🤝 የንግድና የቴክኖሎጂ ትስስርን የሚያጠናክረው “የጣሊያን ዘመናዊ አኗኗር 2026” (Italian Smart Living) በአዲስ አበባ ሊካሄድ ነው

በኢትዮጵያ እና በጣሊያን መካከል ያለውን የንግድ፣ የኢንቨስትመንት እና የዲዛይን ግንኙነት ይበልጥ ለማጠናከር ያለመው ከፍተኛ የቢዝነስ እና የዲዛይን ኹነት በኢትዮጵያ ሳይንስ ሙዚየም ሊካሄድ ዝግጅቱ ተጠናቋል።

📅 የሁነቱ መርሃ-ግብር
ቀን፦ከሰኔ 30 እስከ ሐምሌ 2 ቀን 2018 ዓ.ም (እ.ኤ.አ ከጁላይ 7 እስከ 9 ቀን 2026
*ቦታ፦በአዲስ አበባ፣ የኢትዮጵያ ሳይንስ ሙዚየም

✨ በሁነቱ ላይ ምን ምን ይጠበቃል?

🛍️ ልዩ ኤግዚቢሽን እና የB2B ትስስር

ከፍተኛ ጥራት ያላቸው የጣሊያን የቤት ዕቃዎች (Furniture)፣ የሥነ-ሕንጻ ብርሃን ቴክኖሎጂዎች፣ ሴራሚክስ እና እብነበረድ የሚቀርቡበት ሲሆን፤ የሁለቱን ሀገራት ኩባንያዎች በቀጥታ የሚያገናኝ የንግድ ትስስር መድረክ ተዘጋጅቷል።

🏗️ ሙያዊ ሴሚናሮች፦

በዓለም አቀፍ ደረጃ እውቅና ባለው ‘Interni Magazine’ አወያይነት በዘላቂ የከተማ ልማት፣ በሃይል ቆጣቢ ህንፃዎች እና በኢትዮጵያ የሪል ስቴት ኢንቨስትመንት እድሎች ዙሪያ የሀገር ውስጥ፣ የጣሊያንና የቀጣናው (ሩዋንዳ እና ኡጋንዳ) ምሁራንና ጋዜጠኞች የሚሳተፉበት ውይይት ይደረጋል።

🎓 የዲዛይን ማስተር ክላስ እና ልዩ ውድድር፦

በታዋቂው አርክቴክት ዱቺዮ ግራሲ (Arch. Duccio Grassi) የሚመራ ልዩ የስልጠና መርሃ-ግብር የሚሰጥ ሲሆን፤ በታሪካዊው የመርካቶ የንግድ ቀጠና ላይ ያተኮረ የመርካቶ ከተማ መልሶ ማልማት ውድድር (Merkato Urban Regeneration Competition) በይፋ ይጀመራል።

🏛️ የMade in Italy” ታሪክ ትዕይንት

በአለም አቀፍ የ“Made in Italy” ቀን ምክንያት በማድረግ በጣሊያን የምርት መለያዎች ሙዚየም አማካኝነት ታዋቂ ብራንዶች ያለፉበትን የዲዛይን እድገት የሚያሳይ ልዩ ኤግዚቢሽን ለዕይታ ይቀርባል።

📌 ለተደራሲያን የቀረበ ማሳሰቢያ
ሁነቱ ለመጀመሪያዎቹ ቀናት ለባለሙያዎችና ለቢዝነስ ተቋማት (B2B) ብቻ ክፍት የሚሆን ሲሆን፤ በመጨረሻው ቀን ማለትም በሐምሌ 2 ቀን 2018 ዓ.ም (እ.ኤ.አ ጁላይ 9) ለማንኛውም ፍላጎት ላለው የህዝብ ክፍል እና ለዲዛይን አፍቃሪዎች ሙሉ በሙሉ ነፃ ሆኖ ክፍት ይደረጋል።
#italiansmart Living2026 #addisababa #ethiopia #italy #business #design #architecture #innovation

#tecno_camon_50_pro

አዲሱ TECNO CAMON 50 PRO ለጌመሮች አጅግ ጥራት ያለው 6 ነጥብ 78 ስክሩኑ MediaTek Helio G200 ፈጣን ፕሮሰሰር ያለምንም ስጋት የፈለጉትን ጌም መጫወት የሚያስችል ስልክ ነው፡፡ በዛ ላይ 6150 ሚሊ አምፒር ባትሪው ለረጅም ሰዓት ያለ ስጋት መጫወት እና ስልኮትን ማስጠቀም ያስችላል፡፡ አዲሱ TECNO CAMON 50 PRO በልዩነት የሚገባዎት ስልክ ነው!!

#camon50series #camon50pro #superzoom #tecnoai #tecnoet #camon50et

tecno_et

#tecno_camon_50_pro

አዲሱ TECNO CAMON 50 PRO በአለም የመጀመሪያው የሆነው MediaTek helio G200 ፈጣን ፕሮሰሰር የተገጠመለት ፈጣን ስልክ ነው፡፡ ከዚህ በተጨማሪም በርካታ የከለር አማራጮችን ይዞ የመጣ ሲሆን ከማንኛውም ስታይል ጋር አብሮ የሚሄድ እንዲሁም በርካታ ስራዎችን በቀላሉ መስራት የሚያስችል የኤ አይ ቴክኖሎጂ አለው። TECNO CAMON 50 PRO ይለያል!!

#camon50series #camon50pro #superzoom #tecnoai #tecnoet #camon50et

tecno_et

ኢትዮጵያ ከጣሊያን ጋር የሁለትዮሽ የዕዳ ሽግሽግ ስምምነት ተፈራረመች
#ethiopia | ኢትዮጵያ በቡድን 20 (G20) የጋራ ማዕቀፍ ስር ከጣሊያን ጋር የሁለትዮሽ የዕዳ ሽግሽግ ስምምነት መፈራረሟ ተገ ይህ ስምምነት አገሪቱ ከዓመታት በፊት የጀመረችውና እጅግ ተጓቶ የቆየው የዕዳ ሽግሽግ ጥረት ውጤት ማሳየት የጀመረበት ተደርጎ ተወስዷል።
የስምምነቱ ዝርዝር ነጥቦች፦

* ሁለተኛው ስምምነት፦ የዛሬው የሮም ስምምነት፣ ከወር በፊት ከፈረንሳይ ጋር ከተደረገው ስምምነት ቀጥሎ ሁለተኛው የተናጠል የዕዳ ሽግሽግ ስምምነት ነው።

* የጋራ ማዕቀፍ ሂደት፦ ምንም እንኳን የቡድን 20 አበዳሪ አገራት በጠቅላላ የዕዳ ሽግሽግ ለማድረግ ቀደም ብለው ቢስማሙም፣ ሂደቱ ተፈጻሚ የሚሆነው ከእያንዳንዱ አበዳሪ አገር ጋር በውል ሲታሰር ብቻ ነበር።

* የቆየ ጥረት፦ ኢትዮጵያ ከኮቪድ-19 ወረርሽኝ በኋላ የዕዳ ሽግሽግ እንዲደረግላት ከጠየቁ ደሃ አገራት መካከል ቀዳሚዋ ብትሆንም፣ ሂደቱ በተለያዩ ምክንያቶች ባለፉት ዓመታት ሳይሳካ ቆይቷል።

ይህ ከጣሊያን ጋር የተደረሰው ስምምነት ባለሙያዎች እንደሚሉት፣ የአገሪቱን የኢኮኖሚ ጫና ለማቃለል የተደረገው አድካሚ ጥረት ወደ ፍሬያማ ምዕራፍ መሸጋገሩን የሚያሳይ ማሳያ ነው።

Getu Temesgen - (ጌጡ ተመስገን)
#getutemesgen #getu #ጌጡ #ethiopia #italy #debtrestructuring #g20 #economy #finance #news #rome

የ39ኛው የአፍሪካ ህብረት የመሪዎች ጉባኤ ተጠናቀቀ - አዲሱ ሊቀመንበር እና አዲሱ አጀንዳ

​ባለፉት ሁለት ቀናት በአዲስ አበባ ሲካሄድ የነበረው 39ኛው የአፍሪካ ህብረት የመሪዎች ጉባኤ በዛሬው ዕለት መጠናቀቁን አስታውቋል። በጉባኤው ማጠቃለያ ላይ በርካታ አህጉራዊ ጉዳዮች የተዳሰሱ ሲሆን፣ የአመራር ሽግግርም ተካሂዷል።

ዋና ዋና ነጥቦች;

​የአመራር ሽግግር፡ የ2025 የህብረቱ ሊቀመንበር የነበሩት የአንጎላው ፕሬዝዳንት ጆአዎ ሎሬንሶ ስልጣናቸውን ለቡሩንዲው ፕሬዝዳንት ኤቫሪስቴ ዳይሺሚዬ አስረክበዋል።

ፕሬዝዳንት ኤቫሪስቴ የ2026 የህብረቱ ሊቀመንበር ሆነው ያገለግላሉ።

​የዓመቱ መሪ ቃል፡ "አጀንዳ 2063ን ለማሳካት ዘላቂ የውሃ አቅርቦት እና ንጹህ የንፅህና አጠባበቅ ስርዓቶችን ማረጋገጥ" የሚለው የ2026 ዓ.ም መሪ ቃል ሆኖ በይፋ ጸድቋል።

​ሰላምና ጸጥታ፡ በአህጉሪቱ እየተስፋፋ የመጣው ሽብርተኝነት፣ በኃይል መንግስትን የመገልበጥ አባዜ እና ሰብአዊ ቀውሶች ላይ ጥብቅ ውይይት ተደርጓል። ህብረቱ "ህገ-መንግስታዊ ያልሆነ የሽግግር ሂደት" ላይ ያለውን የማይለወጥ 'ዜሮ ቶለራንስ' አቋም በድጋሚ አረጋግጧል።

​የታሪክ ፍትህ፡ ቅኝ አገዛዝን እንደ "በሰብአዊነት ላይ የተፈጸመ ወንጀል" የመቁጠር እና በባርነት ዘመን የተፈጸሙ በደሎችን እንደ "የዘር ማጥፋት ወንጀል" ለማየት የሚያስችል ጥናት ላይ መሪዎቹ ተወያይተዋል።

​🌍 ዓለም አቀፍ ተጽዕኖ
ህብረቱ በ G20 ውስጥ ያገኘውን ቦታ ተጠቅሞ የአፍሪካን የብድር ስረዛ፣ የአየር ንብረት ለውጥ የገንዘብ ድጋፍ እና የተባበሩት መንግስታት የጸጥታው ምክር ቤት ሪፎርም ላይ የጋራ አቋም ይዞ ለመንቀሳቀስ ተስማምቷል።

​🔍 በምሁራን ከተነሱ ትችቶች መሀል;

​ይህ የ39ኛው ጉባኤ በአጀንዳዎቹ ስፋት እና በያዛቸው ነጥቦች ተስፋ ሰጪ ቢመስልም፣ የሚከተሉት ወሳኝ ነጥቦች ትኩረት ይሻሉ፦

​የተግባራዊነት ጥያቄ (Implementation Gap): ህብረቱ በየዓመቱ "ጠመንጃን ድምፅ ማጥፋት" (Silencing the Guns) እና "ህገ-መንግስታዊ ያልሆነ የሥልጣን ሽግግርን መቃወም" በሚሉ መፈክሮች ቢወያይም፣ በተግባር ግን በአህጉሪቱ ወታደራዊ መፈንቅለ መንግስታት እና የእርስ በእርስ ግጭቶች እየጨመሩ መጥተዋል። የሰላም እና ጸጥታው ምክር ቤት (PSC) ውሳኔዎች ከመግለጫ ባለፈ መሬት ላይ ያለውን እውነታ የመለወጥ አቅማቸው አሁንም አጠያያቂ ነው።

​የፋይናንስ ጥገኝነት፡ ጉባኤው "ለሰላም ማስከበር ስራዎች አስተማማኝ እና ዘላቂ የገንዘብ ምንጭ" አስፈላጊነት ላይ አፅንዖት ሰጥቷል። ይሁን እንጂ አሁንም አብዛኛው የህብረቱ በጀት እና የሰላም ስራዎች በውጭ ለጋሾች (እንደ አውሮፓ ህብረት) ላይ ጥገኛ መሆናቸው፣ አፍሪካ "የራሷን ችግር በራሷ የመፍታት" ሉዓላዊ አቅሟን ይገታዋል።

​የውሃ አጀንዳ እና ጂኦፖለቲካ፡ የ2026 መሪ ቃል በውሃ ላይ ማተኮሩ ለአህጉሪቱ እድገት ወሳኝ ቢሆንም፣ እንደ አባይ እና ኒጀር ባሉ ድንበር ተሻጋሪ ወንዞች ላይ ባሉ ውጥረቶች ዙሪያ ህብረቱ ግልጽ እና ጠንካራ የዲፕሎማሲ ማዕቀፍ አለማበጀቱ እንደ ድክመት ሊታይ ይችላል።

​የታሪክ ፍትህ vs. የወደፊት ፈተና፡ ቅኝ አገዛዝን በሰብአዊነት ላይ የተፈጸመ ወንጀል ብሎ መፈረጅ ለሞራል የበላይነት እና ለካሳ (Reparation) ጥያቄ ትልቅ እርምጃ ነው። ሆኖም፣ መሪዎቹ ያለፈውን ታሪክ ለመውቀስ በሚያሳዩት ቁርጠኝነት ልክ፣ በአሁኑ ሰዓት በገዛ ዜጎቻቸው ላይ የሚፈጸሙ የሰብአዊ መብት ጥሰቶችን ለመጋፈጥ ድፍረት ማሳየት ይኖርባቸዋል።

ኢትዮጵያ በ G20 ማዕቀፍ የመጀመሪያውን የብድር ሽግሽግ ስምምነት ከፈረንሳይ ጋር ተፈራረመች

​ኢትዮጵያ እና ፈረንሳይ የሀገሪቱን የማክሮ ኢኮኖሚ ማሻሻያ እርምጃ የሚደግፍ እና ስትራቴጂካዊ አጋርነታቸውን የሚያጠናክር ስምምነት ትናንት በአዲስ አበባ ተፈራርመዋል።

ስምምነቱን የገንዘብ ሚኒስትሩ አቶ አህመድ ሽዴ እና የፈረንሳይ የአውሮፓና የውጭ ጉዳይ ሚኒስትር ዴኤታ ኤሌኖሬ ካሮይት በጋራ ፈርመውታል።

​የብድር እፎይታ፦ ኢትዮጵያ በ G20 የብድር ማዕቀፍ (Common Framework) መሠረት ከመንግሥታዊ አበዳሪዎች ኮሚቴ (OCC) አባል አገር ጋር የመጀመሪያውን የሁለትዮሽ የብድር ሽግሽግ ስምምነት ተፈራርማለች።

​81.5 ሚሊዮን ዩሮ ድጋፍ፦ ፈረንሳይ ለሀገር በቀል የኢኮኖሚ ማሻሻያ (HGER 2.0) ማስፈጸሚያ የሚውል 80 ሚሊዮን ዩሮ የበጀት ድጋፍ እና 1.5 ሚሊዮን ዩሮ የቴክኒክ ድጋፍ አበርክታለች።

​ስትራቴጂካዊ ፕሮጀክቶች፦ ፈረንሳይ በቢሾፍቱ በሚገነባው አዲሱ ግዙፍ ዓለም አቀፍ አውሮፕላን ማረፊያ ግንባታ ላይ በቴክኖሎጂና በፋይናንስ ለመሳተፍ ፍላጎቷን አረጋግጣለች።

​የኢነርጂ ዘርፍ፦ የሁለቱ አገራት አጠቃላይ ኢንቨስትመንት 600 ሚሊዮን ዩሮ የደረሰ ሲሆን፣ ግማሹ የኤሌክትሪክ ኃይል መሠረተ ልማትን ለማዘመን የሚውል ነው።

ተግዳሮቶች

​ምንም እንኳን ይህ ስምምነት ለኢትዮጵያ ኢኮኖሚ ትልቅ ተስፋ ቢሆንም፣ የሚከተሉት ነጥቦች ግን ትኩረት የሚሹ ናቸው፦

​የእዳ ሽግግር እንጂ ስረዛ አይደለም፦ የብድር ሽግሽግ (Restructuring) ማለት የክፍያ ጊዜን ማራዘም እንጂ እዳው ተሰረዘ ማለት አይደለም። የኢኮኖሚ ማሻሻያው በተቀመጠለት ፍጥነትና ጥራት ካልተጓዘ፣ ወደፊት የሚመጣው የክፍያ ጫና ይበልጥ ሊከብድ ይችላል።

​የማሻሻያው ማህበራዊ ዋጋ፦ እነዚህ ድጋፎች የሚመጡት በ IMF የሚመራውን የገበያ መር የኢኮኖሚ ማሻሻያ ተከትሎ ነው። ይህ ደግሞ በአጭር ጊዜ ውስጥ የኑሮ ውድነትን ሊያስከትል ስለሚችል፣ ድጋፉ ዝቅተኛውን ማህበረሰብ ለመታደግ መዋሉን ማረጋገጥ ወሳኝ ነው።

​የአፈጻጸም ብቃት፦ ለግዙፍ ፕሮጀክቶች (እንደ አውሮፕላን ማረፊያ) የተመደበው ገንዘብ በተባለለት ጥራትና ጊዜ መከናወኑ መከታተል ትልቅ የቤት ስራ ይሆናል።

🌍 48ኛው የአፍሪካ ሕብረት የስራ አስፈጻሚ ምክር ቤት ስብሰባ በስኬት ተጠናቀቀ! 🤝

​* የሊቀመንበርነት ቦታው ከአንጎላ ወደ ብሩንዲ ተላልፏል
* ለቅዳሜው የመሪዎች ጉባኤ አጀንዳዎች ጸድቀዋል
#ethiopia | ​በአዲስ አበባ ሲካሄድ የቆየው 48ኛው የአፍሪካ ሕብረት የስራ አስፈጻሚ ምክር ቤት መደበኛ ስብሰባ ዛሬ የካቲት 5 ቀን 2018 ዓ.ም በይፋ ተጠናቋል።

​የስብሰባው ዋና ዋና ውጤቶች:

​የስልጣን ሽግግር:
የአፍሪካ ህብረት የስራ አስፈጻሚ ምክር ቤት የወቅቱ ሊቀመንበርነት ከአንጎላ ወደ ብሩንዲ ተላልፏል።

​ምርጫ እና ሹመት:
ምክር ቤቱ ለአፍሪካ ህብረት የተለያዩ አደረጃጀቶች አመራሮችን የመረጠ ሲሆን፤ ሶማሊያ የአፍሪካ ህብረት የሰላም እና ፀጥታ ምክር ቤት (PSC) አባል ሆና ተመርጣለች።

​የጸደቁ አጀንዳዎች:
የካቲት 7 እና 8 ቀን 2018 ለሚካሄደው 39ኛው የአፍሪካ ሕብረት የመሪዎች ጉባኤ የሚቀርቡ አጀንዳዎች ጸድቀዋል።

​ሪፎርም እና ግምገማ:
​የአጀንዳ 2063 አፈጻጸም ሪፖርት ቀርቦ ተገምግሟል።
​የአፍሪካ ህብረት የሰው ሀብት ሪፎርም (SACA) እና የፋይናንስ ጉዳዮች ላይ ምክክር ተደርጓል።

​አፍሪካ በ2025 በደቡብ አፍሪካ በተካሄደው የቡድን 20 (G20) ጉባኤ ላይ የነበራት ተሳትፎ ተገምግሟል።

​ቀጣዩ ትኩረት ወደ መሪዎች ጉባኤ!

​#africanunion #ausummit #executivecouncil #burundi #angola #somalia #addisababa #ethiopia #getutemesgen #getu #ጌጡ #ጌጡተመስገን

​⚖️ የኢትዮጵያ የዩሮቦንድ እዳ ክርክር ወደ ለንደን ፍርድ ቤት ሊያመራ ነው፡ ለአገሪቱ ኢኮኖሚ ምን አንድምታ አለው?
​
​ኢትዮጵያ ያለባትን የ1 ቢሊዮን ዶላር የዩሮቦንድ እዳ ለማሻሻል ከግል አበዳሪዎች ጋር ስታደርግ የነበረው ድርድር ባለመሳካቱ፣ ጉዳዩ ወደ ለንደን ፍርድ ቤት ሊያመራ መሆኑ ተሰምቷል።

ይህ ክርክር አገሪቱ ከዓለም አቀፍ የገንዘብ ድርጅት (IMF) ጋር የጀመረችውን የኢኮኖሚ ማሻሻያ እና የብድር ሽግሽግ ሂደት ሊያጓትት ይችላል የሚል ስጋት ፈጥሯል።

​ዋናው የክርክር ነጥብ ምንድነው?
​የኢትዮጵያ መንግሥት እና የግል አበዳሪዎች በጥር ወር መጀመሪያ ላይ የ15% ቅናሽ (Haircut) የሚያካትት ስምምነት ላይ ደርሰው የነበረ ቢሆንም፣ የፓሪስ ክለብን ጨምሮ የመንግሥት አበዳሪዎች ኮሚቴ (OCC) ስምምነቱን ውድቅ አድርጎታል።

​ምክንያቱ፦ "የአበዳሪዎች እኩልነት" (Comparability of Treatment) የሚባለውን መርህ ይጥሳል። የመንግሥት አበዳሪዎች እንደሚሉት፣ የቀረበው ስምምነት ለግል አበዳሪዎች ከእነሱ በበለጠ የተሻለ ጥቅም ይሰጣል።

​የቦንድ ባለቤቶች ምላሽ፦ የግል አበዳሪዎቹ በበኩላቸው "መንግሥት በቅን ልቦና አልተደራደረም" በሚል ጉዳዩን ወደ ለንደን ፍርድ ቤት እንደሚወስዱት አስታውቀዋል።

​📊 የኢትዮጵያ እዳ በቁጥር (እስከ ሰኔ 2024 የነበረው መረጃ)

​የኢትዮጵያ አጠቃላይ የውጭ እዳ 28.9 ቢሊዮን ዶላር ሲሆን፣ ስብጥሩም የሚከተለው ነው፦

​ባለብዙ ወገን አበዳሪዎች (World Bank, IMF ወዘተ)፦ 52%

​የመንግሥት የሁለትዮሽ አበዳሪዎች (ቻይና፣ ፈረንሳይ ወዘተ)፦ 28%

​የግል አበዳሪዎች (ዩሮቦንድን ጨምሮ)፦ 20%

የሌሎች አገራት ተሞክሮ፡ ዛምቢያ እና ስሪላንካ

​ኢትዮጵያ አሁን የገጠማት ፈተና ከዚህ ቀደም ሌሎች አገራት ካለፉበት ሂደት ጋር ይመሳሰላል፦

​የዛምቢያ ተሞክሮ ፦ ዛምቢያ እዳዋን ለማሽጋሸግ ለሦስት ዓመታት ያህል ስትታገል ቆይታለች። ልክ እንደ ኢትዮጵያ ሁሉ፣ በግል አበዳሪዎች እና በመንግሥት አበዳሪዎች (በተለይ ቻይና) መካከል በነበረው "እኩልነት" ክርክር ምክንያት ሂደቱ ተጓትቶ ነበር። ዛምቢያ ስምምነት ላይ የደረሰችው የግል አበዳሪዎች የአገሪቱ ኢኮኖሚ ሲያድግ ተጨማሪ ክፍያ የሚያገኙበትን (Value Recovery Instrument) መካኒዝም ካካተቱ በኋላ ነው።

​የስሪላንካ ተሞክሮ ፦ ስሪላንካ በG20 የጋራ ማዕቀፍ (Common Framework) ውስጥ ባለመሆኗ በራሷ ድርድር ስታደርግ ቆይታለች። ይሁን እንጂ የግል አበዳሪዎች በፍርድ ቤት ክስ መመስረታቸው አገሪቱ ከአይ ኤም ኤፍ (IMF) የምታገኘው የገንዘብ ድጋፍ እንዲዘገይ አድርጎባታል።

​⚠️ ሊከሰቱ የሚችሉ አደጋዎች

​የIMF ድጋፍ መጓተት፦ በፍርድ ቤት የሚደረግ ረጅም ክርክር አይ ኤም ኤፍ ለኢትዮጵያ የሚሰጠውን የገንዘብ ድጋፍ (EFF) ቀጣይ ምዕራፎች ሊያስተጓጉል ይችላል።

​የገበያ መገለል፦ ክርክሩ እስካልተፈታ ድረስ ኢትዮጵያ ወደ ዓለም አቀፍ የገንዘብ ገበያ ተመልሳ ተጨማሪ ብድር ለማግኘት ትቸገራለች።

​የበጀት ጫና፦ ለትምህርት፣ ለጤና እና ለልማት መዋል ያለበት የውጭ ምንዛሬ ለእዳ ክፍያ እንዲውል ጫና ሊፈጥር ይችላል።

የ ጂ 7 አላማ ምን አንደሆነ አይገባኝም !/ቭላድሚር ፑቲን/

የሩሲያ ፕሬዝዳንት ቭላድሚር ፑቲን ሀገራቸዉ በመቀነስ ራሱን ቡድን ሰባት (ጂ7) በሚል የሚጠራው የዓለማችን የኢኮኖሚ ፖለቲካ ኃያል አገራት መድረክ ውስጥ ዳግም ለማካተት ፍላጎት እንደሌላቸው መግለፃቸው ተነገረ።

ሐሙስ ዕለት አገራቸውን በኢኮኖሚ እድገት ላይ ያሉ አገሮችን ባቀፈው የቡድን ሰባት (ጂ7) የፖለቲካ እና የኢኮኖሚ መድረክ ውስጥ ለማካተት ያላቸውን ፍላጎት ለመግለጽ ምንም አይነት ፍላጎት አልገለጹም፤ ይህም ከአውሮፓ አገሮች ጋር ያልተለመደ ግንኙነት መሆኑን ጠቅሰዋል።

ፑቲን ከአጅ ታክ እና ከህንድ ቱዴይ ጋር ባደረጉት ቃለ ምልልስ ሩሲያ ወደዚያው ለመቀላቀል እያሰበች እንደሆነ ሲጠየቁ ቀላል "አይሆንም" የሚል ምላሽ ሰጥተዋል። የጂ8 ስብሰባዎች ላይ መገኘት እንዳቆሙ እና ከዚያ በኋላ አላማዉ ግልፅ ያልሆነ ራሱን ጂ 7 በሚል የሚጠራው ቡድኑን ለመቀላቀል ምንም ፍላጎት እንደሌላቸው ገልፀዋል ።

የሩሲያው ፕሬዝዳንት የጂ7 አካል ሆነው የቀሩትን የምዕራባውያን አገሮች እራሳቸውን "ትላልቅ ሰባት" ብለው መጥራታቸውንም ተችተዋል፣ እንደ ዩናይትድ ኪንግደም (ዩኬ) ያሉ አገሮች በግዢ ኃይል እኩልነት ረገድ ከህንድ በታች ደረጃ ላይ እንደሚገኙ ተናግረዋል።

"ሁለተኛው ነገር፣ ቀደም ብዬ እንደተናገርኩት፣ የቡድን ሰባት አባል ሀገራት እራሳቸውን 'ትላልቅ ሰባት' ብለው የሚጠሩበት ምክንያት ሙሉ በሙሉ ግልጽ አይደለም? በእነሱ ውስጥ ምን ትልቅ ነገር አለ? በግዢ ኃይል እኩልነት ረገድ የህንድ ኢኮኖሚ በዓለም ላይ ሶስተኛው ትልቁ ነው። እና እንደ ዩናይትድ ኪንግደም ያሉ አገሮች በግዢ ኃይል እኩልነት ረገድ የት አሉ? አሁን ደረጃቸው ስንት ነው፣ አስረኛ ወይስ እዚያ አካባቢ?" ሲሉ ፑቲን ተናግረዋል።

"አሁን ላይ ከእነዚህ ሁሉ የላቁ፣ ከፍተኛ የቴክኖሎጂ ኢኮኖሚ ያላቸው አገሮች ተፈጥረዋል፤ከአባላት ዉጭ በሆኑት ጠንካራ መሠረት አለ፣ የጂ 7 አባላት ምንም እንኳን በዓለም አቀፍ ኢኮኖሚ ውስጥ ያላቸው ድርሻ ከዓመት ወደ ዓመት እየቀነሰ ቢመጣም፣ እንደ ሻግሪን ቆዳ ቁራጭ እየቀነሰ ቢሆንም። ይህ ግልጽ እውነታ አይቀበሉም ግን፤ ሁላችንም እናየዋለን" ሲሉ አክለዋል።

ፑቲን በምዕራቡ ዓለም ላይ ባተኮረዉ ንግግራቸው የጀርመንን ሶስተኛውን የኢኮኖሚ ውድቀት እና የፈረንሳይን አስቸጋሪ ሁኔታ አጉልተው ገልጸዋል ።

«በጀርመን ለሶስተኛ ተከታታይ ዓመት የኢኮኖሚ ውድቀት በግልጽ ይታያል፤ ፈረንሳይም አስቸጋሪ ሁኔታ ውስጥ ትገኛለች፣ እንዲሁም ሌሎች ግንባር ቀደም የአውሮፓ አገራት የኢኮኖሚ ውድቀት አፋፍ ላይ ነች ሲሉ አላማው ግልጽ ያልሆነ እንደሆነ ጠቁመዋል ።

«ወደዚያ መሄድ ያቆምኩት በተወሰነ ጊዜ በፊት ነው። ይህ ከዩክሬን ክስተቶች ጋር የተገናኘ ሳይሆን ከሌሎች ዝግጅቶች ጋር የተያያዘ ነበር፤ አሁን ወደ ዝርዝር ጉዳዮች አልገባም። በነገራችን ላይ፣ ስለዚህ ጉዳይ ለአሜሪካ አጋሮቻችን አሳውቀናል» ሲሉ አክለዋል።

«አሁን እንደ የሻንጋይ ትብብር ድርጅት (SCO)፣ BRICS እና G20 ያሉ ሌሎች ዋና ዋና ዓለም አቀፍ ጥምረትዎች እየተፈጠሩ መሆኑን የተናገሩት ፕሬዘዳንቱ በሁሉም ቦታ እየተሳተፍን ነው፣ እና በእርግጠኝነት ሙሉ በሙሉ ከግጭት ነፃ የሆነ አቀራረብ አለን» ብለዋል።

የኢትዮጵያ"የሀይል ማስፋት" (Power Projection)፡በክቡር ጠቅላይ ሚኒስትር ዐቢይ አህመድ የዲፕሎማሲ ጥረት...!

(የሀብታሙ ደባሱ አዲሱ የግል ሀሳብ )
#ethiopia | በቅርቡ የተከናወነው በደቡብ አፍሪካ አዘጋጅነት የG-20 የኢትዮጵያ ተሳትፎ እንዲሁም የማሌዥያና የሲንጋፖር መሪዎች ጉብኝት፣የክቡር ጠቅላይ ሚኒስትር ዶ/ር ዐቢይ አህመድ መንግስት እየተከተለው ያለውን የዲፕሎማሲያዊ እና ኢኮኖሚያዊ "የሀይል ማስፋት"ስትራቴጂ ቁልፍ ማሳያዎች ናቸው።ይህ ስትራቴጂ ሀገሪቱ በዓለም አቀፍ መድረክ ያላትን ተጽዕኖ በማስፋት፣ለሀገር ውስጥ ዕድገት የሚያስፈልገውን ሀብትና ዕውቀት ለመሳብ ያለመ መሆኑን ያሳያል።

🔴 የክቡር ጠቅላይ ሚኒስትር ዶ/ር ዐቢይ አህመድ ዲፕሎማሲያዊ ራዕይ፦

የጠቅላይ ሚኒስትሩ የውጭ ጉዳይ ፖሊሲ በዋናነት በኢኮኖሚ ዲፕሎማሲ (Economic Diplomacy) እና የሁለትዮሽ ግንኙነቶችን በማስፋት ላይ ያተኮረ ነው።ከዓለም ደቡብ (Global South) አገሮች በተለይም ከእስያ እና ከመካከለኛው ምስራቅ ጋር አዲስና ጠንካራ ስትራቴጂካዊ አጋርነት መገንባት፤ በሁሉም ወገን የሀገርን መሰረታዊ ብሄራዊ ጥቅም ማስከበር እና ማረጋገጥ አጋርነትን ማስፋትን ያካትታል።

የ"ብልጽግና" ጽንሰ-ሀሳብ ዲፕሎማሲያዊ ጥረቶች በሙሉ ከብልጽግና ራዕይ ጋር የተሳሰሩ ሲሆን፣ የውጭ ግንኙነት በዋናነት ለሀገር ውስጥ ኢኮኖሚ ዕድገት እና ለሥራ ዕድል ፈጠራ እንዲያገለግል ለማድረግ ያለመ ነው።

🔴የቡድን ሀያ አባለ ሀገራት (G-20) ተሳትፎ፦የብዙ-ዋልታ ዓለምን (Multipolar World) መቀበል ኢትዮጵያ በG-20 ስብሰባ ላይ እንደ ልዩ እንግዳ መሳተፏ፣በጠቅላይ ሚኒስትሩ የተመራው ዲፕሎማሲ ኢትዮጵያን ከአፍሪካ ቀንድ ባሻገር ዓለም አቀፋዊ ተዋናይ አድርጎ ለማስቀመጥ ያለውን ጥረት ያሳያል።በዓለም የፋይናንስ እና የፖለቲካ ውሳኔ ሰጪ ማዕከላት ላይ ድምጽ እንዲኖራት ማድረግ።ክቡር ዶ/ር ዐቢይ በተደጋጋሚ እንደሚገልጹት፣ኢትዮጵያ የአፍሪካ ኀብረት ዋና መስሪያቤት መቀመጫ እንደመሆኗ መጠን የአፍሪካን አጠቃላይ ጥቅም በዓለም አቀፍ መድረኮች ላይ በማንሳት፣ የሀይል ማስፋት ጥረቷን ከአህጉራዊ ሚናዋ ጋር አጣምራለች።

🔴 የእስያ መሪዎች ጉብኝት፦የቴክኖሎጂና የኢንቨስትመንት ድልድይ የማሌዥያ እና የሲንጋፖር መሪዎች ጉብኝት የዶ/ር ዐቢይ የዲፕሎማሲ ጥረት ዋነኛ መገለጫ ነው።ከእነዚህ ፈጣን ዕድገት ካላቸው የእስያ "ነብሮች" (Asian Tigers) ጋር ግንኙነት መፍጠር የኢትዮጵያን የመበልፀግ የማደግ ስትራቴጂ ለመደገፍ ወሳኝ ነው።

🖊እንደ መውጫ ስልታዊ ትኩረት የሀይል ማስፋት ትርጉም⁉️

ሲንጋፖር የላቀ የሎጅስቲክስ አስተዳደር፣ ዘመናዊ የከተማ ልማት (Smart City)፣ የዲጂታል ኢኮኖሚ ልምድ ሽግግር፤ የኢትዮጵያን የባህር በር ፈተና ለመቅረፍ ዘመናዊ የንግድ መስመሮችን መገንባት እንደ አስረጅነት ይጠቀሳል ።( በሀገራችን በአዲስ አበባ እና በሌሎች ክልል ከተሞች እየተከናወነ ያለው የኮሪደር ልማት ፤ መሶብ የአንድ ማዕከል አገልግሎት ይጠቀሳል ።

ማሌዥያ የውጭ ቀጥተኛ ኢንቨስትመንት (FDI) በኤሌክትሮኒክስና በኢንዱስትሪ ዘርፍ መሳብ፣ የዘይትና ዘይት ነክ ምርቶች ንግድ በማጠናከር የኢኮኖሚ አጋርነትን እና የንግድ አጋሮች ማጎልበትን ያሳያል ።( Industrial Park Development cooperation ስር የሚከናወኑ የእውቀት እና የኢንዱስትሪ ሽግግር መጥቀስ ይቻላል ።)

🔴የማጣቀሻዎች (Reference )

1️⃣Abiy Ahmed (PhD). Medemer: A Collective Journey. (የዶ/ር ዐቢይ የፍልስፍና መሰረት ለዲፕሎማሲያዊ ስትራቴጂያቸው።)

2️⃣ Minister's Office. Official Press Releases on G20 and Bilateral Visits. (የጉብኝቶቹን ዓላማ እና የተደረጉትን ስምምነቶች ለመረዳት።)

3️⃣Think Tank Analysis. ISS, Chatham House or Brookings papers focused on Ethiopia's shift in foreign policy towards Asia and Global South engagement.

ይህ የሚያሳየው የኢትዮጵያ የሀይል ማስፋት እቅድ በዶ/ር ዐቢይ አህመድ መሪነት ኢኮኖሚን ማዕከል ባደረገ እና በብዙ-ዋልታ ትብብር ላይ በተመሰረተ ዘመናዊ ዲፕሎማሲ እየተመራ መሆኑን ያሳያል ።

ለኢትዮጵያ ብሔራዊ ጥቅም መሳካት የድርሻዬን እወጣለሁ !
#ethiopia

ለበለጠ ወዳጅነት የፃሃፊውን የኤክስ(X) እና የፌስቡክ ገፅ ይከታተሉ :-

🔗የኤክስ(X)ገፅ:-tps://x.com/HDebasu?t=WkEcsELrZrHGV1UGX3oSMg&s=09

🔗የፌስቡክ:-https://www.facebook.com/s...

ዩክሬን፡ ኪየቭ ግድግዳ ላይ ተደግፋለች - ትራምፕ የጊዜ ገደብ እስከ ሐሙስ ሰጡ፣ ፑቲን ረክተዋል

​ብዙ የሞስኮን ግቦች የሚያረካ ባለ 28-ነጥብ ማዕቀፍ በዋሽንግተን ከቀረበ በኋላ በዩክሬን ውስጥ በቅርብ ሰዓታት ውስጥ ፈጣን ለውጦች ተመዝግበዋል።

​ኪየቭ በአስቸጋሪ ሁኔታ ውስጥ ትገኛለች፣ ቮሎዲሚር ዘለንስኪ ሀገሪቱ ክብሯን ወይም ጠቃሚ አጋሯን ማለትም አሜሪካን ማጣት እንደገጠማት አስታውቀዋል።

አውሮፓውያን ለዩክሬን ድጋፍ እየገለጹ ሲሆን፣ ክሬምሊን ደግሞ የትራምፕን እቅድ እንደተቀበለ እየገለጸ ሲሆን፣ ቭላድሚር ፑቲን እቅዱን "ለሰላም ጥሩ መሠረት" ሲሉ ገልጸውታል።

​በተመሳሳይ ጊዜ፣ የአሜሪካው ፕሬዝዳንት ዶናልድ ትራምፕ በሬዲዮ ቃለ ምልልስ ላይ እንደተናገሩት፣ ሐሙስ ድረስ ዩክሬን እቅዱን እንድትቀበል "ተስማሚ የጊዜ ገደብ" መሆኑን ጠቅሰዋል፣ ነገር ግን በድርድሩ ሂደት ላይ መሻሻል ካለ የጊዜ ገደቡ ሊራዘም እንደሚችል ክፍት አድርገውታል።

ለሮይተርስ የነገሩ ሁለት ምንጮች ዋሽንግተን ኪየቭ እንድትስማማ ጫና እያደረገችባት እንደሆነ ይናገራሉ፣ ይህም ወታደራዊ ቁሳቁስ እና መረጃን በመስጠት የሚደረገውን ድጋፍ ለመገደብ እስከማስጠንቀቅ ደርሰዋል።

​የ28-ነጥብ እቅድ

​ባለ 28-ነጥብ እቅዱ የዩክሬን ኃይሎች አሁንም በቁጥጥራቸው ስር ከሚገኙት ከዶኔትስክ እና ሉሃንስክ አካባቢዎች እንዲወጡ እንደሚያካትት ተዘግቧል። በዚህም ሞስኮ ወደ 2,300 ካሬ ኪ.ሜ. የሚጠጋ መሬት ታገኛለች፣ ይህም በግምት እንደ ሉክሰምበርግ የሚያክል ስፋት አለው። ኪየቭ ለወደፊት የኔቶ አባልነት ያላትን ፍላጎት መተው እና ክሪሚያን እና የዶንባስን ክልሎች እንደ እውነቱ ከሆነ የሩሲያ አድርጋ መቀበል ይኖርባታል።

በምላሹም ሩሲያ በሰሜን ምስራቅ ግንባር ላይ ትናንሽ አካባቢዎችን ትተዋለች፣ ዩክሬን ከቀድሞ ግዛቷ ወደ 20% የሚጠጋ መሬት ታጣለች ሲሆን፣ የምታገኘው አዲስ ግዛት ደግሞ ከ0.5% በታች የተገደበ ይሆናል።

​በዚህ ሁኔታ ውስጥ፣ ዘለንስኪ ለዩክሬን ህዝብ ባደረጉት ንግግር፣ አሁን ያለውን ሁኔታ በሀገሪቱ ታሪክ ውስጥ ካሉት እጅግ በጣም አስቸጋሪ ከሆኑት አንዱ አድርገው አቅርበውታል። "አሁን ዩክሬን በጣም አስቸጋሪ ምርጫ ሊገጥማት ይችላል - ወይ ክብሯን ማጣት ወይም ደግሞ አስፈላጊ አጋርን አደጋ ላይ መጣል" ብለዋል። ኪየቭ ከአጋሮች ጋር "በፍጥነት እና ገንቢ በሆነ መንገድ" እንደምትተባበር አረጋግጠዋል፣ ነገር ግን በተመሳሳይ ጊዜ ብሄራዊ ጥቅምን "አለመካድ" እና ለሞስኮ ተስማሚ ነው ተብሎ ለሚታሰበው የቀረበው ማዕቀፍ አማራጮችን እንደሚያቀርቡ ቃል ገብተዋል።

ለውስጣዊ አንድነት ጥሪ አቅርበዋል፡- "ክርክሮችን አቁሙ። የፖለቲካ ጨዋታዎችን አቁሙ። ያን ጊዜ ዩክሬንን አልከዳንም፣ አሁንም አናደርገውም"።

​የፑቲን እርካታ

​በሩሲያ በኩል፣ ፑቲን ሞስኮ ዝርዝሮችን ለመወያየት ዝግጁ መሆኗን ደጋግመው ገልጸዋል፣ ነገር ግን ኪየቭ ሃሳቡን ብትጥል፣ የሩሲያ ጦር "ተጨማሪ ግዛቶችን ለመያዝ እንደሚቀጥል" አስገንዝበዋል። ከዚህም በላይ፣ በአለም አቀፍ መረጃ መሰረት፣ የሩሲያ ኃይሎች በፈረንጆቹ 2024 ወደ 400 ካሬ ኪ.ሜ. ገደማ ወደፊት ገስግሰዋል።

​የአውሮፓ ህብረት ምላሽ

​የአውሮፓ ህብረት ዩክሬን የራሷን መንገድ የመወሰን መብት እንዳላት በብርቱ የሚደግፍ ይመስላል። ኡርሱላ ቮን ደር ሌየን እና አንቶኒዮ ኮስታ "ምንም ነገር ቢሆን ከዩክሬን ውጭ በዩክሬን ላይ መወሰን የለበትም" የሚለውን መልእክት ለዘለንስኪ አስተላልፈዋል፣ እንዲሁም በጆሃንስበርግ በሚካሄደው የG20 የመሪዎች ስብሰባ ጎን ለጎን እና ከዛም በአንጎላ ውስጥ የአውሮፓ መሪዎች ልዩ ስብሰባ ለማድረግ እቅድ አውጥተዋል። ሄልሲንኪ እና ሌሎች የአውሮፓ መንግስታት ተመሳሳይ መልእክት ልከዋል፣ ፊንላንድ በዩክሬን ላይ የሚደረጉ ውሳኔዎች በዩክሬን እራሷ መወሰን እንዳለባቸው አጽንኦት ሰጥታለች።

​በዚሁ ጊዜ፣ የጣሊያኗ ጠቅላይ ሚኒስትር ጆርጂያ ሜሎኒ ከጀርመን ቻንስለር ፍሪድሪሽ ሜርዝ ጋር በአዲስ ስምምነት ውስጥ ጠንካራ የጸጥታ ዋስትናዎችን ማረጋገጥ አስፈላጊ መሆኑን ተወያይተዋል፣ የእቅዱ ሌሎች ክፍሎች ተጨማሪ ማብራሪያ እንደሚያስፈልጋቸው በመቁጠር። በአውሮፓ ውስጥ ያሉ ምንጮች ዩክሬን፣ ፈረንሳይ፣ ጀርመን እና ብሪታንያ የአውሮፓ ህብረት አባል ሀገራት ሰፊ ድጋፍ ሊያገኙ የሚችሉትን ለአሜሪካ ማዕቀፍ የመልስ ሃሳብ በማዘጋጀት ላይ መሆናቸው ተነግሯል።

​የጉተሬስ አቋም

​በዓለም አቀፍ ደረጃ፣ የተባበሩት መንግስታት ዋና ጸሐፊ አንቶኒዮ ጉተሬስ ምንም ዓይነት መደበኛ ሃሳብ ለድርጅቱ እንዳልቀረበ ገልጸዋል፣ ነገር ግን ማንኛውም የሰላም ስምምነት የተባበሩት መንግስታት ቻርተርን፣ ዓለም አቀፍ ህግን እና የጠቅላላ ጉባዔውን የውሳኔ ሃሳቦች የሀገራትን የግዛት አንድነት በተመለከተ ማክበር እንዳለበት ጠቁመዋል።

በናይጄሪያ ክርስቲያኖች ላይ "ስደት እየደረሰ ነው"
#ethiopia | ክርስቲያኖች ላይ "ስደት እየደረሰ ነው" በሚሉ ክሶች ምክንያት የትራምፕ አስተዳደር የአሜሪካ ጦር ጣልቃ ሊገባ እንደሚችል ማስጠንቀቂያ ከሰጡ በኋላ ፣ በመካከለኛው ናይጄሪያ በምትገኝ አንዲት ቤተክርስቲያን ላይ ታጣቂዎች ጥቃት መሰንዘራቸውን ባለስልጣናት ገለጹ።

በማክሰኞ ምሽት በተፈጸመው በዚህ ጥቃት ሁለት ሰዎች መገደላቸው ተረጋግጧል።

ለጥቃቱ እስካሁን ኃላፊነቱን የወሰደ ቡድን የለም። የክዋራ ግዛት ፖሊስ ቃል አቀባይ እንደተናገሩት፣ ጥቃቱ የተፈጸመው በኤሩኩ ከተማ ነው።

ፖሊስ የተኩስ ድምጽ ተከትሎ ወደ ስፍራው ሲደርስ፣ "አንድ ሰው በቤተክርስቲያኑ ውስጥ፣ ሌላኛው ደግሞ በአቅራቢያው" ተገድለው መገኘታቸውን አስታውቀዋል።

ይህ ጥቃት እና ሰኞ እለት በሰሜን ናይጄሪያ 24 ተማሪዎች መታገታቸውን ተከትሎ፣ የናይጄሪያው ፕሬዝዳንት ቦላ ቲኑቡ በደቡብ አፍሪካ ሊካፈሉት የነበረውን የ G20 (የዓለም መሪ ሀብታም እና ታዳጊ ሀገራት) ጉባኤ ጉዟቸውን ማዘግየታቸውን ቃል አቀባያቸው ተናግረዋል።

የክዋራ ግዛት ገዥ በበኩላቸው፣ ፕሬዝዳንት ቲኑቡ 900 ተጨማሪ ወታደሮችን ወደ ክልሉ በመላካቸው ምስጋና አቅርበዋል።

ፕሬዝዳንት ዶናልድ ትራምፕ በዚህ ወር መጀመሪያ ላይ፣ "በናይጄሪያ ክርስትና 'የህልውና አደጋ' (existential threat) ተጋርጦበታል" በማለት ፔንታጎን (የአሜሪካ መከላከያ ሚኒስቴር) በምዕራብ አፍሪካዊቷ ሀገር ሊወሰድ ስለሚችል ወታደራዊ እርምጃ ዝግጅት እንዲጀምር ማዘዛቸው ተዘግቧል።

የናይጄሪያው ፕሬዝዳንት ቲኑቡ በበኩላቸው፣ "ናይጄሪያን እንደ ሃይማኖት የማትታገስ ሀገር አድርጎ መግለጽ የሀገሪቱን እውነታ አያንጸባርቅም" ሲሉ ምላሽ ሰጥተዋል።

ተንታኞች እንደሚሉት፣ ምንም እንኳን ክርስቲያኖች በጥቃቱ ሰለባ ከሆኑት መካከል ቢሆኑም፣ በአብዛኛው የጥቃቶቹ ሰለባ የሚሆኑት በሙስሊም በበዛበት የሰሜን ናይጄሪያ ክፍል የሚኖሩ ሙስሊሞች ናቸው።

የመካከለኛው ናይጄሪያ ክልል በአካባቢው አርብቶ አደሮች እና አርሶ አደሮች መካከል በመሬትና በውሃ ውስንነት ምክንያት በሚፈጠሩ ግጭቶች ለዓመታት ሲታመስ ቆይቷል።

እነዚህ ግጭቶች የሃይማኖት መልክ በመያዝ፣ በአብዛኛው ከሙስሊም አርብቶ አደሮች ወይም ከክርስቲያን አርሶ አደር ማህበረሰቦች ጋር የሚወግኑ ሚሊሻዎችን ፈጥረዋል። የሰሜኑ ክፍል ደግሞ በቦኮ ሃራም እና ከዳኢሽ (ISIS) ጋር በተቆራኙ ቡድኖች ጥቃት በየጊዜው ይፈጸምበታል ያለው ዘሃበሻ ነው።

#tecno_spark_40_pro +

አዲሱ የTecno Spark 40 Pro+ በአለም የመጀመሪያው የሆነው MediaTek helio G200 ፈጣን ፕሮሰሰር የተገጠመለት ፈጣን ስልክ ነው፡፡ ስራዎትን ሲሰሩ ቢውሉ፣ ማህበራዊ ሚዲያ ቢጠቀሙበት እንዲሁም ጌም ቢጫወቱበት አዲሱ የTecno Spark 40 Pro+ ፍጥነቱን አይቀንስም፡፡ Tecno 40 Pro+ በልዩነት የሚገዙት ስልክ ነው፡፡

#spark40pro + #slimeverstrongforever #tecnoai #tecnospark40series

tecno_et

የገንዘብ ሚኒስትሩ ፈረንሳይ ለኢትዮጵያ ዕዳ አስተዳደር ለምትሰጠው አመራር ምስጋና አቀረቡ
#ethiopia | የገንዘብ ሚኒስትር አቶ አህመድ ሽዴ፤ ፈረንሳይ በG20 የጋራ የዕዳ አስተዳደር ማዕቀፍ ስር ለኢትዮጵያ ዕዳ አስተዳደር የምትሰጠውን የላቀ አመራር በይፋ አመስግነዋል።

ሚኒስትሩ ከኒኮላስ ፎሪሲየር ጋር ባደረጉት ውይይት፣ ፈረንሳይ በG20 የጋራ የዕዳ አስተዳደር ማዕቀፍ ስር የኢትዮጵያ የኦፊሴላዊ አበዳሪዎች ኮሚቴ ሊቀመንበር በመሆን እየተጫወተች ያለውን ቁልፍ ሚና አድንቀዋል።

"ፈረንሳይ በG20 የጋራ የዕዳ ማዕቀፍ ስር የኢትዮጵያ የኦፊሴላዊ አበዳሪዎች ኮሚቴ ሊቀመንበር በመሆን የምትጫወተው አመራር ከፍተኛ ዋጋ እንሰጠዋለን" ያሉት አቶ አህመድ ሽዴ፣ ይህ ድጋፍ ኢትዮጵያ የጀመረችውን ሀገር ውስጥ የኢኮኖሚ ማሻሻያ አጀንዳ ስኬታማ ለማድረግ ወሳኝ መሆኑን አብራርተዋል።

ሚኒስትሩ አክለውም፣ ፈረንሳይ ለኢትዮጵያ የልማት ጥረቶች የምትሰጠውን ቀጣይነት ያለው የሁለትዮሽ ድጋፍ እንዲሁም በአለም አቀፉ የገንዘብ ተቋም (IMF) እና በዓለም ባንክ ባሉ ባለብዙ ወገን ተቋማት በኩል ለምታደርገው ድጋፍም ምስጋና አቅርበዋል።

ይህ የተገለፀው በፓሪስ እየተካሄደ በሚገኘው የአውሮፓ ህብረት–ኢትዮጵያ ኢንቨስትመንት ጉባኤ ላይ ሲሆን፣ በዚህ ወቅት ሁለቱ ሀገራት የረዥም ጊዜ የኢኮኖሚ ትብብራቸውን ለማጠናከር እና በኢንዱስትሪ ልማት፣ ታዳሽ ኃይል እና ኢንቨስትመንት ዙሪያ ለመተባበር መስማማታቸውን አረጋግጠዋል።
#ቅዳሜገበያ

📈 የዓለም አቀፍ የገንዘብ አቅርቦት

· የዓለም አጠቃላይ የገንዘብ አቅርቦት 140 ትሪሊዮን ዶላር የደረሰ ሲሆን ከ2000 ጀምሮ በዓመት 6.9 በመቶ እያደገ መጥቷል።

· በ2025 ብቻ ከዓመት መጀመሪያ ጀምሮ የ7.8% ጭማሪ እና ካለፈው ዓመት ጋር ሲነጻጸር የ9.3% ዕድገት የታየ ሲሆን አብዛኛው እድገት የተገኘው የአሜሪካ ዶላር 7.9% በመዳከሙ ነው።

· የቻይናው ዩዋን አሁን በ46 ትሪሊዮን ዶላር የዓለምን የገንዘብ ፈሳሽነት እየመራ ሲሆን የአሜሪካን (22.1 ትሪሊዮን ዶላር) እና ዩሮዞንን (22 ትሪሊዮን ዶላር) የገንዘብ አቅርቦትን በልጧል።

· ጃፓን በ11 ትሪሊዮን ዶላር ላይ ትገኛለች፣ የተቀሩት የ G20 አባላት ደግሞ በአጠቃላይ 19 ትሪሊዮን ዶላር ይይዛሉ።

ከ 2000 ጀምሮ የዓለም የገንዘብ አቅርቦት በግምት ዘጠኝ እጥፍ ጨምሯል፣ ይህ መስፋፋት የፋይናንስ አለመረጋጋትን እና የዶላር የበላይነትን ቀስ በቀስ መሸርሸርን ያሳያል።

seledadotio
seledadotio

ኢትዮጵያ የ1 ቢሊዮን ዶላር ዩሮቦንድ ዕዳዋን እንደገና ለማዋቀር ከግል ባለቤቶች ጋር ሚስጥራዊ ውይይት ጀመረች

የኢትዮጵያ መንግስት የ1 ቢሊዮን ዶላር የዩሮቦንድ ዕዳን እንደገና ለማዋቀር (restructure) ከዓለም አቀፍ የቦንድ ባለቤቶች ኮሚቴ ጋር ይፋዊ እና ሚስጥራዊነትን ያካተተ ውይይት መጀመሩን ብሉምበርግ ዘግቧል።

ይህ እርምጃ ሀገሪቱ በከባድ የዕዳ ጫናዋን ለማቃለል በምታደርገው ጥረት ውስጥ እንደ ወሳኝ ምዕራፍ ተወስዷል።

ውይይቱ "restricted" ተብሎ የተገለጸ ሲሆን፣ ይህ ማለት በድርድሩ ላይ የሚሳተፉት አበዳሪዎች (የቦንዱ ባለቤቶች) "የምስጢራዊነት ስምምነት" (NDA) መፈረም ነበረባቸው።

ይህ ስምምነት የኢትዮጵያ መንግስት ለስምምነቱ መሳካት ወሳኝ የሆኑ ሚስጥራዊ የኢኮኖሚ መረጃዎችን ለአበዳሪዎቹ እንዲያካፍል ያስችለዋል።ስምምነቱን የፈረሙ ባለቤቶች በውይይቱ ወቅት የኢትዮጵያን ቦንድ መሸጥም ሆነ መግዛት አይችሉም።

ይህ የውይይት እርምጃ የመጣው ኢትዮጵያ በ2023 መጨረሻ ላይ የነበረውን የዩሮቦንድ ክፍያ ማዘግየቷን ተከትሎ ሲሆን፣ በአሁኑ ወቅት በG20 የጋራ ማዕቀፍ ስር የዕዳ ማቃለያ ለማግኘት ጥረት በማድረግ ላይ ትገኛለች።

ቅዳሜገበያ

የዓለም ባንክ እና አይ ኤም ኤፍ ኢትዮጵያ በዕዳ ችግር ውስጥ መሆኗን አስጠነቀቁ

ዓለም አቀፉ የገንዘብ ተቋም (አይ ኤም ኤፍ) እና የዓለም ባንክ ባወጡት የጋራ ሪፖርት፣ የኢትዮጵያ የሕዝብ ዕዳ ዘላቂነት እንደሌለው አስታወቁ።

ሁለቱ ተቋማት ኢትዮጵያ በ2023 የዩሮቦንድ ወለድ ክፍያ በመዝለል እና ባለፈው ታህሳስ የአንድ ቢሊዮን ዶላር የዩሮቦንድ ዋና ዕዳ አለመክፈሏን እንደ ትልቅ የዕዳ ችግር ምልክት ገልጸዋል።

ሪፖርቱ እንደሚያሳየው፣ የኢትዮጵያ የውጭ ዕዳ ሸክም ከኤክስፖርት ገቢ 206.6 በመቶ ደርሷል፣ ይህም ከሚመከረው ገደብ እጅግ የላቀ ነው። በተጨማሪም፣ ለቀጣዩ ዓመት የዕዳ ክፍያ ከጠቅላላ የኤክስፖርት ገቢ 36.6 በመቶ ሊወስድ እንደሚችል ተገምቷል።

ምንም እንኳን አጠቃላይ የሕዝብ ዕዳ ከጂዲፒ አንጻር ዝቅ ያለ ቢሆንም፣ ከዕዳው ውስጥ ግማሽ ያህሉ ለውጭ አበዳሪዎች መሆኑ የውጭ ምንዛሪ ክምችት ላይ ከፍተኛ ጫና እያደረገ ነው።

አይ ኤም ኤፍ ኢትዮጵያ ይህን ችግር ለመፍታት የገንዘብ ምንዛሪ ተመንን ለገበያ መተው፣ የፋይናንስ ማጠናከሪያ እና ጠንካራ የገንዘብ ፖሊሲዎችን ማጠናከር እንዳለባት አስገንዝቧል።

ሪፖርቱ በተጨማሪም የዋጋ ግሽበት ከ13 በመቶ በላይ መሆኑ እና የኑሮ ውድነት በሕዝቡ ላይ እየፈጠረ ያለውን ተቃውሞ እንደ ፈተና ጠቅሷል።

በG20 የጋራ መዋቅር ስር የዕዳ ማዋቀር አስፈላጊ መሆኑን የገለጹት ተቋማቱ፣ መንግሥት የግብር ማሻሻያዎችን፣ የመንግሥት የልማት ድርጅቶችን ማዋቀር እና ማኅበራዊ ወጪዎችን ማጠናከር እንዳለበት አሳስበዋል።

seledadotio
seledadotio

ለታላቁ ስብሰባ ወደ አህጉረ አፍሪካ ድርሽ አልልም !/ዶናልድ ትራምፕ/
‎
‎የዩኤስ ፕሬዝዳንት ዶናልድ ትራምፕ በህዳር ወር በደቡብ አፍሪካ ሊካሄድ በተያዘው የቡድን 20 ጉባኤ ላይ እንደማይሳተፉ እና በምትኩ ምክትል ፕሬዝዳንት ጄዲ ቫንስ እንደሚልኩ ተናገሩ ።
‎
‎የቡድኑን ተለዋጭ የፕሬዚዳንትነት ቦታ በመያዝ የመጀመሪያዋ አፍሪካዊት ሀገር የሆነችው ደቡብ አፍሪካ የሚካሄደውን የቡድን 20 ጉባኤ ለመዝለል ለምን እንደወሰኑ የገለፁት ትራምፕ ሀገሪቱ ለአሜሪ ፖሊሲዎች
‎ከፍተኛ ንቀት እንዳላትና ይልቁንስ ከሩሲያና ቻይና ጋር እያሴረች ትገኛለች እንዲሁም በደቡብ አፍሪካ አናሳ ነጭ ገበሬዎች ላይ “ዘር ማጥፋት” እየተካሄደ ነው በማለት በደቡብ አፍሪካ መንግስት ላይ ተከታታይ ውንጀላዎችን አቅርበዋል።
‎
‎በተጨማሪም ትራምፕ በፍሎሪዳ በሚገኘው ማር-አ-ላጎ እስቴት አቅራቢያ በሚገኘው የጎልፍ ሪዞርታቸው ከደብቡ አፍሪካ ቀጥሎ የሚቀጥለውን ዓመት G20 የመሪዎች ጉባኤ አሜሪካ በመሆኗ ደስተኛ መሆናቸውን ገልፀዋል ።
‎
‎ፕሬዝዳንት ቭላድሚር ፑቲን እና የቻይናው ፕሬዝዳንት ዢ ጂንፒንግ በሚቀጥለው አመት በፍሎሪዳ በሚካሄደው የ G20 የአለም መሪዎች ጉባኤ ላይ እንዲገኙ ያላቸውን ጉጉት ገልፀዋል ።
‎
‎ምንም እንኳን ሁለቱም የሚመሩት ሀገራት የቡድኑ ሙሉ አባላት ቢሆኑም ትራምፕ ግን ፑቲን እና ዢ ሊገኙ ይችሉ እንደሆነ ሲጠየቁ "እወዳቸዋለሁ" እና እንደ "ታዛቢዎች" መሳተፍ እንደሚችሉ ተናግረዋል ።
‎
‎አክለዉም ቻይና፣ ፈረንሳይ፣ ጀርመን፣ ህንድ፣ ጃፓን እና ሩሲያን ጨምሮ ከታላላቅ ኢኮኖሚ ቡድን የተውጣጡ መሪዎችን ሲያስተናግድ "የእኛን አስደናቂ ስኬት ለአለም ለማሳየት እጓጓለሁ።" ብለዋል ።
‎
‎G20 ሩሲያ እና ቻይና እንዲሁም የአውሮፓ ህብረት (አህ) እና የአፍሪካ ህብረትን ያካትታል ነገር ግን በአለም አቀፉ የወንጀለኞች ፍርድ ቤት (ICC) የተሰጠ የጦር ወንጀል የእስር ማዘዣ ፑቲን ባለፈው አመት በብራዚል በተካሄደው ዝግጅት ላይ አልተገኙም ሲል ያስነበበዉ CBC የዜና ወኪል ነዉ።
‎
‎
‎የኔታ ቲዩብ ዘጋቢ ፦ ታዴ የማመይ ልጅ
‎
‎
‎

ትራምፕን ስለጋበዝኩ የባህር ልምምዱን አዘግዩልኝ !
‎/ደቡብ አፍሪካ/
‎
‎የቡድን 20 መሪዎችን ለማስተናገድ በዝግጂት ላይ የምትገኘዉ ደቡብ አፍሪካ በቅርቡ በደቡብ አፍሪካ ዉሐ
‎ክልል የባህር ሀይል ልምምድ ለማድረግ ያሰቡት የቻይና እና የሩስያ የጦር መርከቦችን ወደ ሀገሪቱ እንዳይመጡና ስልጠናዉን እንዲያዘገዩት መጠየቋ ተነገረ ።
‎
‎ በጆሃንስበርግ በህዳር 22 እና ህዳር 23 በሚካሄደው የመሪዎች ጉባኤ ላይ እንዲገኙ የዩ.ኤስ. ፕሬዚደንት ዶናልድ ትራምፕ ተጋብዘዋል ያለዉ የደቡብ አፍሪካ መከላከያ ዲፓርትመንት ሃሙስ እንዳስታወቀው ሀገሪቱ
‎ለምታዘጋጀው ታላቅ ስብሰባ ደህንነት ሲባል ለጊዜውም ቢሆን ልምምዱ እንዲቆይ ለቻይና ጥያቄ አቅርቤያለሁ ብሏል ።
‎
‎የ BRICS ቡድን መስራቾች የሆኑት ደቡብ አፍሪካ ከቻይና እና ሩሲያ ጋር በእየሁለት አመቱ የሚደረገው የጋራ የባህር ኃይል ልምምዶችን ሲደረግ የቆየ ሲሆን የዚሁ ስምምነት መሰረት ዘንድሮም በህዳር ወር መጨረሻ በቻይና መሪነት በደቡብ አፍሪካ ውሃ ላይ ለማድረግ እቅድ ተይዞ ነበር ።
‎
‎የመከላከያ ሚኒስቴር በሰጠው መግለጫ የባህር ኃይል ልምምዱን ለሌላ ጊዜ ለማስተላለፍ ለቻይና ያቀረበው ጥያቄ “ከደቡብ አፍሪካ G20 ፕሬዝዳንት ጋር በተያያዙ የሎጂስቲክስ ፣ የደህንነት እና ሌሎች ዝግጅቶች ላይ ተጽዕኖ እንዳያሳድሩ ለማረጋገጥ ነው” ብለዋል ።
‎
‎በዚህ ስብሰባ ላይም የቻይናው ፕሬዝዳንት ዢ ጂንፒንግ በG20 ጉባኤ ላይ ከፈረንሳይ፣ ከጀርመን፣ ከእንግሊዝ እና ከሌሎች መሪዎች ጋር ሊገኙ ሲሆን የሩስያው ፕሬዝዳንት ቭላድሚር ፑቲን በዩክሬን ካለው ጦርነት ጋር በተያያዘ እንዲታሰሩ በሰጠው የአለም አቀፍ የወንጀለኞች ፍርድ ቤት ትዕዛዝ ደቡብ አፍሪካ የፍርድ ቤቱን ህግ ፈራሚ በመሆኗ ትፈጽማለች ተብሎ ይጠበቃል።
‎
‎የደቡብ አፍሪካው ፕሬዝዳንት ሲሪል ራማፎሳ በግንቦት ወር ከትራምፕ ጋር በዋይት ሀውስ በተገናኙበት ወቅት የዩኤስ ፕሬዝዳንት በ G20 ጉባኤ ላይ እንደሚገኙ እንደነገሯቸው ቢገልፁም ነገር ግን ትራምፕ በደቡብ አፍሪካ በጥቁር የሚመራው መንግስት በሀገር ውስጥ ፀረ-ነጭ ፖሊሲዎችን እና ፀረ-አሜሪካን የውጭ ፖሊሲ አቋም በመያዝ በስብሰባው ላለመገኘት እንደሚያስብ በሐምሌ ወር ተናግሯል ሲል ያስነበበው AP የዜና ወኪል ነዉ ።
‎
‎
‎የኔታ ቲዩብ ዘጋቢ ፦ ታዴ የማመይ ልጅ
‎
‎
‎