(ዘ-ሐበሻ ዜና) የኢትዮጵያ ሙዚቃ ታሪክ ወደኋላ ሲቃኝ፣ የ1970ዎቹ እና 80ዎቹ ዓመታት ልዩ ስፍራ አላቸው። ያኔ ሙዚቃ በሙሉ ባንድ ታጅቦ፣ ድምፃውያን እና የሙዚቃ መሳሪያ ተጫዋቾች በመድረክ ላይ ተዋህደው፣ አንዳቸው የሌላቸውን ስሜት እያነበቡ የሚፈጥሩት ዜማ ዘመን ተሻጋሪ ስራዎችን አበርክቶልናል። ታዲያ ይህን የናፈቀ ወርቃማ ዘመን እና የመድረክ ላይ የሙሉ ባንድ ጥበብ፣ ወጣቷ ድምፃዊት ሜላት ቀለመወርቅ ዳግም ልታመጣው ይሆን?
ጋዜጠኛ ሙሉቀን አሰን ባሰፈረው ጽሁፍ፣ ሜላት ይህንን ህልም እውን ለማድረግ የወሰደችውን ደፋር እርምጃ አጋርቶናል። ድምፃዊቷ በማህበራዊ ሚዲያ ገጿ እንዳስታወቀችው፣ ለዚህ አዲስ ስራዋ የመረጠቻቸው የሙዚቃ ጠበብት ተራ አልነበሩም። ከታላቁ ጥላሁን ገሠሠ እስከ ማህሙድ አህመድ፣ ከአስቴር አወቀ እስከ እጅጋየሁ ሽባባው (ጂጂ) ድረስ ዘመን የማይሽራቸውን ድንቅ ስራዎች በአልበም እና በመድረክ በማጀብ ስማቸው የገነነ አንጋፋ ሙዚቀኞችን አሰባስባለች።
በዚህ ታሪካዊ ስብስብ ውስጥ የሙዚቃ ሊቃውንቱ አበጋዝ ክብረወርቅ ሺወታ፣ ሄኖክ ተመስገን፣ ያሬድ ተፈራ፣ ግሩም መዝሙር፣ ዘሪሁን በለጠ፣ ሳሚ ጅፋር እንዲሁም ወጣቱ ሄኖክ ድለቃ ተሳትፈዋል። ሜላት የሙዚቃ መሳሪያዎቹን ከሚያናግሩት ከእነዚህ ክቡራን ጋር በመዋሃድ፣ የራሷንም ከፍተኛ የድምጻዊነት ብቃት እንዳሳየችበት በኩራት ተናግራለች።
እነዚህን የሙዚቃ ፈርጦች በአንድ ላይ አሰባስቦ፣ የድሮውን ዘመን በሚያስታውስ መልኩ በመድረክ ላይ በሙሉ ባንድ የተቀዳ ሙዚቃ መስራት ቀላል አልነበረም። ሜላትም ብትሆን ይህ ሂደት እጅግ ፈታኝ እና ረጅም ጊዜ የወሰደባት መሆኑን አልደበቀችም። ነገር ግን ድካሟ ሁሉ ለአድማጭ ጆሮ ከሚመጥንና ነፍስን ከሚያረካ ምርጥ ስራ ጋር ሲደመር ትልቅ እርካታ እንደሰጣት ገልጻለች።
አሁን የሙዚቃ አፍቃሪው ጥያቄዎች እነዚህ ናቸው፦ የኢትዮጵያ ሙዚቃ ከአንድ የስቱዲዮ ኪቦርድ ጠባብ አጥር ወጥቶ፣ ድሮ እንደነበረው በሙሉ ባንድ ግርማ ሞገስ ከነክብሩ ደምቆ እንሰማው ይሆን? ያ የነጠረ የሙዚቃ ዘመን በወጣቷ ድምፃዊት ሲደገም እናየዋለን? ወጣቷ ሜላት ቀለመወርቅስ ልክ እንደ አስቴር አወቀ እና ሀመልማል አባተ በመድረክ ላይ የድምጽ ብቃቷን አስመስክራ አዲሱን ትውልድ ትወክል ይሆን?
የእነዚህ ሁሉ ጉጉት አዘል ጥያቄዎች ምላሽ፣ ነገ አርብ ከቀኑ 8፡00 ሰዓት ላይ ይፋ ይሆናል። ሜላት "መላ መላ" የተሰኘውን ይህንን እጅግ ተጠባቂ ስራዋን በራሷ የዩቲዩብ ቻናል በኩል ለዕይታ ታበቃለች። የሙዚቃው ወርቃማ ዘመን ሲደገም ለማየት፣ አርብን በጉጉት እንጠብቃለን!
ጋዜጠኛ ሙሉቀን አሰን ባሰፈረው ጽሁፍ፣ ሜላት ይህንን ህልም እውን ለማድረግ የወሰደችውን ደፋር እርምጃ አጋርቶናል። ድምፃዊቷ በማህበራዊ ሚዲያ ገጿ እንዳስታወቀችው፣ ለዚህ አዲስ ስራዋ የመረጠቻቸው የሙዚቃ ጠበብት ተራ አልነበሩም። ከታላቁ ጥላሁን ገሠሠ እስከ ማህሙድ አህመድ፣ ከአስቴር አወቀ እስከ እጅጋየሁ ሽባባው (ጂጂ) ድረስ ዘመን የማይሽራቸውን ድንቅ ስራዎች በአልበም እና በመድረክ በማጀብ ስማቸው የገነነ አንጋፋ ሙዚቀኞችን አሰባስባለች።
በዚህ ታሪካዊ ስብስብ ውስጥ የሙዚቃ ሊቃውንቱ አበጋዝ ክብረወርቅ ሺወታ፣ ሄኖክ ተመስገን፣ ያሬድ ተፈራ፣ ግሩም መዝሙር፣ ዘሪሁን በለጠ፣ ሳሚ ጅፋር እንዲሁም ወጣቱ ሄኖክ ድለቃ ተሳትፈዋል። ሜላት የሙዚቃ መሳሪያዎቹን ከሚያናግሩት ከእነዚህ ክቡራን ጋር በመዋሃድ፣ የራሷንም ከፍተኛ የድምጻዊነት ብቃት እንዳሳየችበት በኩራት ተናግራለች።
እነዚህን የሙዚቃ ፈርጦች በአንድ ላይ አሰባስቦ፣ የድሮውን ዘመን በሚያስታውስ መልኩ በመድረክ ላይ በሙሉ ባንድ የተቀዳ ሙዚቃ መስራት ቀላል አልነበረም። ሜላትም ብትሆን ይህ ሂደት እጅግ ፈታኝ እና ረጅም ጊዜ የወሰደባት መሆኑን አልደበቀችም። ነገር ግን ድካሟ ሁሉ ለአድማጭ ጆሮ ከሚመጥንና ነፍስን ከሚያረካ ምርጥ ስራ ጋር ሲደመር ትልቅ እርካታ እንደሰጣት ገልጻለች።
አሁን የሙዚቃ አፍቃሪው ጥያቄዎች እነዚህ ናቸው፦ የኢትዮጵያ ሙዚቃ ከአንድ የስቱዲዮ ኪቦርድ ጠባብ አጥር ወጥቶ፣ ድሮ እንደነበረው በሙሉ ባንድ ግርማ ሞገስ ከነክብሩ ደምቆ እንሰማው ይሆን? ያ የነጠረ የሙዚቃ ዘመን በወጣቷ ድምፃዊት ሲደገም እናየዋለን? ወጣቷ ሜላት ቀለመወርቅስ ልክ እንደ አስቴር አወቀ እና ሀመልማል አባተ በመድረክ ላይ የድምጽ ብቃቷን አስመስክራ አዲሱን ትውልድ ትወክል ይሆን?
የእነዚህ ሁሉ ጉጉት አዘል ጥያቄዎች ምላሽ፣ ነገ አርብ ከቀኑ 8፡00 ሰዓት ላይ ይፋ ይሆናል። ሜላት "መላ መላ" የተሰኘውን ይህንን እጅግ ተጠባቂ ስራዋን በራሷ የዩቲዩብ ቻናል በኩል ለዕይታ ታበቃለች። የሙዚቃው ወርቃማ ዘመን ሲደገም ለማየት፣ አርብን በጉጉት እንጠብቃለን!
1 month ago
