ኮንጎ ለኤሎን መስኩ ተቋም ፍቃድ ሰጠች!
#ethiopia |የኤርቴል አፍሪካ እና የኢሎን መስክ ስታርሊንክ በጋራ በመሆን የመጀመሪያውን የሳተላይት ስልክ አገልግሎት አስጀመሩ።

ሁለቱ ተቋማት በዲሞክራቲክ ሪፐብሊክ ኮንጎ የሳተላይት ስልክ አገልግሎት በይፋ አስጀምረዋል።

ይህ አዲስ ቴክኖሎጂ የቴሌኮም ማማዎች በሌሉባቸው ወይም የኔትወርክ ሽፋን ባልደረሰባቸው ገጠራማ አካባቢዎች የሚተገበር ነው።

አገልግሎቱ የኤርቴል ደንበኞች ስልካቸውን በቀጥታ በህዋ ላይ ከሚገኙ የስታርሊንክ ሳተላይቶች ጋር እንዲያገናኙ ያስችላቸዋል ተብሏል።

በአሁኑ ወቅት አገልግሎቱ የጽሁፍ መልእክቶችን እና እንደ ዋትስአፕ ያሉ ቀላል መተግበሪያዎችን ለመጠቀም ያስችላል።

ሁለቱ ተቋማት ባደረጉት የአጋርነት ስምምነት መሠረት ወደ ሌሎች የአፍሪካ ሀገራት እየሰፋ ሲሄድ የድምፅና የቪዲዮ ጥሪዎችን ጨምሮ ተጨማሪ የዳታ አገልግሎቶችን ለማቅረብ ተስማምተዋል።

ሔኖክ ወ/ገብርኤል
#ethiopia #getutemesgen #airtelafrica #elonmusk #starlink #technology #congo

የቴስላ ሰራተኞች በአመት የሚያገኙት ገቢ ኤሎን መስክ በ4 ሰከንድ ልዩነት ያገኘዋል
#ethiopia |ኤሎን መስክ በ2025 ከቴስላ የተከፈለው አጠቃላይ ክፍያ ከመደበኛ ሰራተኛው በ2.5 ሚሊዮን እጥፍ ይበልጣል።

ቴስላ በፈረንጆቹ 2025 ለዋና ሥራ አስፈፃሚው ኢሎን መስክ የከፈለው አጠቃላይ ክፍያ ከኩባንያው መደበኛ ሰራተኛ ዓመታዊ ገቢ በ2.5 ሚሊዮን እጥፍ እንደሚበልጥ ተነገረ።

የቴስላ መደበኛ ሰራተኛ በአንድ ሙሉ ዓመት የሚያገኘውን ገቢ ኢሎን መስክ በየ 4 ሰከንዱ ልዩነት ውስጥ ያገኘዋል ነው የተባለው።

የአሜሪካ የሰራተኞች ማህበራት ፌዴሬሽን ባወጣው ሪፖርት መሠረት መስክ በ2025 158.3 ቢሊዮን ዶላር አጠቃላይ ጥቅማጥቅም እና የትርፍ ድርሻ ማግኘቱን ገልጿል።

ይህ ክፍያ በድርጅቱ ከፍተኛ አመራሮች እና በተራ ሰራተኞች መካከል ያለውን ሰፊ የገቢ ልዩነት በግልጽ የሚያሳይ እንደሆነ ተጠቅሷል።

የሰራተኛ ማህበራት ተወካዮች ይህ ዓይነቱ ከፍተኛ የክፍያ ልዩነት በኢኮኖሚው ላይ ያለውን የገቢ አለመመጣጠን እንደሚያሰፋ በመግለጽ ስጋታቸውን ገልጸዋል።

የቴስላ ባለአክሲዮኖች በበኩላቸው መስክ ለኩባንያው ለሚያበረክተው የፈጠራና የዕድገት አስተዋጽኦ የሚገባው ማበረታቻ ነው በማለት ይከራከራሉ።

ሔኖክ ወ/ገብርኤል
#ethiopia #getutemesgen #tesla #elonmusk #ceo #average #worker #federation #labor #unions

🛰️ ኤሎን መስክ በደቡብ አፍሪካን ተበደልኩ አለ
#ethiopia | የዓለማችን ቁንጮ ባለሀብት ኤሎን መስክ፣ የሳተላይት ኢንተርኔት ኩባንያው ስታርሊንክ (Starlink) በትውልድ ሀገሩ ደቡብ አፍሪካ አገልግሎት እንዳይሰጥ መከልከሉን "ዘረኝነትን መሠረት ያደረገ ውሳኔ" ሲል በድጋሚ ነቀፈ።

⛔ የእገዳው መንስኤ ምንድነው?

ስታርሊንክ በደቡብ አፍሪካ የሥራ ፈቃድ የተከለከለው በአገሪቱ ካለው የቴሌኮም ሕግ ጋር ባለመስማማቱ ነው። ሕጉ ማንኛውም የኢንተርኔት አገልግሎት ሰጪ ድርጅት፦

* 30 በመቶ የሚሆነውን የባለቤትነት ድርሻ ቀደም ሲል በነበረው የዘረኛ (Apartheid) ሥርዓት ለተበደሉ ጥቁር ደቡብ አፍሪካውያን መስጠት እንዳለበት ይደነግጋል።

ኤሎን መስክ ይህንን መስፈርት "የቆዳ ቀለምን መሠረት ያደረገ የኢኮኖሚ ፖሊሲ" ሲል የጠራው ሲሆን፣ ኩባንያው የባለቤትነት ድርሻ ከመስጠት ይልቅ 121.8 ሚሊዮን ዶላር ኢንቨስት ለማድረግ እና ለ5,000 የገጠር ትምህርት ቤቶች ነፃ ኢንተርኔት ለመስጠት ያቀረበው አማራጭ በመንግሥት ውድቅ ተደርጓል።

🌍 በሌሎች የአፍሪካ ሀገራት ያለው ሁኔታ
ደቡብ አፍሪካ በሩን ብትዘጋም፣ ስታርሊንክ በአህጉሪቱ እያደረገ ያለው መስፋፋት ግን አልተገታም። ማስክ እንዳስታወቀው ኩባንያው በሚከተሉት ሀገራት የሥራ ፈቃድ አግኝቶ አገልግሎት መስጠት ጀምሯል፦
* ናሚቢያ፣ ካሜሩን፣ ሌሴቶ፣ ሶማሊያ እና ኮንጎ።

💡 "በሳምንታት ውስጥ ማዳረስ እንችላለን"

መንግሥት መጠነኛ የአሠራር ማሻሻያ ካደረገ ስታርሊንክ በሳምንታት ውስጥ መላውን ደቡብ አፍሪካ የማዳረስ አቅም እንዳለው ማስክ ገልጿል። ይሁን እንጂ የደቡብ አፍሪካ ባለሥልጣናት በሕጉ ላይ ያላቸው አቋም እስካሁን አልተለወጠም።

​Getu Temesgen - (ጌጡ ተመስገን)
#ኤሎንመስክ #ስታርሊንክ #ደቡብአፍሪካ #ኢንተርኔት #ቴክኖሎጂ #starlink #elonmusk #southafrica #technews #africaconnect

''ቴስላ ውሃ በላው''

📌 የቻይናው BYD የኤሌክትሪክ ተሽከርካሪ ሽያጭ ቴስላን በመብለጥ የዓለም ቀዳሚ ሊሆን ነው
#ethiopia | የቻይናው ግዙፍ ተሽከርካሪ አምራች BYD፣ በኤሌክትሪክ ተሽከርካሪዎች (EV) ሽያጭ የኤለን መስኩን ቴስላ (Tesla) ኩባንያን በመብለጥ በዓለም ቀዳሚው አምራች ለመሆን መቃረቡ ተገለጠ።

ኩባንያው ይፋ ባደረገው መረጃ መሠረት፣ ዓመታዊ የኤሌክትሪክ ተሽከርካሪ ሽያጩ በ28 በመቶ እድገት በማሳየት 2 ነጥብ 25 ሚሊየን ደርሷል። ይህ ውጤት BYDን በዘርፉ ቁንጮ ላይ እንዲቀመጥ ያደርገዋል ተብሏል።

የቴስላ ፈተና እና የባለሙያዎች ትንበያ🔎

ቴስላ ዓመታዊ የሽያጭ ሪፖርቱን እስካሁን ይፋ ባያደርግም፣ የዘርፉ ባለሙያዎች ኩባንያው 1 ነጥብ 65 ሚሊየን አካባቢ ተሽከርካሪዎችን ሊሸጥ እንደሚችል ግምታቸውን አስቀምጠዋል።

ይህ ከሆነ ደግሞ ቴስላ ለረጅም ጊዜ ይዞት የቆየውን የመሪነት ስፍራ ለቻይናው ተፎካካሪው ያስረክባል ማለት ነው።
ቴስላ ለገጠመው የሽያጭ መቀነስና ለገበያ ድርሻ መጥበብ እንደ ምክንያቶች የተጠቀሱት፦

* የባለቤቱ የኤለን መስክ አወዛጋቢ ፖለቲካዊ ተሳትፎዎች።
* ከቻይና ተሽከርካሪ አምራቾች እየገጠመው ያለው ብርቱ የዋጋና የቴክኖሎጂ ፉክክር።
* በተለያዩ ሀገራት የታየው የኢኮኖሚ መቀዛቀዝ ናቸው።

🚘 BYD በተለይም ዋጋቸው ተመጣጣኝ የሆኑ የተለያዩ የኤሌክትሪክ ተሽከርካሪ አማራጮችን ለገበያ ማቅረቡ ለስኬቱ ትልቁን ድርሻ እንደያዘ ተመልክቷል። ይህ የገበያ ለውጥ የቻይና ኩባንያዎች በዓለም አቀፉ አረንጓዴ ኢነርጂ ሽግግር ውስጥ እያገኙት ያለውን የበላይነት የሚያሳይ ነው ተብሏል።

Getu Temesgen - (ጌጡ ተመስገን)
#byd #tesla #electricvehicles #evmarket #elonmusk #chinatech #automotiveindustry #greenenergy2026