ጀቢና - በሐበሻቪው የቀረበው አዲስ ፊልም
በነፃ ይመልከቱ
#ethiopia | ሐበሻቪው ያዘጋጀውን አዲስ የፊልም ምርቃት እና የማሳያ መርሃ ግብር ቅዳሜ፣ መስከረም 30 ቀን 2019 ዓ.ም እንደሚያቀርብ አስታውቋል።

ይህ የፊልም ማሳያ መርሃ ግብር በቦሌ ፍላሚንጎ በሚገኘው የህፃናት እና ወጣቶች ቴአትር ቤት ከቀኑ 10:00 ሰዓት ጀምሮ የሚካሄድ ይሆናል።

የመግቢያ ክፍያው ሙሉ በሙሉ በሐበሻቪው የተሸፈነ በመሆኑ ተመልካቾች በነፃ መከታተል ይችላሉ።

ታዳሚያን በሰዓቱ እንዲገኙ ተጠይቋል።
#habeshaview #ethiopianmovie #ethiopiancinema #film #art #getutemesgen #getu #ጌጡ #ጌጡተመስገን #addisababa

ኢትዮጵያን ይምረጡ | Vote

አትሌት ትዕግሥት አሰፋ በ2026 የዓለም አትሌቲክስ የዓመቱ የላቀ አትሌት ሽልማት እጩዎች ስብስብ ውስጥ ተካተተች
#ethiopia | ስመ-ገናናዋ የኢትዮጵያ የማራቶን አትሌት ትዕግሥት አሰፋ ለ2026 የዓለም አትሌቲክስ የዓመቱ ምርጥ አትሌት ክብር በዕጩነት መመረጧን የዓለም አትሌቲክስ በዛሬው ዕለት ባወጣው መግለጫ አስታውቋል።

አትሌቷ በ2026 የለንደን ማራቶን በሴቶች ብቻ ውድድር የዓለም ክብረወሰንን በ2 ሰዓት ከ15 ደቂቃ ከ41 ሴኮንድ በማሻሻል አንደኛ ወጥታለች።

በተጨማሪም በበርሊን ማራቶን የቦታውን ውድድር ለሦስተኛ ጊዜ በበላይነት ማጠናቀቋ የሚታወስ ሲሆን፣ ያስመዘገበችው የ2 ሰዓት ከ11 ደቂቃ ከ04 ሴኮንድ ሰዓት በሴቶች ማራቶን ታሪክ ሦስተኛው ፈጣን ሰዓት ሆኖ ተመዝግቧል።

በ2023 የዓለም አትሌቲክስ ከስታዲየም ውጭ የዓመቱ ምርጥ አትሌት ተብላ የተሸለመችው አትሌት ትዕግሥት አሰፋ፣ በያዝነው ዓመት በማራቶን ያሳየችው የላቀ ብቃት አሁንም ለታላቁ ሽልማት በዕጩነት እንድትቀርብ አድርጓታል።

አሸናፊውን ለመለየት የሚረዳው የደጋፊዎች የድምፅ አሰጣጥ ስነ-ስርዓት ከመስከረም 26 እስከ ጥቅምት 7 ቀን 2019 ዓ.ም ድረስ የሚካሄድ ሲሆን፣ የስፖርቱ አፍቃሪያንና የኢትዮጵያ አትሌቲክስ ቤተሰቦች ድምፅ በመስጠት ድጋፋቸውን እንዲሰጡ ጥሪ ቀርቧል።

ድምፅዎን ለትዕግሥት አሰፋ ለመስጠት ከታች ያለውን ሊንክ ይጠቀሙ።

Who has your vote?
👉 https://bit.ly/4y66IHT
#tigistassefa #worldathletics #marathon #ethiopianathletics #athletics #getutemesgen #getu #ጌጡ #ጌጡተመስገን #addisababa

ዘመን ባንክ በተጠናቀቀው የበጀት ዓመት ከታክስ በፊት የ10 ቢሊዮን ብር ገደማ ትርፍ ማግኘቱን ይፋ አደረገ
#ethiopia | ዘመን ባንክ በ2018 በጀት ዓመት ከታክስ በፊት 9 ነጥብ 97 ቢሊዮን ብር አጠቃላይ ትርፍ ማስመዝገቡን በዛሬው ዕለት ባካሄደው የባለአክሲዮኖች ዓመታዊ ጉባኤ ላይ አስታውቋል።

በበጀት ዓመቱ የባንኩ በጥቅል የሀብት መጠን የ31 ነጥብ 3 በመቶ እድገት በማሳየት 116 ቢሊዮን ብር ደርሷል።

በተጨማሪም የባንኩ የተከፈለ ካፒታል 14 ነጥብ 3 ቢሊዮን ብር እንዲሁም ጠቅላላ ካፒታሉ 26 ቢሊዮን ብር መድረሱ ተገልጻል።

የዘመን ባንክ የዳይሬክተሮች ቦርድ ሰብሳቢ ወይዘሮ እንዬ ቢምር በበኩላቸው 2018 የበጀት ዓመት ለባንኩ ጠንካራ የፋይናንስ አፈጻጸምና ቀጣይነት ያለው እድገት የታየበት ወቅት መሆኑን ገልጸዋል።

ባለአክሲዮኖች በአንድ አክሲዮን የሚያገኙት የትርፍ ድርሻ 53 ነጥብ 9 በመቶ መድረሱን የጠቆሙት ሰብሳቢዋ፣ ይህ ስኬት የባንኩን ጠንካራ አፈጻጸም፣ የደንበኞችንና ባለአክሲዮኖችን እምነት እንዲሁም የሰራተኞችን ቁርጠኝነት የሚያንጸባርቅ ነው ብለዋል።

የባንኩ ዋና ሥራ አስፈጻሚ አቶ ደረጀ ዘበነ ባስተላለፉት መልዕክት፣ ዘመን ባንክ በተጠናቀቀው በጀት ዓመት 17 ነጥብ 9 ቢሊዮን ብር አጠቃላይ ገቢ በማግኘት 6 ነጥብ 75 ቢሊዮን ብር የተጣራ ትርፍ ማተረፉን አብራርተዋል።
#zemenbank #banking #bankingsector #ethiopianbanking #getutemesgen #getu #ጌጡ #ጌጡተመስገን #addisababa

ዶ/ር ዐቢይ አህመድ በድጋሜ የኢትዮጵያ ጠቅላይ ሚኒስትር ሆነው ተመረጡ
#ethiopia | ዶክተር ዐቢይ አህመድ ሀገሪቱን ለቀጣዮቹ አምስት ዓመታት በጠቅላይ ሚኒስትርነት ለመምራት ከአዲሱ የሕዝብ ተወካዮች ምክር ቤት ሙሉ ድጋፍ አግኝተዋል።

ዛሬ ሰኞ፣ መስከረም 25 ቀን 2019 ዓ.ም. በተካሄደው የፓርላማ መደበኛ ስብሰባ የዶክተር ዐቢይ አህመድ የጠቅላይ ሚኒስትርነት ሹመት በምክር ቤቱ አባላት በደመቀ ጭብጨባ የጸደቀ ሲሆን፣ እርሳቸውም በምክር ቤቱ ፊት ቀርበው የመሐላ ሥነ-ሥርዓት ፈጽመዋል።

ገዢው ብልጽግና ፓርቲ በቅርቡ በተካሄደው ሰባተኛው ሀገራዊ ምርጫ 438 የፓርላማ መንበሮችን በማሸነፍ የበላይነቱን ያረጋገጠ ሲሆን፣ አብላጫ ድምፅ ያለው በመሆኑም ዶክተር ዐቢይን ለጠቅላይ ሚኒስትርነት ዕጩ አድርጎ አቅርቧል።

ዶክተር ዐቢይ አህመድ ለመጀመሪያ ጊዜ ወደ ሥልጣን የመጡት በመጋቢት 2010 ዓ.ም. አቶ ኃይለማርያም ደሳለኝን በመተካት የነበረ ሲሆን፣ በ2014 ዓ.ም. ከተካሄደው ስድስተኛው ጠቅላላ ምርጫ በኋላም በድጋሚ የመንግሥት መሪ ሆነው መመረጣቸው ይታወሳል።

የዘንድሮው የመንግሥት ምሥረታ ሥነ-ሥርዓት ከአምስት ዓመታት በፊት በመስቀል አደባባይ በርካታ የውጭ ሀገራት መሪዎችና ጥሪ የተደረገላቸው እንግዶች በተገኙበት ከተካሄደው ደማቅ ሥነ-ሥርዓት የተለየ ሆኖ አልፏል።

ጠቅላይ ሚኒስትሩ ከዚህ ቀደም በሰጡት አስተያየት አዲሱ መንግሥት ከተመሠረተ በኋላ ጊዜ ሳያባክኑ በቀጥታ ወደ ሥራ መግባት እንደሚገባ በመግለጽ፣ በዚህ ወቅት ተመሳሳይ ትልቅ ሥነ-ሥርዓት እንደማይዘጋጅ ማሳወቃቸው ይታወሳል።

በዚህም መሠረት ዶክተር ዐቢይ አህመድ በሀገሪቱ ታሪክ ለሦስተኛ ጊዜ የጠቅላይ ሚኒስትርነት ሥልጣንን ተረክበው አዲሱን የመንግሥት የሥራ ዘመን ጀምረዋል።
#pmabiy #abiyahmed #parliament #ethiopianpolitics #getutemesgen #getu #ጌጡ #ጌጡተመስገን #addisababa #ethiopia #abiyahmed #primeminister #getutemesgen

የፍላይዱባይ አውሮፕላንን በቴል አቪቭ ረጅም ሕንፃዎች ላይ የመከስከስ ሕልም ነበረኝ ሲል ኦማናዊው ረዳት አብራሪ ገለጸ
#ethiopia | ወደ እስራኤል ይበር የነበረውን የፍላይዱባይ አውሮፕላን ለመጠለፍና ለመከስከስ ሞክሯል በሚል የተጠረጠረው ኦማናዊው ረዳት አብራሪ ሀማም አል-ሀማሚ ለመርማሪዎች በሰጠው ቃል፣ ዋነኛ ፍላጎቱ አውሮፕላኑን በቤን ጉሪዮን ኤርፖርት ወይም በቴል አቪቭ በሚገኙ ረጅም ሕንፃዎች ላይ መከስከስ እንደነበር ተናግሯል።

ጀሩሳሌም ፖስት የእስራኤልን ምንጭ ጠቅሶ እንደዘገበው፣ ረዳት አብራሪው በተደረገለት ምርመራ ወቅት ይህንን ዕቅዱን አምኖ ተናግሯል።
#flydubai #israel #telaviv #oman #aviation #news #getutemesgen #getu #ጌጡ #ጌጡተመስገን #addisababa

"ክርስቲያኖ ሮናልዶ ሁልጊዜም የፖርቱጋል ታላቁ የእግር ኳስ ምልክት ሆኖ ይኖራል" — ብሩኖ ፈርናንዴዝ
#ethiopia | የፖርቱጋል ብሔራዊ ቡድን አማካኝ ብሩኖ ፈርናንዴዝ ከክርስቲያኖ ሮናልዶ ወቅታዊ ሁኔታ ጋር ተያይዞ በሰጠው አስተያየት፣ ሮናልዶ ለሀገሩ እና ለብሔራዊ ቡድኑ ያበረከተው አስተዋጽኦ እና ታላቅነት በምንም መልኩ የማይቀየር መሆኑን ገለጸ።

ብሩኖ ከሮናልዶ ጋር መነጋገሩን ጠቅሶ፣ "ክርስቲያኖ ለብሔራዊ ቡድናችን እና ለሀገራችን ሁልጊዜም ቢሆን የሁሉጊዜም ታላቁ ምልክት እንደሆነ እና እንደሚቀጥል ነግሬዋለሁ" ሲል ተናግሯል።

የፖርቱጋል ብሔራዊ ቡድን የተከፋፈለ ሳይሆን ሙሉ በሙሉ አንድ እንደሆነ እና ይህ አንድነት ለቡድኑ ስኬት ወሳኝ መሆኑን ገልጿል።

መፈታት ያለባቸው ጉዳዮች በቡድኑ ውስጥ በሚደረግ ውይይት ለሁለቱም ወገኖች መልካም በሆነ መንገድ መጠናቀቅ እንዳለባቸው አስምሮበታል።

ሮናልዶ ከታሪክ ታላላቅ ተጫዋቾች ተራ መመደቡ ብቻ ሳይሆን፣ በሁሉም ፖርቱጋላውያን ልብ ውስጥ ሁልጊዜም ልዩ እና የጸና ቦታ ያለው ተጫዋች መሆኑን አረጋግጧል።

​#portugal #ronaldo #cristianoronaldo #brunofernandes #football #getutemesgen #getu #ጌጡ #ጌጡተመስገን #addisababa

የአስዋን ግድብ ያለ ተፋሰስ ሀገራት ስምምነት የተገነባና በርካቶችን ለጉዳት የዳረገ ፕሮጀክት መሆኑ ተገለጸ
#ethiopia | የውሃና ኢነርጂ ሚኒስትሩ ዶክተር ሃብታሙ ኢተፋ እንደተናገሩት፣ ግብፅ በዓባይ ወንዝ ላይ የገነባችው የአስዋን ግድብ ከማንኛውም ቅድመ ውይይትና የጋራ ስምምነት ውጭ በራሷ ውሳኔ ብቻ የተከናወነና የጥፋት አሻራ ያረፈበት ስራ ነው።

ካይሮ የዓባይ ውሃ ዋነኛ ምንጭ የሆነችውን ኢትዮጵያን ሳታማክርና ፈቃድ ሳታገኝ ግድቡን በመገንባቷ፣ ሌሎች ሀገራት ከወንዙ ፍትሃዊ ጥቅም እንዳያገኙ እንቅፋት ሆና ቆይታለች ብለዋል።

ግንባታው በተካሄደበት ወቅት ከ100 ሺህ በላይ የሚሆኑ የኑቢያ ማህበረሰብ አባላት ከቀያቸውና ከተወለዱበት መኖሪያቸው እንዲፈናቀሉ መደረጉን ታሪካዊ መረጃዎች ያረጋግጣሉ።

ይህም በዜጎች ላይ ከፍተኛ የማህበራዊና የኢኮኖሚ ቀውስ አስከትሏል።

በተቃራኒው ኢትዮጵያ የገነባችው የታላቁ ህዳሴ ግድብ እ.ኤ.አ በ2015 በተፈረመው የመርሆች መግለጫ መሠረት በግልጽ ውይይት የተከናወነ ነው።

በመሆኑም ግብፅ በኢትዮጵያ ላይ የምታቀርበው ትችት ምንም ዓይነት የሞራልም ሆነ የምክንያታዊነት መሠረት የለውም።

በመጨረሻም ሚኒስትሩ አክለው እንደተናገሩት፣ ግብፅ የሌሎችን ፍትሃዊ የልማት ጥያቄ ከመኮነኗ በፊት፣ የአስዋን ግድብን ያለ ተፋሰሱ ሀገራት ፈቃድ ለምን እንደገነባችና ንጹሃን ኑቢያውያንን ለምን ለስደትና ለእንግልት እንዳዳረገች ግልጽ ምላሽ መስጠት አለባት።
#ህዳሴግድብ #አባይ #የአስዋን_ግድብ #ኢትዮጵያ #ግብፅ #gerd #nile #aswandam #ethiopia #egypt #getutemesgen #getu #ጌጡ #ጌጡተመስገን #addisababa

አሚጎስ እና አሸናፊ ግርማ ሶከር አካዳሚ የጋራ መግባቢያ ሰነድ ተፈራረሙ
#ethiopia | አሚጎስ እና በቀድሞ የኢትዮጵያ ታዋቂ የእግር ኳስ ተጫዋችና አሰልጣኝ አቶ አሸናፊ ግርማ የተቋቋመው አሸናፊ ግርማ ሶከር አካዳሚ፣ በጋራ ለመሥራት የሚያስችላቸውን የጋራ መግባቢያ ሰነድ ተፈራርመዋል።

ስምምነቱ በእግር ኳስ ዘርፍ ያሉ ተሳታፊዎችንና የኢትዮጵያ ዲያስፖራ ማኅበረሰብን አሚጎስ በሚሰጣቸው የቁጠባና የብድር አገልግሎቶች ተጠቃሚ ለማድረግ ያለመ የጋራ የሥራ ማዕቀፍን ያካትታል።

አቶ አሸናፊ ግርማ ነዋሪነቱን በካናዳ ካደረገ በኋላ በስሙ የተቋቋመውን ሶከር አካዳሚ በማስፋፋት፣ የእግር ኳስ ፍቅር ባላቸው ታዳጊዎች ላይ ትኩረት በማድረግ የአሰልጣኝነት ሙያውን ቀጥሏል።

በበኩሉ አሚጎስ ወጣቶችን በስፖርት ዘርፍ ለማበረታታት በእግር ኳስ መሣሪያዎች በመደገፍ ከ300 በላይ ታዳጊዎችን እያሰለጠነ መሆኑ ተገልጿል።

በሁለቱ ተቋማት መካከል በሚኖረው የጋራ የሥራ ትብብር የተለያዩ የስፖርትና የፋይናንስ አገልግሎቶችን በማገናኘት የዲያስፖራ ማኅበረሰቡ ከአሚጎስ የቁጠባና የብድር አገልግሎቶች ተጠቃሚ እንዲሆን ለማስቻል አሰልጣኝ አሸናፊ ግርማ በካናዳ የማስተባበር ሚና እንዲወጣ በስምምነቱ ተካቷል።

በፊርማ ሥነ-ሥርዓቱ ላይ አሰልጣኝና የቀድሞ የኢትዮጵያ እግር ኳስ ተጫዋች አቶ አሸናፊ ግርማ፣ አሚጎስ ይህንን ሥራ በጋራ እንዲሠሩ ዕድሉን በመስጠቱ ምስጋና አቅርበዋል።

አሰልጣኝ አሸናፊ ግርማ እንደገለጹት፣ ትብብሩ ኢትዮጵያን ናፍቀው በውጭ አገራት ለሚኖሩ የዲያስፖራ ማኅበረሰብ በሀገራቸው የቁጠባ፣ የብድርና የኢንቨስትመንት ዕድሎችን ለመጠቀም አማራጭ ይፈጥራል።

በፊርማ ሥነ-ሥርዓቱ ላይ በማኅበር ወይም በግል ብድር መጠቀም ለሚፈልጉ ዲያስፖራዎች፣ እንዲሁም በተለያዩ የኢንቨስትመንት አማራጮች ለመሳተፍ ፍላጎት ላላቸው የአሚጎስ የፋይናንስ አገልግሎት አሰጣጥ መንገዶች ላይም ውይይት ተደርጓል።

በዚህም የሁለቱ ተቋማት ትብብር የስፖርት ልማትን ከዲያስፖራ ተሳትፎና ከፋይናንስ አገልግሎት ጋር በማጣመር ወጣቶችንና የዲያስፖራ ማኅበረሰቡን የሚያገናኝ የጋራ የሥራ ማዕቀፍ ለመፍጠር ያለመ መሆኑ ተገልጿል።

​#amigos #ashenafigirma #sports #diaspora #finance #ethiopiansports #getutemesgen #getu #ጌጡ #ጌጡተመስገን #addisababa






አሚጎስ እና አሸናፊ ግርማ ሶከር አካዳሚ የጋራ መግባቢያ ሰነድ ተፈራረሙ
#ethiopia | አሚጎስ እና በቀድሞ የኢትዮጵያ ታዋቂ የእግር ኳስ ተጫዋችና አሰልጣኝ አቶ አሸናፊ ግርማ የተቋቋመው አሸናፊ ግርማ ሶከር አካዳሚ፣ በጋራ ለመሥራት የሚያስችላቸውን የጋራ መግባቢያ ሰነድ ተፈራርመዋል።

ስምምነቱ በእግር ኳስ ዘርፍ ያሉ ተሳታፊዎችንና የኢትዮጵያ ዲያስፖራ ማኅበረሰብን አሚጎስ በሚሰጣቸው የቁጠባና የብድር አገልግሎቶች ተጠቃሚ ለማድረግ ያለመ የጋራ የሥራ ማዕቀፍን ያካትታል።

አቶ አሸናፊ ግርማ ነዋሪነቱን በካናዳ ካደረገ በኋላ በስሙ የተቋቋመውን ሶከር አካዳሚ በማስፋፋት፣ የእግር ኳስ ፍቅር ባላቸው ታዳጊዎች ላይ ትኩረት በማድረግ የአሰልጣኝነት ሙያውን ቀጥሏል።

በበኩሉ አሚጎስ ወጣቶችን በስፖርት ዘርፍ ለማበረታታት በእግር ኳስ መሣሪያዎች በመደገፍ ከ300 በላይ ታዳጊዎችን እያሰለጠነ መሆኑ ተገልጿል።

በሁለቱ ተቋማት መካከል በሚኖረው የጋራ የሥራ ትብብር የተለያዩ የስፖርትና የፋይናንስ አገልግሎቶችን በማገናኘት የዲያስፖራ ማኅበረሰቡ ከአሚጎስ የቁጠባና የብድር አገልግሎቶች ተጠቃሚ እንዲሆን ለማስቻል አሰልጣኝ አሸናፊ ግርማ በካናዳ የማስተባበር ሚና እንዲወጣ በስምምነቱ ተካቷል።

በፊርማ ሥነ-ሥርዓቱ ላይ አሰልጣኝና የቀድሞ የኢትዮጵያ እግር ኳስ ተጫዋች አቶ አሸናፊ ግርማ፣ አሚጎስ ይህንን ሥራ በጋራ እንዲሠሩ ዕድሉን በመስጠቱ ምስጋና አቅርበዋል።

አሰልጣኝ አሸናፊ ግርማ እንደገለጹት፣ ትብብሩ ኢትዮጵያን ናፍቀው በውጭ አገራት ለሚኖሩ የዲያስፖራ ማኅበረሰብ በሀገራቸው የቁጠባ፣ የብድርና የኢንቨስትመንት ዕድሎችን ለመጠቀም አማራጭ ይፈጥራል።

በፊርማ ሥነ-ሥርዓቱ ላይ በማኅበር ወይም በግል ብድር መጠቀም ለሚፈልጉ ዲያስፖራዎች፣ እንዲሁም በተለያዩ የኢንቨስትመንት አማራጮች ለመሳተፍ ፍላጎት ላላቸው የአሚጎስ የፋይናንስ አገልግሎት አሰጣጥ መንገዶች ላይም ውይይት ተደርጓል።

በዚህም የሁለቱ ተቋማት ትብብር የስፖርት ልማትን ከዲያስፖራ ተሳትፎና ከፋይናንስ አገልግሎት ጋር በማጣመር ወጣቶችንና የዲያስፖራ ማኅበረሰቡን የሚያገናኝ የጋራ የሥራ ማዕቀፍ ለመፍጠር ያለመ መሆኑ ተገልጿል።

​#amigos #ashenafigirma #sports #diaspora #finance #ethiopiansports #getutemesgen #getu #ጌጡ #ጌጡተመስገን #addisababa

የምግብ ምርቶች ማስታወቂያ ቁጥጥር ይደረጋል!
- የሚዲያ ተቋማትና አስተዋዋቂዎች ተጠያቂዎች ናቸው
#ethiopia | አዳማ — የኢትዮጵያ ምግብ፣ መድኃኒትና ጤና አገልግሎት ቁጥጥር ባለሥልጣን የምግብ ምርቶች ማስታወቂያ ለሕዝብ ከመሰራጨቱ በፊት በሕግና በሳይንሳዊ ማስረጃ ላይ የተመሠረተ፣ እውነተኛና አሳሳች ያልሆነ መሆኑን ለማረጋገጥ የሚያስችል የማስታወቂያ ቁጥጥር መመሪያ መኖሩን አስታወቀ።

ባለሥልጣኑ በአዳማ ክሎቨርዴል ሆቴል ዛሬ ባዘጋጀው የሚዲያ ግንዛቤ መድረክ፣ የምግብ ምርቶች ማስታወቂያ ቁጥጥርን በተመለከተ ለሚዲያ አካላት ሰፊ ማብራሪያ ተሰጥቷል።

የምግብ ምዝገባና ፈቃድ ባለሙያዋ ዳግማዊት ንጋቱ እንዳብራሩት፣ የማስታወቂያ አሰራጮች ከአስተዋዋቂዎች የሚቀበሉት መረጃ ትክክለኛነትና ማስታወቂያው የቁጥጥር መመሪያውን ማሟላቱን የማረጋገጥ ግዴታ አለባቸው።

በመመሪያው መሠረት የማስታወቂያ አሰራጭ ድርጅቶች በባለሥልጣኑ የተሰጠ ሕጋዊ የብቃት ማረጋገጫ ሊኖራቸው እንደሚገባና ባለሥልጣኑ በሚጠይቅበት ጊዜ ያስተላለፏቸውን ማስታወቂያዎች ቅጂና አስፈላጊ መረጃዎችን ማቅረብ እንዳለባቸው ገልጸዋል።

ያልተረጋገጡና የተጋነኑ የጤና ጥቅም ጥያቄዎች አይፈቀዱም

የምግብ ማስታወቂያዎች በተገቢ ሳይንሳዊ ማስረጃ ያልተደገፉ የጤና ጥቅም ወይም የፈውስ ተግባር እንዳላቸው አድርገው ማቅረብ እንደማይችሉ ተመላክቷል።

እንዲሁም “ብቸኛ”፣ “ለመጀመሪያ ጊዜ”፣ “ከዚህ ቀደም ያልነበረ”፣ “የሁሉም ምርጫ”፣ “ልዩ” እና “አንደኛ” የመሳሰሉ የተጋነኑ መግለጫዎች በተገቢው ማስረጃ ሳይደገፉ መጠቀም እንደማይፈቀድ ተገልጿል።

የአልኮል መጠጦች ማስታወቂያ ላይ ገደቦች

መመሪያው የአልኮል መጠጦች ለጤና ተስማሚ፣ ለማህበራዊ ስኬት ወይም ለአካላዊ ብቃት ጠቃሚ እንደሆኑ አድርጎ ማስታወቅን ይከለክላል።

በተጨማሪም ከ12 በመቶ በላይ የአልኮል ይዘት ያላቸው መጠጦችን ከቤት ውጭ ማስታወቂያ በስተቀር በቴሌቪዥን፣ በሬዲዮና በሌሎች የሚዲያ አውታሮች ማስታወቅ ላይ ገደቦች መኖራቸው ተጠቁሟል።

ከዚህ ባለፈ አካለ መጠን ያልደረሱ ሕፃናትን በአልኮል ማስታወቂያ ላይ መጠቀም፣ በሕፃናት ፕሮግራሞች ላይ የአልኮል ማስታወቂያ ማስተላለፍና ከ12 በመቶ በላይ የአልኮል ይዘት ያላቸው መጠጦች አምራቾች ወይም ነጋዴዎች ፕሮግራሞችን ስፖንሰር ማድረግ እንደማይችሉ ተገልጿል።

የጨቅላ ሕፃናት ምግብ ማስታወቂያ

የጨቅላ ሕፃናት ምግብን በቴሌቪዥን፣ በሬዲዮ፣ በጋዜጣና በኢንተርኔት ጨምሮ በማንኛውም የሚዲያ መድረክ ማስታወቅ እንደተከለከለ ተብራርቷል።

በምርቶቹ ማሸጊያ ላይም ከእናት ጡት ወተት ጋር ማወዳደር ወይም “የማይተካ” የሚሉ መግለጫዎችን መጠቀም እንደማይፈቀድ ተጠቁሟል። በሽያጭ ቦታዎች ናሙና መስጠትና የዋጋ ቅናሽ ማስታወቂያ መለጠፍም ከተገደቡት ተግባራት መካከል ናቸው።

ሕፃናትን ያማከሉ ማስታወቂያዎች

ሕፃናትን ያማከሉ ማስታወቂያዎች የልጆችን ዕድሜና የማስተዋል ደረጃ ያገናዘቡ መሆን እንዳለባቸው ተገልጿል።

አንድ ምግብ የተጠቀመ ልጅ ካልተጠቀመ ልጅ በላይ የማህበራዊ ወይም የአእምሮ ብልጫ እንዳለው ማሳየትና ሕፃናት ፈጣን ምግቦችን ከመጠን በላይ እንዲወስዱ ማበረታታት እንደማይፈቀድ ተመላክቷል።

በተጨማሪም የግለሰቦችን ምስክርነት ወይም የግል ልምድ በመጠቀም ስለ አንድ ምግብ ጣዕም፣ ይዘት ወይም ጥቅም ማስታወቅ በመመሪያው የተገደበ መሆኑ ተብራርቷል።

ለሚዲያ ተቋማት የተሰጠው መልዕክት

የምግብ ምርት ማስታወቂያን ከማስተላለፍ በፊት ይዘቱ ከተደነገጉት የሕግና የቁጥጥር መስፈርቶች ጋር መጣጣሙን ማረጋገጥ የሚዲያና የማስታወቂያ አሰራጭ ተቋማት ኃላፊነት መሆኑ በመድረኩ ተገልጿል።

መመሪያው ከነሐሴ 2 ቀን 2004 ዓ.ም. ጀምሮ የፀና መሆኑን የገለጸው ማብራሪያው፣ መመሪያውን በመጣስ የሚተላለፍ ማስታወቂያ ለሚያስተላልፉ አካላት ሕጋዊ ተጠያቂነት ሊያስከትል እንደሚችል አመልክቷል።

Getu Temesgen - (ጌጡ ተመስገን)

​#adama #media #foodregulation #getutemesgen #getu #ጌጡ #ጌጡተመስገን #addisababa








የምግብ ምርቶች ማስታወቂያ ቁጥጥር ይደረጋል!
- የሚዲያ ተቋማትና አስተዋዋቂዎች ተጠያቂዎች ናቸው
#ethiopia | አዳማ — የኢትዮጵያ ምግብ፣ መድኃኒትና ጤና አገልግሎት ቁጥጥር ባለሥልጣን የምግብ ምርቶች ማስታወቂያ ለሕዝብ ከመሰራጨቱ በፊት በሕግና በሳይንሳዊ ማስረጃ ላይ የተመሠረተ፣ እውነተኛና አሳሳች ያልሆነ መሆኑን ለማረጋገጥ የሚያስችል የማስታወቂያ ቁጥጥር መመሪያ መኖሩን አስታወቀ።

ባለሥልጣኑ በአዳማ ክሎቨርዴል ሆቴል ዛሬ ባዘጋጀው የሚዲያ ግንዛቤ መድረክ፣ የምግብ ምርቶች ማስታወቂያ ቁጥጥርን በተመለከተ ለሚዲያ አካላት ሰፊ ማብራሪያ ተሰጥቷል።

የምግብ ምዝገባና ፈቃድ ባለሙያዋ ዳግማዊት ንጋቱ እንዳብራሩት፣ የማስታወቂያ አሰራጮች ከአስተዋዋቂዎች የሚቀበሉት መረጃ ትክክለኛነትና ማስታወቂያው የቁጥጥር መመሪያውን ማሟላቱን የማረጋገጥ ግዴታ አለባቸው።

በመመሪያው መሠረት የማስታወቂያ አሰራጭ ድርጅቶች በባለሥልጣኑ የተሰጠ ሕጋዊ የብቃት ማረጋገጫ ሊኖራቸው እንደሚገባና ባለሥልጣኑ በሚጠይቅበት ጊዜ ያስተላለፏቸውን ማስታወቂያዎች ቅጂና አስፈላጊ መረጃዎችን ማቅረብ እንዳለባቸው ገልጸዋል።

ያልተረጋገጡና የተጋነኑ የጤና ጥቅም ጥያቄዎች አይፈቀዱም

የምግብ ማስታወቂያዎች በተገቢ ሳይንሳዊ ማስረጃ ያልተደገፉ የጤና ጥቅም ወይም የፈውስ ተግባር እንዳላቸው አድርገው ማቅረብ እንደማይችሉ ተመላክቷል።

እንዲሁም “ብቸኛ”፣ “ለመጀመሪያ ጊዜ”፣ “ከዚህ ቀደም ያልነበረ”፣ “የሁሉም ምርጫ”፣ “ልዩ” እና “አንደኛ” የመሳሰሉ የተጋነኑ መግለጫዎች በተገቢው ማስረጃ ሳይደገፉ መጠቀም እንደማይፈቀድ ተገልጿል።

የአልኮል መጠጦች ማስታወቂያ ላይ ገደቦች

መመሪያው የአልኮል መጠጦች ለጤና ተስማሚ፣ ለማህበራዊ ስኬት ወይም ለአካላዊ ብቃት ጠቃሚ እንደሆኑ አድርጎ ማስታወቅን ይከለክላል።

በተጨማሪም ከ12 በመቶ በላይ የአልኮል ይዘት ያላቸው መጠጦችን ከቤት ውጭ ማስታወቂያ በስተቀር በቴሌቪዥን፣ በሬዲዮና በሌሎች የሚዲያ አውታሮች ማስታወቅ ላይ ገደቦች መኖራቸው ተጠቁሟል።

ከዚህ ባለፈ አካለ መጠን ያልደረሱ ሕፃናትን በአልኮል ማስታወቂያ ላይ መጠቀም፣ በሕፃናት ፕሮግራሞች ላይ የአልኮል ማስታወቂያ ማስተላለፍና ከ12 በመቶ በላይ የአልኮል ይዘት ያላቸው መጠጦች አምራቾች ወይም ነጋዴዎች ፕሮግራሞችን ስፖንሰር ማድረግ እንደማይችሉ ተገልጿል።

የጨቅላ ሕፃናት ምግብ ማስታወቂያ

የጨቅላ ሕፃናት ምግብን በቴሌቪዥን፣ በሬዲዮ፣ በጋዜጣና በኢንተርኔት ጨምሮ በማንኛውም የሚዲያ መድረክ ማስታወቅ እንደተከለከለ ተብራርቷል።

በምርቶቹ ማሸጊያ ላይም ከእናት ጡት ወተት ጋር ማወዳደር ወይም “የማይተካ” የሚሉ መግለጫዎችን መጠቀም እንደማይፈቀድ ተጠቁሟል። በሽያጭ ቦታዎች ናሙና መስጠትና የዋጋ ቅናሽ ማስታወቂያ መለጠፍም ከተገደቡት ተግባራት መካከል ናቸው።

ሕፃናትን ያማከሉ ማስታወቂያዎች

ሕፃናትን ያማከሉ ማስታወቂያዎች የልጆችን ዕድሜና የማስተዋል ደረጃ ያገናዘቡ መሆን እንዳለባቸው ተገልጿል።

አንድ ምግብ የተጠቀመ ልጅ ካልተጠቀመ ልጅ በላይ የማህበራዊ ወይም የአእምሮ ብልጫ እንዳለው ማሳየትና ሕፃናት ፈጣን ምግቦችን ከመጠን በላይ እንዲወስዱ ማበረታታት እንደማይፈቀድ ተመላክቷል።

በተጨማሪም የግለሰቦችን ምስክርነት ወይም የግል ልምድ በመጠቀም ስለ አንድ ምግብ ጣዕም፣ ይዘት ወይም ጥቅም ማስታወቅ በመመሪያው የተገደበ መሆኑ ተብራርቷል።

ለሚዲያ ተቋማት የተሰጠው መልዕክት

የምግብ ምርት ማስታወቂያን ከማስተላለፍ በፊት ይዘቱ ከተደነገጉት የሕግና የቁጥጥር መስፈርቶች ጋር መጣጣሙን ማረጋገጥ የሚዲያና የማስታወቂያ አሰራጭ ተቋማት ኃላፊነት መሆኑ በመድረኩ ተገልጿል።

መመሪያው ከነሐሴ 2 ቀን 2004 ዓ.ም. ጀምሮ የፀና መሆኑን የገለጸው ማብራሪያው፣ መመሪያውን በመጣስ የሚተላለፍ ማስታወቂያ ለሚያስተላልፉ አካላት ሕጋዊ ተጠያቂነት ሊያስከትል እንደሚችል አመልክቷል።

Getu Temesgen - (ጌጡ ተመስገን)

​#adama #media #foodregulation #getutemesgen #getu #ጌጡ #ጌጡተመስገን #addisababa

TK Industrial Group ከኢንዶኔዢያና ሲንጋፖር ኩባንያዎች ጋር የጋራ ኢንቨስትመንት ስምምነት ተፈራረመ
#ethiopia | አዲስ አበባ፦ የኢትዮጵያ፣ ኢንዶኔዢያ እና ሲንጋፖር ኩባንያዎች በኢንዱስትሪና በግብርና ምርቶች ዕሴት ጭማሪ ዙሪያ በጋራ ለመሥራት የሚያስችል የጋራ ኢንቨስትመንት (Joint Venture) ስምምነት ተፈራርመዋል።

የኢትዮጵያው TK Industrial Group ከኢንዶኔዢያው PT. INDO SULTAN JAYA እና ከሲንጋፖሩ OLiviaOlea PTE Ltd ጋር የሶስትዮሽ የጋራ ኢንቨስትመንት ስምምነቱን ተፈራርመዋል።

የTK Industrial Group ባለቤትና የኢትዮጵያ የዘይት አምራች ኢንዱስትሪዎች ማኅበር ፕሬዚዳንት ሼክ ቶፊቅ ከድር ተቋማቸውን ወክለው ስምምነቱን ፈርመዋል።

በስምምነት ፊርማ ሥነ-ሥርዓቱ ላይ የኢንዱስትሪ ሚኒስቴር ሚኒስትር ዴኤታ አቶ ሀሰን ሙሐመድ ተገኝተው ንግግር አድርገዋል።

አቶ ሀሰን እንደገለጹት፣ ኢትዮጵያ ካፒታል ብቻ ሳይሆን ዕውቀትና ቴክኖሎጂ ሽግግር እንዲኖር፣ እንዲሁም የሥራ ዕድል ፈጠራን የሚያጠናክሩ ኢንቨስተሮችን ትፈልጋለች።

የዘርፉ ባለሙያዎች ዕውቀትና ክህሎት እንዲዳብር፣ አርሶ አደሩ ተጠቃሚ እንዲሆን፣ የኤክስፖርት አቅም እንዲያድግ፣ ለዜጎች የሥራ ዕድል እንዲፈጠርና የሀገር ውስጥ ገበያ ፍላጎት እንዲሟላ መንግሥት መሰል ኢንቨስትመንቶችን ለማበረታታት በትኩረት እንደሚሠራም ገልጸዋል።

አቶ ሀሰን አክለውም፣ የተመሳሳይ ኢንቨስትመንቶች መስፋፋት የኢንዱስትሪ ፓርኮችን አቅምና ተወዳዳሪነት ለማሳደግ የሚያግዝ መሆኑን ተናግረዋል።

በስምምነቱ መሠረት የግብርና ምርቶችን ዕሴት መጨመር፣ የግብርና ምርቶችን በዘመናዊ ቴክኖሎጂ ማቀናበር፣ የቴክኖሎጂና የዕውቀት ሽግግር፣ ለሴቶችና ወጣቶች የሥራ ዕድል መፍጠር፣ የኢንዱስትሪ ትስስርን ማጠናከር፣ ከውጭ የሚገቡ ምርቶችን በሀገር ውስጥ ምርት መተካት፣ ኤክስፖርትን ማሳደግና የኢትዮጵያ አምራቾች ዓለም አቀፍ ገበያን እንዲያገኙ ማስቻል ዋና ትኩረቶች መሆናቸው ተገልጿል።

በፊርማ ሥነ-ሥርዓቱ ላይ የኢንዶኔዢያና የፓኪስታን አምባሳደሮች፣ የኦሮሚያ ኢንዱስትሪ ፓርኮች ልማት ኮርፖሬሽን ዋና ሥራ አስፈጻሚ ወይዘሮ ሰናይት መብሬ፣ እንዲሁም ከፍተኛ የፌዴራልና የኦሮሚያ ክልል የሥራ ኃላፊዎች ተገኝተዋል።
#ኢንቨስትመንት #ኢንዱስትሪ #ግብርና #ንግድ #ኢኮኖሚ #getutemesgen #getu #ጌጡ #ጌጡተመስገን #addisababa






TK Industrial Group ከኢንዶኔዢያና ሲንጋፖር ኩባንያዎች ጋር የጋራ ኢንቨስትመንት ስምምነት ተፈራረመ
#ethiopia | አዲስ አበባ፦ የኢትዮጵያ፣ ኢንዶኔዢያ እና ሲንጋፖር ኩባንያዎች በኢንዱስትሪና በግብርና ምርቶች ዕሴት ጭማሪ ዙሪያ በጋራ ለመሥራት የሚያስችል የጋራ ኢንቨስትመንት (Joint Venture) ስምምነት ተፈራርመዋል።

የኢትዮጵያው TK Industrial Group ከኢንዶኔዢያው PT. INDO SULTAN JAYA እና ከሲንጋፖሩ OLiviaOlea PTE Ltd ጋር የሶስትዮሽ የጋራ ኢንቨስትመንት ስምምነቱን ተፈራርመዋል።

የTK Industrial Group ባለቤትና የኢትዮጵያ የዘይት አምራች ኢንዱስትሪዎች ማኅበር ፕሬዚዳንት ሼክ ቶፊቅ ከድር ተቋማቸውን ወክለው ስምምነቱን ፈርመዋል።

በስምምነት ፊርማ ሥነ-ሥርዓቱ ላይ የኢንዱስትሪ ሚኒስቴር ሚኒስትር ዴኤታ አቶ ሀሰን ሙሐመድ ተገኝተው ንግግር አድርገዋል።

አቶ ሀሰን እንደገለጹት፣ ኢትዮጵያ ካፒታል ብቻ ሳይሆን ዕውቀትና ቴክኖሎጂ ሽግግር እንዲኖር፣ እንዲሁም የሥራ ዕድል ፈጠራን የሚያጠናክሩ ኢንቨስተሮችን ትፈልጋለች።

የዘርፉ ባለሙያዎች ዕውቀትና ክህሎት እንዲዳብር፣ አርሶ አደሩ ተጠቃሚ እንዲሆን፣ የኤክስፖርት አቅም እንዲያድግ፣ ለዜጎች የሥራ ዕድል እንዲፈጠርና የሀገር ውስጥ ገበያ ፍላጎት እንዲሟላ መንግሥት መሰል ኢንቨስትመንቶችን ለማበረታታት በትኩረት እንደሚሠራም ገልጸዋል።

አቶ ሀሰን አክለውም፣ የተመሳሳይ ኢንቨስትመንቶች መስፋፋት የኢንዱስትሪ ፓርኮችን አቅምና ተወዳዳሪነት ለማሳደግ የሚያግዝ መሆኑን ተናግረዋል።

በስምምነቱ መሠረት የግብርና ምርቶችን ዕሴት መጨመር፣ የግብርና ምርቶችን በዘመናዊ ቴክኖሎጂ ማቀናበር፣ የቴክኖሎጂና የዕውቀት ሽግግር፣ ለሴቶችና ወጣቶች የሥራ ዕድል መፍጠር፣ የኢንዱስትሪ ትስስርን ማጠናከር፣ ከውጭ የሚገቡ ምርቶችን በሀገር ውስጥ ምርት መተካት፣ ኤክስፖርትን ማሳደግና የኢትዮጵያ አምራቾች ዓለም አቀፍ ገበያን እንዲያገኙ ማስቻል ዋና ትኩረቶች መሆናቸው ተገልጿል።

በፊርማ ሥነ-ሥርዓቱ ላይ የኢንዶኔዢያና የፓኪስታን አምባሳደሮች፣ የኦሮሚያ ኢንዱስትሪ ፓርኮች ልማት ኮርፖሬሽን ዋና ሥራ አስፈጻሚ ወይዘሮ ሰናይት መብሬ፣ እንዲሁም ከፍተኛ የፌዴራልና የኦሮሚያ ክልል የሥራ ኃላፊዎች ተገኝተዋል።
#ኢንቨስትመንት #ኢንዱስትሪ #ግብርና #ንግድ #ኢኮኖሚ #getutemesgen #getu #ጌጡ #ጌጡተመስገን #addisababa

ዋልያው ተሸነፈ፤ ውቢቷ ባህርዳርና ታማኙ የእግር ኳስ ቤተሰብ ግን ዛሬም አሸንፈዋል!
#ethiopia | ዋልያው ተሸንፏል። ውቢቷ ባህርዳርና ታማኙ የእግር ኳስ ቤተሰብ ግን ዛሬም አሸንፈዋል።

የታራንጋው አንበሳ በጨዋታው እንደተጠበቀው ጥርሱን አላሳየም። ኳሱን በትዕግሥት ከግራ ወደ ቀኝ እያንቀሳቀሰ፣ ውዱን ሦስት ነጥብ በዕቅድና በተደራጀ አጨዋወት ነጥቆ ወጥቷል።

እኛ ግን ያነበብነውን የትናንት መጽሐፍ ዛሬም እየደገምን ነው።

ከጎል ፊት እየደረሱ መሽኮርመም፣ የኢትዮጵያ እግር ኳስ አጥቂዎች የተለመደ ችግር ሆኖ ቀጥሏል። ዋልያው በጨዋታው በላቀ ተነሳሽነትና ፍላጎት ተንቀሳቅሶ፣ በተደራጀ እንቅስቃሴም የጎል ዕድሎችን ለመፍጠር ሞክሯል።

ጥሩ ለመጫወት መሞከር ግን ሞራል እንጂ ድል አይሆንም። በጨዋታው የታዩ መልካም ጥረቶች ሁሉ የሚፈለገውን ውጤት ካላመጡ፣ ጥያቄው አንድ ነው፦ ለምን?

በመጨረሻው የማጥቃት ሦስተኛ ክፍል — Final Third — እየደረሱ ዕድሎችን ማባከን፣ እንደ ትናንቱ ዛሬም የኢትዮጵያ እግር ኳስ ሕያው ውርስ ሆኖ ቀጥሏል።

በኢትዮጵያ ብሔራዊ ቡድን ጎል ማስቆጠር እንደ መስቀል ወፍ በዓመት አንዴ የሚታይ ነገር ሆኗል፤ ያውም ቀንቶ ከተሳካ።

ብሔራዊ ቡድኑም ሆነ ክለቦቻችን በዓለም አቀፍ መድረክ ተጋጣሚያቸው ላይ ጎል ማስቆጠር ለምን እንዲህ ከባድ ሆነ? ይህ ጥያቄ ከውጤት በላይ የሚመለከተው የሥልጠና፣ የተጫዋች ልማትና የአጥቂዎች የመጨረሻ ውጤታማነት ጉዳይ ነው።

ከጎል ፊት የሚፈለገው የማስቆጠር ሂደት ግን ግልጽ የሆነ የሥልጠና እቅድና የተደጋጋሚ ልምምድ ይፈልጋል። የFinal Third እንቅስቃሴ፣ የመጨረሻ ፓስ፣ የኳስ ቁጥጥር፣ የጎል ላይ የመወሰን ችሎታና የመጨረሻ ምት ውጤታማነት በተከታታይ ሊሰሩባቸው የሚገቡ መስኮች ናቸው።

ከዚህ ይልቅ በእግር ኳሱ ዙሪያ በመጠላለፍ፣ በመወቃቀስና በመቧደን የሚጠፋው ጉልበት ለልማትና ለሥልጠና ቢውል ይሻላል። በተለይም በብሔራዊ ቡድን ኃላፊነት የሚኖራቸው ሰዎች ከውጤት በተጨማሪ የረጅም ጊዜ የእግር ኳስ ልማት ላይ ሊያተኩሩ ይገባል።

ሽንፈት ሲመጣ ትችት ይኖራል። ይህም የስፖርት ቤተሰቡ ተፈጥሯዊ ምላሽ ነው። የሚጠበቀው ግን ትችትን ከጠላትነት ይልቅ ለማሻሻያ እድል ማድረግ ነው።

የኢትዮጵያ እግር ኳስ ወጥነት ባለው መልኩ መሸነፍን እንጂ ማሸነፍን እንደማያውቅ የሚያሳየው ይህ የውጤት ችግር ነው። ታማኙ የስፖርት ቤተሰብም መሸነፍን ተለማምዶ ድልን ለእናት ሀገሩ ይናፍቃል፤ ነገር ግን ብሔራዊ ቡድኑን መደገፍ አያቆምም።

ዛሬም ከውቢቷ ባህርዳር ማራኪ የስታዲየም ድባብ ጋር፣ እንደ ሁልጊዜው በተሸነፈው የእግር ኳሳችን ስሌት ውስጥ አሸንፎ የታየው ታማኙ የስፖርት ቤተሰብ ነው።

የባህርዳር አለም አቀፍ ስታዲየምም በደረጃው ተጠናቆ፣ ለብዙ የለውጥ የቤት ሥራዎች የሚጠብቀው የኢትዮጵያ ስፖርት እንደ ትንሳኤ ብቅ ያለ የትውልዱ አዲስ የኩራት ምንጭ ሆኖ ታይቷል።

ሳይሰራ ብዙ የሚጠበቀው ውጤት ሲጠፋ እጅግ የሚበሳጨው እግር ኳሳችን ግን፣ በእልፍ የቤት ሥራዎች መካከል ያልዘራውን ለማጨድ እየተመኘ ዛሬም ቀጥሏል።

ዋልያው ዛሬ ተሸንፏል፤ የባህርዳር የእግር ኳስ ቤተሰብ ግን በድጋፉ፣ በፍቅሩና በታማኝነቱ እንደገና አሸንፏል። የኢትዮጵያ እግር ኳስ ግን ከዚህ በላይ መጠበቅ የለበትም፤ መሥራት አለበት።

Via ኤፍሬም የማነ​
#ethiopianfootball #waliyas #bahirdar #ethiopiansport #getutemesgen #getu #ጌጡ #ጌጡተመስገን #addisababa







ዋልያው ተሸነፈ፤ ውቢቷ ባህርዳርና ታማኙ የእግር ኳስ ቤተሰብ ግን ዛሬም አሸንፈዋል!
#ethiopia | ዋልያው ተሸንፏል። ውቢቷ ባህርዳርና ታማኙ የእግር ኳስ ቤተሰብ ግን ዛሬም አሸንፈዋል።

የታራንጋው አንበሳ በጨዋታው እንደተጠበቀው ጥርሱን አላሳየም። ኳሱን በትዕግሥት ከግራ ወደ ቀኝ እያንቀሳቀሰ፣ ውዱን ሦስት ነጥብ በዕቅድና በተደራጀ አጨዋወት ነጥቆ ወጥቷል።

እኛ ግን ያነበብነውን የትናንት መጽሐፍ ዛሬም እየደገምን ነው።

ከጎል ፊት እየደረሱ መሽኮርመም፣ የኢትዮጵያ እግር ኳስ አጥቂዎች የተለመደ ችግር ሆኖ ቀጥሏል። ዋልያው በጨዋታው በላቀ ተነሳሽነትና ፍላጎት ተንቀሳቅሶ፣ በተደራጀ እንቅስቃሴም የጎል ዕድሎችን ለመፍጠር ሞክሯል።

ጥሩ ለመጫወት መሞከር ግን ሞራል እንጂ ድል አይሆንም። በጨዋታው የታዩ መልካም ጥረቶች ሁሉ የሚፈለገውን ውጤት ካላመጡ፣ ጥያቄው አንድ ነው፦ ለምን?

በመጨረሻው የማጥቃት ሦስተኛ ክፍል — Final Third — እየደረሱ ዕድሎችን ማባከን፣ እንደ ትናንቱ ዛሬም የኢትዮጵያ እግር ኳስ ሕያው ውርስ ሆኖ ቀጥሏል።

በኢትዮጵያ ብሔራዊ ቡድን ጎል ማስቆጠር እንደ መስቀል ወፍ በዓመት አንዴ የሚታይ ነገር ሆኗል፤ ያውም ቀንቶ ከተሳካ።

ብሔራዊ ቡድኑም ሆነ ክለቦቻችን በዓለም አቀፍ መድረክ ተጋጣሚያቸው ላይ ጎል ማስቆጠር ለምን እንዲህ ከባድ ሆነ? ይህ ጥያቄ ከውጤት በላይ የሚመለከተው የሥልጠና፣ የተጫዋች ልማትና የአጥቂዎች የመጨረሻ ውጤታማነት ጉዳይ ነው።

ከጎል ፊት የሚፈለገው የማስቆጠር ሂደት ግን ግልጽ የሆነ የሥልጠና እቅድና የተደጋጋሚ ልምምድ ይፈልጋል። የFinal Third እንቅስቃሴ፣ የመጨረሻ ፓስ፣ የኳስ ቁጥጥር፣ የጎል ላይ የመወሰን ችሎታና የመጨረሻ ምት ውጤታማነት በተከታታይ ሊሰሩባቸው የሚገቡ መስኮች ናቸው።

ከዚህ ይልቅ በእግር ኳሱ ዙሪያ በመጠላለፍ፣ በመወቃቀስና በመቧደን የሚጠፋው ጉልበት ለልማትና ለሥልጠና ቢውል ይሻላል። በተለይም በብሔራዊ ቡድን ኃላፊነት የሚኖራቸው ሰዎች ከውጤት በተጨማሪ የረጅም ጊዜ የእግር ኳስ ልማት ላይ ሊያተኩሩ ይገባል።

ሽንፈት ሲመጣ ትችት ይኖራል። ይህም የስፖርት ቤተሰቡ ተፈጥሯዊ ምላሽ ነው። የሚጠበቀው ግን ትችትን ከጠላትነት ይልቅ ለማሻሻያ እድል ማድረግ ነው።

የኢትዮጵያ እግር ኳስ ወጥነት ባለው መልኩ መሸነፍን እንጂ ማሸነፍን እንደማያውቅ የሚያሳየው ይህ የውጤት ችግር ነው። ታማኙ የስፖርት ቤተሰብም መሸነፍን ተለማምዶ ድልን ለእናት ሀገሩ ይናፍቃል፤ ነገር ግን ብሔራዊ ቡድኑን መደገፍ አያቆምም።

ዛሬም ከውቢቷ ባህርዳር ማራኪ የስታዲየም ድባብ ጋር፣ እንደ ሁልጊዜው በተሸነፈው የእግር ኳሳችን ስሌት ውስጥ አሸንፎ የታየው ታማኙ የስፖርት ቤተሰብ ነው።

የባህርዳር አለም አቀፍ ስታዲየምም በደረጃው ተጠናቆ፣ ለብዙ የለውጥ የቤት ሥራዎች የሚጠብቀው የኢትዮጵያ ስፖርት እንደ ትንሳኤ ብቅ ያለ የትውልዱ አዲስ የኩራት ምንጭ ሆኖ ታይቷል።

ሳይሰራ ብዙ የሚጠበቀው ውጤት ሲጠፋ እጅግ የሚበሳጨው እግር ኳሳችን ግን፣ በእልፍ የቤት ሥራዎች መካከል ያልዘራውን ለማጨድ እየተመኘ ዛሬም ቀጥሏል።

ዋልያው ዛሬ ተሸንፏል፤ የባህርዳር የእግር ኳስ ቤተሰብ ግን በድጋፉ፣ በፍቅሩና በታማኝነቱ እንደገና አሸንፏል። የኢትዮጵያ እግር ኳስ ግን ከዚህ በላይ መጠበቅ የለበትም፤ መሥራት አለበት።

Via ኤፍሬም የማነ​
#ethiopianfootball #waliyas #bahirdar #ethiopiansport #getutemesgen #getu #ጌጡ #ጌጡተመስገን #addisababa

አትሌት ትዕግስት አሰፋ የተሳካ የቀዶ ጥገና ህክምና አደረገች
#ethiopia | በ52ኛው የበርሊን ማራቶን ላይ ባጋጠማት ከባድ ጉዳት ሳቢያ ወደ ህክምና ያመራችው ኢትዮጵያዊቷ አትሌት ትዕግስት አሰፋ፣ በጀርመን የተደረገላትን የቀዶ ጥገና ህክምና በተሳካ ሁኔታ አጠናቃለች።

ትዕግስት በውድድሩ ወቅት የዓለም ክብረ ወሰንን ለማሻሻል ሁለት ኪሎ ሜትር ገደማ ብቻ በቀራት ጊዜ በቀኝ እግሯ ጅማት ላይ ከፍተኛ ጉዳት አጋጥሟታል። ሆኖም ውድድሩን በመቀጠል በ2 ሰዓት 11 ደቂቃ ከ04 ሰከንድ አጠናቃለች።

ከውድድሩ በኋላም በሙኒክ አቅራቢያ ወደሚገኘው የሙርናው ህክምና ማዕከል ተወስዳ በቀኝ እግሯ የደረሰውን ጉዳት ለማከም የቀዶ ጥገና ህክምና ተደርጎላታል።

አትሌቷ ከጉዳቷ ሙሉ በሙሉ አገግማ ወደ ልምምድና ውድድር ለመመለስ ቢያንስ ስድስት ወራት ሊያስፈልጋት እንደሚችል ተገልጿል። በመሆኑም በቀጣዩ ዓመት ቤጂንግ ላይ በሚካሄደው የዓለም አትሌቲክስ ሻምፒዮና ወደ ውድድር ለመመለስ እንደምትችል ተስፋ ተደርጓል።

ለአትሌት ትዕግስት አሰፋ ፈጣን እና ሙሉ ማገገም እንመኝላታለን!
#ethiopia #athletics #athlete #berlin #tigistassefa #berlinmarathon #sports​ #tigistassefa #berlinmarathon #athletics #sports #getutemesgen #getu #ጌጡ #ጌጡተመስገን #addisababa





አትሌት ትዕግስት አሰፋ የተሳካ የቀዶ ጥገና ህክምና አደረገች
#ethiopia | በ52ኛው የበርሊን ማራቶን ላይ ባጋጠማት ከባድ ጉዳት ሳቢያ ወደ ህክምና ያመራችው ኢትዮጵያዊቷ አትሌት ትዕግስት አሰፋ፣ በጀርመን የተደረገላትን የቀዶ ጥገና ህክምና በተሳካ ሁኔታ አጠናቃለች።

ትዕግስት በውድድሩ ወቅት የዓለም ክብረ ወሰንን ለማሻሻል ሁለት ኪሎ ሜትር ገደማ ብቻ በቀራት ጊዜ በቀኝ እግሯ ጅማት ላይ ከፍተኛ ጉዳት አጋጥሟታል። ሆኖም ውድድሩን በመቀጠል በ2 ሰዓት 11 ደቂቃ ከ04 ሰከንድ አጠናቃለች።

ከውድድሩ በኋላም በሙኒክ አቅራቢያ ወደሚገኘው የሙርናው ህክምና ማዕከል ተወስዳ በቀኝ እግሯ የደረሰውን ጉዳት ለማከም የቀዶ ጥገና ህክምና ተደርጎላታል።

አትሌቷ ከጉዳቷ ሙሉ በሙሉ አገግማ ወደ ልምምድና ውድድር ለመመለስ ቢያንስ ስድስት ወራት ሊያስፈልጋት እንደሚችል ተገልጿል። በመሆኑም በቀጣዩ ዓመት ቤጂንግ ላይ በሚካሄደው የዓለም አትሌቲክስ ሻምፒዮና ወደ ውድድር ለመመለስ እንደምትችል ተስፋ ተደርጓል።

ለአትሌት ትዕግስት አሰፋ ፈጣን እና ሙሉ ማገገም እንመኝላታለን!
#ethiopia #athletics #athlete #berlin #tigistassefa #berlinmarathon #sports​ #tigistassefa #berlinmarathon #athletics #sports #getutemesgen #getu #ጌጡ #ጌጡተመስገን #addisababa

“12ኛ ተጫዋች ለመሆን ተዘጋጅተናል” – የባህር ዳር ነዋሪዎች
#ethiopia | ባህር ዳር ከ5 ዓመታት በኋላ ለመጀመሪያ ጊዜ የኢትዮጵያ ብሔራዊ ቡድንን ጨዋታ ታስተናግዳለች።

የጣናዋ ሙሽራ ባህር ዳር የዋልያዎቹ የድል ቦታ በመሆኗ ትታወቃለች። የኢትዮጵያ ብሔራዊ ቡድን በከተማዋ በሚገኝበት ወቅትም ባህር ዳር የፌስቲቫል ዓይነት ድባብ ይኖራታል።

ይህ ስሜትም ከጨዋታው ዋዜማ ጀምሮ በከተማዋ ታይቷል። በኮሪደር ልማቷ የከተማዋን ውበት ካሳደጉት ዘንባባዎች እስከ ጎዳናዎቿ ድረስ የዋልያዎቹ ደጋፊነት የሚያሳይ ድባብ ተፈጥሯል።

በየአቅጣጫው በእግራቸው የሚንቀሳቀሱ ነዋሪዎች የጨዋታውን ድባብ ያደምቃሉ። አረንጓዴ፣ ቢጫና ቀይ ቀለማትን የያዙ ቁሳቁሶችና የብሔራዊ ቡድኑ መለያዎችን የለበሱ ደጋፊዎችም በከተማዋ ተስተውለዋል።

ያነጋገርናቸው የባህር ዳር ነዋሪዎችም በስታዲየም ተገኝተው ዋልያዎቹን ለማበረታታት ዝግጁ መሆናቸውን ገልጸዋል።

“በስታዲየም ተገኝተን እናበረታታለን፤ እንደ 12ኛ ተጫዋች ለቡድናችን ኃይል ለመሆን ዝግጁ ነን” ሲሉም ተናግረዋል።

ዋልያዎቹን በሜዳ ተገኝተው ማበረታታት የለመዱት ደጋፊዎች፣ ብሔራዊ ቡድኑ ከሴኔጋል ጋር በሚያደርገው ጨዋታ እስከመጨረሻው ድረስ ድጋፋቸውን እንደማይቆጥቡ ገልጸዋል።

የኢትዮጵያ ብሔራዊ ቡድን በባህር ዳር ስታዲየም ካደረጋቸው 8 የነጥብ ጨዋታዎች በአንዱ ብቻ መሸነፉ የስታዲየሙን ታሪክ የበለጠ ልዩ ያደርገዋል። በተለይም አፍሪካ ላይ ከሚታወቁ ቡድኖች አንዱ የሆነውን አይቮሪኮስትን 2 ለ1 ያሸነፈበት ጨዋታ ከማይዘነጉ የባህር ዳር ስታዲየም ድሎች መካከል ይጠቀሳል።

ዛሬ ደግሞ ዋልያዎቹ የሴኔጋል ብሔራዊ ቡድንን ይገጥማሉ። በማለዳውም በሺዎች የሚቆጠሩ ደጋፊዎች ጨዋታውን ለመታደም በባህር ዳር ስታዲየም መግቢያ በሮች ላይ ተሰልፈዋል።

በሜዳ ላይ የሚደረገው የዋልያዎቹ ፍልሚያ ዋነኛ ቢሆንም፣ የባህር ዳር ደጋፊዎችም በድምፃቸውና በድጋፋቸው ስታዲየሙን ለሴኔጋል ቡድን አስቸጋሪ ለማድረግ ዝግጁ መሆናቸውን ገልጸዋል።

በሀብታሙ ካሴ
#ethiopia #bahirdar #afcon #senegal #matchday #football #sports #ebc​ #ethiopia #bahirdar #afcon #senegal #walias #matchday #football #sports #getutemesgen #getu #ጌጡ #ጌጡተመስገን #addisababa





“12ኛ ተጫዋች ለመሆን ተዘጋጅተናል” – የባህር ዳር ነዋሪዎች
#ethiopia | ባህር ዳር ከ5 ዓመታት በኋላ ለመጀመሪያ ጊዜ የኢትዮጵያ ብሔራዊ ቡድንን ጨዋታ ታስተናግዳለች።

የጣናዋ ሙሽራ ባህር ዳር የዋልያዎቹ የድል ቦታ በመሆኗ ትታወቃለች። የኢትዮጵያ ብሔራዊ ቡድን በከተማዋ በሚገኝበት ወቅትም ባህር ዳር የፌስቲቫል ዓይነት ድባብ ይኖራታል።

ይህ ስሜትም ከጨዋታው ዋዜማ ጀምሮ በከተማዋ ታይቷል። በኮሪደር ልማቷ የከተማዋን ውበት ካሳደጉት ዘንባባዎች እስከ ጎዳናዎቿ ድረስ የዋልያዎቹ ደጋፊነት የሚያሳይ ድባብ ተፈጥሯል።

በየአቅጣጫው በእግራቸው የሚንቀሳቀሱ ነዋሪዎች የጨዋታውን ድባብ ያደምቃሉ። አረንጓዴ፣ ቢጫና ቀይ ቀለማትን የያዙ ቁሳቁሶችና የብሔራዊ ቡድኑ መለያዎችን የለበሱ ደጋፊዎችም በከተማዋ ተስተውለዋል።

ያነጋገርናቸው የባህር ዳር ነዋሪዎችም በስታዲየም ተገኝተው ዋልያዎቹን ለማበረታታት ዝግጁ መሆናቸውን ገልጸዋል።

“በስታዲየም ተገኝተን እናበረታታለን፤ እንደ 12ኛ ተጫዋች ለቡድናችን ኃይል ለመሆን ዝግጁ ነን” ሲሉም ተናግረዋል።

ዋልያዎቹን በሜዳ ተገኝተው ማበረታታት የለመዱት ደጋፊዎች፣ ብሔራዊ ቡድኑ ከሴኔጋል ጋር በሚያደርገው ጨዋታ እስከመጨረሻው ድረስ ድጋፋቸውን እንደማይቆጥቡ ገልጸዋል።

የኢትዮጵያ ብሔራዊ ቡድን በባህር ዳር ስታዲየም ካደረጋቸው 8 የነጥብ ጨዋታዎች በአንዱ ብቻ መሸነፉ የስታዲየሙን ታሪክ የበለጠ ልዩ ያደርገዋል። በተለይም አፍሪካ ላይ ከሚታወቁ ቡድኖች አንዱ የሆነውን አይቮሪኮስትን 2 ለ1 ያሸነፈበት ጨዋታ ከማይዘነጉ የባህር ዳር ስታዲየም ድሎች መካከል ይጠቀሳል።

ዛሬ ደግሞ ዋልያዎቹ የሴኔጋል ብሔራዊ ቡድንን ይገጥማሉ። በማለዳውም በሺዎች የሚቆጠሩ ደጋፊዎች ጨዋታውን ለመታደም በባህር ዳር ስታዲየም መግቢያ በሮች ላይ ተሰልፈዋል።

በሜዳ ላይ የሚደረገው የዋልያዎቹ ፍልሚያ ዋነኛ ቢሆንም፣ የባህር ዳር ደጋፊዎችም በድምፃቸውና በድጋፋቸው ስታዲየሙን ለሴኔጋል ቡድን አስቸጋሪ ለማድረግ ዝግጁ መሆናቸውን ገልጸዋል።

በሀብታሙ ካሴ
#ethiopia #bahirdar #afcon #senegal #matchday #football #sports #ebc​ #ethiopia #bahirdar #afcon #senegal #walias #matchday #football #sports #getutemesgen #getu #ጌጡ #ጌጡተመስገን #addisababa

አዲስ አበባ ዩኒቨርሲቲ የማስተርካርድ ፋውንዴሽን AHEFT ሽልማትን ተቀበለ
#ethiopia | አዲስ አበባ ዩኒቨርሲቲ በማስተርካርድ ፋውንዴሽን የተዘጋጀውን Africa Higher Education for Transformation (AHEFT) Prize በመጀመሪያው ዙር ከተሸለሙ አምስት የአፍሪካ ከፍተኛ ትምህርት ተቋማት አንዱ ሆኖ ተቀብሏል።

ሽልማቱ በተቋማዊ ደረጃ ዘላቂ ለውጥ በማምጣት ላይ ያሉ የአፍሪካ ከፍተኛ ትምህርት ተቋማትን እውቅና ለመስጠት የተዘጋጀ ሲሆን፣ አዲስ አበባ ዩኒቨርሲቲ ሽልማቱን ያገኘው በምርምርና ፈጠራ ዘርፍ ባሳየው ተቋማዊ ለውጥና እድገት ነው።

ዩኒቨርሲቲው ሽልማቱን መስከረም 14 ቀን 2019 ዓ.ም. በጋና አክራ በተካሄደው የመጀመሪያው Higher Education Transformation Convening ላይ ተቀብሏል። መድረኩ የአፍሪካ ዩኒቨርሲቲዎች አመራሮችን፣ የአፍሪካ ኅብረት ተወካዮችን፣ የመንግሥት ተቋማትን፣ የፋይናንስና የግል ዘርፍ አጋሮችን፣ የልማት አጋሮችን እና ወጣቶችን አሰባስቧል።

ከአዲስ አበባ ዩኒቨርሲቲ ጋር የቡርኪና ፋሶው International Institute of Water and Environmental Engineering፣ የጋናው Kwame Nkrumah University of Science and Technology፣ የዩጋንዳው Muni University እና University of Rwanda የ2026 የAHEFT Prize ተሸላሚዎች ሆነዋል።

እያንዳንዱ ተሸላሚ ተቋም ለወጣቶች የትምህርት ዕድሎችን ለማስፋትና ተቋማዊ ለውጥን ለማጠናከር ሥራዎቹን እንዲያስፋፋ 3 ሚሊዮን የአሜሪካ ዶላር ድጋፍ ያገኛል።

የአዲስ አበባ ዩኒቨርሲቲ ፕሬዚዳንት ዶ/ር ሳሙኤል ክፍሌ ለመድረኩ በተቀዳ የቪዲዮ መልዕክት የአፍሪካ ዩኒቨርሲቲዎች ወጣቶችን ለወደፊቱ ዓለም ተሳታፊ ብቻ ሳይሆን፣ የወደፊቱን ዓለም እንዲቀርጹ የማስቻል ኃላፊነት እንዳለባቸው አፅንዖት ሰጥተዋል።

የAHEFT ሽልማት በመማርና ማስተማር፣ በምርምርና ፈጠራ፣ ተማሪዎችን ወደ ሥራ ዓለም በማሸጋገር እና በጤና ውጤቶች ላይ ዘላቂ ተቋማዊ ለውጥ እያመጡ ያሉ የአፍሪካ ተቋማትን ለመደገፍ የተጀመረ ዓመታዊ ሽልማት ነው።

በ500 ሚሊዮን የአሜሪካ ዶላር የተደገፈው መርሐ ግብሩ በቀጣዮቹ 10 ዓመታት ቢያንስ 150 የአፍሪካ ከፍተኛ ትምህርት ተቋማትን እውቅና ለመስጠት ያለመ ነው።

በአክራው መድረክ የአፍሪካ ዩኒቨርሲቲዎች የእውቀት፣ የምርምር፣ የፈጠራ እና የችግር ፈቺ ሐሳቦች ማዕከላት ሆነው ሊያበረክቱ ስለሚችሉት ሚና ሰፊ ውይይት ተካሂዷል።

ውይይቱም በተለይ በከፍተኛ ትምህርት፣ በኢንዱስትሪና በማኅበረሰብ መካከል ያለውን ትስስር ማጠናከር፣ ወጣቶችን በአዳዲስ ቴክኖሎጂዎች ፈጣሪና መሪ እንዲሆኑ ማስቻል እና ምርምርን ወደ ኢንዱስትሪና ማኅበረሰብ ማድረስ ላይ አተኩሯል።

አዲስ አበባ ዩኒቨርሲቲ ከመጀመሪያዎቹ የAHEFT Prize ተሸላሚዎች አንዱ መሆኑ፣ በመማርና ማስተማር፣ በምርምርና ፈጠራ፣ በአጋርነት እና ለወጣቶች ዕድል በመፍጠር የሚያከናውናቸውን ተቋማዊ የለውጥ ሥራዎች ለማጠናከር የሚያግዝ እውቅና ሆኗል።

​#aau #education #africa #aheft #mastercardfoundation #getutemesgen #getu #ጌጡ #ጌጡተመስገን #addisababa

የውጭ ሀገር ዜጋን በማታለል ዘረፋ የፈጸሙ ሶስት ተጠርጣሪዎች በቁጥጥር ስር ዋሉ
#ethiopia | በአዲስ አበባ ቦሌ ክፍለ ከተማ ወረዳ 03 ደሳለኝ ሆቴል አካባቢ የኩባ ዜግነት ያላቸውን ግለሰብ በማታለል ንብረት የሰረቁ ተጠርጣሪዎች በቁጥጥር ስር መዋላቸው ተገለጸ።

መስከረም 10 ቀን 2019 ዓ.ም ከቀኑ 7 ሰዓት ገደማ የተፈጸመውን ይህን የወንጀል ድርጊት ያከናወኑት ካሳሁን አለሙ፣ እንዳለው ቸኮል እና ትሚዝ ቢያሳዝነው የተባሉ ሶስት ግለሰቦች ናቸው።

ተጠርጣሪዎቹ የሰሌዳ ቁጥሩ እንዳይታይ የተፋቀ ኮድ 3 አ.አ 51708 የኮሮላ ተሽከርካሪ በመጠቀም የተበዳዩን ትኩረት ለመስረቅ በላያቸው ላይ ምራቅ ተፍተዋል።

በመቀጠልም ይቅርታ በመጠየቅ ምራቁን የሚጠረጉ በመምሰል ከኪሳቸው ውስጥ የ97 ሺህ ብር ግምት ያለው አይፎን 13 ስልክ በመስረቅ ከአካባቢው ተሰውረዋል።

የግል ተበዳዩ የደረሰባቸውን ዘረፋ የዜጎች ተሳትፎ መተግባሪያ የሆነውን ኢኤፍፒአፕ በመጠቀም ወዲያውኑ ለፖሊስ ሪፖርት አድርገዋል።

የቦሌ ክፍለ ከተማ ፖሊስ ዋና መምሪያ የወንጀል ምርመራ ም/ዋና መምሪያ ኃላፊ ኮማንደር ኤፍሬም አለሙ እንደገለጹት፣ የአደይ አበባ አካባቢ ፖሊስ መምሪያ የምርመራ እና የክትትል ቡድን አባላት በስፍራው በመገኘት ባደረጉት የተቀናጀ የክትትል ስራ ሶስቱንም ተጠርጣሪዎች ለወንጀል መፈጸሚያ ከተጠቀሙባቸው ቁሳቁሶች ጋር በቁጥጥር ስር ማዋል ችለዋል።

የአዲስ አበባ ፖሊስ ዋና ጠቅላይ መምሪያ ህብረተሰቡ ከመደበኛው የፖሊስ የመረጃ ስልኮች ጎን ለጎን ቴክኖሎጂን መሰረት ያደረጉ የመረጃ መስጫ መንገዶችን በመጠቀም ወንጀልን የመጠቆም ባህሉን አጠናክሮ እንዲቀጥል ጥሪ አቅርቧል።
#bole #police #crime #ethiopianpolice #getutemesgen #getu #ጌጡ #ጌጡተመስገን #addisababa

አትሌት ትዕግስት አሰፋ በበርሊን ማራቶን የሦስተኛ ጊዜ የድል አክሊል ተቀዳጀች
#ethiopia | በ2026 የበርሊን ማራቶን የሴቶች የሩጫ ውድድር ኢትዮጵያዊቷ አትሌት ትዕግስት አሰፋ የበላይነቱን በመያዝ ለሦስተኛ ጊዜ አሸናፊ መሆን ችላለች።

በርቀቱ የዓለም የክብረ ወሰን ባለቤት የሆነችው አትሌቷ፣ ውድድሩን በቀዳሚነት ለማጠናቀቅ 2 ሰዓት ከ11 ደቂቃ ከ04 ሰከንድ ወስዶባታል።
#የበርሊንማራቶን #አትሌቲክስ #ትዕግስትአሰፋ #የሴቶችማራቶን #berlinmarathon #getutemesgen #getu #ጌጡ #ጌጡተመስገን #addisababa







አትሌት ትዕግስት አሰፋ በበርሊን ማራቶን የሦስተኛ ጊዜ የድል አክሊል ተቀዳጀች
#ethiopia | በ2026 የበርሊን ማራቶን የሴቶች የሩጫ ውድድር ኢትዮጵያዊቷ አትሌት ትዕግስት አሰፋ የበላይነቱን በመያዝ ለሦስተኛ ጊዜ አሸናፊ መሆን ችላለች።

በርቀቱ የዓለም የክብረ ወሰን ባለቤት የሆነችው አትሌቷ፣ ውድድሩን በቀዳሚነት ለማጠናቀቅ 2 ሰዓት ከ11 ደቂቃ ከ04 ሰከንድ ወስዶባታል።
#የበርሊንማራቶን #አትሌቲክስ #ትዕግስትአሰፋ #የሴቶችማራቶን #berlinmarathon #getutemesgen #getu #ጌጡ #ጌጡተመስገን #addisababa

በታሪካዊው የፋሲል ጊቢ የዓለም ቱሪዝም ቀንን አስመልክቶ የሕይወት በአብያተ መንግሥታት መርሃ ግብር ተካሄደ
#ethiopia | በጎንደር ከተማ በሚገኘው ታሪካዊው የፋሲል ጊቢ የዓለም ቱሪዝም ቀንን በማስመልከት የሕይወት በአብያተ መንግሥታት መርሃ ግብር ተካሂዷል።

በዚህ መርሃ ግብር ላይ የቱሪዝም ሚኒስትር ሰላማዊት ካሳ፣ የቱሪዝም ሚኒስትር ድኤታ ዶክተር እንደገና አበበ፣ የፌዴራልና የክልል ከፍተኛ የመንግሥት ኃላፊዎች፣ የተጠሪ ተቋማት ተወካዮች እና የዘርፉ ባለድርሻ አካላት ተሳትፈዋል።

ሚኒስትር ሰላማዊት ካሳ ከጉብኝቱ በኋላ በሰጡት ማብራሪያ፣ በኢትዮጵያ የሚከበሩ ሕዝባዊና ሃይማኖታዊ በዓላት የበርካታ የውጭ ሀገር ጎብኚዎችን ቀልብ በመሳብ ለሀገሪቱ የቱሪዝም ገቢ ማደግ ከፍተኛ አስተዋጽኦ እያበረከቱ መሆናቸውን ገልጸዋል።

የበዓላትን ባህላዊና ታሪካዊ እሴቶች ሳይበረዙ ለቀጣዩ ትውልድ ማስተላለፍ የሚያስችል ትኩረት ተሰጥቶ እየተሰራ እንደሚገኝም ሚኒስትሯ ጠቁመዋል።

ይህም የሀገሪቱን የቱሪዝም ሀብቶች በጥንቃቄ በመጠበቅና በማስተዋወቅ ዘርፉ በዓለም አቀፍ ደረጃ ተወዳዳሪ እንዲሆን ያደርገዋል ብለዋል።

በሌላ በኩል የቱሪዝም አገልግሎቱን በዲጂታል ቴክኖሎጂ ለማዘመን ከክልሎች ጋር በመቀናጀት የመረጃ ማሰባሰብ ስራ እየተከናወነ ሲሆን፣ ባለፈው የበጀት ዓመት ብቻ ከ800 በላይ አዳዲስና ነባር የቱሪዝም መዳረሻዎችን መለየት መቻሉን አብራርተዋል።

የዓለም ቱሪዝም ቀን አከባበር የኢትዮጵያን የቱሪዝም አቅምና የባህል ሀብቶች ለዓለም አቀፉ ማህበረሰብ ለማስተዋወቅ ምቹ አጋጣሚ እንደሚፈጥር ተገልጿል።
#gondar #fasilgebbi #tourism #ethiopiatourism #worldtourismday #getutemesgen #getu #ጌጡ #ጌጡተመስገን #addisababa






በታሪካዊው የፋሲል ጊቢ የዓለም ቱሪዝም ቀንን አስመልክቶ የሕይወት በአብያተ መንግሥታት መርሃ ግብር ተካሄደ
#ethiopia | በጎንደር ከተማ በሚገኘው ታሪካዊው የፋሲል ጊቢ የዓለም ቱሪዝም ቀንን በማስመልከት የሕይወት በአብያተ መንግሥታት መርሃ ግብር ተካሂዷል።

በዚህ መርሃ ግብር ላይ የቱሪዝም ሚኒስትር ሰላማዊት ካሳ፣ የቱሪዝም ሚኒስትር ድኤታ ዶክተር እንደገና አበበ፣ የፌዴራልና የክልል ከፍተኛ የመንግሥት ኃላፊዎች፣ የተጠሪ ተቋማት ተወካዮች እና የዘርፉ ባለድርሻ አካላት ተሳትፈዋል።

ሚኒስትር ሰላማዊት ካሳ ከጉብኝቱ በኋላ በሰጡት ማብራሪያ፣ በኢትዮጵያ የሚከበሩ ሕዝባዊና ሃይማኖታዊ በዓላት የበርካታ የውጭ ሀገር ጎብኚዎችን ቀልብ በመሳብ ለሀገሪቱ የቱሪዝም ገቢ ማደግ ከፍተኛ አስተዋጽኦ እያበረከቱ መሆናቸውን ገልጸዋል።

የበዓላትን ባህላዊና ታሪካዊ እሴቶች ሳይበረዙ ለቀጣዩ ትውልድ ማስተላለፍ የሚያስችል ትኩረት ተሰጥቶ እየተሰራ እንደሚገኝም ሚኒስትሯ ጠቁመዋል።

ይህም የሀገሪቱን የቱሪዝም ሀብቶች በጥንቃቄ በመጠበቅና በማስተዋወቅ ዘርፉ በዓለም አቀፍ ደረጃ ተወዳዳሪ እንዲሆን ያደርገዋል ብለዋል።

በሌላ በኩል የቱሪዝም አገልግሎቱን በዲጂታል ቴክኖሎጂ ለማዘመን ከክልሎች ጋር በመቀናጀት የመረጃ ማሰባሰብ ስራ እየተከናወነ ሲሆን፣ ባለፈው የበጀት ዓመት ብቻ ከ800 በላይ አዳዲስና ነባር የቱሪዝም መዳረሻዎችን መለየት መቻሉን አብራርተዋል።

የዓለም ቱሪዝም ቀን አከባበር የኢትዮጵያን የቱሪዝም አቅምና የባህል ሀብቶች ለዓለም አቀፉ ማህበረሰብ ለማስተዋወቅ ምቹ አጋጣሚ እንደሚፈጥር ተገልጿል።
#gondar #fasilgebbi #tourism #ethiopiatourism #worldtourismday #getutemesgen #getu #ጌጡ #ጌጡተመስገን #addisababa

የእንሰት ባህልን በፋሽን ጥበብ ያስተዋወቀችው ዲዛይነር ተሻለች ታደሰ ከባህልና ቱሪዝም የመስቀል በዓል እውቅና ተሸለመች
#ethiopia | በእንሰት ባህላዊ እሴት እና በፈጠራ ሥራዎቿ ለሀገር ያበረከተችውን አስተዋፅኦ መሠረት በማድረግ፣ የፋሽን ዲዛይነር እና የባህል አምባሳደር ተሻለች ታደሰ ኤጋ ከባህልና ቱሪዝም የተሰጣትን የመስቀል በዓል ልዩ እውቅናና ሽልማት በታላቅ ደስታና ኩራት ተቀብላለች።

ዲዛይነር ተሻለች እንደገለጸችው፣ እንሰት ለእሷ የምድር አልባሳት ንድፍ ብቻ ሳይሆን ባህል፣ ትውስታ፣ ማንነት፣ ታሪካዊ ቅርስ እና የወደፊት ራዕይ ነው።

ይህ የተሰጣት እውቅናም እንሰትን በፈጠራ ጥበብ አማካኝነት ለዓለም አቀፍ ማኅበረሰብ ለማስተዋወቅ የጀመረችው ስኬታማ ጉዞ ማረጋገጫ እንደሆነ ተናግራለች።

ለዚህ ከፍተኛ ክብር እና እውቅና ላበቋት አካላት በሙሉ ልባዊ ምስጋናዋን ያቀረበች ሲሆን፣ እንሰት ለሕይወት አደይ አበባ ለደስታ የሚለውን ሀሳቧንም አጋርታለች።
#የእንሰትንግሥት #ባህልናቱሪዝም #የኢትዮጵያፋሽን #ተሻለችታደሰ #ፋሽን #getutemesgen #getu #ጌጡ #ጌጡተመስገን #addisababa




የእንሰት ባህልን በፋሽን ጥበብ ያስተዋወቀችው ዲዛይነር ተሻለች ታደሰ ከባህልና ቱሪዝም የመስቀል በዓል እውቅና ተሸለመች
#ethiopia | በእንሰት ባህላዊ እሴት እና በፈጠራ ሥራዎቿ ለሀገር ያበረከተችውን አስተዋፅኦ መሠረት በማድረግ፣ የፋሽን ዲዛይነር እና የባህል አምባሳደር ተሻለች ታደሰ ኤጋ ከባህልና ቱሪዝም የተሰጣትን የመስቀል በዓል ልዩ እውቅናና ሽልማት በታላቅ ደስታና ኩራት ተቀብላለች።

ዲዛይነር ተሻለች እንደገለጸችው፣ እንሰት ለእሷ የምድር አልባሳት ንድፍ ብቻ ሳይሆን ባህል፣ ትውስታ፣ ማንነት፣ ታሪካዊ ቅርስ እና የወደፊት ራዕይ ነው።

ይህ የተሰጣት እውቅናም እንሰትን በፈጠራ ጥበብ አማካኝነት ለዓለም አቀፍ ማኅበረሰብ ለማስተዋወቅ የጀመረችው ስኬታማ ጉዞ ማረጋገጫ እንደሆነ ተናግራለች።

ለዚህ ከፍተኛ ክብር እና እውቅና ላበቋት አካላት በሙሉ ልባዊ ምስጋናዋን ያቀረበች ሲሆን፣ እንሰት ለሕይወት አደይ አበባ ለደስታ የሚለውን ሀሳቧንም አጋርታለች።
#የእንሰትንግሥት #ባህልናቱሪዝም #የኢትዮጵያፋሽን #ተሻለችታደሰ #ፋሽን #getutemesgen #getu #ጌጡ #ጌጡተመስገን #addisababa

ግርዛት :
በአርቲስት ተወልደብርሃን ኪዳነ የተዘጋጀ የሥዕል አውደ ርዕይ

​#ethiopia | ፈንድቃ የባህል ማዕከል ከሀያት ረጀንሲ ሆቴል ጋር በጥምረት ያዘጋጁትና የአርቲስት ተወልደብርሃን ኪዳነ የሥዕል ሥራዎች የቀረቡበት ግርዛት የተሰኘ የጥበብ አውደ ርዕይ በደማቅ ሁኔታ ተከፍቷል።

​ይህ በሀያት ረጀንሲ ሆቴል የሚገኘው አውደ ርዕይ እስከ ጥቅምት 9 ቀን 2019 ዓ.ም. ድረስ ለተመልካቾች ክፍት ሆኖ ይቆያል።

አውደ ርዕዩ በየዕለቱ ለ24 ሰዓታት ሙሉ ክፍት ሆኖ የሚቆይ በመሆኑ፣ የጥበብ አፍቃሪያን የአርቲስቱን ድንቅ የፈጠራ ሥራዎች በመመልከት ታሪክንና የኪነ ጥበብ ዓለምን እንዲቃኙ ጥሪ አስተላልፏል።

​#artexhibition #tewoldebrehankidane #fendika #hyattregency #getutemesgen #getu #ጌጡ #ጌጡተመስገን #addisababa




ግርዛት :
በአርቲስት ተወልደብርሃን ኪዳነ የተዘጋጀ የሥዕል አውደ ርዕይ

​#ethiopia | ፈንድቃ የባህል ማዕከል ከሀያት ረጀንሲ ሆቴል ጋር በጥምረት ያዘጋጁትና የአርቲስት ተወልደብርሃን ኪዳነ የሥዕል ሥራዎች የቀረቡበት ግርዛት የተሰኘ የጥበብ አውደ ርዕይ በደማቅ ሁኔታ ተከፍቷል።

​ይህ በሀያት ረጀንሲ ሆቴል የሚገኘው አውደ ርዕይ እስከ ጥቅምት 9 ቀን 2019 ዓ.ም. ድረስ ለተመልካቾች ክፍት ሆኖ ይቆያል።

አውደ ርዕዩ በየዕለቱ ለ24 ሰዓታት ሙሉ ክፍት ሆኖ የሚቆይ በመሆኑ፣ የጥበብ አፍቃሪያን የአርቲስቱን ድንቅ የፈጠራ ሥራዎች በመመልከት ታሪክንና የኪነ ጥበብ ዓለምን እንዲቃኙ ጥሪ አስተላልፏል።

​#artexhibition #tewoldebrehankidane #fendika #hyattregency #getutemesgen #getu #ጌጡ #ጌጡተመስገን #addisababa

የበለጸገች ነፍስ ዓለም ትጠባታለች!

ተስፋዬ እሸቱ (ረ/ፕሮፌሠር)
#ethiopia | የAmerica’s Got Talent (AGT) Season 21 ፍጻሜን አየሁ። ችሎታ እንዲህ ሲከበር ማየት ነፍስን ያስደስታል።

የ16 ዓመቷ ታይላንዳዊት የሮክ ዘፋኝና የጊታር ተጫዋች Nene Royal (Rattikarn Amloy) ውድድሩን አሸነፈች። በ7 ዓመቷ ጊታር መጫወት የጀመረችው ይህች ታዳጊ፣ ከPhuket, Thailand ተነስታ በ16 ዓመቷ የAGT Season 21 አሸናፊ ሆነች። አንድ ሚሊዮን ዶላርም አሸንፋለች።

ከሽልማቷ ባልተናነሰ ሁኔታ የአባቷን ደስታ ማየት በራሱ ሌላ ሐሴት፣ ሌላ መደመም ይፈጥራል። “ታድሎ!” ያስብላል።

ነገር ግን ከማሸነፏ ጎን ለጎን እኔን ያስደነቀኝ ሌላ ትልቅ ቁም ነገር አለ። ይህን እንድጽፍ ያነሳሳኝም፣ የአገሬንና የሕዝቤን የሕሊናዊ ዳኝነት ሚዛን በንጽጽር እንድፈትሽ ያደረገኝ ቁጭት ወለድ ሐሳብ ነው።

ምን መሰላችሁ?

በAGT የፍጻሜ ብያኔ አሸናፊውን የሚወስኑት ዳኞቹ አይደሉም፤ የተመልካቾች ድምፅ ነው። ተመልካቾች በAGT App እና በNBC website ለሚደግፉት ተወዳዳሪ በሚሰጡት ድምፅ የመጨረሻው ውጤት ይወሰናል።

ታዲያ ነገሩ የበለጠ አስደናቂ የሚሆነው እዚህ ጋ ነው።

አሸናፊዋ አሜሪካዊት አይደለችም፤ ታይላንዳዊት ናት። ከNene Royal ጋር ለመጨረሻው የአንደኝነት ምርጫ ውድድር ታጭቶ ሁለተኛ የወጣው Geno Ploeger ግን አሜሪካዊ ነው።

የአሜሪካ ተመልካች “ይሄ የኛ ነው፤ እሷ የታይላንድ ናት” ብሎ ለችሎታው ጀርባውን አልሰጠም። በአጭሩ፣ የቀረበለትን ችሎታ በማየት ድምፁን ሰጠ።

ችሎታ እንጂ ዜግነት ቦታ አልነበረውም!
ችሎታ እንጂ ጎጥ ሥፍራ አልተሰጠውም!!
ችሎታ እንጂ ቋንቋ፣ ብሔር፣ መንደር… ወዘተ ጣልቃ የሚገቡበት ዕድልም ሆነ ተስፋ አልነበራቸውም!!!

“የኔ ሰው” ሳይሆን “የሚገባው ሰው” ነበር መስፈርቱ።

“እኛ ጋ ቢሆንስ?” ብላችሁ ራሳችሁን ጠይቁ።
ሕሊናችሁን ሞግቱ።
ልባችሁን ፈትሹ።

ሽልማቶቻችን — “መንደሬ!”

ውግንናችን — “ሰፈሬ!!”

አድናቆታችን — “ብሔሬ!!!”

አስተሳሰባችንም ሁሉ ሳይቀር ዜማውና ቅኝቱ “አገሬ” ሳይሆን “አጥሬ! ቅጥሬ!! ድንበሬ!!!” ነው።

አረ እንደው ስናሳዝን!

“ማን ይገባዋል?” ከማለታችን በፊት “የማን ነው?” የምንልበት ጊዜ ብዙ ነው።

“ምን ሠራ?”
“ምን ያህል ችሎታ አለው?”
“ሥራው ምን ውጤት ይገባዋል?”

ከማለታችን በፊት፦

“ማነው?”
“ከየት ነው?”
“ከነማን ነው?”
“የማን ወገን ነው?”…

ሌላም ሌላም ከመርፌ ቀዳዳ የጠበቡ ጎጠኛ መስፈርቶችን እያወጣን ጎራ እንለያለን። ከዚያም ሜሪት ይሸነፋል፤ መንደር ደግሞ አሸናፊ ይሆናል።

የሰው ልጅ ነፍሱ በእውቀትና በምግባር ስትበለጽግ ግን የሚሰፋው ኑሮው ብቻ አይደለም፤ አስተሳሰቡም ይሰፋል።

ከ“የኔ ሰው” ከሚለው ይወጣና “የሚገባው ሰው” ይላል። ለወንድሙ፣ ለዘመዱ፣ ለጎጡ ሳይሆን ለችሎታና ለሜሪት ወገን ይሆናል።

የወጣበትን መንደር አይክድም፤ መንደሩን ግን የዓለም መለኪያ አያደርግም።

እና ምን ለማለት ነው…

ያልበለጸገ አስተሳሰብ ሰፊውን ዓለም ወደ ጠባቧ መንደሩ ያጠባታል።

የበለጸገች ነፍስ ግን ዓለም ትጠባታለች።

የራሷ ዓለም ድንበር፣ አጥር፣ አድማስ፣ አገር፣ አህጉር፣ ዓለም፣ ስፔስ የማይገድባት ሰፊ ናትና!

​#agt #americasgottalent #talent #mindset #reflection #getutemesgen #getu #ጌጡ #ጌጡተመስገን #addisababa




የበለጸገች ነፍስ ዓለም ትጠባታለች!

ተስፋዬ እሸቱ (ረ/ፕሮፌሠር)
#ethiopia | የAmerica’s Got Talent (AGT) Season 21 ፍጻሜን አየሁ። ችሎታ እንዲህ ሲከበር ማየት ነፍስን ያስደስታል።

የ16 ዓመቷ ታይላንዳዊት የሮክ ዘፋኝና የጊታር ተጫዋች Nene Royal (Rattikarn Amloy) ውድድሩን አሸነፈች። በ7 ዓመቷ ጊታር መጫወት የጀመረችው ይህች ታዳጊ፣ ከPhuket, Thailand ተነስታ በ16 ዓመቷ የAGT Season 21 አሸናፊ ሆነች። አንድ ሚሊዮን ዶላርም አሸንፋለች።

ከሽልማቷ ባልተናነሰ ሁኔታ የአባቷን ደስታ ማየት በራሱ ሌላ ሐሴት፣ ሌላ መደመም ይፈጥራል። “ታድሎ!” ያስብላል።

ነገር ግን ከማሸነፏ ጎን ለጎን እኔን ያስደነቀኝ ሌላ ትልቅ ቁም ነገር አለ። ይህን እንድጽፍ ያነሳሳኝም፣ የአገሬንና የሕዝቤን የሕሊናዊ ዳኝነት ሚዛን በንጽጽር እንድፈትሽ ያደረገኝ ቁጭት ወለድ ሐሳብ ነው።

ምን መሰላችሁ?

በAGT የፍጻሜ ብያኔ አሸናፊውን የሚወስኑት ዳኞቹ አይደሉም፤ የተመልካቾች ድምፅ ነው። ተመልካቾች በAGT App እና በNBC website ለሚደግፉት ተወዳዳሪ በሚሰጡት ድምፅ የመጨረሻው ውጤት ይወሰናል።

ታዲያ ነገሩ የበለጠ አስደናቂ የሚሆነው እዚህ ጋ ነው።

አሸናፊዋ አሜሪካዊት አይደለችም፤ ታይላንዳዊት ናት። ከNene Royal ጋር ለመጨረሻው የአንደኝነት ምርጫ ውድድር ታጭቶ ሁለተኛ የወጣው Geno Ploeger ግን አሜሪካዊ ነው።

የአሜሪካ ተመልካች “ይሄ የኛ ነው፤ እሷ የታይላንድ ናት” ብሎ ለችሎታው ጀርባውን አልሰጠም። በአጭሩ፣ የቀረበለትን ችሎታ በማየት ድምፁን ሰጠ።

ችሎታ እንጂ ዜግነት ቦታ አልነበረውም!
ችሎታ እንጂ ጎጥ ሥፍራ አልተሰጠውም!!
ችሎታ እንጂ ቋንቋ፣ ብሔር፣ መንደር… ወዘተ ጣልቃ የሚገቡበት ዕድልም ሆነ ተስፋ አልነበራቸውም!!!

“የኔ ሰው” ሳይሆን “የሚገባው ሰው” ነበር መስፈርቱ።

“እኛ ጋ ቢሆንስ?” ብላችሁ ራሳችሁን ጠይቁ።
ሕሊናችሁን ሞግቱ።
ልባችሁን ፈትሹ።

ሽልማቶቻችን — “መንደሬ!”

ውግንናችን — “ሰፈሬ!!”

አድናቆታችን — “ብሔሬ!!!”

አስተሳሰባችንም ሁሉ ሳይቀር ዜማውና ቅኝቱ “አገሬ” ሳይሆን “አጥሬ! ቅጥሬ!! ድንበሬ!!!” ነው።

አረ እንደው ስናሳዝን!

“ማን ይገባዋል?” ከማለታችን በፊት “የማን ነው?” የምንልበት ጊዜ ብዙ ነው።

“ምን ሠራ?”
“ምን ያህል ችሎታ አለው?”
“ሥራው ምን ውጤት ይገባዋል?”

ከማለታችን በፊት፦

“ማነው?”
“ከየት ነው?”
“ከነማን ነው?”
“የማን ወገን ነው?”…

ሌላም ሌላም ከመርፌ ቀዳዳ የጠበቡ ጎጠኛ መስፈርቶችን እያወጣን ጎራ እንለያለን። ከዚያም ሜሪት ይሸነፋል፤ መንደር ደግሞ አሸናፊ ይሆናል።

የሰው ልጅ ነፍሱ በእውቀትና በምግባር ስትበለጽግ ግን የሚሰፋው ኑሮው ብቻ አይደለም፤ አስተሳሰቡም ይሰፋል።

ከ“የኔ ሰው” ከሚለው ይወጣና “የሚገባው ሰው” ይላል። ለወንድሙ፣ ለዘመዱ፣ ለጎጡ ሳይሆን ለችሎታና ለሜሪት ወገን ይሆናል።

የወጣበትን መንደር አይክድም፤ መንደሩን ግን የዓለም መለኪያ አያደርግም።

እና ምን ለማለት ነው…

ያልበለጸገ አስተሳሰብ ሰፊውን ዓለም ወደ ጠባቧ መንደሩ ያጠባታል።

የበለጸገች ነፍስ ግን ዓለም ትጠባታለች።

የራሷ ዓለም ድንበር፣ አጥር፣ አድማስ፣ አገር፣ አህጉር፣ ዓለም፣ ስፔስ የማይገድባት ሰፊ ናትና!

​#agt #americasgottalent #talent #mindset #reflection #getutemesgen #getu #ጌጡ #ጌጡተመስገን #addisababa

አንጋፋው ድምጻዊ ዳዊት መኮንን ከ27 ዓመታት ቆይታ በኋላ ወደ እናት ሀገሩ ተመለሰ
#ethiopia | በተወዳጁ «አካ አዳኢባ» (Akka Ajaa'ibaa) እና በሌሎች ዘመን አይሽሬ ሥራዎቹ የሚታወቀው አንጋፋው የኦሮምኛ ሙዚቃ ድምጻዊ ዳዊት መኮንን ለ27 ዓመታት ከኢትዮጵያ ርቆ ከቆየ በኋላ ዛሬ አዲስ አበባ ገብቷል።

ድምጻዊው ቦሌ ዓለም አቀፍ አውሮፕላን ማረፊያ ሲደርስ ከፍተኛ የመንግሥት የሥራ ኃላፊዎች፣ አባ ገዳዎች እና አድናቂዎቹ በተገኙበት ደማቅ አቀባበል ተደርጎለታል።

ከረጅም ዓመታት መለያየት በኋላ የትውልድ ሀገሩን አፈር በድጋሚ ለመርገጥ በመቻሉ የተሰማውን ጥልቅ ደስታ የገለጸው ድምጻዊ ዳዊት፣ መመለሱ ለበርካታ አድናቂዎቹ ትልቅ የምስራች ሆኗል።

ዳዊት መኮንን በኢትዮጵያ በሚቆይበት ጊዜ ከኢሬቻ በዓል ጋር ተያይዞ በሚዘጋጀው «አን ዱፌን ጂራ» በተሰኘ የሙዚቃ ዝግጅት ላይ የተወዳጅ ሥራዎቹን ለአድናቂዎቹ እንደሚያቀርብ ተገልጿል።

ድምጻዊው በ1980ዎቹ ያቀረባቸው «አን ዱፌን ጂራ»፣ «ሶለኔ» እና ሌሎች የፍቅርና የትግል ዜማዎች በሙዚቃ አፍቃሪያን ዘንድ ተወዳጅ መሆናቸው ይታወቃል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu #ጌጡ #ጌጡተመስገን #ዳዊትመኮንን #ኢሬቻ #ሙዚቃ #ባህል #ethiopia #addisababa








አንጋፋው ድምጻዊ ዳዊት መኮንን ከ27 ዓመታት ቆይታ በኋላ ወደ እናት ሀገሩ ተመለሰ
#ethiopia | በተወዳጁ «አካ አዳኢባ» (Akka Ajaa'ibaa) እና በሌሎች ዘመን አይሽሬ ሥራዎቹ የሚታወቀው አንጋፋው የኦሮምኛ ሙዚቃ ድምጻዊ ዳዊት መኮንን ለ27 ዓመታት ከኢትዮጵያ ርቆ ከቆየ በኋላ ዛሬ አዲስ አበባ ገብቷል።

ድምጻዊው ቦሌ ዓለም አቀፍ አውሮፕላን ማረፊያ ሲደርስ ከፍተኛ የመንግሥት የሥራ ኃላፊዎች፣ አባ ገዳዎች እና አድናቂዎቹ በተገኙበት ደማቅ አቀባበል ተደርጎለታል።

ከረጅም ዓመታት መለያየት በኋላ የትውልድ ሀገሩን አፈር በድጋሚ ለመርገጥ በመቻሉ የተሰማውን ጥልቅ ደስታ የገለጸው ድምጻዊ ዳዊት፣ መመለሱ ለበርካታ አድናቂዎቹ ትልቅ የምስራች ሆኗል።

ዳዊት መኮንን በኢትዮጵያ በሚቆይበት ጊዜ ከኢሬቻ በዓል ጋር ተያይዞ በሚዘጋጀው «አን ዱፌን ጂራ» በተሰኘ የሙዚቃ ዝግጅት ላይ የተወዳጅ ሥራዎቹን ለአድናቂዎቹ እንደሚያቀርብ ተገልጿል።

ድምጻዊው በ1980ዎቹ ያቀረባቸው «አን ዱፌን ጂራ»፣ «ሶለኔ» እና ሌሎች የፍቅርና የትግል ዜማዎች በሙዚቃ አፍቃሪያን ዘንድ ተወዳጅ መሆናቸው ይታወቃል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu #ጌጡ #ጌጡተመስገን #ዳዊትመኮንን #ኢሬቻ #ሙዚቃ #ባህል #ethiopia #addisababa

ተስፋዬ ገሠሠ
ጎምቱ የጥበብ ባለሟል

የሕይወት ታሪክ

ደራሲ፦ ደረጀ ትዕዛዙ

የአዘጋጁ መልዕክት
#ethiopia | የሰው ልጅ ሲፈጠር በምክንያት ነው። እግዚአብሔር አዶልፍ ሂትለርን እና ሞሶሎኒን በአንድ በኩል፤ ማሃትመ ጋንዲ እና አልበርት አንስታይን በሌላ ቋት ሲፈጥር፤ ሕይወትን ፅንሰ ሀሳብ ለመስጠት፤ ለሰዎች ወጥ የሆነ የአኗኗር ዘይቤ እንዳይኖር ፈልጎ ሊሆን ይችላል ብሎ ማሰብ ይቻላል።

እነዚህ በአንድ ወቅት በተግባራቸው ዓለም ያገናኛቸው ሰዎች፤ ማንነታቸው ቢፈተሽ ማህበራዊ እርከናቸው፤ ስብዕናቸው የተለየ ሆኖ እናገኘዋለን። ባሕሪያቸው ከተወለዱበት፤ ከያዙትና አብረው ከኖሩት ማህበረሰብ ሊቀዳ እንደሚችል ሁሉ፤ ከየራሳቸውም የዚያ ሥራቸው ነፀብራቅ እንደሆነ ይታመናል። መልካምነትና መጥፎነት ዘወር ብሎ ምንጩ ከዚያው ነው። የሆነው ሆኖ፤ ቅንና አስተዋይ ልቦና መታደል ግን መልካም መታደል ነው። ሁሉም በሚፈፅሙት ተግባር ምድራዊም ሆነ በሰማይ የሚጠየቁበት ወይም የሚመሰገኑበት ነገር እንዳለ ሁሉ፤ እነሱም በየራሳቸው የተደሰቱበት ወይም ተፀፅተው ያለፉባቸው ጊዜያት ስለመኖራቸው አይጠረጠርም።

የሰው ልጅ በማንነቱ፤ በቀለሙ እና በተግባሩ ዥንጉርጉር ነው። እያንዳንዱ ግለሰብ በኖረበት ዘመናት ሁሉ በተግባሩ ለዚች ዓለም ይነስም ይበዛም ስለማንነቱ የሚያስቀምጠው አሻራ አለው። መታወቂያው እንደየ ተግባሩ ቢለያይም ሁሉም ታሪክ አለው። የግለሰቦች ታሪክ የሀገር ታሪክ አካል የሚሆንበትም አገባብ አለ። ይህ የሚሆነው ደግሞ ታሪክ ከቃል ትሬት ወደ ጽሑፍ ተለውጦ ሲመዘገብ፤ በአግባቡ ሲሰነድ፤ ሲያያዝ፤ ከዚያም አልፎ ለቀጣዩ ትውልድ ሲተላለፍ ነው። "የግለሰቦች ታሪክ ስብስብ የሀገር ታሪክ ይሆናል" የሚለውም ከዚሁ ጋር ነው።

ከዚህ ሀሳብ በመነሳት ይህ መጽሐፍ ምን ይዟል? የሚል ጥያቄ መነሳቱ አይቀርም።፤ ዋናው ነገር ገልጦ ማነበብ ነው። መጽሐፉ የዕድላቸው እና የሥራቸው ስለ አጋጣሚያቸው ጎምቱ የጥበብ ባለሟል ተባለው ፕሮፌሰር ተስፋዬ ገሠሠ የሕይወት ታሪክና ሥራዎችን ይተርካል:: ተስፋዬ ማን ነው? በኖሩባቸው ዓመታት ምን ሠሩ፤ አሻራቸው በሀገር ታሪክ ውስጥ ምን ፋይዳ አለው? የሚሉና ሌሎችንም ተያያዥ ጉዳዮችን ይጠይቃል፤ ይመልሳል፤ ይተነትናል።

ተስፋዬ በአንድ ሙያና ሥራ ብቻ የተወሰነ አይደለም:: የሕይወቱን ከሥራው ጋር እያነፃፀርኩ ማቅረቤም ለዚሁ ነው። ይህ ደግሞ ታሪኩ ሲነበብ ሰልችቶት እንዳይፈጠር ይረዳል የሚል እምነት አለኝ።

አብዛኛው የመጽሐፉ ክፍል ሲዘጋጅ ባለ ታሪኩ በሕይወት ስለነበረ ለመረጃ መብዛትና ተአማኒነት በአጅጉ ጠቅሞኛል። ከዚህ ቀደም ስለ ባለ ታሪኩ የተጻፉና የተነገሩ አጠራጣሪ ታሪኮችንና መረጃዎችን በቃለ መጠይቅ ለማጣራት ዕድሉን ፈጥሮልኛል።

ተስፋዬ በባህሪው "እንዲህ አደረግሁ፤ እንዲህ ፈጠርሁ..." እያለ ማንነቱን የመጎረድም ሆነ የመጎዳት ሰው አይደለም። ድንቅ ድንቅ ተግባሮቹ፤ መናገር የማይፈልጋቸው በጎ ሥራዎቹ ብዙ ናቸው። ስለዚህም በአመዛኙ በደራሲያን ደረጃ የተቀመጡ፤ በማስረጃዎችና በእውነቶች ተረጋግጠው እንዲወጡ ለማድረግ ጥሬአለሁ።

የጥበብ ሰው "አንቱ" አይባልም ከሚል ሀሳብ በመነሳት በአብዛኛው የመጽሐፉ ክፍል "አንተ"ን ብጠቀምም፤ አልፎ አልፎ እንደጽሑፉ አገባብና እንደየሁኔታው አጠራር "ጋሽ ተስፋዬ"፤ "ተጋባዥ ፕሮፌሰር ተስፋዬ" እና "አንቱ"ን ተጠቅሜበታለሁ። በዚህም የባለታሪኩን የመጫወቻም ሆነ የማህበራዊ ክብር የጎደልሁ ሁኚ እንደማይታሰብኝ አተማመናለሁ። እሱም ይህ እንዲሆን ፍቃዱን ሰጥቶኛል። አልፎ አልፎ ሌሎች የጥበብ ሰዎችንም በዚህ መልኩ መጥራቴ አልቀረም።

አልፎ አልፎ በታሪክ አፅንኦት ሊሰጣቸው የሚገቡ ጉዳዮችን እና በቃለ መጠይቅ ያገኛኋቸውን ሀሳቦች እንዳሉ አስቀምጣቸዋለሁ። በዚህም ወዳጆቹን፤ የሥነ ጥበብ ተማሪዎቹን፤ ቅርበት ያላቸው ቤተሰቦቹን እና ዘመዶቹን ጭምር አነጋግሬ የእውነተኝነት ቃላቸውን እንደ አግባቡ አሰፍሬአለሁ። አንዳንድ በሕይወት የሌሉና እኔ በአካል ያላገኘኋቸው ጥቂት ወዳጆቹ፤ በተለያዩ ወቅቶችና መድረኮች ስለ ተስፋዬ የሰጡትን የምስክርነት ቃል ስብስቤ አድርጌ አቅርቤአለሁ። ሥራዎቹን፤ በተለያዩ ጊዜያት ስለ እሱ የተጻፉና የተነገሩ ጉዳዮችን ፈትሻለሁ። የግል ማስታወሻና የተወሰኑ የዕለት ማስታወሻዎቹን /Daily diary/ ጭምር በርብሬአለሁ። ለዚህ ይጠቅማል፤ ይበጃል ያልኩትን ቁም-ነገር፤ ፍሬ-ነገር፤ ይሆናል ልክነቱን ነቅሼ በማውጣት በአስፈላጊው ቦታ አስፍሬአለሁ። ይህ ነው የዚህ መጽሐፍ ሂደት።

ይህ መጽሐፍ፤ የሕይወት ታሪክ (Biography) አጻጻፍ መርሁን የተከተለ እንዲሆን አድርጌአለሁ። ጋሽ ተስፋዬ የዚችኛውን ዓለም የጥበብ አውራ ኖሮ በ84 ዓመት ዕድሜው ወደማይቀረው ሄዷል። ከዚችኛዋ ዓለም በአካል ሞት ቢለይም ሥራውና ማንነቱ ግን እንዲህ ሲወሳ እና ሲዘከር ይኖራል።

መልካም ንባብ

***

የመጽሐፉ የጀርባ

“ግልጽነትን የሚያደፋፍርህ እውነት ነው። ሐሰት ውስጥህ ካለ ለመናገር ትሸማቀቃለህ። እርግጥ የፖለቲካ ሰዎች ይህንን ሊያደርጉት ይችላሉ፤ የፖለቲካ ሰው ግን ዲፕሎማት ነው። የሚናገረው የት፤ መቼ፤ እንዴት፤ ለማን፤ የሚሉትን አጢኖ፤ መትሮ ነው።

እኔ የፖለቲካ ሰው አይደለሁም፤ ተፈጥሮዬ አልፈቀደም። ስለዚህ ፊት ለፊት እናገራለሁ። መስዋዕትነት መክፈል አለብኝ፤ ይሁኑ! ይክፈል፤ እውነትን የያዘ ሁሉ ግን አሸናፊ ነው። በነጻ ህሊና ይኖራል።”

“ከፖለቲካዊ ሹመቱ በሕዝብ የታመነበት ሽልማት ይበልጥብኛል። ያስተማርኳቸው የጥበብ ልጆቼ በመድረክ፤ በፊልም፤ በሥነ-ጽሑፍ ውስጥ ተሰማርተው ማየት ደስታ ይሰማኛል። ፍሬ አለኝ፤፤ ትልቁ ሽልማቴ እነሱ ናቸው።”

***
የአዘጋጁ ቀደሙት ሥራዎች፦

ደራሲ ደረጀ ትዕዛዙ

ጳውሎስ ኞኞ ከ1926-1984 (የሕይወት ታሪክ)

ሳተናው (የአጫጭር ልብወለዶችና የግጥሞች ስብስብ)

​#የሕይወትታሪክ #ተስፋዬገሠሠ #መጽሐፍ #ኪነጥበብ #ደራሲደረጀትዕዛዙ #getutemesgen #getu #ጌጡ #ጌጡተመስገን #addisababa

ቆሻሻን ወደ ሀብት በመቀየር የሰርኩላር ኢኮኖሚን ለማጠናከር ያለመ አገራዊ የምክክር መድረክ ተካሄደ
#ethiopia | በኢትዮጵያ ቆሻሻን ወደ ተጨባጭ የኢኮኖሚ ሀብት በመለወጥ ረገድ ያለውን አቅም ለማሳደግ እና የሰርኩላር ኢኮኖሚ አሰራርን ለማጠናከር ያለመ አገራዊ የውይይት መድረክ በአዲስ አበባ ተካሂዷል።

መድረኩ በሪች ፎር ቼንጅ ኢትዮጵያ እና በአፍሪካ ሰርኩላር ኢኮኖሚ ኔትወርክ አዘጋጅነት የቀረበ ሲሆን፣ ተወጋጅ ቁሳቁሶችን እንደ ዋና የኢኮኖሚ ጥሬ ዕቃ በመጠቀም ከፍተኛ የፋይናንስና የሥራ አቅም መፍጠር እንደሚቻል ተመልክቷል።

በመድረኩ ላይ የተገኙት የአካባቢ ጥበቃ ባለሥልጣን ተወካይ ዶክተር ለምለም ተበጀ እንዳስታወቁት፣ አምራቾችና አስመጪዎች ለሚያመነጩት ቆሻሻ ቀጥተኛ ኃላፊነት እንዲወስዱ የሚያስገድድ አዲስ አሰራር እየተዘረጋ ይገኛል።

በተጨማሪም ብሔራዊ የሰርኩላር ኢኮኖሚ መመሪያ ወደ ሥራ መግባቱን ጠቁመው፣ ይህም አገሪቱ ዘላቂ የንግድ ሞዴሎችን እንድትከተል ጠንካራ መሠረት ይጥላል ብለዋል።

እስካሁን በተከናወኑ ተግባራት ከ1.8 ሚሊዮን ኪሎግራም በላይ ቆሻሻን መልሶ ጥቅም ላይ በማዋል ከ41 ሚሊዮን ብር በላይ ገቢ ማግኘት የተቻለ ሲሆን፣ ከ1 ሺህ 300 በላይ ለሚሆኑ ዜጎችም የሥራ ዕድል ተፈጥሯል።

በዘርፉ የሚሰሩ አዳዲስ የፈጠራ ሥራዎች በገበያ ውስጥ ተወዳዳሪ እንዲሆኑ በመንግሥት፣ በግል ሴክተር እና በፋይናንስ ተቋማት መካከል ያለው ትስስር ወሳኝ ደረጃ ላይ መድረሱን ባለድርሻ አካላት ገልጸዋል።
#circulareconomy #environment #recycling #ethiopianews #greenenergy #getutemesgen #getu #ጌጡ #ጌጡተመስገን #addisababa



ቆሻሻን ወደ ሀብት በመቀየር የሰርኩላር ኢኮኖሚን ለማጠናከር ያለመ አገራዊ የምክክር መድረክ ተካሄደ
#ethiopia | በኢትዮጵያ ቆሻሻን ወደ ተጨባጭ የኢኮኖሚ ሀብት በመለወጥ ረገድ ያለውን አቅም ለማሳደግ እና የሰርኩላር ኢኮኖሚ አሰራርን ለማጠናከር ያለመ አገራዊ የውይይት መድረክ በአዲስ አበባ ተካሂዷል።

መድረኩ በሪች ፎር ቼንጅ ኢትዮጵያ እና በአፍሪካ ሰርኩላር ኢኮኖሚ ኔትወርክ አዘጋጅነት የቀረበ ሲሆን፣ ተወጋጅ ቁሳቁሶችን እንደ ዋና የኢኮኖሚ ጥሬ ዕቃ በመጠቀም ከፍተኛ የፋይናንስና የሥራ አቅም መፍጠር እንደሚቻል ተመልክቷል።

በመድረኩ ላይ የተገኙት የአካባቢ ጥበቃ ባለሥልጣን ተወካይ ዶክተር ለምለም ተበጀ እንዳስታወቁት፣ አምራቾችና አስመጪዎች ለሚያመነጩት ቆሻሻ ቀጥተኛ ኃላፊነት እንዲወስዱ የሚያስገድድ አዲስ አሰራር እየተዘረጋ ይገኛል።

በተጨማሪም ብሔራዊ የሰርኩላር ኢኮኖሚ መመሪያ ወደ ሥራ መግባቱን ጠቁመው፣ ይህም አገሪቱ ዘላቂ የንግድ ሞዴሎችን እንድትከተል ጠንካራ መሠረት ይጥላል ብለዋል።

እስካሁን በተከናወኑ ተግባራት ከ1.8 ሚሊዮን ኪሎግራም በላይ ቆሻሻን መልሶ ጥቅም ላይ በማዋል ከ41 ሚሊዮን ብር በላይ ገቢ ማግኘት የተቻለ ሲሆን፣ ከ1 ሺህ 300 በላይ ለሚሆኑ ዜጎችም የሥራ ዕድል ተፈጥሯል።

በዘርፉ የሚሰሩ አዳዲስ የፈጠራ ሥራዎች በገበያ ውስጥ ተወዳዳሪ እንዲሆኑ በመንግሥት፣ በግል ሴክተር እና በፋይናንስ ተቋማት መካከል ያለው ትስስር ወሳኝ ደረጃ ላይ መድረሱን ባለድርሻ አካላት ገልጸዋል።
#circulareconomy #environment #recycling #ethiopianews #greenenergy #getutemesgen #getu #ጌጡ #ጌጡተመስገን #addisababa

በባሌ ሐረና ደን የወፍ እንቁላል ብቻ የምትመገብ አዲስ የእባብ ዝርያ ተገኘች
#ethiopia | በኢትዮጵያ በባሌ ሐረና ተፈጥሮ ደን ውስጥ የወፍ እንቁላልን ብቻ ለምግብነት የምትጠቀም አዲስ የእባብ ዝርያ መገኘቷን ተመራማሪዎች ይፋ አደረጉ።

“ዳሲፔልቲስ አልቢጉላሪስ” (Dasypeltis albogularis) በሚል የሳይንስ ስም የተሰየመችው ይህች እባብ፣ እንደ ሌሎች ተመሳሳይ ዝርያዎች ሥጋ ወይም ነፍሳትን የማትመገብ ሲሆን፣ ሙሉ በሙሉ በወፍ እንቁላል ላይ ብቻ ተመሥርታ የምትኖር ናት።

እባቧ እንቁላልን በሙሉነቱ ከዋጠች በኋላ፣ ልዩ በሆነ የሰውነት ክፍሏ አሠራር አማካይነት የእንቁላሉን ቅርፊት ተፍታ የማስወገድ አስደናቂ ተፈጥሯዊ ችሎታ አላት።

በተጨማሪም ራሷን ከጠላት ለመጠበቅ የምትጠቀምበት ዘዴ የተለየ ነው። መርዝ በመርጨት ወይም በመንከስ ፈንታ፣ ቆዳዋን እርስ በእርስ በማሸት በሚፈጠር ድምፅ አዳኞቿን በማስፈራራት ራሷን ትከላከላለች።

የሳይንስ ተመራማሪዎች የዚችን እባብ ልዩ ማንነትና ዝርያ ሳይንሳዊ በሆነ መንገድ ለማረጋገጥ፣ ለሰባት ዓመታት ያህል ዘለቄታ ያለው የዘረመል (ዲኤንኤ) ምርመራና ጥልቅ ጥናት ሲያካሂዱ ቆይተዋል።

ይህ አዲስ ግኝት የባሌ ሐረና ደን ያለውን የብዝሃ ሕይወት ሀብትና የኢትዮጵያን የተፈጥሮ ጸጋ በዓለም አቀፍ ደረጃ ትኩረት እንዲያገኝ የሚያደርግ ትልቅ የሳይንስ ስኬት መሆኑ ተመልክቷል።
#bale #wildlife #nature #science #ethiopianews #getutemesgen #getu #ጌጡ #ጌጡተመስገን #addisababa



በባሌ ሐረና ደን የወፍ እንቁላል ብቻ የምትመገብ አዲስ የእባብ ዝርያ ተገኘች
#ethiopia | በኢትዮጵያ በባሌ ሐረና ተፈጥሮ ደን ውስጥ የወፍ እንቁላልን ብቻ ለምግብነት የምትጠቀም አዲስ የእባብ ዝርያ መገኘቷን ተመራማሪዎች ይፋ አደረጉ።

“ዳሲፔልቲስ አልቢጉላሪስ” (Dasypeltis albogularis) በሚል የሳይንስ ስም የተሰየመችው ይህች እባብ፣ እንደ ሌሎች ተመሳሳይ ዝርያዎች ሥጋ ወይም ነፍሳትን የማትመገብ ሲሆን፣ ሙሉ በሙሉ በወፍ እንቁላል ላይ ብቻ ተመሥርታ የምትኖር ናት።

እባቧ እንቁላልን በሙሉነቱ ከዋጠች በኋላ፣ ልዩ በሆነ የሰውነት ክፍሏ አሠራር አማካይነት የእንቁላሉን ቅርፊት ተፍታ የማስወገድ አስደናቂ ተፈጥሯዊ ችሎታ አላት።

በተጨማሪም ራሷን ከጠላት ለመጠበቅ የምትጠቀምበት ዘዴ የተለየ ነው። መርዝ በመርጨት ወይም በመንከስ ፈንታ፣ ቆዳዋን እርስ በእርስ በማሸት በሚፈጠር ድምፅ አዳኞቿን በማስፈራራት ራሷን ትከላከላለች።

የሳይንስ ተመራማሪዎች የዚችን እባብ ልዩ ማንነትና ዝርያ ሳይንሳዊ በሆነ መንገድ ለማረጋገጥ፣ ለሰባት ዓመታት ያህል ዘለቄታ ያለው የዘረመል (ዲኤንኤ) ምርመራና ጥልቅ ጥናት ሲያካሂዱ ቆይተዋል።

ይህ አዲስ ግኝት የባሌ ሐረና ደን ያለውን የብዝሃ ሕይወት ሀብትና የኢትዮጵያን የተፈጥሮ ጸጋ በዓለም አቀፍ ደረጃ ትኩረት እንዲያገኝ የሚያደርግ ትልቅ የሳይንስ ስኬት መሆኑ ተመልክቷል።
#bale #wildlife #nature #science #ethiopianews #getutemesgen #getu #ጌጡ #ጌጡተመስገን #addisababa

የተባበሩት መንግሥታት የጸጥታው ምክር ቤት አፍሪካን በሚመጥን መልኩ በአስቸኳይ መዋቅራዊ ማሻሻያ እንዲደረግበት ፕሬዝዳንት ታዬ አጽቀሥላሴ ጥሪ አቀረቡ
#ethiopia | ፕሬዝዳንት ታዬ አጽቀሥላሴ በኒው ዮርክ በተካሄደው 81ኛው የተባበሩት መንግሥታት ድርጅት ጠቅላላ ጉባኤ ላይ በመገኘት የኢትዮጵያን ሀገራዊ የልማት ስኬቶች እና የውጭ ፖሊሲ አቋም የሚያብራራ ንግግር አድርገዋል።

በንግግራቸውም ዓለም አቀፉ ማህበረሰብ በጋራ ደህንነት እና በእውነተኛ እኩልነት ላይ የተመሰረተ ባለብዙ ወገን ግንኙነት እንዲያጠናክር ጥሪ አቅርበዋል።

ኢትዮጵያ የተባበሩት መንግሥታት ድርጅት መስራች ሀገር እንደመሆኗ መጠን ለዓለም አቀፍ ሰላምና ትብብር ያላትን ቁርጠኝነት ያረጋገጡት ፕሬዝዳንቱ፣ የድርጅቱ የጸጥታው ምክር ቤት የአፍሪካን ነባራዊ ሁኔታ ባገናዘበ መልኩ በአስቸኳይ መዋቅራዊ ማሻሻያ ሊደረግበት እንደሚገባ አጽንኦት ሰጥተዋል።

ከ1 ነጥብ 6 ቢሊዮን በላይ ህዝብ ያላት አፍሪካ በምክር ቤቱ ተገቢውን ውክልና አለማግኘቷ የፍትህ እና የሞራል ጥያቄ መሆኑንም ገልጸዋል።

በተጨማሪም ኢትዮጵያ የኮፕ 32 ዓለም አቀፍ የአየር ንብረት ጉባኤን ለማስተናገድ በዝግጅት ላይ መሆኗን የጠቆሙት ፕሬዝዳንቱ፣ የዓለም መሪዎች በስብሰባው ተገኝተው አሻራቸውን እንዲያኖሩ ጥሪ አቅርበዋል።

በሀገሪቱ እስካሁን በተካሄደው የአረንጓዴ አሻራ መርሃ ግብር 56 ቢሊዮን ችግኞች መተከላቸውን እና ይህም በዓመት 9 ቢሊዮን ቶን ካርቦን የመምጠጥ አቅም ማስገኘቱን አብራርተዋል።

በምግብ ራስን የመቻል ጥረትን በተመለከተ፣ ኢትዮጵያ በአጭር ጊዜ ውስጥ ከስንዴ አስመጪነት ወጥታ የአፍሪካ ትልቋ የስንዴ አምራች ሀገር መሆን መቻሏንና ይህም አህጉሪቱ ራሷን መመገብ እንደምትችል ማረጋገጫ መሆኑን ተናግረዋል።

በታዳሽ ኃይል ዘርፍም የታላቁ የኢትዮጵያ ሕዳሴ ግድብን ጨምሮ እስከ እ.አ.አ 2030 ድረስ 13 ሺህ ሜጋ ዋት የኃይል ማመንጨት እና የምስራቅ አፍሪካ የኃይል ማዕከል ለመሆን ዝግጁ መሆኗን ገልጸዋል።

የ5 ሚሊዮን ኮደሮች መርሃ ግብር፣ በቅርቡ ስራ የሚጀምረው የሰው ሰራሽ አስተውሎት ዩኒቨርሲቲ እና በ12 ነጥብ 5 ቢሊዮን ዶላር የሚገነባው አዲሱ ዓለም አቀፍ ኤርፖርት ለአፍሪካ ነጻ ንግድ ቀጣና መሳካት ከፍተኛ አስተዋጽኦ እንደሚኖራቸው አስረድተዋል።

በአፍሪካ ቀንድ ቀጣናዊ የኢኮኖሚ ትስስርን ለማጠናከር ኢትዮጵያ በትጋት እየሰራች መሆኑን ያነሱት ፕሬዝዳንቱ፣ በአንዳንድ አፍራሽ የውጭ አካላት የሚደረጉ ጣልቃ ገብነቶችን በትዕግስት አልፋ በሀገራዊ እድገቷ ላይ ትኩረት ማድረጓን ገልጸዋል።

የሱዳንን ቀውስ በተመለከተም ዘላቂ መፍትሔ የሚገኘው በራሳቸው በሱዳናውያን ባለቤትነት እና መሪነት በሚካሄድ የሰላም ሂደት ብቻ እንደሆነ አመልክተዋል።

ኢትዮጵያ እያካሄደች ያለችውን ዘላቂ ኢኮኖሚያዊ እድገትና ቀጣናዊ ትስስር እውን ለማድረግ አስተማማኝ እና ዘላቂ የባህር በር ማግኘት አስፈላጊ መሆኑን የገለጹት ፕሬዝዳንቱ፣ ይህንን ፍላጎቷን በሰላማዊ እና በዲፕሎማሲያዊ መንገድ ለማሳካት እየሰራች መሆኑን ከውጭ ጉዳይ ሚኒስቴር የተገኘው መረጃ ያመለክታል።
#ኢትዮጵያ #ዲፕሎማሲ #የጸጥታው_ምክር_ቤት #ታዬ_አጽቀሥላሴ #የተባበሩት_መንግሥታት #የአየር_ንብረት #ሕዳሴ_ግድብ #getutemesgen #getu #ጌጡ #ጌጡተመስገን #addisababa



የተባበሩት መንግሥታት የጸጥታው ምክር ቤት አፍሪካን በሚመጥን መልኩ በአስቸኳይ መዋቅራዊ ማሻሻያ እንዲደረግበት ፕሬዝዳንት ታዬ አጽቀሥላሴ ጥሪ አቀረቡ
#ethiopia | ፕሬዝዳንት ታዬ አጽቀሥላሴ በኒው ዮርክ በተካሄደው 81ኛው የተባበሩት መንግሥታት ድርጅት ጠቅላላ ጉባኤ ላይ በመገኘት የኢትዮጵያን ሀገራዊ የልማት ስኬቶች እና የውጭ ፖሊሲ አቋም የሚያብራራ ንግግር አድርገዋል።

በንግግራቸውም ዓለም አቀፉ ማህበረሰብ በጋራ ደህንነት እና በእውነተኛ እኩልነት ላይ የተመሰረተ ባለብዙ ወገን ግንኙነት እንዲያጠናክር ጥሪ አቅርበዋል።

ኢትዮጵያ የተባበሩት መንግሥታት ድርጅት መስራች ሀገር እንደመሆኗ መጠን ለዓለም አቀፍ ሰላምና ትብብር ያላትን ቁርጠኝነት ያረጋገጡት ፕሬዝዳንቱ፣ የድርጅቱ የጸጥታው ምክር ቤት የአፍሪካን ነባራዊ ሁኔታ ባገናዘበ መልኩ በአስቸኳይ መዋቅራዊ ማሻሻያ ሊደረግበት እንደሚገባ አጽንኦት ሰጥተዋል።

ከ1 ነጥብ 6 ቢሊዮን በላይ ህዝብ ያላት አፍሪካ በምክር ቤቱ ተገቢውን ውክልና አለማግኘቷ የፍትህ እና የሞራል ጥያቄ መሆኑንም ገልጸዋል።

በተጨማሪም ኢትዮጵያ የኮፕ 32 ዓለም አቀፍ የአየር ንብረት ጉባኤን ለማስተናገድ በዝግጅት ላይ መሆኗን የጠቆሙት ፕሬዝዳንቱ፣ የዓለም መሪዎች በስብሰባው ተገኝተው አሻራቸውን እንዲያኖሩ ጥሪ አቅርበዋል።

በሀገሪቱ እስካሁን በተካሄደው የአረንጓዴ አሻራ መርሃ ግብር 56 ቢሊዮን ችግኞች መተከላቸውን እና ይህም በዓመት 9 ቢሊዮን ቶን ካርቦን የመምጠጥ አቅም ማስገኘቱን አብራርተዋል።

በምግብ ራስን የመቻል ጥረትን በተመለከተ፣ ኢትዮጵያ በአጭር ጊዜ ውስጥ ከስንዴ አስመጪነት ወጥታ የአፍሪካ ትልቋ የስንዴ አምራች ሀገር መሆን መቻሏንና ይህም አህጉሪቱ ራሷን መመገብ እንደምትችል ማረጋገጫ መሆኑን ተናግረዋል።

በታዳሽ ኃይል ዘርፍም የታላቁ የኢትዮጵያ ሕዳሴ ግድብን ጨምሮ እስከ እ.አ.አ 2030 ድረስ 13 ሺህ ሜጋ ዋት የኃይል ማመንጨት እና የምስራቅ አፍሪካ የኃይል ማዕከል ለመሆን ዝግጁ መሆኗን ገልጸዋል።

የ5 ሚሊዮን ኮደሮች መርሃ ግብር፣ በቅርቡ ስራ የሚጀምረው የሰው ሰራሽ አስተውሎት ዩኒቨርሲቲ እና በ12 ነጥብ 5 ቢሊዮን ዶላር የሚገነባው አዲሱ ዓለም አቀፍ ኤርፖርት ለአፍሪካ ነጻ ንግድ ቀጣና መሳካት ከፍተኛ አስተዋጽኦ እንደሚኖራቸው አስረድተዋል።

በአፍሪካ ቀንድ ቀጣናዊ የኢኮኖሚ ትስስርን ለማጠናከር ኢትዮጵያ በትጋት እየሰራች መሆኑን ያነሱት ፕሬዝዳንቱ፣ በአንዳንድ አፍራሽ የውጭ አካላት የሚደረጉ ጣልቃ ገብነቶችን በትዕግስት አልፋ በሀገራዊ እድገቷ ላይ ትኩረት ማድረጓን ገልጸዋል።

የሱዳንን ቀውስ በተመለከተም ዘላቂ መፍትሔ የሚገኘው በራሳቸው በሱዳናውያን ባለቤትነት እና መሪነት በሚካሄድ የሰላም ሂደት ብቻ እንደሆነ አመልክተዋል።

ኢትዮጵያ እያካሄደች ያለችውን ዘላቂ ኢኮኖሚያዊ እድገትና ቀጣናዊ ትስስር እውን ለማድረግ አስተማማኝ እና ዘላቂ የባህር በር ማግኘት አስፈላጊ መሆኑን የገለጹት ፕሬዝዳንቱ፣ ይህንን ፍላጎቷን በሰላማዊ እና በዲፕሎማሲያዊ መንገድ ለማሳካት እየሰራች መሆኑን ከውጭ ጉዳይ ሚኒስቴር የተገኘው መረጃ ያመለክታል።
#ኢትዮጵያ #ዲፕሎማሲ #የጸጥታው_ምክር_ቤት #ታዬ_አጽቀሥላሴ #የተባበሩት_መንግሥታት #የአየር_ንብረት #ሕዳሴ_ግድብ #getutemesgen #getu #ጌጡ #ጌጡተመስገን #addisababa

በአርቲፊሻል ኢንተለጀንስ ዘርፍ ወጣቶችን የሚያንጽ አዲስ የአማርኛ መጽሐፍ ለንባብ በቃ
#ethiopia | ታዳጊዎችና ወጣቶች የሰው ሰራሽ አስተውሎት ወይም የአርቲፊሻል ኢንተለጀንስ ቴክኖሎጂን በበሰለና በተጠና መንገድ እንዲጠቀሙ የሚያስችል አዲስ መጽሐፍ ለተንባቢያን ተበሰረ።

አርቲፊሻል ኢንተለጀንስ የመጨረሻ ፈጠራ ወይስ የፈጠራ መጨረሻ በሚል ርዕስ የተዘጋጀው ይህ መጽሐፍ፣ በቴክኖሎጂ አማካሪው፣ ደራሲና የቴሌቪዥን ፕሮግራም አዘጋጁ ሰለሞን ሙሉጌታ ካሳ የተደረሰ ሲሆን፣ ዝግጅቱም ከኢትዮጵያ አርቲፊሻል ኢንተለጀንስ ኢንስቲትዩት ጋር በመተባበር የተከናወነ ነው።

መጽሐፉ የቴክኖሎጂውን መሠረታዊ ምንነት፣ በተለያዩ የሥራ ዘርፎች የሚያበረክተውን አስተዋጽኦ፣ የሚያስገኛቸውን ሰፋፊ ዕድሎችና ሊከተሉ የሚችሉ ሥጋቶችን በስፋት ይዳስሳል።

በተለይም ወጣቶች የቴክኖሎጂውን አቅም ተረድተው በዘርፉ ያላቸውን ተሳትፎ እንዲያሳድጉ ትልቅ እገዛ የሚያደርግ መሆኑ ተገልጿል።

ይህም ሀገሪቱ የያዘችውን የዲጂታል 2030 ግብ ለማሳካት በሚደረገው ጥረት ውስጥ ወጣቱን በቴክኖሎጂ እውቀት ለማበልጸግ እንደ አንድ ቁልፍ የዕውቀት ምንጭ እንደሚያገለግል ታምኖበታል።

ደራሲው ሰለሞን ሙሉጌታ በመጽሐፉ የምርቃት ሥነ ሥርዓት ላይ ባደረገው ንግግር፣ መጽሐፉ ባለራዕይ ወጣቶች በቴክኖሎጂው ዘርፍ ያላቸውን ግንዛቤ በማሳደግ ህልማቸውን እውን እንዲያደርጉ ለመደገፍ ታስቦ የተዘጋጀ መሆኑን ገልጿል።

በሥነ ሥርዓቱ ላይ የተገኙት የኢትዮጵያ አርቲፊሻል ኢንተለጀንስ ኢንስቲትዩት ምክትል ዋና ዳይሬክተር ታዬ ግርማ (ዶ/ር) እና ዶ/ር ምህረት ደበበ በበኩላቸው፣ ቴክኖሎጂውን በጥናት ላይ ተመስርቶ ለመጠቀምና ከሰው ልጅ አእምሮ እንዲሁም ማኅበራዊ ሕይወት ጋር ያለውን ቁርኝት በተለያዩ እይታዎች ለመረዳት የመጽሐፉ መኖር ከፍተኛ ጠቀሜታ እንዳለው አስረድተዋል።

ኢትዮጵያ የአርቲፊሻል ኢንተለጀንስ ዘርፍን ለማልማትና ለመቀላቀል ጥረት በማድረግ ላይ በምትገኝበት በዚህ ወቅት፣ በአማርኛ ቋንቋ የተዘጋጀው ይህ መጽሐፍ ስለ ቴክኖሎጂው ያለውን ግንዛቤ ለማስፋትና ሥርዓት ያለው አጠቃቀም እንዲኖር ለማስቻል ከፍተኛ አስተዋጽኦ ይኖረዋል።
#artificialintelligence #aibook #technology #digitalethiopia #solomonmulugetakassa #getutemesgen #getu #ጌጡ #ጌጡተመስገን #addisababa

በሣውላ ከተማ ሁለተኛው ታላቅ የጎዳና ላይ ሩጫ በታላቅ ድምቀት በመካሄድ ላይ ነው
#ethiopia | በጎፋ ዞን ሣውላ ከተማ ሁለተኛው ታላቅ የጎዳና ላይ ሩጫ ከፍተኛ ቁጥር ያላቸው የማህበረሰብ ክፍሎችና አመራሮች በተገኙበት በደማቅ ሁኔታ እየተካሄደ ይገኛል።

በዚህ መርሃ ግብር ላይ የጎፋ ዞን ዋና አስተዳዳሪ ኢንጂነር ዳግማዊ አየለ፣ የዞኑ ብልፅግና ፓርቲ ቅርንጫፍ ጽሕፈት ቤት ኃላፊ አቶ ጋሻያለው ገላን፣ የዞኑ የስራ አስተባባሪዎችና አመራሮች እንዲሁም ጥሪ የተደረገላቸው እንግዶች ከህብረተሰቡ ጋር በመሆን ተሳትፎ በማድረግ ላይ ናቸው።

የዚህ የጎዳና ላይ ሩጫ ዋነኛ ዓላማ ለጎፋ አንድነትና ሰላም በጋራ እንሮጣለን በሚል መልእክት ሲሆን፣ በተጨማሪም የጎፋ ጋዜ ማስቃላ እና የኦይዳ ዮኦ ማስቃላ ባህላዊ እሴቶችንና ጭፈራዎችን ለዓለም ማስተዋወቅና በዩኔስኮ ለማስመዝገብ የሚደረገውን ጥረት ለማገዝ ያለመ እንደሆነ ተነግሯል።

ለተከታታይ ሁለት ቀናት በሚከበረው በዓል የመጀመሪያ ቀን ውድድሩ በባህላዊ ጨዋታዎችና በህዝባዊ ተሳትፎ አምሮ የተጀመረ ሲሆን፣ ከዞኑ ልዩ ልዩ አካባቢዎች የተሰበሰቡ የህብረተሰብ ክፍሎች በነቃ ሁኔታ በመሳተፍ ላይ ይገኛሉ።

የጎዳና ላይ ውድድሩ ሲጠናቀቅ ለአሸናፊ መደበኛ ሯጮች የሽልማት ስነ ስርዓት እንደሚከናወንም ታውቋል።
#sawla #gofa #gofazone #streetrun #masqala #ethiopianews #getutemesgen #getu #ጌጡ #ጌጡተመስገን #addisababa

“ኢትዮጵያ ጎዳና” — በኢየሩሳሌም የሚኖር የኢትዮጵያ ታሪክ አሻራ

ኢየሩሳሌም፣ እስራኤል
#ethiopia | በእስራኤል ቅዱስት ከተማ ኢየሩሳሌም መሃል ላይ አንድ አጭር ጎዳና አለ። በዓይን ሲታይ ከከተማዋ ብዙ ጎዳናዎች የተለየ ላይመስል ይችላል፤ ስሙን ግን ሲያነቡት የሩቅ አገር ስም ያስተጋባል።

“Ethiopia Street — የኢትዮጵያ ጎዳና”።

ይህ ጎዳና በኢየሩሳሌም መሃል፣ ከStreet of the Prophets (HaNevi'im Street) የሚወጣ ሲሆን ከብሉይ ከተማዋ ውጭ በተገነቡት ታሪካዊ አካባቢዎች መካከል ይገኛል። የጎዳናው ስም ግን በቀጥታ ከኢትዮጵያውያን ማኅበረሰብና ከኢትዮጵያ ኦርቶዶክስ ተቋማት ታሪክ ጋር የተያያዘ ነው።

ከ“ሐበሻ” ወደ “ኢትዮጵያ”

ዛሬ “Ethiopia Street” የሚባለው ይህ ጎዳና በቀድሞ ዘመን Abyssinian Street ወይም Habashim Street ተብሎ ይጠራ ነበር። በአካባቢውም “Habashim” የሚለው ስም ከኢትዮጵያውያን ማኅበረሰብ ጋር ተያይዞ ይጠቀም ነበር።

በብሪታንያ ማንዴት ዘመን ጎዳናው Abyssinian Street በመባል ይታወቅ ነበር። በኋላ ግን የስያሜው አጠቃቀም ተቀይሮ፣ በታኅሣሥ 1968 “Ethiopia Street” ተብሎ ተሰየመ። የዚህ ለውጥ ዋና ትርጉም የ“Habashim/Abyssinian” የቆየ ስያሜን በአገሪቱ የዘመኑ ስም “Ethiopia” መተካት ነበር።

በእርግጥም የጎዳናው ስም ለውጥ የተመዘገበበት የ1968 የጋዜጣ ማስረጃም በእስራኤል ብሔራዊ ቤተ-መጻሕፍት የጋዜጣ ስብስብ ውስጥ እንዳለ ምንጮች ያመለክታሉ።

የጎዳናው ስም ከመጣበት በላይ የሚነግረው ታሪክ

“Ethiopia Street” የሚለው ስም በዘፈቀደ የተሰጠ አይደለም።

ከ19ኛው መቶ ዘመን ጀምሮ የኢትዮጵያ መንግሥታዊና ሃይማኖታዊ ተወካዮች በኢየሩሳሌም ከብሉይ ከተማዋ ውጭ መሬት መግዛትና ሕንፃዎችን መገንባት ጀመሩ። የንጉሥ ምኒልክ ዳግማዊ ባለቤት እቴጌ ጣይቱ ብጡልና ራስ መኮንን ጨምሮ ከኢትዮጵያ ጋር የተያያዙ ባለሥልጣናት በአካባቢው በርካታ ሕንፃዎች እንዲገነቡ አድርገዋል።

ስለዚህ ጎዳናው የኢትዮጵያ ስም ብቻ የተሰጠው ቦታ ሳይሆን፣ ኢትዮጵያውያን በኢየሩሳሌም ያላቸውን የረጅም ዘመን መገኘት በሕንፃና በተቋማት የሚያሳይ ታሪካዊ አካባቢ ነው።

ኪዳነ ምሕረት — በጎዳናው ላይ የሚገኘው የኢትዮጵያ ምልክት

ከጎዳናው በጣም የሚለየው ታሪካዊ ሕንፃ ኪዳነ ምሕረት ቤተክርስቲያን ነው።

ቤተክርስቲያኑ በደብረ ገነት ገዳም ግቢ ውስጥ ይገኛል። የግንባታው ሥራ በአፄ ዮሐንስ አራተኛ ዘመነ መንግሥት በ1880ዎቹ መጀመሩን ምንጮች ያመለክታሉ፤ በ1893 በአፄ ምኒልክ ዳግማዊ ዘመን ተመርቋል።

የኪዳነ ምሕረት ሕንፃ በባህላዊ የኢትዮጵያ ክብ ቤተክርስቲያን አሠራር የተገነባ መሆኑ ልዩ ያደርገዋል። በደብረ ገነት ገዳምም የኢትዮጵያ መነኮሳት ሃይማኖታዊ ሕይወታቸውን ይቀጥላሉ።

በዚህም ምክንያት ጎዳናው ከቤተክርስቲያኑ ታሪክ ጋር በጥብቅ የተሳሰረ ነው።

ኢትዮጵያውያን ከብሉይ ከተማ ወደ አዲሲቱ ኢየሩሳሌም

የኢትዮጵያ ኦርቶዶክስ መገኘት በኢየሩሳሌም ከEthiopia Street በጣም የሚረዝም ታሪክ አለው።

የኢትዮጵያ መነኮሳት በኢየሩሳሌም ከቀደምት ዘመናት ጀምሮ እንደነበሩ ምንጮች ይጠቁማሉ። በብሉይ ከተማዋም Deir al-Sultan የተባለው የኢትዮጵያ ገዳም ከቅዱስ መቃብር ቤተክርስቲያን አጠገብ የኢትዮጵያውያን የረጅም ዘመን መገኘት ምልክት ነው።

በ19ኛው መቶ ዘመን ግን የኢትዮጵያ መገኘት ከብሉይ ከተማዋ ውጭ በአዲሲቱ ከተማ እየተስፋፋ መጣ። ይህም ኪዳነ ምሕረትን፣ ደብረ ገነትን፣ የመኖሪያ ሕንፃዎችን እና በኋላ የኢትዮጵያ ቆንስላን የመሳሰሉ ተቋማትን ያካተተ ሆነ።

የንጉሥ ምኒልክ ዳግማዊ ሕንፃ

በEthiopia Street ቁጥር 8 ላይ የሚገኘው ሕንፃም ከኢትዮጵያ ንጉሣዊ ታሪክ ጋር የተያያዘ ነው።

ሕንፃው በአፄ ምኒልክ ዳግማዊ ተነሳሽነት እንደተገነባ የታሪክ ምንጮች ያስረዳሉ። የኪራይ ገቢውም ለቤተክርስቲያኑና በኢየሩሳሌም ለሚከናወኑ የኢትዮጵያ ሥራዎች ለመዋል የታሰበ ነበር።

ይህ የሚያሳየው ደግሞ የኢትዮጵያ መገኘት በኢየሩሳሌም በሃይማኖት ብቻ ያልተወሰነ መሆኑን ነው፤ መኖሪያ፣ ንብረት፣ ዲፕሎማሲ እና ማኅበራዊ ተቋማትንም ያካተተ ነበር።

የኢትዮጵያ ቆንስላና የዲፕሎማሲ አሻራ

በአቅራቢያው በProphets Street የሚገኘው የኢትዮጵያ ቆንስላ ሕንፃ ሌላው የኢትዮጵያ ታሪካዊ አሻራ ነው። ሕንፃው በ1928 እንደተቋቋመ ምንጮች ይጠቁማሉ። የኢየሩሳሌም ታሪክ ምንጮችም በዚያ ወቅት ኢትዮጵያ በከተማዋ የዲፕሎማሲ መገኘት ያላት ልዩ የአፍሪካ አገር እንደነበረች ያስታውሳሉ።

ይህም Ethiopia Street እና አካባቢው በኢትዮጵያ–ኢየሩሳሌም ግንኙነት ውስጥ ሃይማኖታዊ ቦታ ብቻ ሳይሆን የዲፕሎማሲና የማኅበራዊ ታሪክ ማስረጃም መሆኑን ያሳያል።

አፄ ኃይለ ሥላሴና ኢየሩሳሌም

የኢትዮጵያ ንጉሣዊ ቤተሰብ ከኢየሩሳሌም ጋር የነበረው ትስስር በአፄ ኃይለ ሥላሴ ዘመንም ቀጥሏል።

እ.ኤ.አ. በ1936 ጣሊያን ኢትዮጵያን ከወረረች በኋላ አፄ ኃይለ ሥላሴ በስደት ወቅት ኢየሩሳሌምን ጎብኝተው ከተማዋ ውስጥ ለተወሰነ ጊዜ እንደቆዩ የታሪክ ምንጮች ይመዘግባሉ።

ይህ የሚያሳየው ኢየሩሳሌም ለኢትዮጵያ የእምነት መዳረሻ ብቻ ሳትሆን፣ በኢትዮጵያ የፖለቲካና የንጉሣዊ ታሪክ ውስጥም ልዩ ቦታ እንደነበራት ነው።

አንድ ጎዳና፣ ብዙ ታሪኮች

ዛሬ በኢየሩሳሌም የሚገኘውን Ethiopia Street ስንመለከት፣ አንድ የጎዳና ስም ብቻ አናይም።

በዚያ የኢትዮጵያ ኦርቶዶክስ ቅርስ አለ፤
የንጉሣዊ ቤተሰብ አሻራ አለ፤
የዲፕሎማሲ ታሪክ አለ፤
የኢትዮጵያውያን መነኮሳትና ምዕመናን የረጅም ዘመን መገኘት አለ፤
እንዲሁም በኢየሩሳሌም የተገነባ የኢትዮጵያ ታሪካዊ ሕንፃ ቅርስ አለ።

የከተማዋ ታሪክ ምንጮችም Ethiopia Street ከProphets Street ጋር በመያያዝ ከብሉይ ከተማ ወደ አዲሲቱ ከተማ የሚዘረጋ ታሪካዊ፣ ሥነ-ሕንፃዊና ሃይማኖታዊ የከተማ አካባቢ እንደሆነ ይገልጻሉ።

የዛሬው ትርጉም

በ1968 ከ“Abyssinian Street” ወደ “Ethiopia Street” የተቀየረው ስም ዛሬም በኢየሩሳሌም ይገኛል።

ይህ የጎዳና ስያሜ ኢትዮጵያ በኢየሩሳሌም ያላትን ታሪካዊ መገኘት በከተማዋ የሚያስታውስ የቦታ ስም ሆኖ ቀጥሏል። ዛሬም በEthiopia Street ላይ የሚገኘው ኪዳነ ምሕረት እና ደብረ ገነት የኢትዮጵያ ኦርቶዶክስ ታሪክ በኢየሩሳሌም በሕያው ተቋም መቀጠሉን ያሳያሉ።

ኢየሩሳሌምን ለሚጎበኝ ኢትዮጵያዊ፣ “Ethiopia Street” የሚለው ስም በካርታ ላይ ያለ ስም ብቻ አይደለም። የቀደሙት ትውልዶች በኢየሩሳሌም ያሳረፉትን አሻራ የሚያስታውስ ታሪካዊ ምልክት ነው።

አንድ ጎዳና — ከሐበሻ ስም ወደ ኢትዮጵያ ስም፤ ከቤተክርስቲያን ወደ ዲፕሎማሲ፤ ከታሪክ ወደ ዛሬ።

Ethiopia Street — Jerusalem

Getu Temesgen - (ጌጡ ተመስገን)

​#jerusalem #ethiopiastreet #ethiopianhistory #kidanemihret #debregenet #israel #ethiopia #getutemesgen #getu #ጌጡ #ጌጡተመስገን #addisababa

ሎተስ — የሕንድ ብሔራዊ አበባ

* ከጭቃ ውስጥ ወጥቶ የንጽሕና፣ የመንፈሳዊነትና የሕይወት መነቃቃት ምልክት የሆነው አበባ

የጉዞ ማስታወሻ ( ክፍል - 18)
#ethiopia | ማኖጅ - Manoj V P.K. Vasudevan በመላ ሕንድ ( PAN INDIA) — እንዲያስጎበኝን የፕላቲኒየም ደረጃ (PLATINUM) ፈቃድ ተሰጥቶታል። የሕንድ መንግሥት የቱሪዝም ሚኒስቴር “Incredible India Tourist Guide” መታወቂያ ይዟል።

ማኖጅ ቪ - ለጉዟችንም፣ ለመረጃችንም በእጅጉን ጠቅሞናል። ሳይሰለች ፡ ሳይደክም በመንገድ ላይ እንደወይን ጠጅ የጣፈጡ ታሪኮችን በጥልቀት አጠጥቶናል።

ክብር ምስጋና - ለማኖጅ ቪ ይሁን።

በመንገድ ላይ ሎተስ አበባ ከወንዝ ዳርቻ ተመለከትኩ።

ሎተስ (Lotus)፣ በሳይንሳዊ ስሙ Nelumbo nucifera፣ የሕንድ ብሔራዊ አበባ ነው። በሕንድ ባህል ውስጥ ሎተስ ከአበባነት በላይ ትርጉም ያለው ምልክት ነው፤ በሃይማኖት፣ በፍልስፍና፣ በሥነ-ጥበብ፣ በሥነ-ሕንፃና በየዕለቱ የሕንድ ባህላዊ ምስል ውስጥ በጥልቅ የተሰረጸ ነው።

የሕንድ የባህል ተቋማትም ሎተስን በተለያዩ የሕንድ ቅርስ፣ ሥነ-ጥበብና የመንፈሳዊ ትርክቶች ውስጥ ያሳያሉ።

ሎተስ ምንድን ነው? - ስል ማኖጅን ጠየኩት።
እኔ እጠይቃለሁ - እርሱ ይመልሳል።

ሎተስ በውሃ ውስጥ የሚያድግ የውሃ ተክል ነው። ሥሩ በጭቃማ የውሃ ውስጥ ይገኛል፤ ግን ቅጠሉና አበባው ከውሃው ላይ ወጥተው ይታያሉ።

ይህ ባህሪው ለሕንዳውያን የጥልቅ ፍልስፍና ምሳሌ ሆኗል፦

“በጭቃ ውስጥ ቢያድግም ከጭቃው ንጹሕ ሆኖ ይወጣል።”

ስለዚህ ሎተስ ችግር ውስጥ እያለ ንጽሕናን መጠበቅ፣ ከአስቸጋሪ ሁኔታ ውስጥ ውበትን ማፍራትና ከጨለማ ወደ ብርሃን መውጣት የሚለውን ሐሳብ ይወክላል።

ሎተስና የሕንድ መንፈሳዊነት

ሎተስ በሂንዱ ሃይማኖታዊ ባህል እጅግ የተከበረ ነው። በብዙ የሕንድ ሥነ-ጥበብ ሥራዎች አማልክትና የመንፈሳዊ ምስሎች በሎተስ ላይ ቆመው ወይም ተቀምጠው ይታያሉ።

በተለይ ላክሽሚ (Lakshmi)፣ የብልጽግናና የሀብት አምላክት፣ በሎተስ ላይ ተቀምጣ በሚያሳይ ምስል በስፋት ትታወቃለች። ሎተስ ከብልጽግና፣ ውበትና ንጽሕና ጋር ይያያዛል።

በተጨማሪም በሕንድ ባህል ውስጥ ሎተስ ከፈጠራና ከመነሻ ጽንሰ-ሐሳቦች ጋር የተያያዙ ትርክቶች ይዟል።

በቡድሂዝም ውስጥ ያለው ትርጉም

ሎተስ በቡድሂስት ባህልም ከፍተኛ ምልክታዊ ትርጉም አለው።

የሰው ልጅ ከዓለማዊ መከራ፣ ጭንቀትና ፈተና ውስጥ እያለ ወደ ጥበብና መንፈሳዊ ንቃት ሊደርስ እንደሚችል ይወክላል።

ስለዚህ የሎተስ ምስል በቡድሂስት ቅርጻ-ቅርጽና ሥዕል ውስጥ በብዛት ይገኛል።

ለምን የሕንድ ብሔራዊ አበባ ሆነ?

ሎተስ ከሕንድ ሥልጣኔ ጋር ለረጅም ጊዜ የተያያዘ ተክል ነው። በሕንድ ታሪክ፣ ሥነ-ጥበብ፣ ሃይማኖታዊ ሥርዓቶችና ሥነ-ጽሑፍ ውስጥ የሚደጋገም ምስል ነው።

በመንፈሳዊ አስተሳሰብም ንጽሕናን፣ ትዕግሥትን፣ ውበትንና መነቃቃትን ስለሚወክል እንደ ብሔራዊ ምልክት ተስማሚ ሆኗል።

የሕንድ የባህል ሚኒስቴር ሰነዶች በሕንድ ብሔራዊ ምልክቶች መካከል ሎተስ - National Flower ሆኖ መመዝገቡን ያትታል።

ሎተስ በሕንድ ሥነ-ጥበብ

ሎተስ በሕንድ ሥዕል፣ ቅርጻ-ቅርጽ፣ ጌጣጌጥ፣ ጨርቃ-ጨርቅና ሥነ-ሕንፃ ውስጥ በብዛት ይገኛል።

የሕንድ የባህል ቅርስ ማስተዋወቂያ ሥራዎችም የሎተስ ምስል በተለያዩ የባህል ዕቃዎችና የጥበብ ሥራዎች ውስጥ ይታያሉ።

በተለይ የሎተስ ቅርጽ የተፈጥሮ ውበትን ከመንፈሳዊ ምልክት ጋር ያጣምራል።

ከተፈጥሮ ወደ ሥነ-ሕንፃ

በሕንድ ሥነ-ሕንፃም የሎተስ ቅርጽ በጣም የታወቀ ነው። የሎተስ አበባ የሚከፈትበት ቅርጽ እንደ መክፈት፣ መነቃቃትና ወደ ብርሃን መውጣት ተተርጉሞ በሕንድ የሥነ-ሕንፃ ባህል ውስጥ ተጠቅሷል።

የሎተስ ቀለም ምን ይወክላል?

ሮዝ ሎተስ — በተለይ ከመንፈሳዊነትና ከመለኮታዊ ክብር ጋር ይያያዛል።

ነጭ ሎተስ — ንጽሕናንና መንፈሳዊ ጸጥታን ይወክላል።

ሰማያዊ ሎተስ — በአንዳንድ የሥነ-ጥበብና መንፈሳዊ ትርጉሞች ጥበብና እውቀትን ያመለክታል።

ከጭቃ ወደ ውበት — የሕንድ ፍልስፍና

ሎተስን ከሕንድ ጋር የሚያገናኘው ትልቁ ምስላዊ መልዕክት ይህ ነው፦

ሥሩ በጭቃ ውስጥ ነው፤ ግን አበባው በውሃው ላይ ይከፈታል።

ይህ ለሕንድ ሥልጣኔ አንድ የሚያምር ፍልስፍናዊ ምሳሌ ሊሆን ይችላል፤ ሰው በዓለም ውስጥ ቢኖርም በዓለም አሉታዊ ጎኖች ሳይበከል ንጹሕ ሆኖ መኖር ይችላል የሚል ሐሳብ።

ስለዚህ ሎተስ ለሕንድ ብሔራዊ አበባ ብቻ አይደለም፤ የሕንድን የብዙ ሺህ ዓመታት ባህላዊ፣ መንፈሳዊና ፍልስፍናዊ ቅርስ የሚወክል ኃይለኛ ምልክት ነው።

የጉዞ ማስታወሻ ( ክፍል - 19)
ይቀጥላል ....

Getu Temesgen - (ጌጡ ተመስገን)
#india in Ethiopia (Embassy of India, Addis Ababa) #indiaethiopia #brics #financialcooperation #banking #economiccooperation #ministry of External Affairs, #government of IndiaIndia in Ethiopia (Embassy of India, #addis Ababa)Press Information Bureau - PIB, #government of IndiaDiaspora India ConnectMinistry of Information & Broadcasting, #government of #indiamygovindiaddnewsliveasian News #international (ANI)All India Radio News #india in ethiopia (embassy of india addis ababa) #manohar Lal #ethiopian Airlines #ministry of External Affairs
Government of India
# India - External Publicity & Public Diplomacy Division External Language Media Section #mr . Amit Raghav, Publicity Officer (XLM) #unesco #brics #bricssummit #india #newdelhi #diplomacy #economy #putin #modi #getutemesgen #getu #ጌጡ #ጌጡተመስገን #addisababa

በጀርመን የሚኖሩ ኢትዮጵያዊ ለሀገራቸው 162 የኦሎምፒክ ደረጃ የጁዶ ማሰልጠኛ ምንጣፎችን አበረከቱ
#ethiopia | በጀርመን በርሊን ነዋሪ የሆኑት የዲያስፖራ አባል ዶክተር ጸጋዬ ደግነህ ከዓለም አቀፉ የጁዶ ፌዴሬሽን ጋር በመተባበር 162 የኦሎምፒክ ደረጃ ያላቸው የጁዶ ማሰልጠኛ ምንጣፎችን ለኢትዮጵያ በስጦታ አበርክተዋል።

ይህ የተደረገው ድጋፍ የማሰልጠኛ ምንጣፎቹን ዋጋ፣ የማጓጓዣና የዴሙሬጅ ወጪዎችን ጨምሮ በአጠቃላይ 30 ሺህ የአሜሪካ ዶላር እንደሚገመት የኢትዮጵያ ዲያስፖራ አገልግሎት ዋና ዳይሬክተር አምባሳደር ፍጹም አረጋ አስታውቀዋል።

አምባሳደር ፍጹም ባስተላለፉት መልዕክት፣ በጀርመን የሚገኘው የኢትዮጵያ ኤምባሲና የዲያስፖራ አገልግሎቱ የስጦታ ሂደቱ በስኬት እንዲጠናቀቅ አስፈላጊውን ድጋፍ ማድረጋቸውን ገልጸዋል።

የስጦታ ማስረከቢያና የምረቃ ሥነ ስርዓቱ በአዲስ አበባ በሚገኘው የአድዋ ድል መታሰቢያ ሙዚየም የተካሄደ ሲሆን፣ ከዲያስፖራ አገልግሎቱ የተወከሉ ዳይሬክተር በቦታው ተገኝተዋል።

ይህ ዓይነቱ ድጋፍ የኢትዮጵያ ዲያስፖራ አባላት ከእናት ሀገራቸው ጋር ያላቸውን ቁርኝት የሚያጠናክርና ለሀገራዊ ልማት የሚያበረክቱትን የጎላ ሚና የሚያሳይ መሆኑን አምባሳደሩ ጠቁመዋል።

ስፖርት ጤናማና ጠንካራ ማኅበረሰብ ለመገንባት በሚደረገው ጥረት ውስጥ ትልቅ ድርሻ እንዳለው የገለጹት አምባሳደር ፍጹም፣ እንደ ጁዶ ያሉ የማርሻል አርት ስፖርቶች በሕፃናትና ወጣቶች ዘንድ ሥነ ምግባርን፣ ድፍረትን፣ ጽናትን፣ ኃላፊነትንና መከባበርን ለማስረጽ ከፍተኛ አስተዋጽኦ እንደሚያደርጉ ተናግረዋል።

ከ18 ዓመታት በፊት ዘመናዊ የጁዶ ስፖርትን ወደ ኢትዮጵያ ያስገቡት ዶክተር ጸጋዬ ደግነህ፣ በስፖርቱ የዕውቀት ሽግግር ከመስጠታቸው ባሻገር በሕዝብ ዲፕሎማሲ፣ በሥራ ባህል፣ በፕሮጀክት አመራርና በዲጂታል አስተሳሰብ ዘርፎች ሀገራቸውን ሲደግፉ መቆየታቸው ተገልጻል።

ዶክተር ጸጋዬ በጀርመን በሚገኘው የሜርሴዲስ ቤንዝ ኩባንያ የሙሉ ጊዜ ሠራተኛ ሲሆኑ፣ በዓለም አቀፉ የጁዶ ፌዴሬሽን ሥር የሚገኘው የጁዶፎር ፒስ ኮሚሽነርና ዋና ተናጋሪ ናቸው።

በተጨማሪም ዶክተር ጸጋዬ በጀርመን ፕሬዚዳንት የሚሰጠውን የከበረ የክሮስ ኦፍ ሜሪት ሽልማት የተቀበሉ ሲሆን፣ አምባሳደር ፍጹም አረጋ ለሀገራቸው ለሚያደርጉት ቀጣይነት ያለው ድጋፍና ቁርጠኝነት ላቅ ያለ ምስጋና አቅርበውላቸዋል።
#ethiopia #judo #diaspora #ijf #addisababa #adwamuseum #ኢትዮጵያ #ጁዶ #ዲያስፖራ #ስፖርት #አድዋሙዚየም #getutemesgen #getu #ጌጡ #ጌጡተመስገን #addisababa