“ እወዳቹሀለው ❤️፣ አርጀንቲናዊ በመሆኔ ኩራት ይሰማኛል “

የመጨረሻ ጨዋታውን ለሀገሩ ያደረገው ሊዮኔል ሜሲ አንድ ጎል እና ሁለት ለግብ የሚሆኑ ኳሶችን አመቻችቶ አቀብሎ ፍፃሜውን በጎሎች አጅቦ አጠናቋል።

ሜሲ ሙሉ ዘጠና ደቂቃዎችን በተጫወተበት የመጨረሻ መርሐ ግብሩ አርጀንቲና 3ለ0 ቤኒን በቦነስ አይረስ አሸንፋለች።

የ 8️⃣ጊዜ የቦሎን ዶር አሸናፊው ሊዮኔል ሜሲ ጨዋታው 1️⃣0️⃣ኛው ደቂቃ ሲቋረጥ ደጋፊዎች ለኮከባቸው ሊዮኔል ሜሲ ምስጋና እና አክብሮታቸውን አቅርበዋል።

መርሐ ግብሩ ለአለማችን የእግር ኳስ ኮከቡ ሊዮኔል ሜሲ የመጨረሻ የብሔራዊ ቡድን ጨዋታው ነበር።

ሜሲ በስንብት መልዕክቱ “ ለሀያ አመታት ለዚህ ማልያ ያለኝን ሳልሰስት ሰጥቻለሁ ፣ ከዚህ በኃላ አለመኖሬን ማሰብ ያስከፋኛል “ ብሏል።

“
ውሳኔው የኔ ቢሆን ሁሌም እዚህ መሆንን እፈልግ ነበር ፣ ምክንያቱም ለአርጀንቲና መጫወት ከሁሉም የተሻለው ቆንጆ ነገር ነው “
ሊዮኔል ሜሲ

በብሔራዊ ቡድን ባሳለፈው ጊዜ ደስተኛ መሆኑን የገለፀው ሜሲ “ አለም ዋንጫ ፣ ኮፓ አሜሪካ እና ፊናሌሲማ ዋንጫዎችን አሸንፈናል “ ሲል ተደምጧል።

ሜሲ ይህን ስኬት ሲያሳኩ አብረውት የነበሩ የቡድን አጋሮችን “ አመሰግናለሁ “ ሲል “ ህልሜን እንዳሳካ እና የአለም ሻምፒዮን እንድሆን አግዘውኛል “ ብሏል።

“ ሁላችሁም ትናፍቁኛላችሁ ፣ ሁሌም ከጎናችሁ ነኝ ፣ ሁሌም አርጀንቲናን ከጎናችሁ ሆኜ እደግፋለሁ “
ሊዮኔል ሜሲ

የአለም ሻምፒዮኑ ሊዮኔል ሜሲ በመጨረሻ ንግግሩም “ እወዳቹሀለው አርጀንቲናዊ በመሆኔ ኩራት ይሰማኛል ፣ ለሁሉም ነገር አመሰግናለሁ “ ብሏል።

@tikvahethsport kidusyoftahe “ ጊዜው ደርሷል ፤ በሰላም እሄዳለሁ ” ሜሲ የስምንት ጊዜ ባሎን ዶር አሸናፊው ሊዮኔል ሜሲ የአርጀንቲና ብሔራዊ ቡድን ስንብት መልዕክቱን አስተላልፏል። “ አሁን ጊዜው ደርሷል ” ያለው ሜሲ “ በሰላም እሰናበታለሁ ያለኝን ሁሉ ሰጥቻለሁ " ሲል ተናግሯል። አክሎም “ የብሔራዊ ቡድኑ ማልያ ለአመታት ህልሜ እና ክብሬ ነው “ ሲል ተደምጧል። “ በጣም ስለወደዳችሁኝ አመሰግናለሁ ለሰጣችሁኝ ደጋፍ…

(ዘ-ሐበሻ ስፖርት) የእንግሊዝ ፕሪሚየር ሊግን ክፉኛ ያናወጠው የማንቸስተር ሲቲ የፋይናንስ ደንብ ጥሰት ቅሌት የስፖርቱን ዓለም ዋነኛ የመወያያ አጀንዳ ሆኖ ቀጥሏል። ፕሪሚየር ሊጉ ማክሰኞ ዕለት ይፋ ባደረገው ውሳኔ ክለቡ ከ2009 እስከ 2018 ባለው ጊዜ ውስጥ ከ830 ሚሊዮን ፓውንድ በላይ በድብቅ ወደ እግር ኳስ እንቅስቃሴው ለማስገባት ከንግድ አጋሮቹ ጋር "የማስመሰል" ኮንትራቶችን በመፍጠር ጥፋተኛ ሆኖ አግኝቶታል። ክለቡ አሁንም ጥፋት አላጠፋሁም ቢልም፣ በዚህ የዘጠኝ ዓመት ጊዜ ውስጥ ሶስት የፕሪሚየር ሊግ ዋንጫዎችን ጨምሮ ስምንት ታላላቅ ክብሮችን አሳክቷል።

ይህንን ውሳኔ ተከትሎ የቀድሞው የማንቸስተር ዩናይትድ አምበል ሮይ ኪን በሰጠው አስተያየት፣ በዚያን ጊዜ የተገኘው ድል "በማጭበርበር" የመጣ በመሆኑ የሲቲ ተጫዋቾች ስኬት ዋጋ ቢስ መሆኑን ተናግሯል። ኪን ለ አይቲቪ ስፖርት ሲናገር፣ "እኔ ተጫዋች ብሆን ኖሮ፣ መቶ በመቶ ሜዳሊያዎቹን በቆሻሻ መጣያ ውስጥ እጥላቸው ነበር። ድሉ የተገኘው በማጭበርበር ነው። ብዙዎችን እንደሚጎዳ እያወቁ አድርገውታል" ሲል በቁጣ ተናግሯል።

በሌላ በኩል፣ የቀድሞው የዩናይትድ ኮከብ ዌይን ሩኒ፣ የከተማቸው ተቀናቃኝ የሆነው ሲቲ ዋንጫው ቢነጠቅ እንኳን፣ ዩናይትድ ዋንጫውን በምትኩ ሊቀበል አይገባም የሚል አቋም አንጸባርቋል። እ.ኤ.አ. በ2011/12 የውድድር ዘመን ከሲቲ በመቀጠል ሁለተኛ ሆነው ያጠናቀቁት ሩኒ እና ጓደኞቹ ዋንጫው ቢሰጣቸው ደስተኛ እንደማይሆን ተናግሯል። ሪዮ ፈርዲናንድ እና ዴቪድ ዴህያ ዋንጫው ወደ ዩናይትድ ሊመጣ ይገባል የሚል አንድምታ ያለው ሀሳብ ቢያጋሩም፣ ሩኒ ግን የተለየ እይታ አለው።
"እውነቱን ለመናገር ያንን የፕሪሚየር ሊግ ሜዳሊያ ብቀበል ምቾት አይሰማኝም። በዚያ የውድድር ዘመን ሊጉን ለማሸነፍ የሚያስችል በቂ ስራ አልሰራንም" ያለው ሩኒ፣ "ከ15 ዓመት በኋላ ሲቲ ስላጭበረበረ ብቻ ሜዳሊያ መቀበል አልፈልግም። ጥያቄው ሁለተኛ ስለወጣሁ ሜዳሊያ እፈልጋለሁ ወይ? ነው፤ በፍጹም አልፈልግም" ብሏል።

ምንም እንኳን ሩኒ ሜዳሊያውን ባይፈልግም ማንቸስተር ሲቲ ግን ከባድ ቅጣት ሊጣልበት እንደሚገባ ያምናል። "ሲቲ ወደ ታችኛው ሊግ ሲወርድ እንደምናይ አስባለሁ" ያለው የ40 ዓመቱ ሩኒ አክሎም፣ "እኔ ብሆን ኖሮ እስከሚችሉት ዝቅተኛ ሊግ አውርጄ፣ ለቀጣዮቹ ሶስት እና አራት ዓመታት በዝውውር ገበያ ላይ ምን ያህል ገንዘብ ማውጣት እንደሚችሉ ጥብቅ ገደብ እጥልባቸው ነበር። ወደ ሻምፒዮንሺፕ ብቻ ማውረድ ትልቅ ቅጣት ቢሆንም ቶሎ ይመለሳሉ፤ ነገር ግን የ20 ነጥብ ቅጣት ለሶስት ተከታታይ አመታት ቢጣልባቸው ተጫዋቾች እዚያ መቆየት አይፈልጉም" በማለት ከባድ እርምጃ እንዲወሰድ ጠይቋል።

ፕሪሚየር ሊጉ በሲቲ ላይ የሚወስነው የመጨረሻ የቅጣት አይነት ገና ይፋ ያልተደረገ ሲሆን፣ ክለቡም በውሳኔው ላይ ይግባኝ ለማለት በዝግጅት ላይ ይገኛል።









(ዘ-ሐበሻ ስፖርት) የእንግሊዝ ፕሪሚየር ሊግን ክፉኛ ያናወጠው የማንቸስተር ሲቲ የፋይናንስ ደንብ ጥሰት ቅሌት የስፖርቱን ዓለም ዋነኛ የመወያያ አጀንዳ ሆኖ ቀጥሏል። ፕሪሚየር ሊጉ ማክሰኞ ዕለት ይፋ ባደረገው ውሳኔ ክለቡ ከ2009 እስከ 2018 ባለው ጊዜ ውስጥ ከ830 ሚሊዮን ፓውንድ በላይ በድብቅ ወደ እግር ኳስ እንቅስቃሴው ለማስገባት ከንግድ አጋሮቹ ጋር "የማስመሰል" ኮንትራቶችን በመፍጠር ጥፋተኛ ሆኖ አግኝቶታል። ክለቡ አሁንም ጥፋት አላጠፋሁም ቢልም፣ በዚህ የዘጠኝ ዓመት ጊዜ ውስጥ ሶስት የፕሪሚየር ሊግ ዋንጫዎችን ጨምሮ ስምንት ታላላቅ ክብሮችን አሳክቷል።

ይህንን ውሳኔ ተከትሎ የቀድሞው የማንቸስተር ዩናይትድ አምበል ሮይ ኪን በሰጠው አስተያየት፣ በዚያን ጊዜ የተገኘው ድል "በማጭበርበር" የመጣ በመሆኑ የሲቲ ተጫዋቾች ስኬት ዋጋ ቢስ መሆኑን ተናግሯል። ኪን ለ አይቲቪ ስፖርት ሲናገር፣ "እኔ ተጫዋች ብሆን ኖሮ፣ መቶ በመቶ ሜዳሊያዎቹን በቆሻሻ መጣያ ውስጥ እጥላቸው ነበር። ድሉ የተገኘው በማጭበርበር ነው። ብዙዎችን እንደሚጎዳ እያወቁ አድርገውታል" ሲል በቁጣ ተናግሯል።

በሌላ በኩል፣ የቀድሞው የዩናይትድ ኮከብ ዌይን ሩኒ፣ የከተማቸው ተቀናቃኝ የሆነው ሲቲ ዋንጫው ቢነጠቅ እንኳን፣ ዩናይትድ ዋንጫውን በምትኩ ሊቀበል አይገባም የሚል አቋም አንጸባርቋል። እ.ኤ.አ. በ2011/12 የውድድር ዘመን ከሲቲ በመቀጠል ሁለተኛ ሆነው ያጠናቀቁት ሩኒ እና ጓደኞቹ ዋንጫው ቢሰጣቸው ደስተኛ እንደማይሆን ተናግሯል። ሪዮ ፈርዲናንድ እና ዴቪድ ዴህያ ዋንጫው ወደ ዩናይትድ ሊመጣ ይገባል የሚል አንድምታ ያለው ሀሳብ ቢያጋሩም፣ ሩኒ ግን የተለየ እይታ አለው።
"እውነቱን ለመናገር ያንን የፕሪሚየር ሊግ ሜዳሊያ ብቀበል ምቾት አይሰማኝም። በዚያ የውድድር ዘመን ሊጉን ለማሸነፍ የሚያስችል በቂ ስራ አልሰራንም" ያለው ሩኒ፣ "ከ15 ዓመት በኋላ ሲቲ ስላጭበረበረ ብቻ ሜዳሊያ መቀበል አልፈልግም። ጥያቄው ሁለተኛ ስለወጣሁ ሜዳሊያ እፈልጋለሁ ወይ? ነው፤ በፍጹም አልፈልግም" ብሏል።

ምንም እንኳን ሩኒ ሜዳሊያውን ባይፈልግም ማንቸስተር ሲቲ ግን ከባድ ቅጣት ሊጣልበት እንደሚገባ ያምናል። "ሲቲ ወደ ታችኛው ሊግ ሲወርድ እንደምናይ አስባለሁ" ያለው የ40 ዓመቱ ሩኒ አክሎም፣ "እኔ ብሆን ኖሮ እስከሚችሉት ዝቅተኛ ሊግ አውርጄ፣ ለቀጣዮቹ ሶስት እና አራት ዓመታት በዝውውር ገበያ ላይ ምን ያህል ገንዘብ ማውጣት እንደሚችሉ ጥብቅ ገደብ እጥልባቸው ነበር። ወደ ሻምፒዮንሺፕ ብቻ ማውረድ ትልቅ ቅጣት ቢሆንም ቶሎ ይመለሳሉ፤ ነገር ግን የ20 ነጥብ ቅጣት ለሶስት ተከታታይ አመታት ቢጣልባቸው ተጫዋቾች እዚያ መቆየት አይፈልጉም" በማለት ከባድ እርምጃ እንዲወሰድ ጠይቋል።

ፕሪሚየር ሊጉ በሲቲ ላይ የሚወስነው የመጨረሻ የቅጣት አይነት ገና ይፋ ያልተደረገ ሲሆን፣ ክለቡም በውሳኔው ላይ ይግባኝ ለማለት በዝግጅት ላይ ይገኛል።

(ዘ-ሐበሻ ዜና) የብራዚል አሰልጣኝ ለሰጡት አስተያየት የህንዱ አምበል መልስ ሰጠ፡፡ የፊታችን ቅዳሜ ብራዚልና ህንድ ታሪካዊ የሚባለውን የወዳጅነት ግጥሚያ ያደርጋሉ፡፡ በኮልካታ ለሚደረገው ለዚህ ግጥሚያ ህንድ ከፍተኛ ዝግጅት እያደረገች ትገኛለች፡፡ የብራዘል እግር ኳስ ፌዴሬሽን ተወካዮች ወደዚያው አቅንተው በከተማው የሚገኘውን ሳልት ሌክ ስታዲየም ከጎበኙ በኋላ በሜዳው ደስተኛ አለመሆናቸውን ገልፀው ነበር፡፡ ይህንን ተከትሎም የህንድ እግር ኳስ ፌዴሬሽን ከፍተኛ ወጪ በማውጣት ሜዳውን አስተካክሎታል፡፡

ይህ በእንዲህ እንዳለ የቅዳሜውን ግጥሚያ በተመለከተ የብራዚሉ አሰልጣኝ ካርሎ አንቸሎቲ ስለህንድ እግር ኳስ ጠንከር ያለ አስተያየት ሰጥተዋል፡፡ ሲናገሩም ‹‹ይህ የባህል ችግር እንደሆነ አስባለሁ፡፡ ህንድ በሌሎች ስፖርቶች ጥሩ አቋም ያላት ቢሆንም የእግር ኳስ ባህል ግን የላትም፡፡ አዳስ የተጨዋቾች ትውልድ ለመፍጠር መስራት ይገባቸዋል›› ብለዋል፡፡ ለዚህ አስተያየት ምን መልስ እንዳለው የህንድ አምበል የሆነው ጉርፔት ሲንግ ሳንዱ ተጠይቋል፡፡ ከገልፍ ኒውስ ለቀረበለት ለዚህ ጥያቄ ሲመልስም ‹‹እንደአንቸሎቲ ያለ ሰው ስለእግር ኳስ ምክር ሲሰጥ ሁሉም ሰው ማዳመጥ እንዳለበት አምናለሁ፡፡ በእግር ኳስ በማደግ ላይ ያለን አገር በመሆናችን የሰጡን አስተያየት እጅግ ወሳኝ ነው፡፡›› ብሏል፡፡ እንደገለፀውም ነገሮች የሚጀምሩት መሰረታዊ ሁኔታዎችን በማመቻቸት ነው፡፡

በሚቀጥሉት አመታት አሰራሮችን በማስተካከልና ከትልልቅ ቡድኖች ጋር በመጫወት ባህሉን ለማሳደግ እንደሚጥርም አስታውቋል፡፡ ቅዳሜ አምስት ጊዜ የአለም ሻምፒዮን ከሆነችው ብራዚል ጋር የሚያደርጉት ግጥሚያም የዚሁ አካል መሆኑን አስረድቷል፡፡ ህንድ በአለም የእግር ኳስ ደረጃ በ138ተኛ ደረጃ ላይ የተቀመጠች ቢሆንም በቅርቡ ግን መሻሻሎችን እያሳየች ነው፡፡ ለመጨረሻ ጊዜ ግጥሚያዋን ያደረገችው በአለም 44ተኛ ደረጃ ካላት ፓናማ ጋር ሲሆን በጨዋታውም አንድ ለአንድ ተለያይታለች፡፡ የህንድ አምበሉ በመጨረሻም ‹‹አንቸሎቲ ከዚህ ከብራዚል ግጥሚያ በኋላ ተጨማሪ ምክሮች እንደሚሰጡን ተስፋ አደርጋለሁ›› ብሏል፡፡








(ዘ-ሐበሻ ዜና) የብራዚል አሰልጣኝ ለሰጡት አስተያየት የህንዱ አምበል መልስ ሰጠ፡፡ የፊታችን ቅዳሜ ብራዚልና ህንድ ታሪካዊ የሚባለውን የወዳጅነት ግጥሚያ ያደርጋሉ፡፡ በኮልካታ ለሚደረገው ለዚህ ግጥሚያ ህንድ ከፍተኛ ዝግጅት እያደረገች ትገኛለች፡፡ የብራዘል እግር ኳስ ፌዴሬሽን ተወካዮች ወደዚያው አቅንተው በከተማው የሚገኘውን ሳልት ሌክ ስታዲየም ከጎበኙ በኋላ በሜዳው ደስተኛ አለመሆናቸውን ገልፀው ነበር፡፡ ይህንን ተከትሎም የህንድ እግር ኳስ ፌዴሬሽን ከፍተኛ ወጪ በማውጣት ሜዳውን አስተካክሎታል፡፡

ይህ በእንዲህ እንዳለ የቅዳሜውን ግጥሚያ በተመለከተ የብራዚሉ አሰልጣኝ ካርሎ አንቸሎቲ ስለህንድ እግር ኳስ ጠንከር ያለ አስተያየት ሰጥተዋል፡፡ ሲናገሩም ‹‹ይህ የባህል ችግር እንደሆነ አስባለሁ፡፡ ህንድ በሌሎች ስፖርቶች ጥሩ አቋም ያላት ቢሆንም የእግር ኳስ ባህል ግን የላትም፡፡ አዳስ የተጨዋቾች ትውልድ ለመፍጠር መስራት ይገባቸዋል›› ብለዋል፡፡ ለዚህ አስተያየት ምን መልስ እንዳለው የህንድ አምበል የሆነው ጉርፔት ሲንግ ሳንዱ ተጠይቋል፡፡ ከገልፍ ኒውስ ለቀረበለት ለዚህ ጥያቄ ሲመልስም ‹‹እንደአንቸሎቲ ያለ ሰው ስለእግር ኳስ ምክር ሲሰጥ ሁሉም ሰው ማዳመጥ እንዳለበት አምናለሁ፡፡ በእግር ኳስ በማደግ ላይ ያለን አገር በመሆናችን የሰጡን አስተያየት እጅግ ወሳኝ ነው፡፡›› ብሏል፡፡ እንደገለፀውም ነገሮች የሚጀምሩት መሰረታዊ ሁኔታዎችን በማመቻቸት ነው፡፡

በሚቀጥሉት አመታት አሰራሮችን በማስተካከልና ከትልልቅ ቡድኖች ጋር በመጫወት ባህሉን ለማሳደግ እንደሚጥርም አስታውቋል፡፡ ቅዳሜ አምስት ጊዜ የአለም ሻምፒዮን ከሆነችው ብራዚል ጋር የሚያደርጉት ግጥሚያም የዚሁ አካል መሆኑን አስረድቷል፡፡ ህንድ በአለም የእግር ኳስ ደረጃ በ138ተኛ ደረጃ ላይ የተቀመጠች ቢሆንም በቅርቡ ግን መሻሻሎችን እያሳየች ነው፡፡ ለመጨረሻ ጊዜ ግጥሚያዋን ያደረገችው በአለም 44ተኛ ደረጃ ካላት ፓናማ ጋር ሲሆን በጨዋታውም አንድ ለአንድ ተለያይታለች፡፡ የህንድ አምበሉ በመጨረሻም ‹‹አንቸሎቲ ከዚህ ከብራዚል ግጥሚያ በኋላ ተጨማሪ ምክሮች እንደሚሰጡን ተስፋ አደርጋለሁ›› ብሏል፡፡

ይጋብዙ፣ ይሳተፉ፣ ይሸለሙ!

የትምህርት ስኮላርሺፕ የማሸነፍ ዕድልዎን ያሳድጉ፤ ተማሪ ጓደኞችዎን ይጋብዙ፣ ለእያንዳንዱ ብቁ ሪፈራል 100 ብር ያግኙ፣ እስከ 1,000$ የትምህርት የውጭ ምንዛሪ ፍቃድ ዕድል አሸናፊ ይሁኑ!

የአፖሎ ሻምፒዮን ለመሆን ዛሬውኑ ይቀላቀሉ https://bit.ly/Apollocampu...

❗️❗️❗️

ማንቸስተር ሲቲ ከጠቅላላው የእንግሊዝ እግር ኳስ ሊግ መዋቅር እስከመባረር ሊደርስ እንደሚችል ተገለጸ.....

በፋይናንስ ሕግ ጥሰት ክስ ጥፋተኛ ሆኖ የተገኘው ማን ሲቲ ከፕሪሚየር ሊጉ የሚባረር ከሆነ ዝቅተኞቹን የእንግሊዝ ሊጎች የሚያስተዳድረው EFL የፕሪሚየር ሊጉን ውሳኔ የመደገፍ አቋም አለው።

ይህም ማለት EFL የሕግ ውሳኔውን በመቀበል ክለቡ ወደ ዝቅተኛው የሊግ እርከን ማለትም እንደ ሻምፒዮንሺፕ ወይም ሊግ ዋን እንዳይቀላቀል እና ከእነሱም ሊግ ውጪ እንዲሆን የማድረግ ፍላጎት አለው።

ሰለዚህ ምናልባትም ይህ ሁኔታ ከተከሰተ ማን ሲቲ ከፕሪሚየር ሊጉ መውረድ ብቻ ሳይሆን ከጠቅላላው የእንግሊዝ እግር ኳስ የሊግ መዋቅር ሙሉ በሙሉ እስከመወገድ እና እስከመባረር የሚያደርሰው ከባድ አደጋ ከፊቱ ይደቀንበታል።

- Ben Jacobs

@Bisrat_Sport_433et
@Bisrat_Sport_433et

ላሚን ያማል 🗣

'' አንድ የአውሮፓ ሻምፒዮንስ ሊግ ካሸነፍኩ በተከታታይ ሶስቴ  ማሸነፍ እፈልጋለሁ

''ባላንዶር ካሸነፍኩ አምስት እና ከዚያ በላይ ማሸነፍ እፈልጋለሁ ''

@Bisrat_Sport_433et
@Bisrat_Sport_433et

ሚኬል አርቴታ ከአርሰናል ጋር ውሉን ለማደስ ተስማማ

አዲስ አበባ፣ መስከረም 12፣ 2019 (ኤፍ ኤም ሲ) የሰሜን ለንደኑ ክለብ አርሰናል አሰልጣኝ ሚኬል አርቴታ ከእንግሊዝ ፕሪሚየር ሊጉ ሻምፒዮን ጋር የተሻሻለ አዲስ ውል ለመፈራረም ተስማምቷል።

ስፔናዊው አሰልጣኝ ከአርሰናል ጋር ያለው ኮንትራት በዚህ የውድድር ዘመን መጨረሻ የሚያበቃ ሲሆን ከክለቡ ጋር ስለሚኖረው የወደፊት ቆይታ ላለፉት በርካታ ወራት ድርድር ሲካሄድ ቆይቷል።

አሁን ላይ ታዲያ አሰልጣኝ ሚኬል አርቴታ ከመድፈኞቹ ጋር የተሻሻለ አዲስ ውል ለመፈራረም የመጨረሻ ስምምነት ላይ መድረሱ ተረጋግጧል።

የአዲሱ ውል ትክክለኛ የጊዜ ርዝመት በይፋ ያልተገለጸ ቢሆንም አርቴታ ከፈረንጆቹ 2019 የጀመረው የስፔናዊው አሰልጣኝ የአርሰናል ቤት ቆይታ ቢያንስ እስከ 10ኛ ዓመቱ ያራዝማል ተብሎ ይጠበቃል።

ከአዲሱ ውል ጋር ተያይዞ የአርቴታ ደመወዝም ከፍተኛ ጭማሪ እንደሚያገኝ የተገለጸ ሲሆን አሁን በዓመት 10 ሚሊየን ፓውንድ የሚያገኘው አሰልጣኙ በአዲሱ ውል እስከ 5 ሚሊዮን ፓውንድ የሚደርስ ተጨማሪ የጉርሻ ክፍያ በማግኘት የዓለማችን ውዱ ተከፋይ አሰልጣኝ ይሆናል ነው የተባለው።

አርቴታ በቅርቡ ስለ ውሉ ድርድር ሲናገር ÷ የአርሰናል ደጋፊዎች ስለ ወደፊቱ መጨነቅ እንደሌለባቸው እና እሱ በአርሰናል ቤት መቆየት እንደሚፈልግ ገልጿል።

አርቴታ በአርሰናል የሚኖረውን ቆይታ ማራዘሙ ክለቡ ከእሱ ጋር የጀመረውን የረጅም ጊዜ ፕሮጀክት ለመቀጠል ያለውን ፍላጎት የሚያሳይ እንደሆነ የዘገበው ቢቢሲ ነው።

በአቤል ነዋይ

ደራርቱ እና ልቅና‼️

ከአራት አመት በፊት በዚሁ በመስከረም ወር፦

ለደራርቱ መልዕክት አስቀመጥኩላት፤ ፈጣን ምላሽ ላከችልኝ
#ethiopia | ኢትዮጵያዊቷ ወጣት አትሌት ልቅና አምባው በጤና እክል ምክንያት ስፔን ውስጥ ችግር ላይ ነበረች፤ የወቅቱ የፌዴሬሽኑ ፕሬዝዳንት ረዳት ኮሚሽነር ደራርቱ ቱሉ ደግሞ በባርሴሎና ኦሊምፒክ 30ኛ አመት የመታሰቢያ ዝግጅት ላይ በክብር እንግድነት ተጋብዛ እሷም ስፔን ተገኝታ ነበር፤ አጋጣሚውን ተጠቅሜ የአትሌቷን ጉዳይ አነሳሁላት፤ ለመፍትሄ ጊዜ አልወሰደችም

በቅድሚያ ልቅና አምባው ያጋጠሟትን ችግሮች የተመለከቱ መረጃዎችን ሰበሰበች፤ የኢትዮ ራነር ዘጋቢው ወንዴ ተጨማሪ ግብአት ሰጣት

ቀጥላ በስፔን ለኢትዮጵያ አምባሳደር ጉዳዩን አሳወቀችና አትሌቷን ለማግኘት ጥረት ጀመረች፤ ተሳካላት፦

"ወርቅነህ የተባለ ልጅ በስልክ አገናኝቶኝ ልቅናን አውርቻታለሁ፤ ማድሪድ ከተማ ነው ያለችው፤ ከሆስፒታል ወጥታ ቤቷ መግባቷን ነግራኛለች፤ ወደ ሀገር ቤት መመለስ ትፈልጊያለሽ ወይ ስላት 'ቢያንስ ለአራት ወራት እዚሁ ሆነሽ ህክምናሽን ተከታተይ ስላሉኝና የምወስደው መድሀኒት ስለሚኖር ስፔን ብቆይ ይሻላል' ብላኛለች፤ ጉዳዩን በዝርዝር ለኤምባሲያችን አሳውቄያለሁ፤ በቅርበት ያግዟታል፤ ከማናጀሯ አልቤርቶ ጋርሺያ ጋርም አውርተናል፤ ከእኛ ፌዴሬሽን ጋር አብሮ የሚሰራ ሰው ነው፤ እሱም ሀላፊነቱን እንደሚወጣ አረጋግጦልኛል። ሀገር ቤት ያለ የቤተሰብ አካል ከጎኗ እንዲሆን ከፈለገችም ከኤምባሲያችን ጋር ተነጋግረን ሁኔታዎችን እናመቻቻለን ብያታለሁ፤ ከእኛ ሀኪሞች ጋር እንድትገናኝም እናደርጋለን፤ ቶሎ ተሽሎሽ ወደ ልምምድ ተመልሰሽ ለፓሪሱ ኦሊምፒክ እንድትደርሺልን እፈልጋለሁ ብያት ተለያይተናል" ብላኝ ነበር ደራርቱ

ከአራት አመት በኋላ በዚሁ ወር መስከረም፦

ያጋጠማትን ፈተናዎች በፅናት ተግላ ያሸነፈችው ልቅና አምባው ሰሞኑን ደግሞ በመምና በጎዳና ውድድሮች ኢትዮጵያን ወክላ ስሟን በአኩሪ ድል በደማቁ ፅፋ አሸንፋለች፤ በዳይመንድ ሊግ ደምቃ፥ በአልትሜት ሻምፒዮንሺፕ ሀንጋሪ ቡዳፔስት ላይ በ5000 ሜትር ኢትዮጵያን ወክላ አሸንፋ፥ በስድስት ቀን ልዩነት ደግሞ ዴንማርክ ኮፐንሀገን በ5ኪ.ሜ ቀዳሚ ሆና ገብታ ሀገሯን አኩርታለች

ይህንን ተከትሎ ከአራት አመት በፊት ትልቅ ትብብር ያደረገችላት ረዳት ኮሚሽነር ደራርቱ ቱሉ ምን እንደተሰማት ጠይቄያት ነበር፤ አጭር ምላሽ ሰጥታኛለች፦

"ልቅና ከዛ ሁሉ ችግር ወጥታ ዛሬ እዚህ በመድረሷ በጣም ደስ ብሎኛል፤ ከምንም በላይ ደግሞ የምንወዳት ኢትዮጵያን ባንዲራ ከፍ እንድታደርግ እግዚአብሔር እንኳን ረዳት፤ ለወደፊቱም መልካሙን ሁሉ እመኝላታለሁ" ብላለች፤ ደራርቱ በአትሌቷ የችግር ወቅት ፈጥነው ከደረሱና ለመፍትሄ ከተባበሩት አንዷ በመሆኗ ምስጋና ይገባታል፤ ሌሎች ድጋፍ ያደረጉላትም ምስጋና ይድረሳቸው

ከዚህ ጋር ተያይዞ ልቅና ሀገሯን ለመወከል ያላትን ፅኑ ፍላጎት በመረዳት ኢትዮጵያን እንድትወክል እድል የሰጧትና በሙሉ ድምፅ የተቀበሏት በኮማንደር ስለሺ ስህን የሚመሩት የወቅቱ የኢትዮጵያ አትሌቲክስ ፌዴሬሽን ስራ አስፈፃሚዎች በተመሳሳይ ምስጋና ይገባቸዋል፤ አሁን ልቅና አምባው በቀጣዩ የቤጂንግ የአለም ሻምፒዮናና በሎስአንጀለሱ ኦሊምፒክ ለአሸናፊነት የምትጠበቅ ኢትዮጵያዊት ተስፈኛ አትሌት ሆናለች፥ እንደጨለመ አይቀርም፥ ይነጋል !

(ታምሩ ዓለሙ)

እግር ኳስን ለማቆም ጫፍ ደርሶ የነበረው ኮከብ - ራፊንሃ

አዲስ አበባ፣ መስከረም 11፣ 2019 (ኤፍ ኤም ሲ) የቢቢሲ ስፖርት አምደኛው ጊሌም ባላጌ፥ ብራዚላዊው ኮከብ "የእግር ኳስ ህልሜ አክትሞለታል" የሚል ውሳኔ ላይ የደረሰበትን አጋጣሚ ወደ ኋላ መለስ ብሎ ይተርካል።

በብራዚሏ ፖርቶ አሌግሪ ከተማ የተወለደው ራፋኤል ዲያዝ ቤሎሊ (ራፊንሃ) እግር ኳስን የጀመረው እንደ አብዛኞቹ ተጫዋቾች ለኳስ ባለው ፍቅር ብቻ አልነበረም።

ስኬታማ እግር ኳስ ተጫዋች መሆን፥ በከፋ ድህነት፣ በወንጀልና በአደንዛዥ ዕጽ ከሚታወቀው የትውልድ መንደሩ ማምለጫው ብቸኛ መንገድ መሆኑን ስለተረዳም ጭምር ነው።

የህልሙን መንገድ ተከትሎ ገና በልጅነቱ እግር ኳስን ቢጀምርም፤ የ18 ዓመት ወጣት እያለ ያጋጠመው የህይወት አጣብቂኝ ለዛሬ ስኬቱ መስፈንጠሪያ ሆኖታል።

የስፖርት አምደኛው እንደሚለው፥ በዚያ ወቅት ራፊንሃ ከሚጫወትበት የአቫይ ወጣት ቡድን ውጪ ሆኗል፤ ጉዳት አስተናግዷል፤ ፈላጊ ክለብ አጥቶ የእድል በሮች ሁሉ ተከርችመውበት ነበር።

እነዚህ ሁኔታዎች እግር ኳስ የማቆም አፋፍ ላይ አድርሰውት በነበረበት ወቅት፥ እናቱ የሰጡት ምክር ያበቃለት ለመሰለው ህልሙ ነፍስ ዘርቶለታል።

"የእግር ኳስ ጉዞህን ለማቆም ከወሰንክ፤ ቀሪውን እድሜህን አሁን ባለህበት ሁኔታ ለመኖር እንደወሰንክ እወቀው" ነበር ያሉት።

ጊሌም ባላግ በዚህ አምዱ፥ ከዚያች ቅጽበት በኋላ ራፊንሃ እስከ ባርሴሎና መልበሻ ቤት ያደረገው ጉዞ የጽናት፣ የዲሲፕሊን እና ራስን የማብቃት ታሪክ ነው ሲል ይገልጻል።

በእግር ኳስ ሕይወቱ ያሳየው ከፍታ የተሰጥኦ ብቻ ሳይሆን፤ የዓላማ ጽናት፣ የመስዋዕትነትና ለህልም የመኖር መሻት ውጤት መሆኑን ያነሳል።

ራፊንሃ እንደ አብዛኞቹ ብራዚላውያን ከዋክብት ብቃቱን በሀገሩ ብራዚል ሊጎች ለማሳየት አልታደለም፤ በዚህም ምክንያት ከአውሮፓ ዝቅተኛ ሊጎች መጀመር ግድ ብሎታል።

በፈረንጆቹ 2016 የፖርቹጋሉን ክለብ ቪቶሪያ ጊማሬሽ የወጣት ቡድን ከተቀላቀለ በኋላ ወደ ዋናው ቡድን ያደገ ሲሆን፤ ከሁለት ዓመት በኋላ ወደ ሌላኛው የፖርቹጋል ክለብ ስፖርቲንግ አመራ።

በቀጣዩ ዓመት ወደ ፈረንሳዩ ሬን በማምራት ድንቅ ብቃቱን ያሳየ ሲሆን፤ ከአንድ ዓመት ቆይታ በኋላ ወደ ፕሪሚየር ሊጉ በማቅናት ሊድስ ዩናይትድን መቀላቀል ችሏል።

የሊድስ ቆይታው በማርሴሎ ቤልሳ ስር ከኳስ ክህሎቱ ባሻገር ተክለሰውነቱን ያጠነከረበትና ቴክኒካዊ ብቃቱን ያጎለበተበት ነበር።

በሁለት ዓመት የኢላንድ ሮድ ቆይታው በፕሪሚየር ሊጉ በ29 ግቦች ላይ ቀጥተኛ ተሳትፎ በማድረግ ባሳየው አስደናቂ ብቃት በ50 ሚሊየን ፓውንድ መነሻ የዝውውር ሂሳብ ባርሴሎናን መቀላቀሉ አይዘነጋም።

በብሉ ግራናዎቹ ቤት በወቅቱ የክለቡ አሰልጣኝ በነበረው ዣቪ ስር፥ ራፊንሃ እንደ ስብስቡ አማራጭ የሚቆጠር እንጂ በቋሚነት የሚሰለፍ ተጫዋች አልነበረም።

በቋሚነት በሚጀምርባቸው ጨዋታዎችም በጊዜ ተቀይሮ የሚወጣ የነበረው ተጫዋቹ፤ በባርሴሎና ቤት በፍጥነት ለመድመቅ ተቸግሮ ነበር።

በፈረንጆቹ 2024 የካታላኑ ክለብ ከቀድሞ ተጫዋቹ ጋር ተለያይቶ ጀርመናዊውን አሰልጣኝ ሀንሲ ፍሊክ ሲሾም ለራፊንሃ ሁኔታዎች ተቀየሩ።

በሀንሲ ፍሊክ ባርሴሎና ተከላካዮችን ለማለፍ የማይቸገር፣ በግብ ፊት ምህረት የለሽ ቁልፍ ተጫዋች መሆን ችሏል፤ በአሰልጣኙ የተሰጠው ሚና በራስ መተማመኑን ከፍ እንዳደረገለት ይነገራል።

በዚህ የውድድር ዓመት ብቻ በላሊጋው ለተከታታይ ሁለት ጊዜ ሀትሪክ መስራት የቻለው ብራዚላዊ የመስመር አጥቂ፥ በ12 ግቦች የላ ሊጋውን ከፍተኛ ግብ አስቆጣሪነት እየመራ ይገኛል።

በሀንሲ ፍሊክ ስር ለክለቡ ባደረጋቸው 98 ጨዋታዎች 69 ጊዜ ኳስና መረብን አገናኝቷል፤ 32 ግብ የሆኑ ኳሶችን አመቻችቶ ማቀበል ችሏል።

ከባርሴሎና ጋር ሦስት ጊዜ የላ ሊጋ ሻምፒዮን ሆኗል፤በ2024/25 የውድድር ዓመት የውድድሩ የዓመቱ ምርጥ ተጫዋች በመሆን ተመርጧል።

ገና በ18 ዓመቱ እግር ኳስን ለማቆም ተቃርቦ የነበረው የባርሴሎና አምበል፤ በ2025ቱ የባሎንዶር ሽልማት ምርጥ 5 ውስጥ መካተት ችሎም ነበር።

በኃይለማሪያም ተገኝ

ከ14 ዓመቱ የጀመረው የቴኳንዶ ጉዞ — ማስተር ሽመክት ውድነህ
#ethiopia | በለጋ እድሜ የጀመረው የወርልድ ቴኳንዶ ፍቅር በርካታ የሀገር ባለውለታዎችን አፍርቷል

ማስተር ሽመክት ውድነህ በኢትዮጵያ የወርልድ ቴኳንዶ ስፖርት ውስጥ ለረጅም ዓመታት በተወዳዳሪነት፣ በአሰልጣኝነትና በተሰጥኦ ልማት የተሳተፈ የስፖርት ባለሙያ ነው።

የቴኳንዶ ስፖርት ትዕግሥት፣ ጽናት፣ ብርታትና ተስፋ አለመቁረጥን የሚጠይቅ የስፖርት ዘርፍ ሲሆን፣ ማስተር ሽመክት ከለጋ እድሜው ጀምሮ ከዚህ ስፖርት ጋር የገነባውን ግንኙነት በስራና በልምድ አጠናክሯል።

ማስተር ሽመክት የወርልድ ቴኳንዶ ስፖርትን በ14 ዓመቱ፣ የአንደኛ ደረጃ ትምህርቱን በሚከታተልበት ወቅት ጀምሯል። ከዚያም የስፖርቱን መሠረታዊ እውቀት በመገንባት በተወዳዳሪነትና በአሰልጣኝነት ወደ ከፍተኛ ደረጃ ደርሷል።

ከ15 ሺህ በላይ ተማሪዎችን ያሰለጠነው ክለብ

በ1996 ዓ.ም. የሽመክት ወርልድ ቴኳንዶ ክለብን በማቋቋም ከ15 ሺህ በላይ ተማሪዎችን በአምስት ቅርንጫፎች በማሰልጠን ለስፖርቱ የሰው ኃይል ልማት አስተዋጽዖ ማድረጉ ተገልጿል።

ከእነዚህ ሰልጣኞች መካከልም ለብሔራዊ ቡድን የተመረጡ ተወዳዳሪዎች መኖራቸው ይጠቀሳል።

ክለቡ ከ2000 ዓ.ም. እስከ 2003 ዓ.ም. ድረስ በአዲስ አበባ የወርልድ ቴኳንዶ ክለቦች ሻምፒዮና ለሶስት ተከታታይ ዓመታት ሻምፒዮን መሆን ችሏል።

በአዲስ አበባ የክለብ ሻምፒዮናም በቡድን ደረጃ ሁለት የወርቅ ሜዳሊያዎችን ማግኘት እንደቻለ የሚገልጹ መረጃዎች አሉ።

ከኢትዮጵያ እስከ ኖርዌ

ማስተር ሽመክት በአሁኑ ወቅት በኖርዌ የቴኳንዶ አሰልጣኝ ሆኖ እየሰራ ሲሆን፣ በኖርዌ ሻምፒዮና ተሳትፎውን በሁለተኛ ደረጃ በማጠናቀቅ የብር ሜዳሊያ ማግኘቱም ተጠቅሷል።

ከሀገር ውጭ በሚኖርበት ወቅትም ከኢትዮጵያ የቴኳንዶ ስፖርት ጋር ያለውን ትስስር በመቀጠል፣ በ2015 ዓ.ም. ወደ ሀገር ቤት በተመለሰበት ወቅት ለኢትዮጵያ ቴኳንዶ ተወዳዳሪዎች የስፓሪንግ ስልጠና በመስጠት ያካበተውን ልምድ አካፍሏል።

ለብሔራዊ ቡድን ያበረከተው አስተዋጽዖ

ማስተር ሽመክት ከ2000 ዓ.ም. እስከ 2004 ዓ.ም. ድረስ ለአራት ዓመታት የኢትዮጵያ ብሔራዊ የቴኳንዶ ቡድን አሰልጣኝ ሆኖ ማገልገሉ ተገልጿል።

በተለይም የኢትዮጵያ ብሔራዊ ቡድን በዴንማርክ ኮፐንሃገን በተካሄደ የወርልድ ቴኳንዶ ውድድር በተሳተፈበት ወቅት አሰልጣኝ በመሆን መምራቱም በስፖርት ጉዞው ከሚጠቀሱ ልምዶች አንዱ ነው።

ተማሪዎቹም የስፖርት ፍሬዎች ሆነዋል

ማስተር ሽመክት በአሰልጣኝነት ዘመኑ በርካታ ተወዳዳሪዎችን ማፍራቱ ይገለጻል። ከቀድሞ ተማሪዎቹ መካከልም አርቲስት ብሩክታዊት ጌታሁን (ቤቲ ጂ) እና አርቲስት መውደድ ክብሩ ይጠቀሳሉ። ለሁለቱም የክብር ጥቁር ቀበቶ መስጠቱ ተገልጿል።

ከክለቡ ካፈራቸው ተወዳዳሪዎች መካከል ማስተር ሀገረሰላም አርባ (ቦንጆ) አንዱ ነው። ሀገረሰላም ከብሔራዊ ቡድን ጋር ባሳለፈው የውድድር ጉዞ በተጨማሪ በግል ተሳትፎው በበርካታ ዓለም አቀፍ የቴኳንዶ መድረኮች በመሳተፍ ለኢትዮጵያ የወርቅ፣ የብርና የነሐስ ሜዳሊያዎችን ማስገኘቱ ተጠቅሷል። ባለ 5 ዳን ማዕረግ ያለው ሀገረሰላም ከማስተር ሽመክት የስፖርት ልምድ የተገኘ ፍሬ መሆኑም ተገልጿል።

ከስፖርት ባሻገር ያለው ማህበራዊ ኃላፊነት

ማስተር ሽመክት በኖርዌ እየኖረ ቢሆንም ከኢትዮጵያ የስፖርት ማህበረሰብ ጋር ያለውን ትስስር በመቀጠል በተለያዩ ማህበራዊና የበጎ ፈቃድ ስራዎች ላይ መሳተፉ ተጠቅሷል።

በተለይም ለታዳጊ ስፖርተኞችና ለጤና ቡድን አባላት የስፖርት ትጥቅ ድጋፎችን በማስተባበር፣ ሌሎች ግለሰቦችንና ተቋማትን በማሳተፍ የማህበራዊ ኃላፊነቱን እየተወጣ መሆኑ ተገልጿል።

የተማሪው ቀጣይ ፍልሚያ

በመጪው መስከረም 9/2019 ዓ.ም. በኢትዮ ፋይት ናይት አዘጋጅነት በሚካሄደው የድብልቅ ማርሻል አርት (MMA) ውድድር ላይ ማስተር ሀገረሰላም አርባ (ቦንጆ) ከቢኒያም ሽብሬ ጋር ይፋለማል።

ይህ ፍልሚያ በስፖርት ቤተሰቡ ዘንድ ትኩረት ከሚስቡ የውድድሩ ጨዋታዎች አንዱ ሲሆን፣ አሰልጣኙ ማስተር ሽመክት ውድነህ ለቀድሞ ተማሪው ማስተር ሀገረሰላም አርባ መልካም ዕድል ተመኝቷል።

ከ14 ዓመቱ የጀመረው የማስተር ሽመክት ውድነህ የቴኳንዶ ጉዞ በተወዳዳሪነት ብቻ ሳይወሰን አሰልጣኝ፣ የተማሪዎች አቅም ገንቢና የስፖርቱ አስተዋጽዖ አድራጊ ሆኖ መቀጠሉ በስፖርቱ ያሳለፈውን የረጅም ጊዜ ጉዞ ያሳያል።

(ዘ-ሐበሻ ስፖርት) ማክሰኞ ዕለት ማንቸስተር ዩናይትድን ለመልቀቅ በይፋ ደብዳቤ ያስገባው የጄጄ ገብርኤል ውሳኔ፣ በእግር ኳሱ ዓለም ያልታሰበ ማዕበል ፈጥሯል። ገና በ15 ዓመቱ በአውሮፓ ከሚገኙ እጅግ ተሰጥኦ ያላቸው ወጣቶች አንዱ ተብሎ የሚታሰበው ይህ ድንቅ አጥቂ፣ ከዘጠኝ ዓመቱ ጀምሮ ያሳለፈበትን ክለብ ለመሰናበት ቋምጧል፤ የአውሮፓ ታላላቅ ክለቦችም እሱን ለመጥለፍ አሰፍስፈዋል።

ሪያል ማድሪድ ዝውውሩን ለማጠናቀቅ በጥሩ ቁመና ላይ ሲገኝ፣ ባርሴሎና፣ ፓሪስ ሴንት ጀርሜን እና ባየር ሙኒክም ሁኔታውን በቅርበት እየተከታተሉ ነው። ዩናይትዶች ልጁን ለማቆየት ከፍተኛ ጥረት እያደረጉ ቢሆንም፣ ነገሮች ግን ከቁጥጥር ውጭ የሆኑ ይመስላሉ። ገብርኤል ባለፈው ሀሙስ በካሪንግተን የልምምድ ማዕከል ከ19 ዓመት በታች ቡድኑ ጋር በዩኤፋ የወጣቶች ሊግ ሀትሪክ ከሰራ በኋላ ወደ ስፍራው ድርሽ አላለም፤ አሁን ባለው ሁኔታም ይመለሳል ተብሎ አይጠበቅም። በዘርፉ ያሉ ባለሙያዎች ዩናይትድ ወደፊት 100 ሚሊዮን ፓውንድ ሊያወጣ የሚችልን አልማዝ በገዛ እጁ እያጣ መሆኑን ይገምታሉ።

ይህ ውሳኔ ድንገት የመጣ አይደለም። የችግሩ ጭላንጭል የታየው ባለፈው ሀሙስ ነበር። ገብርኤል በኦልድ ትራፎርድ በሻምፒዮንስ ሊግ ከሚጫወተው ዋናው ቡድን ጋር ከመሰለፍ ይልቅ፣ ከአዘርባጃኑ ሳባህ ጋር ለሚጫወተው የ19 ዓመት በታች ቡድን እንዲሰለፍ ተደረገ። በጨዋታው ሶስት ግቦችን ቢያስቆጥርም፣ እሱና ቤተሰቡ ግን የሻምፒዮንስ ሊግ ድባብን በዋናው ቡድን ውስጥ ሆኖ እንዲቀምስ ፈልገው ነበር። ይህ ክስተት ትልቅ ስብራት ፈጠረ፤ ውሳኔውም ወዲያውኑ ለክለቡ ተነገረ። ቅዳሜ ዕለት ከዋናው ቡድን አሰልጣኝ ማይክል ካሪክ ጋር ልምምድ ማድረግ ሲገባው፣ ከካሪንግተን በመቅረት ትልቅ የማስጠንቀቂያ ደወል አቃጨለ። ወዲያውም ከኢንስታግራም ገጹ ላይ ስለ ዩናይትድ የሚገልጹ መረጃዎችን በሙሉ አጠፋ። ሰኞ ዕለት ደግሞ ምዝገባው እንዲሰረዝለት የሚጠይቅ ደብዳቤ ለክለቡ አስገባ። የማንቸስተር ዩናይትድ ኃላፊዎች፣ በተለይም ዋና ስራ አስፈፃሚው ኦማር ቤራዳ እና አብሮ ባለቤቱ ሰር ጂም ራትክሊፍ በጉዳዩ ክፉኛ ተደናግጠዋል።

ሪያል ማድሪድ ይህንን ታዳጊ ለማስፈረም በስውር ሲሰራ ወራት አልፈውታል። ዕድሜው ከ18 ዓመት በታች በመሆኑ፣ የፊፋን ጥብቅ ህጎች ላለመጣስ ሲባል ክለቡ እጅግ ከፍተኛ ጥንቃቄ አድርጓል። የማድሪድ እቅድ ልጁን መጀመሪያ ለካስቲላ (የማድሪድ ሁለተኛ ቡድን) እና ከ19 ዓመት በታች ቡድን እንዲጫወት አድርጎ፣ ቀስ በቀስ ወደ ዋናው ቡድን ማሳደግ ነው። ይህ ከዚህ ቀደም በአያክሱ የ17 ዓመት ታዳጊ አብደላ ኦዋዛኔ ላይ ሊሞክሩት ያሰቡት ዓይነት ስልት ነው። የማድሪድ ሰዎች የገብርኤልን የሀሙስ ዕለት ሀትሪክ በቅርበት ሲከታተሉና ሲያከብሩ ነበር።

በህግ አግባብ ዩናይትድ የልጁን ውል የመቀደድ ፍላጎት የለውም። ነገር ግን ገብርኤል የአውሮፓ ህብረት ፓስፖርት ካገኘ፣ ልክ ጥቅምት 6 ቀን 16 ዓመት ሲሞላው ወደ ሌላ የአውሮፓ ክለብ መዘዋወር ይችላል። አባቱ ጆ ኦኬሩይል የተወለደው ለንደን ቢሆንም ለአየርላንድ ብሄራዊ ቡድን ተጫውቷል፤ እናቱም የሳይፕረስ ትውልድ አላት። ይህ ደግሞ ፓስፖርቱን በቀላሉ እንዲያገኝ በር ይከፍትለታል። ከዚህም ባሻገር፣ ገብርኤል መደበኛ የትምህርት ቤት ትምህርቱን በቤት ውስጥ የሚከታተል በመሆኑ፣ በዩናይትድ ሙሉ ጊዜ አካዳሚ ስር አይወድቅም፤ ይህም ክለቡ በልጁ ላይ ያለውን ሙሉ ቁጥጥር ያላላዋል። ገብርኤል ዩናይትድን የሚለቅ ከሆነ፣ ፊፋ ባስቀመጠው የካሳ ስሌት መሰረት ዩናይትድ ከ100,000 ፓውንድ በላይ የማሳደጊያ ካሳ ሊያገኝ ይችላል።

ገብርኤል ገና በዘጠኝ ዓመቱ የዩቲዩብ ቪዲዮዎች ላይ ሲወጣ ከሊዮኔል ሜሲ ጋር ይነጻጸር ነበር። ነገር ግን የእሱ ተወዳጅ ተጫዋች ኔይማር ሲሆን፣ ኳስን አጣብቆ የመያዝ፣ ፈጣን እንቅስቃሴ የማድረግ እና በሁለቱም እግሮቹ ግሩም አጨራረስ ያለው በመሆኑ የጨዋታ ስታይሉ ከብራዚላዊው ኮከብ ጋር በእጅጉ ይመሳሰላል። በዩናይትድ የዋናው ቡድን ልምምዶች ላይ በተደጋጋሚ በመሳተፍ፣ አንጋፋ ተጫዋቾችን ሳይቀር በቴክኒክ ብቃቱ አስገርሟል። በአካላዊ ጥንካሬ ከእሱ በሚበልጡ ተጫዋቾች ቢገፋም፣ በተፈጥሮ ያገኘው ክህሎት ወደፊት ከዓለማችን ምርጥ ተጫዋቾች ተርታ እንደሚያሰልፈው ብዙዎች ይስማሙበታል። ባለፈው ታህሳስ በኤፍኤ የወጣቶች ዋንጫ ለዩናይትድ በመሰለፍ እና ግብ በማስቆጠር ታሪካዊ ሪከርድ ሰብሯል፤ በወጣቶች ሊግ ባደረጋቸው 34 ጨዋታዎችም 31 ግቦችን እና 6 ለግብ የሚሆኑ ኳሶችን አመቻችቶ አቀብሏል።

ዩናይትድ ታዳጊዎችን ወደ ዋናው ቡድን በማሳደግ ታላቅ ታሪክ አለው። "በቂ ብቃት ካለህ፣ በቂ ዕድሜ አለህ" የሚለው የሰር ማት ባስቢ ብሂል ክለቡን ለዘመናት መርቶታል። ገብርኤልም የዚህ ታሪክ ቀጣይ አካል ይሆናል ተብሎ ሲጠበቅ ነበር። ነገር ግን በቅርብ ጊዜ የተፈጠሩ ክስተቶች ጥርጣሬን አጭረዋል። በክረምቱ የቅድመ ውድድር ዝግጅት ላይ በቂ የመጫወት ዕድል አላገኘም፤ በአትሌቲኮ ማድሪዱ ጨዋታ ከተፈጥሮ ቦታው ውጪ እንዲጫወት ሲደረግ፣ አዲሱ ፈራሚ የ18 ዓመቱ ታይናን ቶምሰን ግን በገብርኤል ተወዳጅ ቦታ በግራ ክንፍ ላይ የመሰለፍ ዕድል አግኝቷል። በሻምፒዮንስ ሊግ የ'ኤ' ዝርዝር ውስጥ ሳይካተት መቅረቱም ሌላው ቅር ያሰኘው ጉዳይ ነው። አርሰናል የ15 ዓመቱን ማክስ ዶውማንን በዝርዝሩ ውስጥ አካቶ ክብረ ወሰን ሲሰብር፣ የገብርኤል ስም ግን አልነበረም። አላማው በቋሚነት መሰለፍ ሳይሆን፣ ክለቡ በእሱ ላይ ያለውን እምነት በተጨባጭ ማየት ነበር።

ባለፈው ክረምት ማንቸስተር ሲቲ ገብርኤልን ለማስፈረም ከጫፍ ደርሶ የነበረ ቢሆንም፣ የዩናይትድ የስፖርት ዳይሬክተር ጄሰን ዊልኮክስ እና የድርድር ዳይሬክተሩ ማት ሀርግሪቭስ ጣልቃ ገብተው አክሽፈውት ነበር። ወደ ሌላ የእንግሊዝ ፕሪሚየር ሊግ ክለብ ማምራቱ በህግ አግባብ እጅግ ፈታኝ ነው። ባለፈው አንድ ዓመት ውስጥ ዩናይትድ ልጁን ለማሳመን ከቀድሞው አሰልጣኝ ሩበን አሞሪም እና ከታላቁ ሰር አሌክስ ፈርጉሰን ጋር ጭምር አገናኝቶታል። ማይክል ካሪክ በቅርበት ያሰለጠነው ሲሆን፣ የዋናው ቡድን ማሊያ ቁጥር 77ም ተሰጥቶታል።

አሁን ላይ ዩናይትዶች በቀጣዩ ወር 16ኛ ዓመት የልደት በዓሉን ሲያከብር የማበረታቻ የትምህርት ኮንትራት እና በ17 ዓመቱ ፕሮፌሽናል ውል ለማቅረብ እየተዘጋጁ ነበር። በፋይናንስ አቅርቦት ማንም ክለብ እንደማይበልጣቸው ያምናሉ። ነገር ግን የገብርኤል ውሳኔ የተቆረጠ ይመስላል፤ ስለዚህ ዩናይትድ ውጤቱን በትዕግስት ከመጠበቅ ውጪ ሌላ አማራጭ የለውም። አርብ ዕለትም ክለቡ ለቀረበው የምዝገባ ስረዛ ደብዳቤ ይፋዊ ምላሽ እንደሚሰጥ ይጠበቃል።

(ዘ-ሐበሻ ስፖርት) የቀድሞው የአል ናስር ቃል አቀባይ ክርስቲያኖ ሮናልዶ በጃንዋሪ ክለቡን ይለቃል የሚል ግምት እንዳለው ገለፀ፡፡ በእስያ ሻምፒዮንስ ሊግ ኤሊት ውድድር ላይ አልናስር የደረሰበት ከባድ ሽንፈት በክሪስቲያኖ ሮናልዶ ላይ በድጋሚ ትችት እንዲሰነዘርበት ምክንያት ሆኗል፡፡ በተለይም በሳኡዲ አረቢያ እግር ኳስ ውስጥ እውቅና ያለው ግለሰብ የሰጠው አስተያየት ደግሞ ተጨዋቹን መስቀለኛ መንገድ ላይ እንዳለ የሚገልፅ ሆኗል፡፡

ከ2 ቀናት በፊት በተደረገው ግጥሚያ አልናስር አራት ለባዶ በሆነ ሰፊ ውጤት ሲረታ ፖርቹጋላዊው አጥቂ ያሳለፈው ከባድ ምሽትን ነበር፡፡ ሮናልዶ ወደግብ 5 ሙከራዎችን ያደረገ ቢሆንም ከእነዚህ ውስጥ ኢላማውን የጠበቀው አንዱ ብቻ ነበር፡፡ ይህ ውጤት ክሪስቲያኖ ሮናልዶ ወደመካከለኛው ምስራቅ ካመራ ወዲህ ክለቡ ያጋጠመው የመጀመሪያው ከባድ ሽንፈት ሆኖም ተቆጥሯል፡፡

አልናስር በሻምፒየንስ ሊጉ የደረጃ ሰንጠረዥ መጨረሻ ላይ እንዲቀመጥ ያስቻለም ውጤት ሆኗል፡፡ ከጨዋታው በኋላ የቀድሞው የአልናስር ቃል አቀባይና አሁን የሳኡዲ ስፖርት ጋዜጠኛ የሆነው ሳኡድ አል ሳራሚ የ5 ጊዜ የባሎንዶር አሸናፊው ላይ ከባድ ትችት ሰንዝሯል፡፡

አልሳራሚ የ41 አመቱን ፖርቹጋላዊ ‹‹ለክለቡ ብዙ ያገለገለና የደከመ አሁን ግን የማይጠቅም ሀብት ነው›› በሚል ገልፆታል፡፡ በመጪው የጃንዋሪ የዝውውር መስኮት ክለቡን ለቆ ይወጣል የሚል ግምት እንዳለውም ተናግሯል፡፡ ጋዜጠኛው የሮናልዶን ጉዳይ ከካሬም ቤንዜማ መልቀቅ ሂደት ጋር አነፃፅሮ ትንታኔ ያቀረበ ሲሆን ውሳኔው ግን በራሱ በተጨዋቹ እጅ እንደሚገኝ አስረድቷል፡፡ ክሪስቲያኖ ሮናልዶ ባለፈው ወር ለቮግ መፅሄት በሰጠው መግለጫ ‹‹ምናልባት ይህ አመት ለእግር ኳስ ህይወቴ የመጨረሻው ይሆናል›› ማለቱ ይታወሳል፡፡

ባላንዶር ለእኔ ብቻ ይገባል! - ላሚን ያማል

የባርሴሎናው ወጣት አጥቂ ላሚን ያማል የ2026 የባሎንዶር ክብር ለእሱ እንደሚገባው በራስ መተማመን የተሞላበት አስተያየት የሰጠ ሲሆን፣ ራሱን እና ፈረንሳያዊውን አጥቂ ኪሊያን ምባፔን አሁን ላይ በዓለም እግር ኳስ ውስጥ ያሉ ሁለት ምርጥ ተጫዋቾች እንደሆኑ ተናግሯል።

የ19 ዓመቱ የፊት መስመር ተጫዋች በውድድር ዘመኑ በባርሴሎና እና በስፔን ብሔራዊ ቡድን ውስጥ አስደናቂ የስኬት ጊዜን ያሳለፈ ሲሆን፣ በተለይም ስፔን የዓለም ዋንጫን እንድታነሳ ከፍተኛ አስተዋጽኦ አበርክቷል።

በክለብ ደረጃም ከባርሴሎና ጋር በርካታ ዋንጫዎችን በማሳካት እና ድንቅ የግል ብቃት በማሳየት፣ በሁሉም ውድድሮች በ45 ጨዋታዎች ተሰልፎ 24 ግቦችን ያስቆጠረ ሲሆን 17 ግብ የሚሆኑ ኳሶችን አመቻችቶ አቀብሏል።

በላሊጋው በ28 ጨዋታዎች ተሰልፎ 16 ግቦችን በማስቆጠር በከፍተኛ ግብ አግቢነት 4ኛ ደረጃን ይዞ ያጠናቀቀ ሲሆን፣ 11 ኳሶችን አመቻችቶ በማቀበል ደግሞ የሊጉ ከፍተኛ ኳስ አመቻች ሆኖ አጠናቋል።

በያዝነው የ2026/27 አዲስ ውድድር ዘመንም በ4 ጨዋታዎች 4 ግቦችን በማስቆጠር አስደናቂ ብቃቱን እንደቀጠለ ይገኛል።

ከባርሴሎና ጋር የላሊጋ ሻምፒዮንነትን የተቀናጀ ሲሆን፣ ከስፔን ብሔራዊ ቡድን ጋር ደግሞ የ2026 የዓለም ዋንጫን በማንሳት የታሪክ አካል ሆኗል።

ባለፈው አንድ ዓመት ውስጥ ያስመዘገባቸው እነዚህ አስደናቂ አህጉራዊ እና ዓለም አቀፋዊ የስታቲስቲክስ የበላይነቶች ለዓለማችን ከፍተኛ የግል ክብር (Ballon d'Or) ቀዳሚ ተወዳዳሪ እንደሚያደርጉት የሚታመን ሲሆን፣ ተጫዋቹ ራሱም ይህ የግል ክብር እንደሚገባው  ተናግሯል።

የዘንድሮው የባሎንዶር አሸናፊ ማን እንደሆነ በቀጣዩ ወር የሚታወቅ ይሆናል።

Seledadotio
Seledadotio

ኢትዮጵያዊያኖች የድህነትን ተራራ በሩጫ ደርምሶ በመጣል ወደ ሀብት ማማ ወይም ወደ ሚሊየነሮች ተርታ የተሠለፉበት ታሪካዊ ድልና ሽልማት በሀንጋሪ ቡዳፔስት

🔴አትሌት ልቅና አምባው 150,000 ዶላር ወይም ከ26 ሚሊየን ብር በላይ ያሸነፈች የመጀመሪያዋ ኢትዮጵያዊ አትሌት ሆና ስሟን በታሪክ መዝገብ አፅፋለች

ኢትዮጵያዊያን ለሽልማት ከተወጋጀው 10ሚሊየን ውስጥ 377ሺ ዶላር ወይም ከ65 ሚሊየን ብር በላይ ወደ ሀገሪቱ ኢኮኖሚ ይጨምራሉ

ኢትዮጵያዊቷ ልቅና አምባው በሀንጋሪ ቡዳፔስት በተካሄደው የዓለም አትሌቲክስ አልቲሜት ሻምፒዮና (World Athletics Ultimate Championship)የሴቶች የ5000 ሜትር ውድድርን 14:30:36 በሆነ ጊዜ በመግባት በአስገራሚ የአጨራረስ ብቃት ቀማሸነፍ አዲስ ታሪክ አፃፈች።

አትሌት ልቅና አምባው አውስትራሊያዊቷን ጄስ ኸልን እና የሀገሯን ልጅ ፋንታዬ በላይነህን በመቅደም የ5000 ሜትር የሴቶች የአልቲሜት ሻምፒዮና የወርቅ ሜዳሊያ እና የ150,000 ዶላር ወይም ከ26 ሚሊየን ብር በላይ ያሸነፈች የመጀመሪያዋ ኢትዮጵያዊ አትሌትም በመሆን ስሟን በታሪክ መዝገብ ላይ በወርቅ ቀለም በደማቁ አፅፏለች።

🔴የአትሌት ልቅና አምባው የቅርብ ጊዜ ድሏ

አትሌት ልቅና አምባው የአልቲሜት ሻምፒዮንሺፕ የ5ሺ ሜትር አሸናፊ መሆኗን ዛሬ ከማወጇ በፊት የሮም ዳይመንድ ሊግን ሰኔ 2026 መጀመሪያ ላይ 14:18:41 በሆነና በወቅቱ የዓለም ፈጣኑ በሆነ ጊዜ በመሮጥ የመጀመሪያውን የዳይመንድ ሊግ ድል አስመዘግባለች።

አትሌት ልቅና አምባው መጋቢት 2026 በተካሄደው 45ኛው የበርሊን ግማሽ ማራቶን 1:05:07 በሆነ ጊዜ አሸናፊ በመሆንም በታሪክ ላይ ታሪክ ማፃፏንም ቀጥላለች።

አውስትራሊያዊቷ ጄሲካ ኸል (በግል ምርጥ ሰዓቷ 14:32.39 በማስመዝገብ የጨረሰች ሲሆን ከሁለት ሰከንድ በላይ በሆነ ልዩነት በመቅደም አሸንፋለች። ሌላኛዋ ኢትዮጵያዊ ፋንታዬ በላይነህ 14:32:62 በሆነ ሰዓት ሦስተኛ ደረጃን የያዘች ሲሆን ይህም ከሀገርዋ ልጆች አትሌት ፍሬወይኒ ኃይሉ እና አለሺኝ ባወቀ ቀድማ እንድትጨርስ አስችሏታል።

🔴በ5ሺ ሜ ሴቶች ያሸነፉበት ሠዓቴና ያገኙት ሽልማት

1. አትሌት ልቅና አምባው ⏰14:30:36

💰150,000(usd)

2. ጄሲካ ኸል ⏰14:32:39(PB)

💰75,000(usd)

3. አትሌት ፋንታዬ በላይነህ ⏰14:32:62
💰40,000(usd)

4. አትሌት ፍሬወይኒ ኃይሉ ⏰14:32:76
💰25,000(usd)

5. አትሌት አለሽኝ ባወቀ ⏰14:32:95
💰16,000(usd)

6.ሮስ ዴቪስ ⏰14:35:64
💰14,000(usd)

7. አትሌት ሠናይት ጌታቸው ⏰14:38:65
💰12,000(usd)

8. ማውረን ኮስትር ⏰14:38:78
💰10,000(usd)

9. አትሌት ሂሩት መሸሻ ⏰14:42:49
💰9,000(usd)

10. ሀናህ ኑታል ⏰15:00:04
💰8,000(usd

11. ሼልቢ ሁሊኸን ⏰15:18:65

🔴ኢትዮጵያዊያን አትሌቶችምን ያህል ዶላር ወደ ካዝናቸው ከተቱ

የዓለማችን ከዋክብት ብቻ የተሠባሠቡበትና ውዱ ሽልማት 10ሚሊየን ዶላር በተበጀተለት በታሪካዊው የአልቲሜት ሻምፒዮና ኢትዮጵያዊያን አቴሌቶች ምን ያህል ዶላር ወደ ካዝናቸው ከተቱ?የሚል ጥያቄ መመዘዙ አይቀርም ኢትዮጵያዊያን አትሌቶች ቢኒያም መሐሪና ፍሬወይኒ ሐይሉ ቴናንት 4ተኛ በመውጣት ያገኙትን 50ሸመ ዶላር እና ዛሬ የተገኘውን ዳጎስ ያለ ዶላር ጨምሮ 377,000 የአሜሪካን ዶላር ወይም በወቅታዊ ምንዛሪ ከ65 ሚሊየን የኢትዮጵያ ብር በላይ ወደ ሀገሪቱ ኢኮኖሚ ይጨምራሉ
።

🔴ከዚህ ውስጥ ከፍተኛውን ያገኘችው አትሌት ልቅናው አምባው 150ሺ ዶላር ወይም በወቅታዊ ምንዛሪ ከ26 ሚሊየን ብሩን ለብቻዋ ስታገኝ አትሌት ፍሬወይኒ ኃይሉ 50ሺ ዶላር ለብቻዋ ያገኘች አትሌትም ናት።

🔴ይህ ገንዘብ የድህነትን ተራራ በሩጫ ደርምሶ በመጣል ወደ ሀብት ማማ ወይም ወደሚሊየነሮች ተርታ የሚያሠልፍ ታሪካዊ ድልና ሽልማት ነው።

✍️✍️በጋዜጠኛ ይስሀቅ በላይ(ሀትሪክ ስፖርትጰኦፊሺያል)

ልቅና አምባው በቡዳፔስት ድቅድቅ አየር ውስጥ የዓለም አልቲሜት ሻምፒዮን ሆነች!
#ethiopia | ​በሃንጋሪ ቡዳፔስት በተካሄደው የዓለም አልቲሜት ሻምፒዮና የሴቶች 5,000 ሜትር ፍፃሜ፣ ኢትዮጵያዊቷ አትሌት ልቅና አምባው አስደናቂ የበላይነት በማሳየት የውድድሩ አሸናፊ ሆናለች ሲል ኢቢሲ ዘግቧል።

ልቅና ሩጫው በተጀመረ በመጀመሪያዎቹ ዙሮች ከዋናው ተፎካካሪ ቡድን በድፍረት ተነጥላ ፈጣን ሩጫ በማድረግ፤ ርቀቱን በ14 ደቂቃ ከ30.36 ሴኮንድ በማጠናቀቅ የሻምፒዮንሺፑን የክብር ዋንጫ ማንሳት ችላለች።

ይህ ድሏ በአትሌቲክስ ታሪክ ከፍተኛው የሽልማት ገንዘብ የሆነውን የ150 ሺህ ዶላር ባለቤት አድርጓታል።

​በዚሁ አወዛጋቢና ብርቱ ፉክክር በተደረገበት ውድድር አውስትራሊያዊቷ ጄሲካ ሃል የግል ምርጥ ሰዓቷን በማሻሻል ሁለተኛ ደረጃን ስትይዝ፣ ሌላኛዋ ኢትዮጵያዊት አትሌት ፋንታዬ በላይነህ በ14 ደቂቃ ከ32.62 ሴኮንድ ሦስተኛ በመውጣት የነሐስ ሜዳሊያ አግኝታለች።

በተጨማሪም አትሌት ፍሬወይኒ ኃይሉ 4ኛ፣ አለሽኝ ባወቀ 5ኛ እንዲሁም ሰናይት ጌታቸው 7ኛ ደረጃን በመያዝ ውድድራቸውን አጠናቀዋል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

(ዘ-ሐበሻ ስፖርት) ለማንቸስተር ዩናይትድ የጨዋታው ዋዜማ ፈጽሞ ጥሩ አልነበረም! የቡድኑ የጀርባ አጥንት የሆነው ሉክ ሾው በጉዳት ምክንያት ከስብስብ ውጪ መሆኑ ለዩናይትድ የመከላከል አቅም ትልቅ ምት ሆኖበታል። ሾው ሐሙስ ዕለት ቡድኑ ሳባህን ባሸነፈበት የሻምፒዮንስ ሊግ ጨዋታ ላይም አልተሰለፈም ነበር።

በዚህም የተነሳ አሰልጣኙ ከባለፈው የሻምፒዮንስ ሊጉ ጨዋታ አንጻር ሦስት ወሳኝ ለውጦችን ለማድረግ ተገደዋል። ኑሳይር ማዝራዊ እና ሌኒ ዮሮን በማሳረፍ፣ ዲዮጎ ዳሎት እና ሃሪ ማጓየርን ወደ መጀመሪያ አሰላለፍ መልሰዋቸዋል።

በአጥቂ መስመር ላይም ለውጥ አለ፤ ቤንጃሚን ሴስኮን በማውጣት ማርከስ ራሽፎርድን ወደ አሰላለፍ አስገብተዋል። ነገር ግን እንግሊዛዊው ኮከብ ራሽፎርድ በግራ መስመር ይጫወት ወይም የፊት አጥቂ ሆኖ ይውረድ እስካሁን በእርግጠኝነት የታወቀ ነገር የለም።

🔴 የማንቸስተር ዩናይትድ አሰላለፍ (XI):
ላመንስ፣ ዳሎት፣ ማጓየር፣ ማርቲኔዝ፣ ዶርጉ፣ ቴሌማንስ፣ ማይኖ፣ እምቡሞ፣ ኩንሃ፣ ፈርናንዴዝ፣ ራሽፎርድ።

በሌላኛው የማንቸስተር ከተማ ጥግ ግን ነገሮች የተረጋጉ ናቸው። ተቀናቃኛቸው ማንቸስተር ሲቲ ከዩናይትድ የሁለት ቀናት ተጨማሪ ዕረፍት በማግኘቱ በአካል ብቃት በኩል የተሻለ ጉልበት አለው። አሰልጣኝ ኢንዞ ማሬስካ ማክሰኞ ዕለት በፖርቶ ላይ ድል ካደረገው ስብስብ ላይ ያደረጉት አንድ ለውጥ ብቻ ነው።

ያ ለውጥ ደግሞ የራሱ የሆነ ትልቅ ትርጉም አለው። በክረምቱ የዝውውር መስኮት ወደ ማንቸስተር ዩናይትድ ያመራል ተብሎ በስፋት ሲወራ የነበረው፣ ነገር ግን ሲቲን የተቀላቀለው ኤሊዮት አንደርሰን፣ ወጣቱን አዩብ ቡዋዲን ተክቶ ቋሚ ሆኖ ወደ ሜዳ ገብቷል። ፊል ፎደን እና ራያን ቼርኪ በአሰላለፉ ውስጥ ሲካተቱ፣ ኢሊማን ንዲያዬ እና ኒኮ ኦ'ራይሊ በተጠባባቂ ወንበር ላይ ተቀምጠው የጨዋታውን ሂደት ይከታተላሉ።

🔵 የማንቸስተር ሲቲ አሰላለፍ (XI):
ዶናሩማ፣ ኑኔዝ፣ ዲያስ፣ ጉሂ፣ ግቫርዲዮል፣ አንደርሰን፣ ፈርናንዴዝ፣ ፎደን፣ ሴሜንዮ፣ ቼርኪ፣ ሃላንድ።
__________
የዘ-ሐበሻ የተሳትፎ ጥያቄ ለቤተሰቦቻችን - በዚህ የደርቢ ፍልሚያ የትኛው ቡድን የከተማዋን ክብር ይጎናጸፋል ብላችሁ ትገምታላችሁ? የዩናይትድ የጉዳት ችግር ወይስ የሲቲ የዕረፍት ብልጫ የጨዋታውን ውጤት ይወስነዋል?

199ኛው የማንቹሪያን ደርቢ - ማንቸስተር ዩናይትድ ከ ማንቸስተር ሲቲ
************************

በእንግሊዝ እግር ኳስ ካሉ የደርቢ ጨዋታዎች አንዱ የሆነው፣ በቅርብ ዓመታት በማንቸስተር ሲቲ ተደጋጋሚ ውጤታማነት እና በማንቸስተር ዩናይትድ ከሊጉ ኃያልነት ማፈግፈግ የተለየ መልክ እየያዘ የመጣው የከተማ ተቀናቃኞቹ ክለቦች የሚያደርጉት ጨዋታ ምሽት 12፡30 በኦልድ ትራፎርድ ይደረጋል።

ባለፈው የውድድር ዓመት ጥር ወር ላይ ማንቸስተር ዩናይትድ ያጋጠመውን የውጤት ማሽቆልቆል ተከትሎ የተሰናበቱትን ሩበን አሞሪምን በመተካት ጊዜያዊ አሰልጣኝነቱን የተረከበው ማይክል ካሪክ፣ ቡድኑን ወደ አውሮፓ መድረክ የመለሰውን ውጤታማ መንገድ የጀመረው በዚሁ የደርቢ ጨዋታ በሙሉ የበላይነት 2 ለ 0 በማሸነፍ ነበር። ይኸው ከ33 ወራት በኋላ ወደ አውሮፓ መድረክ የመለሳቸው መንገድ፣ ባሳለፍነው ሐሙስ በአዘርባጃኑ ሳባህ ላይ ባገኙት የ4 ለ 0 ድል ጀምሯል።

የሦስቱ ሳምንታት የፕሪሚየር ሊግ ቆይታው ግን በውጤት ረገድ ወጥነት የጎደለው ነበር። በደረጃ ሰንጠረዡ አራት ነጥብ በመያዝ 11ኛ ላይ ነው የተቀመጠው። ይህ ውጤት ግን የግብ ዕድሎችን በመፍጠር ከሁሉም የሊጉ ክለቦች ልቆ እንዲቀመጥ ያደረገውን ቁጥራዊ መረጃ የሚገልፅ አይደለም። በሦስቱ ሳምንታት ጨዋታዎች 68 የግብ እድሎችን ሲፈጥር፣ ከነዛ ውስጥ 19 የሚሆኑት ዒላማቸውን የጠበቁ ናቸው።

በአዲሱ የውድድር ዓመት ሦስቱንም የመጀመሪያ ጨዋታዎች ያሸነፉት ማንቸስተር ሲቲ እና አርሰናል ብቻ ናቸው። ሲቲዎች በመጀመሪያው የአውሮፓ ሻምፒዮንስ ሊግ ጨዋታቸውም ወደ ፖርቹጋል ተጉዘው ፖርቶን 2 ለ 0 የረቱበት ሌላኛው ለዚህ ጨዋታ ስንቅ የሚሆናቸው ውጤት ነው።

እያንዳንዳቸው ሦስት ግቦች ያስቆጠሩት ኤርሊንግ ሃላንድ እና ብሩኖ ፈርናንዴዝ በዚህ ጨዋታም በልዩነት ፈጣሪነት ከሚጠበቁ ተጫዋቾች ቀዳሚዎቹ ናቸው። በተለይ ኤርሊንግ ሃላንድ በ8 ግቦች ከሙሐመድ ሳላህና አለን ሺረር በመቀጠል ዩናይትድ ላይ በርካታ ግብ ያስቆጠረ ሦስተኛው ተጫዋች ነው።

በዩናይትድ የፊት መስመር በተከታታይ ግብ ካስቆጠረው ቤንጃሚን ሼሽኮ በተጨማሪ፣ ብሪያን እምቡሞ እና በዩናይትድም በአስቶንቪላም መለያ ሲቲ ላይ ግብ የማስቆጠር ልምድ ያለው ማርከስ ራሽፎርድ ሌላኛዎቹ የልዩነት ምንጭ እንደሚሆኑ የሚጠበቁ ተጫዋቾች ናቸው።

ማንቸስተር ዩናይትድ በቅርቦቹ የማንቹሪያን ደርቢ ጨዋታዎች የበላይነት አለው። ካለፉት አራት ጨዋታዎች በሁለቱ አሸንፎ፣ በአንዱ አቻ ወጥቷል።

አማድ ዲያሎ፣ ካርሎስ ባሌባ እና ማኑኤል ኡጋርቴ ጉዳት ከማንቸስተር ዩናይትድ ስብስብ ውጪ ያደረጋቸው ተጫዋቾች ሲሆኑ፣ የሉክ ሾውም ለጨዋታው ብቁ መሆን ገና አልተረጋገጠም። በሲቲ በኩል ኒኮ ኦራይሊ ለጨዋታው ብቁ እንደሆነ፣ ጄረሚ ዶኩ ግን ተጨማሪ የማገገሚያ ጊዜ እንደሚያስፈልገው አሰልጣኝ ኤንዞ ማሬስካ ተናግረዋል።

የኤርሊንግ ሃላንድ እና ፊል ፎደን ሁለት ሃትሪኮች ማንቸስተር ሲቲን 6 ለ 3 አሸናፊ ያደረጉበት፣ የማሪዮ ባሎቴሊ ትዕይንት፣ በ2009 የማይክል ኦውን የሽርፍራፊ ሴኮንዶች ድራማ፣ የዌይን ሩኒ የመቀስ ምት ግብ እና ሌሎችም ብዙ ትዝታዎች ያሉት ማንቹሪያን ደርቢ ዛሬም ሌላ የታሪክ አጋጣሚን ይዞ እንደሚመለስ ይጠበቃል።

ቀን 10፡00 ሰዓት በደረጃ ሰንጠረዡ ግርጌ 20ኛ ላይ የሚገኘው አዲስ አዳጊው ኮቨንትሪ ሲቲ ከብራይተን የሚያደርጉትም ከ4ኛ ሳምንት የሊጉ መርሐ ግብር ማጠቃለያ ጨዋታዎች አንዱ ነው።
#epl #premierleague #manchesterunited #manchestercityfc #matchday #football #sports #ebc

(ዘ-ሐበሻ ስፖርት) የአርሰናል የውድድር ዘመን ፍጹም እና እንከን የለሽ ጉዞ አሁንም ቀጥሏል። በስታዲየም ኦፍ ላይት በነበረው እጅግ ፈታኝ ምሽት፣ መድፈኞቹ በዴቪድ ራያ እና ብሩኖ ጊማሬሽ ሁለት አስማታዊ ቅጽበቶች ታግዘው ሰንደርላንድን በሜዳው ማንበርከክ ችለዋል።

ጨዋታው 55ኛው ደቂቃ ላይ ሲደርስ የመድፈኞቹ ተከላካይ ኤዝሪ ኮንሳ ዳን ባላርድን በሳጥን ውስጥ በመጥለፉ ለሰንደርላንድ የፍጹም ቅጣት ምት ተሰጠ። የሰንደርላንዱ ኤንዞ ሉ ፊ ኳሷን ወደ መረብ ለማሳረፍ ቢሞክርም፣ ግብ ጠባቂው ዴቪድ ራያ ኳሷን በሚገርም ብቃት ወደ ግራ ተወርውሮ አዳናት።

ይህ የራያ ድንቅ ማዳን የፈጠረው ትልቅ ትርጉም በስታዲየሙ የታየው ልክ ከ121 ሰከንዶች በኋላ ነበር። ከእረፍት መልስ ተቀይሮ የገባው ብሩኖ ጊማሬሽ ከ20 ያርድ ርቀት ላይ አስቆጥሮ ያሳረፋት ማራኪ ኳስ፣ የግብ አግዳሚውን ለቃ መረብ ላይ ስታርፍ የአርሰናል ደጋፊዎችን በደስታ አጥለቀለቀች። ይህች ግብ የክረምቱ ፈራሚ በአርሰናል ማልያ ያስቆጠራት የመጀመሪያ ግቡ ስትሆን፣ የቀድሞ ክለቡ ኒውካስል ዩናይትድ የዘላለም ጠላት በሆነው በሰንደርላንድ ላይ መቆጠሯ ደግሞ ለጊማሬሽ ድርብ ደስታ ሆናለች።

በጨዋታው ማጠናቀቂያ ሰከንዶች ላይም፣ ሬይኒልዶ ማንዳቫ በቡካዮ ሳካ ላይ በሰራው ጥፋት (እና በሁለተኛ ቢጫ ካርድ ከሜዳ በተሰናበተበት ቅጽበት) የተሰጠውን የፍጹም ቅጣት ምት ሳካ ወደ ግብነት ቀይሮ የአርሰናልን 2-0 አሸናፊነት አረጋግጧል።

በሚኬል አርቴታ የሚመሩት መድፈኞቹ ይህንን ድል ያገኙት በቀላሉ አልነበረም። በመጀመሪያው አጋማሽ 66% የኳስ ቁጥጥር ቢኖራቸውም፣ በሬጂስ ሉ ብሪስ ስልታዊ የሰንደርላንድ ተጫዋቾች ጥብቅ መከላከያ ተተብትበው ነበር። የአርሰናል የጥቃት ሞተር የሆነው ማርቲን ኦዴጋርድ፣ በቀድሞው መድፈኛ ግራኒት ዣካ ተጠፍሮ ከመዋሉም በላይ፤ ካይ ሃቨርትዝ ያገኛቸውን አጋጣሚዎች ሳይጠቀምበት ቀርቷል። ከዚሁ ጭንቀት የተነሳም አሰልጣኝ ሚኬል አርቴታ የቴክኒካል ክልላቸውን ጥሰው በመውጣታቸው የቢጫ ካርድ ሰለባ ሆነዋል። ከዚህም በተጨማሪ ቤን ዋይት በእረፍት ሰዓት በጉዳት መውጣቱ ለአርሰናል ተጨማሪ ሥጋት ፈጥሮ ነበር።

የአርሰናል የፊት መስመር ተጫዋቾች በተቸገሩበት በዚህ ምሽት፣ የዴቪድ ራያ የግብ ዘብነት ቡድኑን ታድጓል። ስፔናዊው ግብ ጠባቂ በስድስት ጨዋታዎች ውስጥ ለአምስተኛ ጊዜ መረቡን ደፍሮ አስጠብቋል። አርሰናልም በሊጉ እስካሁን ያስተናገደው 9 ዒላማውን የጠበቀ ሙከራ ብቻ ሲሆን፣ ይህም በሊጉ አነስተኛው ሆኖ ተመዝግቧል። በዚህም አርሰናል በሁሉም ውድድሮች ስድስት ለዜሮ በማሸነፍ በሊጉ የደረጃ ሰንጠረዥ አናት ላይ ተቀምጧል።

በአንጻሩ፣ ሰንደርላንድ ምንም እንኳን ለሊጉ ሻምፒዮን ጠንካራ ፉክክር ቢሰጥም እና ግራኒት ዣካ በሜዳ ላይ ድንቅ እንቅስቃሴ ቢያሳይም፣ በአርሰናል ላይ ያላቸው አስከፊ ታሪክ ግን ሊቀየር አልቻለም። ጥቋቁሮቹ ድመቶች ከአርሰናል ጋር ካደረጓቸው 30 የፕሪሚየር ሊግ ግንኙነቶች ማሸነፍ የቻሉት በአንዱ ብቻ ሲሆን፣ በ18ቱ ደግሞ ድል ርቋቸዋል።
አሁን ላይ በ4 ነጥብ 14ኛ ደረጃ ላይ የሚገኘው ሰንደርላንድ፣ ይህንን ሽንፈት አራግፎ ከ53 ዓመታት በኋላ ለመጀመሪያ ጊዜ በሚያደርገው የአውሮፓ ሊግ መድረክ የፊታችን ረቡዕ AZ አልክማርን ለማስተናገድ ዝግጅቱን ይጀምራል።

⏰ ጨዋታው ተጠናቋል! ማንቸስተር ዩናይትድ 4 - 0 ሳባህ
ዩናይትዶች ወደ ሻምፒዮንስ ሊግ መድረክ ሲመለሱ እጅግ በጣም ምቹ እና አሳማኝ ድል አስመዝግበዋል! በተለይ ጆሹዋ ዚርክዚ ዛሬ ያሳየው እንቅስቃሴ ልብን የሚያሞቅ ነው! ለኳስ የነበረው ርሀብ እና የፈጠራቸው እንቅስቃሴዎች በጣም አስገራሚ ነበሩ፤ ይህንኑ አስደናቂ አቋሙን አጠናክሮ እንደሚቀጥል ተስፋ አደርጋለሁ!

ዚርክዚ ገና ለዩናይትድ ብዙ የሚሰጠው ነገር እንዳለው አምናለሁ። የኳስ አያያዙ እና በራስ መተማመኑ ልክ እንደ ታላቁ ዝላታን ኢብራሂሞቪች አይነት ስሜት ይፈጥራል! ዋናው ነገር ክለቡ እሱን በአግባቡ መጠቀም መቻሉ ላይ ነው።

ሊሊ ሞገስ የዘ-ሐበሻ ስፖርት አዘጋጅ

በአውሮፓ ሻምፒዮንስ ሊግ ማንቸስተር ዩናይትድ ሳባህን 4 ለ 0 አሸነፈ
*********************

በ2026/27 የአውሮፓ ሻምፒዮንስ ሊግ የመጀመሪያ ሳምንት ሦስተኛ ቀን በኦልድ ትራፎርድ የአዘርባጃኑን ሳባህ ያስተናገደው ማንቸስተር ዩናይትድ 4 ለ 0 በሆነ ውጤት አሸንፏል።

ከ2023 የውድድር ዓመት ወዲህ፣ ከ33 ወራት ቆይታ በኋላ የመጀመሪያ የአውሮፓ ሻምፒዮንስ ሊግ ጨዋታውን ላደረገው ማንቸስተር ዩናይትድ የማሸነፊያዎቹን ግቦች ማቲያስ ኩኛ፣ ብሩኖ ፈርናንዴዝ እና ቤንጃሚን ሼሽኮ በመጀመሪያው አጋማሽ ሲያስቆጥሩ፤ በሁለተኛው አጋማሽ ሊሳንድሮ ማርቲኔዝ ቀሪዋን ግብ ከመረብ አሳርፏል።

ባየር ሙኒክ የኖርዌዩን ቦዶ ግሊምት አስተናግዶ በጀማል ሙሲያላ፣ ሃሪ ኬን፣ አልፎንሶ ዴቪስ እና ማይክል ኦሊሴ(2) ግቦች 5 ለ 0 አሸንፏል።

የመጀመሪያ የአውሮፓ ሻምፒዮንስ ሊግ ተሳትፎውን እያደረገ የሚገኘው፣ በሴስክ ፋብሪጋስ የሚመራው የጣሊያኑ ኮሞ የጀርመኑን አርቢ ሌይፕዢግን 4 ለ 1 ረቷል።

የስሎቫኪያው ክለብ ስላቪያ ፕራግ በፈረንሳዩ ሌንስ 3 ለ 2 የተረታበት ሌላኛው ከደቂቃዎች በፊት የተጠናቀቀ መርሐ-ግብር ነው።

ቀደም ብለው ፌነርባቼ ከ ሮማ እንዲሁም ሻካታር ዶኔስክ ከ ፒኤስቪ አይንድሆቨን ያደረጓቸው ጨዋታዎች በተመሳሳይ 1 ለ 1 በሆነ አቻ ውጤት ተጠናቅቀዋል።
#uefa #uefachampionsleague #manchesterunited #bayernmunich #sabahfk #asroma #como1907 #matchday #football #sports #ebc

🔴 የአለማችን ውዱ የአትሌቲክስ ውድድር በቡዳፔስት ሀንጋሪ

🔴ከ27 ሚሊዮን ብር በላይ የሚያሳፍስ ታሪካዊ ውድድር

🔴ማን አሸንፎ ታሪኩንም ህይወቱንም ይለውጥ ይሆን?

የአትሌቲክሱ ዓለም አይኖች አዲስ ነገር ለማየት ተቃርበዋል፤

ይህ አዲስ እና ልዩ የሆነ ውድድር አልቲሜት ሻምፒዮንሺፕ የሚባል ሲሆን እ.ኤ.አ ከሴፕቴምበር 11-13 ለሶስት ቀናት ብቻ ይካሄዳል።

ለታሪካዊው የ World Athletics Ultimate Championship Budapest 2026 ውድድር የተዘጋጁት የመጨረሻ የተሳታፊዎች ዝርዝር እንደሚያሳየው፣ ከ65 ፌዴሬሽኖች የተውጣጡ 381 አትሌቶች ከሴፕቴምበር 11 እስከ 13 በሃንጋሪዋ ዋና ከተማ ቡዳፔስት ይወዳደራሉ።

ሀገራችን ኢትዮጵያም በዚህ ውድድር በሁለት ወንዶችና በ12 ሴት አትሌቶች የምትሳተፍ ሲሆን 150ሺ ዶላር ለሚያስገኘው አሸናፊነትም በከፍተኛ ደረጃ ታጭተዋል።

ኢትዮጵያዊያን አትሌቶች የአለማችን ምርጦች በሚሳተፉበት ውድድር በ800ሜ፣በ1500 እና በ5000ሜ ሴቶችና በ5000ሜ ወንዶች ዳጎስ ላለው ሽልማት የሚተናነቁ ይሆናል።

እንደ አለም አቀፉ አትሌቲክስ መረጃ ከኢትዮጵያ

🔴በ5000ሜ ወንዶች

ቢንያም መሀሪ
አዲሱ ይሁኔ

🔴በ800ሜ ሴቶች
ጽጌ ዱጉማ
ንግሥት ጌታቸው

🔴በ1500ሜ ሴቶች
ብርቄ ሀይሎም
ፍሬወይኒ ኃይሉ
ሳሮን በርኸ
ሀረገወይኒ ካላዕዩ

🔴በ5000ሜ ሴቶች
ሊቀናው አሜባው
ፍሬወይኒ ኃይሉ
ሰናይት ጌታቸው
አለሽኝ ባወቀ
መዲና ኢሳ
ፋንታዬ በላይነህ

በአጓጊው ውድድር እንደሚሳተፉ ተረጋግጧል።

ለዚህ በአይነቱ ለየት ያለውና ሻምፒዮኖች ብቻ የሚሳተፉበት ውድድሩ ለሽልማት ብቻ 10 ሚሊዮን ዶላር ገንዘብ ተበጅቶለታል፣ከዚህ በፊት ታይቶ የማይታወቅ ልዩ የአዘጋጅነት ጥራት እና በ"ፓናም ስፖርትስ ቻናል" (Panam Sports Channel) የሚተላለፍ የቀጥታ ስርጭት ይኖረዋል ተብሎ የሚጠበቅ ሲሆን በቅርቡ፣Track & Field (የሜዳ እና የትራክ) ስፖርት ዓለም የ2026ቱን የውድድር ዘመን እጅግ አስፈላጊ ክስተት ያስተናግዳል።

ይህ በዓለም ላይ ያሉ ምርጥ አትሌቶችን ብቻ የሚያሰባስብ ልዩና አዲስ ዓይነት ሻምፒዮና ነው፤በውድድሩ የማጣሪያ ዙሮች አይኖሩም፤እንዲሁም ለአሸናፊዎች ሜዳሊያዎች አይሰጡም።

ሁሉም የTrack & Field (የሜዳ እና የትራክ) ውድድሮች በጥቁር ዳራ እና በልዩ የመብራት አጠቃቀም ታጅበው ይካሄዳሉ፤

ስለዚህ ታሪካዊ ውድድር ለማወቅ ዝርዝር መረጃዎችን ከዚህ በታች ይመልከቱ።

🔴እነማን ይሳተፋሉ?

ውድድሩ የኦሎምፒክ ሻምፒዮናዎችን፣ የዓለም ሻምፒዮናዎችን፣ የዳይመንድ ሊግ አሸናፊዎችን እና በዓለም ደረጃ ከፍተኛ ደረጃ ላይ የሚገኙ አትሌቶችን ያሰባስባል። ረጅም የማጣሪያ ዙሮች ወይም ሁለተኛ ደረጃ ያላቸው አትሌቶች በውድድሩ አይካተቱም።

🔴ታሪካዊ የሽልማት ገንዘብ

ይህ ውድድር በትራክ እና ፊልድ ስፖርት ታሪክ ውስጥ ትልቁን የሽልማት ገንዘብ ያካተተ ነው፤በአጠቃላይ 10 ሚሊዮን ዶላር ለሽልማት የሚውል ሲሆን፣ ለእያንዳንዱ የግል ውድድር አሸናፊ 150,000 ዶላር ወይም 27ሚሊዮን ብር ያሳፍሳል፤ ይህም ለዚህ የስፖርት ዓይነት ሪከርድና ታሪካዊ የሆነ የገንዘብ መጠን ነው።

🔴የውድድሩ አደረጃጀት ምን ይመስላል?

ተጠባቂው ውድድር የሚካሄደው በቡዳፔስት ሀንጋሪ እ.ኤ.አ ከሴፕቴምበር 11–13፣ 2026 ሲሆን፣ እያንዳንዳቸው ለሦስት ሰዓታት በሚቆዩ ሦስት የምሽት ክፍለ-ጊዜዎች ብቻ የተገደበ ነው፤ዓላማውም ያለማቋረጥ የሚከናወኑ ውድድሮችን ማቅረብ እና ረጅም የእረፍት ጊዜያትን ማስወገድ ነው፤በእነዚህ ሦስት የምሽት ክፍለ-ጊዜዎች ውስጥ፤የሩጫ (ስፕሪንት)፣የዝላይ እና የውርወራ ውድድሮችን ጨምሮ ለ28 አሸናፊዎች ሽልማት ይሰጣል።

🔴በእያንዳንዱ ውድድር የሚሳተፉ አትሌቶች በእያንዳንዱ የውድድር ዓይነት ከ8 እስከ 16 የሚደርሱ አትሌቶች ይወዳደራሉ፤ይህም በእያንዳንዱ ውድድር ላይ የዓለም ምርጥ አትሌቶች ብቻ እንዲሳተፉ ያደርጋል።

🔴ሜዳሊያዎች የሉም ከወርቅ፣ ከብር እና ከነሐስ ሜዳሊያዎች ይልቅ፣ አሸናፊዎች ከገንዘብ ሽልማት በተጨማሪ ልዩ የሆነ "Ultimate Champion" (የላቀ ሻምፒዮን) ዋንጫን ያገኛሉ፤ሁሉም ተሳታፊዎችም ለዝግጅቱ የተዘጋጀ ልዩ መለያ (ፒን) ይሰጣቸዋል።

🔴በአገር ደረጃ በአትሌቶች ብዛት ላይ ገደብ የለም፤እንደ ኦሎምፒክ ጨዋታዎች፣ የዓለም ሻምፒዮናዎች ወይም የፓን አሜሪካን ጨዋታዎች ሳይሆን፣በዚህ ውድድር አንድ አገር በዓለም ምርጥ ደረጃ ላይ የሚገኙ በርካታ አትሌቶችን በአንድ የውድድር ዓይነት ማሳተፍ ይቻላል፤ይህም የውድድሩን ደረጃ ከፍ ያደርገዋል።

🔴በምን ይተላለፋል?

በፓናም ስፖርትስ ቻናል (Panam Sports Channel) የሚተላለፈው ይህ ትልቅ የስፖርት ዝግጅት በፓናም ስፖርትስ ቻናል በቀጥታ ይተላለፋል፤ በተጨማሪም የፓን አሜሪካን ስፖርት ድርጅት የዝግጅቱን አጠቃላይ ሁኔታ በማህበራዊ ሚዲያ፣በድረ-ገጽ እና በሌሎች ዲጂታል መድረኮች ለማስተላለፍ የባለሙያዎች ቡድን ያሰማራል።

🔴ኦፊሴላዊ መዝሙር

የ2026 የዓለም አትሌቲክስ "Ultimate Championship" ኦፊሴላዊ መዝሙር "Gold" (ወርቅ) ይባላል፤መዝሙሩ የተዘጋጀው በኦሎምፒክ ሻምፒዮን እና በፖል ቮልት (pole vault) የዓለም ክብረ ወሰን ባለቤት አርማንድ ዱፕላንቲስ፣እንዲሁም ከካርል ሲልቨርግራን እና ኦስካር ቼስ ጋር በመተባበር ነው፤እንደ ዱፕላንቲስ ገለጻ፣ ዘፈኑ ከአንድ ግለሰብ በላይ የሆነን ነገር—ማለትም ቤተሰብን፣ቡድንን፣ አሰልጣኞችን እና አገርን—ወክሎ ስለመወዳደር ነው፤ዋናው መልእክቱ የላቀ ብቃትን እና አንድነትን በሚያመለክተው "ወርቅ" ላይ ያተኮረ ነው፤በዝግጅቱ ወቅት ልዩ ትርኢቶች፣አስደናቂ የመብራት ዝግጅቶች እና በአትሌቲክስ ኮከቦች ላይ ያተኮረ ልዩ ተሞክሮ እንደሚኖር መጥቀስ ተገቢ ነው።

🔴የታሪካዊው ሽልማትን በግል(Individual)ለሚያሸንፉ የገንዘብ መጠን

🥇 ወርቅ $150,000

🥈 ብር $75,000

🥉ነሐስ $40,000

4ኛ $25,000

5ኛ $16,000

6ኛ $14,000

7ኛ $12,000

8ኛ.$10,000

9ኛ.$9,000

10ኛ $8,000

ማን የዚህ ዳጎስ ያለ ሽልማት የሚያሰገኘውን ታሪካዊ ውድድር በማሸነፍ ታሪክ ይሠራ ይሆን?አብረን የምንመለከተው ይሆናል።
ድል ለሀገራችን አትሌቶች

✍️በጋዜጠኛ ይስሀቅ በላይ(ሀትሪክ ስፖርት ኦፊሺያል)

በአውሮፓ ሻምፒዮንስ ሊግ አርሰናል፣ ፒኤስጂ እና ሊቨርፑል ተጋጣሚዎቻቸውን አሸነፉ
*********************

በ2026/27 የአውሮፓ ሻምፒዮንስ ሊግ የመጀመሪያ ጨዋታዎች ዛሬም በሁለተኛው ቀን ሲቀጥሉ ወደ ኔፕልስ አቅንቶ በዲዬጎ አርማንዶ ማራዶና ስታዲየም ናፖሊን የገጠመው አርሰናል 1 ለ 0 አሸንፏል።

የአርሰናልን ብቸኛ ግብ ክርስቶስ ዞሊስ ያመቻቸለትን ኳስ ተጠቅሞ 75ኛው ደቂቃ ላይ ማርቲን ኦዲጋርድ ከመረብ አሳርፏል።

በሌሎች ጨዋታዎች የስሎቫኪያውን ስሎቫን ብራትስላቫን የገጠመው ፔኤስጂ 6 ለ 1 አሸንፏል። ፌራን ቶሬስ ሦስት ግቦች በማስቆጠር ሀትሪክ ሲሰራ፣ ኡስማን ዴምቤሌ ሁለት እንዲሁም ፋቢያን ሩዊዝ አንድ ግብ ከመረብ አሳርፈዋል። ሱለይማን ካማራ ለስሎቫኪያው ክለብ ብቸኛዋን ግብ ያስቆጠረ ተጫዋች ነው።

በአንፊልድ አትሌቲኮ ማድሪድን ያስተናገደው ሊቨርፑል ደግሞ 2 ለ 1 አሸንፏል። ዶሚኒክ ሶቦዝላይ እና አሌክሲስ ማካሊስተር ለሊቨርፑል ግቦቹን ሲያስቆጥሩ፣ ማርኮስ ሎሬንቴ የአትሌቲኮን ብቸኛ ግብ ከመረብ አሳርፏል።

የፖርቹጋሉ ስፖርቲንግ ሊዝበን የቱርኪዬውን ጋላታሳራይ 3 ለ 1 የረታበት ሌላኛው የዛሬ ምሽት የአውሮፓ ሻምፒዮንስ ሊግ ጨዋታ ላይ የተመዘገበ ውጤት ነው።
#uefa #uefachampionsleague #arsenal #napoli #psg #liverpool #liverpoolfc #atleticomadrid #football #sports #ebc

በአውሮፓ ሻምፒዮንስ ሊግ ሪያል ማድሪድ ኢንተር ሚላንን 2 ለ 1 አሸነፈ
********************

በ2026/27 የአውሮፓ ሻምፒዮንስ ሊግ የመጀመሪያ ቀን ሪያል ማድሪድን ከኢንተር ሚላን ያገናኘው ተጠባቂው የሳንቲያጎ በርናባዎ ጨዋታ በሪያል ማድሪድ 2 ለ 1 አሸናፊነት ተጠናቅቋል።

ለሪያል ማድሪድ ግቦቹን በመጀመሪው አጋማሽ 14ኛው ደቂቃ ላይ ኪሊያን ምባፔ እንዲሁም 23ኛው ደቂቃ ላይ ፌደሪኮ ቬልቫርዴ አስቆጥረዋል።

ለኢንተር ሚላን ብቸኛዋን ግብ በሁለተኛው አጋማሽ 77ኛው ደቂቃ ላይ ያስቆጠረው ካርሎስ አውጉስቶ ነው።

ከጨዋታው መጀመር አስቀድሞ በቀደመው የውድድር ዓመት በአውሮፓ ሻምፒዮንስ ሊግ 15 ግቦች በማስቆጠር ኮከብ ግብ አግቢ የሆነው ኪሊያን ምባፔ የወርቅ ጫማ ሽልማቱን ከቀድሞ ፖርቹጋላዊ ኮከብ ሉዊስ ፊጎ እጅ ተቀብሏል።

በሌላ ጨዋታ ማንቸሰተር ሲቲ ወደ ፖርቹጋል ተጉዞ በኤርሊንግ ሀላንድ ግቦች ፖርቶን 2 ለ 0 አሸንፏል። ግቦቹ ለሃላንድ በ59 የአውሮፓ ሻምፒዮንስ ሊግ ጨዋታዎች ያስቆጠራቸው 58ኛ እና 59ኛ ሆነው ተመዝግበዋል።

ሪያል ቤቲስ ሊልን 3 ለ 2 ያሸነፈበት እንዲሁም ቦሩሲያ ዶርትሙንድ ቪያሪያልን 3 ለ 1 የረታበት ሌሎች የ2026/27 የአውሮፓ ሻምፒዮንስ ሊግ የመጀመሪያ ቀን መርሐ ግብሮች ናቸው።
#ucl #uefachampionsleague #uefa #realmadrid #intermilanfc #manchestercityfc #porto #matchday #football #sports #ebc

ከአሰቃቂው ምሽት እስከ ዳግም ተስፋ
የሎሪስ ካሪየስ የትግል ጉዞ

✍️ በጋዜጠኛ ብሩክ ተስፋዬ
#ethiopia | በ2018 በዩክሬን ኪዬቭ የተካሄደው የአውሮፓ ሻምፒዮንስ ሊግ ፍጻሜ ለሪያል ማድሪድ የድልና የክብር፣ ለሊቨርፑል ደግሞ የልብ ስብራት ምሽት ነበር። ነገር ግን ከዚያ ምሽት የበለጠ የተጎዳው የ24 ዓመቱ ጀርመናዊ ግብ ጠባቂ ሎሪስ ካሪየስ ነበር።

በዚያ ታሪካዊ ምሽት ካሪየስ ለሊቨርፑል በጣም ከባድ የሆኑ ሁለት ስህተቶችን ሰርቷል። የመጀመሪያዋ ግብ ከእጁ ላይ በቀረችው ኳስ ከካሪም ቤንዜማ ጋር ተያይዛ ሲሆን፣ በኋላም ጋሬዝ ቤል ከሩቅ የመታትን ኳስ መቆጣጠር ተስኖት ሁለተኛዋ ግብ ሆና ጨዋታው 3-1 በሪያል ማድሪድ እጅ ተጠናቀቀ።

ያ ምሽት ለካሪየስ ግን የአንድ ጨዋታ ሽንፈት ብቻ አልነበረም። በደጋፊዎች ትችት፣ በማህበራዊ ጫናና በስሜታዊ ጉዳት የተሞላ አስቸጋሪ ዘመን መጀመሪያ ሆነ። ብዙዎችም የእግር ኳስ ህይወቱ እዚያው እንደተቋጨ ያህል ተመለከቱት።

ከውድቀት ወደ ዳግም መነሳት

ከሊቨርፑል ከተለየ በኋላ ካሪየስ በተለያዩ ክለቦች አስቸጋሪ ዓመታትን አሳልፏል። ይሁንና ተስፋውን ሳይቆርጥ ለመመለስ ታገለ።

በመጨረሻም ወደ ጀርመኑ ሻልከ 04 መዛወሩ ለካሪየስ አዲስ ምዕራፍ ከፈተለት። በክለቡ ውስጥ ዳግም ራሱን ለማሳየት በጽናት መስራቱን ቀጠለ።

ባለፈው የውድድር ዘመንም በ12 ጨዋታዎች መረቡን ሳያስደፍር በማጠናቀቅ የቀድሞ ብቃቱን ዳግም ማስመስከር ችሏል።

በባየርን ፊት የተገኘ ትልቅ ፈተና

በቅዳሜ ምሽት በቬልቲንስ አሬና በተካሄደው የሊጉ ሁለተኛ ሳምንት ጨዋታ፣ ሻልከ ከኃያሉ ባየርን ሙኒክ ጋር ተገናኘ።

ካሪየስም የባየርንን አደገኛ የማጥቃት ኃይል በጽናት ተቋቁሞ፣ መረቡን ሳያስደፍር ጨዋታውን 0-0 አጠናቀቀ። ይህም ለሻልከ ውድ አንድ ነጥብ አስገኘ።

የካሪየስ ታሪክ የሚያስተምረው

የሎሪስ ካሪየስ ጉዞ አንድ ነገር በግልጽ ያሳያል፤ አንድ ስህተት የሰውን ሙሉ ህይወት አይወስንም።

አንድ አሰቃቂ ምሽት ሊያሳፍር ይችላል፤ አንድ ውድቀት ሊያሳምም ይችላል፤ ነገር ግን በጽናት እና በጠንካራ ስነ-ልቦና ከቀጠልን ዳግም መነሳት ይቻላል።

ካሪየስ የግብ ጠባቂነት ታሪክ ብቻ አይደለም—ከውድቀት በኋላ ዳግም ስለመነሳት የሚናገር ህያው ታሪክ ነው።
#loriskarius #schalke04 #liverpool #realmadrid #bayernmunich #football #championsleague #የእግርኳስታሪክ #ጽናት #ዳግምመነሳት

216ኛው የለንደን ደርቢ አርሰናል ከ ቼልሲ

ሁለቱ የባስክ ግዛት ተወላጆች እና አብሮ አደጎቹ ሚኬል አርቴታ እና ዣቢ አሎንስ በዓለም ትልቁ ሊግ የእንግሊዝ ፕሪሚየር ሊግ ሁለት ትልልቅ ክለቦችን ይዘው ተፋጠዋል።

እግር ኳስን በተወለዱበት አካባቢ በሚገኝው የአንቲጎኩ አካዳሚ የጀመሩት እና ለ6 ዓመት በዚሁ አካዳሚ አብረው የተጫውቱት አርቴታ እና አሎንሶ ለሪያል ሶሴዳድ ዋናው ቡድንም ተጫውተው አሳልፈዋል።

በባየር ሊቨርኩሰን ድንቅ ጊዜ ካሳለፈ በኋላ በማድሪድ የተወሰን ጊዜ የቆየው ዣቢ አሎንሶ በቼልሲ ራሱን ለትልቁ ፈተና አዘጋጅቷል።

በሊጉ የመጀመሪያ ሁለት ጨዋታዎችን ያሸነፈው አሎንሶ፤ የመጀመሪያ ትልቁን ፈተና ዛሬ ይጋፈጣል። ምሽት 12፡30 በኤምሬትስ ከሊጉ ሻምፒዮን አርሰናል የሚያደርገው ጨዋታ ይጠበቃል።

በተመሳሳይ አርሰናልም የመጀመሪያ ሁለት ጨዋታዎችን ያሸነፈ ሲሆን በአሸናፊነቱ ለመቀጥል በለንደን ደርቢ ጠንካራ የፊት መስመር ካለው ቼልሲ ይገናኛል።

በኤምሬስት የሚደረገው ጨዋታ 7 ግቦችን ያስቆጠረው የቼልሲ የፊት መስመር ምንም ግብ ካልተቆጠረበት የአርሰናል ተከላካይ የሚያደርጉት ትንቅንቅ በመሆኑ ጨዋታውን እንዲጠበቅ የሚያደርግው ሲሆን በሌላ በኩል ሁለቱ ስፔናዊያን ታክቲሺያን ጨዋታውን እንዴትባለ መልኩ ይወጡታል የሚለው የሚጠበቅ ነው።

አርሰናል ከቼልሲ በተገናኝባቸው ያልፉት 9 ጨዋታዎች በአንዱም ያልተሸነፍ ሲሆን 6ቱን አሸንፏል።

በጨዋታው በመድፈኞቹ በኩል ዩሪየን እና ዊሊያም ሳሊባ አሁንም ከጉዳቱ ያልተመለሱ ተጨዋቾች ሲሆኑ፤ ኤዝሪ ኮንሳ በመድፍኞቹ ማልያ ለመጀመሪያ ጊዜ በቋሚነት ሊጀምር ይችላል ተብሏል።

ሞይሰስ ካይሴዶ የመሰለፉ ነገር ያልተረጋገጥ ሲሆን ጆርዳን ሄንደርሰን እና ፓሊስትራ አሁንም በጉዳት ከስብስቡ ውጪ ናቸው።

Seledadotio
Seledadotio

አትሌት ገመቹ ጎዳና በ3 ሺህ ሜትር መሰናክል የዳይመንድ ሊግ ዋንጫን ጨበጠ
#ethiopia | በ2026 የዳይመንድ ሊግ ውድድር ማጠቃለያ ኢትዮጵያዊው አትሌት ገመቹ ጎዳና በወንዶች 3000 ሜትር መሰናክል የደረጃው የበላይ በመሆን አጠቃላይ አሸናፊነትን ተቀናጅቷል።

በመጀመሪያው ቀን የዙሪክ ዳይመንድ ሊግ የፍፃሜ ውድድር በ5 ሺህ ሜትር ቀዳሚ ሆና ካጠናቀቀችው ኢትዮጵያዊቷ አትሌት ፍሬወይኒ ኃይሉ በተጨማሪ አምስት አፍሪካውያን አትሌቶች የአጠቃላይ አሸናፊነት ክብርን ተጎናጽፈው ነበር።

በሁለተኛው ቀን ውድድር ደግሞ ገመቹ ጎዳና ከኢትዮጵያ ሁለተኛው እንዲሁም ከአፍሪካ ስድስተኛው የዳይመንድ ሊግ አሸናፊ መሆን ችሏል።

ገመቹ የርቀቱን አሸናፊነት ያረጋገጠው 8 ሚኒት ከ08 ሰከንድ ከ67 ማይክሮሰከንድ በመግባት ሲሆን፣ ሞሮኮአዊውን የዓለምና የኦሊምፒክ ሻምፒዮን ሱፊያን ኤል ባካሊን በማስከተል ቀዳሚ ሆኖ አጠናቅቋል።

በዚህ ውድድር ሱፊያን ኤል ባካሊ ሁለተኛ፣ ኬንያዊው አትሌት ሲሞን ኮዌች ሶስተኛ ደረጃን ሲይዙ ሌላኛው ኢትዮጵያዊ አትሌት ሳሙኤል ፍሬው ሰባተኛ በመውጣት አጠናቅቋል።

በሌሎች የምሽቱ መርሃ ግብሮች በወንዶች 5 ሺህ ሜትር ቢኒያም መሀሪ አራተኛ፣ በሴቶች 800 ሜትር ሳይዳ ፀሀዬ ሶስተኛ እንዲሁም በ1500 ሜትር ብርቄ ኃየሎም ዘጠነኛ ደረጃን ይዘው ማጠናቀቃቸው የዳይመንድ ሊጉ ተጠቀሽ ውጤቶች ናቸው።
#athletics #ethiopianathletics #worldathletics #diamondleague #sports #ebc #getutemesgen #getu #ጌጡ #ጌጡተመስገን #addisababa

(ዘ-ሐበሻ ስፖርት) ማንቸስተር ዩናይትድ በኦልድ ትራፎርድ ኢፕስዊች ታውንን 5-2 በሆነ አስገራሚ ውጤት ካሸነፈ በኋላ፣ አሰልጣኝ ማይክል ካሪክ ስለ ኮቢ ማይኖ ያቀረበው አድናቆት የብዙዎችን የዩናይትድ ደጋፊዎች ልብ የነካ ነበር። ካሪክ የወጣቱን አማካይ ብቃት "እጅግ አስደናቂ" ሲል በከፍተኛ ስሜት አወድሶታል።

በዓለም ዋንጫው ላይ አንድም ደቂቃ ሳይጫወት መቅረቱ ብዙዎችን ቢያስገርምም፣ ከዚያ ወዲህ ለመጀመሪያ ጊዜ በፕሪሚየር ሊጉ ቋሚ ሆኖ የጀመረው ማይኖ የብዙዎችን ትኩረት ስቧል። አምበሉ ብሩኖ ፈርናንዴዝ ሃት-ትሪክ በሰራበት በዚህ ድንቅ ምሽት፣ ካሪክ የ21 ዓመቱ ወጣት ብቃት እንዳይደበቅ አድርጓል። ይሁን እንጂ፣ ቀድሞው የዩናይትድ ግብ ጠባቂ ቤን ፎስተር የተለየ አመለካከት ነበረው። ፎስተር በማህበራዊ ትስስር ገጹ ላይ እንዲህ ሲል አስነብቧል፦ "ኮቢን እወደዋለሁ፤ እርሱ የክለቡ የወደፊት ተስፋ ነው፣ ግን ገና እዚያ አልደረሰም። እውነቱን እንነጋገር ከተባለ፣ በመጀመሪያዎቹ አራት እና አምስት ቋሚ ተሰላፊዎች ዝርዝር ውስጥ እንደማይገባ ግልጽ ነው። ለውሰት ተሰጥቶ የቡድኑ ቁልፍ ተጫዋች የሚሆንበት፣ በየጨዋታው የሚፈለግበት እና ሀላፊነት የሚወስድበት አንድ ዓመት ቢያሳልፍ፣ ማንቸስተር ዩናይትድ ቤት ሊያገኝ የማይችለውን ልምድ ያካብታል።"

ይህ የፎስተር አስተያየት ግን በማህበራዊ ሚዲያ የዩናይትድ ደጋፊዎች ዘንድ ጠንካራ ተቃውሞን አስተናግዷል። በርካቶች ማይኖ በእርግጥም በካሪክ ስብስብ ውስጥ "ከመጀመሪያዎቹ አራት ወይም አምስት" ተመራጮች ውስጥ ያለ ጥርጥር መካተት እንዳለበት ያምናሉ። ነገር ግን ይህ እውነት ከሆነ፣ ዩናይትድ በዚህ ክረምት የአማካይ ክፍሉን ለማጠናከር ሲል ከ150 ሚሊዮን ፓውንድ በላይ ያፈሰሰባቸው ሦስት ዓለም አቀፍ አማካዮች እጣ ፈንታ ምን ሊሆን ነው? የሚለው ጥያቄ የካሪክ ዋነኛ የቤት ስራ ሆኗል።

ዩናይትድ ወደ ሻምፒዮንስ ሊግ መመለሱ የሚያስከትለውን ጫና ማይክል ካሪክ በቅርቡ በተግባር ማየት ይጀምራል። ቡድኑ ከኤቨርተኑ ጨዋታ ጀምሮ ከመጀመሪያው የብሔራዊ ቡድን ጨዋታዎች እረፍት በፊት በ16 ቀናት ውስጥ 5 ከባድ ጨዋታዎችን ያደርጋል። በካራባኦ ዋንጫ ጉዞውን ከቀጠለ ደግሞ፣ እስከ ገና በዓል ድረስ አንዳችም የመሀል ሳምንት የእረፍት ጊዜ አይኖረውም። በዚህም ምክንያት በተገነባው አዲስ የአማካይ ክፍል ውስጥ የተጫዋቾች ሮቴሽን (ፈረቃ) ማድረግ ግድ ነው።

ካሪክ የቡድኑን አዳዲስ ፈራሚዎች አስመልክቶ ሲናገር ሚዛን (ባላንስ) ወሳኝ መሆኑን ያነሳል። ብራዚላዊው ካሴሚሮ ኮንትራቱ አልቆ ሲለቅ፣ ጉዳት ያስተናገደው ማኑኤል ኡጋርቴ ደግሞ እስከ ቀጣዩ ዓመት ከሜዳ ይርቃል። ማይኖ፣ ፈርናንዴዝ እና ሜሰን ማውንት ብቻቸውን ሲቀሩ ዩናይትድ ወደ ገበያ ወጥቶ ብራዚላዊውን አንድሬ ሳንቶስን ከቼልሲ በ48 ሚሊዮን ፓውንድ፣ በማግስቱ ደግሞ የ29 ዓመቱን ቤልጄማዊ ዩሪ ቴሌማንስን ከአስቶን ቪላ በ35 ሚሊዮን ፓውንድ አስፈረመ።

ካሪክ በአየርላንድ የቅድመ ውድድር ዝግጅት ላይ ሳንቶስን ሲያሞካሽ፣ "አንድሬ ገና ወጣት ቢሆንም ያለው ስብዕና እና ብስለት እጅግ አስደናቂ ነው። ቶሎ ለመማር ዝግጁ ነው፤ አብረውት ያሉትን ተጫዋቾች ይረዳል፣ በሜዳ ላይም በሚገባ ያወራል። ዩሪ ደግሞ በፕሪሚየር ሊጉ በደንብ የምናውቀው እና ልምድ ያለው ተጫዋች ነው። ሁለቱ አማካዮች ወደፊት ብዙ አቅም ይፈጥሩልናል" ብሏል።

በዚህ የኮከቦች ስብስብ ውስጥ ሌላኛው ከባድ ፈራሚ ካርሎስ ባሌባ ተቀላቅሏል። በ70 ሚሊዮን ፓውንድ የተዘዋወረው ካሜሩናዊው፣ በክለቡ ታሪክ ውድ ከሚባሉ ፈራሚዎች ተርታ ተሰልፏል። ይሄን ያህል ዋጋ የወጣበት ተጫዋች ቋሚ ተሰላፊ መሆን አለበት ተብሎ ይታሰባል።
እያንዳንዱ አማካይ ለቡድኑ የተለየ ኃይል ይዞ ይመጣል። ባሌባ ፍጥነት፣ ጉልበት እና የተከላካይነት ንቃት ሲሰጥ፤ ቴሌማንስ ኳስን በማረጋጋት፣ በማቀበል እና ሜዳን በማንበብ ወደር የለውም። ሳንቶስ በግል ግንኙነቶች (duels) እና ኳስን በማቋረጥ ሲጎላ፤ ማይኖ ደግሞ በጠባብ ቦታዎች ኳስን ተቆጣጥሮ ቡድኑን ወደ ፊት በማስኬድ ልዩ ችሎታ አለው። ይሁንና እነዚህ ሁሉ በአንድ ጊዜ በሜዳ ላይ ሊሰለፉ አይችሉም።

ከኤቨርተኑ ጨዋታ በፊት ይህን ፈተና በተመለከተ የተጠየቀው ካሪክ በፈገግታ እንዲህ ሲል አብራርቷል፦ "ልክ የአሰልጣኞች ክፍል ገብታችሁ ቋሚ አሰላለፍ እየመረጣችሁ ያለ ይመስላል! እኛ ቡድን የምንገነባው ለአንዱ እሁድ ጨዋታ ብቻ አይደለም፤ ሙሉውን የውድድር ዓመት የሚያሻግረን ጠንካራ ስብስብ ነው የሚያስፈልገን። ጨዋታዎች በየሦስት እና አራት ቀናት ሲመጡ አሰላለፍ መቀየር ግድ ነው። በጉዳትም ሆነ በቅጣት የሚመጣውን ክፍተት ለመድፈን እና የተሟላ ጥምረት ለመፍጠር ማንኛውም ወደ ሜዳ የሚገባ ተጫዋች የራሱ የሆነ ወሳኝ ሚና አለው።"

ዝነኛው የኬንያ አትሌት ፖል ቴርጋት በGrand African Run 2026 የክብር እንግዳ ሆኖ ይገኛል

ዋሽንግተን ዲሲ፦ የኬንያው የረጅም ርቀት ሩጫ ኮከብ ፖል ቴርጋት (Paul Tergat) በ2026 Grand African Run የክብር እንግዳ ሆኖ እንደሚሳተፍ ዋና አዘጋጁ፤ የኖቫ ኮኔክሽንስ መሥራችና CEO ዶ/ር ጋሻው አብዛ አስታውቀዋል።

ቀን፦ ኦክቶበር 10፣ 2026
ቦታ፦ አሌክሳንድሪያ፣ ቨርጂኒያ – Washington DC Metro Area
ጠዋት 9፡00

በዕለቱ ፖል ቴርጋት ከኢትዮጵያ የአትሌቲክስ ታላላቆች ደራርቱ ቱሉ፣ ጥሩነሽ ዲባባ እና ስለሺ ስህን ጋር በክብር እንግድነት እንደሚገኝ ዶ/ር ጋሻው አስረድተዋል።

ፖል ቴርጋት ማን ነው?

ፖል ቴርጋት በዓለም የረጅም ርቀት ሩጫ ታሪክ ውስጥ ታላቅ ስም ካላቸው አትሌቶች አንዱ ነው። አምስት ጊዜ የዓለም ክሮስ ካንትሪ ሻምፒዮን ሲሆን፣ በኦሎምፒክ 10,000 ሜትር ላይ ሁለት የብር ሜዳሊያዎችን አሸንፏል።

በተለይም በ2003 የበርሊን ማራቶንን 2፡04፡55 በመግባት የማራቶን ርቀትን ከ2 ሰዓት ከ5 ደቂቃ በታች ያጠናቀቀ የመጀመሪያው አትሌት ሆኖ ታሪክ ሠርቷል።

ከኢትዮጵያውያን የአትሌቲክስ አድናቂዎች ጋር የሚያገናኘው ደግሞ ከኃይሌ ገብረሥላሴ ጋር ያደረጋቸው አጓጊ ፉክክሮች ናቸው።

በተለይ በ2000 ሲድኒ ኦሎምፒክ የ10,000 ሜትር ፍጻሜ ኃይሌ ገብረሥላሴ ቴርጋትን በ0.09 ሰከንድ ብቻ ቀድሞ ያሸነፈበት ውድድር ከኦሎምፒክ የረጅም ርቀት ሩጫ ታሪክ ውስጥ ከማይረሱ ፉክክሮች አንዱ ነው።

ግራንድ አፍሪካን ረን — ከሩጫ በላይ!

“አብሮነት መሻል ነው!” – ዶ/ር ጋሻው አብዛ

Grand African Run የአፍሪካውያን አትሌቶች በአትሌቲክስ፣ በረጅም ርቀት ሩጫና በክሮስ ካንትሪ ያስመዘገቡትን ታላቅ ስኬት ለማክበር የተጀመረ ዓመታዊ ዝግጅት ነው።

በዚህ ዓመትም ጀማሪ ሯጭም ሆኑ ፕሮፌሽናል፣ በመራመድ፣ በሶምሶማ ወይም በሩጫ መሳተፍ ይችላሉ።

ልዩ ዕድል! — የ2026 ቶዮታ መኪና ዕጣ

ለGrand African Run የሚመዘገቡ ተሳታፊዎች በዕጣ ውስጥ የሚካተቱ ሲሆን፣ እድለኛው አሸናፊ በዝግጅቱ መጨረሻ በሚካሄደው የዕጣ ማውጣት ሥነ-ሥርዓት ይገለጻል።

የመኪናው ሽልማት በዳሸን ባንክ እና Alexandria Toyota ድጋፍ የቀረበ ነው።

ቦታዎች ውስን ናቸው!
ቀድመው ይመዝገቡ።

ለመመዝገብ፦ https://shorturl.at/mEAGG
ትኬት፦ https://shorturl.at/YQvrv
ተጨማሪ መረጃ፦ helenahafricarun.com

አብሮነት መሻል ነው!

***
African Impact Award እና Grand African Run የሚያዘጋጃቸው Nova Connection ሲሆን፣ Getu Temesgen Media & Communications በኢትዮጵያ የዝግጅቶቹ ብቸኛ ወኪል ነው።
#grandafricanrun #grandrundc #africanimpactaward #bettertogether #አብሮነትመሻልነው #paultergat #ethiopia #kenya #washingtondc #alexandriatoyota #dashenbank #getutemesgen

ጋብሬል ማርቲኔሊ፣ በአርሰናል ቤት የተጻፈ የትጋት ታሪክ

አዲስ አበባ፣ ነሐሴ 29፣ 2018 (ኤፍ ኤም ሲ) በአርሰናል የቅርብ ዓመታት የዳግም ግንባታ ጉዞ ውስጥ ስማቸው በጉልህ ከሚጠቀሱ ተጫዋቾች መካከል ጋብሬል ማርቲኔሊ አንዱ ነው። ወጣቱ ብራዚላዊ በፍጥነቱ፣ በጉልበቱ፣ ተከላካዮችን በአንድ ለአንድ ለመጋፈጥ ባለው ድፍረቱ እና ጎል ለማስቆጠር ባለው ክህሎት የመድፈኞቹ ደጋፊዎችን ልብ ማሸነፍ ችሏል።

ጋብሬል ቴዎዶሮ ማርቲኔሊ ሲልቫ በፈረንጆቹ 2001 በብራዚል ሳኦ ፖሎ ግዛት ጉዋሩልዮስ ተወለደ።

የእግር ኳስ ህይወቱን በኮረንቲያንስ አካዳሚ በመጀመር በኋላም በኢቱዋኖ ቀጠለ። በኢቱዋኖ በዋናው ቡድን ዕድል ካገኘ በኋላ የብራዚላዊው ወጣት ችሎታ በአውሮፓ የተለያዩ ክለቦች ዓይን ውስጥ ገባ።

በመጨረሻም እ.ኤ.አ በ2019 አርሰናል፣ ተስፈኛውን ታዳጊ ተጫዋች ወደ ሰሜን ለንደን አመጣው። ማርቲኔሊ በአርሰናል ቤት የተሰጠውን ዕድል በፍጥነት በመጠቀም ለቡድኑ የሚያስፈልገው የግብ ስጋት ሆነ።

ማርቲኔሊ ወደ አርሰናል ሲመጣ ብዙዎች እንደ ተስፈኛ ወጣት ተጫዋች ብቻ ይመለከቱት ነበር። እሱ ግን የሰዎችን ግምት በፍጥነት ለወጠው። ፍጥነቱን በመጠቀም በግራ ክንፍ ተከላካዮችን መጫን፣ ወደ ፍጹም ቅጣት ምት ሳጥን ውስጥ መግባት እና ጎል ማስቆጠር የአጨዋወቱ ዋነኛ መለያዎች ሆኑ።

በተለይም በ2019/20 የውድድር ዘመን ያሳየው ብቃት የአርሰናል ደጋፊዎች በወጣቱ ላይ ትልቅ ተስፋ እንዲጥሉ አደረገ። እሱ በሜዳ ላይ የሚያሳየው ትጋትና የማይታክት ሩጫ ለቡድኑ አጨዋወት መለያ እየሆነ መጣ።

ለማርቲኔሊ የአርሰናል ቆይታ እጅግ የሚታወሰው የ2022/23 የውድድር ዘመን ነው። በዚያ ወቅት ተጫዋቹ በፕሪሚየር ሊጉ 36 ጨዋታዎች በመሳተፍ 15 ጎሎችን አስቆጠረ፤ በተጨማሪም 5 የግብ እድሎችን ፈጥሯል፡፡

ይህ የግል ብቃቱ ብቻ ሳይሆን አርሰናል እስከ መጨራሻው ሰዓት የሊጉ አሸናፊ ለመሆን ከፔፕ ጓርዲዮላው ማንቼስተር ሲቲ ጋር የተፋለመበት ወቅት ነበር። ማርቲኔሊ፣ ቡካዮ ሳካ እና ሌሎች ወጣት ተጫዋቾች የአርሰናልን የወደፊት ቡድን ምስል እንዲያሳይ አጨዋወት አሳይተዋል።

ማርቲኔሊን ከሌሎች የክንፍ ተጫዋቾች የሚለየው ነገር በኳስ ላይ ያለው ችሎታ ብቻ አይደለም። ኳስ ሲበላሽበት ወዲያውኑ መልሶ ለመንጠቅ የሚያደርገው ጥረት፣ ተከላካይን በፍጥነት ለመጫን ያለው ፍላጎት እና ከኳስ ውጭ የሚያደርጋቸው ሩጫዎቹ ናቸው።

የግራ ክንፍ ቦታውን በመያዝ ወደ ውስጥ በመግባት በቀኝ እግሩ ጎል ለመሞከር የሚያደርገው እንቅስቃሴም የተለመደ ነበር። በአርሰናል ቤት ቆይታው 41 ግችንና 24 ግብ የሚሆኑ ኳሶችን አመቻችቶ ማቀበሉ የሚያሳየውም በቡድኑ የማጥቃት ሥርዓት ውስጥ ያለውን ከፍተኛ ተፅዕኖ ነው።

በመጨረሻዎቹ የአርሰናል ቆይታው የማርቲኔሊ የመጫወቻ ጊዜ እንደ ቀድሞው የተረጋጋ አልነበረም። የቡድኑ የማጥቃት አማራጮች መጨመር፣ የተጫዋቾች ውድድር እና ራሱ የማርቲኔሊከቡድኑ እኩል ማደግ አለመቻል በቋሚ 11 ውስጥ የመሰለፍ እድሉን አመነመነው፡፡

በ2025/26 የውድድር ዓመት 30 ጨዋታዎች ቢያደርግም በ11 ብቻ ነው በመጀመሪያ አሰላለፍ ውስጥ ለመግባት የቻለው፡፡ በዚህም አንድ ግብና 4 የግብ እድሎችን ብቻ አስመዝግቧል።

በአጠቃላይ በአርሰናል ቆይታው 191 የፕሪሚየር ሊግ ጨዋታዎችን በማድረግ 41 ግቦችና 24 የግብ እድሎችን በማስመዝገብ በመድፈኞቹ ቤት የራሱን ታሪክ አኑሯል፡፡

ብራዚላዊው አቦ ሸማኔ በተዘጋው የዝውውር መስኮት ወደ ሳዑዲው አል ሂላል እግር ኳስ ቡድን ተዛውሯል፡፡ ከአርሰናል መለየቱ ለብዙ የመድፈኞቹ ደጋፊዎች ቀላል የሆነ ዜና አልነበረም። በተለይም በቡድኑ ውስጥ ካሳለፈው ረጅም ጊዜ እና ከደጋፊዎች ጋር ከፈጠረው ትስስር አንፃር መሰናበቱ የአንድ ዘመን የታሪክ ምዕራፍ መዝጊያ ይመስላል።

ከአርሰናል ጋር ያሳለፋቸው ዓመታት ሲደመሩ ማርቲኔሊ በክለቡ ታሪክ ውስጥ የራሱን ምዕራፍ ጽፏል። ወደ ክለቡ የመጣው እንደ ወጣት ተስፈኛ ነበር፤ የወጣው ግን የፕሪሚየር ሊግ ሻምፒዮን በመሆን ነው፡፡

ማርቲኔሊም ከአርሰናል የሚወጣው በፍጥነቱ ተከላካዮችን ሲያስጨንቅ፣ ግብ ሲያስቆጥር፣ በሜዳ ላይ ሲሮጥ እና የመድፈኞቹን ማልያ በኩራት ሲለብስ የታዩትን ትዝታዎች ትቶ ነው።

ከለንደን ወደ ሳዑዲ የተደረገው ጉዞ ለማርቲኔሊ አዲስ ምዕራፍ ቢሆንም፣ በአርሰናል የተጻፈው ታሪክ ሁሌም የእግር ኳስ ሕይወቱ አንድ ትልቅ ክፍል ሆኖ ይዘልቃል።

በአቤል ነዋይ

“ህፃናትን ለማሳደግ ምርጧ ከተማ” - የዓለም አቀፍ ሽልማቶቿ ምስጢር
*******************

አዲስ አበባ ያሸነፈቻቸው ዓለም አቀፍ ሽልማቶች ዋነኛ ምስጢር የገነባቻቸው መሠረተ ልማቶችና ውጤታማ ሥራዎቿ ብቻ ሳይሆኑ፣ መዲናዋን “ህፃናትን ለማሳደግ ምርጧ ከተማ” ለማድረግ የሁለንተናዊ ብልፅግና ጉዟችን ማዕከል በሆነው ሰብዓዊ ልማት እና ትውልድን ማነጽ ላይ ባመጣችው ስር ነቀል ለውጥ ጭምር ነው።

ከንቲባ አዳነች አቤቤ “የቀዳማይ ልጅነት ልማት ፕሮግራም”ን በብቃት በመምራታቸው በዓለም አቀፉ “አክት ፎር ኧርሊ ይርስ” (Act for Early Years) ኢኒሼቲቭ “የቅድመ ልጅነት ዕድገት ሻምፒዮን” ተብለው ተሸልመዋል።

ይህ ትልቅ እውቅና ከተማዋን ለህፃናት የምትመች ከተማ እና ህፃናትን ለማሳደግ ምርጧ የአፍሪካ መዲና ለማድረግ የሰነቀችውን ራዕይ የሚያንፀባርቅ፣ እንዲሁም ለትውልድ ግንባታ የሚደረገው ኢንቨስትመንት ያመጣውን ለውጥ በጉልህ የሚያሳይ ነው።

የዚህ ስኬት እና የከተማዋ አስደናቂ ዕድገት መገለጫ የሆነው ከቁጥር በላይ ማሳያ፣ የመጫወቻ ስፍራዎች እና የሕፃናት ማቆያዎች መስፋፋት ነው።

ከ20 ብቻ የመጫወቻ ስፍራዎች የተነሳው የከተማዋ አስተዳደር፣ በሦስት ዓመታት ውስጥ ብቻ ቁጥሩን ከጥራት ጋር 5 ሺህ 500 ማድረስ ችሏል።

በሌላ በኩል 5 ሺህ 3 የሚሆኑ የልጆችን የዕድገት ደረጃና ሥርዓት ታሳቢ ያደረጉ የመጫወቻ ቦታዎችም ተገንብተው አገልግሎት እየሰጡ ይገኛሉ።

በተጨማሪም የሕዝብ የሕፃናት ማቆያዎች ከ11 ብቻ ተነስተው በአሁኑ ወቅት 1 ሺህ 100 ደርሰዋል።

ይህ በተለያዩ ሞዴሎች የተደራጀው የማቆያ ቁጥር በጥቅሉ 1 ሺህ 155 የደረሰ ሲሆን፣ 27 ሺህ 302 ሕፃናት የአገልግሎቱ ተጠቃሚ ሆነዋል።

ይህ ስኬታማ የቀዳማይ ልጅነት ልማት ፕሮግራም በመዲናችን የሚገኙ 1.3 ሚሊዮን ገደማ ሕፃናትን፣ በተለይም አነስተኛ ገቢ ካላቸው ቤተሰቦች 330 ሺህ ታዳጊዎችን ተደራሽ ለማድረግ ያለመና 5 አንኳር ጉዳዮችን ያካተተ ነው።

አዲስ አበባ ዛሬ ዓለምን ያስገረመችው እና የትኩረት ማዕከል የሆነችው በአስደናቂው የኮሪደር ልማቷ፣ በወንዝ ዳርቻዎቿ ውበት ወይም በሌሎች ፕሮጀክቶቿ ብቻ አይደለም።

ብሩህ አእምሮ ያለው ጤናማ ትውልድ በማፍራት ህፃናትን ለማሳደግ ምርጧ ከተማ መሆኗን በተግባር በማሳየትና የዜጎችን በተለይም የሕፃናትን ሕይወት በሚቀይር የሰብዓዊ ልማት ሥራዋ ጭምር ነው።

ይህ በሰብዓዊነት እና በትውልድ ላይ የተደረገው ጥልቅ ኢንቨስትመንት የመንግሥትን የመደመር እሳቤ መሬት ያወረደና ዜጎችን በአንድነት በማስተባበር ከተማዋን እውነተኛ የብልፅግና ተምሳሌት ያደረጋት ነው።

አዲስ አበባ ተደጋጋሚ ዓለም አቀፍ ሽልማቶችን እንድትቀዳጅ ያስቻላት ዋነኛ ምስጢርም ይኸው መሆኑን የአዲስ አበባ ከተማ ኮሙኒኬሽን ቢሮ መረጃ ይገልጻል።
#ethiopia #addisababa #adanechabiebie #championforearlychildhood #ebc