ሳሬም ፈርኒቸር አዲስ ሦስተኛ ቅርንጫፉን በይፋ አበሰረ
#ethiopia | በኢትዮጵያ የቤትና የቢሮ ዕቃዎች ምርት ዘርፍ በስፋት እየተንቀሳቀሰ የሚገኘው ሳሬም ፈርኒቸር ሦስተኛ አዲስ ቅርንጫፉን መክፈቱን አስታወቀ።

ተቋሙ የመንግሥት ባለሥልጣናት፣ የሚዲያ አካላት፣ ጥሪ የተደረገላቸው እንግዶችና የይዘት ፈጣሪዎች በተገኙበት ባካሄደው የምርቃት ሥነ ሥርዓት የአገር ውስጥ የማምረት አቅምን ማሳደግና ጥራት ያላቸውን ምርቶች በፍትሃዊ ዋጋ ለደንበኞች ማቅረብ ቀዳሚ ዓላማው መሆኑን ገልጿል።

የድርጅቱ ተወካዮች በምርቃት ሥነ ሥርዓቱ ላይ ባደረጉት ንግግር የዚህ ቅርንጫፍ መከፈት ለቀጣይ የዕድገት ጉዞ አዲስ ምዕራፍ እንደሚከፍት ጠቁመዋል።

ሳሬም ፈርኒቸር የጥንካሬ፣ ዘላቂነት፣ ምቾትና ውበት እሴቶችን መሠረት በማድረግ የሚሠራ በመሆኑ ከውጭ የሚገቡ ምርቶችን በሀገር ውስጥ ምርት ለመተካትና ተጨማሪ የሥራ ዕድሎችን ለመፍጠር እየሠራ እንደሚገኝ ተብራርቷል።

ወደፊትም በአገር ውስጥ ተጨማሪ ቅርንጫፎችን ከመክፈት ባሻገር በክልሉና በአህጉር አቀፍ ደረጃ ተወዳዳሪ ሆኖ ለመቅረብ ዕቅድ እንዳለው ተገልጿል።

በሥነ ሥርዓቱ ማጠቃለያ ላይ ለተቋሙ ዕድገት አስተዋጽኦ ላደረጉ ደንበኞች፣ ለሥራ ባልደረቦችና ለሚዲያ አጋሮች ምስጋና የቀረበ ሲሆን አዲሱ ቅርንጫፍ ከዛሬ ጀምሮ ለአገልግሎት ክፍት መሆኑ ተበስሯል።
#saremfurniture #furnitureethiopia #localmanufacturing #businessnews #ethiopianbusiness #getutemesgen #getu #ጌጡ #ጌጡተመስገን #addisababa

ud83dudea8 u1230u1260u122d - u12a0u1276 u12f3u12cau1275 u1265u122du1203u1291 u1260u1356u120au1235 u1273u1235u1228u12cd u12cbu1209 | u1260u12c8u122d 3.3 u121au120au12eeu1295 u1265u122d u12f0u1218u12c8u12dd u1208u1263u120du1293 u121au1235u1275?! u12e851 u121au120au12eeu1295 u1265u1229 u12e8u12ccu1265u1235u1355u122au12adu1235 (Websprix) u1245u120cu1275! ud83dude31 #ethiopia #websprix #ethiopiannews #fraud #ethiopianbusiness ","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"Hashtag","__isEntity":"Hashtag","url":"https://www.facebook.com/h...
🚨 ሰበር - አቶ ዳዊት ብርሃኑ በፖሊስ ታስረው ዋሉ | በወር 3.3 ሚሊዮን ብር ደመወዝ ለባልና ሚስት?! የ51 ሚሊዮን ብሩ የዌብስፕሪክስ (Websprix) ቅሌት! 😱 #ethiopia #websprix #ethiopiannews #fraud #ethiopianbusiness

ቤተ ጉራጌ
እዣ : የኢንቨስትመንት ፀሐይ እየወጣላት ነው
#ethiopia | በማዕከላዊ ኢትዮጵያ ክልል ከ600 ሚሊዮን ብር በላይ በሆነ ወጪ የተገነባው አዲስ የብረት ማምረቻ ፋብሪካ በይፋ ተመረቀ

በማዕከላዊ ኢትዮጵያ ክልል በጉራጌ ዞን እዣ ወረዳ የቪታ ሳሉቲ ማኑፋክቸሪንግ ኃላፊነቱ የተወሰነ የግል ማህበር የብረት ማምረቻ ፋብሪካ ከፍተኛ የመንግስት የስራ ኃላፊዎች፣ ባለሀብቶችና ጥሪ የተደረገላቸው እንግዶች በተገኙበት በድምቀት ተመርቋል።

የሀሮት ሪልስቴት እህት ኩባንያ የሆነው ቪታ ሳሉቲ ማኑፋክቸሪንግ ኃ/የተ/የግል ማኅበር መሥራችና ባለቤት አቶ ሰኢድ ኑሩ እንደተናገሩት "ቪታ ሳሉቲ የጣልያንኛ ቃል ሲሆን ሰላማዊ ሕይወት የሚል ትርጉም ይዟል። ሰላማዊ ሕይወት በቤተ ጉራጌ - ሰሜን፣ ደቡብ፣ ምዕራብና ምሥራቅ ኢትዮጵያ መልካም ምኞት ለመግለጥ ነው። የቤተ ጉራጌ አኗኗርም ለማመላከት ነው ብለዋል።

የማዕከላዊ ኢትዮጵያ ክልል ርዕሰ መስተዳድር እንዳሻው ጣሰው (ዶ/ር) በጉራጌ ዞን እዣ ወረዳ የሚገኘውንና የሀሮት ሪል ስቴት እህት ኩባንያ የሆነውን ቪታ ሳሉቲ ማኑፋክቸሪንግ ኃ/የተ/የግል ማህበር ፋብሪካን በዛሬው ዕለት በይፋ መርቀው ሥራ አስጀምረዋል።

አያይዘውም "ኢንቨስትመንትን በማስፋፋት ለዜጎች የሥራ ዕድል በመፍጠር ረገድ የግል ባለሀብቱ ሚና የላቀ ነው!" ሲሉ አወድሰዋል።

የቪታ ሳሉቲ ማኑፋክቸሪንግ ኃላፊነቱ የተወሰነ የግል ማህበር ፋብሪካ ከ600 ሚሊዮን ብር በላይ በሆነ የካፒታል ወጪ የተገነባ ሲሆን፣ ዘመናዊ ቴክኖሎጂን በመጠቀም የተለያዩ መጠንና ቅርጽ ያላቸው የትቦላሬና የላሜራ ብረት 22 ምርቶችን በከፍተኛ ጥራት የማምረት አቅም አለው።

አቶ ሰኢድ ኑሩ ንግግር "ይህ ፕሮጀክት ከህልም ወደ እውነት፣ ከሀሳብ ወደ ተግባር የተቀየረ ነው። ሀገራት የሚበለጽጉት በተፈጥሮ ሀብታቸው ብቻ ሳይሆን ራዕይን ወደ ተግባር በሚቀይሩ ባለሀብቶችና በሥራ ፈጣሪ ዜጎች ነው!" ብለዋል።

አቶ ሰኢድ አያይዘውም የቪታ ሳሉቲ ማኑፋክቸሪንግ ከህልም ወደ እውነት ከሀሳብ ወደ ተግባር የተቀየረ ለክልሉ ብሎም ለሀገሪቱ ኢኮኖሚ የሚኖረው ድርሻ የላቀ ነው። ከውጭ የሚገቡ ምርቶችን በመተካት የሀገርን የውጭ ምንዛሬ ያድናል ሲሉ አብስረዋል።

ኢንጂነር ናሆም መገርሣ በ5,000 ካሬ ላይ የሚገኘው ፋብሪካ በአሁኑ ወቅት ለ123 ዜጎች ቋሚ የስራ ዕድል የፈጠረ ሲሆን፣ ለበርካታ የአካባቢው ነዋሪዎችም ተዘዋዋሪ የስራ ዕድሎችን በማመቻቸት ለቀጣናው የኢኮኖሚ እድገት የጎላ አስተዋጽኦ ያበረክታል ብለዋል።

የቪታ ሳሉቲ ማኒፋክቸሪንግ ሥራ አስኪያጅ አቶ ዮሴፍ ፋብሪካው በዞኑ የመጀመሪያው የብረት ፋብሪካ መሆኑን አስረድተዋል።

ቪታ ሳሉቲ ማኑፋክቸሪንግ በአዲስ አበባ ከተማ በተለያዩ አካባቢዎች ጥራታቸውን የጠበቁ የመኖሪያ አፓርትመንቶችን በመገንባትና በማስረከብ ከሚታወቀው የሀሮት ሪል እስቴት ጋር እህት ኩባንያ ነው።

ሀሮት ሪል እስቴት በተመጣጣኝ ዋጋ ጥራት ያላቸውን ቤቶች ለህብረተሰቡ በማቅረቡ የኢትዮ ህይ 2025 የሪል እስቴት አዋርድ አሸናፊ መሆኑ ይታወሳል።

የፋብሪካው አመራሮች ለዚህ ስኬት መገኘት የበኩላቸውን አስተዋጽኦ ላበረከቱት የክልልና የዞን የስራ ኃላፊዎች፣ ለወልቂጤ ዩኒቨርሲቲ፣ ለኢትዮጵያ ኤሌክትሪክ አገልግሎት፣ ለቲናው አበባ ልማት አክሲዮን ማህበር፣ ለባለሙያዎች እንዲሁም ለቤተሰቦቻቸው ከልብ የመነጨ ምስጋና አቅርበዋል።

የሀሮት ሪል ስቴት የማርኬቲንግ ኃላፊ ፋንትሽ ሸዋ እንደገለጹት፤ ቪታ ሳሉቲ ማኑፋክቸሪንግ ኃላፊነቱ የተወሰነ የግል ማኅበር የሀሮት ሪል ስቴት እህት ኩባንያ ነው። ተቋሙ ከተመሰረተ 4ኛ ዓመቱን እያከበረ መሆኑን የጠቆሙት ኃላፊዋ፤ ድርጅቱ ለደንበኞቹ በገባው ቃል መሠረት በቦሌ ቡልቡላ ያስገነባቸውን የመኖሪያ ቤቶች በይፋ አስረክቧል።

በተጨማሪም ከሁለት ወር እስከ አንድ ዓመት ባለው አጭር ጊዜ ውስጥ በመስቀል ፍላወር፣ በሀያት ፈረስ ቤት እና በቦሌ ቡልቡላ አካባቢዎች የሚገነቡ ተጨማሪ ቤቶችን ለተጠቃሚዎች እንደሚያስረክብ አስታውቀዋል።

ሀሮት ሪል ስቴት በተመጣጣኝ ዋጋ ጥራት ያላቸውን ቤቶች ለገበያ በማቅረቡ በፈረንጆቹ 2025 በተካሄደው የኢትዮ ሪል ስቴት ሽልማት መርሃ ግብር ላይ በጥራትና በዋጋ አቅርቦት የአሸናፊነት ክብርን ያገኘ ድርጅት መሆኑ አብራርታለች።

ቪታ ሳሉቲ ማኑፋክቸሪንግ ኃ/የተ/የግል ማኅበር በኢንዱስትሪ፣ በኮንስትራክሽን፣ በሆቴልና በሌሎች የልማት ዘርፎች ላይ ኢንቨስትመንቱን ይበልጥ በማስፋፋት የሀገሪቱን የኢኮኖሚ ጉዞ ለመደገፍ ቁርጠኛ መሆኑን ገልጿል።

ባለሃብቱ አቶ ሰኢድ ይህ ስኬት የአንድ ሰው ጥረትና ውጤት ብቻ አይደለም። ከጀርባው ብዙ እጆች፣ ብዙ ዱአዎች እና ጸሎቶች፣ ብዙ ምክሮች ያሉበት ነው። በዚህ መሠረት ለማዕከላዊ ኢትዮጵያ ክልል መንግስት፣ ለኢንቨስትመንት ቢሮ፣ ለጉራጌ ዞን አስተዳደር፣ ለወልቂጤ ዩኒቨርሲቲ፣ ለኢትዮጵያ ኤሌክትሪክ አገልግሎት ለቲናው አበባ ልማት አ/ማሀበር ለሁሉም ባለድርሻ አካላት፣ ለባለሙያዎች እና ለሠራተኞቻችን ከልብ የመነጨ ምስጋና አቅርበዋል።

አቶ ሰኢድ የትምህርት ሕይወታቸውን እንዳጠናቀቁ በቀጥታ የተቀላቀሉት የንግዱን ዓለም ሲሆን፣ መጀመሪያ ላይ በመኪና መለዋወጫ ንግድ በመሰማራትና በመቀጠልም ወደ አስመጪና ላኪነት ዘርፍ በመሸጋገር ረጅም ዓመታትን አሳልፈዋል። በሂደትም የንግድ ሥራቸውን በማስፋት የጀመሩት የሪል ስቴት ኢንቨስትመንት ገና በጅማሮው ከፍተኛ የምስጋና ሽልማትና ዕውቅናን ሊያጎናጽፋቸው ችሏል። ባለሀብቱ በአሁኑ ወቅት ወደ ማኑፋክቸሪንግና ኢንዱስትሪ ዘርፍ በስፋት በመግባት ላይ ይገኛሉ።

በኢንቨስትመንት እንቅስቃሴያቸው ውስጥ ያጋጠማቸው የአስተዳደር ፈተና ስለመኖሩ ለቀረበላቸው ጥያቄ አቶ ሰይድ ሲመልሱ፣ ምንም ዓይነት ችግር እንዳልገጠማቸው በአጽንኦት ተናግረዋል። በአካባቢው የሚገኙ ከላይ እስከ ታች ያሉ የመንግሥት የሥራ ኃላፊዎችና የአስተዳደር አካላት አንድ ባለሀብት እውነተኛ አልሚ መሆኑን ከተረዱ አስፈላጊውን እገዛ እንደሚያደርጉ የገለጹት አቶ ሰይድ፣ ለእሳቸውም የተደረገላቸውን ተገቢውን ድጋፍና ትብብር በሙሉ አመስግነዋል።

የጉራጌ ዞን ዋና አስተዳዳሪ አቶ ላጫ ጋሩማ
"በዞናችን ኢንቨስት ለሚያደርጉ ባለሀብቶች ሁሉ ምቹ ሁኔታን ለመፍጠር ዝግጁ ነን፣ በቁርጠኝነትም እንሠራለን! ... ዛሬ ኑ" ሲሉ ተደምጠዋል።

ርዕሰ መስተዳድሩ ዶ/ር እንዳሻው ጣሰው ፦ "የጉራጌ ማህበረሰብ በሀገሪቱ በሁሉም አካባቢዎች ከተሞችን በማልማትና ጠንካራ የንግድ ሥርዓት በመዘርጋት የሚታወቅ ቢሆንም፣ አሁን ላይ ባለሀብቶች ወደ አካባቢያቸው ተመልሰው በልማት እየሳተፉ መሆኑ እጅግ ያስደስታል። ይህ ፋብሪካ የሀገር ሀብት በመሆኑ ልንጠብቀው ይገባል። ሌሎች ባለሀብቶችም በክልሉ ኢንቨስት እንዲያደርጉ ጥሪ አቀርባለሁ።"ለአገርና ለሕዝብ መልዕክታቸውን አሰምተዋል።

በምረቃ ስነ ስርዓቱ ላይ የማዕከላዊ ኢትዮጵያ ክልል መንግስት ፕሬዝዳንት ዶክተር እንዳሻው ጣሰው፣ የክልሉ ምክር ቤት ዋና አፈ ጉባኤ፣ የጉራጌ ዞን ዋና አስተዳዳሪ አቶ ላጫ ጋሩማ እና የክልሉ ኢንቨስትመንትና ኢንዱስትሪ ቢሮ ኃላፊ ዶክተር አባስ መሀመድን ጨምሮ በርካታ የአመራር አካላት ተገኝተዋል።

"Vita, saluti, peace, life" blends Italian and English expressions of well-being, translating roughly to "life, greetings, peace, and life." This combination evokes a deep desire for a harmonious, healthy existence filled with good energy and wellness.

​#manufacturing #factoryinauguration #centralethiopia #guragezone #investment #harotrealestate #vitasaluti #economicgrowth #realestate #housing #bolebulbula #homeownership #ethiopianbusiness #ኢንቨስትመንት #ሪልስቴት #ኢንዱስትሪ #ልማት #የሥራዕድል #ቢዝነስ #getutemesgen #getu #ጌጡ #ጌጡተመስገን #addisababa

ኮሜርሻል ኖሚኒስ ለሀገራዊ ኢኮኖሚ ዕድገት እያበረከተ ያለው ሚና ከፍተኛ መሆኑ ተገለጸ
#ethiopia | ተቋሙ የምስረታውን 60ኛ ዓመት ምክንያት በማድረግ ከባለድርሻ አካላት ጋር የውይይት መድረክ አካሂዷል፡፡

በዚሁ መድረክ ላይ የተገኙት የኢትዮጵያ ንግድ ባንክ የኮርፖሬት አገልግሎቶች ተቀዳሚ ምክትል ፕሬዚዳንት አቶ ኤፍሬም መኩሪያ ባስተላለፉት መልዕክት ኮሜርሻል ኖሚኒስ በዘርፈ ብዙ አገልግሎቶቹ ለሀገር ልማትና ለኢኮኖሚ መጎልበት ጉልህ ድርሻ እየተወጣ መሆኑን ገልጸዋል፡፡

ተቋሙ ከባንክ ውጭ ያሉ አገልግሎቶችን እንዲያስተዳድር ከኢትዮጵያ ንግድ ባንክ የተሰጠውን አደራ በብቃት መወጣቱን የጠቀሱት አቶ ኤፍሬም አሁን ላይ ተቋሙ ራሱን በዘመናዊ መንገድ በማደስ ለላቀ ተልዕኮ ዝግጁ መሆኑን አመልክተዋል፡፡

የኮሜርሻል ኖሚኒስ ዋና ሥራ አስፈፃሚ ኮማንደር ጥላሁን ፀጋዬ በበኩላቸው ተቋሙ ለደንበኞቹ ከሚሰጠው ታማኝ አገልግሎት በተጨማሪ ለሀገራዊ ኢኮኖሚ ባበረከተው አስተዋፅኦ በጠቅላይ ሚኒስትር ዐቢይ አሕመድ (ዶ/ር) እውቅና እንደተቸረው አስታውሰዋል፡፡

ከዚህም ባለፈ ተቋሙ የአቅመ ደካሞችን ቤት በማደስና ልዩ ልዩ ሰብአዊ ድጋፎችን በማድረግ ማህበራዊ ኃላፊነቱን እየተወጣ እንደሚገኝ ተናግረዋል፡፡

ላለፉት ስድስት አስርት ዓመታት በታማኝነት የዘለቀው ኮሜርሻል ኖሚኒስ በቀጣይም ከቴክኖሎጂና ከዘመኑ ጋር በመራመድ ደንበኞቹን በላቀ ትጋት ለማገልገል ዝግጁ መሆኑን ኮማንደሩ አረጋግጠዋል፡፡

በውይይቱ ወቅት የተቋሙ ያለፈው ጉዞ የተገመገመ ሲሆን የቀጣይ ስትራቴጂካዊ ዕቅዶች ላይም አቅጣጫ ተቀምጧል፡፡

በመድረኩ ማጠቃለያ ላይ ለተቋሙ ስኬታማ ጉዞ አስተዋፅኦ ለነበራቸው ባለድርሻ አካላትና ግለሰቦች የዕውቅና ሽልማት ተበርክቶላቸዋል፡፡

በ1958 ዓ.ም የተመሰረተው ኮሜርሻል ኖሚኒስ በአሁኑ ወቅት ከ60 በላይ አጋር ድርጅቶችና ከ42 ሺህ በላይ ሰራተኞች ያሉት ግዙፍ ተቋም መሆኑ ተገልጿል፡፡
#commercialnominees #economy #ethiopianbusiness #anniversary #development #getutemesgen #getu #ጌጡ #ጌጡተመስገን #addisababa