ዛሬ አንድ የሙዚቃ አቀናባሪ ወዳጄጋ ስንጨዋወት እንዴት ነው የሰሞኑ የነ ልጅ ሚካኤል እሰጣ ገባ ብለው ፈገግ ብሎ ባጭሩ ልንገርህ ብሎ እንዲህ አለኝ

ልጅ ማይክን ከአንድም ሁለት ጊዜ አግኝቸዋለሁ በዚ የራፕ ሙዚቃ ዘርፍ ላይ በጣም እስማርት እና ቢዝነሱ የገባው ልጅ ነው የሱን ሙዚቃ የሚሰማውንም የማይሰማውንም እንዲሰማ ያደርጋል አሁን ይሄን ግርግር ያስነሳው ሆን ብሎ ነው ብዬ አስባለሁ ምክንያቱም ልብ ብለህ ከሆነ ማንም ምንም ሳይለው ብቻ በድንገት በፊት ራፕ የምትሰሩ ልጆች ብንከባበር ይሻላችዋል ብሎ በፅሁፍ መልክት አስተለለፈ በቃ ባጭሩ ስነግርህ ይቺ በፊት አብረውት ይሰሩ የነበሩ ግን ደሞ የጠፉ ጏደኞቹን ስቦ የማስገቢያ ሲስተም ነች ከዛ በፍጥነት ዜማ የሚል ሙዚቃና ቪዲዮ ለቀቀ ተዘጋጅቶበት እንደነበር በደንብ ያስታውቃል::

አሁን እንደምታየው የበፊት ራፐሮች ጠቅላላ በተቃራኒ ጎን የቆሙ በመምሰል ሁሉም እየገቡ ማህበራዊ ሚዲያውን ያዙት አሁን ትንሽ ቆይተው ሁሉም አልበም እንለቃለን ሲሉ ትሰማለህ ትልቅ ፕሮሞሽን ነው የሰራላቸው ካወቁበት መጠቀም ከቻሉ ይሄ ጊዜ ይጠቅማቸዋል እራሳቸውንም ያወጡበታል እንጂ ልጅ ሚካኤል ምን ፍለጋ እዚ ውስጥ ይገባል ብለህ ታስባለህ አሁን እሱ ድልድይ ሆኗቸዋል ከአሁን በዋላ የነሱ ጉዳይና ጉብዝና ነው የሚወስነው በእርግጠኝነት ግን የምነግርህ እሱን እዚ ግርግር ውስጥ ድጋሚ አናየውም ብሎ ሚስጥራቸውን ጀባ አለኝ እላችዋለሁ

እንኳንም ፆም ደረሰ እራፐር ይፁም አይፁም አላቅም እኛ ግን እንፁምበት ተውን በሏቸው::
Via: ደረጄ ብርሀን