አውስትራሊያ ከአይኤስ ጋር ግንኙነት ያላቸውን ዜጎቿን "አልቀበልም" አለች
#ethiopia | የአውስትራሊያ መንግስት በሶሪያ የሚገኙ ዜጎቹን በተመለከተ ያለውን ጠንካራ አቋም ገልጿል። ጠቅላይ ሚኒስትር አንቶኒ አልባኔዝ እንደተናገሩት፣ ማንኛውም በሶሪያ የሚገኝ አውስትራሊያዊ ከአሸባሪው አይኤስ ጋር ንክኪ ካለው ወደ አውስትራሊያ የመግባት ተስፋው ዝቅተኛ ነው።

የምርመራ ሂደት እና ቅድመ ሁኔታዎች
በቅርቡ ከሶሪያ እስር ቤቶች የተፈቱ 34 አውስትራሊያውያንን አስመልክቶ ጠቅላይ ሚኒስትሩ የሚከተሉትን ነጥቦች አንስተዋል፦
* ጥብቅ ምርመራ፦ ማንኛውም ግለሰብ ከመመለሱ በፊት አስፈላጊው የደህንነት ምርመራ ይደረግበታል።

* ርዕዮተ-ዓለም፦ "የአይኤስን አክራሪ ርዕዮተ-ዓለም የደገፉ ግለሰቦችን በጭራሽ አንቀበልም" ሲሉ አልባኔዝ በግልጽ አስታውቀዋል።

* የሕግ ቅጣት፦ በአውስትራሊያ ሕግ መሠረት የአይኤስ አባል ሆኖ መገኘት እስከ 25 ዓመት የሚደርስ ጽኑ እስራት እንደሚያስቀጣ ተገልጿል።

ውስጣዊ ተቃውሞ

ይህ የጠቅላይ ሚኒስትሩ ንግግር ግን በሀገሪቱ የፖለቲካ መድረክ ላይ ቅሬታን ፈጥሯል። አንዳንድ የፓርላማ አባላት የዜጎችን ወደ ሀገር የመመለስ መብት እና መንግስት የወሰደውን ጥብቅ አቋም በመቃወም አስተያየታቸውን እየሰጡ ይገኛሉ።

በአሁኑ ወቅት መንግስት እነዚህን ዜጎች ወደ ሀገር ለመመለስ የሚያደርገው ጥረት ከከፍተኛ ምርመራ እና ከርዕዮተ-ዓለም ነፃ የመሆን ማረጋገጫ ጋር የተያያዘ ሆኗል።

Getu Temesgen - (ጌጡ ተመስገን)
#getutemesgen #getu #ጌጡ #australia #thiqah #anthonyalbanese #syria #isis #nationalsecurity #globalnews #skynews #ashraqalawusat

የሶርያ መንግስት እና የኩርድ ታጣቂዎች ውህደት ሊመሰርቱ ነው
#ethiopia | በሶርያ ለረጅም ጊዜ የዘለቀውን አለመረጋጋት ለመቋጨት ይረዳል የተባለ "ታሪካዊ" ስምምነት በሽግግር መንግስቱ እና በኩርድ የሚመሩት የሶርያ ዲሞክራሲያዊ ሀይሎች (SDF) መካከል ተፈረመ።

የስምምነቱ ዋና ዋና ነጥቦች
* የጦር ሃይሎች ውህደት፦ የሶርያ ዲሞክራሲያዊ ሀይሎች (SDF) በሂደት በሀገሪቱ ብሄራዊ ጦር ስር እንዲካተቱ ስምምነት ላይ ተደርሷል። ይህም በሀገሪቱ ውስጥ የሚንቀሳቀሱ የታጠቁ ሀይሎችን ወደ አንድ ማዕከላዊ እዝ ለማምጣት ያለመ ነው።

* የድንበር ቁጥጥር፦ የፌዴራሉ መንግስት ሶርያን ከኢራቅ ጋር የሚያዋስነውን ስትራቴጂካዊ የሲማልቃ የድንበር ኬላ ለመቆጣጠር ከስምምነት ደርሷል።

* ዲፕሎማሲያዊ ድጋፍ፦ አሜሪካ እና ሌሎች አለምአቀፍ ተዋናዮች ስምምነቱን "ታሪካዊ እምርታ" ሲሉ አወድሰውታል።

ከውጥረት ወደ ሰላም

የኩርድ ታጣቂዎች የቀድሞውን የበሽር አል አሳድ መንግስት ለመጣል ከመሀመድ አልሻራ ጋር በጋራ ቢታገሉም፣ ከድሉ በኋላ ግን "ጥቅማችን አልተከበረም" በሚል ቅሬታ ገብተው ወደ ዳግም ግጭት አምርተው ነበር። አሁን የተደረሰው ስምምነት ግን ይህንን ቅሬታ በመፍታት ለሶርያ አንድነት እና መረጋጋት አዲስ ምዕራፍ ይከፍታል ተብሎ ታምኖበታል።
ሁለቱ ወገኖች ልዩነታቸውን በጠረጴዛ ዙሪያ ለመፍታት ያሳዩት ቁርጠኝነት፣ በመካከለኛው ምስራቅ ለሚታየው ምስቅልቅል ፖለቲካ እንደ መልካም ተሞክሮ ተወስዷል።

Getu Temesgen - (ጌጡ ተመስገን)
#getutemesgen #getu #ጌጡ #syria #sdf #peaceagreement #middleeastnews #syriatransition #kurdishforces #globalpeace

🇸🇾 የሶሪያ መንግስት እና የኩርድ ተዋጊዎች (SDF) ለ4 ቀናት ተኩስ ለማቆም ተስማሙ!
#ethiopia | በሶሪያ ሰሜናዊ ምስራቅ እየተካሄደ ያለውን አስገራሚ ወታደራዊ ግስጋሴ ተከትሎ፣ የሶሪያ መንግስት እና በኩርዶች የሚመራው የሶሪያ ዲሞክራሲያዊ ሃይል (SDF) ለአራት ቀናት የሚቆይ የተኩስ አቁም ስምምነት ላይ መድረሳቸውን አስታወቁ።
የስምምነቱ ዋና ዋና ነጥቦች፦

* ተፈጻሚነት፦ ስምምነቱ ከትናንት ማክሰኞ ከቀኑ 8 ሰዓት ጀምሮ በተግባር ላይ ውሏል።

* ወታደራዊ ውህደት፦ የሶሪያ መንግስት ኩርዶችን ወደ ሶሪያ ግዛት እና መዋቅር ለማዋሃድ ባለ ግብ፣ ኤስዲኤፍ (SDF) ለደማስቆ የመከላከያ ሚኒስቴር ረዳት የሚሆን እጩ እንዲያቀርብ ጠይቋል።

* የኤስዲኤፍ አቋም፦ ቡድኑ ስምምነቱን መቀበሉን አረጋግጦ፣ ጥቃት ካልተሰነዘረበት በስተቀር ምንም አይነት ወታደራዊ እርምጃ እንደማይወስድ እና ለፖለቲካዊ ድርድር ዝግጁ መሆኑን ገልጿል።

ጥሬ ሀቅ፦

ምንም እንኳን ስምምነቱ ተግባራዊ መሆን ቢጀምርም፣ ኤስዲኤፍ በመንግስት የሚደገፉ ታጣቂዎች "ታል ባሩድ" በተባለች መንደር ላይ በከባድ መሳሪያ ጥቃት እያደረሱብኝ ነው ሲል ወዲያውኑ ክስ አቅርቧል። ይህም የተኩስ አቁም ስምምነቱ ምን ያህል ዘላቂ ይሆናል? የሚል ስጋት ፈጥሯል።

Getu Temesgen - (ጌጡ ተመስገን)
#syria #sdf #peacetalks #breakingnews #middleeast #geopolitics #syrianarmy #ethiopia #ዜና

🇸🇾 የሶሪያ መንግስት እና የኩርድ ተዋጊዎች (SDF) ለ4 ቀናት ተኩስ ለማቆም ተስማሙ!
#ethiopia | በሶሪያ ሰሜናዊ ምስራቅ እየተካሄደ ያለውን አስገራሚ ወታደራዊ ግስጋሴ ተከትሎ፣ የሶሪያ መንግስት እና በኩርዶች የሚመራው የሶሪያ ዲሞክራሲያዊ ሃይል (SDF) ለአራት ቀናት የሚቆይ የተኩስ አቁም ስምምነት ላይ መድረሳቸውን አስታወቁ።
የስምምነቱ ዋና ዋና ነጥቦች፦

* ተፈጻሚነት፦ ስምምነቱ ከትናንት ማክሰኞ ከቀኑ 8 ሰዓት ጀምሮ በተግባር ላይ ውሏል።

* ወታደራዊ ውህደት፦ የሶሪያ መንግስት ኩርዶችን ወደ ሶሪያ ግዛት እና መዋቅር ለማዋሃድ ባለ ግብ፣ ኤስዲኤፍ (SDF) ለደማስቆ የመከላከያ ሚኒስቴር ረዳት የሚሆን እጩ እንዲያቀርብ ጠይቋል።

* የኤስዲኤፍ አቋም፦ ቡድኑ ስምምነቱን መቀበሉን አረጋግጦ፣ ጥቃት ካልተሰነዘረበት በስተቀር ምንም አይነት ወታደራዊ እርምጃ እንደማይወስድ እና ለፖለቲካዊ ድርድር ዝግጁ መሆኑን ገልጿል።

ጥሬ ሀቅ፦

ምንም እንኳን ስምምነቱ ተግባራዊ መሆን ቢጀምርም፣ ኤስዲኤፍ በመንግስት የሚደገፉ ታጣቂዎች "ታል ባሩድ" በተባለች መንደር ላይ በከባድ መሳሪያ ጥቃት እያደረሱብኝ ነው ሲል ወዲያውኑ ክስ አቅርቧል። ይህም የተኩስ አቁም ስምምነቱ ምን ያህል ዘላቂ ይሆናል? የሚል ስጋት ፈጥሯል።

Getu Temesgen - (ጌጡ ተመስገን)
#syria #sdf #peacetalks #breakingnews #middleeast #geopolitics #syrianarmy #ethiopia #ዜና

ማርያም ሲባል ቅር የሚልህ ወንድሜ ኢየሱስ አፉን የፈታው ማርያም እያለ መሆኑን ላስታውስህ እወዳለሁ:: መቼም ለዚህም ጥቅስ እንደማትጠይቀኝ ተስፋ አደርጋለሁ::

ኢየሱስ ሲባል ቅር የሚልሽ እኅቴ ማርያም ከሰማይ ሰምታ ለልጅዋ ያወጣችው ስም ኢየሱስ እንደሆነ ላስታውስህ እወዳለሁ::

በእርግጥ ድንግል ማርያም ኢየሱስ ብላ ብትሰይመውም ስሙን ግን ለመጥራት ግን አንድ ቃል አልበቃት ብሎ ተቸግራ ነበር::

ገና በሆድዋ ውስጥ እያለ ወደ እርሱ ስትጸልይ "ነፍሴ ጌታን ታከብረዋለች:: መንፈሴም በአምላኬና በመድኃኒቴ ሐሴት ታደርጋለች" ስትል ሰማናት:: ልጅዋ ከሆድዋ ሳይወጣ ከልጅዋ ጋር ንግግር የጀመረች እናት እንዴት ያለች ናት? ወደ ሆድዋ ራስዋን ዘንበል አድርጋ "ጌታዬ አምላኬ መድኃኒቴ" እያለች የምትጣራ እናት አይታችሁ ታውቁ ይሆን? በሆድዋ ውስጥ ዙፋኑን ለዘረጋው ንጉሥ ጸሎት የምታሰማ እናት እንደምን ያለች ናት?

ከወለደችው በኋላስ ማን ብላ ጠርታው ይሆን? ገና ሕፃን ሳለ ምን ብላ አቅፋ አስተኛችው ይሆን? ምን ብላስ መገበችው?
የልደት መዝሙሩን "እሹሩሩ" (lullaby) ብሎ የሰየመው ቅዱስ ኤፍሬም ድንግል ማርያም ልጅዋን ምን እያለች ታስተኛው ይሆን? ብሎ በእርስዋ ቦታ ይጨነቃል:: በእርስዋ አንደበት ሆኖ እንዲህ ሲል ወደ ልጅዋ ይዘምራል::

" አንተ ምንጭ ሆይ ለአንተ ለማጠጣት የጡቶችን
ምንጭ እንዴት ልከፍታቸው ይቻለኛል? ሁሉን
ከገበታህ የምትመግብ ሆይ እኔ አንተን ልመግብህ
እንዴት ይቻለኛል? የክብርን ነጸብራቅ የተጎናፀፍከው
ሆይ እንደምን በጨርቅ ልጠቀልልህ እችላለሁ?"

ለአንተ እንዴት ያለ የማባበል ዜማን ላዜምልህ
እችላለሁ? እንደማንኛውም ሕፃን ለአንተ እሹሩሩ ብዬ
እንዳልዘምርልህ እንደ ማንኛውም ሰው ተራ ልደትን
የተወለድህ አይደለህም፡፡ ፅንሰትህ አዲስ ነው ፤
ልደትህም ተአምር ነው፡፡ በመንፈስ ካልሆነ ለአንተ
ሊዘምር የሚችል ማን ነው?’

ድንግል ማርያም ሆድዋ ውስጥ ሳለ አምላኬ መድኃኒቴ ያለችው ልጅዋን ካደገ በኋላ ምን ብላ ጠርታው ይሆን ብዬ በዐሥራ ሁለት ዓመቱ በቤተ መቅደስ እስክታገኘው ጠብቄ ተከትያት ገባሁ:: ከአይሁድ መምህራን ሥር ቁጭ ብሎ በንግግሩ ያስደንቃቸዋል:: (ሉቃ. 2:48)

ምን ብላ ትጠራው ይሆን ብዬ አንደበትዋን ስጠባበቅ
"ልጄ ሆይ" አለችው:: እኛ አባታችን ሆይ የምንለውን ፈጣሪ ልጄ ሆይ አለችው::

ድንግል ማርያም ለልጅዋ የሚበቃው ስም አጥታለት ነበርና እርሱን የምትጠራበት ብዙ ስም ነበራት:: በእናቶቻችን "ማን ብዬ ልጥራው ስምህን" ዜማ ድንግሊቱ ተጨንቃለች::

"ማን ብዬ ብጠራህ ይሻለኛል? ልጄ ብዬ ልጥራህ? ወንድሜ ልበልህ? ሙሽራዬስ ብዬ ልጥራህ? ጌታዬስ ልበልህ? ከዳዊት ቤት እንደመሆኔ እኅትህ ነኝ፡፡ ስለፀነስሁህ እናትህ ነኝ ፤ ስለ ንጽሕናህ ሙሽራህ ነኝ ፤ መድኃኒቴ ነህና ባሪያህና ልጅህ ነኝ’

አምላኬ ጌታዬ መድኃኒቴ ልጄ!

(St. Ephrem The Syrian, Harp of Spirit)

ማርያምና ኢየሱስ የሚሉት ስሞች ወንጌላውያን ሁለት ጎራ ይዘው የተጣሉባቸው ሳይሆኑ በምናከብረው ወንጌል ላይ አብረው የተጻፉ ስሞች ናቸው::ኢየሱስ የሚለው ስም ከድንግል ማርያም አፍ በፍቅር የሚፈስስ ጥዑም ስም ነበረ:: ማርያም የሚለው ስም ደግሞ ኢየሱስ ከሰው ልጆች ሁሉ በላይ በእናት ፍቅር ሆኖ የጠራው ጥዑም ስም ነው::

የልጅዋ ስም ሲጠራ የምታዝን ማርያም የእናቱ ስም ሲጠራ የሚናደድ ኢየሱስም የለም::

ዲያቆን ሄኖክ ኃይሌ
ኅዳር ጽዮን 2018 ዓ.ም.