በዓለም አቀፍ የፍትህ ችሎት የኢትዮጵያን የአባይ ወንዝ ፍትሐዊ የመጠቀም መብት የሚያስከብርና የካሳ ጥያቄ የሚያነሳ ስትራቴጂካዊ ጥናት ተዘጋጀ
#ethiopia | ሀገራችን ኢትዮጵያ በአባይ ወንዝ ላይ ያላትን ፍትሐዊና ምክንያታዊ የመጠቀም መብት በዓለም አቀፍ የፍትህ ችሎት ለማስከበር እንዲሁም በዚሁ ሰበብ ለደረሱባት ጉዳቶች የካሳ ጥያቄ ለማቅረብ የሚያስችል ባለ 160 ገጽ አገራዊ ስትራቴጂካዊ ጥናት ተዘጋጅቶ ለጠቅላይ ሚኒስቴር ጽህፈት ቤት እና ለሚኒስትሮች ምክር ቤት ሊቀርብ እንደሆነ ተገለጸ።

በኢንጂነር አልጣህ ረጋስ ታቦር የቀረበው ይህ አጠቃላይ ጥናት በኢትዮጵያ አዕምሯዊ ንብረት ባለስልጣን የአምስት ዓመት ሕጋዊ ጥበቃ የተደረገለት ሲሆን በማመልከቻ ቁጥር LTR/W/11627/2018 እና በምዝገባ ቁጥር 1/2/5/00122 ይፋዊ ዕውቅና ተሰጥቶታል።

ይህ ሰነድ ኢትዮጵያ በአባይ ወንዝ ላይ ያላትን የሉዓላዊነት መብት በዓለም አቀፍ ሕግ፣ በዲፕሎማሲ፣ በቴክኒክ ማስረጃዎችና በሰላማዊ የሕግ ተቋማት አማካኝነት እንዴት ማስጠበቅ እንደሚቻል በጥልቀት ያብራራል።

ጥናቱ ሀገራዊ ጥቅምን ማዕከል በማድረግ የተዘጋጀ ሲሆን ፍትሐዊ ተጠቃሚነትን፣ ቀጣይነት ያለው ትብብርንና የትውልድን መብት ለማረጋገጥ እንዲሁም በሀገሪቱ ላይ ለደረሱ ሁሉን አቀፍ ጉዳቶች የካሳ ጥያቄ ማዕቀፍን አዘጋጅቶ ያቀርባል።

ሰነዱ የሕግ መሠረቶች፣ ዓለም አቀፍ ተሞክሮዎች፣ ስትራቴጂካዊ የውሳኔ ሃሳቦች እና አባሪዎች የተሰኙ አራት ዋና ዋና ክፍሎችን ያካተተ ሲሆን ኢትዮጵያ ከዚህ ቀደም ስትከተለው የቆየችውን ውጤት አልባ የድርድር መንገድ በመቀየር መብቷን በዓለም አቀፍ የፍትህ ችሎት ፊት በጽናት እንድትጠይቅ የሚያስችል አዲስ ፍኖተ ካርታ ነው።

የጥናቱ አዘጋጅ ኢንጂነር አልጣህ ረጋስ ታቦር በ1995 ዓ.ም ከአርባ ምንጭ ውሃ ቴክኖሎጂ ኢንስቲትዩት በመስኖ ምህንድስና የመጀመሪያ ዲግሪያቸውን ያገኙ ሲሆን ባለፉት 20 ዓመታት በላይ በውሃ ምህንድስና እና ኮንስትራክሽን ዘርፍ በሙያቸው አገልግለዋል።

በቀድሞው የውሃ ስራዎች ዲዛይን እና ቁጥጥር ኢንተርፕራይዝ በተለያዩ የውሃ ፕሮጀክቶች ላይ እስከ 2002 ዓ.ም የሰሩ ሲሆን ከዚያ በኋላ ባሉት ዓመታት በግል የምህንድስና አማካሪነት ስራ ላይ ተሰማርተው ይገኛሉ።

Getu Temesgen - (ጌጡ ተመስገን)
#nile #abbay #ethiopianrights #icj #internationallaw #waterengineering #ethiopianews #getutemesgen #getu #ጌጡ #ጌጡተመስገን #addisababa

''ደቡብ አፍሪካ ሆይ ኢኮኖሚሽን ''ሽባ'' አደርገዋለሁ'' እስራኤል
#ethiopia | በመካከለኛው ምስራቅ የተቀሰቀሰው ግጭት አዲስ መልክ በመያዝ፣ እስራኤል በደቡብ አፍሪካ ላይ እጅግ ከባድ የሆነ የኢኮኖሚ ማስጠንቀቂያ ሰጥታለች። የቴል አቪቭ ባለስልጣናት የደቡብ አፍሪካን ኢኮኖሚ "ሙሉ በሙሉ ሽባ እናደርጋለን" ሲሉ መዛታቸው ተሰምቷል።

የቁጣው መንስኤ ምንድን ነው?

ለዚህ የከረረ ዛቻ ዋናው መንስኤ ደቡብ አፍሪካ በአሜሪካ፣ በእስራኤል እና በኢራን መካከል ያለውን ውጥረት ለማርገብና "ለማስታረቅ" ያሳየችው ፍላጎት ነው። ሆኖም እስራኤል ይህንን የሽምግልና ጥረት እንደ ቅንነት ሳይሆን፣ ለታሪካዊ ጠላቷ ለኢራን እንደ መወገን እና በእስራኤል ላይ እንደ መቆም ተመልክታዋለች።

"ጸረ-እስራኤል አቋም ዋጋ ያስከፍላል"
የእስራኤል መንግስት ባለስልጣናት በሰጡት መግለጫ፣ ደቡብ አፍሪካ የምትከተለው "ጸረ-እስራኤል" አቋም ከፍተኛ ዋጋ እንደሚያስከፍላት አስታውቀዋል። ቀደም ሲል በሄግ ዓለም አቀፍ ፍርድ ቤት (ICJ) እስራኤል ላይ በቀረበው ክስ ሳቢያ የሻከረው የሁለቱ ሀገራት ግንኙነት፣ አሁን ደግሞ ወደ ቀጥተኛ የኢኮኖሚ ጥቃት ሊሸጋገር መሆኑ ተንታኞችን አሳስቧል።

ያልታሰበ ጥይት

የፖለቲካ ተንታኞች እንደሚሉት፣ ደቡብ አፍሪካ የሰላም መልእክተኛ ለመሆን ብትሞክርም "ያልታሰበ ጥይት" እየደረሳት ይገኛል።

እስራኤል የምትወስደው የኢኮኖሚ እርምጃ ምን ሊሆን እንደሚችል በዝርዝር ባይገለጽም፣ በንግድ እና በዲፕሎማሲያዊ ግንኙነቶች ላይ የሚኖረው ተፅእኖ ግን ቀላል እንደማይሆን ይገመታል።

ዓለም አቀፉ ማህበረሰብ ይህ የቃላት ጦርነት ወደ ተግባር ተለውጦ የደቡብ አፍሪካን ደካማ ኢኮኖሚ ይበልጥ እንዳያናጋው በስጋት እየተከታተለ ይገኛል።

Getu Temesgen - (ጌጡ ተመስገን)
#getutemesgen #getu #ጌጡ #ehiofm #southafrica #israel #diplomacy #economicwar #globalnews #iran #middleeastconflict #ethiopia

ራስን በራስ ማስተዳደር እስከ መገንጠል
የሕገመንግስት አንቀጽ 39 እና ዓለም አቀፍ ህጎች

በህግ ባለሙያ ፋንታሁን ደለለው
መግቢያ #ethiopia | በአለምአቀፍ ደረጃ ራስን በራስ ማስተዳደር /self determination/ ጽነስ ሀሳቡ እስከ የት ድረስ እንደሆነ የተለያየ ትርጉም ሲሰጥበት ይስተዋላል። አንዳንዶች የመገንጠልን ጽንሰ ሀሳብን የሚያካትቱ ሲሆን አንዳንዳቹ ደግሞ የመገንጠልን ጽንሰሀሳብ በፍጹም በህገመንግስታቸው ውስጥ ሳያካትቱ እንደውም መገንጠል ላይ በዝምታም ሆነ በግልጽ የሚከለክሉ ሀገራት አሉ።

ራስን በራስ እስከ ማስተዳደር መገንጠል ስረአት በህገመንግስታቸው የሚያካትቱ ሀገራት ደግሞ በግልጽ እንዴት ሊሆን እንደሚችል በግልጽ አስቀምጠዋል። ከዚህ ውጭ ባለፈም በህጋዊ ህጋዊ ባልሆነ መንገድ ተገንጥለው ሀገር ነን የሚሉ እያስተዋልናቸው ያለ ሲሆን እነዚህ ሀገራት "እጣፋንታቸው ምንድነው?" የሚለውን በዚህ አጭር ጽሁፍ የምንመለከተው ይሆናል

1. ራስን በራስ ማስተዳደር ምንድነው?
(self determination)

ራስን በራስ ማስተዳደር አንድ ሀገር ወይም የአንድ ሀገር ክልል የሀገሩን የህገመንግስት እና የህግ የበላይነት በማክበር ያለማንም ጣልቃ ገብነት ራሳቸውን በራሳቸው እድል የሚያስተዳድረበት ነው። በዚህ ረገድ የተለያየ አይነት ዙርያ ጥምጥም አይነት ትርጉም ቢመላለስም ራስን በራስ ማስተዳደር ማለት ከማንም ከጣልቃገብነት ነጻ በመሆን በህግ የበላይነትና በህዝቦች መፈቃቀድ ላይ የተመሰረተ አስተዳደር ነው።

2. ራስን በራስ ማስተዳደር እስከመገንጠል እንዴት ይፈጸማል? self determination to succesion

ራስን በራስ ማስዳደር እስከ መገንጠልን ተግባራዊ ለማድረግ የሚፈልግ ሀገር ከነበረበት ሀገር ጋር ለመቀጠል የሚያስችለው ዲሞክሪያሳዊ ፣ ህገመንግስታዊ መብትን ፣ አለምአቀፍ የዲሞክሪያሳዊ እና የሰብአዊ መብቶችን ለመጎናጻፍ ከእናት ሀገሩ ያጣ እንደሆና በህዝቡ ላይ ተደጋጋሚ የመብት ጭቆና እና የመብት ጥሰት እየደረሰበት ከሆነ ነው።

በዚህ ጊዜ ራስን በራስ የማስተዳደር እስከ መገንጠል መብት ጥያቄው ለሀገረ መንግስቱ ለሀገረ መንግስቱ መብት የተሰጠው ሲሆን ይህን በማቅረብ ህጉን ተከትሎ የሚወሰን ይሆናል።

ከዚያም በሀገሩ ህዝብና ህገመንግስት መሠረት በማድረግ አጠቃላይ ውሳኔ መገንጠል የሚፈልገው ህዝብ ጭምር ተጠይቆ የመጨረሻ መልሱ ያለ ልዩነት የመገንጠል መብትን የሚፈቅድ ከሆነ መገንጠል ተግባራዊ ይሆናል።

ይህ የሚሆነውም የመገንጠል መብት በህጉ በግልጽ የተቀመጠ እንደሆነ ነው። አለበለዚያ ግን መገንጠል አይታሰብም ተገነጠልኩ ቢልም የቅዥት ተግባር ይሆናል እንጂ ህጉን የጠበቀ ተግባር አይሆንም።

3. ራስን በራስ ማስተዳደር እስከ መገንጠል ተግባር እንዴት ይፈጸማል?

በመጀመሪያ ደረጃ የመጀመሪያዋ ሀገር የመገንጠል ጥያቄ የሚቀርብባት ህጋዊ ሀገር ልትሆን ያስፈልጋል። ይህም ማለት በአለም አቀፍ ልምድ ህጎች ውሳኔዎች መሠረት ሀገር ለማለት የምትበቃ ልትሆን ያስፈልጋል።

ሀገር ስትሆን የህዝብ ተወካዮች ምክር ቤት፣ህግ አውጪ፣ ህግ አስፈጻሚ ፣ህገመንግስት፣ህዝብ፣ግዛት፣የውጭ ግንኙነት አቅም ፣ ሉአላዊነት ሊኖራት ያስፈልጋል።

ይህቺ ሀገር በዚህ ልክ ህጋዊ ከሆነች በኋላ ነው የመገንጠል ጥያቄን የተወሰነው ሀገረ ግዛት ወይም ክልል ራስን በራስ ማስተዳደር ወይም እስከ መገንጠል የሚለውን በመጠየቅ በጠያቂው ህዝብ፣ ግዛትና እና በተጠያቂው ሀገር ህዝብ ሙሉ ፍቃድ ተፈጻሚ የሚሆነው።

ለምሳሌ ከኢትዮጵያ መገንጠል የሚፈልግ ክልል የሁሉም ክልሎች ፣ የፌደራል ህዝብ ተወካዮች ምክር ቤ፥ የፌድሬሽን ምክር ቤት እንዲሁም የጠያቂው ክልል ምክር ቤት በሙሉ ያለ ምንም ልዩነት የመገንጠል ይሁንታን ሊገኝ ያስፈልጋል።

አንዱ እንኳን የልዩነት ሀሳብ ካመጣ የመገንጠል ሀሳብ ተግባራዊ ሊሆን አይችልም። ይህ በኢፊድሪ ከመንግሥት አንቀጽ 39 ላይ የተቀመጠ ነው።

ለምሳሌ በኢትዮጵያ ይህ ህገመንግስት ሳይወጣ መንግስት ሳይመረጥ የመገንጠል ስረአት የሚከናወንበት ህግና ህገመንግስት ሳይኖር ሀገርንና ህዝብን ወክሎ የውጭ ግንኙነቶች ጋር የድርድርና የማስፈጸም አቅም ያለው የፖለቲካ ፓርቲ ወደ መንግስት የተቀየረ ሳይኖር ሀገርን በበላይነት የሚገዛ ህመንግስት ሳይመሰረት በተረባበሸ የሀገር ስሜት ውስጥ በመሆን ተገንጥያለው ብሎ በተወሰኑ ቡድኖች ብቻ በተደረገ የማይጸና ውል የመገንጠል ጥያቄ አቅራቢውም ሆነ ተቀባይውም ህጋዊ ቅቡልነት የሌላቸው ናቸው።

3. ቅቡልነት ያለው ህግን ሳይከተሉ መገንጠልን በራሳቸው ህጋዊ ያደረጉ ሀገራት እጣ ፈንታቸው ምን ይሆናል?

እነዚህ ሀገራት by defacfo(ያለ ህግ ቅቡልነት) ያላቸው ቢሆንም ከሌሎች ሀገሮች ጋር በሚያደርጉት ግንኙነቶች የሌላን ሀገርን ብሔራዊ ጥቅም መብት የሚነካ ከሆነ ጥቅሙ የሚነካበት ሀገር በተለይም ሀገር የሆነበት አካሄድ ህጋዊ ጥያቄን የሚያስነሳ ከሆነ ይህንን በመቃወሚያነት በማንሳት ብሔራዊ ጥቅሙ የተነካበት ሀገር መብቱን ማስከበር ይችላል።

4. መደምደሚያ
ይህ እንደ ጸሀፊው የህግ ምርምርና አስተያየት የቀረበ ቢሆንም ዋናው ነገር እንደ ጸሀፊው አስተያየት ሀገራት እንደ ህጋዊ ሀገር ሆነው ህዝባቸውን በማስተዳደር የዜጎችን እና የሀገርን ሉአላዊነት ለማስጠበቅ በመጀመረያ ደረጃ በህግ ቅቡልነት ሊኖራቸው ያስፈልጋል።

References/ዋቢ መጽሀፍት/
1. Crawford, J. (2006). The Creation of States in International Law (2nd ed.). Oxford University Press.
2. International Court of Justice (ICJ). (2010). Accordance with International Law of the Unilateral Declaration of Independence in Respect of Kosovo, Advisory Opinion.
3. International Court of Justice (ICJ). (1986). Frontier Dispute (Burkina Faso/Republic of Mali), Judgment.
4. Montevideo Convention on the Rights and Duties of States. (1933).
5. United Nations Human Rights Council (UNHRC). (2022). Report of the Special Rapporteur on the situation of human rights in Eritrea. A/HRC/50/20.
6. United Nations Security Council (UNSC). (1999). Resolution 1244. S/RES/1244.
7. United Nations Security Council (UNSC). (1961). Resolution 169. S/RES/169.
8. Vaughan, S. (2011). The Ethio-Eritrean Conflict and the Algiers Agreement: A Legal Analysis. In A. Jacquin-Berdal & M. Plaut (Eds.), Unfinished Business: Ethiopia and Eritrea at War. Red Sea Press.
9. Woods, T. (2019). The Law of Territorial Integrity and the Eritrea-Ethiopia Boundary Commission. Cambridge Journal of International and Comparative Law.

ዘ ባትል ኦፍ አድዋ

ዘ ባትል ኦፍ አድዋ በተሰኘው የ ፊልምና የልጆች መጽሐፍ ምረቃ ላይ በርካቶች ትያትር ቤቱ በመሙላቱ ለመመለስ ተገደዱ::

በኦክቶበር 25 በዳላስ ቴክሳስ ከተማ በተካሄደው ዘ ባትል ኦፍ አድዋ የፊልምና የ ልጆች መፅሐፍ ምረቃ በተሳካ ሁኔታ የተጠናቀቀ ቢሆንም በትያትር ቤቱ መሙላት ምክንያት ለተመለሱ እና ለሌልችም ፊልሙ በድሴምበር ወር በዳላስ : በሂውስተና በኦስትን እንደሚታይ አዘጋጁ ዓለም አወቀ ገልፆልናል::

መፅሐፉ በአማዞን ላይ እየተሸጠ ሲሆን : በልጆች የአፍሪካ ታሪክ ሰንጠረዥ በ119 ደረጃ ላይ ይገኛል::

በአሜሪካ መፅሐፉን ለማዘዝ እነኚህን ሊንኮች ይጠቀሙ::

ሃርድ ከቨር: https://www.amazon.com/Bat...

ፔፐር ባክ: https://www.amazon.com/Bat...

ከአሜሪካ ውጭ ላሉ አንባቢያን: አማዞን ላይ ‘The Battle of Adwa’ ብለው ይፈልጉ::