(ዘ-ሐበሻ ዜና) የሊቢያ ቤንጋዚ አስተዳደር 100 ኢትዮጵያዊያንን ከአገር ማባረሩን አስታወቀ፡፡ የምስራቃዊ ሊቢያ ቤንጋዚ ባለስልጣናት በትላንትናው እለት 100 ያህል ኢትዮጵያዊያንን ማባረራቸውን አስታወቁ፡፡ የአገሪቱ ህገ ወጥ ስደትን የመከላከል ዳይሬክተር የታላቋ ቤንጋዚ ቅርንጫፍ መስሪያ ቤት ባወጣው መግለጫ ኢትዮጵያዊያኑ የተባረሩት አስፈላጊውን ህጋዊ ሂደት ካጠናቀቁ በኋላ መሆኑን አስረድቷል፡፡

ይህ እርምጃ የተወሰደውም የዳይሬክሩ ሀላፊ ሜጀር ጄኔራል ሳላህ መሀመድ አል ካፊፊ ባወጡት መመሪያ መሰረት በሊቢያ የባህር ጠረፍ በኩል የሚደረገውን ህገ ወጥ ስደት ለመከላከል እንደሆነ አስታውቋል፡፡ በቀጣይነትም በቤንጋዚ ውስጥ ህጋዊ ሰነድ የሌላቸውን ስደተኞች የመለየት ስራው እንደሚቀጥልና ሰነድ የሌላቸውን የማሰርና ከአገር የማባረር ዘመቻው እንደሚቀጥልም አስረድቷል፡፡

መግለጫው እነዚህን 100 ኢትዮጵያዊያን ከአገር ለማባረር የተጠቀመበትን መንገድ ወይንም መዳረሻቸው የት እንደሆነ ያለው ነገር የለም፡፡ ይህ መግለጫ የተሰጠው የምስራቃዊ ሊቢያ መንግስት የተለያዩ አገራት ዜጎች የሆኑ 258 ህገ ወጥ ስደተኞችን በቁጥጥር ስር ማዋሉን ካስታወቀ ከቀናት በኋላ ነው፡፡

በደቡብ ሱዳን የምግብ ክምችት በመቀነሱ የሰብዓዊ ቀውስ ተባብሶ መቀጠሉ ተሰምቷል

መስከረም 27 ቀን 2019 ዓ.ም. (አሐዱ ሬድዮ) በየሳምንቱ 3ሺህ ገደማ የሚሆኑ ስደተኞች ከሱዳን ወደ ደቡብ ሱዳን እንደሚሻገሩ ተገልጿል።

ከእነዚህ ስደተኞች አብዛኞቹ ለረሃብ የተጋለጡ መሆናቸው የተገለጸ ሲሆን ሆኖም በደቡብ ሱዳን ያለው የምግብ ድጋፍ እየተሟጠጠ መሆኑ ተነግሯል።

እንደ ዓለም የምግብ ፕሮግራም መረጃ ተጨማሪ ድጋፍ ማግኘት ካልተቻለ እስከ መጪው ጥቅምት ወር ድረስ ከአንድ ሚሊዮን በላይ የሚሆኑ ለአስከፊ የምግብ እጥረት ሊጋለጡ ይችላሉ።

በላይኛው የናይል ግዛት የሚገኘው የተቋሙ ዋና ማዕከል ላይ የሚገኘው የምግብ ክምችት ባለፈው ዓመት በዚህ ወቅት ከነበረበት 10ሺህ ሜትሪክ ቶን አሁን ከ 300 ቶን በታች ዝቅ ማለቱ ተገልጿል።

ዘገባው የአልጀዚራ ነው

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

ጃፓን ለየመን እና ለጅቡቲ የ10 ሚሊዮን ዶላር የድንገተኛ ጊዜ እርዳታ ለመስጠት ወሰነች

የጦርነቱ ተፅዕኖ ወደ ጎረቤት ሀገራት መዛመቱን እና በየመን እየከፋ የመጣውን የሰብአዊ ሁኔታ ግምት ውስጥ በማስገባት ጃፓን ለየመን እና ለጅቡቲ የ10 ሚሊዮን ዶላር የድንገተኛ ጊዜ እርዳታ እንደምትሰጥ አስታውቃለች።

የጃፓን መንግስት እርዳታውን ማክሰኞ ዕለት ማጽደቁን የሀገሪቱ ኤምባሲ ባወጣው ጋዜጣዊ መግለጫ ላይ ገልጿል።እርዳታው የባብ አል-መንደብ ወሽመጥ ዙሪያን ጨምሮ በመካከለኛው ምስራቅ ሰላምና መረጋጋትን ለመደገፍ አልሞ የተዘጋጀ መሆኑም ተነግሯል።

የጃፓን መንግስት ይህ የባህር ወሽመጥ በኢነርጂ ደህንነት ረገድ ለጃፓንም ሆነ ለዓለም አቀፉ ማህበረሰብ “እጅግ ከፍተኛ አስፈላጊነት” ያለው መሆኑን ገልጿል።

በዚህም መሰረት የመን በተባበሩት መንግስታት ድርጅት የዓለም የምግብ ፕሮግራም ፣ በዓለም አቀፉ የሬድ ክሮስ ኮሚቴ እና በዓለም አቀፉ የስደተኞች ድርጅት በኩል 8 ሚሊዮን ዶላር የምታገኝ ሲሆን፣ ጅቡቲ ደግሞ በተመድ የስደተኞች ኤጀንሲ በኩል 2 ሚሊዮን ዶላር ይደርሳታል ተብሏል ።

በሚኪያስ ጸሐዬ
#ዳጉ_ጆርናል

የሱዳን ጦር ኃይሎች አዛዥ ጄኔራል አብደል ፋታህ አል-ቡርሃን ጦርነትን ለማስቆም የሚደረጉ ድርድሮችን ውድቅ አደረጉ

ጄነራሉ ሁሉንም ግዛት ከRSF መልሰው እንደሚቆጣጠሩም ቃል ገብተዋል

ማክሰኞ እለት ተባብሶ በቀጠለው ግጭት የምዕራብ ኮርዶፋን ግዛት ቢያንስ 10 ሰላማዊ ሰዎች የተገደሉበት ሲሆን በብሉ ናይል ግዛት ደግሞ 5,500 ሰዎች ተፈናቅለዋል።

አል-ቡርሃን በከፊል በወታደራዊው ፈጣን ድጋፍ ሰጪ ኃይል (RSF) ቁጥጥር ስር ያሉትን እያንዳንዱን መሬት መልሰው እንደሚቆጣጠሩ ቃል ገብተዋል። እንዲሁም የሶስት ዓመት ተኩል ጦርነትን ለማስቆም የሚደረጉ ድርድሮችን ውድቅ ማድረጋቸው ነው የተሰማው።

እንዲሁም ማክሰኞ ዕለት በሰሜን ሱዳን መሮዌ አካባቢ በሚገኘው ቪሌጅ 5 በተባለ ቦታ በተደረገ ስብሰባ ላይ ንግግር አድርገዋል ሲል የሱዳን ዜና አገልግሎት ዘግቧል። የሱዳን ሠራዊት እና የRSF አዛዦች ከፊል ወታደራዊው ኃይል ከሱዳን ሠራዊት ጋር ሊዋሃድበት በነበረው እቅድ ዙሪያ አለመግባባት ከተፈጠረ በኋላ እ.ኤ.አ ከ2023 ጀምሮ ሲዋጉ ቆይተዋል።

በተባበሩት መንግስታት ድርጅት እና በአለም አቀፍ ተቋማት ግምት መሰረት ይህ ግጭት አስር ሺዎችን የገደለ ሲሆን 13 ሚሊዮን የሚጠጉ ሰዎችን አፈናቅሏል።አል-ቡርሃን ጦርነቱን መቀጠላቸውን ባስታወቁበት ወቅት በአካባቢው የበጎ አድራጎት ድርጅት እንደተገለጸው በሱዳን ምዕራብ ኮርዶፋን ግዛት በ RSF ጥቃት 10 ሰላማዊ ሰዎች ተገድለዋል። በርካቶች ደግሞ ቆስለዋል።

የዳር ሃማር ድንገተኛ አደጋ ኮሚቴ ባወጣው መግለጫ RSF በኤን ናሁድ  ምስራቃዊ ገጠራማ አካባቢዎች በሚገኘው አቡ አጃል መንደር ውስጥ በሰላማዊ ሰዎች ላይ የተለያዩ ጥሰቶችን ፈጽሟል ሲል ከሰዋል።የሱዳን ሠራዊት በአቅራቢያው ወደምትገኘው ሰሜን ኮርዶፋን ግዛት ውስጥ ድሎችን ካስመዘገበ በኋላ RSF በምዕራብ ኮርዶፋን ኃይሉን እየሰበሰበ ይገኛል።

በሌላ በኩል በሱዳን ብሉ ናይል ግዛት፣ የጸጥታውን ሁኔታ መባባስ ተከትሎ ባለፉት ሶስት ቀናት ውስጥ ከ5,500 በላይ ሰዎች ከመንደሮቻቸው መፈናቀላቸውን አለም አቀፍ የስደተኞች ድርጅት (IOM) ማክሰኞ ዕለት አስታውቋል።ይህ በእንዲህ እንዳለ የአሜሪካው ፕሬዚዳንት ዶናልድ ትራምፕ ልዩ መልዕክተኛ የሱዳን አካላት ጦርነቱን ለማስቆም በሚደረጉ ንግግሮች ላይ መሪነቱን መውሰድ እንዳለባቸው ተናግረዋል።

የአሜሪካ የዓረብ እና አፍሪካ ጉዳዮች ከፍተኛ አማካሪ የሆኑት ማሳድ ቡሎስ ሰኞ ዕለት  በኤክስ ገጻቸው ላይ በሰጡት አስተያየት ሰላም ሊመጣ የሚችለው በሱዳናውያን ባለቤትነት እና መሪነት በሚካሄድ አጠቃላይ ብሔራዊ ውይይት እና ወደ ሰላማዊ መንግስት በሚደረግ ሽግግር ብቻ እንደሆነ ገልጸዋል።

የአሜሪካ ውጪ ጉዳይ ሚኒስቴር ባለፈው ወር እንደገለጸው የሱዳን ሠራዊት ኃይሎችም ሆኑ RSF እንዲሁም የሁለቱ ወገኖች መሪዎች «ለሱዳን ህጋዊ እና ህገ-መንግስታዊ አስተዳደር ውክልና አይሰጡም»።

በትግስት ላቀው
#ዳጉ_ጆርናል Photo

ግሪክ ለአውሮፓ ህብረት አባል ሀገራት የጥገኝነት ጥያቄዎችን በጊዜያዊነት ማገድ እንዲችሉ ጥያቄ አቀረበች
 
ግሪክ የህብረቱ ስደተኞች ስምምነት ትልቅ መሻሻል ቢያሳይም ድንገተኛ ቀውሶችን ለመቆጣጠር በቂ አለመሆኑን ገልጻለች። ኔዘርላንድም ይህንን ሀሳብ በመደገፍ እንደ ሴኡታ ያሉት መጠነ-ሰፊ የመጤዎች መረባረብ ከጥገኝነት ይልቅ እንደ ድንበር አስተዳደር ጉዳይ ሊታይ ይገባል ብላለች።

ባለፈው ሐምሌ ወር መጨረሻ ላይ ብቻ ከ72 ሺህ በላይ ስደተኞች ወደ ስፔን ከሰሜን አፍሪካዊ ግዛት ሴኡታ መግባታቸው ይገመታል። ምንም እንኳን አብዛኞቹ ቢመለሱም፣ 10 ሺህ ያህሉ አሁንም በመቆየታቸው በአውሮፓ ከተሞች ውስጥ ጠንካራ እርምጃዎችን እንዲወሰዱ ጥሪዎች እንዲጠናከሩ አድርጓል።

የአውሮፓ ህብረት የስደተኞች ኮሚሽነር ማግኑስ ብሩነር ፍልሰት የጸጥታ ጉዳይ ሊሆን እንደሚችል በመግለጽ፣ ከአለም አቀፍ ህግጋት እና መሰረታዊ መብቶች ጋር የተጣጣመ ድንበር የመጠበቅ አቅም እንደሚያስፈልግ አንስተዋል።

በዚህም ስብሰባ ላይ አባል ሀገራት ከአውሮፓ ህብረት ውጪ የመመለሻ ማዕከላት እንዲያቋቁሙ የሚያስችል አዲስ ደንብ ጸድቋል። ሩዋንዳ ከበርካታ የአውሮፓ ሀገራት ጋር እንደዚህ አይነት ማዕከልን አስተናግዳለው በሚል ቀዳሚ ውይይቶችን አድርጋለች። ግሪክ፣ ኔዘርላንድ፣ ጀርመን፣ ኦስትሪያ እና ዴንማርክን ያካተተው የአምስት ሀገራት ቡድን በጥር 2027 ዓ.ም. ዝውውሮችን ለመጀመር እቅድ ይዟል።ይህ ዜና አውሮፓ ከስደተኞች ጋር በተያያዘ ከጊዜ ወደ ጊዜ ጥብቅ እና ድንበርን አጥብቆ የመቆጣጠር አቅጣጫን እየተከተለች መሆኑን ያሳያል።
 
ትግስት ላቀው

#ዳጉ_ጆርናል

የኤርትራ አዲስ ውሳኔ‼️
ከትግራይ ክልል ወደ ኤርትራ የሚገቡ ስደተኞችና ተፈናቃዮች ቁጥር ከቀን ወደ ቀን እየጨመረ መምጣቱን ተከትሎ የተፈናቃዮች የአቀባበል ሂደት ከፍተኛ ጥንቃቄና ጥብቅ ፍተሻ እንዲደረግ ኤርትራ ውሳኔ ማሳለፏ ታውቋል።
ኤርትራ ይህንን ውሳኔ የወሰነችው የብሄራዊ ደህንነት ስጋት ስለገባት ነው ተብሏል።

Seledadotio
Seledadotio

በደቡብ አፍሪካ ኢትዮጵያዊያን ስጋት ላይ ወድቀዋል!
#ethiopia | በደቡብ አፍሪካ የመስከረም 30 የጊዜ ገደብ እየቀረበ ሲመጣ በሀገሪቱ በሚገኙ ኢትዮጵያውያን ዘንድ ከፍተኛ ፍርሃት እና ድንጋጤ ነግሷል።

"March and March" የተሰኘው የፀረ-ስደተኞች እንቅስቃሴ ቡድን በስደተኞች ላይ ስጋት ፈጥሯል።

ቡድኑ ህገ-ወጥ ስደተኞች እስከ መስከረም 30 ድረስ ሀገሪቱን ለቀው እንዲወጡ ማስጠንቂያ ሰጥቷል።

ቡድኑ የሰጠው ማስጠንቀቂያ ተከትሎ በደርባን ጆሃንስበርግ ፕሪቶሪያ እና ኬፕታውን ባሉ ትልልቅ ከተሞች በሚኖሩ ኢትዮጵያውያን ላይ ቀጥተኛ ስጋት ደቅኗል።

ከዚህ ቀደም በነበሩ ተመሳሳይ የፀረ-ስደተኞች የተቃውሞ ሰልፎች ወቅት የኢትዮጵያውያን ሱቆች ተዘርፈዋል ተቃጥለዋል፤ የሰው ህይወትም አልፏል።

የደቡብ አፍሪካ መንግስት እና ፖሊስ እንደዚህ አይነት መደበኛ ያልሆኑ የጊዜ ገደቦች የህግ መሰረት የላቸውም ሲሉ አሳውቀዋል።

ፖሊስ ማንኛውም አካል በራሱ ህግ ማበጀት እንደማይችል እና ጥቃት የሚያደርሱ አካላትን በህግ እንደሚጠይቅ ገልጿል።

ፕሬዝዳንት ሲሪል ራማፎሳም በስደተኞች ላይ የሚደረጉ ጥቃቶችና እና ንግግሮችን ኮንነዋል።

በአሁኑ ሰዓት በብዙ ከተሞች ያሉ ኢትዮጵያዊያን ነጋዴዎች መኖሪያ እና ሱቃቸውን በመዝጋት በጥንቃቄ ሁኔታውን እየተከታተሉ ይገኛሉ ተብሏል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #southafrica #ethiopiansinsouthafrica #durban #johannesburg #pretoria








በደቡብ አፍሪካ ኢትዮጵያዊያን ስጋት ላይ ወድቀዋል!
#ethiopia | በደቡብ አፍሪካ የመስከረም 30 የጊዜ ገደብ እየቀረበ ሲመጣ በሀገሪቱ በሚገኙ ኢትዮጵያውያን ዘንድ ከፍተኛ ፍርሃት እና ድንጋጤ ነግሷል።

"March and March" የተሰኘው የፀረ-ስደተኞች እንቅስቃሴ ቡድን በስደተኞች ላይ ስጋት ፈጥሯል።

ቡድኑ ህገ-ወጥ ስደተኞች እስከ መስከረም 30 ድረስ ሀገሪቱን ለቀው እንዲወጡ ማስጠንቂያ ሰጥቷል።

ቡድኑ የሰጠው ማስጠንቀቂያ ተከትሎ በደርባን ጆሃንስበርግ ፕሪቶሪያ እና ኬፕታውን ባሉ ትልልቅ ከተሞች በሚኖሩ ኢትዮጵያውያን ላይ ቀጥተኛ ስጋት ደቅኗል።

ከዚህ ቀደም በነበሩ ተመሳሳይ የፀረ-ስደተኞች የተቃውሞ ሰልፎች ወቅት የኢትዮጵያውያን ሱቆች ተዘርፈዋል ተቃጥለዋል፤ የሰው ህይወትም አልፏል።

የደቡብ አፍሪካ መንግስት እና ፖሊስ እንደዚህ አይነት መደበኛ ያልሆኑ የጊዜ ገደቦች የህግ መሰረት የላቸውም ሲሉ አሳውቀዋል።

ፖሊስ ማንኛውም አካል በራሱ ህግ ማበጀት እንደማይችል እና ጥቃት የሚያደርሱ አካላትን በህግ እንደሚጠይቅ ገልጿል።

ፕሬዝዳንት ሲሪል ራማፎሳም በስደተኞች ላይ የሚደረጉ ጥቃቶችና እና ንግግሮችን ኮንነዋል።

በአሁኑ ሰዓት በብዙ ከተሞች ያሉ ኢትዮጵያዊያን ነጋዴዎች መኖሪያ እና ሱቃቸውን በመዝጋት በጥንቃቄ ሁኔታውን እየተከታተሉ ይገኛሉ ተብሏል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #southafrica #ethiopiansinsouthafrica #durban #johannesburg #pretoria

በደቡብ አፍሪካ የሚገኙ ስደተኞች፣ መስከረም 20 ሊጠናቀቅ የቀረውን የጊዜ ገደብ ተከትሎ ጥቃት ሊሰነዘር ይችላል በሚል ከባድ ስጋት ውስጥ መውደቃቸው ተሰማ።

“ማርች ኤንድ ማርች” የተባለ ፀረ-ስደተኞች ንቅናቄ ቡድን፣ በዚህ ዓመት በደቡብ አፍሪካ ሰልፎችን በማካሄድ መስከረም 20 ወይም እ.ኤ.አ መስከረም 30 የመጨረሻ የጊዜ ገደብ ማወጁ ለስደተኛ ማህበረሰቦች ከፍተኛ የስጋት ጥላ አጥልቷል። ቡድኑ ህጋዊ ሰነድ የሌላቸው የውጭ ዜጎች ሀገሪቱን ለቀው እንዲወጡ የጠየቀ ሲሆን፤ ጥያቄው ካልተመለሰ ተጨማሪ ተቃውሞዎችን እንደሚያደርግ አስጠንቅቋል።

ይሁን እንጂ በደርባን የሚገኙት ባሄብዋ እና ሌሎች ስደተኞች እንዳሉት፤ በሰነድ የተደገፈ ወይም ያልተደገፈ ስደተኛ የሚለው ልዩነት በመሬት ላይ ላለው እውነታ ምንም ዓይነት መፅናኛ የሚሰጥ አይደለም። የሚደርሰባቸው የጎዳና ላይ ጥቃትና ጥላቻ መቼም ቢሆን የወረቀት ምርመራን በመጠየቅ የሚጀምር አለመሆኑንም አስረድተዋል።በቀጣዩ ህዳር 4 ቀን ደቡብ አፍሪካ የአካባቢ መንግሥት ምርጫ ለማካሄድ እየተዘጋጀች ሲሆን፤ በዚህ የምርጫ ዘመቻ ውስጥ የስደተኞች ጉዳይ ዋነኛ የፖለቲካ እና ማህበራዊ አጀንዳ ሆኖ መምጣቱ ይታወሳል።

በመቶዎች የሚቆጠሩ ጥገኝነት ጠያቂዎች ከጸረ-ስደተኞች ጥቃት ለመሸሽ ሲሉ  ለወራት እንቅልፍ ማጣታቸው ተገልጿል። ከኮንጎ እና ቡሩንዲ እንዲሁም ከዩጋንዳ፣ ሞዛምቢክ እና ታንዛኒያ የመጡት እነዚህ ስደተኞች፤ የደህንነት ስጋት እጅግ አሳሳቢ ደረጃ ላይ መድረሱን በምሬት ገልጸዋል፡፡

በትግስት ላቀው
#ዳጉ_ጆርናል Photo

ከ55 ሺህ በላይ የሱዳን ስደተኞች በዚህ ዓመት ወደ ቻድ መሰደዳቸው ተገለፀ

መስከረም 16 ቀን 2019 ዓ.ም.  (አሐዱ ሬዲዮ)  ከ55 ሺህ በላይ የሱዳን ዜጎች በዚህ ዓመት ወጀ ጎረቤት ሀገር ቻድ መጠለያ ለመፈለግ መሰደዳቸውን የተባበሩት መንግስታት የስደተኞች ኤጀንሲ አስታውቋል ።

ኤጀንሲው ፣ በቂ የገንዘብ ድጋፍ ካልተገኘ የስደተኞች መጨመር በቻድ ያለውን ሰብዓዊ ቀውስ የበለጠ ሊያባብሰው ይችላል።

በምስራቅ ቻድ በኩል የሚገቡ የሱዳን ስደተኞች ቁጥርም ባለፉት ቀናት በከፍተኛ ፍጥነት መጨመሩን ገልጿል ። በየቀኑ የሚገቡ ስደተኞች ቁጥር ወደ 400 ከፍ ብሏል።

ይህም ካለፉት ወራት ዕለታዊ አማካይ ቁጥር ጋር ሲነጻጸር ከፍተኛ ጭማሪ አለው ። ከሶስት ዓመታት በላይ በዘለቀው የሱዳን ግጭት ከ11 ሚሊዮን በላይ ሰዎች መፈናቀላቸውን ኤጀንሲው ገልጿል።

ዘገባው የአልጀዚራ ነው

በአበረ ስሜነህ

#አሐዱ_የኢትዮጵያውያን_ድምጽ
#አሐዱ_ሬዲዮ_94 .3

(ዘ-ሐበሻ ዜና) ዓለም አቀፉ የሥራ ድርጅት እና የተባበሩት መንግስታት የስደተኞች ከፍተኛ ኮሚሽን በኢትዮጵያ ለሚገኙ ስደተኞች እና አስተናጋጅ ማህበረሰቦች ምቹ የሥራ እድል፣ የክህሎት ስልጠና እና ዘላቂ የገቢ ማስገኛ መንገዶችን በጋራ ለማስፋፋት የሚያስችል ተጨማሪ የትብብር ስምምነት በአዲስ አበባ ተፈራርመዋል።

በኔዘርላንድስ መንግስት የገንዘብ ድጋፍ የሚንቀሳቀሰው ዓለም አቀፍ አጋርነት አካል የሆነው ይህ ስምምነት፣ ስደተኞች በኢኮኖሚ ራሳቸውን እንዲችሉ፣ የገበያ ትስስር እንዲኖራቸው እና የሰራተኛ መብቶቻቸው እንዲጠበቁ ለማድረግ ያለመ ነው። ስምምነቱ ኢትዮጵያ ስደተኞችን ለማስተዳደር ተግባራዊ እያደረገች ካለው የአምስት ዓመቱ የብሔራዊ ማዕቀፍ ወይም "የማካተት ፍኖተ ካርታ" ጋር የተናበበ መሆኑ ተገልጿል።

በኢትዮጵያ የስደተኞች ከፍተኛ ኮሚሽን ተወካይ ወ/ሮ አይሳቱ ኤም ንዲያዬ በፊርማ ስነ-ስርዓቱ ላይ "የስደተኞች ጥበቃ ከደህንነት ባለፈ ሊታሰብ ይገባል። ሰዎች ተገቢ የሥራ እና የገቢ እድል ሳያገኙ ሙሉ አቅማቸውን መጠቀም አይችሉም" በማለት የትብብሩን ወሳኝነት አስምረውበታል። በተመሳሳይ የቀጠናው የሥራ ድርጅት ዳይሬክተር አቶ ኩምቡላ ንዳባ፣ የኢትዮጵያ መንግስት ስደተኞችን ወደ ማህበረሰቡ ለማካተት እያደረገ ያለው ጥረት ለዚህ አዲስ የኢኮኖሚ እድል ፈጠራ ትልቅ መሰረት መሆኑን ገልጸዋል።

ሁለቱ ተቋማት እስካሁን ባደረጉት የጋራ ጥረት ከግማሽ ሚሊዮን በላይ ለሚሆኑ ስደተኞች እና አስተናጋጅ ማህበረሰቦች ማህበረሰብ አቀፍ የጤና መድህን፣ የቴክኒክና ሙያ ስልጠና እንዲሁም ልዩ ልዩ ማህበራዊ እና ኢኮኖሚያዊ አገልግሎቶችን ማድረስ መቻላቸው በመግለጫው ተጠቅሷል።








(ዘ-ሐበሻ ዜና) ዓለም አቀፉ የሥራ ድርጅት እና የተባበሩት መንግስታት የስደተኞች ከፍተኛ ኮሚሽን በኢትዮጵያ ለሚገኙ ስደተኞች እና አስተናጋጅ ማህበረሰቦች ምቹ የሥራ እድል፣ የክህሎት ስልጠና እና ዘላቂ የገቢ ማስገኛ መንገዶችን በጋራ ለማስፋፋት የሚያስችል ተጨማሪ የትብብር ስምምነት በአዲስ አበባ ተፈራርመዋል።

በኔዘርላንድስ መንግስት የገንዘብ ድጋፍ የሚንቀሳቀሰው ዓለም አቀፍ አጋርነት አካል የሆነው ይህ ስምምነት፣ ስደተኞች በኢኮኖሚ ራሳቸውን እንዲችሉ፣ የገበያ ትስስር እንዲኖራቸው እና የሰራተኛ መብቶቻቸው እንዲጠበቁ ለማድረግ ያለመ ነው። ስምምነቱ ኢትዮጵያ ስደተኞችን ለማስተዳደር ተግባራዊ እያደረገች ካለው የአምስት ዓመቱ የብሔራዊ ማዕቀፍ ወይም "የማካተት ፍኖተ ካርታ" ጋር የተናበበ መሆኑ ተገልጿል።

በኢትዮጵያ የስደተኞች ከፍተኛ ኮሚሽን ተወካይ ወ/ሮ አይሳቱ ኤም ንዲያዬ በፊርማ ስነ-ስርዓቱ ላይ "የስደተኞች ጥበቃ ከደህንነት ባለፈ ሊታሰብ ይገባል። ሰዎች ተገቢ የሥራ እና የገቢ እድል ሳያገኙ ሙሉ አቅማቸውን መጠቀም አይችሉም" በማለት የትብብሩን ወሳኝነት አስምረውበታል። በተመሳሳይ የቀጠናው የሥራ ድርጅት ዳይሬክተር አቶ ኩምቡላ ንዳባ፣ የኢትዮጵያ መንግስት ስደተኞችን ወደ ማህበረሰቡ ለማካተት እያደረገ ያለው ጥረት ለዚህ አዲስ የኢኮኖሚ እድል ፈጠራ ትልቅ መሰረት መሆኑን ገልጸዋል።

ሁለቱ ተቋማት እስካሁን ባደረጉት የጋራ ጥረት ከግማሽ ሚሊዮን በላይ ለሚሆኑ ስደተኞች እና አስተናጋጅ ማህበረሰቦች ማህበረሰብ አቀፍ የጤና መድህን፣ የቴክኒክና ሙያ ስልጠና እንዲሁም ልዩ ልዩ ማህበራዊ እና ኢኮኖሚያዊ አገልግሎቶችን ማድረስ መቻላቸው በመግለጫው ተጠቅሷል።

(ዘ-ሐበሻ ዜና) ላለፉት ስድስት ዓመታት በኢትዮጵያ የፖለቲካ መድረክ ላይ በእናት ፓርቲ ውስጥ ጨምሮ በንቃት ሲሳተፉ የነበሩት ፖለቲከኛ ጌትነት ወርቁ፣ ከየትኛውም የፖለቲካ እንቅስቃሴ ራሳቸውን ማግለላቸውን ዛሬ መስከረም 8 ቀን 2019 ዓ.ም ባወጡት ይፋዊ መግለጫ አስታወቁ። ፖለቲከኛው ይህንን ውሳኔ ያሳለፉት አሁን ባለው ሁኔታ በፖለቲካው መቆየታቸው ፋይዳ አለው ብለው ባለማመናቸው መሆኑን ገልጸው፣ ቀሪ ጊዜያቸውን ለቤተሰባቸው እንደሚሰጡና ትግሉን በአዲስ ጉልበት ለሚመጡ ሌሎች ተዋንያን መተዋቸውን አስረድተዋል።

አቶ ጌትነት በፖለቲካ ቆይታቸው በማኅበረሰቡ ዘንድ ፍትሕ፣ ርትዕ እና መልካም አስተዳደር እንዲሰፍን፣ እንዲሁም መንግሥት ቀዳሚ ኃላፊነት የሆነውን የሕዝብ ደህንነት የማስጠበቅ ግዴታውን እንዲወጣ ሲሞግቱ መቆየታቸውን በመግለጫቸው አብራርተዋል። ከዚህም ባሻገር በቅርብ ጊዜያት ውስጥ ከምርጫ ተሳትፎ ጋር ተያይዞ ከመንግሥት ጋር ከመጋረጃ ጀርባ ሰፋፊ ውይይቶችን ሲያደርጉ እንደነበር ይፋ አድርገዋል። እነዚህ ውይይቶች በዋናነት የፖለቲካ እስረኞችን በመፍታት፣ ጦርነትን በማቆም እና የፖለቲካ ስደተኞች አስተማማኝ ዋስትና አግኝተው ወደ ሀገራቸው በሚመለሱበት ሁኔታ ላይ ያተኮሩ እንደነበሩም ጠቁመዋል።

ይህ ከመንግሥት ጋር በሰለጠነ መንገድ ሲካሄድ የነበረው የውይይት ሂደት በኢትዮጵያ ሰብዓዊ መብቶች ኮሚሽን (እና በኮሚሽነሩ) ጣልቃ ገብነት መበላሸቱን አቶ ጌትነት በጽሑፋቸው ወቅሰዋል። ይሁን እንጂ የፖለቲካ እስረኞች መፈታት መጀመሩን እንደ ትልቅ ስኬት የሚያዩት ፖለቲከኛው፣ ይህ ተግባር ላለፉት ስድስት ዓመታት ጊዜያቸውን ለሰውት የፖለቲካ ትግል ትልቅ ካሳ እና "ደመወዝ" ሆኖላቸዋል ብለዋል። ይህንንም አጀንዳ በብቸኝነት ወደ ፊት አምጥተው ውጤት ማሳየታቸው እንደሚያኮራቸው አልሸሸጉም።

በእርግጥም ከፖለቲካው ለመውጣት አስበው የነበረው ከምርጫው በፊት ቢሆንም፣ የተጀመረው የእስረኞች መፈታት ሂደት እንዳይደናቀፍ በማሰብ ብቻ መቆየታቸውን የገለጹት አቶ ጌትነት፣ በአሁኑ ወቅት አጠቃላይ ሀገራዊ ችግሮቹ ከመቀነስ ይልቅ እየባሱ መምጣታቸው እረፍት ቢነሳቸውም ከዚህ በላይ መግፋት እንደማይችሉ አረጋግጠዋል። በመጨረሻም በሂደቱ አብረዋቸው ለነበሩ የፓርቲያቸው አመራሮች፣ የቅርንጫፍ ጽሕፈት ቤት አባላት፣ የትብብሩ አመራሮች፣ ድርጅቶች እና የሚዲያ አካላት ምስጋናቸውን አቅርበዋል።

ኡጋንዳ ለኢትዮጵያ ኦርቶዶክስ ቤተክርስቲያን ድጋፏን እንደምትቀጥል  አረጋገጠች

የኡጋንዳዋ ምክትል ፕሬዝዳንት ጄሲካ አሉፖ የኢትዮጵያ ኦርቶዶክስ ተዋሕዶ ቤተክርስቲያን በሀገሪቱ በምታደርገው የማስፋፋት ሥራ መንግሥታቸው አስፈላጊውን ድጋፍ እንደሚያደርግ አረጋግጠዋል።

ድጋፉ የተገለጸው የቤተክርስቲያኗ የምሥራቅ አፍሪካ ሀገረ ስብከት ዋና ሥራ አስኪያጅ እና በኡጋንዳ የኢትዮጵያ አምባሳደር ከምክትል ፕሬዝዳንቷ ጋር ባደረጉት ውይይት ወቅት ነው። በስብሰባው ወቅት የቤተክርስቲያኗ ተወካዮች የኡጋንዳ መንግሥት ለስደተኞች፣ ለሃይማኖት ነፃነትና ለቤተክርስቲያኗ እድገት ላደረገው እገዛ ምስጋና በማቅረብ የተጀመረው አጋርነት ተጠናክሮ እንዲቀጥል ጠይቀዋል።

ምክትል ፕሬዝዳንቷ በበኩላቸው፤ የሃይማኖት ተቋማት ለሀገርና ለሕዝብ ሰላም ያላቸውን ሚና አጉልተው አሳይተዋል። የጸሎት ሥነ ሥርዓቶች ምንም ዓይነት እንቅፋት ሳይገጥማቸው እንዲከናወኑና የቤተክርስቲያኗ የማስፋፋት ሥራዎች እንዲሳኩ መንግሥታቸው አስፈላጊውን እገዛ እንደሚያደርግ አረጋግጠዋል።

Seledadotio
Seledadotio

የየመን ጦርነት ተባብሷል፤
1,400 ሰዎች በ24 ሰዓት ወደ ጂቡቲ ተሰደዱ

* የሁቲ ታጣቂዎች ወደ ባብ ኤል መንደብ በመቅረባቸው የሰብዓዊ ቀውሱና የቀይ ባሕር ደኅንነት ስጋት ጨምሯል
#ethiopia | በየመን በመንግሥት ኃይሎችና በኢራን የሚደገፉት የሁቲ ታጣቂዎች መካከል የተባባሰው ግጭት ከየመን የሚሰደዱ ሰዎችን ቁጥር በአስጊ ሁኔታ እያሳደገ ነው። በተለይም የሁቲ ኃይሎች በቀይ ባሕር ዳርቻና በባብ ኤል መንደብ ዙሪያ ያላቸውን ቁጥጥር በማጠናከራቸው፣ በ24 ሰዓታት ውስጥ ወደ 1,400 የሚጠጉ የየመን ሰዎች ባሕር ተሻግረው ጂቡቲ ደርሰዋል።

1,400 ሰዎች በአንድ ቀን ወደ ጂቡቲ

የጂቡቲ የኢኮኖሚና ፋይናንስ ሚኒስትር ኢሊያስ ሙሳ ዳዋሌህ በ24 ሰዓታት ውስጥ 1,400 ስደተኞች ከየመን ወደ ጂቡቲ መድረሳቸውን ገልጸዋል።

በተለይም የጂቡቲ የባሕር ዳርቻ ከየመን የምትለየው በአንጻራዊ ሁኔታ አጭር የባሕር ርቀት ብቻ በመሆኑ፣ ከጦርነቱ የሚሸሹ የየመን ቤተሰቦች ወደ ጂቡቲ መሻገርን እንደ የማምለጫ መንገድ እየተጠቀሙበት ነው።

በአንድ የቀደመ የማዳን ሥራ ወቅትም 500 የሚጠጉ ሰዎች፣ ከእነርሱም መካከል ሴቶችና ሕፃናት የሚገኙበት፣ ጀልባቸው ነዳጅ አልቆባቸው በባሕር ላይ ከተቸገሩ በኋላ ተረድተው ወደ ኦቦክ እንደደረሱ ተገልጿል።

ሴቶችና ሕፃናት በባሕር ላይ ያለው አደጋ

የተባበሩት መንግሥታት የሕፃናት ድርጅት (UNICEF) እንዳስታወቀው፣ በ24 ሰዓታት ውስጥ ወደ 1,400 ሰዎች የጂቡቲን የባሕር ዳርቻ ደርሰዋል፤ ከእነርሱ መካከል ሴቶችና በርካታ ሕፃናት ይገኙበታል።

ሕፃናቱ የባብ ኤል መንደብን በሚሻገሩበት ወቅት የመስጠም አደጋ፣ ከፍተኛ ሙቀት፣ የውኃ እጥረትና የምግብ እጥረት የመሳሰሉ አደጋዎች እንደሚጋለጡ UNICEF አስጠንቅቋል።

ይህም የየመን ጦርነት የውስጥ ግጭት ብቻ ሳይሆን ወደ ጎረቤት አገሮች የሚዘልቅ የሰብዓዊ ቀውስ መሆኑን ያሳያል።

በየመን ከ80 ሺህ በላይ ሰዎች ተፈናቅለዋል

የዓለም አቀፍ የፍልሰት ድርጅት (IOM) በቅርቡ ባወጣው መረጃ፣ ከመስከረም መጀመሪያ ጀምሮ 82,164 ሰዎች በየመን ውስጥ ከመኖሪያቸው መፈናቀላቸውን ገልጿል። ከ2,000 በላይ የሚሆኑትም ግጭቱን ሸሽተው ወደ ጂቡቲ የሰሜን ዳርቻዎች መድረሳቸው ተገልጿል።

ይህ ቁጥር በጥቂት ቀናት ውስጥ የተመዘገበ መሆኑ የግጭቱ ፍጥነትና የሰብዓዊ ቀውሱ መጠን ምን ያህል እየጨመረ እንደሆነ ያሳያል።

ሁቲዎች የቀይ ባሕር ዳርቻን እያጠናከሩ ነው

የወቅቱ ግጭት አሳሳቢ የሆነው በየመን ውስጥ ብቻ ሳይሆን፣ ሁቲዎች ወደ ባብ ኤል መንደብ የሚያደርጉት መስፋፋት በመሆኑ ነው።

ሁቲዎች በቅርቡ የቀይ ባሕር ወደብ ከተማ የሆነችውን ሞካ (Mokha) መቆጣጠራቸው ተዘግቧል። በተጨማሪም በባብ ኤል መንደብ ዙሪያ ያሉ የባሕር ደሴቶችንና የባሕር ዳርቻዎችን በመቆጣጠር ወሳኝ የባሕር መተላለፊያው ላይ ያላቸውን ተጽዕኖ እያሳደጉ መሆኑ ተገልጿል።

ባብ ኤል መንደብ ለምን ወሳኝ ነው?

ባብ ኤል መንደብ የቀይ ባሕርን ከየመን በኩል ከአደን ባሕረ ሰላጤ ጋር የሚያገናኝ ጠባብ የባሕር መተላለፊያ ነው።

ይህ መተላለፊያ በዓለም አቀፍ የንግድ መርከቦች እና የነዳጅ መርከቦች ለሚጠቀሙት የቀይ ባሕር–ሱዌዝ ካናል መንገድ ወሳኝ ነው።

ስለዚህ በዚህ አካባቢ የሚፈጠር የጦርነት መስፋፋት የየመንን ሕዝብ ብቻ የሚጎዳ ሳይሆን በዓለም የንግድ መጓጓዣ፣ የነዳጅ አቅርቦትና የመርከብ ዋጋ ላይም ተጽዕኖ ሊያሳድር ይችላል።

ግጭቱ እንዴት ወደዚህ ደረጃ ደረሰ?

የየመን ጦርነት ከ2014 ጀምሮ በርካታ የፖለቲካና የውጭ ኃይሎች የተሳተፉበት ግጭት ነው።

ሁቲዎች በየመን ሰሜናዊ ክፍል፣ እንዲሁም በዋና ከተማዋ ሰንዓ ላይ ቁጥጥር ያላቸው ሲሆን፣ በአንጻሩ በሳዑዲ አረቢያ የሚደገፈው የየመን መንግሥት በሌሎች አካባቢዎች ተጽዕኖ አለው።

ከ2022 የተቀናጀ የማቆሚያ ስምምነት በኋላ የግጭቱ መጠን በአንጻራዊ ሁኔታ ቀንሶ ቢቆይም፣ ዘላቂ የሰላም ስምምነት ሳይደረስ የቆየው ውጥረት አሁን እንደገና ወደ ከፍተኛ ግጭት ተቀይሯል።

ጂቡቲ አዲስ የሰብዓዊ ቀውስ ፊት ለፊት ቆማለች

ከየመን የሚመጡ ስደተኞች በአንድ በኩል የራሳቸውን ሕይወት ለማዳን እየሸሹ ሲሆን፣ በሌላ በኩል ጂቡቲ የተጨማሪ ስደተኞችን ለመቀበል ከፍተኛ ጫና እየተጋፈጠች ነው።

የጂቡቲ መንግሥት ዓለም አቀፍ ማህበረሰብ እርዳታውን እንዲያሳድግ ጥሪ አቅርቧል። አገሪቱ ከዚህ በፊትም ከሶማሊያ፣ ኢትዮጵያና የመን የመጡ ከ36,000 በላይ የተመዘገቡ ስደተኞችን ታስተናግድ ነበር።

የኢትዮጵያና የቀንድ አፍሪካ ስጋት

የየመን ግጭት ለኢትዮጵያና ለሌሎች የቀንድ አፍሪካ አገሮችም በቀጥታ የሚሰማ ጉዳይ ነው።

ባብ ኤል መንደብ የአፍሪካን ቀንድ ከአረብ ባሕረ ገብ መሬት የሚለየው የባሕር መተላለፊያ በመሆኑ፣ በዚያ የሚከሰት የጸጥታ ችግር በንግድ መስመሮች፣ በነዳጅ ዋጋ፣ በመርከብ መጓጓዣ እና በክልሉ የስደተኞች እንቅስቃሴ ላይ ተጽዕኖ ይኖረዋል።

በተለይም ከኢትዮጵያ ወደ ሳዑዲ አረቢያ የሚያደርጉ ሕገወጥ የፍልሰት ጉዞዎች ብዙ ጊዜ በጂቡቲና በየመን በኩል ስለሚያልፉ፣ የጦርነቱ መባባስ በእነዚህ አደገኛ የፍልሰት መንገዶች ላይ የሚጓዙ ሰዎችንም ለተጨማሪ አደጋ ሊያጋልጥ ይችላል።

የዓለም ንግድ ላይ የሚያሳድረው ጫና

የሁቲ ቁጥጥር ወደ ባብ ኤል መንደብ በተስፋፋ ቁጥር የመርከቦች ደኅንነት ስጋት ይጨምራል። መርከቦች ይህንን መንገድ መጠቀም ካቋረጡ ወይም አደጋውን ለመቀነስ ረጅም መንገድ ከመረጡ፣ የመጓጓዣ ጊዜና ወጪ ሊጨምር ይችላል።

በዚህም ምክንያት የነዳጅና የሌሎች ሸቀጦች ዋጋ ላይ ጫና ሊፈጠር ይችላል። የቅርብ የገበያ ሪፖርቶችም በቀይ ባሕርና በባብ ኤል መንደብ ዙሪያ ያለው ውጥረት የነዳጅ አቅርቦትን እንደሚያሳስብ አመልክተዋል።

የሚቀጥለው ምን ይሆናል?

የየመን ግጭት በቀጣይ ቀናት ወደ ተጨማሪ የሰብዓዊ ቀውስ የመስፋፋት እድሉ ከፍተኛ ነው። በየመን የሚገኙ ቤተሰቦች ለሁለተኛና ለሦስተኛ ጊዜ ከመኖሪያቸው እየተፈናቀሉ መሆናቸውን IOM ገልጿል።

በተመሳሳይ ጊዜ ሁቲዎች በቀይ ባሕር ዳርቻ ያላቸውን ቦታ እያጠናከሩ ከሆነ፣ የየመን መንግሥትና የሚደግፉት የክልል ኃይሎች የጠፉ አካባቢዎችን ለመመለስ የሚወስዱት እርምጃ ግጭቱን የበለጠ ሊያባብሰው ይችላል።

መደምደሚያ

በ24 ሰዓት ውስጥ 1,400 የሚጠጉ ሰዎች ባሕር ተሻግረው ጂቡቲ መድረሳቸው የየመን ጦርነት ከአንድ የፖለቲካ ግጭት በላይ ወደ ከባድ የሰብዓዊ፣ የክልላዊ ደኅንነትና የዓለም ንግድ ቀውስ እየተለወጠ መሆኑን ያሳያል።

የባብ ኤል መንደብ ቁጥጥር በግጭቱ ውስጥ የሚኖረው ወሳኝ ሚና ከፍተኛ ሲሆን፣ የጂቡቲ የባሕር ዳርቻ ደግሞ የሚሸሹ ሰዎች መጨረሻ መድረሻ እየሆነ ነው።

የግጭቱ ቀጣይ እርምጃ የየመንን ሕዝብ ብቻ ሳይሆን የጂቡቲን፣ የቀንድ አፍሪካን እና በቀይ ባሕር የሚያልፈውን የዓለም ንግድ መስመር በቀጥታ የሚነካ ይሆናል።

Getu Temesgen - (ጌጡ ተመስገን)

ምንጮች፦
Reuters፣ Al Jazeera/AFP፣ IOM፣ UNICEF፣ AP።

(ዘ-ሐበሻ ዜና) አምስት የሱዳን የሲቪል ማኅበራት እና የሙያ ማኅበራት ጥምረቶች በሱዳን ጦር አነሳሽነት የተጀመረውን የውይይት መድረክ ውድቅ አድርገዋል። ቡድኖቹ ጦርነቱ አሁንም ሀገሪቱን እያወደመ ባለበት ሁኔታ፣ በወታደራዊ ኃይል ሥር ለሚካሄድ የፖለቲካ ሂደት ዓለም አቀፍ አሸማጋዮች ዕውቅና እንዳይሰጡ አስጠንቅቀዋል።

ሐሙስ ዕለት በጋራ ባወጡት መግለጫ ማኅበራቱ ኦገስት 31 በሱዳን ጦር ኃይሎች አመራር ጥሪ መሠረት በካርቱም የተመሠረተውን "የሱዳን-ለሱዳን የውይይት አዘጋጅ ኮሚቴ" በጽኑ ተቃውመዋል። የዳርፉር ሴቶች መድረክን፣ የሱዳን ሰላም ጥሪን እና ሌሎች ሦስት የተለያዩ ማኅበራትን ያካተተው ይህ ጥምረት፣ በወታደራዊ ኃይል ቁጥጥር ሥር ባሉ አካባቢዎች የሚደረግ ውይይት ገለልተኝነት እና ተዓማኒነት እንደሚጎድለው በመግለጫው አመልክቷል።

ማኅበራቱ እንዳስገነዘቡት ይህ ዓይነቱ ውይይት ለወታደራዊው ኃይል የፖለቲካ ሽፋን ከመስጠት ባለፈ፣ ልዩነቶችን ሊያሰፋ እና የታገደውን የብሔራዊ ኮንግረስ ፓርቲን እንዲሁም የቀድሞው ፕሬዝዳንት ኦማር አል-በሽር አጋር የሆኑ እስላማዊ ቡድኖችን መልሶ ወደ መድረክ ሊያመጣ ይችላል የሚል ስጋት አላቸው።

ይህ መግለጫ የወጣው "የክዊንቴት" የዲፕሎማሲ ቡድን በሱዳን ጉብኝት እያደረገ ባለበት ወቅት ነው። በመሆኑም ማኅበራቱ፤ የአፍሪካ ኅብረት፣ የተባበሩት መንግሥታት ድርጅት እና የቀጠናው ሀገራት "በጠመንጃ አፈሙዝ ሥር" ለሚደረገው ለዚህ ውይይት ዕውቅና እንዳይሰጡ ጥሪ አቅርበዋል።

ከሚያዝያ ወር ሁለት ሺህ ሃያ ሦስት ጀምሮ በሱዳን ጦር እና በፈጥኖ ደራሽ ኃይሉ (RSF) መካከል በተቀሰቀሰው ጦርነት በአሥር ሺዎች የሚቆጠሩ ዜጎች ሕይወታቸውን ሲያጡ በሚሊዮን የሚቆጠሩ ደግሞ ተፈናቅለዋል። የሲቪል ማኅበራቱ ግጭቱ ሳይቆም እና መሠረታዊ ነፃነቶች በታፈኑበት ሁኔታ እውነተኛ ሰላም ማምጣት እንደማይቻል ገልጸዋል። ይህ አሁን የተጀመረው አካሄድ በጦርነቱ የተጎዱ ማኅበረሰቦችን፣ ተፈናቃዮችን፣ ስደተኞችን፣ ወጣቶችን እና ሴቶችን ያገለለ መሆኑንም ኮንነዋል።

ጥምረቶቹ ከአንድ ወገን ብቻ ከሚመነጩ ውጥኖች ይልቅ፤ ወዲያውኑ ተኩስ በማቆም፣ ሰብአዊ እርዳታ ያለገደብ እንዲገባ በማድረግ፣ በተፋላሚ ወገኖች መካከል ዘላቂ የተኩስ አቁም ድርድር በመፍጠር እና በሲቪሎች በሚመራ አጠቃላይ የፖለቲካ ድርድር ላይ የተመሠረተ አማራጭ የሰላም መንገድ በገለልተኛ ቦታ እንዲካሄድ ሐሳብ አቅርበዋል።

የአሜሪካ ፍርድ ቤት ለኢትዮጵያ እና ለሌሎች ሀገራት የዲቪ-2026 አመልካቾች ተስፋ ሰጪ ውሳኔ አስተላለፈ

የካሊፎርኒያ ክልላዊ ፍርድ ቤት ዳኛ ኤድዋርድ ዳቪላ በአሜሪካ የውጭ ጉዳይ ሚስቴር በዲቪ አመልካቾች ላይ ተጥለው የነበሩ የቪዛ እገዳዎችን የሚያነሳ ውሳኔ ማስተላለፋቸውን ተከትሎ፣ ኢትዮጵያን ጨምሮ የ48 ሀገራት አመልካቾች የቪዛ ሂደታቸውን እንዲቀጥሉ መንገድ መከፈቱ ተገለጸ።

የአሜሪካ ውጭ ጉዳይ ሚስቴር ቀደም ሲል ጥሎት የነበረውን እገዳ ያነሳ መሆኑን ያረጋገጠ ሲሆን፣ አመልካቾች እስከ መስከረም 20 ቀን 2019 ዓ.ም በሚጠናቀቀው የዲቪ-2026 ፕሮግራም ገደብ ውስጥ ሰነዶቻቸውን ማቅረብ እና የተያዙላቸውን ቃለ-መጠይቆች መከታተል እንደሚችሉ አስታውቋል።

ይህ የፍርድ ቤት ውሳኔ ለአፍሪካ ሀገራት ትልቅ እድል ይዞ የመጣ ሲሆን፣ ከ49 የአፍሪካ ሀገራት የተመረጡ እና ቤተሰቦቻቸውን ጨምሮ 53 ሺህ 939 ሰዎች በDV-2026 ተመዝግበው ይገኛሉ።

ከእነዚህ መካከል ግብፅ በ5,527 ከፍተኛውን ቁጥር ስትይዝ፣ አልጄሪያ በ5,457፣ ሱዳን በ5,226፣ ኬንያ በ3,949 እንዲሁም ኢትዮጵያ በ3,287 አመልካቾች ቀጣዩን ደረጃ በመጠበቅ ላይ ይገኛሉ።

ባለፉት አምስት ዓመታት ከ50 ሺህ በላይ ስደተኞችን ወደ አሜሪካ የላኩ እንደ ናይጄሪያ፣ ህንድ፣ ቻይና፣ ሜክሲኮ እና ካናዳ ያሉ ሀገራት በዚህ ፕሮግራም ውስጥ አልተካተቱም።

በአለም አቀፍ ደረጃ ከ20.8 ሚሊዮን በላይ ብቁ ተወዳዳሪዎች መካከል 129,516 ሰዎች ለዲቪ-2026 የተመረጡ ሲሆን፣ ፕሮግራሙ በየዓመቱ እስከ 55 ሺህ ለሚደርሱ ዜጎች የአሜሪካ ቋሚ መኖሪያ ቪዛ ይሰጣል።

Seledadotio
Seledadotio

ትራምፕ በመወለድ የሚገኝ ዜግነትን ለመገደብ ያደረጉት አዲስ ጥረት በዳኛ ውድቅ ተደረገ

ፕሬዝዳንት ዶናልድ ትራምፕ፣ በመወለድ የሚገኝ ዜግነትን ለመገደብ በድጋሚ ያደረጉት ሙከራ በፍርድ ቤት ዳኛ ውሳኔ ታገደ።
ፕሬዝዳንቱ ከዚህ ቀደም ያሳለፉት መሰል ውሳኔ በጠቅላይ ፍርድ ቤቱ ከተሻረ በኋላ ነበር እንደ አዲስ እርምጃውን ለመውሰድ የወሰኑት።
የከፍተኛውን ፍርድ ቤት ውሳኔ ተከትሎ፣ ትራምፕ "የውጭ ጠላቶች" ላሏቸው ልጆች እና ለመውለድ ብለው ወደ አሜሪካ የሚሄዱ ሰዎች ለሚወልዷቸው ህጻናት ዜግነት እንዳይሰጥ የሚደነግግ አድማሱ የጠበበ ፕሬዝዳንታዊ ትዕዛዝ ፈርመዋል።

ይህም ትዕዛዝ ቢሆን ግን በዩናይትድ ስቴትስ የሚወለዱ ህጻናት በቀጥታ የአሜሪካ ዜግነት እንደሚያገኙ የሚደነግገውን ሕገ-መንግሥታዊ መብት ሊጥስ የሚችል ነው ሲሉ የፍርድ ቤቱ ዳኛ ዲቦራ ቦርድማን ተናግረዋል።
ቦርድማን፣ ረቡዕ ዕለት ባሳለፉት ውሳኔ የስደተኞች ተሟጋች ቡድኖች ያቀረቡት ክስ እስኪፈታ ድረስ የትራምፕን ትዕዛዝ ለጊዜው አግደዋል። የትራምፕ አስተዳደር ይግባኝ ሊያቀርብ ይችላል።
"የ2026ቱ ፕሬዝደንታዊ ትዕዛዝ በእርግጠኝነት ኢ-ሕገ-መንግሥታዊ ነው" ሲሉ ቦርድማን ጠቅላይ ፍርድ ቤት በትራምፕ የቀደመ በመወለድ የሚገኝ ዜግነትን የመገደብ ጥረት ላይ የሰጠውን ውሳኔ በመጥቀስ ተናግረዋል።
"ይህ ፍርድ ቤት አሁንም በድጋሚ የፕሬዝዳንቱን የዜግነት መብት የመንጠቅ አዲስ ሙከራ ተፈጻሚ እንዳይሆን በጊዜያዊነት ማገድ አለበት" ብለዋል።
የስደተኞች ተሟጋች ቡድኖች የትራምፕን ውሳኔ በመቃወም ክስ ከፍተዋል። ክሱን ያቀረቡት፣ ሕጋዊ ሰነድ የሌላቸው ስደተኞች ለሚወልዷቸው ልጆች ዜግነት እንዳይሰጥ በሚል ፕሬዝዳንት ትራምፕ ከዚህ ቀደም የፈረሙት ትዕዛዝ እንዲቀለበስ ለማድረግ ነው።

ጠቅላይ ፍርድ ቤቱ ሰኔ ወር ላይ የትራምፕን ትዕዛዝ ከሻረ በኋላ፣ ፕሬዝደንቱ ይዘቱን በማጥበብ አዲስ ትዕዛዝ የፈረሙት ብዙም ሳይቆዩ ነሐሴ ወር ላይ ነው። አዲሱ ትዕዛዝ፣ በአሜሪካ የተወለዱ ልጆች በቀጥታ ዜግነት ስለሚያገኙ ነፍሰጡር ሴቶች ለመውለድ ወደ አሜሪካ የሚሄዱበትን "የመውለድ ቱሪዝም" ዒላማ ያደረገ ነው።
ለመውለድ ብቻ በሚል ወደ አሜሪካ መጓዝ አስቀድሞም ቢሆን በአሜሪካ ሕግ አይፈቀድም። አዲሱ ፕሬዝዳንታዊ ትዕዛዝ ይህንን ልምምድ ለማስቀረት የሚያስችሉ ደንቦችን ማጥበቅ እና ተግባራዊ ማድረግ ላይ ያተኩራል።
ትዕዛዙ በተጨማሪም፣ "የውጭ ጠላቶች" ናቸው ተብለው የሚታሰቡ ወላጆች ለሚወልዷቸው ልጆች የዜግነት መብትን ይነፍጋል። "የውጭ ጠላቶች" የሚለው አገላለፅ ለአሸባሪ ድርጅ አባላት እና ለዕፅ አዘዋዋሪዎች የሚውል ነው።

የነሐሴው ፕሬዝደንታዊ ትዕዛዝ፣ ወላጆቻቸው በአሜሪካ ውስጥ ለውጭ መንግሥታት የሚሰሩ ልጆችም ዜግነት እንዳያገኙ ይከለክላል።
የመንግሥት ጠበቆች፣ ጠቅላይ ፍርድ ቤቱ በሰኔ ወር ያሳለፈው ውሳኔ በመወለድ የሚገኝ የዜግነት መብትን መገደብ የሚያስችሉ ሌሎች ጠባብ አማራጮችን እንደማያግድ ተከራክረዋል።
አስቀድሞም የዲፕሎማት ልጆችን እና የውጭ ጠላቶችን ጨምሮ በልዩ ሁኔታ ገደብ ሊጣልባቸው እንደሚችል የተፈቀዱ አሉ በማለት አስረድተዋል።
የቢቢሲ የሚዲያ አጋር ሲቢኤስ ኒውስ እንደዘገበው "ይህ በባይደን የተሾሙ አክቲቪስት ዳኛ የተላለፈ የፕሬዝዳንት ትራምፕን ምክኒያታዊ አጀንዳ የሚደናቅፍ ሌላ ውሳኔ ነው" ሲሉ የዋይት ሀውስ ቃል አቀባይ ሐሙስ ዕለት ተናግረዋል።
በመወለድ የሚገኝ ዜግነትን በተመለከተ የወጣው ፕሬዝዳንታዊ ትዕዛዝ "ከጠቅላይ ፍርድ ቤቱ ይዘቶች እና ትንታኔዎች ጋር የሚጣጣም ነው" ሲሉም የፍርድ ቤቱን ውሳኔ ነቅፈዋል።

በመወለድ የሚገኝ ዜግነትን ለማስቀረት ወይም ለመቀነስ የሚደረጉት የትራምፕ ተደጋጋሚ ሙከራዎች፣ ወደ አሜሪካ የሚደረግ ስደትን እና ፍልሰትን ለመቀነስ የሚተገበረው ትልቅ ስትራቴጂ አካል ናቸው።
ይህ ስትራቴጂ ለብዙ አገሮች የተሰጠውን ጊዜያዊ ከለላ ማቆም እና በተለያየ ምክንያት የውጭ ዜጎችን ከአገር ማባረርን ያካትታል።

BBC

(ዘ-ሐበሻ ዜና) በአሜሪካ ሚኒሶታ ግዛት ውስጥ በአንድ ቬንዙዌላዊ ስደተኛ ላይ ጥይት የተኮሰው የኢሚግሬሽን እና የጉምሩክ አስከባሪ ኦፊሰር የሆነው ክርስቲያን ካስትሮ፣ "ለምርመራ ቡድኑ የሐሰት ቃል ሰጥተሃል" በሚል ክስ ትላንት ሐሙስ አመሻሹ ላይ በፌደራል ፖሊስ በቁጥጥር ስር መዋሉ ተሰማ። የፌደራል ታላቁ የህግ ዳኞች ቡድን ባሳለፈው ረቡዕ ዕለት በካስትሮ ላይ ባለ ስድስት ነጥብ ክስ የመሰረተ ሲሆን፣ ግለሰቡ ቴክሳስ ውስጥ በቁጥጥር ስር ውሎ ዛሬ አርብ ለመጀመሪያ ጊዜ ፍርድ ቤት እንደሚቀርብ ሲቢኤስ ኒውስ ዘግቧል።

ይህ ጉዳይ መጀመሪያ ላይ በሚኒሶታ የሄኔፒን ካውንቲ አቃቤ ህግ ቢሮ በኩል ክስ ተመስርቶበት የነበረ ቢሆንም፣ የቴክሳስ ገዥ የሆኑት ግሬግ አቦት ተከሳሹን አሳልፈው ለመስጠት ፈቃደኛ ባለመሆናቸው የህግ ውዝግብ አስነስቶ ነበር። በዚህም ምክንያት ካስትሮ ባለፈው ሳምንት ከቴክሳስ እስር ቤት በዋስ ተለቆ ነበር። ነገር ግን ጉዳዩ የፌደራል ክስ ሆኖ በመምጣቱ ዳግም ሊታሰር ችሏል።

የጥቃቱ ክስተት የተፈጠረው በትራምፕ አስተዳደር ዘመን የኢሚግሬሽን ክትትል እጅግ በጠበቀበት ወቅት ነበር። በጥር ወር ላይ ሁለት ስደተኞች (አልፍሬዶ አልጆርና እና ጁሊዮ ሴዛር ሶሳ-ሴሊስ) የፌደራል ፖሊሶችን አጥቅታችኋል በሚል ክስ ተመስርቶባቸው የነበረ ሲሆን፣ ሶሳ-ሴሊስ የተባለው ቬንዙዌላዊ ስደተኛ በዚሁ የኢሚግሬሽን ኦፊሰር እግሩ ላይ በጥይት ተመቶ ነበር።

መጀመሪያ ላይ የሀገር ውስጥ ደህንነት ዲፓርትመንት ባወጣው መግለጫ፣ "ስደተኞቹ በትራፊክ ፍተሻ ወቅት ለማምለጥ ሞክረው ተጋጩ፣ ከዚያም በመጥረጊያ እና በአካፋ ፖሊሱን ሲያጠቁ ፖሊሱ ራሱን ለመከላከል ሲል ተኮሰ" የሚል መረጃ አውጥቶ ነበር። ነገር ግን በኋላ ላይ የወጡ የሞባይል ቪዲዮ መረጃዎች እና የኤፍቢአይ ምርመራዎች፣ ኦፊሰሩ የሰጠው ቃል ሐሰት መሆኑን አጋለጡ። ቪዲዮው እንደሚያሳየው ስደተኛው ቤቱ በር ላይ እንደደረሰ በቤተሰቡ ፊት በፖሊሶቹ ጥቃት ደርሶበታል።

ይህንን የቪዲዮ ማስረጃ ተከትሎ፣ በየካቲት ወር ላይ በስደተኞቹ ላይ ተመስርቶ የነበረው ክስ ሙሉ በሙሉ ውድቅ የተደረገ ሲሆን፣ የኢሚግሬሽን ተጠባባቂ ኃላፊ የሆኑት ቶድ ላየንስ፣ "ካስትሮ እና ሌላ ተጨማሪ ኦፊሰር በፍርድ ቤት የሰጡት ቃል ሐሰት መሆኑ በቪዲዮ ተረጋግጧል" በማለት ሁለቱንም ከስራ አግደዋቸዋል።

ከዚህ ጉዳይ ጋር በተያያዘ፣ ካስትሮ ላይ የሲቪል መብት ጥሰት ክስ እንዳይመሰረትበት ከፍተኛ ጫና እንደነበር የተቃወሙት የፌደራል አቃቤ ህግ ማቲው ኢቫንስ ከስራ የተባረሩ ሲሆን፣ አሁን ደግሞ ሚስጥራዊ የውስጥ ኢሜል መረጃን አውጥተሃል በሚል በፍትህ ዲፓርትመንት ምርመራ እየተደረገባቸው እንደሚገኝ ተዘግቧል።

አስደሳች ዜና ለስደተኞች! የፌደራል ፍርድ ቤቱ የ ICEን የዘመናት አሰራር ቀለበሰው! ⚖️ ታሪካዊውን የህግ ውሳኔ ከጠበቃ ሙሉዓለም ጌታቸው ጋር! #immigrationlaw #ethiopiandiaspora #legalnews #usa

የኬንያው ፕሬዝዳንት በአነስተኛ ንግድ ላይ በተሰማሩ የውጭ ዜጎች ላይ ቁጥጥር እንዲደረግ አዘዙ

የኬንያው ፕሬዝዳንት ዊልያም ሩቶ አገራቸው ውስጥ በአነስተኛ ንግዶች ላይ የተሰማሩ የውጭ አገራት ዜጎችን ለመቆጣጠር እርምጃ እንዲወሰድ አዘዙ።
ፕሬዝዳንቱ “ከሚቀጥለው ሳምንት ጀምሮ በእነዚህ አነስተኛ ንግዶች ላይ የተሰማሩ ሁሉም የውጭ አገራት ዜጎች ሥራቸውን ማቆም አለባቸው” ብለዋል።
በተጨማሪም የውጭ ዜጎች በተወሰኑ የንግድ ዘርፎች ላይ እንዳይሰማሩ የሚያግድ ረቂቅ ሕግ እንዲፀድቅ ትኩረት እንደሚሰጡ ቃል ገብተዋል።

ፕሬዝዳንቱ ኬንያ ለውጭ ኢንቨስትመንት ክፍት መሆኗን አረጋግጠው፣ ነገር ግን ቻይናውያን ነጋዴዎችን ጨምሮ ባለሀብቶች የሥራ ዕድል መፍጠር እና ምርት ማሳደግ እንጂ በአነስተኛ ንግድ ላይ ከኬንያውያን ጋር መወዳደር አይገባቸውም ብለዋል።
በአነስተኛ ንግድ የተሰማሩ የውጭ ዜጎች ቁጥር ምን ያህል እንደሆነ ወይም በዚህ እርምጃ ምን ያህሉ ተጎጂ እንደሚሆኑ ግን ግልጽ አይደለም።
ኬንያ በርካታ ስደተኞችን የምታስተናግድ ሲሆን ከእነዚህም መካከል አንዳንዶቹ ከስደተኞች ማቆያ ካምፖች ውጪ በመኖር እና በመሥራት ላይ ይገኛሉ።

የመንግሥት መረጃዎች እንደሚያሳዩት፣ እስከ ሰኔ መጨረሻ ድረስ በኬንያ 857 ሺህ የሚጠጉ የተመዘገቡ ስደተኞች እና ጥገኝነት ጠያቂዎች ያሉ ሲሆን፣ ከእነዚህ ውስጥ 14 በመቶ የሚሆኑት በከተሞች አካባቢ ይኖራሉ።
የኬንያ ሕግ ለስደተኞች የመሥራ እና የመነገድ መብት ይሰጣል፤ ሆኖም አስፈላጊውን ምዝገባ እና ሰነድ ማግኘት እንዲሁም ልዩ ፈቃድ ሊጠይቁ ይችላሉ።

በናይሮቢ እና በሌሎች ትላልቅ ከተሞች፣ ከአካባቢው አገራት የመጡ ስደተኞች በፀጉር ቤቶች እና በውበት ሳሎኖች፣ በግንባታ፣ በሞተር ሳይክል ታክሲ አገልግሎት፣ በጎዳና ላይ ንግድ እንዲሁም ልብስ፣ ምግብ እና የቤት ቁሳቁሶች በመሸጥ ላይ ተሰማርተዋል።

BBC

(ዘ-ሐበሻ ዜና) የአሜሪካ የውጭ ጉዳይ ሚኒስቴር ወላጆች ለልጆቻቸው የፓስፖርት ማመልከቻ ሲያስገቡ የራሳቸውን የዜግነት ወይም የኢሚግሬሽን ማስረጃ ማቅረብን የሚያስገድድ አዲስ ረቂቅ ሕግ አቅርቧል። ይህ እርምጃ ፕሬዚዳንት ዶናልድ ትራምፕ በቅርቡ የትውልድ ስፍራን መሠረት ያደረገ ዜግነትን ለመገደብ እያደረጉት ያለው ጥረት አካል ነው። ረቂቅ መመሪያው ነሐሴ 6 ቀን የወጣውን እና "የልደት ቱሪዝም" የተሰኘውን ድርጊት ኢላማ ያደረገውን የፕሬዚዳንቱን አስፈጻሚ ትዕዛዝ የውጭ ጉዳይ ሚኒስቴሩ እንዴት በሥራ ላይ ሊያውል እንደሚችል የሚያሳይ የመጀመሪያው ዝርዝር መረጃ ነው።

የውጭ ጉዳይ ሚኒስቴር ቃል አቀባይ ቶሚ ፒጎት በሰጡት መግለጫ፣ ፕሬዚዳንት ትራምፕ የአሜሪካን ዜግነት ትርጉም እና እሴት ለመጠበቅ ጽኑ አቋም እንዳላቸው እና የፓስፖርት አሰጣጥ ሂደቱም ይህንኑ መስፈርት የሚያንጸባርቅ መሆኑን ማረጋገጥ እንደሚፈልጉ ገልጸዋል። የትውልድ ስፍራን መሠረት ያደረገ ዜግነትን መገደብ ፕሬዚዳንቱ በስደተኞች ላይ ከሚወስዷቸው እርምጃዎች ውስጥ ቀዳሚው ጉዳይ ነው። ከዚህ ቀደም አውጥተውት የነበረው እና ከአንድ አሜሪካዊ ወይም ሕጋዊ ነዋሪ ለተወለዱ ልጆች ብቻ ዜግነትን የሚሰጠው ትዕዛዝ፣ የሀገሪቱን ሕገ መንግስት 14ኛ ማሻሻያ የሚጥስ ነው በሚል በአሜሪካ ጠቅላይ ፍርድ ቤት በ6 ለ 3 ድምጽ ውድቅ መደረጉ ይታወሳል።

አዲሱ እና በተወሰኑ ጉዳዮች ላይ ብቻ ያተኮረው የነሐሴ 6ቱ አስፈጻሚ ትዕዛዝ፣ እናቶች ልጆቻቸው ዜግነት እንዲያገኙ በማሰብ ብቻ ወደ አሜሪካ የሚያደርጉትን ጉዞ ወይም የልደት ቱሪዝምን ለመግታት ያለመ ነው። በዚህ መመሪያ መሠረት በአሜሪካ ውስጥ ለውጭ መንግሥት የሚሰሩ፣ ዜግነትን ለማግኘት በማጭበርበር ወይም በንግድ ልውውጥ የተሳተፉ፣ እንዲሁም ጠላት ተብለው የተፈረጁ ወላጆች ልጆች ዜግነት እንዳያገኙ ይከለከላሉ። ሕጉ ተግባራዊ ከተደረገ፣ ወላጆች ወይም ሕጋዊ አሳዳጊዎች የልጆቻቸውን የፓስፖርት ማመልከቻ ሲያስገቡ እንደ አሜሪካ ፓስፖርት፣ የልደት የምስክር ወረቀት፣ የኢሚግሬሽን ቅጽ ወይም የሕጋዊ ነዋሪነት ፈቃድ የመሳሰሉ ማስረጃዎችን ማቅረብ ይጠበቅባቸዋል። መረጃው ልጁ በአዲሱ ሕግ መሠረት ዜግነት ለማግኘት ብቁ መሆኑን ለመወሰን በመንግሥት ጥቅም ላይ ይውላል። በአሁኑ አሰራር ግን በአሜሪካ ለተወለዱ ልጆች ፓስፖርት ለማውጣት ወላጆች የወላጅነት ማረጋገጫ እና ፎቶግራፍ ያለበት መታወቂያ ማቅረብ ብቻ በቂ ሲሆን፣ ዜግነትን የሚያረጋግጥ ሰነድ ማቅረብ አይገደዱም።

ይህ በእንዲህ እንዳለ ዜግነታቸውን ሊያጡ በሚችሉ ሕጻናት ስም የክስ ሂደት የጀመሩ ጠበቆች፣ ይህ የትራምፕ አዲስ ትዕዛዝ ተግባራዊ እንዳይሆን ሁለት የተለያዩ የፌደራል ዳኞችን ጠይቀዋል። ከእነዚህ ክሶች አንዱ በዲሞክራቱ ፕሬዚዳንት ጆ ባይደን በተሾሙት የዲስትሪክት ዳኛ ዲቦራ ቦርድማን እየታየ ይገኛል። ዳኛዋ ዓርብ ዕለት በሜሪላንድ ግዛት በነበረው ችሎት በፕሬዚዳንቱ ትዕዛዝ ላይ ጥርጣሬያቸውን የገለጹ ሲሆን፣ ከሳሾች ክሳቸውን እንዲያሻሽሉ እና ሕጉን ስለማገድ ውሳኔ ለመስጠት ጊዜ ሰጥተዋል። በሌላ በኩል የፍትህ ሚኒስቴር ጠበቆች የፌደራል ኤጀንሲዎች ትዕዛዙን እንዴት እንደሚተገብሩ ይፋዊ መመሪያ እስካላወጡ ድረስ ክሱ ያለጊዜው የቀረበ በመሆኑ ሕጉን ማገዱ ተገቢ አይደለም ሲሉ ተከራክረዋል።

የኢትዮጵያ የስደተኞችና ተመላሾች አገልግሎት በራስ አቅም የተቀናጀ ተቋማዊ የለውጥ እርምጃም ተትቶ የቆየውን የሥራ ቦታ ወደ ማራኪ የሥራ ከባቢነት ለመቀየር አስችሎታል።

የምክትል ጠቅላይ ሚኒስትር ተመስገን ጥሩነህ መልዕክት

የስደተኞችና ከስደት ተመላሾች አገልግሎት በራስ ዐቅም ያከናወናቸው ተግባራት ኢትዮጵያ አሳታፊና አካታች ልማትን እያረጋገጠች ያለች ሀገር መሆኗን የሚያሳዩ ናቸው።

ዛሬ የስደተኞችና ከስደት ተመላሾች አገልግሎት በራስ ዐቅም ያከናወነውን ውጤታማ ተቋማዊ ሪፎርም በአገልግሎቱ ዋና መሥሪያ ቤት ቅጥር ግቢ ተገኝተን ተመልክተናል። ይህ ሪፎርም የሥራ ቦታን ከማሻሻል ባለፈ፣ የሥራ ባህልን፣ የአገልግሎት ጥራትንና ተቋማዊ ዐቅምን የሚያጎለብት ለውጥ ነው።

የአገልግሎቱ አመራሮች፣ ሠራተኞችና ስደተኞች በመቀናጀት በዋና መሥሪያ ቤቱ፣ በ8 ክልሎች በሚገኙ ቅርንጫፍ ጽሕፈት ቤቶችና በ25 መጠለያ ጣቢያዎች ያከናወኑት ሥራ፣ በራስ ዐቅም ተቋማዊ ለውጥ ማምጣት እንደሚቻል ያሳየ ጥሩ ተሞክሮ ነው።

በተለይም የመደመር መንግሥት የግብርና እመርታ ማሳያ የሆነውን የሌማት ትሩፋትን በመጠቀም በአትክልትና ፍራፍሬ፣ በዶሮና እንስሳት እርባታ፣ በንብ ማነብና በተለያዩ የዕጽዋት ልማት ዘርፎች የተጀመሩ ሥራዎች፣ ተቋማዊ ሪፎርም የሚለካው በተሻለ የሥራ አካባቢ ብቻ ሳይሆን በሚፈጥረው ምርታማነትና ውጤት ጭምር መሆኑን ያሳያሉ።

ኢትዮጵያ ከ1 ነጥብ 1 ሚሊዮን በላይ ዓለም አቀፍ ስደተኞችን በመቀበል፣ መብትና ክብራቸውን በማስጠበቅ ከተቀባዩ ማኅበረሰብ ጋር በማስተሣሠር በልማት ዕድሎች ተጠቃሚ እያደረገች ነው። ስደተኞቹ የዲጂታል መታወቂያ ተጠቃሚ መሆናቸውም ማኅበራዊና ኢኮኖሚያዊ ተሳትፏቸውን እያሳደገ ይገኛል።

በራስ ዐቅም የሚመጣ ለውጥ የተቋምን ዐቅም ያጎለብታል፤ ይህ ደግሞ የሀገርን ዐቅም ይገነባል። በስደተኞችና ተመላሾች አገልግሎት ያየነው ስኬታማ ጉዞ ተጠናክሮ መቀጠል አለበት።

(ዘ-ሐበሻ ዜና) የትራምፕ አስተዳደር ባለፉት 10 ቀናት ውስጥ ብቻ ከአፍጋኒስታን፣ ኩባ፣ ኒካራጓ እና ሌሎችም ሀገራት የመጡ ከ100 በላይ ስደተኞችን ምንም ዓይነት ትስስር ወደሌላቸው ስምንት የአፍሪካ ሀገራት ማባረሩን ሲቢኤስ ኒውስ አጋለጠ።

የመንግስት የውስጥ ሰነዶችን ዋቢ አድርጎ የወጣው ዘገባ እንደሚያመለክተው፣ ስደተኞቹ በሶስት ዙር በረራዎች ወደ ቡሩንዲ፣ ካሜሩን፣ መካከለኛው አፍሪካ ሪፐብሊክ፣ ኢኳቶሪያል ጊኒ፣ ኤስዋቲኒ፣ ላይቤሪያ፣ ሩዋንዳ እና ሴራሊዮን ተልከዋል። ተባራሪዎቹ ከእነዚህ ሀገራት ጋር ምንም አይነት የዜግነትም ሆነ ሌላ ትስስር የሌላቸው ሲሆኑ፣ እርምጃው አስተዳደሩ ስደተኞችን ወደ "ሶስተኛ ሀገር" ለመላክ የጀመረው ስምምነት አካል ነው።

ይሁን እንጂ ስደተኞቹ ከተላኩባቸው ሀገራት መካከል እንደ መካከለኛው አፍሪካ ሪፐብሊክ ያሉት በእርስ በርስ ግጭት የሚታመሱ እና የአሜሪካ የውጭ ጉዳይ ሚኒስቴር ዜጎቹ ፈጽሞ እንዳይጓዙባቸው ከፍተኛ ማስጠንቀቂያ (Level 4) የሰጠባቸው አደገኛ አካባቢዎች መሆናቸው አነጋጋሪ ሆኗል።

የአሜሪካ የሀገር ውስጥ ደህንነት መስሪያ ቤት (DHS) በጉዳዩ ላይ በሰጠው ምላሽ፣ "ሕገ-ወጥ ስደተኞች ወደ ትውልድ ሀገራቸው ለመመለስ ፈቃደኛ ካልሆኑ፣ በሕጉ መሠረት ሌላ ደህንነቷ የተጠበቀ ሀገር መፈለግ ግዴታችን ነው። ነገር ግን ወደ ሀገራቸው ለመመለስ ከመረጡ ነፃ የበረራ ትኬት እና የ3,000 ዶላር ቼክ እንሰጣቸዋለን፤ ምርጫው የራሳቸው ነው" ብሏል። አብዛኞቹ ተባራሪዎች ሕጋዊ ሰነድ ሳይኖራቸው ወደ አሜሪካ ከመግባታቸው ውጭ ምንም ዓይነት የወንጀል ሪከርድ የሌላቸው መሆናቸው በሰነዱ ተጠቅሷል።

🚨 አሜሪካ ስደተኞችን ለመቆጣጠር ድንበሯን በሮቦት ውሾች እና በኤሌክትሪክ ጓንት ልታስጠብቅ ነው! #ethiopia #usimmigration #robotdog #technews #newsupdate

(ዘ-ሐበሻ ዜና) በኢትዮጵያ እና ሱዳን ድንበር አካባቢ ያለው የፖለቲካ እና ወታደራዊ ውጥረት አደገኛ ደረጃ ላይ ደርሷል። የኢትዮጵያ መንግሥት የሱዳን ፈጥኖ ደራሽ ኃይል ከግዛቴ እየተነሳ ጥቃት ይፈጽማል የሚለውን የሱዳን ጦር ውንጀላ ቢያስተባብልም፣ ገለልተኛ የሳተላይት መረጃዎች ግን በአሶሳ በሚገኝ የኢትዮጵያ መከላከያ ሠራዊት ጦር ሰፈር ውስጥ ከፍተኛ የጦር መሣሪያ እና የሎጂስቲክስ ክምችት መኖሩን በማጋለጥ የመንግሥትን ኦፊሴላዊ ትርክት ጥያቄ ውስጥ ከትተውታል።

የጠቅላይ ሚኒስትር ዐቢይ አህመድ የምሥራቅ አፍሪካ ጉዳዮች አማካሪ አቶ ጌታቸው ረዳ ለአልጀዚራ በሰጡት መግለጫ፣ የሱዳን ጦር ሠራዊት በምዕራብ ኢትዮጵያ በሚገኙ የድንበር መንደሮች ላይ በከባድ መሳሪያ ጥቃት እየፈጸመ መሆኑን ከሰዋል። አክለውም የሱዳን ወታደራዊ መንግሥት የኢትዮጵያን ተቃዋሚዎች ይረዳል በማለት የወነጀሉ ሲሆን፣ በምላሹ የሱዳን ፈጥኖ ደራሽ ኃይል የኢትዮጵያን መሬት ተጠቅሞ ጥቃት ይፈጽማል የሚለውን ውንጀላ "ኢትዮጵያ የሱዳንን ሉዓላዊነት እና የግዛት አንድነት ታከብራለች" በማለት በጥብቅ አስተባብለዋል።

የአቶ ጌታቸው ማስተባበያ በተሰማበት በዚህ ወቅት፣ የዬል ዩኒቨርሲቲ የህዝብ ጤና ትምህርት ቤት የሰብዓዊ ምርምር ላብራቶሪ ያወጣው ሪፖርት ግን ከመንግሥት ቃል ጋር የሚላተም እውነታን አሳይቷል። ከነሐሴ 17 እስከ ነሐሴ 22 ቀን 2018 ዓ.ም ባሉት አምስት ቀናት ውስጥ ብቻ በተወሰዱ የሳተላይት ምስሎች፣ በአሶሳ በሚገኘው የኢትዮጵያ መከላከያ ሠራዊት ካምፕ ውስጥ ከፍተኛ የጦር ተሽከርካሪዎች እና የሎጂስቲክስ ክምችት መኖሩ ተረጋግጧል።

በዚህ አጭር ጊዜ ውስጥ ከ100 በላይ ቀላል የጦር ተሽከርካሪዎች (ካለፈው ጊዜ በ6 እጥፍ የጨመረ)፣ 15 የታጠቁ የጦር መኪኖች እና ከባድ መሳሪያ የተጠመደባቸው ተሽከርካሪዎች በካምፑ ውስጥ ተሰማርተዋል። ተመራማሪዎቹ ይህ አዲስ የጦር ስብስብ ከ750 እስከ 1000 የሚደርሱ ታጣቂዎችን ማጓጓዝ የሚችል መሆኑን የገመገሙ ሲሆን፣ የካምፑ የሎጂስቲክስ አቅምም (የእቃ መጫኛ ኮንቴይነሮች እና ግዙፍ የተሽከርካሪ ማቆሚያዎች ግንባታ) በከፍተኛ ፍጥነት እያደገ መምጣቱን አጋልጠዋል። ይህ ግኝት፣ የሱዳን ጦር "RSF በአሶሳ አየር ማረፊያ በኩል የሎጂስቲክስ አቅርቦት እያገኘ ነው" ሲል ሲያቀርበው የነበረውን ክስ የሚያጠናክርና የኢትዮጵያን የ"ጣልቃ አልገባሁም" ፖሊሲ የሚያፈርስ ነው።

በአሶሳው የጦር ሰፈር የታየው ይህ አጠራጣሪ ወታደራዊ ክምችት፣ ፈጥኖ ደራሽ ኃይሉ ከኢትዮጵያ ድንበር ጋር በምትዋሰነው የሱዳን ብሉናይል ግዛት መዲና በሆነችው ኤድ-ደማዚን ከተማ ላይ መጠነ ሰፊ ጥቃት ሊከፍት እንደሚችል ጉልህ ማሳያ መሆኑን ታዛቢዎች አስጠንቅቀዋል። ይህ ጥቃት ከተፈጸመ ከፍተኛ የሰብዓዊ ቀውስ ሊያስከትል እና ስደተኞች ወደ ኢትዮጵያ ድንበር ሊጎርፉ ይችላሉ ተብሎ ተሰግቷል።

በአሁኑ ወቅት RSF ጆሴፍ ቱካ ከሚመራው የሱዳን ህዝቦች ነጻ አውጪ ንቅናቄ-ሰሜን አንጃ ጋር በመቀናጀት በብሉናይል ክልል የሱዳንን ጦር እየተዋጋ ይገኛል። አጋር ኃይሎቹ ባኮሪ እና ሱርኩም የተባሉ የሱዳን ጦር ሰፈሮችን እንዲሁም የኩርሙክ እና ጌይሳን የድንበር ከተሞችን መቆጣጠራቸውን አሳውቀዋል። በሌላ በኩል፣ የሱዳን ጦር (SAF) ወደ አካባቢው በርካታ ኃይል እያንቀሳቀሰ መሆኑ የተዘገበ ሲሆን፣ በታሪካዊቷ ፋዙግሊ ከተማ የተሰነዘረበትን ጥቃት መመከቱን እና ሜጀር ጄኔራል ኢስማኤል ኤል ታዬብ ግንባር ድረስ በመሄድ የሠራዊቱን ዝግጁነት መገምገማቸውን አስታውቋል።

የኢትዮጵያ መንግሥት በአንድ በኩል ሉዓላዊነትን አከብራለሁ እያለ፣ በሌላ በኩል ደግሞ ድንበር አካባቢ ፈጥኖ ደራሽ ኃይሉን ሊደግፍ ይችላል ተብሎ የሚገመት ግዙፍ ወታደራዊ ክምችት መፍቀዱ፤ አዲስ አበባ በሱዳን የእርስ በእርስ ጦርነት ውስጥ እያራመደች ያለውን አደገኛ የተኪ ጦርነት ፖሊሲ በግልጽ ያሳያል። ይህ እርስ በእርሱ የሚጋጭ ድርጊት ቀጠናውን ይበልጥ ወደ ለየለት የጦርነት ቀውስ ውስጥ ሊከተው እንደሚችል ትንታኔዎች ይጠቁማሉ።

32 ኤርትራውያንና 3 የሰዎች አዘዋዋሪዎች በአርባምንጭ ተያዙ።

በሕገወጥ መንገድ ሲዘዋወሩ የነበሩ 32 የኤርትራ ዜጎች ሁለት ተቀባይና አንድ አሽከርካሪ ከነ ተሽከርካሪው በቁጥጥር ስር ማዋላቸውን የአርባምንጭ ከተማ ፖሊስ አዛዥ ኮማንደር ክበበው አዳል ለቲክቫህ ኢትዮጵያ አሳውቀዋል።

‎ኤርትራዊያኑ መነሻቸውን ከመሃል ሀገር በማድረግ በአርባምንጭ ኮንሶ ጂንካ በኩል ወደ ኬንያ ለመሸጋገር ሲንቀሳቀሱ እንደነበር የገለጹት ኮማንደር ክበበው፣ ከሕብረተሰቡ በደረሰ ጥቆማና በፀጥታ መዋቅሩ ቅንጅታዊ ክትትል በሲቀላ ክ/ከተማ ነጭ ሳር ቀበሌ ሲያትል አልጋ ቤት ግራውንድ ስር ባለ አዳራሽ ፍራሾችን በመጣል ከተሸሸጉበት መያዛቸውን ተናግረዋል።
‎
በአጠቃላይ ‎11 ወንዶች፣ 14 ሴቶች እና 7 ህጻናት በድምሩ 32 ኤርትራውያን ናቸው የተያዙት።

በተጨማሪ ሁለት አዘዋዋሪዎች እንዲሁም ስደተኞችን ወደ አርባ ምንጭ ያመጣ የሰሌዳ ቁጥር " ኮድ 3-23042 አአ " ሀይሩፍ መኪናና አሽከርካሪውን በቁጥጥር ስር ማዋላቸውን አዛዡ አስታውቀዋል።
‎
‎በተዘዋዋሪዎቹ ዙሪያ ምርመራ እየተካሄደ መሆኑንና ስደተኞቹን ለክልሉ ፖሊስ አሳልፎ የመስጠት ሂደት እንደሚከናወን ለቲክቫህ ኢትዮጵያ ገልጸዋል።

Seledadotio
Seledadotio

(ዘ-ሐበሻ ዜና) በእስራኤል ውስጥ ከ15 ዓመታት በላይ የኖሩ እና ቤተሰብ የመሰረቱ ኢትዮጵያውያን ስደተኞች የእስራኤል መንግሥት የጥበቃ መብታቸውን ማንሳቱን ተከትሎ አዲስ የህግ እና የህልውና ፈተና ውስጥ መውደቃቸው ተገለጸ። በቅርቡ ይግባኝ ሰሚው ፍርድ ቤት ያሳለፈውን የመባረር ውሳኔ ለመቀልበስ፣ 'ሃያስ' የተሰኘው ታሪካዊ የአይሁድ የሰብዓዊ መብት ተቋም መንግሥትን ፍርድ ቤት መክሰሱ ታውቋል።

እንድልካቸው የማነ ተስማ በ2005 ዓ.ም ኢትዮጵያን ለቆ ሲወጣ ወደ እስራኤል በሚያደርገው አደገኛ ጉዞ ምን እንደሚገጥመው አላወቀም ነበር። በሱዳን፣ በሊቢያ፣ ዳግም በሱዳን እና በግብጽ የሲና በረሃ አቋርጦ በ2008 እስራኤል ከገባ በኋላ፣ ኢየሩሳሌም ውስጥ ሰፍሮ ትዳር መስርቷል። ዛሬ ላይ ስድስት ልጆች ያሉት ሲሆን፣ ልጆቹ ያደጉት በእስራኤል ትምህርት ቤቶች፣ የአፍ መፍቻ ቋንቋቸውም ዕብራይስጥ ሆኖ ነው። ይሁን እንጂ የዜግነት መብት ስለሌላቸው "ለምን እኛ እንደሌሎች እስራኤላውያን ዜጎች ወታደራዊ አገልግሎት አንሰጥም?" የሚለው የልጆቹ ጥያቄ ሁሌም እንደሚረብሸው አባታቸው እንድልካቸው ይገልጻል።

እንደ ዓለም አቀፉ የስደተኞች ኮሚሽን መረጃ የእስራኤል የጥገኝነት ጥያቄ ተቀባይነት ምጣኔ እጅግ አነስተኛ እና 0.1 በመቶ ገደማ (በዓመት አምስት ሰዎችን ብቻ የሚቀበል) ነው። በአንጻሩ በአውሮፓ ህብረት በ2025 ከቀረቡት የጥገኝነት ጥያቄዎች ውስጥ 39 በመቶዎቹ ተቀባይነት አግኝተዋል። በአሁኑ ወቅት 1,334 የሚሆኑ ኢትዮጵያውያን የጥገኝነት ጥያቄያቸው ውሳኔ እየጠበቀ የሚገኝ ሲሆን፣ አብዛኛዎቹ የ2(a)5 ቪዛ (የስራ ፍቃድ የሌለው የመኖሪያ ፍቃድ) ይዘው የሚኖሩ ናቸው።

እስራኤል በህዳር 2021 በኢትዮጵያ መንግሥት እና በህወሓት መካከል የተቀሰቀሰውን ጦርነት ተከትሎ ለኢትዮጵያውያን ስደተኞች ጊዜያዊ የቡድን ጥበቃ ሰጥታ ነበር። ሆኖም በጥር 2024 የወቅቱ የአገር ውስጥ ጉዳይ ሚኒስትር ሞሼ አርቤል፣ በኢትዮጵያ ያለው የጸጥታ ሁኔታ ተሻሽሏል በሚል ይህንን ጥበቃ አንስተዋል። በታህሳስ 2025 ከፍተኛው ፍርድ ቤት የፍትህ ሚኒስቴርን ውሳኔ በማጽደቅ፣ ስደተኞቹ በ4 ወራት ውስጥ አገሪቱን ለቀው እንዲወጡ ወስኗል።

ይህንን ውሳኔ በመቃወም በ1881 በሩሲያ ኢምፓየር ስደት ለገጠማቸው አይሁዶች እርዳታ ለመስጠት የተቋቋመው 'ሃያስ' የተሰኘው ድርጅት፣ አሁን ላይ ፊቱን ወደ አፍሪካውያን ስደተኞች በማዞር የእስራኤልን መንግሥት ለፍርድ ቤት አቅርቧል። ድርጅቱ በመስከረም 22 በቴል አቪቭ አውራጃ ፍርድ ቤት በሚሰማው ችሎት፣ መንግሥት ስደተኞችን ወደ አደገኛ ቀጠና እንዳይመልስ የሚከለክለውን የዓለም አቀፍ ህግ እየጣሰ ነው በሚል ይከራከራል።

የእስራኤል የህዝብ ብዛት እና የኢሚግሬሽን ፖሊሲ በበኩሉ፣ በኢትዮጵያ አንዳንድ አካባቢዎች ግጭት ቢኖርም፣ ስደተኞቹ አዲስ አበባ ሄደው መኖር ይችላሉ የሚል አቋም ይዟል። ነገር ግን ስደተኞቹ፣ አገሪቱ ውስጥ ያለው የፖለቲካ እና የጸጥታ አውድ ከአንድ ቦታ ወደ ሌላ ቦታ በነጻነት ለመንቀሳቀስ የሚያስችል እንዳልሆነ ይሞግታሉ።

በእስራኤል የሚገኙ ኢትዮጵያውያን ስደተኞች፣ በተለይም የጥቅምት 7ቱን የሃማስ ጥቃት ተከትሎ፣ ለተጎዱ ቤተሰቦች የምግብ እርዳታ በማቅረብ እና በእርሻ ስራዎች ላይ በነጻ በማገልገል አጋርነታቸውን ቢያሳዩም፣ ከሶስት ወራት በኋላ የመባረር ውሳኔ መተላለፉ በእጅጉ እንዳሳዘናቸው ይገልጻሉ። አንዳንዶች ይህ የመባረር ጫና፣ ጥቅምት 27 ከተያዘው ሀገራዊ ምርጫ ጋር ተያይዞ ቀኝ-ዘመም ፖለቲከኞች የህዝብ ድጋፍ ለማግኘት የሚጠቀሙበት የፖለቲካ ካርድ ነው ብለው ያምናሉ።

ምንም እንኳን የፍርድ ቤት ውሳኔዎችን እና የመባረር ዛቻዎችን በየዕለቱ ቢጋፈጡም፣ አብዛኛዎቹ ኢትዮጵያውያን ስደተኞች ከእስራኤል ውጪ ሌላ መሄጃ እንደሌላቸው እና ዕጣ ፈንታቸው በፍርድ ቤት የመጨረሻ ውሳኔ ላይ የተንጠለጠለ መሆኑን የ'ሃያስ' ድርጅት ተወካዮች ያስገነዝባሉ።

ኢትዮጵያ ለመጀመሪያዎቹ ሙስሊሞች ፍትህን በመስጠቷ በወርቅ ቀለም የተጻፈው ታሪኳ ዛሬም በመውሊድ በዓል አከባበር ደምቆ ይታያል
********************

የነቢዩ ሙሐመድ (ሰዐወ) የልደት በዓል (መውሊድ) መንፈሳዊ ምጥቀቱ እንደተጠበቀ ሆኖ ኢትዮጵያውያን ለዘመናት በጋራ የኖርንበትን የይቅርታ፣ የአብሮነትና የሰላም እሴት ለዓለም አቀፉ ማህበረሰብ በተግባር የምናሳይበት ታላቅ መድረክ ነው። ቂምን በይቅርታ በማበስ ሰላምን ማስፈን የበዓሉ መንፈሳዊ ምሶሶ ነው።

“የነቢዩ ሙሐመድ (ሰዐወ) ታሪክ ትውልድን በበጎ ከሚቀርጹ ታሪኮች መካከል አንዱ ነው” የሚሉት ጠቅላይ ሚኒስትር ዐቢይ አሕመድ (ዶ/ር)፣ የነቢዩን ሕይወትና ገድል መሠረት በማድረግ ትውልድን በበጎ እሴቶች ማነጽ እንደሚያስፈልግ ይመክራሉ።

እነዚህ እሴቶች በኢትዮጵያ ምድር በተጨባጭ ካለው የማኅበረሰብ አብሮነት ጋር በጥልቀት የተሳሰሩ በመሆናቸው፣ በየመንደሩ የሚዘረጋው የመውሊድ ማዕድ ከህፃናት እስከ አረጋውያን፣ ከችግረኞች እስከ እንግዶች ሁሉም እኩል የሚቋደሱት የጋራ ደስታ መገለጫ ነው።

አቅም ለሌላቸው አጋርነትን ለማሳየት ጭምር የሚከናወነው ይህ ሰናይ ተግባር፣ የማኅበረሰብን የጋራ ደህንነትና ሥነልቦናዊ አንድነት ያጠናክራል።

ኢትዮጵያ ለመጀመሪያዎቹ ሙስሊም ስደተኞች የደህንነት ከለላ እና ፍትህን በመስጠቷ በወርቅ ቀለም የተጻፈው ታሪኳ ዛሬም በመውሊድ በዓል አከባበር ደምቆ ይታያል።

ለልዩነቶች እውቅና በመስጠት በአንድነት አብሮ የመኖር ጥበባችን ኢትዮጵያን በዓለም አቀፍ ደረጃ የተለያዩ ባህሎች፣ ሃይማኖቶችና ማንነቶች የመቻቻል ማዕከል አድርጓታል።

መውሊድ የነቢዩ ሙሐመድን (ሰዐወ) ድንቅ የሰላም፣ የይቅርታ እና የፍቅር አስተምህሮ በመዘከር በበጎ ታሪክ ትውልድን የምንቀርጽበት፣ ማዕድ በመጋራት ፍቅርን የምንዘራበት እንዲሁም ሀገራዊ ሰላም እና አንድነታችንን የምናጠናክርበት ታላቅ በዓል ነው።

በነቢዩ ሙሐመድ (ሰዐወ) አስተምህሮ የሚሰበከው የሰላም፣ የይቅርታ እና የፍቅር እሴት ከኢትዮጵያውያን የቆየ የመቻቻል ባህል ጋር ተዋህዶ ለቀጣናው እና ለመላው አፍሪካ ተምሳሌት ሆኖ ይቀጥላል።

መልካም የመውሊድ በዓል!

በሐና ምንዳሁን
#ethiopia #mawlid #prophetmuhammad #ebc

(ዘ-ሐበሻ ዜና) ዘለንስኪ ‹‹በአሁኑ ወቅት ምርጫ ማካሄድ ዩክሬይንን ይከፋፍላታል›› አሉ፡፡ ፕሬዝደንት ቮሎዶሚር ዘለንስኪ ዛሬ ባደረጉት ንግግር ዩክሬይን ከሩሲያ ጋር ጦርነት ውስጥ ባለችበት ወቅት ምርጫ ማካሄዷ እጅግ አደገኛ እንደሚሆን አስታወቁ፡፡ ከሩሲያ ጋር ይህ ጦርነት ከተጀመረበት እ.ኤ.አ 2022 አንስቶ በዩክሬይን አስቸኳይ ጊዜ አዋጅ በመጣሉ ብሄራዊ ምርጫ አለመካሄዱ ይታወቃል፡፡ ይሁንና በዚህ ሳምንት ውስጥ በፕሬዝደንት ዘለንስኪ የተባረሩት የቀድሞው መከላከያ ሚኒስትር አገሪቱ በጦርነት ውስጥም ብትሆን ምርጫ ማድረግ እንዳለባት የሚገልፅ ጥሪ አቅርበዋል፡፡

ፕሬዝደንቱ ለዚህ ጥሪ ዛሬ ባደረጉት ንግግር መልስ የሰጡ ሲሆን ሲናገሩም ‹‹እንዲህ ባለ ጦርነት ውስጥ ምርጫ ማካሄድ ትልቅ አደጋ አለው ብዬ አስባለሁ፡፡ በዚህ ወቅት ምርጫ ማድረግ ዩክሬይንን ሊከፋፍል የሚችል ትልቅ ማእበል ይፈጥራል›› በማለት ገልፀዋል፡፡ ጨምረውም ‹‹አገሪቱን ማጥፋት ከፈለግን በዚህ የጦርነት ወቅት ወደምርጫ መሄድ እንችላለን›› በማለት የተናገሩት የ48 አመቱ መሪ ምርጫው ቢካሄድ በርካታ እንቅፋቶች እንደሚያጋጥሙ አስታውቀዋል፡፡

ከእነዚህ መካከልም በሚሊዮን የሚቆጠሩ ዩክሬናዊያን ስደተኞች፣ በወረራ በተያዙ ግዛቶች ውስጥ ያሉ ዜጎችና ወታደሮች እንዴት መምረጥ እንዳለባቸው የማይታወቅ መሆኑን ጠቅሰው ከሩሲያ የሚከፈተው የተዛባ መረጃም ትልቅ ችግር ሊፈጥር እንደሚችል አስረድተዋል፡፡ ፕሬዝደንት ዘለንስኪ ይህንን ንግግር ያደረጉት በነገው እለት የሚከበረውን የአገሪቱን የነፃነት ቀን በማስመልከት በሰጡት አጭር መግለጫ ላይ ነው፡፡

(ዘ-ሐበሻ ዜና) በአሜሪካ የኒው ዮርክ (ማንሃተን) የፌደራል አውራጃ ፍርድ ቤት ዳኛ ጃኔት ቫርጋስ፣ የውጭ ጉዳይ ሚኒስትሩ ማርኮ ሩቢዮ ከ75 ሀገራት የሚመጡ ስደተኞች ላይ ጥለውት የነበረውን የኢሚግሬሽን ቪዛ እገዳ ሕገ-ወጥ ነው ሲሉ ውድቅ አደረጉት። ፍርድ ቤቱ በሰጠው ውሳኔ፣ ሚኒስትሩ አመልካቾችን በዜግነታቸው ብቻ በመለየት የቪዛ ሂደታቸውን እንዲቋረጥ ያደረጉበት አሰራር ከተሰጣቸው የሕግ ሥልጣን በላይ መሆኑን አመልክቷል።

ይህ የተሻረው የቪዛ እገዳ ከጥር ወር ጀምሮ ተግባራዊ ሆኖ የቆየ ሲሆን፤ ኢትዮጵያን፣ ናይጄሪያን፣ ጃማይካን፣ ሄይቲን፣ ሶማሊያን፣ ብራዚልን፣ ኮሎምቢያን፣ ኡራጋይን፣ አልባኒያን፣ ፓኪስታንን፣ ባንግላዴሽን እና በርካታ የአፍሪካ እንዲሁም የካሪቢያን ሀገራትን ያካተተ ነበር። የትራምፕ አስተዳደር እና የውጭ ጉዳይ መሥሪያ ቤት ለዚህ እገዳ በምክንያትነት ያቀረቡት፣ ከእነዚህ ሀገራት የሚመጡ ስደተኞች ወደ አሜሪካ ከገቡ በኋላ በሕዝብ ድጎማ እና በመንግሥት ረዳትነት ላይ ጥገኛ ሊሆኑ ይችላሉ የሚል ስጋትን ነበር።

ይሁን እንጂ በካቶሊክ የሕግ ኢሚግሬሽን ኔትወርክ ፣ አፍሪካን ኮሚኒቲስ ቱጌዘር እና በእገዳው በተጎዱ የአሜሪካ ዜጎች ስፖንሰሮች አማካኝነት የቀረበውን ክስ የተመለከቱት ዳኛ ጃኔት ቫርጋስ፣ ውሳኔውን "ግልጽ የሕግ ጥሰት" ሲሉ ገልጸውታል። ዳኛዋ በውሳኔያቸው ላይ እንደገለጹት፣ የፌደራል የኢሚግሬሽን ሕጉ የቆንስላ ኃላፊዎች የአመልካቾችን ቪዛ በዜግነታቸው ምክንያት ብቻ በጅምላ እንዲያግዱ ለውጭ ጉዳይ ሚኒስትሩ ፈቃድ እንደማይሰጥ እና ይህ የጅምላ እገዳ በኮንግረስ ከተቀረጸው የኢሚግሬሽን ሥርዓት ጋር በቀጥታ እንደሚጋጭ አስረድተዋል።

የቀድሞው ፕሬዝዳንት ዶናልድ ትራምፕ አስተዳደር በበኩሉ፣ የተዘረጋው ጥብቅ የኢሚግሬሽን ፖሊሲ ለሀገር ውስጥ ደህንነት እና ኢኮኖሚ አስፈላጊ መሆኑን በመግለጽ ይሟገታል። ይሁን እንጂ የሰብአዊ መብት ተሟጋቾች እና የሕግ ባለሙያዎች የአስተዳደሩን ፖሊሲዎች የሕግ አግባብነት፣ የዜጎችን የመደመጥ መብት እና በዘር ላይ የተመሰረተ መድልዎን በተመለከተ በፍርድ ቤት መሞገታቸውን ቀጥለዋል። የውጭ ጉዳይ መሥሪያ ቤቱ ፍርድ ቤቱ ባሳለፈው በዚህ የቪዛ እገዳ መሻር ውሳኔ ዙሪያ እስካሁን ይፋዊ ምላሽ አልሰጠም።