የሰሜን ለንደን ደርቢን ትኩሳት የሚያቀጣጥል አስተያየት ከአዲሱ የቶተንሀም አለቃ!
#ethiopia | የቶተንሀም ሆትስፐሩ አዲሱ አሰልጣኝ ኢጎር ቱዶር፣ በጉጉት ለሚጠበቀው የሰሜን ለንደን ደርቢ ጨዋታ ቡድናቸው ያለውን ዝግጁነት እና የሚከተለውን የጨዋታ እቅድ በልበ ሙሉነት ይፋ አድርገዋል።

"አርሰናልን ለመግጠም በድፍረት እንገባለን!"
ቱዶር ይህ ጨዋታ ለክለቡ እና ለደጋፊው ያለውን ትልቅ ዋጋ በመገንዘብ፣ "በጣም አስፈላጊ እና ለመጫወት የሚያስደስት ጨዋታ ነው" ሲሉ ገልጸውታል። አሰልጣኙ አክለውም ቡድናቸው ወደ ሜዳ ሲገባ ተሽቆጥቁጦ ሳይሆን፣ ደጋፊው በሚወደውና በሚኮራበት መንገድ እንደሚሆን ቃል ገብተዋል።
የአሰልጣኙ የጨዋታ ፍልስፍና ምን ይመስላል?

* ማጥቃት፣ ማጥቃት፣ ማጥቃት!
ቱዶር የእግር ኳስ ፍልስፍናቸውን ሲያስረዱ፣ "የመጀመሪያው አላማዬ በማጥቃት ላይ የተመሰረተ እግር ኳስ መጫወት ነው፤ ይህም እኔን ያስደስተኛል" በማለት በደርቢው ላይም ይህንኑ አጥቂ አጨዋወት እንደሚተገብሩ ጠቁመዋል።

* ድፍረት ከብልሃት ጋር

ጨዋታውን ለማሸነፍ ባዶ "ድፍረት" ብቻ በቂ እንዳልሆነ ያመላከቱት አሰልጣኙ፣ "ወደ ሜዳ የምንገባው በድፍረት ነው፤ ነገር ግን ይህ ድፍረት ከብልሃት እና ከክህሎት ጋር የተዋሃደ መሆን አለበት" በማለት ታክቲካዊ ዝግጁነታቸውን አሳይተዋል።

በመጨረሻም ኢጎር ቱዶር የጨዋታውን ግብ ሲያጠቃልሉ፣ "ወደ ሜዳ የምንገባው የምንፈልገውን ለማሳካት ነው፤ የምንፈልገው ደግሞ ግልጽ ነው - ማሸነፍ!" ሲሉ ለመድፈኞቹ የማስጠንቀቂያ ደወል አሰምተዋል።

Getu Temesgen - (ጌጡ ተመስገን)
#getutemesgen #getu #ጌጡ #nld #northlondonderby #tottenham #arsenal #igortudor #premierleague #coys #spurs #ethiopiasports

"ቶተንሃም ትልቅ ክለብ አይደለም" — አንሄ ፖስቴኮግሉ
#ethiopia | የቀድሞው የቶተንሃም ሆትስፐር አሰልጣኝ አንሄ ፖስቴኮግሉ በሰሜን ለንደኑ ክለብ ላይ ያልተጠበቀ እና ጠንከር ያለ ትችት ሰንዝረዋል። አሰልጣኙ ክለቡ "ትልቅ" ከሚባሉ የፕሪሚየር ሊግ ቡድኖች ተርታ እንደማይመደብ በዝርዝር አስረድተዋል።

"የተግባር እና የቃል መቃረን"

ፖስቴኮግሉ ለትችታቸው ዋነኛ ምክንያት ያደረጉት የክለቡን የፋይናንስ መዋቅር እና የአሸናፊነት መንፈስ ማነስን ነው፦

* የገንዘብ አጠቃቀም፦ "ክለቡ ለዝውውር የሚያወጣውን ገንዘብ እና የደመወዝ ክፍያ ስታዩ ቶተንሃም ትልቅ ክለብ አለመሆኑን ትረዳላችሁ" ሲሉ የፋይናንስ አቅሙ ከትልልቆቹ ጋር እንደማይመጣጠን ገልጸዋል።

* ባዶ መፈክር፦ በክለቡ በየቦታው የሚታየው 'To Dare Is To Do' (መድፈር ማድረግ ነው) የሚለው መፈክር ከተግባር ጋር እንደማይገናኝ አሰልጣኙ ተናግረዋል። "ተግባራቸው ከመፈክሩ ፍጹም ተቃራኒ ነው፤ አንዳንድ ጊዜ ለማሸነፍ አደጋዎችን መጋፈጥ (Risk መውሰድ) ያስፈልጋል" ሲሉ ክለቡን ወቅሰዋል።

አሰልጣኙ አክለውም ቶተንሃም በወሬ እንጂ በእውነታው ከፕሪሚየር ሊጉ ታላላቅ ክለቦች አንዱ አለመሆኑን በአጽንኦት ተናግረዋል። ይህ አስተያየት በስፐርስ ደጋፊዎች እና በስፖርቱ ዓለም ከፍተኛ መነጋገሪያ ሆኗል።

Getu Temesgen - (ጌጡ ተመስገን)
#getutemesgen #getu #ጌጡ #tottenham #spurs #postecoglou #premierleague #footballnews #todareistodo #epl #transfermarket #አውሮፓ