(ዘ-ሐበሻ ዜና) ከእርዳታ በጀት ቅነሳ ጋር በተያያዘ፣ ለተጎጂዎች የምግብ ወይም የውሃ አቅርቦት እርዳታ ከማድረግ ይልቅ ቀጥታ የጥሬ ገንዘብ ዝውውር ማድረግ የእርዳታ ፕሮግራሞችን ይበልጥ ውጤታማ እና ተደራሽ ሊያደርግ እንደሚችል አንድ አዲስ ሪፖርት አመለከተ።

በእርዳታ አቅራቢው 'CALP Network' የተዘጋጀው ይህ ሪፖርት፣ በ1,203 የተለያዩ ፕሮግራሞች ላይ የወጣውን 11.4 ቢሊዮን ዶላር (8.5 ቢሊዮን ፓውንድ) የእርዳታ ወጪ ላይ ትንታኔ ያደረገ ነው። ሪፖርቱ ይፋ የተደረገው፣ የዓለም አቀፍ ልማት የወደፊት ዕጣ ፈንታ ላይ የሚመክረው ታሪካዊው የዩናይትድ ኪንግደም የመሪዎች ጉባኤ ከመካሄዱ አስቀድሞ ነው።

የሪፖርቱ አዘጋጆች እንዳረጋገጡት፣ በተለይም በአካባቢው በሚገኙ አገር በቀል ድርጅቶች በኩል እና በሰፊው የሚሰጥ ቀጥታ የጥሬ ገንዘብ ድጋፍ፣ የእርዳታ በጀት እየቀነሰ ባለበት በዚህ ወቅት የሰብዓዊ እርዳታ ዘርፉ እጅግ በርካታ ሰዎችን እንዲደርስ ያስችላል።

በተለይም የጥሬ ገንዘብ እርዳታ 38 በመቶ የበለጠ እርዳታ ችግር ላይ ላሉ ሰዎች በትክክል እንዲደርስ ማስቻል እንደሚችል ሪፖርቱ አረጋግጧል። ይህ ግኝት ይፋ የሆነው፣ እርዳታ ለሚፈልግ አንድ ሰው የሚመደበው የገንዘብ መጠን በ2024 እና 2025 መካከል በ35 በመቶ መቀነሱን የቅርብ ጊዜ መረጃዎች ባሳዩበት ወቅት ነው።

የ CALP Network ዳይሬክተር ኬት ተርተን በበኩላቸው፣ “የሰብዓዊ እርዳታ ፍላጎት እየጨመረ እና የእርዳታ በጀቶች በከፍተኛ ጫና ውስጥ ባሉበት በዚህ ወቅት፣ ይህ ጉዳይ ውጤታማነትን ብቻ ታሳቢ ያደረገ ክርክር አይደለም፤” ብለዋል። ዳይሬክተሯ አክለውም፣ “ከፍተኛ ውጤታማነት ማለት ብዙ ቤተሰቦች ድጋፍ ያገኛሉ፣ በችግር የተጎዱ ሰዎች ክብራቸው ይጠበቃል፣ እንዲሁም በሰብዓዊ ምላሽ አሰጣጥ ላይ የሚታየው አስቸጋሪ አጣብቂኝ ይቀንሳል ማለት ነው፤” ሲሉ አስረድተዋል።

የ መንግሥታዊ ያልሆኑ ድርጅቶች ኔትወርክ የጥብቅና ዳይሬክተር ጊዲዮን ራቢኖዊትዝ፣ “ዛሬ የወጣው ሪፖርት የጥሬ ገንዘብ እርዳታ በግጭት እና በቀውስ የተጎዱ ማኅበረሰቦችን የሰብዓዊ ፍላጎት በማሟላት ረገድ እንደሚሰራ ያጎላል፤ በተለይም በአካባቢው በሚገኙ ድርጅቶች በሰፊው ሲመራና ሲሰጥ የተሻለ ውጤት ያመጣል፤” በማለት የሪፖርቱን ግኝት ደግፈዋል። "ለጋሾችን ጨምሮ የዩናይትድ ኪንግደም መንግሥት የሪፖርቱን ማስረጃ ሰምቶ አገር በቀል የገንዘብ ድጋፍ አሰጣጥን የሚያመቻቹ ማሻሻያዎችን ተግባራዊ በማድረግ፣ እያንዳንዱ የዓለም አቀፍ እርዳታ ሳንቲም ዋጋ እንዲኖረውና በጣም ለሚፈልጉት ሰዎች እንዲደርስ እርምጃ ሊወስድ ይገባል" ሲሉም ጥሪ አቅርበዋል።

በሰብዓዊ እርዳታ አውድ ውስጥ መንግሥታዊ ያልሆኑ ድርጅቶች ቀጥታ የጥሬ ገንዘብ ዝውውርን በስፋት እየተጠቀሙ ሲሆን፣ የዓለማችን ትልቁ የሰብዓዊ ድርጅት የሆነው የተባበሩት መንግሥታት የዓለም ምግብ ፕሮግራም (WFP) ይህንን አሰራር በ'ቅድመ-ተግባር' ፕሮግራሙ ውስጥ አካቶ ተግባራዊ እያደረገ ይገኛል።

ለአብነት ያህል በኢትዮጵያ፣ ድርቅ ከመከሰቱ አስቀድሞ የዓለም ምግብ ፕሮግራም ለአርብቶ አደር ማኅበረሰቦች የጥሬ ገንዘብ ዝውውር ሲያደርግ ቆይቷል። ይህ ድጋፍ ቤተሰቦች እንስሶቻቸው በአየር ንብረት ለውጥ ምክንያት ከመሞታቸው በፊት ምግብ እና የእንስሳት መኖ እንዲገዙ፣ እንዲሁም ሰብል እንዲያለሙ አስችሏቸዋል። በኢትዮጵያ የWFP ተጠባባቂ ምክትል ዳይሬክተር ሮበርት አካቲያ-አርማህ ቀደም ሲል ለ ዘ ኢንዲፔንደንት ጋዜጣ እንደተናገሩት፣ “ግቡ አደጋው ከመከሰቱ በፊት ሕይወትን በማዳን እና መተዳደሪያን በመጠበቅ ተጋላጭ በሆኑ ማኅበረሰቦች ላይ የሚደርሰውን ተጽዕኖ መቀነስ ነው።"

ነገር ግን መንግሥታዊ ያልሆኑ ድርጅቶች እንደ የምግብ እፎይታ ካሉ እጅግ አሳሳቢ የሰብዓዊ ሥራዎች ውጭ ባሉ ጉዳዮች ላይ በጀታቸውን እንዲቀንሱ በመገደዳቸው፣ እነዚህ የጥሬ ገንዘብ ፕሮግራሞች ትኩረት ሊነፈጋቸው እንደሚችል ስጋት አለ።

⚠️ አሜሪካ ሶማሊያን ዕርዳታ አልሰጥሽም አለቻት
#ethiopia | የዕርዳታ መጋዘን መውደም እና የምግብ ዕርዳታ መዘረፍ ነው ተብሏል አሜሪካ ለሶማሊያ የፌዴራል መንግስት የምታበረክተውን ማንኛውንም ዓይነት ድጋፍ ሙሉ በሙሉ ማቋረጧን በይፋ አስታወቀች። ይህ አስደንጋጭ ውሳኔ የተላለፈው በሁለቱ ሀገራት መካከል ያለውን ግንኙነት ወደ ከፋ ደረጃ ሊያሸጋግር የሚችል ክስተት በሶማሊያ መፈጸሙን ተከትሎ ነው።

🚫 ለውሳኔው የተሰጡ ምክንያቶች

የአሜሪካ መንግስት ለዚህ እርምጃው ሁለት ዋና ዋና ምክንያቶችን አስቀምጧል፦

* የመጋዘን መውደም፦ አሜሪካ በገንዘብ የምትረዳው የዓለም የምግብ ፕሮግራም (WFP) መጋዘን በሶማሊያ የፌዴራል መንግስት ባለሥልጣናት መውደሙን ገልጻለች።

* የዕርዳታ እህል መያዝ፦ ለተቸገሩ የሶማሊያ ዜጎች እንዲውል በልገሳ የተላከ 76 ሜትሪክ ቶን የምግብ ዕርዳታ በሕገ-ወጥ መንገድ በቁጥጥር ስር መዋሉን አሜሪካ አረጋግጫለሁ ብላለች።

📉 ሊከተል የሚችል ተጽዕኖ

አሜሪካ ለሶማሊያ የምታደርገው ድጋፍ ከሰብአዊ እርዳታ ባለፈ በጸጥታና በመንግስት ግንባታ ላይ ያተኮረ በመሆኑ፣ ድጋፉ መቋረጡ በሶማሊያ የውስጥ መረጋጋትና በአል-ሸባብ ላይ በሚደረገው ዘመቻ ላይ ከፍተኛ ጥላ ሊያሳርፍ እንደሚችል ተሰግቷል።

የሶማሊያ የፌዴራል መንግስት እስካሁን በጉዳዩ ላይ የሰጠው ይፋዊ ምላሽ የለም።

​Getu Temesgen - (ጌጡ ተመስገን)
#አሜሪካ #ሶማሊያ #ሰብአዊእርዳታ #ዓለምየምግብፕሮግራም #wfp #የአፍሪካቀንድ #ፖለቲካ #somalia #usaid #ዜና

የአለም ምግብ ፕሮግራም በኢትዮጵያ ለ780 ሺህ ስደተኞች የሚሰጠውን የምግብ ድጎማ ከ60% ወደ 40% ለመቀነስ ተገደደ

👉 ፕሮግራሙ 230 ሚሊዮን የአሜሪካ ዶላር አስቸኳይ የገንዘብ ድጋፍ ካላገኘ በሚቀጥሉት ወራት እርዳታውን ያቋርጣል

የተባበሩት መንግስታት የዓለም ምግብ ፕሮግራም (WFP) ወሳኝ በሆነ የገንዘብ እጥረት ሳቢያ በኢትዮጵያ ውስጥ የሚገኙ 780,000 ስደተኞችን የምግብ ድጎማ ከ60 በመቶ ወደ 40 በመቶ ለመቀነስ መገደዱን አስታወቀ።

ይህ ቅነሳ በስደተኛ ካምፖች ውስጥ የረሃብና የተመጣጠነ ምግብ እጥረት አደጋን በከፍተኛ ደረጃ ጨምሯል።

ድርጅቱ በጥቅምት ወር በ27 ካምፖች ለሚኖሩ ስደተኞች የዕለት ምግብ ድጎማውን ለመቀነስ የተገደደ ሲሆን፣ ይህም ማለት እያንዳንዱ ሰው አሁን በቀን ከ1,000 ካሎሪ በታች የሆነ የምግብ እርዳታ እያገኘ ነው ሲል ለካፒታል በላከው መግለጫ አስታዉቋል።

የፕሮግራሙ እንዳስታወቀዉ የሁኔታውን ክብደት ሲገልጹ፣ "የማይቻል ምርጫ እያደረግን ነው" ብለዋል። በተጨማሪም፣ "እያንዳንዱ የምግብ ድጎማ ቅነሳ ማለት ይበልጥ የተራበ ህፃን፣ ምግብ የመዝለል ግዴታ የደረሰባት እናት፣ እና ወደ አደጋ ጠርዝ የተገፋ ቤተሰብ ማለት ነው" በማለት አደጋው አሁን እየተከሰተ መሆኑን አስጠንቅቋል።

ከሱዳንና ደቡብ ሱዳን ግጭት ሸሽተው የመጡ 70,000 አዲስ ስደተኞች ብቻ ከፍተኛ የሆነ የተመጣጠነ ምግብ እጥረት ስላለባቸው ለቀጣዩ ስድስት ወራት ሙሉ ድጎማ ማግኘታቸውን እንደሚቀጥሉ ተገልጿል።

የአለም ምግብ ፕሮግራም ለቀጣዩ ስድስት ወራት የሰብዓዊ ዕርዳታ ሥራውን ለማስቀጠል በአስቸኳይ 230 ሚሊዮን የአሜሪካ ዶላር የሚጠይቅ ጥሪ አቅርቧል። አፋጣኝ የገንዘብ ድጋፍ ካልተገኘ፣ ድርጅቱ በሚቀጥሉት ወራት ለሁሉም ስደተኞች የሚሰጠውን የምግብ እርዳታ ሙሉ በሙሉ ሊያቆም እንደሚችል አስታውቋል።

seledadotio
seledadotio

ሁቲዎች የቀይባህር ቀጠና እያመሱት ነዉ !
‎/ሂዩማን ራይትስ/
‎
‎ የየመን የሁቲ ቡድን በቀይ ባህር በሚንቀሳቀሱ መርከቦች ላይ በሚያደርሰው ጥቃት ምክንያት በምስራቅ አፍሪካ እና የአረብ ባሕረ ገብ መሬት ለሚገኙ በተፈጥሮና ሰዉ ሰራሽ ችግሮች ለተጋለጡ ወገኖች የሚያስፈልግ ወሳኝ ዕርዳታዎችን ማድረስ ከባድ እየሆነ መምጣቱ ተነገረ ።
‎
‎ቀይ ባህር ከዚህ ቀደም ከ12 በመቶ በላይ የአለም ንግድን ይዞ የነበረ ቢሆንም የሃውቲ ጥቃቶች ካገረሹ በኋላ የመርከብ እንቅስቃሴው በከፍተኛ ሁኔታ ቀንሷል። የምስራቅ አፍሪካ ላኪዎች የጭነት ወጪ በሶስት እጥፍ ጨምሯል ፣በአካባቢው በሚያልፉ መርከቦች ላይ ያለው የኢንሹራንስ አረቦን ከእጥፍ በላይ ጨምሯል። የሶማሊያ ወደ ውጭ የሚላከው ከበርበራ እና ቦሳሳሶ ወደቦች በተለይም በቀላሉ ሊበላሹ ለሚችሉ እንደ ከብቶች እና ለባህረ ሰላጤው ለሚገቡ ምርቶች ተጋላጭ እየሆነ መጥቷል። ሲል ሂዉማን ራይትስ ገልጿል ።
‎
‎ከህዳር 2023 ጀምሮ ሁቲዎች በጋዛ ከሚገኙ ፍልስጤማውያን ጋር ተባብረው እንደሚሰሩ በመግለጽ በክልሉ በሚገኙ የንግድ መርከቦች ላይ ከ100 በላይ ጥቃቶችን ፈፅመዋል ።
‎
‎ባሳለፈዉ ወር ብቻ በግሪክ ኩባንያ የሚተዳደርና ሌሎች መርከቦች በተመሳሳይ ሳምንት ውስጥ ኢላማ ተደርገዋል ያለዉ ተቋሙ ይህም በቀይ ባህር የባህር ላይ የጸጥታ ችግር ላይ ስጋት እንዲፈጠር ማድረጉን ገልጿል ።
‎
‎እ.ኤ.አ. ጁላይ 28 MV Eternity C የተሰኘውና ከሶማሊያ ሰብአዊ ርዳታ የምታጓጉዝ መርከብ በበርበራ ለተባበሩት መንግስታት የዓለም የምግብ ፕሮግራም (WFP) የምግብ አቅርቦቶችን ካደረሰች በኋላ ወደ ሳዑዲ አረቢያ ጂዳህ ስትሄድ ኢላማ በማድረግ በመን የባህር ጠረፍ አቅራቢያ ማስጠሙንና ዘጠኝ ፊሊፒናውያን እና አንድ ሩሲያዊ ኤሌክትሪክ ሠራተኛን ማገቱን በመግለፅ አዉግዟል ።
‎
‎ሂዩማን ራይትስ ዎች መርከቧ ወታደራዊ ስጋት እንዳላት ወይም ከእስራኤል ጋር ግንኙነት እንዳላት ምንም አይነት ማስረጃ እንደሌለ በመግለጽ ፊልሙን አውግዟል፣ ጥቃቱን እና የግዳጅ ኑዛዜዎችን “ከጦርነት ወንጀል ጋር የሚያያዝ” ሲል ጠርቷል።
‎
‎የምግብ ዕርዳታ የሚያደርሱ ሲቪል መርከበኞች ያለምክንያት መታሰር ሕገወጥ እና ከሥነ ምግባር አኳያም የሚያስወቅስ ነው ሲል ሂውማን ራይትስ ዎች በመግለጫው ገልጿል።
‎
‎ዩናይትድ ስቴትስ፣ የአውሮጳ ህብረት ወታደራዊ ሃይል ኦፕሬሽን አስፒድስ እና አለም አቀፍ እውቅና ያለው የየመን መንግስት ሁቲዎችን ለጥቃቱ ተጠያቂ በማድረግ የታፈኑት መርከበኞች ያለምንም ቅድመ ሁኔታ እንዲፈቱ ጠይቀዋል።
‎
‎የኔታ ቲዩብ ዘጋቢ ፦ ታዴ የማመይ ልጅ
‎