በኢትዮጵያ የሕጻናት የደም እና የካንሰር ሕክምና ማኅበር ተመሠረተ
#ethiopia | በሀገራችን በየዓመቱ ከ6 ሺህ እስከ 8 ሺህ የሚደርሱ ሕጻናት በካንሰር በሽታ ቢያዙም አስፈላጊውን የሕክምና ዕርዳታ ማግኘት የሚችሉት ከ2 ሺህ የማይበልጡት ብቻ ናቸው።

የቀሩት ሕጻናት ደግሞ ስለ በሽታው በቂ ግንባቤ ባለመኖሩ፣ በቅርበት የሕክምና ተደራሽነት በማጣታቸው፣ የባለሙያ እጥረት በመኖሩ እንዲሁም በዝቅተኛ ማኅበረ-ኢኮኖሚያዊ ሁኔታ ውስጥ በመገኘታቸው ምክንያት ተገቢውን ዕርዳታ ሳያገኙ ለህልፈተ ሕይወት ይዳረጋሉ።

ይህን አሳሳቢ ችግር ለመቅረፍ በሁሉም የሀገሪቱ ክፍሎች የሚገኙ የሕጻናት የደምና የካንሰር ሐኪሞች በመተባበር የኢትዮጵያ የሕጻናት የደምና የካንሰር ማኅበርን ተመስርቷል።

ማኅበሩ በበሽታው ለሚሰቃዩ ሕጻናት ዘላቂ መፍትሔዎችን ለመንደፍ፣ ባለድርሻ አካላትን በጋራ ለማንቀሳቀስ፣ ማኅበረሰቡን ለማንቃት እና የስነ-ልቦና እንዲሁም የማኅበራዊ ድጋፍ ለመስጠት ያለመ ነው።

በተጨማሪም የአገልግሎት ተደራሽነትን በማስፋት እና በጥናትና ምርምር ላይ የተመሰረተ ዓለም አቀፋዊ ትስስር በመፍጠር፣ በካንሰር ምክንያት የአንድም ሕጻን ሕይወት የማይቀጠፍባትን ሀገር ለመገንባት በቁርጠኝነት ሥራውን ጀምሯል።

ይህንን ታላቅ ሀገራዊ ዓላማ ከግብ ለማድረስ ማኅበረሰቡን በማንቃት ረገድ የሚዲያ ባለሙያዎች ሚና ከፍተኛ በመሆኑ፣ ማኅበሩ ይፋዊ የምስረታ ሥነ ስርዓቱን በሒልተን ሆቴል አካሂዷል።

በዝግጅቱ ላይ ክብርት ሚኒስትሮች፣ የሀገር ውስጥና የውጭ ሀገር ከፍተኛ ምሁራን፣ ሕጻናትና ወላጆች፣ ተጽዕኖ ፈጣሪ የሚዲያ ባለሙያዎች እንዲሁም የድርጅት ሥራ አስኪያጆች ታድመዋል።

በተያያዘ ዜና በጨቅላ ሕጻናት ሰብ-ስፔሻሊስት ሐኪሞች የተመሰረተው የኢትዮጵያ የጨቅላ ሕጻናት ሕክምና ማኅበር ይፋዊ የምስረታ ጉባኤውን በዚሁ ዕለት በሒልተን አዲስ አበባ ሆቴል በደመቀ ሁኔታ አካሂዷል።

ይህ ታሪካዊ የምስረታ በዓል የጤና ጥበቃ ሚኒስቴር ዴኤታ ክቡር ዶክተር ደረጄ ዱጉማ፣ የማኅበሩ አመራሮች፣ የጨቅላ ሕጻናት ስፔሻሊስት ሐኪሞች፣ ነርሶች፣ ባለድርሻ አካላት እና ደጋፊ መንግስታዊ ያልሆኑ ድርጅቶች በተገኙበት በይፋ ተከብሯል።

ይህ ማኅበር ከሕጻናት ስፔሻሊስት ሐኪሞች፣ ከጨቅላ ሕጻናት ፌሎው ስፔሻሊስት ተማሪ ሐኪሞች፣ ከጨቅላ ሕጻናት ነርሶች፣ እንዲሁም ማንኛውም በጨቅላ ሕጻናት ጤና ላይ ከሚሰሩ የጤና ባለሙያዎች ጋር በመተባበር በሀገሪቱ የሚወለዱ ጨቅላ ሕጻናትን ሕይወት ለመታደግ በትጋት እንደሚሰራ አስታውቋል።

የዚህ ታላቅ የምስረታ ጉባኤ መሪ ቃል ጤናማ ጅምር ለሁሉም አራስ ልጆች የሚል ነበር።

ኢትዮጵያ ባለፉት ዓመታት ከ5 ዓመት በታች ያሉ ሕጻናትን ሞት በመቀነስ ረገድ ከፍተኛ ስኬት ያስመዘገበች ቢሆንም፣ የጨቅላ ሕጻናት ማለትም ከተወለዱ ጀምሮ እስከ 28 ቀናት ባለው ጊዜ ውስጥ ያሉ ሕጻናት ሞት አሁንም ከፍተኛ ሀገራዊ ትኩረት የሚሻ ፈተና ሆኖ ቀጥሏል።

የቅርብ ጊዜ መረጃዎች እንደሚያሳዩት በሀገሪቱ ከሚከሰቱት ከ5 ዓመት በታች ካሉ ሕጻናት ሞት ውስጥ ወደ ግማሽ የሚጠጋው ድርሻ የጨቅላ ሕጻናት ሞት ነው።

በየዓመቱ በሺዎች የሚቆረጠሩ ጨቅላ ሕጻናት ሊከላከሏቸው እና ሊታከሙ በሚችሉ ከመወለጃ ቀናቸው ቀድሞ መወለድ፣ መታፈን እና በኢንፌክሽን ምክንያት ሕይወታቸውን ያጣሉ።

ይህ አሃዝ እንደሚያሳየው የማኅበሩ መመስረት እና የባለሙያዎች ቅንጅት በሀገሪቱ የእንክብካቤ ጥራትን ለማሻሻል እና የዘላቂ ልማት ግቦችን ለማሳካት ወሳኝ ሚና ይጫወታል።

የጤና ጥበቃ ሚኒስቴር ዴኤታ ዶክተር ደረጄ ዱጉማ ባስተላለፉት መልዕክት፣ የኢትዮጵያ የጨቅላ ሕጻናት ሕክምና ማኅበር መመስረት የጤና ጥበቃ ሚኒስቴር የጨቅላ ሕጻናትን ሞት ለመቀነስ ለሚያደርገው አገራዊ ጥረት ታላቅ አቅም የሚፈጥር መሆኑን ገልጸዋል።

መንግስት የጨቅላ ሕጻናትን የሕክምና አገልግሎት ተደራሽነት እና ጥራት ለማሻሻል የፖሊሲ እና የስትራቴጂ ትኩረት ሰጥቶ እየሰራ እንደሚገኝና ይህ ማኅበር በማስረጃ ላይ የተመሰረቱ የሕክምና አሰራሮችን በመዘርጋት እና የባለሙያዎችን አቅም በመገንባት ረገድ ከሚኒስቴር መስሪያ ቤቱ እና ከሌሎች አጋር አካላት ጋር በቅርበት እንደሚሰራ ሙሉ እምነት እንዳላቸው ገልጸዋል።

የማኅበሩ ፕሬዝዳንት ዶክተር አስራት ድምፀ በበኩላቸው ባደረጉት ንግግር፣ ማኅበሩ ጤናማ ጅምር ለሁሉም ጨቅላ ሕጻን በሚል መሪ ቃል የተመሰረተ መሆኑን ጠቅሰው፣ ዋነኛ ዓላማቸው በኢትዮጵያ የሚወለድ እያንዳንዱ ጨቅላ ሕጻን በወቅቱ የሚገኝ፣ ደህንነቱ የተጠበቀ፣ ፍትሀዊ፣ በሳይንሳዊ ማስረጃ የተደገፈ፣ ከፍተኛ ጥራት ያለውና ርህራሄ የተሞላበት የጨቅላ ሕጻናት ሕክምናና እንክብካቤ እንዲያገኝ ማስቻል እንደሆነ አስረድተዋል።

ዛሬ በይፋ ሥራ ሲጀመር ሁሉንም ባለድርሻ አካላት ያካተተ ቅንጅታዊ አሰራር በመፍጠር የሕጻናትን ሞት ለመቀነስ መቁረጣቸውን አስታውቀዋል።

የኢትዮጵያ የጨቅላ ሕጻናት ሕክምና ማኅበር በሀገሪቱ የሕክምና ሥርዓት ውስጥ ዘላቂ ለውጥ ለማምጣት አራት ዋና ዋና የትኩረት አቅጣጫዎችን ይዞ እየተንቀሳቀሰ ይገኛል።

እነሱም በጨቅላ ሕጻናት ሕክምና ዙሪያ የሚሰሩ ባለሙያዎችን አቅም በስልጠና እና በትምህርት ማሳደግ፣ በሳይንሳዊ ማስረጃዎችና ምርምሮች ላይ የተመሰረቱ የሕክምና አሰራሮችን መዘርጋትና ማሻሻል፣ ለጨቅላ ሕጻናት ጤናና ደህንነት ምቹ የሆኑ ሀገራዊ የጤና ፖሊሲዎች እንዲቀረፁና እንዲሻሻሉ ተፅዕኖ መፍጠር እንዲሁም የጨቅላ ሕጻናትን ጤና በተመለከተ ከተለያዩ ባለድርሻ አካላት ጋር በመተባበር አገልግሎቱን ይበልጥ ተደራሽ ማድረግ እና ሰፊ የሕብረተሰብና የሙያተኞች ቅስቀሳ ማካሄድ ናቸው።

ማኅበሩ በሀገሪቱ የጨቅላ ሕጻናትን የጤና ችግሮች በዘላቂነት ለመቅረፍ ከመንግስታዊ ካልሆኑ ድርጅቶች፣ ከጤና ጥበቃ ሚኒስቴር እና ከሌሎች ዓለም አቀፍ የጤና ተቋማት ጋር በጋራ ለመስራት ሁልጊዜም በሩ ክፍት መሆኑን እያስታወሰ፣ ሕብረተሰቡና የጤና ባለሙያዎች ለዚህ ቅዱስ ዓላማ መሳካት የበኩላቸውን አስተዋፅኦ እንዲያበረክቱ ጥሪውን አቅርቧል።
#espho #childhoodcancer #esn #neonatology #healthcareethiopia #pediatriconcology #communityawareness #newbornhealth #ethiopiandoctors #getutemesgen #getu #ጌጡ #ጌጡተመስገን #addisababa

አምባሳደር ሌሊሴ ዱጋ የህፃናት ካንሰር ታካሚዎችን አለኝታነት አረጋገጡ
#ethiopia | ​በጽናት ካንሰርን ድል ያደረጉትና የህመሙን ፈተና በድል የተሻገሩት ክብርት አምባሳደር ሌሊሴ ዱጋ፣ ዛሬ የታካሚ ህፃናት ድምፅ ለመሆን በተግባር እንቅስቃሴ ጀምረዋል።

​የማኅበሩ ምርቃት፦
የኢትዮጵያ የህፃናት ሄማቶሎጂ እና ኦንኮሎጂ ማኅበር (ESPHO) ቢሮን በይፋ መርቀው ሥራ አስጀምረዋል።

​የሆስፒታል ጉብኝት፦
በጥቁር አንበሳ ስፔሻላይዝድ ሆስፒታል የሚገኘውን የህፃናት ኦንኮሎጂ ማዕከል በመጎብኘት ለህፃናቱ አጋርነታቸውን አሳይተዋል።

​ ከተስፋ አዲስ (TAPCCO) ጋር
የካንሰር ታካሚ ህፃናትንና ወላጆቻቸውን በማበረታታት “ለኢትዮጵያ ህፃናት ተስፋ የመሆን ንቅናቄ” አካል መሆናቸውን አረጋግጠዋል።

የማኅበሩ ፕሬዝዳንት ዶ/ር አቤል ኃይሉ እንደገለጹት፣ በኢትዮጵያ በየዓመቱ ከ6,000 እስከ 8,000 የሚደርሱ ህፃናት በካንሰር በሽታ ይያዛሉ። የአምባሳደሯ ቁርጠኝነት ለእነዚህ ህፃናት የተሻለ ህክምናና እንክብካቤ ለማቅረብ የሚደረገውን ጉዞ ያፋጥነዋል።

​"ለካንሰር ህሙማን ድምፅ መሆን የሰብአዊነት ቁንጮ ነው! ለአምባሳደር ሌሊሴ ዱጋ ምስጋና ይገባቸዋል።" 🙌💛

​#getu #espho #childhoodcancer #ambassadorleliseduga #hopeforchildren #ethiopiahealth #tapcco #cancerawareness #supportkids #አምባሳደርሌሊሴዱጋ #የህፃናትካንሰር #ተስፋአዲስ #ጥቁርአንበሳ #ጌጡተመስገን #getutemesgen

🎗️ በኢትዮጵያ የሕፃናት የካንሰር መሞትን ለመታደግ አዲስ ምዕራፍ ተከፈተ

📌"ማንም ሕፃን በካንሰር ምክንያት መሞት የለበትም"
#ethiopia | በኢትዮጵያ በየዓመቱ እስከ 8,000 የሚደርሱ ሕፃናት በካንሰር በሽታ እንደሚጠቁ ቢገመትም፣ የሕክምና ዕድል የሚያገኙት ግን ከሩብ በታች (2,000 ያነሱ) መሆናቸው ይታወቃል። ይህንን አሳሳቢ ክፍተት ለመሙላት እና የሕፃናትን ሞት ለመቀነስ ያለመው የኢትዮጵያ የሕፃናት ደም እና ካንሰር ሕክምና ማኅበር (ESPHO) ጥር 4 ቀን 2018 ዓ.ም. በአዲስ አበባ በይፋ ተመስርቷል።

📊 የችግሩ ስፋት እና የማኅበሩ ራዕይ

በበለፀጉ ሀገራት የሕፃናት ካንሰር የመዳን ምጣኔ 85% ቢደርስም፣ በኢትዮጵያ ግን በግንዛቤ እጥረት እና በምርመራ መዘግየት ምክንያት አሁንም ውጤቱ እጅግ ዝቅተኛ ነው።

አብዛኞቹ ሕፃናት ወደ ሕክምና ተቋም የሚመጡት በሽታው በጠናበት (ደረጃ 3 ወይም 4) ላይ መሆኑ የሕይወት መታደግ ጥረቱን ፈታኝ አድርጎታል።

ማኅበሩ ይህንን ምስቅልቅል ለመቀየር የሚከተሉትን ግቦች ሰንቋል፦

* ቀድሞ ምርመራ፦ ሕፃናት በሽታው ሳይጸናባቸው ወደ ሕክምና እንዲመጡ ግንዛቤ መፍጠር።

* ወጥ ሕክምና፦ በመላ ሀገሪቱ ጥራት ያለውና ፍትሃዊ የሕክምና አገልግሎት እንዲዳረስ መስራት።

* ምርምርና ስልጠና፦ በዘርፉ ያሉ ባለሙያዎችን አቅም ማሳደግና በመረጃ ላይ የተደገፈ ሕክምና መስጠት።

🤝 ዓለም አቀፍ ትብብር እና ተስፋ

በምስረታው ላይ የጤና ሚኒስቴር ሚኒስትር ዴኤታ ዶ/ር ደረጀ ዱጉማ እና የ "ሲኦፕ አፍሪካ" ፕሬዝዳንት ፕሮፌሰር ጄኒፈር ጊል የቸገኙ ሲሆን የፕሮፌሰሯ መገኘት ኢትዮጵያ በአፍሪካ የሕፃናት ካንሰር ሕክምና ያላትን ሚና የሚያጎላ ሲሆን፣ ሀገራችን የ2027ቱን የሲኦፕ አፍሪካ (SIOP Africa) ጉባኤ እንድታስተናግድም ፍላጎት እንዳላት ተገልጿል።

💬 ከአመራሮቹ አንደበት

"የማኅበሩ መመስረት የሕፃናትን ስቃይ ለመቀነስ ያለብንን ሙያዊና ሞራላዊ ግዴታ ለመወጣት ትልቅ አቅም ይፈጥራል።" — ዶ/ር አቤል ኃይሉ (የማኅበሩ ፕሬዝዳንት)

"አላስፈላጊ ስቃይን የምናስቆምበት አዲስ የታሪክ ምዕራፍ መጻፍ አለብን።" — ሌሊሴ ዱጋ (ብሔራዊ የክብር አምባሳደር)

🎯 የ2030 ግብ

ይህ ንቅናቄ እ.ኤ.አ. በ2030 የሕፃናት ካንሰር የመዳን ምጣኔን ወደ 60% ለማድረስ የተቀመጠውን ዓለም አቀፍ ግብ ለማሳካት የኢትዮጵያ ትልቅ እርምጃ ተደርጎ ተወስዷል።

ማኅበሩ ከሕክምናው ባሻገር ለቤተሰቦች ስነ-ልቦናዊ ድጋፍ በመስጠት ሕክምናን አቋርጦ የመሄድ ችግርን ለመቅረፍም በቁርጠኝነት እንደሚሰራ አስታውቋል።

​Getu Temesgen - (ጌጡ ተመስገን)
#ኢትዮጵያ #የሕፃናትካንሰር #ጤና #espho #ካንሰር #የሕፃናትጤና #ጤናሚኒስቴር #የደምካንሰር #ethiopia #childhoodcancer