ቼልሲ አሰልጣኝ ኢንዞ ማሬስካን ከኃላፊነት አነሳ
#ethiopia | የምዕራብ ለንደኑ ክለብ ቼልሲ ጣሊያናዊውን አሰልጣኝ ኢንዞ ማሬስካን ከኃላፊነታቸው ማሰናበቱን በይፋ አስታወቀ።

ክለቡ ባወጣው መግለጫ አሰልጣኙ በቆይታቸው ላከናወኑት ስራና ላስመዘገቡት ውጤት ምስጋናውን አቅርቧል። በተለይም ማሬስካ በክለቡ የቅርብ ጊዜ ታሪክ ውስጥ ያሳኳቸው የዋንጫ ስኬቶች ምንጊዜም ሲታወሱ እንደሚኖሩ ክለቡ ገልጿል።

የአሰልጣኙ የቼልሲ ቆይታ በቁጥር፡🔎

አሰልጣኝ ኢንዞ ማሬስካ በስታምፎርድ ብሪጅ በነበራቸው ቆይታ ያስመዘገቡት አሃዛዊ መረጃዎች የሚከተሉት ናቸው፦

* ጠቅላላ ጨዋታዎች፡ 92
* ድል ያደረጉባቸው፡ 55
* ያሳኳቸው ዋንጫዎች፡ 2

ቼልሲ በመግለጫው ማጠቃለያ ላይ "ለአሰልጣኝ ኢንዞ ማሬስካ ለወደፊት ህይወታቸው መልካሙን እንመኛለን" በማለት ስንብቱን አጽድቋል።

ክለቡ የአሰልጣኙን ስንብት ተከትሎ በጊዜያዊነት ወይም በቋሚነት ክለቡን የሚረከብ አሰልጣኝ እስካሁን በይፋ የገለጸው ነገር የለም።

Getu Temesgen - (ጌጡ ተመስገን)
#chelseafc #enzomaresca #premierleague #footballnews #cfc #sacked #breakingnews