በ‘ቤርሙዳ ትሪያንግል’ ምስጢራዊ ክልል አቅራቢያ አውሮፕላኑ ተሰወረ
#ethiopia | ከበርሙዳ ወደ ቦስተን ሲበር የነበረ የህክምና አውሮፕላን (Air Ambulance) መሰወሩ ተገለጸ።

ከበርሙዳ ተነስቶ ወደ አሜሪካ ቦስተን ከተማ በመጓዝ ላይ የነበረ የህክምና አውሮፕላን በድንገት ከራዳር እይታ ውጭ መሆኑንና የፍለጋ ስራ መጀመሩን የአሜሪካ የባህር ጥበቃ አስታወቀ።

በካናዳው 'Latitude Air Ambulance' ተቋም የሚንቀሳቀሰው በዚህ አውሮፕላን ውስጥ አብራሪዎችንና የህክምና ባለሙያዎችን ጨምሮ 6 ሰዎች ተሳፍረውበት እንደነበር ተገልጿል።

አውሮፕላኑ በማሳቹሴትስ ግዛት ከሚገኘው የናንቱኬት ደሴት አቅራቢያ በሚገኘው የአትላንቲክ ውቅያኖስ አካባቢ ሲደርስ የቁጥጥር ማዕከሉ ግንኙነት ተቋርጧል ተብሏል።

አውሮፕላኑ በ24,000 ጫማ ከፍታ ላይ እየበረረ በነበረበት ወቅት በሁለት ደቂቃ ውስጥ በፍጥነት 13,000 ጫማ ያህል ወደ ታች ወርዶ ከራዳር መሰወሩን የበረራ መከታተያ መረጃዎች ያሳያሉ።

የአሜሪካ የባህር ጥበቃ እና የፌደራል ኤቪዬሽን አስተዳደር (FAA) ከአየርና ከባህር ላይ ፈጣን የፍለጋ ስራ መጀመራቸው ታውቋል።

በቅርብ በተገኘ መረጃም የአውሮፕላኑ ስብርባሪዎች በውቅያኖሱ ላይ መታየታቸው ተጠቅሷል።

የአቪዬሽን ደህንነት ባለሙያዎች አደጋው በትክክል በምን እንደተከሰተ ሙሉ በሙሉ ለማወቅ የአውሮፕላኑ የድምፅ እና የበረራ መረጃ መዝጋቢዎች ከውቅያኖሱ ተፈልገው መውጣት እንዳለባቸው አጽንኦት ሰጥተዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #airambulance #uscoastguard #bermuda #nantucket #missingaircraft #aviationnews






በ‘ቤርሙዳ ትሪያንግል’ ምስጢራዊ ክልል አቅራቢያ አውሮፕላኑ ተሰወረ
#ethiopia | ከበርሙዳ ወደ ቦስተን ሲበር የነበረ የህክምና አውሮፕላን (Air Ambulance) መሰወሩ ተገለጸ።

ከበርሙዳ ተነስቶ ወደ አሜሪካ ቦስተን ከተማ በመጓዝ ላይ የነበረ የህክምና አውሮፕላን በድንገት ከራዳር እይታ ውጭ መሆኑንና የፍለጋ ስራ መጀመሩን የአሜሪካ የባህር ጥበቃ አስታወቀ።

በካናዳው 'Latitude Air Ambulance' ተቋም የሚንቀሳቀሰው በዚህ አውሮፕላን ውስጥ አብራሪዎችንና የህክምና ባለሙያዎችን ጨምሮ 6 ሰዎች ተሳፍረውበት እንደነበር ተገልጿል።

አውሮፕላኑ በማሳቹሴትስ ግዛት ከሚገኘው የናንቱኬት ደሴት አቅራቢያ በሚገኘው የአትላንቲክ ውቅያኖስ አካባቢ ሲደርስ የቁጥጥር ማዕከሉ ግንኙነት ተቋርጧል ተብሏል።

አውሮፕላኑ በ24,000 ጫማ ከፍታ ላይ እየበረረ በነበረበት ወቅት በሁለት ደቂቃ ውስጥ በፍጥነት 13,000 ጫማ ያህል ወደ ታች ወርዶ ከራዳር መሰወሩን የበረራ መከታተያ መረጃዎች ያሳያሉ።

የአሜሪካ የባህር ጥበቃ እና የፌደራል ኤቪዬሽን አስተዳደር (FAA) ከአየርና ከባህር ላይ ፈጣን የፍለጋ ስራ መጀመራቸው ታውቋል።

በቅርብ በተገኘ መረጃም የአውሮፕላኑ ስብርባሪዎች በውቅያኖሱ ላይ መታየታቸው ተጠቅሷል።

የአቪዬሽን ደህንነት ባለሙያዎች አደጋው በትክክል በምን እንደተከሰተ ሙሉ በሙሉ ለማወቅ የአውሮፕላኑ የድምፅ እና የበረራ መረጃ መዝጋቢዎች ከውቅያኖሱ ተፈልገው መውጣት እንዳለባቸው አጽንኦት ሰጥተዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #airambulance #uscoastguard #bermuda #nantucket #missingaircraft #aviationnews

ቦይንግ 737 MAX 10 ምን ገጠመው?
#ethiopia | ቦይንግ አዲስ የሶፍትዌር ችግር ቢገጥመውም FAA በረራዎች እንዲቀጥሉ ፈቀደ።

የአሜሪካው የፌዴራል ሲቪል አቪዬሽን አስተዳደር (FAA) በቦይንግ 737 MAX የበረራ ኮምፒውተሮች ላይ የተገኘው የሶፍትዌር ችግር ምንም አይነት የደህንነት ስጋት እንደማያመጣ ገለጸ።

ይህ ውሳኔ ለዓመታት የፈቃድ መዘግየት ሲገጥመው ለቆየውና የ MAX ተቋም ትልቁ አውሮፕላን ለሆነው MAX 10 ይፋዊ ማረጋገጫ ለማግኘት መንገድ የከፈተ ሆኗል።

ተመሳሳይ ሶፍትዌር ለሚጠቀመው MAX 7 ተጠቃሚ አየር መንገዶችም እፎይታን ሰጥቷል ተብሏል።

አስተዳደሩ አብራሪዎች የአውሮፕላኑን ሙሉ ተቆጣጣሪነት የመያዝ ብቃት ስላላቸው እና የኮክፒት መረጃዎች ግልጽ በመሆናቸው ሶፍትዌሩ የበረራ አደጋ አያደርስም ብሏል።

ቦይንግ ለአብራሪዎች የማብራሪያ መመሪያ የሚያወጣ ሲሆን FAA ደግሞ ለአለም አቀፍ አቪዬሽን ተቆጣጣሪዎች ማብራሪያ እንደሚልክ ገልጻል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #aviationnews #boeing #boeing737max

አብራሪው አየር ላይ እያለ በስለት ተወጋ
#ethiopia | ከዱባይ ተነስተው ወደ እስራኤል በመብረር ላይ የነበረው የ"ፍላይ ዱባይ" ቦይንግ 737 MAX አውሮፕላን አየር ላይ እያለ አስደንጋጭ ክስተት አስተናግዷል።

በዋናው አብራሪ እና በምክትል አብራሪው መካከል በተፈጠረ የሃይል ግጭት ምክንያት አውሮፕላኑ አቅጣጫውን ቀይሮ በሳዑዲ አረቢያ ኤርፖርት እንዲያርፍ ተገዷል።

እንደ አለም አቀፍ የዜና ምንጮች ዘገባ ከሆነ አውሮፕላኑ የመደበኛ በረራ መንገዱን ይዞ በመጓዝ ላይ እያለ በአየር ላይ ባለው የአብራሪዎች ክፍለ ውስጥ በሁለቱ አብራሪዎች መካከል ከፍተኛ ጭቅጭቅ ተከሰተ።

የኦማን ዜግነት ያለው ምክትል አብራሪ የኤምሬትስ ዜግነት ያለውን ዋና አብራሪ በስለት ወግቶ ከባድ ጉዳት አድርሶበታል ተብሏል።

በግጭቱ ምክንያት ዋናው አብራሪ በደረሰበት ጉዳት በረራውን መቀጠል ባለመቻሉ እና አውሮፕላኑ አደጋ ውስጥ መሆኑን የተረዱት የኩባንያው አብራሪዎች በፍጥነት ወደ ኮክፒት በመግባት ግጭቱን መቆጣጠራቸው ታውቋል።

የእስራኤል የደህንነት እና የመረጃ ተቋም (ሞሳድ) ድርጊቱን አስመልክቶ በሰጠው የመጀመሪያ ደረጃ ፍንጭ በሁለቱ አብራሪዎች መካከል የተከሰተው ጥቃት "የሽብር ድርጊት" ሊሆን እንደሚችል ጠቁሟል።

ተቋሙ ድርጊቱ የታቀደ ይሁን ወይም አጋጣሚ በአየር ላይ የነበሩ ተሳፋሪዎችን እና የበርካታ ሀገራትን ደህንነት አደጋ ላይ የጣለ በመሆኑ ሰፊ የምርመራ ቡድን መመደቡን አስታውቋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #breakingnews #flydubai #aviationnews #dubaitotelaviv #flightsafety #saudiarabia #emergencylanding #mossad

አየር መንገዱ በድመቷ ምክንያት ተቀጣ!
#ethiopia | በቱርክ ኢስታንቡል ዓለም አቀፍ አውሮፕላን ማረፊያ ያልተጠበቀ እንግዳ የፈጠረችው ውዝግብ የአንድን የረጅም ርቀት በረራ ለሁለት ሰዓታት ያህል ለማስተጓጎል በቅታለች።

አንዲት ድመት ተሳፋሪዎችና የኤርፖርቱ ሠራተኞች ባልጠረጠሩት ሁኔታ አምልጣ ወደ አውሮፕላኑ ጭነት (ካርጎ) ክፍል ለመግባት በመሞከሯ ምክንያት መደበኛው የበረራ መርሃ ግብር እንዲስተጓጎል ሆኗል።

ድመቷ ወደ ጭነት ክፍሉ መግባቷ ከታወቀ በኋላ የበረራ ደህንነትን ለማረጋገጥ ሲባል የአውሮፕላኑ ሠራተኞች በአስቸኳይ ፍለጋ ማድረግ መጀመራቸውን ገለፁ።

ነገር ግን ድመቷ በተደረደሩት በርካታ ሻንጣዎችና እቃዎች መካከል ተሸሽጋ በመቆየቷ ምክንያት ፍለጋው ፈታኝና ጊዜ ወሳጅ ሆኖ አልፏል።

የካቢንና የምድር ላይ ሠራተኞቹ ባደረጉት ጥረት ድመቷን በቀላሉ ማግኘት ባለመቻላቸው ሁኔታውን ለመቆጣጠር የቴክኒክ ቡድን አባላት በአስቸኳይ ፍለጋ እንዲያደርጉ ተደርጓል።

የቴክኒክ ቡድኑና የአውሮፕላን ማረፊያው ሠራተኞች ባደረጉት የተቀናጀና ጥንቃቄ የተሞላበት ፍለጋ ድመቷ ያለ ምንም ጉዳት በሰላም ለመያዝ ተችላለች።

ከተያዘች በኋላም አስፈላጊውን እንክብካቤና ምርመራ እንድታገኝ ወደ ኤርፖርቱ የእንስሳት ማረፊያ ክፍል ተወስዳለች።

በዚህ ያልተለመደ ክስተት ምክንያት አውሮፕላኑ ከተያዘለት መደበኛ የመነሻ ሰዓት ሁለት ሰዓታት ዘግይቶ እንዲነሳ ተገዷል።

ተሳፋሪዎችም ድመቷ በሰላም መያዟንና የበረራው ደህንነት መረጋገጡን ተረድተው ጉዞአቸውን ቀጥለዋል ሲል ዩፒአይ አስነብቧል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #istanbulairport #flightdelay #catnews #aviationnews #oddnews

ከኢትዮጵያ አየር መንገድ ዋና ሥራ አስፈፃሚ ሹመት ጀርባ ያለው እውነት! አቶ መስፍን ጣሰውን በተመለከተ ሲናፈስ ለነበረው ወሬ በመጨረሻም እልባት ተሰጥቶታል። ምን ተወሰነ? ቪዲዮውን ተመልክተው እውነታውን ይወቁ! #ethiopianairlines #mesfintasew #aviationnews #newsupdate #flyethiopian

ሰበር ዜና - የኢትዮጵያ አየር መንገድ ወደ ትግራይ ክልል በረራዎችን ለማቋረጥ የሚገደድበትን ምክንያት የውስጥ ምንጮች ለዘ-ሐበሻ ገለጹ #newsupdate #ethiopiaairlines #aviationnews #geopolitics #sudan

በአቶ ግርማ ዋቄ የሚመራው የኡጋንዳ አየር መንገድ ከቦይንግ ኩባንያ ጋር የ982 ሚሊዮን ዶላር ግዙፍ ስምምነት አደረገ
#ethiopia | የኡጋንዳ ብሔራዊ አየር መንገድ 10 ዘመናዊ አውሮፕላኖችን ለመግዛት የሚያስችለውንና 982 ሚሊዮን ዶላር የሚያወጣውን ታሪካዊ የጋራ ስምምነት ከታዋቂው የቦይንግ ኩባንያ ጋር መፈራረሙ ታውቋል።

ይህ ከፍተኛ መዋዕለ ንዋይ የፈሰሰበት ግዢ አየር መንገዱ በፈረንጆቹ 2019 አገልግሎቱን በድጋሚ ከጀመረበት ጊዜ አንስቶ የፈጸመው ትልቁ የአውሮፕላን ኢንቨስትመንት ተብሎ ተመዝግቧል።

የስምምነቱ ማጠናቀቂያ የፊርማ ሥነ ሥርዓት በኢንቴቤ ቤተ መንግሥት የተከናወነ ሲሆን፣ የኡጋንዳው ፕሬዚዳንት ዮዌሪ ሙሴቬኒ በክብር ታዛቢነት ተገኝተዋል።

ይህንን ታላቅ ውል በኡጋንዳ አየር መንገድ ስም የፈረሙት ጊዜያዊ ዋና ሥራ አስፈጻሚው አቶ ግርማ ዋቄ ሲሆኑ፣ በቦይንግ ኩባንያ በኩል ደግሞ የአፍሪካ የሽያጭ ኃላፊው አቶ አንበሴ ይትባረክ ውሉን አጽድቀዋል።

በገንዘብ ሲሰላ በግምት 3 ነጥብ 7 ትሪሊዮን የኡጋንዳ ሺሊንግ የሚያወጣው ይህ የ10 አውሮፕላኖች ግዢ ጥቅል አራት የቦይንግ 787-9 ድሪምላይነር እና አራት የቦይንግ 737 ማክስ የመንገደኞች አውሮፕላኖችን ያካተተ ነው።

በተጨማሪም አንድ ወደ ጭነት አገልግሎት የተቀየረ ቦይንግ 767 እንዲሁም ሌላ አንድ ወደ ጭነት አጓጓዥነት የተቀየረ ቦይንግ 737 አውሮፕላን በስምምነቱ ውስጥ ተካተዋል።

ይህ የተወሰደው ስትራቴጂካዊ እርምጃ አየር መንገዱ ዓለም አቀፍ የመንገደኞች በረራውን በከፍተኛ ደረጃ ለማስፋፋት ከመጣር ባለፈ፣ በጭነት ትራንስፖርት ዘርፍም ጠንካራና ተወዳዳሪ ሆኖ ለመውጣት ያለውን ጽኑ ፍላጎት የሚያሳይ ነው።

በያፌት ገብረሕይወት

Getu Temesgen - (ጌጡ ተመስገን)
#ugandaairlines #boeing #aviationnews #girmawake #business #getutemesgen #getu #ጌጡ #ጌጡተመስገን #addisababa

ኢራን የአየር ክልሏን ክፍት አደረገች!

* የመጀመሪያው በረራ ተከናወነ

​ከእስራኤልና አሜሪካ ጋር በነበረው ጦርነት ምክንያት ተቋርጦ የቆየው የኢራን የበረራ አገልግሎት ዛሬ ሚያዚያ 17 ቀን 2018 ዓ.ም በይፋ መጀመሩ ተበሰረ። በቴህራን የሚገኘው ኢማም ኾሚኒ ዓለም አቀፍ አውሮፕላን ማረፊያ ከሁለት ወራት ዝምታ በኋላ በድጋሚ ስራ ጀምሯል።

​ በዛሬው ዕለት ከቴህራን ተነስተው ወደ ቱርክ (ኢስታንቡል)፣ ኦማን (ሙስካት) እና ሳዑዲ አረቢያ (መዲና) በረራዎች ተከናውነዋል።

​በኢራንና አሜሪካ መካከል የተደረሰውን ጊዜያዊ የተኩስ አቁም ተከትሎ፣ ዲፕሎማሲያዊ ጥረቶች በከፍተኛ ሁኔታ ቀጥለዋል።

​ የኢራን ውጭ ጉዳይ ሚኒስትር አባስ አራግቺ በፓኪስታን ከከፍተኛ አመራሮች ጋር የመከሩ ሲሆን፣ ሁለተኛ ዙር ከአሜሪካ ጋር የሚደረግ ውይይትም ይጠበቃል።

​የአሜሪካ ልዑክ፦ የፕሬዝዳንት ትራምፕ አማች ያሬድ ኩሽነር እና ልዩ መልዕክተኛው ስቲቭ ዊትኮፍ ወደ ኢስላማባድ በማቅናት በድርድሩ ላይ እንደሚሳተፉ ተገልጿል።

"በረራ መጀመር የሰላም የመጀመሪያው ምልክት ነው። ኢራንና አሜሪካ በፓኪስታን በኩል እያደረጉት ያለው ድርድር ውጤት ካመጣ፣ በመካከለኛው ምስራቅ ለወራት የቆየው ስጋት ሊቆም ይችላል። በተለይ ያሬድ ኩሽነር በድርድሩ ውስጥ መኖራቸው የትራምፕ አስተዳደር ለጉዳዩ የሰጠውን ትኩረት ያሳያል።"

​ሰማዩ ለሰላም ክፍት ሆኗል!

​#getu #irannews #middleeastpeace #aviationnews #tehranflight #jaredkushner #diplomacy #breakingnews #ኢራን #አሜሪካ #ሰበርመረጃ #በረራ #ጌጡተመስገን #getutemesgen

የመካከለኛው ምስራቅ ውጥረት ለኢትዮጵያ አየር መንገድ አዲስ የገበያ ዕድል ፈጠረ
#ethiopia | በመካከለኛው ምስራቅ እየተባባሰ የመጣው ጂኦፖለቲካዊ አለመረጋጋት ለኢትዮጵያ አየር መንገድ ያልተጠበቀ የገበያ ዕድል ይዞ መጥቷል። በእስራኤል፣ አሜሪካ እና ኢራን መካከል ያለው ግጭት በባህረ ሰላጤው አገራት የአየር ትራንስፖርት ላይ መስተጓጎል በመፍጠሩ፣ በርካታ የደቡብ አፍሪካ መንገደኞች አዲስ አበባን እንደ ዋነኛ የመሸጋገሪያ (Hub) ማዕከል መጠቀም ጀምረዋል።

የኢንዱስትሪ መረጃዎች እንደሚያመለክቱት፣ ከመጋቢት ወር መጀመሪያ ጀምሮ በኢትዮጵያ አየር መንገድ በኩል የሚደረጉ የቦታ ማስያዝ (Bookings) መጠኖች የ110% ድንገተኛ ጭማሪ አሳይተዋል። የFlight Centre South Africa የሥራ ኃላፊ ሱ ጋሬት እንደገለጹት፤ ይህ ለውጥ የመጣው በተለመዱት የበረራ መስመሮች ላይ በተፈጠሩ ስረዛዎችና የአየር ክልል ገደቦች ምክንያት ነው።

የዓለም አቀፉ የአየር ትራንስፖርት ማህበር (IATA) መረጃዎች እንደሚያሳዩት፣ አየር መንገዱ አሁን ካለው ቀውስ በፊትም ቢሆን በቁልፍ የጉዞ መስመሮች ላይ የበላይነቱን እያጠናከረ ቆይቷል፦

* ወደ ሕንድ፦ በ2025 በጆሃንስበርግ-ሙምባይ መስመር በአዲስ አበባ በኩል ከ69,000 በላይ መንገደኞችን በማጓጓዝ ቀዳሚው ምርጫ ሆኗል።

* ወደ ብሪታንያ፦ በደቡብ አፍሪካ እና በእንግሊዝ መካከል ባለው መስመር ኤምሬትስን በ39,000 መንገደኞች በመብለጥ ትልቁ ቀጥተኛ ያልሆነ አጓጓዥ ለመሆን በቅቷል።

* ወደ አሜሪካ፦ በደቡብ አፍሪካ እና በአሜሪካ መካከል በሚደረግ ጉዞ ከዩናይትድ እና ከዴልታ በመቀጠል በሦስተኛ ደረጃ ላይ በመቀመጥ ጠንካራ ተወዳዳሪነቱን አስመስክሯል።

ይህ ወቅታዊ ክስተት የኢትዮጵያ አየር መንገድ በአፍሪካና በዓለም አቀፍ ደረጃ ያለውን ስትራቴጂካዊ ተመራጭነት ይበልጥ እያሳደገው ይገኛል ያለው ካፒታል ነው።

Getu Temesgen - (ጌጡ ተመስገን)
#getutemesgen #getu #ጌጡ #ethiopianairlines #aviationnews #middleeastcrisis #ethiopia #addisababahub #globaltravel #businessnews #africarising

በኒጀር ጉዳት የደረሰባቸው የአስካይ አውሮፕላኖች ተጠግነው ወደ ስራ ሊመለሱ ነው
#ethiopia | ባለፈው ሐሙስ ጥር 21 ቀን 2018 ዓ.ም በኒጀር ዋና ከተማ ኒያሚ አውሮፕላን ማረፊያ ላይ በደረሰ ጥቃት ጉዳት አስተናግደው የነበሩት ሁለት የአስካይ (Asky) አየር መንገድ አውሮፕላኖች ጥገና ተደርጎላቸው በቅርቡ በረራ እንደሚጀምሩ የኢትዮጵያ አየር መንገድ አስታወቀ።

ስለ ጥቃቱና ስለ አውሮፕላኖቹ ሁኔታ ቁልፍ መረጃዎች፡

* የጉዳቱ መጠን፦ ወደ ስፍራው የተላከው የቴክኒክ ቡድን ባደረገው ፍተሻ በአውሮፕላኖቹ ላይ የደረሰው ጉዳት መጠነኛ መሆኑ ተረጋግጧል።

* የአውሮፕላኑ አይነት፦ ጉዳት የደረሰባቸው ሁለቱ አውሮፕላኖች ቦይንግ 737 (Boeing 737) ሞዴሎች ናቸው።

* ባለቤትነትና ምዝገባ፦ አውሮፕላኖቹ የኢትዮጵያ አየር መንገድ አጋር የሆነው አስካይ በኢትዮጵያ አየር መንገድ በኩል የተከራያቸው ሲሆኑ፣ በኢትዮጵያ ሲቪል አቪዬሽን ባለስልጣን ስር የተመዘገቡ ናቸው።

አየር መንገዱ አክሎ እንደገለጸው፣ አስፈላጊው የጥገና ስራ ተጠናቆ አውሮፕላኖቹ በቅርቡ መደበኛ የንግድ አገልግሎታቸውን እንደሚቀጥሉ ይጠበቃል።

Getu Temesgen - (ጌጡ ተመስገን)
#getutemesgen #getu #ጌጡ #ethiopianairlines #askyairlines #aviationnews #niamey #ethiopia #niger

✈️ የአሜሪካው "የሚበር ቤተ-መንግሥት" በ2026 ስራ ሊጀምር ነው!
#ethiopia | ከኳታር ንጉሣዊ ቤተሰብ በስጦታ የተገኘውና እጅግ ዘመናዊው ቦይንግ 747-8 አውሮፕላን፣ እንደ አውሮፓውያኑ አቆጣጠር በሰኔ 2026 የአሜሪካ ፕሬዝዳንትን ማገልገል እንደሚጀምር የአሜሪካ አየር ኃይል አስታወቀ።

ለምን አዲስ አውሮፕላን አስፈለገ?

በአሁኑ ወቅት ፕሬዝዳንቱ የሚጠቀሙባቸው "ኤር ፎርስ ዋን" (Air Force One) አውሮፕላኖች በማርጀታቸው በተደጋጋሚ የቴክኒክ ብልሽት እያጋጠማቸው ይገኛል። በቅርቡ እንኳ ፕሬዝዳንቱ በጉዞ ላይ እያሉ በኤሌክትሪክ ብልሽት ምክንያት ጉዟቸው ተቋርጦ በሌላ አውሮፕላን ለመቀየር መገደዳቸው ይታወሳል።

የአውሮፕላኑ ልዩ ባህሪያት፦

* ነጻ ስጦታ፦ አውሮፕላኑ 400 ሚሊዮን ዶላር የሚያውጣ ቢሆንም፣ የኳታር ንጉሣዊ ቤተሰብ ለአሜሪካ በነጻ ያበረከቱት ነው።

* ከፍተኛ ጥበቃ፦ አውሮፕላኑ ከውጭ ሀገር የመጣ በመሆኑ፣ ማንኛውንም የደህንነት ስጋት ለማስቀረት በሚስጥር እየተፈተሸ ይገኛል።

* ቴክኖሎጂ፦ በቴክሳስ በሚገኝ ተቋም ውስጥ ለፕሬዝዳንታዊ አገልግሎት የሚመጥኑ ዘመናዊ የመገናኛና የመከላከያ መሣሪያዎች እየተገጠሙለት ነው።
ክርክርና ምላሽ፦

ይህ ስጦታ "የውጭ ሀገር ተጽዕኖን ሊያመጣ ይችላል" በሚል በአሜሪካ የፖለቲካ ክበቦች ውስጥ ቅሬታ ቢያስነሳም፣ የትራምፕ አስተዳደር ግን "የግብር ከፋዩን ሕዝብ ገንዘብ ለመቆጠብና የአውሮፕላን እጥረቱን ለመቅረፍ የተወሰደ ብልህ እርምጃ ነው" ሲል ተከላክሏል።

አውሮፕላኑ የፕሬዝዳንት ትራምፕ የሥልጣን ዘመን ሲያበቃ ለፕሬዝዳንታዊ ቤተ-መጻሕፍት መታሰቢያነት እንዲውል የታቀደ ሲሆን፣ እስከዚያው ግን "VC-25 Bridge Aircraft" በሚል የሽግግር ስም ያገለግላል።

Getu Temesgen - (ጌጡ ተመስገን)
#usa #airforceone #donaldtrump #qatar #boeing747 #aviationnews #politics #ethiopia #militarytech #whitehouse

🚀 F-16 Fighting Falcon፡ የሰማይ ላይ ንጉስ እና የጦር ሜዳዎች ፈርጥ!

በዘመናዊ የጦር አውሮፕላኖች ታሪክ ውስጥ እንደ F-16 ስሙ የገነነ እና በአለም ዙሪያ ተመራጭ የሆነ ጀት የለም። ይህ አውሮፕላን ለምን የብዙ ሀገራት አየር ኃይል የጀርባ አጥንት ሊሆን ቻለ?

🔹 የF-16 አመጣጥ እና ስሪት
F-16 በመጀመሪያ የተሰራው በአሜሪካው ሎክሂድ ማርቲን (Lockheed Martin) ኩባንያ ነው። መጀመሪያ ላይ ለቀላል የአየር ላይ ውጊያ (Dogfighting) ታስቦ የተሰራ ቢሆንም፣ አሁን ላይ ግን ለማንኛውም ዓይነት ተልዕኮ (Multi-role) የሚበቃ ብቃት ያለው ድንቅ ጀት ሆኗል።

🔹 የማጥቃት ብቃቱ (Combat Capability)

F-16 ሁለገብ የሚባለው ያለምክንያት አይደለም እነዚህን ገዳይ ችሎታዎች የታጠቀ ነው፡

* የአየር ላይ ውጊያ (Air-to-Air): እጅግ ዘመናዊ የሆኑ እንደ AIM-120 AMRAAM ያሉ ሚሳኤሎችን በመጠቀም የጠላት ጀትን ሳያዩት ከሩቅ የመምታት አቅም አለው።

* የምድር ጥቃት (Air-to-Ground): በሌዘር የሚመሩ ቦምቦችን እና ሚሳኤሎችን በመሸከም የጠላትን ምሽግ፣ ታንክ እና ራዳር በከፍተኛ ትክክለኛነት ያወድማል።

* ኤሌክትሮኒክ ውጊያ: የጠላትን ራዳር የማታለል እና የመርበሽ (Jamming) የቴክኖሎጂ የበላይነት አለው።

🔹 ልዩ የሚያደርጉት ቴክኒካዊ ብቃቶች

* ፍጥነት እና ቁመት፦ ከድምፅ ፍጥነት ሁለት እጥፍ በላይ (Mach 2.0) መብረር ይችላል። እስከ 50,000 ጫማ ከፍታ ላይ ሆኖ የመዋጋት አቅም አለው።

* ተለዋዋጭነት (Maneuverability): በጠባብ ቅፅበት ውስጥ የመታጠፍ እና የመገልበጥ ብቃቱ ተወዳዳሪ የለውም። ይህ ለቅርብ ርቀት ውጊያ እጅግ አስፈላጊ ነው።

* የአብራሪው እይታ፦ የF-16 የመስታወት ክዳን (Canopy) 360 ዲግሪ እይታን ለአብራሪው ይሰጣል። ይህም በውጊያ ወቅት ጠላትን ለመቆጣጠር ይረዳል።

🔹 ለምን አሁንም ተፈላጊ ሆነ?

ምንም እንኳን አዳዲስ እንደ F-35 ያሉ ጀቶች ቢመጡም፣ F-16 አሁንም ተመራጭ የሆነው ለአጠቃቀም ቀላል በመሆኑ፣ የጥገና ወጪው ዝቅተኛ በመሆኑ እና በማንኛውም የአየር ሁኔታ ውስጥ መሥራት ስለሚችል ነው።

ኢትዮጵያ ይህንን የጦር ጀት ካልታጠቀች ብትታጠቅ ምን ይመስላችኃል?

ሀሳባችሁን በኮሜንት አጋሩን! 👇 #f16 #airforce #militarytech #aviationnews #ethiopia #defensenews

የአሜሪካና የኢራን ውጥረት አየር መንገዶችን እያስተጓጎለ ነው! ✈️🚫
#ethiopia | ​"ኤር ፍራንስ፣ ሉፍታንዛ፣ ኤር ካናዳ እና ኬኤልኤም ወደ መካከለኛው ምሥራቅ የሚያደርጉትን በረራ ሰረዙ"

​በአሜሪካ እና በኢራን መካከል ያለው ውጥረት ወደ ወታደራዊ ግጭት ሊያመራ ይችላል በሚል ስጋት፤ ታዋቂ ዓለም አቀፍ አየር መንገዶች በዛሬው ዕለት ቅዳሜ ወደተለያዩ የመካከለኛው ምሥራቅ ሀገራት የሚያደርጓቸውን በረራዎች መሰረዛቸውን ቢቢሲ ዘግቧል።

​የተሰረዙ በረራዎች እና መዳረሻዎች:

ኤር ፍራንስ (ፈረንሳይ)፣ ሉፍታንዛ (ጀርመን)፣ ኤር ካናዳ እና ኬኤልኤም (ኔዘርላንድስ) እንዲሁም ስዊስ ኤር እስከ እሁድ ድረስ ወደሚከተሉት ሀገራት አይበሩም፡-

እስራኤል
ሳዑዲ አረቢያ
የተባበሩት አረብ ኤምሬትስ

​ወደ ኢራን የሚደረጉ በረራዎች:

የጀርመኑ ሉፍታንዛ እስከ መጋቢት መጀመሪያ ድረስ እንዲሁም የኦስትሪያ አየር መንገድ እስከ የካቲት አጋማሽ ድረስ ወደ ኢራን የሚያደርጉትን በረራ መሰረዛቸው ታውቋል።

​የሀገራቱ ምላሽ:
ምንም እንኳን አየር መንገዶቹ በረራ ቢሰርዙም፤ የእስራኤል መከላከያ ሚኒስቴርም ሆነ የኢራን ሲቪል አቪየሽን "የአየር ክልላችን ክፍት ነው፤ የተለወጠ ነገር የለም" ሲሉ መረጃውን አስተባብለዋል።

​ወደ እነዚህ ሀገራት የጉዞ እቅድ ያላችሁ መረጃዎችን እንድትከታተሉ ይመከራል።

​ቢቢሲ

​#aviationnews #middleeast #flightcancellation #iran #usa #lufthansa #airfrance #travelalert

✈️ "የኢትዮጵያ አየር መንገድ የአፍሪካ ኩራት እና የአህጉሪቱ የትስስር ምሰሶ ነው" — ፕሮፌሰር ጆሴፍ ሜንሳህ
#ethiopia | የዮርክ ዩኒቨርሲቲ ምሁር የሆኑት ጋናዊው ፕሮፌሰር ጆሴፍ ሜንሳህ፣ የኢትዮጵያ አየር መንገድ አፍሪካን ከራሷና ከቀሪው ዓለም ጋር በማስተሳሰር ረገድ የሚጫወተው ሚና እጅግ የሚደነቅና "የአፍሪካ ኩራት" መሆኑን በተግባር እያረጋገጠ ነው አሉ።

ፕሮፌሰሩ ከኢቲቪ "አዲስ ዳያሎግ" ፕሮግራም ጋር በነበራቸው ቆይታ ያነሷቸው ዋና ዋና ነጥቦች፦

🌍 የአየር መንገዱ ስትራቴጂካዊ መስፋፋት

አየር መንገዱ በአፍሪካ ውስጥ በሎሜ፣ ሉሳካ እና ሊሎንግዌ፤ በዓለም አቀፍ ደረጃ ደግሞ ወደ ፊሊፒንስ እና ጄኔቫ አዳዲስ መዳረሻዎችን በመክፈት የጀመረውን ስትራቴጂካዊ ጉዞ አጠናክሮ መቀጠሉን ምሁሩ አድንቀዋል

🏗️ የቢሾፍቱ ግዙፍ አውሮፕላን ማረፊያ ፕሮጀክት

በ12.5 ቢሊዮን ዶላር የሚገነባው አዲሱ የቢሾፍቱ ዓለም አቀፍ አውሮፕላን ማረፊያ ለኢኮኖሚው ትልቅ አቅም እንደሚሆን ፕሮፌሰር ጆሴፍ ገልጸዋል።

ይህ ፕሮጀክት፦
* ለአፍሪካ ትስስር አዲስ የታሪክ ምዕራፍ ይከፍታል።

* ለበርካታ ዜጎች ሰፊ የሥራ ዕድል ይፈጥራል።

* ቦታን እና ጊዜን በማቀራረብ ረገድ ትልቅ ለውጥ ያመጣል።

📈 ማክሮ ኢኮኖሚ እና የወጣቱ አቅም

ኢትዮጵያ የጀመረችው የማክሮ ኢኮኖሚ ማሻሻያ "የመፍጠር እና የማደስ" ባህሪ እንዳለው የጠቆሙት ምሁሩ፣ መንግሥት ችግር ሲፈጠር ብቻ ምላሽ ከመስጠት ወጥቶ ለረጅም ጊዜ የሚዘልቁ ዕቅዶች ላይ ማተኮሩን አድንቀዋል። አክለውም፣ ኢትዮጵያ ያላት ከፍተኛ የወጣት ቁጥር ለቀጣይ ሁለት አሥርት ዓመታት ትልቁ ሀብቷ መሆኑን ገልጸው፣ ይህንን አቅም ለመጠቀም በቂ የሥራ ዕድል መፍጠር እንደሚገባ አሳስበዋል።

ኢትዮጵያ የጀመረችው ይህ ስትራቴጂካዊ እርምጃ ሀገሪቱን ወደ ተሻለ ምዕራፍ እንደሚያሸጋግራት ፕሮፌሰር ጆሴፍ ሜንሳህ ያላቸውን እምነት ገልጸዋል።

Getu Temesgen - (ጌጡ ተመስገን)
#ethiopianairlines #africanpride #economicreform #aviationnews #ethiopia #professorjosephmensah #addisdialogue #africaunion #strategicplanning