ኩባንያው ለሠራተኞቹ የ26 ሚሊዮን ዶላር ጉርሻ ሰጠ
#ethiopia | በቻይና የሚገኘው ሄናን ኩዋንግሻን ክሬን (Henan Kuangshan Crane) የተባለ ኩባንያ፣ ዓመታዊ በዓሉን ምክንያት በማድረግ ለ7,000 ሠራተኞቹ በአጠቃላይ 26 ሚሊዮን የአሜሪካ ዶላር (180 ሚሊዮን ዩዋን) ቦነስ በማከፋፈል ዓለምን አስገርሟል።

በተለይም በበዓሉ ዕለት በመድረክ ላይ የተከመረውና ለታደሙ ሠራተኞች የታደለው 8.7 ሚሊዮን ዶላር ጥሬ ገንዘብ፣ የኩባንያውን ልግስና ለዓለም ያሳየ ክስተት ሆኗል።

"የልብስ ማጠቢያ ማሽን ምን ያደርጋል? ጥሬ ገንዘቡን አምጡት!"

የኩባንያው ባለቤት ኩይ ፔይጁን፣ ለሠራተኞች የሚሰጠው ሽልማት እንደ ወርቅና የቤት ዕቃዎች ባሉ ቁሳቁሶች መወሰን እንደሌለበት በመግለጽ በመድረክ ላይ ያደረጉት ንግግር የብዙዎችን ቀልብ ስቧል።

"ለምንድነው የልብስ ማጠቢያ ማሽን የምንሰጠው? የወርቅ ዋጋ የጨመረ ይመስላችኋል? ባለፉት ዓመታት የአንገት ሐብልና ቀለበት እንሰጥ ነበር፤ አሁን ግን ጥሬ ገንዘቡን አምጡና ለእያንዳንዱ ሰው ተጨማሪ 2,800 ዶላር (20,000 ዩዋን) ስጡ" በማለት ትዕዛዝ አስተላልፈዋል።

ከትርፍ የተጋራ ደስታ

ኩባንያው ይህን መጠነ ሰፊ ጉርሻ ሊሰጥ የቻለው በዓመቱ ካስመዘገበው 270 ሚሊዮን ዩዋን የተጣራ ትርፍ ላይ ተቀንሶ መሆኑ ተገልጿል። ይህም ኩባንያው ለስኬቱ መሠረት የሆኑትን ሠራተኞቹን በገንዘብ ብቻ ሳይሆን በክብርም ጭምር መሸለሙን የሚያሳይ ነው ተብሏል።

በቪዲዮ ተቀርጾ በማህበራዊ ሚዲያ የተሰራጨው ይህ ትዕይንት፣ ብዙዎች "የዓመቱ ምርጥ አሠሪ" በሚል አድናቆታቸውን እንዲገልጹ አድርጓል።

Getu Temesgen - (ጌጡ ተመስገን)
#getutemesgen #getu #ጌጡ #የቻይና_ዜና #ቦነስ #ሄናን_ኩዋንግሻን #ሠራተኞች #ቢዝነስ #አስደናቂ_ዜና