ጄኔራል ባጫ ስለ አሰብ

በኬንያ የኢትዮጵያ አምባሳደርና ከፍተኛ የጦር መኮንን የሆኑት ጀነራል ባጫ ደበሌ በትግርኛ ቋንቋ ባሰፈሩት ጽሑፍ፣ ጠቅላይ ሚኒስትር ዐቢይ አሕመድ ከፕሬዝዳንት ኢሳያስ ጋር በሚሊኒየም አዳራሽ በተካሄደ አንድ ዝግጅት ላይ "እኔና ኢሱ የምንጋራው ዓሰብን ነው" ማለታቸውን አስታውሰዋል።

ጀነራሉ አክለውም፣ ፕሬዝዳንት ኢሳያስም ይህንን ሀሳብ እጃቸውን ግንባራቸው ላይ በማድረግ (በመደገፍ ምልክት) ዓሰብን ለኢትዮጵያ ሕዝብ ለማካፈል እንደሚስማሙ ገልጸው ነበር ብለዋል።

በዚህም መሠረት የዓሰብ ጉዳይ አሁን በድንገት የተነሳ አዲስ አጀንዳ ሳይሆን፣  ከዚህ ቀደም በሁለቱ መሪዎች መካከል መግባባት ላይ የተደረሰበት እንደሆነ ጀነራሉ ተናግረዋል። በመጨረሻም "ዓሰብ በአሻጥር የተወሰደ የኢትዮጵያ ሀብትና ቅርስ ነው" ሲሉ ጽሑፋቸውን ደምድመዋል።

እ.ኤ.አ. በ2018 በኢትዮጵያና በኤርትራ መካከል ታሪካዊ የሰላም ስምምነት ሲፈረም፣ በሁለቱ ሀገራት ከፍተኛ የሆነ የህዝብ ለህዝብ ግንኙነትና የኢኮኖሚ ትስስር ለመፍጠር ተስፋ ተጥሎ ነበር። በወቅቱ ሁለቱ መሪዎች በተለያዩ መድረኮች ላይ አብረው የታዩ ሲሆን፣ የሚሊኒየም አዳራሹ ዝግጅትም የዚሁ አካል ነበር።

በወቅቱ በነበሩት ይፋዊ መድረኮች ላይ ሁለቱም መሪዎች ስለ ሰላም፣ ስለ ፍቅርና ስለ ኢኮኖሚያዊ ትብብር በስፋት ተናግረዋል። ይሁንና ጀነራል ባጫ የጠቀሱት "እኔና ኢሱ የምንጋራው ዓሰብን ነው" የሚለው የጠቅላይ ሚኒስትሩ ንግግርም ሆነ የፕሬዝዳንት ኢሳያስ ይሁንታ በይፋ በተላለፉ የሚዲያ ዘገባዎች ውስጥ ተመዝግቦ አይገኝም። ይህ ምናልባት በዝግ ወይም መደበኛ ባልሆነ ውይይት የተባለ ሊሆን እንደሚችል ግምቶች ይኖራሉ፤ ነገር ግን በይፋ የተረጋገጠ መረጃ አይደለም።

seledadotio
seledadotio