(ዘ-ሐበሻ ዜና) የሜታ ዋና ሥራ አስፈጻሚ የሆኑት ማርክ ዙከርበርግ፣ በዓለማችን ከፍተኛ ዋጋ ካላቸው የአርቴፊሻል ኢንተለጀንስ ኩባንያዎች መካከል የሆኑትን አንትሮፒክ እና ኦፕን ኤአይ የኤአይ ቴክኖሎጂን የሚያለሙበትን የተዘጋ መንገድ አጥብቀው ተቹ። ዙከርበርግ ይህ ዓይነቱ አካሄድ ስልጣንና ኃይልን በአንድ ማዕከል እንዲከማች እንደሚያደርግና ሰዎች ከዚህ ለውጥ አምጪ ቴክኖሎጂ የሚያገኙትን ተጠቃሚነት እንደሚያጠብ አስጠንቅቀዋል።

የ42 ዓመቱ ዙከርበርግ ማክሰኞ ዕለት ከኒውዮርክ ታይምስ ጋር ባደረጉት ቃለ ምልልስ፣ የኩባንያዎቹን ስም በቀጥታ ባይጠቅሱም፤ ግንባር ቀደም የጥናት ተቋማት የኤአይ ቴክኖሎጂን በጥብቅ ቁጥጥር ስር ለማልማት የሚያደርጉት ጥረት የአሜሪካን የቴክኖሎጂ እሴቶች ከመተው ጋር እኩል መሆኑንና ፈጠራን እንደሚያዳፍን ገልጸዋል። በዘርፉ "ከመጠን ያለፈ የጥፋት ትርክት" እንደሚስተዋል የገለጹት ዙከርበርግ፣ ለውይይቱ "እውነታን" የሚያመጡ ድምጾች እንደሚያስፈልጉ አሳስበዋል።

በሲሊከን ቫሊ የተፈጠረው የሐሳብ ልዩነት የዙከርበርግ አስተያየት በሲሊከን ቫሊ የቴክኖሎጂ መሪዎች መካከል የተፈጠረውን ክፍፍል ይበልጥ አጉልቶታል። የአንትሮፒክ ዋና ሥራ አስፈጻሚ ዳሪዮ አሞዴይ እና የኦፕን ኤአይ ዋና ሥራ አስፈጻሚ ሳም አልትማን የኤአይ ሞዴሎች እጅግ አደገኛ በመሆናቸው ያለ ጥብቅ ቁጥጥር ሊለሙና ሊጋሩ አይገባም የሚል አቋም አላቸው። በሌላ በኩል ማይክሮሶፍት፣ ኤንቪዲያ (Nvidia)፣ ጉግል እና ሜታ ይህንን ሀሳብ በመቃወም፣ ቴክኖሎጂው እንዲያድግ እና አዳዲስ የንግድ ዘርፎች እንዲፈጠሩ አብዛኛዎቹ የኤአይ ሞዴሎች በክፍት መንገድ መለማት አለባቸው ብለው ይከራከራሉ።

የቻይና ስጋት እና የዋሽንግተን ሎቢ በዚህ ወር የቻይና የኤአይ ሞዴሎች ያሳዩት ፈጣን እድገት የአሜሪካ ኩባንያዎች የነበራቸውን ብልጫ እየቀነሰው መምጣቱ ክርክሩን አባብሶታል። አርብ ዕለት የኤንቪዲያ ዋና ሥራ አስፈጻሚ ጄንሰን ሁዋንግ ክፍት የሶፍትዌር ልማትን የሚደግፍ ደብዳቤ ያወጡ ሲሆን፣ ከ SpaceX እና IBM ጋር በመሆን በክፍት የኤአይ ደህንነት ላይ የሚሰራ ጥምረት ማቋቋማቸውን ይፋ አድርገዋል። ሁዋንግ እና አልትማንን ጨምሮ የቴክኖሎጂ መሪዎች ጉዳዩን ከትራምፕ አስተዳደር ጋር ለመወያየት በዚህ ሳምንት ወደ ዋሽንግተን እያቀኑ ይገኛሉ።

"ግላዊ ሱፐር-ኢንተለጀንስ" ከማዕከላዊ ቁጥጥር ይልቅ አንትሮፒክ የኤአይ ሞዴሎች ለሰው ልጅ ደህንነት ስጋት እንዳይሆኑ "የአሰላለፍ አደጋን" ለመፍታት ሲሞክር፤ ዙከርበርግ ግን አንድ ወጥ የሆነ እና ለሁሉም በእኩል የሚስማማ "ደግ" ሱፐር-ኢንተለጀንስ መፍጠር ፈጽሞ የማይቻል መሆኑን ይከራከራሉ። በምትኩ የሰዎችን ግላዊ ፍላጎት ሊያሟላ የሚችል "ግላዊ ሱፐር-ኢንተለጀንስ" ለሁሉም ሰው መድረስ አለበት ብለዋል።

ለዓመታት የኦፕን ኤአይ አቀንቃኝ የነበረችው እና ሞዴሎቿን በነጻ ስታድል የቆየችው ሜታ፣ በቅርቡ የስትራቴጂ ለውጥ አድርጋለች። በአንትሮፒክ እና ኦፕን ኤአይ ተቀድማ የነበረችው ሜታ፣ 14.3 ቢሊዮን ዶላር ScaleAI በተባለ ኩባንያ ላይ ኢንቨስት በማድረግ እና መስራቹን አሌክሳንደር ዋንግን በመቅጠር 'Meta Superintelligence Labs'ን አቋቁማለች። ኩባንያው 'Muse Spark' የተሰኘ አዲስ ዝግ (Closed) ሞዴል በማልማት በዚህ ወር መሸጥ መጀመሩም ተገልጿል፤ ምንም እንኳ የክፍት ሞዴል ልማቱን ጎን ለጎን እያስኬደ ቢሆንም።

ዙከርበርግ በዎል ስትሪት ጆርናል ላይ ባወጡት ጽሁፍ የኤአይ ኃይል ማዕከላዊነትን አጥብቀው በመንቀፍ፣ የኢንዱስትሪው ታሪካዊ ጉዞ የቴክኖሎጂን ኃይል በጥቂቶች እጅ ከመሰብሰብ ይልቅ ክፍት በማድረግ ወደ ብዙሃኑ እጅ ማስገባት መሆኑን አጽንኦት ሰጥተዋል። ተቀናቃኞቹ አንትሮፒክ እና ኦፕን ኤአይ በበኩላቸው የኤአይ ልማት ደህንነትን ለማረጋገጥ ዓለም አቀፍ ትብብር እንዲኖር የሚጠይቅ ግልጽ ደብዳቤ ከሌሎች ተመራማሪዎች ጋር ፈርመው አውጥተዋል።

ኢሎን ማስክ የስፔስ ኤክስ አክሲዮን ማደጉን ተከትሎ የዓለማችን የመጀመሪያው ትሪሊየነር ሆነ

አርብ ሰኔ 5 ቀን 2018 ዓ.ም የስፔስ ኤክስ (SpaceX) አክሲዮኖች በናስዳቅ የገበያ ማዕከል ለመጀመሪያ ጊዜ ለሕዝብ ክፍት በሆኑበት ዕለት የ11 በመቶ ዕድገት በማሳየት 150 ዶላር ደርሰዋል።

ይህ በታሪክ ትልቁ የሆነው የአክሲዮን ሽያጭ (IPO) የኩባንያውን አጠቃላይ የገበያ ዋጋ 2 ትሪሊዮን ዶላር ያደረሰው ሲሆን፣ ባለቤቱን ኢሎን ማስክን የዓለማችን የመጀመሪያው ባለ ትሪሊዮን ዶላር (Trillionaire) ሀብታም አድርጎታል።

ከ75 ቢሊዮን ዶላር በላይ ገቢ ያስገኘው ይህ ሽያጭ፣ ኩባንያውን ከቴስላ እና ሜታ በላይ እንዲሰለፍ አድርጎታል።

እ.ኤ.አ በ2002 የተመሠረተው ስፔስ ኤክስ፣ አሁን ላይ የሳተላይት አገልግሎትን፣ የኤአይ (xAI) ኩባንያን እና የኤክስ (X) ማህበራዊ ሚዲያን ያካተተ ግዙፍ ጥምረት ሆኗል።

ማስክ በሰጠው መግለጫ የኩባንያው ቀጣይ ግብ የሰውን ልጅ ወደ ጨረቃና ማርስ ማድረስ መሆኑን በድጋሚ አረጋግጧል።

Seledadotio
Seledadotio

የጠፈርተኞቹ የሞት ሽረት ፍጥጫ
በሰላም ይመለሱ ይሆን?
#ethiopia | ​የሰው ልጅ ከግማሽ ክፍለ ዘመን በኋላ ወደ ጨረቃ ያደረገው ታሪካዊ ጉዞ እጅግ አደገኛ ምዕራፍ ላይ ደርሷል።

የአርቴሚስ 2 (Artemis II) አራቱ ጠፈርተኞች የ10 ቀናት የጨረቃ ዙሪያ ቆይታቸውን አጠናቅቀው ወደ ምድር አቅንተዋል።

​ከፍተኛ ስጋት የፈጠሩት ነጥቦች

​አስገራሚ ፍጥነት
መንኮራኩሯ በሰዓት 25,000 ማይል (ከድምፅ ፍጥነት በ30 እጥፍ በላይ) እየተምዘገዘገች ወደ ምድር ከባቢ አየር ትገባለች።

​ከፍተኛ ሙቀት
የመንኮራኩሯ ውጫዊ ክፍል እስከ 2,760 ዲግሪ ሴልሺየስ በሚደርስ እሳት ይፈተናል።

​የጋሻው ስንጥቅ ስጋት
በ2022ቱ የአርቴሚስ 1 ሙከራ ወቅት በመንኮራኩሯ የሙቀት መከላከያ ጋሻ ላይ ስንጥቆች ታይተው የነበረ ቢሆንም፣ አሁንም ጠፈርተኞቹ ያንኑ ተመሳሳይ ጋሻ መጠቀማቸው በባለሙያዎች ዘንድ ትልቅ ስጋት ፈጥሯል።

​ናሳ የመንኮራኩሯን አቅጣጫ በመቀየር አደጋውን ለመቀነስ እንደሚቻል ገልጾ ሙሉ በራስ መተማመን አሳይቷል። በአሁኑ ወቅት በሳንዲያጎ የባሕር ዳርቻ የነፍስ አድን መርከቦችና የሕክምና ቡድኖች በጉጉት እየጠበቁ ይገኛሉ።

​የዚህ ተልዕኮ ስኬት የሰው ልጅን በድጋሚ ጨረቃ ላይ ለማሳረፍ ለታቀደው የአርቴሚስ 3 ፕሮጀክት ብቸኛው መሠረት ነው!

​#getu #artemis2 #nasa #spaceexploration #moonmission #reentry #sciencenews #astronauts #spacex #addisababa #ጠፈር #አርቴሚስ #ናሳ #ጨረቃ #ጌጡተመስገን #getutemesgen

​“ማርስ ላይ መሞት እፈልጋለሁ፤ ነገር ግን በመጋጨት አይደለም!” — የኢሎን ማስክ አስገራሚ ምኞትና የጠፈር ጉዞው የወደፊት እጣ ፈንታ

​በዓለም ላይ ካሉ ባለጸጎች መካከል በግንባር ቀደምትነት የሚጠቀሰውና የSpaceX መስራች የሆነው ኢሎን ማስክ፣ በዳቮስ የዓለም ኢኮኖሚ ፎረም ላይ ተገኝቶ ያስደመመ መግለጫ ሰጥቷል። ማስክ የሰው ልጅ በማርስ ላይ እንዲሰፍር ያለውን ጽኑ ፍላጎት ሲገልጽ፣ የእሱም የመጨረሻው የህይወት ምዕራፍ በዚሁ ቀይ ፕላኔት ላይ እንዲያበቃ እንደሚመኝ ተናግሯል።

ይሁን እንጂ ይህ ምኞቱ እውን እንዲሆን አንድ ትልቅ ቅድመ ሁኔታ አስቀምጧል፤ እሱም “እዚያው ማርስ ላይ መሞት እፈልጋለሁ፣ ነገር ግን በመጋጨት (Impact) መሆን የለበትም” በማለት ጉዞው ስኬታማና ሰላማዊ መሆን እንዳለበት በቀልድ የታጀበ መልእክቱን አስተላልፏል።

​ይህ የማስክ ድፍረት የተሞላበት ንግግር በባዶ ተስፋ ላይ የተመሰረተ ሳይሆን፣ በቅርቡ SpaceX ባከናወነው ታሪካዊ የቴክኖሎጂ ስኬት ላይ የተገነባ ነው። የሁለተኛው ትውልድ ስታርሺፕ (Starship) መንኮራኩር አምስተኛ የሙከራ በረራውን በስኬት ማጠናቀቁ፣ ማስክን ለህልሙ ይበልጥ አቅርቦታል።

ይህ ሙከራ መንኮራኩሩን ወደ ህዋ ልኮ በሰላም መመለስ ብቻ ሳይሆን፣ ወደፊት ለሚደረገው የማርስ ጉዞ ወሳኝ የሆኑ ቴክኖሎጂዎች ውጤታማነታቸውን ያሳዩበት ትልቅ ምዕራፍ ሆኖ ተመዝግቧል።

​በዚህ በረራ ላይ የታየው ትልቁ የቴክኒክ እመርታ የመንኮራኩሩ የሙቀት መከላከያ (Heat Shield) ብቃት ነው። መንኮራኩሩ ወደ ምድር ከባቢ አየር በሚመለስበት ወቅት የሚፈጠረውንና እስከ 1430^circ ext{C} የሚደርሰውን እጅግ ከፍተኛ ሙቀት መቋቋም መቻሉ መሐንዲሶቹን አስደንቋል።

ቀደም ሲል በነበሩ ሙከራዎች ላይ ይፈጠሩ የነበሩ የሙቀት መከላከያ ሰቆች መውለቅና የመቃጠል አደጋዎች በዚህኛው ሙከራ መፈታታቸው፣ የጠፈር ጉዞውን ደህንነት ወደ አዲስ ከፍታ አሸጋግሮታል።

​ለኢሎን ማስክ የማርስ ጉዞ ስኬት ቁልፉ “መንኮራኩሮችን ደጋግሞ መጠቀም” (Reusability) የሚለው መርህ ነው። ስታርሺፕ ልክ እንደ አውሮፕላን ደጋግሞ መብረር መቻሉ፣ ወደ ጠፈር የሚደረገውን ጉዞ ወጪ በከፍተኛ ሁኔታ የሚቀንስ ነው።

አምስተኛው የሙከራ በረራ ይህንን ጽንሰ-ሀሳብ ወደ እውነታ የለወጠ ሲሆን፣ ይህም ለሰው ልጅ ታሪክ የመጀመሪያ የሆነውን በማርስ ላይ የመኖሪያ ጣቢያ የመመስረት ህልም ከመቼውም ጊዜ በላይ ቅርብ እንዲሆን አድርጎታል።

​አሁን ላይ የSpaceX ትኩረት ወደ ሦስተኛው ትውልድ ስታርሺፕ ዞሯል። ይህ አዲስ መንኮራኩር ከቀደሙት ይልቅ በጭነት አቅሙና በሞተር ጉልበቱ እጅግ የላቀ እንደሚሆን ይጠበቃል። ማስክ እንደሚለው፣ እያንዳንዱ በረራና እያንዳንዱ ስኬት ለሰው ልጅ “ባለብዙ ፕላኔት ዝርያ” የመሆን መንገድን ይከፍታል።

ይህም ማለት የሰው ልጅ በአንድ ወቅት ምድር ላይ አደጋ ቢጋርጥበት እንኳ በሌሎች ፕላኔቶች ላይ ህልውናውን አስጠብቆ እንዲቀጥል የሚያስችል የኢንሹራንስ ዋስትና ነው።

​በአጠቃላይ፣ የኢሎን ማስክ “ማርስ ላይ መሞት እፈልጋለሁ” የሚለው ንግግር የግል ምኞት ብቻ ሳይሆን፣ የሰው ልጅን አድማስ ለማስፋት የተያዘ ትልቅ ግብ ነጸብራቅ ነው። የቴክኖሎጂው እድገት አሁን ባለው ፍጥነት ከቀጠለ፣ ምናልባትም በሚቀጥሉት ጥቂት አስርት ዓመታት ውስጥ የመጀመሪያው ሰው ማርስ ላይ ሲያርፍ ማየት ህልም መሆኑ ይቀራል።

ማስክ እንደተመኘው በሰላም ማርስ ላይ አርፎ እዚያው ያርፍ እንደሆነ የሚያሳየው የጊዜ ሂደት ቢሆንም፣ አሁን ያለው ስኬት ግን ታሪክ እየተሰራ መሆኑን ይመሰክራል።

፡ "እኔ የባዕድ ፍጡር (Alien) ነኝ!" — ኢሎን ማስክ

​በዳቮስ ስዊዘርላንድ እየተካሄደ ባለው የዓለም የኢኮኖሚ ፎረም (WEF 2026) ላይ ያልተጠበቀ ንግግር ያደረገው ቢሊየነሩ ኢሎን ማስክ፣ ከብላክሮክ ዋና ስራ አስፈጻሚ ላሪ ፊንክ ጋር በነበረው ቆይታ አስገራሚ ቀልዶችን አጋርቷል።

​ስለ ባዕድ ፍጡራን፦ ማስክ "ሰዎች ሁልጊዜ 'መካከላችን Alien አለ ወይ?' ብለው ይጠይቁኛል። እኔም 'አዎ እኔ ራሴ አንዱ ነኝ' እላቸዋለሁ፤ ግን ማንም አያምነኝም" በማለት በፈገግታ ተናግሯል።

​ማስረጃው፦ ስፔስ ኤክስ (SpaceX) እስካሁን ከ9,000 በላይ ሳተላይቶችን ወደ ህዋ ቢልኩም፣ አንድም የባዕድ ፍጡራን መንኮራኩር አጋጥሟቸው እንደማያውቅና ይህም በህዋ ላይ ህይወት ምን ያህል ብርቅ እንደሆነ እንደሚያሳይ ገልጿል።

​የወደፊት ትንበያ፦ በ2026 ማብቂያ ላይ አርቴፊሻል ኢንተለጀንስ (AI) ከሰው ልጅ ብልህነት በላይ እንደሚሆንና በቅርቡም የሮቦቶች ቁጥር ከሰው ልጆች እንደሚበልጥ ትንቢቱን ተናግሯል።

​ማስክ አክሎም "በመካከላችን Alien ቢኖር ኖሮ መጀመሪያ የማውቀው እኔ ነበርኩ" በማለት ተደምጧል።

🚀 ጠፈርተኞቹን በህመም ምክንያት ወደ ምድር ተመለሱ
#ethiopia | ናሳ ጠፈርተኞቹን በአስቸኳይ ወደ መሬት መለሰ የአሜሪካው የጠፈር ምርምር ተቋም (ናሳ)፣ በዓለም አቀፉ የጠፈር ጣቢያ (ISS) ላይ ለ6 ወራት ተሰማርተው የነበሩ አራት ጠፈርተኞችን ባጋጠመ ድንገተኛ የጤና እክል ምክንያት በዛሬው ዕለት ወደ መሬት እንዲመለሱ አድርጓል። ይህ ክስተት ናሳ በታሪኩ ለመጀመሪያ ጊዜ የሕክምና መልቀቂያ ሥርዓትን በመጠቀም ጠፈርተኞችን ከጠፈር ያስወጣበት አጋጣሚ ሆኖ ተመዝግቧል።

🛰️ ተልዕኮውና ተመላሾቹ

በጠፈር ተመራማሪ ካርድማን የሚመራውና አሜሪካውያን፣ ጃፓናዊ እንዲሁም ሩሲያዊ ጠፈርተኞችን ያካተተው ይሄው ቡድን፣ በስፔስ ኤክስ (SpaceX) መንኮራኩር አማካኝነት በፓሲፊክ ውቅያኖስ ላይ በሰላም አርፏል።

🩺 የጤና ስጋቱ

ናሳ የጠፈርተኞችን የግል የጤና ምስጢር ለመጠበቅ ሲል የታመመውን ግለሰብ ማንነትና የሕመሙን ዓይነት ባይገልጽም፣ የሚከተሉትን ነጥቦች አረጋግጧል፦

* ችግሩ በምድር ላይ ጥብቅና አስቸኳይ የሕክምና ክትትል የሚሻ መሆኑን፤

* የጠፈርተኞቹ ደህንነት ከማንኛውም ሳይንሳዊ ግኝት በላይ ቅድሚያ የሚሰጠው በመሆኑ ተልዕኮው ከአንድ ወር በላይ ቀደም ብሎ እንዲቋረጥ መደረጉን።

🌍 ቀጣዩ ምዕራፍ

በአሁኑ ወቅት አራቱ ጠፈርተኞች በልዩ የሕክምና ክትትል ላይ ይገኛሉ። ናሳ በተቋረጠው ተልዕኮ ምትክ ሌሎች ተመራማሪዎችን ወደ ጠፈር ጣቢያው ለመላክ ዝግጅት እየጀመረ መሆኑን ገልጿል። ይህ አጋጣሚ ለወደፊቱ የረጅም ጊዜ የጠፈር ጉዞዎች የሕክምና ዝግጁነት ምን መምሰል እንዳለበት አዲስ ትምህርት የሰጠ ክስተት ተደርጎ ተወስዷል።

​Getu Temesgen - (ጌጡ ተመስገን)
#ናሳ #ጠፈር #ጤና #iss #spacex #ሳይንስ #የጠፈርዜና #nasa #spacemission #medicalevacuation

ስታርሊንክ ለቬንዙዌላውያን የነፃ ኢንተርኔት አገልግሎት መስጠት ጀመረ

በቬንዙዌላ እየታየ ያለውን ድራማዊ የፖለቲካ ለውጥ ተከትሎ ታዋቂው ቢሊየነር ኢሎን ማስክ የጠፈር ምርምር ተቋሙ ስፔስ ኤክስ (SpaceX) በስታርሊንክ ሳተላይቶች አማካኝነት ለሀገሪቱ ህዝብ የነፃ ኢንተርኔት አገልግሎት እንደሚሰጥ አስታወቀ። ይህ ውሳኔ የተሰማው የቀድሞው ፕሬዝዳንት ኒኮላስ ማዱሮ በዩናይትድ ስቴትስ ወታደራዊ ኦፕሬሽን በቁጥጥር ስር መዋላቸውን ተከትሎ ሀገሪቱ በከፍተኛ የፖለቲካ ውጥረት ውስጥ ባለችበት ወቅት ነው።

በሀገሪቱ ሊከሰት የሚችለውን የመረጃ እገዳ፣ የኤሌክትሪክ መቆራረጥ እና የኢንተርኔት መዘጋት ስጋት ለመቀነስ ስታርሊንክ የሳተላይት ግንኙነትን ክፍት ማድረጉ ወሳኝ እርምጃ መሆኑ ተገልጿል። ይህ አገልግሎት ዜጎች ከቤተሰቦቻቸውና ከውጭው ዓለም ጋር ያላቸው ግንኙነት እንዳይቋረጥ የሚያግዝ ሲሆን የግል የቴክኖሎጂ ተቋማት በዓለም አቀፍ ጂኦ-ፖለቲካ ላይ ያላቸውን እያደገ የመጣ ተፅዕኖ በግልጽ ያሳየ ክስተት ሆኗል።

በአሁኑ ወቅት መረጃ ማግኘት ለዜጎች እንደ ቅንጦት ሳይሆን እንደ መብትና የጥንካሬ ምንጭ ተደርጎ የተወሰደ ሲሆን የግል ኩባንያዎች እንዲህ ባሉ ዓለም አቀፍ ግጭቶች ወቅት ጣልቃ መግባታቸው የብዙዎችን ትኩረት ስቧል። የስታርሊንክ እርምጃ በቬንዙዌላ ያለውን የመረጃ ፍሰት ነፃ በማድረግ ረገድ ትልቅ ሚና ይጫወታል ተብሎ ይጠበቃል።

seledadotio
seledadotio

ኤሎን መስክ የፀሐይን ብርሃን በሳተላይት ለመቆጣጠር ሐሳብ አቀረቡ

የቴክኖሎጂ ባለጸጋውና የ SpaceX ኃላፊ የሆኑት ኤሎን መስክ፣ ዓለም አቀፉን የአየር ንብረት ለውጥ ለመቋቋም የሚያስችል አወዛጋቢ ሐሳብ አቅርበዋል።

ይህ ሐሳብ የፀሐይ ጨረር አስተዳደር በመባል ከሚታወቀው የጂኦኢንጂነሪንግ ስትራቴጂ አንዱ ሲሆን፣ በሳተላይቶች አማካኝነት ወደ ምድር የሚደርሰውን የፀሐይ ብርሃን መጠን መቆጣጠርን ያካትታል።

ሐሳቡ በህዋ ላይ የሚያንጸባርቁ መስተዋቶችን ወይም አንጸባራቂ ቁሳቁሶችን በመጠቀም የፀሐይን ብርሃን ከምድር ላይ እንዲያፈነግጥ ማድረግ ነው።

ከ6,000 በላይ የስታርሊንክ (Starlink) ሳተላይቶችን የሚያንቀሳቅሰው የSpaceX ኩባንያ ኃላፊ በመሆናቸው፣ የመስክ አስተያየት እንደዚህ ያሉ ትልልቅ የአየር ንብረት ጣልቃ ገብነቶች ውስጥ የኮርፖሬት ተሳትፎ ሊኖር እንደሚችል የሚጠቁም ሆኗል።

ይሁን እንጂ ባለሙያዎች የፀሐይ ጨረር አስተዳደር ታላላቅ ቴክኒካዊና ሥነ ምግባራዊ ስጋቶች እንደሚያስከትል ያስጠነቅቃሉ። ለምሳሌ፣ እጅግ በጣም አነስተኛ ስህተቶች እንኳ በዓለም አቀፍ የአየር ሁኔታ ስርዓቶች ወይም የዝናብ ስርጭት ላይ ከፍተኛ ለውጥ ሊያመጡ ይችላሉ።

ከዚህም ባሻገር በፕላኔቷ ደረጃ ያለውን ይህን የፀሐይ መጋረጃ የሚመራው ወይም የሚቆጣጠረው ማን ይሆናል? የሚለው ወሳኝ የሥነ ምግባርና የአስተዳደር ጥያቄ ምላሽ አላገኘም።

እነዚህ ስጋቶች ቢኖሩም፣ በርካታ አዳዲስ የንግድ ተቋማት ከስትራቶስፌሪክ ኤሮሶል መበተን እስከ ህዋ ላይ የሚገኙ አንጸባራቂዎች ድረስ ባሉት የፀሐይ-ማጥቆር ቴክኒኮች ላይ ሙከራ እያደረጉ ሲሆን፣ ሳይንሳዊ መሰረቱ በአብዛኛው የንድፈ ሐሳብ ደረጃ ላይ ቢሆንም በሚሊዮን የሚቆጠሩ ዶላሮችን የፋይናንስ ድጋፍ እያገኙ ነው።

seledadotio
seledadotio

"እንደ ኤሎን ማስክ (SpaceX) የግል ሳተላይት ለማምጠቅ በኤሮስፔስ ላይ እየሰራው ነው እስከ 2020 ድረስ አሳካለሁ ብዬ ገምታለሁ።" መንሱር ጀማል

የዓለማችን ቁጥር አንድ ቢሊየነር ተቀየረ ⵑⵑ
#ethiopia | የቴስላ እና የ SpaceX ዋና ስራ አስፈጻሚ የሆኑት ኤለን መስክ፣ በዓለም እጅግ ባለጸጋነት ማዕረግን ለኦራክል ኩባንያ መስራች ለሆኑት ላሪ ኤሊሰን አስረክበዋል።

ይህ ለውጥ የተከሰተው ኦራክል ባወጣው ጠንካራ የገቢ ሪፖርት ምክንያት ነው። የኦራክል አክሲዮን ዋጋ በ41 በመቶ በመጨመሩ፣ የላሪ ኤሊሰን ሀብት በአንድ ቀን ውስጥ 101 ቢሊዮን ዶላር እንዲያድግ አድርጎታል።

ይህም በታሪክ ውስጥ ታይቶ የማይታወቅ የአንድ ቀን የሀብት ጭማሪ ነው።
አሁን ላይ የላሪ ኤሊሰን ጠቅላላ ሀብት 393 ቢሊዮን ዶላር ሲሆን፣ የኤለን መስክ ሀብት ደግሞ 385 ቢሊዮን ዶላር ሆኗል።

የኦራክል የገቢ ዕድገት ዋነኛው ምክንያት ለሰው ሰራሽ አስተውሎት (AI) ቴክኖሎጂ በሚያገለግሉ አገልግሎቶቹ ላይ ያለው ከፍተኛ ፍላጎት ነው። ይህ አዲስ የቴክኖሎጂ አብዮት የሀብት ደረጃዎችን እንደገና እየቀየረ ነው።
#kgethiopia

ኤሎን ማስክን "ድሮ እንደ ወደድኩት… አሁንም እወደዋለሁ ።" !/ ዶናልድ ትራምፕ /
‎
‎ቢሊየነር እና የአንድ ወቅት የትራምፕ ቀኝ እጅ ከፍተኛ የዋይት ሀውስ አማካሪ የነበሩት ኤሎን ማስክ በዋይት ሀውስ በአዲስ መልክ በታደሰው ሮዝ ጋርደን የቴክኖሎጂ መሪዎች ጉባኤ እንዲገኙ በፕሬዘዳንቱ ጥሪ ቢቀርብላቸውም ፣ነገር ግን በራሴ ፍላጎት ከስፍራው አልተገኘሁም በማለት ተናግረዋል ።
‎
‎“ተጋበዝኩ፣ ግን በሚያሳዝን ሁኔታ መሳተፍ አልቻልኩም። የእኔ ተወካይ እዚያ ይኖራል” ሲል ማስክ ሐሙስ ዕለት ለኤክስ ተጠቃሚዎች የ xAI፣ SpaceX እና Tesla መሪ ያልተጋበዘበትን ምክንያት ለጠየቀው ወዳጁ ምላሽ ሰጥቷል።
‎
‎የሃሙስ ዝግጅት የእንግዶች ዝርዝር የሜታ ዋና ስራ አስፈፃሚ ማርክ ዙከርበርግ ፣ የአፕል ዋና ስራ አስፈፃሚ ቲም ኩክ ፣ የማይክሮሶፍት መስራች ቢል ጌትስ ፣ የጎግል ዋና ስራ አስፈፃሚ ሱንዳር ፒቻይ እና የ OpenAI ዋና ስራ አስፈፃሚ ሳም አልትማን ይገኙበታል ሲሉ የዋይት ሀውስ ባለስልጣን ተናግረዋል ።
‎
‎ማስክ መጋበዙ በመስክ እና በዋይት ሀውስ መካከል ያለው ግንኙነት እየቀለጠ መሆኑን የሚያሳይ ምልክት ሊሆን ይችላል። ተብሏል ።
‎
‎ነገር ግን በ አንድ ጊዜ "የመጀመሪያው ጓደኛ" ተብሎ የሚጠራው እና በፕሬዚዳንት ዶናልድ ትራምፕ ጎን በቋሚነት መገኘቱ ማቆሙና ኋይት ሀዉስ የሚደረግለትን ግብዣዎች ችላ ማለቱ የፖለቲካ ፓርቲ እጀምራለሁ ያለውን በመቀጠል ተገዳዳሪና ተፎካካሪ ይሆናል ለሚለው ማረጋገጫ ነዉ ተብሏል ።
‎
‎ዋይት ሀውስ አስተያየቶችን ከተመለከትንና ከትራምፕ እና ከምክትል ፕሬዝዳንት ጄዲ ቫንስ የተሰጡ አስተያየቶች ተንተርሰዉ እንደተሰሩ ዘገባዎች ከሆነ ማስክ ወደ ማህበሩ ተመልሶ እንደሚመጣ ያሳያሉ ።
‎
‎በዚህ ሳምንት ስኮት ጄኒንዝ በCNN በፖድካስቸው ላይ ሲናገሩ ትራምፕ ማስክ “በስህተት ብንለያይም ቢወጣም ጥሩ አስተሳሰብ ያለው ሰው” “ጥሩ ሰው ነው” ብለዋል።
‎
‎ትራምፕ አክለዉም "80% ሱፐር ጂኒየስ አለው ከዚያም 20% አንዳንድ ችግሮች አጋጥመውታል. 20% ሲሰራ እሱ በጣም ጥሩ ይሆናል" ብለዋል. "ድሮ እንደ ወደድኩት… አሁንም እወደዋለሁ ።" ብለዋል
‎
‎ቫንስ ባለፈው ወር ከቀኝ ቀኝ ጋዜጣ ጌትዌይ ፑንዲት ጋር ባደረገው ቃለ ምልልስ ማስክ ከ Trump ዋይት ሀውስ ጋር ያለው ግንኙነት “ውስብስብ” ብሎታል። ነገር ግን በሚቀጥለው ህዳር በሚካሄደው የአጋማሽ ዘመን ምርጫ ማስክ የሪፐብሊካን ፓርቲን እንደሚደግፍ እንደሚጠብቅ እና ተስፋ እንደሚያደርግ ተናግሯል።
‎
‎"ኤሎን ከፕሬዚዳንቱ ለመላቀቅ መሞከሩ በእውነቱ ስህተት ነው ብዬ አስባለሁ" ሲል ቫንስ ተናግሯል ።
‎
‎CNN ለዚህ ዘገባ አስተዋጽዖ አበርክቷል ።
‎
‎
‎የኔታ ቲዩብ ዘጋቢ ፦ ታዴ የማመይ ልጅ
‎

SpaceX ለ አስረኛ ጊዜ ያደረገው ሙከራ ከሸፈ !
‎
‎የሰው ልጅ ወደ ጨረቃ ለማሳረፍ እና ማርስ ላይ እንዲሰፍንር ለመርዳት እየሰራሁ ነዉ የሚለው የቢሊየነሩ ኤሎን መስክ ድርጂት SpaceX 10ኛው የግዙፉ መንኮራኩር የማምጠቅ ሙከራዉ ሳይሳካ መቅረቱ ተሰማ ።
‎
‎በደቡብ ቴክሳስ በሚገኘው የኩባንያው የስታርቤዝ ጣቢያ ከእሁድ ጀምሮ 10ኛዉን የሙከራ መንኮራኩር
‎ለማምጠቅ ተደጋጋሚ ሙከራዎች ሲደረጉ የቆዩ ቢሆንም ነገር ግን ለመወንጨፍ 17 ደቂቃ ሲቀረው ኩባንያው ከመሬት ሲስተሞች ጋር ያለውን ቴክኒካዊ ችግር በመጥቀስ ስራውን አቋርጧል።
‎
‎"በአየር ሁኔታ ምክንያት ከዛሬው የበረራ ሙከራ ተቋርጧል ። የመንኮራኩሩ ቡድን ቀጣዩን ምርጥ የመብረር እድል እየወሰነ ነው" ሲል SpaceX በማህበራዊ ሚዲያ መድረክ X ላይ በለጠፈው ጽሁፍ አጋርቷል።
‎
‎የይህንንም ተከትሎ ተንታኞች በቅርብ ወራት ውስጥ ተደጋጋሚ ውድቀቶችን ለገጠመው ለሙስክ ግዙፍ ሮኬት ሌላ ውድቀት አሳይቷል በማለት እየተቹት ይገኛል ።
‎ስፔስ በብሎግ ልጥፉ ላይ በረራ 10 የታቀደው ቀደም ሲል የነበሩ ስህተቶችን ከመረመረ እና ለውጦችን ካደረገ በኋላ እንደሆነ ጽፏል።
‎
‎"በዘጠነኛው የበረራ ሙከራው ያጋጠሙ ችግሮችን እና ጉድለቶችን በማስተካከል እና የ Ship 36 static fire Anomaly ምርመራውን ካጠናቀቀ በኋላ አስተማማኝነትን ለመጨመር የሃርድዌር እና የአሠራር ለውጦች ተደርገዋል" ብሏል ።
‎
‎ተቋሙ በቀጣይ ሙከራዉን እንደሚቀጥልም አሳዉቋል
‎
‎እስካሁን ድረስ ዘጠኝ የሙከራ ተልእኮዎችን አከናውኗል። ነገር ግን በዚህ አመት በጥር፣ በመጋቢት እና በግንቦት የተነሱት የመጨረሻዎቹ ሦስቱ ከባድ ችግሮች አጋጥሟቸዋል። በበረራ 7 እና በበረራ 8 መርከቧ ከተነሳች 10 ደቂቃ ባልሞላ ጊዜ ውስጥ ፈንድታለች ፣ በበረራ 9 ላይ ፣ ወደ ምድር ከባቢ አየር ሳትመለስ ተለያይታለች።
‎
‎ለዘገባው ዘኢኮኖሚስት ወርልድ ቴክኖሎጂና ስፔስኤክስን ተጠቅመናል ።
‎
‎የኔታ ቲዩብ ዘጋቢ ፦ ታዴ የማመይ ልጅ
‎
‎
‎

የዓለም የህዋ ሳተላይቶች ቁጥር እያሻቀበ፡ ኢትዮጵያም የህዋ ባለቤትነቷን እያረጋገጠች ነው ተባለ
#ethiopia | በዓለም ዙሪያ በህዋ ላይ በሥራ ላይ የሚገኙ የሳተላይቶች ቁጥር በከፍተኛ ፍጥነት ማደጉን የአሁኑ ግምቶች ያሳያሉ።

በአሁኑ ወቅት ከ11,700 በላይ የሚሆኑ ንቁ ሳተላይቶች በምድር ዙሪያ በሚገኙ ምህዋሮች ላይ እየሰሩ ይገኛሉ ተብሏል።

ይህ ቁጥር ከጊዜ ወደ ጊዜ እየጨመረ የመጣ ሲሆን፣ በህዋ ቴክኖሎጂ ዘርፍ ያለውን ፈጣን ዕድገት የሚያመለክት ነው ተብሎለታል።

ከነዚህ ንቁ ሳተላይቶች ውስጥ፣ ከ60 በመቶ በላይ የሚሆኑት የኤሎን መስክ ስፔስ ኤክስ (SpaceX) ኩባንያ የሆኑት የስታርሊንክ (Starlink) ህብረ ከዋክብት አካል ናቸው። እነዚህ ሳተላይቶች ዓለም አቀፍ የኢንተርኔት አገልግሎት ለማቅረብ ያለመ ፕሮጀክት አካል ናቸው ተብሏል።

ምንም እንኳ የንቁ ሳተላይቶች ቁጥር ይህን ያህል ቢሆንም፣ በጠቅላላው በምድር ዙሪያ በሚሽከረከሩ ቁሶች ውስጥ ስራ ላይ ያልዋሉ ሳተላይቶች እና የተለያዩ የህዋ ፍርስራሾች በመኖራቸው የጠቅላላው የህዋ ቁሶች ብዛት ከዚህም የላቀ ነው ተብሏል።

በመጋቢት ወር 2017 ዓ.ም. መጨረሻ ላይ ወደ 14,904 የሚጠጉ ሳተላይቶች ምድርን ይሽከረከሩ እንደነበር የሚጠቁሙ መረጃዎች አሉ።

የሳተላይት የማምጠቅ ስራዎች ቁጥር በቅርብ ዓመታት ውስጥ በከፍተኛ ሁኔታ ጨምሯል። ይህ የሆነበት ምክንያት በዋናነት ለቴሌኮሙኒኬሽን እና ለኢንተርኔት አገልግሎት የሚውሉ ግዙፍ የሳተላይት ህብረ ከዋክብቶች መብዛት የመጣ ለውጥ ነው ተብሏል።

ባለሙያዎች የንቁ ሳተላይቶች ቁጥር ከመረጋጋቱ በፊት እስከ 100,000 ሊደርስ እንደሚችል ይተነብያሉ። ይህ ፈጣን የሳተላይቶች ቁጥር መጨመር በህዋ ላይ ትራፊክ፣ የፍርስራሽ ክምችት መጨመር እና የስነ ከዋክብት ጥናቶችን የማደናቀፍ ስጋቶችንም እያስከተለ መሆኑ ተገልጿል።

በሌላ በኩል፣ ኢትዮጵያም በህዋ ቴክኖሎጂ ዘርፍ ያላትን ምኞት በተግባር እያሳየች ሲሆን፣ እስካሁን ሁለት የመሬት ምልከታ ሳተላይቶችን ወደ ህዋ በማምጠቅ ስኬታማ ሆናለች ነው የተባለው።

ኢቲአርኤስኤስ-1 (ETRSS-1): ኢትዮጵያ ለመጀመሪያ ጊዜ የራሷን ሳተላይት ወደ ህዋ ያመጠቀችው ታህሳስ 2012 ዓ.ም. (December 2019) እንደነበር መረጃዎች ይጠቁማሉ።

ይህ የመሬት ምልከታ ሳተላይት ለግብርና ክትትል፣ ለአካባቢ አያያዝ እና ለአየር ንብረት ለውጥ ጥናት የሚያገለግል ሲሆን፣ የሀገሪቱን የህዋ ቴክኖሎጂ ጉዞ መነሻ ሆኗል ተብሎለታል።

ኢቲ-ስማርት-አርኤስኤስ (ET-SMART-RSS): ኢትዮጵያ ሁለተኛዋን የመሬት ምልከታ ናኖ-ሳተላይት ታህሳስ 2013 ዓ.ም. (December 2020) ወደ ህዋ አምጥቃለች ነው የተባለው።

ኢትዮጵያ በህዋ ዘርፍ ያላትን ቁርጠኝነት በማሳየት፣ በ2026 ሶስተኛ የመሬት ምልከታ ሳተላይት የሆነውን ኢቲአርኤስኤስ-2 (ETRSS-2) ለማምጠቅ ማቀዷንም በዘርፉ የወጡ መረጃዎች ያመላክታሉ።

ይህ የሀገሪቱ በህዋ ቴክኖሎጂ ላይ ያለው ዕድገት ማሳያ ሲሆን፣ እስከ 2035 ድረስ በአጠቃላይ አስር ሳተላይቶችን ወደ ህዋ ለማምጠቅ የረጅም ጊዜ እቅድ እንዳላትም ተመላክቷል።

ይህ የኢትዮጵያ የህዋ ጉዞ ለሀገሪቱ የልማት ጥረቶች ዘመናዊ መረጃዎችን ከማቅረቡም በተጨማሪ፣ የሳይንስና ቴክኖሎጂ አቅሟን በማሳደግ በዘርፉ ግንባር ቀደም አፍሪካዊት ሀገር የመሆን ምኞቷን ያንፀባርቃል ነው የተባለው። #menahriafm