መልቲቾይስ ኢትዮጵያ ለመንግሥት ትምህርት ቤት ተማሪዎች ሙሉ ወጪው የተሸፈነ የSTEM ስልጠና ይፋ አደረገ

​መልቲቾይስ ኢትዮጵያ (ከየኔታ ኮድ ጋር በመተባበር "Ethiopian Future Skills" የተሰኘ አዲስ የቴክኖሎጂ ስልጠና ፕሮግራም በይፋ ጀምሯል።

ፕሮግራሙ በተለይ በገንዘብ አቅም እና በግብዓት እጥረት ምክንያት የቴክኖሎጂ ዕድሎችን ማግኘት ላልቻሉ የመንግሥት ትምህርት ቤት ተማሪዎች ታስቦ የተዘጋጀ ነው ተብሏል።

​📌 ስለ ስልጠናው ዋና ዋና ነጥቦች፦
​ተጠቃሚዎች፦ ከአዲስ አበባ የመንግሥት ትምህርት ቤቶች የተመረጡ 30 ብሩህ ተማሪዎች።

​የስልጠናው ዘርፎች (STEM)፦ ሳይንስ፣ ቴክኖሎጂ፣ ኢንጂነሪንግ እና ሂሳብ።

​የቆይታ ጊዜ፦ ለ12 ሳምንታት (3 ወራት) የሚቆይ ጥልቅ ስልጠና።

​የሴቶች ተሳትፎ፦ በቴክኖሎጂው ዘርፍ ያለውን የፆታ ልዩነት ለማጥበብ 50% የሚሆኑት ሰልጣኞች ሴቶች ናቸው።

​💻 ተማሪዎቹ ምን ይማራሉ?

​Computational Thinking፦ የኮምፒውተር አመክንዮ እና ችግር ፈቺነት።

​Web Foundations፦ ድረ-ገጾችን ለመገንባት የሚያስችሉ የHTML, CSS እና JavaScript ስልጠናዎች።

​AI-Enhanced Learning፦ አርቲፊሻል ኢንተለጀንስን (AI) እንደ ረዳት መምህር በመጠቀም መማር።

​Soft Skills፦ የቡድን ስራ፣ አመራር እና የኮሙኒኬሽን ክህሎቶች።

​🌟 ልዩ የሚያደርገው፦
ተማሪዎቹ ስልጠናውን ሲያጠናቅቁ ራሳቸው የገነቧቸውን የቴክኖሎጂ ውጤቶች (Digital Platforms) ለታዳሚ የሚያቀርቡበት የProject Showcase መርሃ-ግብር ይኖራል። ይህም የተማሩትን በተግባር እንዲያሳዩ ትልቅ መድረክ ይፈጥርላቸዋል።

​🗣 የኃላፊዎች አስተያየት፦
የመልቲቾይስ ኢትዮጵያ ዋና ስራ አስኪያጅ ገሊላ ገብረሚካኤል እንደገለጹት፤ "ይህ ተነሳሽነት ተማሪዎች ተሰጥኦአቸውን እንዲያወጡ እና በዲጂታሉ ዓለም ተወዳዳሪ እንዲሆኑ ለማገዝ ያለመ ነው፤ ዓላማችንም ትርጉም ያለው ለውጥ ማምጣት ነው።"