የአፍሪካው ቁንጮ አሊኮ ዳንጎቴ አልተቻሉም
#ethiopia | ​የአህጉራችን ቁጥር አንድ ቢሊየነር ናይጄሪያዊው አሊኮ ዳንጎቴ፣ በፈረንጆቹ 2026 ዓመት አስገራሚ የሀብት እድገት በማስመዝገብ ግስጋሴያቸውን ቀጥለዋል።

እንደ ብሉምበርግ የቢሊየነሮች መረጃ መሠረት፣ የባለሀብቱ ጠቅላላ የሀብት መጠን 34.0 ቢሊዮን ዶላር የደረሰ ሲሆን፣ ይህም በዓለም የሀብታሞች ዝርዝር ውስጥ ወደ 69ኛ ደረጃ ከፍ እንዲሉ አድርጓቸዋል።

​ዳንጎቴ በዚህ ዓመት ብቻ 3.99 ቢሊዮን ዶላር የተጣራ ትርፍ ማግኘት የቻሉ ሲሆን፣ ይህም በአህጉሪቱ ያላቸውን የበላይነት ይበልጥ አጠናክሮታል።

​የዚህ የሀብት ዝላይ አንዱ ተጠቃሽ ምክንያት በሌጎስ የሚገኘው ግዙፉ የዳንጎቴ የነዳጅ ማጣሪያ ስራውን በሙሉ አቅሙ መጀመሩ ነው። ማጣሪያው በቀን 650,000 በርሜል የማምረት አቅሙን መጠቀም የጀመረ ሲሆን፣ በአሁኑ ወቅት ለኢትዮጵያ አየር መንገድ የቀጥታ የጄት ነዳጅ አቅርቦት መጀመሩ ተረጋግጧል።

​ይህ ስምምነት ለአፍሪካ ግዙፍ አየር መንገድ የኢነርጂ ዋስትናን የሚሰጥ ሲሆን፣ በተለይም በሆርሙዝ የባህር ሰርጥ ላይ በሚታየው የአቅርቦት መቋረጥ ምክንያት ለነዳጅ ያለውን ከፍተኛ ፍላጎት ለመሙላት እንደ ትልቅ ዕድል ተቆጥሯል። ማጣሪያው የጄት ነዳጅ ኤክስፖርቱን በቀን ወደ 158,000 በርሜል አሳድጓል።

​በአፍሪካ የኢንዱስትሪ ባለቤትነት እና በንግድ ትስስር ረገድ ይህ የዳንጎቴ እና የኢትዮጵያ አየር መንገድ አጋርነት አዲስ ምዕራፍ እንደሆነ ይታመናል።

Getu Temesgen - (ጌጡ ተመስገን) #getutemesgen #getu #capitalnews ​#alikodangote #ethiopianairlines #africaeconomy #businessnews #dangoterefinery #aviation #ethiopia #nigeria #wealthreport

አፍሪካ በከፍተኛ የነዳጅ እጥረት መፈተኗ አይቀርም
#ethiopia | አህጉራችን አፍሪካ እስከ ፈረንጆቹ 2040 ድረስ የ86 ሚሊየን ቶን የነዳጅ ምርቶች እጥረት ሊገጥማት እንደሚችል የአፍሪካ ፋይናንስ ኮርፖሬሽን (AFC) ባወጣው አዲስ ሪፖርት አስጠነቀቀ። ይህ አሃዝ በአሁኑ ወቅት አህጉሪቱ ካለባት የ74 ሚሊየን ቶን የገቢ ምርት ጥገኝነት በእጅጉ የላቀ መሆኑ ተመልክቷል።
​የሪፖርቱ ዋና ዋና ነጥቦች የሚከተሉትን ያካትታሉ፦

​1. የገቢ ምርት ጥገኝነት እና የገንዘብ ፍሰት
​አፍሪካ በአሁኑ ወቅት ከምትጠቀመው የተጣራ ነዳጅ ከ70 በመቶ በላይ የሚሆነውን ከውጭ የምታስገባ ሲሆን፣ ለዚህም በየዓመቱ ለነዳጅ፣ ለምግብ፣ ለፕላስቲክ እና ለሌሎች መሠረታዊ ቁሳቁሶች 230 ቢሊየን ዶላር ወጪ ታደርጋለች። ይህ ጥገኝነት አህጉሪቱን ለዓለም አቀፍ የዋጋ መዋዠቅ እና የአቅርቦት መቆራረጥ ተጋላጭ አድርጓታል።

​2. የጂኦ-ፖለቲካዊ ውጥረቶች ተጽዕኖ
​በመካከለኛው ምስራቅ፣ በተለይም በኢራን ዙሪያ ያለው ውጥረት አፍሪካ በባህር ላይ መተላለፊያ መንገዶች ላይ ያላትን ስጋት አጉልቶታል።

​በዓለም አቀፍ ደረጃ አምስተኛውን የነዳጅ ትራንስፖርት ድርሻ የሚይዘው ይህ ወሽመጥ ቢዘጋ፣ እንደ ምስራቅ አፍሪካ ያሉ በገቢ ምርት ላይ ጥገኛ የሆኑ ቀጠናዎች ለከፍተኛ ችግር ይዳረጋሉ።

3. የእጥረቱ ስፋት
​ሊያጋጥም ይችላል ተባለው የ86 ሚሊየን ቶን ነዳጅ እጥረት ምን ያህል ግዙፍ እንደሆነ ለማሳየት፣ በናይጄሪያ የሚገኘውና የአህጉሪቱ ግዙፍ የሆነው የዳንጎቴ ነዳጅ ማጣሪያ የሦስቱንያህል አምራች አቅም ማለት እንደሆነ ሪፖርቱ ጠቁሟል።

​መፍትሄው ምንድን ነው?

​በናይሮቢ በተካሄደው ስብሰባ ላይ የተገኙት የኬንያው ፕሬዝዳንት ዊልያም ሩቶ፣ አፍሪካ በሌሎች ላይ ያላትን ከልክ ያለፈ ጥገኝነት ማቆም እንዳለባት አሳስበዋል። ለዚህም መፍትሄ ይሆኑ ዘንድ የአፍሪካ ፋይናንስ ኮርፖሬሽን የሚከተሉትን ምክረ-ሀሳቦች አቅርቧል፦

​አዳዲስ የንግድ እና የኢነርጂ ማዕከላትን በአህጉሪቱ ውስጥ መገንባት።
​ነባር የነዳጅ ማጣሪያ ተቋማት አቅማቸውን አሳድገው በተሻለ ሁኔታ እንዲሰሩ ማድረግ።
​የውስጥ አቅርቦት ሰንሰለትን ማጠናከር።

​አፍሪካ የወደፊት ዕጣ ፈንታዋን በእጇ ለመያዝ እና የኢነርጂ ዋስትናዋን ለማረጋገጥ አሁኑኑ የሚጠበቅባት ይመስላል።

Getu Temesgen - (ጌጡ ተመስገን) #getutemesgen #getu
​#africa #energycrisis #fuelshortage #afc #economy #dangoterefinery #eastafrica #leadtheplot #ethiopia #williamruto

አሊኮ ዳንጎቴ አፍሪካንውያን ሆይ አትጨነቁ እያሉ ነው
#ethiopia | በአፍሪካዊው ቢሊየነር አሊኮ ዳንጎቴ ባለቤትነት የሚመራው ግዙፉ የነዳጅ ማጣሪያ ፋብሪካ፣ ለመጀመሪያ ጊዜ ለተለያዩ የአፍሪካ አገራት የነዳጅ ኤክስፖርት መጀመሩን አስታወቀ። ፋብሪካው 456 ቶን ነዳጅ ለሽያጭ ያቀረበ ሲሆን፣ የመጀመሪያዎቹ ገዢዎችም አይቮሪ ኮስት፣ ካሜሮን፣ ታንዛንያ እና ቶጎ መሆናቸው ተገልጿል።

በናይጄሪያ የሚገኘው ይህ ማጣሪያ በቀን 650 ሺህ በርሜል ነዳጅ የማጣራት አቅም ያለው ሲሆን፣ የናይጄሪያን ፍላጎት አሟልቶ ለውጭ ገበያ የሚተርፍ ምርት እያመረተ ይገኛል።

በመካከለኛው ምስራቅ ባለው ግጭት ምክንያት የተከሰተውን የኃይል አቅርቦት እጥረት እና የዋጋ ንረት ለመቋቋም ኤክስፖርቱ በአፋጣኝ እንዲጀመር ተደርጓል።

ይህ ጅምር ለምስራቅ፣ ምዕራብ እና መካከለኛው አፍሪካ አገራት አስተማማኝ የኃይል አቅርቦት ለመፍጠር ትልቅ ተስፋ ሆኗል።

ፋብሪካው በ2024 ሥራ ከመጀመሩ በፊት ናይጄሪያ የነዳጅ ፍላጎቷን ሙሉ በሙሉ ከውጭ በማስገባት ታሟላ ነበር፤ አሁን ግን ላኪ መሆን ችላለች።

የፋብሪካው ቃል አቀባይ እንደገለጹት ከአፍሪካ አገራት በተጨማሪ ከሌሎች አህጉራትም ከፍተኛ የነዳጅ ፍላጎት እየቀረበላቸው ይገኛል።

Getu Temesgen - (ጌጡ ተመስገን)
#getutemesgen #getu #ጌጡ #dangoterefinery #alikodangote #nigeriaeconomy #africaenergy #fuelexport #oilandgas #economicintegration #africanewsupdate

አሊኮ ዳንጎቴ ነዳጅ ቀነሱ
#ethiopia | በናይጄሪያው ቢሊየነር አሊኮ ዳንጎቴ ባለቤትነት የሚመራው ግዙፉ የነዳጅ ማጣሪያ ፋብሪካ፣ በተጣሩ የነዳጅ ምርቶች ላይ የዋጋ ቅናሽ ማድረጉን ይፋ አደረገ።

ኩባንያው ባወጣው መግለጫ መሠረት፣ በቤንዚንና በናፍታ ምርቶች ላይ ይህ የዋጋ ማስተካከያ የተደረገው በዓለም አቀፍ ገበያ ላይ የታየውን የድፍድፍ ነዳጅ ዋጋ መቀነስ ተከትሎ ነው። ባለፈው ሰኞ የብሬንት ድፍድፍ ነዳጅ ዋጋ በአንድ በርሜል 119 ዶላር በመንካት ከሰኔ 2022 ወዲህ ከፍተኛውን የዋጋ ጭማሪ አሳይቶ ነበር።

ሆኖም የቡድን ሰባት (G7) አባል አገራት ያላቸውን የነዳጅ ክምችት ወደ ገበያ ሊለቁ እንደሚችሉ ማስታወቃቸውን ተከትሎ፣ የነዳጅ ዋጋ በአንድ በርሜል ከ90 ዶላር በታች ዝቅ ብሏል። የዳንጎቴ ማጣሪያ ፋብሪካም ይህንን የዓለም አቀፍ ገበያ መረጋጋት መሠረት በማድረግ ለተጠቃሚዎች የዋጋ ቅናሽ ማድረጉን አስታውቋል።

የኩባንያው ዋና ሥራ አስፈፃሚ ቀደም ሲል በመካከለኛው ምስራቅ ካለው ቀውስ ጋር ተያይዞ ሊከሰት የሚችለውን የኃይል እጥረት ለመከላከልና የናይጄሪያን የነዳጅ ዋስትና ለማረጋገጥ በትኩረት እንደሚሰሩ ገልጸው ነበር።

Getu Temesgen - (ጌጡ ተመስገን)
#getutemesgen #getu #ጌጡ #nigeria #dangoterefinery #fuelprice #energynews #globalmarket #oilandgas #africaeconomy

ዳንጎቴ የናይጄሪያን የሀገር ውስጥ ገበያ ለማነቃቃት የነዳጅ ዋጋ ቅናሽ አደረጉ
#ethiopia | የቢሊየነሩ አሊኮ ዳንጎቴ ግዙፍ የነዳጅ ማጣሪያ ተቋም፣ የሀገር ውስጥ ማደያዎችን አቅም ለማጠናከር እና የውጭ ምንዛሬ ጫናን ለመቀነስ የነዳጅ ዋጋ ቅናሽ ማድረጉን አስታወቀ።

ተቋሙ ባወጣው መግለጫ መሠረት፣ የክሬን ነዳጅ (Diesel) ዋጋ በአንድ ሊትር ከነበረበት 799 ናይራ ($0.59) ወደ 774 ናይራ ($0.57) ዝቅ እንዲል ተደርጓል። ይህም በሀገር ውስጥ የሚመረተው ነዳጅ ከውጭ ከሚገባው ነዳጅ ጋር ሲነፃፀር ተመራጭ እንዲሆን ያደርገዋል።

የዋጋ ንጽጽር እና ፋይዳው፦

* ከውጭ የሚገባ ነዳጅ፦ ከቶጎ (ሎሜ) የሚመጣው ነዳጅ በአንድ ሊትር 793 ናይራ ($0.58) ያወጣል።
* የዳንጎቴ ነዳጅ፦ በአዲሱ ቅናሽ በአንድ ሊትር 774 ናይራ ($0.57) ሆኗል።

ይህ በሊትር የ19 ናይራ ልዩነት፣ ናይጄሪያ በየዓመቱ ለነዳጅ ግዢ የምታወጣውን 10 ቢሊዮን ዶላር ለመቀነስ ለምታደርገው ጥረት ትልቅ እገዛ ይኖረዋል ተብሏል። የዳንጎቴ ማጣሪያ ተቋም ስራ መጀመር ናይጄሪያ በነዳጅ ራሷን እንድትችልና የውጭ ምንዛሬን እንድትቆጥብ በር ከፋች እንደሚሆን ይጠበቃል።

Getu Temesgen - (ጌጡ ተመስገን)
#getutemesgen #getu #ጌጡ #dangoterefinery #nigeriaeconomy #fuelpricedrop #alikodangote #oilandgas #africabusiness #nigerianews #energyindependence