የአፍሪካን ገጽታ እየገነቡ ያሉት የዲጂታል አምባሳደሮች
****************

የአፍሪካን ትክክለኛ ገጽታ ለዓለም የማሳየቱ ታሪካዊ ኃላፊነት ከመደበኛው የሚዲያ ተቋማት ወደ ዲጂታል ይዘት ፈጣሪዎችና ማኅበራዊ ሚዲያ ተፅዕኖ ፈጣሪዎች በስፋት እየተሸጋገረ ይገኛል።

በአዲስ አበባ እየተካሄደ የሚገኘው የመጀመሪያው የአፍሪካ የማኅበራዊ ሚዲያ ተፅዕኖ ፈጣሪዎች ጉባኤ (ASMIS 2026) እንደሚያሳየው፣ እነዚህ ግለሰቦች ከዝና ባለፈ ለሀገራዊ ገጽታ ግንባታ እና ለኢኮኖሚ እድገት ቁልፍ ሚና እየተጫወቱ ነው።

በጉባኤው ተሞክሯቸውን ካካፈሉት መካከል አቤል ብርሃኑ በአፍሪካ 3ኛ ደረጃ ላይ የሚገኝ የጉዞ ቪሎገር ሲሆን፣ በቅርቡ በናይሮቢ የዓመቱ ምርጥ የአፍሪካ የጉዞ ተፅዕኖ ፈጣሪ ተብሎ ተሸልሟል።

አቤል በአማርኛ የሚያቀርባቸው ይዘቶች የሀገር ውስጥ ባህልን ከዓለም አቀፋዊ እውነታ ጋር በማገናኘት ረገድ ትልቅ አቅም አላቸው።

ታዋቂው ጋናዊ ዎዴ ማያ አፍሪካን በተስፋ መነጽር ለዓለም በማሳየት የሚታወቅ ሲሆን፣ አዲስ አበባን ለሥራው መነሻ በማድረግ የኢትዮጵያን የልማት እንቅስቃሴዎችና የኢንቨስትመንት አማራጮች በሚሊዮኖች ለሚቆጠሩ ተመልካቾች አሳይቷል።

ናይጄሪያዊው ቪክቶር አዱዋ በቴክኖሎጂና በጊግ ኢኮኖሚ ላይ ትኩረት በማድረግ ወጣቶች በዲጂታል ክህሎት ራሳቸውን እንዲለውጡ የሚያስተምር ሲሆን፣ ኮንጎአዊቷ ማጊ ሙኩታ ደግሞ የአህጉሪቱን ፋሽን ለዓለም ታስተዋውቃለች።

ዩጋንዳዊው ስቲቭ ካንባ ወጣቶች ወደ ዘመናዊ ግብርና እንዲመለሱ የሚያነሳሱ ይዘቶችን ያቀርባል።

በሀገራችንም እንደ ሄኒ የሻነውና ሸገር ዲጂታል ያሉ ፈጣሪዎች በሥራ ፈጠራና በቴክኖሎጂ ላይ ያላቸው ተሳትፎ ከፍተኛ ነው።

እነዚህ እና ሌሎችም ዲጂታል አምባሳደሮች ከመደበኛው ሚዲያ በበለጠ ወደ ወጣቱ የመድረስ አቅም ያላቸው ሲሆን፣ የአፍሪካንና የኢትዮጵያን ታሪክ በአዲስ ዕይታና ወጥ በሆነ መንገድ ለዓለም ለማስተዋወቅ ቁልፍ ሚና እየተጫወቱ ይገኛሉ።

በንፍታሌም እንግዳወርቅ
#ethiopia #africa #asmis2026 #digitalambassadors #contentcreators #ethiopianbroadcastingcorporation

የአፍሪካን ታሪክ በአዲስ መልክ እየጻፉ ያሉት የአህጉሪቱ ዲጂታል አምባሳደሮች
**************

በአሁኑ ወቅት የአፍሪካ ታሪክ የሚነገርበት መንገድ ከመደበኛው ሚዲያ ባለፈ በዲጂታል ይዘት ፈጣሪዎች (Content Creators) እጅ እየወደቀ ይገኛል።

በአህጉሪቱ መዲና አዲስ አበባ እየተካሄደ የሚገኘው የመጀመሪያው የአፍሪካ የማኅበራዊ ሚዲያ ተፅዕኖ ፈጣሪዎች ጉባኤ (ASMIS 2026) እንደሚያሳየው፣ እነዚህ ግለሰቦች ከዝና ባለፈ ለአህጉራዊ ገጽታ ግንባታ እና ለኢኮኖሚ ዕድገት ቁልፍ ሚና እየተጫወቱ ነው።

በጉባኤው እየተሳተፉ ካሉ የአህጉሪቱ የማኅበራዊ ሚዲያ ተፅዕኖ ፈጣሪዎች መካከል የተወሰኑትን እናስተዋውቃችሁ፡-

አቤል ብርሃኑ በአፍሪካ 3ኛ ደረጃ ላይ የሚገኝ የጉዞ ቪሎገር (Travel Vlogger) ሲሆን፣ በቅርቡ በናይሮቢ በተካሄደው 'Africa Golden Awards 2026' የዓመቱ ምርጥ የአፍሪካ የጉዞ ተፅዕኖ ፈጣሪ ተብሎ ተሸልሟል። አቤል በአማርኛ ቋንቋ የሚያቀርባቸው ይዘቶች የሀገር ባህልን እና ዓለም አቀፋዊ እውነታዎችን በማገናኘት ረገድ ትልቅ አቅም አላቸው።

ዎዴ ማያ (Wode Maya) ጋናዊ የአፍሪካ ተቆርቋሪ ሲሆን፣ አፍሪካን "በተስፋ እና በኩራት" መነጽር ለዓለም በማሳየት ይታወቃል። አዲስ አበባን ለሥራው እንደ መነሻ (Launchpad) በመጠቀም የኢትዮጵያን የልማት እንቅስቃሴዎች፣ ዘመናዊ ከተሞች እና የኢንቨስትመንት አማራጮች በሚሊዮን ለሚቆጠሩ ተመልካቾቹ አሳይቷል። የእርሱ ይዘቶች የአህጉሪቱን አሉታዊ ገጽታ በመቀየር የውጭ ቀጥታ ኢንቨስትመንት እና ቱሪዝምን በማበረታታት ረገድ ቀዳሚ ናቸው።

ቪክቶር አዱዋ (Victor Adua) ናይጄሪያዊ ወጣት ነው። በቴክኖሎጂ እና ማርኬቲንግ ዘርፍ ወጣቶች እንዴት በዲጂታል ክህሎት ራሳቸውን መለወጥ እንደሚችሉ ያስተምራል። በተለይም በጊግ ኢኮኖሚ (Gig Economy) ላይ ያለው ልዩ ትኩረት ለኢትዮጵያ ዲጂታል ስትራቴጂ ጠቃሚ ትምህርት ይሰጣል።

ማጊ ሙኩታ (Maggie Mukuta) የኮንጎ ዴሞክራሲያዊ ሪፐብሊክ ተወላጅ ነች። በአፍሪካ የጨርቃ ጨርቅ ውጤቶች እና በሴቶች የንግድ ተሳትፎ ላይ በማተኮር የአህጉሪቱን የፋሽን ኢንዱስትሪ ለዓለም ታስተዋውቃለች።

ወጣቶች ወደ ግብርና እንዲመለሱ እና በቴክኖሎጂ የታገዘ ዘመናዊ እርሻ እንዲያካሂዱ የሚያነሳሱ ይዘቶችን የሚያቀርበው አፍሪካዊ ወጣት ደግሞ ኡጋንዳዊው ስቲቭ ካንባ (Steve Kamba) ነው።

እንደ ሄኒ የሻነው (Henny Yeshanew) እና ሸገር ዲጂታል (Sheger Digital) ያሉ የማህበራዊ ሚዲያ ይዘት ፈጣሪዎችም በኢትዮጵያ ዲጂታል ኢኮኖሚን ለማሳደግ እና የሥራ ፈጠራን ለማስፋት በሚደረገው ጥረት የራሳቸው አበርክቶ ይኖራቸዋል።

እነዚህ የማህበራዊ ሚዲያ ይዘት ፈጣሪዎች ከመደበኛው ሚዲያ በበለጠ ወደ ወጣቱ የመድረስ አቅም አላቸው። እነዚህ ዲጂታል አምባሳደሮች ከማዝናናት ባለፈ የአፍሪካን እና የኢትዮጵያን ታሪክ በአዲስ መልክ የመጻፍ (Narrative Transformation) ኃይል አላቸው።

በንፍታሌም እንግዳወርቅ

Ethiopian Broadcasting Corporation #africa #ethiopia #contentcreators #asmis2026 #narrativetransformation #ebc

የኢትዮጵያ ገጽታ በታዋቂ ተፅዕኖ ፈጣሪዎች አማካኝነት ለዓለም ሊተዋወቅ ነው
#ethiopia | ​የኢትዮጵያን ተፈጥሯዊና ባህላዊ ውበቶች፣ ታሪካዊ ቅርሶች እንዲሁም የዘመነ የአኗኗር ዘይቤን በዲጂታል አማራጮች ለዓለም አቀፉ ማህበረሰብ ለማስተዋወቅ ያለመ ፕሮጀክት ይፋ ሆኗል።

"ኢንፍሉዌንሰር ቱር 2026" የተሰኘው ይህ መርሃ ግብር በአገር ውስጥና በዓለም አቀፍ ደረጃ የሚገኙ ታዋቂ የሶሻል ሚዲያ ተፅዕኖ ፈጣሪዎችን በማሳተፍ የሀገሪቱን የቱሪዝም ዘርፍ ለማነቃቃት የታለመ ንቅናቄ ነው።

​ይህ ታላቅ ጉዞ ታዋቂ ግለሰቦች በተለያዩ የኢትዮጵያ ክልሎች በመዘዋወር ከማህበረሰቡ ጋር እንዲገናኙና ያዩትን ተጨባጭ እውነት በከፍተኛ ጥራት ለተከታዮቻቸው እንዲያጋሩ ምቹ ሁኔታን ይፈጥራል።

ፕሮጀክቱ በዋናነት የቱሪስት መዳረሻዎችን ከማስተዋወቅ ባለፈ፣ የወጣቶችን ተሳትፎ የሚያሳድጉ የዩኒቨርሲቲ ጉብኝቶችን፣ ማህበረሰብ ተኮር የበጎ አድራጎት ተግባራትን እና የስፖርት እንቅስቃሴዎችን ያካትታል።

በተጨማሪም በየክልሉ የሚገኙ አዳዲስ የዲጂታል ይዘት ፈጣሪዎች ከታዋቂዎቹ ጋር ተቀናጅተው እንዲሰሩ በማድረግ የዘርፉን ዕድገት ለማፋጠን ታቅዷል።

​መርሃ ግብሩን በበላይነት የሚመራው ኤን ዜድ ኮሙኒኬሽን ሲሆን፣ ድርጅቱ የኢንፍሉዌንሰሮችን አስተዳደር፣ የዘመቻ አፈጻጸምና አጋርነት ስራዎችን በኃላፊነት ያከናውናል ተብሏል።

በፕሮጀክቱ ላይ የሚሳተፉ ተፅዕኖ ፈጣሪዎች የኢትዮጵያን ማንነት ያለ ምንም ክፍያ በፈቃደኝነት ለማስተዋወቅ የተስማሙ ሲሆን፣ ይህ ተግባራቸው ለሀገራዊ ኩራትና ለዓለም አቀፍ እውቅና ትልቅ አስተዋጽኦ እንደሚኖረው ይታመናል።

ፕሮጀክቱ ከሚዲያ ተቋማት፣ ከንግድ ድርጅቶችና ከከተማ መስተዳድሮች ጋር በቅንጅት ለመስራት ዝግጅቱን ማጠናቀቁን አዘጋጁ ኤን ዜድ ኮሙኒኬሽንስ በሰጠው መግለጫ አስተዋውቋል።

Getu Temesgen - (ጌጡ ተመስገን)
#getutemesgen #getu #ጌጡ

​#ethiopia #influencertour2026 #visitethiopia #digitalmarketing #ethiopiantourism #contentcreators #africarising #landoforigins #influencermarketing #azcommunication