የቱርክዬው ፕሬዝዳንት ረጀብ ጠይፕ ኤርዶዋን ለይፋዊ የሥራ ጉብኝት አዲስ አበባ ገቡ

የቱርክዬ ሪፐብሊክ ፕሬዝዳንት ረጀብ ጠይፕ ኤርዶዋን በኢትዮጵያ የሚያደርጉትን ይፋዊ የሥራ ጉብኝት ለመጀመር አዲስ አበባ ገብተዋል። ለፕሬዝዳንቱና ለልዑካን ቡድናቸውም በኢትዮጵያ መንግስት ከፍተኛ የክብር አቀባበል ተደርጎላቸዋል።

ይህ የፕሬዝዳንቱ ጉብኝት በቱርክዬ እና በኢትዮጵያ መካከል ያለውን ጥልቅ እና ታሪካዊ የአጋርነት ግንኙነት ይበልጥ የሚያጠናክር መሆኑ ተገልጿል። በቆይታቸውም ከአንካራ እስከ አዲስ አበባ ያለውን የሁለትዮሽ ትብብር ወደ ላቀ ደረጃ የሚያሸጋግሩ እና በሁለቱ ጥንታዊ ሀገራት መካከል ዘላቂ ትስስርን የሚያረጋግጡ ውጤታማ ውይይቶች እንደሚኖሩ ይጠበቃል።

ኢትዮጵያ ለፕሬዝዳንቱ ባደረገችው የእንኳን ደህና መጡ ጥሪ፣ ጉብኝቱ የሁለቱን ሀገራት ስትራቴጂካዊ አጋርነት ዳግም የሚያረጋግጥ መሆኑን አመልክታለች። በሁለቱ መሪዎች መካከል የሚደረገው ምክክር በኢኮኖሚ፣ በዲፕሎማሲ እና በቀጣናዊ ደህንነት ጉዳዮች ላይ እንደሚያተኩርም ታውቋል።

seledadotio
seledadotio