በሚኒስትር አለሙ ስሜ (ዶ/ር) ስም የተሰራጨው የሐሰት የውክልና ደብዳቤና የንግድ ፈቃድ!
#ethiopia | የትራንስፖርት እና ሎጂስቲክስ ሚኒስቴር "ኢብራሂም ሀሰን አስመጪ" በሚባል ድርጅት ስም እየተሰራጨ ባለው የሐሰት መረጃ ህዝቡ ጥንቃቄ እንዲያደርግ አሳሰበ።

ድርጅቱ ከታህሳስ 13 ቀን 2017 ዓ.ም ጀምሮ ተሽከርካሪዎችን ከቀረጥ ነፃ አስገብቶ ያለምንም ወለድ በብድር እንደሚያከፋፍልና ለዚህም በሚኒስትሩ በዶ/ር አለሙ ስሜ ተወክያለሁ በማለት የሚያሰራጨው መረጃ ፍፁም የሐሰት (Forged) መሆኑ ተረጋግጧል።

ሊታወቁ የሚገቡ ነጥቦች፦
* የሐሰት ማስረጃ፦ ድርጅቱ የሚጠቀምበት የውክልና ደብዳቤም ሆነ የንግድ ፈቃድ ከሚኒስቴር መሥሪያ ቤቱ ዕውቅና ውጪ የተዘጋጀ የሐሰት ማስረጃ ነው።

* ዓላማው፦ ይህ ድርጊት ሆን ተብሎ ዜጎችን ለማሳሳት እና ገንዘብ ለመዝረፍ የተዘረጋ "የማጭበርበሪያ ወጥመድ" መሆኑን ሚኒስቴሩ ገልጿል።

* ማሳሰቢያ፦ ህዝቡ መሰል የተሳሳቱ መረጃዎችን በመከተል ለከፍተኛ ኢኮኖሚያዊ ኪሳራ እንዳይጋለጥ ጥብቅ ጥንቃቄ እንዲያደርግ ጥሪ ቀርቧል።

የሚኒስቴር መሥሪያ ቤቱን ትክክለኛ መረጃዎችና አሰራሮች ተከትሎ መጓዝ ከመሰል ማጭበርበሮች ራስን ለመጠበቅ ብቸኛው መንገድ ነው።

Getu Temesgen - (ጌጡ ተመስገን)
#getutemesgen #getu #ጌጡ #ጥንቃቄ #ማስጠንቀቂያ #bisratfm #ትራንስፖርትእናሎጂስቲክስ #የሐሰትመረጃ #ኢትዮጵያ #fakenewsalert #ethiopia #forgery