ከ4.2 ሚሊየን ብር በላይ ዋጋ ያላቸው የወተት ጥራት መመርመሪያ መሳሪዎች በ11 ክፍለ ከተሞች መሰራጨት ጀመረ

መስከረም 29 ቀን 2019 ዓ.ም. (አሐዱ ሬድዮ) በአዲስ አበባ ለህብረተሰቡ የሚቀርበውን ወተት ጥራት እና ደህንነት ለማረጋገጥ የሚያስችሉ ከ4.2 ሚሊዮን ብር በላይ ግምት ያላቸው ዘመናዊ መመርመሪያ መሳሪያዎች በ11ዱም ክፍለ ከተሞች መሰራጨት መጀመሩን የአዲስ አበባ አርሶ አደርና ከተማ ግብርና ልማት ኮሚሽን አስታውቋል።

የኮሚሽኑ ምክትል ኮሚሽነር ዶክተር ጸጋ ለማ ለአሐዱ ሬዲዮ እንደገለጹት ወተትን ከባዕድ ነገር ጋር ተቀላቅሎ ለገበያ ሲቀርብ በዓይን አይቶ ለመለየት እጅግ አስቸጋሪ በመሆኑ ቴክኖሎጂን መጠቀም የግድ ይላል።

በመሆኑም ከጥርጣሬ የጸዳ እና ውጤታማ የሆነ የቁጥጥር ስራ ለመስራት የሚያስችሉ እና ከፍተኛ ካፒታል የሚጠይቁ ዘመናዊ መፈተሻ መሳሪያዎችን ለሁሉም ክፍለ ከተሞች የማከፋፈል ስራ ተጀምሯል።

የመሳሪያዎቹ አቅርቦት SNV ከተባለ ግብረ ሰናይ ድርጅት ጋር በተደረገ ትብብር የተገኘ መሆኑን የገለጹት ምክትል ኮሚሽነሩ ከቁሳቁስ አቅርቦቱ ጎን ለጎን የቁጥጥር ስራውን የሚያከናውኑ ባለሙያዎች የአቅም ግንባታ ስልጠና መውሰዳቸውን ተናግረዋል።

በዚህም መሰረት ከሁሉም ክፍለ ከተሞች የተውጣጡ 22 ተቆጣጣሪዎች በዘርፉ በታወቁ ሀገር አቀፍ አሰልጣኞች አማካኝነት ለአምስት ተከታታይ ቀናት ተግባር ተኮር ስልጠና ተሰጥቷቸዋል።

ከዚህ ቀደም የወተትን ደህንነት እና ጥራት ነባራዊ ሁኔታ ለማጥናት ከተለያዩ የከተማው እና የፌደራል ባለድርሻ አካላት ጋር የዳሰሳ ጥናት መደረጉን ያስታወሱት ዶክተር ጸጋ በጥናቱ ላይ በመመስረትም የወተት ጥራትን የሚቆጣጠር የህግ ማዕቀፍ የማዘጋጀት ስራ መሰራቱን አብራርተዋል።

በአሁኑ ሰዓትም በሰለጠነ የሰው ሀይል እና በተሟላ ዘመናዊ ቴክኖሎጂ በመታገዝ የከተማዋን የወተት ጥራትና ደህንነት የማስጠበቅ ስራን በስፋት ለመጀመር የሚያስችሉ ቅድመ ዝግጅቶች እየተጠናቀቁ መሆኑ ተገልጿል።

በፋሲል አረጋይ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ Photo

በኢትዮጵያ የመጀመሪያው ያለ ኢንተርኔት የሚሰራ የኤአይ (AI) የሳይበር ደህንነት መጠበቂያ ይፋ ተደረገ
#ethiopia | ኤስ.አር.ኢ ማኑፋክቸሪንግ እና ትሬዲንግ ኃ/የተ/የግ/ማህበር የተባለው ሀገር በቀል ኩባንያ ያለ ኢንተርኔት አገልግሎት መስጠት የሚችል ''ኤ አይ ሳይበር ጋርድ'' የተሰኘ የሳይበር ደህንነት መጠበቂያ መተግበሪያ ለህዝብ ይፋ አደረገ።

ኩባንያው ዛሬ በሰጠው ጋዜጣዊ መግለጫ እንዳሳወቀው መተግበሪያው በሰው ሰራሽ አስተውሎት የታገዘና ከግል ስልኮች ጀምሮ የገንዘብ ተቋማትንና የተለያዩ ግዙፍ ተቋማትን ከሳይበር ጥቃት የመከላከል አቅም ያለው ነው።

አገልግሎቱ ድረ-ገጾችን፣ የተቋማት ኔትወርኮችን፣ የባንክና የገንዘብ ተቋማት ሲስተሞችን እንዲሁም የግል መሣሪያዎችን ሙሉ በሙሉ የመጠበቅ አቅም ያለው ሲሆን፣ ዋነኛ ልዩ ባህሪው ያለ ኢንተርኔት ኮኔክሽን መስራት መቻሉ ነው።

ይህም የኢንተርኔት መቆራረጥ በሚኖርበት ጊዜም እንኳ ጥበቃው ሳይቋረጥ እንዲቀጥል ያስችለዋል።

በተጨማሪም የጥቃት ምልክቶችን ቀድሞ መለየት፣ አደጋዎችን መከላከል፣ ፈጣን ምላሽ መስጠትና ለወንጀል ምርመራ ስራዎች አስፈላጊውን ዲጂታል መረጃ በማቅረብ ረገድ ከፍተኛ እገዛ ያደርጋል።

የሳይበር ጥቃት በሚከሰትበት ጊዜም ከፍተኛ የቴክኖሎጂ እውቀት ለሌላቸው ሰዎች በሚገባ ቀላል ቋንቋ የችግሩን ሁኔታ ያስረዳል።

የድርጅቱ ስራ አስኪያጅ አቶ ሳሙኤል ከፈለኝ በሰጡት ማብሪርያ ተቋማትና ግለሰቦች ወደ ዲጂታል አሰራር በሚሸጋገሩበት በዚህ ወቅት የመረጃ ምንተፋ፣ የማንነት ስርቆትና የድረ-ገጽ ጠለፋ አደጋዎች እየጨመሩ መምጣታቸውን ጠቁመዋል።

ይህንን አደጋ ለመግታትም የ24 ሰዓት ንቁ ክትትል የሚያደርግና ለጥቃት ተጋላጭ የሆኑ አሰራሮችን የሚቆጣጠር ዘመናዊ የኤአይ ጥበቃ አስፈላጊ በመሆኑ መተግበሪያውን ለማልማት መቻላቸውን ገልጸዋል።

በኢትዮጵያ የቅጅ መብት ህግ መሠረት ሙሉ የአዕምሯዊ ንብረት ጥበቃ ያገኘው ይህ ሀገር በቀል ፈጠራ፣ ተቋማት የደህንነት ስጋታቸውን በአንድ መድረክ ላይ ተከታትለው በጊዜው እርምጃ እንዲወስዱ ያስችላቸዋል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

ከቤት ደጃፍ እስከ አፍሪካ ክብር፤ የኢትዮጵያ ቡና ዓለም አቀፍ ከፍታ
****************

“ኑ ቡና ጠጡ፣ ቡና ፈልቷል” የሚለው ጥሪ በኢትዮጵያውያን የዘወትር ሕይወት ውስጥ ትልቅ የፍቅርና የእንግዳ ተቀባይነት ግብዣ ነው።

በዚሁ የቡና አፈላል ሥነ-ሥርዓት ወቅት ማኅበራዊ ውይይቶች ይካሄዳሉ፤ ጥልቅ ትስስር ይፈጠራል።

የኢትዮጵያዊነት አንዱ መገለጫ የሆነው የቡና ስነ ስርዓት ከእርሻ ማሳዎች እስከ ሲኒያችን ድረስ የአርሶ አደሩ እጅ ቤተሰብንና ማኅበረሰብን የሚደግፍ ታላቅ እሴት ነው።

ይህ ከትውልድ ወደ ትውልድ ሲሸጋገር የመጣ የቡና ባህል በቤትና በማኅበረሰብ ደረጃ ብቻ ተወሰኖ አልቀረም።

ዛሬ የኢትዮጵያ ቡና ሌላ አዲስ የክብር ገጽታውን ለአፍሪካና ለዓለም አሳይቷል።

በአንድ ቀን 10 ሺህ ሲኒ ቡና በአንድ ሥፍራ በማቅረብ፣ ባህላዊ የቡና አፈላል ሥርዓቱ በአፍሪካ የድንቃድንቅ መዝገብ ውስጥ ዕውቅና አግኝቷል።

በመሆኑም “ኑ ቡና ጠጡ” የሚለው ጥሪ ከቤት ደጃፍ አልፎ በአህጉራዊ የክብር መዝገብ ውስጥ በመግባት፣ ከ“ኑ ቡና ጠጡ” ወደ “የኢትዮጵያን ባህልና አብሮነት ይዩ” ወደሚል ሰፊ አህጉራዊ ጥሪ ተሸጋግሯል።

ኢትዮጵያ የአረቢካ ቡና መገኛ እና የአፍሪካ ቀዳሚ ቡና አምራች ሀገር ስትሆን፣ የመጀመሪያው የቡና ፍሬ ተለቅሞና ተሰብስቦ ለዓለም የተበረከተው እዚሁ በኢትዮጵያ ምድር ነው።

ሀገራችን በ2018 በጀት ዓመት ከቡና ወጪ ንግድ ከ3.1 ቢሊዮን ዶላር በላይ ገቢ ማስመዝገብ ችላለች።

ይህም ኢትዮጵያ ባለፉት 17 ዓመታት በአጠቃላይ ካገኘችው 3.3 ቢሊዮን ዶላር የገቢ መጠን ጋር የሚቀራረብ ነው።

በተጨማሪም በየዓመቱ በቢሊዮን የሚቆጠሩ ችግኞች በሚተከሉበት የኢትዮጵያ የአረንጓዴ ዐሻራ መርሃ-ግብር ውስጥ ሰፊውን ቁጥር የሚይዙት የቡና ችግኞች ናቸው።

ይህም ደኖችን መልሶ ለማቋቋም፣ ሥነ-ምህዳርን ለመጠበቅ እና የቡና ምርታማነትን ለማሳደግ የሚያስፈልገውን አየር ንብረት ለመፍጠር አስችሏል።

ከዚህ ዕድገት ጎን ለጎን ኢትዮጵያ የቡና በሽታን ለመለየትና ለማከም የሚያስችሉ አዳዲስ የሰው ሠራሽ አስተውሎት (AI) ቴክኖሎጂዎችን እና ምርምሮችን በማሳደግ ላይ ትገኛለች።

በልዩ እሸቱ
#የመደመርመንግሥት
#ethiopia #ebc #medemer #ethiopiancoffee #coffeeculture

አዲስ የታሰረ የቃል ኪዳን ተስፋ በኢትዮጵያ ሰማይ ሥር
****************

ኢትዮጵያ 7ኛውን ጠቅላላ ምርጫ በስኬት ማካሄዷን ተከትሎ፣ አዲሱ የመደመር መንግሥት መስከረም 25 ቀን 2019 ዓ.ም በይፋ ተመስርቷል።

ይህ ዕለት የኢትዮጵያ አዲስ የተስፋ አድማስ የተበሰረበትና የሕዝቡ ዲሞክራሲያዊ ውሳኔ ዕውን የሆነበት ታሪካዊ ምዕራፍ ነው።

አዲሱ የመደመር መንግሥት ምስረታ ላለፉት ዓመታት የተጣሉትን የዕድገትና የተስፋ መሠረቶች አጠናክሮ በማስቀጠል፣ የሀገራችንን ሁለንተናዊ ብልጽግና ለማረጋገጥ ያለመ ነው።

የመደመር እይታ ያለፉ ስኬቶችን በማስቀጠል፣ ክፍተቶችን በመሙላትና የቀጣይ ትውልድን ተስፋ በማገናኘት ሀገራዊ አንድነትንና ትብብርን ማዕከል ያደረገ አሰራርን ይዞ ይመጣል ተብሎ ይጠበቃል።

ላለፉት ዓመታት በመደመር መንግሥት ከተከናወኑ አበይት ተግባራት መካከል በቴክኖሎጂ፣ በኢንዱስትሪ፣ በማኅበራዊና ፖለቲካዊ ዘርፎች፣ በምግብ ሉዓላዊነት፣ በከተማ ልማት እንዲሁም በዲፕሎማሲ የተመዘገቡት ስኬቶች በዋናነት ይጠቀሳሉ።

በተጨማሪም የሕዳሴ ግድብን ማጠናቀቅና የቢሾፍቱ ዓለም አቀፍ አውሮፕላን ማረፊያ ራዕይ ሌሎች ማሳያዎች ናቸው።

አዲሱ የመደመር መንግሥት በተመሰረተበት የሁለቱ ምክር ቤቶች የጋራ የመክፈቻ ሥነ-ሥርዓት ላይ ፕሬዝዳንት ታዬ አፅቀሥላሴ የ2019 ዓ.ም የመደመር መንግሥት ዋና ዋና የትኩረት አቅጣጫዎችንና ግቦችን አብራርተዋል።

ፕሬዝዳንቱ በንግግራቸው፤ በሀገራችን ዘላቂ ሰላምን፣ ኅብረትንና ትብብርን ማስፈን፣ ጥራትን መሠረት ያደረገ መዋቅራዊ ሽግግር ማድረግ እንዲሁም የትምህርት፣ የጤና እና የማኅበራዊ ጥበቃ አገልግሎቶችን በጥራት ማሳደግ ዋነኛ ትኩረቶች መሆናቸውን ገልጸዋል።

በተጨማሪም የኤሌክትሪክ ተደራሽነትን ወደ 65 በመቶ፣ የጤና መድኅን ሽፋንን ወደ 85 በመቶ፣ እንዲሁም የተማሪዎች የምገባ ሽፋን ወደ 70 በመቶ ማሳደግ የተያዙ አበይት ግቦች መሆናቸውን አንሥተዋል።

በመሆኑም የመደመር መንግሥት ምስረታ የፖለቲካና የኢኮኖሚ ማሻሻያዎችን ወደ ላቀ ደረጃ በማሸጋገር፣ የሕግ የበላይነትን በማስከበርና የሕዝቦችን አብሮነት በማጠናከር ኢትዮጵያን ወደ ተሻለ የሰላም፣ የፍትሕና የልማት ምዕራፍ የሚያሸጋግር አዲስ የቃል ኪዳን መስመር ይከፍታል።

በልዩ እሸቱ
#የመደመርመንግሥት
#ethiopia #ebc #medemer #medemergovernment #statebuilding

አዋሽ ባንክ ከማስተር ካርድ ጋር በመተባበር አምስት አዳዲስ የክፍያ ካርዶችን ይፋ አደረገ
​ #fastmereja I ​አዋሽ ባንክ ከአለም አቀፉ የክፍያ ቴክኖሎጂ ኩባንያ ማስተርካርድ ጋር በመተባበር፣ የደንበኞችን ፍላጎት ያማከሉ አምስት አዳዲስ እና ልዩ ጥቅም የሚያስገኙ የውጭ ምንዛሬ እንዲሁም የሀገር ውስጥ የክፍያ ካርዶችን ይፋ አደረገ። ባንኩ መስከረም 28 ቀን 2019 ዓ.ም. በኢሊሊ ሆቴል ባካሄደው ይፋዊ ስነ-ስርዓት፣ አዲሶቹን የካርድ ክፍያ አማራጮች ለግል ተጠቃሚዎች እና ለድርጅት ደንበኞች አስተዋውቋል። አዲሶቹ ካርዶች የኢትዮጵያ ብሔራዊ ባንክ የውጭ ምንዛሬ ገበያን ለማሻሻል ካወጣው መመሪያ ጋር ተጣጥመው የተዘጋጁ መሆናቸው ተገልጿል።

​በዚህም መሰረት ይፋ ከተደረጉት አምስት የካርድ አይነቶች መካከል ለአለም አቀፍ ግብይት የሚያገለግሉት፡- “አዋሽ ወርልድ ኤሊት ዴቢት” (Awash World Elite Debit)፣ “አዋሽ ፕላቲነም የቅድመ ክፍያ” (Awash Platinum Prepaid)፣ “አዋሽ ጎልድ የቅድመ ክፍያ” (Awash Gold Prepaid) እና ለድርጅቶች የታለመው “አዋሽ ኮርፖሬት የቅድመ ክፍያ” (Awash Corporate Prepaid) ካርዶች ይገኙበታል። በተጨማሪም በሀገር ውስጥ በኤቲኤም (ATM) እና በPOS መሳርያዎች ላይ በንክኪ አልባ (Contactless) ቴክኖሎጂ የሚሰራው “አዋሽ ፕላስ” የዴቢት ካርድ ለተጠቃሚዎች ቀርቧል።
እነዚህ ካርዶች የውጭ ምንዛሬ ሂሳብ ላላቸውም ሆነ ለሌላቸው ዜጎች፣ ለኦንላይን (E-Commerce) ግብይት፣ ለጉዞ እና ለተለያዩ የድርጅት ወጪዎች አገልግሎት የሚሰጡ ናቸው።

​በስነ-ስርዓቱ ላይ የተገኙት የአዋሽ ባንክ ዋና ስራ አስፈፃሚ አቶ ፀሐይ ሺፈራው እንደገለጹት፤ አዲሶቹ የካርድ ምርቶች የኢትዮጵያ ብሔራዊ ባንክ በወሰደው የፋይናንስ ሪፎርም መሰረት የተዘጋጁ እና የደንበኞችን የዲጂታል ክፍያ ፍላጎት ዘመናዊ በሆነ መንገድ የሚያሟሉ ናቸው። የማስተርካርድ ምስራቅ አፍሪካ እና ህንድ ውቅያኖስ ደሴቶች ሲኒየር ምክትል ፕሬዚዳንት እና ካንትሪ ማኔጀር ሸህሪያር አሊ በበኩላቸው፣ ከአዋሽ ባንክ ጋር የተደረገው ይህ አጋርነት በኢትዮጵያ የዲጂታል ክፍያ ስነ-ምህዳርን ለማጠናከር እና አካታች የፋይናንስ አገልግሎትን ለማስፋፋት ትልቅ አስተዋፅኦ እንደሚኖረው ገልጸዋል።

​አዲሶቹ የካርድ ምርቶች ደህንነታቸው የተጠበቀ፣ ለአጠቃቀም ቀላል እና ደንበኞች በሀገር ውስጥም ሆነ በውጭ ሀገር ያሉ የዲጂታል ክፍያዎችን በቅልጥፍና እንዲፈጽሙ የሚያስችሉ መሆናቸው ተመላክቷል።

አዋሽ ባንክ ከማስተር ካርድ ጋር በመተባበር አራት አዳዲስ ዲጂታል ካርዶችን በዛሬው እለት ይፋ አደረገ፡፡

መስከረም 28 ቀን 2019 ዓ.ም. (አሐዱ ሬድዮ) አዋሽ ባንክ ከዓለም አቀፉ የክፍያ ቴክኖሎጂ ኩባንያ ማስተር ካርድ ጋር በመተባበር አራት አዳዲስ የዓለም አቀፍ ዲጂታል ካርድ አገልግሎቶችን ይፋ አድርጓል ።

የአዋሽ ባንክ ዋና ስራ አስፈፃሚ አ/ቶ ፀሐይ ሽፈራው ፣ አዳዲሶቹ ካርዶች የውጭ ምንዛሬ አጠቃቀምን፣ የኦንላይን ግብይትን እና የውጭ ጉዞ ክፍያዎችን ለማመቻቸት የታለሙ መሆናቸውን ገልጸዋል።
ባንኩ ከሶስት ዓመታት በፊት ማስተር ካርድን በመጠቀም የዓለም አቀፍ ቅድመ ክፍያ ካርድ አገልግሎት መስጠት መጀመሩን የገለፁት ዋና ስራ አስፈፃሚው ፤ ባለፈው የበጀት ዓመትም ከ60 ሚሊዮን ዶላር በላይ የካርድ ግብይት መፈጸሙን ጠቁመዋል።

ባንኩ ይፋ ካደረጋቸው ካርዶች መካከል አዋሽ ወርልድ ኤሊት ፣ ፕላቲኒየም እና ኮርፖሬት ቅድመ ክፍያ ካርዶች ይገኙበታል።

ዋና ስራ አስፈፃሚው ባንኩ በአሁን ወቅት ከ17 ሚሊዮን በላይ ደንበኞች ፣ ከአንድ ሺህ በላይ ቅርንጫፎች እና ከ20 ሺህ በላይ የባንክ ወኪሎችን በመጠቀም አገልግሎቱን እያስፋፋ መሆኑን አስታውቀዋል።

ጨማሪም ከ5 ሚሊዮን በላይ ደንበኞች የባንኩን የሞባይል ባንኪንግ አገልግሎት እየተጠቀሙ መሆኑን አ/ቶ ፀሐይ ገልጸዋል።

በአበረ ስሜነህ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

(ዘ-ሐበሻ መረጃ) Updated - በአዲሱ የጠቅላይ ሚኒስትር ዐቢይ አህመድ ካቢኔ ውስጥ ያልተካተቱ 11 የቀድሞ ሚኒስትሮች የሚከተሉት ናቸው።

1.የሥራና ክህሎት ሚኒስትሯ ወይዘሮ ሙፈሪያት ካሚል፣
2. የኢንዱስትሪ ሚኒስትሩ አቶ መላኩ አለበል
3. የትራንስፖርት እና ሎጂስቲክስ ሚኒስትሩ ዶክተር አለሙ ስሜ፣
4. የሴቶችና ማህበራዊ ጉዳይ ሚኒስትሯ ዶክተር ኤርጎጌ ተስፋዬ፣
5. የኢኖቬሽንና ቴክኖሎጂ ሚኒስትሩ ዶክተር በለጠ ሞላ
6. የመከላከያ ሚኒስትሯ ኢንጂነር አይሻ መሐመድ
7. የከተማና መሰረተ ልማት ሚኒስትሯ ወይዘሮ ጫልቱ ሳኒ
8 የማዕድን ሚኒስትሩ አቶ ሃብታሙ ተገኝ
9. የንግድና ቀጣናዊ ትስስር ሚኒስትር ዶክተር ካሳሁን ጎፌ
10. የመስኖና ቆላማ አካባቢ ሚኒስቴር ሚኒስትር ዶ/ር አብርሃም በላይ
11. የገንዘብ ሚኒስትሩ አህመድ ሽዴ

ፍሬሕይወት ታምሩ የኢኖቬሽንና ቴክኖሎጂ ሚኒስትር ሆነው ተሾሙ

ጠቅላይ ሚኒስትር ዐቢይ አሕመድ (ዶ/ር) የካቢኔያቸውን እጩ አባላት ለምክር ቤቱ አቅርበዋል፡፡

በዚሁ መሠረት፡

1. ተመስገን ጥሩነህ - ምክትል ጠቅላይ ሚኒስትር
2. ጌዲዮን ጢሞቲዮስ (ዶ/ር) - የውጭ ጉዳይ ሚኒስትር
3. አዲሱ አረጋ (ዶ/ር) - የግብርና ሚኒስትር
4. ፍጹም አሰፋ (ዶ/ር) - የገንዘብ ሚኒስትር
5. አቶ መሃመድ እድሪስ - የመከላከያ ሚኒስትር
6. ብርሃኑ ነጋ (ፕ/ር) - የትምህርት ሚኒስትር
7. ወ/ሮ ሃና አርአያሥላሴ - የፍትሕ ሚኒስትር
8. ወ/ሮ ያስሚን ወሃብረቢ - የንግድና ቀጣናዊ ትስስር ሚኒስትር
9. ፍስሃ ይታገሱ (ዶ/ር) - የኢንዱስትሪ ሚኒስትር
10. ሃብታሙ ኢተፋ (ዶ/ር) - የውሃ እና ኢነርጂ ሚኒስትር
11. መቅደስ ዳባ (ዶ/ር) - የጤና ሚኒስትር
12. አቶ አወሉ አብዲ- የሥራና ክህሎት ሚኒስትር
13. ወ/ሮ አይናለም ንጉሴ - የገቢዎች ሚኒስትር
14. አቶ በረከት ፍስሃጽዮን - የብሔራዊ ስትራቴጂ ሚኒስትር
15. ሰላማዊት ካሳ- የባህልና ቱሪዝም ሚኒስትር
16. ወ/ሮ ዓለምጸሃይ ጳውሎስ - የማዕድን ሚኒስትር
17. አቶ ሳዳት ነሻ - የሎጂስቲክስ ሚኒስትር
18. ወ/ሮ ሻዊት ሻንካ - የሴቶችና ማህበራዊ ጉዳይ ሚኒስትር
19. አቶ ሙሳ አደም - የሰላም ሚኒስትር
20. ወ/ሮ ፍሬሕይወት ታምሩ - የኢኖቬሽንና ቴክኖሎጂ ሚኒስትር
21. መሃመድ አብዱራሃማን (ኢ/ር) - የከተማና መሰረተ ልማት ሚኒስትር
22. ሱልጣን ወሊ (ዶ/ር) - የመስኖ እና ቆላማ አካባቢ ሚኒስትር
23. አክሊሉ ታደሰ (ዶ/ር) - የወጣቶችና ስፖርት ሚኒስትር ሆነው በእጩነት ቀርበዋል፡፡

@YeneTube FikerAssefa

የሚኒስትሮች ሹመት ፀደቀ።

ጠ/ሚ ዐቢይ አሕመድ (ዶ/ር) ለህ/ ተ/ም/ቤት ያቀረቧቸው ዕጩ ሚኒስትሮች በሙሉ ድምጽ ፀድቀዋል።

በዚህም መሰረት፦

1. አቶ ተመስገን ጥሩነህ - ምክትል ጠቅላይ ሚኒስትር
2. ጌዲዮን ጢሞቲዮስ (ዶ/ር) - የውጭ ጉዳይ ሚኒስትር
3. አቶ አዲሱ አረጋ (ዶ/ር) - የግብርና ሚኒስትር
4. ፍጹም አሰፋ (ዶ/ር) - የገንዘብ ሚኒስትር
5. አቶ መሃመድ እድሪስ - የመከላከያ ሚኒስትር
6. ብርሃኑ ነጋ (ፕ/ር) - የትምህርት ሚኒስትር
7. ወ/ሮ ሃና አርአያሥላሴ - የፍትሕ ሚኒስትር
8. ወ/ሮ ያስሚን ወሃብረቢ - የንግድና ቀጣናዊ ትስስር ሚኒስትር
9. ፍስሃ ይታገሱ (ዶ/ር) - የኢንዱስትሪ ሚኒስትር
10. ሃብታሙ ኢተፋ (ዶ/ር) - የውሃ እና ኢነርጂ ሚኒስትር
11. መቅደስ ዳባ (ዶ/ር) - የጤና ሚኒስትር
12. አቶ አወሉ አብዲ- የሥራና ክህሎት ሚኒስትር
13. ወ/ሮ አይናለም ንጉሴ - የገቢዎች ሚኒስትር
14. አቶ በረከት ፍስሃጽዮን - የብሔራዊ ስትራቴጂ ሚኒስትር
15. ወ/ሮ ሰላማዊት ካሳ- የባህልና ቱሪዝም ሚኒስትር
16. ወ/ሮ ዓለምጸሃይ ጳውሎስ - የማዕድን ሚኒስትር
17. አቶ ሳዳት ነሻ - የሎጂስቲክስ ሚኒስትር
18. ወ/ሮ ሻዊት ሻንካ - የሴቶችና ማህበራዊ ጉዳይ ሚኒስትር
19. አቶ ሙሳ አደም - የሰላም ሚኒስትር
20. ወ/ሮ ፍሬሕይወት ታምሩ - የኢኖቬሽንና ቴክኖሎጂ ሚኒስትር
21. መሃመድ አብዱራሃማን (ኢ/ር) - የከተማና መሰረተ ልማት ሚኒስትር
22. ሱልጣን ወሊ (ዶ/ር) - የመስኖ እና ቆላማ አካባቢ ሚኒስትር
23. አክሊሉ ታደሰ (ዶ/ር) - የወጣቶችና ስፖርት ሚኒስትር ሆነው ተሹመዋል።

መስከረም 28 ቀን 2019 ዓ/ም

@tikvahethiopia

የሕዝብ ተወካዮች ም/ቤት መደበኛ ስብሰባ መካሄድ ተካሂዷል

ለሚንስትርነት ስፍራው እጩዎች በጠ/ሚ አማካኝነት አቀርበዋል

👉አቶ ተመስገን ጥሩነህ ምክትል ጠቅላይ ሚኒስትር

👉ጌዲዮን ጢሞቲዎስ (ዶ/ር) የውጭ ጉዳይ ሚኒስትር

👉ፍጹም አሰፋ (ዶ/ር) የገንዘብ ሚኒስትር

👉 ፕ/ር ብርሃኑ ነጋ በድጋሚ የትምህርት ሚኒስትር

👉 ወ/ሮ ሀና አርያስላሴ የፍትህ ሚኒስትር

👉አቶ መሀመድ እድሪስ የሀገር መከላከያ ሚኒስትር

👉 አቶ አዲሱ አረጋ የግብርና ሚኒስትር

👉 ዶ/ር መቅደስ ዳባ የጤና ሚኒስትር

👉 ፍስሃ ይታገሱ (ዶ/ር) የኢንዱስትሪ ሚኒስትር

👉 ዶክተር ኢንጂነር ሀብታሙ ኢተፋ የውሃና ኢነርጂ ሚኒስትር

👉 ወ/ሮ ያስሚን ወሀብረቢ የንግድና ቀጠናዊ ስትትር ሚኒስትር

👉 ወ/ሮ ሰላማዊት ካሳ ለባሕልና ቱሪዝም ሚኒስትር

👉 አቶ አወሉ አብዲ የስራና ክህሎት ሚኒስትር

👉 አቶ በረከት ፍስሃፅዮን የብሔራዊ ስትራቴጂ ሚኒስትር

👉 አቶ ሳዳት ነሻ የሎጅስቲክስ ሚኒስትር

👉 ወ/ሮ ሸዊት ሻንካ የሴቶችና ማህበራዊ ጉዳይ ሚኒስትር

👉 አቶ ሙሳ አደም የሰላም ሚኒስትር

👉 ፍሬህይወት ታምሩ የኢኖቬሽንና ቴክኖሎጂ ሚኒስትር

👉ወ/ሮ አይናለም ንጉሴ የገቢዎች ሚኒስትር ሆነው እንዲሾሙ በጠ/ሚ ዐቢይ አሕመድ (ዶ/ር) በዕጩነት ቀርበዋል።

#ዳጉ_ጆርናል

በደቂቃዎች ውስጥ የቆዳ ካንሰርን የሚለየው
አስገራሚው የኤ.አይ (AI) ሥርዓት!

በዩናይትድ ኪንግደም ብራድፎርድ በሚገኘው ሴንት ሉክስ ሆስፒታል የቆዳ ሕክምና ቡድን አጠራጣሪ የቆዳ እብጠቶችን እና የጤና መጓደሎችን በፍጥነት ለመመርመር አዲስ የኤ.አይ (AI) ሥርዓትን በሥራ ላይ ማዋሉ ተሰማ። «DERM» (Deep Ensemble for the Recognition of Malignancy) የተሰኘው ይህ ዘመናዊ ሥርዓት፣ አጠራጣሪ የቆዳ እብጠቶችን ሦስት ፎቶዎች ብቻ በመውሰድ በጥቂት ደቂቃዎች ውስጥ ውጤት ማቅረብ ያስችለዋል።

የሕክምና ባለሙያዎች ይህ ቴክኖሎጂ ታካሚዎች ረጅም ሰዓት በሰልፍ የሚጠብቁበትን ጊዜ በእጅጉ በመቀነስ ላይ ትልቅ ለውጥ እያመጣ መሆኑን ይናገራሉ። አልሚው አካል «ስኪን አናሊትክስ» (Skin Analytics) እንዳገለጸው ከሆነ፣ ቴክኖሎጂው ካንሰር እንዳልሆነ በመለየት ረገድ እስከ 99.9 በመቶ ትክክለኛነት አለው፤ ሆኖም በሂደቱ ውስጥ ሐኪሞች ሁልጊዜም በንቃት ይሳተፋሉ።

ይህ የጤና ዘርፍ ፈጠራ የካንሰር ምርመራን ፈጣን እና ቀለል በማድረግ በብዙዎች ሕይወት ላይ ትልቅ ለውጥ ያመጣል ተብሎ ይጠበቃል። ቴክኖሎጂው ከጊዜ ወደ ጊዜ በሕክምናው መስክ እየተጫወተ ያለው ሚና ከፍተኛ መሆኑንም ይህ ክስተት በግልጽ ያሳያል።

Seledadotio
Seledadotio

በዩኒቨርሲቲዎች ስር ለሚተዳደሩ ማስተማሪያ ሆስፒታሎች የሚመደበው የሕክምና አገልግሎት በጀት ከመደበኛው የትምህርት በጀት ስሌት ቀመር ውጪ በተናጠል ተጣርቶ የበጀት ድጋፍ እንዲቀርበለት የሚያዘው ደንብ በስራ ላይ ውሏል።

የሚኒስትሮች ምክር ቤት ለራስ-ገዝ ዩኒቨርሲቲዎች ከመንግሥት የሚሰጠውን የብሎክ ግራንት የበጀት አፈጻጸም ለመደንገግ ያወጣው ደንብ ቁጥር 594/2018 በስራ ላይ ውሏል።

ደንቡ ተቋማቱ በፋይናንስ ራሳቸውን እስኪችሉ ድረስ በሂደት እየቀነሰ የሚሄድ ዓመታዊ የበጀት ድጋፍ የሚመደብበትን ሥርዓት ያካተተ ሲሆን፣ ዩኒቨርሲቲዎቹ ከተጨባጭ ነባራዊ ሁኔታዎቻቸውና ስትራቴጂካዊ ዕቅዶቻቸው በመነሳት በበጀታቸው በነፃነት እንዲጠቀሙና ተልዕኳቸውን በጥራት እንዲወጡ ማስቻልን ዓላማ ያደረገ መሆኑን ያስረዳል።  

ደንቡ ለራስ-ገዝ ዩኒቨርሲቲዎች የሚመደበው ዓመታዊ የብሎክ ግራንት እንደ አግባብነቱ  ፍትሐዊ ተጠቃሚነትን ለማረጋገጥ ሲባል፣ የመግቢያ መስፈርቱን አሟልተው ነገር ግን የትምህርት ወጪያቸውን መሸፈን ለማይችሉ ተማሪዎች የሚደረግ የበጀት ድጋፍ ሊያካትት እንደሚችል ያስረዳል።

በተጨማሪም ዩኒቨርሲቲዎች በሚያስተዳድሯቸው ማስተማሪያ ሆስፒታሎች አማካኝነት፣ በሕግ አግባብ በነፃ ሊሰጡ ለሚገባቸው የሕክምና አገልግሎቶች እና በነፃ ማግኘት ለሚገባቸው የኅብረተሰብ ክፍሎች የሚውል የበጀት ድጋፍ እንዲያገኙ ለማስቻልም ሊመደብ እንዲሚችል ይገልጻል።

እንዲሁም ዩኒቨርሲቲዎች የሚያከናውኗቸውን የምርምርና ጥናት፣ የማኅበረሰብ ጉድኝት አገልግሎት እንዲሁም ብቁ ተቋማዊ አቅምን ለመገንባት የሚያስፈልግ የፋይናንስ ድጋፍ ሊመደብ እንደሚችል ተደንግጓል።

በዚህ ደንብ መሠረት አጠቃላይ የራስ ገዝ ዩኒቨርሲቲዎች የበጀት ድልድል የግብዓት፣ የውጤትና የፍትሐዊነት መስፍርቶችን መሰረት የሚያደርግ ሲሆን ይህም

• የመማር-ማስተማር ሂደቱን መደበኛ ተማሪዎች ቁጥር፣

• የሳይንሳዊ ምርምር ውጤትና ተፅዕኖን፣

• የቴክኖሎጂ ሽግግርና ማህበረሰብ ጉድኝት ስራዎችን እንዲሁም

• ልዩ ድጋፍ የሚሹ ተማሪዎችን እና የተቋማቱን መልክዓ-ምድራዊ አስቸጋሪ ሁኔታዎች ታሳቢ ያደርጋል።

ይህ የበጀት ማከፋፈያ ቀመር እንደ አስፈላጊነቱ በገንዘብ ሚኒስቴር እና በትምህርት ሚኒስቴር ትብብር የሚዘጋጅ ሲሆን፣ ወቅታዊ ሁኔታዎችን ለማጣጣም በየሁለት ዓመቱ ክለሳ ይደረግበታል።  

በተለየ መልኩ፣ በዩኒቨርሲቲዎች ስር ለሚተዳደሩ ማስተማሪያ ሆስፒታሎች የሚመደበው የሕክምና አገልግሎት በጀት ከመደበኛው የትምህርት በጀት ስሌት ቀመር ውጪ በተናጠል ተጣርቶ የበጀት ድጋፍ እንደሚደረግለት ተደንግጓል።

ይህ ድጋፍ ሆስፒታሎቹ በሕግ አግባብ በነፃ ሊሰጡ ለሚገባቸው የሕክምና አገልግሎቶችና ተጠቃሚ ለሆኑ የኅብረተሰብ ክፍሎች የሚውል ሲሆን፤ ድልድሉም በሆስፒታሉ አገልግሎት ያገኙ ታካሚዎች ብዛት፣ የህክምና አልጋዎች ቁጥር፣ የአገልግሎቶቹ ውስብስብነት እንዲሁም ለመድኃኒትና ለአላቂ የሕክምና ቁሳቁሶች የሚወጣውን ወጪ መሠረት በማድረግ ይወሰናል።

በዚህም ማንኛውም ራስ-ገዝ ዩኒቨርሲቲ የሚያገኘው ዓመታዊ ድጋፍ አጠቃላይ የመማር-ማስተማርና የምርምር በጀቱን እንዲሁም ለማስተማሪያ ሆስፒታሎች በጥናት ላይ ተመስርቶ የሚመደበውን ልዩ በጀት በአንድ ላይ ያካተተ የተቀናጀ የብሎክ ግራንት ሆኖ ይቀርባል።  

የበጀት ጥያቄ አቀራረብና አስተዳደርን በተመለከተ፣ ማንኛውም ራስ-ገዝ ዩኒቨርሲቲ ዓመታዊ የበጀት ጥያቄውን በየዓመቱ እስከ የካቲት ወር መጨረሻ ድረስ ለገንዘብ ሚኒስቴር ማቅረብ እንዳለበት እና የተፈቀደው በጀትም በቀጥታ ወደ ተቋማቱ ፈሰስ እንደሚደረግ ተመላክቷል።

የቁጥጥር ሥርዓቱን ለማጠናከርም ትምህርት ሚኒስቴር በቁልፍ ውጤት አመላካቾች ላይ የተመሠረተ የአፈጻጸም ውል በመፈራረም በዓመት ሁለት ጊዜ ሁለንተናዊ ግምገማ እንደሚያካሂድ ተደንግጓል።

በተጨማሪም የዩኒቨርሲቲዎቹ የብሎክ ግራንት ሒሳብ በፌደራል ዋና ኦዲተር እንደሚመረመርና የሒሳብ ሰነዶችም ቢያንስ ለአስር ዓመታት ተጠብቀው እንዲቆዩ በማድረግ ተጠያቂነትና ግልጽነት እንዲሰፍን ይደረጋል።

ቲክቫህ ኢትዮጵያ
መስከረም 27 ቀን 2019 ዓ/ም

@tikvahethiopia

ክፍያ እና ብድርን የሚያሳልጥ የዲጂታል ክፍያ ስርዓትን በ100 ሺህ ለሚቆጠሩ ነጋዴዎች ተደራሽ ለማድረግ ስምምነት ተደረገ

ስምምነቱን ያካሄዱት ኢታ ሶሉሽንስ እና ቪዛ ናቸዉ ። ለነጋዴዎች ክፍያን የሚያቀል ፣ ንግድን የሚያዘምን እና የዲጂታል ግብይት ታሪካቸዉን መነሻ በማድረግ ብድር የሚያመቻቸዉ "ዙሪያ "የተሰኘዉን ዲጂታል የቢዝነስ አዉቶሜሽን በኢትዮጵያ ለሚገኙ ነጋዴዎች ለማዳረስ ስምምነቱን አካሄደዋል ።

የኢታ ሶሉሽንስ መስራች እና ዋና ስራ አስፈፃሚ ዶክተር ተመስገን ገብረህይወት እንደተናገሩት ስምምነቱ ዙሪያ የተሰኘዉን የዲጂታል ክፍያ መቀበያ ማሽን ኢትዮጵያ ዉስጥ ለሚገኙ 148 ሺህ ነጋዴዎች ለማድረስ የተደረገ ነዉ ማለታቸዉን ብስራት ሬዲዮ ሠምቷል ።

ለ‌ነጋዴዎች በካርድ ፣ በኪዉአር (QR) ኮድ ፣የሞባይል ገንዘብ እና ከሂሳብ ወደ ሂሳብ የሚደረጉ ክፍያዎችን በአንድ መሳሪያ ላይ ማስተናገድ የሚቻልበት ዕድል መፈጠሩ ተገልጿል ።

ይህንንም የካርድ ክፍያ ከትልልቅ ሱቆች ጀምሮ እስከ ጥቃቅን መደብሮች ተደራሽነቱን ለማስፋቱ እየተሰራ መሆኑ የተገለፀዉ ።  ይህም ቴክኖሎጂ ለነጋዴዎች የዕለት ተዕለት የንግድ እንቅስቃሴያቸውን በቀላሉ ለማወቅ ከማስቻሉም በዘለለ በግብይት ታሪካቸዉ ላይ በመመስረት የብድር ተጠቃሚ የሚሆኑበትንም ዕድል ያሰፋል ነዉ የተባለዉ ።

ኢታ ሶሉሽንስ ከአለምአቀፉ የብድር ተቋም ጋር በመተባበር ከባንኮች ጋር የብድር ስምምነት ይደርጋል ያሉት ዋና ስራ አስፈፃሚዉ በግብይት እንቅስቃሴያቸው ብቁ የሆኑ ነጋዴዎች የብድር ተጠቃሚ ይሆናሉ ማለታቸዉን ብስራት ሬዲዮ ሠምቷል ።

በመባ ወርቅነህ

#ዳጉ_ጆርናል

የኢሚግሬሽን እና የ"ፋይዳ" ሲስተሞችን ለማስተሳሰር ንግግር ተጀመረ

መስከረም 27 ቀን 2019 ዓ.ም. (አሐዱ ሬድዮ) የኢሚግሬሽንና ዜግነት አገልግሎት እና የብሔራዊ መታወቂያ ፕሮግራም (ፋይዳ) አገልግሎቶቻቸውን በዲጂታል ቴክኖሎጂ ለማስተሳሰርና የተቀናጀ አሰራር ለመዘርጋት የሚያስችላቸውን ንግግር ጀምረዋል።

የኢሚግሬሽንና ዜግነት አገልግሎት ዋና ዳይሬክተር ወ/ሮ ሰላማዊት ዳዊት እና የብሔራዊ መታወቂያ ፕሮግራም ዋና ስራ አስፈፃሚ አቶ ዮዳሄ አርዓያስላሴ በሁለቱ ተቋማት መካከል በሚከናወነው የሲስተም ትስስር ዙሪያ የጋራ ግምገማ ማድረጋቸው ተገልጿል።

ይህ የተጀመረው የሲስተም ትስስር ንግግር ከግብ ሲደርስ ዜጎች ለፓስፖርትም ሆነ ለሌሎች ተያያዥ አገልግሎቶች በተደጋጋሚ የአሻራና የገጽታመረጃ መስጠት አያስፈልጋቸውም ተብሏል።

በውይይቱ ወቅት እንደተገለጸው ይህ የቴክኖሎጂ ውህደት ሀገሪቱ ለጀመረችው የዲጂታል ትራንስፎርሜሽን ጉዞ ትልቅ አቅም የሚፈጥር ሲሆን ተገልጋዮች የፋይዳ ስርአትን በመጠቀም ፈጣን እና ቀልጣፋ አገልግሎት እንዲያገኙ ያስችላል።

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

ሼር

🚗 የቴስላ ሳይበር ካብ (Tesla Cybercab)፡ አለምን የሚቀይረው መኪና!

ከሰሞኑ በአካል ወደ ኦስቲን ሄጄ ይህንን የኢላን ማስክን አዲስና አስገራሚ ፈጠራ የሆነውን "የቴስላ ሳይበር ካብ" (Tesla Cybercab) በቅርበት የመጎብኘት እና ኤክስፒሪያንስ የማድረግ ልዩ እድል አግኝቻለሁ። ይህ ወርቃማው መኪና ዝም ብሎ ተራ መኪና አይደለም፤ የዓለምን የትራንስፖርት ታሪክ በአዲስ መልክ የሚጽፍ ተአምረኛ ቴክኖሎጂ እንጂ!

በአካል ስመለከተውና ስሞክረው የተሰማኝን ስሜት እንዲሁም የመኪናውን አስገራሚ ገጽታዎች በዝርዝር የሚያሳየውን ሙሉ ቪዲዮ በቅርቡ በቻናሌ የማጋራችሁ ይሆናል። ዛሬ ግን ይህ መኪና ለምን አለምን እንደሚቀይር እና ከዚህ ቀደም ከነበሩት እንዴት እንደሚለይ ላካፍላችሁ።

ከዚህ ቀደም የነበሩት እንደ ዙግስ (Zoox) ወይም ዌይሞ (Waymo) ያሉ ራሳቸውን የሚነዱ መኪኖች ውድ የሆነውን የ'ላይዳር' (LiDAR) ሴንሰር የሚጠቀሙ፣ በተወሰነ ክልል እና ካርታ (Geofenced) ብቻ የሚሰሩ እንዲሁም ለግለሰብ የማይሸጡ ነበሩ። የቴስላው ሳይበር ካብ ግን ከነዚህ ፈጽሞ የተለየ ነው! እጅግ ውድ የሆኑ ሴንሰሮችን ትቶ በካሜራ (Vision-only) እና በአርቲፊሻል ኢንተለጀንስ (AI) ብቻ የሚሰራ፣ ለግለሰብ ባለቤትነት የሚሸጥ እና ከሁሉ በላይ ደግሞ መሪም ሆነ የፍሬን ፔዳል ፈጽሞ የሌለው አብዮታዊ መኪና ነው።
የቴስላ ሳይበር ካብ አለምን የሚቀይርባቸው 10 ቁልፍ ምክንያቶች፦

1. መሪ እና ፔዳል አልባ ቴክኖሎጂ (No Steering Wheel & Pedals): ይህ መኪና ሙሉ በሙሉ በሰው አልባ ቴክኖሎጂ የሚመራ በመሆኑ የሰው ልጅ ጣልቃ ገብነት (መሪ መዘወርም ሆነ ፍሬን መርገጥ) አይፈልግም። ውስጡ ሲገባ ልክ እንደ ምቹ ሳሎን ዘና ብሎ መጓዝ ብቻ ነው።

2. የትራንስፖርት ዋጋን ከመሬት ማውረዱ:
በአሁኑ ሰዓት በኡበር ወይም በታክሲ ለመጓዝ ከምንከፍለው ዋጋ በተለየ መልኩ፣ ሳይበር ካብ የጉዞ ወጪን በከፍተኛ ሁኔታ (በአንድ ማይል እስከ 20 ሳንቲም) በመቀነስ ትራንስፖርትን እንደ አውቶቡስ ርካሽ ያደርገዋል።

3. እጅግ ተመጣጣኝ የሆነ የመሸጫ ዋጋ (Affordability):
አዳዲስ እና ዘመናዊ መኪኖች እጅግ ውድ በሆኑበት በዚህ ዘመን፣ ሳይበር ካብ ከ30 ሺህ ዶላር በታች በሆነ ዋጋ ለገበያ ስለሚቀርብ በርካታ ሰዎች በቀላሉ ሊገዙት ይችላሉ።

4. ገመድ አልባ ቻርጂንግ (Inductive Charging):
ልክ እንደ ስማርት ስልኮች ሁሉ፣ ይህ መኪና ቻርጅ ለማድረግ ገመድ መሰካት አይጠበቅበትም። ቻርጀሩ (ፓዱ) ላይ ራሱ ሄዶ ሲቆም ያለ ምንም ንክኪ ዋየርለስ (Wireless) ቻርጅ ያደርጋል።

5. አዲስ የገቢ ምንጭ መፍጠሩ (Airbnb for Cars):
ይህ መኪና አለምን ከሚቀይርባቸው ትልቁ መንገድ አንዱ ይሄ ነው። መኪናዎን በማይጠቀሙበት ሰዓት (ለምሳሌ ስራ ቦታ ሆነው ወይም ተኝተው) ልክ እንደ ኡበር ራሱ እየሰራ እና ሰዎችን እያመላለሰ ገንዘብ እንዲያስገባላችሁ ማድረግ ትችላላችሁ።

6. ለማንኛውም ግለሰብ በባለቤትነት መፈቀዱ:
ሌሎች ራሳቸውን የሚነዱ መኪኖች (እንደ Zoox) ለኩባንያ አገልግሎት ብቻ ሲውሉ፣ ሳይበር ካብን ግን ማንኛውም ግለሰብ ገዝቶ የግሉ ማድረግ ይችላል።

7. የላቀ የካሜራ እና AI ቴክኖሎጂ (End-to-End AI):
ውድ የሆኑ የሌዘር ሴንሰሮችን (LiDAR) ባለመጠቀም፣ በካሜራዎች እና በሰው ሰራሽ አስተውሎት (AI) ብቻ ልክ እንደ ሰው አይቶ በማሰብ እና በመተንተን ማሽከርከር መቻሉ ቴክኖሎጂውን ወደ አዲስ ምዕራፍ አሸጋግሮታል።

8. ከፍተኛ የደህንነት ጥበቃ (Superhuman Safety):
ኮምፒውተሮች ከሰው ልጅ ይልቅ እጅግ ፈጣን ውሳኔ ስለሚሰጡ፣ በስልክ ስለማይዘናጉ፣ እንቅልፍ ስለማይመጣባቸው እና ስለማይደክማቸው፤ ይህ መኪና የትራፊክ አደጋን በከፍተኛ ደረጃ በመቀነስ የሰዎችን ህይወት ይታደጋል።

9. የመኪና ማቆሚያ (Parking) ችግርን መፍታቱ:
መኪናው እርስዎን ከስራ ቦታዎ ወይም ከገበያ ማዕከል አድርሶ ሌላ ስራ ስለሚሄድ ወይም ራሱ ሄዶ ሩቅ ቦታ ስለሚያቆም፣ በከተሞች ላይ ያለውን የፓርኪንግ ቦታ መጨናነቅ ሙሉ በሙሉ ያስቀራል።

10. በጉዞ ላይ ጊዜን በአግባቡ መጠቀም:
መኪናው ራሱን ስለሚነዳ፣ ተሳፋሪዎች በጉዞ ሰዓት ትኩረታቸውን መንገድ ላይ ማድረግ አይጠበቅባቸውም። በምትኩ መተኛት፣ ፊልም ማየት፣ ማንበብ ወይም ስራቸውን በላፕቶፕ መስራት ይችላሉ።

ይህ ቴክኖሎጂ የሰው ልጅን የዕለት ተዕለት ኑሮ በእጅጉ የሚቀይር ነው። ቪዲዮው እስኪደርሳችሁ ድረስ ቻናሌን ሰብስክራይብ በማድረግ ጠብቁኝ! እናንተስ ስለዚህ አዲስ መኪና ምን ታስባላችሁ? ሀሳባችሁን ኮመንት ላይ አስቀምጡልኝ!

ሼር
አስገራሚው የነፃ ዳቦ ማሽኖች!

በቅንጦት ህንፃዎቿ እና በዘመናዊ የቴክኖሎጂ ግስጋሴዋ በምትታወቀው የተባበሩት አረብ ኤምሬትስ ዱባይ ውስጥ፣ ቴክኖሎጂን ለከፍተኛ ሰብዓዊ ርህራሄ ያዋለ አንድ አስገራሚ ተግባር የዓለምን ትኩረት እየሳበ ይገኛል። በከተማዋ ዝቅተኛ ገቢ ያላቸውና ድጋፍ የሚሹ ወገኖች፣ ምንም አይነት የሰው ልጅ ንክኪ በሌለበትና ክብራቸውን ሙሉ በሙሉ በጠበቀ መልኩ በነፃ ትኩስ ዳቦ የሚያገኙባቸው ዘመናዊ አውቶማቲክ ማሽኖች (Smart Vending Machines) አገልግሎት እየሰጡ ነው።

"ዳቦ ለሁሉም" (Bread for All) በተሰኘው በዚህ በጎ አድራጎታዊ መርሃ ግብር አማካኝነት የተገጠሙት እነዚህ ማሽኖች፣ ችግረኞች በየቀኑ በማንኛውም ሰዓት (24/7) ያለ ምንም ክፍያ፣ እንግልት እና ወረፋ ምግብ ማግኘት እንዲችሉ ታስበው የተዘጋጁ ናቸው።
ማሽኖቹን እጅግ አስገራሚ የሚያደርጋቸው የተገጠመላቸው ረቂቅ ቴክኖሎጂ ነው!

እነዚህ ማሽኖች ተራ የዳቦ መደርደሪያዎች አይደሉም። በመጀመሪያ ደረጃ፣ ማሽኖቹ ዳቦው እንዳይቀዘቅዝና ትኩስነቱን ጠብቆ እንዲቆይ የሚያደርግ አውቶማቲክ የሙቀት መቆጣጠሪያ (Heater) አላቸው። አንድ ተጠቃሚ ወደ ማሽኑ ሲቀርብ፣ በስማርት ስክሪኑ (Touch Screen) ላይ ከቀረቡት የተለያዩ የዳቦ አማራጮች (እንደ አረብኛ ፒታ ዳቦ፣ የህንድ ቻፓቲ፣ ወይም ተራ ዳቦ) የሚፈልገውን ይመርጣል።

ማሽኑም ልክ እንደ ኤቲኤም (ATM) ትኩስ ዳቦውን በሰከንዶች ውስጥ አውጥቶ ይሰጠዋል። ከዚህም ባሻገር ማሽኖቹ ከማዕከላዊ የዳቦ መጋገሪያዎች ጋር በኢንተርኔት የተሳሰሩ (IoT Connected) በመሆናቸው፣ በውስጣቸው ያለው የዳቦ መጠን ሲያልቅ ራሳቸው ወዲያውኑ ለመጋገሪያ ቤቶቹ "ዳቦ አልቋልና ሙሉ።" የሚል የጽሁፍ መልዕክት (Alert) ይልካሉ። በመሆኑም ማሽኖቹ በማንኛውም ሰዓት ባዶ አይሆኑም።

የፕሮጀክቱ ሌላኛው ልብ የሚነካው ክፍል ደግሞ "የማይታየው ልገሳ" ስርዓት ነው። ማንኛውም መንገድ አላፊ ወይም ደግ አድራጊ ሰው ማሽኑ ላይ በተገጠመው የካርድ ንባብ (Credit Card Reader) አማካኝነት 10 ዲርሃምም ሆነ 100 ዲርሃም አስገብቶ ለችግረኞች የሚሆን ዳቦ እዛው ማሽኑ ላይ መግዛትና መለገስ ይችላል። ሰጪውም ሆነ ተቀባዩ ሳይተያዩ፣ ትልቅ የሰብዓዊነት ትስስር ይፈጠራል።

አብዛኛውን ጊዜ የእርዳታ አሰጣጥ ሂደቶች ሰዎች እንዲሰለፉ በማድረግ ወይም ማንነታቸውን በማጋለጥ የሥነ-ልቦና ጫና ሲፈጥሩ ይታያል። ይህ የዱባይ ተግባር ግን የሰዎችን ክብር በጠበቀና መብታቸውን ባከበረ መልኩ፣ ማንም ሰው ፊቱን ሳይሸፍን ወይም ሳያፍር ልክ እንደማንኛውም ገዢ ወደ ማሽኑ ሄዶ ምግቡን እንዲወስድ አድርጓል።

ሀገሪቷ ይህንን ስራ ከጀመረች አሁን ላይ አራት አመታት የተቆጠሩ ሲሆን፣ እቅዱ ከመቼውም ጊዜ በላይ አቅሙን እያሰፋ መጥቷል። መጀመሪያ ላይ በተወሰኑ ሱፐርማርኬቶች አካባቢ ብቻ የነበሩት ማሽኖች አሁን ላይ በተለያዩ የከተማዋ ክፍሎች የተተከሉ ሲሆን፣ አሁን ላይ አገልግሎቱ ከዳቦ ባለፈ የተለያዩ ምግቦችን፣ ክሪፕሶችንና ኬኮችን ጭምር በነፃ ማሰራጨት ጀምሯል።

ቴክኖሎጂን ከርህራሄ ጋር በማዋሃድ የሰውን ልጅ ክብር የጠበቀው ይህ አስገራሚ የዱባይ ተሞክሮ፣ ለሌላው ዓለም በተለይም ለታዳጊ ሀገራት ትልቅ ትምህርት የሚሰጥ አበረታች ዜና ነው!

ጥራትን ማዕከል ያደረገው የመደመር መንግሥት

አዲስ አበባ፣ መስከረም 27፣ 2019 (ኤፍ ኤም ሲ) የሀገርን ብሩህ መጻኢ ዕድል በጽኑ መሠረት ላይ ገንብቶ ዘላቂ ብልጽግናን ማረጋገጥ የሚቻለው ሕዝብን ማዕከል ያደረገ ልማት ሲረጋገጥ ነው።

የመደመር መንግሥትም በተለያዩ ዘርፎች ሕዝብን ማዕከል ያደረጉ ሁለንተናዊ መዋቅራዊ ሽግግሮችን ሲያከናውን ቆይቷል።

ይህ መዋቅራዊ ሽግግር በተለይም በትምህርት፣ በጤና እና በማህበራዊ ዘርፎች ላይ ያጠነጠነ፤ ዜጋን የልማቱ ዋና ተጠቃሚና ባለቤት ያደረገ የፖሊሲ እና የተግባር ርምጃን የወሰደ አካሄድ ነው።

ለአብነትም የትምህርት ሀገርን ተረካቢ ትውልድ የሚቀረጽበት ዋና ማዕከል እንደመሆኑ መጠን፣ በመደመር መንግሥት ትልቅ የመዋቅር ለውጥ ከተደረገባቸው ዘርፎች አንዱ ነው።

ቀደም ሲል የነበረውን የትምህርት ቤቶችን ቁጥር የማብዛት ብቻ ትኩረት ወደ ትምህርት ጥራት፣ የምዘና ሥርዓት ጥብቅነት ብሎም የትምህርት ፍኖተ- ካርታን እስከ ማሻሻል የተጓዘ ስር ነቀል አቋምን ተከትሏል።

የሀገር አቀፍ እንዲሁም ክልላዊ ፈተናዎች ከስርቆትና ማጭበርበር እንዲጸዱ መደረጉ የትምህርት ጥራትን ለማስጠበቅ ቁልፍ ርምጃ ሆኗል።

የቅድመ-መደበኛ፤ ሀገር በቀል እውቀቶች፤ የዜግነትና ግብረ-ገብ ትምህርት መስፋፋት እንዲሁም የዲጂታል እና የቴክኖሎጂ ስልጠናዎች ትግበራ ትውልዱን ለዘመኑ ዝግጁ የሚያደርጉ ውሳኔዎች ናቸው።

የተማሪዎች ምገባ መርሐ-ግብር ተማሪዎች በትምህርታቸው ላይ ብቻ እንዲያተኩሩና የማቋረጥ ምጣኔም እንዲቀንስ ከፍተኛ አስተዋጽኦ አበርክቷል።

እነዚህ ታሪካዊ ርምጃዎች ትምህርትን በቁጥር ብቻ ሳይሆን በጥራትና በትውልድ ግንባታ ሚዛን ለመለካት የተደረጉ ታላቅ ውሳኔዎች ናቸው።

ጤናማ ዜጋ ለሀገር እድገትና ምርታማነት መሠረት እንደመሆኑ መጠን፤ በተመሳሳይ በጤናው ዘርፍ የተከናወኑ ተግባራት መሠረታዊ የጤና አገልግሎትን ሽፋንን ከማስፋት ባለፈ ጥራቱን ለማሳደግ ያለመ መዋቅራዊ ለውጥ ተካሂዶበታል።

የማህበረሰብ አቀፍ ጤና መድህን ተዳራሽነትን በማስፋት የዜጎችን የሕክምና ወጪ ጫና መቀነስ ከመቻሉም ባሻገር የላቀ የሕክምና ማዕከላት ግንባታ፣ የሆስፒታሎች ደረጃ ማሻሻያ እና የእናቶችና ሕፃናት ጤና ጥበቃን የማጠንከር ሥራዎች በስፋት ተከናውነዋል።

የመድኃኒት አቅርቦት ሥርዓትን ማዘመን እና በቴክኖሎጂ የተደገፈ የሕክምና መረጃ አያያዝን በመዘርጋት፤ ዜጎች ጥራት ያለው የጤና አገልግሎት በቅርበት እንዲያገኙ ተችሏል።

የኢኮኖሚ እድገት ትርጉም የሚኖረው በኢኮኖሚያዊ አቅም ውስንነት ተጋላጭ የሕብረተሰብ ክፍሎችን ሲደግፍ ነው።

በዜጋ ተኮር ማህበራዊ ዘርፉ የተከናወኑ ሥራዎች ክብርና ሰብአዊነትን ማዕከል ያደረጉ ናቸው።

የከተሞች የሴፍቲኔት ፕሮግራሞች፣የሴቶች፤ የአረጋውያንና የአካል ጉዳተኞችን ማህበራዊና ኢኮኖሚያዊ ተሳትፎ የሚያረጋግጡ አሰራሮችን ዘርግተዋል።

በበጎ ፈቃድ አገልግሎት የመኖሪያ ቤቶች እድሳት፣ የምገባ ማዕከላት መመስረትና የዜጎችን ኑሮ የማሻሻል ዘመቻዎች ማህበራዊ ፍትሕንና አንድነትን በማጠናከር ረገድ ጉልህ ስኬትን አስመዝግበዋል፡፡

ፕሬዚዳንት ታዬ አጽቀ ሥላሴ የኢፌዲሪ የሕዝብ ተወካዮች እና የፌዴሬሽን ምክር ቤቶች 7ኛ የስራ ዘመን 1ኛ ዓመት የጋራ መደበኛ ስብሰባ መክፈቻ ላይ እዳሉት÷ "ጥራትን መሰረት ያደረገ ሁለንተናዊ መዋቅራዊ ሽግግር እንዲኖር ይደረጋል፤ ትምህርት፣ ጤና እና ማህበራዊ ጥበቃን ከስፋት ወደ ጥራት በማሸጋገር ዜጋን ማዕከሉ ያደረገ ልማት ይፋጠናል፡፡"

ይህ የሚያሳየው፤ የመደመር መንግሥት የተከተለው ብሎም በቀጣይ የሚከተለው የልማት አቅጣጫ፤ ቁጥርና ስፋትን መሠረት ያደረገውን የተለምዶ አካሄድ ወደ ጥራት፣ ውጤታማነት እና የዜጎችን ሕይወት ማሻሻልን የትኩረት ማዕከሉ ወደ አደረገው እይታ ያሻገረ ነው።

ትምህርትን፣ ጤናን እና አጠቃላይ ማህበራዊ ዘርፉን በጥራት ማደራጀትና ማጠናከር ሰብዓዊ ልማትን ተጨባጭ ከማድረጉም በላይ የሀገር የመበልጸግ ርዕይን እውን ለማድረግ መዋቅራዊ መሠረት ጥሏል።
#የመደመር_መንግሥት

በመልካም ፈቃዱ

# Advertisement

📣 ዛሬ የወጣ አስቸኳይ የስራ ማስታወቂያ.📢
         ቀን 👉 🗓 26/01/2019 ‼️
 👉 0994959441 👉 0940559060  ☎️
✅✅✅✅✅✅✅✅✅✅✅✅✅
🤵‍♂የስራ መደብ ፡- #general /HR .Manager
⌛የት ደረጃ ፡- Degree/Master  
⌛ደሞወዝ ፡- 35000~43000
✅✅✅✅✅✅✅✅✅✅
👩‍💻የስራ መደብ ፡- #ሪሴብሽን /Reception
⌛የት ደረጃ ፡- 10/12/Degree 
⌛ደሞወዝ ፡- 10500~13000
✅✅✅✅✅✅✅✅✅✅
🤵‍♂የስራ መደብ:-#h.R የሰው ሀይል አስተዳደር
⌛️የት ደረጃ:- ዲግሪ/ዲፕሎማ
⌛️የስራ ልምድ:- 0-4አመት
⌛️ደሞወዝ:- 15000~23000
✅✅✅✅✅✅✅✅✅✅
☎️የስራ መደብ ፡- #ስልክ ኦፕሪተር
⌛የት/ት ደረጃ ፡ 10/12/Degree 
⌛የስራ ልምድ ፡ 0 -1አመት
⌛ደሞወዝ ፡ 10000-13'000
✅✅✅✅✅✅✅✅✅✅
👩‍💻የስራ መደብ :- #accountant &finance
⌛የት ደረጃ ፡ Degree/"Diploma
⌛የስራ ልምድ ፡ 0_8አመት
⌛ደሞወዝ ፡- 12500~35000
✅✅✅✅✅✅✅✅✅
🧑‍🔧የስራ መደብ:-#ሜንቴናንስ ጠቅላላ የሚችል
⌛️የ/ት ደረጃ :ሰርተፍኬት/ዲፕ/ዲግሪ
⌛️የስራ ልምድ:- 2/8 አመት
⌛️ደሞወዝ :-10000 እስከ 15000,
✅✅✅✅✅✅✅✅✅✅
💺🚃የስራ መደብ:- #ትኬተር / የግል ባስ
⌛የሰራ ልምድ :- 0አመት
⌛የት/ት ደረጃ :- 10/12/ዲፕሎማ
⌛ደሞወዝ :- 10,000~11,000
✅✅✅✅✅✅✅✅✅
🚌የስራ መደብ:- #auto ሹፌር ህ1/2/ 3ተኛ/
ደ1/2 /3  የድሮ 4ተኛ/5ተኛ እና ልዩ
⌛የሰራ ሌምድ :- 1~7 አመት
⌛የት/ት ደረጃ :- 8/10/12
⌛ደሞወዝ:- 11000~20500
✅✅✅✅✅✅✅✅✅
💻የስራ መደብ:-#i.T/ኢንፎርሜሽን ሲስተም
⌛️የት ደረጃ:- ዲፕ/ዲግሪ
⌛️የስራ ልምድ:- 0/5አመት
⌛️ደሞወዝ :- 11500 ~ 19000
✅✅✅✅✅✅✅✅✅✅
👨‍🔧የስራ መደብ:-#መካኒካል /አውቶ መካኒክ
⌛️የት ደረጃ: ዲግሪ/ዲፕሎማ
⌛️ደሞወዝ :-11000~19000
✅✅✅✅✅✅✅✅✅✅
👯የስራ መደብ:- #ዌይተር / ሄድ
⌛️የት ደረጃ:- 10/12/ሰርተፍኬት
⌛️ደሞወዝ :- 5000+ሰርቪስቻርጅ
✅✅✅✅✅✅✅✅✅✅
👩‍💻የስራ መደብ:- #secretary /ረዳት/ዋና
⌛️የት ደረጃ:-ሴክረተሪያል/በማንኛውም
⌛️ዲኘሎማ/ዲግሪ
⌛️ደሞወዝ:- 11000~19000
✅✅✅✅✅✅✅✅✅✅
🤵የስራ መደብ:- #ngo data incoder
⌛የት/ደረጃ ፡- any degree /dip
⌛የስራ ልምድ ፡- ከ0 አመት ጀምሮቀልጣፋ
⌛ደሞወዝ:- 23000+ አሎዋንስ
✅✅✅✅✅✅✅✅✅
🍻የስራ መደብ:- #ባርቴንደር_ባርማን_ባሬስታ
⌛️የት ደረጃ:- 8/10/12
⌛️ደሞወዝ:- 11000~16000
✅✅✅✅✅✅✅✅✅✅
👨‍🍳የስራ መደብ:- #ሼፍ ዋና/ረዳት
⌛️የት:ደረጃ 10/12/ሰርተፍኬት
⌛️ደሞወዝ:- 9500~17500
✅✅✅✅✅✅✅✅✅✅
👩‍💼የስራ መደብ፦#sales / ሽያጭ
⌛የት/ደረጃ፦10/12/diploma/
⌛ደሞወዝ:- 9000~11000+ commission
✅✅✅✅✅✅✅✅✅✅
📥የስራ መደብ:-#ፋብሪካ ላይ /ምርት ክፍል ላይ
⌛️የት ደረጃ:- መፃፍ ና ማንበብ ሚችል
⌛️ደሞወዝ:- በጣም ጥሩ +ኦቨር ታይም
✅✅✅✅✅✅✅✅✅✅
💵የስራ መደብ :#markting/manigment
⌛የት ደረጃ ፡- degree /Diploma
⌛ደሞወዝ :-11000+ ~18,000
✅✅✅✅✅✅✅✅✅✅
🌄የስራ መደብ:-#ግራራፊክስዲዛይን
⌛️የት ደረጃ:-12+ሰርተፍኬት/ዲኘ /ዲግሪ
⌛️የስራ ልምድ:- በቪዲዬ ኤዲቲግ ላይ የሰራ
⌛️ደሞወዝ:- 10000~18500
✅✅✅✅✅✅✅✅✅✅
🧑‍⚕የስራ መደብ:#ጠቅላላ ሀኪም,ነርስ ,HO ነርስ,/ላብራቶሪ ቴክኒሻን/ቴክኖሎጂ/ራዲዮሎጂክ/ዴንቲስት/ሚድዋይፈ ነርስ  ሆምኬር/እስፔሻል ኒድ/የቆዳ ሀኪም/
⌛ት/ት ደረጃ:- diploma/degree
⌛ደሞወዝ:- በስምምነት
✅✅✅✅✅✅✅✅✅✅
🏥የስራ መደብ :-#ፋርማሲ/ድራጊስት
⌛️የት ደረጃ ዲፕ/ዲግሪ
⌛️የስራ ልምድ:-0 /እና በሞያው 3አመት.     ያገለገለ ከነ ሞያ ፍቃድ የሚገባ
⌛️ደሞወዝ :- በስምምነት
✅✅✅✅✅✅✅✅✅✅✅✅✅✅
👉ሌሎችም ተጨማሪ ስራዎች ስላሉ 
በመደወልና በአካል በመምጣት ያናግሩን።
አድራሻ፦  አዲስ አበባ መገናኛ ህዳሴ ንግድ ባንኩ አጠገብ ስለሽ ህንፆ 2ፎቅ ቢ ሮ ቁ205/1/ለበለጠ መረጃ  ታች ባሉት ስልኮች ይደውሉ፡፡
             👇                             👇
☎️  0994959441    ☎️  0940559060
--------------------------------------------------------------
በተጨማሪ በቴሌግራም ሊንክ join ብለው አሁኑኑ ቤተሰብ ይሁኑን በስራ ሰዓት ስለሚደውሉልን እናመሰግናለን!! ለወዳጅ ዘመዶ ሼር በማድረግ ያድርሱ።
      👇👇👇👇👇👇
https://t.me/Gljopsvacansy... 2On this work advertizing

#astu

በትግራይ ክልል ከሚገኙ የመንግሥት ዩኒቨርሲቲዎች በጊዜያዊነት ወደ አዳማ ሳይንስና ቴክኖሎጂ ዩኒቨርሲቲ የተመደባቸሁ ተማሪዎች፣ ትምህርት ሚኒስቴር ባስቀመጠው አቅጣጫ መሰረት ጥሪ እስኪደረግላችሁ ባላችሁበት በትዕግስት እንድትጠብቁ የአዳማ ሳይንስና ቴክኖሎጂ ዩኒቨርሲቲ አሳስቧል።

@tikvahuniversity

የባህላዊ ዕቁብን ታማኝነትና አገልግሎት በዘመናዊ ቴክኖሎጂ ያስደገፈው ቨርቹዋል ዕቁብ፣ ከኢትዮጵያ ንግድ ባንክ ጋር በጋራ ለመስራት የሚያስችለውን ታሪካዊ ስምምነት ተፈራርሟል!

ይህ ስምምነት ምን ጥቅም ይሰጥዎታል?
መጠባበቅና መንገላታት ቀረ! በፈለጉበት ሰዓትና ቦታ ሆነው በ ንግድ ባንክ አፕሊኬሽን 'Pay for' በሚለው አማራጭ ዕቁብዎን በታማኝነትና በደህነንት መክፈል ይችላሉ።

አሁኑኑ ይመዝገቡና የዕቁብ አባል ይሁኑ

መተግበሪያዉን ለማውረድ እዚህ ይጫኑ https://onelink.to/2vm4e9

ለበለጠ መረጃ ወደ 📞 8171 ላይ ይደዉሉ

ማህበራዊ ድህረ ገጾቻችንን ይከተሉ! 👉https://virtualequb.com/so...

ቨርቹዋል ዕቁብ

ኑ ህልማችንን በጋራ እዉን እናርግ!

የልዕልት ሊሲ (ልሳን ተፈሪ ፍቅረ ሥላሴ) ግለ-ታሪክ

ልዕልት ሊሲ—በይፋዊ መጠሪያዋ ልዕልት ልሳን ተፈሪ ፍቅረ ሥላሴ (Princess Lissan "Lissie" Selassie)—የኢትዮጵያን የብዙ ክፍለ ዘመናት ንጉሣዊ ታሪክ፣ የትውልድ መስመር እና ባህላዊ ቅርስ አጣጥማ የያዘች የዘመናችን ወጣት ንጉሣዊ ተወላጅ ናት።

በካሊፎርኒያ አሜሪካ አድጋ በባዮሎጂ ሳይንስ ዘርፍ የመጀመሪያ ዲግሪዋን ያጠናቀቀችው ልዕልት ሊሲ፣ በዓለም አቀፍ ደረጃ ኢትዮጵያን ባስተዋወቀችባቸው መድረኮች፣ በሳይንሳዊ ዕውቀቷ እና በማህበረሰብ በጎ አድራጎት እንቅስቃሴዎቿ የምትታወቅ ወጣት አርአያ ናት።

ታሪካዊ የትውልድ ሐረግ እና የአራት ሥርወ-መንግሥታት ትስስር

የልዕልት ሊሲ የደም መስመር የኢትዮጵያን ህብረ-ብሔራዊ ታሪክ እና ብዝሃነት የሚያንፀባርቅ ሲሆን፣ ከአራት ታላላቅ የኢትዮጵያ ንጉሣውያን እና መሪዎች ሥርወ-መንግሥታት የተገኘ ልዩ የትውልድ ሐረግ አላት፦

👉የሸዋ ሰለሞናዊ ሥርወ-መንግሥት፦ የቀዳማዊ አፄ ኃይለ ሥላሴ፣ የአልጋ ወራሽ አምኃ ሥላሴ (አስፋው ወሰን) እና የቀዳማዊ አፄ ኃይለ ሥላሴ የበኩር የልጅ ልጅ የነበሩት የልዕልት እጅጋየሁ አስፋው ወሰን የዘር ሃገረግ ትስስር ናት።

👉የወለጋ - ኦሮሞ ሥርወ-መንግሥት፦ በኦርቶዶክስ ተዋሕዶ እምነት ደጃዝማች ገብረእግዚአብሔር ተብለው ከተጠመቁት ከወለጋው ንጉሥ ኩምሳ ሞረዳ እና በኦሮሞ ማህበረሰብ ውስጥ የመሪነት ውርስ ከነበራቸው ከአያቷ ከንጉሥ ፍቅሬ ሥላሴ የሚመዘዝ የትውልድ መስመር አላት።

👉የትግራይ ሥርወ-መንግሥት፦ የትግራዩ ንጉሥ እና የኢትዮጵያ ንጉሠ ነገሥት አፄ ዮሐንስ 4 ኛ እንዲሁም የልጅ ልጃቸው የልዕልት ወለተ እስራኤል ስዩም የትውልድ ዘር ናት።

👉የወሎ ሥርወ-መንግሥት፦ የወሎው ንጉሥ ሚካኤል አሊ (መሐመድ አሊ) እና የልጅ ልጃቸው የቀዳማዊ አፄ ኃይለ ሥላሴ ባለቤት የእቴጌ መነን አስፋው የዘር ሃረግ ናት።

የቤተሰብ ሕይወትና አስተዳደግ

ልዕልት ሊሲ የታዋቂው አርቲስት ልዑል ይስሐቅ ፍቅረ ሥላሴ እና የቴክኖሎጂ ባለሙያ እንዲሁም የሰብአዊ መብት ተሟጋች ልዕልት አስኳል ተፈሪ ልጅ ስትሆን፣ የልዕልት እጅጋየሁ ፍቅረ ሥላሴ ታናሽ እህት ናት።

በሰሜን ካሊፎርኒያ አሜሪካ ያደገች ቢሆንም፣ ከኢትዮጵያ ባህል፣ እምነት እና ማህበረሰብ ጋር ባላት ጠንካራ ቁርኝት ትታወቃለች። እናቷ ገና በለጋ ዕድሜዋ ያስተማረቻትን አማርኛ ቋንቋ አቀላጥፋ ማንበብ፣ መጻፍ እና መናገር የምትችል ሲሆን፣ የኢትዮጵያን ባህላዊ እሴቶችና ታሪክ ጠብቆ በማስቀጠል ረገድ ከፍተኛ ፍላጎት አላት።

ትምህርት እና ሙያዊ ፍላጎት

ልዕልት ሊሲ በትምህርቷ የላቀ ስኬት ያስመዘገበች ሲሆን

👉ከካሊፎርኒያ ዩኒቨርሲቲ (University of California, Santa Cruz) በሶስት ዓመታት ብቻ በትምህርቷ በመግፋት በሞለኪውላር፣ ሴል እና ልማት ባዮሎጂ (Molecular, Cell, and Developmental Biology) የሳይንስ የመጀመሪያ ዲግሪዋን (B.S.) አግኝታለች።

👉በአሁኑ ወቅት ትኩረቷን በቤተ-ሙከራ ምርምር (Lab Research) እና በድህረ-ምረቃ (Master's programs) ትምህርቷ ላይ ያደረገች ሲሆን፣ ወደፊት በኢትዮጵያ የጤናው ዘርፍ አስተዋጽኦ የሚያበረክት ክሊኒክ የማቋቋም ትልቅ አልም አላት።

ዓለም አቀፍ ዝና እና የበጎ አድራጎት ሥራዎች

Le Bal des Débutantes (2023)፦ እ.ኤ.አ. በ2023 በፓሪሱ ሻንግሪ-ላ ሆቴል በተካሄደውና ከዓለም ዙሪያ የተተውጣጡ የንጉሣውያን እና የታዋቂ ቢሊየነሮች ቤተሰብ ወጣቶችን በሚያስተናግደው Le Bal des Débutantes ዝግጅት ላይ የመጀመሪያዋ ኢትዮጵያዊት ተካፋይ ሆና በመመረጥ ኢትዮጵያን በዓለም አቀፍ ደረጃ በክብር ወክላለች።በዝግጅቱም የላንቪን (Lanvin) ዲዛይን ቀሚስ እና የቪ-ሙሴ (V MUSE) ጌጣጌጦችን በመልበስ የፋሽንና የዜና መጽሔቶች ትኩረት ሆናለች።

የበጎ አድራጎት እንቅስቃሴ፦ በራሷ ተነሳሽነት በሸዋ ሮቢት እና በደብረ ብርሃን የሚገኙ ወጣት ልጃገረዶችን ትምህርት ለማገዝ እና ራሳቸውን የመቻል አቅም ለማጎልበት የተለያዩ የበጎ አድራጎት ሥራዎችን ታከናውናለች።

እ.ኤ.አበታህሳስ 2022/2023 ወደ ኢትዮጵያ በመጓዝ የማህበረሰብ ጉብኝትና ድጋፍ አድርጋለች።

ወደ ኬንያ የድንጋይ ከሰል ኤክስፖርት ለማድረግ ንግግር መጀመሩን ዮ ሆልዲንግ ገለጸ።

"ዮ ሆልዲንግ ንግድና ማኑፋክቸሪንግ ኃላፊነቱ የተወሰነ የግል ማህበር"፣ በኢትዮጵያ ያለውን የድንጋይ ከሰል ሀብት በዘመናዊ ቴክኖሎጂ በማጣራት ለሀገር ውስጥ ኢንዱስትሪዎች የኃይል ግብዓት እያቀረበ መሆኑን ገልጿል።

የኩባንያው ባለቤትና ዋና ስራ አስኪያጅ አቶ መኳንንት አለሙ እንደገለጹት፣ ኩባንያው በቤንሻንጉል ጉሙዝ ክልል ካማሺ ዞን ፏፏቴ ወረዳ በ2012 ዓ.ም የመጀመሪያውን የድንጋይ ከሰል ማጠቢያ ፋብሪካ (በሰዓት 150 ቶን የማምረት አቅም ያለው) አስጀምሮ፣ በ2017 ዓ.ም መጨረሻ ደግሞ በደቡብ ኢትዮጵያ ክልል ጋሞ ዞን ቦረዳ ወረዳ ሁለተኛውን ፋብሪካ (በሰዓት 250 ቶን የማምረት አቅም ያለው) አስገንብቷል።

በሁለቱ ፋብሪካዎች በጥምረት በሰዓት እስከ 400 ቶን የታጠበ ከሰል የማምረት አቅም ላይ ደርሷል።

ኩባንያው በአዲሱ በጀት ዓመት በሁለት ወራት ውስጥ ከ200,000 ቶን በላይ ድንጋይ ከሰል አጥቦ ያቀረበ ሲሆን፣ በዓመቱ ውስጥ ከ1.2 ሚሊዮን ቶን በላይ ለማዘጋጀት እየሰራ መሆኑን ገልጿል፤ በአጠቃላይ በሁለቱም ክልል ካሉ ፋብሪካዎች 1.7 ሚሊዮን ቶን ለማምረት አቅዷል።

በ2018 ዓ.ም በ6 ወራት ውስጥ ብቻ ከ450 ሺህ ቶን በላይ ማምረቱንም አክሏል።

"ዮ ሆልዲንግ" በሁለት ተጨማሪ አካባቢዎች ተጨማሪ ፋብሪካዎችን ለመገንባት በዝግጅት ላይ ሲሆን፣ በዚህ ዓመት መጨረሻ ወደ ኬንያ የድንጋይ ከሰል ኤክስፖርት ለማድረግ የሚያስችለውን ስምምነት ለማድረግ ከሚመለከታቸው ኩባንያዎች ጋር ንግግር መጀመሩን አቶ መኳንንት ገልጸዋል።

ቲክቫህ ኢትዮጵያ
መስከረም 25 ቀን 2019 ዓ.ም

@TikvahethMagazine

#hawassauniversity

በ2019 ዓ.ም በመደበኛ የዲግሪ ፕሮግራም ሀዋሳ ዩኒቨርሲቲ አዲስ የተመደባችሁ ተማሪዎች የምዝገባ ጊዜ ጥቅምት 03 እና 04/2019 ዓ.ም መሆኑን ዩኒቨርሲቲው አሳውቋል።

የምዝገባ ቦታ፦
➻ የተፈጥሮ ሳይንስ ተማሪዎች በዋናው ግቢ
➻ የማኅበራዊ ሳይንስ ተማሪዎች በቴክኖሎጂ ኢንስቲትዩት

ወደ ዩኒቨርሲቲው ስትሔዱ ልትይዟቸው የሚገቡ፦
➻ የ12ኛ ክፍል ፈተና ውጤት ዋናውና ኮፒው፣
➻ ከ9ኛ-12ኛ ክፍል ትራንስክሪፕት ዋናውና ኮፒው፣
➻ አራት ጉርድ ፎቶግራፍ፣
➻ አንሶላ፣ ብርድ ልብስ እና ትራስ ጨርቅ፣
➻ የስፖርት ልብስ።

@tikvahuniversity

ኢትዮጵያ ከጄኔቫው የፈንጂ ማስወገድ ማዕከል ጋር የፈጸመችው ስምምነት የኢትዮጵያን ዲፕሎማሲያዊ ተሰሚነት እንደሚያጎለብት ተገለጸ

ኢትዮጵያ ከጄኔቫ ዓለም አቀፍ የሰብዓዊ ፈንጂ ማስወገድ ማዕከል ጋር የፈጸመችው ስምምነት በምሥራቅ አፍሪካ የዘርፉ ዋና ማዕከል እንድትሆን እና ዲፕሎማሲያዊ ተሰሚነቷን እንድታጎለብት እንደሚያግዛት ተገልጿል።

ስምምነቱ የፈንጂ ማስወገድ ሥራዎችን ለማጠናከር፣ የመረጃ አያያዝን ለማዘመንና የባለሙያዎችን አቅም ለማሳደግ ያስችላል ተብሏል።

የጂኦፖለቲካ እና ዓለም አቀፍ ጉዳዮች ተንታኝ ዶክተር ተሻለ ሰብሮ እንደገለጹት፣ ስምምነቱ ኢትዮጵያ በዘርፉ ያላትን ልምድ በማሳደግ ለሌሎች ሀገራት ሙያዊ ድጋፍ ለመስጠት ዕድል ይፈጥራል። በተለይም ጦርነት በተካሄደባቸው የአፍሪካ ሀገራት ድጋፍ መስጠት በሰብዓዊ ሥራዎች ያላትን ተሳትፎና ዓለም አቀፍ ተሰሚነት ያጠናክራል።

ፖለቲከኛ እና መምህር ዶክተር ጌትዬ ትርፌ በበኩላቸው፣ ከማዕከሉ ጋር የሚደረገው ትብብር የሀገሪቱን የሙያ፣ የልምድ እና የቴክኖሎጂ አቅም ለማሳደግ ወሳኝ መሆኑን ተናግረዋል።

የኢትዮጵያ ባለሙያዎች እና ተቋማት ዘመናዊ ቴክኖሎጂ በመቅሰም አቅማቸውን እንደሚያጎለብቱም ጠቁመዋል።

ትብብሩ የሀገር ውስጥ የፈንጂ አደጋን ከመቀነስ ባለፈ፣ ኢትዮጵያ በአካባቢውና በዓለም አቀፍ ደረጃ ያላትን የዲፕሎማሲ ተሰሚነት ለማሳደግ የሚያግዝ መሆኑን ባለሙያዎቹ አብራርተዋል።

በአበረ ስሜነህ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

ደቡብ ኮሪያ የዓለም የ "AI" ሱፐር ፓወር ለመሆን 900 ቢሊዮን ዶላር ልታወጣ ነው።

ደቡብ ኮሪያ በሰው ሰራሽ አስተውሎት (AI) ቴክኖሎጂ ከዓለማችን ግዙፎቹ ሀገራት ከአሜሪካ እና ከቻይና ጋር ተሰልፋ ለመወዳደር እጅግ ግዙፍ እርምጃ መውሰድ ጀመረች።

ሀገሪቱ ለዚህ ዓላማዋ ወደ 900 ቢሊዮን ዶላር የሚጠጋ ግዙፍ ገንዘብ እየመደበች መሆኑን አልጀዚራ ዘግቧል።

ይህ የገንዘብ መጠን ለቴክኖሎጂው እድገት ብቻ ሳይሆን የነገውን የዓለም ገበያ ለመቆጣጠር የታለመ የረጅም ጊዜ ስትራቴጂካዊ ዕቅድ አካል ነው ተብሏል።

ለዚህም ደቡብ ኮሪያ የውጭ ሀገር ባለሙያዎችን ጥገኛ ከመሆን ይልቅ የራሷን የሀገር ውስጥ ብቁ ባለሙያዎች ማፍራት እንዳቀደች ነው የተገለጸው። ይህን ለማሳካት የትምህርት ሥርዓት ለውጥ መሰረት ነው ተብሏል።

ዕድሜያቸው ገና ለጋ የሆኑ የመጀመሪያ ደረጃ ትምህርት ቤት ተማሪዎች ከጅምሩ በሮቦቲክስ (Robotics) እና በኮዲንግ (Coding) ትምህርት እንዲዳብሩ እየተደረገ መሆኑ ተገልጿል።

ልጆች ገና በልጅነታቸው ከቴክኖሎጂ ጋር ተዋውቀው እንዲያድጉ እና የነገ ፈጣሪዎች እንዲሆኑ ጠንካራ መሠረት እየተጣለም ይገኛል ተብሏል።

ይህ የደቡብ ኮሪያ እርምጃ ሀገሪቱ በቴክኖሎጂው ዓለም ያላትን የበላይነት ከማረጋገጡም በላይ ሌሎች ሀገራት በወደፊቱ የትውልድ ማነጽ ሂደት ላይ ትምህርት የሚወስዱበት አርአያ ሊሆን ይችላል።

መስከረም 25 ቀን 2019 ዓ/ም

@tikvahethiopia

ህሩይ የፋሽንና የውበት ማሰልጠኛ ት/ቤት 140 ተማሪዎችን አስመረቀ
#ethiopia | በእንጅባራ ከተማ የሚገኘው ህሩይ የፋሽንና የውበት ማሰልጠኛ ት/ቤት በ5ኛ ዙር ያሰለጠናቸውን 140 ተማሪዎች በድምቀት አስመርቋል።

በምረቃ ሥነ-ሥርዓቱ የአዊ ብሔረሰብ አስተዳደር ሥራና ክህሎት ም/መምሪያ ኃላፊ ስንታየሁ መንግስቱ፣ ተቋሙ በከተማዋ የሚገኙ ወጣቶች በጋርመንት ቴክኖሎጂ ዘርፍ የሥራ ዕድል ተጠቃሚ እንዲሆኑ የበኩሉን ድርሻ እየተወጣ መሆኑን ገልጸዋል።

የፋሽንና የጋርመንት ዘርፍ በቀጣይነት አዳዲስ እሳቤዎችንና የላቀ ክህሎትን የሚጠይቅ በመሆኑ፣ ተመራቂዎቹ በሰለጠኑበት ሙያ ብቻ ሳይወሰኑ በቀጣይም እውቀታቸውንና ክህሎታቸውን ማሳደግ እንደሚጠበቅባቸው አስገንዝበዋል።

ዘርፉ የፈጠራ ክህሎትን የሚጠይቅ መሆኑን ያነሱት ኃላፊው፣ ወጣቶች በጋርመንት ቴክኖሎጂ በስፋት በመሰማራት የሥራ ዕድል ፈጥረው ተጠቃሚ እንዲሆኑ ጠይቀዋል። በተጨማሪም ሥራቸውን የማኅበረሰቡን ወግና ባህል በጠበቀ መልኩ እንዲያከናውኑ ለተመራቂዎቹ የሥራ መመሪያ ሰጥተዋል።

የህሩይ የፋሽንና የውበት ማሰልጠኛ ት/ቤት መስራችና ሥራ አስኪያጅ ወጣት ህሩይ አምደወርቅ በበኩሉ፣ ት/ቤቱ በፋሽንና በውበት ዘርፍ ለወጣቶች የሥራ ዕድል በመፍጠር የበኩሉን ድርሻ እየተወጣ ያለ ተቋም መሆኑን ተናግሯል።

በተለይም እየተነቃቃ የመጣውን የባህል አልባሳት በማዘመንና ከዘመኑ ፋሽን ጋር በማጣጣም ወጣቶችን የሙያ ባለቤት ማድረግ የት/ቤቱ ዋና ዓላማ መሆኑን ገልጿል።

ህሩይ የፋሽንና የውበት ማሰልጠኛ ት/ቤት በ5ኛ ዙር የገበያውን ፍላጎት ያሟላሉ ብሎ ያመናቸውን 140 ተማሪዎች አሰልጥኖ ማስመረቁንም ገልጿል።

ወጣት ህሩይ እንደገለጸው፣ የፋሽንና የጋርመንት ዘርፍ በአነስተኛ ወጪ የሥራ ዕድል ለመፍጠር ሰፊ አቅም ያለው ዘርፍ ነው። ይህም ሀገሪቱ የያዘችውን የዕድገት ጎዳና ለማፋጠን ጉልህ ሚና እንደሚኖረው ጠቁሟል።

ዘርፉ አሁንም በሀገር ውስጥ በሙሉ አቅሙ ያልተለማ መሆኑን የገለጸው ወጣት ህሩይ፣ ከውጭ የሚገቡ አልባሳትን በሀገር ውስጥ ምርት ለመተካት እየተደረገ ላለው ጥረት ተቋሙ የበኩሉን ድርሻ ለመወጣት ትኩረት ሰጥቶ እየሰራ መሆኑን አመላክቷል።

በምረቃ ሥነ-ሥርዓቱ የ5ኛ ዙር ሰልጣኝ ተመራቂዎች በሰሯቸው የሙያ ሥራዎች ተወዳድረው ለውጤታማ ተማሪዎች ሜዳሊያዎችና ሽልማቶች ተበርክተዋል።

ከተመራቂዎቹ መካከል 13 ዓመቷ ታዳጊ ፀደኒያ ታደለ ከመደበኛ ትምህርቷ ጎን ለጎን የሙያ ባለቤት ለመሆን በማሰብ ስልጠናውን በስኬት አጠናቃ ተመርቃለች።

ታዳጊዋ በምረቃው ዕለት በራሷ የሰራችውን የሙያ ሥራ ይዛ በውድድሩ ተሳትፋ አንደኛ ደረጃን በማስመዝገብ የወርቅ ሜዳሊያ ተሸላሚ ሆናለች።

ይህም የወጣቶችና የታዳጊዎች የሙያ ትምህርት ከመደበኛ ትምህርት ጋር ተጣምሮ ለቀጣይ ሕይወታቸው ጠቃሚ ክህሎት እንዲያገኙ የሚያስችል መሆኑን ያሳያል።

የመንግሥት የመፈጸም አቅም የተገለጸበት የስንዴ አብዮት

አዲስ አበባ፣ መስከረም 24፣ 2019 (ኤፍ ኤም ሲ) ኢትዮጵያ ዓመታዊ የስንዴ ፍላጎቷን ለማሟላት እስከ 1 ቢሊየን ዶላር ድረስ የውጭ ምንዛሪ ታወጣ ነበር።

ይህ የሚሆነው ደግሞ መሬት፣ ውሃ እና ማልማት የሚችል ከፍተኛ የሰው ኃይል ይዛ መሆኑ እጅግ ያስቆጫል። በዚህ የቁጭት መንፈስ ወደ ስራ የገባው የመደመር መንግሥት ፀጋን በመለየት፣ የፖሊሲ ርምጃ በመውሰድ እና በቆራጥ አመራር ታሪክን የቀየረ ውጤት አስመዝግቧል።

ያለውን ፀጋ በመጠቀም ግብርናውን ለማዘመን እና ምርታማነትን ለማሳደግ በተሰራው ስራ የላቀ ውጤት የተመዘገበ ሲሆን፤ በተለይ በስንዴ ሰብል ላይ የተመዘገበው ስኬት አስደማሚ ነው።

ውጤቱ ኢትዮጰያን በስንዴ አምራችነት ከአፍሪካ አህጉር ቀዳሚ ሲያደርጋት፤ ለስንዴ ግዢ ይወጣ የነበረውን እስከ 1 ቢሊየን ዶላር ወጪ ከማስቀረት ባለፈ የውጭ ምንዛሪ ገቢ ማምጣት አስችሏል።

የመደመር መንግሥት የበጋ መስኖ ስንዴ ልማትን በስፋት በመተግበር፣ አሲዳማ መሬቶችን በኖራ በማከም እና ረግረጋማ ቦታዎችን በቴክኖሎጂ በማጠንፈፍ ታሪካዊ ለውጥ አምጥቷል።

በኩታ ገጠም እርሻና በዘመናዊ ማሽነሪዎች አጠቃቀም የታጀበው የልማት ጉዞ በ2018 ዓ.ም የኢትዮጵያን ስንዴ የማምረት ዓቅም 33 ሚሊየን ሜትሪክ ቶን አድርሷል።

በኢትዮጵያ የስንዴ ምርት ዘርፍ ትልቅ እመርታ አሳይቷል፤ የመደመር መንግሥት የመስኖ ልማት፣ ሜካናይዜሽን፣ የግብዓት አቅርቦት እና የግብርና ኤክስቴንሽን ድጋፍ በማጠናከሩ ከፍተኛ ምርት ሊገኝ ችሏል።

የኢትዮጵያ ዓመታዊ የስንዴ ምርት ከ290 እስከ 340 ሚሊዮን ኩንታል (ከ29 እስከ 34 ሚሊዮን ቶን) በላይ መድረሱ ኢትዮጵያን በአፍሪካ አህጉር ቀዳሚ የስንዴ አምራች ሀገር አድርጓታል።

የስንዴ ልማቱ አርሶ አደሩን ከቀድሞው ከእጅ ወደ አፍ ኑሮ አላቅቆ፣ በኩታ ገጠም እርሻና በሜካናይዜሽን ታግዞ ወደ ሰፋፊ የንግድ ምርት እንዲገባ መንገድ ጠርጓል።

የተሻሻሉ የስንዴ ሰብል ዝርያዎች መለቀቃቸው ለዚህ ውጤት ትልቅ አስተዋጽኦ ያበረከተ ሲሆን፤ የምርት አቅርቦት ሰንሰለቱን ማዘመን በቀጣይ በትኩረት የሚሰራበት ነው።

በምርት አቅም እና በኩታ ገጠም እርሻ የተመዘገቡት እነዚህ ሰፊ ስኬቶች፣ ሀገሪቱ በኢኮኖሚ አቅም እያደረገችው ያለውን ሁለገብ ማንሰራራት በግልጽ ከማሳየት ባለፈ፤ የመንግሥትን የመፈጸም ዓቅም የሚያሳይ ተምሳሌታዊ ስራ ነው።

ይህ ትልቅ ለውጥ ኢትዮጵያ ከድህነትና ከዕርዳታ ጥገኝነት ወጥታ የምግብ ሉዓላዊነቷን ማረጋገጥ ብቻ ሳይሆን፣ ለሌሎች አፍሪካ ሀገራትም ተስፋ የሚሰጥ አህጉራዊ አርዓያ መሆን መቻሏን አስመስክሯል።
#ኢትዮጵያ #ትልቅሀገር #ትልቅሕዝብ #ታላቅርዕይ





የመንግሥት የመፈጸም አቅም የተገለጸበት የስንዴ አብዮት

አዲስ አበባ፣ መስከረም 24፣ 2019 (ኤፍ ኤም ሲ) ኢትዮጵያ ዓመታዊ የስንዴ ፍላጎቷን ለማሟላት እስከ 1 ቢሊየን ዶላር ድረስ የውጭ ምንዛሪ ታወጣ ነበር።

ይህ የሚሆነው ደግሞ መሬት፣ ውሃ እና ማልማት የሚችል ከፍተኛ የሰው ኃይል ይዛ መሆኑ እጅግ ያስቆጫል። በዚህ የቁጭት መንፈስ ወደ ስራ የገባው የመደመር መንግሥት ፀጋን በመለየት፣ የፖሊሲ ርምጃ በመውሰድ እና በቆራጥ አመራር ታሪክን የቀየረ ውጤት አስመዝግቧል።

ያለውን ፀጋ በመጠቀም ግብርናውን ለማዘመን እና ምርታማነትን ለማሳደግ በተሰራው ስራ የላቀ ውጤት የተመዘገበ ሲሆን፤ በተለይ በስንዴ ሰብል ላይ የተመዘገበው ስኬት አስደማሚ ነው።

ውጤቱ ኢትዮጰያን በስንዴ አምራችነት ከአፍሪካ አህጉር ቀዳሚ ሲያደርጋት፤ ለስንዴ ግዢ ይወጣ የነበረውን እስከ 1 ቢሊየን ዶላር ወጪ ከማስቀረት ባለፈ የውጭ ምንዛሪ ገቢ ማምጣት አስችሏል።

የመደመር መንግሥት የበጋ መስኖ ስንዴ ልማትን በስፋት በመተግበር፣ አሲዳማ መሬቶችን በኖራ በማከም እና ረግረጋማ ቦታዎችን በቴክኖሎጂ በማጠንፈፍ ታሪካዊ ለውጥ አምጥቷል።

በኩታ ገጠም እርሻና በዘመናዊ ማሽነሪዎች አጠቃቀም የታጀበው የልማት ጉዞ በ2018 ዓ.ም የኢትዮጵያን ስንዴ የማምረት ዓቅም 33 ሚሊየን ሜትሪክ ቶን አድርሷል።

በኢትዮጵያ የስንዴ ምርት ዘርፍ ትልቅ እመርታ አሳይቷል፤ የመደመር መንግሥት የመስኖ ልማት፣ ሜካናይዜሽን፣ የግብዓት አቅርቦት እና የግብርና ኤክስቴንሽን ድጋፍ በማጠናከሩ ከፍተኛ ምርት ሊገኝ ችሏል።

የኢትዮጵያ ዓመታዊ የስንዴ ምርት ከ290 እስከ 340 ሚሊዮን ኩንታል (ከ29 እስከ 34 ሚሊዮን ቶን) በላይ መድረሱ ኢትዮጵያን በአፍሪካ አህጉር ቀዳሚ የስንዴ አምራች ሀገር አድርጓታል።

የስንዴ ልማቱ አርሶ አደሩን ከቀድሞው ከእጅ ወደ አፍ ኑሮ አላቅቆ፣ በኩታ ገጠም እርሻና በሜካናይዜሽን ታግዞ ወደ ሰፋፊ የንግድ ምርት እንዲገባ መንገድ ጠርጓል።

የተሻሻሉ የስንዴ ሰብል ዝርያዎች መለቀቃቸው ለዚህ ውጤት ትልቅ አስተዋጽኦ ያበረከተ ሲሆን፤ የምርት አቅርቦት ሰንሰለቱን ማዘመን በቀጣይ በትኩረት የሚሰራበት ነው።

በምርት አቅም እና በኩታ ገጠም እርሻ የተመዘገቡት እነዚህ ሰፊ ስኬቶች፣ ሀገሪቱ በኢኮኖሚ አቅም እያደረገችው ያለውን ሁለገብ ማንሰራራት በግልጽ ከማሳየት ባለፈ፤ የመንግሥትን የመፈጸም ዓቅም የሚያሳይ ተምሳሌታዊ ስራ ነው።

ይህ ትልቅ ለውጥ ኢትዮጵያ ከድህነትና ከዕርዳታ ጥገኝነት ወጥታ የምግብ ሉዓላዊነቷን ማረጋገጥ ብቻ ሳይሆን፣ ለሌሎች አፍሪካ ሀገራትም ተስፋ የሚሰጥ አህጉራዊ አርዓያ መሆን መቻሏን አስመስክሯል።
#ኢትዮጵያ #ትልቅሀገር #ትልቅሕዝብ #ታላቅርዕይ

የኢትዮጵያ ኮማንዶ እና አየር ወለድ ሠራዊት፡ ከትናንት የጀግንነት ገድል እስከ ዘመናዊ የጥበብ አመራር
*************************

የኢትዮጵያ ኮማንዶ እና አየር ወለድ ሠራዊት ለኢትዮጵያ ሉዓላዊነት እና ለሕዝብ ሰላም ሲባል የሚከፈለውን የሕይወት ዋጋ በደስታ የሚቀበል የሕዝብ መከታ ነው።

ይህ ኃይል ለሰው ልጆች ያለውን ጥልቅ አክብሮት በተግባር ያስመሰከረ እና በበርካታ የውጊያ አውዶችም የዓላማ ጽናቱን ያረጋገጠ ኩሩ ተቋም ነው።

ባለቀዩ መለዮ በየዘመናቱ የተደቀኑትን ፈተናዎች እና ተግዳሮቶች በድል በማለፍ ሀገር የጣለችበትን ልዩ ግዳጆች በላቀ ብቃት የመወጣት አቅሙን በተግባር አሳይቷል።

ጀግና እና ጀግንነት በሚፈተኑበት የጦር ግንባር ውስጥም በከፍተኛ የሥልጠና ጥራት ያዳበረውን አቅም በጥምር ጦር የውጊያ ስልት በመጠቀም የማይሽር የታሪክ ገድል ይጽፋል።

የዚህ ሠራዊት ጀግንነት ከጽንፈኝነት፣ ከዘር፣ ከሃይማኖት እና ከማንነት ልዩነት የጸዳ ነው። ሕዝብን በቅንነት ለማገልገል ባለው ጽኑ የሙያ ሥነ ምግባር ላይ የተቃኘ በመሆኑም የኢትዮጵያ ብሔራዊ ኩራት ለመሆን በቅቷል።

የኢትዮጵያ ኮማንዶ የዓላማ ጽናት እና የድል አድራጊነት ምሥጢር የትናንት ድሎችን በመዘከር ብቻ የሚወሰን አይደለም።

ይልቁንም የወቅቱን ዓለም አቀፍ እና ቀጣናዊ ነባራዊ ሁኔታ አስቀድሞ በመገምገም ራሱን ከሁኔታዎች በፊት ዝግጁ የማድረግ የዳበረ ተቋማዊ ባህል ነው ጠንካራ ያደረገው።

ከተልዕኮዎቹ እና ተሞክሮዎች ትምህርት በመውሰድ የራሱን ጥንካሬ እና ክፍተት በየጊዜው በመለየት እንዲሁም የዘመናዊ ቴክኖሎጂ ውጤቶችን በሥልጠና ሥርዓቱ ውስጥ በማካተት ብቃቱን በቀጣይነት እያሳደገ ይገኛል።

ዘመናዊ ሠራዊት መገንባት መሣሪያን በማዘመን ብቻ ሳይወሰን የሰው ኃይልን፣ የሥልጠና ሥርዓትን፣ የመረጃ አቅምን እና የጥበብ አመራርን በጥምረት ማጎልበትን ይጠይቃል።

በዚህም መሠረት ኮማንዶው ያለፈውን የጀግንነት ትሩፋት ከዛሬው ዘመናዊ ወታደራዊ ሳይንስ ጋር በማጣመር ለነገው ደኅንነት የተሟላ ዝግጁነት ያለው አቅም ፈጥሯል።

የዚህ ድል አድራጊ ሠራዊት ዋነኛ የኃይል ምንጭ ከሕዝብ ጋር ያለው ጥልቅ ትስስር ነው። ሕዝብን የተልዕኮው ማዕከል አድርጎ መሥራቱ እና የኢትዮጵያ ጠላቶች የሚያሰራጩትን የሐሰት ትርክት በተግባር ማክሸፍ መቻሉ ከመላው ኢትዮጵያውያን ጋር ያለውን መተማመን ይበልጥ አጠናክሮታል።

የኢትዮጵያ ዳር ድንበር ጠባቂነት ከትውልድ ወደ ትውልድ የሚሸጋገር ታላቅ አደራ ነው። በመሆኑም የኢትዮጵያ ኮማንዶ እና አየር ወለድ ሠራዊት የትናንት ጀግንነቱን መሠረት አድርጎ የዛሬን ዘመናዊነት አቅም ፈጥሮ፣ እንዲሁም የነገን ዝግጁነት አረጋግጦ የኢትዮጵያን ሉዓላዊነት እና የሕዝብን ሰላም በአስተማማኝ ሁኔታ ማስጠበቁን ዛሬም እንደ ትናንቱ በጽናት ቀጥሏል።

በብሌን ደምበሎ
#ትልቅ_ሀገር #ትልቅ_ሕዝብ #ታላቅ_ርዕይ #ethiopia #ebc #defence #comando #specialforces




የኢትዮጵያ ኮማንዶ እና አየር ወለድ ሠራዊት፡ ከትናንት የጀግንነት ገድል እስከ ዘመናዊ የጥበብ አመራር
*************************

የኢትዮጵያ ኮማንዶ እና አየር ወለድ ሠራዊት ለኢትዮጵያ ሉዓላዊነት እና ለሕዝብ ሰላም ሲባል የሚከፈለውን የሕይወት ዋጋ በደስታ የሚቀበል የሕዝብ መከታ ነው።

ይህ ኃይል ለሰው ልጆች ያለውን ጥልቅ አክብሮት በተግባር ያስመሰከረ እና በበርካታ የውጊያ አውዶችም የዓላማ ጽናቱን ያረጋገጠ ኩሩ ተቋም ነው።

ባለቀዩ መለዮ በየዘመናቱ የተደቀኑትን ፈተናዎች እና ተግዳሮቶች በድል በማለፍ ሀገር የጣለችበትን ልዩ ግዳጆች በላቀ ብቃት የመወጣት አቅሙን በተግባር አሳይቷል።

ጀግና እና ጀግንነት በሚፈተኑበት የጦር ግንባር ውስጥም በከፍተኛ የሥልጠና ጥራት ያዳበረውን አቅም በጥምር ጦር የውጊያ ስልት በመጠቀም የማይሽር የታሪክ ገድል ይጽፋል።

የዚህ ሠራዊት ጀግንነት ከጽንፈኝነት፣ ከዘር፣ ከሃይማኖት እና ከማንነት ልዩነት የጸዳ ነው። ሕዝብን በቅንነት ለማገልገል ባለው ጽኑ የሙያ ሥነ ምግባር ላይ የተቃኘ በመሆኑም የኢትዮጵያ ብሔራዊ ኩራት ለመሆን በቅቷል።

የኢትዮጵያ ኮማንዶ የዓላማ ጽናት እና የድል አድራጊነት ምሥጢር የትናንት ድሎችን በመዘከር ብቻ የሚወሰን አይደለም።

ይልቁንም የወቅቱን ዓለም አቀፍ እና ቀጣናዊ ነባራዊ ሁኔታ አስቀድሞ በመገምገም ራሱን ከሁኔታዎች በፊት ዝግጁ የማድረግ የዳበረ ተቋማዊ ባህል ነው ጠንካራ ያደረገው።

ከተልዕኮዎቹ እና ተሞክሮዎች ትምህርት በመውሰድ የራሱን ጥንካሬ እና ክፍተት በየጊዜው በመለየት እንዲሁም የዘመናዊ ቴክኖሎጂ ውጤቶችን በሥልጠና ሥርዓቱ ውስጥ በማካተት ብቃቱን በቀጣይነት እያሳደገ ይገኛል።

ዘመናዊ ሠራዊት መገንባት መሣሪያን በማዘመን ብቻ ሳይወሰን የሰው ኃይልን፣ የሥልጠና ሥርዓትን፣ የመረጃ አቅምን እና የጥበብ አመራርን በጥምረት ማጎልበትን ይጠይቃል።

በዚህም መሠረት ኮማንዶው ያለፈውን የጀግንነት ትሩፋት ከዛሬው ዘመናዊ ወታደራዊ ሳይንስ ጋር በማጣመር ለነገው ደኅንነት የተሟላ ዝግጁነት ያለው አቅም ፈጥሯል።

የዚህ ድል አድራጊ ሠራዊት ዋነኛ የኃይል ምንጭ ከሕዝብ ጋር ያለው ጥልቅ ትስስር ነው። ሕዝብን የተልዕኮው ማዕከል አድርጎ መሥራቱ እና የኢትዮጵያ ጠላቶች የሚያሰራጩትን የሐሰት ትርክት በተግባር ማክሸፍ መቻሉ ከመላው ኢትዮጵያውያን ጋር ያለውን መተማመን ይበልጥ አጠናክሮታል።

የኢትዮጵያ ዳር ድንበር ጠባቂነት ከትውልድ ወደ ትውልድ የሚሸጋገር ታላቅ አደራ ነው። በመሆኑም የኢትዮጵያ ኮማንዶ እና አየር ወለድ ሠራዊት የትናንት ጀግንነቱን መሠረት አድርጎ የዛሬን ዘመናዊነት አቅም ፈጥሮ፣ እንዲሁም የነገን ዝግጁነት አረጋግጦ የኢትዮጵያን ሉዓላዊነት እና የሕዝብን ሰላም በአስተማማኝ ሁኔታ ማስጠበቁን ዛሬም እንደ ትናንቱ በጽናት ቀጥሏል።

በብሌን ደምበሎ
#ትልቅ_ሀገር #ትልቅ_ሕዝብ #ታላቅ_ርዕይ #ethiopia #ebc #defence #comando #specialforces

የሀገር ውስጥ ነጋዴዎች በአፍሪካ ነፃ የንግድ ቀጣና ተወዳዳሪ እንዲሆኑ የሚያግዝ ስምምነት ተፈረመ

የሀገር ውስጥ ነጋዴዎች በአፍሪካ ነፃ የንግድ ቀጣና የንግድ መረጃዎችን በቀላሉ በማግኘት ተወዳዳሪ እንዲሆኑ የሚያግዝ የጋራ መግባቢያ ሰነድ ተፈርሟል።

ስምምነቱን የተፈራረሙት የአዲስ አበባ ንግድና ዘርፍ ማኅበራት ምክር ቤት (አዲስ ቻምበር) እና የአፍሪካ ኤሌክትሮኒክ ንግድ ግሩፕ ናቸው።

ይህ ስትራቴጂካዊ ስምምነት የአዲስ ቻምበር አባል ኩባንያዎች እና መላው የንግድ ማኅበረሰብ አባላት በዲጂታል ንግድ እና በገበያ ትስስር አቅማቸውን እንዲገነቡ ያስችላል ተብሏል።

በተጨማሪም መካከለኛ እና አነስተኛ የንግድ ተቋማትን ተወዳዳሪነት ለማሳደግ የመረጃ፣ የቴክኖሎጂ እና የአቅም ግንባታ ድጋፎች እንደሚደረጉ ተመላክቷል።

የስምምነት ሰነዱን የአዲስ ቻምበር ዋና ፀሐፊ አቶ ዘካርያስ አሰፋ እና የአፍሪካ ኢ-ትሬድ ግሩፕ ዋና ስራ አስፈፃሚ ሚስ ትሬዠር ማፋንጋ ተፈራርመውታል።

የአፍሪካ ኤሌክትሮኒክ ንግድ ግሩፕ በአፍሪካ ሕብረት አባል ሀገራት የሚንቀሳቀስ ፓን አፍሪካዊ ተቋም ሲሆን የአህጉሪቱን የእርስ በእርስ ንግድ ለማሳደግ የምስራቅ አፍሪካ ቢሮውን በአዲስ አበባ ከፍቶ እየሰራ ይገኛል።

ተቋሙ የአፍሪካ ሕብረት የ2063 አጀንዳን እውን ለማድረግ በአህጉሪቱ 5 ሀገራት ቅርንጫፎች ከፍቶ በመንቀሳቀስ ላይ እንደሆነ ታውቋል።

አዲስ ቻምበር በበኩሉ ላለፉት 80 ዓመታት የንግዱ ማኅበረሰብ እንደራሴ ሆኖ የንግድ ልማት ድጋፍ ሲሰጥና ለኢንቨስትመንት ስራ አመቺ ሁኔታዎችን ሲፈጥር የቆየ ተቋም ነው።

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ