ዴቪድ ራያ በታሪክ የፕሪሚየር ሊግ እና የቻምፒዮንሺፕ የወርቅ ጓንት (Golden Glove) ሽልማትን በማሸነፍ ብቸኛው ግብ ጠባቂ ሆነ። 🎖️

ዴቪድ ራያ ሽልማቱን ለተከታታይ ሶስት አመታት አሸንፏል።

በታሪክ የወርቅ ጓንትን ለአራት ተከታታይ አመታት ያሸነፈ ተጫዋች እስካሁን የለም። 🧤👑

(ዘ-ሐበሻ ዜና) በካናዳ ቶሮንቶ ከተማ (ስካርቦሮ አካባቢ) ያደገችው ትውልደ ኢትዮጵያዊቷ የ'አልት-አር ኤንድ ቢ' አቀንቃኝ ሊዲያ ሀብተማርያም፣ በሙዚቃው ዓለም የምትታወቅበትን 'ቼሪ' (Chxrry) የተሰኘ ስሟን ይዛ የዓለምን የሙዚቃ መድረክ ለመቆጣጠር ተነስታለች። በቅርቡ በትውልድ ከተማዋ ለምታደርገው ትልቅ የሙዚቃ ድግስ ዝግጅቷን እያጠናቀቀች የምትገኘው ይህች ወጣት፣ ራዕይዋ ከቶሮንቶ ከተማ የዘለለ መሆኑን በልበ ሙሉነት ትናገራለች። የሰፈሯ ጀግና መሆን ብቻ እንደማትፈልግ የምታስረዳው ቼሪ፣ "እናንተ ከተማዋን ውሰዱ፣ እኔ ግን ዓለምን ነው የምፈልገው፤ ከሁሉም የላቅኩ መሆን ነው ህልሜ" በማለት ሰፊውን አላማዋን ታጋራለች።

የቼሪ ይህ ግዙፍ ህልም በአየር ላይ የተንጠለጠለ የከንቱ ምኞት አይደለም፤ በዓለማችን ላይ ካሉ እጅግ ታዋቂ የሙዚቃ ከዋክብት አንዱ በሆነው ትውልደ ኢትዮጵያዊው አቤል ተስፋዬ ሙሉ ድጋፍ ታጅቧል። ቼሪ አቤል ተስፋዬ በመሰረተው ታዋቂው የሙዚቃ ኩባንያ 'XO Records' ውስጥ ለመፈረም የበቃች የመጀመሪያዋ ሴት አርቲስት በመሆን ታሪክ ሰርታለች። የሁለቱ አርቲስቶች ግንኙነት በሙዚቃ ብቻ የተገደበ አይደለም፤ ሁለቱም ኢትዮጵያዊ ስረ-መሰረት ያላቸው ሲሆኑ፣ ያደጉትም በአንድ ሰፈር ውስጥ ነው። እናቶቻቸውም የቅርብ ጓደኛሞች እንደነበሩ ቼሪ ታስታውሳለች። አቤል በ2011 የመጀመሪያውን የሙዚቃ ስራውን ባቀረበበት ታሪካዊው 'Mod Club' መድረክ ላይ፣ ቼሪም በበኩሏ ቅዳሜ ዕለት ስራዋን ልታቀርብ መሆኑ የትውልድ ሽግግርን የሚያሳይ ተምሳሌታዊ ክስተት ሆኖላታል። አቤልም "የራስሽን መንገድ ፍጠሪ" የሚል ወርቃማ ምክር እንደለገሳት በኩራት ትገልጻለች።

ግንቦት 21 (May 29) ለህዝብ ጆሮ የሚደርሰው "U, Me & My Ego" የተሰኘው የመጀመሪያው ሙሉ አልበሟ፣ የቼሪን የሙዚቃ ብስለት እና ጥልቅ ሀሳብ ቁልጭ አድርጎ የሚያሳይ ነው። የአልበሙ ርዕስ ሶስት የተለያዩ ማንነቶችን የሚወክል ሲሆን፤ "Me" ተጋላጭ የሆነችውን ሊዲያን፣ "U" በህይወቷ ውስጥ ያለን ወንድ፣ እንዲሁም "My Ego" ደግሞ ደፋር እና ሀይለኛ የሆነውን የቼሪን ማንነት ይወክላል። በአዘጋጁ 'ቢሊቭ' የተቀነባበረው ይህ አልበም፣ ከለዘብተኛ የፍቅር ሙዚቃዎች እስከ ሀይለኛ የሴቶች አቅም ማጎልበቻ ዜማዎችን ያካተተ ሲሆን፣ አርቲስቷ ምንም አይነት ድምጿን ከፍ ሳታደርግ ሀሳቧን በስለታም እና በማራኪ ሁኔታ የምትገልጽበት ልዩ የሙዚቃ ስልት ታይቶበታል።

የቼሪ የሙዚቃ ጉዞ መሰረት የተጣለው ገና በልጅነቷ ነበር። ኢትዮጵያውያን ስደተኛ የሆኑት ወላጆቿ በቤተክርስቲያን መዘምራን የነበሩ ሲሆን፣ እሷም በቤተክርስቲያን ዝግጅቶች እና በሰርግ ስነ-ስርዓቶች ላይ ትዘፍን ነበር። ነገር ግን ሙዚቃን እንደ ዋና የህይወት መስመር ለመያዝ ያሰበችው ያልተጠበቀ አጋጣሚ ከተፈጠረ በኋላ ነው።

በዮርክ ዩኒቨርሲቲ ትምህርቷን እየተከታተለች ባለችበት ወቅት፣ በ2018 የሪሃናን "Work" የተሰኘ ዘፈን ስትዘፍን በጓደኛዋ በስልክ ካሜራ ተቀርጻ ኢንስታግራም ላይ ከተለቀቀ በኋላ፣ ቪዲዮው በአንድ ጀምበር በመላው ዓለም ተሰራጨ። ይህ ክስተት ህይወቷን የቀየረ ሲሆን፣ አባቷን በደስታ "ስራህን አቁም፣ ጓዝህን ጠቅልል ወደ ሆሊውድ ልንሄድ ነው" እስከማለት አድርሷት ነበር። ብዙም ሳይቆይ የመጀመሪያዋን "My Love" የተሰኘች ዜማዋን እንድታወጣ እና የበርካታ ታዋቂ የሙዚቃ ኩባንያዎችን ቀልብ እንድትስብ መንገድ ከፈተላት። የ 'XO' ተባባሪ መስራች የሆነው አሚር (ካሽ) ኢስማኢልያን መልዕክት ልኮላት ወደ ኩባንያው እንድትቀላቀል ያደረጋትም በዚሁ ወቅት ነበር።

አሁን ላይ በሙዚቃው ዓለም የራሷን ጽኑ መሰረት እየጣለች የምትገኘው ቼሪ፣ በ'XO Records' ስር ሆና በመስራቷ ሙሉ ነጻነት እንዳገኘች ትናገራለች። አብዛኛውን ጊዜ ከትላልቅ ኩባንያዎች ጋር ሲፈረም የሚመጣውን ጫና እና የሚጠበቅ ግዴታ ወደ ጎን በመተው፣ ኩባንያውም ሆነ አቤል የራሷን የፈጠራ መንገድ እንድትከተል ሰፊ ሜዳ ትተውላታል። በአሁኑ ወቅት ራሷን ይበልጥ እያወቀች እና እያደነቀች የመጣችው ይህች ወጣት አርቲስት፣ የካናዳን እና የቶሮንቶን ሴት አርቲስቶች አዲስ ማዕበል የመፍጠር ግዙፍ ራዕይ ሰንቃ ጉዞዋን ቀጥላለች።

የ "ፍቅር ረሃብ" : The Hunger for love
#ethiopia | የፍቅር ረሃብ ብዙውን ጊዜ ከልጅነት ጀምሮ ባልተሟሉ ስሜታዊ ፍላጎቶች ላይ የተመሠረተ ነው። የዚህ ስሜታዊ የግንኙነት ድርቅ የስብዕና ቀውስ ሊያስከትል ይችላል።

በአለም ላይ የሚታየው ጥላቻ፣ቅናት ወይም ከፍ ያለ ራስ ወዳድነት...ምክንያቶች ውስጥ የ"ፍቅር ረሃብ" አንዱ እንደሆነ ሊጠቀስ ይችላል። ይህንን እብደት የሚፈጥሩት፤ እንደ ሂትለር... ያሉ ሰዎች ጭካኔያቸው የመነጨው ከትናንት ልጅነታቸው በተፈጠረ የ"ፍቅር ረሃብ!" መሆኑ አሌ አይባልም።

መድረቅ ያለባቸው የ“ፍቅር ረሃብ” ምንጮች!...

1. ቤተሰባዊ ፍቅር እጦት፡- ፍቅር መብቀያው ቤተሰብ ነው። ይህን ስሜታዊ ቁርኝት ቤት ውስጥ እንዳያጡ ወይም እንዳያሳጡ ይጠንቀቁ። ይህን ቅርበት ማጣት ለከፋ የፍቅር ረሃብ ያጋልጣል።

2.የቤተሰብ /የማህበረሰብ/ ቸልተኝነት፡- በልጅነት እድሜ በቤተሰብ ቸል ተብለው አድገው ወይም ቸል ብለው እንደሆነ ስሜትዎን ይግሩ። ተወዳጅ ያለመሆን ስሜት ህይወትን ወዳልታሰበ አቅጣጫ ይመራል።

3.የልጅነት ዋጋ እጦት:- ልጆች ተወዳጅ መሆናቸውን ከቤተሰቦቻቸው በተለያዩ መገለጫዎች ማረጋገጥ ይሻሉ። እርስዎ ይህንን ስሜታዊ ቁርኝት ካጡት ወይም ካሳጡ ያስተውሉ። ዋጋ ማጣት እጅግ ያስርባል ።

4.ያለፈ የስሜት ጉዳት፡- በአሰቃቂ ወይም ባልተረጋጋ ሁኔታ፤ የሚወዱትን መነጠቅ (ግንኙነት መቋረጥ) የስሜት ጉዳት ያስከትላል። በመሆኑም ጉዳት ደርሶብዎ ወይም አድርሰው ከሆነ ይንቁ። ሰዎች የጠፋውን ደህንነት ለመተካት በሱስ እና ተስፋ መቁረጥ ውስጥ ሊወድቁ ይችላሉ።

5.በራስ መተማመን ማጣት፡- ልጅነት ላይ በሚፈጠሩ ተፅዕኖዎች ወይም በሌሎች ምክንያቶች፤ራስዎን ከሰው በታች አድርገው ካዩ ወይም ተፅእኖ ከፈጠሩ ያስተውሉ። የፍቅር ረሃብ "አልወደድም ወይም አልፈለግም" የሚል ክፉ ስሜት ይፈጥራል።

6.መተው ወይም መገፋት:- ጥላቻና በቀል የሚወለዱት አንድም በመተውና አለሁ ባይ ወገን ወይም ተቀባይነት በማጣት ነው። ከተተዉ ወይም ከተዉ ያስተውሉ፤ የ"ፍቅር ረሃብ" ስነልቦናዊ ቀውስ ይፈጥራል።

7.የውድቀት ወይም የችግር አካል መደረግ:-
በልጅነት "ላንተ/ቺ ብዬ እንጂ" እያሉ የቤተሰብ የችግር ምንጭ ተደርጎ መቆጠር እና መወቀስ የጥፋተኝነት ስሜት ይፈጥራል።

ሰዎች ላለመወቀስ እና ለመወደድ ያልተገባ መስዋእትነት ያስከፍላቸዋል። ይህስሜት ከተሰማዎ ወይም እንዲሰማቸው ካደረጉ እየተራቡ ወይም እያስራቡ ነውና ያስቡበት።
#አስተውሉ :- ፍቅር ህይወት ነው!... ፍቅር ሰላም ነው!... ፍቅር እግዚአብሔር ነው!...
ቤተሰብዎን አያስርቡ ወይም እርስዎ አይራቡ!... ለህይወትዎ ስኬት ወደትክክለኛው ምንጭ ይውረዱ!...

ሰላም ለኢትዮጵያ!...
ዳዊት ይዘንጋው/ዳይተም/

የካሙዙ ካሳ ላላ መልዕክት

ሠላም ጤና ይስጥልኝ የተከበራችሁ ውድ ኢትዮጵያውያን
#ethiopia | በሀገራችን የፖለቲካ ታሪክ ጉምቱ የተባሉ የኪነጥበብ ባለሞያዎች እና በተለያዩ የሞያ ዘርፎች ላይ አንቱታን ያተረፉ ግለሰቦች ለህዝብ ጥቅም ለሀገር መፅናት ሲሉ በፖለቲካ ተሳትፈዉ ለህዝባቸዉ ይበጃል ያሉትን ታሪክ ሰርተዋል ፣ እየሰሩም ይገኛሉ። በአለም የፖለቲካ ጉዞም ቢሆን የኪነጥበብ ባለሞያዎች እና ስፖርተኞች ከረጅም ጊዜ ጀምሮ በማኅበራዊና ፖለቲካ ጉዳዮች ላይ ብርቱ ተሳትፎ ሲያደርጉ ቆይተዋል።

የነበራቸውን ተሳትፎ በወፍ በረር ለመቃኘት ያክል:-
————
ሴኔጋል – ኢሱኑ ንዱር (Youssou N'Dour)

በዓለም የሙዚቃ መድረክ ተወዳጁ የሴኔጋል ዘፋኝ ኢሱኑ ንዱር፣ ለረጅም ዓመታት በማኅበራዊ ጉዳዮች ላይ ድምጹን ካሰማ በኋላ፣ በ2012 የሴኔጋል የባህልና ስፖርት ሚኒስትር ሆነው ተሾመ። በዚህ ሥልጣን የሀገሪቱን ቅርስ በማስጠበቅ ወጣቶችን በማብቃት ረገድ ትልቅ አሻራ አስቀርቷል።
————-
ላይቤሪያ – ጆርጅ ዊሃ (George Weah)

ከዓለም እግር ኳስ ታላላቅ ኮከቦች አንዱ የሆነው አፍሪካዊ የባሎን ዶር ተሸላሚ ጆርጅ ዌአ፣ ከሜዳ ጡረታ በኋላ ወደ ላይቤሪያ ፖለቲካ በመግባት ከፍተኛ ድምፅ በማግኘት በ2018 የሀገሪቱ ፕሬዚዳንት ሆኖ ተመረጠ። የእርሱ ጉዞ ከስፖርት ወደ ከፍተኛ የፖለቲካ አመራር ከሚታወቁት ደማቅ ምሳሌዎች አንዱ ነው።
—————
ናይጄሪያ – ፌላ ኩቲ (Fela Kuti)

የአፍሮቢት ሙዚቃ አባት ተብሎ የሚጠራው ናይጄሪያዊው ፌላ ኩቲ፣ በዘፈኖቹ ብቻ ሳይሆን በጠንካራ የፖለቲካ ንቅናቄውም ይታወቃል። መንግሥትን ጥሩ ሲሰራ ደግፎ በደልና ብልሹ አስተዳደርን በግልጽ ተቃዉሞ የካላኩታ ሪፐብሊክ በመባል በሚታወቀው ማኅበረሰቡ ውስጥ ተደጋጋሚ ቅጣትና እስራት ቢደርስበትም፣ የአፍሪካን የሕዝብ ተነሳሽነት በሙዚቃ አብይ ምሳሌ ሆኖ ቆይቷል።
——————
ዩናይትድ ስቴትስ – ሮናልድ ሬገን (Ronald Reagan)

ከሆሊዉድ ታዋቂ ተዋናዮች አንዱ የነበረው ሮናልድ ሬገን፣ ከስክሪን ወደ ፖለቲካ በመሻገር ከ1967 እስከ 1975 የካሊፎርኒያ ገዥ ሆኖ አገልግሏል፣ በኋላም በ1981 የአሜሪካ 40ኛ ፕሬዚዳንት ሆኖ ተመረጠ። በሁለት የሥልጣን ዘመኑ በቀዝቃዛው ጦርነት ማብቂያ ላይ ትልቅ ሚና በመጫወት፣ የአሜሪካን ኢኮኖሚ በሪጋኖሚክስ ፖሊሲ በማሻሻል ከተዋንያን ወደ ዓለም አለቃነት የተሸጋገሩ ብርቱ ምሳሌ ነዉ።
———————-
ቦብ ማርሊ (Bob Marley)

የሬጌ ሙዚቃ ምልክት ቦብ ማርሊ በዘፈኖቹ የሰላም፣ የአንድነትና የፖለቲካ ነፃነት መልእክት አሰማ። በጃማይካ ከፍተኛ የፖለቲካ ግጭት በነበረበት ወቅት ሁለት ተቀናቃኝ አንጃዎችን በአንድ መድረክ ላይ በማሰባሰብ “One Love” ኮንሰርት በማዘጋጀት ታሪካዊ ስራን ሰርቷል። ምንም እንኳ መደበኛ የፖለቲካ ሹመት ባይይዝም፣ በዓለም ዙሪያ እንደ ታላቅ የሰላም አራማጅና ተጽዕኖ ፈጣሪ ይታወሳል።
——————-//
ካሊፎርኒያ – አርኖልድ ሽዋርዜኔገር (Arnold Schwarzenegger)

በሆሊዉድ ፊልሞች ተወዳጁ የቀድሞ የሰውነት ግንባታ ሻምፒዮንና ተዋናይ አርኖልድ ሽዋርዜኔገር፣ ወደ ፖለቲካ በመግባት ከ2003 እስከ 2011 የካሊፎርኒያ ግዛት 38ኛ ገዥ ሆኖ አገልግሏል። በሁለት ወገን በተካሄደ ልዩ ምርጫ ተመርጦ፣ በአካባቢ ጥበቃና በጀት ማሻሻያ ላይ ትኩረት በማድረግ ከፊልም ስኬት ወደ እውነተኛ አመራር የተሻገረ ምሳሌ ነዉ።
———————-
ዩክሬን – ቮሎዲሚር ዘለንስኪ (Volodymyr Zelenskyy)

ዩክሬናዊው ኮሜዲያንና ተዋናይ ቮሎዲሚር ዘለንስኪ፣ በሰራዉ ተከታታይ ድራማ ውስጥ ፕሬዚዳንትን በመጫወት ታዋቂነትን ካገኘ በኋላ፣ በ2019 በእውነት የዩክሬን ፕሬዚዳንት ሆኖ ተመረጠ። ከሥልጣን ላይ በነበረበት ወቅት ሀገሩ ከባድ ጦርነት የገጠማት ሲሆን፣ ዘለንስኪ በአለም አቀፍ መድረክ የዩክሬንን ድምጽ በማሰማት የኮሜዲ ተዋናይነትን ወደ ጀግንነት የለወጠ አመራር አሳይቷል።
———————-
ቼክ ሪፐብሊክ – ቫችላቭ ሃቬል (Václav Havel)

የቼክ ጸሐፊ፣ ተውኔት ደራሲና የሰብዓዊ መብት ተሟጋች ቫችላቭ ሃቬል፣ በኮሚኒስት አገዛዝ ዘመን በፅሑፎቹና በተግባሮቹ የሰላማዊ አብዮት (ቬልቬት አብዮት) መሪ ሆነ። ከአገዛዙ ውድቀት በኋላ በ1989 የቼኮዝሎቫኪያ ፕሬዚዳንት ሆኖተመረጠ፣ በኋላም የቼክ ሪፐብሊክ ፕሬዚዳንት ሆኖ እስከ 2003 አገልግሏል። የጸሐፊነት ብልሃቱን ወደ ዴሞክራሲ ግንባታ በመምራት ከባህል ወደ ፖለቲካ ከፍተኛ ለውጥ ካደረጉ ታላላቅ ሰዎች አንዱ
ነዉ።

ኔፓል ፣ ባለንድራ ሻህ(Balendra Shah) ፣

በሰፊው እሚታወቀዉ መጠሪያዉ Balen ነዉ፣ የቀድሞ ራፐር፣ ሂፕ-ሆፕ አርቲስት እና ስትራክቸራል መሐንዲስ ሲሆን ፣ የኔፓል አዲስ ብሔራዊ መሪ ሆኖ ተነስቷል። ይህም የባለን ፓርቲ የ Rastriya Swatantra Party (RSP) በማርች 5፣ 2026 ምርጫዎች ላይ ታሪካዊ አሸናፊነትን ተጎናፅፏል።

ባለንም በኔፓል ፖለቲካ ከወጣት መሪዎች አንዱ ያደርገዋል ።

———- #እናም የኪነጥበብ ባለሞያዎች በማኅበራዊና ፖለቲካዊ ጉዳዮች ላይ መሳተፍ ለሀገርና ለሕዝብ የጎላ ጥቅም ከማበርከት ባለፈ፣ ለኪነጥበብ ዘርፉ ከፍተኛ መነቃቃትን እንደሚፈጥር በጽኑ አምናለሁ ::ይሄም እድል ለኢትዮጵያ ኪነጥበብ እድገትም ትልቅ ሚና እንዳለው በማመንና አርቱን ሌሎች አገራት በደረሱበት ለማድረስ እንዲሁም ሀገርን በፅኑ ከማገልገል አላማ በመነሳት በተጨባጭ ለሀገር እየሰራ ነዉ ፣ ህዝቤን እና ሀገሬን ወደ ብልፅግና ማማ ያደርሳል ያልኩትን የብልጽግና ፓርቲን ወክዬ ለመወዳደር እጩ መሆኔን ሳበስር ደስታ ይሰማኛል።

—-////—-///—-
በስተመጨረሻም : እነሆ በኢትዮጵያ ታሪክ ወርቃማ ጊዜ ላይ እንገኛለን
የኢትዮጵያ ስብራቶች እየተጠገኑ ነው። በኢትዮጵያ እምቅ ሀብቶች እየወጡ ነው።
የኢትዮጵያ ጂኦ ፓለቲካዊ ቁመና እየተቀየረ ነው፣
ሀገር በምክክር እና በሽግግር ፍትህ ቁርሾዋን እየሻረች፣ ነገዋን እየተለመች ነው፣
ኢትዮጵያ በብዙ ነገሮች እራስዋን የመቻል ዕቅዷን እያሳካች ነው፣
የኢትዮጵያ ህልም እውን ሆኖ፣ ሁለንተናዊ ብልፅግና በኢትዮጵያ እንዲረጋገጥ፣ ጉዞው በውጤት ተጀምሯል።
ይሄን ውጤታማ ጉዞ ይበልጥ ለማሳካት ብልፅግናን መምረጥ ወሳኙ ነገር ነው።

ፈጣሪ ኢትዮጵያን ይባርክ!!!
ካሙዙ ካሣ

በጦርነት ወቅት በብዛት ጥንዶች የሚጋጩባቸው ሶስት ምክንያቶች

ጦርነት በቅርብም አሊያም በመቶ በሺዎች የሚቆጠሩ ኪሎሜትሮች ርቆ በሚገኝ ቦታ ቢካሄድም፣ በሆነ መንገድ ግን የዕለት ተዕለት ኑሮ ውስጥ ዘልቆ ይገባል።

የማያቋርጥ የዜና ርዕሰ ዜናዎች፣ ምስሎች እና አዳዲስ መረጃዎች ማንኛውንም ሰው በስሜት እንዲጨነቅና እንዲዝል ሊያደርጉት ይችላሉ።

ይህ ጥንዶች የዕለት ተዕለት ተግባራቸውን ለመቀጠል በሚሞክሩበት ወቅት በቀላሉ አቅልለው ሊመለከቱት የሚችሉት "የጀርባ ጭንቀት" ዓይነት ነው።

​የጂኦፖለቲካዊ ግጭቶች ስሜታዊ ክብደት በዜናዎች ላይ ብቻ የተገደበ አይደለም። ብዙውን ጊዜ ወደ ቅርብ ግንኙነቶቻችንም ጭምር ዘልቆ ይገባል። ጥንዶች ከመቼውም ጊዜ በላይ በቀላሉ እንደሚበሳጩ፣ ትናንሽ አለመግባባቶች በፍጥነት እንደሚባባሱ ወይም በንግግር መሃል የሚሰነዘሩ አስተያየቶች ከወትሮው ይልቅ ጠንከር ያሉ ሆነው ሊሰሟቸው ይችላሉ።

​እንደ እውነቱ ከሆነ ብዙ ጥንዶች በቀጥታ ስለ ጦርነቱ አይጣሉም። ቢሆንም ግን፣ በዓለም አቀፍ ግጭቶች ምክንያት የሚፈጠረው የጋራ ጭንቀት እና እርግጠኛ አለመሆን በዕለት ተዕለት ግንኙነቶች ላይ ሳያውቁት ተጽዕኖ ሊያሳድር ይችላል። ስነ-ልቦና ባለሙያዎች ይህንን የስሜት "ትርፍ" ብለው ይጠሩታል።

​1. የጥንዶች ጭንቀት በተጀመረበት ቦታ አይቀሩም
​ውጫዊ ጭንቀት በግንኙነት ላይ ተጽዕኖ የሚያሳድርበት ሂደት "የጭንቀት መፍሰስ" (stress spillover) ይባላል።

​አንደኛው አጋር ውጫዊ ጭንቀት ሲያጋጥመው፣ ከዛ ጭንቀት ጋር የተያያዙ ስሜቶች ወደ ግንኙነቱ ይተላለፋሉ።

​ይህ ከመጠን በላይ የሆነ ጭንቀት ለመግባባት እና አዎንታዊ ግንኙነቶችን ለመደሰት አስቸጋሪ ያደርገዋል።

​ጭንቀት በጸጥታ ይመጣል—በትዕግስት ማጣት፣ ራስን የማግለል ፍላጎት እና ለትናንሽ ነገሮች ከመጠን በላይ ተጋላጭ በመሆን ይገለጻል።

​ዓለም አቀፍ ግጭቶች—የገበያ አለመረጋጋት፣ እርግጠኛ አለመሆን እና በየሰዓቱ የሚመጡ ዜናዎች—ወደ ግንኙነቱ የሚተላለፍ ውጫዊ ጫና ይፈጥራሉ። ጥናቶች እንደሚያሳዩት ከፍተኛ የውጭ ጭንቀት ባለበት ሁኔታ የግንኙነት እርካታ ይቀንሳል፣ ግጭቶችም ይበዛሉ።

​2. ጥንዶች እርስ በርሳቸው በተለየ መንገድ መተያየት ይጀምራሉ

​ጭንቀት ለአጋርዎ ያለዎትን አመለካከት ሊቀይረው ይችላል።

​እርስ በርሳቸው በደንብ የሚተዋወቁ አጋሮች እንኳን በድንገት የተለዩ ወይም እንግዳ ሊመስሉ ይችላሉ።

​ከፍተኛ ጭንቀት ባለበት ወቅት፣ ሰዎች የአጋራቸውን አዎንታዊ ባህሪያት ችላ በማለት አሉታዊ ባህሪያቸውን የመመልከት ዝንባሌያቸው ይጨምራል።

​ቀደም ሲል ይታገሷቸው የነበሩ ልማዶች አሁን ሊቋቋሟቸው የማይችሏቸው ሊመስሉ ይችላሉ።
​ጭንቀት አጋርዎን የሚረዱበትን መንገድ ይለውጠዋል—ይህ ማለት አጋርዎ ተለውጧል ማለት ሳይሆን የእርስዎ የመታገስ አቅም ቀንሷል ማለት ነው።

​3. ጭንቀት ከአንዱ አጋር ወደ ሌላው ይተላለፋል

​የስነ-ልቦና ባለሙያዎች ይህንን ክስተት "የመሻገሪያ ውጤት" ይሉታል።

​አንደኛው አጋር ስለ ዜና ወይም ስለ ዓለም አቀፍ ክስተቶች ጭንቀት ሲያሳይ፣ ሌላኛው አጋር ያንን ስሜት ይጋራል።

​ትኩረት ማጣት፣ በሀሳብ መራቅ ወይም አጫጭር ምላሾች በግንኙነቱ ውስጥ እርግጠኛ አለመሆንን እና ውጥረትን ይጨምራሉ።

​ሁለቱም አጋሮች በጭንቀት ውስጥ ሲሆኑ፣ ራስን የመቆጣጠር ችሎታ ይዝላል እናም አንዳቸው ለሌላው የሚፈልጉትን መስጠት አይችሉም።

​ዓለም አቀፍ ጭንቀት አጋሮቹ በቀጥታ በክስተቶቹ ባይጎዱም እንኳ ቤታቸው ድረስ ተጽዕኖ ያሳርፋል።

​በጦርነት ወቅት የግንኙነት ግጭቶችን እንዴት መቀነስ ይቻላል?

​በአለም ላይ እና በእርስዎ ውስጥ ምን እየተከናወነ እንዳለ ይረዱ።
​"ለምን እንዲህ ያደርጋል/ታደርጋለች?" ብለው ከመጠየቅ ይልቅ "አሁን ሁለታችንም ምን ዓይነት ስሜት ተሸክመናል?" ብለው ራስዎን ይጠይቁ።

​ጭንቀትን፣ ስጋትን ወይም ሀዘንን በስም መጥራት ውጥረትን ሊቀንስ ይችላል።
​በዓለም ዙሪያ በሚሊዮን የሚቆጠሩ ሰዎች ተመሳሳይ እርግጠኛ ያልሆነ ጊዜ ውስጥ እያለፉ እንደሆነ እራስዎን ያስታውሱ—ብቻዎን አይደሉም።

​ጭንቀትን ማወቅ እና ግልጽ ግንኙነት ማድረግ በግንኙነት ውስጥ ያሉ አስቸጋሪ ቀናትን ቀላል ሊያደርጋቸው ይችላል።

​ምንጭ፦ American Psychological Association እና Psychology Today

Be Edemesh Atekeleji - Aregahegn Worash - በእድሜሽ አትቀልጂ - አረጋኸኝ ወራሽ
https://youtube.com/watch?... Edemesh Atekeleji - Aregahegn Worash - በእድሜሽ አትቀልጂ - አረጋኸኝ ወራሽEnjoy the videos and music you love, upload original content, and share it all with friends, family, and the world on YouTube.

“ለምን ስራቸው ወጣ ብለህ የቅናት መንፈስ ውስጥህ አይግባ” ኤምሲ ሲያምረኝ ለሳሚ ዳን ጠንከር ያለ ምላሽ ሰጠ!
#fastmereja I ​በቅርቡ በድምጻዊ ሳሚ ዳን በኢትዮጵያን ራፐሮች መካከል ስላለው ዲስ አስተያየት ሰጥቶ ነበር የመጀመሪያው መልስ ሰጪ ራፐሩ ኤምሲ (MC) ሲያምረኝ ሆኗል።

ሳሚ ዳን በሰጠው አስተያየት ላይ "ስድብ" በሚል ለገለጸው ነጥብ፣ ሲያምረኝ የሂፕ ሆፕን ታሪክና ባህል በመጥቀስ ምላሹን ሰጥቷል።

​ሲያምረኝ ሂፕ ሆፕ በ70ዎቹ በኒው ዮርክ ሲመሰረት "ባትል ራፕ" የቃላት ጦርነትና ታለንትን ማሳያ እንጂ የግል ጥላቻ እንዳልሆነ አስረድቷል። "ይህ ጌም ነው፤ በቅናት መንፈስ ሊታይ አይገባም" ሲልም አክሏል።

​አዲስ በለቀቀው የዲስ ትራክ ላይ "ግጥሙን ሳሚ ዳን ነው የጻፈለህ?" ለሚሉ የኮሜንት አስተያየቶች፣ ግጥሙን ራሱ እንደጻፈውና የራሱ የፈጠራ ውጤት መሆኑን በኩራት ገልጿል።

​ሲያምረኝ ሳሚ ዳን ሰዎችን "በመላስ" እና "ጠቅ ጠቅ በማድረግ" እንደሚታወቅ በመጥቀስ፣ "የሙዚቃ ክብርህንና እድሜህን ወደ ጎን አድርገህ ሰዎችን ትልሳለህ" ሲል ጠንከር ያለ ትችት ሰንዝሯል።

"ሌላውን ከመተቸትህ በፊት ራስህን እይ፣ ለምን ስራቸው ወጣ ብለህ የቅናት መንፈስ ውስጥህ አይግባ" የሚል መልዕክትም አስተላልፏል።

​ሳሚ ዳን የሬጌ አርቲስት መሆኑን በማስታወስ፣ "ሬጌ ሰላምን፣ አንድነትንና ፍቅርን (Peace, Unity & Love) ይሰብካል እንጂ ስድብ የለበትም፤ የትኛው የሬጌ መርህ ነው ስድብን የሚፈቅደው?" ሲል ጠይቋል።
#showbiz

​"የወንድሙ ጂራ 'ጉዳዬ ነሽ'፦ ከድባቴ አረንቋ እስከ ህልውና ትንሳኤ

​በዚህ ዘፈን በምናባችን የምንስለው ሰው ሚስት ማግኘት ከብዶት እድሜዬም ሄደ ብሎ የሚያስብ በከባድ የህልውና ቀውስ ውስጥ የነበረን ሰው ነው።

"የቀን ጨለማ ዘመኔን፣ እምባዬን ቆጥሮ ሃዘኔን" የሚለው አገላለጽ፣ ግለሰቡ ዓለም በብርሃን ተሞልታ ሳለ እሱ ግን በውስጣዊ ጨለማ ውስጥ እንደሚኖር ያሳያል። ወንድሙ ጂራ በዚህ ስራው የሰው ልጅ ያለ ፍቅርና ያለ ትርጉም ሲቀር የሚገጥመውን የነፍስ መድረቅ በጥልቀት ይስለዋል።

​የሰው ልጅ ትልቁ ስቃይ የመከራው መብዛት ሳይሆን የመከራው "ትርጉም አልባ መሆን" እንደሚባለው በዘፈኑ ውስጥ ያለው ሰው "ደምድሜ ነበር ሲጨንቀኝ" ሲል፣ ህይወቱ ምንም አይነት ፋይዳ እንደሌላት ወስኖ ወደ መጨረሻው ድምዳሜ መድረሱን ያሳያል።

ሆኖም፣ "የልቡ ሰው" ወደ ህይወቱ ስትመጣ፣ ያ ትርጉም አልባ የነበረው ስቃይ በሙሉ በእሷ እውቅና አግኝቶ ወደ "ታሪክ" ሲቀየር ፍቅር ነፍስን የማዳን ስራ ሲሰራ እናያለን።

​ የሰው ልጅ ትልቁ ፍርሃት "መገለል" እንደሆነ ይገመታል። ወንድሙ ጂራ "አንቺን ባይሰጠኝ ምን ሊውጠኝ" በማለት የሚጠይቀው ጥያቄ፣ ያለ ሌላው ሰው ህልውናችን አደጋ ላይ እንደሚወድቅ ያሳያል። ሰው ማህበራዊ ፍጡር ብቻ ሳይሆን "ፍቅራዊ ፍጡር" ጭምር በመሆኑ፣ ያላንዳች ጥልቅ ትስስር በብቸኝነት ውቅያኖስ ሊዋጥ እንደሚችል ዘፈኑ በግልጽ ያስረዳል።

እሷ ለእሱ መምጣቷ ዝም ብሎ አጋርነት ሳይሆን፣ ከጥፋት ውሃ የመዳን ያህል ትልቅ ክስተት ነው።

"ጉዳዬ ነሽ" የሚለው ርዕስ ራሱ ትልቅ ፍልስፍናን ያዘለ ነው። በሰው ልጅ የዕለት ተዕለት ኑሮ ውስጥ በሺዎች የሚቆጠሩ "ጉዳዮች" ቢኖሩም፣ ዘፋኙ ግን ሁሉንም ዓለማዊ ጉዳዮች ወደ ጎን ትቶ አንዲቷን ሴት "ዋና ጉዳዩ" ያደርጋታል። ይህ በአብርሃም ማስሎ "የፍላጎቶች ቅደም ተከተል" ውስጥ፣ ግለሰቡ ከደህንነትና ከቁሳዊ ፍላጎት አልፎ ወደ ከፍተኛው የፍቅርና የራስን የማግኘት (Self-actualization) ደረጃ መሸጋገሩን ያሳያል።

ለእሱ "ጉዳይ" የሚባለው ነገር የሚለካው በገንዘብ ወይም በስልጣን ሳይሆን፣ በልብ እርካታ ነው።

"ነፍሴንም እስከ መስጠት፣ በፍቅር ስም ቃል እገባለሁ" የሚለው የወንድሙ ጂራ ስንኝ፣ ከምክንያታዊነት (Rationality) በላይ የሆነ "የእምነት ዝላይን" ያሳያል። ዘፋኙ ስለ ወደፊቱ እርግጠኛ ባይሆንም፣ ራሱን ግን ሙሉ በሙሉ አሳልፎ ይሰጣል። ይህ ዓይነቱ ፍቅር "Agapic Love" በመባል የሚታወቅ ሲሆን፣ ምንም አይነት ቅድመ ሁኔታ ሳይቀመጥበት ለሌላው ሰው ህልውና ራስን አሳልፎ የመስጠት ጥበብ ነው።

"ከወደቅኩበት ብነሳም፣ ባንቺ ብርታት ነው" የሚለው ሐረግ፣ ፍቅር እንዴት የሰውን የአእምሮ ጤና ሊጠግን እንደሚችል ምስክርነት ይሰጣል። በዘፈኑ ውስጥ ያለው ገጸ-ባህሪ በራሱ ጥረት መነሳት አልቻለም ነበር፤ የእሷ መኖር ግን ልክ እንደ ምርኩዝ ሆኖ ዳግም እንዲቆም አድርጎታል። ይህ የሚያሳየው የሰው ልጅ ጥንካሬ ምንጩ በሌላው ሰው አይን ውስጥ የሚታየው ተስፋ መሆኑን ነው።

​ዘመናዊው ዓለም ሰውን በስራው ብዛትና በጉዳዩ ብዛት ይለካዋል። ወንድሙ ጂራ ግን "ሺ ጉዳይ ቢደረደር፣ ጥንቅር ቢል የኔ ነገር" በማለት ብዙ ነገር መያዝ ሳይሆን፣ አንድ ትልቅ ትርጉም ያለው ነገር (ሰው) መያዝ ከሁሉ በላይ እንደሆነ ያስተምረናል። በሺዎች የሚቆጠሩ ጉዳዮች ከፍቅር ጋር ሲነጻጸሩ "ጥንቅር ይበሉ" መባላቸው፣ የሰው ልጅ ትልቁ ሀብት የሰው ልጅ መሆኑን ያረጋግጣል።

​ ዘፋኙ "እምባዬን ቆጥሮ ሃዘኔን" ሲል፣ እሷ የእሱን ስቃይ እንደተመለከተችና ዋጋ እንደሰጠችው ይገልጻል። ስቃያችንን የሚያውቅልንና እምባችንን የሚቆጥርልን ሰው ሲኖር፣ የህልውናችን ዋጋ ይጨምራል። በእሷ እይታ ውስጥ እሱ "ማንም" ከመሆን ወጥቶ "ተወዳጅ" ወደመሆን ተሸጋግሯል።

​"የቀረ ቢቀር የኔ፣ ጦም ውሎ ቢያድር ጎኔ" የሚለው ስንኝ የሰው ልጅ ሆዱ ቢጠግብም ነፍሱ ካልረካች ሰላም እንደማይኖረው ይነግረናል።ወንድሙ ጂራ ነፍሱ በእሷ ስለረካች፣ አካላዊ ችግርን (ረሃብን) እንደ ቀላል ነገር እንዲመለከተው አድርጎታል።

​ዘፋኙ "ደስታ ሲርቃት መንፈሴ... ደምድሜ ነበር" ካለበት የሞት ጥላ ወጥቶ፣ አሁን ግን ለመኖርና ለመውደድ ቃል ይገባል። ይህ የህይወት አድናቆት የመነጨው ከውጭ በመጣች "አዳኝ" አማካኝነት ነው። እሷ ለእሱ ሰው ለመሆን የሚያስችለውን ብርታት ሰጥታዋለች።

​ዘፋኙ የማይለወጥ ፍቅር እንዳለው ቃል ይገባል። ዓለም ብትናወጥም፣ የእሱ ፍቅር ግን እንደ ጽኑ አለት መቆሙን ይገልጻል። ይህ አስተማማኝ ትስስር መገለጫ ነው።

የወንድሙ ጂራ ግጥም አወቃቀር ከግል ስሜት አልፎ ወደ አጠቃላይ የሰው ልጅ ተሞክሮነት ይሸጋገራል። ዘፈኑ የሚያበቃው በተስፋና በድል አድራጊነት ነው። "ዘላለሜን እወድሻለሁ" የሚለው መደምደሚያ፣ ጊዜን የሚገዳደር የቃል ኪዳን ኃይል ነው። ይህ ቃል ለተሰበረው ልብ እንደ ማጣበቂያ፣ ለጠፋው ነፍስ ደግሞ እንደ ኮምፓስ (አቅጣጫ መጠቆሚያ) ሆኖ ያገለግላል።

​ የወንድሙ ጂራ ድንቅ የጥበብ ውጤት
በአጠቃላይ፣ "ጉዳዬ ነሽ" የተሰኘው የወንድሙ ጂራ ዘፈን፣ በሰው ልጅ ስነ-ልቦና ውስጥ የሚከሰተውን ከባድ ስብራት እና ያ ስብራት በፍቅር ኃይል እንዴት ሊጠገን እንደሚችል የሚያሳይ ድንቅ የጥበብ ስራ ነው። ዘፈኑ ከፍቅር ባለፈ፣ ለሰው ልጅ ህልውና አስፈላጊ የሆኑትን ተስፋን፣ እውቅናን እና ጽናትን በጥልቀት ይተነትናል። ይህ ስራ ለተስፋ ለቆረጡ ተስፋን፣ ለብቸኞች አጋርነትን፣ ለባዶ ነፍስ ደግሞ ሙሉነትን የሚሰጥ ዜማ ነው።

የዳዊት መለሰ " አቅቶኛል"፦ የነፍስ መጋየትና የአቅም ማጣት ጥበባዊ ጉዞ

​የሰው ልጅ ስሜት እንደ ውቅያኖስ ጥልቅ፣ እንደ ሰማይ ሰፊ ነው። አንዳንድ የጥበብ ስራዎች ደግሞ የዚህን ስሜት ጥግ ነክተው፣ ከግል ህመም አልፈው የሰው ልጅ የጋራ ሰቀቀን መገለጫ ይሆናሉ። የዳዊት መለሰ "አቅቶኛል" የተሰኘው ዘፈን በኢትዮጵያ ሙዚቃ ታሪክ ውስጥ እንዲህ ያለ ስፍራ አለው። ግጥሙ በአበበ መለሰ የተጻፈ ሲሆን፣ ይህ ስራ ዝም ብሎ የዜማ ድርድር ሳይሆን የነፍስ ጩኸት፣ የፈላስፎች ጥያቄ እና የታሪክ ድርሳናት ምስክር ነው።

​አበበ መለሰ ​በግጥሙ ውስጥ "ፍቅርሽ መጥቶ በእኩሌት" የሚለው ሐረግ ቁልፍ መልዕክት አለው።

እኩሌት (እኩለ ሌሊት) የጸጥታ ጊዜ ነው። ዓለም በሙሉ ረጭ ባለበት፣ የሰው ልጅ ከራሱ ጋር ብቻ በሚቀርበት ሰዓት፣ የጸሐፊው የፍቅር ቁስል አገርሽቶ የሚነሳበትን ቅጽበት ይገልጻል።

ጀርመናዊው ጸሐፊ ፍራንዝ ካፍካ ለፍቅረኛው ለፌሊስ ባወር ይጽፋቸው የነበሩ ደብዳቤዎች የዚህ ስሜት ማሳያ ናቸው። ካፍካ በሌሊት እንቅልፍ አጥቶ፣ በፍቅርና በጭንቀት መሃል ሆኖ "አንቺ የእኔ አይደለሽም፣ የእኔ የሆንሽው በህመሜ ውስጥ ብቻ ነው" ይላት ነበር። ልክ እንደ አበበ መለሰ ግጥም፣ ካፍካም በ"እኩሌት" በሚመጣ የአሳብ ስቃይ ተገዝቶ ነበር።

​ደራሲው "መጋየት" የሚለውን ቃል ሲጠቀም፣ ስሜቱ እንደ እሳተ ጎመራ የውስጥን ማንነት የሚያቀልጥ ኃይል መሆኑን ለማሳየት ነው።

ሩሲያዊው ደራሲ ፊዮዶር ዶስቶየቭስኪ "The Idiot" በተሰኘው መጽሐፉ ፍቅርን እንደ በሽታና እንደ "መጋየት" ይስለዋል። ገጸ-ባህሪያቱ በፍቅር ምክንያት አዕምሮአቸውን ሲስቱና "አቅቶኛል" የሚል ደረጃ ላይ ሲደርሱ ይታያሉ።

​ የአቅም ማጣት

​ይህ ዘፈን ከፍልስፍና አንጻር የሰው ልጅ "ነጻ ፈቃድ" (Free Will) ጥያቄ ውስጥ የሚወድቅበትን አጋጣሚ ያሳያል።

​አርተር ሾፐንሃወር እና ፍላጎት፦ ሾፐንሃወር "ዓለም እንደ ፍላጎትና እንደ ውክልና" በሚለው ፍልስፍናው፣ የሰው ልጅ የፍላጎት ባሪያ (Slave to the Will) እንደሆነ ይከራከራል። ዘፋኙ "መጋየት አቅቶኛል" ሲል፣ የእሱ የግል ፈቃድ በፍቅር ኃይል መሸነፉን እያወጀ ነው። "ፍቅርሽ በሁሌት ጠምዶ ይዞኛል" የሚለው ቃል፣ ግለሰቡ የራሱ ጌታ አለመሆኑንና በፍላጎት ገመድ መታሰሩን ያሳያል።

​ኤግዚስቴንሺያሊዝም ፦ እንደ ዣን ፖል ሳርትር እይታ "ገሃነም ማለት ሌሎች ሰዎች ናቸው"። እዚህ ጋር "አንቺስ አርፈሻል ደልቶሽ ተኝተሽ... እኔን ያለንቅልፍ በአሳብ አጥቅተሽ" የሚለው ስንኝ፣ ተጎጂው የሚሰማውን የፍትሃዊነት መጓደል ስሜት ያሳያል። የታዋቂዋ ሰዓሊ ፍሪዳ ካሎ እና የዲዬጎ ሪቬራ ታሪክ ለዚህ ማሳያ ነው። ፍሪዳ በከባድ ስቃይ ውስጥ ሆና ስትሳል፣ ዲዬጎ ግን በደስታ ውስጥ ነበር። ዘፈኑ ይህንኑ የአንዱ መጎዳት ለሌላኛው ግድ አለመሰኘት (Asymmetric Suffering) ይገልጻል።

​የጀግኖች ስብራት

​ታሪክ እንደሚነግረን፣ ሀገራት የሚፈራርሱት በጦርነት ብቻ ሳይሆን፣ መሪዎቻቸው በውስጣዊ የፍቅር ስቃይ ሲታወሩም ጭምር ነው።
​ናፖሊዮን ቦናፓርት፦ የፈረንሳዩ ንጉሥ ናፖሊዮን ለሚስቱ ለጆሴፊን ይጽፋቸው የነበሩ ደብዳቤዎች "አቅቶኛል" የሚል መንፈስ ነበራቸው። "ጆሴፊን ሆይ! ካንቺ ርቄ መኖር አልቻልኩም፣ ሌሊቱ ይረዝምብኛል፣ በአሳብ ተቀጣሁ" እያለ ታላቁ የጦር መሪ በፍቅር ፊት ተንበርክኮ ይለምን ነበር። ይህ የሚያሳየው "አቅቶኛል" የሚለው ቃል የጀግኖችንም ሆነ የደካሞችን አንደበት እኩል የሚያፈታ መሆኑን ነው።

​የእንግሊዙ ሄንሪ 8ኛ፦ ንጉሥ ሄንሪ ለአን ቦሊን በነበረው ጥልቅና አሳብ በሚበላ ፍቅር ምክንያት፣ የሀገሪቱን ሃይማኖትና ህግ እስከመቀየር ደርሷል። "ጣራ እየቆጠርኩ በአሳብ ስቀጣ" የሚለው ስሜት፣ ንጉሡ በሌሊት ይጽፋቸው በነበሩ ግጥሞች ላይ ይንጸባረቅ ነበር። የሀገራት ታሪክ በግለሰቦች "አቅም ማጣት" እና "በፍቅር መጋየት" የተቀረጸ ነው።
​. የስነ-ልቦናዊ እይታ

​ከሳይኮቴራፒ አንጻር "አቅቶኛል" የሚለው ቃል የሰው ልጅ የመቋቋም አቅም (Coping mechanism) መጨረሻ ላይ መድረሱን የሚያሳይ "የእርዳታ ጥሪ" (Cry for help) ነው።
​እንቅልፍ ማጣት (Insomnia) እና አባዜ (Obsession)፦ "ደርሶ በድንገት እንቅልፍ ነስቶኛል" የሚለው ስንኝ፣ ፍቅር ወደ አባዜነት (Obsessive love) ሲቀየር የሚያሳየውን ምልክት ይገልጻል። በአዕምሮ ውስጥ የሚመነጨው "Dopamine" እና "Norepinephrine" መብዛት ሰውን እንዴት ለሳምንታት እንቅልፍ እንደሚነሳ ያሳያል። ዘፋኙ "ጣራ እየቆጠርኩ" ሲል፣ አዕምሮው ካለፈው ትውስታ መውጣት አቅቶት በአንድ ሃሳብ ላይ መታሰሩን (Rumination) ያሳያል።

​አካላዊ መረበሽ (Psychomotor Agitation)፦ "አንዴ ስቀመጥ አንዴም ስነሳ... ምኑን ልንገርሽ የኔን አበሳ" የሚለው ስንኝ ከስሜታዊ ስቃይ ወደ አካላዊ መረበሽ መሸጋገርን ያሳያል። ይህ "አበሳ" የሚለው ቃል በትርጉሙ "ትልቅ መከራ" ማለት ሲሆን፣ ፈላስፋው ኤሚል ሲዮራን "ከእንቅልፍ እጦት በላይ ሰውን ወደ ፍልስፍና የሚገፋው የለም" እንዳለው፣ ዘፋኙም በዚያ ትርጉም በሌለው ሌሊት ውስጥ ለህመሙ ትርጉም ለመስጠት ሲታገል ይታያል።

​የዳዊት መለሰ ድምፅ እና የዜማው ኃይል

​ግጥሙ አጽም ከሆነ፣ የዳዊት መለሰ ድምፅ ስጋና ደም ነው። ዳዊት የሚዘፍንበት መንገድ "Melancholic" (ሀዘንተኛ) ብቻ ሳይሆን "Haunting" (አሳዳጅ) ነው።

​ድግግሞሽ (Repetition)፦ "አቅቶኛል... አቅቶኛል" የሚለው ቃል በተደጋጋሚ መነሳቱ፣ የሰው ልጅ ህመሙ ሲበዛበት ቃላት የሚያጥሩትን አጋጣሚ ይወክላል። "ይዞኛል ይዞኛል"፣ "ነስቶኛል ነስቶኛል" የሚሉ ቃላትን ደጋግሞ መጠቀሙ፣ ሃሳቡ በአዕምሮ ውስጥ የሚመላለስ (Obsessive thoughts) መሆኑን ለማሳየት የተደረገ ጥበባዊ ብልሃት ነው።

​የድምፅ ቅላጼ፦ በዘፈኑ መዝጊያ ላይ ድምፁን እያሳሳ መሄዱ፣ አንድ ሰው በለቅሶ ብዛት ድምፁ ሲዘጋ የሚሰማውን ስሜት ይተካል። ፈረንሳዊቷ ዘፋኝ ኤዲት ፒያፍ ፍቅረኛዋ ሲሞት "አልችልም" የሚለውን ስሜት በድግግሞሽ ስታስተጋባ እንደነበረው ሁሉ፣ ዳዊትም የሽንፈትን ድምፅ በሙዚቃ ቀርጾታል።

​ሁለንተናዊ ሰብአዊ ህመም

​"አልቻልኩም በዚች ምድር ላይ... በዚች ምድር ላይ በዝቶ የኔ ስቃይ" የሚለው ሐረግ ህመሙን ዓለማቀፋዊ ያደርገዋል። ፈላስፋው ፍሬድሪክ ኒቼ "The Birth of Tragedy" በሚለው ስራው እንደሚለው፣ ህመም ሲበዛ ወደ ጥበብ ተቀይሮ የምድርን ስቃይ ያቃልላል። ገጣሚው ጆን ኪትስ ለፍቅረኛው ፋኒ ብሮን "በዚህች ምድር ላይ ካንቺ ውጪ ሌላ እረፍት የለኝም፣ ነገር ግን አንቺው ራስሽ ስቃይ ሆንሽብኝ" በማለት በሞት አፋፍ ሆኖ እንደጻፈው ሁሉ፣ የዳዊት መለሰም ዜማ የምድርን ስቃይ በሙሉ የተሸከመ ይመስላል።

​ማጠቃለያ
​"አቅቶኛል" የሚለው ስራ የሦስትዮሽ ውህደት ውጤት ነው፦ የአበበ መለሰ የእውነተኛ ፍቅር ላይ ያለ ሰው ህይወት ስቃይ፣ የዳዊት መለሰ አንጀት የሚበላ ድምፅ፣ እና የሁላችንም የሰው ልጆች የፍቅር ድክመት።

ይህ ስራ በአበበ መለሰ ብዕር ተረግዞ፣ በዳዊት መለሰ ድምፅ የተወለደ የዘመናት ስቃይ ሰነድ ነው። በውስጡ የሳርትርን "ገሃነም"፣ የሾፐንሃወርን "ፍላጎት"፣ የካፍካን "ጭንቀት" እና የናፖሊዮንን "ሽንፈት" ይዟል።

🎬 የ'ታዛ' ፊልም ከካሜራ በስተጀርባ!

​በኢትዮጵያ የፊልም ውድድሮች በርካታ ሽልማቶችን በመሰብሰብ የሚታወሰው የ'ታዛ' ፊልም አሰራር (Making of) ለተመልካች ቀረበ!

​በታዋቂዎቹ ተዋንያን ዘሪቱ ከበደ እና አማኑኤል ሃብታሙ የተወነበት ይህ ፊልም፤ ጥበብ፣ ድካም እና አስቂኝ ትዝታዎች የታዩበትን የዝግጅት ሂደት ይዞላችሁ መጥቷል። የፊልም ጥበብን ለምትወዱ እና ከካሜራ ጀርባ ያለውን ሚስጥር ማየት ለምትፈልጉ ድንቅ ቪዲዮ ነው!
​ሊንኩን ተጭነው ይመልከቱ፣ ቤተሰብ ይሁኑ! 👇
​🔗 ቪዲዮውን እዚህ ይጫኑታዛ ፊልም ከካሜራ ጀርባ ክፍል 1 - TAZA Ethiopian Movie Behind The Scenes | Exclusive Film Productionታዛ ፊልም ከካሜራ ጀርባ ክፍል 1 - TAZA Ethiopian Movie Behind The Scenes | Exclusive Film Production
#ዘሪቱ_ከበደ #habesha #love #movie #film #series #comedy
እንኳን ወደ Eskis Films በሰላም መጡ – ከፍተኛ ጥራት ያላቸው አማርኛ ፊልሞች፣ ኢትዮጵያዊ ፊልሞችና ድራማዎች፣ ሙሉ ኢትዮጵያዊ ፊልሞች እና አዳዲስ አማርኛ ፊልምና የቴሌቪዥን…

🌟 ቤተልሔም ጥላሁን ዓለሙ በድጋሚ በፎርብስ (Forbes) የፊት ገጽ ላይ! 🇪🇹🌍
#ethiopia | ​የኢትዮጵያን ጤፍ ለዓለም... የአፍሪካን የኤሌክትሪክ ተሽከርካሪ አብዮት ደግሞ ለነገ!

​ታዋቂዋ እና በዓለም አቀፍ ደረጃ ስመ-ጥር የሆነችው ኢትዮጵያዊት ስራ ፈጣሪ ቤተልሔም ጥላሁን ዓለሙ፤ በመጋቢት 2026 (March 2026) የፎርብስ አፍሪካ (Forbes Africa) መጽሔት እትም ላይ በክብር ሰፍራለች።

​"Build Something People Will Love" (ሰዎች የሚወዱትን ነገር ፍጠር) በሚል መሪ ቃል የቀረበው ይህ ዘገባ፤ ቤተልሔም በሁለት ዘርፎች እያመጣች ያለውን ለውጥ በዝርዝር ዳስሷል፦

​Tefftastic (ጤፍታስቲክ):
የሀገራችንን ጥንታዊ እና ድንቅ ሰብል "ጤፍ" በዘመናዊ መልክ በማዘጋጀት ለዓለም አቀፍ ገበያ እያቀረበችበት የሚገኝ ምርጥ ብራንድ።

​Oasis Motors (ኦአሲስ ሞተርስ):
በአፍሪካ የኤሌክትሪክ ተሽከርካሪዎች (Electric Vehicles) አብዮት እንዲቀጣጠል እና አህጉሪቱ በራሷ አረንጓዴ ኢነርጂ እንድትገሰግስ አዲሱ ግዙፍ ስራዋ።

​ከጫማ (soleRebels) እስከ ጤፍ፣ ከጤፍ እስከ ኤሌክትሪክ መኪና... ቤተልሔም የኢትዮጵያ የስራ ፈጠራ ተምሳሌትነቷን በተግባር እያሳየች ትገኛለች።

​እንኳን ደስ አለሽ!
ለብዙዎች አርአያ ነሽ! 👏🔥

​#bethlehemtilahun #forbesafrica #tefftastic #oasismotors #ethiopia #entrepreneurship #electricvehicles #africarising #getutemesgen #getu #ጌጡ #ጌጡተመስገን

🏃🏽‍♂️ "እንጦጦ ፓርክ ሩጫ ተመለሰ! በፍቅረኛሞች ቀን ልዩ ሽልማት!" ❤️🌳

​#ethiopia | My Valentine is Running! - ከፍቅረኛዎ ጋር ይሮጡ፤ በኩሪፍቱ ሪዞርት ይሸለሙ!

​በጉጉት የሚጠበቀው እና በታላቁ ሩጫ በኢትዮጵያ የሚዘጋጀው ወርሃዊው 'እንጦጦ ፓርክ ሲቢኢ ሩጫ' (Entoto Park CBE Run) ከየካቲት ወር ጀምሮ ዳግም ተመልሷል!

​የፊታችን እሁድ የካቲት 7 ቀን 2018 ዓ.ም በሚካሄደው በዚህ የ5 ኪሎ ሜትር ውድድር፤ ከስፖርት እንቅስቃሴው በተጨማሪ የፍቅረኛሞች ቀንን (Valentine's Day) ታሳቢ ያደረጉ ልዩ ዝግጅቶች ተካተዋል።

​ልዩ እድሎች:
✅ ሽልማት: አሸናፊ ለሚሆኑ ጥንዶች በኩሪፍቱ ሪዞርት ልዩ ሽልማቶች ይበረከቱላቸዋል።

✅ ምዝገባ:
በ"CBE Birr Plus" መተግበሪያ አማካኝነት በነፃ እና በቀላሉ መመዝገብ ይችላሉ።

✅ ትራንስፖርት:
የአዲስ አበባ ቱሪዝም ኮሚሽን አዳዲስ መዳረሻዎችን እያስጎበኘ ወደ ፓርኩ አድርሶ የሚመልስ የነፃ ትራንስፖርት አዘጋጅቷል።

​ጤናዎን እየጠበቁ፣ ፍቅርን እያደሱ ለመሮጥ ተዘጋጁ!

​#entotoparkrun #greatethiopianrun #cbe #valentinesrun #myvalentineisrunning #addisababa #health #love #getutemesgen #getu #ጌጡ #ጌጡተመስገን

የእንባ ማኒፌስቶ፦ የብዙነሽ በቀለ "ፍቅርን በልቤ መስርቶ" እና የማይጨረስ የፍቅር ጉዞ

የመሠረት መናድ

​በደራስያን እይታ "ፍቅርን በልቤ መስርቶ" የሚለው ቃል የመጨረሻው የሥነ-ጽሁፍ ሰቆቃ (Tragedy) መጀመሪያ ነው። ፍቅር እዚህ ጋር እንደ ቤት ሳይሆን እንደ ቤተ-መቅደስ ነው የተሳለው። "መሰረት" የሚለው ቃል ጽናትን ብቻ ሳይሆን የአንድን ሰው ህይወት ሙሉ በሙሉ ለሌላው አሳልፎ መስጠትን ያሳያል። ደራሲያን እንደሚሉት፣ ከቤቱ መፍረስ በላይ የሚያስለቅሰው፣ ቤቱ የፈረሰው ገና ጣሪያው ሳይቀጥል፣ በብርድና በዝናብ ወቅት ባለቤቱ ጥሎት በመጥፋቱ ነው። ገጣሚው ክህደትን እንደ ግላዊ ጉዳይ ብቻ ሳይሆን፣ እንደ አንድ ትልቅ የቃል-ኪዳን ስርአት መፈራረስ አድርጎ ይስለዋል። ይህ ግጥም "የተተወ ህንጻ" ሳይሆን "የተከዳ ነፍስ" ዋይታ ነው።

​ የሰው ልጅ ተለዋዋጭነት

​ፈላስፋው ዣን ፖል ሳርትሬ "ሰው መጀመሪያ ይገኛል፣ ከዚያም እራሱን ይፈጥራል" ይላል። በብዙነሽ ዜማ ውስጥ የምናየው ፍቅረኛ ግን፣ "እራሱን የፈጠረበትን" ቃልና መሐላ ሲክድ ይታያል። ፈላስፎች ይህንን "Bad Faith" ይሉታል። መሐላውን የረሳው ሰው እራሱን ነጻ ለማውጣት ሲል የሌላውን ህልውና ገድሏል። "ያን ሁሉ መሐላ" ብላ ስትጮህ፣ ፈላስፋው ኒቼ እንደሚለው "ታማኝነት ለረጅም ጊዜ የሚቆይ ተፈጥሮአዊ ያልሆነ ጫና ነው" የሚለውን መራራ እውነት ታስታውሰናለች። ሰው ቃሉን ሲያጥፍ የራሱን ሰብአዊነትም ጭምር እየቀበረ እንደሆነ ፈላስፎች ይከራከራሉ።

ፈሳሽ ፍቅር

​የዘመናችን ዝነኛ ፈላስፋ ዚግመንት ባውማን፣ የአሁኑን ዘመን ፍቅር "Liquid Love" (ፈሳሽ ፍቅር) ይለዋል። ብዙነሽ "ፍቅርን በልቤ መስርቶ" ስትል፣ እሷ የነበረችው ፍቅር እንደ ድንጋይ በሚጸናበት ዘመን ነበር። ባውማን እንደሚለው ግን፣ አሁን ግንኙነቶች እንደ ውሃ ፈሳሽ ናቸው፤ በቀላሉ ቅርጻቸውን ይለውጣሉ፣ በቀላሉ ይፈስሳሉ። ዘፋኟ "ሌላ አሰበ ወይ ልብህ?" ብላ ስትጠይቅ፣ የአሁኑ ዘመን ፈላስፎች "አዎ፣ ምክንያቱም አሁን ያለው ሰው ለአንድ ቃል የመታመን ብቃት የለውም" ይላሉ። ፍቅር ከመሠረትነት ወደ ሊጣል የሚችል "ሸቀጥ" ተቀይሯል።

የፍጆታ ባህል እና "ሊጣል የሚችል" ነፍስ

​የአሁኑ ዘመን ፈላስፎች እንደሚሉት፣ አሁን የምንኖረው "Throw-away Society" ውስጥ ነው። አንድ ስልክ ሲበላሽ እንደምንጥለው ሁሉ፣ ፍቅረኛም ላይ ትንሽ ጉድለት ሲታይ ወይም የተሻለ አማራጭ ሲገኝ "Delete" ይደረጋል።

ብዙነሽ "ያን ሁሉ ቃልኪዳኑን እረስቶ" ስትል፣ ለሷ ቃልኪዳን "ዘላለማዊ ውል" ነበር። ለአሁኑ ዘመን ሰው ግን ቃልኪዳን ማለት እንደ ሶፍትዌር "Terms and Conditions" በቀላሉ "Accept" ተብሎ፣ አስፈላጊ ሆኖ ሲገኝ ደግሞ በቅጽበት የሚጣስ ወረቀት ሆኗል።

​የትውስታ ሲኦል

​በሳይኮሎጂስቶች እይታ፣ የዚህ ዘፈን ትልቁ ህመም "Cognitive Dissonance" ወይም የአስተሳሰብ ግጭት ነው። ዘፋኟ "ያልከውን ቃል አልታቀበህም ወይ አሁን ስትረሳው?" ስትል፣ አእምሮዋ በድሮው "አፍቃሪ" እና በአሁኑ "ከጂ" መካከል ያለውን ልዩነት ማስታረቅ አቅቶታል። ትውስታ እዚህ ጋር እንደ ስቃይ መሳሪያ ሆኖ ያገለግላል። ሳይኮሎጂው እንደሚነግረን፣ ክህደት የሚጎዳው ክህደቱ ራሱ ሳይሆን፣ የተከዳው ሰው "ለካ ያ ሁሉ ውሸት ነበር" ብሎ ያለፈውን ትዝታውን ጭምር መጠራጠር ሲጀምርና የማንነት ቀውስ ውስጥ ሲገባ የሚፈጠረው የነፍስ ስብራት ነው።

​ሰብለ እና የሰባት ዓመቱ ባዶነት

​ከዘፈኑ ጀርባ ያለውን ስሜት ለመረዳት አንዲት "ሰብለ" የምትባል ሴት ታሪክ እንመልከት። ሰብለ ለሰባት ዓመታት ከፍቅረኛዋ ጋር በአንድነት ኖራለች፤ እሱ ትምህርቱን እስኪጨርስ የቀን ሰራተኛ ሆና እየሰራች ደግፋዋለች። ልክ ስኬት ላይ ሲደርስና "መሰረትኩት" ያለው ህይወት ፍሬ ሊያፈራ ሲል፣ "አልመጥነኝም" ብሎ ሌላ አገባ። ሰብለ ስታለቅስ የነበረው ስለ ጠፋው ገንዘብ ሳይሆን፣ "ፍቅርን በልቤ መስርቶ" እንዴት ለሌላ ሰጠው? በሚለው ጥያቄ ነው። የብዙነሽ ዜማ የእንደነዚህ አይነት በሺዎች የሚቆጠሩ ዝም የተባሉ ልቦች የሲቃ ድምፅ ነው።

​ "አንተም አንዳሻህ ሂድ"፦ የክብር ለቅሶ

​በዘፈኑ ውስጥ ትልቁ ቁምነገር "አንተም አንዳሻህ ሂድ የኔም እንባ ይፍሰስ" የሚለው ስንኝ ነው። ይህ በሳይኮሎጂ "Radical Acceptance" ይባላል። ዘፋኟ ልመና ውስጥ አይደለችም፤ ይልቁንም የራሷን ሐዘን በክብር ለመቀበል ወስናለች። "መቼም አልታደልኩኝ ፍቅርን ለመጨረስ" የሚለው ቃል፣ የሰው ልጅ እጣ-ፈንታን የመቀበል ጥልቅ ፍልስፍናን ያሳያል። ህመሟን ወደ ውጭ ሳይሆን ወደ ውስጥ በማየት፣ በገዛ እንባዋ ቁስሏን ለማጠብ ትሞክራለች። ዘፋኟ ሐዘኑን እንደ ጌጥ ታደርገዋለች።

​
​የዲጂታል ዘመን እና የ"አማራጭ" ገዳይነት

​ዘመናዊው ፈላስፋ አለን ደ ቦቶን፣ የፍቅር ስቃይ የሚመጣው "ከመጠን በላይ አማራጭ" በመኖሩ ነው ይላል። ብዙነሽ "ሌላ አሰበ ወይ ልብህ?" ስትል፣ ያ "ሌላ" የተባለው ነገር በዘመናዊው ዓለም በሶሻል ሚዲያ ምክንያት በየሰከንዱ የሚከሰት ፈተና ነው። ፈላስፎች እንደሚሉት፣ የአሁኑ ዘመን ሰው "ከዚህ የተሻለ አላገኝም ወይ?" በሚል ስጋት ውስጥ ስለሚኖር፣ "መሰረት" መጣል አይችልም።

የብዙነሽ ዜማ መሰረት ለሌለው የዘመኑ ትውልድ ትልቅ የህሊና ጩኸት ነው።

​ የመሐላ ትርጉም፦ የመጨረሻው ውል

​በኢትዮጵያ ባህል መሐላ ከፈጣሪ እና ከሰው ጋር የሚደረግ ቅዱስ ውል ነው። ዘፋኟ "ያን ሁሉ መሐላ" ስትል፣ ጉዳዩ የፍቅር ብቻ ሳይሆን የሞራል ውድቀትም እንደሆነ ትገልጻለች። መሐላን ማፍረስ በባህላችን "እርግማንን" ይጋብዛል። ስለዚህ "የኔም እንባ ይፍሰስ" ስትል፣ ያ የፈሰሰ እንባ ነገ ፍርድ እንደሚሰጥ ስውር መልእክት እያስተላለፈች ነው። የከዳት ሰው እዳው ከፍቅር በላይ መሆኑን፣ እንባው ደግሞ የፍርድ ቀን ምስክር መሆኑን ትነግረናለች።

​የፍቅር እረመጥ፦ የስቃይ ጥልቀት

​"በፍቅርህ እረመጥ ሲቃጠል አንጀቴ" የሚለው አገላለጽ፣ ፍቅር ከበረከትነት ወደ ቅጣትነት መቀየሩን ያሳያል። እረመጥ የማይጠፋ፣ በውስጥ የሚነድ እሳት ነው። ሳይንስ እንደሚነግረን ክህደት የሚፈጥረው ህመም ልክ እንደ እሳት ቃጠሎ በአንጎል ውስጥ ተመሳሳይ ቦታን ያነቃቃል። ብዙነሽ ይህንን ሳይንሳዊ እውነት "አንጀቴ ተቃጠለ" በሚለው የሀገርኛ ፈሊጥ ገልጻዋለች። ይህ ስቃይ የሚታይ ቁስል የሌለው፣ ግን ነፍስን የሚያሳርር ዘላለማዊ እሳት ነው።

​አሳዛኝ ፍጻሜ፦ "ፍቅርን ለመጨረስ"

​የዘፈኑ መደምደሚያ "መቼም አልታደልኩኝ ፍቅርን ለመጨረስ" የሚለው ነው፤ ይህም የመጨረሻው የልብ ስብራት ነው። በግሪክ ድራማዎች እንደምናየው፣ ጀግናው ምንም ቢጥርም መጨረሻው ውድቀት ይሆናል። እዚህ ጋር ፍቅርን እንደ ሩጫ ወይም እንደ ትልቅ ስራ ትቆጥረዋለች። መጀመር እንጂ መጨረስ ያልተቻለበት ታላቅ ፕሮጀክት። ይህ ተስፋ መቁረጥ ሳይሆን፣ ፍቅር የሁለት ሰው ፍቃድ ካልታከለበት ብቻውን እንደማይቆም የምታውጅበት የብስለት ቃል ነው። ትንታኔው እዚህ ላይ ቢያበቃም፣ የብዙነሽ ድምፅ ግን በሰሚው ህሊና ውስጥ እንደ ማዕበል መናወጡን ይቀጥላል።

አሰልቺ የሕይወት ዘይቤን ለመቀየር 7 ቀላል መንገዶች!

​ሁልጊዜ ተመሳሳይ የዕለት ተዕለት ተግባር ሰልችቶዎታል? ስራ፣ ጂም፣ እንቅልፍ... ይህ "እስር ቤት" ይብቃን! ሕይወትዎን በደስታና በአዲስ ነገር ለመሙላት እነዚህን 7 ነጥቦች ይተግብሩ፦

​ከተማን ለቀቅ አድርገው ይውጡ 🧳

ቅዳሜና እሁድን ለብቻዎ ወይም ከሚወዱት ሰው ጋር አዲስ ቦታ በመሄድ ያሳልፉ። አጭር ጉዞ አእምሮን ለማደስ ይረዳል።

​አዲስ የትርፍ ጊዜ ማሳለፊያ (Hobby) ይጀምሩ 🎸

ሁልጊዜ መሞከር የሚመኙት ነገር አለ? አዲስ የሙዚቃ መሣሪያ መማር ወይም ተራራ መውጣት? አሁኑኑ ይጀምሩት!

​ራስዎን በትንሽ ነገር ይሸልሙ 💅

አዲስ የፀጉር ስታይል ወይም የሚወዱትን ነገር በማድረግ ለራስዎ ትኩረት ይስጡ። ትናንሽ ስጦታዎች ትልቅ ደስታን ይሰጣሉ።

​ቆንጆ ልብስ ይልበሱ (ለራስዎ!) 👠

ለየት ያለ ዝግጅት ባይኖርዎትም እንኳን፣ የሚወዱትን ምርጥ ልብስ ለብሰው የሚወዱትን ምግብ እያጣጣሙ ጥራት ያለው የ"Self-love" ጊዜ ያሳልፉ።

​የቤትዎን ገጽታ ይቀይሩ 🏠

የሶፋውን ቦታ መቀየር ወይም የግድግዳ ቀለም መቀየር ለዓይንዎ አዲስ መንፈስ ይሰጣል። አላስፈላጊ እቃዎችንም ያስወግዱ።

​ለድንገተኛ ዕቅዶች ክፍት ይሁኑ 📞

ሁልጊዜ በፕሮግራም መታጠር ሰልችቶዎታል? አንዳንድ ጊዜ ያሰቡትን ሰርዘው በድንገት ከጓደኛዎ ጋር ተገናኝተው ቡና ይጠጡ።

​የመንገድ አማራጭዎን ይቀይሩ 🚲

ወደ ስራ የሚሄዱበትን መንገድ ወይም የመጓጓዣ ዘዴ ይቀይሩ። አዳዲስ ቦታዎችንና ሰዎችን ለማየት ይረዳዎታል።

https://youtu.be/gU5EDSmy9... ስራ ነው የምስራው። ከዚህ በላይ ምን ጣፋጭ ህይወት አለ?! ሙዚቀኛ ቶማስ ሀይሉ/ቶሚ EDF በኢትዮዳንስ ፊትነስ መስራች።Enjoy the videos and music you love, upload original content, and share it all with friends, family, and the world on YouTube.

ትናንት ስልጠና እየሰጠ ነበር ዛሬ በህይወት የለም!

ይሄ የምትመለከቱት ፎቶ ትላንት ጥር 28/2018 ዓም ዘሪሁን ግርማ CMM የሚገኘው Love in Action ለተሰኘ በጎ አድራጎት ተቋም ዋናው ቢሮ ለወጣቶች ባዘጋጀው የስልጠና ፕሮግራም ላይ ስልጠና እየሰጠ ነበር። ይኸው ውሎው በምስሉ ላይ የሚታየውን ይመስል ነበር።

ሞት የሰው ልጆች ሁሉ ተሸክመውት የሚኖሩት እዳ ነው። ልዩነቱ በተራው ላይ መቀዳደም ይኖረዋል። እውነት ለመናገር ሞት አዲስ ነገር አይደለም ነገር ግን ብዙ ተስፋ፣ የመኖር ጉጉትና የሚኖርለት አላማ ያለው ሰው ድንገት ሲሞት ግን ሃዘኑ እጅግ ልብ ይነካል።
ለመሆኑ ዘሪሁን እዚሁ የተላንቱ ፎቶ ላይ እንደሚታየው ምኑ ነው በሰዓታት ልዩነት ውስጥ የሚሞት የሚመስለው?😭

ይሄንን ፎቶ ያስቀረልን የካሜራ ባለሞያ ናሆም ጌታሁን ነው።
Via: የኋላሸት ዘርይሁን

የፍቅር ግንኙነታችሁን ለማሻሻል ይቺን አንዲት ጥያቄ ብቻ ጠይቁ!

​ብዙዎቻችን አጋራችንን በሚገባ የምናውቀው ይመስለናል፤ ነገር ግን ትክክለኛ ፍላጎታቸውን ሳንረዳ ቀርተን ለግጭት እና ለቅሬታ የምንጋለጥበት ጊዜ ቀላል አይደለም።

​የሃርቫርድ ዩኒቨርሲቲ የስነ-ልቦና ፕሮፌሰር የሆኑት አሽቪኒ ናድካርኒ እንደሚሉት ከሆነ፣ ማንኛውንም የፍቅር ግንኙነት ወደ ላቀ ደረጃ ለመውሰድ የምትረዳ አንዲት ቀላል ጥያቄ አለች፦
​"የተወደድክ/ሽ እንደሆነ እንዲሰማህ/ሽ የሚያደርግህ/ሽ ምንድን ነው?"

​ለምን መጠየቅ አስፈለገ?

​የፍቅር ቋንቋን ለመለየት፦ አንዳንዶች በስጦታ፣ አንዳንዶች አብሮ በመሆን፣ ሌሎቹ ደግሞ በምስጋና ሊደሰቱ ይችላሉ። ጥያቄው አጋራችሁ ፍቅርን የሚረዳበትን መንገድ (Love Language) በግልጽ እንድታውቁ ይረዳል።

​ግምትን ያስቀራል፦ "ይሄን ብሰራት ደስ ይላታል" ብሎ ከመገመት ይልቅ፣ የልብ ፍላጎቷን አውቆ ማቅረብ እርካታን ይጨምራል።

​ግንኙነትን ያድሳል፦ የሰው ልጅ ፍላጎት በጊዜ ሂደት ስለሚቀያየር፣ ይህን ጥያቄ አልፎ አልፎ መጠየቅ ግንኙነቱ ሁሌም አዲስ እንዲሆን ያደርጋል።

​ባለሙያዋ ምን ይላሉ?

"ይህ ጥያቄ ከ5 ዓመት የፍቅር ቆይታ በላይ ጥንዶችን ሊያቀራርብ ይችላል። እርስ በእርስ መደማመጥና መረዳት ግንኙነቱ ጠንካራና አስተማማኝ እንዲሆን መሰረት ይጥላል።"

እዮብ መኮንን - "ነቅቻለሁ"፦ ከመውደቅ የተረፈ ልብ እና የክብር ፍቅር ፍለጋ

​በፍቅር ዓለም ውስጥ ትልቁ ፈተና መውደድ ሳይሆን፣ መውደድ በማይገባን ሰው ተይዘን መቅረት ነው። በእዮብ መኮንን "ነቅቻለሁ" በሚለው ድንቅ የጥበብ ሥራ ውስጥ የምናገኘው ትርክት፣ በአንድ ወገን እውነተኛ ፍቅርን ለሰጠ ነገር ግን በምላሹ ውሸትና ክህደት ለተጋተው ሰው የተጻፈ የድል መዝሙር ነው። ይህ ዘፈን በስሜት ተጎድቶ ለነበረ፣ ነገር ግን አሁን ማንነቱንና ክብሩን ለለየ ልብ ትልቅ ማጽናኛ ነው።

​1. የንቃት አዋጅ እና የግንኙነት ስብራት

​እዮብ ዘፈኑን "ነቅቻለሁ ተርፊያለሁ" በማለት ነው የሚጀምረው። በሮማንቲክ ግንኙነት ውስጥ "መንቃት" ማለት የሚወዱትን ሰው ማንነት እንደነበረው ማየት መቻል ማለት ነው። ብዙ ጊዜ በፍቅር የታወረ ሰው ውሸትን እንደ እውነት፣ ክህደትን እንደ ስህተት ቆጥሮ ራሱን ያታልላል። እዚህ ጋር ግን "ተርፌያለሁ" የሚለው ቃል፣ ግለሰቡ ከዚያ መርዛማ (Toxic) ግንኙነት ውስጥ ሳይጠፋ መውጣቱን ያበስራል።

​ከፍቅር ቴራፒ አንጻር፣ አንድ ሰው "ራሴን ላድን ቆርጫለሁ" ሲል፣ ደስታውን በሌላ ሰው ላይ መጣል ማቆሙን ያሳያል። "ራሴን ላድን" የሚለው ሐረግ ፍቅረኛው ያደረሰችበትን የስነ-ልቦና ጫና ለመቋቋም የወሰደው የመጀመሪያው እና ትልቁ እርምጃ ነው። እዮብ በድምፁ ውስጥ የሚያስገነዝበን ቁርጠኝነት፣ ተጎጂው ከመሆን ወደ ወሳኝነቱ የተመለሰን ሰው ማንነት ነው።

​2. የ"ውሸት መንደር" እና የቀቢዝበዝ ፍቅር

​እዮብ በግጥሙ ውስጥ የግንኙነቱን አስከፊነት "የውሸት መንደር" እና "ቅብዝብዝ" በማለት ይገልጸዋል። አንዳንድ ግንኙነቶች መሰረት የላቸውም። ዛሬ ፈገግታ፣ ነገ ጠብ፤ ዛሬ እውነት፣ ነገ ክህደት የነገሰባቸው "ቅብዝብዝ" ሁኔታዎች ናቸው። እንዲህ አይነት ግንኙነት ውስጥ ያለ ሰው "አይኑ ይፈዛል"፤ ማለትም ነገው አይታየውም፣ በጥርጣሬና በጭንቀት ይሞላል።
​"አይታለልም ሸንጋዩን ያውቃል" የሚለው ስንኝ፣ ሸንጋይ ፍቅረኛን የመለየት ብቃትን ያሳያል።

በፍቅር ቴራፒ ውስጥ "Gaslighting" የምንለው (አንዱ ሌላኛውን እውነታውን እንዲጠራጠር የማድረግ ስልት) በዚህ ዘፈን ውስጥ በሽንገላ ተገልጿል። ነገር ግን ተጎጂው አሁን የፍቅረኛውን የተንኮል ስልት ነቅቶበታል። ከእንግዲህ በቃላት ድርሰትና በሐሰት እንባ አይታለልም። ሸንጋዩን ማወቅ ማለት ከስሜታዊ ባርነት ነጻ መውጣት ማለት ነው።

​3. ፍቅር እና ክብር፡ የማይነጣጠሉ ጥንዶች

​የዚህ ዘፈን ትልቁ ፍልስፍና "ፍቅር ክብሩን አይጥልም" የሚለው ነው። ብዙ ሰዎች በፍቅር ስም ክብራቸውን፣ ማንነታቸውንና ሰብአዊነታቸውን አሳልፈው ይሰጣሉ። እዮብ ግን እውነተኛ ፍቅር ክብርን የሚጠብቅ እንጂ የሚያዋርድ እንዳልሆነ ያስገነዝበናል።

​አንድ ሰው "መቼ ተሞኘ ብልህ ነው ፍቅር" ሲል፣ እውነተኛ ፍቅር በባህሪው ጥንቃቄ የተሞላበትና ክብርን መሠረት ያደረገ መሆኑን መረዳቱን ያሳያል። በውሸት መንደር ውስጥ የሚኖር ፍቅር ክብሩን የጣለ ፍቅር ነው። ግለሰቡ አሁን ያንን የውርደት መንገድ ትቶ፣ ክብሩን የሚያስጠብቅለትን እውነተኛ የፍቅር ጎዳና መርጧል። ይህ ብልህነት የመጣው ካሳለፈው ስቃይና ትምህርት ነው።

​4. ንጽጽር፦ እዮብ መኮንን እና አዴል (Adele - Rolling in the Deep)

​ይህንን ስሜት ከዓለም አቀፏ ድምፃዊት አዴል (Adele) "Rolling in the Deep" ጋር ማነፃፀር እንችላለን። አዴል በዘፈኗ "The scars of your love remind me of us" (የፍቅርህ ጠባሳዎች አንተን ያስታውሱኛል) ስትል፣ እዮብ ደግሞ "የጨለማው ኑሮ በቃ" ይላል።

​ሁለቱም ዘፈኖች በክህደት ላይ የተመሰረቱ ናቸው። አዴል "You played it to the beat" በማለት ፍቅረኛዋ ስሜቷን እንደ መጫወቻ እንደተጠቀመበት ትገልጻለች። እዮብም "ሸንጋዩን ያውቃል" በማለት ተመሳሳይ ስሜት ያንጸባርቃል። ነገር ግን የእዮብ ዘፈን ይበልጥ ወደ "መፍትሄ" እና ወደ አዲስ ተስፋ ያደላል። አዴል በቁጭት ውስጥ ስትሆን፣ እዮብ ግን "መንገዴ ለየ... ብርሃን አየ" በማለት ሙሉ በሙሉ ነጻ መውጣቱንና አዲስ ፍቅር ለማግኘት መዘጋጀቱን ያበስራል። እዮብ ጋር ያለው መንፈስ "ከአሁን በኋላ አትነካኝም" የሚል የጥንካሬ መንፈስ ነው።

​5. "የተራበ ልብ" እና የእውነት ቤት ፍለጋ

​"የተራበ ልብ ፍቅርን የጓጓ" የሚለው ስንኝ፣ ማንኛውም ሰው ጤናማ ፍቅርን የመፈለግ ተፈጥሯዊ መብት እንዳለው ያሳያል። ግለሰቡ በፍቅረኛው ተርቧል፣ ተጠምቷል፤ ነገር ግን ያገኘው የውሸት ውሃ ነበር። አሁን ግን "ከእውነት ቤት ሄዶ የእውነት ያንኳኳ" ይላል።

​ይህ ማለት አንድ ሰው ከመጥፎ ግንኙነት ሲወጣ፣ ፍቅርን መጥላት የለበትም ማለት ነው። ይልቁንም "እውነት" ወዳለበት፣ ግልጽነትና ታማኝነት ወደነገሰበት አዲስ ግንኙነት ለመሄድ ልቡን ክፍት ማድረግ አለበት። "ደጁን ለጠና እዛው ቆይቶ፣ የራሱን ያቅፋል በሩ ተከፍቶ" የሚለው ተስፋ፣ በትክክለኛው መንገድ ለሚጓዝ ሰው የሚመጥነው ፍቅረኛ እንደሚመጣለት የሚያረጋግጥ ነው። እዮብ እዚህ ጋር የትዕግስትን አስፈላጊነት ይሰብካል።

እውነተኛ ፍቅር በሩን የሚከፍተው ለሚታገሱትና ለእውነተኛዎቹ ነው።

​6. "በቃ" - የግንኙነት ማብቂያ ስነ-ስርዓት
​ዘፈኑ በተደጋጋሚ "በቃ በቃ" በማለት ይደመድማል። በፍቅር አማካሪዎች እይታ፣ ይሄ "Closure" ወይም ግንኙነቱን በአእምሮ ውስጥ የመዝጋት ሂደት ነው። "በቃ" ማለት ትርጉም ለሌለው ልፋት፣ ለእንባ፣ ለጥርጣሬና ለውሸት የተሰጠ የመጨረሻ ምላሽ ነው።

​"መንገዴ ለየ" የሚለው ቃል ደግሞ ግለሰቡ አሁን የራሱን ዋጋ ማወቁን ያሳያል። ከአሁን በኋላ ከማይመጥነውና ከማያከብረው ሰው ጋር አንድ መንገድ አይሄድም። የፍቅር መንገዱ አሁን ከጨለማው ሸለቆ ወጥቶ ወደ "ፊትለፊት" ብርሃን አምርቷል። የእዮብ መኮንን የድምፅ ውበት ደግሞ ይህንን "በቃ" የሚል ቃል የለቅሶ ሳይሆን የነጻነት መዝሙር ያደርገዋል።

​ማጠቃለያ

​የእዮብ መኮንን "ነቅቻለሁ" ዘፈን፣ በውሸት ፍቅር ለደቀቀ ልብ የሚታዘዝ "የስሜት መድኃኒት" ነው። ዘፈኑ የሚነግረን ታሪክ ቢኖር፦ መውደድ ስህተት አይደለም፣ ስህተቱ በማያከብርህ ሰው ስር ተንበርክኮ መቅረት ነው የሚል ነው።
​ከአዴል "Rolling in the Deep" ይልቅ፣ የእዮብ ዘፈን ብሩህ ተስፋን ያሰንቃል። አንድ ሰው ክብሩን ይዞ "በቃ" ካለ፣ "የራሱ" የሆነውንና እውነተኛውን ፍቅር የሚያቅፍበት ቀን ሩቅ አይሆንም። "ነቅቻለሁ" ማለት "ለራሴ አዲስ ዕድል ሰጥቻለሁ" ማለት ነው። እዮብ በዚህ ስራው ለፍቅረኞች የሚነግረው ትልቁ ምስጢር ፍቅር ያለ ክብር ባዶ መሆኑን ነው።

የዓመቱ ልዩ የፍቅር ጉዞ - በቤኑና ቪሌጅ! 🚂🌹

ለጥቂት ሰዎች ብቻ የተዘጋጀ ድንቅ የሁለት ቀናት የፍቅር ቆይታ!

ምንድን ነው የሚጠብቃችሁ?

🎤 የከዋክብት ምሽት (የካቲት 7)፦ በጣፋጭ ድምፁ የምንወደው ዳዊት ፅጌ፣ አዲስ ሙላት እና የጋሽ መሃሙድን ዜማዎች በሚያስደንቅ ሁኔታ የሚጫወተው መስፍን ሽፈራው (ቤቢ) በመድረኩ ላይ ይጠብቁዎታል።

🚂 ልዩ የባቡር ጉዞ፦ ጉዞው በቻርተር ባቡር ከጣፋጭ ቁርስ ጋር ይጀምራል። በራሳችሁ መኪና መምጣት ለምትፈልጉም መንገዱ ከ2 ሰዓት ተኩል የማይበልጥ (180-200km) ምቹ ጉዞ ነው።

💆‍♂️ መዝናኛዎች፦ ስቲም፣ ማሳጅ፣ ሳውና፣ የዋና ገንዳ እና ፍል ውሃ... እንዲሁም የፊልም ምሽትና የፈረስ ግልቢያ!

🕯️ የፍቅር ራት፦ በሻማ ብርሃን የታጀበ ልዩ የ Candlelight Dinner ፕሮግራም።

🍱 ያለምንም ወጪ፦ የሁለት ቀን ሙሉ ምግብና መጠጥ በነጻ!

🛌 ቅንጦት፦ ከፕሬዝዴንሻል ሩም እስከ VIP ክፍሎች ድረስ እንደ ምርጫችሁ።

💎 ልዩ ሽልማት፦ ለ አንድ ጥንድ የ Moissanite Diamond ተሸላሚ ይሆናሉ!

⚠️ ቦታዎች በፍጥነት እያለቁ ነው! "Pure Love" ጥቅል በአሁኑ ሰዓት ሙሉ በሙሉ ተሽጦ አልቋል! የቀሩት አማራጮች፦

Harmony Love 3 (ለ 6 ሰው) — 299,999 BIRR

Harmony Love 2 (ለ 4 ሰው) — 199,999 BIRR

Exclusive Love (ለ 2 ሰው) — 199,999 BIRR

Royal Love (ለ 2 ሰው) — 149,999 BIRR

Love Nest (ለ 2 ሰው) — 80,000 BIRR

ለባለትዳሮች፣ ለፍቅረኛሞች እና ለቅርብ ጓደኛሞች የሚሆን ድንቅ አጋጣሚ!

📞 ስልክ፦ 0904040468 | 0933232373
#valentine #diamondring #ethiopia #beynounavillage #dawittsigie #addismulatu #mesfinshiferaw #exclusivevalentine #love #luxuryexperience

በአለም ላይ 99 በመቶ ልጆች በአየር ንብረት ለዉጥ እንደሚፈተኑ ጥናቶች ጠቅሰዋል!
#fastmereja : ዋን ፕላኔት ኢንተርናሽናል ስኩል አዘጋጅነት የአካባቢ ጥበቃ ጉዳይን በተመለከተ "Uniting for a Greener Planet" - "ለአረንጓዴ ምድር በአንድነት መተባበር” በሚል መሪ ቃል የውይይት እና የልምድ ልውውጥ መድረክ በዛሬዉ እለት ተካሄደ።

በመድረኩ ከ25 በላይ የሆኑ ት/ቤቶች የአካባቢ ጥበቃ በት/ቤቶች ተግባራዊ የሚሆንበትን ጉዳይ አስመልክቶ በጋራ ለመስራት የሚያስችላቸዉን ስምምነትም ፈፅመዋል።

ትምህርት ቤቱ ባዘጋጀው በዚህ ጉባኤ ላይ ከ25 በላይ ት/ቤቶች ተወካይ ያሳተፉ ሲሆን የተለያዩ ትምህርት ቤቶች ሀላፊዎች፣ የት/ቤቱ ከፍተኛ አመራሮችና ጥሪ የተደረገላቸው እንግዶች ተገኝተዋል።

በአየር ንብረት ለውጥና በአካባቢ ጥበቃ ላይ ከስር ጀምሮ ልጆችን እውቀት ማስታጠቅ ለተፈጥሮ ፍትሃዊነት እንዲቆሙና አካባቢያቸውን መጠበቅ ላይ ትኩረት እንዲያደርጉ ማድረግ እንደሚያስፈልግ የትምህርት ቤቱ መስራችና ዋና ስራ አስኪያጅ አቶ ዘላለም አማረ ተናግረዋል፡፡

ዋን ፕላኔት ኢንተርናሽናል ስኩል ማህበራዊ ግዴታውን እየተወጣ እንደሚገኝና በተማሪዎቹ በኩል 5 በመቶ ለሚደርሱ አባውራዎች ንፁህ የመጠጥ ውሀ እንዲያገኙ ማድረጉን አቶ ዘላለም አክለዉ ገልፀዋል።

ከተለያዩ ትምህርት ቤቶችና ከ "Nature Lovers of Ethiopia ኢኒሼቲብ የመጡ ተማሪዎች ባቀረቡት ሐሳብ ተፈጥሮ በዋናነት የምትጎዳባቸው መንገዶች የፕላስቲክ ምርት መስፋፋት፣የደን ጭፍጨፋና የጋዝ ልቀት (immission) እንደሆኑ ገልፀው ልጆች በነዚህ ምክንያቶች የሚደርሰውን የተፈጥሮ ጉዳት በመከላከልና ድምፅ በመሆን የበኩላቸውን አስተዋፅኦ በማበርከት ምቹ ከባቢን መፍጠር እንደሚገባ ተገልጿል።

ዋን ፕላኔት ኢንተርናሽናል ስኩል ከተመሠረተ 2ዐኛ ዓመቱን ያስቆጠረ ሲሆን ከ4ዐዐ በላይ ለሚሆኑ ተማሪዎች ነፃ የትምህርት እድል እንደሰጠ እና ከ1 ሺህ 200 በላይ ተማሪዎችን እያስተማረ እንደሚገኝ ገልፀዋል።

ዳዊት ፅጌ በቤኑና! ጥቂት ቦታዎች ብቻ ቀርተውታል

የዘንድሮው ቫለንታይን በቤኑና ቪሌጅ (Beynouna Village) እጅግ ሞቅ ባለ ሁኔታ ሊከበር ጥቂት ቀናት ብቻ ቀሩት!

ለዝግጅቱም የነበረን “Pure Love" ጥቅል ሙሉ በሙሉ ተሸጦ አልቋል! 🚫

ለ150 ጥንዶች/ ጓደኛዎች ብቻ በተዘጋጀው በዚህ ልዩ ዝግጅት ላይ ተካፋይ ለመሆን አሁንም የቀሩ ጥቅሎች አሉ፦

✨ Exclusive Love - 199,999 BIRR

👑 Royal Love - 149,999 BIRR

❤️ Love Nest - 80,000 BIRR

💞 Harmony Love 2 (ለሁለት ጥንዶች የሚሆን) - 199,999 BIRR

💖 Harmony Love 3 (ለሶስት ጥንዶች የሚሆን) - 299,999 BIRR

የካቲት 14 እና 15 በሚኖረን የሁለት ቀን ቆይታ፣ የካቲት 14 ቀን የዳዊት ፅጌን እና እንቁ የሆኑ አርቲስቶችን ጣፋጭ ዜማዎች እየተጋራን ድንቅ ምሽት እናሳልፋለን። 🎤🌹

ዝግጅቱ ላይ የሚሰጠውን የዳይመንድ ቀለበት ስጦታ ማን ይወስደው ይሆን?💍🤔

ሌሎቹ ጥቅሎችም ሳያልቁባችሁ አሁኑኑ ደውሉ ወይም ሊንኩን ተጫኑ!

🔗 ቦታ ለማስያዝ፦ https://shr.et/TheExclusiv...

📞 ስልክ፦ 0904040468 | 0933232373
#valentine #diamondring #ethiopia #beynounavillage #dawittsigie #addismulatu #mesfinshiferaw #exclusivevalentine #love #luxuryexperience

የናርሲስቲካዊ ግንኙነት ወጥመድ፡ የሳይኮሎጂስቶች እይታ፣ አደገኛ ምልክቶች እና የነጻነት መንገድ

​በፍቅር ግንኙነት መጀመሪያ አካባቢ ሁሉም ነገር እንደ ተረት ያምራል። ትኩረት፣ እንክብካቤ እና ጥልቅ መስሎ የሚታይ ፍቅር ይፈሳል። ነገር ግን ከጥቂት ወራት በኋላ ያ ያመለኩት ሰው ወደ ሌላ ፍጡር ይቀየራል።

የሳይኮሎጂ ባለሙያዎች ይህንን ሁኔታ “ናርሲስቲካዊ የግንኙነት ዑደት ” (Narcissistic Relationship Cycle) ይሉታል። ናርሲስቲካዊ ባህሪ ካለው ሰው ጋር መኖር ማለት ከሰው ጋር ሳይሆን ከሰው ጥላ ጋር እንደመኖር ይቆጠራል።

​በዚህ ጽሑፍ ውስጥ፣ ናርሲስቲካዊ ስብዕና ያላቸውን ሰዎች ማንነት በሳይኮሎጂ መነጽር እንቃኛለን፤ ግንኙነቱ የሚከተለውን አደገኛ አካሄድ እንተነትናለን፤ እንዲሁም ራስን የመታደጊያ መንገዶችን እንጠቁማለን።

​1. ናርሲሲዝም በሳይኮሎጂ መነጽር (The Psychological View)

​ሳይኮሎጂስቶች ናርሲሲዝምን "Narcissistic Personality Disorder" (NPD) በሚል ክሊኒካዊ ስም ይጠሩታል። እንደ ባለሙያዎቹ እይታ፣ ናርሲስቲካዊ ሰው ማለት በራሱ ላይ ብቻ ያተኮረ፣ የሌሎችን ስሜት መረዳት የማይችል (Lack of Empathy) እና ከልክ ያለፈ አድናቆትን የሚፈልግ ነው።

​ነገር ግን ከዚህ ሁሉ ትዕቢት በስተጀርባ የሚደበቅ አንድ ትልቅ ምስጢር አለ፦ ዝቅተኛ በራስ መተማመን። ሳይኮሎጂስቶች እንደሚሉት፣ ናርሲስቲካዊ ሰዎች በውስጣቸው እጅግ ደካማ እና በቀላሉ የሚሰበር ስብዕና አላቸው። ያንን ድካማቸውን ለመሸፈን ሲሉ ነው በሌሎች ላይ የበላይነትን ለመጫንና ዓለም በእነሱ ዙሪያ ብቻ እንድትሽከረከር የሚጥሩት።

​የናርሲሲዝም ሦስቱ የግንኙነት ደረጃዎች

​ባለሙያዎች ናርሲስቲካዊ ግንኙነትን በሦስት ዋና ዋና ደረጃዎች ይከፍሉታል፦

​Idealization (የማመልክ ደረጃ)፦ መጀመሪያ ላይ "የነፍስ አጋሬ ነህ/ነሽ" በሚል ማር ይለብጡታል። ይህ ደረጃ "Love Bombing" ይባላል።

​Devaluation (የማቃለል ደረጃ)፦ ቀስ በቀስ ነቀፋ ይጀምራል። የእርስዎ ስህተት ይፈለጋል፣ ዋጋዎ ዝቅ እንዲል ይደረጋል።

​Discarding (የመጣል ደረጃ)፦ እንደ አሮጌ ዕቃ ተጠቅመውብዎት ሲጨርሱ ወይም ሌላ አዲስ የሚያመልካቸው ሰው ሲያገኙ ያለ ምንም ርህራሄ ይተዉዎታል።

​2. አደገኛ ምልክቶች (Red Flags)

​ከናርሲስቲካዊ ሰው ጋር መሆንዎን የሚያሳዩ ዋና ዋና ምልክቶች የሚከተሉት ናቸው፦

​ሀ. "ጋስላይቲንግ" (Gaslighting) - የእውነታ ማዛባት

​ይህ በሳይኮሎጂ ውስጥ እጅግ አደገኛ ተብሎ የሚታወቅ የማታለያ ዘዴ ነው። ናርሲስቲካዊው ሰው እውነታውን በመካድ የገዛ አእምሮዎን እንዲጠራጠሩ ያደርግዎታል። ለምሳሌ፦ "ይህንን አላልኩም፣ እየቀዠሽ ነው" ወይም "በጣም ስሜታዊ ነህ፣ ዝም ብለህ ነው የምትቃዠው" በማለት ጥፋቱን ወደ እርስዎ ያዞራሉ።

​ለ. "የእርህራሄ ባዶነት"

​ሳይኮሎጂስቶች እንደሚሉት፣ ናርሲስቲካዊ ሰው የእርስዎን ህመም ሊረዳ አይችልም። ለቅሶዎ ለእነሱ የድክመት ምልክት እንጂ የርህራሄ መነሻ አይደለም። ሲያዝኑ ከማጽናናት ይልቅ "እኔን ለማበሳጨት ነው የምታለቅሺው" የሚል ክስ ሊያቀርቡ ይችላሉ።

​ሐ. ስውር ቁጥጥር (Control)

​መጀመሪያ ላይ "ስለምወድሽ ነው የምቀናው" ወይም "ስለምጠነቀቅልህ ነው የምከታተልህ" በማለት ይጀምራሉ። ቆየት ሲል ግን ከጓደኞችዎ፣ ከቤተሰብዎ አልፎ ተርፎም ከገዛ ገንዘብዎ ጋር ያለዎትን ግንኙነት ይቆርጣሉ።

​3. በሰለባው ላይ የሚደርሰው ስነ-ልቦናዊ ጉዳት

​ናርሲስቲካዊ ግንኙነት ዝም ብሎ ጠብና ክርክር አይደለም፤ በሰው ልጅ አእምሮ ላይ የሚከተሉትን ጥልቅ ጠባሳዎች ይተዋል፦

​Cognitive Dissonance (የአእምሮ መዋከብ)፦ በአንድ በኩል የሚወዱት አጋርዎ፣ በሌላ በኩል ደግሞ የሚያሰቃይዎ ጠላት ሆኖ ስለሚታይዎት አእምሮዎ ግራ ይጋባል።
​C-PTSD፦ የረጅም ጊዜ ስነ-ልቦናዊ ጥቃት የሚያስከትለው የጭንቀት በሽታ።

​የማንነት መጥፋት፦ "እኔ ማን ነኝ? ምንስ ነበር የምወደው?" ብለው እስኪጠይቁ ድረስ ማንነትዎ በእነሱ ፍላጎት ይዋጣል።

​4. ራስን የመጠበቅና የመውጣት መንገዶች

​ሳይኮሎጂስቶች ከናርሲስቲካዊ ግንኙነት ለመውጣት "No Contact" (ምንም ግንኙነት አለማድረግ) የሚለውን መርህ እንደ ዋነኛ መፍትሔ ያስቀምጣሉ። ነገር ግን ይህ ሁልጊዜ ቀላል ስላልሆነ የሚከተሉትን እርምጃዎች ይከተሉ፦

​1. "Grey Rock" ዘዴን ይጠቀሙ

​ከግንኙነቱ መውጣት እስኪችሉ ድረስ፣ እንደ አመድማ (ግራጫ) ድንጋይ ይሁኑ። ማለትም ለጥንቆላዎቻቸው ወይም ለጭቅጭቃቸው ምንም ዓይነት ስሜታዊ ምላሽ አይስጡ። ናርሲስቲካዊ ሰዎች የእርስዎን ስሜት እንደ ነዳጅ ይጠቀሙበታል፤ ስሜት ካልሰጧቸው ይሰለቻቸዋል።

​2. የገንዘብና የማህበራዊ ነጻነትን ማረጋገጥ

​ናርሲስቲካዊ ሰዎች የሚቆጣጠሩት በሚያሳጡዎት ነገር ነው። የራስዎ ገቢ እንዲኖርዎ ያድርጉ። የራቁዎትን ጓደኞች እና ቤተሰቦች መልሰው ያግኙ። የድጋፍ ሰንሰለት መፍጠር ለህልውናዎ ወሳኝ ነው።

​3. ድንበር ማበጀት (Setting Boundaries)

​"ይህ ካልተስተካከለ እሄዳለሁ" ብለው ካሉ፣ በእውነት መሄድ መቻል አለብዎት። ናርሲስቲካዊ ሰው የእርስዎን ማስፈራሪያ እንጂ ድንበርዎን አያከብርም። ድንበርዎን ሲጥሱ ወዲያውኑ እርምጃ ይውሰዱ።

​5. የባለሙያዎች ምክር እና ማጠቃለያ

​የሳይኮሎጂ ባለሙያዎች አንድ ትልቅ ማስጠንቀቂያ አላቸው፦ "ናርሲስቲካዊ ሰውን በፍቅር እለውጠዋለሁ ብለው አያስቡ።" ናርሲሲዝም የስብዕና መታወክ እንጂ በንግግር የሚስተካከል ተራ ባህሪ አይደለም። ለውጥ የሚመጣው ግለሰቡ በራሱ ጥረት ወደ ባለሙያ ሄዶ ረጅም ዓመታት ሲታከም ብቻ ነው፤ ይህም በጣም አልፎ አልፎ የሚከሰት ነው።

​ስለዚህ፣ ከናርሲስቲካዊ ሰው ጋር በሚኖር ግንኙነት ውስጥ ማሸነፍ የሚቻለው በመልቀቅ ብቻ ነው። ግንኙነቱን ሲያቋርጡ እነሱ እንደሚሏችሁ እናንተ "ተሸናፊ" አይደላችሁም፤ ይልቁንም የገዛ ህይወታችሁንና ሰላማችሁን የታደጋችሁ ጀግኖች ናችሁ።

​ያስታውሱ፦ እርስዎ ዋጋ ያለዎት፣ ሊከበሩ የሚገቡ እና ንጹህ ፍቅር የሚገባዎት ሰው ነዎት። ማንም ሰው ስሜትዎን እንደ መጫወቻ እንዲጠቀምበት አይፍቀዱ።

በአሥመራ ዩኒቨርሲቲ ግቢ ውስጥ የተጠነሰሱ፣ እውነተኛ እና ልብ የሚነኩ ታሪኮችን የያዘው 'ያልታረመው የፍቅር ፈተና' የመጽሐፍ ምርቃት ላይ እንዲገኙ በክብር ተጋብዘዋል። እነዚህ ታሪኮች በመማሪያ ክፍል ውስጥ ያልተማርናቸው የሕይወት ትምህርቶች ናቸው።

ሁሉም ነገር በሚመዘንበትና ውጤት በሚሰጥበት ዓለም ውስጥ፣ አንዳንድ ገጠመኞች ከመለኪያ በላይ ናቸው። ያልታረሙትን የፍቅር ፈተናዎች ኑና አብረን እንስማ።

ቦታው: ወመዘክር

You are cordially invited to the launch of «ያልታረመው የፍቅር ፈተና» (Ungraded Love Stories) which is a collection of love stories from the historic halls of Asmara University.

Please mark your calendars for Saturday, January 31 (Tir 23), starting from 2:30 PM (8:30 Local Time).

Venue : Womeziker

u2764ufe0f u120du12e9 u12e8u126bu1208u1295u1273u12edu1295 u1240u1295 u12ddu130du1305u1275! u1208u1325u1242u1275 u1230u12ceu127d u1265u127b! u2764ufe0f

u12e8u12a0u1201u1291u1295 Valentine's Day u1260u1264u1291u1293 u126au120cu1305 u12a8u12f3u12cau1275 u1345u130c u130bu122d u12ebu1233u120du1349!

u12ddu130du1305u1271 u1260u121au1296u1228u12cd u1246u12edu1273 u12e8u121au12a8u1270u1209u1275u1295 u120du12e9 u12a0u1308u120du130du120eu1276u127d u12ebu12abu1275u1273u120du1366

ud83cudfb5 u12e8u134du1245u122d u12dcu121bu1366 u1260u12f3u12cau1275 u1345u130c u1323u134bu132d u12f5u121du1345 u12e8u1273u1300u1260 u120du12e9 u12e8u1219u12dau1243 u12aeu1295u1230u122du1275

ud83dude86 u120du12e9 u1309u12deu1366 u1260u126au12a0u12edu1352 (VIP) u12e8u127bu122du1270u122d u1263u1261u122d u1275u122bu1295u1235u1356u122du1275 (Charter Luxury Train) u12a0u1308u120du130du120eu1275

ud83euddd6u200du2640ufe0f u12e8u12a5u1228u134du1275 u130au12dcu1366 u1230u12cdu1290u1275u1295u1293 u1218u1295u1348u1235u1295 u12e8u121au12ebu12f5u1231 u120du12e9 u120du12e9 u1218u12ddu1293u129bu12ceu127d

ud83dudd6f u12e8u123bu121b u1265u122du1203u1295 u12a5u122bu1275u1366 u12cdu1265 u1260u1206u1290 u121du123du1275 u1260u122eu121bu1295u1272u12ad u12e8u123bu121b u1265u122du1203u1295 u12e8u1273u1300u1260 u12a5u122bu1275

ud83cudf79 u1201u1208u1295u1270u1293u12ca u12a0u1308u120du130du120eu1275u1366 u1219u1209 u12c8u132au12cd u12e8u1270u1238u1348u1290 (All-inclusive) u12e8u121du130du1265u1293 u12e8u1218u1320u1325 u12a0u1245u122du1266u1275

u12d5u12f5u1209u1295 u12edu1320u1240u1219! u12ddu130du1305u1273u1278u12cdu1295 u12a0u1320u1293u1240u12cd u12a5u122du1235u12ceu1295 u12a5u12e8u1320u1260u1241 u1290u12cd!

u12dbu122cu12cdu1291 u12edu1218u12ddu1308u1261u1366 https://shr.et/TheExclusiv...

u1208u1260u1208u1320 u1218u1228u1303u1366 0904040468 | 0933232373 u12edu12f0u12cdu1209!
#valentine #ethiopia #beynounavillage #dawittsigie #kidamemedia #love #exclusivevalentine #u134du1245u122d #u126bu1208u1295u1273u12edu1295 ","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"ExternalUrl","__isEntity":"ExternalUrl","url":"https://l.facebook.com/l.p...
❤️ ልዩ የቫለንታይን ቀን ዝግጅት! ለጥቂት ሰዎች ብቻ! ❤️

የአሁኑን Valentine's Day በቤኑና ቪሌጅ ከዳዊት ፅጌ ጋር ያሳልፉ!

ዝግጅቱ በሚኖረው ቆይታ የሚከተሉትን ልዩ አገልግሎቶች ያካትታል፦

🎵 የፍቅር ዜማ፦ በዳዊት ፅጌ ጣፋጭ ድምፅ የታጀበ ልዩ የሙዚቃ ኮንሰርት

🚆 ልዩ ጉዞ፦ በቪአይፒ (VIP) የቻርተር ባቡር ትራንስፖርት (Charter Luxury Train) አገልግሎት

🧖‍♀️ የእረፍት ጊዜ፦ ሰውነትንና መንፈስን የሚያድሱ ልዩ ልዩ መዝናኛዎች

🕯 የሻማ ብርሃን እራት፦ ውብ በሆነ ምሽት በሮማንቲክ የሻማ ብርሃን የታጀበ እራት

🍹 ሁለንተናዊ አገልግሎት፦ ሙሉ ወጪው የተሸፈነ (All-inclusive) የምግብና የመጠጥ አቅርቦት

ዕድሉን ይጠቀሙ! ዝግጅታቸውን አጠናቀው እርስዎን እየጠበቁ ነው!

ዛሬውኑ ይመዝገቡ፦ https://shr.et/TheExclusiv...

ለበለጠ መረጃ፦ 0904040468 | 0933232373 ይደውሉ!
#valentine #ethiopia #beynounavillage #dawittsigie #kidamemedia #love #exclusivevalentine #ፍቅር #ቫለንታይን

❤️ "ለበረከት ትረፊ ያላት ነፍስ" - ከ15 ዓመት በፊት የተገባ ስዕለት እና የጀርመን ቤተክርስቲያን ፍቅር 💧⛪

* ​"አምላኬ ሆይ! ካዳንከኝ፣ በየዓመቱ በጥምቀት በዓል ለምዕመናን ውሃ አቀርባለሁ!"
#ethiopia | ​በአዲስ አበባ ስድስት ኪሎ አካባቢ የሚገኘው የጀርመኖች ቤተ ክርስቲያን፤ በየዓመቱ በጥምቀት በዓል ለሚያልፉ ኦርቶዶክሳውያን ምዕመናን ውሃ ሲያድል ማየት የተለመደ ነው። ይህ በጎ ተግባር ግን ከጀርባው ጥልቅ የሆነ የእምነት እና የፈውስ ታሪክ አለው።

​ታሪኩ እንዴት ጀመረ?
የቤተክርስቲያኑ ሰራተኛ የሆነው አቶ እንዳለ ጌታቸው (ጃጓር)፤ ከ15 ዓመታት በፊት ለጥምቀት መንገድ እያስዋበ ሳለ በኤሌክትሪክ አደጋ ክፉኛ ተጎዳ። በሆስፒታል አልጋ ላይ ሆኖም "ካዳንከኝ ውሃ አጠጣለሁ" ሲል ለአምላኩ ተሳለ።

​ፈጣሪ ጸሎቱን ሰምቶ አዳነው! አቶ እንዳለ በመጀመሪያው ዓመት በብቸኝነት ጀመረ፤ ቀጥሎ ግን የጀርመን ቤተክርስቲያን ፓስተሮች እና አስተዳዳሪዎች "እኛም ካንተ ጋር ነን" ብለውት እነሆ ለ15 ዓመታት ይህንን የፍቅር ማዕድ አብረው እያቀረቡ ይገኛሉ።

​ፓስተር ዮጋን ክላይን እንዳሉት፤ ይህ ተግባር የሃይማኖት ልዩነትን ተሻግሮ የሰው ልጅ ለሰው ያለውን ክብርና ፍቅር የሚገልጽበት ትልቅ ምስክርነት ነው።

​ለበረከት ትረፊ ያላት ነፍስ በጃጓር ጉዳት ተነስታ ዛሬ ለሺዎች የፍቅር ውሃ ሆና እየፈሰሰች ነው! ክብር ለፍቅር እና ለአብሮነት! 🙌🇪🇹
​ (AMN)
​#timket #germanchurch #unity #love #humanity #ethiopia #addisababa #inspiration

⚫ "ብቻዬን ነው የተውከኝ!"
ፈጣሪ ያፅናህ አስኔ 💔
#ethiopia | ​"ፈጣሪ ያፅናህ አስኔ፤ የልብ ወዳጅን ማጣት ቀላል አይደለም!"
​አስናቀ (አስኔ) እና ነጻነት ወርቅነህ (ነፂ) ከ29 ዓመት በላይ የዘለቀ፣ ከወዳጅነትም በላይ የሆነ ወንድማማችነት ነበራቸው።

​ነፂ ስለ አስኔ እንዲህ ብሎ ነበር፡-

"አስኔ የልጅነት ጓደኛዬ፣ ሸኚዬ፣ ተቀባዬ... ኑርልኝ!"

​ዛሬ ግን ሸኚውም፤ ተቀባዩም አስኔ ብቻውን ቀርቷል። የቀብር ስነስርዓቱ ላይ አስኔ እንደተናገረው፤ "እሱ መኪና ውስጥ ጋቢና እኔ ነኝ የምቀመጠው። ልብስ እየተቀያየርን ነው የምንለብሰው..." ሲል የነበራቸውን ጥብቅ ቁርኝት አስታውሷል።

​ወዳጅን እንደወንድም ሆኖ ማግኘት መታደል ነው።

ማጣት ደግሞ መሪር ነው።

" ... ኒፂ የ29 ዓመታት የልብ ጓደኛዬ ነው 😭​ በ28 ዓመት ጓደኝነታችን ውስጥ ተለያይተን የምናውቀው ለአንድ ወር እንኳን አይሞላም።"

አስኔ... ፈጣሪ ያጽናናህ!

Getu Temesgen - (ጌጡ ተመስገን)

​#netsanetworkneh #bestfriend #asnake #brotherhood #condolences #love #tribute #restinpeace #ethiopia

⚫አባቴ ለእኔ አባት ብቻ አልነበረም፤ ለእናቴ ታማኝ ባል፣ ለሁላችንም ደግሞ የደስታ ምንጭ ነበር

#ethiopia | "አባዬ... ዛሬ ላለሁበት ማንነት መሰረት የሆንከኝ አንተ ነህ!" 💔

​የአርቲስት ነጻነት ወርቅነህ ልጅ የሀዘን መግለጫ...

​ዛሬ ስለ አባቴ ስለ አርቲስት ነጻነት ወርቅነህ ሳስብ ልቤ በሀዘን ቢከብድም፣ በእሱ ልጅነቴ ግን እጅግ ኮራለሁ። አባቴ ለእኔ አባት ብቻ አልነበረም፤ ለእናቴ ታማኝ ባል፣ ለሁላችንም ደግሞ የደስታ ምንጭ ነበር።

​የኔ ጀግና...
በሄደበት ሁሉ ፈገግታን የሚዘራ፣ ለሰው አሳቢና እጅግ ሩህሩህ ሰው ነበር። አባዬ፣ ዛሬ ላለሁበት ማንነት መሰረት የሆንከኝ አንተ ነህ። ሊገቡኝ የሚገቡ የህይወት ትምህርቶችን በትግስት አስተምረኸኛል፤ ከአባት የሚጠበቀውን እውነተኛ ፍቅርም ያለ ስስት መግበኸኛል።

​መጽናናታችን...
ያንተን ድምፅ አለመስማትና መለየትህ ለእኔና ለቤተሰቤ እጅግ የሚከብድ ቢሆንም፣ አሁን አንተ ከፈጣሪህ ጋር በተሻለ ስፍራ ላይ እንዳለህ በማወቃችን እንጽናናለን።

​ፍቅርህ እና ትዝታህ ለዘላለም በልባችን ይኖራል! ❤️🙏

Getu Temesgen - (ጌጡ ተመስገን)

​#myfather #netsanetworkneh #love #tribute #restinpeace #ethiopia

‼️ ለጫካ ቡና ደንበኞች በሙሉ
A Bittersweet Goodbye to Where It All Began ☕️💔
​Dear Chaka Coffee Family,

​ለ10 ዓመታት ያህል እናንተን ውድ ደንበኞቻችንን በፍቅር ስናስተናግድበት የቆየነው እና አንድ ብለን የጀመርንበት የ22 (ሃያ ሁለት) ቅርንጫፋችን፤ በከተማችን እየተካሄደ ባለው የኮሪደር ልማት ምክንያት ከዛሬ ጥር 8 ቀን 2018 ዓ.ም ጀምሮ አገልግሎት መስጠት ማቆሙን በታላቅ ይቅርታ እናሳውቃለን።

​ይህ ቤት ለእኛም ሆነ ለእናንተ የብዙ ትዝታዎች ቤት ነበር። ለነበረን ቆይታ ከልብ እናመሰግናለን! 🙏

​በዚህ ቅርንጫፍ የምታገኙትን የጫካ ቡና ልዩ ጣዕም እና አገልግሎት በሚከተሉት 6 አማራጭ ቅርንጫፎቻችን ማግኘታችሁን እንቀጥላለን፡-

​📍 ቦሌ ሞርኒንግ ስታር ሞል
📍 ቦሌ መንገድ (ፍሬንድ ሺፕ ሱፐር ማርኬት ጀርባ)
📍 ቦሌ አየር መንገድ (የእንግዶች መቀበያ)
📍 ብሄራዊ ቲያትር (ራስ ሼል)
📍 ለገሃር (አቢሲኒያ ባንክ ዋና መስሪያ ቤት)
📍 ሲኤምሲ (አዲስ አለም አቀፍ ኮንቬንሽን ማእከል)
​በሌሎቹ ቤቶቻችን በክብር እንጠብቃችኋለን!

​ከምስጋና ጋር!
የጫካ ቡና ማኔጅመንት

A Bittersweet Goodbye to Where It All Began ☕️💔
​Dear Chaka Coffee Family,

​It is with heavy hearts that we announce the closing of our very first branch, effective today, January 16, 2026, due to the ongoing corridor development project.

​This location wasn’t just a coffee shop to us; it was the beginning of our journey. It holds countless cherished memories of the conversations, laughter, and cups of coffee we’ve shared with you over the last decade.

​While we say goodbye to this special chapter, our story is far from over! We are eager to welcome you with the same passion and quality at our six other Chaka Coffee locations across the city.
​Thank you for being the most important part of our story. We sincerely apologize for any inconvenience this may cause and truly appreciate your understanding and continued support.

​Let’s keep brewing memories together! ☕️✨
​With gratitude,

The Chaka Coffee Team
​#chakacoffee #newchapter #coff
eeLovers #addisababa #thankyou #coffeecommunity
​#chakacoffee #thankyou #coffeelovers #addisababa #ethiopia

ሦስት ኢትዮጵያውያን ተሸላሚ ሆነዋል
#ethiopia | አዲስአበባ በተካሄደው የ 2025 IGAD Secretariat ሚዲያ አዋርድ ሦስት ኢትዮጵያውያን ተሸላሚ ሆነዋል ።

የምንወዳት የምናከብራት የሸገር FM አንጋፋ ጋዜጠኛ መዓዛ ብሩ የሕይወት ዘመን ተሸላሚ ሆናለች ።

የኢትዮጵያ ዜና አገልግሎቱ ጌትነት ሸንቁጥ በዲጂታል ሚዲያ ዘርፍ : የኦቢኤኑ ሽመክት ለገሰ ደግሞ በአገርበቀል ቋንቋ ዘርፍ ተሸላሚ ሆነዋል ።

እንኳን ደስ አላችሁ !
#igadmediaaward2025

Three Ethiopians were award winners at the 2025 IGAD Secretariat Media Awards ceremony held here in Addis Ababa.

​Our beloved and respected veteran Sheger FM journalist, Meaza Biru, received the Lifetime Achievement Award.

​Getnet Shenkute of the Ethiopian News Agency (ENA) won in the Digital Media category, and Shimekit Legese of OBN (Oromia Broadcast Network) won in the Indigenous Language category.

📷 Abdi Ali Ibrahim

🔥🔥ነገ ማታ🔥🔥

"ጎራ በል"

ውድ ተመልካቾቻችን ከዚህ ቀደሞ በተለያዩ ተወዳጅ ስራዎቿ (የምሞሸረው፣ ምን ላርግልህ፣ እና በመሣሠሉ ተወዳጅ ስራዎች የምናውቃት ተወዳጇ አርቲስት ሳራ ቲ አሁንም "ጎራ በል" የተሠኘ ቆንጆ ሙዚቃ ይዛልን መጥታለች ነገ ማታ በሆፕ ኢንተርቴይንመንት (hope music Ethiopia YouTube channel) በኩል ወደናንተ እናደርሳለን።

ሆፕ የምርጥ ሙዚቃዎች ደሴት ነው! 💪
የሁላችሁ ምርጫ የሆነው ሆፕ ኢንተርቴይመንት የምትወዷቸውን እና የምትዝናኑባቸውን የሙዚቃ ቪዲዮዎች ዘውትር ወደ እናንተ ያደርሳል!

Hope is the island of the best music! 💪
Hope Entertainment, your top choice, will continue to bring you the music videos you love and enjoy!
#eritrea #ethiopian #ethiopianwomen #world #ethiopian #ethiopianwedding #ethiopians #musicproducer #worldwide #ethiopian_music #ethiopianmusic #adama #ethiopian_music #musicproduction #ethiopiancoffee #ertiria #ertirian #eritreanculture #eritreanwedding #ethiopianopal #artist #photographychallengechallenge #photographer #musically #musica #music #adama .