ከትራምፕ ዛቻ በኋላ የቡድን 7 አገራት ከክምችታቸው 100 ሚሊዮን በርሜል ነዳጅ እና ናፍጣ ሊለቁ ነው

የቡድን ሰባት አገራት የዋጋ ንረት ያስከተለውን የአቅርቦት ችግርን ለማቃለል 100 ሚሊዮን በርሜል ነዳጅ እና ናፍጣ እንደሚለቅቁ አስታወቁ።
የቡድን ሰባት መሪዎች በሰጡት መግለጫ፣ ይህ በ20 ቀናት ውስጥ የሚለቀቀውን ነጭ ናፍጣ የሚያካትት ሲሆን "አስፈላጊ ከሆነ ተጨማሪ ናፍጣ ለመልቀቅ ውይይት ይደረጋል" ብለዋል።
አሜሪካን ጨምሮ የላቀ ምጣኔ ሃብት ያላቸው የቡድኑ አባል አገራት፣ እርምጃው ወዲያውኑ ተግባራዊ መሆን እንደሚጀምር እና ለአራት ወራት ያህል እንደሚቆይ ገልጸዋል።

የአሜሪካው ፕሬዚደንት ዶናልድ ትራምፕ የአሜሪካን ነዳጅ ወደ ውጪ እንዳይላክ እገዳ እንደሚጥሉ ካስፈራሩ በኋላ በተላለፈው ውሳኔ መሠረትም በቡድን ሰባት አባል አገራት መካከል ኢነርጂን እና የኢነርጂ ውጤቶችን ወደ ውጪ መላክ የሚከለክል ምንም ዓይነት ገደብ አይኖርም ተብሏል።
ቡድን ሰባት አሜሪካ፣ ዩናይትድ ኪንግደም፣ ካናዳ፣ ጃፓን፣ ጀርመን፣ ጣልያን እና ፈረንሳይን የሚይዝ ሲሆን አውሮፓ ኅብረትም በስብሰባዎቹ ተወክሏል።
ትራምፕ ቀደም ብሎ የአውሮፓ አገራት ከክምችታቸው ነዳጅ ወደ ገበያ ለመልቀቅ ካልተስማሙ ከአሜሪካ ናፍጣ ወደ ውጪ እንዳይላክ እንደሚያግዱ አስጠንቅቀው ነበር።
ይህንን ተከትሎ የቡድን ሰባት አገራት ከነዳጅ ክምችታቸው ወደ ገበያ ለመልቀቅ መስማማታቸው በመጪው ወር ከሚካሄደው የአሜሪካ የአጋማሽ ዘመን ምርጫ አስቀድሞ ለአሜሪካ ሸማቾች የዋጋ ንረትን እንደሚያቃልል ተገልጿል።
ትራምፕ አርብ ዕለት በማኅበራዊ ሚዲያ ገጻቸው ባጋሩት ጽሑፍ " አውሮፓውያን ከነጭ ናፍጣ ክምችታቸው በብዛት ለመልቀቅ ተስማምተዋል፤ ሒደቱም ወዲያውኑ ይጀምራል" ብለዋል።

የግምጃ ቤት ኃላፊው ስኮት ቢሴንትም ቀደም ብለው በዋጋ ንረቱ "የአሜሪካ አርሶ አደሮች ፣ የከባድ መኪና አሽከርካሪዎች እና የንግድ ተቋማት ጫናውን መሸከም የለባቸውም" ሲሉ አሳስበው ነበር።
ትራምፕ በኋላ ላይ በዋይት ሃውስ በተናገሩበት ወቅት ግን "ነጭ ናፍጣ ወደ ውጭ የመላክ እገዳ ጠረጴዛ ላይ አልነበረም" ብለዋል።
ቡድን ሰባት ከክምችቱ ነዳጅ ለመልቀቅ ያሳለፈውን ውሳኔ በመጥቀስም ፤ "አውሮፓ ያደረገው በጣም ትልቅ ነገር ነው" ሲሉ ውሳኔውን አድንቀዋል።
"አውሮፓ ብዙ ነጭ ናፍጣ አለው፤ ለዓለም ትልቁን አስተዋፅኦ ያደረጋል፤ እኛም እንደዚያው" ያሉት ትራምፕ ከአሜሪካ ነዳጅ እንዳይላክ እንደማያግዱ አስታውቀዋል። " ማድረግ ያለብንን እናደርጋለን" ብለዋል።

ትራምፕ ነጭ ናፍጣ ወደ ውጭ እንዳይላክ እገዳ እንደሚጥሉ ያስታወቁት ባለፈው ሳምንት መጀመሪያ ላይ ሲሆን አስተዳደራቸው አውሮፓ ከክምችቱ እንዲለቅ ጫና ሲያደርግ ቆይቷል።
ውሳኔው የተላለፈበትን ስብሰባ የመሩት የፈረንሳዩ ፕሬዝዳንት ኢማኑኤል ማክሮን ፣ ኅብረቱ በዓለም አቀፍ የኢነርጂ ኤጀንሲ (አይኢኤ) ትብብር ሥር "እስከ 100 ሚሊዮን በርሜል" የሚደርስ ክምችት በአራት ወራት ውስጥ ለመልቀቅ መስማማቱን" ተናግረዋል።
ሆኖም የትኞቹ አገራት እንደሚለቅቁ እንዲሁም በምን ያህል ፍጥነት እንደሚለቅቁ እስካሁን ግልጽ አይደለም።

ነጭ ናፍጣ በተለይ በትራንስፖርት ኢንደስትሪው እና በግብርናው ዘርፍ በብዛት ጥቅም ላይ የሚውል ሲሆን የዋጋው ንረት ምግብን ጨምሮ በተለያዩ ወሳኝ ፍጆታዎች ላይ የዋጋ ጭማሪን አስከትሏል።
ግማሽ የሚሆነው የዩኬ ናፍጣ ከውጭ የሚገባ ሲሆን ከዚህ ውስጥ 31 በመቶ የሚሆነው ከአሜሪካ የሚላክ ነው።
በውሳኔው አሜሪካ ለመጣል ስታስፈራራ የነበረውን እገዳ ማስቀረት መቻሉም ዩኬን ጨምሮ ከውጪ በሚመጣ ነዳጅ ላይ ጥገኛ ለሆኑ አገራት እፎይታን የሚሰጥ ነው ተብሏል።
አሜሪካ በዓለማችን ከፍተኛው ነጭ ናፍጣ ከሚያቀርቡ አገራት መካከል አንዷ ናት። እንደ የአሜሪካ ኢነርጂ ኢንፎርሜሽን አስተዳደር መረጃ ከሆነ በአገር ውስጥ ያላት ማጣሪያ በየቀኑ ከአራት እስከ አምስት ሚሊዮን በርሜል ያመርታል።

ከዚህ ውስጥ 3.6 ሚሊዮኑን አሜሪካውያን የሚጠቀሙበት ሲሆን የነዳጅ አጣሪዎች በቀን ከ1.2 እስከ 1.5 ሚሊዮን በርሜል ናፍጣ ወደ ውጪ ይልካሉ። ይህም አሜሪካን በዓለም ገበያ ወሳኝ አቅራቢ አድርጓታል።
ዋነኛ የነዳጅ አምራች የሆነችው ሩሲያ በነዳጅ ማጣሪያዎቿ ላይ በዩክሬን የተፈፀመባትን ጥቃት ተከትሎ ነጭ ናፍጣን ወደ ውጭ እንዳይላክ አግዳለች። ይህም የአቅርቦት እጥረቱን አባብሶታል።

ነጭ ናፍጣ ከቤንዚን የበለጠ ለማጣራት አስቸጋሪ ቢሆንም ፣ በትራንስፖርት ኢንደስትሪው እና በግብርናው ዘርፍ ጥቅም ላይ ስለሚውል ፍላጎትን መቀነስ አስቸጋሪ ነው።

BBC

" በ48 ሰዓት ውስጥ ኢትዮጵያ ለቃችሁ ውጡ ! " - ኢትዮጵያ

የኢትዮጵያ የውጭ ጉዳይ ሚኒስቴር በኤርትራ። አስመራ የሚገኘውን የኢትዮጵያ ኤምባሲ ለመዝጋት መወሰኑን አስታውቋል።

ሚኒስቴሩ ኤርትራ በኢትዮጵያ ላይ ለፈጸመችው ቀጥተኛ እና ተዘዋዋሪ የጠብ አጫሪነት እና የትንኮሳ ድርጊቶች ምላሽ ለመስጠት በአስመራ፣ ኤርትራ የሚገኘውን ኤምባሲውን ለመዝጋት ወስኗል።

ሚኒስቴሩ በቪየና የዲፕሎማሲ ስምምነትን በመጣስ ለብሔራዊ ደህንነት ስጋት ፈጥረዋል የተባሉ አስር ኤርትራውያን ዲፕሎማቶች በ48 ሰዓታት ውስጥ ኢትዮጵያን እንዲለቁ ትዕዛዝ ሰጥቷዋል።

ኢትዮጵያ ከኤርትራ ጋር ያላትን ታሪካዊ እና የህዝብ ትስስር እንደምታከብርና አለመግባባቶችን በሰላማዊ መንገድ እንዲፈቱ ቁርጠኛ መሆኗን የሚኒስቴሩ መግለጫ ያመለክታል።

መስከረም 21 ቀን 2019 ዓ/ም

@tikvahethiopia ጃፓን ህወሓት/TPLF ወስዷል ያለችውን ወታደራዊ እርምጃ እንደምታወግዝ ገለጸች። የጃፓን መንግሥት በሰሜናዊ ኢትዮጵያ  እየተባባሰ የመጣውን የጸጥታ ሁኔታ አስመልክቶ ጥልቅ ስጋቱን ገልጿል። ህዝባዊ ወያኔ ሓነት ትግራይ (TPLF) በክልሉ የሚገኙ አውሮፕላን ማረፊያዎችን መቆጣጠርን ጨምሮ የወሰዳቸውን ወታደራዊ እርምጃዎች አውግዟል። ሁሉም አካላት ወታደራዊ ውጥረትን እንዲያረግቡና አለመግባባቶችን በውይይት…

በዕርዳታ ሰራተኞች እና ንብረቶች ላይ የሚደርሰው ጥቃት በእጅጉ እንዳሳሰባቸው የተመድ የሰብአዊ ጉዳዮች አስተባባሪ አስታወቁ።
​
በኢትዮጵያ የተባበሩት መንግስታት ድርጅት (ተመድ) የነዋሪዎች እና የሰብአዊ ጉዳዮች አስተባባሪ ኦዞኒያ ኦጂየሎ (ዶ/ር) በሰሜን ኢትዮጵያ ያለውን ተለዋዋጭ ሁኔታ አስመልክቶ ዛሬ መግለጫ አውጥተዋል።

አስተባባሪው በመግለጫቸው በተለይም በቀደመው ግጭት ተፈናቅለው የነበሩ ዜጎች ለተደራራቢ የደህንነት ስጋት መጋለጣቸው እና አዳዲስ መፈናቀሎች መከሰታቸው በሰላማዊ ሰዎች ጥበቃ ላይ ከፍተኛ ስጋት ፈጥሯል ብለዋል።

​የሰብአዊ እርዳታ ማህበረሰብ በተጎዱ አካባቢዎች ድጋፍ መስጠቱን ቢቀጥልም፣ በተለይ በቅርቡ በሰሜኑ የአገሪቱ ክፍል ከተከሰተው ውጥረት መባባስ ጋር ተያይዞ በዕርዳታ ሰራተኞች፣ በንብረቶች፣ በቢሮዎች እንዲሁም በሲቪል መሰረተ ልማቶች ላይ የሚደርሱ ጥቃቶች በእጅጉ እንዳሳሰቧቸው ገልጸዋል።

​እንደ መግለጫው ማብራሪያ ​በፈረንጆች 2025 እና 2026 መካከል በተጎዱ አካባቢዎች የሚንቀሳቀሱ የዕርዳታ ድርጅቶች ከፍተኛ የስራ መስተጓጎል ገጥሟቸዋል።

​በታጣቂ ቡድኖች ቢያንስ 10 የሰብአዊ እርዳታ ተሽከርካሪዎች የተዘረፉ ሲሆን፣ እስካሁን የተመለሱት ሁለት ብቻ ናቸው ተብሏል።

​የዕርዳታ ሰራተኞች ላይ የእገታ፣ የማስገደድ እና ወከባ ጥቃቶች የተፈጸሙ ሲሆን፣ የህዝብ ተቋማት እና መሰረተ ልማቶችም መወረራቸው፣ መውደማቸውና ጉዳት እንደደረሰባቸው ተመላክቷል።

​እነዚህ ድርጊቶች የዕርዳታ ስራዎችን ከማስተጓጎላቸውም በላይ ከፍተኛ የዕርዳታ ፍላጎት ባላቸው ማህበረሰቦች ዘንድ ወሳኝ ድጋፍ እንዳይደርስ እንቅፋት ፈጥረዋል ይላል መግለጫው።

​አስተባባሪው የዕርዳታ ሰራተኞችና ንብረቶች በአለም አቀፍ የሰብአዊ መብት ህግ መሰረት ከጥቃት የተጠበቁ መሆናቸውንና መቼም ቢሆን ኢላማ መደረግ እንደሌለባቸው አሳስበዋል።

የተዘረፉ የሰብአዊ እርዳታ ተሽከርካሪዎች በሙሉ በአፋጣኝና ያለ ምንም ቅድመ ሁኔታ እንዲመለሱ የጠየቁ ሲሆን፣ ሁሉም ወገኖች አለም አቀፍ ህጎችንና መርሆዎችን እንዲያከብሩ፣ የዕርዳታ ስራዎችን ከማደናቀፍ እንዲቆጠቡ እንዲሁም ድጋፍ ለሚያስፈልጋቸው ወገኖች ያለምንም እንቅፋት እርዳታ እንዲደርስ ሁኔታዎችን እንዲያመቻቹ ጥሪ አቅርበዋል።

​በተጨማሪም በኢትዮጵያ ውስጥ የሚሰሩ የሰብአዊ ድርጅቶች ተሽከርካሪዎቻቸውና ቁሳቁሶቻቸው በግልጽ የሚታዩ መለያዎች እንዲኖራቸው፣ የስነ-ምግባር ደንቦችን በጥብቅ እንዲከተሉ እና ከፍተኛ ስጋት ባለባቸው አካባቢዎች ሲንቀሳቀሱ አስፈላጊውን የማሳወቂያ ስርዓት እንዲተገብሩ አሳስበዋል።

ቲክቫህ ኢትዮጵያ
አዲስ አበባ
መስከረም 20 ቀን 2019 ዓ/ም

@tikvahethiopia ጃፓን ህወሓት/TPLF ወስዷል ያለችውን ወታደራዊ እርምጃ እንደምታወግዝ ገለጸች። የጃፓን መንግሥት በሰሜናዊ ኢትዮጵያ  እየተባባሰ የመጣውን የጸጥታ ሁኔታ አስመልክቶ ጥልቅ ስጋቱን ገልጿል። ህዝባዊ ወያኔ ሓነት ትግራይ (TPLF) በክልሉ የሚገኙ አውሮፕላን ማረፊያዎችን መቆጣጠርን ጨምሮ የወሰዳቸውን ወታደራዊ እርምጃዎች አውግዟል። ሁሉም አካላት ወታደራዊ ውጥረትን እንዲያረግቡና አለመግባባቶችን በውይይት…

ዓለም አቀፉ የቀይ መስቀል ኮሚቴ ግጭት ካለበት የትግራይ ክልል 161 ሰዎችን ወደ ሌላ ሥፍራ ማዘዋወሩን አስታውቋል።

ዛሬ ሰኞ መስከረም 18/2019  ባወጣው መግለጫ ከትግራይ ክልል ካስወጣቸው መካከል ፦
- የኢትዮጵያ ፌዴራል ፖሊስ አባላት እና ቤተሰቦቻቸው፣
- የኢትዮጵያ አየር መንገድ ሠራተኞች እና ቤተሰቦቻቸው፣
- የሲቪል አቪዬሽን ደኅንነት ሠራተኞች፣
- የአፍሪካ ኅብረት ታዛቢዎች እና የኢትዮጵያ ቀይ መስቀል ማኅበር አባላት ይገኙበታል።

ዓለም አቀፉ የቀይ መስቀል ኮሚቴ ፤ 161ዱን ሰዎች ከትግራይ ያዘዋወረው " ሁሉም የሚመለከታቸው ኃላፊዎች ባቀረቡት ጥያቄ እና በሰጡት ይሁንታ መሠረት፣ የገለልተኛ ሚና በመወጣት " እንደሆነ መግለጹን ቢቢሲ ዘግቧል።

መስከረም 18 ቀን 2019 ዓ/ም

@tikvahethiopia ጃፓን ህወሓት/TPLF ወስዷል ያለችውን ወታደራዊ እርምጃ እንደምታወግዝ ገለጸች። የጃፓን መንግሥት በሰሜናዊ ኢትዮጵያ  እየተባባሰ የመጣውን የጸጥታ ሁኔታ አስመልክቶ ጥልቅ ስጋቱን ገልጿል። ህዝባዊ ወያኔ ሓነት ትግራይ (TPLF) በክልሉ የሚገኙ አውሮፕላን ማረፊያዎችን መቆጣጠርን ጨምሮ የወሰዳቸውን ወታደራዊ እርምጃዎች አውግዟል። ሁሉም አካላት ወታደራዊ ውጥረትን እንዲያረግቡና አለመግባባቶችን በውይይት…

" በተወሰደው ድንገተኛ እምርጃ ተቸግረናል " - የባንክ ሒሳባቸው የታገደባቸው ዜጎች

ሰሞኑን ከተፈጠረው ወቅታዊ ሁኔታ ጋር በተያያዘ ከመስከረም 16 ቀን 2019 ዓ/ም ለሊት ጀምሮ በትግራይ ክልል የተከፈቱ የባንክ ሂሳቦች በጅምላ ታግደዋል።

በዚህም ምክንያት በርካታ ዜጎች ገንዘባቸውን አውጥተው መጠቀም፣ መገልገል አልቻሉም። በርካታ ዜጎችም እየተጉላሉ ይገኛሉ።

መልዕክታቸውን ለቲክቫህ ኢትዮጵያ የላኩ ዜጎች፤  ምክንያቱ እንኳን ሳይነገር ለምን እንዲህ ያለው እርምጃ እንደተወሰደ እንዳልገባቸእ፣ በድንገተኛው እገዳ በጣም መቸገራቸውን ፤ የመስቀል በዓልን ለማክበርም ችግር ገጥሟቸው እንደነበር ገልጸዋል።

እስካሁን ድረስ በምን ምክንያት እገዳ እንደተጣለ ለህዝብ ወጥቶ ያስረዳ አንድም አካል የለም።

አሁን ላይ ደግሞ የኢትዮጵያ ባንክ በአዲስ አበባ ያሉ ደንበኞቹ የታገደባቸውን ሒሳብ ለማንቀሳቀስ ማመልከቻ እንዲያስገቡ እያደረገ ነው።

ለደምበኞች መፍትሄ ለመስጠት በሚል 13 ቅርንጫፎች በስራ ላይ እንደሚገኙ ለማወቅ ችለናል።

እነዚህም ፦
• አዲስ አበባ ቅርንጫፍ
• አቃቂ
• ተክለሃይማኖት
• ንፋስ ስልክ
• ሾቤ አያት
• ስድስት ኪሎ
• ሲኤምሲ (CMC)
• ተፈራ ደግፌ
• መሪ
• ጠመንጃ ያዥ
• ቴሌ መድኃኔዓለም
• ጦር ኃይሎች ናቸው።

ቲክቫህ ኢትዮጵያ ዛሬ ተዘዋውሮ ምልከታ አድርጎ ነበር። በዚህም በርካታ በትግራይ የባንክ ሒሳብ ቁጥር ከፍተው የታገደባቸው ዜጎች ለማስለቀቅ ለበርካታ ሰዓታ ረጅም ሰልፍ ይዘው ታዝቧል።

ከጥዋት ጀምረው የተሰለፉ በርካታ ዜጎችንም አግኝቷል።

በተመለከትናቸው የባንኩ ቅርንጫፎች የሒሳብ ባለቤቶች (የሒሳቡ ሕጋዊ ወኪል) ወደ ተጠቀሱት ቅርንጫፎች በአካል በመቅረብ ማንነታቸውን፣ ፊርማቸውንና አስፈላጊውን መረጃ ካረጋገጡ በኋላ የታገደውን ሒሳባቸውን ወደ አዲሶቹ ቅርንጫፎች የማዛወርና የማንቀሳቀስ ቅጽ እንዲሞሉ እየተደረገ ይገኛል። ነገር ግን የሂሳብ ቁጥሮቹ መንቀሳቀስ የሚጀምሩት አስፈላጊውን የማረጋገጥ ስራ ከተሰራ በኋላ መሆኑ ታውቋል።

ቲክቫህ ኢትዮጵያ ደንበኞችን በማስተናገድ ላይ ከሚገኙት የንግድ ባንክ ሰራተኞች አንዱን አናግሯል።

ይኸው ሰራተኛ " ተገልጋዮቹ  የፋይዳ መታወቂያቸውን ኮፒ በመያዝ በአካል ባመለከቱበት በ24 ሰዓታት ወስጥ የታገደው የባንክ ሂሳባቸው ይለቀቃል " ብለዋል።

ቲክቫህ ኢትዮጵያ ለምን የባንክ ሒሳቦች እንደታገዱ ተጨማሪ ማብራሪያ ለማግኘት ይሰራል።

በትግራይ ክልልና አዋሳኝ አፋር እንዲሁም አማራ ክልሎች ዳግም ባገረሸው ጦርነት የስልክ እና የኢንተርኔት አገልግሎት እንዲሁም ወደ ትግራይ የሚደረጉ በረራዎች መቋረጣቸው ይታወቃል።

ቲክቫህ ኢትዮጵያ
መስረከም 18 ቀን 2019 ዓ/ም

@tikvahethiopia ጃፓን ህወሓት/TPLF ወስዷል ያለችውን ወታደራዊ እርምጃ እንደምታወግዝ ገለጸች። የጃፓን መንግሥት በሰሜናዊ ኢትዮጵያ  እየተባባሰ የመጣውን የጸጥታ ሁኔታ አስመልክቶ ጥልቅ ስጋቱን ገልጿል። ህዝባዊ ወያኔ ሓነት ትግራይ (TPLF) በክልሉ የሚገኙ አውሮፕላን ማረፊያዎችን መቆጣጠርን ጨምሮ የወሰዳቸውን ወታደራዊ እርምጃዎች አውግዟል። ሁሉም አካላት ወታደራዊ ውጥረትን እንዲያረግቡና አለመግባባቶችን በውይይት…

ጃፓን ህወሓት/TPLF ወስዷል ያለችውን ወታደራዊ እርምጃ እንደምታወግዝ ገለጸች።

የጃፓን መንግሥት በሰሜናዊ ኢትዮጵያ  እየተባባሰ የመጣውን የጸጥታ ሁኔታ አስመልክቶ ጥልቅ ስጋቱን ገልጿል።

ህዝባዊ ወያኔ ሓነት ትግራይ (TPLF) በክልሉ የሚገኙ አውሮፕላን ማረፊያዎችን መቆጣጠርን ጨምሮ የወሰዳቸውን ወታደራዊ እርምጃዎች አውግዟል።

ሁሉም አካላት ወታደራዊ ውጥረትን እንዲያረግቡና አለመግባባቶችን በውይይት እንዲፈቱ ጥሪ አቅርቧል።

በተጨማሪም እ.አ.አ በ2022 የተፈረመው የፕሪቶሪያ ስምምነት መከበርና ተግባራዊ መሆን ወሳኝ መሆኑን የገለጸው የጃፓን መንግሥት በአፍሪካ ህብረት (AU) የሚመራውን የሰላም ድርድር ሂደት እንደሚደግፍ አሳውቋል።

ሁኔታውን ከሚያባብሱ ድርጊቶች በመቆጠብ ለተጎዱ ወገኖች የሰብአዊ እርዳታ እንዲደርስም አሳስቧል።

ቲክቫህ ኢትዮጵያ
መስከረም 17 ቀን 2019 ዓ/ም

@tikvahethiopia የካታር መንግሥት በኢትዮጵያ ፌዴራል ኃይሎች ላይ ወታደራዊ እርምጃ መካሄዱን በመግለጽ ድርጊቱን አወገዘ። የኢትዮጵያ ፌዴራል ኃይሎች ላይ የተፈጸመው ድርጊት የሀገሪቱን አንድነትና ሉዓላዊነት እንዲሁም የአፍሪካ ቀንድ ሰላም እና መረጋጋት ላይ የከፋ ሥጋት መደቀኑን ገለጿል። ወታደራዊ ውጥረቱን እና ጠብ አጫሪ ድርጊቶችን በአስቸኳይ ማቆም፣ ሲቪሎችን መጠበቅ እንዲሁም የፕሪቶሪያን የሰላም ስምምነት አክብሮ መንቀሳቀስ…

እውነትም እድሜ ቁጥር ነው!
#ethiopia | በ90 ዓመታቸው የሰውነት ቅርጽ ውድድር አሸናፊ የሆኑት ጃፓናዊ!

90 ዓመት ሞልቷቸዋል ነገር ግን አሁንም በሰውነት ቅርጽ ውድድር ድል እየተቀናጁ ይገኛሉ።

በ90 ዓመታቸው በጃፓን በሰውነት ቅርጽ ውድድር ዋንጫዎችን በማንሳት ላይ የሚገኙት እኚህ አዛውንት አድናቆት እየጎረፈላቸው ይገኛል።

እኚህ አዛውንት ምንም አይነት ማበረታቻ መድሃኒት ወይም ተጨማሪ የኬሚካል ፕሮቲኖችን ተጠቅመው እንደማያውቁ ይናገራሉ።

በወጣትነታቸው በሰውነት ቅርጽ በርካታ ዋንጫዎችን ያሸነፉት ካናዛዋ በ34 ዓመታቸው ስፖርቱን አቁመው የነበረ ቢሆንም በ50 ዓመታቸው እንደገና ወደ ሚወዱት ውድድር ተመልሰዋል።

ለውጤታቸው ሚስጥሩ የተመጣጠነ የጃፓን ባህላዊ ምግብ ሩዝ፣ አሳ እና አኩሪ አተር በቂ እረፍት እና በቀን ለሰዓታት የሚያደርጉት ጠንካራ እንቅስቃሴ እንደሆነ ይናገራሉ።

በ90 ዓመታቸው በጃፓን ብሔራዊ የሰውነት ቅርጽ ውድድር ላይ በመሳተፍ በእድሜ አንጋፋው ተወዳዳሪ በመሆን የራሳቸውን ታሪክ አሻሽለዋል።

"እድሜ ቁጥር ነው የሚሉት እኚህ አዛውንት አዕምሮህ ካመነበት እና አካልህን ካከበርከው በየትኛውም የእድሜ ክልል ላይ ሆነህ የፈለግከውን ማሳካት ትችላለህ ብለዋል።

በአሁኑ ዘመን በሰውነት ግንባታ ስፖርት ውስጥ በርካታ ወጣቶች ፈጣን ለውጥ ለማምጣት ሰው ሰራሽ ማበረታቻዎችን በሚጠቀሙበት ወቅት እኚህ አዛውንት ለብዙዎች ትልቅ አርአያ ሆነዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #toshisukekanazawa #naturalbodybuilding #bodybuildingmotivation #fitnessmotivation

"በስልካችን ውስጥ የተሸሸገው ታላቅ ሀብት!"
#ethiopia |በየዓመቱ ከ62 ሚሊዮን ሜትሪክ ቶን በላይ የኤሌክትሮኒክስ ቆሻሻ እንደሚጣል ሪፖርት አመለከተ።

በየቀኑ አረጁ ብለን የምንጥላቸው ሞባይል ስልኮች ኮምፒውተሮችና ሌሎች የኤሌክትሮኒክስ እቃዎች ዓለማችንን በከፍተኛ ፍጥነት በቆሻሻ እያጥለቀለቋት ይገኛሉ።

በተባበሩት መንግሥታት ድርጅት የዓለም አቀፍ የኤሌክትሮኒክስ ቆሻሻ መከታተያ ሪፖርት መሠረት በየዓመቱ ከ62 ሚሊዮን ሜትሪክ ቶን በላይ የኤሌክትሮኒክስ ቆሻሻ ይጣላል።

ይህ እጅግ አስደናቂና አስገራሚ መጠን ያለው ቆሻሻ በክብደት ሲሰላ "ከቻይናው ታላቁ ግንብ" ክብደት ይበልጣል ብሏል።

አብዛኛው ሰው የማይረዳው ትልቅ ሀቅ ቢኖር በነዚህ ተጥለው በሚገኙ የኤሌክትሮኒክስ እቃዎች ውስጥ እጅግ ከፍተኛ ዋጋ ያላቸው ማዕድናት መኖራቸውን ነው።

ከተፈጥሮ የማዕድን ቦታዎች ከሚቆፈረው 1 ቶን የወርቅ ድንጋይ ውስጥ የሚገኘው የወርቅ መጠን በአማካይ ከ4 እስከ 5 ግራም ብቻ ነው።

ጥቅም ላይ ውለው ከሚጣሉ 1 ቶን ስልኮች ውስጥ ግን ከ300 እስከ 400 ግራም ወርቅ ማውጣት እንደሚቻል አረጋግጧል።

ይህም የኤሌክትሮኒክስ ቆሻሻን ከማዕድን ድንጋይ በ100 እጥፍ በላይ ሀብታም ያደርገዋል።

በየዓመቱ በሚጣሉ የኤሌክትሮኒክስ እቃዎች ውስጥ ከ60 ቢሊዮን ዶላር በላይ የሚያወጡ እንደ ወርቅ ብር መዳብ ፕላቲነም እና ፓላዲየም ያሉ ውድ ማዕድናት በከንቱ ይባክናሉ።

በአሁኑ ወቅት የቴክኖሎጂ አምራቾች ከተፈጥሮ ማዕድን ከመቆፈር ይልቅ የቆዩ ስልኮችንና ኮምፒውተሮችን መልሶ በመጠቀም ማዕድናቱን ማውጣት በጣም አትራፊ መሆኑን አረጋግጠዋል።

ለአብነት ያህል በቶኪዮ ኦሊምፒክ ወቅት የተሰጡት የወርቅ፣ የብርና የነሐስ ሜዳሊያዎች ሙሉ በሙሉ የተሰሩት የጃፓን ሕዝብ አረጁ ብሎ ከለገሳቸው አሮጌ ስልኮችና የኤሌክትሮኒክስ እቃዎች በተወጣጡ ማዕድናት ነበር።

በመሆኑም አሮጌ የኤሌክትሮኒክስ እቃዎችን ከመጣል ይልቅ መልሶ ጥቅም ላይ እንዲውሉ ማድረግ አካባቢን ከመበከል ከመጠበቁም በላይ በቢሊዮን የሚቆጠር የኢኮኖሚ ሀብት የሚያስገኝ አዲስ የቴክኖሎጂ ዘርፍ እየሆነ መጥቷል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #ewaste #recycling #urbanmining #environment #technews #sustainability

ከጃዝ ባር ባለቤትነት እስከ ዓለም አቀፍ ተደናቂ ደራሲነት!
#ethiopia | በ1949 በቶኪዮ ጃፓን የተወለደው ሃሩኪ ሙራካሚ በስነ ጽሑፍ እና በሙዚቃ ዘርፍ ውስጥ ስማቸውን የተከሉ ስመጥር ሰው ናቸው።

ሃሩኪ የዓለማችን ታዋቂ ደራሲ እሆናለሁ ብሎ አንድም ቀን አስቦ አያውቅም ነበር።

ከዩኒቨርሲቲ ምረቃ በኋላ ከባለቤቱ ጋር በቶኪዮ ትንሽ የጃዝ ባር ከፍቶ ለዓመታት በንግድ ስራ ላይ ተሰማርቶ የነበረ ቢሆንም በ1978 የቤዝቦል ጨዋታ እየተከታተለ በነበረበት ወቅት ሕይወቱን የቀየረ አዲስ አጋጣሚ ተፈጠረ።

አንድ ተጫዋች ኳሷን አርቆ ሲመታ የተመለከተው ሙራካሚ ድንገት ልብወለድ መጻፍ እንደሚችል በውስጡ ተሰማው።

ከዚያ በፊት ምንም ዓይነት ልብወለድ ጽፎ ባያውቅም በዚያው ምሽት የጽሕፈት መሳሪያዎችን በመግዛት መጽሐፉን አንድ ብሎ ጀመረ።

የመጀመሪያው መጽሐፉም ከአንድ ዓመት በኋላ ለንባብ ያበቃ ሲሆን ሙሉ ጊዜውን ለጽሕፈት ለመስጠትና ስኬታማ ደራሲ ለመሆን በሕይወቱ ስር ነቀል ለውጥ ማድረግ እንዳለበት ተገነዘበ።

ሙራካሚ ከተማራቸው ከባድ የህይወት ትምህርቶች መካከል ትርጉም ያለው ስራ ለመስራት የተለየ የሕይወት ዘይቤ ለመከተል ፈቃደኛ መሆን እንደሚገባ ይናገራል።

የጃዝ ባሩን በመዝጋት ሙሉ ጊዜውን ለጽሕፈት የሰጠ ሲሆን ጠዋት ጠዋት መጽሐፉን ተያያዘው።

ሃሩኪ አንድ ብሎ የጀመረው የድርሰት ስራው አሁን ላይ አስራ ሦስት እጅግ ተወዳጅና ተደናቂ የሆኑ የድርሰት ውጤቶች ለአንባቢያን ማድረስ ችሏል።

መሮጥ ወይም ዋና መዋኘትን ያካተተ ጥብቅ የዕለት ተዕለት ልምድ በህይወቱ አዳበረ።

ሃሩኪ ስኬቱ የመጣው ስራውን ለዓመታት በተከታታይና በጽናት በመደጋገም ነበር።

ይህን ፍልስፍናውን የሚያንጸባርቀው ታዋቂ አባባሉ “ሕመም አይቀሬ ነው መሰቃየት ግን የምርጫ ጉዳይ ነው” ይላል።

የሙራካሚ ሕይወት አዲስ የሕይወት ምዕራፍ አንዳንድ ጊዜ በጣም ትንሽ በሆነ ውሳኔ እንደሚጀምር አሳይቷል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #japan #jazzbar #book #harukimurakami #motivation

የጃፓናውያን እድሜ

በጃፓን 100 ዓመት የደፈኑ እና ከዛ በላይ የሆናቸው ሰዎች ቁጥር 100 ሺህ አለፈ።

በጃፓን ዕድሜያቸው 100 ዓመትና ከዚያ በላይ የሆኑ ሰዎች ቁጥር ለመጀመሪያ ጊዜ 100 ሺህ አልፎ 107,677 መድረሱን የሀገሪቱ ጤና ሚኒስቴር አስታወቀ።

ከእነዚህ ውስጥ 88 በመቶው ሴቶች ሲሆኑ በኪዮቶ ከተማ የሚኖሩት የ114 ዓመቷ ኪሺሞቶ ፉዮ በእድሜ እጅግ የገፉት ሴት ናቸው።

የጃፓን ጤና ሚኒስትር ኬኒቺሮ ኡኖ፤ የህክምናና የቴክኖሎጂ እድገት ሰዎች ረጅም እድሜ እንዲኖሩ ካደረጉ ምክንያቶች መካከል መሆናቸውን ገልጸዋል።

ባለሙያዎች የጃፓናውያንን ረጅም ዕድሜ ከጤናማ አመጋገብና ንቁ ከሆነ የአኗኗር ዘይቤ ጋር ያያይዙታል።

የጃፓን ምግብ በአብዛኛው ፦
- በዓሣ
- በአትክልት
- በሩዝ ላይ የተመሰረተ ሲሆን ከሌሎች ብዙ ሀገራት አንጻር የስብ መጠናቸው የቀነሰ ነው።

በጃፓን በአዛውንቶች ዘንድ በእግር መሄድ፣ ብስክሌት መጠቀምና አካልን ማንቀሳቀስ የተለመደ ነው።

እ.ኤ.አ. በ1963 በጃፓን የ100 ዓመትና በላይ ሰዎች ቆጠራ ሲጀመር 153 ብቻ የነበሩ ሲሆን አሁን ግን ቁጥሩ 107,677 ደርሷል።

ይህ በእንዲህ እንዳለ ግን የጃፓን ህዝብ እድሜ እየገፋ የልደት መጠን እየቀነሰ መሆኑ አሳሳቢ መሆኑ አልቀረም።

የ65 ዓመትና በላይ የሆኑ ሰዎች አሁን ከሀገሪቱ ህዝብ 30 በመቶ ያህሉን ይይዛሉ፤ ይህም በ2070 ወደ 40 በመቶ ሊጠጋ ይችላል።

በተመሳሳይ የልደት መጠን እየቀነሰ ሲሆን ባለፈው ዓመት የጃፓናውያን የልጆች መውለድ መጠን 1.14 በመሆን አዲስ ዝቅተኛ ሪከርድ ተመዝግቧል።

በ2070 የሀገሪቱ ህዝብ ወደ 87 ሚሊዮን ሊቀንስ እንደሚችል ተገምቷል።

ስለዚህ ጃፓን በአንድ በኩል ረጅም ዕድሜ የሚኖሩ ዜጎቿ ቁጥር በመጨመሩ ስትደሰት፣ በሌላ በኩል የህዝብ እርጅናና የልደት መጠን መቀነስ የማህበራዊ ዋስትና ሥርዓቷን ለማስቀጠል ፈተና ሆኗል።

@tikvahethiopia

የቴስቲ ትሬዲንግ ባለቤት እና ዋና ስራ አስፈጻሚ አቶ ፈይሰል አብዶሽ የጉጂ አንድ ኪሎ ቡና በ2 ሺ 376 .50 ዶላር በመሸጥ በኢትዮጵያ ከፍተኛውን የቡና ዋጋ ሪከርድ አስመዘገቡ::

ቴስቲ ትሬዲንግ ኃ/የተ/የግል ማኀበር / ቴስቲ ኮፊ / ባለቤቱ "ፈይሰል አብዶሽ ሲግኔቸር " በሚል ያቀረበውና ተቀማጭነቱን በእንግሊዝ እና አሜሪካ ባደረገው ኤም ካልቲቮ (m-cultivo) ዌብ ሳይት ባወጣው ኦንላይን የስፔሻሊቲ ቡና ጨረታ በኢትዮጵያ ከፍተኛውን ሽያጭ ማለትም ለአንድ ኪሎ ግራም የጉጂ ቡና 2ሺ 376.50 የአሜሪካን ዶላር ወይንም 380 ሺ ብር ገደማ አስገኝቷል። ሽያጩ በኢትዮጵያ ከፍተኛውን የቡና ዋጋ ያስመዘገበ ሲሆን የኢትዮጵያ ቡናም በዓለም ገበያ ተፈላጊነቱ መጨመሩን ያሳያልም ተብሏል።
ከዚህ ጨረታ የተገኘው አጠቃላይ ገቢ 2ሺ 376.50 ዶላር ሲሆን ሙሉ ለሙሉ የሚውለው ቴስቲ ፋውንዴሽን ለአርሶ አደሩ ማህበረሰብ በጉጂ ዞን ሻኪሶ ወረዳ ደንቢ ኡዶ ቀበሌ ለሚያስገነባው ጤና ጣቢያ ግንባታ እንደሆነም ታውቋል።
ቴስቲ ትሬዲንግ ኃ/የተ/የግል ማኀበር በአቶ ፈይሰል አብዶሽ ባለቤትነትና ዋና ሥራ አስፈፃሚነት የሚመራ ሲኾን ትልቁ የኢትዮጵያ ቡና ሽያጭ ሪከርድ የተመዘገበበት ዓለም አቀፍ ጨረታ የተከናወነው September 14/2026 በኢትዮዽያ መስከረም 4 2019 ዓ.ም ነው።
ይህም ውጤት በቡና ኢንዱስትሪ ውስጥ ጉልህ የሆነ ምዕራፍ ነው። ጨረታው የደመቀ ተሳትፎ የታየበት ሲሆን በኢትዮጵያ ቡና ታሪክ ታይቶ በማይታወቅ መልኩ ከፍተኛ የሽያጭ ሪከርድ የተመዘገበበት ስለመሆኑ በድረ ገፁ ተመልክቷል።
ቴስቲ ኮፊ ከዚህ በፊት በተለያዩ የሀገራችን ከተማዎች በይርጋ ጨፌ፣ ሲዳማ፣ ምእራብ አሩሲ እና ሻኪሶ ለሚገኙ የአካባቢው ማህበረሰብ 5 ትምህርት ቤቶችን ገንብቶ በማስረከብ ማኀበራዊ ኃላፊነት አበርክቷል።
ቴስቲ ኮፊ ኩባንያ በአቶ ፈይሰል አብዶሽ የተመሰረተው እ.ኤ.አ በ2009 ዓ.ም ሲኾን በኢትዮጵያ ስመ ጥር ከሆኑ 10 ቀዳሚ ቡና ላኪ ኩባንያዎች አንዱ ነው። በዚህ ባሳለፍነው የ 2017 በጀት አመት በ 12 ወራት ውስጥ 67 ሚልዮን ዶላር ከኤክስፖርት የውጭ ምንዛሪ ለሀገራችን ያስገኘ ትልቅ ኩባንያ ነው።
ኩባንያው ቡና የሚልክባቸው ሀገራት ኮሪያ፣ ጃፓን፣ አሜሪካ፣ አውሮፓ፣ ታይዋን እና መካከለኛው ምስራቅ ሀገራት ናቸው።
ኩባንያው ከ 34 በላይ የቡና ማጠቢያ እና 5 እርሻዎች ያሉት ሲሆን የራሱ ቡና ማበጠሪያ፣ ማከማቻና ሮስቲንግ እንዳለው መረጃዎች ያመለክታሉ።
ኩባንያው ስፔሻሊቲ ቡና አለም አቀፍ ደረጃውን ጠብቆ ከላይ ወደተጠቀሱት አገሮች በመላክ ይታወቃል።

ለ30 ደቂቃ ያህል ባቡሩን ያስቆመው "ዝንብ"
#ethiopia | በጃፓን እጅግ በጣም ፈጣንና የሰከንድ መዘግየት የማይታይበት ባቡር ሳይታሰብ ለ30 ደቂቃዎች እንዲቆም ተገዷል።

የባቡሩ መቆም ምክንያት ደግሞ ከውጭ የመጣች አንዲት ትንሽ ዝንብ በሾፌሩ መቆጣጠሪያ ክፍል ውስጥ ገብታ የሾፌሩን ትኩረት በማሳጣቷ ነው።

በሰዓት አክባሪነቱ እና በከፍተኛ ፍጥነቱ የሚታወቀው የጃፓን የመንገደኞች ባቡር በዕለቱ ባልተጠበቀ እና ባልተለመደ ምክንያት ለ30 ደቂቃ ያህል ጉዞውን ለማቋረጥ ተገዷል።

ለዚህ የመዘግየቱ ምክንያት ደግሞ በቴክኒክ ችግር ሳይሆን በሾፌሩ የቁጥጥር ክፍል ውስጥ የገባች አንዲት ትንሽ ዝንብ ናት።

ጉዞው በተለመደው ፍጥነት እና ደህንነት እየተካሄደ በነበረበት ወቅት ይህች ትንሽ ዝንብ የሾፌሩ መቆጣጠሪያ ክፍል ውስጥ ሰርጎ በመግባት የሾፌሩን ሙሉ ትኩረት ማሳጣቷን ነው የተገለፀው።

በከፍተኛ ፍጥነት በሚጓዝ ባቡር ውስጥ የአንድ ሰከንድ የትኩረት ማጣት ወይም ስህተት ለከፍተኛ አደጋ ሊዳርግ ስለሚችል ሾፌሩ ደህንነቱ አስተማማኝ እንዲሆን ባቡሩን በአቅራቢያው ባለው ማቆሚያ ላይ በአስቸኳይ ለማቆም መገደዱን አሳውቋል።

የባቡር ድርጅቱ ባወጣው ኘግለጫ ለደህንነት ሲባል ነው ባቡሩ ያስቆምነው ቢልም ተሳፋሪዎች ግን በሁኔታው ቅሬታቸውን አቅርበዋል።

ሆኖም የባቡሩ ጥገና እና የደህንነት ቡድን አባላት የመቆጣጠሪያ ክፍሉን ሙሉ በሙሉ አስተማማኝ ማድረጋቸውን ካረጋገጡ በኋላ ባቡሩ ጉዞውን ቀጥሏል።

አጋጣሚው በጃፓን የትራንስፖርት ታሪክ ውስጥ ያልተለመደ እና የብዙዎችን ትኩረት የሳበ አስገራሚ ክስተት ሆኖ ተመዝግቧል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #japanbullettrain #shinkansen #japannews #oddnews #breakingnews #japantransport #shorts #reels #viralnews

የቡድን 7 ሀገራት ተፅዕኖን የቀለበሰው የብሪክስ ስብስብ

አዲስ አበባ፣ መስከረም 3፣ 2019 (ኤፍ ኤም ሲ) ብሪክስ ከዓለም ጠቅላላ ምርት 40 በመቶውን በመሸፈን በገበያ አቅም ጥንካሬ የቡድን 7 ሀገራትን ስብስብ በመብለጥ ቀዳሚ መሆን ችሏል፡፡

የደቡባዊ ዓለም ሀገራት ድምፃቸውን የሚያሰሙበት የብሪክስ ስብስብ ከመመስረቱ አስቀድሞ የቡድን 7 (G7) አባል ሀገራት ስብስብ የዓለምን ኢኮኖሚና ፖለቲካዊ አቅጣጫ የሚወስን ተፅዕኖ ፈጣሪ ስብስብ ነበር፡፡

አሜሪካ፣ ዩናይትድ ኪንግደም፣ ፈረንሳይ፣ ጀርመን፣ ጣሊያን፣ ጃፓን እና ካናዳን ያቀፈው ስብስቡ ከ28 በመቶ በላይ የሚሆነውን የዓለም ጠቅላላ የሀገር ውስጥ ምርት እንደሚሸፍን የዓለም አቀፉ የገንዘብ ተቋም (IMF) መረጃ ያመላክታል፡፡

የቡድን 7 አባል ሀገራት እንደ አይ ኤም ኤፍ እና የዓለም ባንክ ባሉ የፋይናንስ ተቋማት ላይ ከፍተኛ የውሳኔ ሰጪነት ሚና የነበራቸው ሲሆን፤ ዓለም አቀፍ የንግድ፣ የታክስና የፋይናንስ ህጎችን በማውጣት ረገድ መሪም ነበሩ፡፡

የቡድን 7 ሀገራት አብዛኞቹ የኔቶ አባላት በመሆናቸው በዓለም አቀፍ ደህንነትና ወታደራዊ ስትራቴጂዎች ላይ ትልቅ ተፅዕኖ አላቸው።

በተለይ ሦስቱ ሀገራት (አሜሪካ፣ ብሪታንያ፣ ፈረንሳይ) የተባበሩት መንግሥታት የፀጥታው ምክር ቤት ቋሚ አባላት ሲሆኑ፤ በዓለም ላይ የሚነሱ ግጭቶችን ለማስቆም ወይም ተፅዕኖ ለማሳደር ኢኮኖሚያዊና ፖለቲካዊ ማዕቀቦችን በጋራ ሲጥሉ ቆይተዋል፡፡

ሀገራቱ በብቸኝነት በሚወስኑት ፖለቲካዊና ኢኮኖሚያዊ ውሳኔዎች፤ መገለል የተሰማቸው ሀገራት በፈረንጆቹ 2006 ብሪክስን በመመሰረት የመጀመሪያ ጉባኤያቸውን በ2009 አካሂደዋል፡፡

የዓለምን 49 ነጥብ 5 በመቶ ህዝብ የሚወክለው ብሪክስ አሁን ላይ የአባላቱን ቁጥር 11 ያደረሰ ሲሆን፤ የፖለቲካ እና ኢኮኖሚ ተፅዕኖው ከጊዜ ወደ ጊዜ እየጨመረ መጥቷል፡፡

የብሪክስ ስብስብ ባለፉት አምስት ዓመታት ከዓለም አቀፍ ጠቅላላ የሀገር ውስጥ ምርት (Global GDP) 40 በመቶውን ሲሸፍን፤ ይህ ምርት በገንዘብ ሲሰላ ወደ 88 ትሪሊየን ዶላር ገደማ መሆኑን የዓለም አቀፉ የገንዘብ ድርጅት መረጃ ያመለክታል፡፡

በአንጻሩ የቡድን 7 አባል ሀገራት ከዓለም ኢኮኖሚ 28 በመቶውን ሲሸፍኑ በገንዘብ 62 ትሪሊየን ዶላር አካባቢ ይገመታል፡፡

አሁን ላይም የብሪክስ አባል ሀገራት የንግድና የኢኮኖሚ ትብብርን ማጠናከር በአባል ሀገራቱ መካከል ያለውን የንግድ፣ የኢንቨስትመንትና የቴክኖሎጂ ሽግግር እያሳደጉ ይገኛሉ፡፡

አባል ሀገራቱ እርስ በርሳቸው በሚያደርጉት የንግድ ልውውጥ በራሳቸው የመገበያያ ገንዘብ መጠቀማቸው፤ የአሜሪካ ዶላር በዓለም ገበያ ላይ ያለውን ፍጹም የበላይነት ለመገዳደር አስችሏል፡፡

የዓለም ፖለቲካ በአንድ ወይም በሁለት ኃያላን ሀገራት ፍላጎት ብቻ ከመመራት ይልቅ፤ ታዳጊና በፈጣን ዕድገት ላይ ያሉ ሀገራትም እኩል ተጽዕኖ የሚፈጥሩበት ዓለም አቀፍ ሥርዓት በመገንባት ረገድ ተጨባጭ ውጤት ማስመዝገብ ችለዋል፡፡

ኢትዮጵያ በፈረንጆቹ ጥር 2024 የብሪክስ አባል ከሆነች ጊዜ ጀምሮ በስብስቡ ውስጥ በተለይም በኢኮኖሚ፣በዲፕሎማሲና በአየር ንብረት ልማት ዘርፎች ንቁ ተሳትፎን እያደረገች ትገኛለች፡፡

በሚኪያስ አየለ

አኮያ ፕሮፐርቲስ የ2026 የዲሲ እና ቶሮንቶ ዲያስፖራ ኤክስፖ ዋና ስፖንሰር ሆነ

በግንባታ ጥራት፣ በዘመናዊ ዲዛይንና በደንበኛ ተኮር አገልግሎት ላይ ትኩረት አድርጎ እየሰራ የሚገኘው አኮያ ፕሮፐርቲስ (AKOYA Properties)፣ "ኢትዮ ቱ አሜሪካ" በተሰኘው ድርጅት አዘጋጅነት በሚካሄደው የ2026 የዲሲ እና ቶሮንቶ ዲያስፖራ ኤክስፖ (2026 DC & Toronto Diaspora Expo) ዋና (የፕላቲኒየም) ስፖንሰር ሆኖ ለመሳተፍ መዘጋጀቱን አስታውቋል።

የአጋርነቱ ይፋዊ የፊርማ ስነ ስርዓት ረቡዕ ጳጉሜ 4 ቀን 2018 ዓ.ም. በአኮያ ፕሮፐርቲስ ዋና መስሪያ ቤት የተካሄደ ሲሆን፣ በዕለቱም የአኮያ ፕሮፐርቲስ ዋና ስራ አስፈጻሚና የስራ አመራሮች፣ የኤክስፖው አዘጋጅ "ኢትዮ ቱ አሜሪካ" ተወካዮች፣ የኤክስፖው ብራንድ አምባሳደር ቲክቶከር አዶናይ ብርሃነ፣ የንብ ኢንተርናሽናል ባንክ ከፍተኛ አመራሮች እንዲሁም ጥሪ የተደረገላቸው እንግዶችና የሚዲያ አካላት ተግኝተዋል።

ይህ አጋርነት አኮያ ፕሮፐርቲስ የሪል እስቴት ፕሮጀክቶቹን በውጭ አገር ለሚኖሩ የኢትዮጵያ ዲያስፖራ ማሕበረሰብ አባላት በስፋት የሚያስተዋውቅበትን ትልቅ መድረክ የሚፈጥርለት ሲሆን፣ የዲያስፖራ ካፒታልንና የኢንቨስትመንት ፍላጎትን ከአገር ውስጥ የንግድ አጋርነት ጋር ለማስተሳሰር ያለመ ነው።

በተጨማሪም በአገር ውስጥ ላሉ ደንበኞች ከመስከረም 5 እስከ መስከረም 9 ቀን 2019 ዓ.ም. ቦሌ ጃፓን ኤምባሲ ፊት ለፊት፣ ራማዳ ሆቴል አቅራቢያ በሚገኘው ናይል ሶርስ ሕንጻ 8ኛ ፎቅ (በድርጅቱ ዋና ቢሮ) ልዩ የቤት ሽያጭ ኤክስፖ እና የልዩ ቅናሽ አማራጮች እንደሚቀርቡ ተገልጿል።

አኮያ ፕሮፐርቲስ ከንብ ኢንተርናሽናል ባንክ ጋር ባደረገው የትብብር ስምምነት መሰረት፣ ለመኖሪያ ቤት እና ለንግድ ሱቅ ገዢዎች (በተለይም ለዲያስፖራ ደንበኞች) የተመቻቸ ልዩ የወለድ ነጻ የተራዘመ የክፍያ አማራጭ አቅርቧል።

በመርሐ ግብሩ ላይ የተገኙት የንብ ኢንተርናሽናል ባንክ የወለድ ነጻ ባንኪንግ አገልግሎት ዋና ሃላፊ አቶ ርዕስቱ ከማል እንደገለጹት፤ የዲያስፖራ ደንበኞች የንብረቱን ዋጋ 15 በመቶ ብቻ እንደቅድመ ክፍያ በመክፈል፣ ቀሪውን 85 በመቶ በባንኩ በኩል በተራዘመ የክፍያ ሁኔታ እንዲከፍሉ የሚያስችል ልዩ የፋይናንስ አማራጭ ተመቻችቷል። ይህ አሰራር ደንበኞች የሚፈልጉትን የመኖሪያ ቤት ወይም የንግድ ሱቅ በቀላልና ተመጣጣኝ ሁኔታ እንዲገዙ የሚያስችል ነው።

አኮያ በንግዱ ዓለም የ14 ዓመታት፣ በሪል እስቴት ዘርፍ ደግሞ የ5 ዓመታት ልምድ ያለው፣ በአዲስ አበባ የተመሰረተ ግዙፍ ኩባንያ ነው። “ጥራት፣ ዘመናዊ ዲዛይን እና ዘላቂ እሴት” የሚለውን መርሕ በማንገብ እስከ አሁን 3 ፕሮጀክቶችን በጥራት ገንብቶ ለደንበኞች ያስረከበ ሲሆን፣ እ.ኤ.አ. በ2025 የኢትዮ ሪል እስቴት የአርክቴክቸር ልቀት ሽልማትን ማሸነፉ ይታወሳል።

ኩባንያው ከሪል እስቴት ዘርፍ ባሻገር በእሕት ኩባንያዎቹ አኮያ ሞተርስ፣ አኮያ ኮፊ (AKOYA Coffee) እና ኢንያዝ ኮንስትራክሽን (INYAZ Construction) በንግድና ግንባታ ዘርፎች ላይ እየተንቀሳቀሰ ይገኛል። እንዲሁም ከኢትዮጵያ አየር መንገድ ጋር በሪል እስቴት ዘርፍ የመጀመሪያው የሼባ ማይልስ ፕላቲኒየም አጋር ሆኖ በመስራት ላይ ይገኛል።

በስራ ሰዓት እንቅልፍ የፈቅደው ኩባንያ

* ኩባኒያው ምርታማነትን ለመጨመር የወሰድኩት እርምጃ ነው ብሏል
#ethiopia | በጃፓን ቶኪዮ የሚገኝ አንድ የቴክኖሎጂ ኩባንያ ለሰራተኞቹ በስራ ሰዓት ከ30 እስከ 45 ደቂቃ የሚያርፉበት ልዩ የእንቅልፍ ክፍሎችን አዘጋጅቷል።

ኩባንያው ሰራተኞቹ በስራ ሰዓት ውስጥ ከ30 እስከ 45 ደቂቃ የሚደርስ የእንቅልፍ ጊዜ እንዲወስዱ ፈቅዷል።

ኩባኒያው ለዚሁ አላማ የሚሆኑ ዘመናዊና ልዩ የማረፊያ ክፍሎችንም አዘጋጅቷል ተብሏል።

እንደ ኩባንያው ማብራሪያ ከሆነ ሰራተኞች ከሰአት በኋላ አጭር የእንቅልፍ እረፍት ሲወስዱ የአእምሮ ንቃታቸው የስራ ፍላጎታቸውና አጠቃላይ ምርታማነታቸው በከፍተኛ ሁኔታ ይጨምራል ብሏል።

የሚታየውን የድካም ስሜት በማስወገድ የተሻለ የፈጠራና የስራ ብቃት ለማስመዝገብ አሰራሩ ትልቅ አስተዋጽኦ እንዳለው ተገልጿል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #japan #tokyo #workculture #productivity #technews

በጃፓን ያኩሺማ ከተማ በከባድ ዝናብ ምክንያት ከፍተኛው የመሬት መንሸራተት ማስጠንቀቂያ ተሰጠ።

የጃፓን የአየር ሁኔታ ኤጀንሲ በካጎሺማ ግዛት ስር በምትገኘው ያኩሺማ ከተማ ከፍተኛውን የመሬት መንሸራተት ወይም የናዳ አደጋ ማስጠንቀቂያ አውጥቷል።

ኤጀንሲው ይህንን ከፍተኛ ደረጃ ያለው ማስጠንቀቂያ ያወጣው፣ በአካባቢው ታሪክ የማይረሳውና ክብረ ወሰን የሰበረ የዝናብ መጠን መመዝገቡን ተከትሎ ነው።

በከባድ ዝናቡ ምክንያት ሊከሰት የሚችለውን የመሬት መንሸራተት አደጋ ለመከላከል ነዋሪዎች አስፈላጊውን ጥንቃቄ እንዲያደርጉና የደህንነት መመሪያዎችን እንዲከተሉ ጥሪ ቀርቧል።

ይህ ከፍተኛው ደረጃ ላይ የሚገኝ ማስጠንቀቂያ ነዋሪዎች ሕይወታቸውን ለመታደግ አፋጣኝ እርምጃ እንዲወስዱ የሚያሳስብ መሆኑም ተገልጿል።

በአካባቢው ያለው የዝናብ ሁኔታ አሁንም አሳሳቢ በመሆኑ፣ የሚመለከታቸው አካላት ሁኔታውን በቅርበት እየተከታተሉ ይገኛሉ ሲል አናዶሉ ዘግቧል።

ልዑል ወልዴ

የተባበሩት መንግሥታት ድርጅት የአፍሪካን ትክክለኛ ስፋት የሚያሳይ አዲስ የዓለም ካርታ እንዲተገበር ወሰነ

የተባበሩት መንግሥታት ድርጅት ጠቅላላ ጉባኤ እስካሁን ጥቅም ላይ ሲውል የቆየውን ባህላዊ የዓለም ካርታ በአፍሪካን ትክክለኛ መጠን በሚተካ አዲስ ካርታ ለመተካት ወስኗል

በቶጎ አቅራቢነትና በአፍሪካ ህብረት አባላት ድጋፍ የቀረበው "ካርታውን ማስተካከል" የሚለው የውሳኔ ሀሳብ የፈረንሳይ እና የብሪታንያን ጨምሮ በ164 ሀገራት ድጋፍ አግኝቷል።

አሜሪካ ውሳኔውን የተቃወመች ብቸኛ ሀገር ስትሆን ስድስት ሀገራት ደግሞ ድምጽ ከመስጠት ተቆጥበዋል።

ውሳኔው በህግ ማስገደድ ባይችልም በመላው ዓለም በሚገኙ ተቋማት ጥቅም ላይ በሚውሉ ካርታዎች ላይ ለውጥ ያመጣል ተብሎ ይጠበቃል።

ከ16ኛው ክፍለ ዘመን ጀምሮ በስፋት ጥቅም ላይ የዋለው የሜርኬተር (Mercator) ካርታ አፍሪካ ከግሪንላንድ ጋር እኩል ያህል ስፋት እንዳላት አድርጎ በማሳየቱ ለትችት ሲጋለጥ ቆይቷል።

ነገር ግን አፍሪካ በስፋቷ ከግሪንላንድ በ14 እጥፍ እንደምትበልጥ ይታወቃል።

ተቺዎች እንደሚሉት ይህ የተሳሳተ ምስል በምድር ወገብ አካባቢ ያሉ ሀገራትን የልማት ፍላጎትና እምቅ አቅም አነስተኛ አድርጎ እንዲታይ አድርጓል። የሜርኬተር ካርታ በ1569 እ.ኤ.አ የአውሮፓ አሰሳዎችን ለመርዳት በጂኦግራፊ ባለሙያው ጄራርደስ ሜርኬተር የተሰራ ነበር።

የካርታው መዛባት የመጣው የሉል ቅርጽ ያለውን ምድር በጠፍጣፋ ወረቀት ላይ በትክክል ለማስቀመጥ ባለው አስቸጋሪነት ምክንያት ነው። የሜርኬተር ካርታ በምድር ወገብ አካባቢ ያሉትን ሀገራት አነስተኛ አድርጎ ሲያሳይ በሰሜንና ደቡብ ዋልታ አካባቢ ያሉትን ደግሞ አብዝቶ ትልቅ አድርጎ ያሳያል።

ይህን ለማስተካከል በ2018 እ.ኤ.አ የጂኦግራፊ ባለሙያዎች "Equal Earth" የተሰኘ እኩል ስፋት የሚያሳይ ካርታ ሰርተዋል። በየካቲት ወር የ54 ሀገራት አባል ያሉት የአፍሪካ ህብረት ይህን ካርታ የተቀበለው ሲሆን የሁሉንም አህጉራት በተለይም የአፍሪካን ስፋት በትክክል ያሳያል ብሏል።

#correctthemap የተሰኘው የቅስቀሳ ቡድን አሜሪካን፣ ቻይናን፣ ህንድን፣ ጃፓንን፣ ሜክሲኮን እና የአውሮፓን አብዛኛውን ክፍል አፍሪካ ውስጥ ከተቱ በኋላ እንኳ ተጨማሪ መሬት ይተርፋል ብሏል።

የቶጎ የውጭ ጉዳይ ሚኒስትር ሮበርት ዱሴይ ካርታ መቼም ቢሆን ገለልተኛ እንዳልሆነና የሕዝቦችን ቦታ በሚታሰብበት መንገድ ላይ ተፅዕኖ እንደሚያሳድር ተናግረዋል።

የፈረንሳይ የውጭ ጉዳይ ሚኒስትር ኖኤል ባሮት የሜርኬተርን ካርታ መጠቀም እንደሚያቆሙና የተሳሳተን ምስል ማስተካከል የእውነት እርምጃ እንደሆነ ገልጸዋል።

በተባበሩት መንግሥታት ድርጅት የአሜሪካ ተወካይ ያሪና ፈረንሴቪች ግን ውሳኔው የድርጅቱን ስራ ያቃልላል ሲሉ ተችተዋል። እሳቸው እንዳሉት ድርጅቱ በእውነተኛ የዓለም ሰላምና ብልፅግና ላይ ከመኮረር ይልቅ በ16ኛው ክፍለ ዘመን ካርታዎች ላይ መከራከሩ ተገቢ አይደለም ብለዋል።

የአፍሪካ በካርታ ላይ ተዛብታ መቅረብ የካርታ ስህተት ብቻ ሳይሆን የታሪክና የምስል መዛባት እንደሆነ የዘመቻው አስተባባሪዎች ገልጸዋል።

የኬንያ የጂኦግራፊ ባለሙያ ኪዮኮ ሙኤንዶ ካርታዎች የጉዞ መመሪያ ብቻ ሳይሆኑ የአንድን አካባቢ የፖለቲካና ኢኮኖሚ እይታ የሚቀርጹ ናቸው ብለዋል።

ሞባይሌ ጠፋ፣ ገንዘቤ ተሰረቅኩ የማይሉባት ከተማ
#ethiopia | በጃፓኗ ቶኪዮ ከተማ ስልክዎን ወይም የገንዘብ ቦርሳዎን ቢጥሉ እንኳን ተስፋ አይቁረጡ።

ምክንያቱም ዕቃዎ በአስተማማኝ ሁኔታ ወደ እጅዎ የመመለስ አጋጣሚው በጣም ከፍተኛ ነውና።

እንደ ቶኪዮ ፖሊስ መረጃ ከሆነ ከተጣሉ የሞባይል ስልኮች ውስጥ 83 በመቶ የሚሆኑት ለባለቤቶቻቸው ተመልሰዋል።

ከተጣሉ የገንዘብ ቦርሳዎች ውስጥ ደግሞ 65 በመቶ የሚሆኑት አንድም እቃ ሳይጎድል ለባለቤቶቻቸው ደርሰዋል ሲል ፖሊስ ገልጿል።

ሚሊዮኖች በሚኖሩባት ትልቅ ከተማ ውስጥ ይህን ያህል የጠፋ ዕቃ የመመለስ ምጣኔ ማየት በእውነትም አስደናቂ አድርጎታል።

ለዚህ ዋና ሚስጥሩ የጃፓን ህዝብ ስነ ምግባር ነው።

በጃፓን ህፃናት ገና በህጻንነታቸው የእኔ ያልሆነን ነገር አላነሳም ካገኘሁም አስረክባለሁ በሚል መልካም ስነ ምግባር ተኮትኩተው ስለሚያድጉ ነው ተብሏል።

ከህጉ በላይ የህብረተሰቡ ባህላዊ እሴት ትልቅ ቦታ አለው።

የሰውን ዕቃ ወስዶ ማስቀረት በጃፓናውያን ዘንድ ነውር እና ወንጀል ነው።

ስለሆነም በቶኪዮ የገንዘብ ቦርሳዎን ስለጣሉ ብቻ ሌላ ሰው ዕድሌ ቀንቶኝ ሀብታም ሆንኩ ብሎ አይደሰትም ይልቁንም ዕቃዎ ተፈልጎ እጅዎ የመግባት ዕድሉ ሰፊ ነውና።

የሌላውን አለመመኘት እና ታማኝነት ለሀገርም ለወገንም በረከት ነው!

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #tokyo #japan #culture #goodnews #honesty

ለጠቅላላ እውቀት‼️
አማርኛ ቋንቋ ትምህርት የሚሰጥባቸው አለም አቀፍ ዩኒቨርሲቲዎች‼️
የአማርኛ ቋንቋ በዓለም አቀፍ ደረጃ በበርካታ ሀገራት በሚገኙ ታዋቂ ዩኒቨርሲቲዎች፣ የምርምር ተቋማት እና የቋንቋ ማዕከላት ውስጥ በጥናት፣ በምርምር እንዲሁም በዲግሪና በሰርተፊኬት ደረጃ ይሰጣል።

ለአብነት ለመጥቀስ ያህል፣

ጀርመን፡-
በሀምቡርግ ዩኒቨርሲቲ (University of Hamburg)፣ በፍራንክፈርት ዩኒቨርሲቲ እና በላይፕዚግ ዩኒቨርሲቲ በኢትዮጵያ ጥናት (Ethiopian Studies) እና በሴማዊ ቋንቋዎች ትምህርት ክፍል ሥር።

ሩሲያ፦
በሞስኮ ስቴት ዩኒቨርሲቲ (Moscow State University - ISAA) እና በሴንት ፒተርስበርግ ስቴት ዩኒቨርሲቲ በአፍሪካ ጥናት ክፍሎች።

ጣሊያን፡-
በናፖሊ ዩኒቨርሲቲ (University of Naples "L'Orientale") እና በሮም ሳፒየንዛ ዩኒቨርሲቲ (Sapienza University of Rome)።

እንግሊዝ (ብሪታንያ)፡-
በለንደን ዩኒቨርሲቲ የአፍሪካ እና ምስራቅ ጥናት ትምህርት ቤት (SOAS - School of Oriental and African Studies)።

ፈረንሳይ፡-
በፓሪስ ከንቲባ የውጭ ቋንቋዎች እና ሥልጣኔዎች ተቋም (INALCO)።

ፖላንድ፡-
በዋርሶ ዩኒቨርሲቲ (University of Warsaw) በአፍሪካ ቋንቋዎችና ባህሎች ክፍል ውስጥ።

አሜሪካ (ዩናይትድ ስቴትስ)፡-

- በሃርቫርድ ዩኒቨርሲቲ (Harvard University)

- በኮሎምቢያ ዩኒቨርሲቲ (Columbia University)

- በስታንፎርድ ዩኒቨርሲቲ (Stanford University)

- በኢንዲያና ዩኒቨርሲቲ (Indiana University)

- በፎሎሪዳ ዩኒቨርሲቲ (University of Florida)

- በሚቺጋን ስቴት ዩኒቨርሲቲ (Michigan State University)

እስራኤል፡-
በቴል አቪቭ ዩኒቨርሲቲ እና በኢየሩሳሌም ዕብራይስጥ ዩኒቨርሲቲ (Hebrew University of Jerusalem)።

ጃፓን፡-
በኦሳካ ዩኒቨርሲቲ እና በቶኪዮ የውጭ ሀገራት ጥናት ዩኒቨርሲቲ (TUFS)።

ቻይና፡-
በቤጂንግ የውጭ ሀገራት ጥናት ዩኒቨርሲቲ (Beijing Foreign Studies University)።

ኬንያ፡-
በናይሮቢ ዩኒቨርሲቲ እና በሌሎች የቋንቋ ማዕከላት።

ጂቡቲ፡-
በጂቡቲ ዩኒቨርሲቲ እና በባህል ማዕከላት።

ደቡብ አፍሪካ፡-
በኬፕ ታውን ዩኒቨርሲቲ (በአፍሪካ ጥናቶች ሥር በተለያዩ ጊዜያት)።

Seledadotio
Seledadotio

በሰማይ የተከሰተው የብርሃን ምስጢርና የነዋሪዎች ስጋት!
#ethiopia | በቅርቡ በጃፓን የባህር ዳርቻ ሰማይ ላይ ከየት መጡ ያልተባሉ እንደ ግዙፍ የብርሃን አምድ የተተከሉ ምስጢራዊ ጭረቶች በድንገት ብቅ አሉ።

ምሽቱን ዘና ብለው ሰማዩን የተመለከቱ ነዋሪዎች ዓይናቸውን ማመን አቅቷቸዋል።

ከተማዋ በአንዴ በድንጋጤ ታመሰች።

ማህበራዊ ሚዲያውም "ከሌላ ፕላኔት የመጡ እንግዶች ምድርን ሊወሩን መጡ የዓለም መጨረሻ ደረሰ እንዴ? በሚሉ አስደናቂና አዝናኝ ግምቶች በሰከንዶች ውስጥ ተጥለቀለቁ።

አንዳንዶቹማ እንኳን ደስ አላችሁ የሳይንስ ፊልሙ ወደ እውነተኛ ሕይወት ተቀየረ በማለት በቪዲዮዎቻቸው ላይ ቀልድ ቀላቅለው ማሰራጨት ጀምረው ነበር።

ነገር ግን ነገሩ ሌላ ሆነ።

ሳይንቲስቶች የነዋሪዎችን ስጋትና የኢንተርኔቱን አማካኝነት የተፈጠረው ውካባ ከተመለከቱ በኋላ ፈገግ ብለው ምስጢሩን ይፋ አደረጉ።

በከባቢ አየር ውስጥ በጣም ቀዝቃዛ የበረዶ ክሪስታሎች በመኖራቸው በባህር ላይ ዓሳ በማጥመድ ላይ የነበሩ ጀልባዎች የለቀቁት ብርሃን በእነዚህ የበረዶ ክሪስታሎች ላይ ማንጸባረቁ ተከትሎ ነው ይህ የተፈጠረው ብለዋል።

ነገሩ የጠፈር ፍጥረታት ወረራ ሳይሆን ተፈጥሮና የሰው ልጅ የሠሩት አስገራሚ የብርሃን ጂምናስቲክ ነበር አሉ።

በሁኔታው የተደናገጡት ነዋሪዎችም ምስጢሩ ሲሰሙ ድባቡን እንደገና ወደ ሳቅና ቀልድ ቀየሩት።

ተፈጥሮ አንዳንዴ ከፊልሞች በላይ ድንቅ ድራማ መስራት እንደምትችል ያሳየ አስገራሚ ምሽት ሆኖ አልፏል።

ሔኖክ ወ/ገብርኤል
#ethiopia #getutemesgen #japan #scientists #fish

(ዘ-ሐበሻ ዜና) በአሜሪካ እና በኢራን መካከል እየተካሄደ ያለው ጦርነት በቀጠለበት በዚህ ወቅት፣ አሜሪካ በቅርቡ ወደ ቀጠናው ያቀናውን ሌላ የጦር መርከብ የሚተካ አዲስ ግዙፍ የጦር አውሮፕላን ተሸካሚ መርከብ ወደ መካከለኛው ምሥራቅ ልታሰማራ መሆኑን የዩናይትድ ስቴትስ የባህር ኃይል ኢንስቲትዩት አስታወቀ።

'ዩኤስኤስ ቴዎዶር ሩዝቬልት የተሰኘው ይህ የጦር መርከብ ስብስብ፣ በሚቀጥሉት ሳምንታት ከአሜሪካ ምዕራባዊ ጠረፍ ሳንዲያጎ ተነስቶ ከሰባት ወራት በላይ ለሚቆይ ተልዕኮ ጉዞውን ይጀምራል ተብሎ ይጠበቃል። ይህ መርከብ ባለፈው ሳምንት ከጃፓን ተነስቶ መካከለኛው ምሥራቅ የደረሰውን 'ዩኤስኤስ ጆርጅ ዋሽንግተን' ይተካል።

'ዩኤስኤስ ጆርጅ ዋሽንግተን' ወደ ቀጠናው ያቀናው፣ ከህዳር 2025 ጀምሮ በባህር ላይ የቆየውን እና በአስቸጋሪ የኑሮ ሁኔታዎች እንዲሁም በባሕረኞች ላይ በታዩ ራስን የማጥፋት ሙከራዎች ሲፈተን የነበረውን 'ዩኤስኤስ አብርሃም ሊንከን'ን (ለመተካት ነበር። በአሁኑ ሰዓትም 'አብርሃም ሊንከን' 5,000 ለሚሆኑ ባሕረኞቹ ዕረፍት ለመስጠት በሚቀጥለው ሳምንት በታይላንድ ወደብ ላይ ለማረፍ ጉዞ ጀምሯል።

አሜሪካ እና እስራኤል በየካቲት ወር መጨረሻ በኢራን ላይ ጦርነት ከከፈቱ ጊዜ አንስቶ፣ የአየር ላይ ጥቃቶችን ለመፈጸም እና የኢራንን ወደቦች በመዝጋት ማዕቀብ ለመጣል እንዲያስችላት አሜሪካ በአረብ ባህር ) ላይ ቢያንስ አንድ የጦር አውሮፕላን ተሸካሚ መርከብ በቋሚነት አሰማርታ ትገኛለች።

"ሠራተኞችን አታጉላሉ ከቤታቸው ሆነው ይስሩ!"
#ethiopia | የጃፓን ጠቅላይ ሚኒስትር ከቤት ሆኖ መስራትን እንደሚደግፉ ገለጹ።

የጃፓኗ ጠቅላይ ሚኒስትር ሳናኤ ታካኢቺ ሰራተኞች እና አመራሮች ከቤት ሆኖ መስራትን እንዲያበረታቱና ራሳቸውም የዚህ አሰራር ደጋፊ መሆናቸውን አስታውቀዋል።

ከቤት ሆኖ መስራት ሰራተኞች ለጉዞ የሚያጠፉትን ጊዜ በመቀነስ የስራ ምርታማነትን እንደሚያሳድግ እና የቤተሰብ ጊዜን እንደሚያስፋፋ ገልጸዋል።

መንግስታቸው የቴክኖሎጂ አጠቃቀምን በማሳደግ የመንግስት እና የሀገሪቱን የቢሮ አሰራሮች በዲጂታል መንገድ እንዲቃኙ ለማድረግ ያለመ መሆኑን አብራርተዋል።

አሰራሩ በተለይም ልጅ አሳዳጊ ወላጆች እና እንክብካቤ የሚሹ ቤተሰብ ያላቸው ሰራተኞች ከስራ ገበታቸው ሳይገለሉ ውጤታማ እንዲሆኑ ትልቅ እድል እንደሚፈጥር ጠቁመዋል።

አዲሱ የጠቅላይ ሚኒስትሯ የስራ ዕቅድ በጃፓን የቢሮ አሰራር ላይ አዲስ ምዕራፍ ሊከፍት እንደሚችል እየተነገረ ይገኛል።

ሔኖክ ወ/ገብርኤል
#ethiopia #getutemesgen #japan #primeminister #works #homes #teleworking #workers

(ዘ-ሐበሻ ዜና) በምሥራቅ ጃፓን፣ ዋና ከተማዋን ቶክዮን ጨምሮ ዛሬ እሁድ ማለዳ ላይ በተከሰተ መካከለኛ የመሬት መንቀጥቀጥ ከ30 በላይ ሰዎች መጎዳታቸውን ባለሥልጣናት አስታወቁ። የጃፓን የሚቲዎሮሎጂ ኤጀንሲ የመሬት መንቀጥቀጡን 5.9 ሬክተር ስኬል አድርጎ የመዘገበው ሲሆን፣ የሱናሚ አደጋ ሥጋት እንደሌለ ተገልጿል።

በአደጋው ቢያንስ 37 ሰዎች የተጎዱ ሲሆን፣ አብዛኞቹ ሰዎች የተጎዱት በእንቅልፍ ላይ እያሉ በድንጋጤ ከአልጋ ሲወርዱ በመውደቅ እና የቤት ዕቃዎች ላይ በመጋጨት መሆኑ ታውቋል። የመሬት መንቀጥቀጡን ተከትሎ የባቡር ትራንስፖርት መስተጓጎል እና የውሃ ቱቦዎች መፈንዳት ቢያጋጥምም፣ በኒውክሌር ጣቢያዎች ላይ የደረሰ ምንም ዓይነት የጉዳት ሪፖርት የለም። መንግሥት ጉዳቱን ለማጥናት ግብረ ኃይል ያቋቋመ ሲሆን፣ በቀጣዩ ሳምንት ተጨማሪ የመሬት መንቀጥቀጥ ሊከሰት እንደሚችል ማሳሰቢያ ተሰጥቷል።

የኢትዮጵያን የዓለም ንግድ ድርጅት አባልነት ሒደት ወደ አዲስ ምዕራፍ ያሸጋገረው ስምምነት

ኢትዮጵያ ከዩናይትድ ኪንግደም ጋር በዓለም ንግድ ድርጅት አባልነት ሂደት ማዕቀፍ ስታካሂድ የቆየችውን የሁለትዮሽ የገበያ ዕድል ድርድር በስኬት በማጠናቀቅ የስምምነት ሰነድ ተፈራርማለች።

የስምምነት ሰነዱን የንግድና ቀጣናዊ ትስስር ሚኒስትር እና የኢትዮጵያ የዓለም ንግድ ድርጅት አባልነት ዋና ተደራዳሪ ካሳሁን ጎፌ (ዶ/ር) እና በኢትዮጵያ የዩናይትድ ኪንግደም አምባሳደር ዳረን ዌልች ተፈራርመዋል።

በፊርማ ሥነ-ሥርዓቱ ላይ ንግግር ያደረጉት ካሳሁን ጎፌ (ዶ/ር) ÷ ስምምነቱ የኢትዮጵያን ብሔራዊ ጥቅም እና የፖሊሲ ምህዳር ሙሉ በሙሉ ባስጠበቀ መልኩ የተከናወነ መሆኑን ተናግረዋል።

ስምምነቱ የሁለቱን ሀገራት የቆየ ዲፕሎማሲያዊ፣ የንግድ እና የኢንቨስትመንት ትስስር ይበልጥ የሚያጠናክር ከመሆኑም በላይ፣ ኢትዮጵያ በዓለም ንግድ ድርጅት ሙሉ አባል ለመሆን የምታደርገውን ጥረት ወደ አዲስ ምዕራፍ ያሸጋገረ ወሳኝ ስኬት መሆኑን አብራርተዋል።

የዩናይትድ ኪንግደም አምባሳደር ዳረን ዌልች በበኩላቸው÷ ስምምነቱ የሁለቱን ሀገራት የቆየ የኢኮኖሚና የዲፕሎማሲ ግንኙነት ይበልጥ የሚያጎለብት መሆኑን ገልጸዋል።

ዩናይትድ ኪንግደም ኢትዮጵያ ወደ ዓለም ንግድ ድርጅት ለመቀላቀል የምታደርገውን ጥረት እና የምታካሂዳቸውን የኢኮኖሚ ማሻሻያዎች በሙሉ ቁርጠኝነት መደገፏን የምትቀጥል መሆኑን አረጋግጠዋል።

ኢትዮጵያ እስካሁን ባለው ሂደት ከቻይና፣ ሩሲያ፣ አርጀንቲና፣ ቱርክ፣ ብራዚል፣ ጃፓን፣ ሕንድ፣ ኒውዚላንድ እና ታይላንድ ጋር ተመሳሳይ ስምምነቶችን ተፈራርማለች።

ጃፓን እና ጀርመን ለቻይና እጅ ሰጡ!
#ethiopia | ቻይና ጃፓንን እና ጀርመንን በመበለጥ በዓለም የአንደኝነት ደረጃን ጨበጠች።

የዓለማችንን የመኪና ኤክስፖርት ገበያን ለሁለት አስርት አመታት በበላይነት ሲመሩ የነበሩት ጃፓን እና ጀርመን ቦታቸውን ለቻይና አስረክበዋል።

ቻይና በከፍተኛ ምርት የዓለማችን ቀዳሚዋ የመኪና ላኪ ሀገር መሆኗን አረጋግጣለች።

በ2024 ቻይና በዓመት 5.5 ሚሊዮን ተሽከርካሪዎችን ወደ ውጭ የመላክ አቅም የነበራት ሲሆን አሁን አቅሟን በከፍተኛ መጠን አሳድጋለች።

ሀገሪቷ የኤክስፖርት አቅሟን በከፍተኛ ሁኔታ በማደግ በዓመት ከ7 ሚሊዮን ተሽከርካሪዎች በላይ ወደ ተለያዩ ሀገራት መልክ ችላለች።

አሁን ባሉ መረጃዎች መሠረት ጃፓን 4.2 ሚሊዮን እና ጀርመን 3.4 ሚሊዮን ተሽከርካሪዎችን በመላክ ቻይናን በመከተል ላይ ይገኛሉ።

በአለም የኤሌክትሪክ እና የፕላግ ኢን ሃይብሪድ ተሽከርካሪዎች ፍላጎት እያደገ በመምጣቱ ነው የቻይና አቅም እንዲያድግ ምክንያት የሆነው ሲል ሲጂቲኤን ያስነበበው።

በዚህም ቻይና ዓለም አቀፍ የመኪና ገበያን በአጭር ጊዜ ውስጥ የተቆጣጠረች የመጀመርያዋ ሀገር አስብሏታል።

ሔኖክ ወ/ገብርኤል
#ethiopia #getutemesgen #china #japan #germany #car #market #export #industry #technology #electric

በከባድ ዝናብ አማካኝነት ጃፓን ውስጥ ስድስት ሰዎች ሞተዋል ተባለ

በምስራቅ ጃፓን ቺባ ግዛት ከፍተኛ ዝናብ በመጣሉ ቢያንስ ስድስት ሰዎች መሞታቸው የተነገረ ሲሆን፤ አምስት ሰዎች ደግሞ ቆስለዋል።

የጃፓን ባለሥልጣናት ‹‹ታይቶ የማይታወቅ›› ሲሉ የገለጹት ዝናብ፤ ከ20 ሺህ በላይ አባወራዎችን የኤሌክትሪክ ኃይል ሲቀንስ፣ 7 ሺህ ተጓዦች ደግሞ በቶኪዮ ናሪታ አየር ማረፊያ በአንድ ሌሊት በረራቸው እንዲዘገይ አድርጓል።        

ይህ የጎርፍ አደጋ የተከሰተው በዚህ ሳምንት በጃፓን እና በአጎራባች አገሮች ውስጥ ተከታታይ አውሎ ነፋሶች ከተከሰቱ በኋላ ነው።

የጃፓን የሜትሮሎጂ ኤጀንሲ እንደገለጸው፤የቅርብ ጊዜውን የጎርፍ አደጋ ያመጣው ወደ አገሪቱ ምሥራቅ የሚፈሰው ሞቃታማና እርጥበት አዘል አየር ሲሆን፤ይህም ከላይ ካለው ቀዝቃዛ አየር ጋር ተዳምሮ የከባቢ አየር ሁኔታን እጅግ ያልተረጋጋ ያደርገዋል ሲል ቢቢሲ ዘግቧል።

Seledadotio
Seledadotio

(ዘ-ሐበሻ ዜና) ትላልቅ የኢኮኖሚ አቅም ያላቸው የአፍሪካ ሀገራት የፀሐይ ኃይል ማምረት አቅማቸውን ለማሳደግ እቅዶቻቸውን እያፋጠኑ ይገኛሉ። የዘርፉ ተንታኞች እንደሚሉት ይህ እንቅስቃሴ የሀገራቱን የኢንዱስትሪ ዕድገት ፍላጎት የሚያሳይ ከመሆኑም ባሻገር፣ በዓለም አቀፍ ገበያ ላይ የበላይነት ካላት ቻይና በሚገቡ ምርቶች ላይ ያለውን ጥገኝነት ለመቀነስ ያለመ ነው። እንደ ዘርፉ ባለሙያዎች ገለጻ ኢትዮጵያ፣ ደቡብ አፍሪካ፣ ሞሮኮ እና ናይጄሪያ የፀሐይ ኃይል መሣሪያዎችን በሀገር ውስጥ ለማምረት ጥረታቸውን በእጅጉ አጠናክረዋል።

የደቡብ አፍሪካው የኤሌክትሪክ ኃይል ተቋም እያደገ ከመጣው የገበያ ፍላጎት ተጠቃሚ ለመሆን አንድ ጊጋዋት ኃይል ማመንጨት የሚችል የማምረቻ ተቋም ለመገንባት አቅዷል። ደቡብ አፍሪካ በአህጉሪቱ ትልቋ የፀሐይ ኃይል ዕቃዎች አስመጪ ስትሆን፣ በዓመት ከፍተኛ መጠን ያለውን ምርት አብዛኛውን ከቻይና ታስገባለች። በሌላ በኩል በናይጄሪያ የፀሐይ ኃይል መሰብሰቢያ ሰሌዳዎች ምርት በፍጥነት እያደገ ሲሆን፣ የሀገር ውስጥ የመገጣጠም አቅም ባለፉት ሁለት ዓመታት በእጥፍ አድጓል። ሞሮኮም አመታዊ የምርት አቅሟን ያሳደገች ሲሆን፣ ግብጽም በተመሳሳይ ግዙፍ ፕሮጀክቶችን እያጠናቀቀች ትገኛለች።

ምንም እንኳን የአፍሪካ ሀገራት የራሳቸውን አቅም ለመገንባት ቢሞክሩም፣ ቻይና በዋና ዋና የፀሐይ ኃይል አካላት ምርት ላይ ያላት ዓለም አቀፍ የበላይነት በቀላሉ የሚሰበር አይመስልም። በቻይና የተፈጠረው ከፍተኛ የምርት ክምችት የውጭ ንግዷን በከፍተኛ ሁኔታ እንዲያድግ አድርጎታል። ባለፉት አስራ አራት ዓመታት ውስጥ ቻይና በአፍሪካ ታዳሽ ኃይል እና ተያያዥ ፕሮጀክቶች ላይ ስልሳ ስድስት ቢሊዮን ዶላር አውጥታለች። የአፍሪካ ሀገራት በአሁኑ ወቅት የፀሐይ ኃይል ሴሎችን ከባዶ የማምረት አቅም ስለሌላቸው፣ አዳዲስ የመገጣጠሚያ ፋብሪካዎች አሁንም ቢሆን ከቻይና በሚገቡ አካላት ላይ ጥገኛ ሆነው ቀጥለዋል።

አብዛኛዎቹ አዳዲስ ፋብሪካዎች ከውጭ የመጡትን የቻይና አካላት ከመገጣጠም ባለፈ ከፍተኛ ዋጋ ያላቸውን ዕቃዎች ባለማምረታቸው፣ አፍሪካ በተወሳሰበው የአቅርቦት ሰንሰለት ውስጥ የውጭ ቴክኖሎጂ ላይ እንድትደገፍ አስገድዷታል። በአሜሪካ እና በአውሮፓ የተጣሉ የንግድ ገደቦች የቻይና ኩባንያዎች ወደ አፍሪካ እና ደቡብ ምስራቅ እስያ አገራት ፊታቸውን እንዲያዞሩ አድርጓቸዋል። በዚህም መሰረት ኢትዮጵያ ተመራጭ መዳረሻ ሆናለች፤ ከቅርብ ዓመታት ወዲህ ይፋ ከተደረጉት የውጭ ኢንቨስትመንቶች ከግማሽ በላይ የሚሆኑት ከቻይና እና ጃፓን የመጡ ናቸው።

በደቡብ አፍሪካ፣ ናይጄሪያ እና ሞሮኮ ያሉ የዘርፉ እንቅስቃሴዎች ግን በአብዛኛው በሀገር ውስጥ ኩባንያዎች ወይም ከሀገር ውስጥ ተቋማት ጋር በተደረጉ የጋራ ስምምነቶች የሚመሩ መሆናቸው ተስፋ ሰጪ ነው። በመጨረሻም የዘርፉ ባለሙያዎች እንደሚሉት፣ ቻይና በፀሐይ ኃይል ሰሌዳዎች እና ተያያዥ ቴክኖሎጂዎች ምርት ያላት የመሪነት ሚና በሚቀጥሉት ዓመታት ይበልጥ እየተጠናከረ ይሄዳል። ይህንንም ተከትሎ የአፍሪካ ሀገራት የተሟላ ኢንዱስትሪ ለመገንባት የሚያስፈልጋቸውን ጥልቅ የቴክኖሎጂ እና የእውቀት ሽግግር እስካሁን ሙሉ በሙሉ እንዳላገኙ ማሳያ ሆኗል።

ሰሜን ኮሪያ ወደ ጃፓን ባሕር ባሊስቲክ ሚሳይል አስወነጨፈ
#ethiopia | ሰሜን ኮሪያ ዛሬ ከምሥራቅ ጠረፏ ከዎንሳን (Wonsan) አካባቢ ወደ ጃፓን ባሕር (በደቡብ ኮሪያ “ምሥራቅ ባሕር” ተብሎ የሚጠራው) አጭር ርቀት የሚጓዝ ተጠርጣሪ ባሊስቲክ ሚሳይል ማስወንጨፏን የደቡብ ኮሪያ ጦር እና የጃፓን ባሕር ዳርቻ ጥበቃ አስታውቀዋል።

በጃፓን ባለሥልጣናት መረጃ መሠረት ሚሳይሉ በጃፓን ግዛት ወይም በኢኮኖሚያዊ የባሕር ቀጠናዋ (EEZ) ውስጥ አላረፈም፤ እስካሁንም የደረሰ ጉዳት ወይም ሰው ጉዳት አልተዘገበም።

የደቡብ ኮሪያ፣ የአሜሪካ እና የጃፓን ወታደራዊ ኃይሎች የሚሳይሉን አይነትና የበረራ መረጃ በጋራ እየመረመሩ ነው።

ይህ የሚሳይል ሙከራ በአሜሪካና በደቡብ ኮሪያ የጋራ ወታደራዊ ልምምዶች ሊጀመሩ ጥቂት ቀናት ሲቀሩ የተፈጸመ ሲሆን፣ ፒዮንግያንግ እነዚህን ልምምዶች ለወረራ ዝግጅት አድርጋ እንደምትመለከታቸው ትገልጻለች።

ከቀናት በፊትም ሰሜን ኮሪያ በጃፓን የመከላከያ አቅም መስፋፋት ምክንያት “ተጨማሪ ወታደራዊ እርምጃዎች” ልትወስድ እንደምትችል አስጠንቅቃ ነበር።

የደቡብ ኮሪያ እና የጃፓን መንግሥታት የሚሳይሉን ሙከራ በማውገዝ የተባበሩት መንግሥታት የጸጥታ ምክር ቤት ውሳኔዎችን የሚጥስ ነው ብለዋል፤ በቀጣይ ተጨማሪ የሚሳይል ሙከራዎች ሊኖሩ እንደሚችሉም በከፍተኛ ንቃት እየተከታተሉ መሆኑን ገልጸዋል።

Getu Temesgen - (ጌጡ ተመስገን)

ዜና እረፍት | ሲስተር ብርቅነሽ ከበደ – የምሕረት፣ የጀግንነትና የአገር አገልግሎት ተምሳሌት አረፈች
#ethiopia | የኢትዮጵያ የመጀመሪያዎቹ ፕሮፌሽናል ነርሶች መካከል አንዷ፣ የኮሪያ ጦርነት ዘማች፣ የቀይ መስቀል በጎ ፈቃደኛ እና ዓለም አቀፍ የነርስነት ክብር ተሸላሚ የነበሩት መቶ አለቃ ሲስተር ብርቅነሽ ከበደ በ96 ዓመታቸው አርፈዋል።

ሲስተር ብርቅነሽ በአዲስ አበባ ከአቶ ከበደ ዘውገ እና ከወ/ሮ አልመዝ የግሉ ተወለዱ። ወላጆቻቸውን በለጋ ዕድሜያቸው በሞት ካጡ በኋላ፣ በአያታቸው ወ/ሮ ላቀች ጻታ እጅ አደጉ። የአባታቸው የአርበኝነት ታሪክ በመታሰቡ፣ በእቴጌ መነን የሴቶች አዳሪ ትምህርት ቤት በነጻ እንዲማሩ እድል አግኝተዋል።

በኋላም በወቅቱ ቀዳማዊ ኃይለሥላሴ ሆስፒታል (አሁን የካቲት 12 መታሰቢያ ሆስፒታል) በነበረው የኢትዮጵያ የመጀመሪያ የነርሶች ትምህርት ቤት ተምረው፣ ከሀገሪቱ የመጀመሪያዎቹ ዘጠኝ ፕሮፌሽናል ነርሶች መካከል በክብር ተመርቀዋል።

በ1943 ዓ.ም. ከሦስተኛው ቃኘው ሻለቃ ጋር ወደ ኮሪያ በማቅናት፣ ከሁለት ጥቁር አፍሪካዊ ሴት ነርሶች አንዷ ሆነው ታሪክ ሠርተዋል። ከሲስተር አስቴር አያና ጋር በመሆን የኢትዮጵያ የመጀመሪያዎቹ የቀይ መስቀል ዘማቾች በመሆን በተባበሩት መንግሥታት ሥር በኮሪያ ጦርነት ውስጥ ለወታደሮች ሕክምና እና ሰብዓዊ አገልግሎት ሰጥተዋል። ከሕክምና ሥራቸው በተጨማሪ ለኢትዮጵያውያን ወታደሮች የትርጉም አገልግሎትም አበርክተዋል።

ከኮሪያ በኋላ በጃፓን ወታደራዊ ሆስፒታል እንዲሁም በኢትዮጵያ በክብር ዘበኛ ሆስፒታል፣ በጳውሎስ ሆስፒታል፣ በድሬዳዋና በአዲስ አበባ በሚገኙ የጤና ተቋማት ለብዙ ዓመታት በታማኝነት አገልግለዋል።

ለሰብዓዊ አገልግሎታቸው ዓለም አቀፍ ዕውቅና በማግኘት፣ በነርስነት ሙያ ከፍተኛ ክብር የሆነውን Florence Nightingale Award የተሸለሙ ጥቂት አፍሪካውያን ሴቶች መካከል አንዷ ሆነዋል።

የአገር አገልግሎታቸውን ለማክበር፣ እናት ባንክ በቦሌ ቡልቡላ የሚገኘውን አንድ ቅርንጫፍ በስማቸው ሰይሟል፤ ይህም ለሀገር ያበረከቱትን የማይረሳ አስተዋፅኦ የሚያሳይ የክብር ምልክት ነው።

መቶ አለቃ ሲስተር ብርቅነሽ ከበደ ሐምሌ 23 ቀን 2018 ዓ.ም. በ96 ዓመታቸው አርፈዋል። ከባለቤታቸው ከጄኔራል ደስታ ገመዳ ጋር ያፈሯቸውን አራት ልጆችና ስምንት የልጅ ልጆች ትተው አልፈዋል።

ሲስተር ብርቅነሽ ከበደ በጀግንነታቸው፣ በሰብዓዊነታቸው እና ለሀገራቸው ባበረከቱት አገልግሎት በኢትዮጵያ ታሪክ ውስጥ ለዘላለም የሚታወሱ ባለውለታ ሆነው ይኖራሉ።

ነፍሳቸውን በሰላም ያሳርፍ።
#tizbit Assefa

ካናዳ የአለም የትምህርት ስርአት መሪ ሆነች

*በአለም አቀፍ ደረጃ ከፍተኛ ቁጥር ያለው የተማረ የሰው ሀይል በመያዝ ካናዳ ቀዳሚዋ ሀገር ሆናለች።
#ethiopia | በዓለም አቀፍ ደረጃ ከፍተኛ ውጤታማነት ያላቸውን የትምህርት ሥርዓቶች አስመልክቶ የወጡ ጥናቶች የካናዳ የትምህርት ስርአት ተመራጭ ሆኗል።

በካናዳ ከ25 እስከ 64 የዕድሜ ክልል ውስጥ ከሚገኙ የሀገሪቱ ዜጎች መካከል ከ60 በመቶ በላይ የሚሆኑት የዩኒቨርሲቲ ትምህርታቸውን ያጠናቀቁ ናቸው ተብሏል።

ይህም ሀገሪቷን በአለም አቀፍ ደረጃ የከፍተኛ ትምህርት ተዳራሽነት በማረጋገጥ ከአለም ቀዳሚ አድርጓታል።

ጃፓን በሁለተኛ ደረጃ ላይ ስትቀመጥ ደቡብ ኮርያ እስራኤል እና አሜሪካ ተከታዩን ደረጃ ይዘዋል።

ጥብቅ የጥናት ባህልና እጅግ ጥብቅ የሆነው የሀገሪቷ የፈተና ሥርዓቷ ለዚህ ስኬት አብቅቷታል።

ተማሪዎች ለተጨማሪ አጋዥ ትምህርቶችና ለብሔራዊ ፈተናዎች የሚሰጡት ከፍተኛ ትኩረት ለስኬታቸው እንደ ዋና ምክንያት ተቆጥሯል።

በተጨማሪም የትምህርት ስርአቷ ለመምህራን ከፍተኛ ሙያዊ ክብር መስጠት ላይ የተመሰረተ በመሆኑ ነው።

ሆኖም በሰው ቁጥር ሲሰላ እንደ ቻይና እና ህንድ ያሉ በህዝብ ብዛት ቀዳሚ የሆኑ ሀገራት ከፍተኛ ቁጥር ያለው የተማረ ሰው ይገኝባቸዋል።

ነገር ግን ከጠቅላላ የሀገሪቱ ህዝብ ቁጥር አንፃር ሲሰላ ግን ካናዳ ደረጃውን በበላይነት መያዟ ተረጋግጧል።

ሔኖክ ወ/ገብርኤል
#ethiopia #getutemesgen #getunews #canada #elite #university