ሜሲ ይመጣል ብሉ "ማስታወቂያ" ያሰራው ክለብ ተቀጣ
#ethiopia | ከሁለት ዓመታት በፊት በሜጀር ሊግ ሶከር (MLS) በኢንተር ሚያሚ እና በቫንኩቨር ዋይትካፕስ መካከል የተደረገው ጨዋታ፣ ዛሬም ድረስ በደጋፊዎች ዘንድ ቁጭትን ፈጥሮ ቆይቷል። ለዚህም ዋነኛው ምክንያት ክለቡ እና ሊጉ ሊዮኔል ሜሲን ጨምሮ እንደ ሱዋሬዝ እና ቡስኬትስ ያሉ ኮከቦች በጨዋታው ላይ እንደሚገኙ በሰፊው ማስተዋወቃቸው ነበር።

የቅጣቱ መንስኤ ምን ነበር?

በወቅቱ "ሜሲ ይመጣል" የሚለው ዜና ከፍተኛ ግርግር የፈጠረ ሲሆን፣ የስታዲየም መግቢያ ትኬቶች ከመደበኛው ዋጋ በእጅጉ እንዲንሩ አድርጎ ነበር። ሆኖም ጨዋታው ሲቃረብ ኮከቦቹ ሳይሳተፉ እንደሚቀሩ በመገለጡ፣ ውድ ትኬት የቆረጡ ደጋፊዎች ከፍተኛ ቅሬታ አቀረቡ።

የፍርድ ቤቱ ውሳኔ፦

"ተታለልን" ያሉ ደጋፊዎች በጋራ በመሆን የጀመሩት የሕግ ክርክር አሁን ፍሬ አፍርቷል። ፍርድ ቤቱ የደጋፊዎችን መብት በማስከበር የሚከተለውን ውሳኔ አስተላልፏል፡-

* የካሳ መጠን፦ ቫንኩቨር ዋይትካፕስ እና የሜጀር ሊግ ሶከር (MLS) በድምሩ 347,000 ዶላር ካሳ እንዲከፍሉ ተፈርዶባቸዋል።

* ምክንያት፦ ደጋፊዎች ኮከብ ተጫዋቾችን ለማየት የከፈሉትን ገንዘብ እና ያሳዩትን ታማኝነት ተገቢ ባልሆነ ማስታወቂያ መጠቀማቸው።

ይህ ውሳኔ በስፖርቱ ዓለም ክለቦች "የኮከብ ተጫዋቾችን" ስም ለማስታወቂያ ሲጠቀሙ ጥንቃቄ ማድረግ እንዳለባቸው ትልቅ ማስጠንቀቂያ ሆኗል።
#lionelmessi #mls #intermiami #vancouverwhitecaps #footballnews #legalaction #messieffect

🐐 የኢንተር ሚያሚው ፊት አውራሪ
#ethiopia | በሜጀር ሊግ ሶከር (MLS) ታላቅ የፍሎሪዳ ደርቢ፣ ሊዮኔል ሜሲ ለተቃዋሚ አሰልጣኞች ድፍረትና ንቀት ምላሹ "በሜዳ ላይ የሚሰጥ ትምህርት" መሆኑን በድጋሚ አስመስክሯል።

ኢንተር ሚያሚ በኦርላንዶ ሲቲ ተመሪ ሆኖ የቆየበትን ጨዋታ በሜሲ አስደናቂ ብቃት 4 ለ 2 በሆነ ውጤት በመቀልበስ አሸንፏል።

🔄 ጨዋታው እንዴት ተቀለበሰ?

ጨዋታው ሲጀመር ኦርላንዶ ሲቲዎች ብርቱ ነበሩ። እስከ እረፍት ድረስ 2 ለ 0 እየመሩ ወደ መልበሻ ክፍል ሲያመሩ፣ የድሉ ባለቤት የሚሆኑ መስሎ ነበር። ሆኖም ከእረፍት መልስ ሜዳው የሊዮኔል ሜሲ የፈጠራ መድረክ ሆነ።
* ሜሲ በቁጥር፦ 2 ግቦችን አስቆጠረ፣ 1 ግብ የሚሆን ኳስ አመቻችቶ አቀበለ።

* አስገራሚው ስታቲስቲክስ፦ ሜሲ ከ2018 ወዲህ ብቻ 36 የቅጣት ምት ግቦችን ከመረብ አሳርፏል። ይህ ቁጥር በዚሁ ጊዜ ውስጥ ካስቆጠራቸው የፍፁም ቅጣት ምቶች (Penalties) በላይ መሆኑ ንጉሱ ኳስና መረብን ለማገናኘት የቆመ ኳስ ብቻ እንደሚበቃው ማሳያ ነው።

🗣️ "ልፈርምልህ?" — ሜሲ አሰልጣኙን ዝም ያስባለበት ቅጽበት

የምሽቱ ዋነኛ መነጋገሪያ ግን ከግቦቹ ባሻገር በሜሲ እና በኦርላንዶ ሲቲ አሰልጣኝ መካከል የተፈጠረው ፍጥጫ ነው።

የኦርላንዶ አሰልጣኝ ቡድናቸው 2 ለ 0 እየመራ ወደ እረፍት በሚወጡበት ወቅት ሜሲን ተጠግተው የሆነ ነገር ሲናገሩት ታይተዋል። ሜሲ በአሰልጣኙ ንግግር ደስተኛ እንዳልነበረ ፊቱ ላይ ይነበብ ነበር።

ምላሹ ግን እንዲህ ነበር፦

ሜሲ በሁለተኛው አጋማሽ አስደናቂ የቅጣት ምት ጎል አስቆጥሮ ቡድኑን ወደ አሸናፊነት ካመራ በኋላ፣ ወደ ተቃዋሚው አሰልጣኝ በማቅናት "ልፈርምልህ እንዴ?" የሚል ትርጉም ያለው የምልክት ምላሽ ሰጥቷቸዋል። "በንግግር ሳይሆን በኳስ እናሸንፋለን" የሚል መልዕክት ያዘለ ትዕይንት ነበር።

ሊዮኔል ሜሲ አሁንም በ30ዎቹ እድሜው መጨረሻ ላይ ሆኖ የእግር ኳስ ጥበብ ምን እንደሆነ ለዓለም እያሳየ ይገኛል።

Getu Temesgen - (ጌጡ ተመስገን)
#getutemesgen #getu #ጌጡ #lionelmessi #intermiami #mls #messimagic #footballnews #intermiamivsorlandocity #goat

🇰🇼 የኩዌት እግር ኳስ ፌዴሬሽን የማንችስተር ዩናይትድ እና የኢንተር ሚያሚን ጥያቄ "ለአሁኑ አይሆንም" አለ!
#ethiopia | ታላቁ የእንግሊዝ ክለብ ማንችስተር ዩናይትድ እና የሊዮኔል ሜሲው ኢንተር ሚያሚ በኩዌት የወዳጅነት ጨዋታ ለማድረግ ፍላጎት ቢያሳዩም፣ ጥያቄያቸው በፌዴሬሽኑ በኩል አፋጣኝ ምላሽ አላገኘም።
ምን ተፈጠረ?

የኩዌት እግር ኳስ ፌዴሬሽን ፕሬዝዳንት እንደገለጹት፣ ማንችስተር ዩናይትድ ከ16 ቀናት በኋላ በሀገሪቱ ጨዋታ ለማድረግ ጥያቄ አቅርቦ ነበር። በተመሳሳይ የሜጀር ሊግ ሶከሩ ኢንተር ሚያሚም ተመሳሳይ ፍላጎት እንዳለው አሳውቋል።

ጥያቄው ውድቅ የተደረገበት ምክንያት፦

* የጊዜ እጥረት፦ ፕሬዝዳንቱ እንደገለጹት ጨዋታዎቹን ለማዘጋጀት የተሰጠው ጊዜ በጣም አጭር በመሆኑ አስፈላጊውን ዝግጅት ለማድረግ አይቻልም።

* ደህንነትና ዝግጅት፦ እንዲህ ያሉ ግዙፍ ክለቦችን ለማስተናገድ ሰፊ የደህንነት እና የሎጂስቲክስ ዝግጅት ስለሚያስፈልግ "አይቻልም" የሚል ምላሽ ሰጥተዋል።
ተስፋው አልተቆረጠም!

ይሁን እንጂ ፕሬዝዳንቱ አክለው እንደገለጹት፣
ጨዋታዎቹን በሌላ አመቺ ጊዜ ለማካሄድ ከሁለቱም ክለቦች ጋር ስምምነት ላይ ደርሰዋል። ይህም ማለት በቅርብ ወራት ውስጥ ቀያይ ሰይጣኖቹን እና ሜሲን በኩዌት የመመልከት እድሉ ሰፊ ነው።

Getu Temesgen - (ጌጡ ተመስገን)
#manchesterunited #intermiami #kuwaitfootball #mufc #messi #transfernews #footballupdates #ethiopia #sportsnews