የሀገራዊ ሕልውናችን ዋስትና እና የዘላቂ ሰላማችን የጀርባ አጥንት፡ የኢትዮጵያ መከላከያ ሠራዊት
*********************

የሕዝቦች አብሮነት፣ የልማት ሥራ እና ሀገራዊ ዕድገት ሊቀጥል የሚችለው አስተማማኝ ሰላም ሲኖር ብቻ ነው። የኢፌዴሪ መከላከያ ሠራዊት የሀገራችንን ሉዓላዊነት በማስከበር እና የሕዝቦችን ደህንነት በመጠበቅ ረገድ ቀዳሚው እና ጠንካራው የጀርባ አጥንት ሆኖ ይገኛል። ይህ ታሪካዊ ሠራዊት ዛሬ ላይ በመደመር መንግሥት ሁለንተናዊ የማድረግ አቅም ፍልስፍና እና ስትራቴጂ ተደግፎ በሁሉም መስክ አሸናፊነቱን እያረጋገጠ ይገኛል።

ሠራዊታችን በአሁኑ ወቅት ራሱን በዘመናዊ ወታደራዊ ሳይንስ እና ቴክኖሎጂ በማደራጀት ከፍተኛ እመርታ አስመዝግቧል። የመደመር መንግሥት የኢፌዴሪ መከላከያ ሠራዊትን፣ ሀገርን በሁሉም ዘርፍ በብቃት የመገንባት ራዕዩ አካል በማድረግ፣ አቅሙን በዘመኑ ቴክኖሎጂ ገንብቶ በከፍተኛ ሁኔታ አሳድጎታል።

በዚህም የሀገር መከላከያ ሠራዊቱ የምድር ኃይሉን ስልታዊ ዝግጁነት፣ የአየር ኃይሉን የላቀ የአቪዬሽን ቴክኖሎጂ፣ የባሕር ኃይሉን እና የሳይበር ደህንነት አቅሙን በማቀናጀት በምስራቅ አፍሪካ ቀጣና ማንኛውንም ስጋት በአጭር ጊዜ የመቀልበስ ሙሉ ብቃት ገንብቷል።

የሠራዊታችን ጥንካሬ የሚለካው በዘመናዊ መሳሪያዎቹ ብቻ ሳይሆን፣ እያንዳንዱ የሠራዊቱ አባል በውስጡ ባለው ፅኑ የሀገር ፍቅር፣ ከፍተኛ ወታደራዊ ሥነ-ምግባር እና ሕዝባዊ ወገንተኝነት ጭምር ነው። የመደመር መንግሥት በሠራዊቱ ውስጥ ማኅበራዊ ፍትሕን እና ብዝኃነትን ያከበረ አደረጃጀት ተግባራዊ በማድረጉ፣ ሠራዊቱ የኢትዮጵያ ሕዝቦች እውነተኛ ፍቅር እና አንድነት ማሳያ ሆኗል። ሠራዊቱ ከወታደራዊ ግዳጅ ጎን ለጎን በተፈጥሮ እና በሰው ሰራሽ አደጋዎች ወቅት እንዲሁም በልማት ሥራ ከሕዝብ ጎን በመቆም የሚያደርገው ድጋፍ የዚሁ ሕዝባዊ ዓላማው ህያው ማረጋገጫ ነው።

በተጨማሪም በተለያዩ ማዕዘናት የሚከናወኑ ታላላቅ የልማት ፕሮጀክቶች፣ ዋና ዋና የንግድ መተላለፊያ መስመሮች እና የሕዝቦች የዕለት ተለት እንቅስቃሴዎች በሰላም እንዲቀጥሉ ከለላ በመስጠት ለሀገራዊ ብልፅግናችን የማይተካ አስተዋፅኦ እያበረከተ ይገኛል።

በዚህም የመደመር ሁለንተናዊ የዕድገት ማዕቀፍ ከሰላም ጋር ተሳስሮ እንዲቀጥል በማድረግ ረገድ ሠራዊቱ የሰላም እና የኢኮኖሚ ልማት ዋስትናችን ሆኗል።

ከሀገር ወሰን ተሻግሮም በአፍሪካ ኅብረት እና በተባበሩት መንግሥታት የሰላም ማስከበር ተልዕኮዎች ባሳየው ወታደራዊ ዲሲፕሊን እና ሥነ-ምግባር የኢትዮጵያን መልካም ስም በዓለም አቀፍ መድረክ በማስጠራት የሰላም አምባሳደርነቱን አስመስክሯል።

ለሀገሩ ክብር እና ለሕዝቡ ሰላም ሲል ሕይወቱን አሳልፎ የሚሰጠው የኢትዮጵያ መከላከያ ሠራዊት፣ የትናንት ታሪካችን ወራሽ፣ የዛሬ ሰላማችን የጀርባ አጥንት እና የነገ ተስፋችን አስተማማኝ ዋስትና ነው።

በሔዋን ጌታቸው
#ትልቅ_ሀገር #ትልቅ_ሕዝብ #ታላቅ_ርዕይ
#ethiopia #medemer #ethiopianarmy #endf #nationaldefense #peace #security #sovereignty #ebc
የሀገራዊ ሕልውናችን ዋስትና እና የዘላቂ ሰላማችን የጀርባ አጥንት፡ የኢትዮጵያ መከላከያ ሠራዊት
*********************

የሕዝቦች አብሮነት፣ የልማት ሥራ እና ሀገራዊ ዕድገት ሊቀጥል የሚችለው አስተማማኝ ሰላም ሲኖር ብቻ ነው። የኢፌዴሪ መከላከያ ሠራዊት የሀገራችንን ሉዓላዊነት በማስከበር እና የሕዝቦችን ደህንነት በመጠበቅ ረገድ ቀዳሚው እና ጠንካራው የጀርባ አጥንት ሆኖ ይገኛል። ይህ ታሪካዊ ሠራዊት ዛሬ ላይ በመደመር መንግሥት ሁለንተናዊ የማድረግ አቅም ፍልስፍና እና ስትራቴጂ ተደግፎ በሁሉም መስክ አሸናፊነቱን እያረጋገጠ ይገኛል።

ሠራዊታችን በአሁኑ ወቅት ራሱን በዘመናዊ ወታደራዊ ሳይንስ እና ቴክኖሎጂ በማደራጀት ከፍተኛ እመርታ አስመዝግቧል። የመደመር መንግሥት የኢፌዴሪ መከላከያ ሠራዊትን፣ ሀገርን በሁሉም ዘርፍ በብቃት የመገንባት ራዕዩ አካል በማድረግ፣ አቅሙን በዘመኑ ቴክኖሎጂ ገንብቶ በከፍተኛ ሁኔታ አሳድጎታል።

በዚህም የሀገር መከላከያ ሠራዊቱ የምድር ኃይሉን ስልታዊ ዝግጁነት፣ የአየር ኃይሉን የላቀ የአቪዬሽን ቴክኖሎጂ፣ የባሕር ኃይሉን እና የሳይበር ደህንነት አቅሙን በማቀናጀት በምስራቅ አፍሪካ ቀጣና ማንኛውንም ስጋት በአጭር ጊዜ የመቀልበስ ሙሉ ብቃት ገንብቷል።

የሠራዊታችን ጥንካሬ የሚለካው በዘመናዊ መሳሪያዎቹ ብቻ ሳይሆን፣ እያንዳንዱ የሠራዊቱ አባል በውስጡ ባለው ፅኑ የሀገር ፍቅር፣ ከፍተኛ ወታደራዊ ሥነ-ምግባር እና ሕዝባዊ ወገንተኝነት ጭምር ነው። የመደመር መንግሥት በሠራዊቱ ውስጥ ማኅበራዊ ፍትሕን እና ብዝኃነትን ያከበረ አደረጃጀት ተግባራዊ በማድረጉ፣ ሠራዊቱ የኢትዮጵያ ሕዝቦች እውነተኛ ፍቅር እና አንድነት ማሳያ ሆኗል። ሠራዊቱ ከወታደራዊ ግዳጅ ጎን ለጎን በተፈጥሮ እና በሰው ሰራሽ አደጋዎች ወቅት እንዲሁም በልማት ሥራ ከሕዝብ ጎን በመቆም የሚያደርገው ድጋፍ የዚሁ ሕዝባዊ ዓላማው ህያው ማረጋገጫ ነው።

በተጨማሪም በተለያዩ ማዕዘናት የሚከናወኑ ታላላቅ የልማት ፕሮጀክቶች፣ ዋና ዋና የንግድ መተላለፊያ መስመሮች እና የሕዝቦች የዕለት ተለት እንቅስቃሴዎች በሰላም እንዲቀጥሉ ከለላ በመስጠት ለሀገራዊ ብልፅግናችን የማይተካ አስተዋፅኦ እያበረከተ ይገኛል።

በዚህም የመደመር ሁለንተናዊ የዕድገት ማዕቀፍ ከሰላም ጋር ተሳስሮ እንዲቀጥል በማድረግ ረገድ ሠራዊቱ የሰላም እና የኢኮኖሚ ልማት ዋስትናችን ሆኗል።

ከሀገር ወሰን ተሻግሮም በአፍሪካ ኅብረት እና በተባበሩት መንግሥታት የሰላም ማስከበር ተልዕኮዎች ባሳየው ወታደራዊ ዲሲፕሊን እና ሥነ-ምግባር የኢትዮጵያን መልካም ስም በዓለም አቀፍ መድረክ በማስጠራት የሰላም አምባሳደርነቱን አስመስክሯል።

ለሀገሩ ክብር እና ለሕዝቡ ሰላም ሲል ሕይወቱን አሳልፎ የሚሰጠው የኢትዮጵያ መከላከያ ሠራዊት፣ የትናንት ታሪካችን ወራሽ፣ የዛሬ ሰላማችን የጀርባ አጥንት እና የነገ ተስፋችን አስተማማኝ ዋስትና ነው።

በሔዋን ጌታቸው
#ትልቅ_ሀገር #ትልቅ_ሕዝብ #ታላቅ_ርዕይ
#ethiopia #medemer #ethiopianarmy #endf #nationaldefense #peace #security #sovereignty #ebc

የኢትዮጵያ ብሔራዊ ደኅንነት እና የባሕር ኃይል አቅም ግንባታ ሂደት፡ የዛሬ ዝግጅት ለነገው ከፍታ
****************

የኢትዮጵያ ባሕር ኃይል ዳግም መቋቋሙን ተከትሎ ብሔራዊ ሉዓላዊነትን ከማረጋገጥ ባለፈ የሰው ኃይልን በዘመናዊ ሥልጠና የመገንባት፣ ዘመናዊ የመሠረተ ልማት አውታሮችን የመዘርጋት እና የብሔራዊ ደኅንነት ሥራዎችን በላቀ ደረጃ እያከናወነ ይገኛል።

በአፍሪካ ቀንድ ያለውን የጂኦ-ፖለቲካዊ እንቅስቃሴ እና ዓለም አቀፋዊ የባሕር ላይ ንግድ መስመሮችን ደኅንነት ግምት ውስጥ ያስገባው ይህ የአቅም ግንባታ ሥራ፣ በዘርፉ ጠንካራ እና ተወዳዳሪ ኃይል ለመፍጠር ያለመ ነው።

የባሕር ኃይል ዋና አዛዥ ቫይስ አድሚራል ክንዱ ገዙ እንደገለጹት ተቋሙ በሙሉ አቅሙ እና በራሱ ብቃት የመሠረታዊ ባሕርተኞችን እና የበታች ሹሞችን ሥልጠና በማካሄድ ላይ ይገኛል።

በአዲስ አበባ የተገነባው የባሕር ኃይል ጠቅላይ መምሪያ ሥራ የጀመረ ሲሆን፣ የቢሾፍቱ መሠረታዊ ማሠልጠኛ ማዕከልም አገልግሎት መስጠት ጀምሯል።

በባሕር ዳር ዙሪያ የሚገኘው የባሕር ኃይል ካዴት አካዳሚ በቅርብ ቀናት በይፋ የሚከፈት ሲሆን፣ ይህም ለቀጣዩ ትውልድ ወታደራዊ ማሪታይም መሪዎች ማፍሪያ ዋና ማዕከል ይሆናል።

የባሕር ኃይል አካዳሚ አዛዥ ካፒቴን ከበደ ሚካኤል በበኩላቸው፣ ወጣት ባሕርተኞች፣ የቴክኒክ ባለሙያዎች እና የማሪን ኮማንዶ አባላት በከፍተኛ ተነሳሽነት እየሠለጠኑ መሆናቸውን ጠቁመዋል።

ሠልጣኞቹ ከማሪን ኮማንዶ ክፍሎች ጋር በመቀናጀት የታላቁ ኢትዮጵያ ሕዳሴ ግድብን ጨምሮ ብሔራዊ የውኃ አካላትን ጥበቃ፣ የቅኝት እና የጸጥታ ማስከበር ሥራዎችን በቀንም ሆነ በምሽት በ24 ሰዓት ሙሉ ዝግጅት በብቃት እያከናወኑ ይገኛል።

ከ130 ሚሊዮን በላይ ሕዝብ ያላት ኢትዮጵያ ፈጣን ኢኮኖሚያዊ ዕድገቷን እና ብሔራዊ ደኅንነቷን ለማስጠበቅ ወደ ቀይ ባሕር፣ ባሕረ ሰላጤው እና ሕንድ ውቅያኖስ ለመውጣት ጥረት የህልውና ጉዳይ እንጂ የትርፍ ጊዜ ምርጫ አይደለም።

የቀይ ባሕር እና የባብ ኤል-ማንዳብ ቀጣና የዓለም አቀፍ ንግድ ዋና ማዕከል በመሆኑ፣ በዚሁ ቀጣና ሰላም እና ደኅንነትን ማስከበር ለኢትዮጵያም ሆነ ቀጣናው ለሚገኙ ሀገራት ዘላቂ ልማት ወሳኝ መሠረት ነው።

በመሆኑም የኢትዮጵያ ባሕር ኃይል የሀገር ውስጥ የውኃ አካላትን ከሕገ-ወጥ እንቅስቃሴዎች ከመጠበቅ ባሻገር፣ በዓለም አቀፍ ውኃዎች ላይ አዎንታዊ የማሪታይም ድርሻውን የሚወጣበት እና ብሔራዊ ጥቅምን የሚያስከብርበት ጊዜ እጅግ እየቀረበ ይገኛል።

በኢንቲሃድ አብራር
#ethiopia #ebc #gerd #nationaldefense #redsea #eastafrica