ከመካከለኛው ምስራቅ የሚላከው የጥሬ ነዳጅ መጠን በመጨመሩ የዓለም አቀፍ የነዳጅ ዋጋ ቀነሰ

ከመካከለኛው ምስራቅ የሚላከው የጥሬ ነዳጅ መጠን አሜሪካ እና እስራኤል በኢራን ላይ ጦርነት ከመክፈታቸው በፊት ከነበረበት ደረጃ በላይ መጨመሩን የሚያሳዩ ዘገባዎችን ተከትሎ፣ የዓለም አቀፍ የነዳጅ ዋጋ ቅናሽ ማሳየቱን ሮይተርስ ዘግቧል።

የብሬንት ጥሬ ነዳጅ የ1 በመቶ ቅናሽ በማሳየት በበርሜል 101.18 ዶላር የደረሰ ሲሆን፣ ከጥቂት ሰዓታት በፊት ደግሞ የአሜሪካው ዌስት ቴክሳስ ኢንተርሚዲየት ጥሬ ነዳጅ ዋጋ የ1.03 በመቶ ቅናሽ በማሳየት በበርሜል 90.12 ዶላር ሆኖ ነበር።

ቀደም ሲል እንደተዘገበው፣ ከቀጠናው የሚወጣው የጥሬ ነዳጅ ኤክስፖርት መጠን በሴፕቴምበር 24 እንዲሁም በሴፕቴምበር 27 እና 29 መካከል ከጦርነቱ በፊት ከነበረው መጠን በልጦ ተገኝቷል።ይህ በእንዲህ እንዳለ፣ የጂ 7 ሀገራት ከድንገተኛ አደጋ ተጠባባቂ ቋታቸው 100 ሚሊዮን በርሜል ጥሬ ነዳጅ እና ዲዜል ለገበያ ለማቅረብ ተስማምተዋል።

የ KCM Trade ዋና ተነታኝ ቲም ዋተረር ለሮይተርስ እንደተናገሩት፣ “በባህረ ሰላጤው ቀጠና በሚገኙ የኃይል መሰረተ ልማቶች ላይ ተጨማሪ ጉዳት የመድረሱ ስጋት እስካሁን ያልተወገደ ቢሆንም፣ የሁለቱ ሁኔታዎች መጣመር የነዳጅ ዋጋን ለጊዜው ለማረጋጋት በቂ ነው” ብለዋል።

በሚኪያስ ጸሐዬ
#ዳጉ_ጆርናል

ወደ ኬንያ የድንጋይ ከሰል ኤክስፖርት ለማድረግ ንግግር መጀመሩን ዮ ሆልዲንግ ገለጸ።

"ዮ ሆልዲንግ ንግድና ማኑፋክቸሪንግ ኃላፊነቱ የተወሰነ የግል ማህበር"፣ በኢትዮጵያ ያለውን የድንጋይ ከሰል ሀብት በዘመናዊ ቴክኖሎጂ በማጣራት ለሀገር ውስጥ ኢንዱስትሪዎች የኃይል ግብዓት እያቀረበ መሆኑን ገልጿል።

የኩባንያው ባለቤትና ዋና ስራ አስኪያጅ አቶ መኳንንት አለሙ እንደገለጹት፣ ኩባንያው በቤንሻንጉል ጉሙዝ ክልል ካማሺ ዞን ፏፏቴ ወረዳ በ2012 ዓ.ም የመጀመሪያውን የድንጋይ ከሰል ማጠቢያ ፋብሪካ (በሰዓት 150 ቶን የማምረት አቅም ያለው) አስጀምሮ፣ በ2017 ዓ.ም መጨረሻ ደግሞ በደቡብ ኢትዮጵያ ክልል ጋሞ ዞን ቦረዳ ወረዳ ሁለተኛውን ፋብሪካ (በሰዓት 250 ቶን የማምረት አቅም ያለው) አስገንብቷል።

በሁለቱ ፋብሪካዎች በጥምረት በሰዓት እስከ 400 ቶን የታጠበ ከሰል የማምረት አቅም ላይ ደርሷል።

ኩባንያው በአዲሱ በጀት ዓመት በሁለት ወራት ውስጥ ከ200,000 ቶን በላይ ድንጋይ ከሰል አጥቦ ያቀረበ ሲሆን፣ በዓመቱ ውስጥ ከ1.2 ሚሊዮን ቶን በላይ ለማዘጋጀት እየሰራ መሆኑን ገልጿል፤ በአጠቃላይ በሁለቱም ክልል ካሉ ፋብሪካዎች 1.7 ሚሊዮን ቶን ለማምረት አቅዷል።

በ2018 ዓ.ም በ6 ወራት ውስጥ ብቻ ከ450 ሺህ ቶን በላይ ማምረቱንም አክሏል።

"ዮ ሆልዲንግ" በሁለት ተጨማሪ አካባቢዎች ተጨማሪ ፋብሪካዎችን ለመገንባት በዝግጅት ላይ ሲሆን፣ በዚህ ዓመት መጨረሻ ወደ ኬንያ የድንጋይ ከሰል ኤክስፖርት ለማድረግ የሚያስችለውን ስምምነት ለማድረግ ከሚመለከታቸው ኩባንያዎች ጋር ንግግር መጀመሩን አቶ መኳንንት ገልጸዋል።

ቲክቫህ ኢትዮጵያ
መስከረም 25 ቀን 2019 ዓ.ም

@TikvahethMagazine

TK Industrial Group ከኢንዶኔዢያና ሲንጋፖር ኩባንያዎች ጋር የጋራ ኢንቨስትመንት ስምምነት ተፈራረመ
#ethiopia | አዲስ አበባ፦ የኢትዮጵያ፣ ኢንዶኔዢያ እና ሲንጋፖር ኩባንያዎች በኢንዱስትሪና በግብርና ምርቶች ዕሴት ጭማሪ ዙሪያ በጋራ ለመሥራት የሚያስችል የጋራ ኢንቨስትመንት (Joint Venture) ስምምነት ተፈራርመዋል።

የኢትዮጵያው TK Industrial Group ከኢንዶኔዢያው PT. INDO SULTAN JAYA እና ከሲንጋፖሩ OLiviaOlea PTE Ltd ጋር የሶስትዮሽ የጋራ ኢንቨስትመንት ስምምነቱን ተፈራርመዋል።

የTK Industrial Group ባለቤትና የኢትዮጵያ የዘይት አምራች ኢንዱስትሪዎች ማኅበር ፕሬዚዳንት ሼክ ቶፊቅ ከድር ተቋማቸውን ወክለው ስምምነቱን ፈርመዋል።

በስምምነት ፊርማ ሥነ-ሥርዓቱ ላይ የኢንዱስትሪ ሚኒስቴር ሚኒስትር ዴኤታ አቶ ሀሰን ሙሐመድ ተገኝተው ንግግር አድርገዋል።

አቶ ሀሰን እንደገለጹት፣ ኢትዮጵያ ካፒታል ብቻ ሳይሆን ዕውቀትና ቴክኖሎጂ ሽግግር እንዲኖር፣ እንዲሁም የሥራ ዕድል ፈጠራን የሚያጠናክሩ ኢንቨስተሮችን ትፈልጋለች።

የዘርፉ ባለሙያዎች ዕውቀትና ክህሎት እንዲዳብር፣ አርሶ አደሩ ተጠቃሚ እንዲሆን፣ የኤክስፖርት አቅም እንዲያድግ፣ ለዜጎች የሥራ ዕድል እንዲፈጠርና የሀገር ውስጥ ገበያ ፍላጎት እንዲሟላ መንግሥት መሰል ኢንቨስትመንቶችን ለማበረታታት በትኩረት እንደሚሠራም ገልጸዋል።

አቶ ሀሰን አክለውም፣ የተመሳሳይ ኢንቨስትመንቶች መስፋፋት የኢንዱስትሪ ፓርኮችን አቅምና ተወዳዳሪነት ለማሳደግ የሚያግዝ መሆኑን ተናግረዋል።

በስምምነቱ መሠረት የግብርና ምርቶችን ዕሴት መጨመር፣ የግብርና ምርቶችን በዘመናዊ ቴክኖሎጂ ማቀናበር፣ የቴክኖሎጂና የዕውቀት ሽግግር፣ ለሴቶችና ወጣቶች የሥራ ዕድል መፍጠር፣ የኢንዱስትሪ ትስስርን ማጠናከር፣ ከውጭ የሚገቡ ምርቶችን በሀገር ውስጥ ምርት መተካት፣ ኤክስፖርትን ማሳደግና የኢትዮጵያ አምራቾች ዓለም አቀፍ ገበያን እንዲያገኙ ማስቻል ዋና ትኩረቶች መሆናቸው ተገልጿል።

በፊርማ ሥነ-ሥርዓቱ ላይ የኢንዶኔዢያና የፓኪስታን አምባሳደሮች፣ የኦሮሚያ ኢንዱስትሪ ፓርኮች ልማት ኮርፖሬሽን ዋና ሥራ አስፈጻሚ ወይዘሮ ሰናይት መብሬ፣ እንዲሁም ከፍተኛ የፌዴራልና የኦሮሚያ ክልል የሥራ ኃላፊዎች ተገኝተዋል።
#ኢንቨስትመንት #ኢንዱስትሪ #ግብርና #ንግድ #ኢኮኖሚ #getutemesgen #getu #ጌጡ #ጌጡተመስገን #addisababa






TK Industrial Group ከኢንዶኔዢያና ሲንጋፖር ኩባንያዎች ጋር የጋራ ኢንቨስትመንት ስምምነት ተፈራረመ
#ethiopia | አዲስ አበባ፦ የኢትዮጵያ፣ ኢንዶኔዢያ እና ሲንጋፖር ኩባንያዎች በኢንዱስትሪና በግብርና ምርቶች ዕሴት ጭማሪ ዙሪያ በጋራ ለመሥራት የሚያስችል የጋራ ኢንቨስትመንት (Joint Venture) ስምምነት ተፈራርመዋል።

የኢትዮጵያው TK Industrial Group ከኢንዶኔዢያው PT. INDO SULTAN JAYA እና ከሲንጋፖሩ OLiviaOlea PTE Ltd ጋር የሶስትዮሽ የጋራ ኢንቨስትመንት ስምምነቱን ተፈራርመዋል።

የTK Industrial Group ባለቤትና የኢትዮጵያ የዘይት አምራች ኢንዱስትሪዎች ማኅበር ፕሬዚዳንት ሼክ ቶፊቅ ከድር ተቋማቸውን ወክለው ስምምነቱን ፈርመዋል።

በስምምነት ፊርማ ሥነ-ሥርዓቱ ላይ የኢንዱስትሪ ሚኒስቴር ሚኒስትር ዴኤታ አቶ ሀሰን ሙሐመድ ተገኝተው ንግግር አድርገዋል።

አቶ ሀሰን እንደገለጹት፣ ኢትዮጵያ ካፒታል ብቻ ሳይሆን ዕውቀትና ቴክኖሎጂ ሽግግር እንዲኖር፣ እንዲሁም የሥራ ዕድል ፈጠራን የሚያጠናክሩ ኢንቨስተሮችን ትፈልጋለች።

የዘርፉ ባለሙያዎች ዕውቀትና ክህሎት እንዲዳብር፣ አርሶ አደሩ ተጠቃሚ እንዲሆን፣ የኤክስፖርት አቅም እንዲያድግ፣ ለዜጎች የሥራ ዕድል እንዲፈጠርና የሀገር ውስጥ ገበያ ፍላጎት እንዲሟላ መንግሥት መሰል ኢንቨስትመንቶችን ለማበረታታት በትኩረት እንደሚሠራም ገልጸዋል።

አቶ ሀሰን አክለውም፣ የተመሳሳይ ኢንቨስትመንቶች መስፋፋት የኢንዱስትሪ ፓርኮችን አቅምና ተወዳዳሪነት ለማሳደግ የሚያግዝ መሆኑን ተናግረዋል።

በስምምነቱ መሠረት የግብርና ምርቶችን ዕሴት መጨመር፣ የግብርና ምርቶችን በዘመናዊ ቴክኖሎጂ ማቀናበር፣ የቴክኖሎጂና የዕውቀት ሽግግር፣ ለሴቶችና ወጣቶች የሥራ ዕድል መፍጠር፣ የኢንዱስትሪ ትስስርን ማጠናከር፣ ከውጭ የሚገቡ ምርቶችን በሀገር ውስጥ ምርት መተካት፣ ኤክስፖርትን ማሳደግና የኢትዮጵያ አምራቾች ዓለም አቀፍ ገበያን እንዲያገኙ ማስቻል ዋና ትኩረቶች መሆናቸው ተገልጿል።

በፊርማ ሥነ-ሥርዓቱ ላይ የኢንዶኔዢያና የፓኪስታን አምባሳደሮች፣ የኦሮሚያ ኢንዱስትሪ ፓርኮች ልማት ኮርፖሬሽን ዋና ሥራ አስፈጻሚ ወይዘሮ ሰናይት መብሬ፣ እንዲሁም ከፍተኛ የፌዴራልና የኦሮሚያ ክልል የሥራ ኃላፊዎች ተገኝተዋል።
#ኢንቨስትመንት #ኢንዱስትሪ #ግብርና #ንግድ #ኢኮኖሚ #getutemesgen #getu #ጌጡ #ጌጡተመስገን #addisababa

በ660 ሚሊዮን ዶላር ወጪ የሚገነባው የነዳጅ ማስተላለፊያ ቧንቧ መስመር የማጓጓዣ ጊዜን በ80% ይቀንሳል።

የኢትዮጵያ ኢንቨስትመንት ሆልዲንግስ (EIH) እና የዳንጎቴ ግሩፕ በጋራ አክሲዮን (Joint Venture) የሚያለሙት የ660 ሚሊዮን ዶላር የነዳጅ ማስተላለፊያ ቧንቧ መስመር በሁለት ዓመታት ጊዜ ውስጥ ተጠናቆ ወደ ሥራ እንደሚገባ በትላንትናው ዕለት ይፋ ተደርጓል።

ጠቅላይ ሚኒስትር ዐቢይ አህመድ ባስተላለፉት መልዕክት "ይህ ታሪካዊ የመሠረተ ልማት ፕሮጀክት የሎጂስቲክስ ወጪዎችንና መዘገየቶችን የሚቀንስ፣ የኢነርጂ ደህንነትን የሚያጠናክር እንዲሁም የኢትዮጵያ-ጂቡቲ የንግድ ኮሪደርን ውጤታማነትና ጽናት የሚያሳድግ ነው" ሲሉ ገልጸዋል።

​ጠቅላይ ሚኒስትሩ  በጅቡቲ በተካሄደው የመሰረት ድንጋይ ማኖሪያ ሥነ-ስርዓት ላይ ባደረጉት ንግግር፤ ነዳጅ በጭነት መኪና ሲገባ አምስት ቀናት እንደሚወስድ አንስተው፣ አዲሱ የቧንቧ መስመር ይህንን ጉዞ ወደ አንድ ቀን ዝቅ እንደሚያደርገው አስረድተዋል።

ለመሆኑ ይህ ፕሮጀክት ምን ያካትታል ?

የጠቅላይ ሚኒስትር ጽህፈት ቤት ቃል አቀባይ ቢልሌኔ ሥዩምን ጠቅሶ ብሉምበርግ እንደዘገበው፤ በፕሮጀክቱ ፥

- የ120 ኪሎሜትር የቧንቧ መስመር ዝርጋታን፤

- በዳሜርጆግ 375,000 ኩቢክ ሜትር እንዲሁም በደወሌ 800,000 ኩቢክ ሜትር የመያዝ አቅም ያላቸው ሁለት የነዳጅ ማከማቻ ተርሚናሎችን ግንባታ ይካሄዳል።

የኢትዮጵያ ኢንቨስትመንት ሆልዲንግስ (EIH) ዋና ሥራ አስፈጻሚ ዶክተር ብሩክ ታዬ ከኢቲቪ ጋር በነበራቸው ቆይታ እንደገለጹት፤ የቧንቧ መስመሩ በተቋሙ እና በናይጄሪያው ዳንጎቴ ግሩፕ በጋራ አልሚነት የሚገነባና እንደሚተዳደር አንስተዋል።

ከጂቡቲ ዳሜርጆግ ወደብ እስከ ኢትዮጵያ ደወሌ የሚዘረጋው ይህ የ120 ኪሎሜትር መስመር፤ በጭነት መኪኖች ይካሄድ በነበረው ረጅም የጉዞ ሂደት ላይ ይታይ የነበረውን ቅሸባ፣ ብክነት እና ህገ-ወጥ አሰራር በዘላቂነት እንደሚቀርፍም ገልጸዋል።

ዶክተር ብሩክ አክለውም፥ ኢትዮጵያ የራሷ ዴፖ ባልነበራት ጊዜ መርከቦች ቦታ ጠብቀው ለማራገፍ ከሁለት ቀን እስከ ሁለት ሳምንት ድረስ ይወስዱባት የነበረውን መዘግየትና አሁንም ድረስ የምትከፍለውን የዲሞሬጅ (የመጠበቂያ) ወጪ እንደሚያስቀር ነው የተናገሩት።

በደወሌ የሚገነባው ሁለተኛው ዴፖ ደግሞ ከአዋሽ በተጨማሪ ለወራት የሚበቃ ስትራቴጂካዊ የነዳጅ ክምችት ከመፍጠሩም ባሻገር፣ ከኢትዮ-ጂቡቲ የባቡር ሃዲድ ጋር በመገናኘቱ ነዳጅ በቧንቧ ከተቀበለ በኋላ በባቡርና በጭነት መኪኖች ወደ አገር ውስጥ ለማሰራጨት የሚያስችል ነው።

ፕሮጀክቱ በመጪዎቹ ሁለት አመታት እንደሚጠናቀቅም ነው የኢትዮጵያ ኢንቨስትመንት ሆልዲንግስ (EIH) ዋና ሥራ አስፈጻሚ ዶክተር ብሩክ ታዬ የገለጹት።

​ጠቅላይ ሚኒስትር ዐቢይ አህመድ ለፕሮጀክቱ የፋይናንስ ድጋፍ ላደረጉት ለአፍሪካ ኤክስፖርት-ኢምፖርት ባንክ (Afreximbank) ፕሬዝዳንት ዶክተር ጆርጅ ኤሎምቢ ምስጋና አቅርበዋል።

@TikvahethMagazine

በታላቁ ፕሮጀክት ማብሰሪያ ላይ የጠቅላይ ሚኒስትር ዐቢይ አሕመድ (ዶ/ር) ንግግር ዋና ዋና ነጥቦች
*************

ጠቅላይ ሚኒስትር ዐቢይ አሕመድ (ዶ/ር) በኢትዮጵያ፣ በጅቡቲ፣ በዳንጎቴ ግሩፕ እና በአፍሪካ ኤክስፖርት-ኢምፖርት ባንክ (Afreximbank) ትብብር የሚከናወነውን ግዙፍ የነዳጅ ማጓጓዣ ፓይፕላይን እና የማከማቻ ፕሮጀክት አስመልክተው ያደረጉት ንግግር ዋና ዋና መልእክቶች፦

✅የፕሮጀክቱ ዋና ዓላማ፦ በጅቡቲ ዳመርጆግ እና በኢትዮጵያ ደወሌ መካከል የሚዘረጋ የ120 ኪሎ ሜትር የነዳጅ ማጓጓዣ ፓይፕላይን እና በሁለቱም በኩል በድምሩ ከ1 ሚሊዮን ኩቢክ ሜትር በላይ የመያዝ አቅም ያላቸው የነዳጅ ማከማቻዎች ግንባታ ነው።

✅በአሁኑ ወቅት ነዳጅ በቦቴ ተጭኖ አዲስ አበባ ለመድረስ የሚወስደውን የ5 ቀን ረጅም ጉዞ ወደ 1 ቀን ዝቅ በማድረግ የንግድ፣ የኢንዱስትሪ እና የቤተሰብ ወጪዎችን በከፍተኛ ደረጃ ይቀንሳል።

✅ በቀይ ባሕር አካባቢ እና በዓለም አቀፍ ደረጃ በሚከሰቱ አለመረጋጋቶች ወቅት የኢትዮጵያን የነዳጅ ክምችት አስተማማኝ በማድረግ ዘላቂ የኃይል አቅርቦትን ያረጋግጣል።

✅ፕሮጀክቱ ከወደብ፣ ከሀይዌይ፣ ከምድር ባቡር እና ከሞጆ ዘመናዊ የሎጂስቲክስ ማዕከል ጋር እንደ አንድ የተቀናጀ ሥርዓት በመሥራት ቀጣናዊ የንግድ ተወዳዳሪነትን ያሳድጋል።

✅ የአጋሮች የሥራ ክፍፍል፦
· ጅቡቲ፦ ስትራቴጂካዊ መገኛዋን፣ የወደብ አቅሟን እና የኃይል ሎጂስቲክስ ልምዷን፤
· ኢትዮጵያ (በኢትዮጵያ ኢንቨስትመንት ሆልዲንግስ በኩል)፦ ሰፊ ገበያዋን እና የሀገራዊ ኢንቨስትመንት ማሰባሰብ አቅሟን፤
· ዳንጎቴ ግሩፕ፦ የካፒታል እና የኢንዱስትሪ ትግበራ አቅሙን፤
· አፍሪካ ኤክስፖርት-ኢምፖርት ባንክ (Afreximbank)፦ የፋይናንስ ድጋፉን ያቀርባሉ።

✅ ፕሮጀክቱ የአፍሪካ ባለሀብቶችና ተቋማት በራሳቸው አቅም የአህጉሪቱን ታላላቅ የመሠረተ-ልማት ችግሮች መፍታት እንደሚችሉ ማረጋገጫ ነው።

✅ ዋናው ግብ የታቀደውን ፕሮጀክት በፍጥነት ወደ ተግባር በመቀየር ሕዝቡ በተመጣጣኝ የነዳጅ ዋጋ፣ የተቀናጀ የንግድ እንቅስቃሴ እና የላቀ ኢኮኖሚያዊ ተፎካካሪነትን በተግባር እንዲያገኝ ማድረግ ነው።
#ethiopia #djibouti #dangotegroup #afreximbank #regionalintegration #infrastructure #pmabiyahmed
በታላቁ ፕሮጀክት ማብሰሪያ ላይ የጠቅላይ ሚኒስትር ዐቢይ አሕመድ (ዶ/ር) ንግግር ዋና ዋና ነጥቦች
*************

ጠቅላይ ሚኒስትር ዐቢይ አሕመድ (ዶ/ር) በኢትዮጵያ፣ በጅቡቲ፣ በዳንጎቴ ግሩፕ እና በአፍሪካ ኤክስፖርት-ኢምፖርት ባንክ (Afreximbank) ትብብር የሚከናወነውን ግዙፍ የነዳጅ ማጓጓዣ ፓይፕላይን እና የማከማቻ ፕሮጀክት አስመልክተው ያደረጉት ንግግር ዋና ዋና መልእክቶች፦

✅የፕሮጀክቱ ዋና ዓላማ፦ በጅቡቲ ዳመርጆግ እና በኢትዮጵያ ደወሌ መካከል የሚዘረጋ የ120 ኪሎ ሜትር የነዳጅ ማጓጓዣ ፓይፕላይን እና በሁለቱም በኩል በድምሩ ከ1 ሚሊዮን ኩቢክ ሜትር በላይ የመያዝ አቅም ያላቸው የነዳጅ ማከማቻዎች ግንባታ ነው።

✅በአሁኑ ወቅት ነዳጅ በቦቴ ተጭኖ አዲስ አበባ ለመድረስ የሚወስደውን የ5 ቀን ረጅም ጉዞ ወደ 1 ቀን ዝቅ በማድረግ የንግድ፣ የኢንዱስትሪ እና የቤተሰብ ወጪዎችን በከፍተኛ ደረጃ ይቀንሳል።

✅ በቀይ ባሕር አካባቢ እና በዓለም አቀፍ ደረጃ በሚከሰቱ አለመረጋጋቶች ወቅት የኢትዮጵያን የነዳጅ ክምችት አስተማማኝ በማድረግ ዘላቂ የኃይል አቅርቦትን ያረጋግጣል።

✅ፕሮጀክቱ ከወደብ፣ ከሀይዌይ፣ ከምድር ባቡር እና ከሞጆ ዘመናዊ የሎጂስቲክስ ማዕከል ጋር እንደ አንድ የተቀናጀ ሥርዓት በመሥራት ቀጣናዊ የንግድ ተወዳዳሪነትን ያሳድጋል።

✅ የአጋሮች የሥራ ክፍፍል፦
· ጅቡቲ፦ ስትራቴጂካዊ መገኛዋን፣ የወደብ አቅሟን እና የኃይል ሎጂስቲክስ ልምዷን፤
· ኢትዮጵያ (በኢትዮጵያ ኢንቨስትመንት ሆልዲንግስ በኩል)፦ ሰፊ ገበያዋን እና የሀገራዊ ኢንቨስትመንት ማሰባሰብ አቅሟን፤
· ዳንጎቴ ግሩፕ፦ የካፒታል እና የኢንዱስትሪ ትግበራ አቅሙን፤
· አፍሪካ ኤክስፖርት-ኢምፖርት ባንክ (Afreximbank)፦ የፋይናንስ ድጋፉን ያቀርባሉ።

✅ ፕሮጀክቱ የአፍሪካ ባለሀብቶችና ተቋማት በራሳቸው አቅም የአህጉሪቱን ታላላቅ የመሠረተ-ልማት ችግሮች መፍታት እንደሚችሉ ማረጋገጫ ነው።

✅ ዋናው ግብ የታቀደውን ፕሮጀክት በፍጥነት ወደ ተግባር በመቀየር ሕዝቡ በተመጣጣኝ የነዳጅ ዋጋ፣ የተቀናጀ የንግድ እንቅስቃሴ እና የላቀ ኢኮኖሚያዊ ተፎካካሪነትን በተግባር እንዲያገኝ ማድረግ ነው።
#ethiopia #djibouti #dangotegroup #afreximbank #regionalintegration #infrastructure #pmabiyahmed

(ዘ-ሐበሻ ዜና) የአሜሪካው ፕሬዝዳንት ዶናልድ ትራምፕ እና የቻይናው ፕሬዝዳንት ሺ ጂንፒንግ በንግድ፣ በአርቲፊሻል ኢንተለጀንስ (AI) እና በኢራን ጦርነት ዙሪያ ትኩረቱን ያደረገ ከፍተኛ ውይይት ሐሙስ ዕለት በዋይት ሀውስ ማካሄድ ጀምረዋል። ፕሬዝዳንት ትራምፕ ቻይናዊውን አቻቸውን አየር ማረፊያ ድረስ በመገኘት በወታደራዊ ትርኢት የታጀበ ልዩ አቀባበል ያደረጉላቸው ሲሆን፣ ውይይታቸው ለቀጣዮቹ አስርት ዓመታት ሰላም እና ብልጽግናን እንደሚያመጣ ገልጸዋል።

በውይይቱ ዋነኛ አጀንዳ በሆነው የንግድ ግንኙነት፣ ሁለቱ ሀገራት የነበራቸውን ጊዜያዊ የንግድ ስምምነት (የአሜሪካ የታሪፍ ቅነሳ እና የቻይና ማዕድናት ኤክስፖርት ክልከላ ማንሳትን ያካተተ) እስከ ጥር 10 ቀን ድረስ ለተጨማሪ ሁለት ወራት ለማራዘም መስማማታቸውን የአሜሪካ የግምጃ ቤት ጸሐፊ ስኮት ቤሰንት አስታውቀዋል። በሌላ በኩል ፕሬዝዳንት ትራምፕ "ሱፐር ኢንተለጀንስ" (ቴክኖሎጂ አሁን ባለበት ነጻ ዕድገት እንዲቀጥል ፍላጎት እንዳላቸው ሲገልጹ፣ ፕሬዝዳንት ሺ በበኩላቸው ቴክኖሎጂው የሰዎችን ደህንነት በጠበቀና በሰው ልጆች ቁጥጥር ስር መዋል እንዳለበት አሳስበዋል።

ከዚህም በተጨማሪ መሪዎቹ ቻይና ዋነኛ የንግድ አጋር ከሆነችላት ኢራን ጋር በተያያዘ፣ አሜሪካ በቅርቡ በጀመረችው የማዕቀብ ዘመቻ እና በቀጠናው ጦርነት ዙሪያ ይመክራሉ። የሁለቱን ሀገራት ጤናማ የውድድር መንፈስ ያወደሱት ፕሬዝዳንት ሺ ጂንፒንግ፣ የዲፕሎማሲ ግንኙነቱን ይበልጥ ለማጠናከር ቻይና በቅርብ ቀናት ውስጥ ሁለት ፓንዳዎችን በጆርጂያ ለሚገኘው የአትላንታ የእንስሳት መጠለያ እንደምትልክ አብስረዋል።







(u12d8-u1210u1260u123b u12dcu1293) u12e8u12a0u121cu122au12abu12cd u1355u122cu12ddu12f3u1295u1275 u12f6u1293u120du12f5 u1275u122bu121du1355 u12a5u1293 u12e8u127bu12edu1293u12cd u1355u122cu12ddu12f3u1295u1275 u123a u1302u1295u1352u1295u130d u1260u1295u130du12f5u1363 u1260u12a0u122du1272u134au123bu120d u12a2u1295u1270u1208u1300u1295u1235 (AI) u12a5u1293 u1260u12a2u122bu1295 u1326u122du1290u1275 u12d9u122au12eb u1275u12a9u1228u1271u1295 u12ebu12f0u1228u1308 u12a8u134du1270u129b u12cdu12edu12edu1275 u1210u1219u1235 u12d5u1208u1275 u1260u12cbu12edu1275 u1200u12cdu1235 u121bu12abu1204u12f5 u1300u121du1228u12cbu120du1362 u1355u122cu12ddu12f3u1295u1275 u1275u122bu121du1355 u127bu12edu1293u12cau12cdu1295 u12a0u127bu1278u12cdu1295 u12a0u12e8u122d u121bu1228u134au12eb u12f5u1228u1235 u1260u1218u1308u1298u1275 u1260u12c8u1273u12f0u122bu12ca u1275u122du12a2u1275 u12e8u1273u1300u1260 u120du12e9 u12a0u1240u1263u1260u120d u12ebu12f0u1228u1309u120bu1278u12cd u1232u1206u1295u1363 u12cdu12edu12edu1273u1278u12cd u1208u1240u1323u12eeu1279 u12a0u1235u122du1275 u12d3u1218u1273u1275 u1230u120bu121d u12a5u1293 u1265u120du133du130du1293u1295 u12a5u1295u12f0u121au12ebu1218u1323 u1308u120du1338u12cbu120du1362

u1260u12cdu12edu12edu1271 u12cbu1290u129b u12a0u1300u1295u12f3 u1260u1206u1290u12cd u12e8u1295u130du12f5 u130du1295u1299u1290u1275u1363 u1201u1208u1271 u1200u1308u122bu1275 u12e8u1290u1260u122bu1278u12cdu1295 u130au12dcu12ebu12ca u12e8u1295u130du12f5 u1235u121du121du1290u1275 (u12e8u12a0u121cu122au12ab u12e8u1273u122au134d u1245u1290u1233 u12a5u1293 u12e8u127bu12edu1293 u121bu12d5u12f5u1293u1275 u12a4u12adu1235u1356u122du1275 u12adu120du12a8u120b u121bu1295u1233u1275u1295 u12ebu12abu1270u1270) u12a5u1235u12a8 u1325u122d 10 u1240u1295 u12f5u1228u1235 u1208u1270u1328u121bu122a u1201u1208u1275 u12c8u122bu1275 u1208u121bu122bu12d8u121d u1218u1235u121bu121bu1273u1278u12cdu1295 u12e8u12a0u121cu122au12ab u12e8u130du121du1303 u1264u1275 u1338u1210u134a u1235u12aeu1275 u1264u1230u1295u1275 u12a0u1235u1273u12cdu1240u12cbu120du1362 u1260u120cu120b u1260u12a9u120d u1355u122cu12ddu12f3u1295u1275 u1275u122bu121du1355 \

ጥሬ ዕቃን ኤክስፖርት ማድረግ ጥሬነት ነው
#ethiopia | የኩባው ፕሮፌሰር ካርሎስ ሙር አፍሪካ በያዘችው ከፍተኛ የተፈጥሮ ሀብት ምክንያት የዓለም አቀፍ ሀይሎች ትኩረት መሳቧን ገልጸው የአህጉሪቱ መሪዎች የሀገራቸውንና የህዝባቸውን መጻኢ እድል ለማስጠበቅ በአስቸኳይ ሊነቁ እንደሚገባ ሳ
አሳሰቡ።

ፕሮፌሰሩ ይህንን ያሉት ከ«ኪቦቦ ፖድካስት» ጋር ባደረጉት ውይይት ሲሆን በአፍሪካ ያለውን የተፈጥሮ ሀብት የመሪዎች ሚና እና በጉዳዩ ላይ ያለውን ዓለም አቀፋዊ ፍላጎት አስመልከተው አስተያየታቸውን ሰጥተዋል።

​አፍሪካ እንደ ነዳጅ፣ ጋዝ፣ ወርቅ፣ ኮባልት፣ ኮፐር፣ ሊቲየም እና ዩራኒየም ያሉ እጅግ ውድ ማዕድናት ባለቤት ብትሆንም አብዛኞቹ ሀብቶች ያለ ምንም ተጨማሪ እሴት በጥሬነታቸው ወደ ውጭ አገር ይላካሉ።

ይህም ሀጉሪቱ ጥሬ ዕቃዎችን ወደ ተጠናቀቁ ምርቶች በመቀየር ማግኘት የሚገባትን ከፍተኛ ኢኮኖሚያዊ ጥቅም እንድታጣ አድርጓታል።

​ፕሮፌሰር ካርሎስ ሙር ለሀጉሪቱ መሪዎች አስተላልፈውት የነበረው መልእክት ግልጽና ወሳኝ ሲሆን አፍሪካ ዓለም የሚፈልገው ሀብት ያላት በመሆኗ የአፍሪካ ሀገራት ይህንን ሀብታቸውን በጥበብና በስልታዊ መንገድ የማስተዳደር አቅማቸውን ማሳደግ እንዳለባቸው አሳስበዋል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

የማዕድን ዘርፍ፡ የኢትዮጵያ ኢኮኖሚ አዲሱ ምሰሶ

አዲስ አበባ፣ መስከረም 12፣ 2019 (ኤፍ ኤም ሲ) የመደመር መንግሥት ሀገራዊ የኢኮኖሚ እድገትን ለማፋጠን ካስቀመጣቸው አምስት ዋና ዋና የሀገር ኢኮኖሚ እድገት ምሰሶዎች መካከል የማዕድን ዘርፍ አንዱና ወሳኙ የትኩረት አቅጣጫ ነው።

ኢትዮጵያ በመሬቷ ጉያ እጅግ በርካታ የከበሩ ማዕድናት ሀብት የታደለች ቢሆንም፣ ቀደም ባሉት ዓመታት ዘርፉ ለሀገር ኢኮኖሚ ያበረከተው አስተዋጽኦ ከአቅሙ አንጻር ሲታይ አነስተኛ ነበር።

የመደመር መንግሥት ይህንን ክፍተት ለመሸፈን በዘርፉ መዋቅራዊ ማሻሻያ በማድረግ፣ የውጭና የሀገር ውስጥ ኢንቨስትመንትን በመሳብ እና የሕገ-ወጥ ንግድን በመግታት የላቀ እንቅስቃሴ በማድረግ ላይ ይገኛል።

ውስብስብ የነበሩ የአሠራር ሥርዓቶችን በማቃለል፣ ግልጽነትን በመፍጠር እና የውጭ ቀጥታ ኢንቨስትመንትን ለመሳብ የሚያስችሉ አዳዲስ የሕግ ማዕቀፎች እና የፈቃድ አሰጣጥ ደንቦች በማዘጋጀት ሥራ ላይ ውለዋል።

በሺዎች የሚቆጠሩ በባህላዊ መንገድ ይሠሩ የነበሩ ማዕድን አውጪዎች በማኅበር እንዲደራጁ፣ የቴክኒክና የፋይናንስ ድጋፍ እንዲያገኙ በማድረግ ከሕገ-ወጥ ንግድ ወደ ሕጋዊ ሥነ-ምህዳር እንዲገቡ ተደርጓል።

ጥሬ ማዕድናትን በቀጥታ ከመላክ ይልቅ በሀገር ውስጥ እሴት እንዲጨመርባቸው የሚያስችሉ የኢንዱስትሪ ማዕከላትና የማጣሪያ ፋብሪካዎች፣ ማለትም የወርቅና የከበሩ ድንጋዮች ማጣሪያዎች እንዲገነቡ በማበረታታት በርካቶች ወደ ሥራ እንዲገቡ ተደርጓል።

እንደ ወርቅ፣ ታንታለም፣ ሊቲየም፣ እብነ-በረድ ፣ ፖታሽ እና የድንጋይ ከሰል የመሳሰሉ ማዕድናት በሰፊው እንዲመረቱ በማድረግ ወደ ውጭ በመላክም ሆነ ከፍተኛ የውጭ ምንዛሪ ከማስገኘትና ከውጭ የሚገቡ ምርቶችን ከመተካት አንጻር ከፍተኛ ሥራ በመሠራት ላይ ይገኛል።

በኢትዮጵያ ብሔራዊ ባንክ በኩል የሚደረገውን የወርቅ ግዥ ማበረታታትን ጨምሮ በተወሰዱ ርምጃዎች፣ በሕገ-ወጥ መንገድ ይወጣ የነበረውን ወርቅ ወደ ሕጋዊ መስመር በማስገባት ከወርቅ ወጪ ንግድ የሚገኘውን የውጭ ምንዛሪ በከፍተኛ ደረጃ ማሳደግ ተችሏል።

በዚህም እንደ ማዕድን ሚኒስቴር መረጃ፥ በ2018 ዓ.ም. የመጀመሪያዎቹ ዘጠኝ ወራት ብቻ ከማዕድን ወጪ ንግድ ከ4 ቢሊየን ዶላር በላይ ገቢ ተገኝቷል።

ይህም ከሦስት ዓመታት በፊት የሀገሪቱ አጠቃላይ ዓመታዊ የኤክስፖርት ገቢ የነበረውን ያህል መሆኑ፣ ዘርፉ በተሰጠው ትኩረት በጥቂት ዓመታት ያመጣውን ትልቅ ስኬት ያሳያል።

በአጠቃላይ በ2018 በጀት ዓመት ከማዕድን ምርት ከ5 ነጥብ 7 ቢሊየን ዶላር በላይ ገቢ ተገኝቷል።

ለግንባታ ግብዓት ኢንዱስትሪዎች የሚያገለግለውን የድንጋይ ከሰል ምርትን በሀገር ውስጥ ለማምረት በተደረገው ጥረት፣ ለሲሚንቶ እና ለሌሎች ኢንዱስትሪዎች የሚሆን የድንጋይ ከሰል በማምረት ከውጭ ሀገር የሚገባውን በመተካት በቢሊየን ዶላር የሚቆጠር ወጪን አስቀርቷል።

ይህ ዘርፍ ለብዙ ሺህ ወጣቶች፣ በተለይም በማዕድን ሀብት በበለጸጉ አካባቢዎች፣ ከፍተኛ የሥራ ዕድል መፍጠር ችሏል።

በአጠቃላይ በመደመር መንግሥት የማዕድን ዘርፉ የውጭ ምንዛሪ ለማስገኘት እና የገቢ ምርቶችን ለመተካት እንደ ዋና አምድ ሆኖ በማገልገል ላይ ይገኛል።

በቀጣይ የተጀመሩትን ሥራዎች ማለትም የመሠረተ ልማት ዝርጋታዎችን በማስፋፋት፣ ሕገ-ወጥ ንግድን በመቆጣጠር እንዲሁም የውጭ ኢንቨስትመንትን አጠናክሮ በመሳብ ዘርፉ ለሀገሪቱ የኢኮኖሚ እመርታ የሚጫወተውን ሚና ይበልጥ ማጠናከር ይገባል።

በመልካም ፈቃዱ

ሳዲዮ ማኔ በሃገሩ ሴኔጋል በ20 ሚሊዮን ዶላር ወጪ ግዙፍ የግብርና እና ኢንዱስትሪ ፕሮጀክት አስጀመረ
#fastmereja I የሴኔጋል የእግር ኳስ ኮከብ ሳዲዮ ማኔ በደቡባዊ ሴኔጋል በሚገኘውና በተወለደበት ባምባሊ መንደር የ20 ሚሊዮን ዶላር ግዙፍ የግብርና ኢንዱስትሪ ፕሮጀክት መሠረት ድንጋይ አኖረ። እንደ DW Africa እና የአካባቢው መገናኛ ብዙኃን ዘገባ፣ ማኔ በራሱ ኩባንያ 'SM10 Agro' በኩል የሚመራውን ይህን ፕሮጀክት ሙሉ በሙሉ በራሱ የግል ገንዘብ የሚሸፍነው ነው።

በ500 ሄክታር መሬት ላይ ያረፈው ይህ ግዙፍ ፕሮጀክት የማንጎ እርሻዎችን፣ አራት የማቀናበሪያ ፋብሪካዎችን፣ የግብርና ሥልጠና ማዕከልን እንዲሁም የምርምርና ልማት ክፍሎችን ያካተተ ነው።

ፕሮጀክቱ ሥራ ሲጀምር ከ1,000 በላይ ለሚሆኑ ዜጎች ቀጥተኛ የሥራ ዕድል እንደሚፈጥር የሚጠበቅ ሲሆን፣ በዓመት እስከ 8,500 ቶን ማንጎ የማቀናበር አቅም ይኖረዋል። ፋብሪካው ማንጎን ወደ ተለያዩ ተጨማሪ እሴት ያላቸው ምርቶች እንደ የማንጎ ጭማቂ፣ ደረቅ ማንጎ እና የማንጎ ቅቤ በመቀየር ለአገር ውስጥና ለውጭ ኤክስፖርት ገበያ ያቀርባል።

ማኔ ቀደም ሲል በትውልድ መንደሩ ትምህርት ቤት፣ ሆስፒታል፣ መስጊድ፣ የነዳጅ ማደያ እና የዳቦ ቤት በመገንባት የሚታወቅ ሲሆን፤ አዲሱ የግብርና ፕሮጀክት ደግሞ ዘላቂ የሥራ ዕድልና ኢኮኖሚያዊ ጥቅም ለህብረተሰቡ ለማስገኘት ያለመ ነው። ተጫዋቹ የባምባሊ አካባቢ የሚመረተው በርካታ ማንጎ ማቀናበሪያ በማጣቱ ምክንያት ይባክን እንደነበር ገልጾ፣ "የምድራችን ፍሬ እዚሁ እንዲቀር እና እሴት እንዲፈጠርበት እፈልጋለሁ" ሲል ስለ ፕሮጀክቱ አስፈላጊነት ተናግሯል።

ሮሜል ኤሌክትሪካል አዳዲስ ምርቶቹን በይፋ አስተዋወቀ
#ethiopia | በኢትዮጵያ የኤሌክትሪክ ዕቃዎች ምርትና አቅርቦት ዘርፍ ከ20 ዓመታት በላይ ሲሰራ የቆየው ሮሜል ኤሌክትሪካል አዳዲስ ምርቶቹን ለደንበኞቹ በይፋ አስተዋውቋል።

ኩባንያው "ጥራት የመጀመሪያ ግባችን ነው" በሚለው መርሁ መሰረት በኢትዮጵያ የኤሌክትሪክ ቁሳቁሶች አቅርቦት ግንባር ቀደም አቅራቢ ለመሆን የጀመረውን ጉዞ አጠናክሮ መቀጠሉን አስታውቋል።

የሮሜል ደንበኛና የአውሮፓ ፕሮጀክት አጋር የሆነው ድርጅት በኢትዮጵያ የሚያደርገውን ኢንቨስትመንት ከማሳደጉም በላይ የሮሜልን ምርቶች ወደ ውጭ ሀገር ገበያ ለማቅረብ እየሰራ ይገኛል ተብሏል።

ሮሜል ዛሬ ካስተዋወቃቸው ምርቶች መካከል ስዊቾችና ሶኬቶች፣ ብሬከሮች፣ ማግኔቲክ ትራክ ላይቶችና ሌሎችም ምርቶች ይገኙበታል።

ድርጅቱ ጥራቱን የጠበቁ ምርቶችን በማቅረብና ኤክስፖርት በማሳደግ በየዓመቱ ተመሳሳይ መርሃ ግብሮችን እንደሚያዘጋጅ አስታውቋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #romel #romelelectrical #equipment #technology

በኢሉ አባቦር ዞን 700 ሺህ ኩንታል የአቮካዶ ምርት ለገበያ ለማቅረብ እየተሠራ ነው
*****************

በኢትዮጵያ በአቮካዶ ልማት ላይ የተሰጠው ከፍተኛ ትኩረት የምግብ ሉዓላዊነትን ከማረጋገጥ ባሻገር ለአርሶ አደሮች ተጨማሪ የገቢ ምንጭ፣ ለሀገራችን ደግሞ ሌላኛው የውጭ ምንዛሬ ማስገኛ ሆኗል።

ምንም እንኳን ኢትዮጰያ በአትክልትና ፍራፍሬ ዘርፍ እምቅ የመልማት አቅም ያላት ቢሆንም፣ ቀደም ሲል ዘርፉ ተገቢውን ትኩረት ባለማግኘቱ ውጤታማነቱ በሚፈለገው ልክ ሳይረጋገጥ ቆይቷል። ይህንን ክፍተት ለመሙላትና የዘርፉን አፈጻጸም ለማሳደግ ብሔራዊ የአቮካዶ ልማት ፕሮግራም ተግባራዊ መደረጉን ተከትሎ፣ አርሶ አደሮች ምርታማና በገበያ ላይ ተመራጭ የሆኑ የአቮካዶ ዝርያዎችን በስፋት እንዲያለሙ እየተደረገ ይገኛል።

በኦሮሚያ ክልል በአቮካዶ ልማት ኢኒሼቲቭ ስኬታማ ውጤት ከተመዘገበባቸው አካባቢዎች አንዱ በሆነው በኢሉ አባቦር ዞን፣ በርካታ አርሶ አደሮች በዓለም አቀፍ ገበያ ከፍተኛ ተፈላጊነት ያለውን ‘ሀስ’ የተሰኘውን የአቮካዶ ዝርያ በማምረት ላይ ናቸው።

በዞኑ የበቾ ወረዳ አርሶ አደሮች ለአራተኛ ዙር የአቮካዶ ምርታቸውን ለውጭ ገበያ ማቅረባቸውን ገልጸው፤ በአረንጓዴ አሻራ መርሃ ግብር ያለሙት አቮካዶ አሁን ላይ ለምግብነት ከመዋል አልፎ ለሀገር ውስጥና ለውጭ ገበያ እየቀረበ ይገኛል ብለዋል። ይህም ተጨማሪ የገቢ ምንጭ እንደሆናቸው የጠቆሙት አርሶ አደሮቹ፣ በቀጣይም አቮካዶን በጓሮ ብቻ ከማልማት ይልቅ በሰፊ ማሳ ላይ በክላስተር በማምረት ተጠቃሚነታቸውን የበለጠ ለማሳደግ እየሠሩ መሆናቸውን ተናግረዋል።

የኢሉ አባቦር ዞን ግብርና ጽሕፈት ቤት ምክትል ኃላፊ አቶ ዳኜ ፍቅሬ በበኩላቸው፤ አርሶ አደሮች ገበያ ተኮር የግብርና ምርቶችን በስፋት እንዲያመርቱ ሙያዊ ድጋፍና ክትትል ቀጣይነት ባለው መልኩ እየተደረገ እንደሚገኝ ገልጸዋል።

በዞኑ ከ700 ሺህ ኩንታል በላይ የአቮካዶ ምርት ለውጭና ለሀገር ውስጥ ገበያ ለማቅረብ ታቅዶ በትኩረት እየተሠራ መሆኑንና በተፈጠረው የገበያ ትስስር አርሶ አደሮች ምርታቸውን በቀጥታ ኤክስፖርት በማድረግ ላይ እንደሚገኙ ጠቁመዋል።

በአረንጓዴ አሻራ መርሃ ግብር የተተከሉ የፍራፍሬ ችግኞች በአንድ በኩል የአፈር ለምነት እንዲሻሻል በማድረግ ምርትና ምርታማነትን ያሳደጉ ሲሆን፣ በሌላ በኩል ደግሞ ለአርሶ አደሩ ዘላቂ የገቢ ማስገኛ አማራጭ ሆነዋል።

ይህንን ጅምር አጠናክሮ በማስቀጠል ኢትዮጵያን ተመራጭ የአቮካዶ አምራችና ላኪ ሀገር ለማድረግ፣ ዘርፉም ከፍተኛ የውጭ ምንዛሬ እንዲያስገኝ ትልቅ ተስፋ ተጥሎበታል።

በሚፍታህ አብዱልቃድር

ተናግሮ ማድረግ ፣ ቃል ገብቶ መፈጸም:- የመንግሥት ኮሙኒኬሽን አገልግሎት መግለጫ
***********************
የዘንድሮው የኢትዮጵያ አዲስ ዓመት ተራ የቀን መቁጠሪያ ለውጥ ብቻ አይደለም። ሀገራችን አዲስ ገጽ ገልጣ አዲስ ታሪክ ጽፋለች፤ መርጣለች፣ መክራለች፣ አሸንፋለች፣ አንሰራርታለችም። ፈተናዎች ወደ ታላቅ ዕድል ተቀይረዋል።

በጸኑ እና ዝቅ ብለው በሠሩ ልጆቿ ጥረት የዘመናት የአዙሪት ጥላ ላይመለስ ተገፏል፤ ባለፉት ጥቂት የለውጥ ዓመታት ብቻ ለበርካታ አስርት ዓመታት ያላሳካናቸውን ድሎች ማሳካት ችለናል። ሩቅ የማለም፣ አቅዶ የመጀመር እና በፍጥነት የማጠናቀቅ አዲስ የሥራ ባህልም ገንብተናል። ይህ የሀገራችንና የመንግሥቷ ልዩ መገለጫ ሆኗል።

ዛሬ በኢትዮጵያ ሰማይ ሥር የሚጨበጥ ብርሃን ፈንጥቋል። ከአፈሙዝ የሥልጣን ውርስ ተላቆ «ሀገረ መንግሥት በሕዝብ ካርድ ብቻ ይጽና» የሚል ድምፅ ከአጽናፍ አጽናፍ አስተጋብቷል። ሕዝባችን ቀን በፀሐይ፣ ሌት በውርጭ፣ ከሕመሙ ታግሎ፣ አትምረጥ ካለው ጋር ገጥሞ፣ የሚፈልገውን ነግሮናል። ሀገር አጽንቷል፣ ዴሞክራሲን መርጧል።

በሀገራዊ የምክክር ማዕቀፍ የኅብረ-ብሔራዊቷ ሀገራችን ልጆች ተሰባስበው ስለ እናት ሀገራቸው በአንድ አዳራሽ መክረዋል፤ ዘክረዋል። ይበጃል ያሉትን በጎ ሐሳቦች በነፃነት አቅርበዋል። በአጭሩ በኢትዮጵያ ምድር በዘመኑ አርበኞች አዲስ ገድል ተፈጽሟል። ይህ እውነት የልጆቻችንን ተስፋ ያለመለመ፣ በዘመናት መካከል በኩራት የምንተርከው ወርቃማ ታሪካችን ነው።

አንቆምም! ገና ብዙ ሥራ አለብን፤ እንፈጥናለን፣ መሰናክሎቻችንን ሁሉ በብሕላት እየዘለልን ወደ ሀገራችን መሻቶችና ሕልሞች በጽናት እንዘልቃለን። ታላቅ ሀገር አለችን፤ እየተማከርን እንገነባታለን፣ እየገነባንም እንማክራለን። ሁሉንም አሸናፊ ያደረገው አዲሱ መንገዳችን ይኸው ነው። መመካከር ።መመካከር ። መመካከር።

ባለፉት የለውጥ ዓመታት የሕግ የበላይነት በጥብቅ ዲሲፕሊን ከተመራበት መንገድ ጎን ለጎን፣ መንግሥታችን ያጠፉ ልጆቹን በምሕረት አቅፏል፤ በርካታ የፖለቲካ እስረኞችን በይቅርታ ፈትቷል። ይህ ውሳኔ ብዙ ሀገራት የተመኙት፣ ኢትዮጵያ ግን ያሳካችው የበቀል አዙሪትን የሰበረ ታላቅ እርምጃ ነው።

ውሳኔው ለሀገራችን ዘላቂ ጥቅም ሲባል የተከፈለ ውድ ዋጋ መሆኑን የመደመር መንግሥት ይገነዘባል። ይቅርታ የጽኑ ሀገረ-መንግሥት ዋነኛ ምሰሶ ነው፤ ውሳኔው ከሀገራዊ ምክክሩ ጋር ተጣጥሞ ብሔራዊ መግባባትን ያጠናክራል። የተፈቱት ወገኖቻችን ዕውቀታቸውን እና አቅማቸውን ለሀገር ግንባታ እንደሚያውሉ እናምናለን፤ ይህም ለነገዋ ኢትዮጵያ የማይናወጥ መሠረት ይጥላል።

ከፖለቲካዊ እና ማኅበራዊ መግባባት ጎን ለጎን፣ በአንድ ሀገር ፖለቲካዊ መረጋጋት እየተሻሻለ የሚመጣው በሀገር ደረጃ ጠንካራ የኢኮኖሚ ስኬቶች ሲመዘገቡ እና ሕዝባዊ አመኔታ ሲገነባ ነው። ኢትዮጵያ ይህን አድርጋዋለች።

ዛሬ ላይ በሀገራችን እየተመዘገበ ያለው አጠቃላይ የኢኮኖሚ ዕድገት በአፍሪካ ፈጣኑ እና መሠረቱ የሰፋ አስደናቂው እድገት ነው። ይህን እውነት ባንዳውም ባዳውም ሳይወድ በግዱ ይቀበለዋል።

የመደመር መንግሥት ጉርሷን የማትለምን እና ክብሯን የጠበቀች ሉዓላዊት ሀገር ለመፍጠር
በሁሉም መስክ ጥረት አድርጓል ።አበራታች ስኬቶች ተመዝግበዋል። ከለጋሽ እጅ ስንዴ የመጠበቅ ታሪካችን አብቅቶ በበጋ ስንዴ ራስን ከመቻል ያለፈ አዲስ ታሪክ ጽፈናል።

በየዓመቱ በቢሊዮን የሚቆጠሩ ችግኞችን በመትከል የራሳችንን ክብረ ወሰን ደጋግመን አሻሽለናል፤ በአካባቢ ጥበቃም ለዓለም አቀፍ ትብብር አርአያ ሆነናል። ይህ ስኬት በሌላ ሀገር የተፈጸመ ቢሆን ምንኛ በተነገረ ነበር፤ ዳሩ ግን እኛ ድልን ደጋግመን ያጣጣምን የጀግኖች አባቶቻችን ልጆች ነን። ፈጽመነዋል።

ርዕያችን ሩቅ ነው ፣ መንገዳችን መደመር ነው፣ ስንደመር አትርፈናል ፤ ስንሰባሰብ ጠንክረናል። በሌሎች ሀገራት የጸብ መንስኤ፣ የሀገር ዕዳ የሆኑትን ማዕድናት እኛ የሀገር ምንዳ ፣ የሀገር ተስፋ አድርገናል፤ በታዳሽ ኃይል ፕሮጀክቶቻችን ቀጣናውን አስተሳስረናል፤ የከተሞቻችን ገጽታ በዘመናዊ የኮሪደር ልማት ተለውጧል። የኮንፈረንስ ቱሪዝም ተስፋፍቷል ፤ አዳዲስ የቱሪዝም መዳረሻዎችን ገንበተናል።

ነባር ቅርሶቻችንንም አቧራቸውን አራግፈን ወደ ነገ አሻግርናል።
ትውልድን አስበን የዲጂታል 2030 ስትራቴጂን ተግባራዊ እያደረግን ነው። የመንግሥት አሠራርንም ግልጽና ቀልጣፋ ለማድረግ መሠረት ተጥሏል ። ከሁሉም በላይ ሀገራችንን ከሚሽኮረመም የውጭ ፖሊሲ አላቀን ለብሔራዊ ጥቅማችን በጽናት ቆመናል ፤ በአለም መድረክ የሚገባንን ጠይቀናል።

የምንገነባው ሀገረ-መንግሥት የመደመር እሳቤ ላይ የተመሠረተ ነው ፣ ትኩረቱም በጽኑ ተቋማት ግንባታ ላይ ነው። የፍትሕ፣ የፀጥታ እና የዴሞክራሲ ተቋሞቻችን ጠንካራ መሠረት ይዘዋል። ወገባችንን አጥብቀን ዝቅ ብለን በሠራነው ሥራ ቀና ብለን መሄድ ጀምረናል፣ ዛሬ ላይ ሀገር የሚሸከሙ፣ መጪውን ጊዜ የተለሙ እና ከሥርዓት መቀያየር የተሻገሩ ተቋማዊ አቅሞች ተፈጥረዋል።

ባለፉት ጥቂት ዓመታት፣ የለውጡ መንግሥት ልዩ የሚያርገውን መገለጫን አስተዋውቋል፤ ፕሮጀክቶችን ይጀምራል፣ አጠናቆም ይመርቃል። ይህ በሕዝባችን አንደበት ተደጋግሞ የሚነገር እውነትኛ ምስክርነት ነው። የተዘጉ ኢንዱስትሪዎች ተከፍተዋል፤ ለዘመናት የኪሳራ ምሳሌ የሆኑ ተቋማት ወደ ትርፋማነት ተሸጋግረዋል ፤ በኢንቨስትመንት ፣በኤክስፖርት እና በተኪ ምርት እመርታዊ ለውጥ አሳክተናል።

ከዚህም በላይ ታላቁን የህዳሴ ግድባችንን ባጠናቀቅንበት ማግስት በጉባ ከ30 ቢሊዮን ዶላር በላይ የሚያወጡ እና የኢትዮጵያን መጻኢ ዕድል የሚወስኑ አዳዲስ ሜጋ ፕሮጀክቶችን ለሕዝባችን አብሰረነዋል።

የኢነርጂ ዋስትናን ለማረጋገጥ የኒውክሌር ማዕከል ለመገንባት አዲስ ውል ታስሮ ሥራ ተጀምሯል ፤ በሶማሌ ክልል የኢትዮጵያ ጸጋዎችን ገልጠናል። የተፈጥሮ ጋዝ ማጣሪያ ፕሮጀክቶች ቀን ከሌት እየተሰራ ይገኛል ። በዓመት 100 ሚሊዮን መንገደኞችን የሚያስተናግደው የቢሾፍቱ ኤርፖርት የአፍሪካ አቪዬሽን ዘውድ ደፍቶልን በሰማዩ ያነግሰናል።

በዓመት ከ1 ቢሊዮን ዶላር በላይ የሚያድነው የማዳበሪያ ፋብሪካም የግብርና ምርታማነትን በማረጋገጥ ለገበሬዎቻችን እፎይታ ይሆናል ፤ ተስፋችን ብዙ ነው። የብዙዎችን ህይወት የሚቀይረው የ1.5 ሚሊዮን ቤቶች ልማት ከዓለም አቀፍ ተቋማት ጋር በትብብር ሥራው ተጀምሯል። እናሳካዋለን ! ተናግሮ ማድረግ ፣ ቃል ገብቶ መፈጸም በመደመር መንግሥት ለትውልድ የተጣሉ ጠንካራ መሠረቶች ናቸው።

ከእርዳታ ጥገኝነት ወደ አምራችነት፤ የኢትዮጵያ የስንዴ ልማት ምዕራፍ

አዲስ አበባ፣ መስከረም 7፣ 2019 (ኤፍ ኤም ሲ) ኢትዮጵያ ለዘመናት በምግብ እርዳታና ከውጭ ከሚገባ ስንዴ ጋር ተያይዞ ሲነሳ የነበረውን የታሪክ ገጽ በማጠፍ የምግብ ሉዓላዊነቷን ማረጋገጥ የሚያስችላትን አዲስ የታሪክ ምዕራፍ ከፍታለች።

ቀደም ሲል ከባህር ማዶ የሚመጣ እርዳታ ጠባቂ የነበረችው ኢትዮጵያ ዛሬ በፖሊሲ ማሻሻያዎችና በተቀናጀ የብልጽግና ጉዞ የሀገር ውስጥ ፍላጎቷን አሟልታ ለጎረቤት ሀገራት መትረፍ ችላለች።

ይህም የህዝቡን የትጋት ባህልና የመንግሥትን የጠራ እይታ አስተሳስሮ በግብርናው ክፍለ ኢኮኖሚ ውስጥ አዲስ የልማት ምዕራፍ የከፈተ ተግባር ሆኗል።

የዚህ ታላቅ ስኬት መነሻ የመንግሥት ቁርጠኝነትና ግልጽ የፖሊሲ አቅጣጫ ነው።

በዚህም ያለውን የመሬት፣ የውሃና የሰው ኃይል ሀብት ተቀናጅቶ ጥቅም ላይ እንዲውል በተደረገው ጥረት ቀድሞ ለልማት የማይታሰቡ እንደ ሶማሌና አፋር ያሉ ቆላማ አካባቢዎች ዛሬ የስንዴ ልማት ማዕከል ለመሆን በቅተዋል።

በበጋ መስኖ ስንዴ ልማት ላይ በተደረገው ሰፊ እንቅስቃሴም በሚሊየን የሚቆጠር ሄክታር በላይ መሬት በማልማት አርሶ አደሩን በዘመናዊ የግብርና ቴክኖሎጂ የመደገፍ ስራ ተከናውኗል።

ይህ ርምጃ አርሶ አደሩ ዝናብን ብቻ የመጠበቅ ልማዱን ቀይሮ በዓመት ከሶስት ጊዜ በላይ እንዲያመርትና መስኖን የዘወትር ባህሉ እንዲያደርግ አስችሎታል።

ይህ በሀገር ውስጥ የተመዘገበው ስኬት በዓለም አቀፍ መድረኮችም የኢትዮጵያን ዲፕሎማሲያዊና ኢኮኖሚያዊ ቁመና ከፍ አድርጎታል።

በቅርቡ በሕንድ ኒው ዴልሂ በተካሄደው የብሪክስ ጉባኤ ላይ የተገኙት ጠቅላይ ሚኒስትር ዐቢይ አሕመድ (ዶ/ር) ኢትዮጵያ ራሷን በስንዴ ምርት መቻሏን ገልጸዋል፡፡

የስንዴ ምርት እድገት ቁጥራዊ መረጃዎች እንደሚመሰክሩት ቀደም ሲል በዓመት ከ50 ሚሊየን ኩንታል በላይ የማምረት ታሪክ ያልነበራት ኢትዮጵያ በአሁኑ ወቅት ምርታማነቷን በከፍተኛ ሁኔታ በማሳደግ በዓመት ከ317 ሚሊየን ኩንታል በላይ ማድረስ ችላለች።

ይህም ቀደም ሲል በአፍሪካ ቀዳሚ የነበረችውን ግብጽ በሶስት እጥፍ በመብለጥ ኢትዮጵያን በአፍሪካ አህጉር ቀዳሚዋ የስንዴ አምራች ሀገር አድርጓታል።

ይህ የተመዘገበው ውጤት ኢትዮጵያ ከተመጽዋችነትና ከእርዳታ ጠባቂነት ተላቅቃ የራሷን ዕድል በራሷ እጅ መጻፍ እንደምትችል ለዓለም ያሳየችበት ማረጋገጫ ነው።

የስንዴ ኤክስፖርት ማካሄድ መጀመሩም የመጨረሻው ግብ ሳይሆን ወደላቀ የኢኮኖሚ ከፍታ ለመሸጋገር የተወሰደ የመጀመሪያው ጠንካራ ርምጃ ነው።

በቆራጥነት በዕቅድና በጠንካራ አመራር የተጀመረውን የስንዴ ልማት ሥራ በማስቀጠል የምግብ ሉዓላዊነትን ማረጋገጥ እና የሀገርን ክብር ማስጠበቅ የሚያስችል እውነታ መሆኑን ኢትዮጵያ እየሄደችበት የምትገኘው የልማት ጉዞ በተግባር አረጋግጧል።

በዮናስ ጌትነት

ከሜሶፖታሚያ እስከ ሰመራ፤ ኢትዮጵያን የቴምር ኤክስፖርት ማዕከል የማድረግ ታላቁ ሀገራዊ ራዕይ እና እምቅ አቅም
*************************

ቴምር በሰው ልጅ የታሪክ መዛግብት ውስጥ ረጅም ዘመናትን የተሻገረ፣ ለምግብነት እና ለማህበራዊ ህይወት ከፍተኛ ዋጋ ያለው ድንቅ የተፈጥሮ ስጦታ ነው።

የታሪክ መረጃዎች እንደሚያመለክቱት የቴምር ዛፍ እርሻ የተጀመረው ከአምስት ሺህ ዓመታት በፊት በመካከለኛው ምስራቅ እና በሜሶፖታሚያ (የአሁኗ ኢራቅ) አካባቢ ነበር።

በበረሃማ እና ሞቃታማ የአየር ፀባይ ውስጥ በፅናት የማደግ ተፈጥሯዊ ምስጢር ያለው ይህ ሰብል፣ ጥንታውያኑ የህብረተሰብ ክፍሎች ለረጅም መንገድ ጉዞዎች እና ለድርቅ ጊዜያት እንደ ዋና የምግብ ምንጭ እንዲጠቀሙበት አስችሏቸዋል።

ረጅም ጊዜ የመቆየት ባህርይውም በንግድ መስመሮች በኩል በፍጥነት ወደ ተለያዩ የዓለም ክፍሎች እንዲሰራጭ አድርጎታል።

በአሁኑ ወቅት የቴምር ምርት እና ንግድ በዓለም አቀፍ ደረጃ ከፍተኛ የኢኮኖሚ እንቅስቃሴ የሚታይበት ዘርፍ ሆኗል።

እንደ ግብፅ፣ ሳዑዲ አረቢያ፣ ኢራን፣ አልጄሪያ እና ኢራቅ ያሉ ሀገራት ከፍተኛውን የቴምር ምርት ለዓለም ገበያ የሚያቀርቡ ዋና ዋና አምራቾች ናቸው።

ከቅርብ ጊዜ ወዲህ የቴምር ፍላጎት በመላው ዓለም እየጨመረ የመጣው ምርቱ በተፈጥሯዊ ስኳር፣ በፋይበር፣ በቪታሚኖች እና በማዕድናት የበለፀገ በመሆኑና በርካታ የጤና አወንታዊ ጎኖች በመኖራቸው ነው። ይህም አህጉራዊ እና አለም አቀፍ የቴምር ገበያ በከፍተኛ ፍጥነት እንዲስፋፋ ምክንያት ሆኗል።

ወደ ሀገራችን ኢትዮጵያ ስንመጣ፣ ኢትዮጵያ ለቴምር ልማት እጅግ በጣም ምቹ የሆነ የተፈጥሮ አየር ጠባይ እና የበለፀገ የመሬት ሀብት አላት።

በተለይም እንደ አፋር፣ ሶማሊ፣ ድሬዳዋ፣ ቤኒሻንጉል ጉሙዝ እና በታችኛው ኦሞ ሸለቆ ያሉ ዝቅተኛ እና ሞቃታማ (ቆላማ) አካባቢዎች ለቴምር ዛፍ እድገትና ምርታማነት እጅግ ተስማሚ ናቸው።

ጥናቶች እንደሚያሳዩት በሀገራችን ከ500 እስከ 700 ሺህ ሄክታር የሚደርስ መሬት ለቴምር ልማት ከፍተኛ ተስማሚነት ያለው ሲሆን፣ በአሁኑ ወቅት በአፋር ክልል 453 ሄክታር መሬት በቴምር እየለማ እንደሚገኝ የግብርና ሚኒስቴር መረጃ ያሳያል።

እነዚህ ሰፊ የከርሰ ምድር ውሃ እና የወንዞች ፍሰት ያላቸው ቆላማ አካባቢዎች በስፋት ጥቅም ላይ ከዋሉ ኢትዮጵያ ከውጭ የምታስገባውን የቴምር ምርት በሀገር ውስጥ ሙሉ በሙሉ መተካት ትችላለች።

ዘርፉ በስፋት ሲለምድ በቆላማ አካባቢዎች ለሚኖሩ አርብቶ አደሮች እና ከፊል አርብቶ አደሮች ዘላቂ የገቢ ምንጭ ከመፍጠሩ በላይ፣ ለበርካታ ወጣቶች የሥራ ዕድል ይፈጥራል።

በተጨማሪም ሀገራችን በአሁኑ ወቅት ለቴምር ምርት ገቢ የምታወጣውን ከፍተኛ የውጭ ምንዛሬ ለማዳን እና በቀጣይም ምርቱን ወደ ጎረቤት ሀገራት በመላክ ተጨማሪ የውጭ ምንዛሬ ለማግኘት ትልቅ መንገድ ይከፍታል።

ለዚህም በምርምር የተደገፉ የቴምር ዝርያዎችን በማስተዋወቅ፣ አምራቹን ማህበረሰብ በማሰልጠን እና የኢንቨስትመንት ድጋፎችን በማመቻቸት ዘርፉን ማጠናከር የሀገርን የኢኮኖሚ ህዳሴ ያፋጥነዋል።

ይህንን ሀገራዊ እምቅ አቅም ለዓለም አቀፍ ማህበረሰብ እና ለሀገር ውስጥ ባለሀብቶች ለማስተዋወቅ ታላቅ ሁነት ተዘጋጅቷል።

ሁለተኛው አለምአቀፍ የቴምር ፌስቲቫል በኢትዮጵያ አዘጋጅነት ከመስከረም 10 እስከ 12/2019 ዓ.ም በአፋር ክልል ሰመራ ከተማ በተለያዩ ሁነቶች ይከበራል።
#ethiopia #datepalm #afar #agriculture #economicgrowth

የቴስቲ ትሬዲንግ ባለቤት እና ዋና ስራ አስፈጻሚ አቶ ፈይሰል አብዶሽ የጉጂ አንድ ኪሎ ቡና በ2 ሺ 376 .50 ዶላር በመሸጥ በኢትዮጵያ ከፍተኛውን የቡና ዋጋ ሪከርድ አስመዘገቡ::

ቴስቲ ትሬዲንግ ኃ/የተ/የግል ማኀበር / ቴስቲ ኮፊ / ባለቤቱ "ፈይሰል አብዶሽ ሲግኔቸር " በሚል ያቀረበውና ተቀማጭነቱን በእንግሊዝ እና አሜሪካ ባደረገው ኤም ካልቲቮ (m-cultivo) ዌብ ሳይት ባወጣው ኦንላይን የስፔሻሊቲ ቡና ጨረታ በኢትዮጵያ ከፍተኛውን ሽያጭ ማለትም ለአንድ ኪሎ ግራም የጉጂ ቡና 2ሺ 376.50 የአሜሪካን ዶላር ወይንም 380 ሺ ብር ገደማ አስገኝቷል። ሽያጩ በኢትዮጵያ ከፍተኛውን የቡና ዋጋ ያስመዘገበ ሲሆን የኢትዮጵያ ቡናም በዓለም ገበያ ተፈላጊነቱ መጨመሩን ያሳያልም ተብሏል።
ከዚህ ጨረታ የተገኘው አጠቃላይ ገቢ 2ሺ 376.50 ዶላር ሲሆን ሙሉ ለሙሉ የሚውለው ቴስቲ ፋውንዴሽን ለአርሶ አደሩ ማህበረሰብ በጉጂ ዞን ሻኪሶ ወረዳ ደንቢ ኡዶ ቀበሌ ለሚያስገነባው ጤና ጣቢያ ግንባታ እንደሆነም ታውቋል።
ቴስቲ ትሬዲንግ ኃ/የተ/የግል ማኀበር በአቶ ፈይሰል አብዶሽ ባለቤትነትና ዋና ሥራ አስፈፃሚነት የሚመራ ሲኾን ትልቁ የኢትዮጵያ ቡና ሽያጭ ሪከርድ የተመዘገበበት ዓለም አቀፍ ጨረታ የተከናወነው September 14/2026 በኢትዮዽያ መስከረም 4 2019 ዓ.ም ነው።
ይህም ውጤት በቡና ኢንዱስትሪ ውስጥ ጉልህ የሆነ ምዕራፍ ነው። ጨረታው የደመቀ ተሳትፎ የታየበት ሲሆን በኢትዮጵያ ቡና ታሪክ ታይቶ በማይታወቅ መልኩ ከፍተኛ የሽያጭ ሪከርድ የተመዘገበበት ስለመሆኑ በድረ ገፁ ተመልክቷል።
ቴስቲ ኮፊ ከዚህ በፊት በተለያዩ የሀገራችን ከተማዎች በይርጋ ጨፌ፣ ሲዳማ፣ ምእራብ አሩሲ እና ሻኪሶ ለሚገኙ የአካባቢው ማህበረሰብ 5 ትምህርት ቤቶችን ገንብቶ በማስረከብ ማኀበራዊ ኃላፊነት አበርክቷል።
ቴስቲ ኮፊ ኩባንያ በአቶ ፈይሰል አብዶሽ የተመሰረተው እ.ኤ.አ በ2009 ዓ.ም ሲኾን በኢትዮጵያ ስመ ጥር ከሆኑ 10 ቀዳሚ ቡና ላኪ ኩባንያዎች አንዱ ነው። በዚህ ባሳለፍነው የ 2017 በጀት አመት በ 12 ወራት ውስጥ 67 ሚልዮን ዶላር ከኤክስፖርት የውጭ ምንዛሪ ለሀገራችን ያስገኘ ትልቅ ኩባንያ ነው።
ኩባንያው ቡና የሚልክባቸው ሀገራት ኮሪያ፣ ጃፓን፣ አሜሪካ፣ አውሮፓ፣ ታይዋን እና መካከለኛው ምስራቅ ሀገራት ናቸው።
ኩባንያው ከ 34 በላይ የቡና ማጠቢያ እና 5 እርሻዎች ያሉት ሲሆን የራሱ ቡና ማበጠሪያ፣ ማከማቻና ሮስቲንግ እንዳለው መረጃዎች ያመለክታሉ።
ኩባንያው ስፔሻሊቲ ቡና አለም አቀፍ ደረጃውን ጠብቆ ከላይ ወደተጠቀሱት አገሮች በመላክ ይታወቃል።

ኢትዮጵያ በርካታ ዘመናት መድፎችን ልትገዛ ነው‼️
ኢትዮጵያ በሶቪየት ዘመን የተገዙ ያረጁ  መድፎችን በአዲስና ዘመናዊ መድፎች ለመተካት ሲባል በርካታ የህንድ መድፎችን ለመግዛት ማቀዷ ተሰምቷል።

ይህ ሊሆን የቻለው የህንድ የመድፍ አምራች ኩባንያዎች እንደ ባራት ፎርጅ፣ ካልያኒ ስትራቴጂክ ሲስተምስ እና ታታ አድቫንስድ ሲስተምስ ያሉ ኩባንያዎች MARG-52፣ ATAGS እና ዳኑሽ ያሉ ሊሆኑ የሚችሉ አማራጮችን ሲያቀርቡ የሕንድ እያደገ የመጣው መድፍ ኢንዱስትሪ ሌላ ትርፋማ የኤክስፖርት ስምምነት እንዲያገኝ ሊያደርግ ይችላል፣ ይህም MARG-52፣ ATAGS እና ዳኑሽ ይገኙበታል።

ህንድ በኒው ዴልሂ በተካሄደው 18ኛው የብሪክስ ጉባኤ በኋላ ከኢትዮጵያ ጋር ያላትን ዲፕሎማሲያዊ እና የንግድ ግንኙነት ለማጠናከር የህንዱ ፕሬዚዳንት ናሬንድራ ሞዲ ከጠቅላይ ሚኒስትር አብይ አህመድ ጋር ከመከሩ በኋላ ነው። 

ከህንድ የሚወጡ መረጃዎች እንደሚያመላክቱት ውይይቱ በመከላከያ፣ በደህንነት እና በኢንቨስትመንት ላይ ያተኮሩ ሲሆን ይህም ኢትዮጵያ ከህንድ ጋር ያላትን ግንኙነት ለማስፋት እና በኢትዮጵያ የሀገር ውስጥ ፍላጎቶች ውስጥ የህንድ ኢንዱስትሪን የበለጠ ለማሳተፍ ፍላጎት እንዳላት ተጠቁሟል።

Seledadotio
Seledadotio

(ዘ-ሐበሻ ዜና ዳሰሳ) በህንድ ኒው ዴልሂ ሲካሄድ የቆየው የዘንድሮው የብሪክስ የመሪዎች ጉባዔ፣ የተለመዱትን የኢኮኖሚ ትብብር ማጠናከሪያ እና የጋራ ፖሊሲ ቃላቶች በመለዋወጥ ተጠናቋል። ይሁንና ጉባዔው አንድ ትልቅ እና አንገብጋቢ ጉዳይን ሆን ብሎ በዝምታ አልፎታል። በአሁኑ ወቅት አሜሪካ እና እስራኤል በኢራን ላይ የከፈቱት ጦርነት አብዛኛዎቹን አሥራ አንድ የብሪክስ አባላት እና አሥር አጋር ሀገራትን በቀጥታም ሆነ በተዘዋዋሪ የሚነካ ቢሆንም፣ ቡድኑ ባወጣው የጋራ መግለጫ ላይ ጦርነቱን አላነሳም፤ እንዲሁም ግልጽ አጥቂ የሆነችውን አሜሪካን ከማውገዝ ተቆጥቧል። ይህ ሁኔታ ብሪክስ ያለውን ግዙፍ የኢኮኖሚ ጡንቻ ወደ ተባበረ የጂኦ-ፖለቲካዊ እርምጃ ለመቀየር ምን ያህል እንደሚቸገር ፍንትው አድርጎ አሳይቷል።

የብሪክስ ፖለቲካዊ ድክመት አሁን ብቻ የተከሰተ አይደለም። ባለፈው ግንቦት ወር በኒው ዴልሂ በተካሄደው የውጭ ጉዳይ ሚኒስትሮች ስብሰባ ላይም ተመሳሳይ ሽኩቻ ታይቶ ነበር። በወቅቱ ኢራን የአሜሪካ እና የእስራኤል ወታደራዊ ዘመቻ በቡድኑ በይፋ እንዲወገዝላት ብትጠይቅም፣ የተባበሩት አረብ ኤምሬትስ ግን የራሷን የደህንነት ስጋት እና የኢራንን ጥቃቶች ያላካተተ መግለጫ እንዲወጣ አልፈቀደችም። ይህ የሚያሳየው፣ የብሪክስ አባላት ቁጥር ማደግ የቡድኑን ዓለም አቀፍ ተጽዕኖ ቢያሰፋውም፣ በተጓዳኝ ደግሞ እንደ ኢራን እና ኤምሬትስ ያሉ አደገኛ ቀጠናዊ ጠላትነቶችን ወደ ድርጅቱ ውስጥ ይዞ እንዲገባ አድርጎታል።

ብሪክስ በአሜሪካ ከሚመራው የምዕራባውያን የዓለም ሥርዓት የተለየ አማራጭ ለመፍጠር የተቋቋመ ቢሆንም፣ አባላቱ ከአሜሪካ ጋር ባላቸው የተለያየ የጥቅም ትስስር የተነሳ የጋራ አቋም መያዝ ተስኗቸዋል። ለምሳሌ ህንድ ብሪክስን የምትጠቀመው የራሷን የስትራቴጂክ ነጻነት ለማስፋት እንጂ ፀረ-አሜሪካ ጦር ለመገንባት አይደለም፤ በመሆኑም ከምዕራባውያን ጋር ያላትን ወታደራዊ እና የኢኮኖሚ ትስስር እያጠናከረች ትገኛለች። ሩሲያ የብሪክስን መድረክ የምዕራባውያንን ማዕቀብ ለማምለጫ ብትጠቀምበትም፣ ከአሜሪካ እና ከሰሜን አትላንቲክ የጦር ቃል ኪዳን ድርጅት ጋር ቀጥታ ወታደራዊ ግጭት ውስጥ መግባትን አትፈልግም። ቻይናም ቢሆን ዓለም አቀፍ የፋይናንስ ሥርዓቱን መለወጥ ብትፈልግም፣ አሜሪካ ለኤክስፖርት ምርቶቿ ትልቅ ገበያ በመሆኗ በየጉዳዩ ሁሉ ከዋሽንግተን ጋር መላተም አያዋጣትም። በሌላ በኩል እንደ ብራዚል እና ኢንዶኔዥያ ያሉት ሀገራት ዋነኛ ፍላጎታቸው ፍትሃዊ የዓለም የፋይናንስ ሥርዓት እንዲፈጠር እና ለታዳጊ ሀገራት የልማት ብድር እንዲስፋፋ እንጂ፣ በጂኦ-ፖለቲካዊ ፍልሚያዎች የቻይና ወይም የሩሲያ መጠቀሚያ መሆን አይደለም።

እንዳስተዋልነው ከሆነ ብሪክስ በባለብዙ-ማዕከል ወጥመድ ውስጥ ወድቋል። የስብስቡ ትልቁ ጥንካሬው ብዝሃነቱ ቢሆንም፣ ይኸው ብዝሃነቱ ደግሞ የጠራ ጂኦ-ፖለቲካዊ ርምጃዎችን በጋራ እንዳይወስድ ማነቆ ሆኖበታል። የኢራን ጦርነት ይህንን ተቃርኖ ይበልጥ አጉልቶታል። ይሁንና፣ ይህ የፖለቲካ አቋም ማነስ እንደ በረከት ሊታይ ይችላል። ብሪክስ አሜሪካን በቀጥታ ጦርነት እና ግጭት ከመውጋት ይልቅ፣ የዓለምን የፋይናንስ ሥርዓት እና ተቋማትን በማሻሻል፣ ዶላርን በሌሎች የክፍያ አማራጮች በመተካት እና ለታዳጊ ሀገራት የዲፕሎማሲ አማራጭ በመሆን ሥርዓቱን ቀስ በቀስ ለመለወጥ መገደዱ ይበልጥ ዘላቂ እና አዋጭ የሆነ ኃይል እንዲኖረው ያደርገዋል።

ብሪክስ በዚህ ልክ በውስጥ ልዩነቶች እየታመሰ እና የጋራ ፖለቲካዊ አቋም መያዝ እየተቸገረ፣ በእርግጥም የዓለምን የኃይል ሚዛን ሊቀይር እና የአሜሪካን ተጽዕኖ ሊገታ ይችላል ብላችሁ ታስባላችሁ? ወይስ የኢኮኖሚ ትብብሩ ብቻውን በቂ ነው? ሐሳብዎን እንዲያስቀምጡ ጋብዘናል።

የኅብር ውጤት፤ ታላቁ የኢትዮጵያ ህዳሴ ግድብ

አዲስ አበባ፣ ጳጉሜን 4፣ 2018 (ኤፍ ኤም ሲ) በታላቁ የኢትዮጵያ ሕዳሴ ግድብ ከግንባታው ሂደት ጀምሮ እሰከ መጠናቀቂያው ድረስ የታየው የኢትዮጵያውያንን የጸና አንድነት በተግባር ያሳየ ታሪካዊ ክስተት ነው፡፡

ግድቡ በሀገር ውስጥና በውጭ ሀገራት በሚኖሩ የኢትዮጵያ ዜጎች ገንዘብ፣ እውቀትና ጉልበት ያለ ምንም የውጭ ብድርና እርዳታ ሙሉ በሙሉ በሀገር ውስጥ አቅም የተገነባ የብሔራዊ ኩራት ምልክት ነው።

ሀገር ወዳድ ኢትዮጵያውያንና የዳያስፖራ አባላት በየደረጃው የቦንድ ግዢ በማድረግና የገንዘብ ድጋፍ በማሰባሰብ ለግድቡ ስኬታማ ፍጻሜ ያበረከቱት አስተዋጽኦ የአንድነታቸንን ጥንካሬ የሚያንጸባርቅ መሆኑን ሲኤንኤን በዘገባው አመልክቷል፡፡

ይህም የሚያሳየው ፕሮጀክቱ የልዩነት ግንቦችን በማፍረስ መላውን ሕዝብ ለአንድ ዓላማ ያስተባበረ አህጉራዊ ድል መሆኑን ነው።

የታላቁ ሕዳሴ ግድብ ግንባታ በስኬት እንዲጠናቀቅና ኃይል ማመንጨት እንዲጀምር የጠቅላይ ሚኒስትር ዐቢይ አሕመድ (ዶ/ር) አመራርና ቁርጠኝነት ከፍተኛ ድርሻ አለው፡፡

ይህ የመሪነት ሚና የፕሮጀክቱ ሂደት ሳይደናቀፍ ለስኬት እንዲበቃና ሀገሪቱ በኃይል ዘርፍ ራሷን እንድትችል አድርጓል።

የሕዳሴው ግድብ መጠናቀቅ ለኢትዮጵያ የኃይል እጥረት እፎይታን መስጠቱ ብቻ ሳይሆን፤ የቀጣናውን ኢኮኖሚያዊ ትስስር የሚያጠናክር ሆኗል፡፡

የሲኤንኤን ዘገባ እንዳረጋገጠው የሕዳሴው ግድብ የአፍሪካ ትልቁ የሃይድሮ ኤሌክትሪክ ኃይል ማመንጫ ነው፡፡ ይሄንንም ተከትሎ የኢትዮጵያን የኢኮኖሚ አቅጣጫ በመቀየር ረገድ ከፍተኛ ድርሻ እያበረከተ ይገኛል።

ይህ በኢትዮጵያውያን የተባበረ ክንድ የተገነባው ግድብ ለሀገር ውስጥ ኢንዱስትሪዎች ዕድገትና ለአጎራባች ሀገራት ለሚደረግ የኃይል ኤክስፖርት ትልቅ በር ከፍቷል።

የኢትዮጵያ ህዝብ አንድነትና የመንግሥት ጠንካራ አመራር ሰጪነት ተቀናጅተው ያስመዘገቡት ይህ ውጤት ኢትዮጵያ ወደ ብልጽግና የምታደርገውን ጉዞ ያፋጠነ የጽናት ተምሳሌት ሆኖ ተመዝግቧል፡፡

በአብረሃም አበራ

የኢትዮጵያ የተስፋ ዓመታት

አዲስ አበባ፣ነሐሴ 30፣2018 (ኤፍ ኤም ሲ) ያለፉት አምስት ዓመታት ለኢትዮጵያ ታሪካዊ ዓመታት ነበሩ። በተለይም በኢንዱስትሪው ዘርፍ የታየው ለውጥ አበረታች እና ይበል የሚያሰኝ ነው፡፡

ኢትዮጵያም ያለፉትን 5 ዓመታት የሰራቻቸው በቁጥር የተመዘገቡ ስኬቶች ለቀጣዮቹ 5 ዓመታት የሚሆኗትን ስንቆች የቋጠረችባቸው ናቸው።

ኢትዮጵያም ከድህነት ለመውጣት እና ወጣት ስራ ፈጣሪዎችን በማበረታታት ከሀገራቸው አልፈው ለጎረቤት ሀገራት የሚተርፍ እድገት እንዲያስመዘግቡ ትሻለች፡፡

ለዚህ የሚያግዝ ተግባርንም እያከናወነች ትገኛለች። ከዚህ ቀደም ለውጭ ባለሃብቶች ብቻ ታስበው ይገነቡ የነበሩትን የኢንዱስትሪ ፓርክ ሼዶች በሀገር ውስጥ በጥቃቅን እና አነስተኛ ተደራጅተው ይሰሩ የነበሩ አምራቾች ገብተው እንዲሰሩባቸው እየተደረገ ነው፡፡

የገላን ጉራ የኢንዱስትሪ ፓርክ ለዚህ ዋነኛው ማሳያ ሲሆን፤ ፓርኩ ውስጥ ገብተው እየሰሩ ያሉት ወጣቶች ከአራት እና አምስት ዓመታት በፊት በጥቃቅን እና አነስተኛ ተደራጅተው እየሰሩ የነበሩ ናቸው።

አሁን ላይ ወጣቶቹ ለሌሎች የስራ ዕድል በመፍጠር ሰራተኞችን ቀጥረው ኢንዱስትሪ ፓርኩ ውስጥ እያሰሩ ይገኛሉ።

እንዲህ አይነት የሚሰሩ እጆችን የምታበረታታው ኢትዮጵያ የግብርና ምርቷን ለማዘመን አጋዥ የሆኑ መሳሪያዎችን በሚቀጥሉት አምስት ዓመታት በሀገር ውሰጥ ሙሉ በሙሉ የማታመርትበት ምክንያት አይኖርም፡፡

ከዚህ ቀደም ያልተጣራ ወርቅን ለዓለም ገበያ ታቀርብ የነበረችዉ ኢትዮጵያ አሁን ደግሞ የራሷን የወርቅ ማጣሪያ ፋብሪካ ከፍታለች።

ታዲያ ይህ ፋብሪካ በሚቀጥሉት 5 ዓመታት የኢትዮጵያን የወርቅ ኤክስፖርት ገቢ በከፍተኛ ደረጃ እንደሚያሳድግም ይጠበቃል።

የዓለም ተለዋዋጭ የጂኦፖለቲካ ምህዳር የሚፈትነውን የማዳበሪያ አቅርቦት ችግር ለማቃለል እና በሀገር ውስጥ ለመተካት እየሰራች ያለችው ስራ በሚቀጥሉት አምስት ዓመታት የአርሶ አደሮቿን የማዳበሪያ አቅርቦት ችግር እና የዋጋ ውድነቱን ይፈታል።

አይን አይቶ ልብ ይፈርዳል እንዲሉ ኢትዮጵያ የኢንድስትሪ ዘርፏን አሳድጋ ወደ ውጭ የሚላኩ ምርቶቿን አስፍታና የሀገር ውስጥ ፍላጎቷን አሟልታ የዜጎቿን ህይወት ለውጣ እንኳንም ያኔ ጀመርኩ የምትልበት ወቅት ላይ ናት፡፡

በእመቤት ሲሳይ

የሰብል ምርቶችንና የግብርና ቴክኖሎጂዎችን ለዓለም አቀፍ ገበያ የሚያስተዋውቀው ኤክስፖ ይፋ ሆነ!
#fastmereja :-የኢትዮጵያ ሰብል አምራቾች እና ላኪዎች ዘርፈ-ብዙ ማህበር ከኖርዲክ ትሬዲንግ (Nordic Trading PLC) ከኢንዱስትሪ ሚኒስቴር እና ከግብርና ሚኒስቴር ጋር በመተባበር የሚያዘጋጁት "1ኛው ዓለም አቀፍ የኢትዮጵያ ሰብል አምራቾች እና ኤግሪ-ቢዝነስ ኤክስፖ 2026" ሊካሄድ መሆኑ በዛሬዉ እለት በማርዮት ሆቴል በተካሄደ መርሀ-ግብር ተገልጿል።

በኢትዮጵያ የግብርና ታሪክ ትልቁ ዓለም አቀፍ የንግድና የቴክኖሎጂ መድረክ እንደሆነ የተነገረለት ይህ ኤክስፖ፤ የሀገሪቱን የሰብል ምርቶች፣ የግብርና ማቀነባበር (Agro-processing) አቅም፣ የኤክስፖርት እድሎች፣ የግብርና ቴክኖሎጂ ፈጠራዎችን እና የኢንቨስትመንት አማራጮችን ለዓለም አቀፍ ገበያ ለማስተዋወቅ መሆኑ ተገልጿል።

ከጥቅምት 16 ጀምሮ ለሶስት ተከታታይ ቀናት በኮንቬንሽን ማዕከል በሚካሄደው በዚህ ታላቅ ኤክስፖ ላይ የሀገር ውስጥና የውጭ የሰብል አምራቾች፣ ላኪዎች፣ ምርት አቀባባዮች፣ ዓለም አቀፍ ገዢዎች፣ የግብርና ቴክኖሎጂ ኩባንያዎች፣ የፋይናንስ ተቋማት፣ የልማት አጋሮች እና የፖሊሲ አውጪዎች በስፋት ይሳተፋሉ።

ኤክስፖው ለአገር ውስጥ አምራቾች የቀጥታ የገበያ ትስስር (Strategic Market Linkages)፣ የቴክኖሎጂና የእውቀት ሽግግር እንዲሁም አወዳዳሪነትን የሚያሳድጉ የእሴት መጨመር እድሎችን የሚፈጥር መሆኑ ነዉ የተገለፀዉ።

ከዚህም በተጨማሪ በሀገር ደረጃ የውጭ ምንዛሬ ግኝትን ለማሳደግ፣ የኢንቨስትመንት ፍሰትን ለመሳብ፣ የገበሬዎችን ገቢ ለማሻሻልና የስራ እድል ለመፍጠር ከፍተኛ ሚና እንደሚጫወት ተገልጿል።

በመጨረሻም በዘርፉ የተሰማሩ ባለሃብቶች፣ አምራቾች፣ ላኪዎች፣ የፋይናንስና የኢንሹራንስ ተቋማት በኤክስፖው ላይ በመሳተፍ ይህንን አህጉራዊና ዓለም አቀፍ እድል እንዲጠቀሙበት ጥሪ አቅርበዋል።

የኢትዮጵያ ማንሰራራት እና የሰማይ ላይ ግዛቷ
***************

ኢትዮጵያ በአፍሪካ ፈጣን የኢኮኖሚ ዕድገትና ሁሉን አቀፍ የማንሰራራት ምዕራፍ ውስጥ በምትገኝበት በዚህ ወቅት፣ የአቪዬሽን ዘርፉ የሀገራችንን የትራንስፖርት፣ የንግድና የዲፕሎማሲ ሚና በእጅጉ እያጎላው ይገኛል።

ሀገራችንን ከዓለም ጋር የሚያያይዝ ዘመናዊ የሎጂስቲክስ አውታር በመዘርጋት የትራንስፖርት መሠረተ ልማትን በማስፋፋት እና የቱሪዝም ዘርፉን በማነቃቃት ረገድ ዘርፉ ያስመዘገበው ስኬት ለኢትዮጵያ አጠቃላይ የኢኮኖሚ ማንሰራራት ጉልህ አስተዋፅኦ አበርክቷል።

የኢትዮጵያ አየር መንገድ በአፍሪካ ግዙፉና ስኬታማው አየር መንገድ በመሆን ዘመናዊ ቴክኖሎጂዎችን በመተግበር የበረራ መዳረሻዎቹን በማስፋፋት እና ጥራት ያለው አገልግሎት በመስጠት ሀገራችን በዓለም አቀፍ ደረጃ ያላትን ተወዳዳሪነት ከፍ አድርጎታል።

አየር መንገዱ የገቢ ምንጭ ከመሆን ባለፈ የኢትዮጵያን በጎ ገጽታ በመገንባት የውጭ ኢንቨስትመንትና ንግድን በመሳብ ረገድ የማይተካ ሚና በመጫወት ላይ ይገኛል።

ኢትዮጵያ ያላትን የጂኦግራፊያዊ አቀማመጥ በብቃት ለመጠቀም በየደረጃው ያሉ የአየር ማረፊያዎችን የማስፋፋትና የማዘመን ሥራዎች በስፋት እየተከናወኑ ነው።

የቦሌ ዓለም አቀፍ አየር ማረፊያ ማስፋፊያ አዲስ አበባን የአፍሪካ የመንገደኞችና የሎጂስቲክስ ዋና ማዕከል ያደረጋት ሲሆን፣ የወደፊቱን የትራፊክ ዕድገት ታሳቢ ያደረገው የቢሾፍቱ ዓለም አቀፍ አውሮፕላን ማረፊያ ፕሮጀክት ደግሞ ኢትዮጵያን በዓለም አቀፍ የአቪዬሽን ካርታ ላይ በጥንካሬ የሚያስቀምጥ ነው።

በተጨማሪም የኢትዮጵያ አቪዬሽን አካዳሚ ወደ ዩኒቨርሲቲ በማደጉ ለአፍሪካ ሀገራት ጭምር የሰው ኃይል የሚያሰለጥንበት አቅም ፈጥሯል።

የካርጎ አገልግሎቱ እንደ ቡና፣ አበቦችና አትክልት ያሉ ኤክስፖርት ምርቶችን በጥራት ለዓለም ገበያ በማቅረብ የውጭ ምንዛሪ ግኝትን ያሳደገ ሲሆን፣ በሆቴል፣ ቱሪዝምና ሎጂስቲክስ ለሺዎች የሥራ ዕድል ፈጥሯል።

የአቪዬሽን ዘርፉ ስኬቶች ለሀገራችን ኢኮኖሚያዊ ማንሰራራት እና ገጽታ ግንባታ የጀርባ አጥንት ሆነው በመሥራት ላይ ይገኛሉ።

በአድማሱ አራጋው
#ebc #ethiopianairlines #ethiopiarising #aviationexcellence #africahub #economicgrowth

የኢትዮጵያ አየር መንገድ እስከ 10 የቦይንግ የጭነት አውሮፕላኖችን ለመግዛት ከስምምነት ሊደርስ ነው

እንደ አሜሪካ ጆርናል ኦፍ ትራንስፖርቴሽን ዘገባ መሰረት ​የኢትዮጵያ አየር መንገድ እስከ 10 የሚደርሱ ቦይንግ የጭነት አውሮፕላኖችን ለመግዛት የሚያስችለውን ስምምነት ለማጠናቀቅ መቃረቡን ምንጮች ገለጹ።

ይህ ውል አየር መንገዱ ከአረብ ኤምሬትስ እና ቀጣናው አየር መንገድ ኩባንያዎች ጋር ያለውን ውድድር ለማጠናከር እና አዲስ የአፍሪካ የአየር ትራንስፖርት ማዕከል  ለመገንባት ለያዘው እቅድ ትልቅ ማበረታቻ ነው ተብሏል።

​እንደ ዘገባው ከሆነ፣ ግዢው ሁለት የነባሩን '777F' ሞዴል እና የተቀሩትን ደግሞ አዲስ ምርት የሆኑትን '777-8F' የጭነት አውሮፕላኖች ያካተተ ነው።

ቦይንግ የ '777X' አውሮፕላን ማረጋገጫ በመዘገየቱ ምክንያት ነባሩን ሞዴል የማምረት ፈቃድ ለማራዘም ከአሜሪካ አቪዬሽን ባለስልጣን ጋር እየተነጋገረ ይገኛል።

​አየር መንገዱ እና ቦይንግ በጉዳዩ ላይ እስካሁን የሰጡት ይፋዊ አስተያየት ባይኖርም፣ ውሉ አየር መንገዱ በዓለም አቀፍ የካርጎ ኤክስፖርት አገልግሎት ያለውን የበላይነት የበለጠ እንደሚያጠናክረው ተገልጿል።

Seledadotio
Seledadotio

ኢትዮጵያ የቀጣናው የኢንዱስትሪ ማዕከል ለመሆን የጀመረችውን ጉዞ ያፋጠነው ግራንዴር ሴራሚክ ፋብሪካ
*****************

ኢትዮጵያ ከውጭ ጥገኝነት በመላቀቅ ራሷን የመቻል ራዕይዋን እውን ለማድረግ በተያያዘችው ትግል፣ የአምራች ኢንዱስትሪው ዘርፍ የቀጣይ ብልጽግናችን የማይናወጥ መሠረት ሆኖ ብቅ ብሏል።

ይህን ሀገራዊ ራዕይ መሬት ለማውረድና የማምረት አቅምን ወደ አዲስ የታሪክ ምዕራፍ ለማሸጋገር ከተገነቡ ግዙፍ ኢንዱስትሪዎች መካከል ግራንዴር ሴራሚክ ፋብሪካ ተጠቃሽ ነው።

ይህ በዘመናዊ ቴክኖሎጂ የተደራጀው ግዙፍ የሴራሚክ ፋብሪካ፣ ቀደም ሲል በከፍተኛ የውጭ ምንዛሬ ከውጭ ይገቡ የነበሩ የኮንስትራክሽን ግብዓቶችን ጥራትና ደረጃቸውን በጠበቀ መልኩ በሀገር ውስጥ ለመተካት ያስቻለ ትልቅ ስኬት ነው።

ፋብሪካው በኢትዮጵያ ታምርት ንቅናቄ ማዕቀፍ በተዘረጉ የድጋፍና ማበረታቻ ሥርዓቶች በመታገዝ እንዲሁም በአካባቢው የሚገኙ የተፈጥሮ ሀብቶች እና ጥሬ ዕቃዎችን በመጠቀም ውጤታማ ሥራ እያከናወነ ይገኛል።

ከፍተኛ የማምረት አቅም ያለው ግራንዴር ሴራሚክ ፋብሪካ ለበርካታ ዜጎች ሰፊ የሥራ ዕድል የፈጠረ ሲሆን፣ የሙያ እና የቴክኖሎጂ ሽግግር እንዲፋጠን በማድረግም የላቀ አስተዋጽኦ እያበረከተ ነው።

በተጨማሪም ፋብሪካው ተኪ ምርት በማምረት ከፍተኛ የውጭ ምንዛሬ ወጪን ከማዳን በተጓዳኝ በፍጥነት እያደገ የመጣውን የኮንስትራክሽን ዘርፍ የሴራሚክ ፍላጎት በራስ አቅም በመሸፈን በቀጣይ በሴራሚክ ምርት ኤክስፖርት የወጪ ንግድ ገቢን የማሳደግ ራዕይን የሚደግፍ ነው።

የግራንዴር ሴራሚክ ፋብሪካ እውን መሆን ኢትዮጵያ የቀጣናው የኢንዱስትሪ ማዕከል ለመሆን እና በየዘርፉ ከጥገኝነት ተላቅቃ ራሷን ለመቻል የጀመረችውን የማይቀለበስ ጉዞ ይበልጥ የሚያፋጥን እርሾ ነው።

በሔዋን ጌታቸው
#ethiopia #industry #manufacturing #ethiopiatamirt #madeinethiopia #grandeurceramic #ebc

(ዘ-ሐበሻ ዜና) የሚድሮክ ኢንቨስትመንት ግሩፕ አካል የሆነው ሚድሮክ ጎልድ፣ በቤንሻንጉል ጉሙዝ ክልል ለሚገነባው የወርቅ ማቀነባበሪያ ፋብሪካ የሚሆኑ ማሽነሪዎችን ለማቅረብ ሴሜቴክ ከተሰኘው የኦስትሪያ ኩባንያ ጋር ስምምነት ተፈራርሟል።

በስምምነቱ መሠረት አውሮፓዊው ኩባንያ በዓመት 1.25 ሚሊዮን ሜትሪክ ቶን የወርቅ አፈር (ማዕድን) ማቀነባበር ለሚችለው ፋብሪካ የሚሆኑ ማሽነሪዎችን የማምረት፣ የማምጣት እና በመገጠም ርክክብ የማድረግ ኃላፊነት ወስዷል። ይህ የማሽነሪ አቅርቦት እና የተከላ ሥራ በአንድ ዓመት ጊዜ ውስጥ ሙሉ በሙሉ ይጠናቀቃል ተብሎ ይጠበቃል። ስምምነቱን በይፋ የፈረሙት የሚድሮክ ማዕድን ዘርፍ ምክትል ዋና ሥራ አስፈፃሚ አቶ ዱላ መኮንን እና የሴሜቴክ ዋና ሥራ አስፈፃሚ ቶማስ ፕሎችበርገር ናቸው።

በመተከል ዞን የሚገነባው ይህ አዲስ ፋብሪካ፣ ሚድሮክ በቅርብ ዓመታት የማዕድን ማውጣት እንቅስቃሴ በስፋት እየጨመረ በመጣበት አካባቢ የወርቅ ምርቱን ለማስፋፋት የጀመረው ግዙፍ ጥረት አካል ነው። ሱዳን እና ደቡብ ሱዳንን የሚያዋስነው የቤንሻንጉል ጉሙዝ ክልል በወርቅ እና በሌሎች የተፈጥሮ ማዕድናት እጅግ የበለፀገ መሆኑ ይታወቃል።
ሚድሮክ ጎልድ በኢትዮጵያ ውስጥ ከሚገኙ ግንባር ቀደም የወርቅ አምራቾች መካከል አንዱ ሲሆን፣ ለሀገሪቱ የማዕድን የወጪ ንግድ እና የውጭ ምንዛሬ ግኝት ከፍተኛ አስተዋጽኦ በማበርከት ላይ ይገኛል። ኩባንያው በርካታ የማዕድን ማውጫዎችን የሚያስተዳድር ሲሆን፣ በኢትዮጵያ የማዕድን ዘርፍ ውስጥ ትልቁ የግል ተዋናይ ነው። በትውልደ ኢትዮጵያዊው ሳዑዲያዊ ቢሊየነር ሼክ መሀመድ ሁሴን አሊ አል-አሙዲ የተመሰረተው እና የዚህ ኩባንያ ባለቤት የሆነው ሚድሮክ ኢንቨስትመንት ግሩፕ፣ በወርቅ ማዕድን፣ በግብርና፣ በማምረቻ፣ በግንባታ፣ በሆቴል እና በኢነርጂ ዘርፎች በስፋት ተሰማርቶ ይገኛል።

ኢትዮጵያ ኢኮኖሚዋን ከግብርና ጥገኝነት በማላቀቅ በሌሎች ዘርፎች ለማስፋፋት በምታደርገው ሀገራዊ የሪፎርም አካል፣ የውጭ ኢንቨስትመንትን ወደ ማዕድን ዘርፉ ለመሳብ ሰፊ ጥረት እያደረገች ትገኛለች። ምንም እንኳን የወርቅ ምርት በህገ-ወጥ ማዕድን አውጪዎች እና ባረጁ ማሽነሪዎች ምክንያት የተለያዩ ተግዳሮቶች ቢገጥሙትም፣ አሁንም የሀገሪቱ ዋነኛ የኤክስፖርት ምርት ሆኖ ቀጥሏል።

መቀመጫውን በኦስትሪያዋ ኢንንስ ከተማ ያደረገው ሴሜቴክ፣ ለሲሚንቶ እና ማዕድን ዘርፎች የኢንዱስትሪ ቴክኖሎጂዎችን በማቅረብ በዓለም አቀፍ ደረጃ የሚታወቅ ሲሆን የምርት ክትትል እና የሥራ ቅልጥፍናን የሚያሳድጉ ዘመናዊ ሥርዓቶችንም ይዘረጋል። እንደ ኩባንያው ገለጻ፣ አዲሱ ማሽነሪ በመተከል ፋብሪካ የማቀነባበር አቅምን እና ምርታማነትን በእጅጉ ከፍ የሚያደርግ ሲሆን፣ የሚድሮክን ምርት ለማሳደግ እና በአሮጌ ቴክኖሎጂዎች ላይ ያለውን ጥገኝነት ለመቀነስ ትልቅ አቅም ይፈጥራል።
ይህ ስምምነት ሚድሮክ ኢንቨስትመንት ግሩፕ በኢትዮጵያ እያካሄደ ያለውን የኢንዱስትሪ እና የማዕድን ኢንቨስትመንት ማስፋፊያ ግብ ለማሳካት የተወሰደ ተጨማሪ ስትራቴጂካዊ እርምጃ መሆኑ ተገልጿል።

ከጥገኝነት ወደ አምራችነት፦ የኢትዮጵያ የማኑፋክቸሪንግ ዘርፍ እመርታ እና የ“ኢትዮጵያ ታምርት” ስኬቶች
***************************

የአንዲት ሀገር የኢኮኖሚ ሉዓላዊነት እና የረጅም ጊዜ ዕድገት የሚረጋገጠው ከውጭ ጥገኝነት ተላቅቃ የራሷን ፍላጎት በራሷ ማምረት ስትችል ነው።

የመደመር መንግሥት ይህንኑ ታሳቢ በማድረግ የጀመራቸው “ኢትዮጵያ ታምርት” በሚል ሀገራዊ ንቅናቄ እና በሀገር በቀል የኢኮኖሚ ማሻሻያ መርሐ ግብር፣ የማኑፋክቸሪንግ ዘርፉን በማነቃቃት አስደናቂ ለውጦችን ማምጣት ጀምረዋል።

ጠቅላይ ሚኒስትር ዐቢይ አሕመድ (ዶ/ር) በቅርቡ በሕዝብ ተወካዮች ምክር ቤት ቀርበው የሰጡት ማብራሪያ፣ እንዲሁም የኢንዱስትሪ ሚኒስቴር የአፈጻጸም ሪፖርቶች እንደሚያመለክቱት፣ የኢትዮጵያ የኢንዱስትሪ ዘርፍ ከውጭ ጥገኝነት በመላቀቅ የሀገር ውስጥ አቅምን ወደ መገንባት በተኪ ምርት የተሳካ ሽግግር እያደረገ ይገኛል።

የማምረት አቅም ማደግ እና የ“ኢትዮጵያ ታምርት” ሚና

ለረጅም ጊዜ የኢትዮጵያ አምራች ኢንዱስትሪዎች ከነበራቸው የማምረት አቅም ከግማሽ በታች (በአማካይ 47 በመቶ) ብቻ ሲጠቀሙ ቆይተዋል። ይህ ዝቅተኛ አፈጻጸም በኃይል አቅርቦት መቆራረጥ፣ በውጭ ምንዛሬ እጥረት እና በጥሬ ዕቃ አቅርቦት ችግሮች የተተበተበ ነበር።

ሆኖም ጠቅላይ ሚኒስትሩ በምክር ቤቱ እንዳብራሩት፣ አሁን ላይ አጠቃላይ የማኑፋክቸሪንግ የማምረት አቅም ከ47 በመቶ ወደ 67 በመቶ ከፍ ሊል ችሏል።

የዚህ ከፍተኛ ለውጥ ዋነኛ ሞተር በኢንዱስትሪ ሚኒስቴር እየተመራ ያለው የ“ኢትዮጵያ ታምርት” ንቅናቄ ነው። ይህ ንቅናቄ በተለያዩ ምክንያቶች ተዘግተው የነበሩ በመቶዎች የሚቆጠሩ ፋብሪካዎች ወደ ሥራ እንዲመለሱ በማድረግ፣ እንዲሁም የአምራቾችን የፋይናንስ እና የመሠረተ ልማት ማነቆዎች በመፍታት ምርታማነትን በእጅጉ አነቃቅቷል።

➡ የኢንዱስትሪ ፓርኮች መስፋፋት እና የውጭ ቀጥታ ኢንቨስትመንት

የኢትዮጵያ የኢንዱስትሪ ፖሊሲ ሌላኛው የትኩረት አቅጣጫ ምቹ የኢንቨስትመንት መሠረተ ልማት ማቅረብ ነው። እንደ ጠቅላይ ሚኒስትሩ ገለጻ፣ ነባር ከሆኑት የኮምቦልቻ፣ የመቐለ እና የሐዋሳ ኢንዱስትሪ ፓርኮች በተጨማሪ ዐሥር አዳዲስ የኢንዱስትሪ ፓርኮችን መገንባት ተችሏል።

የእነዚህ ፓርኮች መስፋፋት የሀገር ውስጥ አቅምን ከማጎልበት ባለፈ፣ ከ80 በመቶ በላይ የሚሆነውን የውጭ ቀጥተኛ ኢንቨስትመንት (FDI) ወደ ማኑፋክቸሪንግ ዘርፉ ለመሳብ ትልቅ ሚና ተጫውቷል።

የውጭ ኢንቨስተሮች ቴክኖሎጂን ወደ ሀገር ውስጥ እንዲያመጡ እና የዕውቀት ሽግግር እንዲያደርጉ ከፍተኛ አስተዋጽኦ እያደረጉ ይገኛሉ።

➡ የገቢ ምርቶችን በሀገር ውስጥ መተካት፦ የ5 ቢሊዮን ዶላር ስኬት

ለዘመናት የኢትዮጵያን ማክሮ ኢኮኖሚ ሲፈታተን የነበረው ዋነኛ ችግር፣ የውጭ ምንዛሬ እጥረት እና በገቢ ምርቶች ላይ ያለ ከፍተኛ ጥገኝነት ነበር።

ይህንን ለመቀልበስ "የውጭ ምርቶችን በሀገር ውስጥ ምርት የመተካት" ስትራቴጂ በተጠናከረ መልኩ ተግባራዊ እየተደረገ ይገኛል።

ሲሚንቶ፣ ብረት፣ ብርጭቆ እና ሴራሚክስን የመሳሰሉ ከባድ እና ወሳኝ የግንባታ/የኢንዱስትሪ ምርቶችን በሀገር ውስጥ በማምረት ብቻ ወደ 5 ቢሊዮን ዶላር የሚጠጋ የውጭ ምንዛሬ ማዳን ተችሏል።

መንግሥት ቀደም ሲል በብዙ ቢሊዮን ዶላር ወደ ሀገር ውስጥ ይገቡ የነበሩ ምርቶችን በሒደት በሀገር ውስጥ ምርት የመተካት ፖሊሲውን በተግባር እያረጋገጠ ይገኛል።

በግብርናው (በተለይም በስንዴ ምርት) የተገኘው የገቢ ምርትን የመተካት ስኬት ወደ ኢንዱስትሪው ዘርፍም በተጨባጭ ተሸጋግሯል።

➡ የተቀናጀ የዘርፎች ዕድገት

የማኑፋክቸሪንግ ዘርፉ መነቃቃት በሌሎች ተያያዥ ዘርፎች ላይም አዎንታዊ ተጽዕኖ አሳድሯል። የኢንዱስትሪ ዕድገት ብቻውን ሊመጣ አይችልም፤ ኃይል እና የጥሬ ዕቃ ግብዓት ይፈልጋል። ጠቅላይ ሚኒስትሩ ዘርፉ እያስመዘገበ ባለው ፈጣን ዕድገት ምክንያት፦ በማዕድን ዘርፍ 24 በመቶ፣ በማኑፋክቸሪንግ 20.3 በመቶ፣ እና በኢነርጂ ዘርፍ 23 በመቶ ጭማሪ መታየቱን አብራርተዋል። እነዚህ ሦስቱ ዘርፎች (ማዕድን፣ ኢንዱስትሪ እና ኢነርጂ) እርስ በርስ በመመጋገባቸው የመጣ "የተቀናጀ ዕድገት" (Synergy) መሆኑን ያሳያል።

➡ የወደፊቱ አቅጣጫ እና ራዕይ

የተገኙት ስኬቶች የጉዞው ጅማሮ እንጂ ማቆሚያ አይደሉም። ይህንን ስኬት ዘላቂ ለማድረግ በመጪው ዓመት ግልጽ ዒላማዎች ተቀምጠዋል። እነዚህም፦

በኢንዱስትሪ ፓርኮች ብቻ የ12.7 በመቶ ዕድገት ለማስመዝገብ እና ከኢንዱስትሪ ምርቶች ኤክስፖርት (ወጪ ንግድ) የ1 ቢሊዮን ዶላር ገቢ ማግኘት ሲሆኑ ለስኬቱም በትኩረት እየተሠራ ይገኛል።

የኢትዮጵያ የኢንዱስትሪ ዘርፍ እውነተኛ ዕምርታ እያሳየ ነው። “ኢትዮጵያ ታምርት” በሚለው ብሔራዊ ንቅናቄ በመመራት፣ የፋብሪካዎችን የማምረት አቅም ወደ 67 በመቶ ማሳደግ ተችሏል።

አዳዲስ የኢንዱስትሪ ፓርኮችን በመክፈት ኢንቨስትመንትን መሳብ እና ቁልፍ የገቢ ምርቶችን በሀገር ውስጥ በመተካት 5 ቢሊዮን ዶላር ማዳን መቻሉም ሀገራችን ከሸማችነት ወጥታ ጠንካራ እና ራሷን የቻለች አምራች ኢኮኖሚ ወደ መገንባት የተጨበጠ ዕርምጃ መጀመሯን ቁልጭ አድርጎ ያሳያል።

ራዕዩ ግቡን ሲመታም፣ የኢትዮጵያ የማኑፋክቸሪንግ ዘርፍ የብልጽግናዋ ዋነኛ የጀርባ አጥንት መሆኑ አይቀርም።

በዮናስ በድሉ
#ethiopia #ebc #industry #madeinethiopia #successstory

የሚያመርቱ ዜጎች፣ የሚረጋገጠዉ ሉዓላዊነት፡ ኢንዱስትሪዎቻችን የፈጠሩት ተስፋ
*****************

(የዕለቱ መልዕክት)

አንድ ሀገር እውነተኛ የኢኮኖሚ ሉዓላዊነቷን በተግባር የምታረጋግጠው የዜጎቿን መሠረታዊ ፍላጎቶች በገዛ አቅሟ አምርታ ማቅረብ ስትችል ነው።

ለዓመታት ከቀላል የፍጆታ ዕቃዎች እስከ ከባድ ማሽነሪዎች ድረስ የውጭ ገበያን ስትማተር የኖረችው ሀገራችን ዛሬ ላይ ታሪካዊ የሆነ የመዋቅር ሽግግር በማድረግ ላይ ትገኛለች።

የመደመር መንግሥት በወሰዳቸው ስትራቴጂካዊ የሪፎርም እርምጃዎች ቀደም ሲል በከፍተኛ የውጭ ምንዛሪ ከውጭ ይገቡ የነበሩ ምርቶች አሁን በሀገር ውስጥ በስፋት መመረት መጀመራቸው የዚህ ጉዞ ማሳያ ነው።

በመደመር ዕሳቤ የተቃኘው የሀገራችን አዲሱ የኢኮኖሚ ፖሊሲ፣ ማኑፋክቸሪንግን የብልጽግናችን ዋነኛ ምሰሶ አድርጎ አስቀምጦታል።

በተለይም "ኢትዮጵያ ታምርት" በሚል ሀገራዊ ንቅናቄ የተፈጠረው መነቃቃት በዘርፉ ለዓመታት ተንሰራፍተው የነበሩ ማነቆዎችን በመፍታት ተጨባጭ ውጤቶችን አምጥቷል። የኢንዱስትሪዎቻችን የማምረት አቅም አጠቃቀም ከነበረበት ዝቅተኛ ደረጃ በእጅጉ ከፍ ማለቱ፣ ፋብሪካዎቻችን ዳግም ሕይወት ዘርተው ሌሊት ተቀን ወደ ማምረት መግባታቸውን ያመላክታል።

ከዚህም በላይ፣ የሀገር ውስጥ አምራቾችን በማበረታታት ከውጭ የሚገቡ ምርቶችን በሀገር ውስጥ ምርት ለመተካት በተደረገው ልዩ ጥረት ባለፉት የለውጥ ዓመታት ውስጥ ከፍተኛ የውጭ ምንዛሪ ሊያወጡ የሚችሉ በርካታ ምርቶችን በሀገር ውስጥ ማምረት ተችሏል። ይህ የውጭ ምንዛሪን ከማዳን ባለፈ ለበርካታ ዜጎች አዳዲስ የሥራ ዕድሎችን የፈጠረ እና የኑሮ ደረጃን ያሻሻለ እውነተኛ የለውጥ ፍሬ ነው።

ይህንን ስኬት ዘላቂ ለማድረግ፣ መንግሥት ለግሉ ዘርፍ ምቹ የኢንቨስትመንት ከባቢን በመፍጠር ረገድ መሠረታዊ የሚባሉ ማሻሻያዎችን አድርጓል። ዘመናዊ መሠረተ ልማት የተሟላላቸው የኢንዱስትሪ ፓርኮችና ነጻ የኢኮኖሚ ዞኖች መቋቋማቸው፣ የውጭ ቀጥታ ኢንቨስትመንትን ከመሳብ ባለፈ የቴክኖሎጂና የዕውቀት ሽግግርን እውን እያደረጉ ነው።

በተለይም በነፃ የንግድ ቀጣናዎች ለተሰማሩ ባለሀብቶች ከታክስ ነፃ መብቶች መወሰኑ፣ መንግሥት ዘርፉ ዓለም አቀፍ ተወዳዳሪነትን አግኝቶ የወጪ ንግድ (ኤክስፖርት) የጀርባ አጥንት እንዲሆን ያለውን ቁርጠኝነት ነዉ።

በአግሮ-ፕሮሰሲንግ፣ በጨርቃጨርቅና አልባሳት፣ በቆዳ ውጤቶች እንዲሁም እንደ ስሚንቶና ብረት ባሉ ከባድ የግንባታ ግብዓቶች ላይ እየታየ ያለው መነቃቃት የዚሁ ስትራቴጂ አካል ነው።

ሆኖም ጉዟችን በዚህ ብቻ የሚያበቃ አይደለም፤ ዛሬ የተዘራው ዘር የነገውን ግዙፍ የኢንዱስትሪዎች ማብቀሉ አይቀሬ ነው። የነበሩብንን የአቅርቦት ሰንሰለት ፈትተን በቀጣዮቹ ዓመታት ከምንጊዜውም በላይ ላቅ ወዳለ ምዕራፍ መሸጋገር ያስፈልገናል፡፡ ከቀላል የፍጆታ ዕቃዎች ባለፈ፣ ተሽከርካሪዎችን፣ ኬሚካሎችን፣ የጨርቃ ጨርቅና የቆዳ ዉጤቶችን፣ እንዲሁም የሕክምና መሣሪያዎችን በሀገራችን በስፋት ማምረት ወሳኝ ይሆናል። ይህንን ለማሳካትም የሰውን ኃይል ዕውቀትና ክህሎት የሚያሳድጉ የሥልጠናና የኢንኩቤሽን ማዕከላት ግንባታ ተጠናክሮ መቀጠል አለበት፡፡

የአምራች ኢንዱስትሪው ትናንት የውጭ ምርቶችን ተቀባይ የነበረችውን ሀገር፣ ነገ የቴክኖሎጂና የኢንዱስትሪ ውጤቶች ላኪ ወደሆነች ሉዓላዊ ሀገርነት የመቀየር አቅም አለው።

"ኢትዮጵያ ታምርት" የሕዝባችን የዕለት ተዕለት የሥራ ባህል በመሆን የብልጽግናችን አምድ ሆኖ ይቀጥላል። እጃችንን አጣምረን የውጭውን ዓለም ከመጠበቅ፣ እጃችንን አብዝተን በማሠራት ሉዓላዊነታችንን የምናረጋግጥበት ጊዜ ላይ ደርሰናል።

የኢቢሲ ዶትስትሪም ኤዲቶሪያል

(ዘ-ሐበሻ ዜና ዳሰሳ) ታዋቂው የኢኮኖሚ ባለሙያ ሬይ ዳሊዮ "How Countries Go Broke" በሚለው ትንታኔው፣ ሀገራት የማምረት፣ ግብር የመሰብሰብ እና ዕዳ የመክፈል አቅማቸው ከሚወስዱት ብድር በታች ሲሆን ለከፋ አደጋ እንደሚጋለጡ ያስጠነቅቃል። በመጨረሻም የዚህ ፖሊሲ ክፍያ የሚመጣው በዋጋ ግሽበት፣ በመገበያያ ገንዘብ አቅም መዳከም፣ በፋይናንስ አለመረጋጋት ወይም ህዝብን በሚጎዳ ከባድ የኢኮኖሚ ቁጥጥር ነው። ይህ ማሳሰቢያ የውጭ ምንዛሬ እጥረት፣ ከባድ የዕዳ ጫና፣ ደካማ ሀገር በቀል ገቢ፣ የገቢ ዕቃዎች ጥገኝነት እና የዋጋ ግሽበት ለተጫናት ኢትዮጵያ ከፍተኛ ትኩረት ሊሰጠው የሚገባ አንገብጋቢ ጉዳይ ነው።

ለዓመታት የኢትዮጵያ የዕድገት ሞዴል በመንግሥት ኢንቨስትመንት፣ በግዙፍ የመሠረተ ልማት ፕሮጀክቶች እና በውጭ ብድር ላይ የተንጠለጠለ ነበር። መሠረተ ልማቶች ለዕድገት አስፈላጊ ቢሆኑም፣ ራሳቸውን ችለው ዕዳን አይከፍሉም። ከእነዚህ ፕሮጀክቶች ጀርባ ኤክስፖርት፣ አምራች ኩባንያዎች፣ የሥራ ዕድል ፈጠራ እና የውጭ ምንዛሬ ግኝት በተመጣጠነ ፍጥነት ካላደገ ሀገሪቱ አሁን ካለችበት አጣብቂኝ ውስጥ መግባቷ አይቀሬ ነበር። ኢትዮጵያ የገጠማት የህዝብ ዕዳ ችግር ብቻ ሳይሆን የከፋ የውጭ ምንዛሬ ችግር ነው።

መንግሥት ለረጅም ጊዜ በውጭ ምንዛሬ ቁጥጥር እና በተጋነነ የብር የምንዛሬ ተመን አቅርቦቱን ለማስተዳደር ቢሞክርም፣ እጥረቱን ከማባባስ እና ህገ-ወጥ ገበያን ከመፍጠር ባለፈ መፍትሄ አላመጣም። በዚህም ምክንያት በሐምሌ 2016 (July 2024) ወደ ገበያ መር የምንዛሬ ሥርዓት መግባቱ እንደ አስገዳጅ የእርምት እርምጃ ተወስዷል። ይሁን እንጂ የብር የመግዛት አቅም መዳከም የገቢ ዕቃዎችን፣ ነዳጅን፣ ማዳበሪያን እና መድኃኒቶችን እጅግ ውድ አድርጎታል። በሰኔ 2018 (June 2026) የዋጋ ግሽበቱ 13.9 በመቶ የደረሰ ሲሆን፣ ማክሮ ኢኮኖሚያዊ ማሻሻያው ለተራው ዜጋ ከኢኮኖሚ መረጋጋት ይልቅ የዕለት ተዕለት የኑሮ ውድነት እና የመግዛት አቅም መቀነሱን አቅምሶታል። የኢኮኖሚ ማሻሻያው ጫና በዝቅተኛ ተከፋዮች እና በአነስተኛ ነጋዴዎች ላይ ከበዛ፣ መንግሥት በቴክኒክ ደረጃ ልክ ቢሆንም በማህበራዊ ደህንነት በኩል ግን ከባድ የፖለቲካ አደጋ ሊገጥመው ይችላል።

ይህ የኢኮኖሚ ማሻሻያ ፍሬ እንዲያፈራ ኢትዮጵያ የምንዛሬ ተመን ማሻሻያውን እንደ መጨረሻ ግብ መቁጠር የለባትም። በቅድሚያ የውጭ ምንዛሬ ማግኛ መንገዶችን ማስፋት ግድ ይላል። ከቡና እና ወርቅ ባለፈ በግብርና ማቀነባበር፣ ቱሪዝም፣ ማዕድን፣ አምራች ዘርፍ እና ሎጂስቲክስ ላይ ጠንካራ መዋቅራዊ ሽግግር ማድረግ ያሻል። በሌላ በኩል ጥብቅ የፊስካል ዲስፕሊን (የበጀት ቁጥጥር) መተግበር አለበት። መንግሥት ውጤታማ ላልሆኑ ተቋማት እና አትራፊነታቸው ላልተረጋገጠ ፕሮጀክቶች የሚወስደውን ብድር በማቆም ብክነትን ሊያስቀር ይገባል። በተጨማሪም የአገር ውስጥ የቁጠባ እና የካፒታል ገበያን ማጠናከር፣ እንዲሁም ለግል ዘርፉ ከንግግር ባለፈ በተግባር የሚታይ ምቹ፣ ህጋዊ እና ግልጽ የሆነ የንግድ ከባቢን መፍጠር የወቅቱ አንገብጋቢ ጉዳይ ነው።

ከምንም በላይ ግን ማህበራዊ መረጋጋት እና ሰላም ዋነኛው የኢኮኖሚ ሀብት መሆኑን መገንዘብ ያስፈልጋል። ጦርነት እና ግጭት የእርሻ ማሳዎችን፣ ገበያዎችን፣ የሰው ሀብትን እና የባለሀብቱን እምነት እያጠፉ ምንም ዓይነት ማክሮ ኢኮኖሚያዊ ፖሊሲ ሊሳካ አይችልም። የሬይ ዳሊዮ ትንታኔ ትንቢት ሳይሆን የማስጠንቀቂያ ደወል ነው። ሀገራት የሚፈርሱት ዕዳ ወይም የዋጋ ግሽበት ስላለባቸው ሳይሆን፣ መሪዎች እውነታውን ክደው የረጅም ጊዜ የኢኮኖሚ መዋቅርን ለአጭር ጊዜ የፖለቲካ ትርፍ ሲቀይሩት ነው። ኢትዮጵያ አሁን እውነታውን መጋፈጥ ጀምራለች፤ ትልቁ ፈተና ግን ማሻሻያው የኑሮ ውድነትን ብቻ ሳይሆን እውነተኛ አምራች ኢኮኖሚን፣ የሥራ ዕድልን እና የተሻለ የህዝብ የኑሮ ደረጃን ማምጣት መቻሉ ላይ ነው። መውጫ መንገዱ ተጨማሪ የብድር ጊዜ መግዛት ሳይሆን፣ እውነተኛ የማምረት አቅምን መገንባት ነው።

ከድንጋይ ወፍጮ እስከ ዓለም አቀፍ የቅመማ ቅመም ኤክስፖርት ፋብሪካ

​#fastmereja I በድንጋይ ወፍጮ እርድ እየፈጨች ባሳደገቻቸው እናቷ ልፋት የተነሳሳችው ወይዘሮ ሔዋን ቀለመወርቅ ዘመናዊ እና ደረጃውን የጠበቀ የ'HEWAN SPICE' ቅመማ ቅመም ፋብሪካን በደብረብርሃን አቋቁማ እየሰራች ይገኛል።

በ730 ሚሊዮን ብር የተቋቋመው ፋብሪካው ከ30 በላይ የተፈጥሮ የኢትዮጵያ ቅመሞችን በማዘጋጀት ከሀገር ውስጥ አልፎ በዱባይ፣ ቶሮንቶ፣ ለንደን፣ ኒውዮርክ እና በአማዞን (Amazon) አማካኝነት ለዓለም ገበያ ማቅረብ ጀምሯል።

​በልጅነቷ የእናቷን እንግልት ስታይ "የእናቴን ልፋት ወደ ማሽን እቀይራለሁ" በማለት የገባችውን ቃል እውን አድርጋ በአሁኑ ወቅት ለበርካታ ዜጎች የስራ ዕድል በመፍጠር እየሰራች ትገኛለች።

​ፋብሪካው ዋና አላማው አዳዲስ የስራ እድሎችን መፍጠር፣ ሴቶችን ማብቃት እና "Made in Ethiopia" የሚለውን ምርት በዓለም አቀፍ ደረጃ ማስጠራት እንደሆነ ተገልጿል። መስራቿ ለሴቶች ባስተላለፈችው መልዕክት ህልማቸው ትልቅ በመሆኑ ምክንያት ማንንም እንዳይፈሩ እና በትዕግስት፣ በእምነት እንዲሁም በድፍረት ወደፊት እንዲገፉ ጥሪ አቅርባለች።

ጃፓን እና ጀርመን ለቻይና እጅ ሰጡ!
#ethiopia | ቻይና ጃፓንን እና ጀርመንን በመበለጥ በዓለም የአንደኝነት ደረጃን ጨበጠች።

የዓለማችንን የመኪና ኤክስፖርት ገበያን ለሁለት አስርት አመታት በበላይነት ሲመሩ የነበሩት ጃፓን እና ጀርመን ቦታቸውን ለቻይና አስረክበዋል።

ቻይና በከፍተኛ ምርት የዓለማችን ቀዳሚዋ የመኪና ላኪ ሀገር መሆኗን አረጋግጣለች።

በ2024 ቻይና በዓመት 5.5 ሚሊዮን ተሽከርካሪዎችን ወደ ውጭ የመላክ አቅም የነበራት ሲሆን አሁን አቅሟን በከፍተኛ መጠን አሳድጋለች።

ሀገሪቷ የኤክስፖርት አቅሟን በከፍተኛ ሁኔታ በማደግ በዓመት ከ7 ሚሊዮን ተሽከርካሪዎች በላይ ወደ ተለያዩ ሀገራት መልክ ችላለች።

አሁን ባሉ መረጃዎች መሠረት ጃፓን 4.2 ሚሊዮን እና ጀርመን 3.4 ሚሊዮን ተሽከርካሪዎችን በመላክ ቻይናን በመከተል ላይ ይገኛሉ።

በአለም የኤሌክትሪክ እና የፕላግ ኢን ሃይብሪድ ተሽከርካሪዎች ፍላጎት እያደገ በመምጣቱ ነው የቻይና አቅም እንዲያድግ ምክንያት የሆነው ሲል ሲጂቲኤን ያስነበበው።

በዚህም ቻይና ዓለም አቀፍ የመኪና ገበያን በአጭር ጊዜ ውስጥ የተቆጣጠረች የመጀመርያዋ ሀገር አስብሏታል።

ሔኖክ ወ/ገብርኤል
#ethiopia #getutemesgen #china #japan #germany #car #market #export #industry #technology #electric

ከአፈር ጥበቃ እስከ ቀጠናዊ ዲፕሎማሲያዊ ስኬት፡ የኢትዮጵያ አረንጓዴ ዐሻራ ያስመዘገባቸው 10 ታሪካዊ እመርታዎች
*******************

ወደ አረንጓዴ ምድር የምታደርገውን ጉዞ በፅናት ያፋጠነችው ኢትዮጵያ፣ በአየር ንብረት ለውጥ ሳቢያ የሚከሰቱ ተፈጥሮአዊ ተጽዕኖዎችን የመቋቋም አቅሟን በተግባር እያረጋገጠች ትገኛለች።

የአረንጓዴ ዐሻራ መርሐ ግብር ተራ የዛፍ ተከላ ዘመቻ ሳይሆን፣ የአካባቢ ጥበቃን፣ የምግብ ዋስትናን፣ የማክሮ ኢኮኖሚ እመርታን እና የቀጣናዊ ዲፕሎማሲ የበላይነትን ያጣመረ ሀገር በቀል ስትራቴጂካዊ ተአምር ነው።

ለመሆኑ ይህ መርሐ ግብር ኢትዮጵያን በምን ዓይነት አዲስ የዕድገት ምዕራፍ ውስጥ አስገብቷታል? 10ን ዐበይት የአረንጓዴ ዐሻራ ውጤቶች እንመልከት፡-

✅ከዕቅድ በላይ የተመዘገበ ግዙፍ የቁጥር እመርታ
በ2011 ዓ.ም በጠቅላይ ሚኒስትር ዐቢይ አሕመድ (ዶ/ር) አነሳሽነት ሲጀመር የተያዘው እቅድ 4 ቢሊዮን ችግኞችን መትከል የነበረ ቢሆንም፣ በሕዝባዊ ንቅናቄው 4.7 ቢሊዮን ችግኞችን በመትከል ነበር ታሪካዊው ዘመቻ የተከፈተው።

ከዚህ ጠንካራ መነሻ በመነሳትም እስከ 2018 ዓ.ም ባሉት ስምንት ዓመታት ውስጥ ብቻ ወደ 56 ቢሊዮን የሚጠጉ ችግኞችን መሬት በማስያዝ ለዓለም አቀፉ ማኅበረሰብ አስደናቂ ተሞክሮ ማበርከት ተችሏል።

✅በዘመናዊ ቴክኖሎጂ የተደገፈ የክትትል እና የጽድቅ መጠን ጥራት
የተተከሉት ችግኞች ዝም ብለው የሚተው ሳይሆን በጂኦግራፊያዊ መረጃ ሥርዓት (GIS)፣ በጂፒኤስ (GPS) እና በሳተላይት ምስሎች ታግዘው የሚመሩ በመሆናቸው እያንዳንዱን እድገት ሳይንሳዊ በሆነ መንገድ መከታተል ተችሏል።

በዚህም ዘመናዊ አሠራር ምክንያት የተተከሉት ችግኞች የመጽደቅ መጠን 84 በመቶ መድረሱ በዳታ ተረጋግጧል።

✅የዓለምን ትኩረት የሳበው የአንድ ቀን የታሪክ ሪከርድ
ሐምሌ 2018 ዓ.ም በተካሄደው ሀገር አቀፍ ዘመቻ ከ26.2 ሚሊዮን በላይ ዜጎች በአንድ ጀምበር በመሳተፍ በ12 ሰዓታት ውስጥ ብቻ 805.3 ሚሊዮን ችግኞችን ተክለዋል።

ይህ ክንውን በ2017 ዓ.ም ተይዞ የነበረውን የ714 ሚሊዮን ሪከርድ በአዲስ መልክ የሰበረ ታሪካዊ ስኬት ሆኖ ተመዝግቧል።

✅የሥነ-ምህዳር መታደስ እና የደን ሽፋን ማደግ
በ2011 ዓ.ም 17.2 በመቶ ብቻ የነበረው የኢትዮጵያ የደን ሽፋን፣ ከተሰሩት ግዙፍ አረንጓዴ ስራዎች በኋላ አሁን ላይ ወደ 23.6 በመቶ እና ከዚያ በላይ አድጓል።

ይህም ከ297 ሚሊዮን ቶን በላይ ካርቦን ዳይኦክሳይድ በመምጠጥ ለዓለም አቀፍ የአየር ንብረት መረጋጋት ከፍተኛ አስተዋጽኦ እያበረከተ ይገኛል።

✅የመሬት ሀብትን የመጠበቅ እና የታላቁ ሕዳሴ ግድብ ደኅንነት
ከመርሐ ግብሩ ትግበራ በፊት በየዓመቱ ይሸረሸር የነበረው 1.9 ቢሊዮን ሜትሪክ ቶን አፈር እና ደለል አሁን በተሰራው የተፈጥሮ ጥበቃ ምክንያት ወደ 208 ሚሊዮን ሜትሪክ ቶን ዝቅ እንዲል ተደርጓል።

ይህም የታላቁ የኢትዮጵያ ሕዳሴ ግድብን ጨምሮ ሌሎች የውኃ አካላት በደለል ከመሞላት አደጋ የተጠበቁበት ታላቅ ስኬት ነው።

✅ሰፊ አረንጓዴ የሥራ ዕድል እና የማህበራዊ ፍትሕ ማረጋገጫ
በመላው ኢትዮጵያ ከተቋቋሙት 120 ሺህ በላይ የችግኝ ጣቢያዎች ጋር ተያይዞ ከ1.2 ሚሊዮን በላይ አረንጓዴ የሥራ ዕድሎች ተፈጥረዋል።

ከነዚህ ተጠቃሚዎች መካከል 60 በመቶ የሚሆኑት ሴቶች እና ወጣቶች በመሆናቸው ሥራ አጥነትን በመቀነስ ረገድ የላቀ ማኅበራዊ ፍትሕን አረጋግጧል።

✅የጥምር ደን ግብርና እና የምግብ ዋስትና እውን መሆን
ከተተከሉት አጠቃላይ ችግኞች መካከል ከ50 በመቶ በላይ የሚሆኑት ኢኮኖሚያዊ ጠቀሜታ ያላቸው ተክሎች ናቸው።
አቮካዶ፣ ማንጎ፣ ፓፓያ፣ ፖም፣ ሻይ እና ቡናን የመሳሰሉ ተክሎች በስፋት መተከላቸው የዜጎችን የዕለት ተዕለት ገቢ ከማሳደግ ባለፈ የምግብ ዋስትናን በአስተማማኝ ሁኔታ እያረጋገጠ ነው።

✅የማክሮ ኢኮኖሚ እመርታ እና የኤክስፖርት ንግድ ዕድገት
በመርሐ ግብሩ የተገኘው ምርት በ2011 ዓ.ም 246 ሺህ ቶን የነበረውን የቡና ኤክስፖርት መጠን በ2017/18 በጀት ዓመት ወደ 469 ሺህ ቶን አሳድጎታል።

በተጨማሪም የፍራፍሬ ምርት በከፍተኛ ሁኔታ መጨመሩ ኢትዮጵያ በአቮካዶ ኤክስፖርት ከአፍሪካ የሁለተኛ ደረጃን እንድትይዝ አስችሏታል።

✅ሕዝባዊ ባህል እና ብሔራዊ መግባባት
በየዓመቱ ከ25 ሚሊዮን በላይ ዜጎች በነቃ ሁኔታ በዘመቻው ይሳተፋሉ። ይህ ሰፊ ህዝባዊ ጥምረት የአካባቢ ጥበቃን ከመንግስት ፖሊሲነት ባለፈ ወደ ጠንካራ የህዝብ የዘወትር ባህልነት እና ብሔራዊ መግባባት የቀየረ አዲስ ማህበራዊ እሴት ሆኗል።

✅የረጅም ጊዜ ራዕይ እና የቀጠናዊ ዲፕሎማሲ የበላይነት
ኢትዮጵያ እስከ 2020 ዓ.ም ድረስ 65 ቢሊዮን ችግኞችን ለመትከል ዕቅድ ይዛ እየሠራች ሲሆን፣ ይህም በ2027 ለምታስተናግደው 32ኛው የዓለም አቀፍ የተባበሩት መንግሥታት የአየር ንብረት ለውጥ ጉባኤ (COP32) ትልቅ ድልድይ ነው።

ከዚህም በተጨማሪ ለጎረቤት ሀገራት እንደ ጂቡቲ፣ ደቡብ ሱዳን እና ኬንያ በሚሊዮን የሚቆጠሩ ችግኞችን በማካፈል ቀጠናዊ ወንድማማችነትን እና ዲፕሎማሲን በተጨባጭ እያጠናከረች ትገኛለች።

በአጠቃላይ የኢትዮጵያ የአረንጓዴ ዐሻራ መርሐ ግብር ከቀሊል የዛፍ ተከላ ዘመቻ አልፎ የተፈጥሮ ሀብት ጥበቃን፣ የምግብ ዋስትናን፣ የሥራ ዕድል ፈጠራን፣ የኢኮኖሚ ጥንካሬን እና የዲፕሎማሲ አቅምን በአንድ ላይ ያቀናጀ አህጉራዊ የመልማት ሞዴል ነው።

ይህ ታላቅ እንቅስቃሴ ኢትዮጵያ ለራሷ ብቻ ሳይሆን ለቀጠናው እና ለዓለም አቀፉ ማኅበረሰብ ያበረከተችው ዘላቂ የአረንጓዴ ህይወት ስጦታ ነው።

በለሚ ታደሰ
#ethiopia #ebc #greenlegacy #climateaction #sustainability #plantingourfuture