"የሜክሲኮ የነፍስ አድን ቡድን አልቀበልም!" - ኮሎምቢያ
#ethiopia | ከሜክሲኮ የተላከውን የወታደራዊና የነፍስ አድን ቡድን የኮሎምቢያ መንግስት አልቀበልም ማለቱን የሜክሲኮ ፕሬዚዳንት ክላውዲያ ሼይንባውም ገልጸዋል።

የነፍስ አድን ቡድኑ በርካታ አለም አቀፍ የምስክር ወረቀቶች ያሉት እና በ98 ሀገራት አደጋዎችን በመታደግ ልምድ ያለው ቢሆንም የኮሎምቢያ ባለስልጣናት ተጨማሪ ማረጋገጫ በሚል ቡድኑ ወደ ስራ መግባት ሳይችል ቀርቷል ብለዋል

ኮሎምቢያ በበኩሏ የፍለጋ እና የነፍስ አድን ስራው ጥብቅ የተባበሩት መንግሥታት ድርጅት መስፈርቶችን የሚያሟሉ ሀገራትን ቡድኖች ብቻ የሚያሳትፍ በመሆኑ ነው ብላለች።

በፍለጋ ስራው እንደ አሜሪካ ኤል ሳልቫዶር ኢኳዶር እና እስራኤል ካሉ ሀገራት የተላኩ ቡድኖች ስራውን እያከናወኑ ይገኛል ተብሏል።

በኮሎምቢያ በደረሰው የመሬት መንቀጥቀጥ አደጋ የሟቾች ቁጥር ከ270 በላይ ደርሷል።

በመቶዎች የሚቆጠሩ ሰዎች አሁንም የገቡበት ባለመታወቁ በፍርስራሾች ስር በህይወት ያሉ ሰዎችን የመፈለጉ ስራ ተጠናክሮ ቀጥሏል።

ሜክሲኮ ምንም እንኳ የነፍስ አድን ቡድኗ ፈቃድ ባያገኝም በሄርኩሌስ የጦር አውሮፕላኖቿ አማካኝነት ከ58 ቶን በላይ ምግብ የመድኃኒት እና የህክምና ቁሳቁስ ድጋፍ ወደ ኮሎምቢያ መላኳን አረጋግጣለች።

ሔኖክ ወ/ገብርኤል
#ethiopia #getutemesgen #colombia #mexico #earthquake #support #insarag #rescueteam

ሜክሲኮ የመጀመሪያዋ የጥሎ ማለፍ ትኬት የቆረጠች አገር ሆናለች!
#ethiopia | ​በምድብ A ሁለተኛ ጨዋታ ሜክሲኮ ደቡብ ኮሪያን 1 ለ 0 በሆነ ጠባብ ውጤት አሸንፋለች። የውድድሩ አዘጋጅ አገር የሆነችው ሜክሲኮ፣ ሁለቱንም የምድብ ጨዋታዎች በማሸነፍ በ6 ነጥብ ወደ ጥሎ ማለፍ (Round of 16) በይፋ መሻገሯን አረጋግጣለች።

በሁለተኛው አጋማሽ 50ኛው ደቂቃ ላይ የደቡብ ኮሪያው ግብ ጠባቂ ኪም ሴንግ-ግዩ ከራሱ ተከላካይ ጋር ተጋጭቶ የለቀቃትን ኳስ፣ የሜክሲኮው አማካኝ ሉዊስ ሮሞ በባዶ መረብ ላይ አስቆጥሯታል።

​የምድብ A ወቅታዊ ደረጃ፦

1️⃣ ሜክሲኮ — 6 ነጥብ (ለጥሎ ማለፍ ያለፈች)

2️⃣ ደቡብ ኮሪያ — 3 ነጥብ

3️⃣ ደቡብ አፍሪካ — 1 ነጥብ

4️⃣ ቼክ ሪፐብሊክ — 1 ነጥብ

​ሜክሲኮ በሜዳዋና በደጋፊዋ ፊት አስደናቂ ጉዞዋን ቀጥላለች! ደቡብ ኮሪያ፣ ደቡብ አፍሪካ እና ቼክ ሪፐብሊክ ደግሞ ሁለተኛውን አልፊነት ለማግኘት በመጨረሻው የምድብ ጨዋታ ብርቱ ፉክክር ያደርጋሉ።

​ሜክሲኮ በዚህ ዓለም ዋንጫ እስከ ምን ድረስ የምትጓዝ ይመስልዎታል? አስተያየትዎን ያጋሩን!

​#fifaworldcup2026 #mexico #southkorea #footballnews #ethiopiasports

አደገኛው እጽ አዘዋወሬ “ኤል ሜንቾ” በወርቅ ሳጥን ተቀበረ
#ethiopia | ለዓመታት በዓለም አቀፍ ደረጃ ሲፈለግ የነበረውና የአሜሪካ መንግሥት ለጭንቅላቱ 15 ሚሊዮን ዶላር መድቦለት የነበረው የጃሊስኮ ኒው ጄነሬሽን ካርቴል (CJNG) መሪ ኔሜሲዮ ኦሴጌራ ሰርቫንቴስ (ኤል ሜንቾ)፣ ከሜክሲኮ ልዩ ኃይሎች ጋር በነበረ የተኩስ ልውውጥ መገደሉ ተረጋግጧል። በታፓልፓ በተካሄደ ወታደራዊ ዘመቻ በደረሰበት ቁስል ሕይወቱ ያለፈው የ59 ዓመቱ ኤል ሜንቾ፣ የቀብር ሥነ-ሥርዓቱ በጓዳላሃራ ከተማ በከፍተኛ ድምቀትና ጥበቃ ተከናውኗል።

በወርቅ ሳጥን የታጀበ ሽኝት

የዚህ አደገኛ ወንጀለኛ ቀብር በብዙዎች ዘንድ መነጋገሪያ የሆነው እንደ መጨረሻ ፍላጎቱ በተዘጋጀለት ውድ የወርቅ የሬሳ ሳጥን ምክንያት ነው። ይህ የቅንጦት ቀብር በሕይወት እያለ ያከማቸውን ግዙፍ ሀብትና የነበረውን ስልጣን ማሳያ ተደርጎ ተወስዷል። የቀብር ሂደቱ ባህላዊ የሜክሲኮ ሙዚቃዎች (Banda) እየተሰሙና ፊታቸውን በሸፈኑ የካርቴል አባላት ታጅቦ ተፈጽሟል።

ከሞቱ በኋላ የቀጠለው ትርምስ
የኤል ሜንቾ መገደል በሜክሲኮ ሰላምን ከማምጣት ይልቅ አዲስ የግርግር ምዕራፍ ከፍቷል፦

* የሕይወት መጥፋት፦ በ20 የሜክሲኮ ግዛቶች ውስጥ በተቀሰቀሰ ግጭት እስካሁን የ70 ሰዎች ሕይወት አልፏል።

* የበቀል እርምጃ፦ የካርቴሉ አባላት አውራ ጎዳናዎችን በመዝጋትና ተሽከርካሪዎችን በማቃጠል መንግሥትን እየተፈታተኑ ይገኛሉ።

* የስልጣን ሽኩቻ፦ የመሪውን መሞት ተከትሎ በቡድኑ ውስጥ በሚፈጠር የስልጣን ሹክቻ የሀገሪቱ የፀጥታ ሁኔታ ይበልጥ ስጋት ላይ ወድቋል።

ምንም እንኳን የሜክሲኮ መንግሥት ግድያውን እንደ ትልቅ ድል ቢቆጥረውም፣ “ሀብትና ስልጣን እስከ መቃብር ይከተላሉን?” የሚለው ጥያቄና በሀገሪቱ የነገሠው አለመረጋጋት የብዙዎችን ትኩረት ስቧል።

Getu Temesgen - (ጌጡ ተመስገን)
#getutemesgen #getu #ጌጡ #ኤል_ሜንቾ #ሜክሲኮ #ካርቴል #ወንጀል #ዓለም_አቀፍ_ዜና #elmencho #mexico #cjng #breakingnews

በሜክሲኮ የታወጀው ወታደራዊ እርምጃ እና
የ"ኤል ሜንቾ" መውደቅ
#ethiopia | የሜክሲኮ ጦር ባወጣው መግለጫ፣ ለዓመታት በአደገኛ እፅ ዝውውር እና በግድያ ወንጀሎች ሲፈለግ የነበረው የጃሊስኮ አዲስ ትውልድ (CJNG) መሪ ኤል ሜንቾ፣ በልዩ ኦፕሬሽን መገደሉን አረጋግጧል። ግለሰቡ ሜክሲኮን የዓለም አቀፍ የአደገኛ እፅ መተላለፊያ እና የደም አፋሳሽ ግጭቶች ማዕከል በማድረግ ቀዳሚውን ስፍራ ይዞ የቆየ ነበር።

ከግድያው በኋላ የተቀሰቀሰው ሀገራዊ ቀውስ

የመሪው መገደል በታወጀ በጥቂት ሰዓታት ውስጥ፣ የቡድኑ አባላት በሀገሪቱ የተለያዩ ከተሞች ከፍተኛ የጥፋት እርምጃዎችን መውሰድ ጀምረዋል።

በአሁኑ ወቅት፦

* የመንገድ መዘጋት፦ በርካታ ዋና ዋና መንገዶች በታጠቁ ኃይሎች ተዘግተዋል።

* ቃጠሎ እና ውድመት፦ የንግድ ሱቆች፣ የነዳጅ ማደያዎች እና በርካታ ተሽከርካሪዎች በእሳት ጋይተዋል።

* የተኩስ ልውውጥ፦ በከተሞች ውስጥ በሰላማዊ ሰዎች ላይ ከፍተኛ ስጋት የፈጠረ የተኩስ ልውውጥ የቀጠለ ሲሆን፣ በሰው ህይወት እና አካል ላይም ጉዳት ደርሷል።

የፖለቲካዊ አንድምታው

የኤል ሜንቾ መወገድ ሜክሲኮ ከአሜሪካው ፕሬዝዳንት ዶናልድ ትራምፕ ሲሰነዘርባት የነበረውን "የወንጀለኞች መሸሸጊያ" የሚል ወቀሳ እና የንግድ ማዕቀብ ዛቻ ሊቀንስላት እንደሚችል ቢገመትም፣ በሀገር ውስጥ ግን የከፋ የጸጥታ ስጋት ደቅኗል። መንግስት የቡድኑን መበታተን ተከትሎ ሊመጣ የሚችለውን የኃይል ክፍተት ለመሙላት ከፍተኛ ጫና ውስጥ ወድቋል።
ለተጨማሪ ወቅታዊ መረጃዎች አብራችሁን ቆዩ።

Getu Temesgen - (ጌጡ ተመስገን)
#getutemesgen #getu #ጌጡ #mexico #elmencho #breakingnews #cjng #internationalnews #mexicocrisis #securityalert

ሚድሮክ ኢንቨስትመንት ግሩፕ ታሪካዊውን ዋቢ ሸበሌ ሆቴልን ገዛ

​ሚድሮክ ኢንቨስትመንት ግሩፕ በኢትዮጵያ የሆቴል ኢንዱስትሪ ውስጥ ያለውን ድርሻ የሚያሰፋ ሌላ ትልቅ ግዢ መፈጸሙ ተረጋገጠ። የኢንቨስትመንት ግሩፑ ዋና ስራ አስፈፃሚ አቶ ጀማል አሕመድ እና የዋቢ ሸበሌ ሆቴል አክሲዮን ማህበር የቦርድ ፀሀፊ ልዑል በዕደማርያም መኮንን የሽያጭ ስምምነቱን ዛሬ ተፈራርመዋል።

​1. የከተማዋን ገፅታ የሚቀይር ኢንቨስትመንት፡

ዋቢ ሸበሌ ሆቴል በአዲስ አበባ መሃል ከተማ (Mexico/Lideta) የሚገኝ በመሆኑ፣ እድሳቱ ሲጠናቀቅ የአካባቢውን የንግድ እንቅስቃሴ ከማነቃቃቱም በላይ ለከተማዋ ውበት ትልቅ አስተዋፅኦ ይኖረዋል። ሆቴሉ ወደ "ማሪዮት" ደረጃ ሲያድግ የውጭ ምንዛሬ ግኝትንም በከፍተኛ ሁኔታ ይጨምራል ተብሎ ይጠበቃል።

​2. የሥነ-ህንፃ ጥበብ ጥበቃ፡

ሆቴሉ በ1960ዎቹ የተገነባው በታዋቂ ፈረንሳውያን አርክቴክቶች እንደነበር የሚታወስ ሲሆን፣ የሚድሮክ እድሳት የሆቴሉን ጥንታዊና ታሪካዊ የሥነ-ህንፃ ቅርፅ (Unique Architecture) ሳይሸረሽር ዘመናዊ ቴክኖሎጂዎችን ብቻ የማካተት ዓላማ እንዳለው ተጠቁሟል።

​3. የሥራ ዕድል ፈጠራ፡

ከፍተኛ በጀት የሚፈጀው ይኸው የማዘመን ፕሮጀክት፣ በግንባታው ወቅት ለበርካታ ዜጎች የሥራ ዕድል ከመፍጠሩም ባለፈ፣ ሆቴሉ ሙሉ በሙሉ ወደ ሥራ ሲገባ በመቶዎች የሚቆጠሩ ኢትዮጵያውያን በዓለም አቀፍ የሆቴል አገልግሎት ደረጃ ሥልጠና የሚያገኙበትና የሚቀጠሩበት ዕድል ይፈጥራል።

​4. ለ32ኛው የዓለም የአየር ንብረት ጉባኤ (COP32) ዝግጅት፡

ኢትዮጵያ በታሪኳ ለመጀመሪያ ጊዜ የምታስተናግደው ታላቁ COP32 ጉባኤ በሺዎች የሚቆጠሩ እንግዶችን የሚስብ በመሆኑ፣ ዋቢ ሸበሌ ይህን ኃላፊነት ለመወጣት ከሚዘጋጁ ቀዳሚ ሆቴሎች አንዱ ሆኗል።

​ዋቢ ሸበሌ የተገነባው በግርማዊ ቀዳማዊ አፄ ኃይለሥላሴ መልካም ፈቃድ ለልዑል መኮንን ልጆች መተዳደሪያ ነበር።

​ሆቴሉ በታሪኩ በርካታ ዓለም አቀፍ ስብሰባዎችንና ታዋቂ ዲፕሎማቶችን ያስተናገደ የኢትዮጵያ የቱሪዝም ምልክት ነው።

​"የዋቤ ሸበሌን ታሪክ ጠብቆ በማዘመን ለትውልድ ለማሻገር በመስማማቱ ሚድሮክን እናመሰግናለን።" — ልዑል በዕደማርያም መኮንን
​

ሚድሮክ ግሩፕ ባለፈው ሳምንት የመረቀውን "ደንቢ ኤኮ ሎጅ" ጨምሮ፣ በሸራተን አዲስ እና በሌሎችም ታዋቂ ሆቴሎች ያለው ልምድ ለዋቢ ሸበሌ ስኬት ትልቅ ዋስትና እንደሚሆን ይታመናል።

አትሌት ሸዋረግ አለን አማረ አረፈች
#ethiopia | አትሌቷ ትላት በአዲስ አበባ ዙሪያ በልምምድ እያለች ነው የድካም ስሜት ተሰምቷት ወደ ሆክፒታል ተወሰዳ እንዳረፈች ነው የደረሰኝ መረጃ የሚጠቁመው ።

ኑሮዋን በላቲን አሜሪካ ሜክስኮ ያደረገችው ፤ አለሽኝ የ2025 የሲውድን ስቶኮልም ማራቶን አሸናፊ ስትሆን ለልምምድ አዲስ አበባ መጥታ ነው ህይወቷ ያለፈው።

አትሌቷ የቀድሞ አትሌት አለነ አማረ ልጅ ስትሆን የቀድሞ አትሌት አለነ አማረ ደግሞ ኑሮውን በአሜሪካ ኒዮርክ ካደረገ ከ25 አመት በላይ ሆኖቷል።

Shewarge Alene, our 2025 Stockholm Marathon champion.

Mexico City Marathon - 2012 & 2014

Santiago de Chile Marathon - 2013 & 2014

Maratón Internacional Lala - 2014

Via #ethiorunners
#restinpeace #foreverourchampion #gonebutneverforgotten