(ዘ-ሐበሻ ዜና) የአሜሪካው ፕሬዝዳንት ዶናልድ ትራምፕ በፋርስ ባሕረ ወሽመጥ እና በአካባቢው በሚፈጸሙ ጥቃቶች በመርከቦች እና በጭነቶች ላይ ለሚደርሰው ማንኛውም ጉዳት፣ አሜሪካ በቁጥጥሯ ስር የሚገኘውን የታገደ የኢራን ገንዘብ ካሳ ለመክፈል እንደምትጠቀምበት አስጠነቀቁ።

ፕሬዝዳንት ትራምፕ በራሳቸው "ትሩዝ ሶሻል" የማኅበራዊ ሚዲያ ገጻቸው ባሰፈሩት መግለጫ፣ "ከዚህ ሰዓት ጀምሮ በመርከቦች፣ በጭነቶች ወይም ከዚሁ ጋር በተያያዙ ማናቸውም ነገሮች ላይ ለሚደርሱ ጉዳቶች በሙሉ፣ አሜሪካ በእጇ ከሚገኘውና በቁጥጥሯ ስር ካለው የኢራን ገንዘብ ተሸፍኖ ክፍያ እንደሚፈጸም ይህ መግለጫ እስከ ሁለተኛ ማስታወቂያ ድረስ ያገለግላል" ሲሉ አስታውቀዋል።