ጠቅላይ ሚኒስትር ዐቢይ አሕመድ (ዶ/ር) የካቢኔያቸውን እጩ አባላት ለምክር ቤቱ አቅርበዋል፡፡

በዚሁ መሠረት፡

1. ተመስገን ጥሩነህ - ምክትል ጠቅላይ ሚኒስትር
2. ጌዲዮን ጢሞቲዮስ (ዶ/ር) - የውጭ ጉዳይ ሚኒስትር
3. አዲሱ አረጋ (ዶ/ር) - የግብርና ሚኒስትር
4. ፍጹም አሰፋ (ዶ/ር) - የገንዘብ ሚኒስትር
5. አቶ መሃመድ እድሪስ - የመከላከያ ሚኒስትር
6. ብርሃኑ ነጋ (ፕ/ር) - የትምህርት ሚኒስትር
7. ወ/ሮ ሃና አርአያሥላሴ - የፍትሕ ሚኒስትር
8. ወ/ሮ ያስሚን ወሃብረቢ - የንግድና ቀጣናዊ ትስስር ሚኒስትር
9. ፍስሃ ይታገሱ (ዶ/ር) - የኢንዱስትሪ ሚኒስትር
10. ሃብታሙ ኢተፋ (ዶ/ር) - የውሃ እና ኢነርጂ ሚኒስትር
11. መቅደስ ዳባ (ዶ/ር) - የጤና ሚኒስትር
12. አቶ አወሉ አብዲ- የሥራና ክህሎት ሚኒስትር
13. ወ/ሮ አይናለም ንጉሴ - የገቢዎች ሚኒስትር
14. አቶ በረከት ፍስሃጽዮን - የብሔራዊ ስትራቴጂ ሚኒስትር
15. ሰላማዊት ካሳ- የባህልና ቱሪዝም ሚኒስትር
16. ወ/ሮ ዓለምጸሃይ ጳውሎስ - የማዕድን ሚኒስትር
17. አቶ ሳዳት ነሻ - የሎጂስቲክስ ሚኒስትር
18. ወ/ሮ ሻዊት ሻንካ - የሴቶችና ማህበራዊ ጉዳይ ሚኒስትር
19. አቶ ሙሳ አደም - የሰላም ሚኒስትር
20. ወ/ሮ ፍሬሕይወት ታምሩ - የኢኖቬሽንና ቴክኖሎጂ ሚኒስትር
21. መሃመድ አብዱራሃማን (ኢ/ር) - የከተማና መሰረተ ልማት ሚኒስትር
22. ሱልጣን ወሊ (ዶ/ር) - የመስኖ እና ቆላማ አካባቢ ሚኒስትር
23. አክሊሉ ታደሰ (ዶ/ር) - የወጣቶችና ስፖርት ሚኒስትር ሆነው በእጩነት ቀርበዋል፡፡

@YeneTube FikerAssefa

የሚኒስትሮች ሹመት ፀደቀ።

ጠ/ሚ ዐቢይ አሕመድ (ዶ/ር) ለህ/ ተ/ም/ቤት ያቀረቧቸው ዕጩ ሚኒስትሮች በሙሉ ድምጽ ፀድቀዋል።

በዚህም መሰረት፦

1. አቶ ተመስገን ጥሩነህ - ምክትል ጠቅላይ ሚኒስትር
2. ጌዲዮን ጢሞቲዮስ (ዶ/ር) - የውጭ ጉዳይ ሚኒስትር
3. አቶ አዲሱ አረጋ (ዶ/ር) - የግብርና ሚኒስትር
4. ፍጹም አሰፋ (ዶ/ር) - የገንዘብ ሚኒስትር
5. አቶ መሃመድ እድሪስ - የመከላከያ ሚኒስትር
6. ብርሃኑ ነጋ (ፕ/ር) - የትምህርት ሚኒስትር
7. ወ/ሮ ሃና አርአያሥላሴ - የፍትሕ ሚኒስትር
8. ወ/ሮ ያስሚን ወሃብረቢ - የንግድና ቀጣናዊ ትስስር ሚኒስትር
9. ፍስሃ ይታገሱ (ዶ/ር) - የኢንዱስትሪ ሚኒስትር
10. ሃብታሙ ኢተፋ (ዶ/ር) - የውሃ እና ኢነርጂ ሚኒስትር
11. መቅደስ ዳባ (ዶ/ር) - የጤና ሚኒስትር
12. አቶ አወሉ አብዲ- የሥራና ክህሎት ሚኒስትር
13. ወ/ሮ አይናለም ንጉሴ - የገቢዎች ሚኒስትር
14. አቶ በረከት ፍስሃጽዮን - የብሔራዊ ስትራቴጂ ሚኒስትር
15. ወ/ሮ ሰላማዊት ካሳ- የባህልና ቱሪዝም ሚኒስትር
16. ወ/ሮ ዓለምጸሃይ ጳውሎስ - የማዕድን ሚኒስትር
17. አቶ ሳዳት ነሻ - የሎጂስቲክስ ሚኒስትር
18. ወ/ሮ ሻዊት ሻንካ - የሴቶችና ማህበራዊ ጉዳይ ሚኒስትር
19. አቶ ሙሳ አደም - የሰላም ሚኒስትር
20. ወ/ሮ ፍሬሕይወት ታምሩ - የኢኖቬሽንና ቴክኖሎጂ ሚኒስትር
21. መሃመድ አብዱራሃማን (ኢ/ር) - የከተማና መሰረተ ልማት ሚኒስትር
22. ሱልጣን ወሊ (ዶ/ር) - የመስኖ እና ቆላማ አካባቢ ሚኒስትር
23. አክሊሉ ታደሰ (ዶ/ር) - የወጣቶችና ስፖርት ሚኒስትር ሆነው ተሹመዋል።

መስከረም 28 ቀን 2019 ዓ/ም

@tikvahethiopia

የዓለም ሻምፒዮኑ ጀግናው ክብሮም ንጉሴKebrom muaythia and kickboxing champion . ደማቅ የእውቅና እና የምስጋና ፕሮግራም ሊደረግለት ነው!

የሀገራችንን ሰንደቅ ዓላማ በዓለም አቀፍ መድረክ ላይ ከፍ ላደረጉ፣ የኢትዮጵያን ስም በኩራት ላስጠሩ ጀግኖች እውቅና መስጠትና ማበረታታት የሁላችንም ታሪካዊ ድርሻ ነው!
ኢትዮጵያውስጥ Ethio Fight Night አሸናፊ እንዲሁም
በታኅሣሥ ወር 2023 ዓ.ም (December 2023) በጣሊያን ሀገር በታዋቂው Fight Clubbing አዘጋጅነት በተካሄደው የዓለም የሞይታይ ሻምፒዮና (Muay Thai World Championship) ላይ በ67 ኪሎ ግራም ክብደት ሙሉ ኢትዮጵያን ወክሎ በመወዳደር፣ የዓለም ሻምፒዮን (World Champion) በመሆን የወርቅ ሜዳሊያ ያስገኘውና የሀገር ኩራት የሆነው የሳሪስ አዲሱ ሰፈር ልጅ ክብሮም ንጉሴ (The King) ታላቅ የክብር እና የምስጋና መርሃ ግብር ተዘጋጅቶለታል።

ክብሮም ንጉሴ በዓለም አቀፍ የማርሻል አርት መድረኮች (እንደ Bellator እና WPG Combat ያሉ) የብራዚልና የሌሎች ሀገራት ጠንካራ ተፎካካሪዎችን በበላይነት በመርታት የሚታወቅ፣ የሁለት ጊዜ የጣሊያን K1 ሻምፒዮን እና የኢንተርኮንቲኔንታል ሻምፒዮን በመሆን በፅናትና በደምና በላቡ የተጓዘ እውነተኛ የኢትዮጵያ አልማዝ ነው።

ይህንን ታላቅ ድል እና የሀገር ባለውለታ በደማቅ ሁኔታ ለመዘከር፣ መላው የሳሪስ ወጣቶች ከተለያዩ አጋር ድርጅቶችና ባለድርሻ አካላት ጋር በመተባበር ደማቅ የምስጋና እና የእውቅና መርሃ ግብር (Appreciation & Recognition Ceremony) አዘጋጅተዋል።

ይህ የምስጋና እና የእውቅና መርሃ ግብር ከ 500 በላይ ታዳሚዎች የሚሳተፉበት ሲሆን፣ የኢትዮፋይት (EthioFight)night )&etfc አዘጋጆች ፡ተወዳዳሪዎች እና አዘጋጆች፣ ታዋቂ የማህበራዊ ሚዲያ ተፅዕኖ ፈጣሪዎች፣ የሳሪስ ወጣቶችና የአካባቢው ማህበረሰብ እንዲሁም የክብር እንግዶችና አጋር ድርጅቶች በነቂስ የሚገኙበት ይሆናል።
የሰፈራችንን፣ የከተማችንንና የሀገራችንን ጀግና በጋራ ሆነን እንቀበለው፤ እናበረታታው! ሁላችሁም ሚዲያዎችና ስፖርት አፍቃሪዎች በዚህ ታሪካዊ ፕሮግራም ላይ እንድትታደሙ ጥሪያችንን እናስተላልፋለን።

ዓለም አቀፉ የMMA ተፋላሚ ቢኒያም ሽብሬ ወደ ዳውሮ ዞን ለሚያደርገው ጉብኝት ዝግጅት እየተደረገ ነው

ዓለም አቀፉ የMMA ተፋላሚ፣ ሁለገብ አርቲስት እና የሆሊዉድ እስታንት ማን ቢኒያም ሽብሬ በቀጣይ በደቡብ ምዕራብ ኢትዮጵያ ህዝቦች ክልል በዳውሮ ዞን የሚያደርገውን ጉብኝት እና የሚደረግለትን ደማቅ የአቀባበል ስነ-ስርዓት በተመለከተ የምክክር መድረክ ተካሄደ። በውይይቱ ላይ የደቡብ ምዕራብ ኢትዮጵያ ሙዚቀኞች ማህበር አመራሮች እና በርካታ ተወዳጅ ሙዚቀኞች በአዲስ አበባ ተገኝተው ዝግጅቱን በተመለከተ መክረዋል።

ይህ የባህል እና ስፖርት አምባሳደሩ ጉብኝት በዞኑ የሚገኙ የተፈጥሮ እና የባህል ሃብቶችን ለማስተዋወቅ እንዲሁም ለአካባቢው ወጣቶች መነቃቃትን ለመፍጠር ያለመ መሆኑ ተገልጿል። በውይይቱ ወቅት የማህበሩ አመራሮች አቀባበሉ በታላቅ ደመቅ እና ባህላዊ እሴቶችን በጠበቀ መልኩ እንዲከናወን አስፈላጊው ዝግጅት እየተደረገ መሆኑን አረጋግጠዋል።

በአዳማ ከተማ በሽርክና አብራት በምትሰራው ባልደረባዋ ላይ የአሲድ ውሀ የደፈችው ግለሰብ ተያዘች
 
በአዳማ ከተማ ደበላ ክፍለ ከተማ ኢሬቻ ቀበሌ በጋራ በመሆን ዳይመንድ የማሳጅ አገልግሎት አቋቁመው ሲሠሩ በቆዩ ሁለት ወጣቶች መካከል በተፈጠረ የገንዘብ አለመግባባት  ባለደረባዋ ላይ የአሲድ ውሀ የደፈችው ግለሰብ በቁጥጥር ስር መዋሏን የአዳማ ከተማ አስተዳደር ፖሊስ ዋና መምሪያ አስታውቋል።
 
መብራቴ ጅሬኛ እና ኬርያ እንድሪስ የተባሉ ሃያዎቹ አጋማሽ ዕድሜ ላይ የሚገኙት ሁለቱ ወጣቶች ቀደም ሲል በነበራቸው የሥራ ልምድ ተነሳስተው በ2018 ዓ.ም ጥር ወር ላይ ገንዘባቸውን በማዋጣት ሥራውን ጀምረው በሂደቱም ስኬታማ በመሆን ሌሎች ሁለት ሴት ሠራተኞችን ጭምር ቀጥረው ሲሠሩ ቆይተዋል።
 
ይሁን እንጂ ከስድስት ወራት ቆይታ በኋላ በገንዘብ ወጪ ዙሪያ አለመግባባት መፈጠሩን የአዳማ ከተማ አስተዳደር ፖሊስ ዋና መምሪያ የኮሚኒኬሽን ክፍል ኃላፊ ምክትል ኮማንደር ታምራት ጌታሁን ለብስራት ሬድዮ ገልጸዋል።

ሁኔታው እየባሰ ሲሄድም መብራቴ መግባባት ካልቻልን ገንዘባችንን ተካፋለን በተናጠል እንሥራ የሚል ሐሳብ ያቀረበች ሲሆን በኬርያ በኩል ግን ፈቃደኝነት ባለመኖሩ አለመግባባቱ እስከ ድብድብ ደርሶ ፖሊስ ጣልቃ ገብቶ አስማምቷቸው እንደነበር ተነግራል።
 
የሰፈነው ስምምነት ለቀናት እንኳን ሳይዘልቅ በነበረ የገንዘብ ጫና ውዝግብ ኬርያ ቀደም ሲል በያዘችው ቂም በስልክዋ ስትጫወት በነበረችው መብራቴ ላይ ከፍተኛ የአሲድ ውሀ በጭንቅላቷ ላይ ደፍታባታለች።
 
ጉዳቱን ተከትሎ የአካባቢው ማህበረሰብ በሰጠው ፈጣን ትብብርና በፖሊስ ርብርብ ተጎጂዋ ወዲያውኑ ወደ ሕክምና ተወስዳለች።ተጠርጣሪዋም በቁጥጥር ሥር የዋለች ሲሆን ፖሊስ ጉዳዩን አጣርቶ ለፍትህ እንደሚያቀርብ ኮማንደር ታምራት ጨምረው ለብስራት ሬድዮ ተናግረዋል።

በትግስት ላቀው
#ዳጉ_ጆርናል Photo

ሁለት ሚኒስቴር መስሪያ ቤቶች ላይ የስያሜ ለውጥ ተደረገ

መስከረም 27 ቀን 2019 ዓ.ም. (አሐዱ ሬድዮ) እንደ አዲስ የተቋቋሙት ሁለት ሚኒስቴር መ/ቤቶች ቀድሞ "የባህልና ስፖርት ሚኒስቴር" የነበረው በአዲሱ "የወጣቶች እና ስፖርት ሚኒስቴር" በሚል ተለውጧል።

ቀድሞ "የቱሪዝም ሚኒስቴር" የነበረው በአዲሱ "የባህልና ቱሪዝም ሚኒስቴር" በሚል መቋቋማቸው ተጠቁሟል።

7ተኛው የኢፌዲሪ የህዝብ ተወካዮች ምክር ቤት ዛሬ ባካሄደው 1ኛ ልዩ ስብሰባው በፌደራል መንግስት አስፈጻሚ አካላት ስያሜ፣ አደረጃጀት፣ ስልጣንና ተግባር ለመወሰን በቀረበው ረቂቅ አዋጅ ላይ እየመከረ ይገኛል።

የምክር ቤት አባልና የመንግሥት ተወካይ የተከበሩ አቶ ፍቃዱ ተሰማ በረቂቅ አዋጁ አስፈላጊነት ላይ አጭር ማብራሪያ አቅርበዋል።

በቀረበው ማብራሪያም ከዚህ በፊት በነበሩት 22 አስፈፃሚ አካላት ላይ የቁጥር ልዩነት እንደሌለና ከቁጥር አንፃር ሚኒስቴር መስሪያ ቤቶች በነበሩበት 22 ሆነው እንደሚቀጥሉ ተገልጿል።

ይህም ሆኖ በሁለት ሚኒስቴር መስሪያ ቤቶች ላይ ብቻ የስያሜ ለውጥ መደረጉንና ሁለት ሚኒስቴሮች አንደ አዲስ መቋቋማቸው ተብራርቷል።

በተጨማሪም ቀድሞ "የፕላንና ልማት ሚኒስቴር" የነበረው "የብሔራዊ ስትራቴጂ ሚኒስቴር" በሚል እና ቀድሞ "የትራንስፖርትና ሎጂስቲክስ ሚኒስቴር" የነበረው "የሎጂስቲክስ ሚኒስቴር" በሚል ስያሜያቸው መቀየሩ ተገልጿል።

በሚኒስቴር መ/ቤቶቹ ላይ ማሻሻያው ያስፈለገበት ምክንያት ይበልጥ ውጤታማ ለማድረግ እና ከተልዕኳቸው ጋር ለማጣጣም መሆኑም ተብራርቷል።

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

የትግራይ ሠራዊት አባላት ከዛሬ ጀምሮ በመቀሌ እንዲሰባሰቡ መንግስት ጥሪ አቀረበ
 
የብሔራዊ ተሃድሶ ምክትል ኮሚሽነር ብርጋዴር ጄኔራል ደርቤ መኩሪያው የትግራይ ሠራዊት አባላት ከዛሬ ጀምሮ በመቀሌ አካባቢ በተዘጋጀው የተሃድሶ ማዕከል እንዲሰባሰቡና ወደ ሰላማዊ ሕይወት እንዲመለሱ ጥሪ አቀረቡ።
 
ምክትል ኮሚሽነሩ በቪዲዮ በተሰራጨው አጭር መልዕክታቸው፤ የመንግሥት ጥሪን በመጠበቅ ላይ የሚገኙ በርካታ ታጣቂዎች እንዳሉ ገልጸው፣ ከዛሬ ረቡዕ ጀምሮ ወደተዘጋጀው የዲሞቢላይዜሽን ማዕከል መግባት እንደሚቻል አስታውቀዋል።
 
ጄኔራሉ፤ ለመልሶ ማቋቋምና ተሃድሶ (ዲ.ዲ.አር) ፕሮግራም የተዘጋጁ በርካታ ወጣቶች መኖራቸውን ጠቁመው፣ በአሁኑ ወቅት ወደ ሰላም ለመምጣት ከፍተኛ ፍላጎት ያላቸው በርካታ ታጣቂዎች በየአካባቢው በሚገኙ የመከላከያ ሠራዊት ዩኒቶች እጅ እየገቡ እንደሚገኙ አስታውቀዋል።
 
ምክትል ኮሚሽነሩ መንግሥት ለብሔራዊ ተሃድሶ ኮሚሽን አስፈላጊውን በጀት መመደቡንና ኮሚሽኑም ሥራውን ለማከናወን የሚያስችል ቁመና ላይ እንደሚገኝ ገልጸዋል። በተጨማሪም የትግራይ ወጣቶች ከጦርነት እሳት ወጥተው ወደ ሰላማዊ ሕይወት እንዲመለሱና የልማት ኃይል እንዲሆኑ ከዓለም አቀፉ ማኅበረሰብ በኩል ከፍተኛ ድጋፍ መኖሩን አስረድተዋል።
 
በመሆኑም ታጣቂዎች በየአካባቢው ለሚገኙ የመከላከያ ሠራዊት ዩኒቶች በግለሰብም ሆነ በተደራጀ መንገድ ሪፖርት በማድረግ፣ የጦር መሣሪያና ወታደራዊ ቁሳቁሶቻቸውን በማስረከብ በመቀሌ አካባቢ ወደተዘጋጀው የዲሞቢላይዜሽን ማዕከል እንዲገቡ ጥሪ ቀርቧል።
 
ብርጋዴር ጄኔራል ደርቤ በመግለጫቸው “ወጣቱ ለተወሰኑ ጽንፈኞችና ግለሰቦች ዓላማ ተብሎ በጭፍን ማለቅ የለበትም፤ ሁሉም ጨለማ አይደለም፣ ብርሃን አለ” ሲሉ ተናግረዋል። አክለውም መጀመሪያ ላይ በራሳቸው ፍላጎት የተቀላቀሉም ሆነ በኋላ ላይ ተገድደውና ታፍሰው የገቡ ወጣቶች አማራጭ እንዳለ አውቀው ወደ መንግሥት እንዲገቡ አሳስበዋል።
 
በመጨረሻም ታጣቂዎቹ ወደ ተሃድሶ ማዕከላት በመግባት ተሃድሶ ከወሰዱ በኋላ፣ በመልሶ ማቋቋምና በመልሶ ማደራጀት ሥራ ውስጥ ተካተው የራሳቸውን፣ የቤተሰቦቻቸውን፣ የትግራይ ክልልን እንዲሁም የሀገርን አቅም መገንባት እንዲችሉ ኮሚሽኑ ጥሪውን ያቀረበ ሲሆን፣ ከዛሬ ጀምሮ በመቀሌ በተዘጋጀው የተሃድሶ ማዕከል መግባት እንደሚቻል ተገልጻል።

Seledadotio
Seledadotio

#hopr

7ኛው የህዝብ ተወካዮች ምክር ቤት ዛሬ ባካሄደው 1ኛ ልዩ ስብሰባው በፌደራል መንግስት አስፈጻሚ አካላት ስያሜ ፣ አደረጃጀት ፣ ስልጣን እና ተግባር ለመወሰን በቀረበ ረቂቅ አዋጅ ላይ እየመከረ ይገኛል።

ለም/ቤቱ በቀረበው ማብራሪያ ከዚህ በፊት በነበሩት 22 አስፈፃሚ አካላት ላይ የቁጥር ልዩነት እንደሌለና ከቁጥር አንፃር ሚኒስቴር መስሪያ ቤቶች በነበሩበት 22 ሆነው እንደሚቀጥሉ ተገልጿል።

ይህም ሆኖ በሁለት ሚኒስቴር መስሪያ ቤቶች ላይ ብቻ የስያሜ ለውጥ መደረጉንና ሁለት ሚኒስቴሮች አንደ አዲስ መቋቋማቸው ተብራርቷል።

እንደ አዲስ የተቋቋሙት ሁለት ሚኒስቴር መ/ቤቶች ፦
👉 ቀድሞ " የባህልና ስፖርት ሚኒስቴር " የነበረው በአዲሱ " የወጣቶች እና ስፖርት ሚኒስቴር " በሚል
👉 ቀድሞ " የቱሪዝም ሚኒስቴር" የነበረው በአዲሱ " የባህልና ቱሪዝም ሚኒስቴር " በሚል መቋቋማቸው ተጠቁሟል።

በተጨማሪም ቀድሞ " የፕላንና ልማት ሚኒስቴር " የነበረው " የብሔራዊ ስትራቴጂ ሚኒስቴር " በሚል ተቀይሯል።

ቀድሞ " የትራንስፖርትና ሎጂስቲክስ  ሚኒስቴር " የነበረው " የሎጂስቲክስ ሚኒስቴር " በሚል ስያሜው ተቀይሯል።

በሚኒስቴር መ/ቤቶቹ ላይ ማሻሻያው ያስፈለገበት ምክንያት ይበልጥ ውጤታማ ለማድረግ እንዲሁም ከተልዕኳቸው ጋር ለማጣጣም ነው ተብሏል።

አሁን ላይ በምክር ቤቱ ዝርዝር ማብራሪያ እየቀረበ ነው።

መስከረም 27 ቀን 2019 ዓ/ም

@tikvahethiopia

የትግራይ ሠራዊት አባላት ከዛሬ ጀምሮ በመቀሌ እንዲሰባሰቡ መንግስት ጥሪ አቀረበ
 
የብሔራዊ ተሃድሶ ምክትል ኮሚሽነር ብርጋዴር ጄኔራል ደርቤ መኩሪያው የትግራይ ሠራዊት አባላት ከዛሬ ጀምሮ በመቀሌ አካባቢ በተዘጋጀው የተሃድሶ ማዕከል እንዲሰባሰቡና ወደ ሰላማዊ ሕይወት እንዲመለሱ ጥሪ አቀረቡ።
 
ምክትል ኮሚሽነሩ በቪዲዮ በተሰራጨው አጭር መልዕክታቸው፤ የመንግሥት ጥሪን በመጠበቅ ላይ የሚገኙ በርካታ ታጣቂዎች እንዳሉ ገልጸው፣ ከዛሬ ረቡዕ ጀምሮ ወደተዘጋጀው የዲሞቢላይዜሽን ማዕከል መግባት እንደሚቻል አስታውቀዋል።
 
ጄኔራሉ፤ ለመልሶ ማቋቋምና ተሃድሶ (ዲ.ዲ.አር) ፕሮግራም የተዘጋጁ በርካታ ወጣቶች መኖራቸውን ጠቁመው፣ በአሁኑ ወቅት ወደ ሰላም ለመምጣት ከፍተኛ ፍላጎት ያላቸው በርካታ ታጣቂዎች በየአካባቢው በሚገኙ የመከላከያ ሠራዊት ዩኒቶች እጅ እየገቡ እንደሚገኙ አስታውቀዋል።
 
ምክትል ኮሚሽነሩ መንግሥት ለብሔራዊ ተሃድሶ ኮሚሽን አስፈላጊውን በጀት መመደቡንና ኮሚሽኑም ሥራውን ለማከናወን የሚያስችል ቁመና ላይ እንደሚገኝ ገልጸዋል። በተጨማሪም የትግራይ ወጣቶች ከጦርነት እሳት ወጥተው ወደ ሰላማዊ ሕይወት እንዲመለሱና የልማት ኃይል እንዲሆኑ ከዓለም አቀፉ ማኅበረሰብ በኩል ከፍተኛ ድጋፍ መኖሩን አስረድተዋል።
 
በመሆኑም ታጣቂዎች በየአካባቢው ለሚገኙ የመከላከያ ሠራዊት ዩኒቶች በግለሰብም ሆነ በተደራጀ መንገድ ሪፖርት በማድረግ፣ የጦር መሣሪያና ወታደራዊ ቁሳቁሶቻቸውን በማስረከብ በመቀሌ አካባቢ ወደተዘጋጀው የዲሞቢላይዜሽን ማዕከል እንዲገቡ ጥሪ ቀርቧል።
 
ብርጋዴር ጄኔራል ደርቤ በመግለጫቸው “ወጣቱ ለተወሰኑ ጽንፈኞችና ግለሰቦች ዓላማ ተብሎ በጭፍን ማለቅ የለበትም፤ ሁሉም ጨለማ አይደለም፣ ብርሃን አለ” ሲሉ ተናግረዋል። አክለውም መጀመሪያ ላይ በራሳቸው ፍላጎት የተቀላቀሉም ሆነ በኋላ ላይ ተገድደውና ታፍሰው የገቡ ወጣቶች አማራጭ እንዳለ አውቀው ወደ መንግሥት እንዲገቡ አሳስበዋል።
 
በመጨረሻም ታጣቂዎቹ ወደ ተሃድሶ ማዕከላት በመግባት ተሃድሶ ከወሰዱ በኋላ፣ በመልሶ ማቋቋምና በመልሶ ማደራጀት ሥራ ውስጥ ተካተው የራሳቸውን፣ የቤተሰቦቻቸውን፣ የትግራይ ክልልን እንዲሁም የሀገርን አቅም መገንባት እንዲችሉ ኮሚሽኑ ጥሪውን ያቀረበ ሲሆን፣ ከዛሬ ጀምሮ በመቀሌ በተዘጋጀው የተሃድሶ ማዕከል መግባት እንደሚቻል ተገልጻል።

@Yenetube Fikerassefa

ጀቢና - በሐበሻቪው የቀረበው አዲስ ፊልም
በነፃ ይመልከቱ
#ethiopia | ሐበሻቪው ያዘጋጀውን አዲስ የፊልም ምርቃት እና የማሳያ መርሃ ግብር ቅዳሜ፣ መስከረም 30 ቀን 2019 ዓ.ም እንደሚያቀርብ አስታውቋል።

ይህ የፊልም ማሳያ መርሃ ግብር በቦሌ ፍላሚንጎ በሚገኘው የህፃናት እና ወጣቶች ቴአትር ቤት ከቀኑ 10:00 ሰዓት ጀምሮ የሚካሄድ ይሆናል።

የመግቢያ ክፍያው ሙሉ በሙሉ በሐበሻቪው የተሸፈነ በመሆኑ ተመልካቾች በነፃ መከታተል ይችላሉ።

ታዳሚያን በሰዓቱ እንዲገኙ ተጠይቋል።
#habeshaview #ethiopianmovie #ethiopiancinema #film #art #getutemesgen #getu #ጌጡ #ጌጡተመስገን #addisababa

ፎቶ ፦ በመቐለ " እንዳ ማርያም ጉግሳ " አካባቢ የሚገኘውና በቅርብ በዋይኤምሲኤ ድጋፍ ታድሶ ለአገልግሎት ተዘጋጅቶ ነበር የተባለ የህዝብ ቤተ መጻሕፍት በዘራፊዎች ከፍተኛ ውድመት ደርሶበታል።

ቅዳሜ ለእሁድ አጥቢያ በተፈጸመው በዚህ አስነዋሪ የተባለ ድርጊት ለወጣቶችና ለአካባቢው ማህበረሰብ ዕውቀት ማግኛ ትልቅ ተስፋ ሆኖ የነበረው ተቋም ሙሉ በሙሉ መውደሙ ተገልጿል።

ድርጊቱ ማኅበረሰቡን ያስቆጣ ነው።

በሌላ በኩል ፤ መቐለ አሁን ላይ ካለፉት ቀናት በተሻለ መረጋጋት ቢሰፍንባትም ለሊት ለሊት ቤት የተገባ የሚፈጸም ዝርፊያ እንዳለ ተጠቁሟል። የሚመለከታቸው አካላት መፍትሄ እንዲፈልጉ ጥሪ ቀርቧል። ማህበረሰቡም አካባቢውን ሊጠብቅ ይገባል። #ፍጹምብርሃነ

@tikvahethiopia #tigray #mekelle የሀገር መከላከያ ሰራዊት እና የትግራይ የሰላም ኃይል መቐለን ከተቆጣጠሩ በኋላ ስልክ እና ኢንተርኔት አገልግሎት መጀመሩ የሚታወቅ ሲሆን ቤተሰቦችም እየተገናኙ ነው። የባንክ አገልግሎትም ተጀምሯል። በመቐለ ከተማ የፀጥታ ሁኔታው እና የሚፈጸመው ዝርፊያ ካለፉት ቀናት መሻሻል ቢያሳይም ሙሉ በሙሉ ሊቆም እንዳልቻለ ሁለት ነዋሪዎች ለቲክቫህ ኢትዮጵያ  ገልፀዋል። " ትላንት ማንነታቸው…

🚨 «“ውጊያው አልቋል” — ጄኔራል ሳሞራ የኑስ የህወሓት አመራሮችና ታጣቂዎች እጃቸውን እንዲሰጡ ጥሪ አቀረቡ»

​የቀድሞው የኢፌዴሪ የመከላከያ ሠራዊት ኤታማዦር ሹም ጄኔራል ሳሞራ የኑስ፣ የህወሓት አመራሮችና ታጣቂዎች እንዲሁም አላማ የሌለው ጦርነት ውስጥ የሚሳተፉ ወጣቶች እጃቸውን እንዲሰጡ ጥሪ አቀረቡ።

​የእጅ መስጠት ጥሪ፦ ጄኔራል ሳሞራ የኑስ በሰጡት መግለጫ «ውጊያው አልቋል» ሲሉ የተናገሩ ሲሆን፣ በእብደት ጦርነቱን የጀመሩ አካላትም ሆኑ የህወሓት አመራሮችና ታጣቂዎች እጃቸውን እንዲሰጡ ጥሪ አቅርበዋል።

​የወጣቶች ሁኔታ፦ አላማ በሌለውና ውጤት አልባ በሆነ ጦርነት ውስጥ የሚሳተፉ ወጣቶች ከጥፋት መንገድ እንዲመለሱና እጃቸውን እንዲሰጡ አሳስበዋል።

​የአካባቢው ሁኔታ፦ መግለጫው በክልሉ እየተካሄደ ካለው ወታደራዊና ፖለቲካዊ እንቅስቃሴ ጋር ተያይዞ የወጣ መሆኑ ተመላክቷል።

Seledadotio
Seledadotio
​

🚨📚 የስኮላርሽፕ እና ውጪ ሐገር የመስራት እናም የመኖር ህልምህን ከዛሬ ጀምር! 🌍🎓

📖 የውጪ  ስኮላርሽፕ እና ቪዛ ማግኛ መመሪያ

ይህ መጽሐፍ ወደ ውጪ ሀገር ለትምህርት እና ለስራ ለመሄድ ለምትፈልጉ ተማሪዎች  እና ስራ ፈላጊ ወጣቶች የተዘጋጀ ጠቃሚ መመሪያ ነው።
🎓 Scholarship እንዴት ማግኘት ይቻላል?
🌍 የውጪ ሀገር ትምህርት እድሎችን እንዴት ማግኘት ይቻላል?

🛂 ስለ ቪዛ ምን ማወቅ አለብን?
📋 ለማመልከት ምን ያስፈልጋል?
💡 ሂደቱን ከየት እንጀምር?

እነዚህን እና ሌሎች ጠቃሚ መረጃዎች በዚህ መመሪያ ውስጥ ያግኙ።

🔥 ህልም ብቻ አይበቃም — ትክክለኛ መረጃ ያስፈልጋል!

📖 የKings Digital Scholarship Book
👉 መጽሐፉን ለማግኘት ወደ Kings Digital Telegram Bot ይግቡ።

📱 Follow Kings Digital
📢 Telegram
📘 Facebook
🐦 X
🎵 TikTok
🆘 Support: Kingsdigitalsupport

✨ Kings Digital — ህልምህን በትክክለኛ መረጃ ጀምር!

በፌስቡክ ገጻቸው የሲዳማ ክልልን ህዝብ በተለይ ወጣቶችን ይቅርታ ጠየቁ የተባሉት የቀድሞ አፈጉባኤ " ፌስቡክ ገጼ ተጠልፎ ነው " አሉ።
‎
በሰሞኑን የሲዳማ ክልል መንግሥት ምስረታ ሂደት ከክልል ፕሬዝዳንት አንስቶ ከፍተኛ የአመራር ለውጦች የተደረጉ ሲሆን፣ በዚህም ሂደት የክልሉ አፈ ጉባኤ ወ/ሮ ፋንታዬ ከበደ በሌላ ሰው ተተክተዋል።

ይህ ከሆነ በኋላ በወ/ሮ ፋንታዬ የፌስቡክ ገጽ ላይ "ይቅርታ" በሚል ርዕስ በስልጣን ዘመናቸው ለሰሯቸው ስህተቶችና በእሳቸው ዝምታ ለተፈጠሩ ልዩ ልዩ ጥፋቶች የሲዳማን ሕዝብ በተለይም ወጣቶችን ይቅርታ መጠየቃቸውን የሚገልጽ ፅሁፍ ወጥቷል።

በርካቶችም ይህንኑ መረጃ በማጋራት የሳቸው ተከታዮችና የስራ ባልደረቦቻቸው ጭምር አስተያየት ሲሰጧቸው የነበረ ሲሆን ቲክቫህ ኢትዮጵያ የቀድሞ የሲዳማ ክልል ምክር ቤት ዋና አፈ ጉባኤ ወ/ሮ ፋንታዬ ከበደ በስልክ አግኝቶ ስለጉዳዩ ማብራሪያ እንዲሰጡ ጠይቋቸዋል።
‎
‎ወ/ሮ ፋንታዬ " አካውንቱ አሁን ላይ የኔ አይደለም፣ ተጠልፎብኛል " ሲሉ ተናግረዋል።
‎
‎" እኔ በአመራር ለውጡ ቅሬታ የለብኝም " ያሉት ወ/ሮ ፋንታዬ ከበደ " አካውንቱ ከዚህ ቀደም የኔ የነበረ ቢሆንም አሁን ላይ ተጠልፎብኛል " ሲሉ አስረድተዋል።

በሌላ በኩል ከሲዳማ ክልል የአመራሮች ለውጥ ጋር በተያያዘ አንዳንድ አስተያየት ሰጪዎች ፥ " በቀድሞ የክልሉ አመራሮች ጊዜ ከላይ እስከ ታች ለጠፉ ጥፋቶች ፣ በልማት ወደኋላ መቅረት ፣ የሰብዓዊ መብት ጥሰት ፣ በክልሉ ተንሰራፋ ሙስና እና በዛ ለመጣው ጥፋት ተጠያቂነት ሊሰፍን ይገባ ነበር " ሲሉ እየገለጹ ናቸው።

በተለይ ደግሞ ከወጣቶች የስራ አጥነት ጋር በተያያዘ በክልሉ ውስጥ የሚነሳው ቅሬታ የበዛ ነው።

አሁን ላይ ክልሉን አዲስ አመራሮች ተረክበው እየመሩት ይገኛሉ። ረጅም ጊዜ የአመራርነት ልምድ ያላቸውና በፌዴራል መ/ቤት የነበሩት ዶ/ር መሳይ ኃይሉ የክልሉ ፕሬዝዳንት ሆነው ወደ ስራ ገብተዋል።

የቀድሞው ፕሬዝዳንት አቶ ደስታ ሌዳሞ ወደ ፌዴራል ሄደው የፌዴራሽን ምክር ቤት ምክትል አፈጉባኤ ሆነው ተሹመዋል።

ቲክቫህ ኢትዮጵያ
ሀዋሳ
መስከረም 26 ቀን 2019 ዓ/ም

@tikvahethiopia አቶ ደስታ ሌዳሞን በመተካት የሲዳማ ክልልን በፕሬዚደንትነት እንዲመሩ የተሾሙት ዶ/ር መሳይ ኃይሉ ማናቸው ? ‎በዛሬው ዕለት የሲዳማ ክልል ፕሬዚዳንት ሆነው የተሾሙት ዶ/ር መሳይ ኃይሉ ከዚህ ቀደም የሲዳማ ዞን ጤና መምሪያ ኃላፊ እንዲሁም የሐዋሳ ዩኒቨርሲቲ የአስተዳደርና ተማሪዎች አገልግሎት ምክትል ፕሬዝዳንት ሆነው አገልግለዋል። ‎ ‎በትምህርት ዝግጅታቸው፦ - የመጀመሪያ ዲግሪ በሕዝብ ጤና ከሐዋሳ ዩኒቨርሲቲ…

የ«መልካም ወጣት» ፕሮጀክት ግንባታ ለማጠናቀቅ አዲስ የገቢ ማሰባሰቢያ ሊካሄድ ነው!
​ #fastmereja I ለዘጠኝ ዓመታት በሐገር ውስጥ እና በውጭ ሐገር እንዲሁም በማርሲል ቲቪ ጨምሮ ከ500,000 በላይ ወጣቶችን ተሳታፊ ያደረገው «የመልካም ወጣት» አገልግሎት፣ በሀዋሳ ከተማ የተጀመሩ የልማት ስራዎችን ይበልጥ ለማስፋፋት አዲስ የገቢ ማሰባሰቢያ መርሃ ግብር ሊጀምር መሆኑ በተሰጠ ጋዜጣዊ መግለጫ ተነገረ።

በመድረኩ ላይ እንደተነገረው ባለፉት ዓመታት ከ60,000 በላይ ሰዎች ጌታን እንደግል አዳኛቸው እንዲቀበሉ ምክንያት የሆነው ይህ አገልግሎት በወጣቶች ትውልድ ግንባታ ላይ ጉልህ ሚና እየተጫወተ እንደሚገኝ ተነግሯል።

​የአገልግሎቱ መሪዎች እንዳስታወቁት፣ በሀዋሳ ከተማ 5,000 ሰዎችን የሚይዝ አዳራሽ ተገንብቶ የተጠናቀቀ ሲሆን፤ አሁን ላይ አቅሙን ወደ 15,000 ሰዎች ለማሳደግ ተጨማሪ የግንባታ ስራዎች ተጠናክረው ቀጥለዋል። ከዚህም በተጨማሪ ከ5 ባለ 5 ወለል የተማሪዎች ማደሪያ ሕንፃዎች መካከል 3ቱ ተጠናቀው የመጨረሻ ስራዎች እየተከናወኑላቸው ይገኛል፤ ቀሪዎቹ 2ቱ ሕንፃዎች አሁንም በግንባታ ላይ ናቸው። እንዲሁም 10,000 ሰዎችን ማስተናገድ የሚችል ትልቅ አሬና እና ለአእምሮና ሰውነት ማጎልመሻ የሚሆን ስፍራም በመገንባት ላይ መሆኑ ተገልጿል።

​ይህንን ግዙፍ ፕሮጀክት ሙሉ በሙሉ ለማጠናቀቅ ከ250 ሚሊዮን እስከ 300 ሚሊዮን ብር የሚደርስ በጀት እንደሚያስፈልግ ተገልጿል። ገንዘቡን ለማሰባሰብም በቀጣዮቹ 10 ወራት ውስጥ በጅማ፣ ቦንጋ፣ ቡታጅራ፣ ባስኬቶ፣ ዳውሮ፣ ጅጅጋ፣ ጊዶሌ፣ ሻኪሶ፣ ሳውላ እና ቡሌ ሆራን ጨምሮ በሌሎችም ከተሞች ታላቅ የገቢ ማሰባሰቢያ ጉዞ ይደረጋል። የዚህ ጉዞ መነሻ ጥቅምት 6፣ 7 እና 8 ቀን 2019 ዓ.ም በጅማ ከተማ እንደሚጀመር ታውቋል።

​ይህ የወጣቱን ትውልድ በስነ-ምግባር እና በእውቀት ለመገንባት የሚደረግ የጋራ አህጉራዊና ሀገራዊ ጉዞ በመሆኑ፣ በተጠቀሱት ከተሞች የምትገኙ ማህበረሰቦች ሁሉ በጸሎት፣ በገንዘብ፣ በበጎ ፈቃድ አገልግሎት እና በአቅማችሁ ሁሉ ከጎናችው እንድትቆሙ አስተባባሪዎቹ ጥሪያቸውን አስተላልፈዋል።

#tigray
#mekelle

የሀገር መከላከያ ሰራዊት እና የትግራይ የሰላም ኃይል መቐለን ከተቆጣጠሩ በኋላ ስልክ እና ኢንተርኔት አገልግሎት መጀመሩ የሚታወቅ ሲሆን ቤተሰቦችም እየተገናኙ ነው።

የባንክ አገልግሎትም ተጀምሯል።

በመቐለ ከተማ የፀጥታ ሁኔታው እና የሚፈጸመው ዝርፊያ ካለፉት ቀናት መሻሻል ቢያሳይም ሙሉ በሙሉ ሊቆም እንዳልቻለ ሁለት ነዋሪዎች ለቲክቫህ ኢትዮጵያ  ገልፀዋል።

" ትላንት ማንነታቸው ያልታወቁ ታጣቂዎች ከምሽቱ 12:00 ሰዓት ከታክሲ እያወረዱ ሞባይልና ገንዘብ ሲዘርፉ ተመልክተናል " ሲሉ አንድ እማኝ ተናግረዋል።

" በቢላዋ እና ትጥቅ በማስፈራራት የግለሰቦች ቤት በመስበር የመሰሉ ዘረፋዎችም በስፋት አሉ " ሲል ሌላኛው ነዋሪ ገልጿል።

በሌላ በኩል፥ የከተማዋ እንቅስቃሴ ወደ መደበኛነት እየመጣ መሆኑን አመልክተዋል። በርካታ ወጣቶች ፣ መኪኖች እና ባጃጆች በከተማዋ በብዛት ወጥተው መንቀሳቀስ ጀምረዋል።

ይህ በእንዳህ እያለ ከሳምንት በላይ የተቋረጡት በክልሉ የሚገኙ የመንግስትና የግል ሚድያዎች መልሶ ለማስጀመር የሚያስችሉ ስራዎች በመሰራት ላይ እንደሚገኙ የውስጥ ምንጮች ለቲክቫህ ኢትዮጵያ ጥቆማ ሰጥተዋል።

ለ104.4 መቐለ FM አዲስ አስተባባሪ እንደተመደበ ለማውቅ ችለናል።

ቲክቫህ ኢትዮጵያ
መስከረም 25 ቀን 2019 ዓ/ም

ፎቶ፦ ማኅበራዊ ሚዲያ

@tikvahethiopia በትግራይ መቐለ ከተማ ተቋርጦ የነበረው የስልክ እና ኢንተርኔት አገልግሎት መመለስን ተከትሎ ነዋሪዎችን አነጋግረናል። ነዋሪዎቹ " ጭልምልም ብሎብን ነበር። አሁን ከወዳጅ ዘመዶቻችን ጋር ስለተገናኘን ደስ ብሎናል " ብለዋል። " አሁን በከተማዋ የተሻለ መረጋጋት አለ ፤ አልፎ አልፎ ከሩቅ የተኩስ ድምጽ ይሰማል ተኩሱ የትግራይ ሰላም ኃይሎች ከበረሃ ወደ ከተማ ሲገቡ ስለሚተኩሱ ነው " ሲሉ ገልጸዋል። ትናንት…

በጫካ የሚገኙ ወገኖች የትግልና የመከፋፈል አካሄድን በመተው ወደ ሰላማዊ መንገድ እንዲመለሱ ጥሪ ቀረበ

ኢትዮጵያን ትልቅ ብቻ ሳይሆን ታላቅ የማድረግ ታሪካዊ ዕድል ከፊቷ ተዘርግቶ እንደሚገኝ ጠቅላይ ሚኒስትር አብይ አሕመድ(ዶ/ር) ገለጹ። ሀገራዊ ሕብረብሔራዊ አንድነትን፣ ሰላምን እና የልማት ምዕራፍን እውን ለማድረግ ትልቅ አጋጣሚ የተፈጠረ ሲሆን፣ የኢትዮጵያን አዲስ ትንታኔና ሉዓላዊነት የመገንባት ታሪካዊ ኃላፊነት በዜጎች እጅ ላይ እንደሚገኝ ተመላክቷል።

ይህን ተከትሎም በጫካ የሚገኙ ኢትዮጵያውያን ወገኖች የትግልና የመከፋፈል አካሄድን በመተው ወደ ሰላማዊው መንገድ እንዲመለሱ ጥሪ ቀርቧል። እንዲሁም ያኮረፉ ወገኖች የይቅርታ መንፈስ ተላብሰው በሀገር ግንባታ ሂደት ውስጥ በንቃት እንዲሳተፉ ተጠይቋል። ተፎካካሪ ፓርቲዎች በብሔራዊ ጥቅም ላይ በጋራ በመቆም፣ በአማራጭ ሀሳቦች ብቻ እንዲፎካከሩ አጽንኦት ተሰጥቷል።

በተጨማሪም የዛሬ ወጣቶች ካለፈው ስህተት በመማር፣ ከአቤቱታ ትግል ራቅ ብለው በዕውቀት፣ በክህሎትና በሥነ ምግባር ታንጸው አዲስ ኢትዮጵያን ለመውረስ ዝግጁ እንዲሆኑ ተመላክቷል።

የሀገር አባቶችና እናቶች ለነገዋ ኢትዮጵያ ታላቅነት እንዲጸልዩ፣ ታሪካቸውን እንዲያወርሱ እና ትውልዱን እንዲገነቡ ጥሪ ቀርቧል።

ትናንት ያለፈ ቢሆንም፣ ነገ ገና አለመድረሱን እና የዛሬው ቀን ለሀገር እድገትና ለተፈለገው አቅጣጫ ምቹ አጋጣሚን የፈጠረ መሆኑ ተገልጿል። ዛሬን በትጋትና በሰላም ከሰራንበት ነገን ማስተካከልና የፈለግነው ዓይነት የሀገር መንገድ መቅረጽ እንደሚቻል ተረጋግጧል።

Seledadotio
Seledadotio

በአዲስ አበባ 102 ጤና ጣቢያዎች ደህንነቱ የተጠበቀ የፅንስ ማቋረጥ አገልግሎት እየሰጡ ይገኛል ተባለ

በአዲስ አበባ ከተማ አስተዳደር ጤና ቢሮ የእናቶች፣ ሕፃናትና አፍላ ወጣቶች ፕሮግራም ዳይሬክቶሬት ዳይሬክተር ወይዘሮ ስንዱ መኩሪያ እንደገለጹት በአዲስ አበባ 102 የሕዝብ ጤና ጣቢያዎችና 13 ትላልቅ ሆስፒታሎች ደህንነቱ የተጠበቀ የፅንስ ማቋረጥ አገልግሎት እየሰጡ ይገኛሉ። በተጨማሪም የግል ጤና ተቋማትም ይህንኑ አገልግሎት በጋራ እና በመመሪያው መስፈርት መሠረት እንዲሰጡ እየተደረገ እንደሚገኝ ገልፀዋል።

እንደ ዳይሬክተሯ ገለጻ አገልግሎቱ  የሚሰጠው የሕግ እና የጤና መመሪያዎችን መሠረት በማድረግ እና አስፈላጊ መስፈርቶችን ላሟሉ እናቶች ብቻ መሆኑን አብራርተዋል ። የፅንስ ማቋረጥ አገልግሎት ከተሰጠ በኋላም ተደጋጋሚ ያልታቀደ እርግዝና እንዳይከሰት የቤተሰብ እቅድ ምክርና አገልግሎት አብሮ ይሰጣል ብለዋል።

በ2017 ዓ.ም  ደህንነቱ የተጠበቀ የፅንስ ማቋረጥ አገልግሎት አፈፃፀም 98.6 በመቶ የነበረ ቢሆንም  በ2018 ዓ.ም ላይ ደግሞ ወደ 96 በመቶ ዝቅ ማለቱ ተመልክቷል ። ለዚህም የመድኃኒትና የግብዓት አቅርቦት እጥረት በምክኒያትነት የተጠቀሰ ሲሆን ችግሩን ለመቅረፍ ከጤና ሚኒስቴርና ከመድኃኒት አቅርቦት ኤጀንሲ ጋር በመተባበር አቅርቦቱን የማስተካከል ሥራ እየተሠራ እንደሚገኝ ዳይሬክተሯ ጨምረው ለጣቢያችን ተናግረዋል።

ያልታቀዱ እርግዝናዎችን ከመሠረቱ ለመከላከል በትምህርት ቤቶችና ወጣቶች በሚበዙባቸው ቦታዎች ላይ ያተኮሩ የእናቶች፣ የአፍላ ወጣቶች እና የቤተሰብ እቅድ ግንዛቤ ማሳደጊያ ፕሮግራሞች በጤና ባለሙያዎች አማካኝነት እየተሰጡ እንደሚገኙ ተገልጿል።

በሰመሀር አለባቸው
#ዳጉ_ጆርናል

የልዕልት ሊሲ (ልሳን ተፈሪ ፍቅረ ሥላሴ) ግለ-ታሪክ

ልዕልት ሊሲ—በይፋዊ መጠሪያዋ ልዕልት ልሳን ተፈሪ ፍቅረ ሥላሴ (Princess Lissan "Lissie" Selassie)—የኢትዮጵያን የብዙ ክፍለ ዘመናት ንጉሣዊ ታሪክ፣ የትውልድ መስመር እና ባህላዊ ቅርስ አጣጥማ የያዘች የዘመናችን ወጣት ንጉሣዊ ተወላጅ ናት።

በካሊፎርኒያ አሜሪካ አድጋ በባዮሎጂ ሳይንስ ዘርፍ የመጀመሪያ ዲግሪዋን ያጠናቀቀችው ልዕልት ሊሲ፣ በዓለም አቀፍ ደረጃ ኢትዮጵያን ባስተዋወቀችባቸው መድረኮች፣ በሳይንሳዊ ዕውቀቷ እና በማህበረሰብ በጎ አድራጎት እንቅስቃሴዎቿ የምትታወቅ ወጣት አርአያ ናት።

ታሪካዊ የትውልድ ሐረግ እና የአራት ሥርወ-መንግሥታት ትስስር

የልዕልት ሊሲ የደም መስመር የኢትዮጵያን ህብረ-ብሔራዊ ታሪክ እና ብዝሃነት የሚያንፀባርቅ ሲሆን፣ ከአራት ታላላቅ የኢትዮጵያ ንጉሣውያን እና መሪዎች ሥርወ-መንግሥታት የተገኘ ልዩ የትውልድ ሐረግ አላት፦

👉የሸዋ ሰለሞናዊ ሥርወ-መንግሥት፦ የቀዳማዊ አፄ ኃይለ ሥላሴ፣ የአልጋ ወራሽ አምኃ ሥላሴ (አስፋው ወሰን) እና የቀዳማዊ አፄ ኃይለ ሥላሴ የበኩር የልጅ ልጅ የነበሩት የልዕልት እጅጋየሁ አስፋው ወሰን የዘር ሃገረግ ትስስር ናት።

👉የወለጋ - ኦሮሞ ሥርወ-መንግሥት፦ በኦርቶዶክስ ተዋሕዶ እምነት ደጃዝማች ገብረእግዚአብሔር ተብለው ከተጠመቁት ከወለጋው ንጉሥ ኩምሳ ሞረዳ እና በኦሮሞ ማህበረሰብ ውስጥ የመሪነት ውርስ ከነበራቸው ከአያቷ ከንጉሥ ፍቅሬ ሥላሴ የሚመዘዝ የትውልድ መስመር አላት።

👉የትግራይ ሥርወ-መንግሥት፦ የትግራዩ ንጉሥ እና የኢትዮጵያ ንጉሠ ነገሥት አፄ ዮሐንስ 4 ኛ እንዲሁም የልጅ ልጃቸው የልዕልት ወለተ እስራኤል ስዩም የትውልድ ዘር ናት።

👉የወሎ ሥርወ-መንግሥት፦ የወሎው ንጉሥ ሚካኤል አሊ (መሐመድ አሊ) እና የልጅ ልጃቸው የቀዳማዊ አፄ ኃይለ ሥላሴ ባለቤት የእቴጌ መነን አስፋው የዘር ሃረግ ናት።

የቤተሰብ ሕይወትና አስተዳደግ

ልዕልት ሊሲ የታዋቂው አርቲስት ልዑል ይስሐቅ ፍቅረ ሥላሴ እና የቴክኖሎጂ ባለሙያ እንዲሁም የሰብአዊ መብት ተሟጋች ልዕልት አስኳል ተፈሪ ልጅ ስትሆን፣ የልዕልት እጅጋየሁ ፍቅረ ሥላሴ ታናሽ እህት ናት።

በሰሜን ካሊፎርኒያ አሜሪካ ያደገች ቢሆንም፣ ከኢትዮጵያ ባህል፣ እምነት እና ማህበረሰብ ጋር ባላት ጠንካራ ቁርኝት ትታወቃለች። እናቷ ገና በለጋ ዕድሜዋ ያስተማረቻትን አማርኛ ቋንቋ አቀላጥፋ ማንበብ፣ መጻፍ እና መናገር የምትችል ሲሆን፣ የኢትዮጵያን ባህላዊ እሴቶችና ታሪክ ጠብቆ በማስቀጠል ረገድ ከፍተኛ ፍላጎት አላት።

ትምህርት እና ሙያዊ ፍላጎት

ልዕልት ሊሲ በትምህርቷ የላቀ ስኬት ያስመዘገበች ሲሆን

👉ከካሊፎርኒያ ዩኒቨርሲቲ (University of California, Santa Cruz) በሶስት ዓመታት ብቻ በትምህርቷ በመግፋት በሞለኪውላር፣ ሴል እና ልማት ባዮሎጂ (Molecular, Cell, and Developmental Biology) የሳይንስ የመጀመሪያ ዲግሪዋን (B.S.) አግኝታለች።

👉በአሁኑ ወቅት ትኩረቷን በቤተ-ሙከራ ምርምር (Lab Research) እና በድህረ-ምረቃ (Master's programs) ትምህርቷ ላይ ያደረገች ሲሆን፣ ወደፊት በኢትዮጵያ የጤናው ዘርፍ አስተዋጽኦ የሚያበረክት ክሊኒክ የማቋቋም ትልቅ አልም አላት።

ዓለም አቀፍ ዝና እና የበጎ አድራጎት ሥራዎች

Le Bal des Débutantes (2023)፦ እ.ኤ.አ. በ2023 በፓሪሱ ሻንግሪ-ላ ሆቴል በተካሄደውና ከዓለም ዙሪያ የተተውጣጡ የንጉሣውያን እና የታዋቂ ቢሊየነሮች ቤተሰብ ወጣቶችን በሚያስተናግደው Le Bal des Débutantes ዝግጅት ላይ የመጀመሪያዋ ኢትዮጵያዊት ተካፋይ ሆና በመመረጥ ኢትዮጵያን በዓለም አቀፍ ደረጃ በክብር ወክላለች።በዝግጅቱም የላንቪን (Lanvin) ዲዛይን ቀሚስ እና የቪ-ሙሴ (V MUSE) ጌጣጌጦችን በመልበስ የፋሽንና የዜና መጽሔቶች ትኩረት ሆናለች።

የበጎ አድራጎት እንቅስቃሴ፦ በራሷ ተነሳሽነት በሸዋ ሮቢት እና በደብረ ብርሃን የሚገኙ ወጣት ልጃገረዶችን ትምህርት ለማገዝ እና ራሳቸውን የመቻል አቅም ለማጎልበት የተለያዩ የበጎ አድራጎት ሥራዎችን ታከናውናለች።

እ.ኤ.አበታህሳስ 2022/2023 ወደ ኢትዮጵያ በመጓዝ የማህበረሰብ ጉብኝትና ድጋፍ አድርጋለች።

ህሩይ የፋሽንና የውበት ማሰልጠኛ ት/ቤት 140 ተማሪዎችን አስመረቀ
#ethiopia | በእንጅባራ ከተማ የሚገኘው ህሩይ የፋሽንና የውበት ማሰልጠኛ ት/ቤት በ5ኛ ዙር ያሰለጠናቸውን 140 ተማሪዎች በድምቀት አስመርቋል።

በምረቃ ሥነ-ሥርዓቱ የአዊ ብሔረሰብ አስተዳደር ሥራና ክህሎት ም/መምሪያ ኃላፊ ስንታየሁ መንግስቱ፣ ተቋሙ በከተማዋ የሚገኙ ወጣቶች በጋርመንት ቴክኖሎጂ ዘርፍ የሥራ ዕድል ተጠቃሚ እንዲሆኑ የበኩሉን ድርሻ እየተወጣ መሆኑን ገልጸዋል።

የፋሽንና የጋርመንት ዘርፍ በቀጣይነት አዳዲስ እሳቤዎችንና የላቀ ክህሎትን የሚጠይቅ በመሆኑ፣ ተመራቂዎቹ በሰለጠኑበት ሙያ ብቻ ሳይወሰኑ በቀጣይም እውቀታቸውንና ክህሎታቸውን ማሳደግ እንደሚጠበቅባቸው አስገንዝበዋል።

ዘርፉ የፈጠራ ክህሎትን የሚጠይቅ መሆኑን ያነሱት ኃላፊው፣ ወጣቶች በጋርመንት ቴክኖሎጂ በስፋት በመሰማራት የሥራ ዕድል ፈጥረው ተጠቃሚ እንዲሆኑ ጠይቀዋል። በተጨማሪም ሥራቸውን የማኅበረሰቡን ወግና ባህል በጠበቀ መልኩ እንዲያከናውኑ ለተመራቂዎቹ የሥራ መመሪያ ሰጥተዋል።

የህሩይ የፋሽንና የውበት ማሰልጠኛ ት/ቤት መስራችና ሥራ አስኪያጅ ወጣት ህሩይ አምደወርቅ በበኩሉ፣ ት/ቤቱ በፋሽንና በውበት ዘርፍ ለወጣቶች የሥራ ዕድል በመፍጠር የበኩሉን ድርሻ እየተወጣ ያለ ተቋም መሆኑን ተናግሯል።

በተለይም እየተነቃቃ የመጣውን የባህል አልባሳት በማዘመንና ከዘመኑ ፋሽን ጋር በማጣጣም ወጣቶችን የሙያ ባለቤት ማድረግ የት/ቤቱ ዋና ዓላማ መሆኑን ገልጿል።

ህሩይ የፋሽንና የውበት ማሰልጠኛ ት/ቤት በ5ኛ ዙር የገበያውን ፍላጎት ያሟላሉ ብሎ ያመናቸውን 140 ተማሪዎች አሰልጥኖ ማስመረቁንም ገልጿል።

ወጣት ህሩይ እንደገለጸው፣ የፋሽንና የጋርመንት ዘርፍ በአነስተኛ ወጪ የሥራ ዕድል ለመፍጠር ሰፊ አቅም ያለው ዘርፍ ነው። ይህም ሀገሪቱ የያዘችውን የዕድገት ጎዳና ለማፋጠን ጉልህ ሚና እንደሚኖረው ጠቁሟል።

ዘርፉ አሁንም በሀገር ውስጥ በሙሉ አቅሙ ያልተለማ መሆኑን የገለጸው ወጣት ህሩይ፣ ከውጭ የሚገቡ አልባሳትን በሀገር ውስጥ ምርት ለመተካት እየተደረገ ላለው ጥረት ተቋሙ የበኩሉን ድርሻ ለመወጣት ትኩረት ሰጥቶ እየሰራ መሆኑን አመላክቷል።

በምረቃ ሥነ-ሥርዓቱ የ5ኛ ዙር ሰልጣኝ ተመራቂዎች በሰሯቸው የሙያ ሥራዎች ተወዳድረው ለውጤታማ ተማሪዎች ሜዳሊያዎችና ሽልማቶች ተበርክተዋል።

ከተመራቂዎቹ መካከል 13 ዓመቷ ታዳጊ ፀደኒያ ታደለ ከመደበኛ ትምህርቷ ጎን ለጎን የሙያ ባለቤት ለመሆን በማሰብ ስልጠናውን በስኬት አጠናቃ ተመርቃለች።

ታዳጊዋ በምረቃው ዕለት በራሷ የሰራችውን የሙያ ሥራ ይዛ በውድድሩ ተሳትፋ አንደኛ ደረጃን በማስመዝገብ የወርቅ ሜዳሊያ ተሸላሚ ሆናለች።

ይህም የወጣቶችና የታዳጊዎች የሙያ ትምህርት ከመደበኛ ትምህርት ጋር ተጣምሮ ለቀጣይ ሕይወታቸው ጠቃሚ ክህሎት እንዲያገኙ የሚያስችል መሆኑን ያሳያል።

በትግራይ መቐለ ከተማ ተቋርጦ የነበረው የስልክ እና ኢንተርኔት አገልግሎት መመለስን ተከትሎ ነዋሪዎችን አነጋግረናል።

ነዋሪዎቹ " ጭልምልም ብሎብን ነበር። አሁን ከወዳጅ ዘመዶቻችን ጋር ስለተገናኘን ደስ ብሎናል " ብለዋል።

" አሁን በከተማዋ የተሻለ መረጋጋት አለ ፤ አልፎ አልፎ ከሩቅ የተኩስ ድምጽ ይሰማል ተኩሱ የትግራይ ሰላም ኃይሎች ከበረሃ ወደ ከተማ ሲገቡ ስለሚተኩሱ ነው " ሲሉ ገልጸዋል።

ትናንት ከረፋድ አንስቶ እግረኛ የኢትዮጵያ መከላከለያ ሰራዊት ሲገባ እንደነበር እና ከሰዓት ከ11:0ዐ በኃላ በመኪና በርካታ ኃይል ገብቶ ማደሩን ለቲክቫህ ኢትዮጵያ ተናግረዋል።

የንግድ ሱቆች፣ ቁርስ ቤቶች፣ ሆቴሎች እና ሌሎችም አገልግሎት ሰጪዎች ወደ መደበኛ ስራቸው ሙሉ በሙሉ ገብተዋል ባይባልም ተዘግተው የነበሩ አንዳንድ የስራ ቦታዎች ዛሬ ሲከፈቱ እንዳዩ ገልጸዋል።

የፀጥታ ሁኔታው አሁን ባለበት ከቀጠለ መደበኛ እንቅስቃሴ ቶሎ ይጀምራል ብለው እንደሚጠብቁ ተናግረዋል።

" አሁንም ጭንቀቶች አሉ ማህበረሰቡ እየተደራጀ አካባቢውን እየጠበቀ ነው። መከላከያ ሰራዊት ወደ ከተማዋ በመግባቱ ተስፋ ሰጥቶናል " ብለዋል።

" ዳግም ግጭቱ ሲያገረሽ ' መከላከያ ሰራዊቶች ይመጡባችኋል ' እየተባለ ሰው ንብረቱን ወደ መኖሪያ ቤት እንዲያሸሽ ሲደረግ ነበር " ያሉት ነዋሪዎቹ  ነገር ግን መከላከያ ሰራዊቱ መቐለ ሲገባ ምንም ነገር እንዳልተፈጠረ ተናግረዋል።

ዝርፊያ የነበረው ህወሓት ወጥቶ መከላከያ እስኪገባ በተፈጠረው ክፍተት እንደነበር ጠቁመዋል።

ሀገር መከላከያ ሰራዊት ከትግራይ ሰላም ኃይል ጋር በመሆን ከተማውን የመጠበቅና ህዝቡን የማረጋጋት ስራ እየሰራ እንዳለ አመልክተዋል።

ሀገር መከላከያ እና የትግራይ ሰላም ኃይል መቐለ ከመግባታቸው በፊት (ከትናንት በስቲያ ምሽት) በከተማው የነበሩ ታጣቂዎች ከፍተኛ ስርቆት ሲፈጽሙ ነበር ብለዋል ነዋሪዎቹ።

የመንግስት ተቋማት እና የግለሰብ ንብረቶች መዘረፋቸውን አመልክተዋል።

" በተለይ የመንግስት ተቋማት በሆኑት እንደ ፍርድ ቤቶች ባሉት ላይ ዘረፋውን ያስጀመሩት የህወሓት ታጣቂዎች ናቸው። ኮምፒውተሮች ተወስደዋል " ሲሉ ተናግረዋል።

" ታጣቂዎቹ ዘርፈው ሲወስዱ የተረፈውን ሌሎች ሌቦች ናቸው የሰረቁት። ታጣቂዎቹ ዘረፋውን ያቆሙትም ተኩስ ሲጀመርባቸው ነው " ሲሉ አክለዋል።

የህወሓት ኃይሎች በአንዳንድ ፖሊስ ጣቢያዎች መሳሪያ ከነ ጥይቱ ትተው በመሄዳቸው ትንንሽ ታዳጊዎች ሳይቀሩ ከዛ እየወሰዱ ታጥቀው መታየታቸውን ድንጋጤን የፈጠረ እንደነበር ቃላቸውን የሰጡ ነዋሪዎች አመልክተዋል።

ነዋሪዎቹ፣ የኢትዮጵያ መከላከያ ሰራዊት ወደ መቐለ ከተማ እየመጡ መሆኑ ሲሰማ ህወሓት ያለውን ኃይል ይዞ ወደ አክሱም ማጓጓዙን ገልጸዋል።

" በመቐለ ከተማ ወጣት የሚባል ሁ የህወሓትን አፈሳ ፈርቶ ከቤቱ ወደ ውጭ አይወጣም ነበር " ያሉት ነዋሪዎቹ " በቀን ቢያንስ 100 ወጣት አፍሰው ሲወስዱ ስንመለከት ነበር ፤ አሁን ላይ ግን በተፈጠረው ነገር ደስተኛ ነው ወጣቱ " ብለዋል።

የኢትዮጵያ መከላከያ ሰራዊት እና የትግራይ ሰላም ኃይል ከተማዋን ሙሉ በሙሉ ሲቆጣጠሩ በርካታ ወጣቶችና ነዋሪዎች አቀባበል ሲያደርጉ ደስታቸውንም ሲገልጹ እንደነበር አስረድተዋል።

ነዋሪዎቹ " አሁን ቢያንስ እፎይታ አግኝተናል " ብለዋል።

ቲክቫህ ኢትዮጵያ
መስከረም 24 ቀን 2019 ዓ/ም

@tikvahethiopia Photo

አንድነታችን ኢትዮጵያን ለማስቀጠል አስተማማኝ መሠረት መሆኑን አሳይተናል - ርዕሰ መስተዳድር ሽመልስ አብዲሳ

አዲስ አበባ፣ መስከረም 24፣ 2019 (ኤፍ ኤም ሲ) የኦሮሚያ ክልል ርዕሰ መስተዳድር ሽመልስ አብዲሳ የሆራ ሀርሰዴ ኢሬቻ በዓል በድምቀት እንዲከበር አስተዋጽኦ ላበረከቱ አካላት ምስጋና አቅርበዋል፡፡

በሆራ ፊንፊኔ እና ሆራ ሀርሰዴ “ኢሬቻ ለብሔራዊ መግባባት” በሚል መሪ ሀሳብ የተከበረው የኢሬቻ በዓል፤ የኦሮሞ ሕዝብ ባህል፣ ወግ፣ ሥርዓትና እሴቶችን በማንጸባረቅ በስኬት መከበሩን ተናግረዋል።

በዓሉ ለኦሮሞ ሕዝብ ብቻ ሳይሆን ለመላው ሀገሪቱ ሕዝብ የሰላም፣ የበረከትና የስኬት መልዕክት የሚያስተላልፍ መሆኑንም ገልጸዋል።

ኢሬቻ የአንድነት፣ የሰላምና የፍቅር በዓል መሆኑን ያወሱት ርዕሰ መስተዳድሩ፤ የዘንድሮው በዓልም የኦሮሞን ሕዝብ አንድነት ከማጠናከር ባለፈ በሕዝቦች መካከል ወንድማማችነትን በማጠናከር ለሀገራዊ መግባባት ግንባታ አስተዋጽኦ ማድረጉን አመልክተዋል፡፡

ኦሮሞነት አንድነት ነው፤ የጋራ ክብራችንንና ፍቅራችንን የምንጠብቅበት እሴት በመሆኑ በመከባበርና በፍቅር በጋራ መኖር ይገባል ነው ያሉት፡፡

የኦሮሞ ባህልና ሥርዓት ሰፊ እና ዓለም አቀፋዊ እሴት ያለው መሆኑን ገልጸው፣ እነዚህ እሴቶች በእውቀትና በጥበብ ተመርተው በትክክል ተረድተው በተግባር መገለጥ እንዳለባቸው ጠቁመዋል።

ኢትዮጵያን ለአፍሪካ ብርሃንና ለዓለም አስደናቂ ሀገር ማድረግ የሚገባበት ጊዜ አሁን ነው ያሉ ሲሆን፤ ለዚህም የሚጠየቀውን ሁሉ መስዋዕትነት በመክፈል የታሪክ ኃላፊነታችንን መወጣት አለብን ሲሉ ጥሪ አቅርበዋል፡፡

የኦሮሚያ ክልል መንግሥትም ይህንን አንድነት በጠንካራና በአስተማማኝ መሠረት ላይ ለማጠናከር በትጋት እንደሚሠራም ነው የጠቆሙት።

በአከባበር ሥነ ሥርዓቱ አባገዳዎች፣ ሀደ ሲንቄዎች፣ ከተለያዩ የኦሮሚያ ክልል አካባቢዎች የመጡ የኅብረተሰብ ክፍሎች፣ ወጣቶች እና አርሶ አደሮች ታድመዋል፡፡

ርዕሰ መስተዳድሩ ባስተላለፉት መልዕክት፥ በዓሉ ባህላዊ ትውፊቱን በጠበቀ መልኩ በድምቀት ተከብሮ እንዲጠናቀቅ አስተዋጽኦ ያበረከቱ አካላትን አመስግነዋል፡፡

የቢሾፍቱ ከተማ አስተዳደር፣ ወጣቶች፣ የጸጥታ አካላት፣ የሀገር ውስጥና የውጭ መገናኛ ብዙሃን በዓሉ በድምቀት እንዲከበር ላበረከቱት አስተዋጽኦ ምስጋና አቅርበዋል፡፡
#ኢትዮጵያ #ትልቅሀገር #ትልቅሕዝብ #ታላቅርዕይ

በአቤል ነዋይ





አንድነታችን ኢትዮጵያን ለማስቀጠል አስተማማኝ መሠረት መሆኑን አሳይተናል - ርዕሰ መስተዳድር ሽመልስ አብዲሳ

አዲስ አበባ፣ መስከረም 24፣ 2019 (ኤፍ ኤም ሲ) የኦሮሚያ ክልል ርዕሰ መስተዳድር ሽመልስ አብዲሳ የሆራ ሀርሰዴ ኢሬቻ በዓል በድምቀት እንዲከበር አስተዋጽኦ ላበረከቱ አካላት ምስጋና አቅርበዋል፡፡

በሆራ ፊንፊኔ እና ሆራ ሀርሰዴ “ኢሬቻ ለብሔራዊ መግባባት” በሚል መሪ ሀሳብ የተከበረው የኢሬቻ በዓል፤ የኦሮሞ ሕዝብ ባህል፣ ወግ፣ ሥርዓትና እሴቶችን በማንጸባረቅ በስኬት መከበሩን ተናግረዋል።

በዓሉ ለኦሮሞ ሕዝብ ብቻ ሳይሆን ለመላው ሀገሪቱ ሕዝብ የሰላም፣ የበረከትና የስኬት መልዕክት የሚያስተላልፍ መሆኑንም ገልጸዋል።

ኢሬቻ የአንድነት፣ የሰላምና የፍቅር በዓል መሆኑን ያወሱት ርዕሰ መስተዳድሩ፤ የዘንድሮው በዓልም የኦሮሞን ሕዝብ አንድነት ከማጠናከር ባለፈ በሕዝቦች መካከል ወንድማማችነትን በማጠናከር ለሀገራዊ መግባባት ግንባታ አስተዋጽኦ ማድረጉን አመልክተዋል፡፡

ኦሮሞነት አንድነት ነው፤ የጋራ ክብራችንንና ፍቅራችንን የምንጠብቅበት እሴት በመሆኑ በመከባበርና በፍቅር በጋራ መኖር ይገባል ነው ያሉት፡፡

የኦሮሞ ባህልና ሥርዓት ሰፊ እና ዓለም አቀፋዊ እሴት ያለው መሆኑን ገልጸው፣ እነዚህ እሴቶች በእውቀትና በጥበብ ተመርተው በትክክል ተረድተው በተግባር መገለጥ እንዳለባቸው ጠቁመዋል።

ኢትዮጵያን ለአፍሪካ ብርሃንና ለዓለም አስደናቂ ሀገር ማድረግ የሚገባበት ጊዜ አሁን ነው ያሉ ሲሆን፤ ለዚህም የሚጠየቀውን ሁሉ መስዋዕትነት በመክፈል የታሪክ ኃላፊነታችንን መወጣት አለብን ሲሉ ጥሪ አቅርበዋል፡፡

የኦሮሚያ ክልል መንግሥትም ይህንን አንድነት በጠንካራና በአስተማማኝ መሠረት ላይ ለማጠናከር በትጋት እንደሚሠራም ነው የጠቆሙት።

በአከባበር ሥነ ሥርዓቱ አባገዳዎች፣ ሀደ ሲንቄዎች፣ ከተለያዩ የኦሮሚያ ክልል አካባቢዎች የመጡ የኅብረተሰብ ክፍሎች፣ ወጣቶች እና አርሶ አደሮች ታድመዋል፡፡

ርዕሰ መስተዳድሩ ባስተላለፉት መልዕክት፥ በዓሉ ባህላዊ ትውፊቱን በጠበቀ መልኩ በድምቀት ተከብሮ እንዲጠናቀቅ አስተዋጽኦ ያበረከቱ አካላትን አመስግነዋል፡፡

የቢሾፍቱ ከተማ አስተዳደር፣ ወጣቶች፣ የጸጥታ አካላት፣ የሀገር ውስጥና የውጭ መገናኛ ብዙሃን በዓሉ በድምቀት እንዲከበር ላበረከቱት አስተዋጽኦ ምስጋና አቅርበዋል፡፡
#ኢትዮጵያ #ትልቅሀገር #ትልቅሕዝብ #ታላቅርዕይ

በአቤል ነዋይ

" እጁን እያስገባ የማያርፍ አካል ካለ ምላሹ ምን እንደሆነ በጣም ግልጽ ነው " - አብርሃም በላይ (ዶ/ር)

👉 " ... ሻዕቢያ ሰሞኑን በጦርነት በአካል ተሳትፏል ፤ መልሱ እጥፍ ሆኖ እንደሚመለስ ምንም ጥያቄ የለውም ! "

ዳግም ጦርነት ካገረሸ በኋላ የፌዴራል መንግሥት ስላለው አጠቃላይ ሁኔታ ለመጀመሪያ ጊዜ አስተያየቱን ሰጠ።

የፌዴራል መንግሥትን ወክለው አስተያየት የሰጡት አብርሃም በላይ (ዶ/ር) ናቸው።

አብርሃም (ዶ/ር) ፤ ከሰሞኑን በነበረው ጦርነት ከህወሓት ኃይሎች ጋር አብሮ የሻዕቢያ (ኤርትራ) ሰራዊት ተሳትፏል ሲሉ ተናግረዋል።

" የሻዕቢያ መንግሥት የሻዕቢያ ሰራዊት በዚህ ጦርነት በአካል ተሳትፏል። ከነትጥቁ፣ ከነ መሳሪያው ፣ ግምባር ወስዶ ተሳፍቷል። የሞተም፣ መሳሪያዎቹ የተማረኩ መአት ናቸው ያሉት " ሲሉ ገልጸዋል።

" ይሄ መልሱ እጥፍ ሆኖ እንደሚመለስ ምንም ጥያቄ የለውም " ያሉት አብርሃም (ዶ/ር) " በሰው ሀገር ገብቶ ከሽፍታና ባንዳ ጋር መንግሥትን ለመውጋት ጠምሮ (ጥምረት ፈጥሮ) መምጣት ምን ሊያስከትል እንደሚችል በምላሹ ያገኘዋል " ሲሉ ተናግረዋል።

ኢትዮጵያ ስትራቴጂክ ጠላት ዋና ፍላጎቱ የኢትዮጵያ ትርምስ እንደሆነ ፤ ሻዕቢያም ጎረቤት ሆኖ ሁሌም ኢትዮጵያን በስጋት የሚያይ አካል እንደሆነ አመልክተዋል።

የነዚህ አካላት ፍላጎት " ኢትዮጵያ በትርምስ እንድትኖር ፤ አቅሟ እንዳይዳብር ፤ ሰላሟ የፀና ጠንካራ ሀገር እንዳትሆን ነው " ሲሉ አስረድተዋል።

የኢትዮጵያ ጠላቶች እራሳቸው ደፍረው ማድረግ ስለማይችሉ ሁሌም ተላላኪ እንደሚፈልጉ ገልጸዋል።

በሰሞነኛው ግጭትም " ሰው ሞቶብናል ከወጣቶች ሞተዋል በሁሉም ሳይድ ይሄ ኪሳራ ነው። ለአንድ አገር ብዙ ሃብት ለልማት የምናውለው በዚህ እየፈሰሰ ነው ያለው ይሄም ኪሳራ ነው። ከዚህ በላይ ድል ለነሱ የለም " ብለዋል።

ድል የሚሉት ይሄን ማተራመሱን፣ አቅም ማሳጣቱን፣ ማዳከሙን ነው ሲሉ አክለዋል።

ሻዕቢያ " ሰሜን በተለይም ትግራይን የመጨረሻ ደካማ ካልሆነች በስተቀር ስጋት ነች ብሎ " እንደሚያስብ ጠቁመዋል።

አብርሃም (ዶ/ር) ኢትዮጵያን ለማፍረስ ምንም አይነት ጥረት ቢያደርጉም ኢትዮጵያ ልትፈርስ እንደማትችል ገልጸዋል። ህዝቡ ጀግንነቱ እንዳልተቀየረና ጀግንነቱ እየባሰበት እንደሆነ ተናግረዋል።

ሰሞነኛው ጦርነት የኢትዮጵያን መንግሥት ለማፍረስ የተቀሰቀሰ መሆኑን የገለጹት አብርሃም (ዶ/ር) ፤ " እራሳቸው ጦርነት ጀምረውብን መከላከል አድርገን መልሰን እነሱ በሄዱበት እና በገቡበት ቦታ እያጸዳን ነው ምንገኘው " ሲሉ ተናግረዋል።

" አሁን ላይ የመጀመሪያ ጉዳይ የውስጥ ጉዳይን ማጽዳት ነው " ብለው " ከዛ ቀጥሎ ያለውን ደግሞ የመንግስትን አቅጣጫ ምንከታተለው ይሆናል " ብለዋል።

" እጁን እያስገባ የማያርፍ አካል ካለ ምላሹ ምን እንደሆነ በጣም ግልጽ ነው። ሃገር እየደፈረ ዝም ብሎ የሚመለከተው አካል የለም። ኢትዮጵያዊ እንደዚህ አይነት ባህሪ የለውም መንግሥታችንም ይህንን አይቀበልም " ሲሉ አስገንዝበዋል።

እጁን እያስገባ ያለው አካል እጁን የማይሰበስብ ከሆነ ምላሹ ከባድ እንደሚሆን ፤ ይህም ምላሽ የማይቀርለት እንደሆነ አስጠንቅቀዋል።

አብርሃም በላይ (ዶ/ር) የትግራይ ክልል ሁኔታን በተመለከተ ሀገር መከላከያው በአብዛኛው ትግራይን እያፀዳ መሆኑን ገልጸው በፍጥነት ሰላምና መረጋጋት የማስፈኑን ስራ እንዲሁም ህዝቡ እራሱን በራሱ እንዲያስተዳድር የቀበሌ፣ ወረዳ ፣ ዞን አደረጃጀት የመፍጠር ሁኔታ በፌዴራል መንግሥት መጀመሩን ገልጸዋል።

እንዲሁም አሁን ያለው ሁኔታ ቶሎ ተረጋግቶ ፤ የሽግግር ሂደት ኖሮት በፍጥነት ደግሞ ክልላዊ ምርጫ የሚደረግበት ይህም በወራት ውስጥ እንዲሆን የሚያስችል ምቹ ሁኔታ ለመፍጠር እየተሰራ እንደሆነ አመልክተዋል።

ቲክቫህ ኢትዮጵያ
መስከረም 24 ቀን 2019 ዓ/ም

@tikvahethiopia #mekelle ሀገር መከላከያ ሰራዊት እና የትግራይ ሰላም ኃይል ወደ መሃል መቐለ ሮማናት አደባባይ መግባታቸው ተረጋግጧል። መላው የከተማዋን ክፍል ሙሉ በሙሉ በቀጥጥራቸው ስር ማድረጋቸውም ተገልጿል። ይህ በእንዲህ እንዳለ ፥ " የትግራይ ሰላም ለውጥ ምክር ቤት " አካል የሆነው የቃንጪ ሐቂ ፓርቲ ሊቀመንበር አቶ ደጋፊ ጉድፈይ፣ " የመከላከያ እና የትግራይ ሰላም ኃይል (TPF) ጥምረት ብዙ ቦታዎችን…

“ሕወሓት በሀገር ላይ ከፍተኛ ክህደት ፈጽሟል”

የትግራይ የሰላም ተልዕኮ አስተባባሪ ሌተናንት ኮሎኔል ገብረዋሕድ ኃይሉ ለአዲስ ዘመን ጋዜጣ እንደገለጹት፣ ሕገወጡ የሕወሓት ቡድን ከውጭ ኃይሎችና ከሀገር ታሪካዊ ጠላቶች ጋር በመተባበር በሀገር እና በሕዝብ ላይ ከፍተኛ ክህደት ፈጽሟል። የቡድኑ የ30 ዓመታት የፖለቲካ ውድቀት ትግራይን የጦርነት አውድማ በማድረግ ሕዝቡን በማያባራ የኢኮኖሚ ውድቀት፣ የሥነ ልቦና ስቃይ እና ማኅበራዊ ውጥንቅጥ ውስጥ እንደከተተው ተመላክቷል።

በትግራይ ክልል ያለው ወቅታዊ ምስቅልቅል የቡድኑን የባንዳነት እና የፖለቲካ ከንቱነት የሚያሳይ መሆኑን ያስታወቁት ሌተናንት ኮሎኔሉ፣ ሕዝቡ ለፍትሕና ለዲሞክራሲ የከፈለው መስዋዕትነት ወደ ባርነት መቀየሩን ገልጸዋል። ይህንን የቁልቁለት ጉዞ ለመቀልበስ ከዜሮ በመነሳት የፖለቲካ ምኅዳሩን፣ የሲቪል ማኅበራትን እና የሥነ ልቦና ግንባታን እንደ አዲስ መጀመር የግድ እንደሚል አጽንኦት ተሰጥቷል።

በክልሉ ዘላቂ ሰላም ለማስፈን የትግራይ ለውጥ ኃይልና የፌደራል መንግሥት የየበኩላቸውን ድርሻ መወጣት እንዳለባቸው ተጠቁሟል። የትግራይ ሕዝብ የሚመጥነውን መሪ በዲሞክራሲያዊ መንገድ መምረጥ እንዲችል ፖለቲከኞች፣ ምሁራን፣ የሃይማኖት አባቶች እና ወጣቶች መለያየትን በመተው የጋራ መድረክ እንዲፈጥሩ ጥሪ ቀርቧል።

@Yenetube Fikerassefa

“ሕወሓት በሀገር ላይ ከፍተኛ ክህደት ፈጽሟል”

የትግራይ የሰላም ተልዕኮ አስተባባሪ ሌተናንት ኮሎኔል ገብረዋሕድ ኃይሉ ለአዲስ ዘመን ጋዜጣ እንደገለጹት፣ ሕገወጡ የሕወሓት ቡድን ከውጭ ኃይሎችና ከሀገር ታሪካዊ ጠላቶች ጋር በመተባበር በሀገር እና በሕዝብ ላይ ከፍተኛ ክህደት ፈጽሟል። የቡድኑ የ30 ዓመታት የፖለቲካ ውድቀት ትግራይን የጦርነት አውድማ በማድረግ ሕዝቡን በማያባራ የኢኮኖሚ ውድቀት፣ የሥነ ልቦና ስቃይ እና ማኅበራዊ ውጥንቅጥ ውስጥ እንደከተተው ተመላክቷል።

በትግራይ ክልል ያለው ወቅታዊ ምስቅልቅል የቡድኑን የባንዳነት እና የፖለቲካ ከንቱነት የሚያሳይ መሆኑን ያስታወቁት ሌተናንት ኮሎኔሉ፣ ሕዝቡ ለፍትሕና ለዲሞክራሲ የከፈለው መስዋዕትነት ወደ ባርነት መቀየሩን ገልጸዋል። ይህንን የቁልቁለት ጉዞ ለመቀልበስ ከዜሮ በመነሳት የፖለቲካ ምኅዳሩን፣ የሲቪል ማኅበራትን እና የሥነ ልቦና ግንባታን እንደ አዲስ መጀመር የግድ እንደሚል አጽንኦት ተሰጥቷል።

በክልሉ ዘላቂ ሰላም ለማስፈን የትግራይ ለውጥ ኃይልና የፌደራል መንግሥት የየበኩላቸውን ድርሻ መወጣት እንዳለባቸው ተጠቁሟል። የትግራይ ሕዝብ የሚመጥነውን መሪ በዲሞክራሲያዊ መንገድ መምረጥ እንዲችል ፖለቲከኞች፣ ምሁራን፣ የሃይማኖት አባቶች እና ወጣቶች መለያየትን በመተው የጋራ መድረክ እንዲፈጥሩ ጥሪ ቀርቧል።

Seledadotio
Seledadotio

የሆራ ፊንፊኔ ኢሬቻ በአዲስ አበባ በደማቅ ሁኔታ ተከበረ!
 
ከበርካታ የኢትዮጵያ ክፍሎች የተመሙ ታዳሚዎችን ያሰባሰበውና ለሁለት ቀናት የሚቆየው የኦሮሞ ህዝብ የኢሬቻ በዓል የመጀመሪያ ቀን ስነ-ስርዓት በዋና ከተማዋ አዲስ አበባ በሆራ ፊንፊኔ በደማቅ ሁኔታ እየተከበረ ይገኛል።
 
የኦሮሞን ህብረ-ብሄራዊ እሴቶች የሚያንጸባርቁ ባህላዊ አልባሳትን የለበሱ ወጣቶች (ቄሮዎችና ቀሬዎች)፣ የሲንቄ እናቶች እና አባ ገዳዎች በዚህ ደማቅ በዓል ላይ እየተሳተፉ ይገኛሉ።ትላንት ከልዩ ልዩ የአገሪቱ ክፍሎች ለመጡት እንግዶች በአምስቱም የአዲስ አበባ መግቢያ በሮች  የሞቀ አቀባበል ተደርጓል።
 
በአዲስ አበባ የሚደረገው ይህ ስነ-ስርዓት፣ እሁድ መስከረም 24 ቀን 2019 ዓ.ም በቢሾፍቱ ሆራ አርሰዲ ከሚከበረው የዓመቱ በዓል በፊት የሚከናወን ነው።
 
በፀደይ (አርፋሳ) እና በበጋ/መኸር (ብራ) ወቅቶች የሚከበረው የኢሬቻ በዓል፤ የምስጋና፣ የምርቃት፣ የሕዳሴና የእርቅ ምልክት የሆነ የኦሮሞ ባህላዊ በዓል ነው።

(AS)
@YeneTube FikerAssefa

ኢትዮጵያ የቤተሰብ እቅድ አገልግሎት ተደራሽነትን 54 በመቶ ለማድረስ አቅዳ እየሰራች ትገኛለች ተባለ

በኢትዮጵያ የስነ-ተዋልዶ ጤና እና የቤተሰብ እቅድ አገልግሎትን ለማስፋፋት የሚያስችሉ አዳዲስ የማሻሻያ ስራዎች እየተከናወኑ መሆናቸውን የጤና ሚኒስቴር አስታውቋል ።

በሚኒስቴሩ የብሔራዊ የእናቶች ጤና ፕሮግራም አስተባባሪ እና የቤተሰብ እቅድና የስነ-ተዋልዶ ጤና ኃላፊ ተወካይ ሲስተር ዘምዘም መሐመድ በኢትዮጵያ የቤተሰብ እቅድ አገልግሎት አጠቃቀም ከጊዜ ወደ ጊዜ ከፍተኛ እድገት እያሳየ ይገኛል ሲሉ ለብስራት ሬዲዮ ገልፀዋል። እንደ ኃላፊዋ ገለጻ በቅርቡ ይፋ በተደረገው የጤና እና ስነ-ሕዝብ ዳሰሳ መረጃ መሠረት ዘመናዊ የቤተሰብ እቅድ አገልግሎት አጠቃቀም ምጣኔ ከነበረበት 26.3በመቶ ወደ 34.5በመቶ አድጓል ብለዋል።

ማህበረሰቡ በተለይም ወጣቶችና እናቶች አስፈላጊውን መረጃ በነጻ ማግኘት እንዲችሉ በ 9169 ነጻ የስልክ መስመር ላይ የመረጃ እና የሪፈራል አገልግሎት ይበልጥ ተጠናክሮ እንደሚቀጥል ገልፀዋል።ኢትዮጵያ በፈረንጆቹ አቆጣጠር በ2030 የቤተሰብ እቅድ አገልግሎት ተደራሽነትን ወደ 54 በመቶ ለማድረስ አቅዳ እየሰራች እንደምትገኝ አክለዋል።

የቤተሰብ እቅድ አገልግሎትን በአግባቡ መጠቀም የእናቶችን ሞት እስከ 35 በመቶ እንዲሁም የጨቅላ ህጻናት ሞትንም ቢሆን በከፍተኛ ሁኔታ ለመቀነስ ያስችላል ብለዋል። በተጨማሪም በግጭትና በተፈጥሮ አደጋዎች በተጎዱ ወይም ሩቅ ባሉ አካባቢዎች የሚገኙ እናቶች እና ህጻናት የጤና አገልግሎት እንዳያመልጣቸው በተንቀሳቃሽ ክሊኒኮችና በአስቸኳይ ምላሽ መስጫ ስልቶች አማካኝነት አገልግሎቱን ተደራሽ የማድረግ ስራዎች እየተከናወኑ መሆኑን ሲስተር ዘምዘም ጨምረው ለጣቢያችን አስረድተዋል።

በሰመሀር አለባቸው
#ዳጉ_ጆርናል

አዲሱ የድሬድዋ ከተማ ከንቲባ ማናቸው ?

የድሬዳዋ ከተማ ም/ ቤት አቶ አብዱላሂ አደምን የከተማዋ ከንቲባ በማድረግ ሾሟል። ለመሆኑ አዲሱ ከንቲባ ማናቸው ? ስለ ትምህርትና የስራ ጉዟቸውስ ምን ይታወቃል ?

በኤረር ከተማ ተወልደው ያደጉት አቶ አብዱላሂ የአንደኛና ሁለተኛ ደረጃ ትምህርታቸውን በዚያው ኤረር እና በአዲስ አበባ አጠናቀዋል።

ከአዲስ አበባ ዩኒቨርሲቲ በሶሺዮሎጂና ሶሻል አንትሮፖሎጂ የመጀመሪያ ዲግሪያቸውን አግኝተዋል። የማስተርስ ዲግሪያቸውን በቻይና በዓለምአቀፍ ግንኙነት መስክ አጠናቀዋል።

በስራ ዓለም ፦
-  ከ2001 እስከ 2003 ዓ.ም. የኤረር ወረዳ ዋና አስተዳዳሪ እና የኤረር ወረዳ ወጣቶችና ስፖርት ጽ/ቤት ኃላፊ፣
- ከ2004 እስከ 2010 ዓ.ም ባለው ጊዜ በድሬዳዋ አስተዳደር የኢትዮጵያ ሶማሌ ሕዝብ ዴሞክራሲያዊ ፓርቲ (ኢሶህዴፓ) ጽ/ቤት ዋና ኃላፊ፣
- ከ2011 ዓ.ም. ጀምሮ በሶማሊ ክልል በአደጋ ሥጋት ቢሮ፣ በከተማ ልማትና ኮንስትራክሽን ቢሮ፣ በግብርና ቢሮና በትምህርት ቢሮ በአመራርነት ሰርተዋል።

ከንቲባ እስከሆኑበት እስከዛሬው ቀን ድረስ የሶማሊ ክልል ንግድና ትራንስፖርት ቢሮ ምክትል ኃላፊ ሆነው አገልግለዋል።

የአማርኛ ፣ አፍ ሶማሊና የአፋን ኦሮሞ እንዲሁም የእንግሊዘኛ ቋንቋንዎችን አቀላጥፈው ይናገራሉ ተብሏል።

መስከረም 22 ቀን 2019 ዓ/ም

@tikvahethiopia አቶ ከድር ጁሀር የድሬዳዋ ከተማ ምክትል ከንቲባ ሆነው ተሾሙ። የድሬዳዋ አስተዳደር ምክር ቤት አቶ ከድር ጁሀርን የአስተዳደሩ ምክትል ከንቲባ አድርጎ ሾሟል። ምክትል ከንቲባው በምክር ቤቱ ፊት ቃለ መሃላ ፈጽመዋል። አቶ ከድር ጁሀር ላለፉት ዓመታት ከተማዋን ከንቲባ ሆነው ሲመሩ ቆይተው በዛሬው ዕለት በአቶ አብዱላሂ አደን ተተክተዋል። መስከረም 22 ቀን 2019 ዓ/ም @tikvahethiopia

አሚጎስ እና አሸናፊ ግርማ ሶከር አካዳሚ የጋራ መግባቢያ ሰነድ ተፈራረሙ
#ethiopia | አሚጎስ እና በቀድሞ የኢትዮጵያ ታዋቂ የእግር ኳስ ተጫዋችና አሰልጣኝ አቶ አሸናፊ ግርማ የተቋቋመው አሸናፊ ግርማ ሶከር አካዳሚ፣ በጋራ ለመሥራት የሚያስችላቸውን የጋራ መግባቢያ ሰነድ ተፈራርመዋል።

ስምምነቱ በእግር ኳስ ዘርፍ ያሉ ተሳታፊዎችንና የኢትዮጵያ ዲያስፖራ ማኅበረሰብን አሚጎስ በሚሰጣቸው የቁጠባና የብድር አገልግሎቶች ተጠቃሚ ለማድረግ ያለመ የጋራ የሥራ ማዕቀፍን ያካትታል።

አቶ አሸናፊ ግርማ ነዋሪነቱን በካናዳ ካደረገ በኋላ በስሙ የተቋቋመውን ሶከር አካዳሚ በማስፋፋት፣ የእግር ኳስ ፍቅር ባላቸው ታዳጊዎች ላይ ትኩረት በማድረግ የአሰልጣኝነት ሙያውን ቀጥሏል።

በበኩሉ አሚጎስ ወጣቶችን በስፖርት ዘርፍ ለማበረታታት በእግር ኳስ መሣሪያዎች በመደገፍ ከ300 በላይ ታዳጊዎችን እያሰለጠነ መሆኑ ተገልጿል።

በሁለቱ ተቋማት መካከል በሚኖረው የጋራ የሥራ ትብብር የተለያዩ የስፖርትና የፋይናንስ አገልግሎቶችን በማገናኘት የዲያስፖራ ማኅበረሰቡ ከአሚጎስ የቁጠባና የብድር አገልግሎቶች ተጠቃሚ እንዲሆን ለማስቻል አሰልጣኝ አሸናፊ ግርማ በካናዳ የማስተባበር ሚና እንዲወጣ በስምምነቱ ተካቷል።

በፊርማ ሥነ-ሥርዓቱ ላይ አሰልጣኝና የቀድሞ የኢትዮጵያ እግር ኳስ ተጫዋች አቶ አሸናፊ ግርማ፣ አሚጎስ ይህንን ሥራ በጋራ እንዲሠሩ ዕድሉን በመስጠቱ ምስጋና አቅርበዋል።

አሰልጣኝ አሸናፊ ግርማ እንደገለጹት፣ ትብብሩ ኢትዮጵያን ናፍቀው በውጭ አገራት ለሚኖሩ የዲያስፖራ ማኅበረሰብ በሀገራቸው የቁጠባ፣ የብድርና የኢንቨስትመንት ዕድሎችን ለመጠቀም አማራጭ ይፈጥራል።

በፊርማ ሥነ-ሥርዓቱ ላይ በማኅበር ወይም በግል ብድር መጠቀም ለሚፈልጉ ዲያስፖራዎች፣ እንዲሁም በተለያዩ የኢንቨስትመንት አማራጮች ለመሳተፍ ፍላጎት ላላቸው የአሚጎስ የፋይናንስ አገልግሎት አሰጣጥ መንገዶች ላይም ውይይት ተደርጓል።

በዚህም የሁለቱ ተቋማት ትብብር የስፖርት ልማትን ከዲያስፖራ ተሳትፎና ከፋይናንስ አገልግሎት ጋር በማጣመር ወጣቶችንና የዲያስፖራ ማኅበረሰቡን የሚያገናኝ የጋራ የሥራ ማዕቀፍ ለመፍጠር ያለመ መሆኑ ተገልጿል።

​#amigos #ashenafigirma #sports #diaspora #finance #ethiopiansports #getutemesgen #getu #ጌጡ #ጌጡተመስገን #addisababa






አሚጎስ እና አሸናፊ ግርማ ሶከር አካዳሚ የጋራ መግባቢያ ሰነድ ተፈራረሙ
#ethiopia | አሚጎስ እና በቀድሞ የኢትዮጵያ ታዋቂ የእግር ኳስ ተጫዋችና አሰልጣኝ አቶ አሸናፊ ግርማ የተቋቋመው አሸናፊ ግርማ ሶከር አካዳሚ፣ በጋራ ለመሥራት የሚያስችላቸውን የጋራ መግባቢያ ሰነድ ተፈራርመዋል።

ስምምነቱ በእግር ኳስ ዘርፍ ያሉ ተሳታፊዎችንና የኢትዮጵያ ዲያስፖራ ማኅበረሰብን አሚጎስ በሚሰጣቸው የቁጠባና የብድር አገልግሎቶች ተጠቃሚ ለማድረግ ያለመ የጋራ የሥራ ማዕቀፍን ያካትታል።

አቶ አሸናፊ ግርማ ነዋሪነቱን በካናዳ ካደረገ በኋላ በስሙ የተቋቋመውን ሶከር አካዳሚ በማስፋፋት፣ የእግር ኳስ ፍቅር ባላቸው ታዳጊዎች ላይ ትኩረት በማድረግ የአሰልጣኝነት ሙያውን ቀጥሏል።

በበኩሉ አሚጎስ ወጣቶችን በስፖርት ዘርፍ ለማበረታታት በእግር ኳስ መሣሪያዎች በመደገፍ ከ300 በላይ ታዳጊዎችን እያሰለጠነ መሆኑ ተገልጿል።

በሁለቱ ተቋማት መካከል በሚኖረው የጋራ የሥራ ትብብር የተለያዩ የስፖርትና የፋይናንስ አገልግሎቶችን በማገናኘት የዲያስፖራ ማኅበረሰቡ ከአሚጎስ የቁጠባና የብድር አገልግሎቶች ተጠቃሚ እንዲሆን ለማስቻል አሰልጣኝ አሸናፊ ግርማ በካናዳ የማስተባበር ሚና እንዲወጣ በስምምነቱ ተካቷል።

በፊርማ ሥነ-ሥርዓቱ ላይ አሰልጣኝና የቀድሞ የኢትዮጵያ እግር ኳስ ተጫዋች አቶ አሸናፊ ግርማ፣ አሚጎስ ይህንን ሥራ በጋራ እንዲሠሩ ዕድሉን በመስጠቱ ምስጋና አቅርበዋል።

አሰልጣኝ አሸናፊ ግርማ እንደገለጹት፣ ትብብሩ ኢትዮጵያን ናፍቀው በውጭ አገራት ለሚኖሩ የዲያስፖራ ማኅበረሰብ በሀገራቸው የቁጠባ፣ የብድርና የኢንቨስትመንት ዕድሎችን ለመጠቀም አማራጭ ይፈጥራል።

በፊርማ ሥነ-ሥርዓቱ ላይ በማኅበር ወይም በግል ብድር መጠቀም ለሚፈልጉ ዲያስፖራዎች፣ እንዲሁም በተለያዩ የኢንቨስትመንት አማራጮች ለመሳተፍ ፍላጎት ላላቸው የአሚጎስ የፋይናንስ አገልግሎት አሰጣጥ መንገዶች ላይም ውይይት ተደርጓል።

በዚህም የሁለቱ ተቋማት ትብብር የስፖርት ልማትን ከዲያስፖራ ተሳትፎና ከፋይናንስ አገልግሎት ጋር በማጣመር ወጣቶችንና የዲያስፖራ ማኅበረሰቡን የሚያገናኝ የጋራ የሥራ ማዕቀፍ ለመፍጠር ያለመ መሆኑ ተገልጿል።

​#amigos #ashenafigirma #sports #diaspora #finance #ethiopiansports #getutemesgen #getu #ጌጡ #ጌጡተመስገን #addisababa

የአዲስ አበባ ምክር ቤት
#ethiopia | የአዲስ አበባ ከተማ 4ኛ ዙር የምክር ቤት መክፈቻ ጉባኤ ተካሂዷል።

አዲሱ ምክር ቤት የተለያዩ ተፎካካሪ የፖለቲካ ፓርቲዎችን ማካተቱ አካታችነት ያለው የፖለቲካ ተሳትፎን ያሳያል ሲሉ የምክር ቤት አባላት ገልጸዋል።

ከአዲሶቹ የምክር ቤት አባላት መካከል በሚዲያ ዘርፍ የምትታወቀው ጋዜጠኛ በሻቱ ቶለማርያም እና የሙዚቃ አቀናባሪው ካሙዙ ካሳ ይገኙበታል።

የብሔራዊ ምርጫ ቦርድ የእጩዎች ሰነድም ካሙዙ ካሳ ላሌን በየካ ምርጫ ክልል ከነፃነትና እኩልነት ፓርቲ ጋር እንደተመዘገበ ያሳያል።

ጋዜጠኛ በሻቱ ቶለማርያም፣ በከተማዋ ነዋሪዎች የተሰጣቸውን አደራ በአግባቡ ለመወጣት እንደሚሠሩ ገልጸዋል። በተለይም ምክር ቤቱ የተለያዩ ተፎካካሪ ፓርቲዎችን ማካተቱን አካታችነት ያለው ዴሞክራሲ ማሳያ መሆኑን ጠቁመዋል።

ካሙዙ ካሳ በበኩላቸው፣ በቀጣዮቹ አምስት ዓመታት የወጣቶችን የሥራ ዕድል ፈጠራ ለመደገፍና በከተማዋ በሚከናወኑ የልማት ሥራዎች በንቃት ለመሳተፍ ዝግጁ መሆናቸውን ተናግረዋል።

አዲሱ ምክር ቤት በቀጣዮቹ አምስት ዓመታት የሕዝብ አደራን ለመወጣትና የከተማዋን የልማት ሥራዎች ለመከታተል እንደሚሠራ ተገልጿል።
#ኢዜአ