🗳️ ለ7ተኛው ጠቅላላ ምርጫ ከ9 ሚሊዮን በላይ መራጮች ተመዝግበዋል
#ethiopia | የኢትዮጵያ ብሔራዊ ምርጫ ቦርድ ለ7ተኛው ጠቅላላ ምርጫ እስካሁን ባለው ሂደት 9 ሚሊዮን 360 ሺህ 994 መራጮች በዲጂታል እና በማንዋል መመዝገባቸውን አስታወቀ። የቦርዱ ሰብሳቢ ሜላትወርቅ ኃይሉ ምሽቱን ለጋዜጠኞች በሰጡት መግለጫ፣ የምዝገባ ሂደቱ ያለበትን ደረጃና ያጋጠሙ ተግዳሮቶችን በዝርዝር አብራርተዋል።

ዋና ዋና መረጃዎች፦

* የጣቢያዎች ሁኔታ፦ በሀገሪቱ ካሉ ከ52 ሺህ በላይ ጣቢያዎች ውስጥ 46,757 የሚሆኑት ሥራ የጀመሩ ሲሆን፣ ቀሪዎቹ 6,395 ጣቢያዎች በቁሳቁስ መዘግየት ምክንያት እስካሁን ሥራ አልጀመሩም።

* የገጠሙ ተግዳሮቶች፦ የቁሳቁስ ስርጭቱን ካስተጓጎሉ ምክንያቶች መካከል የተሽከርካሪ እጥረት፣ የነዳጅ እጥረት፣ የዝናብ ሁኔታ፣ በአፋር ክልል ያጋጠመ የቁሳቁስ መቃጠል እና የአንዳንድ ክልል አመራሮች የትብብር ማጣት ተጠቅሰዋል።

* የምዝገባ እንቅፋቶች፦ በመራጮች ምዝገባ ወቅት የመብራት እና የኢንተርኔት መቆራረጥ እንዲሁም የመራጮች የመረጃ አሰጣጥ ስህተቶች (የስም ቅደም ተከተል አለመጠበቅ) እንደ ዋና ችግር ተነስተዋል።

* የፓርቲዎች ክርክር፦ ለፖለቲካ ፓርቲዎች የምርጫ ክርክር መድረክ ዝግጅት የሚከታተል የባለሙያዎች ኮሚቴ ተዋቅሮ ሥራ መጀመሩ ተገልጿል።

የመራጮች ምዝገባ ሂደት እስከ መጋቢት 28 ቀን 2018 ዓ.ም ድረስ እንደሚቆይ ቦርዱ በድጋሚ አሳስቧል።

Getu Temesgen - (ጌጡ ተመስገን)
#getutemesgen #getu #ጌጡ #ኢትዮጵያ #ምርጫ2018 #ብሔራዊምርጫቦርድ #የመራጮችምዝገባ #ዴሞክራሲ #ethiopiaelection2018 #nebe #electionupdate

ለ7ኛው ሀገራዊ ምርጫ ከ10 ሺህ በላይ እጩዎች ለውድድር ቀረቡ
#ethiopia | የኢትዮጵያ ብሔራዊ ምርጫ ቦርድ ለ7ኛው ሀገራዊ ምርጫ የቅድመ ዝግጅት ስራዎችን እያጠናቀቀ መሆኑን ገለጸ። ትናንት ማምሻውን በሰጠው መግለጫ፣ ለዘንድሮው ምርጫ በአጠቃላይ 10 ሺህ 934 እጩ ተወዳዳሪዎች መመዝገባቸውን ይፋ አድርጓል።

የቦርዱ ሰብሳቢ ወይዘሮ ሜላትወርቅ ኃይሉ እንደገለጹት፣ የምዝገባ ሂደቱ በዲጂታል ስርዓት የተከናወነ ሲሆን ተወዳዳሪዎቹ የቀረቡት በሁለት ዘርፍ ነው፦

* ለሕዝብ ተወካዮች ምክር ቤት፦ 2 ሺህ 198 እጩዎች

* ለክልል ምክር ቤቶች፦ 8 ሺህ 736 እጩዎች

የተሳታፊዎች ስብጥር፦

* በድምሩ 47 የፖለቲካ ፓርቲዎች እጩዎቻቸውን ያስመዘገቡ ሲሆን፣

* በተጨማሪም 73 የግል እጩዎች ለውድድር መቅረባቸው ታውቋል።

ቦርዱ አክሎም፣ የእጩዎች ዝርዝር ነገ ይፋ እንደሚደረግና ከዜጎች የሚነሱ ቅሬታዎችን ለመቀበል ዝግጁ መሆኑን ገልጿል። ይህም የምርጫውን ግልጽነትና ተዓማኒነት ለማረጋገጥ እንደሚረዳ ተጠቁሟል።

Getu Temesgen - (ጌጡ ተመስገን)
#getutemesgen #getu #ጌጡ #ኢትዮጵያ #ምርጫ2018 #ብሔራዊምርጫቦርድ #ዴሞክራሲ #ዜና #ethiopia #election2026