“የባሕር በር ጉዳይ ብሔራዊ አጀንዳችን ነው” - የምክር ቤት አባላት
*******************

የባሕር በር ጉዳይ የግለሰብ ወይም የፓርቲ አጀንዳ ሳይሆን የሁሉም ኢትዮጵያዊ ዜጋ ሀገራዊ አጀንዳ መሆኑን የሕዝብ ተወካዮች ምክር ቤት አባላት ገለጹ።

ጉዳዩ የኢትዮጵያን ብሔራዊ ጥቅም ከማስጠበቅ እንዲሁም የሀገራችንን ልማትና ሥልጣኔ ከማስቀጠል ጋር በቀጥታ የተያያዘ መሠረታዊ ጉዳይ መሆኑንም አስገንዝበዋል።

በሰጥቶ መቀበል መርህ በሰላማዊ መንገድ የባሕር በር ለማግኘት እየተሠራ መሆኑን ጠቁመው፣ ይህ ብሔራዊ አጀንዳ እንዲሳካ ኢትዮጵያውያን ሁላችንም በአንድነት መቆም አለብን ብለዋል።

ብሔራዊ ጥቅምን ማስቀደም፣ አንድነትን ማጠናከርና በሀገራዊ ጉዳዮች ላይ በጋራ መቆም ወቅቱ የሚጠይቀው ዋነኛ ሀገራዊ ኃላፊነት መሆኑንም አባላቱ ገልጸዋል።

የፖለቲካ ፉክክርና አብሮ መሥራት ሚዛኑን ጠብቆ ለሀገር ጥቅም እንዲውል ቅድሚያ መስጠት እንደሚገባም ጠቁመዋል።

“ሁላችንም ሀገራችንን ማስቀደም መቻል አለብን” ያሉት አባላቱ፣ የተጀመረው አዲስ የፖለቲካ ባህል ተጠናክሮ መቀጠል እንዳለበትና አብሮ መሥራት እንደሚገባ አመላክተዋል።

በሀገራዊ ጉዳይ ላይ ልዩነት ካለም በግጭት ሳይሆን በምክክር መፍታት እንደሚገባ የገለጹት አባላቱ፣ የሕዝብን ሰላም ማረጋገጥ ለሀገር ልማትና ዕድገት መሠረት መሆኑን አክለዋል።

በተጨማሪም መሶብ የአንድ ማዕከል አገልግሎትን ጨምሮ የዲጂታላይዜሽን ሪፎርሞች አገልግሎት አሰጣጥን ከማሳለጥ ባለፈ ብልሹ አሠራርና ሌብነትን ለመቀነስ የሚያግዙ መሆናቸውን ተናግረዋል።

የተጠያቂነት ሥርዓትን ማስፈን፣ መንግሥታዊ አገልግሎትን ከብልሹ አሠራር ማጽዳትና መልካም አስተዳደርን በአስተሳሰብ እና በተግባር ጭምር ማስረጽ እንደሚገባም ጠቁመዋል።

ሀገራዊ አንድነት፣ ሰላም፣ ምርታማነትና ብሔራዊ ጥቅምን ማስጠበቅ በጋራ መሥራትን የሚጠይቁ ዋነኛ ሀገራዊ አጀንዳዎች መሆናቸውን በማንሳት፣ የባሕር በር አጀንዳም በዚሁ አግባብ በትብብር ሊሠራበት የሚገባ የሁሉም ዜጎች የጋራ አጀንዳ መሆኑን ገልጸዋል።

በኢንቲሃድ አብራር
#ethiopia #seaaccess #nationalinterest #nationalunity #peace #accountability #ebc

#wallagauniversity

የወለጋ ዩኒቨርሲቲ ከፍተኛ አመራሮች ተቋሙን ወደ ራስ ገዝ ዩኒቨርሲቲነት ለማሸጋገር በሚያስፈልጉ ቅድመ ሁኔታዎች፣ ተቋማዊ አቅም፣ የሰነድ ዝግጅት እና የሰው ኃይል ልማት ላይ ውይይት አካሒዷል።

ወደ ሐረማያ ዩኒቨርሲቲ በመሔድ የተገኘ የቤንችማርኪንግ ተሞክሮ በመድረኩ ቀርቧል።

ዩኒቨርሲቲው ለራስ ገዝነት ሽግግር አስፈላጊ በሆኑ የዲጂታላይዜሽን፣ የውስጥ ገቢ አቅም ማጠናከር እና መሠል ሥራዎች ላይ በትኩረት መስራት እንዳለበት የዩኒቨርሲቲው ፕሬዝዳንት ተስፋዬ ለማ (ዶ/ር) ገልፀዋል።

የሽግግር ሰነዶችና ፖሊሲዎች ማዘጋጀት፣ የራስ ገዝነት ጽ/ቤት ማቋቋም፣ የምርምርና የፋይናንስ አቅምን ማጠናከር እንዲሁም ተቋማዊ የሽግግር ካርታ ማዘጋጀት ቀጣይ ሥራዎች መሆናቸው በውይይቱ ተጠቁሟል።

@tikvahuniversity

የዲጂታላይዜሽን ግስጋሴ በኢትዮጵያ

አዲስ አበባ፣ መስከረም 13፣ 2019 (ኤፍ ኤም ሲ) በአሁኑ ወቅት ኢትዮጵያ በፈጣን ሁለንተናዊ የቴክኖሎጂ እና የኢኮኖሚ ሽግግር ሂደት ላይ ትገኛለች።

የቆየውን የወረቀት አሰራር ወደ ዲጂታል በመቀየር፤ ኢትዮጵያ በአህጉሪቱ ቀዳሚ የሆነ ጠንካራ የዲጂታል ኢኮኖሚ እና የቴክኖሎጂ ማዕከል ለመሆን በቁርጠኝነት እየተጋች ነው፡፡

ለዚህ የዲጂታል ሽግግር እንደ መነሻ ሰነድ ሆኖ የሚያገለግለው የዲጂታል ኢትዮጵያ 2025 ስትራቴጂ ነው፡፡ ይህ የመጀመሪያው ምዕራፍ የዲጂታል ስትራቴጂ በስኬት ተጠናቅቆ ሁለተኛው ምዕራፍ የዲጂታል ኢትዮጵያ 2030 ስትራቴጂ እየተተገበረ ይገኛል፡፡

በመጀመሪያው የዲጂታል ስትራቴጂ መሠረት የቴሌኮም መሰረተ ልማትን በከፍተኛ ሁኔታ በማስፋፋት የአራተኛ ትውልድ (4G) ኔትዎርክን ለ1 ሺህ 200 ከተሞች፣ እንዲሁም እጅግ ፈጣን የሆነውን የአምስተኛ ትውልድ (5G) ኔትዎርክ ደግሞ ለ33 ከተሞች ተደራሽ ማድረግ ችላለች።

ይህም በሚሊየን የሚቆጠሩ ዜጎችን ከዲጂታል ዓለም ጋር አስተሳስሯል። ቴሌብር እና ሲቢኢ ብር የገንዘብ ዝውውር እና የግብይት ምህዳሩነረ ሙሉ በሙሉ ቀይረውታል። በአሁኑ ወቅት የቴሌብር ተጠቃሚ ቁጥር 61 ሚሊየን ደርሷል፡፡

እንግልትንና ሙስናን ለማስቀረት የመንግሥት አገልግሎቶች ሙሉ በሙሉ ወደ ዲጂታል እየተቀየሩ ነው። ለዚህም እንደ መሶብ ያሉ የአንድ ማዕከል አገልግሎት መስጫዎች ዜጎች በርካታ አገልግሎቶችን በአንድ ቦታ እንዲያገኙ አስችለዋል፡፡

በሰው ሰራሽ አስተውሎት ልማት ረገድ የኢትዮጵያ አርቲፊሻል ኢንተለጀንስ ኢንስቲትዩት እንደ ማዕከላዊ አንቀሳቃሽ ኃይል በመሆን የሀገሪቱን ተጨባጭ ችግሮች የሚፈቱ መፍትሔዎችን እያበለጸገ ይገኛል፡፡

ሀገሪቱ በቴክኖሎጂው ዘርፍ ያላትን አቅም በማሳደግ የአፍሪካ የዲጂታል ሉዓላዊነትና ብልጽግና ማዕከል ለመሆን እየሰራች ትገኛለች፡፡

ይህን የቴክኖሎጂ ፍላጎት በዘላቂነት ለመደገፍ የአምስት ሚሊየን ኮደሮች ስልጠናን እያካሄደች ነው፡፡

የኢትዮጵያ የማድረግ አቅም በቴክኖሎጂ ልቀት የታገዘ በመሆኑ ከውጭ ምርቶችና ቴክኖሎጂዎች ላይ የነበረባትን ጥገኝነት በመቀነስ፣ በራሷ አቅም የምትቆም ጠንካራ ዲጂታል ኢኮኖሚ ያላት ሀገር ለመሆን መሠረት ጥሏል፡፡

በአጠቃላይ አሁን ላይ እየታየ ያለው የዲጂታል ሽግግር የዚሁ ጉዞ ቀጣይ ምዕራፍ ነው። ወጣቶችን በኮዲንግ በማሰልጠን እና ሀገር በቀል የቴክኖሎጂ ፈጠራዎችን በመደገፍ ኢትዮጵያ አዲስ ታሪክ እየጻፈች ትገኛለች፡፡

ይህ የቴክኖሎጂ ልቀትና የማድረግ አቅም ለጥቂቶች ብቻ የሚተው ቅንጦት ሳይሆን፣ የነገዋን ዘመናዊት እና በራሷ የምትቆም ጠንካራ ኢትዮጵያን ለመገንባት የሚያገለግል ዋነኛ የዕድገት ሞተር መሆኑን በተግባር እያረጋገጠች ነው።

በትዕግስት ግዛቸው


የዲጂታላይዜሽን ግስጋሴ በኢትዮጵያ

አዲስ አበባ፣ መስከረም 13፣ 2019 (ኤፍ ኤም ሲ) በአሁኑ ወቅት ኢትዮጵያ በፈጣን ሁለንተናዊ የቴክኖሎጂ እና የኢኮኖሚ ሽግግር ሂደት ላይ ትገኛለች።

የቆየውን የወረቀት አሰራር ወደ ዲጂታል በመቀየር፤ ኢትዮጵያ በአህጉሪቱ ቀዳሚ የሆነ ጠንካራ የዲጂታል ኢኮኖሚ እና የቴክኖሎጂ ማዕከል ለመሆን በቁርጠኝነት እየተጋች ነው፡፡

ለዚህ የዲጂታል ሽግግር እንደ መነሻ ሰነድ ሆኖ የሚያገለግለው የዲጂታል ኢትዮጵያ 2025 ስትራቴጂ ነው፡፡ ይህ የመጀመሪያው ምዕራፍ የዲጂታል ስትራቴጂ በስኬት ተጠናቅቆ ሁለተኛው ምዕራፍ የዲጂታል ኢትዮጵያ 2030 ስትራቴጂ እየተተገበረ ይገኛል፡፡

በመጀመሪያው የዲጂታል ስትራቴጂ መሠረት የቴሌኮም መሰረተ ልማትን በከፍተኛ ሁኔታ በማስፋፋት የአራተኛ ትውልድ (4G) ኔትዎርክን ለ1 ሺህ 200 ከተሞች፣ እንዲሁም እጅግ ፈጣን የሆነውን የአምስተኛ ትውልድ (5G) ኔትዎርክ ደግሞ ለ33 ከተሞች ተደራሽ ማድረግ ችላለች።

ይህም በሚሊየን የሚቆጠሩ ዜጎችን ከዲጂታል ዓለም ጋር አስተሳስሯል። ቴሌብር እና ሲቢኢ ብር የገንዘብ ዝውውር እና የግብይት ምህዳሩነረ ሙሉ በሙሉ ቀይረውታል። በአሁኑ ወቅት የቴሌብር ተጠቃሚ ቁጥር 61 ሚሊየን ደርሷል፡፡

እንግልትንና ሙስናን ለማስቀረት የመንግሥት አገልግሎቶች ሙሉ በሙሉ ወደ ዲጂታል እየተቀየሩ ነው። ለዚህም እንደ መሶብ ያሉ የአንድ ማዕከል አገልግሎት መስጫዎች ዜጎች በርካታ አገልግሎቶችን በአንድ ቦታ እንዲያገኙ አስችለዋል፡፡

በሰው ሰራሽ አስተውሎት ልማት ረገድ የኢትዮጵያ አርቲፊሻል ኢንተለጀንስ ኢንስቲትዩት እንደ ማዕከላዊ አንቀሳቃሽ ኃይል በመሆን የሀገሪቱን ተጨባጭ ችግሮች የሚፈቱ መፍትሔዎችን እያበለጸገ ይገኛል፡፡

ሀገሪቱ በቴክኖሎጂው ዘርፍ ያላትን አቅም በማሳደግ የአፍሪካ የዲጂታል ሉዓላዊነትና ብልጽግና ማዕከል ለመሆን እየሰራች ትገኛለች፡፡

ይህን የቴክኖሎጂ ፍላጎት በዘላቂነት ለመደገፍ የአምስት ሚሊየን ኮደሮች ስልጠናን እያካሄደች ነው፡፡

የኢትዮጵያ የማድረግ አቅም በቴክኖሎጂ ልቀት የታገዘ በመሆኑ ከውጭ ምርቶችና ቴክኖሎጂዎች ላይ የነበረባትን ጥገኝነት በመቀነስ፣ በራሷ አቅም የምትቆም ጠንካራ ዲጂታል ኢኮኖሚ ያላት ሀገር ለመሆን መሠረት ጥሏል፡፡

በአጠቃላይ አሁን ላይ እየታየ ያለው የዲጂታል ሽግግር የዚሁ ጉዞ ቀጣይ ምዕራፍ ነው። ወጣቶችን በኮዲንግ በማሰልጠን እና ሀገር በቀል የቴክኖሎጂ ፈጠራዎችን በመደገፍ ኢትዮጵያ አዲስ ታሪክ እየጻፈች ትገኛለች፡፡

ይህ የቴክኖሎጂ ልቀትና የማድረግ አቅም ለጥቂቶች ብቻ የሚተው ቅንጦት ሳይሆን፣ የነገዋን ዘመናዊት እና በራሷ የምትቆም ጠንካራ ኢትዮጵያን ለመገንባት የሚያገለግል ዋነኛ የዕድገት ሞተር መሆኑን በተግባር እያረጋገጠች ነው።

በትዕግስት ግዛቸው

በከፍተኛ የትምህርት ተቋማት ፣ ያለ አግባብ የወጭ ብክነትን ለመቆጣጠር ጥናት እየተካሄደ መሆኑ ተገለፀ

መስከረም 13 ቀን 2019 ዓ.ም. (አሐዱ ሬዲዮ) በከፍተኛ የትምህርት ተቋማት በየዓመቱ የሚመደብ በጀትን ላልተፈለገ አላማ እንዳይውል ለመቆጣጠርና ጥናት እያካሄደ መሆኑን ትምህርት ሚኒስቴር ለአሐዱ አስታውቋል።

በትምህርት ሚኒስቴር የአካዳሚክ ጉዳዮች መሪ ስራ አስፈፃሚ ዶ/ር ኢባ መጄና ጥናቱን ማካሄድ ያስፈለገበት ምክንያትም ግልጽነት እና ተጠያቂነትን ለማስፈን፣በጀት ያለ አግባብ ያባከኑ ወይም ለግል ጥቅማቸው ያዋሉ የሥራ ኃላፊዎችንና ሠራተኞችን በሕግ ተጠያቂ ለማድረግ፣ድጋፍ የሚሹ ተቋማትን ደግሞ በመለየት በፋይናስና በሰው ሃይል ለመደገፍ እድል ስለሚፈጥር ነው ብለዋል።

ሚኒስቴር መስሪያ ቤቱ ህጋዊ የመከታተል እውቅና ካላቸው የፌደራል ዋና ኦዲተር ፣የፌደራል ስነ ምግባርና ፀረ ሙስና ኮሚሽንና ከሌሎች አጋር ተቋማት ጋር በመሆን በከፍተኛ የትምህርት ተቋማት የሚመደብ በጀትን ለሀገራዊ እድገት እንዲውል ለማድረግ በትኩረት ክትትል እያደረገ መሆኑንም ተናግረዋል።

የመንግሥት እና የሕዝብ ሀብት የሆነው የከፍተኛ የትምህርት ተቋማት በጀት በብቃት ሥራ ላይ እንዲውል ሚኒስቴር መስሪያ ቤቱ፣የቁጥጥር ሥርዓትን ማጠናከር፣ ዲጂታላይዜሽንን ማስፋፋት እና የተጠያቂነት አሠራርን መዘርጋቱን ቀዳሚ ተግባራት አድርጎ እንደሚሰራ ገልጸዋል፡፡

በ ደረጄ መንግስቱ
#አሐዱ_ሬዲዮ_94 .3
#አሐዱ_የኢትዮጵያውያን_ድምጽ
ፌስቡክ ገጽ፡- https://web.facebook.com/a...
ቴሌግራም ገጽ፡- https://t.me/ahaduradi

18ኛው የብሪክስ የመሪዎች ጉባኤ የሁለተኛ ቀናት ቆይታ፦
‎
‎የኢ.ፌ.ዲ.ሪ ጠቅላይ ሚኒስትር ዐቢይ አሕመድ (ዶ/ር) እና ልዑካቸው ከመስከረም 2 ቀን 2019 ዓ.ም ጀምሮ በተካሔደው 18ኛው የብሪክስ የመሪዎች ጉባኤ ላይ መሳተፋቸው ይታወሳል።
‎
‎መስከረም 3 ቀን፣ 2019 ዓ.ም የጉባዔው ሁለተኛ ቀን ‘‘ጽናትን፣ ፈጠራን፣ ትብብርን እና ዘላቂነትን መገንባት’’ በሚል መሪ ቃል የብሪክስ አባል እና አጋር ሀገራት መሪዎች እንዲሁም የተለያዩ ዓለም አቀፍ ተቋማት መሪዎች በተሳተፉበት የተካሔደ ሲሆን፣ ጥምረቱ 140 የጋራ አቋሞችን የያዘ (የኒው ዴልሂ መግለጫ) በማውጣትም የመሪዎቹ ጉባኤ ተጠናቅቋል።
‎
‎የብሪክስ ኒው ዴልሂ የአቋም መግለጫ የዓለም አቀፍ አስተዳደር ማሻሻያ፣ ዓለም አቀፍ እና ቀጣናዊ ሰላም፣ ዘላቂ የኢኮኖሚ ዕድገት እንዲሁም የህዝብ ለህዝብ ትሥሥርን ያካተቱ ዐበይት ጉዳዮች ላይ የአባል ሀገራቱን የጋራ አቋም ያንጸባረቀ ሲሆን ኢትዮጵያ የዓለም አቀፉን የንግድ ድርጅት ለመቀላቀል የምታደርገውን ጥረት ጥምረቱ በጽኑ እንደሚደግፍ በድጋሚ አረጋግጧል።

በዓለም አቀፍ የሲቪል አቪዬሽን ድርጅት ምክር ቤት ኢትዮጵያ የአፍሪካ ሕብረት ብቸኛ እጩ በመሆን ተጨማሪ መቀመጫ እንድታገኝ የሚደረገውን ጥረት በጽኑ እንደሚደግፍም አመላክቷል።

በተጨማሪም ሀገሪቱ የዓለም አቀፉን የአየር ንብረት ለውጥ ጉባኤ ኮፕ 32 ለማዘጋጀት የጀመረችውን ተነሳሽነትና ዝግጅት እንደሚደግፉ በጋራ መግለጫቸው አረጋግጠዋል። ጥምረቱ 19ኛውን የብሪክስ ጉባኤ በቻይና አስተባባሪነት እንዲዘጋጅም በጋራ አጽድቋል።
‎
‎ከመሪዎቹ ጉባኤ ጎን ለጎን ጠቅላይ ሚኒስትር ዐቢይ አሕመድ (ዶ/ር) ከአባልና አጋር ሀገራት መሪዎች ጋር በሁለትዮሽ የሀገራቱ ትብብር ዙሪያ ፍሬያማ ውይይቶችን ያካሄዱ ሲሆን፤ በንግድና ኢንቨስትመንት፣ በመከላከያ መስኮች ትብብር፣ በዲጂታላይዜሽን ዙሪያ ሊኖሩ ስለሚችሉ ትብብሮች በጥልቀት ተወያይተዋል።
‎
‎በድኅረ ጉባኤ ለመሪዎች በተደረገው የእራት ግብዣ ላይ ጠቅላይ ሚኒስትር ዐቢይ አሕመድ(ዶ/ር) ከተለያዩ የብሪክስ አባል እና አጋር ሀገራት መሪዎች ጋር የታደሙ ሲሆን፤ የሁለት ቀናት የብሪክስ የመሪዎች ጉባኤን አጠናቅቀው ተመልሰዋል።

የጠቅላይ ሚኒስትር ጽሕፈት ቤት
#pmoethiopia

የድሮን ቴክኖሎጂ ለኢትዮጵያ ሁለገብ ዕድገት

አዲስ አበባ፣ መስከረም 1፣ 2019 (ኤፍ ኤም ሲ) አዲሱን ዓመት ለመቀበል በአዲስ አበባ ሰማይ ላይ የተካሄደው አስደናቂ የድሮን ትርኢት፣ ኢትዮጵያ በቴክኖሎጂው ዘርፍ እያሳየች ያለችውን ፈጣን ዕድገትና የምጥቀት ደረጃ በግልጽ ያበሰረ ታሪካዊ አጋጣሚ ሆኗል።

3 ሺህ ድሮኖች በአንድነት ተቀናጅተው የአዲሱን ዓመት ዋዜማ በልዩ ድምቀት ሲያበሩ የከተማዋ ሰማይ የጥበብ፣ የፈጠራና የዘመናዊ ቴክኖሎጂ ውህደት መድረክ ሆኖ አምሽቷል።

ይህ ትርዒት ለሕዝቡ የቀረበ የብርሃንና የቀለማት ውበት ብቻ ሳይሆን ሀገራችን በዘመናዊ የድሮን ቴክኖሎጂና በዲጂታል ዘርፍ የምታደርገውን ታላቅ ጉዞ የሚያሳይ አዎንታዊ ማረጋገጫ ነው።

በአሁኑ ወቅት የድሮን ቴክኖሎጂ ለመዝናኛና ለሕዝባዊ በዓላት ትርኢት ብቻ ሳይሆን ዘርፈ ብዙ አገልግሎት እየሰጠ ይገኛል።

በዚህ የዲጂታላይዜሽን ጉዞ ውስጥ ደግሞ እየተከናወኑ የሚገኙ አበረታች ጥረቶች ሀገሪቱን በቴክኖሎጂው ዘርፍ በምሥራቅ አፍሪካ ግንባር ቀደም የማድረግ ዓላማ ያላቸው ናቸው።

በአዲሱ ዓመት ዋዜማ የታየው በርካታ ድሮኖችን በላቀ ስልተ ቀመር አቀናጅቶ የመምራት አቅም ኢትዮጵያ በዘመናዊ ሶፍትዌር፣ በሳይበር ደኅንነትና በኤሮኖቲክስ ኢንጂነሪንግ ዘርፍ እያደገ የመጣ የሰው ኃይልና መሠረተ ልማት እንዳላት በግልጽ ያሳያል።

በተጨማሪም የድሮን ቴክኖሎጂን በሀገር ውስጥ የመገጣጠም፣ የጥገናና የሶፍትዌር ሥርዓቶችን የመቅረጽ አቅም ማደጉ ኢትዮጵያ አቪዬሽን መስክ የምታደርገውን ጉዞ ያፋጥነዋል።

እንዲሁም በግብርና፣ በጤና፣ በከተሞች ልማትና በመሠረተ ልማት ግንባታ ሂደቶች ውስጥ የድሮን አጠቃቀም እየሰፋ መምጣቱ ለሀገሪቱ ምጣኔ ሀብታዊ ዕድገት ከፍተኛ አስተዋጽኦ ለማበርከት የሚያስችል ነው።

ከዚህ ባሻገር እየተጠናከረ የሚገኘው የቴክኖሎጂ ሽግግር እና በሀገር ውስጥ የበለጸጉ ሥርዓቶችን የመጠቀም ልምድ የውጭ ጥገኝነትን ለመቀነስ ያስችላል።

በአጠቃላይ በአዲሱ ዓመት ዋዜማ የአዲስ አበባን ሰማይ ያሸበረቀው የድሮን ትርኢት ለወጣቶች፣ ለተመራማሪዎችና ለፈጠራ ባለቤቶች ትልቅ ተስፋና መነቃቃትን የፈጠረ ነው።

የሀገራችንን ባህል፣ የታሪክ ቅርሶችና የዲጂታል ኢትዮጵያ ራዕይን በሰማይ ላይ በሥዕላዊ መንገድ ማሳየቱ ኢትዮጵያ በቴክኖሎጂ ራስን ለመቻል በምታደርገው ጉዞ ትክክለኛ መንገድ ላይ መሆኗን ያመላክታል።

በአብረሃም አበራ

የቴክኖሎጂ አብዮት በኢትዮጵያ፡- ከ5 ሚሊዮን ኮደርስ እስከ አገልግሎት ዲጂታላይዜሽን
********************

ቀደም ሲል የመንግሥት አገልግሎቶችን ለማግኘት ይደርስ የነበረው ረጅም ሰልፍና እንግልት፣ ዛሬ በሀገራችን እየተካሄደ ባለው የዲጂታል ትራንስፎርሜሽን እያበቃ ይገኛል።

ሀገራችን "ዲጂታል ኢትዮጵያ 2025"ን በስኬት አጠናቅቃ ወደ "ዲጂታል 2030" ስትራቴጂ የተሸጋገረች ሲሆን፣ ይህም የአገልግሎት አሰጣጥንና የዜጎችን የአኗኗር ዘይቤ በመቀየር ላይ ነው።

በዲጂታል ትራንስፎርሜሽን ረገድ በመሰረተ ልማትና የቴክኖሎጂ ማዕከላት እንደ የሳይንስ ሙዚየም፣ የኢትዮጵያ አርቲፊሻል ኢንቴሊጀንስ ኢንስቲትዩት እና የስፔስ ሳይንስና ጂኦስፓሻል ኢንስቲትዩት ወደ ሙሉ ሥራ የገቡ ሲሆን፣ የ4G እና 5G የኢንተርኔት መረቦችም በስፋት እየተዘረጉ ይገኛሉ።

በቴሌብር እና በሞባይል ባንኪንግ አማካኝነት ያለ ጥሬ ገንዘብ የሚደረግ ግብይት ባህል ሆኗል። ብሔራዊ መታወቂያ (ፋይዳ) ደግሞ የዲጂታል ማህበረሰብ ግንባታን እውን እያደረገ ነው።

እንደ ኢ-ታክስ፣ ኢ-ፓስፖርት እና በተለያዩ የሀገራችን ክፍሎች የተከፈቱ "መሶብ" የአንድ ማዕከላት አገልግሎቶችን በአንድ ጣሪያ ስርና በበይነመረብ በማቅረብ ወጪን፣ ጊዜንና እንግልትን አስቀርተዋል።

ከተባበሩት አረብ ኤምሬትስ ጋር በመተባበር የእየተተገበረ የሚገኘው የ5 ሚሊዮን ኮደርስ ነፃ የኦንላይን ስልጠና ወጣቶችን በዳታ ሳይንስ፣ ፕሮግራሚንግ፣ ኤአይ (AI) እና አንድሮይድ ሶፍትዌር ግንባታ በማሰልጠን የራሳቸውን የቴክኖሎጂ ድርጅቶች እንዲፈጥሩ እያበቃቸው ይገኛል።

ዲጂታላይዜሽን የአሰራር ባህል ለውጥና የሀገርን የወደፊት አቅም የመገንባት ሂደት በመሆኑ፣ ቴክኖሎጂውን በአግባቡ መጠቀምና በዲጂታል እውቀት ማደግ የሁላችንም የጋራ ኃላፊነት ነው።

በብሌን ደምበሎ
#ebc #ethiopia #digitalethiopia #digitalethiopia2030 #artificialintelligence #mesob

ኢትዮጵያ በዲጂታል ጉዞ

አዲስ አበባ፣ ነሐሴ 28፣ 2018 (ኤፍ ኤም ሲ) ዓለም ወደ ዲጂታል ዘመን በፍጥነት እየተሸጋገረች ሲሆን፣ ኢትዮጵያም ይህን ለውጥ በማፋጠን አገልግሎቶቿን፣ ኢኮኖሚዋንና የዜጎቿን ዲጂታል ተጠቃሚነት እያሳደገች ትገኛለች።

የኢትዮጵያ ዲጂታል ለውጥ የሚመራው በተጠናቀቀው ዲጂታል ኢትዮጵያ 2025 እና አሁን እየተተገበረ ባለው በዲጂታል ኢትዮጵያ 2030 ራዕይ ሲሆን፣ ይህም ዲጂታል ቴክኖሎጂን በኢኮኖሚ፣ በመንግሥት አስተዳደርና በማኅበራዊ ሕይወት ውስጥ በስፋት ለመተግበር ያለመ ነው።

የሰው ኃይልን ማብቃት፣ የዲጂታል ክፍተትን ማጥበብና ለፈጠራ እና ለኢንቨስትመንት ምቹ የዲጂታል ስነ ምህዳር መፍጠርም ዋና የትኩረት አቅጣጫዎቹ ናቸው።

በዚህም ከ2013 እስከ 2016 ዓ.ም. ባለው ጊዜ የዲጂታል መሠረተ ልማትና ተደራሽነት ላይ የታዩ ለውጦች የዲጂታል ለውጡን መሠረት የጣሉ ነበሩ።

የዓለም ባንክ መረጃ እንደሚያሳየው፣ እ.ኤ.አ. ከ2020 እስከ 2024 ባለው ጊዜ ብቻ 7 ሚሊየን አዳዲስ የሞባይል ተጠቃሚ ዜጎች ተፈጥረዋል፤ የሞባይል ዳታ ዋጋም ከ2018 ዓ.ም. ጀምሮ ከ90 በመቶ በላይ ቀንሷል።

ከ2013 እስከ 2016 ዓ.ም. ደግሞ ቢያንስ 4 ሚሊየን ተጨማሪ ሰዎች የኢንተርኔት ተጠቃሚ በመሆን የድጂታል ስርዓቱን ተቀላቅለዋል።

የዲጂታል ለውጡ አንዱ ቁልፍ መሠረት ፋይዳ የዲጂታል መታወቂያ ሲሆን፣ ዜጎች የተለያዩ የፋይናንስና የመንግሥት አገልግሎቶችን በቀላሉ እንዲያገኙ የሚያግዝ መሠረተ ልማት ሆኖ በማገልገል ላይ ይገኛል።

በዚህም አሁን ላይ የፋይዳ ዲጂታል መታወቂያ ተመዝጋቢዎች ቁጥር ወደ 50 ሚሊየን ገደማ መድረሱን የብሔራዊ መታወቂያ አገልግሎት መረጃ አመላክቷል።

በሌላ በኩል የዲጂታል ፋይናንስ አጠቃቀምም በፍጥነት እያደገ ሲሆን፣ በ2018 በጀት ዓመት በዘጠኝ ወራት ውስጥ ብቻ የተከናወነው የዲጂታል ግብይት መጠን 24 ነጥብ 2 ትሪሊየን ብር ደርሷል። ይህም አምና በተመሳሳይ ወቅት ከነበረው 12 ነጥብ 5 ትሪሊየን ብር ጋር ሲነጻጸር በእጥፍ አድጓል።

የ4ኛ እና 5ኛ ትቀውልድ ኔትወርክ አገልግሎት ተደራሽ ለማድረግ በተሰሩ ስራዎች በመላው ሀገሪቱ 1200 ከተሞች የ4ኛ ትውልድ እንዲሁም 33 ከተሞች ደግሞ የ5ኛ ትውልድ ኔትውርክ አገልግሎት ተጠቃሚ ሆነዋል፡፡

ዲጂታላይዜሽን የአገልግሎት ፍጥነትን ከማሻሻል ባለፈ አዳዲስ የንግድና የሥራ ዕድሎችንም እየፈጠረ ነው።

በዚህም እ.ኤ.አ. ከ2022 ጀምሮ ከ3 ሺህ በላይ የዲጂታል ድርጅቶች ፈቃድ ማግኘታቸውን የዓለም ባንክ መረጃ አመላክቷል፤ እነዚህ ድርጅቶችም ከ24 ሺህ በላይ ቀጥተኛ የሥራ ዕድሎችን ፈጥረዋል።

በጥቅሉ፣ ኢትዮጵያ ወደ ዲጂታል ዘመን የምታደርገው ጉዞ በመሠረተ ልማት፣ በዲጂታል ማንነት፣ በዲጂታል ክፍያ፣ በዲጂታል ክህሎትና በፈጠራ ላይ እየተመሠረተ ነው።

ዋና ዓላማውም ቴክኖሎጂን ማስፋፋት ብቻ ሳይሆን፣ አካታች፣ የተሻለ አገልግሎት፣ የበለጠ ዕድል፣ አዳዲስ የሥራ ዕድሎችና የተሳትፎ አቅም ያለው ዲጂታል ማኅበረሰብ መገንባት ነው።

በአመለወርቅ ደምሰው

በአማራ ክልል በፍትህ ተቋማት የተከናወኑ የሪፎርም ተግባራት በተሞክሮነት የሚወሰዱ ናቸው

አዲስ አበባ፣ ነሐሴ 23፣ 2018 (ኤፍ ኤም ሲ) በአማራ ክልል በፍትህ ተቋማት የተከናወኑ የሪፎርም ተግባራት በተሞክሮነት የሚወሰዱ ናቸው አሉ የአዲስ አበባ ከተማ ፖሊስ ዋና ጠቅላይ መምሪያ አዛዥ ሌተናል ጀነራል አስራት ዴኔሮ።

የዋና ጠቅላይ መምሪያው ከፍተኛ አመራሮች በአማራ ክልል የፍትህ ተቋማትን የሪፎርም አተገባበር ጎብኝተዋል።

ሌ/ጄኔራል አስራት ዴኔሮ በዚሁ ወቅት እንዳሉት፤ በክልሉ በፍትህ ተቋማት ዘመኑን የዋጁ አስደናቂ የሪፎርም ተግባራት ተከናውነዋል፡፡

በክልሉ ጠቅላይ ፍርድ ቤት የተተገበረው በዲጂታል የተደገፈ የኢ-ፋይል አሰራር ፍትሃዊ፣ ግልጽና የተገልጋዩን እንግልት መቀነስ ያስቻለ መሆኑን መገንዘባቸውን ተናግረዋል።

ተገልጋዮች ጉዳያቸውን ባሉበት ሆነው በበይነ መረብ በመከታተል አስተማማኝ ፍትህ እንዲያገኙ መደረጉ የፍትህ ስርዓቱን ለማሻሻል የተሄደበትን ርቀት የሚያሳይ ነው ብለዋል።

በክልሉ ፖሊስ ዋና ጠቅላይ መምሪያም ምቹ የስራ አካባቢን በመፍጠርና የዲጂታላይዜሽን አሰራርን እውን በማድረግ የተሰራው ስራ አበረታች መሆኑንም ተናግረዋል፡፡

በቴክኖሎጂ የዳበረ የፍትህ ስርዓት ለማስፈን በተሰራው ስራ ትልቅ ተሞክሮ ማግኘታቸውን ነው የገለጹት፡፡

በጉብኝቱ የአዲስ አበባ ፖሊስ ጠቅላይ መምሪያ እንዲሁም የአማራ ክልል ጠቅላይ ፍርድ ቤትና የክልሉ ፖሊስ ዋና ጠቅላይ መምሪያ አመራሮች መገኘታቸውን ኢዜአ ዘግቧል፡፡

የዲጂታል ኢትዮጵያ ህልም በኢትዮ ኮደርስ ሚሊዮን ወጣቶችን ለነገው ዓለም የሚያዘጋጀው ሀገራዊ የቴክኖሎጂ አብዮት
********************

ኢትዮጵያ የዲጂታል ኢኮኖሚ ግንባታዋን ለማፋጠን እና ወጣቶችን የቴክኖሎጂ ባለቤት ለማድረግ ካለመቻቸው ትልልቅ ኢኒሼቲቮች መካከል በጠቅላይ ሚኒስትር ዐቢይ አሕመድ (ዶ/ር) አሳቢነት ከተባበሩት አረብ ኤምሬትስ መንግሥት ጋር በትብብር የሚተገበረው የ"ኢትዮ ኮደርስ" ሥልጠና በግንባር ቀደምትነት ይጠቀሳል።

ይህ በዓለም አቀፍ ደረጃ ተፈላጊ የሆኑ እንደ መሠረታዊ ዳታ ሳይንስ፣ መሠረታዊ ፕሮግራሚንግ፣ መሠረታዊ አርቲፊሻል ኢንቴሊጀንስ እና መሠረታዊ አንድሮይድ ኮትሊን ዴቬሎፐር ያሉ አራት ወሳኝ የቴክኖሎጂ ዘርፎችን ያካተተው ነፃ የኦንላይን ሥልጠና፣ ሀገራችን ወደ ሙሉ ዲጂታላይዜሽን የምታደርገውን ጉዞ የማፋጠን ትልቅ አቅም አለው።

ሥልጠናው ወጣቶች መረጃዎችን የመተንተን፣ ውህድ አርቲፊሻል ኢንቴሊጀንስን የመተግበር እና ሞባይል መተግበሪያዎችን የመሥራት አቅማቸውን በማጎልበት በሀገር ውስጥም ሆነ በዓለም አቀፍ ደረጃ የሥራ ዕድሎችን እንዲያገኙ መንገድ ከመክፈቱ ባሻገር፣ የራሳቸውን የቴክኖሎጂ ድርጅቶች (Startups) በመመሥረት ሀገራዊ ችግሮችን በዲጂታል መፍትሔዎች እንዲፈቱ ከፍተኛ አስተዋጽኦ ያበረክታል።

ጠቅላይ ሚኒስትር ዐቢይ አሕመድ (ዶ/ር) “የኢትዮጵያ ወጣቶች ክረምታቸው በከንቱ እንዲያልፍ ሊፈቀድ የማይገባ ትልቅ ዕድል መጥቷል” ሲሉ ገልጸው፣ የሚሰጠው የምስክር ወረቀት ዓለም አቀፍ ዕውቅና ያለው በመሆኑ ሚሊዮኖች ቀድመው የወሰኑበትን ይህን ነፃ ዕድል ወጣቶች እንዲጠቀሙበት ጥሪ ማቅረባቸው ይታወሳል።

"ትውልድ ይማር፣ ትውልድ ይሰልጥን፣ ከዓለም ጋር ይፎካከር" በሚል መሪ ሐሳብ የተጀመረው የ5 ሚሊዮን ኢትዮጵያውያን ኮደሮች ውጥን በሦስት ዓመት ለማሳካት የታቀደውን ሥልጠና በሁለት ዓመት በማሳካት፣ አሁን ግቡን ወደ 7 ሚሊዮን ከፍ ማድረግ ተችሏል።

የኮዲንግ እና የሶፍትዌር ልማት መሠረታዊ እውቀቶችን በማስጨበጥ የሰው ኃይል ልማቱን የሚደግፈው ይህ ፕሮግራም፣ የመንግሥት እና የግል ዘርፍ አገልግሎቶችን ወደ ዲጂታል ለመቀየር የሚደረገውን ጥረት የሚያፋጥን የክህሎት መሠረት በመጣል የኢትዮጵያ ዲጂታል ትራንስፎርሜሽን ዋና ምሰሶ ሆኖ በማገልገል ላይ ይገኛል።

በአድማሱ አራጋው
#ethiocoders #digitalethiopia #techinnovation #codingskill #youthempowerment

ቱሪዝም፦ የተረሳው ጸጋችን ሲያብብ፤ የተሰበረው የድህነት ትርክት
*****************

(የዕለቱ መልዕክት)

ኢትዮጵያ ለዘመናት በ“ግብርና መር” እሳቤ ብቻ ተቆልፎ የነበረውን የኢኮኖሚ መዋቅር በመስበር፣ ቱሪዝምን እንደ አንዱና ዋነኛው የልማት ምሰሶ በማድረግ መጠቀም ጀምራለች፡፡

በታሪክ፣ በባህልና በተፈጥሮ ሃብት እጅግ የበለፀገችው ሀገራችን፣ ለረጅም ዘመናት ድንቅ ቅርሶቿ እንደ ሀብት ሳይሆን እንደ መከፋፈያ ዕዳ ሲታዩ ስሟም በረሃብና በችግር ትርክት ሲጠለሽ ቆይቷል።

ዛሬ ግን ይህ የድቅድቅ ጨለማ ትረካ በስትራቴጂካዊ መሪነትና በተጨባጭ ተግባር ተሰብሮ፣ ቱሪዝም የሀገር ግንባታ፣ የሰላም እና የኢኮኖሚያዊ ትንሣኤያችን አንቀሳቃሽ ሞተር ወደመሆን ተሸጋግሯል።

ባለፉት የለዉጥ ዓመታት የተመዘገቡት ስኬቶች ይህንን የፖሊሲ እመርታ በሚገባ ያረጋግጣሉ። “ገበታ ለሸገር”፣ “ገበታ ለሀገር” እና “ገበታ ለትውልድ” በሚሉ ሀገራዊ የሃብት ማሰባሰቢያ ፕሮጀክቶች እንደ እንጦጦ፣ ወንጪ፣ ጎርጎራ፣ ኮይሻ፣ቤኑና ፣ሎጎ ሀይቅ፣ ሃላላ ኬላ እና ሌሎችም ግዙፍ የኢኮ-ቱሪዝም መዳረሻዎች ተገንብተው ለአገልግሎት በቅተዋል።

በአዲስ አበባና በክልል ከተሞች በስፋት የተተገበሩት የኮሪደር ልማት ፕሮጀክቶችም፣ ከተሞቻችንን ለነዋሪዎችም ሆነ ለዓለም አቀፍ ቱሪስቶች እጅግ ምቹ፣ ደህንነታቸው የተጠበቀ እና ማራኪ አድርገዋቸዋል። እነዚህ የህንፃና የፓርክ ግንባታዎች ብቻ ሳይሆኑ የሀገርን ኢኮኖሚ ወደ ተለያዩ የገቢ ምንጮች የማሸጋገር ግዙፍ የሥርዓት ለውጥ ማሳያዎች ናቸው።

በእነዚህ መጠነ-ሰፊ የመዳረሻ፣ የመሰረተ-ልማት እና የዲጂታል ትራንስፎርሜሽን ስራዎች ምክንያት በቱሪዝም ዘርፉ ታይቶ የማይታወቅ አሃዛዊ ስኬት ተመዝግቧል። በዘንድሮው ዓመት ብቻ ከ1.4 ሚሊዮን በላይ የውጭ ጎብኚዎችን በመቀበል ከ5.2 ቢሊዮን ዶላር በላይ የውጭ ምንዛሬ ወደ ሀገር ማስገባት ተችሏል።

የሀገር ውስጥ ቱሪዝምም ከ50 ሚሊዮን በላይ ዜጎችን በማንቀሳቀስ ከ79 ቢሊዮን ብር በላይ ገቢ አስገኝቷል።

አዲስ አበባም የአፍሪካ የፖለቲካ መዲናነቷንና የተገነቡላትን ዓለም አቀፍ ደረጃቸውን የጠበቁ ማዕከላት በመጠቀም፣ዘንድሮ ብቻ ከ204 በላይ ዓለም አቀፍ ኮንፈረንሶችን በማስተናገድ የ"ማይስ" ቱሪዝም ማዕከል መሆኗን በተግባር አሳይታለች።

ለዚህ ስኬት የዲጂታላይዜሽን ሚና እጅግ ከፍተኛ ነው። የኢ-ቪዛ አገልግሎት መዘመኑ እንዲሁም እንደ ‘መሶብ’ ያሉ የተቀናጁ የዲጂታል መተግበሪያዎች ስራ ላይ መዋላቸው ቱሪስቶች ያለምንም እንግልት የትራንስፖርት፣ የሆቴል እና የመዳረሻ ትኬቶችን በዲጂታል መንገድ እንዲቆርጡ በማድረግ የጥሬ ገንዘብ አልባ ኢኮኖሚ ግንባታን እያፋጠነ ይገኛል።

በሌላ በኩል መንግስት ከ35 በላይ ተዘርፈዉ ወደ ውጭ የወጡ ታሪካዊ ቅርሶችን ወደ ሀገር ቤት በማስመለስ፣ የነበሩትን በማደስና አዳዲስ ቅርሶችን በዩኔስኮ በማስመዝገብ ያሳየው ጽኑ የዲፕሎማሲ ጥረት፣ ቅርሶቻችንን ውብ አድርጎ በማውጣት ሀብት እንዲያስገኙ አስችሏል።

ይህ ሁሉ ስኬት ዘላቂ የሚሆነው ግን እያንዳንዱ ዜጋ የአመለካከትና የአስተሳሰብ ለውጥ ሲያመጣ ብቻ ነው። ቱሪዝም የሁላችንም የጋራ ፕሮጀክት ነው። የታክሲ አሽከርካሪዎቻችን እንግዶችን ከኤርፖርት ሲቀበሉ የሀገራችንን መልካም ገጽታ የመግለጥ ጥበብ ሲላበሱ፣ የሆቴል ባለሙያዎቻችን ከፍተኛ የመስተንግዶ ደረጃን ሲጠብቁ እንዲሁም የጥበብ ሰዎቻችን የሀገራችንን ውብ ገፅታዎች በቀዳሚነት ሲያስተዋውቁ ዘርፉ ይበልጥ ያብባል።

እያንዳንዷን የተፈጥሮና የታሪክ ጸጋ ወደ ሃብት በመለወጥ የበለጸገች፣ የተለወጠችና የተከበረች ሀገር ለልጆቻችን ለማስረከብ ለሀገራችን አምባሳደር መሆን ይገባናል፡፡

ኢቢሲ ዶትስትሪም ኤዲቶሪያል

በተጨባጭ ልማት የተረጋገጠው የጸረ-ሙስና እና መዋቅራዊ ሌብነት ትግል ቁርጠኝነት
***********************

ከለውጡ በፊት በነበሩት ዓመታት የሀገራችን ቁሳዊ፣ ተፈጥሯዊ እና የፋይናንስ ሀብት በግልጽነት እጦት እና በኮንትሮባንድ ንግድ የጥቂት የጥቅም ትስስር ኔትወርኮች መበልጸጊያ የነበረ በመሆኑ፣ ሀገራዊ ዕድገታችን ተገትቶ ቆይቷል።

ነገር ግን ባለፉት የለውጥ ዓመታት የመንግሥት የላይኛው አመራር ባሳየው ጠንካራ ቁርጠኝነት፣ መዋቅራዊ ሌብነትን በመበጠስ ሀብትን ወደ ልማት የመመለስ አዲስ ምዕራፍ ተከፍቷል።

ጠቅላይ ሚኒስትር ዐቢይ አሕመድ (ዶ/ር) በይፋዊ ማብራሪያዎቻቸው ደጋግመው እንደገለጹት፣ በከፍተኛ የሥልጣን እርከን ደረጃ የነበረውን የሀብት ምዝበራ እና ገንዘብ ወደ ውጭ የማሸሽ ተግባር መንግሥት በቁርጠኝነት ማስቀረት ችሏል።

የሀገራችን የበላይ አመራር ሀብት የማያሸሽ እና ለሕዝብ ጥቅም የቆመ በመሆኑ፣ ቀደም ሲል ወደ ግለሰቦች ኪስ ይጎርፍ የነበረው ከፍተኛ ሀብት አሁን በቀጥታ ወደ መንግሥት ካዝና በመግባት ለተጨባጭ ልማት መዋል ጀምሯል።

✅በወርቅ እና በኤክስፖርት ዘርፍ የታየው መዋቅራዊ ድል

የዚህ መዋቅራዊ ለውጥ ትልቁ ማሳያ በወርቅ ኤክስፖርት እና በጠቅላላ የወጪ ንግድ የተመዘገበው ታሪካዊ ውጤት ነው። ከለውጡ በፊት በነበሩት 27 ዓመታት ኢትዮጵያ ከወርቅ ኤክስፖርት ያገኘችው ጠቅላላ ገቢ 3.7 ቢሊዮን የአሜሪካ ዶላር ብቻ የነበረ ሲሆን፣ አሁን ግን በአንድ ዓመት ውስጥ ብቻ 5.5 ቢሊዮን ዶላር ከወርቅ ማግኘት ተችሏል።

አሁን ይህን ያህል ገቢ የተመዘገበው አዲስ ክምችት ተገኝቶ ሳይሆን፣ በወርቅ ንግድ ላይ የነበረው የመዋቅራዊ ሌብነት እና የኮንትሮባንድ ሰንሰለት በመበጣጣሱ ነው።

ይህ የሀብት ማዳን እርምጃ በወርቅ ብቻ አላበቃም። ሀገራችን በቅርቡ ያስመዘገበችው የ11 ቢሊዮን የአሜሪካ ዶላር የሸቀጦች እና አገልግሎት ኤክስፖርት ገቢ የተፈጥሮ ሀብታችን በድንገት ጨምሮ ሳይሆን፣ ቀደም ሲል በሕገ-ወጥ መንገድ ይባክን የነበረው ገቢ በቀጥታ ወደ ብሔራዊ ባንክ ካዝና መግባት በመጀመሩ የተገኘ ውጤት ነው።

✅የሕዝብን ሀብት ለሀገር ውስጥ ልማት ማዋል

መንግሥት ያዳነውን ሀብት ምን ላይ አዋለው ለሚለው ጥያቄ በአዲስ አበባ እና በተለያዩ የሀገሪቱ ከተሞች እየታየ ያለው ፈጣን የኮሪደር ልማት በቂ እና ተጨባጭ ማሳያ ነው።

የእነዚህ ግዙፍ ፕሮጀክቶች ልዩ ባሕሪ ምንም ዓይነት የውጭ ብድር ሳይጠየቅ በሀገር ውስጥ አቅም ብቻ መከናወናቸው ነው። ለአብነትም የአዲስ አበባ ከተማ አስተዳደር ከሚሰበስበው ገቢ ውስጥ 72 ከመቶውን በቀጥታ ለከተማዋ ሁለንተናዊ ልማት እያዋለ ይገኛል።

በዚህም መሰረት 48 ኪሎ ሜትር የተሽከርካሪ መንገድ፣ 96 ኪሎሜትር የእግረኛ መንገድ፣ እንዲሁም 100 ኪሎ ሜትር የሳይክል መንገድ ተገንብቷል።

በተጨማሪም 32 ዘመናዊ የመኪና ማቆሚያዎች፣ 9 የአውቶቡስ እና ታክሲ ተርሚናሎች፣ 430 ስማርት ፖሎች እና ከ50 ሄክታር በላይ የሚሸፍን አረንጓዴ ልማት ተጠናቅቆ ለአገልግሎት በቅቷል።

ይህ አፈጻጸም የሚያሳየው፣ የከተማ መሬት እና ማዘጋጃ ቤታዊ ገቢዎች ከመዋቅራዊ ሙስና ሲጸዱ በአጭር ጊዜ ከተማን መቀየር እንደሚቻል ሲሆን፣ አሁን ላይ ይህ ተሞክሮ ከ75 በላይ ወደሚሆኑ የሀገራችን ከተሞች በመስፋፋት ላይ ይገኛል።

✅ዲጂታላይዜሽን እና የሕግ ማስከበር እርምጃዎች

መንግሥት ሌብነትን በዘላቂነት ለመከላከል የሰው ንክኪን የሚቀንሱ ዲጂታል አሠራሮች ወሳኝ መሆናቸውን በማመን ዘርፈ ብዙ ሥራዎችን እያከናወነ ነው። የኤሌክትሮኒክስ ግዢ ሥርዓት (e-GP) በሁሉም የፌዴራል እና የክልል መሥሪያ ቤቶች በመተግበሩ፣ የጨረታ ምዝበራን እያስቀረ ይገኛል።

በተጨማሪም ፋይዳ ዲጂታል ብሔራዊ መታወቂያ የሐሰተኛ ሠራተኞች ስምን (Ghost workers) ከደመወዝ መክፈያ ሰነድ ላይ በማጽዳት፣ እንዲሁም የሀብት ምዝገባ ሥርዓቱ (e-registration) ምንጩ ያልታወቀ ሀብትን በማጋለጥ በኩል ትልቅ መዋቅራዊ ድርሻ እየተወጡ ነው።

በላይኛው መዋቅር የተገኘውን ስኬት ወደ ታችኛው የአስተዳደር እርከን ለማውረድም ጠንካራ የሕግ ማስከበር እርምጃዎች ተወስደዋል። በሌብነት የተሳተፉትን የማጥራት ሥራ ቀጥሎ በቅርቡ በተደረገ ማጣራት በፋይናንስ እና ባንክ ሰንሰለት ዝርፊያ የተሳተፉ 91 ግለሰቦች በሕግ ቁጥጥር ስር ውለዋል።

ሐሰተኛ የትምህርት ማስረጃ የተጠቀሙ በርካታ ባለሙያዎች እና አመራሮች ላይ እርምጃ መወሰድ መጀመሩም የዚሁ አካል ሲሆን፣ የመሬት ምዝበራ ቁጥጥርም በተጠናከረ ሁኔታ ቀጥሎ በርካታ የሕዝብ ሀብት ማዳን እያስቻለ ነው።

የመንግሥትን የልማት ስኬቶች ዘላቂ ለማድረግ እና የሕዝቡን ፍትሃዊ ተጠቃሚነት ለማረጋገጥ፣ የዜጎችን የዕለት ተለት እንግልት የሚፈጥሩ የቀሩ የሌብነት ሰንሰለቶችን የመበጣጠሱ ዘመቻ በተጠናከረ ሁኔታ ይቀጥላል።

በለሚ ታደሰ
#ethiopia #anticorruption #economicgrowth #goodgovernance #ethiopiareform

የመንግስት አገልግሎት ማሻሻያ በፍጥነትና በጥራት ተጠናክሮ ሊቀጥል ይገባል - ምክትል ጠቅላይ ሚኒስትር ተመስገን ጥሩነህ
******************

የመንግስት አገልግሎት ማሻሻያ በቴክኖሎጂ፣ በፍጥነት፣ በፈጠራና በጥራት ተጠናክሮ ሊቀጥል እንደሚገባ ምክትል ጠቅላይ ሚኒስትር ተመስገን ጥሩነህ ገለፁ፡፡

ምክትል ጠቅላይ ሚኒስትሩ በማህበራዊ ትስስር ገጻቸው፤ ሀገር በቀል ሆኖ በሰባት አምዶች ተደራጅቶ የተቀረጸው የመንግስት አገልግሎትና አስተዳደር አፈጻጸም ሪፖርት ለሪፎርም ምክር ቤቱ ቀርቦ በዝርዝር መገምገሙን አስታውቀዋል።

ሪፖርቱ ዘመኑን የዋጀና በተዋረድ የተናበበ አደረጃጀት፣ ብቃት ያለው የሰው ኃይል ስምሪት፣ ብዝሃነት፣ ዲጂታላይዜሽን፣ የለውጥ አመራር እና የአገልግሎት ማሻሻያን የያዘ መሆኑን ገልጸዋል።

አፈጻጸሙም ፍጥነትን፣ ፈጠራን፣ ፈጻሚዎቹን ባለቤት ማድረግንና ዘላቂ ሥርዓት ግንባታን መሠረት በማድረግ በጥብቅ ዲስፕሊንና በእውቀት ውጤታማ እና ተስፋ በሚሰጥ ሁኔታ እየተፈጸመ መሆኑን አይተናል ብለዋል።

በሪፖርቱ መሠረት ሰው ተኮር በሆነ ሁኔታ የመሶብ አገልግሎትን በማስፋፋት ሂደት በየከተሞቹ ጉልህ የሚባል መሻሻል መታየቱን ጠቁመው፣ በአገልግሎት ማሻሻያ ረገድ ትልቅ ለውጥ ማምጣት እንደሚቻልና በዜጎች በኩል የነበረውን እሮሮ መፍታት መጀመሩ በተግባር የታየ መሆኑን አመልክተዋል።

የተጀመረው የመንግስት አገልግሎት ማሻሻያ በቴክኖሎጂ፣ በፍጥነት፣ በፈጠራ፣ በጥራትና በታማኝነት ማስፋፋቱ ተጠናክሮ መቀጠል እንደሚገባም ገልጸዋል።

ለዚህም ሥራ የጠራ መረጃ ማደራጀት፣ ቴክኖሎጂን ማበልጸግ እና የሰራተኞችን ብቃት ማጠናከር የቀጣይ ትኩረት እንዲሆን በሪፎርም ምክር ቤቱ አቅጣጫ መቀመጡንም ምክትል ጠቅላይ ሚኒስትር ተመስገን ጥሩነህ ገልጸዋል።

ኢትዮጵያ ወደ ቴክኖሎጂ ሉዓላዊነት የምታደርገው ጉዞ

አዲስ አበባ፣ ሐምሌ 12፣ 2018 (ኤፍ ኤም ሲ) በዘመናዊው ዓለም የሀገራት ፉክክር በወታደራዊ ኃይል ወይም በተፈጥሮ ሀብት ብቻ አይወሰንም፡፡

የቴክኖሎጂ አቅም፣ የዲጂታል መሠረተ ልማትና የመረጃ ሉዓላዊነት የሀገራትን የወደፊት እድገት የሚወስኑ ቁልፍ መለኪያዎች ሆነዋል።

ኢትዮጵያም ባለፉት 5 ዓመታት በዲጂታል ኢትዮጵያ 2025 ስትራቴጂ ያከናወነቻቸው ሥራዎች የዲጂታል ሽግግር መሠረት ጥለዋል፡፡ በ2ኛው ምዕራፍ በዲጂታል ኢትዮጵያ 2030 ወደ ቀጣዩ የቴክኖሎጂ ዘመን ለማሸጋገር በትኩረት እየሰራች ነው።

የዲጂታል ኢትዮጵያ 2025 ስትራቴጂ ዋና ግብ የመንግሥት አሰራርን ማዘመን፣ የቢሮክራሲ ጫናን መቀነስ፣ የሕዝብ አገልግሎቶችን ማፋጠንና የዜጎችን የኑሮ ጥራት ማሻሻል ነበር።

በዚህም የቴሌኮም ዘርፉ ለውድድር ተከፍቶ፣ የ4ኛና 5ኛ ትውልድ ኔትወርክ አገልግሎቶች ወደ ተለያዩ የሀገሪቱ ክፍሎች እንዲስፋፉ በማድረግ የኢንተርኔት ተደራሽነትን እንዲጠናከር አድርጓል፡፡ በዲጂታል ኢኮኖሚ ውስጥ የሚፈጠሩ አዳዲስ ዕድሎችንም አስፍቷል።

የዲጂታል ፋይናንስ ሽግግሩም በሀገሪቱ ውስጥ አዲስ ምዕራፍን የከፈተ ሲሆን÷ የሠራተኞች ደመወዝ፣ የነዳጅ ግብይትና የትራፊክ ቅጣት ክፍያዎች በዲጂታል ስርዓት መፈጸማቸው ግብይቶችን ፈጣን፣ ግልጽና ቀልጣፋ አድርጓል።

በተመሳሳይ ሚሊየኖች በፋይዳ ብሔራዊ የዲጂታል መታወቂያ ሥርዓት ተመዝግበው አገልግሎት እያገኙ ሲሆን÷ የፓስፖርት፣ የንግድ ፈቃድና የታክስ አገልግሎቶችን ወደ ኦንላይን ማሸጋገር ጊዜን ከመቆጠብ ባሻገር የሙስና እድሎችንም ለመቀነስ አስችሏል።

የቴክኖሎጂ ሽግግሩ በአገልግሎት ዲጂታላይዜሽን ብቻ አልተወሰነም፤ የ5 ሚሊየን ኮደርስ ስልጠና ኢኒሼቲቭ የወጣቶችን የቴክኖሎጂ ክህሎት በማሳደግ ለወደፊቱ የዲጂታል ኢኮኖሚ ጠንካራ የሰው ኃይል ለመገንባት አግዟል፡፡ይህም ቴክኖሎጂን ከመጠቀም ወደ መፍጠርና ማልማት የሚደረግ ስልታዊ ሽግግር መሆኑን ያሳያል።

የዲጂታል ሉዓላዊነቷን ለማጠናከር ከሶፍትዌር ልማት ባለፈ በሃርድዌር ምርት ላይም ትኩረት የሰጠችው ኢትዮጵያ የላፕቶፕ፣ የታብሌትና ሌሎች ዲጂታል መሣሪያዎችን በሀገር ውስጥ ለማምረት የፋብሪካ ግንባታ እያከናወነች ትገኛለች።

ከዚህ በተጨማሪ ከዚህ ቀደም ሩቅ ይመስል የነበረው የድሮን ቴክኖሎጂ ዛሬ በሀገር ውስጥ ማምረት መቻሉ በቴክኖሎጂ ራስን የመቻል አቅም እየጠነከረ መምጣቱን ያመለክታል።

ዲጂታላይዜሽን ያለ ጠንካራ የሳይበር ደህንነት ሊሳካ እንደማይችል በመገንዘብም ኢትዮጵያ የሕግ፣ የተቋምና የቴክኖሎጂ አቅሟን በማጠናከር የዲጂታል ሥነ ምህዳሯን እየገነባች ትገኛለች።

የተሻሻለው ብሔራዊ የሳይበር ደህንነት ፖሊሲ፣ የግል መረጃ ጥበቃና የኤሌክትሮኒክስ ግብይት ሕጎች ለዲጂታል ኢኮኖሚው አስተማማኝ ሕጋዊ መሠረት ፈጥረዋል።

በተመሳሳይ የመከላከያ ሳይበር ማዕከል የሰለጠኑ የሳይበር ኃይሎችን በማፍራት የአገሪቱን ዲጂታል ሀብቶችና ቁልፍ መሰረተ ልማቶችን ለመጠበቅ አቅሙን እያጠናከረ ይገኛል።

በዚህ መሠረት ዲጂታል ኢትዮጵያ 2030 ስትራቴጂ የ2025 ስትራቴጂ ቀጣይ ምዕራፍ ብቻ ሳይሆን ኢትዮጵያን ወደ ዲጂታል ኢኮኖሚ፣ ወደ ቴክኖሎጂ ፈጠራና ወደ ሉዓላዊ የመረጃ ሥርዓት የሚያሸጋግር ብሔራዊ ራዕይ ነው።

ስትራቴጂው የሰው ሰራሽ አስተውሎትን እና ሌሎች አዳዲስ ቴክኖሎጂዎችን በመጠቀም በኢኮኖሚ፣ በመንግሥታዊ አገልግሎትና በማኅበራዊ ዘርፎች ሥር ነቀል ለውጥ ለማምጣት ያለመ ነው።

በመሆኑም ኢትዮጵያ የጀመረችው የዲጂታል ጉዞ የቴክኖሎጂ አጠቃቀምን ከማስፋት ባለፈ የራሷን ቴክኖሎጂ የምትፈጥር፣ የምታመርትና የምትጠብቅ ሀገር ለመሆን የተጀመረ ስልታዊ ጉዞ መሆኑን በግልጽ አሳይቷል።

የዲጂታል 2030 ራዕይ ጥንካሬ ያላት፣ በቴክኖሎጂ ራሷን የቻለች እና ለወደፊቱ ፉክክር ዝግጁ የሆነች ኢትዮጵያን ለመገንባት ጠንካራ መሠረት ይጥላል።

በዮናስ ጌትነት

ዘርፈ ብዙ አገልግሎት በነጻ የንግድ ቀጣና..

አዲስ አበባ፣ ሐምሌ 6፣ 2018 (ኤፍ ኤም ሲ) የድሬደዋ ነጻ የንግድ ቀጣና በሀገር ምጣኔ ሀብት ላይ ዘርፈ ብዙ እመርታዎችን እያስመዘገበ ነው አሉ የኢንዱስትሪ ፓርኮች ልማት ኮርፖሬሽን ም/ሥራ አስፈጻሚ ፍጹም ከተማ።

አቶ ፍጹም ከፋና ፖድካስት ጋር በነበራቸው ቆይታ÷ የድሬደዋ ነጻ የንግድ ቀጣና ማኑፋክቸሪንግን እና ነጻ ንግድን በጋራ አጣምሮ የያዘ እና ዘርፈ ብዙ የኢኮኖሚ እንቅስቃሴዎች የሚካሄዱበት ነው ብለዋል።

ነጻ የንግድ ቀጣናው የዘርፉን ሉዓላዊነት ከማስጠበቅ ባሻገር የወጪና ገቢ ንግድን በማሳለጥ፣ የታሪፍና ታክስ ጫናዎችን በመቀነስ ረገድ የጎላ ጠቀሜታ እንዳለው ጠቁመዋል።

ምርቶች በቀጥታ ከጅቡቲ ወደብ ተጓጉዘው በቀጣናው ውስጥ እንዲራገፉና እሴት ተጨምሮባቸው ወደ ቀጣይ መዳረሻቸው እንዲላኩ አስችሏልም ነው ያሉት፡፡

ድሬደዋ ለጅቡቲ ካላት ስትራቴጂካዊ ቅርበትና ካላት ምቹ መሠረተ ልማት አኳያ ለዚህ ዓላማ ተመራጭ መሆኗን ጠቁመው ÷ በቀጣናው የመጀመሪያ ዙር ትግበራ ከ4 ሺህ በላይ ለሚሆኑ ዜጎች የሥራ ዕድል መፍጠር መቻሉን አረጋግጠዋል።

በአሁኑ ወቅት እየለማ ባለው ሁለተኛው ዙር የማስፋፊያ ሥራ ከ600 በላይ ድርጅቶች እንደሚሳተፉና ከፍተኛ የገበያ እንቅስቃሴ እንደሚጠበቅ አስታውቀዋል።

ባለፈው አንድ ዓመት ከተቋማት ቅንጅታዊ ሥራ ባሻገር የአሠራር ሥርዓቶችን የማዘመን፣ የዲጂታላይዜሽን እና ከባንክ አሠራር ጋር የማዳበር ሥራዎች መከናወናቸውን ተናግረዋል።

በቀጣይም በሕብረተሰቡ፣ በባለሃብቱና በተቋማት ዘንድ ስለ ነጻ የንግድ ቀጣና ያለውን ግንዛቤ ይበልጥ ለማሳደግ እንደሚሠራ ምክትል ሥራ አስፈጻሚው አብራርተዋል።

በቅድስት ዘውዱ

የኢንዱስትሪ ፓርኮች ልማት ኮርፖሬሽን ም/ሥራ አስፈጻሚ አቶ ፍጹም ከተማ ከፋና ፖድካስት ጋር ያደረጉትን ቆይታ ለመከታተል ማስፈንጠሪያውን ይጫኑ ፡-https://www.youtube.com/wa...

ሰላም፤ እንደምን አደራችሁ?

ሌብነትና ሙስናን ለማስቀረት በርካታ ርምጃዎችን የወሰደው መንግሥት …

ስር የሰደደ፣ ህዝብ ያማረረና ለሀገር የደህንነት ስጋት የሆነውን ሙስና ለመግታት መንግሥት ብሔራዊ የጸረ ሙስና ኮሚቴ እስከማቋቋም የደረሰ ርምጃ መውሰዱ ይታወሳል፡፡

ሌብነት (ሙስና) በመንግሥት ተቋማት ዘንድ እንደሚዘወተር በብዛት ቢገለጽም ከአነስተኛ ሀገር በቀል እስከ ድንበር ተሻጋሪ ኩባንያዎች እና በግል ድርጅቶችም ጭምር የከፋ እንደሆነ ጥናቶች ይጠቁማሉ።

ሙስና በኢትዮጵያ ከኑሮ ውድነትና ስራ አጥነት ቀጥሎ የሀገር ደህንነት ስጋት መሆኑ በመንግሥት ይፋ ሆኗል።

ጥናቶች ሙስናን በተለያዩ ደረጃዎችና መልኮች የሚገልጹት ሲሆን፤ መጠነ ሰፊ ሙስና፣ አነስተኛ ሙስና፣ ፖለቲካዊ ሙስና እና ስልታዊ ሙስና በሚል ይመደባሉ።

ሙስና ድህነትን ያባብሳል፤ ሰብዓዊ መብትና ክብርን ይገፋል፤ አካባቢን ይሸረሽራል፤ ዕድገትን ይጎትታል፤ ውስጣዊና በሀገራት መካከል ግጭት ይቀሰቅሳል፤ የመንግሥትን ቅቡልነት እና ዴሞክራሲን ይፈታተናል።

ሙስና ጠንክሮ መስራትን የሚኮንን፣ ሳይሰሩ መብልጸግን የሚያጀግን፣ የአጋርነትን ሞራል የሚሰብር፣ ሀገርን ለውጫዊ ደህንነት ስጋት የሚጥል፣ የውጭ ቀጥታ ኢንቨስትመንትን የሚያቀጭጭ፣ ውስጣዊ ስርዓትና መረጋጋትን የሚፈትን፣ ኢኮኖሚያዊ ዕድገት እና አጠቃላይ ዘላቂ ልማትን የሚገታ ክፉ ነቀርሳ ነው።

እንደ ኢትዮጵያ ላሉ ታዳጊ ሀገራት ደግሞ ሙስና በእንቅርት ላይ ጆሮ ደግፍ ሆኗል።

በመንግሥት አግልግሎት አሰጣጥ፣ በመሬት አስተዳደር፣ በፋይናንስና ግዥ፣ በመሰረታዊ ፍጆታ አቅርቦት ዘርፎች ላይ በስፋት የሚስተዋለውን ሙስና ለማስቀረት መንግሥት ዲጂታላይዜሽንን ከማስፋፋት ጀምሮ በርካታ ስራዎችን ሰርቷል፡፡

በፀጥታና ፍትህ ተቋማት ዘንድም ኃላፊነትን ያለአግባብ በመጠቀም በአቋራጭ የመበልፀግ የሙስና ወንጀሎችን ለማስወገድ መንግሥት ያለርህራሄ ርምጃ እንደሚወስድ በተደጋጋሚ አስታውቋል፡፡

ጠቅላይ ሚኒስትር ዐቢይ አሕመድ (ዶ/ር) በሕዝብ ተወካዮች ምክር ቤት 5ኛ ዓመት የሥራ ዘመን 30ኛ መደበኛ ስብሰባ ላይ ተገኝተው በሰጡት ማብራሪያ ሌብነት ጥዩፍ እና ቆሻሻ ነገር መሆኑን አጽንኦት ሰጥተዋል።

ከሌብነት ጋር በተያያዘ ብዙ እንደሚባል ጠቅሰው፤ ተጠያቂ ለማድረግ ሰዉ ማስረጃ የማቅረብ ክፍተት እንዳለበት አመልክተዋል።

ሰው እንደሚፎክረው አይደለም ያሉት ጠቅላይ ሚኒስትሩ፤ አንድ ሰው የተጣራ የኦዲት ሪፖርት አምጥቶ መንግሥት ርምጃ አልወሰደም ካለ እኔ ኃላፊነት እወስዳለሁ በማለትም መንግሥት ጉዳዩን አጥብቆ እንደሚዋጋው አረጋግጠዋል።

ሌብነትን ስም ማጥፊያ ከማድረግ በዘለለ በተጨባጭ ማስጠየቅ የሚያስችል ጉዳይ ማቅረብ ከተቻለ መንግሥት ርምጃ ለመውሰድ ዝግጁ መሆኑን ጠቅሰው፤ መንግሥትና ህዝብ አደራ ብሏቸው ቃለ መሓላ ፈጽመው ከዚህ ምስኪን ህዝብ የሚያጭበረብሩ እንዳሉም ጠቁመዋል።

ሌብነት ክፉ መሆኑን አምነን መጀመሪያ ራስን መታገል አልፎ ሲሄድ ደግሞ በህግ የሚያስጠይቅ ማስረጃ መያዝ ጠቃሚ ይሆናል ነው ያሉት።

በተጠናቀቀው በጀት ዓመት ከ5 ሚሊዮን በላይ ለሚሆኑ ዜጎች የሥራ ዕድል ተፈጥሯል - ጠቅላይ ሚኒስትር ዐቢይ አሕመድ (ዶ/ር)
*******************

በኢትዮጵያ በተጠናቀቀው በጀት ዓመት በሀገር ውስጥና በውጭ ሀገራት የሥራ ስምሪት ከ5 ሚሊዮን በላይ ለሚሆኑ ዜጎች የሥራ ዕድል መፈጠሩን ጠቅላይ ሚኒስትር ዐቢይ አሕመድ (ዶ/ር) ለሕዝብ ተወካዮች በሰጡት ምላሽ እና ማብራሪያ ገልጸዋል።

ከእነዚህ መካከል 4.9 ሚሊዮን የሚሆኑት በሀገር ውስጥ የሥራ ዕድል ያገኙ ሲሆኑ፣ ከ101 ሺህ በላይ የሚሆኑት ደግሞ በውጭ ሀገራት የሥራ ስምሪት ተጠቃሚ የሆኑ ናቸው።

በተጨማሪም በልዩ የክህሎትና ሙያ ዘርፍ የተሰማሩ 40 ሺህ ዜጎች የሥራ ዕድል ማግኘታቸውን ጠቅላይ ሚኒስትሩ ጠቅሰዋል።

የየዘርፉን የሥራ ዕድል ፈጠራ ድርሻ በተመለከተም፥ ግብርና ከ2 ሚሊዮን በላይ፣ አገልግሎት፣ ንግድ እና ዲጂታላይዜሽን 1.8 ሚሊዮን እንዲሁም ኢንዱስትሪ ከ900 ሺህ በላይ ለሚሆኑ ዜጎች የሥራ ዕድል መፍጠራቸውን አብራርተዋል።

የሥራ ዕድል ፈጠራ አፈጻጸም በሀገር ውስጥ የ13 በመቶ እንዲሁም በውጭ ሀገራት ስምሪት የ27 በመቶ ዕድገት ያሳየ መሆኑን አክለው ገልጸዋል።

የፋይናንስ ዘርፉ በዲጂታላይዜሽን መታገዙ ያመጣውን ከፍተኛ ለውጥ ተከትሎ የሀገራችን አጠቃላይ ቁጠባ ከነበረበት 2.6 ትሪሊዮን ብር አሁን ላይ ወደ 4 ትሪሊዮን ብር ገደማ መድረሱን ተናግረዋል።

አዲሱ የውጭ ምንዛሬ ፖሊሲ ተግባራዊ ከሆነ ወዲህ የኢትዮጵያ ማዕከላዊ ባንክ ገበያውን ለማረጋጋት 2.7 ሚሊዮን ዶላር ለገበያ ማቅረቡንና የፋይናንስ ዘርፉ በአሁኑ ወቅት በትሪሊዮኖች የሚቆጠር ገንዘብ የሚንቀሳቀስበት ግዙፍ ሴክተር መሆኑን ጠቅላይ ሚኒስትሩ አረጋግጠዋል።

በበረከት ሽመልስ
#ethiopia #parliament #pmabiyahmed #employment #ebc

የጎንደር ዩኒቨርሲቲ ወደ ራስ-ገዝነት፤ ከልቀት ማዕከልነት እስከ ዘመናዊ ግብርና እና ዲጂታላይዜሽን
‎
‎#ethiopia | ​የጎንደር ዩኒቨርሲቲ ከሀገሪቱ ቀዳሚ ተቋማት አንዱ በመሆን ወደ ሙሉ ራስ-ገዝነት ለመሸጋገር የሚያስችሉትን ሰፊ የቅድመ ዝግጅት ስራዎች ማጠናቀቁን የዩኒቨርሲቲው ፕሬዝዳንት አስራት አጸደወይን (ዶ/ር) ገለጹ።
‎
‎ፕሬዝዳንቱ እንደገለጹት፣ ይህ የራስ-ገዝነት ጉዞ ተቋሙ የተሻለ አካዳሚያዊ፣ አስተዳደራዊ እና የፋይናንስ ነጻነት ጎናጽፎ የላቀ ተልዕኮውን እንዲያሳካ ሰፊ በር ይከፍትለታል። ለዚህም ስኬት ይረዳ ዘንድ በዩኒቨርሲቲው ማህበረሰብና በከተማው ምክር ቤት ደረጃ ሰፊ የግንዛቤ ፈጠራ ስራዎች መከናወናቸውን ያነሱት አስራት (ዶ/ር)፣ ራስ-ገዝነት ነጻነትን ብቻ ሳይሆን ተጠያቂነትንም አብሮ የሚያሰፍን መሆኑን አስገንዝበዋል።
‎
‎ከዚሁ ጋር ተያይዞ በሽግግሩ ወቅት መመሪያ የሚሆኑ 55 ያህል ልዩ ልዩ ስትራቴጂካዊ ፖሊሲዎችና ሰነዶች ተዘጋጅተው ለትምህርት ሚኒስቴር ገቢ መደረጋቸውንና በውጭ ባለሙያዎች በተደረገው የዝግጁነት ግምገማም ዩኒቨርሲቲው እጅግ አበረታች ውጤት ማስመዝገቡን በኩራት ገልጸዋል።
‎
‎​ዩኒቨርሲቲው ከመንግስት የሚገኘውን የፋይናንስ ድጋፍ በሂደት በመቀነስ ራሱን ለመቻል የገቢ ምንጮቹን እያሰፋ መሆኑን ፕሬዝዳንቱ አስረድተዋል። በዚህም መሰረት በ"እቴጌ ምንትዋብ ንግድና ማማከር ኢንተርፕራይዝ" ስር ደረጃቸውን የጠበቁ እንደ ማተሚያ ቤት፣ ሞዴል ፋርማሲ፣ የኢንፎርሜሽን ኮሙዩኒኬሽን ቴክኖሎጂ (ICT) እና የምህንድስና ማማከር አገልግሎቶችን ጨምሮ ወደ አስር የሚጠጉ የገቢ ማስገኛ ዲፓርትመንቶች ተቋቁመው ስራ ጀምረዋል።
‎
‎አስራት (ዶ/ር) እንደገለጹት፣ እነዚህ ተቋማት ለዩኒቨርሲቲው ተጨማሪ ሀብት ከመፍጠርና ለአካባቢው ወጣቶች የስራ እድል ከመስጠት ባለፈ፣ ለተማሪዎች እንደ ተግባራዊ መማሪያ ቤተ-ሙከራ በመሆን እያገለገሉ ይገኛሉ።
‎
‎በተጨማሪም ጥራታቸውን የጠበቁ ምርቶችና መድኃኒቶችን በተመጣጣኝ ዋጋ በማቅረብ የአካባቢውን የገበያ ዋጋ በማረጋጋት ረገድ ከፍተኛ ሚና እየተጫወቱ መሆኑን አብራርተዋል።
‎
‎​የጎንደር ዩኒቨርሲቲ ቀደም ሲል በጤናው ዘርፍ ብቻ ከነበረው የልቀት ማዕከልነት ወጥቶ አሁን ላይ በ11 ኮሌጆች ዘርፈ ብዙ ስራዎችን እያከናወነ እንደሚገኝ ፕሬዝዳንቱ ጠቁመዋል። በተለይም በከተማ ግብርና ዙሪያ በአጼ ቴዎድሮስና በፋሲል ግቢዎች እንዲሁም በጎርጎራ ጣቢያ ሰፋፊ የአትክልት፣ ፍራፍሬና የቡና ልማት ስራዎች እየተሰሩ መሆኑን ገልጸዋል።
‎
‎አርሶ አደሩን በዘመናዊ የግብርና ቴክኖሎጂ ለማደራጀትና አመለካከቱን ለመቀየር የትራክተሮችና የኮምባይነር ሀርቨስተር አቅርቦቶችን በማመቻቸት የግብርና መካናይዜሽን ስራዎችን እያስተዋወቁ መሆናቸውን አስራት (ዶ/ር) ጠቅሰዋል።
‎
‎ዩኒቨርሲቲው በየዓመቱ የገበሬዎች ቀንን በማክበር የልምድ ልውውጥ መድረኮችንና ኤግዚቢሽኖችን እያዘጋጀ ሲሆን፣ ይህም ማህበረሰቡ የተመጣጠነ ምግብ እንዲያገኝና የአካባቢው ምርታማነት እንዲያድግ ትልቅ መነቃቃት መፍጠሩን አብራርተዋል።
‎
‎​በመጨረሻም ተቋሙ የሀገሪቱን የዲጂታል 2030 እቅድ ለማሳካት በቁርጠኝነት እየሰራ መሆኑን ፕሬዝዳንቱ አረጋግጠዋል።
‎
‎ለዚህም ይረዳ ዘንድ የአርቲፊሻል ኢንተለጀንስ (AI) የምርምር ማዕከል መከፈቱንና በዘርፉ የማስተርስና የፒኤችዲ ፕሮግራሞች መጀመራቸውን ገልጸዋል። ዩኒቨርሲቲው አሰራሩን ሙሉ በሙሉ ወረቀት አልባ (paperless) ለማድረግ የፋይናንስ፣ የግዢ፣ የንብረት አስተዳደርና የምርምር ግምገማዎችን በዘመናዊ ዲጂታል ሲስተሞች ማከናወን መጀመሩን አስራት (ዶ/ር) አስታውቀዋል።
‎
‎ይህ የቴክኖሎጂ ሽግግር አላስፈላጊ ወጪዎችን በከፍተኛ ደረጃ የመቀነስ፣ ውጤታማነትን የማሳደግና ተጠያቂነትን የማስፈን አቅም እንዳለው የገለጹት ፕሬዝዳንቱ፣ በአሁኑ ወቅት ግንባታው እየተጠናቀቀ የሚገኘው ዘመናዊ የዳታ ሴንተርና የዋን ካርድ (One Card) ሲስተም መሰረተ ልማቶች ተቋሙን ይበልጥ ወደላቀ የዲጂታል ምዕራፍ እንደሚያሸጋግሩት እምነታቸውን ገልጸዋል።
‎
‎በጌትነት ተመስገን
‎Getu Temesgen - (ጌጡ ተመስገን)
‎
‎#getutemesgen #getu #ጌጡ
‎
‎#ethiopia #gondaruniversity #education #የጎንደርዩኒቨርሲቲ

የቢሮክራሲውን ማነቆዎች የሚገታው የኢትዮጵያ ዲጂታላይዜሽን
*********************

(የዕለቱ መልዕክት)

የአገልግሎት አሰጣጥ ሥርዓት ባልተቀላጠፈበት እና ዘመናዊ ቴክኖሎጂ በሌለበት ስለ ተገልጋይ እርካታ ማውራት ከንቱ ድካም ነው።

በሀገራችን ለረጅም ዘመናት የቆየው እና የዜጎችን እንግልት ሲያበዛ የኖረው “ዛሬ ሂድ፤ ነገ ና” የሚለው አሰልቺ ቢሮክራሲ፣ የሕዝብን ሮሮ ከመጨመሩ ባለፈ የሙስና አዙሪት መፈልፈያ ሆኖ መቆየቱ የአደባባይ ምስጢር ነው።

ይህንን ሥር የሰደደ ማነቆ ለመፍታት ቴክኖሎጂን እንደ ዋና መፍትሔ መውሰድ አማራጭ የሌለው ጉዳይ ሆኗል።

ኢትዮጵያ ያላትን ሰፊ እና ወጣት የሰው ኃይል እንዲሁም የመንግሥትን ጠንካራ የፖለቲካ ቁርጠኝነት በመጠቀም፣ ቴክኖሎጂውን ለሕዝብ ተጠቃሚነት እና ለኢኮኖሚ ሽግግር በስፋት እያዋለችው ትገኛለች።

ባለፉት የለውጥ ዓመታት በዘርፉ የተመዘገቡት ስኬቶች የሲቪል ሰርቪስ ሪፎርሙን ከማሳካት ባለፈ፣ የዜጎችን የዕለት ተዕለት ሕይወት የሚያቀልሉ፣ ጊዜን እና ገንዘብን የሚቆጥቡ ትልልቅ ተስፋዎችን አብስረዋል።

ለዚህም ማሳያ የሚሆነው ዘመናዊ ቴክኖሎጂን በመጠቀም የተቀረጸው እና በይፋ ሥራ የጀመረው የመሶብ የአንድ ማዕከል አገልግሎት የተንቀሳቃሽ አውቶቡስ ስምሪት አንዱ ነው።

ይህ በአፍሪካ ፈር ቀዳጅ የሆነ አሠራር የመንግሥት አገልግሎቶችን ለማግኘት በየቢሮው እና በየደረጃው በሚገጥሙ የቢሮክራሲ ሰንሰለቶች የመጉላላት እና በፀሐይም በዝናብም የመንከራተትን ዘመን በዘላቂነት የሚቀይር አዲስ ምዕራፍ ነው።

በልዩ ሁኔታ በተዘጋጁ ንጹሕ ኢነርጂ በሚጠቀሙ የኤሌክትሪክ ተሽከርካሪዎች ላይ የተመሠረተው ይህ አገልግሎት፤ የፋይዳ ብሔራዊ መታወቂያ፣ የግብር ከፋይ መለያ ቁጥር (TIN)፣ የንግድ ፈቃድ፣ የመንጃ ፈቃድ፣ የተሽከርካሪ ታርጋ፣ የነዋሪነት መታወቂያ ዕድሳት፣ የልደት ምዝገባ እንዲሁም የመንገድ ፈንድ እና የኤሌክትሪክ ቅድመ-ክፍያ አገልግሎቶችን ጨምሮ ስምንት ዋና ዋና የመንግሥት አገልግሎቶችን በአንድ ጣራ ሥር ይዞ ወደ ማኅበረሰቡ ደጃፍ መጥቷል።

የዚህ የዲጂታላይዜሽን ስኬት ትልቁ ፋይዳ የአገልግሎት አሰጣጥን ከማቀላጠፍ ባለፈ ሙስናንና የአሠራር ብልሹነትን በተጨባጭ መግታቱ ላይ ነው።

ተንቀሳቃሽ አውቶቡሶቹ ከዋና ዋና የፌዴራል ተቋማት የመረጃ ማዕከላት ጋር በቀጥታ የተገናኙ መሆናቸው፣ በውስጣቸውም ዲጂታል የሰዎች ወረፋ ማስተናገጃ፣ የክትትል ካሜራዎች እና የተለዋዋጭ ዲጂታል ክፍያ አማራጮች መካተታቸው አሠራሩን ግልጽና ተጠያቂነት የሰፈነበት ያደርገዋል።

ይህ ዓይነቱ በቴክኖሎጂ የተደገፈ አዲስ ስምሪት በመንግሥት አገልግሎት ላይ የሚታየውን አሰልቺ ቢሮክራሲ በመቀነስ፣ ሕገ ወጥ ደላሎችን እና ብልሹ አሠራሮችን ከአምራቹ ማኅበረሰብ ትከሻ ላይ ያወርዳል። የአገልግሎት አሰጣጥ ሲፋጠን የሚቆጠበው ጊዜ እና ጉልበት ደግሞ በቀጥታ ወደ ምርታማነትና ወደ ሀገር ሀብት ይቀየራል።

ይሁን እንጂ ይህ የተጀመረው የዲጂታል ትራንስፎርሜሽን ጉዞ ይበልጥ ውጤታማና ዘላቂ እንዲሆን የዜጎች እና የሚመለከታቸው አካላት ንቁ ተሳትፎ ወሳኝ ነው።

የቆየውን ተቋማዊ እና ግለሰባዊ ልምምድ ቀይሮ በፈገግታና በታማኝነት ማገልገል ቀላል ባይሆንም፣ ቴክኖሎጂው ግን ይህንን የሥራ ባህል ለውጥ እያፋጠነው ይገኛል። በመሆኑም ዜጎች እነዚህን ዘመናዊና ምቹ አገልግሎቶች በባለቤትነት ስሜት በመጠቀም፣ የዲጂታል መታወቂያ ባለቤት በመሆን ጊዜያቸውንና ገንዘባቸውን ሊቆጥቡ ይገባል።

በሌላ በኩል፣ የአመራር አካላት እና የሚመለከታቸው ተቋማት ይህ አመርቂ ጅምር ይበልጥ እንዲስፋፋ፣ መሠረተ ልማቱ እንዲጠናከር እና ኢትዮጵያውያን ባሉበት ስፍራ ሆነው በሞባይላቸው ሙሉ አገልግሎት የሚያገኙበት ደረጃ ላይ እስኪደርስ በትጋት ሊሠሩ ይገባል።

ቴክኖሎጂ የሀገር ብልጽግና ምሰሶ ከመሆኑም በላይ የዜጎችን ክብር የሚመልስ መሣሪያ በመሆኑ፣ የአገልግሎት ማነቆዎችን የመስበር ይህ አመርቂ ጅምር ተጠናክሮ ሊቀጥል ይገባል።

የኢቢሲ ዶትስትሪም ኤዲቶሪያል
#ethiopia #ebc #digitalethiopia #mesob #digitalization

ሰበር ዜና!!

አቶ ይህንዓለም አቅናው መሸሻ የአማራ ባንክ ፕሬዚዳንት ተደርገው ተመረጡ።

የዘሐበሻ ዜና የአማራ ባንክ የዳይሬክተሮች ቦርድ ትናንት ሰኔ 13 ቀን 2018 ዓ.ም በኢትዮጵያ ስካይላይት ሆቴል ባደረገው ጥልቅና ስትራቴጂካዊ ስብሰባ፣ አቶ ይህንዓለም አቅናውን አዲሱ የአማራ ባንክ ፕሬዚዳንት አድርጎ መርጧል።

አዲሱ ፕሬዚዳንት አቶ ይህንዓለም አቅናው በኢትዮጵያ የባንክ ኢንዱስትሪ ውስጥ ከ24 ዓመታት በላይ የዘለቀ ስኬታማ የሥራ ልምድ ያላቸው ሲሆን፣ ይህንን ተግባራዊ ተሞክሯቸውን በዓለም አቀፍና በአገር አቀፍ የላቀ የትምህርት ዝግጅትና የሙያ ማረጋገጫዎች ያገነቡ መሪ ናቸው።

የአካዳሚክና የሙያ ብቃታቸውን በተመለከተ፦
👉 ከአዲስ አበባ ዩኒቨርሲቲ የንግድና ኢኮኖሚክስ ፋኩልቲ በሂሳብ አያያዝ (BA in Accounting) የመጀመሪያ ዲግሪያቸውን አግኝተዋል።
👉 በቴክኖሎጂና ዲጂታላይዜሽን ዘርፍ ያላቸውን እውቀት ለማሳደግ ከአዲስ አበባ ዩኒቨርሲቲ በኢንፎርሜሽን ሲስተምስ (BSc in Information Systems) በ2005 ዓ.ም (እ.ኤ.አ) ሁለተኛ ዲግሪያቸውን አጠናቀዋል።

👉 በለንደን፣ ዩናይትድ ኪንግደም ከሚገኘው ታዋቂው የታወቀላቸውና የተመሰከረላቸው የሂሳብ ባለሙያዎች ማህበር (FCCA - ACCA (Association of Chartered Certified Accountants) UK) ተምረው የላቀ የሙያ ማረጋገጫ ማዕረግ በ2013 ዓ.ም (እ.ኤ.አ) ተቀናጅተዋል።

👉 እንዲሁም ከአዲስ አበባ ዩኒቨርሲቲ ድህረ-ምረቃ ትምህርት ቤት የExecutive MBA (የሥራ አመራር ማስተርስ) ዲግሪያቸውን በ2014 ዓ.ም (እ.ኤ.አ) አግኝተዋል።

​የሥራ ልምድ ዝርዝር (Professional Experience) በተመለከተ፦

አቶ ይህንዓለም አቅናው ከ24 ዓመታት በላይ የዘለቀ የሥራ ዘመናቸውን በኢትዮጵያ ቀዳሚና ግዙፍ የግል ባንክ በሆነው ዳሽን ባንክ ውስጥ ያሳለፉ ሲሆን፣ ከታችኛው የባንክ ኦፕሬሽን ጀምሮ እስከ ከፍተኛው የአመራር እርከን ድረስ በተለያዩ ኃላፊነቶች ላይ አገልግለዋል።

ለአብነት ያኽል፤

👉 የቅርንጫፍ ሥራ አስኪያጅ (Branch Manager) በመሆን አገልግለዋል። በተለያዩ የዳሽን ባንክ ቅርንጫፎች ውስጥ በሥራ አስኪያጅነት በመስራት፣ የቅርንጫፍ ኦፕሬሽኖችን መርተዋል፣ የደንበኞችን ቁጥር አሳድገዋል እንዲሁም የተቀማጭ ገንዘብ (Deposit) አሰባሰብን አጠናክረዋል።

👉 በዳሽን ባንክ ዋና ቢሮ የክሬዲት ዲፖርትመት (credit department) ዳይሬክተር በመሆን ሰርተዋል። በብድር ክፍል ውስጥ ትልቅ አሻራ አሳርፈዋል።

👉 በኋላም የስትራቴጂ መምሪያ ኃላፊ ( Strategy Department Director) በመሆን በባንኩ ዋና መሥሪያ ቤት ውስጥ በኃላፊነት በመምራት የውስጥ አሰራር ሥርዓትን እና ስትራቴጂካዊ አሰራሮችን አዘምነዋል። ትልልቅ ስራዎችን ሰርተዋል።

👉 በምክትል ፕሬዚዳንትነት ደረጃ (Vice President) በመሆን ሰርተዋል። በዳሽን ባንክ ከፍተኛ ማኔጅመንት ውስጥ በምክትል ፕሬዚዳንትነት ደረጃ ቁልፍ ስትራቴጂካዊ ቦታዎችን እና ዘርፎች በዋናነት መርተዋል። የስትራቴጂክ እና ከስተመር ኤክስፔርያስ (Strategy & Customer Experience) ፣ እንዲሁም የባንኩን Retail & SME ዘርፍ በቺፍነት መርተዋል። በዚሁ ቆይታቸው በድስትሪክት ደረጃ በርካታ የባንክ ቅርንጫፎችን በአንድ ላይ በማስተናገድ፣ የስትራቴጂ አፈጻጸምን፣ የሰው ኃይል ልማትንና የቅርንጫፎችን ሁለንተናዊ ዕድገት በበላይነት መርተዋል።

ከዚህ ባሻገር በባንኩ ውስጥ በነበራቸው ተሳትፎ ዋና ዋና የአመራር ስኬቶችና ክህሎቶች የተጎናፀፉ እንደሆኑ የግል ማህደራቸው ያሳያል። የባንኩን የዲጂታል ሽግግር ማለትም ባንኩ ወደ ዘመናዊና ቴክኖሎጂ ተኮር አሰራር በሚያደርገው ጉዞ ላይ የላቀ አስተዋጽዖ አበርክተዋል። በሂሳብ አያያዝና በፋይናንስ ኦዲት (FCCA) ያላቸውን ዓለም አቀፍ እውቀት በመጠቀም የባንኩን የውስጥ አሰራር እና ቁጥጥር ሥርዓት አጠናክረዋል። የስትራቴጂካዊ ውሳኔ በመስጠት የባንኩን የረጅም ጊዜ ዕድገት የሚያረጋግጡ ፖሊሲዎችንና መመሪያዎችን በመቅረጽ ረገድ የዳበረ ልምድ አግኝተዋል። በሁሉም ዘርፍ በአመራርነት ትልቅ አስተዋጽኦ አበርክተዋል።

ይህ በፋይናንስ፣ በኦፕሬሽን፣ በቴክኖሎጂ እና በስትራቴጂካዊ አመራር ዙሪያ ያካበቱት ሁለንተናዊ የትምህርት ዝግጅት፣ በዳሽን ባንክ ውስጥ ለረጅም ዓመታት በቅርንጫፍ ሥራ አስኪያጅነት፣ በዲፓርትመንት አስኪያጅነት እና ዳይሬክተርነት፣ እንዲሁም በከፍተኛ ምክትል ፕሬዚዳንትነት (በተለይም ሪቴል እና ኤስኤምኢ፣ ስትራቴጂ እና ከስተመር ኤክስቴርያስ ዘርፎች) ከመሩት የካበተ ልምድ ጋር ተዳምሮ ለከፍተኛው የባንክ መሪነት ቦታ ብቁ አድርጓቸዋል።

በአሁኑ ወቅት አማራ ባንክ የሚገኝበትን የዕድገት ምዕራፍና ያለበትን መስቀለኛ መንገድ ከግምት ውስጥ በማስገባት፣ አዲሱ ፕሬዚዳንት ካላቸው የቴክኖሎጂ፣ የስትራቴጂ ፣ የፋይናንስ እና ኦፕሬሽን ማኔጅመንት ጥልቅ እውቀት አንጻር በባንኩ ውስጥ የሚነሱ የመልካም አስተዳደር ጥያቄዎችን፣ የደንበኞችን ፍላጎትና የአገልግሎት ጥራት ተግዳሮቶችን በአጭር ጊዜ ውስጥ በመፍታት ባንኩን ወደ ተሻለና አስተማማኝ የዕድገት መስመር ያስገቡታል ተብሎ ትልቅ ተስፋ ተጥሎባቸዋል።

ስለ አቶ ይህንዓለም አቅናው ከቅርበ‍ ጓደኞቻቸው ያገኘነው መረጃ እንደሚያመለክተው፤ አቶ ይህንዓለም ባለራዕይ፣ ታማኝ፣ የሙያ ስነምግባሩን የሚያከብር፣ በስትራቴጂካዊ እድገት እና በዲጂታል ትራንስፎርሜሽን ረገድ ተግባራዊ ልምድ ያለው፣ የፋይናንስ አፈጻጸምን በማሻሻል፣ አደጋን በማስተዳደር እና የደንበኞችን ፍላጎት ለማሟላት ፈጠራን በማሳደግ የተሻለ አሰራር የሚዘረጋ ብለህ ሰው ነው ብለዋል። አያይዘውም አዲሱ ተሿሚ የአማራ ባንክ አሁን ካለበት መሰረታዊ ችግር ይታደገዋል የሚል የፀና ግምታቸውን አስቀምጠዋል።

የኢትዮጵያ የዲጂታል ኢኮኖሚ ሽግግር እመርታ
*********************

(የዕለቱ መልዕክት)

ዓለማችን በቴክኖሎጂ እና በኢኖቬሽን ፈጣን ግስጋሴ ውስጥ ትገኛለች። ኢትዮጵያም ይህንን ዓለም አቀፋዊ እውነት በውል በመገንዘብ፣ ሁለንተናዊ ኢኮኖሚዋን ከመሠረቱ የሚቀይር ታሪካዊ የዲጂታል ሽግግር እያከናወነች ትገኛለች።

በተለይም ባለፉት ዓመታት ሀገራችን ያለባትን ዘላቂ የቢሮክራሲ እና የኢኮኖሚ ፈተናዎች ለመቅረፍ ዲጂታላይዜሽንን እንደ ዋነኛ ስትራቴጂያዊ መሣሪያ በመውሰድ በቁርጠኝነት እየሠራችበት ነው።

ይህ ጉዞ የሀገርን የልማት ምሰሶ በጠንካራ መሠረት ላይ የሚያጸና የመንግሥት የረጅም ጊዜ ራዕይ ማሳያ ነው።

በአንድ ወቅት የዲጂታል ኢኮኖሚ ግንባታ እንደ ሩቅ ሕልም ይታይ የነበረ ቢሆንም በ“ዲጂታል ኢትዮጵያ 2025” ስትራቴጂ በተከናወኑት መሠረታዊ ሥራዎች ዛሬ ውጤት መገኘት ችሏል።

አሁን ደግሞ የሀገራችንን የትራንስፎርሜሽን ጉዞ ይበልጥ የሚያፋጥን እና ይበልጥ ስኬታማ የሚያደርገው “ዲጂታል ኢትዮጵያ 2030” የተሰኘው ብሔራዊ ስትራቴጂ በትግበራ ላይ መዋሉ የሂደቱን ቀጣይነት ያረጋግጣል።

ከዚህ ጎን ለጎን የሰው ሠራሽ አስተውሎት (ኤአይ) በየተቋመት ጥቅም ላይ መዋል ለሚሰጠው አገልግሎት ምቹ ሁኔታን ፈጥሯል።

የ“ፋይዳ” ብሔራዊ የዲጂታል መታወቂያ ፕሮግራምም ለጠቅላላው የዲጂታል ሥነ ምኅዳር ግንባታው መሠረት ሆኖ እያገለገለ ይገኛል።

እስከ 90 ሚሊዮን ዜጎችን በሥርዓቱ ውስጥ ለማቀፍ የታቀደው ይህ ግዙፍ መርሐ ግብር ለባንክ፣ ለፋይናንስ፣ ለንግድ እንቅስቃሴ እና ለዴሞክራሲያዊ ሥርዓት ግንባታ ወሳኝ ምሰሶ ነው።

የሀገርን የሰው ኃይል በዕውቀት ሳያደራጁ ዘላቂ ስኬትን ማሰብ ስለማይቻል፣ ከዚህ መሠረት ጋር ተያይዞ በ“ኢትዮ ኮደርስ” ኢኒሼቲቭ 5 ሚሊዮን ዜጎች የዲጂታል ክህሎት ሥልጠና መጀመሩ የነገዋን የበለጸገች ኢትዮጵያ የሚረከቡ ባለሙያዎችን ለማፍራት የተጣለ ታላቅ መሠረት ነው።

ይህ የዲጂታል መሠረት የዜጎችን እንግልት ወደሚቀንስ የሲቪል ሰርቪስ ዝማኔ በተግባር ተሻግሯል።

የአገልግሎት አሰጣጥን በዘመናዊ መልክ ለመቅረጽ በሁሉም አካባቢዎች እየተገነባ የሚገኘው “የመሶብ” የአንድ ማዕከል አገልግሎት የተንዛዛ ቢሮክራሲን በማስቀረት የመንግሥትን ግልጽነት እና ተጠያቂነት በከፍተኛ ደረጃ አሳድጎታል።

ይህ ዓይነቱ የተቀናጀ አሠራር ሙስና እና ብክነትን በዘላቂነት ለመከላከል የሚያስችል አስተማማኝ ተቋማዊ አቅም እየፈጠረ ይገኛል።

በፋይናንስ ዘርፍም ቢሆን በዲጂታል የተከናወነው የግብይት ዋጋ 16 ትሪሊዮን ብር መድረሱ የዲጂታል ኢኮኖሚው ምን ያህል ውጤታማ እና ተደራሽ እየሆነ ለመምጣቱ ማሳያ ነው።

ይህ ስኬት ዝቅተኛ ገቢ ያላቸው ዜጎች እና ጥቃቅን ኢንተርፕራይዞች በቀላሉ የብድር እና የቁጠባ አገልግሎት እንዲያገኙ በማድረግ የፋይናንስ አካታችነትን በተግባር አረጋግጧል።

ለወደፊቱም መሠረታዊ የመንግሥት አገልግሎቶች ሙሉ በሙሉ በዲጂታል ፕላትፎርሞች ተደራሽ ለማድረግ የታቀደው ዕቅድ የሀገራችንን የነገ ገጽታ በእጅጉ የሚቀይር ነው።

መንግሥት የሳይበር ሉዓላዊነትን በማረጋገጥ እና የስታርትአፕ ሥነ ምኅዳርን በማጠናከር፣ የዲጂታል ሽግግር ሂደቱን አስተማማኝ እና ደኅንነቱ የተጠበቀ እያደረገው ይገኛል።

ይህ ታሪካዊ ጉዞ የዜጎችን የዕለት ተዕለት ኑሮ የሚያቀልል፣ ሀገራችንን በዓለም አቀፍ ደረጃ ተወዳዳሪ የሚያደርግ እና የኢኮኖሚ ልማታችንን ከሕልም ወደ እውነት የለወጠ የጋራ ብሔራዊ ስኬታችን በመሆኑ ሁሉም አካላት ለስኬቱ የበኩላቸውን ድርሻ ሊወጡ ይገባል።

የኢቢሲ ዶትስትሪም ኤዲቶሪያል
#ethiopia #ebc #digitalethiopia #ai #technology

የኩባንያችን ዋና ሥራ አስፈጻሚ ከሐዋሳ ከተማ ከንቲባ ጋር የሐዋሳን ከተማ ልማት ፕሮጀክት ለማፋጠን ያለመ ስትራቴጂካዊ ውይይት አደረጉ!

በዋና ሥራ አስፈጻሚያችን ፍሬሕይወት ታምሩ የተመራው የኩባንያችን ከፍተኛ ማኔጅመንት ቡድን፣ ከሐዋሳ ከተማ ከንቲባ ክቡር አቶ ጥራቱ በየነ እና ከከተማዋ ከፍተኛ አመራሮች ጋር በከተማዋ እያስመዘገበችው የሚገኘውን ፈጣን የዲጂታል ዕድገት እንዲሁም የመጻኢ የቴክኖሎጂ ትስስርን ለማጠናከር በሚቻልባቸው ጉዳዮች ዙሪያ ስትራቴጂካዊ ውይይት አካሂዷል።

ክቡር አቶ ጥራቱ በየነ ኩባንያችን እያከናወናቸው የሚገኙ መጠነ ሰፊ የሪፎርም ሥራዎችን በማድነቅ፤ በተለይም የኢትዮጵያን የዲጂታል ትራንስፎርሜሽን በማፋጠን ረገድ ኢትዮ ቴሌኮም እያበረከተ ለሚገኘው ቁልፍ ሚና እውቅና ሰጥተዋል፡፡

ክቡር ከንቲባው ቀደም ሲል በከተማዋ ለተከናወኑ የልማት ፕሮጀክቶች ኩባንያችን ላደረገው ሁለገብ ድጋፍ ምስጋናቸውን አቅርበው፤ ሐዋሳ ከአዲስ አበባ በመቀጠል ዋነኛ የቱሪዝም እና የኮንፈረንስ መዳረሻ እንድትሆን ለማስቻል ያለመ አዲስ የሐዋሳ ሐይቅ ዳርቻ ልማት ውጥን ይፋ ማድረጋቸውን ገልጸዋል። በመሆኑም በመካሄድ ላይ ያለውን የ"ስማርት ሲቲ" ፕሮጀክት እና የሐዋሳ ሐይቅ ዳርቻ ልማት ለማፋጠን የኢትዮ ቴሌኮም ድጋፍ ቀጣይነት እንዲኖረው ጠይቀዋል።

ዋና ሥራ አስፈጻሚ ፍሬሕይወት ታምሩ በበኩላቸው፤ ኩባንያችን መሰል የከተማ ልማት ውጥኖችን ለመደገፍ ያለውን ዝግጁነት አረጋግጠዋል። ሐዋሳ በፋይበር መሰረተ ልማት እንዲሁም በ4ጂ እና በ5ጂ የሞባይል ቴክኖሎጂ የታጠቀች ከተማ መሆኗን ገልጸው፤ በአሁኑ ወቅት አስተማማኝ የሆነ የኔትወርክ ሽፋን እና ጥራትን ማሳደግ ታሳቢ ያደረግ መጠነ ሰፊ የማስፋፋት እና የማዘመን ሥራ በተጠናከረ ሁኔታ በመካሄድ ላይ መሆኑን ጠቅሰዋል።

የከተማ አስተዳደሩን አገልግሎት በዲጂታል ቴክኖሎጂና በቴሌብር በማዘመን፣ የሥራ ቅልጥፍናንና የገቢ አሰባሰብን ማሳደግ እንደሚቻል ዋና ሥራ አስፈጻሚያችን ገልጸዋል። በተመሳሳይ፣ በዘመን ገበያ አማካኝነት ለነጋዴዎች የገበያ ትስስርን በማስፋፋት ረገድ ሰፊ የዲጂታላይዜሽን ዕድሎችና የሥራ ፈጠራ አጋጣሚዎች መኖራቸውን አስገንዝበዋል።

ሐዋሳን ንፁህ፣ ደህንነቱ የተጠበቀና በዲጂታል የታገዘ የሕዝብ መዳረሻ ለማድረግ እንዲሁም የተቀናጀ የዲጂታል ሥነ-ምህዳርን ለመፍጠር ያለመ ሰፊ ስትራቴጂካዊ ውይይት ተደርጓል። በዚሁ መሠረት የኩባንያችንን አቅም በመጠቀም የሐዋሳ "ስማርት ሲቲ" ልማትን ለማፋጠን፣ የቴሌብር አገልግሎቶችን በሙሉ አቅም ማቀናጀት፣ የማዘጋጃ ቤት አገልግሎቶችን ዲጂታላይዝ ማድረግ፣ የትራፊክ እና የሞቢሊቲ መፍትሔዎች፣ የመሠረተ ልማት ጥበቃ እንዲሁም የኔትወርክ ዝርጋታን የሚያቀላጥፉ የኮሪደር ልማት ትብብሮች ዙሪያ በጋራ ለመስራት ስምምነት ላይ ተደርሷል።

በመጨረሻም፣ የኩባንያችን ማኔጅመንት ለሐዋሳ ከተማ ዕድገትና ለአዲሱ የሐዋሳ ሐይቅ ልማት ፕሮጀክት አስፈላጊውን ድጋፍ ሁሉ ለማድረግ ያለውን ቁርጠኝነት ያረጋገጠ ሲሆን፤ ይህም ኢትዮጵያን በቴክኖሎጂ የማብቃትና ዲጂታል መጻኢን የመገንባት ትልቅ ራዕያችን አካል መሆኑ ተመላክቷል።
#ዲጂታል_ኢትዮጵያን_ዕውን_በማድረግ_ላይ !
#ethiotelecom #telebirr #digitalethiopia #realizingdigitalethiopia #smartcity #hawassa #digitalethiopia

በ2019 በጀት ዓመት አንድ ነጥብ 817 ትሪሊዮን ብር ገቢ ለመሰብሰብ ዕቅድ ተይዟል
#ethiopia | በአዲሱ 2019 በጀት ዓመት አንድ ነጥብ 817 ትሪሊዮን ብር ገቢ ለመሰብሰብ መታቀዱን የገንዘብ ሚኒስቴር አስታወቀ፡፡

የገንዘብ ሚኒስትሩ አቶ አህመድ ሽዴ የ2019 በጀት ዓመት የበጀት መግለጫ ማብራሪያ ለሕዝብ ተወካዮች ምክር ቤት ሲያቀርቡ እንደገለጹት፤ በ2019 በጀት ዓመት የፌዴራል መንግሥት በጥቅሉ አንድ ነጥብ 817 ትሪሊዮን ብር ገቢ ለመሰብሰብ አቅዷል፡፡

ይህ የገቢ ዕቅድ በ2018 በጀት ዓመት ይሰበሰባል ተብሎ ከተገመተው ጠቅላላ ገቢ አንጻር የ17 ነጥብ 4 በመቶ ዕድገት እንዳለው ጠቁመው፤ የ2019 በጀት ዓመት በጀትን 88 ነጥብ 7 በመቶውን ከታክስና ታክስ ካልሆኑ ገቢዎች ለመሰብሰብ መታቀዱንም ጠቁመዋል።

የታክስ ገቢ ዕቅዱን ለማሳካትም በታክስ ፖሊሲና በታክስ አስተዳደር ረገድ የተያዙ ማሻሻያዎችን፣ የታክስ ዲጂታላይዜሽንና የኤክሳይዝ ስታምፕ አሠራርን በተጠናከረ ሁኔታ ተግባራዊ ለማድረግ ዝግጅት ተደርጓል፡፡

ለ2019 በጀት ዓመት የተቀመጠው የተጣራ የበጀት ጉድለት መንግሥት በተሟላ የማክሮ ኢኮኖሚ ማሻሻያው የተረጋጋ ኢኮኖሚ ለመፍጠር ከተቀመጠው ግብ ጋር የተጣጣመ እንደሆነም ነው የገለጹት፡፡

ከብሔራዊ ባንክ በጀት ጉድለት መሸፈኛ የሚወሰደው ብድር ሙሉ በሙሉ ቆሟል ያሉት ሚኒስትሩ፤ ይህም የዋጋ ንረትን ወደ ነጠላ አሃዝ ለማውረድ ማገዙን ተናግረዋል፡፡

የብሔራዊ ባንክ የፖሊሲ ወለድ ምጣኔ ተግባራዊ በመደረጉ ዘመናዊ የገንዘብ ፖሊሲውን የሚያጠናክሩ በርካታ ለውጦች እየተመዘገቡ ሲሆን፤ ብሔራዊ ባንክ የዘረጋውን ዘመናዊ የገንዘብ ፖሊሲ ለማስጠበቅ የተጀመሩ ሥራዎች ተጠናክረው ይቀጥላሉ ብለዋል፡፡

የማክሮ ኢኮኖሚ ማሻሻያው የዋጋ ንረት ለማረጋጋት ትልቅ ድርሻ እንዳለው የገለጹት ሚኒስትሩ፤ መንግሥት በምግብ ዘይትና በመሠረታዊ ሸቀጦች እንዲሁም መድኃኒቶችን በተመሳሳይ የድጎማ በጀት በመመደብ ዝቅተኛ ገቢ ላላቸው የኅብረተሰብ ክፍሎች ድጋፍ እያደረገ እንደሆነ ገልጸዋል፡፡

በቀጣዩ የ2019 በጀት ዓመት የ10 ነጥብ 1 በመቶ የኢኮኖሚ ዕድገት እንደሚመዘገብ ግምት የተቀመጠ ሲሆን፤ በኢኮኖሚ እድገቱ ኢንደስትሪ፤ አገልግሎት ዘርፍና ግብርና ከፍተኛውን ድርሻ ይይዛሉ፡፡

Getu Temesgen - (ጌጡ ተመስገን)
#getutemesgen #getu #የኢትዮጵያ_ፕሬስ_ድርጅት #ጋዜጣፕላስ #በጀት2019 #ታክስ #የልማትእቅድ #አፍሪካ #gazette_plus

የዲጂታል ኢኮኖሚ አዲስ ምዕራፍ - ከስትራቴጂ ወደ ስኬት
***********************

(የዕለቱ መልዕክት)

ዛሬ ዓለማችን በቴክኖሎጂ እና በኢኖቬሽን ፈጣን ግስጋሴ ውስጥ ትገኛለች። ኢትዮጵያም ይህንን ዓለም አቀፋዊ እውነት በውል በመገንዘብ፣ ሁለንተናዊ ኢኮኖሚዋን ከመሠረቱ የሚቀይር ታሪካዊ የዲጂታል ሽግግር እያከናወነች ትገኛለች።

በተለይም ባለፉት አምስት ዓመታት ሀገራችን ያለባትን ዘላቂ የቢሮክራሲ እና የኢኮኖሚ ፈተናዎች ለመቅረፍ ዲጂታላይዜሽንን እንደ ዋነኛ ስትራቴጂያዊ መሣሪያ በመውሰድ እየሠራችበት ትገኛለች።

ይህ ጉዞ የሀገርን የልማት ምሰሶ በጽኑ መሠረት ላይ የሚያጸና የመንግሥት የረጅም ጊዜ ቁርጠኝነት ማሳያ ነው ብለን እናምናለን።

በአንድ ወቅት የዲጂታል ኢኮኖሚ ግንባታ እንደ ሩቅ ሕልም ይታይ እንደነበር አይዘነጋም፤ ባለፉት አምስት ዓመታት በተከናወኑት መሠረታዊ ሥራዎች ግን ዛሬ ላይ ሊሻር በማይችል እውነታ ላይ የቆመ መሠረት ተጥሏል።

መንግሥት ያደረጋቸው ሰፊ የፖሊሲ እና የሕግ ማሻሻያዎች “ዲጂታል ኢትዮጵያ 2025” ስትራቴጂን በስኬት ለማጠናቀቅ አስችለዋል።

አሁን ደግሞ የሀገራችንን የትራንስፎርሜሽን ጉዞ ይበልጥ የሚያፋጥን እና ይበልጥ ስኬታማ የሚያደርገው “ዲጂታል ኢትዮጵያ 2030” የተሰኘው ብሔራዊ ስትራቴጂ ፀድቆ ወደ ሥራ እንዲገባ መደረጉ የሂደቱን ቀጣይነት ያረጋግጣል።

ከዚህ ጎን ለጎን የሰው ሠራሽ አስተውሎት ኢንስቲትዩት መቋቋም ለችግር ፈቺ የቴክኖሎጂ መፍትሔዎች መበልጸግ ምቹ ሁኔታን መፍጠሩ የሚበረታታ እርምጃ ነው።

በዚህ ዘመናዊ የታሪክ እጥፋት ውስጥ የ“ፋይዳ” ብሔራዊ የዲጂታል መታወቂያ ፕሮግራም እና የ“ኢትዮኮደርስ” ኢኒሼቲቭ ሚና እጅግ የላቀ ነው።

የዲጂታል መታወቂያ ለኢኮኖሚው ግንባታ ልክ እንደ ቤት መሠረት ነው። እስከ 90 ሚሊዮን ዜጎችን በሥርዓቱ ውስጥ ለማቀፍ የታቀደው ይህ ግዙፍ መርሐ ግብር ለባንክ፣ ለፋይናንስ፣ ለንግድ እንቅስቃሴ እና ለዴሞክራሲያዊ ሥርዓት ግንባታ ወሳኝ ምሰሶ ነው።

“የቆጠሩት እህል አያልቅም” እንደሚባለው የሀገርን የሰው ኃይል በዕውቀት ሳያደራጁ ዘላቂ ስኬትን ማሰብ አይቻልም። በመሆኑም በ“ኢትዮኮደርስ” ኢኒሼቲቭ 5 ሚሊዮን ዜጎች የዲጂታል ክህሎት ሥልጠና እንዲያገኙ ማድረግ የነገዋን የበለጸገች ኢትዮጵያ የሚረከቡ ባለሙያዎችን ለማፍራት የተጣለ ታላቅ መሠረት ነው።

የአገልግሎት አሰጣጥን ለማዘመን በሁሉም አካባቢዎች እየተገነባ ያለው “የመሶብ” የአንድ ማዕከል አገልግሎትም የተንዛዛ ቢሮክራሲን እና የዜጎችን እንግልት በማስቀረት የመንግሥትን ግልጽነት እና ተጠያቂነት በከፍተኛ ደረጃ አሳድጎታል። ይህ ዓይነቱ አሠራር ሙስና እና ብክነትን በዘላቂነት ለመከላከል የሚያስችል አስተማማኝ ተቋማዊ አቅም ይፈጥራል።

በፋይናንስ ዘርፍም ቢሆን በ2017 በጀት ዓመት ብቻ በዲጂታል የተከናወነው የግብይት ዋጋ 16 ትሪሊዮን ብር መድረሱ የዲጂታል ኢኮኖሚው ምን ያህል ውጤታማ እና ተደራሽ እየሆነ ለመምጣቱ ሕያው ማሳያ ነው።

ይህ ስኬት ዝቅተኛ ገቢ ያላቸው ዜጎች እና ጥቃቅን ኢንተርፕራይዞች በቀላሉ የብድር እና የቁጠባ አገልግሎት እንዲያገኙ በማድረግ የፋይናንስ አካታችነትን በተግባር አረጋግጧል።

ለወደፊቱም መሠረታዊ የመንግሥት አገልግሎቶችን ሙሉ በሙሉ በዲጂታል ፕላትፎርሞች ተደራሽ ለማድረግ የታቀደው ዕቅድ የሀገራችንን የነገ ገጽታ በእጅጉ የሚቀይር ነው።

መንግሥት የሳይበር ሉዓላዊነትን በማረጋገጥ እና የስታርትአፕ ሥነ ምኅዳርን በማጠናከር፣ የዲጂታል ሽግግር ሂደቱን አስተማማኝ እና ደኅንነቱ የተጠበቀ እያደረገው ይገኛል።

በአጠቃላይ ይህ ታሪካዊ ጉዞ የዜጎችን የዕለት ተዕለት ኑሮ የሚያቀልል፣ ሀገራችንን በዓለም አቀፍ ደረጃ ተወዳዳሪ የሚያደርግ እና የኢኮኖሚ ልማታችንን ከሕልም ወደ እውነት የለወጠ የጋራ ብሔራዊ ስኬታችን በመሆኑ ሁሉም አካላት ለስኬቱ የበኩላቸውን ድርሻ ሊወጡ ይገባል።

የኢቢሲ ዶትስትሪም ኤዲቶሪያል
#ethiopia #ebc #digitalethiopia #5millioncoders #success #𝐃𝐢𝐠𝐢𝐭𝐚𝐥𝐄𝐜𝐨𝐧𝐨𝐦𝐲

የነዋሪዎች መረጃን ማዘመን ለቀልጣፋ አገልግሎትና ለነገዋ ዲጂታል ኢትዮጵያ መሠረት ነው - በለጠ ሞላ (ዶ/ር)
*********************

የአንድ ከተማ ነዋሪዎችን መረጃ በዘመናዊ መንገድ ማደራጀት ሰነድ ከማስቀመጥ ባለፈ የዕለት ተዕለት አገልግሎትን ለማቅለልና ለሀገሪቱ የዲጂታል ኢኮኖሚ ግንባታ ትልቅ አቅም እንደሚፈጥር የኢኖቬሽንና ቴክኖሎጂ ሚኒስትሩ በለጠ ሞላ (ዶ/ር) ገለጹ።

ሚኒስትሩ በአዲስ አበባ ከተማ የሲቪል ምዝገባ እና የነዋሪነት አገልግሎት ኤጀንሲ ሰነዶችን በዘመናዊና በዲጂታል መንገድ ለማደራጀት እያከናወነ ያለውን ሥራ በአካል ተዘዋውረው ጎብኝተዋል።

በጉብኝታቸውም ወቅት ኢትዮጵያ የጀመረችው የዲጂታላይዜሽን ጉዞ በተግባር መሬት እየረገጠ እንተግባራዊ እየተደረገ መሆኑን ገልጸው፣ በተለይም “ዲጂታል ኢትዮጵያ 2025” ስትራቴጂ አማካኝነት የተመዘገቡ ስኬቶች ለዚህ ማሳያ ናቸው ብለዋል።

ኤጀንሲ የጀመረው የሰነድ አስተዳደር ሥርዓት ሀገሪቱ ለያዘችው የዲጂታል 2030 ራዕይ መሳካት ትልቅ ስንቅ እንደሚሆንም ገልጸዋል።

ይህም ሥራ በሌሎች የመንግሥት ተቋማት ሊሰፋና ሊቀመር የሚገባ መሆኑን አንስተው፣ ዜጎች ባሉበት ሆነው በቀላሉ መረጃዎችንና አገልግሎቶችን በኦንላይን ማግኘት የሚችሉበትን ሥርዓት ለመዘርጋት ትልቅ ማሳያ መሆኑን አስረድተዋል።

የኤጄንሲው ዋና ዳይሬክተር አቶ ዮሴፍ ንጉሴ በበኩላቸው፣ ተቋሙ በየጊዜው የአገልግሎት አሰጣጡን በማዘመን ላይ እንደሚገኝ ጠቅሰዋል፡፡

በዚህም ከ50 ሚሊዮን በላይ ዲጂታይዝ ከሚደረጉ መረጃዎች ውስጥ በኢኖቬሽንና ቴክኖሎጂ ሚኒስቴር ድጋፍ 20 ሚሊዮን የሚሆኑ መረጃዎች ዲጂታይዝ እየተደረጉ መሆኑን አንስተዋል።

በወይንሸት ደጀኔ
#ethiopia #ebc #dijitalethiopia #onlineservice #civilservice

ሰላም፤ እንደምን አደራችሁ?

ኢትዮጵያ በፕሮጀክት አፈጻጸም የሚታይ አዎንታዊ ለውጥ እያስመዘገበች ትገኛለች።

በ2010 ዓ.ም ወደ ስልጣን የመጣው የለውጥ መንግሥት ትላልቅ ፕሮጀክቶችን በማቀድ፣ በመከታተል እና በማጠናቀቅ የነበረው አቅም እያደገ መምጣቱ በብዙ መስኮች ይታያል።

በመንግሥት፣ በግል ዘርፍ እና በልማት ባለሃብቶች የሚከናወኑ ፕሮጀክቶች ከቀድሞው የበለጠ የጊዜ ቁጥጥር፣ የበጀት አስተዳደር እና የውጤት ትኩረት እያሳዩ መምጣታቸው ይህንን ያሳያል።

በተለይም በመንገድ፣ በኃይል፣ በኢንዱስትሪ ፓርኮች፣ በቴክኖሎጂ እና በከተማ ልማት ዘርፎች የተሻለ የአፈጻጸም ብቃት እየታየ ይገኛል።

ለማሳያነትም ታላቁ የኢትዮጵያ ሕዳሴ ግድብ ፕሮጀክት፣ በብዙ ከተሞች የተካሄዱ የኮሪደር ልማት ፕሮጀክቶች፣ የመንገድ መሰረተ ልማት መስፋፋት፣ በመንግሥታዊ አገልግሎት ዲጂታላይዜሽን እና በኢንተርኔት መስፋፋት ላይ ትልቅ ርምጃዎች መወሰዱ እና ተቋማዊ ማሻሻያዎች የሚሉት በቀዳሚነት ይጠቀሳሉ፡፡

አሁን ላይ በአዲስ አበባ እና በሌሎች የሀገራችን ከተሞች የሚታየው የኮሪደር ልማት፣ የመንገድ መሰረተ ልማት መስፋፋት፣ የድልድይ ግንባታ እና የከተማ ውበት ማሻሻያ በፊት ከምናውቀው የስራ ፍጥነት በእጅጉ የተለየ ነው።

ቀደም ሲል ለ5 ዓመት የሚዘገይ ፕሮጀክት ዛሬ በወራት ውስጥ ሲጠናቀቅ ማየት እየተለመደ መጥቷል። ይህም የፕሮጀክት እቅድ፣ ክትትል እና ተጠያቂነት ስርዓት መሻሻሉን ያሳያል።

"ዲጂታል ኢትዮጵያ 2030" በተሰኘው መርሐ ግብር የዲጂታል መታወቂያ፣ የኦንላይን አገልግሎቶች፣ የቴሌኮም መስፋፋት እና የመንግሥት ስራዎች ዘመናዊ ስርዓት ውስጥ መግባታቸው የአፈጻጸም ፍጥነትን ከፍ አድርጎታል።

ይህ ለውጥ ከወረቀት ወደ ቴክኖሎጂ ብቻ የተደረገ ሽግግር አይደለም፤ ከዝግታ ወደ ቅልጥፍና የተደረገ ሽግግርም ጭምር እንጂ። ቀደም ሲል ብዙ ፕሮጀክቶች በመንግሥት ብቻ ይሰሩ የነበሩ ሲሆን÷ አሁን ላይ ግን የግል ዘርፉን፣ የውጭ ኢንቨስተሮችን እና የሕዝብ ተሳትፎን በማካተት በርካታ ለሕዝብ አገልግሎት የሚሰጡ ፕሮጀክቶች እየተሰሩ ነው።

ይህም መንግሥት ፕሮጀክቶችን በብቃት ለማስፈጸም ብቻ ሳይሆን ሀብትን በአግባቡ ማስተዳደር ላይ በትኩረት እየሰራ ስለመሆኑ ማሳያ ነው፡፡

ለዚህ ለውጥ በመሠረታዊነት ከሚጠቀሱ ምክንያቶች ደግሞ የባለሙያ አቅም መጨመር፣ የዲጂታል ቴክኖሎጂ አጠቃቀም፣ የክትትል እና ግምገማ ሥርዓቶች መጠናከር፣ የግሉ ዘርፍ ተሳትፎ መጨመር እና የውጤት ተኮር አስተዳደር መስፋፋት ዋነኞቹ ናቸው፡፡

የመንግሥት ፕሮጀክቶችን የመፈጸም አቅም ማደግ በኢትዮጵያ ልማት እና ኢኮኖሚ ዕድገት ላይ ትልቅ ተፅዕኖ ያለው ጉዳይ ነው።

ፕሮጀክቶች በትክክል ካልተፈጸሙ የገንዘብ ብክነት፣ የፕሮጀክቶች አፈጻጸም መዘግየት እና የሕዝብ አገልግሎት መዘግየት ያመጣሉ።

ለዚህም ነው የመንግሥት የመፈጸም አቅም ማደግ ለኢትዮጵያ የቅንጦት ጉዳይ ሳይሆን የህልውና ጉዳይ የሚሆነው።

ሕጎችና ፖሊሲዎች በወረቀት ላይ ብቻ ካሉ ልማት አይመጣም። ተቋማት ሲጠናከሩ፣ ብቁ የሰው ኃይል ሲገነባ እና ቴክኖሎጂ በአግባቡ ሲጠቀም መንግሥት የሕዝቡን ፍላጎት በተግባር ማሳካት ይችላል።

ይህ ደግሞ ሰላሟ የተጠበቀ፣ የበለጸገች እና ፍትሃዊ ኢትዮጵያን ለመገንባት ዋና መንገድ ነው።

ሁለተኛው የኢትዮጵያ እና ፊንላንድ የፖለቲካ ምክክር በአዲስ አበባ ተካሄደ
*********************

ሁለተኛው የኢትዮጵያ እና ፊንላንድ የፖለቲካ ምክክር በዛሬው ዕለት በአዲስ አበባ የተካሄደ ሲሆን በምክክሩ በፖለቲካ፣ በኢኮኖሚ፣ በንግድ፣ በትምህርት እና በአየር ንብረት ለውጥ ዙሪያ ሰፊ ግምገማ ተደርጓል።

ምክክሩን በጋራ የመሩት አምባሳደር መለስ ዓለም እና የፊንላንድ የውጭ ጉዳይ ሚኒስቴር ምክትል ዋና ጸሐፊ አምባሳደር ኦውቲ ሆሎፓይነን የሁለቱን ሀገራት የቆየ ግንኙነት እና አጋርነት ይበልጥ ለማጠናከር ያላቸውን ቁርጠኝነት በድጋሚ አረጋግጠዋል።

በዚሁ ወቅት ማብራሪያ የሰጡት አምባሳደር መለስ ዓለም በኢትዮጵያ ስላለው ሀገር በቀል የኢኮኖሚ ማሻሻያ፣ ስለ 7ኛው አጠቃላይ ምርጫ፣ ስለ ብሔራዊ ምክክር ሂደት እና ስለ ፕሪቶሪያው የሰላም ስምምነት አፈጻጸም ለፊንላንድ ልዑካን ገልጸዋል።

አምባሳደሩ የፊንላንድ ኩባንያዎች በኢትዮጵያ በፈጠራ፣ በቴክኖሎጂ እና በግብርና ማቀነባበሪያ ዘርፎች እንዲሰማሩ ጥሪ በማቅረብ ንግድን ለማሳደግ የሁለቱ ሀገራት የንግድ ምክር ቤቶች በቅርበት እንዲሠሩ አሳስበዋል።

የፊንላንድ የውጭ ጉዳይ ሚኒስቴር ምክትል ዋና ጸሐፊ አምባሳደር ኦውቲ ሆሎፓይነን በበኩላቸው፣ በአዲስ አበባ እየታየ ያለውን ፈጣን የልማት ለውጥ አድንቀዋል።

አምባሳደሩ ኢትዮጵያ ለሀገራቸው ቁልፍ አጋር መሆኗን ገልጸው፣ ፊንላንድ ለኢትዮጵያ የምታደርገውን ድጋፍ እንደምትቀጥል ተናግረዋል።

በተለይም በዲጂታላይዜሽን፣ በከፍተኛ ትምህርት፣ በሜትሮሎጂ እና በአስተማሪዎች ሥልጠና ዙሪያ የሚደረገው ትብብር ተጠናክሮ እንደሚቀጥል አስታውቀው፣ መሰል መደበኛ ውይይቶችን አጠናክሮ ለመቀጠል መስማማታቸውን ከውጭ ጉዳይ ሚኒስቴር ያገኘነው መረጃ ያመለክታል።
#ethiopia #ebc #finland #ethiopiafinlandconsultation #addisababa

አዲስ አበባ እና ባኩ የእህትማማች ከተሞች ስምምነት ተፈራረሙ
#ethiopia | አዲስ አበባ እና ባኩ የእህትማማች ከተሞች ስምምነት ተፈራርመዋል።

የአዲስ አበባ ከተማ ከንቲባ አዳነች አቤቤ በማህበራዊ ትስስር ገጻቸው ባሰፈሩት መልዕክት ከአዘርባጃን ዋና ከተማ ባኩ ጋር የተፈረመው ስምምነት፤ በከተማ ልማት፣ በአገልግሎት ዲጂታላይዜሽን፣ በቤት ልማት፣ በቱሪዝም (ስፖርት ቱሪዝምን) ጨምሮ በሁለቱ ህዝቦች መካከል የባህልና የታሪክ ልውውጥን የሚያጠናክር መሆኑን አመልክተዋል።

Getu Temesgen - (ጌጡ ተመስገን)
#getutemesgen #getu

አዲስ አበባ እና ባኩ የእህትማማች ከተሞች ስምምነት ተፈራረሙ

‎አዲስ አበባ፣ ግንቦት 11፣ 2018 (ኤፍ ኤም ሲ) አዲስ አበባ እና የአዘርባጃን ዋና ከተማ ባኩ የእህትማማች ከተሞች ስምምነት ተፈራርመዋል።

የአዲስ አበባ ከተማ አስተዳደር ከንቲባ አዳነች አቤቤ በማህበራዊ ትስስር ገጻቸው እንዳሉት፥ ስምምነቱ የሁለቱን ሀገራት ህዝቦች የባህልና የታሪክ ልውውጥ የሚያጠናክር ነው፡፡

በተጨማሪም በከተማ ልማት፣ በአገልግሎት ዲጂታላይዜሽን፣ በቤት ልማት፣ የስፖርት ቱሪዝምን ጨምሮ በቱሪዝም ልማት የሁለቱን ከተሞች ትብብር ያጠናክራል ነው ያሉት፡፡

አዲስ አበባ እና ባኩ የእህትማማች ከተሞች ስምምነት ተፈራረሙ
************

አዲስ አበባ እና የአዘርባጃን ዋና ከተማ ባኩ የእህትማማች ከተሞች (Sister Cities) ስምምነት ተፈራርመዋል።

ስምምነቱ በከተማ ልማት፣ በአገልግሎት ዲጂታላይዜሽን፣ በቤት ልማት፣ (ስፖርት ቱሪዝምን ጨምሮ) በቱሪዝም እና በሁለቱ ህዝቦች መካከል የባህልና የታሪክ ልውውጥን የሚያጠናክር መሆኑን ከንቲባ አዳነች አቤቤ ገልጸዋል።
#ethiopia #azerbaijan #addisababa #baku #sistercities #ebc