፈፀመባቸው፡፡ ቢቢሲ በትግርኛ ባሰራጨው ዘገባ እንደገለፀው ይህ ድርጊትም በነዋሪዎቹ ላይ ትልቅ ስጋትን የፈጠረ ሆኗል፡፡

ፍፁም ብርሀኔ የተባለ የከተማው ነዋሪ ለዜና ምንጩ ሲናገር ‹‹ባለፉት 10 ቀናት ውስጥ በከተማው ውስጥ ያለው ሁኔታ እንደሲኦል ነበር፡፡ ሁኔታው ካለፈው ጦርነት ጋር ሲነፃፀር እጅግ የከፋ ነው ማለት ይቻላል›› በማለት ጠቅሶ ከ24 ሰአታት በፊት በከተማው ዝርፊያዎች መከናወናቸውን አስረድቷል፡፡ የትግራይ የሰላም ሀይሎች ወደከተማዋ ከገቡ በኋላ የከተማው ፀጥታ እየተሻሻለ መምጣቱንም ገልፆ በአሁኑ ወቅት በመቀሌ በአንፃራዊነት መረጋጋት እንዳለ ተናግሯል፡፡ ፍፁምና ሌላ የከተማው ነዋሪ ለቢቢሲ እንተናገሩት የፌዴራል ሀይሎች በከተማዋ ዳርቻ የሚገኙ ሲሆን እስካሁን ወደመሀል ከተማው አልገቡም፡፡

በሌላ በኩል በትላንትናው እለት በነበረው ዘረፋ ወቅት አንድ የጥበቃ ሰራተኛን ጨምሮ 3 ሰዎች መገ*ደ*ላ* ቸውን መስማቱን ፍፁም ተናግሯል፡፡ ሆኖም የአሟሟታቸው ሁኔታና ማንነታቸው የተባለ ነገር የለም፡፡ ሌላ የከተማው ነዋሪ እንደተናገረው ደግሞ ከተማው በአንፃራዊነት የተረጋጋ ቢሆንም ከሩቅ የሚሰማ የተኩስ ድምፅ አለ፡፡ ሲናገርም ‹‹ከሩቅ የተኩስ ድምፅ ይሰማል፡፡ ሰዎች ሁኔታው ወዴት ሊያመራ ይችላል ብለው በመጨነቅ ላይ ናቸው፡፡ የትግራይ ሀይሎች እንደታዘዙት በተደራጀ መልኩ ወደኋላ አፈግፍገዋል ብዬ አላስብም›› ብሏል፡፡ ዳዊት ሀይሌ የተባለው ነዋሪ በበኩሉ የመንግስት መስሪያ ቤቶች ከመዘረፋቸውም በላይ መውደማቸውን ገልፆ በፍጥነት ወደስራ መመለሳቸው አስቸጋሪ እንደሚሆን አስረድቷል፡፡

የፖሊስ አባሏ መፀዳጃ ጉድጓድ የተጣለች አራስ ሕፃንን ጡት በማጥባት ከመሞት ታደገቻት።

👉ጉድጓድ ውስጥ ጥላ የተሰወረችውን እናት ለመያዝ ፖሊስ ክትትል እያደረገ ነው።

በደቡብ ምስራቅ ኦሮሚያ ዞን በነንሠቦ ወረዳ 12 ሜትር ጥልቀት ባለው የመፀዳጃ ቤት ጉድጓድ ውስጥ የተጣለችን አራስ ሕፃን የፖሊስ አባሏ በሕብረተሰቡ ትብብር ከጉድጓድ አውጥታ የራሷን ጡት በማጥባት ሕይወቷን መታደጓን የወረዳው ፖሊስ አስታወቀ።

የነንሠቦ ጨቢ ከተማ የፀጥታ ጽሕፈት ቤት ኃላፊ አቶ ማሙሽ ከድር እንዳስታወቁት፤ የነንሲቡ ወረዳ ፖሊስ ጽሕፈት ቤት የሴቶችና ሕፃናት ክፍል ኃላፊ የሆነችው ዋና ሳጅን አስቴር ደበሌ ይህንን  የሰብአዊነት ተግባር ፈፅማ ሕፃኗን ከሞት ታድጋታለች።

መስከረም 21 ቀን 2109 ዓ.ም ከነንሠቦ ጨቢ አካባቢ ነዋሪዎች ለፖሊስ ባደረሱት ጥቆማ መሠረት፣ ዋና ሳጅን አስቴር ደበሌ 21 ኪሎ ሜትር ያህል መንገድ በመጓዝ መፀዳጃ ጉድጓድ ውስጥ ተጥላ ስታለቅስ የነበረችውን ሕፃን በፍጥነት በሕዝብ ትብብር ማስወጣት ችላለች።

የፖሊስ አባሏ ከመፀዳጃ ጉድጓድ የወጣችውን ሕፃን ሳትጠየፍ ካጠበችው በኋላ የራሷን ጡት በማጥባት በሕይወትና በሞት መካከል የነበረችውን የሳምንታት ዕድሜ አራስ ልጅ ታደጋለች።

አቶ ማሙሽ ከድር አክለው እንደገለጹት፣ የዋና ሳጅን አስቴር ደበሌ ተግባር ለብዙዎች ታላቅ አርአያና የእውነተኛ ሰብአዊነት ማሳያ መሆኑን የገለፁ ሲሆን በአሁኑ ወቅት ከመፀዳጃ ጉድጓድ የወጣችው ሕፃን በነንሠቦ ጨቢ ጤና ጣቢያ የሕፃናት ማቆያ አስፈላጊው ክትትል ተደርጎላት በሙሉ ጤንነት ላይ ትገኛለች።

የሳምንታት እድሜ ያላትን ልጅ መፀዳጃ ጉድጓድ ውስጥ ጥላ የተሰወረችውን ግለሰብ በቁጥጥር ስር ለማዋል በፖሊስ በኩል ክትትል እየተደረገበት ይገኛል።

ትግስት ላቀው

#ዳጉ_ጆርናል