🏅 የ43 ዓመታት የጥበብ እና የሚዲያ ባለውለታ ተፈሪ ዓለሙ ተከበረ! 👏

* ​"ብሬማን ፕሮዳክሽን ለጋዜጠኛ እና አርቲስት ተፈሪ ዓለሙ ካባ ደረበለት"
#ethiopia | ​በኢትዮጵያ የኪነ-ጥበብ እና የሚዲያ መድረክ ላለፉት 43 ዓመታት ደከመኝ ሰለቸኝ ሳይል ያገለገለው ተፈሪ ዓለሙ፤ በብሬማን ፕሮዳክሽን ልዩ የክብር እውቅና እና ካባ ተበርክቶለታል።

​ተፈሪ ዓለሙ ማነው?

📻 ሚዲያ: የሸገር 102.1 ሬዲዮን የዛሬ 18 ዓመት ከመሠረቱት አውራዎች አንዱ።

🎭 ኪነ-ጥበብ: በሀገር ፍቅር ቴአትር በስራ አስኪያጅነት የመራ፣ በርካታ ቴአትሮችን የፃፈ እና የተወነ የጥበብ ሰው።

🤝 አርአያነት: ወጣቶችን በማበረታታት እና በጎነትን በማስተማር ለብዙዎች መምህር የሆነ ባለሙያ።

​ልዩ ዝግጅት በፋና ፕላስ:
ይህንን ታላቅ ሰው የሚዘክረው፣ ምስክርነቶች እና ሙዚቃዊ ዝግጅቶች የተካተቱበት ልዩ ፕሮግራም፤ የጥምቀት በዓልን ምክንያት በማድረግ በፋና ፕላስ (Fana Plus) ከቀኑ 10:00 ሰዓት ጀምሮ ይተላለፋል።

​ክብር ለሚገባው ክብር መስጠት ታላቅነት ነው!
እንኳን ደስ አለህ!
​ለተጨማሪ መረጃ፡ https://tewedajewikipedia....

​#teferialemu #legend #ethiopianart #shegerfm #bremanproduction #recognition #fanaplus

🍋 "ለጥምቀት ያልሆነ ቀሚስ..."
#ethiopia | ጥምቀት ሃይማኖታዊ ክንውን ብቻ ሳይሆን የባህልና የፋሽን መመልከቻ መድረክ ሆኗል የጥምቀት በዓል ሲቃረብ በኢትዮጵያውያን ዘንድ አንድ የታወቀ አባባል አለ፦ “ለጥምቀት ያልሆነ ቀሚስ ይበጣጠስ!”። ይህ አባባል በዓሉ ከሃይማኖታዊ ስርአቱ ባለፈ፣ የሰው ልጅ ታጥቦና ተውቦ የሚታይበት፣ አዲስ ልብስና ጌጣጌጥ የሚመረቅበት የውበት አደባባይ መሆኑን ቁልጭ አድርጎ ያሳያል።

✨ የአደባባይ ፋሽንና የጌጣጌጥ ድግስ

ጥምቀት ከመንጻትና ከመጽዳት ጋር የተያያዘ እንደመሆኑ፣ ሁሉም አቅሙ የፈቀደውን አዲስ ገዝቶ፣ ያልቻለም ያለውን አጥቦና ተኩሶ ለበዓሉ ይዘጋጃል። በተለይ ሴቶች በባህላዊ አልባሳት ደምቀው፣ በጠልሰም፣ በክታብ፣ በድሪ፣ በአምባርና በአልቦ አጊጠው ሲወጡ መንገዱ ሁሉ በውበት ይሞላል።

ይህ ዝግጅት ለሴቶች ብቻ የተተወ አይደለም፤ ወንዶችም ጸጉራቸውን አጎፍረው፣ እጀ ጠባብና ጃኖ ለብሰው፣ ጥርስ መፋቂያቸውን ይዘው የሚወጡበትና ማንነታቸውን የሚያሳዩበት ልዩ ወቅት ነው።

🍋 "ሎሚ ውርወራ"፦ የፍቅር ቋንቋ ያለ ንግግር

ከዚህ ሁሉ ውበት ጀርባ የጥምቀት በዓል ሌላው ማራኪ መልክ “ሎሚ ውርወራ” ነው። ቀደም ባሉት ጊዜያት አንድ ወንድ የሚወዳትን ሴት ፍላጎቱን ለመግለጽ ጥምቀትን ዓመት ሙሉ ይጠብቅ ነበር። ሎሚ በመወርወር የሚጀምረው ይህ የፍቅር ጥያቄ፣ በሴቷ በኩል ሎሚውን በማንሳት ወይም መልሳ በመወርወር ያለ ምንም ንግግር የሚደረግ የስምምነት ቋንቋ ነው።

👗 ጥምቀትና የሸማቾች ትኩሳት

በዚህ ዘመን የሎሚ ውርወራው ባህል ቢቀንስም፣ “ለጥምቀት ያልሆነ ቀሚስ...” የሚለው ወኔ ግን አልቀነሰም። ይልቁንም ጥምቀት አዳዲስ የባህል ልብስ ዲዛይኖች የሚታዩበትና የሚመረቁበት ትልቅ መድረክ ሆኗል። የባህል ልብስ መሸጫ ቤቶች በሸማቾች ይጨናነቃሉ፤ በዓሉ የሀገር በቀል ጥበብና የዘመናዊ ፋሽን መገናኛ ድልድይ ሆኖ ያገለግላል።

ጥምቀት በአጠቃላይ የኢትዮጵያዊነት ቀለም፣ የፍቅርና የውበት መገለጫ ሆኖ በድምቀት መከበሩን ቀጥሏል።

​Getu Temesgen - (ጌጡ ተመስገን)
#ጥምቀት #ኢትዮጵያ #shegerfm #ባህል #የሀበሻልብስ #ሎሚውርወራ #ውበት #ለጥምቀትያልሆነ #ድምቀት #timkat #ethiopianculture #epiphany

ፌስታል ይዘው ከሆቴል ተመላሸ ምግብ የሚለምኑ ሰራተኞች
#ethiopia | ኢትዮጵያ የሰራተኛ ማህበራት ኮንፌደሬሽን ፓርላማው ፍቃደኛ ከሆነ በስራ መውጫ ስዓት ፌስታል ይዘው ከሆቴል ተመላሸ ምግብ የሚለምኑ ሰራተኞች መኖራቸውን ማሳየት እንደሚችል ተናገረ፡፡

ኮንፌዴሬሽን ይህን ያለው በቅርብ ይጸድቃል ተብሎ በሚጠበቀው የፌዴራል ገቢ ግብር ማሻሽያ ረቂቅ አዋጅ ላይ ዛሬ ሰኞ ሐምሌ 7 ቀን 2017 ዓ.ም በህዝብ እንደራሴዎች ምክር ቤት የፕላን በጀት እና ፋይናንስ ጉዳዮች ቋሚ ኮሚቴ ከባለድርሻ አካላት ጋር ወይይት ባካሄደበት ወቅት ነው፡፡

ከገቢ ግብር ማሻሻያ ረቂቅ አዋጅ ላይ ከሰራተኛው ለመቁረጥ የቀረበው ሃሳብ ውስብስብ የዋጋ ንረትን እና የድህነት መጠንን ያላገናዘብ ከመሆኑም በላይ ማጭበርበር ሳይኖር በአግባቡ ከደሞዙ ግብር የሚከፍለውን ሰራተኛ ከችግር የሚውጣ ሳይሆን ችግር ውስጥ የሚከት እንደሆነ የኢትዮጵያ የሰራተኛ ማህበራት ኮንፌደሬሽን ዋና ፕሬዘዳንት አቶ ካሳሁን ፎሎ ተናግረዋል፡፡

ሰራተኛው በቀን አንድ ጊዜ በልቶ መዋል አልቻለም ያሉት ፕሬዝዳንቱ ምክንያቱ ደግሞ በርካታ ወጪዎች ስላሉበት ነው ብለዋል፡፡

ተቀጣሪው ሰራተኛ ህክምና ሄዶ መታከም የማይችልበት ሁኔታ ላይ ደርሷል ሲሉ ያስረዱት አቶ ካሳሁን እውነት ለመናገር አንድ ሰው በ5 ሺ ብር ደሞዝ ቤት ኪራይ ይከፍላል ፣ ይበላል፣ ልብስ ይለብሳል ፣ ህክምና ይሄዳል ብለዋል፡፡

ህክምናውን እንተው እየጸለየ ይኑር ፤ቤት ኪራይውንም እንተወው በበረንዳ በሰዎች ላይ በጥገኝነት ይኑር ግን በቀን አንድ ጊዜ እየበላ መኖር የለበትም ወይ? ሲሉ ጠይቀዋል፡፡
አንድ ድርጅት ከትርፉ 35 በመቶ ግብር ይከፍላል ያሉት የኢትዮጵያ የሰራተኛ ማህበራት ኮንፌደሬሽን ዋና ፕሬዝዳንት አቶ ካሳሁን ፎሎ ሰራተኛውም 35 በመቶ ይከፍላል ይህ እንዴት ሊሆን ይችላል? ሲሉ ጥያቄ አቅርበዋል፡፡

ነጋዴውም፣ ድርጅቱም ከትርፉ ነው እኮ 35 በመቶ የሚከፍለው ሲሉ ያስረዱት አቶ ካሳሁን ሰራተኛው ግን ከትርፉ ሳይሆን ከሚበላው ላይ ነው የሚከፍለው ይህ እንዴት ነው? እኩል ይሆናል ብለዋል፡፡

ስለሰዎች ስናስብ ልማት ለማስቀጠል ነው ያሉት አቶ ካሳሁን ልማት ያለ ሰው ሰው ያለ ልማት ሊኖሩ አይችሉም ሲሉ አስረድተዋል፡፡

ስለዚህም የሰራተኛውንም ጫና የመንግስትን ዓላማ ታሳቢ ያደረገ የግብር ምጣኔ መጣል አለበት ሲሉ ተናግረዋል፡፡

አሁን በማሻሻያው የግብር መነሻ 2000 ሺ ብር ሲሆን ምን ታሳቢ ተደርጎ ነው? ሲሉ ጠይቀዋል፡፡
አንድ ስልት ሲሰራ ሰውን ማኖር አለበት ያሉት አቶ ከሳሁን ይህ መነሻ ግን ታሳቢ አላደረገም ብለዋል፡፡

ቋሚ ኮሚቴው እንደገና ከሚመለከታቸው ሰዎች ጋር ቢመካከር ሲሉ የጠየቁት አቶ ካሳሁን ፎሎ የኢትዮጵያ ሰራተኞች ኑሮን አልቻሉም፤ ቋሚ ኮሚቴው ፍቃደኛ ከሆነ ከስራ ሲውጡ ፌስታል ይዘው ሆቴል አካባቢ ቆመው ሲለምኑ አብረን ማየት እንችላለን ብሏል፡፡
የገንዘብ ሚኒስቴር በኩሉ አዋጁ በይድረስ ይድረስ የተዘጋጀ ሳይሆን ሁለት ዓመት ጥናት ተሰርቶበት የተዘጋጀ ማሻሻያ ነው ብሏል፡፡

2000 ብር መነሻ የተደረገበት ምክንያት ደግሞ የመክፈል አቅማችን ዝቅተኛ ስለሆነ ነው ሲል አስረድቷል፡፡
መነሻን ከዚህ ከፍ ለማድረግ ቢፈለግ አገሪቱ ያላት ገቢ አይፈቅድም ወደፊት ገቢው እያደገ ሲሄድ ግን መነሻን ከፍ ማድረግ እንደሚችል የገንዘብ ሚኒስቴር ተናግሯል፡፡

የገንዘብ ሚኒስቴር ሚኒስትር ዲኤታ አቶ ፍቃዱ ሆረታ የኑሮ ውድነቱ ግብር በመክፍል ብቻ የመጣ እንዳልሆነ ተናግረው በኢትዮጵያ ብቻም ያለ ችግር አይደለም ብለዋል፡፡

ሚኒስትር ድኤታው ከውጭ የምናስገባቸውን መዳበሪያ ፣ ነዳጅ እና መሰል ግብዓቶች በቀጥታም ይሁን በተዘዋዋሪ በሰዎች ላይ ጫና ይፍጥራል ብለዋል፡፡

ይህን ችግር ለመፍታት ደግሞ መንግስት ደሞዝ መጨመሩን የተናገሩት ሚኒስትር ዲኤታው መንግስት አቅም በፈቀደ መሰረት ድጋፍ አድርጓል ሲሉ አስረድተዋል፡፡

በገቢ ግብር ላይ ያለውም ጫናውን መቀነስ ነው እንጂ ማጥፋ እንዳልሆነ የተናገሩት አቶ ፍቃዱ ሆረታ በነባሩ አዋጅ ላይ መነሳትን ብናመለከት 600 ነው ወደ 2000 ያደገው በውይይት ተደርጎበት ነው ብለዋል፡፡

በከፍተኛ የትምህርት ተቋማት እና የሞያ ማህበራት ተሳትፎ የተደረገ ማሻሻያ እንጂ ዝም ብሎ የመጣ ቁጥር እንዳልሆነም የገንዘብ ሚኒስቴር ተናግረዋል፡፡

የገንዘብ ሚኒስቴር የግብር መነሻው ከተቀጣሪ ሰራተኛ አሁን ካቀረብነው ከፍ ካለ መንግስት ከፍተኛ ገቢ እንደሚያጣ ተናግሮ በተለይ በክልሎች ገቢ ላይ የበረታ ጫና እንደሚያሳድር ተናግሯል፡፡ #shegerfm

የአዲሱ የገቢ ግብር ረቂቅ አዋጅ ከተለያየ የገቢ ምንጭ የሚገኝ ገቢ አንድ ላይ ተጣምሮ ግብር እንዲከፈልበት ያደርጋል ተባለ
#ethiopia | ይህም ማለት አንድ ሰው ተቀጣሪ ደመወዝተኛ ሆኖ በተጨማሪ የሚያከራየው ቤት ወይም ሌላ ንግድ ቢኖረው ሶስቱም ገቢው በአንድ ላይ ተሰልቶ ግብር ይከፈልበታል እንደማለት ነው፡፡

አሁን በስራ ላይ ባለው አዋጅ በተመሳሳይ ሰንጠረዥ ውስጥ ያሉ ብቻ በአንድ የሚጣመሩ ሲሆን በአዲሱ አዋጅ ግን ከሌላ ዘርፍም ቢሆን አንድ ግለሰብ ተጨማሪ ገቢ ካለው አንድ ላይ ተደምሮ ግብሩ ይሰላል ተብሏል።

ይህ ለውጥ ግለሰቦች በተበታተነ መንገድ ገቢያቸው ሲሰላ ተደጋጋሚ ከግብር ነፃ የሚሆን ተቀናሽን እያገኙ መንግስት ተገቢውን ገቢ እንዳያገኝ እያደረገ ስለሆነ ነው ተብሏል።

ከዚህ በተጨማሪም አንድ ሰው ከአንድ ምንጭ በሚያገኘው ገቢና ሌላ ሰው ከተለያየ የገቢ ምንጭ በሚያገኘው ተመሳሳይ ገቢ ላይ የሚከፈለው ግብር የተለያየ መሆኑ የፍታዊነት ጥያቄን የሚያስነሳ ስለሆነ እሱን ለማስተካከል ማሻሻያው አስፈልጓል ተብሏለ።

ይህ አሰራር ችግር ሊያስከትል ይችላል የሚል ጥያቄ ከህዝብ እንደራሴዎች ምክር ቤት ተነስቶበታል።

የገንዘብ ሚኒስቴር የስራ ሀላፊዎች ማሻሻያ የሚፈልጉ የገቢ ግብር አዋጁ ላይ ማሻሻያ መደረጉን አንስተው ይህኛው ክፍልም የግድ ማስተካከያ የሚፈልግ መሆኑን አብራርተዋል።
#shegerfm