አምባሳደር ሌሊሴ ዱጋ የህፃናት ካንሰር ታካሚዎችን ለመርዳት የሚሰራውን ማኅበር (ESPHO) በይፋ አስጀመሩ

​#fastmereja I የኦሮሚያ ቱሪዝም ኮሚሽን ኮሚሽነር አምባሳደር ሌሊሴ ዱጋ፣ የኢትዮጵያ የህፃናት ሄማቶሎጂ እና ኦንኮሎጂ ማኅበር (ESPHO) ቢሮን መርቀው ስራ ማስጀመራቸውንና የንቅናቄው የክብር አምባሳደር መሆናቸውን ገለጹ።

​በፅናት ካንሰርን ድል ያደረጉት አምባሳደር ሌሊሴ ዱጋ፣ ዛሬ በይፋ ስራ የጀመረውን የኢትዮጵያ የህፃናት ሄማቶሎጂ እና ኦንኮሎጂ ማኅበርን የመስሪያ ቤት ቢሮ መርቀዋል። አምባሳደሯ ለህሙማን ድምፅ ለመሆን ለሚያሳዩት ቁርጠኝነትም ከማኅበሩ የእውቅና ምስክር ወረቀት ተበርክቶላቸዋል።

​በመርሃ-ግብሩ ላይ የተገኙት አምባሳደሯ እና የማኅበሩ አመራሮች የሚከተሉትን ዋና ዋና ተግባራት አከናውነዋል፦

የጥቁር አንበሳ ሆስፒታል የሚገኘውን የህፃናት ኦንኮሎጂ ማዕከል በመጎብኘት የህፃናቱን ሁኔታ ተመልክተዋል። ​የተስፋ አዲስ (TAPCCO) የካንሰር ታካሚ ህፃናትና ወላጆቻቸውን በማበረታታት አጋርነታቸውን አሳይተዋል።

​የማኅበሩ ፕሬዝዳንት ዶ/ር አቤል ኃይሉ እንደገለጹት፣ በኢትዮጵያ በየዓመቱ ከ 6,000 እስከ 8,000 የሚደርሱ ህፃናት በካንሰር በሽታ ይያዛሉ። የዛሬው ንቅናቄ ዓላማም ከክብር አምባሳደሯ ጋር በመሆን በሀገር አቀፍ ደረጃ ግንባታ በመፍጠር ለህፃናቱ የተሻለ ህክምና እና እንክብካቤ እንዲያገኙ ማስቻል እንደሆነ ተነግሯል።

​“ለኢትዮጵያ ህፃናት ተስፋ የመሆን ንቅናቄ” በሚል መሪ ቃል የተጀመረው ይህ ስራ፣ በዘርፉ ያለውን የህክምና አቅርቦት ለማሻሻል ትልቅ ተስፋ ሰንቋል።

አምባሳደር ሌሊሴ ዱጋ የህፃናት ካንሰር ታካሚዎችን አለኝታነት አረጋገጡ
#ethiopia | ​በጽናት ካንሰርን ድል ያደረጉትና የህመሙን ፈተና በድል የተሻገሩት ክብርት አምባሳደር ሌሊሴ ዱጋ፣ ዛሬ የታካሚ ህፃናት ድምፅ ለመሆን በተግባር እንቅስቃሴ ጀምረዋል።

​የማኅበሩ ምርቃት፦
የኢትዮጵያ የህፃናት ሄማቶሎጂ እና ኦንኮሎጂ ማኅበር (ESPHO) ቢሮን በይፋ መርቀው ሥራ አስጀምረዋል።

​የሆስፒታል ጉብኝት፦
በጥቁር አንበሳ ስፔሻላይዝድ ሆስፒታል የሚገኘውን የህፃናት ኦንኮሎጂ ማዕከል በመጎብኘት ለህፃናቱ አጋርነታቸውን አሳይተዋል።

​ ከተስፋ አዲስ (TAPCCO) ጋር
የካንሰር ታካሚ ህፃናትንና ወላጆቻቸውን በማበረታታት “ለኢትዮጵያ ህፃናት ተስፋ የመሆን ንቅናቄ” አካል መሆናቸውን አረጋግጠዋል።

የማኅበሩ ፕሬዝዳንት ዶ/ር አቤል ኃይሉ እንደገለጹት፣ በኢትዮጵያ በየዓመቱ ከ6,000 እስከ 8,000 የሚደርሱ ህፃናት በካንሰር በሽታ ይያዛሉ። የአምባሳደሯ ቁርጠኝነት ለእነዚህ ህፃናት የተሻለ ህክምናና እንክብካቤ ለማቅረብ የሚደረገውን ጉዞ ያፋጥነዋል።

​"ለካንሰር ህሙማን ድምፅ መሆን የሰብአዊነት ቁንጮ ነው! ለአምባሳደር ሌሊሴ ዱጋ ምስጋና ይገባቸዋል።" 🙌💛

​#getu #espho #childhoodcancer #ambassadorleliseduga #hopeforchildren #ethiopiahealth #tapcco #cancerawareness #supportkids #አምባሳደርሌሊሴዱጋ #የህፃናትካንሰር #ተስፋአዲስ #ጥቁርአንበሳ #ጌጡተመስገን #getutemesgen

በኢትዮጵያ በየዓመቱ እስከ 8 ሺህ ሕጻናት በካንሰር ቢጠቁም ሕክምና የሚያገኙት ሩብ ያህሉ ብቻ መሆኑ ተገለጠ
​
በኢትዮጵያ በየዓመቱ እስከ 8 ሺህ የሚደርሱ ሕጻናት በካንሰር በሽታ እንደሚጠቁ ቢገመትም፣ ወደ ሕክምና ተቋማት የሚመጡት ግን ከ25 በመቶ ወይም ከ2 ሺህ የማይበልጡ መሆኑ ተገለጸ።

የኢትዮጵያ የሕጻናት የደምና ካንሰር ሕክምና ማኅበር (ESPHO) ትናንት በይፋ በተመሠረተበት ወቅት የማኅበሩ ፕሬዚዳንት ዶ/ር አቤል ሃይሉ እንደተናገሩት፣ ይህ ከፍተኛ ቁጥር ያለው ታካሚ ወደ ሕክምና አለመምጣት በበሽታው ምክንያት የሚከሰተውን የሕጻናት ሞት አሳሳቢ ያደርገዋል።

እንደ ዶ/ር አቤል ገለጻ፣ በአሁኑ ወቅት በአገሪቱ የሕጻናት ካንሰር እንክብካቤ የሚሰጡት ስምንት ሆስፒታሎች ብቻ ሲሆኑ፣ ከእነዚህም ውስጥ አራቱ የራዲዮቴራፒ አገልግሎት የሚሰጡ በመሆናቸው ተደራሽነቱን ለማስፋት መጠነ ሰፊ ሥራዎችን ይጠይቃል።

​በምስረታ ፕሮግራሙ ላይ የታደሙት የጤና ሚኒስትር ዴኤታ ዶ/ር ደረጄ ዱጉማ በበኩላቸው፣ በኅብረተሰቡ ዘንድ ያለው የተሳሳተ ግንዛቤ ለሕክምናው መዘግየት ዋነኛ ምክንያት መሆኑን ጠቁመዋል። "በአብዛኛው የኅብረተሰብ ክፍል ዘንድ የካንሰር በሽታ መዳን የማይችል ተደርጎ ቢታሰብም፣ የሕጻናት ካንሰር ግን በጊዜ ከታወቀ የመዳን ዕድሉ እጅግ ከፍተኛ ነው" ያሉት ሚኒስትር ዴኤታው፣ ወላጆችና አሳዳጊዎች ተስፋ ሳይቆርጡ ልጆቻቸውን ወደ ሕክምና ተቋማት እንዲወስዱ ጥሪ አቅርበዋል።

መንግሥትም ከባለድርሻ አካላት ጋር በመተባበር የሕክምና አገልግሎቱን ጥራትና ተደራሽነት ለማሻሻል፣ እንዲሁም በበሽታው ዙሪያ ያለውን የግንዛቤ ክፍተት ለመሙላት በትኩረት እንደሚሠራ አረጋግጠዋል።

​ለዘርፉ ባለሙያዎችና ለታካሚዎች ትልቅ ተስፋ ይዞ የመጣው ይህ አዲስ ማኅበር፣ በኢትዮጵያ ያለውን የሕጻናት ካንሰር ሕክምና ሥርዓት ወደ ላቀ ደረጃ ለማሸጋገር ያለመ ነው። ማኅበሩ በተለይም የሕክምና ባለሙያዎችን አቅም በመገንባት፣ የምርምር ሥራዎችን በማጠናከርና ደረጃውን የጠበቀ የሕክምና ፕሮቶኮል በሁሉም ሆስፒታሎች እንዲተገበር በማድረግ ረገድ ከፍተኛ ሚና ይጫወታል።

ከዚህ በተጨማሪም፣ መድኃኒቶችና የሕክምና ግብዓቶች ሳይቋረጡ ለታካሚዎች እንዲቀርቡ ከዓለም አቀፍ ድርጅቶች ጋር የግንኙነት ድልድይ ሆኖ እንደሚያገለግል ይጠበቃል።

​በዓለም አቀፍ ደረጃ በበለጸጉ አገራት የሕጻናት ካንሰር የመዳን ዕድል 80 በመቶ የደረሰ ቢሆንም፣ በኢትዮጵያ ግን ይህ ቁጥር አሁንም ዝቅተኛ መሆኑን መረጃዎች ያሳያሉ።

ይህንን ክፍተት ለመሙላት የጤና ሚኒስቴር ከዓለም ጤና ድርጅት ጋር በመተባበር የሕጻናት ካንሰርን ለመከላከልና ለመቆጣጠር የሚያስችል አገራዊ ስትራቴጂ ነድፎ እየተንቀሳቀሰ ይገኛል። የአዲሱ ማኅበር መመሥረትም እነዚህን አገራዊ ጥረቶች በማገዝ፣ ሕጻናት ካለባቸው የሕመም ሥቃይ ተላቀው ወደ ትምህርት ገበታቸውና ወደ መደበኛ ሕይወታቸው እንዲመለሱ ለማድረግ የሚደረገውን ጉዞ ያፋጥነዋል ተብሎ ታምኖበታል።

በኢትዮጵያ በካንሰር ከሚጠቁ ሕፃናት መካከል የሚያገግሙት ከ30% በታች መሆናቸው ተገለጸ

በኢትዮጵያ በየዓመቱ በካንሰር ከሚጠቁ ከ6,000 በላይ ሕፃናት መካከል ሕክምና የሚያገኙት ከ2,000 የማይበልጡት ብቻ መሆናቸውን የኢትዮጵያ የሕፃናት የደምና ካንሰር ሕክምና ማኅበር (ESPHO) አስታወቀ።

የማኅበሩ ፕሬዚዳንት ዶ/ር አቤል ሀይሉ እንደገለጹት፣ አብዛኞቹ ሕፃናት ወደ ሕክምና የሚመጡት በሽታው በሦስተኛና በአራተኛ ደረጃ ላይ ደርሶ በመሆኑ የማገገም ዕድላቸው ከ30 በመቶ በታች ዝቅ እንዲል አድርጎታል። ይህንን አሳሳቢ ችግር ለመፍታትም ስፔሻሊስቶችንና ባለድርሻ አካላትን ያሰባሰበው የኢትዮጵያ የሕፃናት የደምና ካንሰር ሕክምና ማኅበር (ESPHO) ዛሬ በይፋ ሥራውን ጀምሯል።

ማኅበሩ በቀጣይ ከጤና ሚኒስቴር ጋር በመተባበር፦
• የማኅበረሰቡን ግንዛቤ በማሳደግ ሕፃናት በጊዜ ሕክምና እንዲያገኙ ማድረግ፣
• ለፖሊሲ ግብዓት የሚሆኑ ጥናታዊ መረጃዎችን ማቅረብ ላይ ትኩረት አድርጎ ይሠራል ተብሏል።

በምስረታው ወቅት ከ10 በላይ ዓለም አቀፍ ከፍተኛ ባለሙያዎችና ተመራማሪዎች ተገኝተው የልምድ ልውውጥ አድርገዋል።

🎗️ በኢትዮጵያ የሕፃናት የካንሰር መሞትን ለመታደግ አዲስ ምዕራፍ ተከፈተ

📌"ማንም ሕፃን በካንሰር ምክንያት መሞት የለበትም"
#ethiopia | በኢትዮጵያ በየዓመቱ እስከ 8,000 የሚደርሱ ሕፃናት በካንሰር በሽታ እንደሚጠቁ ቢገመትም፣ የሕክምና ዕድል የሚያገኙት ግን ከሩብ በታች (2,000 ያነሱ) መሆናቸው ይታወቃል። ይህንን አሳሳቢ ክፍተት ለመሙላት እና የሕፃናትን ሞት ለመቀነስ ያለመው የኢትዮጵያ የሕፃናት ደም እና ካንሰር ሕክምና ማኅበር (ESPHO) ጥር 4 ቀን 2018 ዓ.ም. በአዲስ አበባ በይፋ ተመስርቷል።

📊 የችግሩ ስፋት እና የማኅበሩ ራዕይ

በበለፀጉ ሀገራት የሕፃናት ካንሰር የመዳን ምጣኔ 85% ቢደርስም፣ በኢትዮጵያ ግን በግንዛቤ እጥረት እና በምርመራ መዘግየት ምክንያት አሁንም ውጤቱ እጅግ ዝቅተኛ ነው።

አብዛኞቹ ሕፃናት ወደ ሕክምና ተቋም የሚመጡት በሽታው በጠናበት (ደረጃ 3 ወይም 4) ላይ መሆኑ የሕይወት መታደግ ጥረቱን ፈታኝ አድርጎታል።

ማኅበሩ ይህንን ምስቅልቅል ለመቀየር የሚከተሉትን ግቦች ሰንቋል፦

* ቀድሞ ምርመራ፦ ሕፃናት በሽታው ሳይጸናባቸው ወደ ሕክምና እንዲመጡ ግንዛቤ መፍጠር።

* ወጥ ሕክምና፦ በመላ ሀገሪቱ ጥራት ያለውና ፍትሃዊ የሕክምና አገልግሎት እንዲዳረስ መስራት።

* ምርምርና ስልጠና፦ በዘርፉ ያሉ ባለሙያዎችን አቅም ማሳደግና በመረጃ ላይ የተደገፈ ሕክምና መስጠት።

🤝 ዓለም አቀፍ ትብብር እና ተስፋ

በምስረታው ላይ የጤና ሚኒስቴር ሚኒስትር ዴኤታ ዶ/ር ደረጀ ዱጉማ እና የ "ሲኦፕ አፍሪካ" ፕሬዝዳንት ፕሮፌሰር ጄኒፈር ጊል የቸገኙ ሲሆን የፕሮፌሰሯ መገኘት ኢትዮጵያ በአፍሪካ የሕፃናት ካንሰር ሕክምና ያላትን ሚና የሚያጎላ ሲሆን፣ ሀገራችን የ2027ቱን የሲኦፕ አፍሪካ (SIOP Africa) ጉባኤ እንድታስተናግድም ፍላጎት እንዳላት ተገልጿል።

💬 ከአመራሮቹ አንደበት

"የማኅበሩ መመስረት የሕፃናትን ስቃይ ለመቀነስ ያለብንን ሙያዊና ሞራላዊ ግዴታ ለመወጣት ትልቅ አቅም ይፈጥራል።" — ዶ/ር አቤል ኃይሉ (የማኅበሩ ፕሬዝዳንት)

"አላስፈላጊ ስቃይን የምናስቆምበት አዲስ የታሪክ ምዕራፍ መጻፍ አለብን።" — ሌሊሴ ዱጋ (ብሔራዊ የክብር አምባሳደር)

🎯 የ2030 ግብ

ይህ ንቅናቄ እ.ኤ.አ. በ2030 የሕፃናት ካንሰር የመዳን ምጣኔን ወደ 60% ለማድረስ የተቀመጠውን ዓለም አቀፍ ግብ ለማሳካት የኢትዮጵያ ትልቅ እርምጃ ተደርጎ ተወስዷል።

ማኅበሩ ከሕክምናው ባሻገር ለቤተሰቦች ስነ-ልቦናዊ ድጋፍ በመስጠት ሕክምናን አቋርጦ የመሄድ ችግርን ለመቅረፍም በቁርጠኝነት እንደሚሰራ አስታውቋል።

​Getu Temesgen - (ጌጡ ተመስገን)
#ኢትዮጵያ #የሕፃናትካንሰር #ጤና #espho #ካንሰር #የሕፃናትጤና #ጤናሚኒስቴር #የደምካንሰር #ethiopia #childhoodcancer