ሚድሮክ ኢንቨስትመንት ግሩፕ በስድስት ወራት ውስጥ የ65.99 ቢሊዮን ብር ሽያጭ ያከናወነ
#ethiopia | ሚድሮክ ኢንቨስትመንት ግሩፕ የ2018 በጀት ዓመት የመጀመሪያ ስድስት ወራት የሥራ አፈጻጸሙን በገመገመበት ወቅት፣ ከዕቅድ በላይ የሆኑ አስገራሚ ውጤቶችን ማስመዝገቡን ገልጿል። ግሩፑ በዚህ ግማሽ ዓመት ውስጥ ብቻ 65.99 ቢሊዮን ብር አጠቃላይ ሽያጭ ያከናወነ ሲሆን፣ ይህም ካለፈው ዓመት ተመሳሳይ ወቅት ጋር ሲነፃፀር የ71 በመቶ ከፍተኛ ዕድገት አሳይቷል።
በሪፖርቱ የቀረቡ ዋና ዋና ነጥቦች፦

* የትርፍ ዕድገት፦ ተቋሙ የትርፍ ዕቅዱን 176 በመቶ በማሳካት፣ ካለፈው ዓመት የ95 በመቶ ጭማሪ አሳይቷል።

* የውጭ ምንዛሬ ግኝት፦ ለውጭ ገበያ ከቀረቡ ምርቶችና አገልግሎቶች 155 ሚሊዮን የአሜሪካ ዶላር በላይ ለሀገር ማስገኘት ተችሏል። ይህም የ53 በመቶ ዕድገት አለው።

* የሥራ ዕድል ፈጠራ፦ በአሁኑ ወቅት ግሩፑ ከ45 በላይ ድርጅቶችን በማስተዳደር፣ ለ80 ሺህ በላይ ዜጎች የሥራ ዕድል መፍጠር ችሏል።
የሚድሮክ ኢንቨስትመንት ግሩፕ ዋና ሥራ አስፈፃሚ አቶ ጀማል አሕመድ እንደገለጹት፣ በቀጣይ ትኩረታቸው በማርኬቲንግ፣ በምርት ጥራትና በወጪ ቅነሳ ላይ በማተኮር ውጤቱን አጠናክሮ ማስቀጠል ይሆናል።

Getu Temesgen - (ጌጡ ተመስገን)
#getutemesgen #getu #ጌጡ #capitalnews #midroc #investmentgroup #ethiopia #businessnews #economy #jobcreation #export #ethiopianeconomy