በዋግ ኽምራ ሰሃላ ሰየምት ወረዳ የተከሰተው ከባድ ድርቅ ዜጎቻችንን ለጽኑ የምግብ እጥረትና ጥም ዳርጓል።

በኤልኒኖ ክስተት ምክንያት በሰሃላ ሰየምት ወረዳ በተከሰተው ዝናብ እጥረት አርሶ አደሮች እና የአከባቢው ነዋሪዎች ለከፍተኛ የምግብ እጥረት፣ ለዘርና የእንስሳት መኖ እጥረት ዳርጓል።

አርሶ አደሮች በድካም የዘሩት ማሽላ፣ ጤፍና ዳጉሳ ሳይበቅል በመድረቁ የዕለት ጉርሳቸው ሙሉ በሙሉ ተቋርጧል።

በወረዳው ከሚገኙ ጎጦች መካከል አብዛኛዎቹ ንጹህ መጠጥ ውሃ በማጣታቸው ሰዎች እና እንስሳት ለጽኑ ጥማት ተጋልጠዋል።

በተለይ አጥቢ እና ነፍሰ ጡር እናቶች፣ እንዲሁም ሕፃናት እና አረጋውያን በምግብ እጥረት ሳቢያ ለከፍተኛ የጤና አደጋ ተገልጠዋል።

አርሶ አደሩ የዕለት ምግብ ብቻ ሳይሆን፣ ለሚቀጥለው የእርሻ ወቅት የሚሆን ዘር እና ለእንስሳቱ የሚሆን መኖ አጥቶ እየተሰቃየ ይገኛል።

የአካባቢው ማህበረሰብ " ለጊዜያዊ የምግብ ዕርዳታ ብቻ ሳይሆን ለዘር እና ለእንስሳት መኖ አስቸኳይ ድጋፍ ይደረግልን " በማለት ጥሪ አቅርቧል።

መስከረም 30 ቀን 2019 ዓ/ም

@tikvahethiopia

ድምፃዊ ዳዊት ጽጌ የሴንቸሪ ሪል እስቴት ይፋዊ የብራንድ አምባሳደር ሆኖ ተሾመ!
#fastmereja :- ሴንቸሪ ኢንቨስትመንት ግሩፕ (ሴንቸሪ ሪል እስቴት) ተወዳጁን ድምፃዊ ዳዊት ጽጌን ይፋዊ የብራንድ አምባሳደሩ አድርጎ ሾመ።

ድርጅቱ አምባሳደሩን ይፋ ያደረገው "ደሞ በዚህ ላይ... ሥራዎቻችን ምስክሮቻችን!" በሚል መሪ ቃል ባዘጋጀው ልዩ የምስጋና እና የእውቅና መርሃ-ግብር ላይ ነው።

በኢንዱስትሪ፣ በኮንስትራክሽን፣ በብረታ ብረት እና በማዕድን ዘርፎች የ70 ዓመታት የንግድ ታሪክ ያለው ሴንቸሪ ኢንቨስትመንት ግሩፕ፣ ባለፉት 30 ዓመታት በሪል እስቴት ዘርፍ ጠንካራ ስም መገንባት ችሏል።

ባለፉት 10 ዓመታት ብቻ በአዲስ አበባ 16 ስትራቴጂካዊ ቦታዎች ላይለንግድ፣ ለቢሮ እና ለመኖሪያ የሚሆኑ ዘመናዊ ህንፃዎችን በመገንባት ላይ ይገኛል።

ከተጠናቀቁና ለባለቤቶቻቸው ከተረከቡ ፕሮጀክቶቹ መካከል በቦሌ መድኃኒያለም የሚገኘው ሴንቸሪ
ራዲያንስ፣ በቦሌ ብራስ የሚገኘው ሴንቸሪ አዲስ ትሬዠር፣ በቦሌ አትላስ የሚገኘው ሴንቸሪ ሼባ ሆምስ፣ በካሳንቺስ የሚገኘው ሴንቸሪ ሴንትራል፣ በተክለሃይማኖት የሚገኘው አስመን ተክለሃይማኖት እንዲሁም በቦሌ ቡልቡላ የሚገኘው ኦክ አፓርትመንት ይጠቀሳሉ።

ከንግድ እንቅስቃሴው በተጨማሪ ድርጅቱ ሁለገብ ማህበራዊ ኃላፊነት ተግባራትን እያከናወነ ይገኛል። ከእነዚህም መካከል ለ2,000 በላይ ተማሪዎች የትምህርት ቁሳቁስ ድጋፍ ማድረግ፣ በየካ ክፍለ ከተማ በገነባው የምግብ ማዕከል በየቀኑ ለ250 በላይ ወገኖች የምግብ አገልግሎት መስጠት፣ከ500 በላይ አረጋውያንን በቋሚነት በበጀት መደገፍ ይጠቀሳል።

እንዲሁም በአዲስ አበባ እና በቢሾፍቱ ከ50 በላይ አዳዲስ ቤቶችን ገንብቶ ማስረከብ እና ንጹህ የመጠጥ ውሃ ማቅረብ፣ በሀገራዊ የልማት ፕሮጀክቶች (በገበታ ለትውልድ፣ በገበታ ለሀገር፣ በአረንጓዴ አሻራ እና በኮሪደርልማት) ንቁ ተሳትፎ ማድረግ ይገኙበታል።

ሴንቸሪ ሪል እስቴት ከአዲሱ የብራንድ አምባሳደሩ ድምፃዊ ዳዊት ጽጌ ጋር በመሆን በኦሎምፒያ፣ ሜክሲኮ፣ ቦሌ ሰላም መንገድ እና ሴቶች አደባባይ አካባቢ የሚያከናውናቸውን አዳዲስ ግንባታዎች አፋጥኖ ለማጠናቀቅ እንደሚሰራ ገልጿል።

ጥራትን ማዕከል ያደረገው የመደመር መንግሥት

አዲስ አበባ፣ መስከረም 27፣ 2019 (ኤፍ ኤም ሲ) የሀገርን ብሩህ መጻኢ ዕድል በጽኑ መሠረት ላይ ገንብቶ ዘላቂ ብልጽግናን ማረጋገጥ የሚቻለው ሕዝብን ማዕከል ያደረገ ልማት ሲረጋገጥ ነው።

የመደመር መንግሥትም በተለያዩ ዘርፎች ሕዝብን ማዕከል ያደረጉ ሁለንተናዊ መዋቅራዊ ሽግግሮችን ሲያከናውን ቆይቷል።

ይህ መዋቅራዊ ሽግግር በተለይም በትምህርት፣ በጤና እና በማህበራዊ ዘርፎች ላይ ያጠነጠነ፤ ዜጋን የልማቱ ዋና ተጠቃሚና ባለቤት ያደረገ የፖሊሲ እና የተግባር ርምጃን የወሰደ አካሄድ ነው።

ለአብነትም የትምህርት ሀገርን ተረካቢ ትውልድ የሚቀረጽበት ዋና ማዕከል እንደመሆኑ መጠን፣ በመደመር መንግሥት ትልቅ የመዋቅር ለውጥ ከተደረገባቸው ዘርፎች አንዱ ነው።

ቀደም ሲል የነበረውን የትምህርት ቤቶችን ቁጥር የማብዛት ብቻ ትኩረት ወደ ትምህርት ጥራት፣ የምዘና ሥርዓት ጥብቅነት ብሎም የትምህርት ፍኖተ- ካርታን እስከ ማሻሻል የተጓዘ ስር ነቀል አቋምን ተከትሏል።

የሀገር አቀፍ እንዲሁም ክልላዊ ፈተናዎች ከስርቆትና ማጭበርበር እንዲጸዱ መደረጉ የትምህርት ጥራትን ለማስጠበቅ ቁልፍ ርምጃ ሆኗል።

የቅድመ-መደበኛ፤ ሀገር በቀል እውቀቶች፤ የዜግነትና ግብረ-ገብ ትምህርት መስፋፋት እንዲሁም የዲጂታል እና የቴክኖሎጂ ስልጠናዎች ትግበራ ትውልዱን ለዘመኑ ዝግጁ የሚያደርጉ ውሳኔዎች ናቸው።

የተማሪዎች ምገባ መርሐ-ግብር ተማሪዎች በትምህርታቸው ላይ ብቻ እንዲያተኩሩና የማቋረጥ ምጣኔም እንዲቀንስ ከፍተኛ አስተዋጽኦ አበርክቷል።

እነዚህ ታሪካዊ ርምጃዎች ትምህርትን በቁጥር ብቻ ሳይሆን በጥራትና በትውልድ ግንባታ ሚዛን ለመለካት የተደረጉ ታላቅ ውሳኔዎች ናቸው።

ጤናማ ዜጋ ለሀገር እድገትና ምርታማነት መሠረት እንደመሆኑ መጠን፤ በተመሳሳይ በጤናው ዘርፍ የተከናወኑ ተግባራት መሠረታዊ የጤና አገልግሎትን ሽፋንን ከማስፋት ባለፈ ጥራቱን ለማሳደግ ያለመ መዋቅራዊ ለውጥ ተካሂዶበታል።

የማህበረሰብ አቀፍ ጤና መድህን ተዳራሽነትን በማስፋት የዜጎችን የሕክምና ወጪ ጫና መቀነስ ከመቻሉም ባሻገር የላቀ የሕክምና ማዕከላት ግንባታ፣ የሆስፒታሎች ደረጃ ማሻሻያ እና የእናቶችና ሕፃናት ጤና ጥበቃን የማጠንከር ሥራዎች በስፋት ተከናውነዋል።

የመድኃኒት አቅርቦት ሥርዓትን ማዘመን እና በቴክኖሎጂ የተደገፈ የሕክምና መረጃ አያያዝን በመዘርጋት፤ ዜጎች ጥራት ያለው የጤና አገልግሎት በቅርበት እንዲያገኙ ተችሏል።

የኢኮኖሚ እድገት ትርጉም የሚኖረው በኢኮኖሚያዊ አቅም ውስንነት ተጋላጭ የሕብረተሰብ ክፍሎችን ሲደግፍ ነው።

በዜጋ ተኮር ማህበራዊ ዘርፉ የተከናወኑ ሥራዎች ክብርና ሰብአዊነትን ማዕከል ያደረጉ ናቸው።

የከተሞች የሴፍቲኔት ፕሮግራሞች፣የሴቶች፤ የአረጋውያንና የአካል ጉዳተኞችን ማህበራዊና ኢኮኖሚያዊ ተሳትፎ የሚያረጋግጡ አሰራሮችን ዘርግተዋል።

በበጎ ፈቃድ አገልግሎት የመኖሪያ ቤቶች እድሳት፣ የምገባ ማዕከላት መመስረትና የዜጎችን ኑሮ የማሻሻል ዘመቻዎች ማህበራዊ ፍትሕንና አንድነትን በማጠናከር ረገድ ጉልህ ስኬትን አስመዝግበዋል፡፡

ፕሬዚዳንት ታዬ አጽቀ ሥላሴ የኢፌዲሪ የሕዝብ ተወካዮች እና የፌዴሬሽን ምክር ቤቶች 7ኛ የስራ ዘመን 1ኛ ዓመት የጋራ መደበኛ ስብሰባ መክፈቻ ላይ እዳሉት÷ "ጥራትን መሰረት ያደረገ ሁለንተናዊ መዋቅራዊ ሽግግር እንዲኖር ይደረጋል፤ ትምህርት፣ ጤና እና ማህበራዊ ጥበቃን ከስፋት ወደ ጥራት በማሸጋገር ዜጋን ማዕከሉ ያደረገ ልማት ይፋጠናል፡፡"

ይህ የሚያሳየው፤ የመደመር መንግሥት የተከተለው ብሎም በቀጣይ የሚከተለው የልማት አቅጣጫ፤ ቁጥርና ስፋትን መሠረት ያደረገውን የተለምዶ አካሄድ ወደ ጥራት፣ ውጤታማነት እና የዜጎችን ሕይወት ማሻሻልን የትኩረት ማዕከሉ ወደ አደረገው እይታ ያሻገረ ነው።

ትምህርትን፣ ጤናን እና አጠቃላይ ማህበራዊ ዘርፉን በጥራት ማደራጀትና ማጠናከር ሰብዓዊ ልማትን ተጨባጭ ከማድረጉም በላይ የሀገር የመበልጸግ ርዕይን እውን ለማድረግ መዋቅራዊ መሠረት ጥሏል።
#የመደመር_መንግሥት

በመልካም ፈቃዱ

ጥራትና ደህንነቱ ሳይጠበቅ የሚጓጓዝ ጥሬ ወተት ለከፍተኛ የጤና አደጋ የሚያጋልጥ መሆኑ ተገለፀ!
#fastmereja :- ጥራትና ደህንነቱ ሳይጠበቅ ከቦታ ቦታ የሚጓጓዝ ጥሬ ወተት ለከፍተኛ የጤና አደጋ የሚያጋልጥ በመሆኑ፣ የህብረተሰቡን ጤና ለመጠበቅ በትራንስፖርትና አያያዝ ሂደት ላይ ተገቢው ጥንቃቄ ሊደረግ እንደሚገባ ተገለፀ።

ወተት ከታለበ በኋላ ተገቢው የንፅህና እና የቅዝቃዜ ቁጥጥር (Cold Chain) ሳይደረግለት በሚጓጓዝበት ወቅት እንደ E. coli Salmonella እና Listeria ያሉ አደገኛ ባክቴሪያዎች በቀላሉ የሚራቡበት መንገድ እንደሚሆን ተመላክቷል።

በተለይም ወተቱ ከታለበበት ጊዜ ጀምሮ እስከ ተጠቃሚው ድረስ ከ 4°C በታች ባለው የቅዝቃዜ መጠን ካልተጠበቀ፣ በሙቀት ምክንያት ተህዋሲያኑ በፍጥነት በመራባት ለከባድ የሆድ ቁርጠት፣ ለተቅማጥ፣ ለትውከት፣ ለሳንባ ነቀርሳ እንዲሁም ለተለያዩ ህመሞች ሊዳርጉ እንደሚችሉ ተጠቁሟል።

ይህ የጤና አደጋ በተለይ በህፃናት፣ በነፍሰ ጡር እናቶች፣ በአረጋውያን እና የበሽታ መከላከል አቅማቸው ዝቅተኛ በሆኑ የህብረተሰብ ክፍሎች ላይ ከባድ ጉዳት የሚያደርስ ነው።

የወተት ደህንነትንና ጥራትን ለማረጋገጥ የሚከተሉት አበይት እርምጃዎች ሊወሰዱ እንደሚገባ ተመላክቷል፦

ወተትን ለማጓጓዝ ደረጃቸውን የጠበቁ የአሉሚኒየም ወይም የማይዝግ ብረት (Stainless steel) ዕቃዎችን መጠቀም እና የዕቃዎቹን ንፅህና በየጊዜው መጠበቅ፤ የማቀዝቀዣ ዘዴዎችን መጠቀም በትራንስፖርት ወቅት ወተቱ እንዳይበላሽ የቅዝቃዜ ሰንሰለቱን የጠበቁ የመጓጓዣ ዘዴዎችን (Refrigerated transport) መተግበር እንዲሁም ተጠቃሚዎች ጥሬ ወተትን ከመጠቀማቸው በፊት በደንብ አፍልተው የመጠቀም ልምድን ማዳበር እንደሚገባ ነዉ የተገለፀዉ።

በመሆኑም አምራቾች፣ አጓጓዦችና ነጋዴዎች የምግብ ደህንነት መመሪያዎችን በአግባቡ በመተግበርየህብረተሰቡን ጤና የመጠበቅ ሀላፊነታቸውን እንዲወጡ ጥሪ ቀርቧል።

ህብረተሰቡ ጥራትና ደህንነቱ ያልተረጋገጠ የወተት ምርት ሲያጋጥመው ወደ 8482 በነፃ በመደወል ጥቆማ መስጠት እንደሚችል ባለሥልጣኑ አስታውቋል።

የትልቅ ሀገርና ህዝብ መዲና፤ የአዲስ አበባ የዘላቂ ልማትና የሰላም ጉዞ
****************

የአንዲት ሀገር መዲና የዚያች ሀገር ፖለቲካዊ፣ ኢኮኖሚያዊ እና ማህበራዊ ገጽታ ትክክለኛ ነጸብራቅ ናት። ለዘመናት የበርካታ ውጣ ውረዶች ማዕከል የነበረችው አዲስ አበባ ፡ ዛሬ ላይ የኢትዮጵያ የብልጽግና ጉዞ ተምሳሌት ሆናለች።

ባለፉት አምስት ዓመታት መዲናዋ ያስመዘገበችው ፈጣንና ሁለንተናዊ ለውጥ "የትልቅ ሀገር፣ ትልቅ ህዝብ እና ታላቅ ርዕይ" መገለጫ መሆን ችላለች፡፡

ትናንት ከተማዋ የልዩነት፣ የመጠላለፍ እና የንትርክ አውድማ ለማድረግ ይሞክሩ የነበሩ አፍራሽ ትርክቶች ዛሬ ወደ አሰባሳቢነት ተቀይረዋል።

የዚህ ታላቅ ማሳያ የጥቁር ህዝቦች የነፃነት ቀንዲል የሆነው የዓድዋ ድል መታሰቢያ ግንባታ ነው። ይህ ግዙፍ ማዕከል ትውልዱ በጋራ እንዲቆምና የጋራ ታሪኩን በኩራት እንዲዘክር የተደረገበት የጸና ሀገረ-መንግሥት ግንባታ መሠረት ነው።

ሌሎች ሀገራት ያሳኩትን የዕድገት ማማ እኛም እንደ ኢትዮጵያ ማሳካት እንችላለን የሚለው አሸናፊ ሥነ-ልቦና መሬት የረገጠው በእነዚህ ተግባራዊ እንቅስቃሴዎች መሆኑን ብዙዎች ይመሰክራሉ።

ከተማዋ የትልቅ ሀገርና አህጉር መዲናነቷን እንዲሁም የዲፕሎማሲ ማዕከልነቷን በሚመጥን መልኩ ራሷን አድሳለች። የሸገር ማስዋብ ፕሮጀክት አካል የሆኑት የእንጦጦ፣ ወዳጅነት እና አንድነት ፓርኮች እንዲሁም የሳይንስ ሙዚየምና አብርሆት ቤተ-መጻሕፍት አሁን ላለው ብቻ ሳይሆን ለነገው ትውልድ የሚሻገሩ አሻራዎች ሆነዋል።

ፒያሳን፣ አራት ኪሎን እና ቦሌን ጨምሮ በተለያዩ አካባቢዎች የተተገበረው የኮሪደር ልማት የከተማዋን ገጽታ ከመቀየራቸዉ ባሻገር ዘመናዊ ከተማ አድርጓታል።

በዚህ ታላቅ ርዕይ የከተማዋ አረንጓዴ ሽፋን ከ2.8 በመቶ ወደ 24 በመቶ አድጓል። በተመሳሳይ የመንገድ ሽፋን ከ12.8 በመቶ ወደ 20 በመቶ ሲያድግ ከለውጡ በፊት 400 ለሚሆኑ መኪኖች ብቻ የፐብሊክ ፓርኪንግ የነበራት አዲስ አበባ ከተማ ዛሬ በአንድ ጊዜ 180 ሺህ መኪናዎችን ማስተናገድ የሚችሉ 3 ሺህ ፓርኮች ተገንብተውላታል። የመጠጥ ውሃ ሽፋን በ60 በመቶ ማደጉ እንዲሁም አንድ ብቻ የነበረው ዘመናዊ የፍሳሽ ማጣሪያ አሁን ወደ 47 ከፍ ማለቱ የዜጎችን ጤና ከመጠበቅ አኳያ የተሰራ ግዙፍ ስኬት ነው።

በከተማዋ ዜጎች ሰብዓዊ ክብራቸውን በማይመጥን የጭቃ ቤቶች ይኖሩ የነበረው ታሪክ ተቀይሮ በመንግሥትና በግሉ ዘርፍ 480 ሺህ መኖሪያ ቤቶች መገንባታቸውም ለነዋሪዎቿ ምቹ አድርጓታል።

አንድ መንግሥት የጸና የሚባለውም ለዜጎቹ በተለይም ለደካሞች በሚሰጠው ከለላና ማህበራዊ ፍትህ ጭምር በመሆኑ ከተማ አስተዳደሩ በህንጻዎች ብቻ ሳይሆን ባለፉት አምስት ዓመታት በሰው ተኮር ልማት ላይም ትልቅ ትኩረት አድርጓል።

የትውልድ ግንባታን መሠረት በማድረግ በሚሊዮን የሚቆጠሩ የአዲስ አበባ ተማሪዎች በቀን ሁለት ጊዜ ትምህርት ቤት ይመገባሉ፤ የደንብ ልብስና ቁሳቁስ ያገኛሉ።

ከተማዋን ለህጻናት ምቹ ለማድረግ ከመንግሥት ምንም ካልነበረበት ተነስተው የህፃናት መዋያዎች አሁን ላይ 1 ሺህ 100 የደረሱ ሲሆን የህፃናት መጫወቻ ስፍራዎች ከ20 ወደ 5 ሺህ 500 አድገዋል።

በአምስት ዓመታት ውስጥ ከተፈጠረው ከ2.2 ሚሊዮን በላይ የስራ ዕድል ውስጥ ከ1.1 ሚሊዮን በላይ የሚሆኑት ሴቶች መሆናቸው እንዲሁም ኑሯቸዉን ጎዳና ላይ ያደረጉ እህቶች እና ሀገር አገልግለው ለተረሱ አረጋውያን በክብር የሚመገቡባቸው የምገባ ማዕከላት መከፈታቸው የትልቅ ህዝብን አብሮነትና የመንግሥትን ርህራሄ በተግባር ያሳየ ነው።

ይህ ሁሉ ስኬት ግን አልጋ በአልጋ በሆነ መንገድ የመጣ አይደለም። አስተዳደሩ ህገ-ወጥ የመሬት ወረራን፣ ዘመናት ያስቆጠሩ የመልካም አስተዳደር እጦቶችን እና የኑሮ ውድነትን በፅናት መጋፈጥ ነበረበት። የኑሮ ውድነትን ለማቃለል ሰባት ግዙፍ የገበያ ማዕከላት እና ከ250 በላይ የቅዳሜና እሁድ ገበያዎችን ከማስፋፋት ባለፈ "ማዕድ ማጋራት" አዲስ የአብሮነት ባህል ሆኖ ጸንቷል።

የከተማዋ ዓመታዊ ገቢ ከ30 ቢሊዮን ብር ወደ 351 ቢሊዮን ብር አድጓል። ከዚህ ቀደም ከ50 በመቶ በላይ የነበረው የአስተዳደር ወጪ ወደ 29 በመቶ ወርዶ፣ ቀሪው 71 በመቶ በጀት ለዘላቂ ልማትና ፕሮጀክቶች እንዲውል መደረጉ የብክነት ቀዳዳዎች መዘጋታቸውንና ራስን በራስ የማስተዳደር አቅም መጎልበቱን ያመለክታል።

በቀጣይ ዓመታትም በኢትዮጵያ ማንሰራራት ውስጥ አዲስ አበባ የብልጽግና ተምሳሌትነቷ ሙሉ በሙሉ የተረጋገጠ ከተማ ትሆናለች የሚል ጽኑ እምነት እንዳላቸው ከንቲባ አዳነች አበቤ ገልጸዋል።

በአጠቃላይ ባለፉት አምስት ዓመታት በአዲስ አበባ የታየው ለውጥ የከተማዋን ነዋሪዎች ህይወት ከመቀየር ባለፈ፣ የጸና ሀገረ-መንግሥት ግንባታ ምን እንደሚመስል ለሀገራችን ትልቅ ትምህርት የሰጠ ነው።

አዲስ አበባ ዛሬ የትልቅ ሀገር ግርማ ሞገስ የምትላበስባት፣ የትልቅ ህዝብ አብሮነት የሚንፀባረቅባት እና የታላቅ ርዕይ ተግባራዊ ማሳያ የሆነች እውነተኛ ውብ አበባ ሆናለች።

ከንቲባዋ አጽንኦት ሰጥተው እንደተናገሩት የተሰሩት ስራዎች እንችላለን ለሚለው ማሳያዎች እንጂ መኩራሪያዎች አይደሉም፤ ከፊት ለፊት የሚቀረን ይበልጣልና ሁሉም አካል እጅና ጓንት ሆኖ አብሮነቱን ሊያጠናክር ይገባል።

በበረከት ሽመልስ
#ትልቅሀገር_ትልቅሕዝብ_ታላቅርዕይ #addisababa #development


የትልቅ ሀገርና ህዝብ መዲና፤ የአዲስ አበባ የዘላቂ ልማትና የሰላም ጉዞ
****************

የአንዲት ሀገር መዲና የዚያች ሀገር ፖለቲካዊ፣ ኢኮኖሚያዊ እና ማህበራዊ ገጽታ ትክክለኛ ነጸብራቅ ናት። ለዘመናት የበርካታ ውጣ ውረዶች ማዕከል የነበረችው አዲስ አበባ ፡ ዛሬ ላይ የኢትዮጵያ የብልጽግና ጉዞ ተምሳሌት ሆናለች።

ባለፉት አምስት ዓመታት መዲናዋ ያስመዘገበችው ፈጣንና ሁለንተናዊ ለውጥ "የትልቅ ሀገር፣ ትልቅ ህዝብ እና ታላቅ ርዕይ" መገለጫ መሆን ችላለች፡፡

ትናንት ከተማዋ የልዩነት፣ የመጠላለፍ እና የንትርክ አውድማ ለማድረግ ይሞክሩ የነበሩ አፍራሽ ትርክቶች ዛሬ ወደ አሰባሳቢነት ተቀይረዋል።

የዚህ ታላቅ ማሳያ የጥቁር ህዝቦች የነፃነት ቀንዲል የሆነው የዓድዋ ድል መታሰቢያ ግንባታ ነው። ይህ ግዙፍ ማዕከል ትውልዱ በጋራ እንዲቆምና የጋራ ታሪኩን በኩራት እንዲዘክር የተደረገበት የጸና ሀገረ-መንግሥት ግንባታ መሠረት ነው።

ሌሎች ሀገራት ያሳኩትን የዕድገት ማማ እኛም እንደ ኢትዮጵያ ማሳካት እንችላለን የሚለው አሸናፊ ሥነ-ልቦና መሬት የረገጠው በእነዚህ ተግባራዊ እንቅስቃሴዎች መሆኑን ብዙዎች ይመሰክራሉ።

ከተማዋ የትልቅ ሀገርና አህጉር መዲናነቷን እንዲሁም የዲፕሎማሲ ማዕከልነቷን በሚመጥን መልኩ ራሷን አድሳለች። የሸገር ማስዋብ ፕሮጀክት አካል የሆኑት የእንጦጦ፣ ወዳጅነት እና አንድነት ፓርኮች እንዲሁም የሳይንስ ሙዚየምና አብርሆት ቤተ-መጻሕፍት አሁን ላለው ብቻ ሳይሆን ለነገው ትውልድ የሚሻገሩ አሻራዎች ሆነዋል።

ፒያሳን፣ አራት ኪሎን እና ቦሌን ጨምሮ በተለያዩ አካባቢዎች የተተገበረው የኮሪደር ልማት የከተማዋን ገጽታ ከመቀየራቸዉ ባሻገር ዘመናዊ ከተማ አድርጓታል።

በዚህ ታላቅ ርዕይ የከተማዋ አረንጓዴ ሽፋን ከ2.8 በመቶ ወደ 24 በመቶ አድጓል። በተመሳሳይ የመንገድ ሽፋን ከ12.8 በመቶ ወደ 20 በመቶ ሲያድግ ከለውጡ በፊት 400 ለሚሆኑ መኪኖች ብቻ የፐብሊክ ፓርኪንግ የነበራት አዲስ አበባ ከተማ ዛሬ በአንድ ጊዜ 180 ሺህ መኪናዎችን ማስተናገድ የሚችሉ 3 ሺህ ፓርኮች ተገንብተውላታል። የመጠጥ ውሃ ሽፋን በ60 በመቶ ማደጉ እንዲሁም አንድ ብቻ የነበረው ዘመናዊ የፍሳሽ ማጣሪያ አሁን ወደ 47 ከፍ ማለቱ የዜጎችን ጤና ከመጠበቅ አኳያ የተሰራ ግዙፍ ስኬት ነው።

በከተማዋ ዜጎች ሰብዓዊ ክብራቸውን በማይመጥን የጭቃ ቤቶች ይኖሩ የነበረው ታሪክ ተቀይሮ በመንግሥትና በግሉ ዘርፍ 480 ሺህ መኖሪያ ቤቶች መገንባታቸውም ለነዋሪዎቿ ምቹ አድርጓታል።

አንድ መንግሥት የጸና የሚባለውም ለዜጎቹ በተለይም ለደካሞች በሚሰጠው ከለላና ማህበራዊ ፍትህ ጭምር በመሆኑ ከተማ አስተዳደሩ በህንጻዎች ብቻ ሳይሆን ባለፉት አምስት ዓመታት በሰው ተኮር ልማት ላይም ትልቅ ትኩረት አድርጓል።

የትውልድ ግንባታን መሠረት በማድረግ በሚሊዮን የሚቆጠሩ የአዲስ አበባ ተማሪዎች በቀን ሁለት ጊዜ ትምህርት ቤት ይመገባሉ፤ የደንብ ልብስና ቁሳቁስ ያገኛሉ።

ከተማዋን ለህጻናት ምቹ ለማድረግ ከመንግሥት ምንም ካልነበረበት ተነስተው የህፃናት መዋያዎች አሁን ላይ 1 ሺህ 100 የደረሱ ሲሆን የህፃናት መጫወቻ ስፍራዎች ከ20 ወደ 5 ሺህ 500 አድገዋል።

በአምስት ዓመታት ውስጥ ከተፈጠረው ከ2.2 ሚሊዮን በላይ የስራ ዕድል ውስጥ ከ1.1 ሚሊዮን በላይ የሚሆኑት ሴቶች መሆናቸው እንዲሁም ኑሯቸዉን ጎዳና ላይ ያደረጉ እህቶች እና ሀገር አገልግለው ለተረሱ አረጋውያን በክብር የሚመገቡባቸው የምገባ ማዕከላት መከፈታቸው የትልቅ ህዝብን አብሮነትና የመንግሥትን ርህራሄ በተግባር ያሳየ ነው።

ይህ ሁሉ ስኬት ግን አልጋ በአልጋ በሆነ መንገድ የመጣ አይደለም። አስተዳደሩ ህገ-ወጥ የመሬት ወረራን፣ ዘመናት ያስቆጠሩ የመልካም አስተዳደር እጦቶችን እና የኑሮ ውድነትን በፅናት መጋፈጥ ነበረበት። የኑሮ ውድነትን ለማቃለል ሰባት ግዙፍ የገበያ ማዕከላት እና ከ250 በላይ የቅዳሜና እሁድ ገበያዎችን ከማስፋፋት ባለፈ "ማዕድ ማጋራት" አዲስ የአብሮነት ባህል ሆኖ ጸንቷል።

የከተማዋ ዓመታዊ ገቢ ከ30 ቢሊዮን ብር ወደ 351 ቢሊዮን ብር አድጓል። ከዚህ ቀደም ከ50 በመቶ በላይ የነበረው የአስተዳደር ወጪ ወደ 29 በመቶ ወርዶ፣ ቀሪው 71 በመቶ በጀት ለዘላቂ ልማትና ፕሮጀክቶች እንዲውል መደረጉ የብክነት ቀዳዳዎች መዘጋታቸውንና ራስን በራስ የማስተዳደር አቅም መጎልበቱን ያመለክታል።

በቀጣይ ዓመታትም በኢትዮጵያ ማንሰራራት ውስጥ አዲስ አበባ የብልጽግና ተምሳሌትነቷ ሙሉ በሙሉ የተረጋገጠ ከተማ ትሆናለች የሚል ጽኑ እምነት እንዳላቸው ከንቲባ አዳነች አበቤ ገልጸዋል።

በአጠቃላይ ባለፉት አምስት ዓመታት በአዲስ አበባ የታየው ለውጥ የከተማዋን ነዋሪዎች ህይወት ከመቀየር ባለፈ፣ የጸና ሀገረ-መንግሥት ግንባታ ምን እንደሚመስል ለሀገራችን ትልቅ ትምህርት የሰጠ ነው።

አዲስ አበባ ዛሬ የትልቅ ሀገር ግርማ ሞገስ የምትላበስባት፣ የትልቅ ህዝብ አብሮነት የሚንፀባረቅባት እና የታላቅ ርዕይ ተግባራዊ ማሳያ የሆነች እውነተኛ ውብ አበባ ሆናለች።

ከንቲባዋ አጽንኦት ሰጥተው እንደተናገሩት የተሰሩት ስራዎች እንችላለን ለሚለው ማሳያዎች እንጂ መኩራሪያዎች አይደሉም፤ ከፊት ለፊት የሚቀረን ይበልጣልና ሁሉም አካል እጅና ጓንት ሆኖ አብሮነቱን ሊያጠናክር ይገባል።

በበረከት ሽመልስ
#ትልቅሀገር_ትልቅሕዝብ_ታላቅርዕይ #addisababa #development

(ዘ-ሐበሻ ዜና) በጦርነት እና በመጠፋፋት አዙሪት ውስጥ ለምትገኘው ኢትዮጵያ፣ የሃይማኖት አባቶች የሰላም ጥሪ ከፖለቲከኞች የጦርነት ነጋሪት ጋር ግብግብ ከገጠመ ሰነባብቷል። የሚኒሶታ እና አካባቢው ሀገረ ስብከት ሊቀ ጳጳስ አቡነ ናትናኤል ዛሬ በሚኒሶታ ሴንት ፖል ከተማ፣ የመስቀል ደመራ በዓል ሲከበር ለተሰበሰበው ምዕመን ያደረጉት ልብ የሚነካ የምርቃት እና የጸሎት ቃል፣ የሀገሪቱን ወቅታዊ እና አሳዛኝ የፖለቲካ እውነታ ገልጦ የሚያሳይ ሆኖ ተገኝቷል።

ሊቀ ጳጳሱ በጸሎታቸው "በየጊዜው እና በየስፍራው የምንሰማውን ጦርነቱን፣ ችግሩን፣ መገዳደሉን፣ መጠፋፋቱን ሁሉ እግዚአብሔር አምላክ ያስወግድልን" ሲሉ ተማጽነዋል። ይህ ጸሎት መሬት ላይ ካለው የኢትዮጵያ እውነታ ጋር ሲነጻጸር ግን የልብ ስብራት ይፈጥራል። ዛሬ ላይ ከሰሜን እስከ ደቡብ፣ ከምስራቅ እስከ ምዕራብ፤ በተለይም በአማራ፣ በኦሮሚያ፣ በአፋር እና ዳግም አዲስ የጦርነትና የውጥረት ደመና ባንዣበበባት ትግራይ ክልሎች ውስጥ ዜጎች የዕለት ተዕለት ኑሯቸው ከመገዳደል እና ከስጋት ጋር የተቆራኘ ሆኗል። የፖለቲካ ልሂቃኑ የሥልጣን ቼዝ ሲጫወቱ፣ ገበሬው ማሳውን ትቶ ጥይት እንዲያርሰው ተፈርዶበታል።

በተለይም አቡነ ናትናኤል "ዘመኑ የጠመንጃ አፈሙዝ አፍ የሚዘጋበት ያድርግልን... ጦርነቱን ያስወግድልን" በማለት ያቀረቡት ምኞት በሽ*ብር እና በጠመንጃ ኃይል ብቻ ፖለቲካዊ የበላይነትን ለማረጋገጥ ለሚሽቀዳደሙት የሀገራችን ታጣቂ ኃይሎች እና መንግስታዊ መዋቅሮች ትልቅ የህሊና ጥያቄ የሚያጭር ነው። አፈሙዝ መዝጋት ያልቻለች ሀገር፣ እንዴት የዜጎቿን የዕለት ጉርስ መሙላት ትችላለች? የትግራይ፣ የአማራ፣ ኦሮሚያ እና የአፋር አዋሳኝ አካባቢዎች በጦርነት ጠባሳ ገና ሳያገግሙ ዳግም ወደ እሳት እና ወደ አዲስ መፈናቀል እየተገፉ መሆናቸው የዚሁ ማሳያ ነው።

በጣም ልብ የሚነካው እና የሀገራችንን የሞራል ውድቀት የሚያሳየው ሌላኛው የሊቀ ጳጳሱ ጸሎት ደግሞ "አረጋውያን ሽማግሌዎች በሰላም የሚጦሩባት፣ ልጆቻቸውን የሚመርቁባት ያድርግልን" የሚለው ነው። በተጨባጭ ግን ዛሬ በኢትዮጵያ የተለያዩ አካባቢዎች አረጋውያን ልጆቻቸውን የመመረቅ ዕድል ተነፍገዋል። በየጦር ግንባሩ በከንቱ የሚረግፉትን ልጆቻቸውን በየዕለቱ እየቀበሩና እያለቀሱ ይገኛሉ። የባሰባቸው ደግሞ በስተእርጅና ዘመናቸው ቀያቸውን ጥለው በየመጠለያ ካምፑ ለልመና እና ለእንግልት ተዳርገዋል።

አቡነ ናትናኤል ዜጎች "በሰላም ወጥተው በሰላም የሚገቡባት" ሀገር እንድትኖረን ተመኝተዋል። ይሁን እንጂ ዛሬ ላይ ከአንዱ ክልል ወደ ሌላው ክልል በሰላም ተጉዞ መመለስ የቅንጦት ያህል ርቆናል። መንገዶች በእ*ገታ፣ ግ*ድያ እና በጥቃቶች ታጥረዋል።

የሃይማኖት አባቶች ጸሎት እና የምህረት ልመና የራሱ የሆነ መንፈሳዊ ቦታ ቢኖረውም፣ አፈሙዝ የጨበጡትና የፖለቲካውን መዘውር የሚዘውሩት አካላት ለሰው ልጅ ህይወት ክብር እስካልሰጡ ድረስ፣ ይህች ሀገር ከመጠ*ፋፋት አዙሪት ልትወጣ አትችልም። የሊቀ ጳጳሱ ጸሎት ለፖለቲከኞቻችን የህሊና ደወል ሊሆን ይገባል፤ "ከንቱ ሞት ይብቃ" ተብሎ አፈሙዝ ወደ መሬት የሚዘቅዘቅበት ጊዜ አሁን ነው።

ሰላም ለኢትዮጵያችን!









(ዘ-ሐበሻ ዜና) በጦርነት እና በመጠፋፋት አዙሪት ውስጥ ለምትገኘው ኢትዮጵያ፣ የሃይማኖት አባቶች የሰላም ጥሪ ከፖለቲከኞች የጦርነት ነጋሪት ጋር ግብግብ ከገጠመ ሰነባብቷል። የሚኒሶታ እና አካባቢው ሀገረ ስብከት ሊቀ ጳጳስ አቡነ ናትናኤል ዛሬ በሚኒሶታ ሴንት ፖል ከተማ፣ የመስቀል ደመራ በዓል ሲከበር ለተሰበሰበው ምዕመን ያደረጉት ልብ የሚነካ የምርቃት እና የጸሎት ቃል፣ የሀገሪቱን ወቅታዊ እና አሳዛኝ የፖለቲካ እውነታ ገልጦ የሚያሳይ ሆኖ ተገኝቷል።

ሊቀ ጳጳሱ በጸሎታቸው "በየጊዜው እና በየስፍራው የምንሰማውን ጦርነቱን፣ ችግሩን፣ መገዳደሉን፣ መጠፋፋቱን ሁሉ እግዚአብሔር አምላክ ያስወግድልን" ሲሉ ተማጽነዋል። ይህ ጸሎት መሬት ላይ ካለው የኢትዮጵያ እውነታ ጋር ሲነጻጸር ግን የልብ ስብራት ይፈጥራል። ዛሬ ላይ ከሰሜን እስከ ደቡብ፣ ከምስራቅ እስከ ምዕራብ፤ በተለይም በአማራ፣ በኦሮሚያ፣ በአፋር እና ዳግም አዲስ የጦርነትና የውጥረት ደመና ባንዣበበባት ትግራይ ክልሎች ውስጥ ዜጎች የዕለት ተዕለት ኑሯቸው ከመገዳደል እና ከስጋት ጋር የተቆራኘ ሆኗል። የፖለቲካ ልሂቃኑ የሥልጣን ቼዝ ሲጫወቱ፣ ገበሬው ማሳውን ትቶ ጥይት እንዲያርሰው ተፈርዶበታል።

በተለይም አቡነ ናትናኤል "ዘመኑ የጠመንጃ አፈሙዝ አፍ የሚዘጋበት ያድርግልን... ጦርነቱን ያስወግድልን" በማለት ያቀረቡት ምኞት በሽ*ብር እና በጠመንጃ ኃይል ብቻ ፖለቲካዊ የበላይነትን ለማረጋገጥ ለሚሽቀዳደሙት የሀገራችን ታጣቂ ኃይሎች እና መንግስታዊ መዋቅሮች ትልቅ የህሊና ጥያቄ የሚያጭር ነው። አፈሙዝ መዝጋት ያልቻለች ሀገር፣ እንዴት የዜጎቿን የዕለት ጉርስ መሙላት ትችላለች? የትግራይ፣ የአማራ፣ ኦሮሚያ እና የአፋር አዋሳኝ አካባቢዎች በጦርነት ጠባሳ ገና ሳያገግሙ ዳግም ወደ እሳት እና ወደ አዲስ መፈናቀል እየተገፉ መሆናቸው የዚሁ ማሳያ ነው።

በጣም ልብ የሚነካው እና የሀገራችንን የሞራል ውድቀት የሚያሳየው ሌላኛው የሊቀ ጳጳሱ ጸሎት ደግሞ "አረጋውያን ሽማግሌዎች በሰላም የሚጦሩባት፣ ልጆቻቸውን የሚመርቁባት ያድርግልን" የሚለው ነው። በተጨባጭ ግን ዛሬ በኢትዮጵያ የተለያዩ አካባቢዎች አረጋውያን ልጆቻቸውን የመመረቅ ዕድል ተነፍገዋል። በየጦር ግንባሩ በከንቱ የሚረግፉትን ልጆቻቸውን በየዕለቱ እየቀበሩና እያለቀሱ ይገኛሉ። የባሰባቸው ደግሞ በስተእርጅና ዘመናቸው ቀያቸውን ጥለው በየመጠለያ ካምፑ ለልመና እና ለእንግልት ተዳርገዋል።

አቡነ ናትናኤል ዜጎች "በሰላም ወጥተው በሰላም የሚገቡባት" ሀገር እንድትኖረን ተመኝተዋል። ይሁን እንጂ ዛሬ ላይ ከአንዱ ክልል ወደ ሌላው ክልል በሰላም ተጉዞ መመለስ የቅንጦት ያህል ርቆናል። መንገዶች በእ*ገታ፣ ግ*ድያ እና በጥቃቶች ታጥረዋል።

የሃይማኖት አባቶች ጸሎት እና የምህረት ልመና የራሱ የሆነ መንፈሳዊ ቦታ ቢኖረውም፣ አፈሙዝ የጨበጡትና የፖለቲካውን መዘውር የሚዘውሩት አካላት ለሰው ልጅ ህይወት ክብር እስካልሰጡ ድረስ፣ ይህች ሀገር ከመጠ*ፋፋት አዙሪት ልትወጣ አትችልም። የሊቀ ጳጳሱ ጸሎት ለፖለቲከኞቻችን የህሊና ደወል ሊሆን ይገባል፤ "ከንቱ ሞት ይብቃ" ተብሎ አፈሙዝ ወደ መሬት የሚዘቅዘቅበት ጊዜ አሁን ነው።

ሰላም ለኢትዮጵያችን!

በ40 ኮንቴነሮች የተጫኑ 7 ሊፍቶች መቄዶንያ በሚያስገነባው ሕንፃ ሊገጠሙ እንደሆነ ተገለጸ

መስከረም 15 ቀን 2019 ዓ.ም.  (አሐዱ ሬዲዮ) መቄዶንያ የበጎ አድራጎት ማኅበር እያስገነባው ለሚገኘው ግዙፍ ሆስፒታል እና የአረጋውያን እና የአዕምሮ ህሙማን የመኖሪያ ሕንፃ የሚሆኑ ሰባት ሊፍቶችን ወደ ሀገር ውስጥ አስገብቶ የመገጣጠም ሥራ መጀመሩን አስታውቋል።

የኦቲስ ተወካይና የታወር ኢንጂነሪንግ ኤንድ ኮንሰልተንሲ ማናጂንግ ዳይሬክተር አቶ አሰፋ ዮሐንስ እንደገለጹት፣ ለ12 ፎቅ ሕንፃው የሚያስፈልጉት ሊፍቶች በ40 ኮንቴነሮች ተጭነው ወደ ሀገር ውስጥ ገብተዋል።

ከገቡት ሊፍቶች መካከል አንደኛው እስከ 1 ሺህ 800 ኪሎ ግራም ወይም 20 ሰዎችን፣ ሁለቱ እስከ 1 ሺህ 350 ኪሎ ግራም ወይም 17 ሰዎችን፣ የቀሩት አራቱ ደግሞ እስከ 1 ሺህ ኪሎ ግራም ወይም 13 ሰዎችን በአንድ ጊዜ የማስተናገድ አቅም አላቸው።

የማኅበሩ መሥራች ዶክተር ቢንያም በለጠ በበኩላቸው፣ በሰከንድ 1 ነጥብ 6 ሜትር የመንቀሳቀስ አቅምት ያላቸው እነዚህ ሊፍቶች በ'ዊልቼር' የሚንቀሳቀሱ የአካል ጉዳተኞችንም ታሳቢ ያደረጉ እንደሆነ ተናግረዋል።

በደረጄ መንግሥቱ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

በአንድ ልብ ለትውልድ የህፃናት የሴቶች እና የአረጋዊያን መርጃ ድርጅት በባህር ዳር የትምህርት ቁሳቁስ ድጋፍ አደረገ

አንድ ልብ ለትውልድ በስሩ ካሉ ፕሮጀክቶች መካከል የትም ህርት ፕሮጀክት አንዱ ሲሆን በዚህ ፕሮጀክት ከሚሰሩ ተግባራት መካከል በትምህርት ቁሳቁሶች እጥረት ምክንያት ትምህርታቸውን መቀጠል ለሚቸገሩ ተማሪዎች አስፈላጊውን የትምህርት ቁሳቁስ ድጋፍ በማድረግ ትምህርታቸውን እንዲቀጥሉ ማድረግ ነው።
በዚህም መሰረት መስከርም 5 /2019 ዓም በባህር ዳር ከተማ ከ6ቱም ክፍለ ከተሞች ለተመረጡ ድጋፍ ለሚያስፈልጋቸው 100 ተማሪዎች የትምህርት ቁሳቁስ ተሰጧቸዋል።
በድጋፍ መስጠት ፕሮግራሙ ላይ የድርጅቱ መስራች እና ዳይሬክተር የሆኑት ወ/ሮ ማራናታ ተክለሰንበት ባደርጉት ንግግር ድርጅታቸው ተጋላጭ ለሆኑ የማህበረሰብ ክፍሎች ትኩረት ሰጦ የሚሰራ መሆኑን በመግለጽ በዛሬው እለት በትምህርት ፕሮጀክታቸው አማካኝነት ለተማሪወች በተደረገው ድጋፍ አጅግ መደሰታቸውን በመግለጽ በቀጣይም በዚህ እና በሌሎችም ፕሮጀክቶች የአካባቢውን ማህበረሰብ ለመደገፍ ጠንክረው እንደሚሰሩ ቃል ገብተዋል።
በባህርዳር ከተማ አስተዳደር ሴቶች ወጣቶች እና ማህበራዊ ጉዳይ መምሪያ የሴቶች ንቅናቄ ተሳትፎ ማስፋፊያ ቡድን መሪ የሆኑት አቶ ስንታየው ተሾመ በእለቱ ባስተላለፉት መልእክት በአንድ ልብ ለትውልድ የህጻናት የሴቶችና የአረጋውያን የድጋፍ ድርጅት አማካኝነት ለተማሪዎች የተደረገው የትምህርት ቁሳቁስ ድጋፍ በትምህርት ዘመኑ መጀመረያ ላይ በወላጆች ለይ የሚፈጠረውን የኑሮ ጫና የሚያቃልልና ለተማሪወቹ ደግሞ መሠረታዊ የሆነውን ችግር የሚፈታ በመሆኑ ለተደረገው ድጋፍ ትልቅ ቦታ እንሰጠዋለን በማለት በከተማ አስተዳደሩ ሴቶች ወጣቶችና ማህበራዊ ጉዲይ መምሪያ እና ድጋፍ በተደረገላቸው ተማሪዎች ስም ድርጅቱን አመስግነዋል።

(ዘ-ሐበሻ ዜና) በበጎ አድራጎት ሥራዎቹ እና በማኅበራዊ ድጋፉ በስፋት የሚታወቀው ወጣት ምሕረትአብ ሙሉጌታ፣ የ2019 ዓ.ም አዲስ ዓመትን አስመልክቶ ዛሬ መስከረም 3 ቀን 2019 ዓ.ም በመቄዶንያ የአረጋውያን እና አእምሮ ሕሙማን መርጃ ማዕከል በመገኘት እጅግ ልብ የሚነካ ተግባር ፈጽሟል። በማዕከሉ ለሚረዱ 9,000 አቅመ ደካማ ወገኖች የተሟላ የምሳ ማዕድ በማዘጋጀት የዐውደ-ዓመቱን ደስታ አብሯቸው አሳልፏል።

ምሕረትአብ ለዚህ ታላቅ የምሳ ማብላት መርሃ ግብር 4.5 ሚሊዮን ብር ወጪ ያደረገ ሲሆን፣ ከዚህም በተጨማሪ ለማዕከሉ የ4 ሚሊዮን ብር ጥሬ ገንዘብ ድጋፍ በማድረግ በአጠቃላይ የ8.5 ሚሊዮን ብር ልግስና አበርክቷል።

በዚህ የደስታ ቀን መልእክቱን ያስተላለፈው ምሕረትአብ፣ መቄዶንያ የእግዚአብሔር ጸጋና በረከት የሞላበት ቅዱስ ስፍራ መሆኑን በመመስከር፣ እያንዳንዱ ኢትዮጵያዊ ይህንን ተቋም ከጎኑ ሆኖ ሊያግዝ እንደሚገባ ጥሪውን አቅርቧል። አክሎም ስለ መቄዶንያ እና ስለ በጎ አድራጎት ሥራው የማይገባ እና አሉታዊ ንግግር ለሚያደርጉ ሰዎች፣ "እግዚአብሔር ቀናውን ልቦና ይስጣቸው" ሲል መንፈሳዊ እና አስተማሪ ምላሹን ሰጥቷል።
የመቄዶንያ መሥራችና ሥራ አስኪያጅ ዶ/ር ቢኒያም በለጠ፣ በምሕረትአብ ደግነት እጅግ ተነክተው ባስተላለፉት መልእክት የሁልጊዜም ደጋፊያቸው መሆኑን መስክረዋል። "ምሕረትአብ በየጊዜው ነው የሚያግዘን። እሱ እንደሌሎች ባለሀብቶች የተትረፈረፈ ብዙ ሀብት ያለው ሰው ላይሆን ይችላል፤ ነገር ግን ያለውን እያመጣ በፍቅር የሚሰጠን ነው። መስጠት ልቡን ያስደስተዋል፤ ጓደኞቹንም እያስመጣ እንዲያግዙን ያደርጋል" ሲሉ አወድሰውታል።

ዶ/ር ቢኒያም ለዚህ ውለታውና ለሚያሳየው የማያቋርጥ ፍቅር እውቅና ለመስጠት፣ "በመቄዶንያ መስከረም 3ን 'የምሕረትአብ ቀን' ብለን ሰይመንለታል" በማለት ታላቅ አክብሮታቸውን አብስረዋል።
_____
ውድ የዘ-ሐበሻ ቤተሰቦች፣ ዶ/ር ቢኒያም እንዳሉት አንድ ሰው "ያለውን አካፍሎ" የሌሎችን ሕይወት እንዲህ ሲያበራ ማየት ምን ያህል የሞራል ስንቅ ይሰጠናል?

አዲስ ዓመት፤ የብሩህ ተስፋና የተፈጥሮ መታደስ ብስራት
***********

የኢትዮጵያ አዲስ ዓመት የክረምቱን ጭጋግ ገፎ፣ የአዲስ ተስፋ ብርሃን ይዞ ብቅ ይላል። በዓሉ ከቀናት በፊት ከሚጀምረው የዋዜማ ድባቡ አንስቶ በበርካቶች ዘንድ እጅግ የተወደደና የሚጠበቅ ነው።

አገርኛ ዜማዎች፣ የእንቁጣጣሽን ጣጣ ለመሙላት የሚሯሯጡ ወላጆች፣ "አበባዮሽ" እያሉ የሚጨፍሩ ልጆችና የመኖሪያ ቤቶችን ስዕል ይዘው የሚዞሩ ህፃናት የበዓሉን መቃረብ ያበስራሉ። በየመንገዱ ዳር የሚከመረው ችቦና ቄጤማ፣ የሰፈር አብሮ አደጎች እንቅስቃሴ፣ የገበያው ግርግርና የአደይ አበባው መዓዛ ለነፍስ ልዩ ደስታን ይሰጣሉ።

የዋዜማው አመሻሽ ደግሞ የበለጠ ይሞቃል። እናቶችና ልጆች የሐበሻ ቀሚሳቸውን ይለብሳሉ፤ ፈንዲሻው ይፈካል፤ የታመሰ ሱፍ ከገብስ ቆሎ ጋር ቀርቦ ይበላል፣ ቄጤማ በተጎዘጎዘበት ቤት ውስጥ በዕጣን ጭስ የታጀበ ቡና ይፈላል።

ይህ በዓል አዲስ ተስፋ የሚሰነቅበት ወቅት ነው። ሰዎች ያለፉትን ህልሞች ገምግመው፣ አዳዲስ አቅጣጫዎችን በቁርጠኝነት ለመተግበር ለራሳቸው ቃል የሚገቡበት ልዩ አጋጣሚ ነው። መስከረም 1 ቀን ሲጠባ አገሪቱ ከክረምቱ ድብት ወጥታ ወደ ብርሃን ተሸጋግራለች። ዝናቡ ጎድሎ ደመናው ይፈታል፤ ሰማዩ ጠርቶ ወንዞች ይረጋሉ፤ ምድሪቱም በአዴይ አበባ ታብባለች። ይህ የተፈጥሮ መታደስ ከሰው ልጅ ውስጣዊ ደስታ ጋር ተዋህዶ መላ አገሪቱን ያደምቃል።

ከዚህም በተጨማሪ አዲስ ዓመት የእርቅ፣ የፍቅርና የማህበራዊ ትስስር መታደሻ ነው። ሰዎች ያለፈውን ዓመት ቂምና ቁርሾ አውልቀው በመጣል፣ አዲሱን ዘመን በይቅርታ ይጀምራሉ። ከሩቅና ከቅርብ ያሉ ቤተሰቦች፣ ዘመድ አዝማድና ጎረቤቶች በአንድ ላይ ይሰበሰባሉ። የእንኳን አደረሳችሁ መልካም ምኞት ይለዋወጣሉ፤ አረጋውያንና ወላጆችም መርቀው ወጣቶችን ያበረታሉ።

ባህላዊና ሃይማኖታዊ ስነ-ስርዓቶችም ለበዓሉ ሌላ ድምቀት ያበስራሉ። በዋዜማው የችቦ ማብራት ስርዓት ይከናወናል፤ በዕለቱ ደግሞ ህፃናት የደስታ ዜማዎችን በመጫወትና በለመለመ ሳር ያጌጡ ምስሎችን በመስጠት በየቤቱ በረከት ያድላሉ። በሃይማኖታዊ ተቋማት የሚካሄደው የቅዳሴ፣ የጸሎትና የምስጋና ስነ-ስርዓት ደግሞ የበዓሉን መንፈሳዊ ጥልቀት ያጎላዋል።

የምግብና የቁሳቁስ ዝግጅቱም የበዓሉ ዋና አካል ነው። ከቀናት በፊት ጀምሮ ገበያው በበግ፣ በዶሮ፣ በቅቤና በቅመማ ቅመም ግዢ ይደራል። በዕለቱ በየቤቱ የዶሮ ወጥ፣ የጠጅና የጠላ፣ እንዲሁም የምስጋና እርድ ተዘጋጅቶ በጋራ ይበላል፤ ይጠጣል። ቤቶች በለመለመ ሳር፣ በዕጣን ጭስና በአደይ አበባ ተሸልመው ልዩ የመዓዛና የሞቅታ ድባብ ይፈጥራሉ።

በአጠቃላይ የኢትዮጵያ አዲስ ዓመት የተፈጥሮ መታደስ፣ የማህበራዊ ፍቅር፣ የባህልና የሃይማኖታዊ እሴቶች ውህደት የሚታይበት ታላቅ በዓል ነው። ያለፈውን ዓመት አጠናቆ በአዲስ እቅድ፣ ተስፋና መንፈስ ወደፊት ለመራመድ የሚያስችል የአእምሮና የመንፈስ መታደሻ ወቅት በመሆኑ በኢትዮጵያውያን ዘንድ የላቀ ቦታ ይሰጠዋል።

በመሐመድ ፊጣሞ

በከተማዋ የምገባ ፕሮግራም በየአመቱ ከ5 ቢሊየን ብር በላይ ወጪ እየተደረገ መሆኑን የምገባ ኤጀንሲ አስታወቀ

👉በየእለቱ ከ41 ሺ በላይ አቅመ ደካሞች ትኩስ ምግብ እየቀረበላቸው ነው ተብሏል

👉41 ባለሃብቶች በመርሃ ግብሩ እተሳተፉ ነው

👉ሴንቸሪ ኢንቨስትመንት ግሩፕ ለማህበራዊ
ሃላፊነት በየአመቱ ከ40 ሚሊየን ብር ያላነሰ ገንዘብ ወጪ እንደሚያድ አስታውቋል
#ethiopia | የአዲስ አበባ ምገባ ኤጀንሲ ከ41 ሺ በላይ ለሚሆኑ አዛውንቶች እና አቅመ ደካሞች በከተማው በሚገኙ 31 የምገባ ማእከላት በየቀኑ ምግብ እያቀረበ መሆኑን አስታወቀ፡፡

የኤጀንሲው ምክትል ዋና ዳይሬክተር ወ/ሮ ስንታየሁ ማሞ በዛሬው እለት በተስፋ ብርሃን ቁጥር 14 የምገባ ማእከል ለበአል መዋያ ለአቅመ ደካሞች ድጋፍ በተደረገበት ወቅት እንደተናገሩት በከንቲባ አዳነች አበቤ ሃሳብ አመንጪነት እና ክትትል የከተማ አስተዳደሩ አቅም የሌላቸው አዛውንቶችን በየእለቱ እየመገበ ነው።

በዚህም በከተማው ውስጥ በልበ ቀና ባለሃብቶች በተገነቡ እና በሚተዳደሩ 31 የምገባ ማእከላት በጠቅላላው በየእለቱ ከ 41 ሺ በላይ አቅመ ደካሞች ትኩስ ምግብ እየቀረበላቸው ይገኛል ብለዋል፡፡

እንደ ኤጀንሲው ምክትል ዋና ዳይሬክተር ገለፃ በምገባ እና ተያያዥ ስራዎች በየአመቱ ከ 5 ቢሊየን ብር በላይ በዚህ ድጋፍ በሚሳተፉ 41 ባለሃብቶች ወጪ እንደሚደረግ ነው የገለፁት፡፡

የአዲስ አመት በአልን አስመልክቶ በሴንቸሪ ኢንቨስትመንት ግሩፕ ተገንብቶ በየእለቱ 300 አካባቢ አቅመ ደካማ አዛውንቶች በየእለቱ ምገባ የሚደረግበት ኮተቤ አካባቢ የሚገኘው የተስፋ ብርሃን ቁጥር 14 ምገባ ማእከል ላይ በተደረገው የበአል መዋያ ድጋፍ መርሃ ግብር ለ 250 አዛውንቶች የዶሮ፣ ዘይት፣ ሽንኩርት እና ዱቄት ድጋፍ ተደርጓል፡፡

ሴንቸሪ ኢንቨስትመንት ግሩፕ ላለፉት 25 አመታት በትምህርት፣ ድጋፍ ለሚሹ ህፃናት፣ አዛውንቶች እንዲሁም የጤና መታወክ ለገጠማቸው እና እርዳታ ለሚያስፈልጋቸው ዜጎች ከፍተኛ ድጋፍ በማድረግ ማህበራዊ ሃላፊነቱን እንደሚወጣ ነው በመድረኩ የተገለፀው፡፡

በተጨማሪም በመንግስት እና የማህበረሰብ አካላት በሚደረግለት ጥሪ ለሰው ሰራሽ ሆነ የተፈጥሮ አደጋዎች ፈጣን ምላሽ በመስጠት የበኩሉን እየተጫወተ መሆኑን በመድረኩ የተገኙት ከፍተኛ የመንግስት ሃላፊዎች ገልፀዋል፡፡

ለዚህም በጎ አላማ በስሩ በሚገኙ ኩባንያዎች አማካኝነት በየአመቱ ከ43 ሚሊየን ብር በላይ ወጪ እንደሚያደርግ ነው የታወቀው፡፡

ሴንቸሪ ኢንቨስትመንት ግሩፕ ከሚያደርጋቸው እጅግ በርካታ የህበረተሰብ ተኮር ድጋፎች እና መደጋገፎች መካከል አንደኛው የሆነውን የአውዳመት ማእድ ማጋራት መርሃ ግብር ዿግሜ 5 ቀን 2018 ዓም ባከናወነበት ወቅት የተገኙት የኩባንያው ከፍተኛ ሃላፊዎች ይህ ድጋፍ ለዘመናት ከኩባንያው ጋር የኖረ ነው ብለዋል፡፡

ሴንቸሪ ባስገነባው የምገባ መአከል በተደረገው ድጋፍ የአዲስ አበባ ከተማ አስተዳደር ከንቲባ ጽ/ቤት ተወካይ እንዲሁም የከተማዋ ምገባ ኤጀንሲ አመራር እና የየካ ክፍለ ከተማ ከፍተኛ የስራ ኃላፊዎች ተገኝተዋል፡፡

“መስጠት ያስደስታል፣” ያሉት የኤጀንሲው ምክትል ዋና ዳይሬክተር “ሌሎችም ይህን አርአያ ተከተሉ፣” ሲሉ ሴንቸሪ እያደረገ ያለውን ሰው ተኮር ስራ በምሳሌነት በመጥቀስ ጥሪ ያቀረቡት።

በመድረኩ የሴንቸሪ ኢንቨስትመንት ግሩፕ ከፍተኛ የስራ ሃላፉ የሆኑት አቶ ግርማ አዲስ መደጋገፍ የቆየ የኩባንያው ባህል መሆኑን ጠቅሰው።

ይህንኑ የማህበራዊ ሃላፊነት ስራ በተዋቀረ መልኩ ለማከናወን ፋውንዴሽን ለማቆም ስራው መጠናቀቁን አስታውቀዋል።

እኛ የገንዘብ ወይም የአይነት ድጋፍ ማድረግ ብቻ ላይ አልተወሰንም ያሉት አቶ ግርማ ይልቁንም የተለያዩ በጎ ስራ ውስጥ የሚገኙ ተቋማት ውስጥ በቦርድ እና ሞያዊ ምክር በመሳተፍ ውጤታማ እንዲሆኑ የበኩላችንን እገዛ በማድረግ ጭምር እንሳተፋለን ሲሉ አክለዋል።

በሴንቸሪ ኢንቨስትመንት ግሩፕ የእርዳታ ማስተባበሪያ ዴስክ ሃላፊ የሆኑት ወ/ሮ ራሄል ተስፋማርያም በበኩላቸው በኩባንያው ስር የሚገኙ ድርጅቶች ላለፉት 25 አመታት በበጎ ስራ እየተሳተፉ ቆይተዋል ብለው።

በተለየ በአዲስ አበባ፣ ቢሾፍቱ፣ ደብረ ብርሃን እና ሌሎች ለተሞች በቋሚነት ድጋፍ ለሚያደርጉ ከ10 ላላነሱ ተቋማት በቋሚነት በጀት በመያዝ የገንዘብ እና የአመራር ምክር ድጋፍ እንደሚያደርጉ ገልፀዋል።

አክለውም ድጋፉ በዋናነት እገዛ ለሚሹ ህፃናት፣ አረጋውያን እንዲሁም ሴቶች ትኩረት እንደሚሰጥ አስታውሰዋል።

ትምህርት ቤት ገንብቶ ማስረከብ ብቻ ሳይሆን ለተማሪዎች ቋሚ የትምህርት መርጃ መሳሪያ እና ዩኒፎርም እንደሚቀርብ አስታውሰዋል።

በተጨማሪ የላቀ ውጤት ላላቸው ተማሪዎች በአመት ሁለቴ የማነቃቂያ ሽልማት በማበርከት ቤተሰባዊ አጋርነት የሚከናወን መሆኑን ጠቅሰዋል።

በተመሳሳይ መስራት እና መለወጥ ለሚቸሉ ሴቶች ተዘዋዋሪ ፈንድ በማቅረብ ሰርተው ራሳቸውን እንዲችሉ እና ቋሚ የገቢ ምንጭ እንዲኖራቸው ድጋፍ እንደሚደረግ ነው የጠቀሱት፡፡

ኩባንያው በእርዳታ ድርጅቶች አማካኝነት ከሚያደርገው ድጋፍ በተጨማሪ ለበርካታ ዜጓች በቋሚነት ድጋፍ እንደሚደረግ ነው አስተባባሪዋ የገለፁት።

ከበአል ጋር በተያያዘም እንደ ባህሉና ወጉ ድጋፍ ለሚሹ ወገኖች በተለያየ አጋጣሚ የበኩሉን ሲጫወት ነው የቆየው።SECO የአዲስ አበባ ከተማ ኮሙኒኬሽን ቢሮ Addis Ababa City Communication Adanech Abiebie- አዳነች አቤቤ
#centuryinvestmentgroup #steelyrmi #etbusinessview #ቅዳሜገበያ #csr

በከተማዋ የምገባ ፕሮግራም በየአመቱ ከ5 ቢሊየን ብር በላይ ወጪ እየተደረገ መሆኑን የምገባ ኤጀንሲ አስታወቀ

👉በየእለቱ ከ41 ሺ በላይ አቅመ ደካሞች ትኩስ ምግብ እየቀረበላቸው ነው ተብሏል

👉41 ባለሃብቶች በመርሃ ግብሩ እተሳተፉ ነው

👉ሴንቸሪ ኢንቨስትመንት ግሩፕ ለማህበራዊ
ሃላፊነት በየአመቱ ከ40 ሚሊየን ብር ያላነሰ ገንዘብ ወጪ እንደሚያድ አስታውቋል

የአዲስ አበባ ምገባ ኤጀንሲ ከ41 ሺ በላይ ለሚሆኑ አዛውንቶች እና አቅመ ደካሞች በከተማው በሚገኙ 31 የምገባ ማእከላት በየቀኑ ምግብ እያቀረበ መሆኑን አስታወቀ፡፡

የኤጀንሲው ምክትል ዋና ዳይሬክተር ወ/ሮ ስንታየሁ ማሞ በዛሬው እለት በተስፋ ብርሃን ቁጥር 14 የምገባ ማእከል ለበአል መዋያ ለአቅመ ደካሞች ድጋፍ በተደረገበት ወቅት እንደተናገሩት በከንቲባ አዳነች አበቤ ሃሳብ አመንጪነት እና ክትትል የከተማ አስተዳደሩ አቅም የሌላቸው አዛውንቶችን በየእለቱ እየመገበ ነው።

በዚህም በከተማው ውስጥ በልበ ቀና ባለሃብቶች በተገነቡ እና በሚተዳደሩ 31 የምገባ ማእከላት በጠቅላላው በየእለቱ ከ 41 ሺ በላይ አቅመ ደካሞች ትኩስ ምግብ እየቀረበላቸው ይገኛል ብለዋል፡፡

እንደ ኤጀንሲው ምክትል ዋና ዳይሬክተር ገለፃ በምገባ እና ተያያዥ ስራዎች በየአመቱ ከ 5 ቢሊየን ብር በላይ በዚህ ድጋፍ በሚሳተፉ 41 ባለሃብቶች ወጪ እንደሚደረግ ነው የገለፁት፡፡

የአዲስ አመት በአልን አስመልክቶ በሴንቸሪ ኢንቨስትመንት ግሩፕ ተገንብቶ በየእለቱ 300 አካባቢ አቅመ ደካማ አዛውንቶች በየእለቱ ምገባ የሚደረግበት ኮተቤ አካባቢ የሚገኘው የተስፋ ብርሃን ቁጥር 14 ምገባ ማእከል ላይ በተደረገው የበአል መዋያ ድጋፍ መርሃ ግብር ለ 250 አዛውንቶች የዶሮ፣ ዘይት፣ ሽንኩርት እና ዱቄት ድጋፍ ተደርጓል፡፡

ሴንቸሪ ኢንቨስትመንት ግሩፕ ላለፉት 25 አመታት በትምህርት፣ ድጋፍ ለሚሹ ህፃናት፣ አዛውንቶች እንዲሁም የጤና መታወክ ለገጠማቸው እና እርዳታ ለሚያስፈልጋቸው ዜጎች ከፍተኛ ድጋፍ በማድረግ ማህበራዊ ሃላፊነቱን እንደሚወጣ ነው በመድረኩ የተገለፀው፡፡

በተጨማሪም በመንግስት እና የማህበረሰብ አካላት በሚደረግለት ጥሪ ለሰው ሰራሽ ሆነ የተፈጥሮ አደጋዎች ፈጣን ምላሽ በመስጠት የበኩሉን እየተጫወተ መሆኑን በመድረኩ የተገኙት ከፍተኛ የመንግስት ሃላፊዎች ገልፀዋል፡፡

ለዚህም በጎ አላማ በስሩ በሚገኙ ኩባንያዎች አማካኝነት በየአመቱ ከ43 ሚሊየን ብር በላይ ወጪ እንደሚያደርግ ነው የታወቀው፡፡

ሴንቸሪ ኢንቨስትመንት ግሩፕ ከሚያደርጋቸው እጅግ በርካታ የህበረተሰብ ተኮር ድጋፎች እና መደጋገፎች መካከል አንደኛው የሆነውን የአውዳመት ማእድ ማጋራት መርሃ ግብር ዿግሜ 5 ቀን 2018 ዓም ባከናወነበት ወቅት የተገኙት የኩባንያው ከፍተኛ ሃላፊዎች ይህ ድጋፍ ለዘመናት ከኩባንያው ጋር የኖረ ነው ብለዋል፡፡

ሴንቸሪ ባስገነባው የምገባ መአከል በተደረገው ድጋፍ የአዲስ አበባ ከተማ አስተዳደር ከንቲባ ጽ/ቤት ተወካይ እንዲሁም የከተማዋ ምገባ ኤጀንሲ አመራር እና የየካ ክፍለ ከተማ ከፍተኛ የስራ ኃላፊዎች ተገኝተዋል፡፡

“መስጠት ያስደስታል፣” ያሉት የኤጀንሲው ምክትል ዋና ዳይሬክተር “ሌሎችም ይህን አርአያ ተከተሉ፣” ሲሉ ሴንቸሪ እያደረገ ያለውን ሰው ተኮር ስራ በምሳሌነት በመጥቀስ ጥሪ ያቀረቡት።

በመድረኩ የሴንቸሪ ኢንቨስትመንት ግሩፕ ከፍተኛ የስራ ሃላፉ የሆኑት አቶ ግርማ አዲስ መደጋገፍ የቆየ የኩባንያው ባህል መሆኑን ጠቅሰው።

ይህንኑ የማህበራዊ ሃላፊነት ስራ በተዋቀረ መልኩ ለማከናወን ፋውንዴሽን ለማቆም ስራው መጠናቀቁን አስታውቀዋል።

እኛ የገንዘብ ወይም የአይነት ድጋፍ ማድረግ ብቻ ላይ አልተወሰንም ያሉት አቶ ግርማ ይልቁንም የተለያዩ በጎ ስራ ውስጥ የሚገኙ ተቋማት ውስጥ በቦርድ እና ሞያዊ ምክር በመሳተፍ ውጤታማ እንዲሆኑ የበኩላችንን እገዛ በማድረግ ጭምር እንሳተፋለን ሲሉ አክለዋል።

በሴንቸሪ ኢንቨስትመንት ግሩፕ የእርዳታ ማስተባበሪያ ዴስክ ሃላፊ የሆኑት ወ/ሮ ራሄል ተስፋማርያም በበኩላቸው በኩባንያው ስር የሚገኙ ድርጅቶች ላለፉት 25 አመታት በበጎ ስራ እየተሳተፉ ቆይተዋል ብለው።

በተለየ በአዲስ አበባ፣ ቢሾፍቱ፣ ደብረ ብርሃን እና ሌሎች ለተሞች በቋሚነት ድጋፍ ለሚያደርጉ ከ10 ላላነሱ ተቋማት በቋሚነት በጀት በመያዝ የገንዘብ እና የአመራር ምክር ድጋፍ እንደሚያደርጉ ገልፀዋል።

አክለውም ድጋፉ በዋናነት እገዛ ለሚሹ ህፃናት፣ አረጋውያን እንዲሁም ሴቶች ትኩረት እንደሚሰጥ አስታውሰዋል።

ትምህርት ቤት ገንብቶ ማስረከብ ብቻ ሳይሆን ለተማሪዎች ቋሚ የትምህርት መርጃ መሳሪያ እና ዩኒፎርም እንደሚቀርብ አስታውሰዋል።

በተጨማሪ የላቀ ውጤት ላላቸው ተማሪዎች በአመት ሁለቴ የማነቃቂያ ሽልማት በማበርከት ቤተሰባዊ አጋርነት የሚከናወን መሆኑን ጠቅሰዋል።

በተመሳሳይ መስራት እና መለወጥ ለሚቸሉ ሴቶች ተዘዋዋሪ ፈንድ በማቅረብ ሰርተው ራሳቸውን እንዲችሉ እና ቋሚ የገቢ ምንጭ እንዲኖራቸው ድጋፍ እንደሚደረግ ነው የጠቀሱት፡፡

ኩባንያው በእርዳታ ድርጅቶች አማካኝነት ከሚያደርገው ድጋፍ በተጨማሪ ለበርካታ ዜጓች በቋሚነት ድጋፍ እንደሚደረግ ነው አስተባባሪዋ የገለፁት።

ከበአል ጋር በተያያዘም እንደ ባህሉና ወጉ ድጋፍ ለሚሹ ወገኖች በተለያየ አጋጣሚ የበኩሉን ሲጫወት ነው የቆየው።SECO የአዲስ አበባ ከተማ ኮሙኒኬሽን ቢሮ Addis Ababa City Communication Adanech Abiebie- አዳነች አቤቤ
#centuryinvestmentgroup #steelyrmi #etbusinessview #ቅዳሜገበያ #csr

ከነባር ዕሴት እስከ ዘመናዊ አስተዳደር፡ የመደመር ዕይታ እና የሰው ተኮር ልማት አዲስ ምዕራፍ
*******************

ኢትዮጵያ በብዙ የፈተና እና የለውጥ ማዕበሎች ውስጥ አልፋ ዛሬ ላይ የጸናችው በሕዝቦቿ መካከል ባሉ ጥንታዊ የማኅበራዊ ትስስር ገመዶች አማካኝነት ነው።

የመረዳዳት ባህላዊ ተቋሞቻችን የችግር ጊዜ ማለፊያዎች ብቻ አይደሉም፤ ይልቁንም የሕዝቡ የእርስ በርስ መደጋገፍ እና የጋራ ዕጣ ፈንታን አብሮ የመቅረፅ ጥበብ ማሳያ ታሪካዊ መሠረቶች ጭምር ናቸው።

የመደመር ዕሳቤ እነዚህን ነባር ማኅበራዊ ሀብቶች እና ጥበቦች ከዘመናዊ የመንግሥት አስተዳደር ፍልስፍና ጋር በማጣመር፣ ልማትን ከመሠረተ ልማት ዝርጋታ ባለፈ የሰውን ልጅ ሁለንተናዊ ሕይወት በማሻሻል ላይ ያተኮረ ሰፊ ሥራ አድርጎ ይመከታል፤ ይተገብራል።

በመደመር ዕሳቤ የሚከናወኑ ሰው ተኮር የልማት ሥራዎች በዋናነት የዜጎችን የዕለት ተለት ሕይወት በተጨባጭ የሚቀይሩ የማኅበራዊ ደህንነት ፕሮግራሞች ናቸው።

የቆየውን "ያለንን የማጋራት" ባህል ወደ ተደራጀ የመንግሥት እና የማኅበረሰብ መዋቅር በመቀየር፣ ዝቅተኛ ገቢ ያላቸው ዜጎችን፣ አረጋውያንን እና አቅመ ደካሞችን ተጠቃሚ የሚያደርጉ የማዕድ ማጋራት እና የመኖሪያ ቤት ዕድሳት ሥራዎች በስፋት እየተከናወኑ ይገኛሉ።

ከዚህ በተጨማሪ ህጻናት በምግብ እጥረት ምክንያት ከትምህርት ገበታቸው እንዳይቀሩ የተዘረጋው የትምህርት ቤት ምግባ መርሐ ግብር፣ በነገው ትውልድ ላይ የሚደረግ ትልቅ የሰው ሀብት ልማት ኢንቨስትመንት ሲሆን፣ ይህም የድሃ ወላጆችን ሸክም ከማቃለሉም በላይ የትምህርት ተሳትፎ እና ጥራትን ማሳደግ አስችሏል።

በተመሳሳይ የከተሞች የኮሪደር ልማት እና የአካባቢ ጥበቃ ሥራዎችም የሰው ልጅን ምቾት እና ጤና ማዕከል ያደረጉ ናቸው። የመሠረተ ልማት ዝርጋታው የአሽከርካሪዎችን ብቻ ሳይሆን የእግረኞችንም ምቾት ታሳቢ ያደረገ ነው።

ሰፋፊ የእግረኛ እና የብስክሌት መንገዶች፣ የህጻናት መጫወቻዎች እና የህዝብ መዝናኛ ስፍራዎች የከተሞችን ገጽታ ከመቀየር በተጓዳኝ የዜጎችን አዕምሯዊ እና አካላዊ ጤና የሚያጎለብቱ ሆነዋል።

በሌላ በኩል ጥንታዊው ጉልበትን አስተባብሮ በጋራ የማረስ እና የመገንባት የደቦ (ጅጌ) ባህል ዛሬ በቢሊዮኖች የሚቆጠሩ ችግኞችን በመትከል ለአካባቢ ጥበቃ እና ለምግብ ዋስትና በሚደረገው ሀገራዊው የአረንጓዴ ዐሻራ ንቅናቄ ላይ ተመልሶ በጥቅም ላይ ውሏል።

በመሆኑም ባህላዊ ዕሴቶቻችንን ሳንለቅ ከዘመናዊ የልማት አስተሳሰብ ጋር አጣጥሞ መጓዝ ልማቱን ማፋጠን ብቻ ሳይሆን፣ እያንዳንዱን ዜጋ የልማቱ ባለቤት እና ተጠቃሚ ያደርጋል።

ይህ ሰው ተኮር የልማት አቅጣጫ ሀገራችንን በጽኑ መሠረት ላይ በመገንባት ለቀጣዩ ትውልድ የተሻለች እና የበለጸገች ኢትዮጵያን ለማስረክብ የሚያስችል ታላቅ ሀገራዊ ራዕይ ነው።

በሔዋን ጌታቸው
#ethiopia #humancentereddevelopment #urbancorridor #greenlegacy #traditionalvalues #socialcohesion #ebc

ከልማዳዊ አሠራር ወደ ተቋማዊነት እየተሸጋገረ ያለው የመረዳዳት ባህላችን
****************

በእኛ በኢትዮጵያውያን ማህበራዊ ሕይወት ውስጥ ሰብዓዊነትና መረዳዳት አዲስ ሀሳብ አይደለም።

በችግርናም ሆነ በደስታ ጊዜያት አብረን የመቆም፣ ደካሞችን የመደገፍና ያለንን የማጋራት ጥንታዊ ባህል አለን።

በ2018 ዓ.ም የተከናወኑ ሰው ተኮር የልማትና የበጎ አድራጎት ሥራዎች ይህን ባህላዊ ዕሴት ከዕለት ተለት መፍትሔነት አውጥተው ወደ ተቋማዊና ዘላቂ የልማት ባህል ያሸጋገሩ ሆነዋል።

በአሁኑ ወቅት በመላው ሀገራችን በስፋት እየተተገበረ ያለው ሰው ተኮር ልማት የዜጎችን የዕለት ተለት ሕይወት ጥራት የመቀየርና የማኅበረሰብ አብሮነትን የማጠናከር ትልቅ ዓላማ ያለው ነው።

በበዓላትና በክረምት ወራት የሚከናወኑ የማዕድ የማጋራት መርሐ ግብሮች ለበርካታ አረጋውያንና ዝቅተኛ ገቢ ላላቸው ዜጎች የማኅበራዊ ዋስትና መረቦች ሆነዋል።

በተመሳሳይ መልኩ በክረምት ወራት በሺዎች የሚቆጠሩ ያረጁ የአቅመ-ደካሞች መኖሪያ ቤቶች የዜጎችን ክብርን በሚያስጠብቅ ደረጃ በበጎ ፈቃደኞች በመታደስ ላይ ይገኛሉ።

የከተሞች ጽዳትና ውበት ሥራዎችም መሠረተ ልማትን ከማስፋፋት ባለፈ የዜጎችን ጤና በመጠበቅ፣ ሰብዓዊ ክብርን ማዕከል ያደረገ የከተማ ሕይወት እንዲፈጠር አድርገዋል።

የክረምት በጎ ፈቃድ አገልግሎት ሕይወትን የማዳን ቅዱስ ተግባር ከሆነው የደም ልገሳ በተጨማሪ በርካታ ዜጎች ነፃ ሕክምና ያገኙበት ሀገራዊ ባህል እየሆነ መጥቷል።

እነዚህ በላቀ ደረጃ የተፈፀሙ ተግባራት ትልቁ ፋይዳቸው በዜጎች ቀጥተኛ ተሳትፎ የተከናወኑ መሆናቸው ነው።

ወጣቶች፣ ባለሀብቶች፣ የመንግሥት ሠራተኞችና የተለያዩ የኅብረተሰብ ክፍሎች ጉልበታቸውን፣ ዕውቀታቸውንና ሀብታቸውን አስተባብረው በመሥራታቸው በዜጎች መካከል የጠበቀ የማኅበራዊ ትስስር ፈጥሯል።

አቅመ-ደካማ ጎረቤቱን የሚረዳ፣ ቤቱን የሚያድስለት ወይም ደሙን የሚለግሰው አንድ ወጣት፣ የሀገሩና የማኅበረሰቡ ዋና አካል እንደሆነ ይሰማዋል።

ይህ ደግሞ በዜጎች መካከል አለኝታነትንና የጋራ ኃላፊነት ስሜትን በመገንባት ለሀገራዊ ጽናት፣ ለሰላም እና ለዘላቂ ልማት የማይተካ ምሰሶ ይሆናል።

ሰብዓዊነትን የልማት ማዕከል ማድረግ ማለት ድህነትንና ማኅበራዊ ፈተናዎችን በጋራ አቅም የመቀነስ ስትራቴጂ ነው።

በዚህ ዓመት የተከናወኑ ሰው ተኮር የልማት ተግባራት እንደሚያሳዩት፣ የበጎ አድራጎትና የመረዳዳት ሥራ ከጊዜያዊ ድጋፍነት አልፎ ሀገራዊ የልማት ማዕቀፍና የመልካም አስተዳደር አካል በመሆኑ ለነገዋ ኢትዮጵያ ግንባታ ትልቅ መንገድ ከፍቷል።

በኢንቲሃድ አብራር
#ethiopia #communityservice #socialsafetynet #socialcohesion #ebc

ኩባንያችን በመላ ሀገራችን ለሚገኙ ከ50 በላይ የሰብዓዊ ድጋፍ ሰጪ ተቋማት ጋር ከፋና ሚዲያ ኮርፖሬሽን ጋር በመተባበር የ2019 አዲስ ዓመት አቀባበል መርሃ-ግብር አከናውኗል።

ይህ መድረክ “ከግንኙነት ባሻገር ለወገን አጋር” በሚል መሪ ሀሳብ፤ ለሌሎች ተስፋ ለሚሰጡ ተቋማት ዕውቅና ለመስጠትና የሰዎችን ሕይወት በመለወጥ ረገድ በጋራ የተመዘገቡ ስኬቶችን ቃኝተዋል።

የኩባንያችን ዋና ሥራ አስፈጻሚ ፍሬሕይወት ታምሩ እንደገለጹት፤ ማህበራዊ ኃላፊነት ከተረፈን የምንሰጠው ሳይሆን የሰብዓዊነት ዕሴታችንና የሰው-ተኮር ስትራቴጂያችን መገለጫ ነው።

አክለውም፤ በመርሃ-ግብሩ ለተገኙና በመላው ሀገራችን ሕፃናትን፣ አረጋውያንንና ልዩ ልዩ ድጋፍ የሚሹ ወገኖችን ለሚረዱ ተቋማት በሙሉ ልባዊ ምስጋናቸውን አቅርበዋል።

የበጎ አድራጎት ተቋማቱ ለሌሎች ተስፋ እንደሰጡ ሁሉ፤ ኩባንያችን ኢትዮ ቴሌኮምም ከጎናቸው በመሆን ለበጎ አድራጎት ድርጅቶቹ የሁልጊዜም ተስፋ እንደሚሆን አረጋግጠዋል።

የበጎ አድራጎት ተቋማቱ በበኩላቸው ኢትዮ ቴሌኮም ቴክኖሎጂን ለሰብዓዊነት በማዋል በአጭር የጽሑፍ መልዕክት ገቢ ከማሰባሰብ ባለፈ፣ በገንዘብና በሞራል አለኝታ በመሆን የሚያደርግላቸውን ሁለንተናዊ ድጋፍ አርአያነት እንዳለው ገልጸዋል።

ኩባንያችን አዲሱን ዓመት በአዲስ ጅማሮ፣ ተስፋና ዕይታ በመቀበል፤ ሰውን በማክበርና ለሀገር ዕሴት በመፍጠር ረገድ ያለውን አገራዊ አጋርነት አጠናክሮ የሚቀጥል ይሆናል።

ፕሮግራሙን ለመመልከት፡ https://bit.ly/3V1j8CV ይጫኑ
#በበጎነት #ከግንኙነት_ባሻገር_ለወገን_አጋር #አዲስ_ዓመት_2019 #ethiotelecom #csr

ኩባንያችን በመላ ሀገራችን ከሚገኙ ከ50 በላይ የሰብዓዊ ድጋፍ ሰጪ ተቋማት ጋር ከፋና ሚዲያ ኮርፖሬሽን ጋር በመተባበር የ2019 አዲስ ዓመት አቀባበል መርሃ-ግብር አከናውኗል።

ይህ መድረክ “ከግንኙነት ባሻገር ለወገን አጋር” በሚል መሪ ሀሳብ፤ ለሌሎች ተስፋ ለሚሰጡ ተቋማት ዕውቅና ለመስጠትና የሰዎችን ሕይወት በመለወጥ ረገድ በጋራ የተመዘገቡ ስኬቶችን ቃኝተዋል።

የኩባንያችን ዋና ሥራ አስፈጻሚ ፍሬሕይወት ታምሩ እንደገለጹት፤ ማህበራዊ ኃላፊነት ከተረፈን የምንሰጠው ሳይሆን የሰብዓዊነት ዕሴታችንና የሰው-ተኮር ስትራቴጂያችን መገለጫ ነው።

አክለውም፤ በመርሃ-ግብሩ ለተገኙና በመላው ሀገራችን ሕፃናትን፣ አረጋውያንንና ልዩ ልዩ ድጋፍ የሚሹ ወገኖችን ለሚረዱ ተቋማት በሙሉ ልባዊ ምስጋናቸውን አቅርበዋል።

የበጎ አድራጎት ተቋማቱ ለሌሎች ተስፋ እንደሰጡ ሁሉ፤ ኩባንያችን ኢትዮ ቴሌኮምም ከጎናቸው በመሆን ለበጎ አድራጎት ድርጅቶቹ የሁልጊዜም ተስፋ እንደሚሆን አረጋግጠዋል።

የበጎ አድራጎት ተቋማቱ በበኩላቸው ኢትዮ ቴሌኮም ቴክኖሎጂን ለሰብዓዊነት በማዋል በአጭር የጽሑፍ መልዕክት ገቢ ከማሰባሰብ ባለፈ፣ በገንዘብና በሞራል አለኝታ በመሆን የሚያደርግላቸውን ሁለንተናዊ ድጋፍ አርአያነት እንዳለው ገልጸዋል።

ኩባንያችን አዲሱን ዓመት በአዲስ ጅማሮ፣ ተስፋና ዕይታ በመቀበል፤ ሰውን በማክበርና ለሀገር ዕሴት በመፍጠር ረገድ ያለውን አገራዊ አጋርነት አጠናክሮ የሚቀጥል ይሆናል።

ፕሮግራሙን ለመመልከት፡ https://bit.ly/3V1j8CV ይጫኑ
#በበጎነት #ከግንኙነት_ባሻገር_ለወገን_አጋር #አዲስ_ዓመት_2019 #ethiotelecom #csr

በ38 ማረሚያ ቤቶችቤተመፃህፍት ሊከፈት ነው
በአንድ ልብ ለትውልድ የሕፃናት፣ የሴቶችና የአረጋውያን መርጃ ድርጅት ከኦሮሚያ ክልል ማረሚያ ተቋማት ኮሚሽን ጋር የ5 ዓመት የጋራ ትብብር ስምምነት ተፈራረመ።

የስምምነት ሥነ-ሥርዓቱ በአዳማ ድሬ 2 ሆቴል የተከናወነ ሲሆን፣ በቀጣዮቹ አምስት ዓመታት በ38 የማረሚያ ተቋማት ውስጥ የሚገኙ ተጋላጭ የሕብረተሰብ ክፍሎችን ለመደገፍ የተለዩ ሦስት ዋና ዋና ፕሮጀክቶች ይተገበራሉ።
የተለዩት ፕሮጀክቶችም የሻሎም ቤተ-መጻሕፍት፣ “እኔም ለእህቴ” እና የሕፃናት ድጋፍ ፕሮጀክቶች ናቸው።

በዚሁ መሠረት፦
የታራሚዎችን እውቀትና ስብዕና ለመገንባት በሁሉም 38 ማረሚያ ተቋማት ቤተ-መጻሕፍት ይከፈታሉ።
ለ5,000 ሴት ታራሚዎች የንጽህና መጠበቂያ ሞዴሶች ይሰራጫሉ።
በማረሚያ ተቋማት ውስጥ ለሚገኙ 1,000 ሕፃናት ፍራሽ፣ ብርድ ልብስና የትምህርት ቁሳቁሶች ይቀርባሉ።

የበጎ አድራጎት ድርጅቱ መስራችና ዳይሬክተር ወ/ሮ ማራናታ ተክለሰንበት እንደገለጹት፣ ስምምነቱ ችግር ውስጥ የሚገኙ ዜጎችን በማላቀቅ ለሀገራቸው ጠቃሚ ለማድረግ የሚያስችል ነው።

የኦሮሚያ ክልል ማረሚያ ተቋማት ኮሚሽነር ሻፊ በበኩላቸው፣ የኮሚሽኑ ዓላማ ታራሚዎችን መቅጣት ብቻ ሳይሆን ማነጽና ማስተማር መሆኑን ጠቁመው፣ ፕሮጀክቱ ለዚህ ስኬት ትልቅ አስተዋጽኦ እንደሚያበረክት ገልጸዋል።

ኢትዮ ቴሌኮም  ከ188 ሚ ብር በላይ ድጋፍ አደረገ

ኢትዮ ቴሌኮም «በበጎነት» እና «ለነገ ተስፋዎች» መርኃ ግብሮች በመላው ሀገሪቱ ለሚገኙ 50 የበጎ አድራጎት ተቋማት እና ከ105 ሺህ በላይ ተማሪዎች ከ188 ሚሊዮን ብር በላይ የሚገመት የገንዘብና የቁሳቁስ ድጋፍ አደረገ። በዋና ሥራ አስፈፃሚዋ ወ/ት ፍሬሕይወት ታምሩ የተመራው ይህ ማህበራዊ ኃላፊነት ማስፈጸሚያ መርሃ ግብር 22 ሺህ አረጋውያን፣ ሕፃናት እና አቅመ ደካሞችን ተጠቃሚ ያደረገ ሲሆን፣ ኩባንያው ባለፉት አምስት ዓመታት ውስጥም በርካታ ተቋማትን መደገፉን አስታውሷል።

ከዚህ በተጨማሪም ተቋሙ «በጎነት ለሰብዓዊነት» በሚል መሪ ቃል ከብሔራዊ የደም ባንክ ጋር በመተባበር ባዘጋጀው የደም ልገሳ መርሃ ግብር የሥራ ኃላፊዎችና በጎ ፈቃደኛ ሠራተኞች በ22 የተለያዩ ቦታዎች በመገኘት ደም ለግሰዋል።

Seledadotio
Seledadotio

ዋና ሥራ አስፈጻሚያችን ፍሬሕይወት ታምሩ፤ ድጋፍ የሚሹ ወገኖችን በመርዳት ከግንኙነት ባሻገር ለወገን አጋርነትን ለማረጋገጥ ያለመውን ዓመታዊ የአዲስ ዓመት የበጎ አድራጎት መርሃ-ግብር በዛሬው ዕለት በይፋ አስጀምረዋል።

በዚሁ መሠረት ዛሬ ባካሄድነው መርሐ-ግብር፤ በመላ ሀገራችን በሚገኙ 50 የበጎ አድራጎት ተቋማት ለሚረዱ 22,212 አረጋውያን፣ ሕፃናት፣ እናቶች፣ አካል ጉዳተኞችና ድጋፍ የሚሹ የማህበረሰብ ክፍሎች ከ75 ሚሊዮን ብር በላይ የገንዘብ ድጋፍ አድርገናል።

ባለፉት 5 ተከታታይ ዓመታት ማህበራዊ ኃላፊነትን ከመወጣት አንጻር ከ117 በላይ ለሚሆኑ የበጎ አድራጎት ማዕከላት አጋር በመሆን፣ ድጋፍ የሚሹ የማኅበረሰብ ክፍሎችን ስንደግፍ ቆይተናል።

በ"ቀጣዩ አድማስ" ሰው-ተኮር ስትራቴጂያችንም የዲጂታል ኢትዮጵያን ጉዞ ከማፋጠን ባሻገር፣ ሰብአዊነት የተሞላባቸው ተግባራትን በማከናወን የወገን አጋርነታችንን በቁርጠኝነት እናጠናክራለን።
#በበጎነት ! #ከግንኙነት_ባሻገር_ለወገን አጋር! #በአዲስ_ጅማሮ_በአዲስ_ተስፋ_በአዲስ_ዕይታ_2019አዲስ_ዓመት !

ጳጉሜ - የጊዜ ድልድይ፣ የትዝታና የተስፋ መገናኛ

አዲስ አበባ፣ ነሐሴ 27፣ 2018 (ኤፍ ኤም ሲ) በአሮጌው ዓመት መጨረሻና በአዲሱ ዓመት መጀመሪያ መካከል ቆማ፣ ያለፈውን በትዝታ እያሰናበተች የሚመጣውን በተስፋ የምትቀበል አንዲት ልዩ ወር አለች፣ እርሷም ኢትዮጵያዊቷ ጳጉሜ ናት።

ጳጉሜ ቀናቷ አምስት ወይም ስድስት ብቻ ቢሆኑም የምትሸከመው ጥልቅ ትርጉም ግን ከቀናት ቁጥር ይረዝማል።

እሷ ያለፈውን ዘመን በአንድ ገጽ ላይ አጠናቃ ለአዲሱ ብሩህ ምዕራፍ መንገድ የምትከፍት፣ የትናንትና የነገ መገናኛ ድልድይ ናት። ወደ ኋላ ለመቅረት ሳይሆን ለጥቂት ጊዜ ቆሞ ይበልጥ ለመፍጠን እና ነገን አርቆ ለማየት የሚደረግ ውብ የመንፈስ ጉዞ ማሳያ ናት፣ ጳጉሜ፡፡

በኢትዮጵያዊያን ህሊና ውስጥ ይህች አጭር ወር የታሪክ ማጠፊያና የይቅርታ ወር ናት። ያለፈውን ዓመት ድካም፣ ጭንቅና ቅሬታ አራግፋ እና አጽድታ፣ በአዲስ መንፈስ ለአዲሱ ዘመን ንጹህ ልብና አዲስ መንፈስ ታዘጋጃለች።

በጳጉሜ ሰዎች ከተጣሉት ጋር የሚታረቁበት፣ የፈጣሪን ምህረት በጸሎት የሚያስቡበት ቅዱስ ጊዜ በመሆኑ በማህበረሰባችን ዘንድ ልዩ የክብር ስፍራ አላት።

ይህ የመታደስ መንፈስ በተግባርም ይገለጣል። ጳጉሜ ሲመጣ ህፃናት፣ ወጣቶችና አዋቂዎች ጎህ ሳይቀድ ተነስተው ወደ ወንዝ ያመራሉ። በወሩ የሚዘንበው ዝናብና የሚፈሰው ውሃ ፈውስና በረከት አለው ተብሎ ስለሚታመን፣ ያለፈው ዓመት ደካማነትና ህመም በሙሉ ታጥቦ ይሄዳል ተብሎ ይታመናል።

በየቤቱም አዲስ አመትን ለመቀበል የሚደረገው ጉድጉድም በነዚህ ቀናት ነው የሚካሄደው፡፡

እናቶች የቤታቸውን ውበት እያደሱ ለአዲሱ ዓመት የእንቁጣጣሽ በዓል ሲሰናዱ፣ ህፃናት በየደጃፉ በቅኔና በጨዋታ ድምፃቸው መንደሩን ያደምቁታል። ይህም ልዩ የመታደስ የሽግግር መንፈስ እና የበዓል ድባብ ያላብሳል፡፡

ጎረቤት ከጎረቤቱ ጋር የሚጠያየቅበት፣ አረጋውያን የሚጎበኙበትና ያለው ከሌለው ጋር ተካፍሎ የሚበላበት ይህ ወቅት የኢትዮጵያዊነትን የመደጋገፍና የፍቅር እሴት በጉልህ ያሳያል።

በዚህም ጳጉሜ አንድ ትልቅ እውነት ታስተምረናለች፡፡ ይህም የአንድ ነገር መጨረሻ የሕይወት መጨረሻ ሳይሆን የአዲስ ጅምር መነሻ ሊሆን እንደሚችል ነው ።

ያለፈውን አስተውለን፣ ከስህተታችን ተምረን፣ ወደ አዲሱ ዓመት በተስፋ እንድንሻገር ጳጉሜ የተስፋ ድልድይ ሆና ታገለግላለች።

በአመለወርቅ ደምሰው

(ዘ-ሐበሻ ዜና) በበርካታ የበጎ አድራጎት ሥራዎቻቸውና በስብከተ ወንጌል አገልግሎታቸው የሚታወቁት የመምህር ዘላለም ወንድሙ (ወልደ ሰማዕት) የስድስት ወር መታሰቢያ የፊታችን ቅዳሜ ነሐሴ 30 ቀን 2018 ዓ.ም. በመንበረ ጸባዖት ቅድስት ሥላሴ ካቴድራል በጸሎተ ፍትሐት እንደሚታሰብ ተገለጸ። በመርሐግብሩም የሟች ወዳጆች፣ ቤተሰቦችና በርካታ ምዕመናን ከጠዋቱ 12 ሰዓት ተኩል ጀምሮ ክቡር ሥጋቸው ባረፈበት በካቴድራሉ ተገኝተው መምህሩን በጸሎት እንደሚያስቧቸው ታውቋል።

መምህር ዘላለም በሕይወተ ሥጋ በነበሩበት ወቅት በርካታ አርዓያነት ያላቸውን ማህበራዊና ሃይማኖታዊ የበጎ አድራጎት ሥራዎችን ሲያከናውኑ የቆዩ አባት ነበሩ። ከእነዚህም መካከል ከሦስት መቶ በላይ ለሚሆኑ አረጋውያን መደበኛ የምግብ ድጋፍ ማመቻቸት፣ ከሁለት መቶ በላይ የሚሆኑ ሕፃናት ራሳቸውን እስኪችሉ ድረስ የሙሉ ጊዜ እንክብካቤ ማድረግ፣ እንዲሁም በሰበታ ከተማ የሚገኙ ከሰማንያ በላይ ዓይነ ስውራንን በማኅበር አደራጅቶ በቋሚነት መደገፍ በዋነኛነት ይጠቀሳሉ።

ከዚህም በተጨማሪ በገጠር አካባቢዎች አዳዲስ አብያተ ክርስቲያናትን በማነጽ የሚታወቁ ሲሆን፣ አደባባይ ወጥተው መለመን የማይችሉ ችግረኛ ወገኖችን ያሉበት ድረስ በመሄድ በስውር ሲረዱ መቆየታቸው ይነገራል።
እኚህ ታላቅ መምህር በድንገት ከዚህ ዓለም በሞት መለየታቸውን ተከትሎ፣ የጀመሯቸው እና በአሁኑ ወቅት የምዕመናንን ድጋፍ የሚሹ ሦስት የገጠር አብያተ ክርስቲያናት ግንባታን ጨምሮ በርካታ የበጎ አድራጎት ሥራዎቻቸውን በዘላቂነት ለማስቀጠል ዝግጅት እየተደረገ ይገኛል። በመሆኑም ሥራዎቹን በአንድ ማዕቀፍ ሥር አቅፎ ለማስቀጠል የሚያስችል "የመምህር ዘላለም ወንድሙ የመታሰቢያ ድርጅት" የተሰኘ ተቋም በመቋቋም ላይ ሲሆን፣ በቅርቡም በይፋ ለሕዝብ ይፋ እንደሚደረግ አስተባባሪዎቹ አስታውቀዋል።

አስተባባሪ ኮሚቴው የመምህሩን ፈለግ በመከተል ምዕመናን የመንፈሳዊ አደራቸውን እንዲወጡ ጥሪ ያቀረበ ሲሆን፣ ለበጎ አድራጎት ሥራዎቹ ማስቀጠያ ድጋፍ ማድረግ ለሚፈልጉ ወገኖች በጊዜያዊ ኮሚቴው ስም በተከፈተው የኢትዮጵያ ንግድ ባንክ ሒሳብ ቁጥር 1000751862192 ገቢ ማድረግ እንደሚችሉ አሳውቋል።

በቢሊዮን የሚቆጠር ሀገራዊ ወጪን ያስቀረው የበጎ ፈቃድ ንቅናቄ
*****************

በኢትዮጵያ ከውጭ እርዳታ ጥገኝነት በመላቀቅ በራስ አቅም የመደጋገፍ ባህልን ማጠናከር ቀዳሚ ሀገራዊ አጀንዳ ሆኖ በቀጣይነት እየተተገበረ ይገኛል።

ከልጅነት ጀምሮ በቤተሰብና በማህበረሰብ እሴቶች የሚታነፀው ሰውን የመርዳትና ለወገን የመኖር ሰናይ ምግባር በአሁኑ ወቅት ከተለመደው የሰብአዊነት ድጋፍ አልፎ የዜጎችን ጉልበት እውቀትና ጊዜ በማስተባበር ሀገራዊ ክብርንና ኢኮኖሚያዊ ነፃነትን የሚያረጋግጥበት ታላቅ ብሄራዊ ንቅናቄ ለመሆን በቅቷል።

በተለይም በየአመቱ ዝናቡና ቅዝቃዜው ሳይበግረው ሚሊዮኖችን የሚያንቀሳቅሰው የክረምት የበጎ ፈቃድ መርሃ ግብር የዜጎችን ነፃ ጉልበትና እውቀት ወደ ህያው ሀገራዊ ሀብት በመቀየር የኢትዮጵያ ሁለንተናዊ እድገትና የሀገር ግንባታ ዋና አንቀሳቃሽ ሞተር እየሆነ ይገኛል።

የንቅናቄው ዋና ዓላማ አቅምና ሀብትን በመደመር አስተባብሮ የማኅበረሰቡን ስብራት መጠገንና ሀገራዊ ብልፅግናን ማረጋገጥ ነው።

ጠቅላይ ሚኒስትር ዐቢይ አሕመድ (ዶ/ር) "የክረምት በጎ ፈቃድ አገልግሎት ከልማት በላይ የሚያስተሳስርና ቁምነገር ሠርተን እንድናልፍ የሚያስችል ታላቅ የክብር ሥራ ነው" ሲሉ ባቀረቡት ጥሪ፣ "እኛ ለሀገራችን፤ ሀገራችን ለሁላችን" በሚል መሪ ቃል ወጣቱ ትውልድ ጉልበቱን ለአካባቢው ልማት እንዲያውል አዲስ መንፈስ መፍጠር ተችሏል።

ጠቅላይ ሚኒስትሩ አፅንኦት እንደሰጡት በጎ ፈቃድ በቃል የሚገለፅ ሳይሆን በተግባር የሚፈተን የዜግነት ሀላፊነት በመሆኑ በተደረገው ጥሪ መሰረት በየአመቱ በመቶ ሺዎች የሚቆጠሩ የአረጋውያን እና አቅመ ደካሞች መኖሪያ ቤቶች በአዲስ መልክ ተገንብተዋል፤ በርካታ ወገኖችንም ከዝናብና ከቅዝቃዜ መታደግ ተችሏል።

ይህ ዘርፈ ብዙ እንቅስቃሴ ማህበራዊ ኢኮኖሚያዊና ሀገራዊ እሴቶችን አዋህዶ በመያዝ ከፍተኛ ውጤት በማስመዝገብ ላይ ነው። በማህበራዊና በጤናው ዘርፍ ምግብና አልባሳት በማቅረብ ጎዳና የወደቁትን በማንሳት በነፃ ህክምና በህሙማን እንክብካቤና በደም ልገሳ አብሮነትን ያጠናክራል።

በትምህርት መስክም በበጎ ፈቃደኞች የሚሰጠው የክረምት ማጠናከሪያ ትምህርት የተማሪዎችን አቀባበል ከመደገፉ ባሻገር ለብዙ ሚሊየን ተማሪዎች የደብተር እና የትምህርት ቁሳቁስ ድጋፍ ተደርጓል ይህም አጋዥ አስተማሪ መቅጠር ለማይችሉ ወላጆች ትልቅ የኢኮኖሚ እፎይታ ፈጥሯል።

በአካባቢ ጥበቃ በኩል ደግሞ በቢሊየን የሚቆጠሩ ችግኞች ተተክለው እንክብካቤ በመደረጉ የሀገሪቱን የደን ሽፋን በማሳደግ የአየር ንብረት ለውጥን ለመከላከልና የምግብ ዋስትናን ለማረጋገጥ የሚደረገውን ጥረት አፋጥነውታል።

ከኢኮኖሚ አኳያ እነዚህ የቤት እድሳት የችግኝ ተከላና የመንገድና ድልድይ ጥገና ስራዎች በመንግስት መደበኛ በጀት ቢከናወኑ ኖሮ የሚጠይቁትን በቢሊዮን የሚቆጠር ወጪ በማስቀረት የመንግስትን ውስን ሀብት ለሌሎች ትልልቅ የልማት ስራዎች እንዲያውል አስችለዋል።

ከዚህም በላይ የበጎ ፈቃድ አገልግሎት ነፃ ጉልበት ብቻ ሳይሆን የወጣቶችን አመለካከት በመቅረፅ የትብብር የሀላፊነት የሀገር ወዳድነትና የብሄራዊ አንድነት እሴቶች የሚገነቡበት የትውልድ ማነፃ መድረክ ነው።

ይህንን መልካም አጋጣሚ ወደ ዘላቂ ባህል ለማሸጋገር እንቅስቃሴውን ከክረምት መርሃ ግብር ባሻገር አመቱን ሙሉ የሚተገበር የዜግነት ግዴታ ማድረግ ይገባል።

ስራው ቁሳዊ አገልግሎት ላይ ብቻ ሳይወሰን የሰው አእምሮ ግንባታንና የፓን አፍሪካኒዝም ፅንሰ ሀሳብን የሚያቀነቅን እንዲሆን እንቅስቃሴውን ወደ አህጉራዊና ዓለም አቀፍ ደረጃ ለማሸጋገር በየደረጃው እየተሰራ ይገኛል።

በመሆኑም የመንግስትና የግል ተቋማት በበጎ ፈቃደኝነት ላይ ለተሰማሩ ወጣቶች በስራ እድልና በሌሎች ዘርፎች ቅድሚያ በመስጠት ይህንን የዜጎችን አቅም ወደ ማህበራዊ እሴት ማህበራዊ እሴትን ደግሞ ወደ ሀገራዊ ሀብት የሚቀይር ታላቅ የልማት ሀይል በጥራትና በተደራጀ መንገድ የማስቀጠል ሀገራዊና ሰብአዊ ሀላፊነታቸውን ሊወጡ ይገባል።

በብሌን ደምበሎ

(ዘ-ሐበሻ ዜና) በኦሮሚያ ክልል፣ ምዕራብ አርሲ ዞን ቆሬ ወረዳ፣ የትራንስፖርት ተሽከርካሪዎች ለግዳጅ ወታደራዊ አገልግሎት እንዲውሉ በመደረጉ ምክንያት የአካባቢው ማህበረሰብ ለከፍተኛ እንግልት መዳረጉ ተገለጸ።

በአካባቢው ካለው አስገዳጅ ሁኔታ አኳያ አብዛኛዎቹ መኪኖች ሲያዙ የተረፉት ደግሞ ሸሽተው በመደበቃቸው በወረዳው የትራንስፖርት አገልግሎት ሙሉ በሙሉ ቆሟል። በመሆኑም አማራጭ ያጣው ማህበረሰብ፣ በተለይም ነፍሰጡር እናቶች እና አረጋውያን በዝናብ ውስጥ ክፍት የጭነት (አይሱዙ) መኪናዎች ላይ ታጭቀው ከቆሬ ወደ ሻሸመኔ ከተማ ለመጓዝ ተገደዋል።

ይህንን አሳዛኝ ትዕይንት ይበልጥ ልብ ሰባሪ የሚያደርገው የአረጋውያኑ ምላሽ ነው። "በዚህ ዝናብና ቅዝቃዜ ለምን እንዲህ ተንገላትችሁ ትጓዛላችሁ?" ተብለው ሲጠየቁ፤ "ለዓመታት ደክመን ያስተማርናቸው ልጆቻችን ዛሬ ከኮሌጅ ስለሚመረቁ፣ ያንን የምረቃ ደስታ ለመድረስ ብለን ነው" ሲሉ ምላሽ መስጠታቸው ተዘግቧል።

ይህ ድርጊት አሳፋሪ መሆኑን የሚገልጸው የመረጃው ምንጭ፤ አካላቱ "ለህዝብ ቆመናል" እያሉ ሰፊውን ማህበረሰብ እንዲህ ላለ ሰቆቃ መዳረጋቸው እጅግ አሳዛኝ እና አንጀት አቃጣይ መሆኑን በጽኑ ይተቻል።

የቆሬ ወረዳ ህዝብ ቀድሞውንም የተስተካከለ የመንገድ መሠረተ ልማት የሌለው መሆኑ ይታወቃል። ነገር ግን በፈራረሰው መንገድ ላይ እየተጓዙ ህዝቡን በችግሩ ጊዜ ሲያገለግሉ የነበሩት ጥቂት ተሽከርካሪዎችም "በግዳጅ ስም" ስራ እንዲያቆሙ መደረጉ፣ ማህበረሰቡን ለከፋ ማህበራዊና ኢኮኖሚያዊ ቀውስ ዳርጎታል።

የመደመር እሳቤና የአብሮነት መገለጫ፡ በጎ ፈቃድ አገልግሎት

አዲስ አበባ፣ ነሐሴ 24፣ 2018 (ኤፍ ኤም ሲ) የበጎ ፈቃድ አገልግሎት በሰዎች መልካም ፍላጎት፣ ተነሳሽነት እና ቁርጠኝነት ላይ የተመሰረተ ሰብዓዊ ተግባር ነው፡፡

አገልግሎቱ ግለሰቦች ያላቸውን ዕውቀት፣ ጉልበት፣ ጊዜ እና ቁሳቁስ ያለ ምንም የገንዘብ ክፍያ እርዳታ ለሚሹ የማሕበረሰብ ክፍሎች የሚያካፍሉበት የተቀደሰ መንገድ ነው።

ይህ ታላቅ እና ሰው ተኮር ተግባር በማህበራዊ ዘርፍ የዜጎችን እርስ በርስ የመረዳዳት፣ ወንድማማችነት እና አብሮነት ባህል ይበልጥ ያጠናክራል።

በኢኮኖሚ በኩል ደግሞ የመንግሥትን ወጪ በመቀነስ የማህበራዊ አገልግሎት ክፍተቶችን በመሙላት ረገድ ከፍተኛ አስተዋጽኦ ያበረክታል፡፡ በተጨማሪም በጎ ፈቃደኞች አዳዲስ ክህሎቶችን እንዲያዳብሩና ሕዝባዊ ኃላፊነትን እንዲለማመዱ አቅም ይፈጥራል።

በኢትዮጵያ ከጥንት ጀምሮ በተለያየ መልኩ የነበረው የመረዳዳት ባህል፣ በቅርብ ዓመታት ውስጥ በተለይም የመደመር መንግሥት እሳቤ ከተተገበረበት ጊዜ ጀምሮ በሀገር አቀፍ ደረጃ በስፋት እና በተደራጀ ሁኔታ እየተከናወነ ይገኛል።

የዚህ ንቅናቄ ዋና ዓላማ ያለንን አቅም እና ሀብት አስተባብረን በመደመር የማሕበረሰቡን ስብራት መጠገንና ሀገራዊ ብልፅግናን ማረጋገጥ ነው።

በመሆኑም በጎ ፈቃደኝነት እንደ ማህበራዊ ድጋፍ፣ ትምህርት፣ አካባቢ ጥበቃ፣ ጤና እና ዲጂታል ሙያ ባሉ በርካታ ዘርፎች ላይ ትኩረት በማድረግ የሕዝብን ሕይወት በመቀየር በኩል የሚታይ ውጤት እያመጣ ነው።

ጠቅላይ ሚኒስትር ዐቢይ አሕመድ (ዶ/ር) "በጎ ፈቃደኝነት የልብ ስራ እንጂ የኪስ ስራ አይደለም" በሚል እሴት ላይ ተመስርተው ባቀረቡት ጥሪ፣ "እኛ ለሀገራችን፣ ሀገራችን ለሁላችን" በሚል መሪ ሃሳብ ወጣቱ ትውልድ ጉልበቱን ለአካባቢው ልማት እንዲያውል አዲስ መንፈስ መፍጠር ተችሏል።

በእርግጥም ጠቅላይ ሚኒስትሩ እንደሚሉት ÷“በጎ ፈቃድ በቃል የሚገለጽ ሳይሆን በተግባር የሚፈተን የዜግነት ኃላፊነት ነው።

ከቅርብ ዓመታት ወዲህ በበጎ ፈቃድ ከተከናወኑ አበይት ሥራዎች መካከል በየዓመቱ በክረምት የበጎ ፈቃድ መርሐ ግብር በመቶ ሺዎች የሚቆጠሩ የአረጋውያን እና አቅመ ደካሞች መኖሪያ ቤቶች በአዲስ መልክ በመገንባታቸውና በመታደሳቸው በርካታ ወገኖችን ከዝናብ እና ከቅዝቃዜ ታድጓል።

በቢሊየኖች የሚቆጠሩ ችግኞች በበጎ ፈቃደኞች ተተክለው የሀገሪቱን የደን ሽፋን በማሳደግ፣ የአየር ንብረት ለውጥን ለመከላከል እና የምግብ ዋስትናን ለማረጋገጥ የሚደረገውን ጥረት አፋጥነውታል።

ለብዙ ሚሊየን ተማሪዎች የደብተር እና የትምህርት ቁሳቁስ ድጋፍ ከመደረጉ ባሻገር፣ ነፃ የማጠናከሪያ ትምህርት በመስጠት የትምህርት ጥራትን ለማሻሻል ከፍተኛ አስተዋጽኦ ተበርክቷል።

በአሁኑ ወቅት የበጎ ፈቃድ አገልግሎት በመደመር እሳቤ ተቃኝቶ ወደ ሀገራዊ እድገት እና የማህበራዊ ትስስር ግንባታ ማዕከልነት እየተሸጋገረ ነው ፡፡ ስለሆነም ይህንን የተቀደሰ እሴት አጠናክሮ ማስቀጠል የሁላችንም ሀገራዊ እና ሰብዓዊ ኃላፊነት ሊሆን ይገባል፡፡

የሮተሪ ክለብ እና የአርቲስት ግርማ ይፍራሸዋ የበጎ አድራጎት አጋርነት ለመቄዶንያ ማህበር የገንዘብ ድጋፍ አስገኘ
#ethiopia | የምዕራብ አዲስ አበባ ሮተሪ ክለብ 35ኛ ዓመት የምስረታ በዓሉን ሲያከብር ከታዋቂው የፒያኖ አርቲስት ግርማ ይፍራሸዋ ጋር በመሆን ለመቄዶንያ የአረጋውያንና የአእምሮ ሕሙማን መርጃ ማኅበር የ700 ሺህ ብር የገንዘብ እርዳታ አበርክቷል።

ይህ የገንዘብ ድጋፍ ባለፈው ግንቦት ወር በሸራተን አዲስ ሆቴል ሙዚቃ ለሰብአዊነት በሚል መሪ ቃል በተካሄደው የበጎ አድራጎት የፒያኖ የሙዚቃ ምሽት ከተሰበሰበው ገቢ የተገኘ መሆኑ ተገልጿል።

ሮተሪ ክለቡ ባለፉት 35 ዓመታት በተለያዩ የኅብረተሰብ ልማትና በጎ አድራጎት ሥራዎች ሲሳተፍ መቆየቱን የጠቀሱት የክለቡ ፕሬዝዳንት ብሩክ ተሾመ፣ ከአርቲስት ግርማ ይፍራሸዋ ጋር በመሆን የጥበብ ሥራን ለሰብአዊ አገልግሎት ማዋል በመቻላቸው የተሰማቸውን ደስታ ገልጸዋል።

አርቲስት ግርማ ይፍራሸዋ በበኩሉ የሙዚቃ ሙያዉ ለእንዲህ ዓይነቱ የበጎ አድራጎት ተግባር በመዋሉ የላቀ እርካታ እንደተሰማው ገልጾ፣ ለዝግጅቱ ስኬት አስተዋጽኦ ላደረጉት የሮተሪ ክለብ አባላትና ለታዳሚዎቹ በሙሉ ምስጋና አቅርቧል።

መቄዶንያ የአረጋውያንና የአእምሮ ሕሙማን መርጃ ማኅበርም ለተደረገለት ይህ ጠቃሚ ድጋፍ ለአዘጋጆቹና ለተባባሪዎቹ ያለውን ምስጋና ገልጿል።
#macedoniahumanitarianassociation #rotaryclub #girmayifrashewa #charity #humanitarianaid #ethiopianmusic #getutemesgen #getu #ጌጡ #ጌጡተመስገን #addisababa

የጊዜን ዋጋ የተረዳው "መሶብ" የአንድ ማዕከል አገልግሎት
****************

ጊዜ የማይመለስ ሀብት ነው። በተለይም ለአንድ አገልግሎት ከአንድ ቢሮ ወደ ሌላ፣ ከአንድ ተቋም ወደ ሌላ በመመላለስ የሚባክኑ ደቂቃዎች ዋጋቸው በዘመናዊው ዓለም ይበልጥ ጎልቶ ታይቷል።

ዛሬ የሰው ልጅ ትልቁ ፍላጎት አገልግሎትን ማግኘት ብቻ ሳይሆን፣ በፍጥነት፣ በቀላሉና በአነስተኛ ወጪ እፎይ ማለትን በመረጠበት ጊዜ ነው “መሶብ” የአንድ ማዕከል አገልግሎት የተገልጋዮችን ጊዜ ዋጋ በመረዳት ብዙ አገልግሎቶችን በአንድ ቦታ አሰባስቦ እያቀረበ የሚገኘው።

“መሶብ” የአንድ ማዕከል አገልግሎት በተለያዩ ቢሮዎች የተበታተኑ አገልግሎቶችን በአንድ ጣሪያ ሥር በማሰባሰብ፣ የዜጎችን እንግልት፣ የጉዞ ወጪና የጥበቃ ጊዜ ለመቀነስ የተዘረጋ ዘመናዊ የአገልግሎት አሰጣጥ ሥርዓት ነው።

አንድ ተገልጋይ ለአንድ አገልግሎት በሚጠብቅበት ጥቂት ደቂቃዎች ውስጥ በርካታ ጉዳዮችን የሚፈልጋቸውን ጉዳዮች፣ ማከናወን የጥበቃ ሰዓት ወደ ሌላ ጠቃሚ ሥራ የሚውልበት ውጤታማ ጊዜ ይለወጣል።

“መሶብ” በአንድ ጣሪያ ሥር አገልግሎቶችን ማሰባሰብ ብቻ ሳይሆን፣ አገልግሎት ራሱ ወደ ሕዝብ የሚሄድበትን አዲስ ምዕራፍም ከፍቷል።

ባስ ለእለታዊ የመምጫ እና መመለሻ አለፍ ሲልም ለረጅም ርቀት መጓጓዣነት ከመጠቀም ወደ አገልግሎት ሰጪነት የቀየረው ይህው የአዲስ አበባን ውበት ያላበሰ ሌላኛው ገፅታ ነው።

ከዚህ ቀደም ዜጎች አገልግሎት ፍለጋ ወደ ተቋማት ዘልቀው በመሄድ በር ሲያንኳኩ ቆይተዋል፣አሁን ግን አገልግሎቱ ራሱ ተንቀሳቅሶ ወደ ሕዝብ የሚደርስበት አዲስ አሠራር ተጀምሯል።

ይህ የተንቀሳቃሽ ባስ አገልግሎት የመንግሥት አገልግሎቶችን በቀጥታ ወደ ማኅበረሰቡ ለማድረስ የተዘጋጀ ዘመናዊ ተንቀሳቃሽ ማዕከል ነው።

የመሶብ ተንቀሳቃሽ ባስ ከሚለዩት ባህሪያት መካከል በራሱ የኃይል ምንጭ መሥራቱ አንዱ ነው። በሶላር ኃይል በመደገፉ ቋሚ የኤሌክትሪክ ምንጭ በሌለባቸውም ስፍራዎች አገልግሎትን ለማድረስ ዕድል ይፈጥራል።

ዘመናዊ የኔትወርክና የዲጂታል ሥርዓቶች፣ የወረፋ አስተዳደር ሥርዓትና የዲጂታል ክፍያ አማራጮች የተገጠሙለት መሆኑ ደግሞ አገልግሎቱን ፈጣንና ዘመናዊ ያደርገዋል።

ይህ አገልግሎት አሰጣጥ ራሱ ከቋሚ ቢሮ ወጥቶ ወደ ዜጎች ፍላጎትና መኖሪያ ቦታ እየቀረበ መሆኑን የሚያሳይ የሪፎርም ምልክት ነው።

በመሶብ የአንድ ማዕከል አገልግሎት የንግድና የኢንቨስትመንት፣ የታክስና ፋይናንስ፣ የሲቪል ምዝገባ፣ የመታወቂያ፣ የመሠረተ ልማትና ሌሎች አገልግሎቶች በተቀናጀ መልኩ ቀርበው ስራዎች ተሰርተዋል።

በዚህም ተገልጋዩ ለአንድ ጉዳይ አንድ ቦታ፣ ለሌላ ጉዳይ ደግሞ ሌላ ቢሮ ለመፈለግ የሚያደርገው ጉዞ እየቀነሰ ይሄዳል።

ዘመናዊ አገልግሎት ፈጣን መሆን ብቻ አይበቃውም፤ ለሁሉም ተደራሽ መሆንም ይጠይቃል። ለአረጋውያን፣ ለአካል ጉዳተኞችና ለነፍሰ ጡር እናቶች ምቹና ቅድሚያ የሚሰጥ የአገልግሎት አሰጣጥ መኖሩ የማዕከሉን የሁሉን አካታችነት ያጠናክራል።

እንዲሁም ተገልጋዮች የተቀበሉትን አገልግሎት ጥራት የሚገመግሙበት የአስተያየት መስጫ ሥርዓት መኖሩ፣ የአገልግሎት ጥራትንና ተጠያቂነትን ለማጠናከር ያስችላል።

“መሶብ” የአንድ ማዕከልና የተንቀሳቃሽ ባስ አገልግሎት የሕዝብ አገልግሎትን ወደ ዘመናዊነት የሚያሸጋግር የሪፎርም እርምጃ ነው። በቴክኖሎጂ፣ በቅንጅትና በተደራሽነት የተደገፈው ይህ አሠራር፣ የዜጎችን እንግልት በመቀነስ የደቂቃዎችን ዋጋ ወደ እውነተኛ ውጤት እየቀየረ ነው።

ምክንያቱም አንድ ደቂቃ ሲቆጠብ፣ የአንድ ሰው ቀን ይቀላጠፋል፤ ብዙ ደቂቃዎች ሲቆጠቡ ደግሞ የአንድ ሀገር ምርታማነት ይጨምራል።

በልዩ እሸቱ

የአርዳይታ እንግዶች

* ከበርካታ አሥርታት በኋላ የሚገናኙበት ታላቅ መርሃ ግብርና የበጎ አድራጎት ማህበር ምስረታ ይፋ ሆነ
#ethiopia | በምዕራብ አርሲ ዞን የሚገኙ የአርዳይታ ተወላጆች ከአሥር፣ ከሃያ እና ከሠላሳ ዓመታት በኋላ ለመጀመሪያ ጊዜ የሚገናኙበትን ልዩ መርሃ ግብር እና የአርዳይታና አካባቢዋ በጎ አድራጎት ማህበር የተሰኘ ሀገር በቀል ድርጅት መመሥረታቸውን ይፋ አድርገዋል።

ይህ በአካባቢው ተወላጆች የተቋቋመው ማህበር የማህበረሰቡን አቅም በትምህርት፣ በጤና፣ በአካባቢ ጥበቃ እና በኢኮኖሚ ግንባታ የማሳደግ ዓላማ ያለው ሲሆን፣ ለችግር ተጋላጭ የሆኑ ህፃናትን እና አረጋውያንን የመንከባከብ ስራዎችንም ያከናውናል።

ማህበሩ በአርዳይታ የተወለዱ፣ ያደጉ፣ የተማሩና የኖሩ ከአጠባበቅ በላይ ኢትዮጵያውያንን እና ትውልደ ኢትዮጵያውያንን ያቀፈ ሲሆን፣ በአሁኑ ወቅት ከ900 በላይ አባላት አሉት።

ድርጅቱ በቅርቡ ህጋዊ እውቅና ያገኘ ሲሆን፣ ፈቃድ የማውጣት ሂደቱ እስከሚጠናቀቅ ድረስም የህክምና እርዳታ እና የትምህርት ቁሳቁሶች ድጋፍን ጨምሮ በርካታ የበጎ አድራጎት ስራዎችን ሲያከናውን ቆይቷል።

ማህበሩ የተቋቋመው ለአካባቢው ህዝብ ቢሆንም ሌሎች የማህበረሰብ ክፍሎችንም ተጠቃሚ እንደሚያደርግ ተገልጿል።

መጪው ቅዳሜ ነሐሴ 23 እና እሁድ ነሐሴ 24 ቀን በተዘጋጀው ታላቅ የምስረታ መርሃ ግብር ላይ የወረዳ አመራሮች፣ የኮሌጅ ዲን፣ የምርጥ ዘር እርሻ ልማት ኃላፊ፣ አባ ገዳዎች፣ ሀደ ሲንቄዎች፣ እንዲሁም ከአገር ውስጥ እና ከውጭ አገራት የተወጣጡ የአርዳይታ ተወላጆች ይገኛሉ።

በእነዚህ ዕለታት የአረንጓዴ አሻራ ችግኝ ተከላ፣ የሩጫ ውድድር፣ እንዲሁም የመምህራን እና የተማሪዎች የእውቅና አሰጣጥ ሥነ ሥርዓቶች ይካሄዳሉ።

በ1970ዎቹ መጀመሪያ አካባቢ የተቆረቆረችው አርዳይታ፣ በአሁኑ ወቅት በሥራና ክህሎት ሚኒስቴር ስር በሚተዳደረው አርዳይታ ግብርና ቴክኒክና ሙያ ኮሌጅ እና በኢትዮጵያ ግብርና ሥራዎች ኮርፖሬሽን ስር በሚገኘው የምርጥ ዘር ድርጅት የሚታወቅ ቀጣና ነው።

ፈትያ ሁሴን
#ardaita #ardaitacollege #westarsi #oromia #charity #ethiopia #getutemesgen #getu #ጌጡ #ጌጡተመስገን #addisababa

ኢትዮጵያ ለመጀመሪያዎቹ ሙስሊሞች ፍትህን በመስጠቷ በወርቅ ቀለም የተጻፈው ታሪኳ ዛሬም በመውሊድ በዓል አከባበር ደምቆ ይታያል
********************

የነቢዩ ሙሐመድ (ሰዐወ) የልደት በዓል (መውሊድ) መንፈሳዊ ምጥቀቱ እንደተጠበቀ ሆኖ ኢትዮጵያውያን ለዘመናት በጋራ የኖርንበትን የይቅርታ፣ የአብሮነትና የሰላም እሴት ለዓለም አቀፉ ማህበረሰብ በተግባር የምናሳይበት ታላቅ መድረክ ነው። ቂምን በይቅርታ በማበስ ሰላምን ማስፈን የበዓሉ መንፈሳዊ ምሶሶ ነው።

“የነቢዩ ሙሐመድ (ሰዐወ) ታሪክ ትውልድን በበጎ ከሚቀርጹ ታሪኮች መካከል አንዱ ነው” የሚሉት ጠቅላይ ሚኒስትር ዐቢይ አሕመድ (ዶ/ር)፣ የነቢዩን ሕይወትና ገድል መሠረት በማድረግ ትውልድን በበጎ እሴቶች ማነጽ እንደሚያስፈልግ ይመክራሉ።

እነዚህ እሴቶች በኢትዮጵያ ምድር በተጨባጭ ካለው የማኅበረሰብ አብሮነት ጋር በጥልቀት የተሳሰሩ በመሆናቸው፣ በየመንደሩ የሚዘረጋው የመውሊድ ማዕድ ከህፃናት እስከ አረጋውያን፣ ከችግረኞች እስከ እንግዶች ሁሉም እኩል የሚቋደሱት የጋራ ደስታ መገለጫ ነው።

አቅም ለሌላቸው አጋርነትን ለማሳየት ጭምር የሚከናወነው ይህ ሰናይ ተግባር፣ የማኅበረሰብን የጋራ ደህንነትና ሥነልቦናዊ አንድነት ያጠናክራል።

ኢትዮጵያ ለመጀመሪያዎቹ ሙስሊም ስደተኞች የደህንነት ከለላ እና ፍትህን በመስጠቷ በወርቅ ቀለም የተጻፈው ታሪኳ ዛሬም በመውሊድ በዓል አከባበር ደምቆ ይታያል።

ለልዩነቶች እውቅና በመስጠት በአንድነት አብሮ የመኖር ጥበባችን ኢትዮጵያን በዓለም አቀፍ ደረጃ የተለያዩ ባህሎች፣ ሃይማኖቶችና ማንነቶች የመቻቻል ማዕከል አድርጓታል።

መውሊድ የነቢዩ ሙሐመድን (ሰዐወ) ድንቅ የሰላም፣ የይቅርታ እና የፍቅር አስተምህሮ በመዘከር በበጎ ታሪክ ትውልድን የምንቀርጽበት፣ ማዕድ በመጋራት ፍቅርን የምንዘራበት እንዲሁም ሀገራዊ ሰላም እና አንድነታችንን የምናጠናክርበት ታላቅ በዓል ነው።

በነቢዩ ሙሐመድ (ሰዐወ) አስተምህሮ የሚሰበከው የሰላም፣ የይቅርታ እና የፍቅር እሴት ከኢትዮጵያውያን የቆየ የመቻቻል ባህል ጋር ተዋህዶ ለቀጣናው እና ለመላው አፍሪካ ተምሳሌት ሆኖ ይቀጥላል።

መልካም የመውሊድ በዓል!

በሐና ምንዳሁን
#ethiopia #mawlid #prophetmuhammad #ebc

ኢትዮጵያውያን መከሩ ኢትዮጵያም አሸነፈች !

ኢትዮጵያ የኃይልና የግጭት ፖለቲካን በቃ በማለት ልዩነቶቿን በሰለጠነ የምክክር መድረክ ለመፍታት የወሰደችው እርምጃ፣ የሀገራችንን የፖለቲካ ምህዳር በአዲስ መሠረት ላይ የጣለ ታሪካዊ ድል ሆኗል።

በኢትዮጵያ የጥቂት ልሂቃን የጥቅም ድርድር የነበሩ የዝግ በር ልማዶችን የቀየረና፣ ሰፊውን ሕዝብ የውሳኔው ቀጥተኛ ባለቤት ያደረገ አዲስ ምዕራፍ ተከፍቷል።

ዜጎች ለዘመናት ያጋጠሟቸውን ታሪካዊ ስብራቶች፣ ጥልቅ አለመግባባቶችና የሐሳብ ልዩነቶች በኃይል ሳይሆን በመደማመጥና በጋራ ጥበብ መፍታት እንደሚችሉ በተግባር አስመስክረዋል።

በሁሉም ክልልሎች ከቀበሌ እስከ ፌዴራል በተወከሉ የኅብረተሰብ ክፍሎች ሴቶች፣ ወጣቶች፣ አርሶ/አርብቶ አደሮች፣ አረጋውያን፣ አካል ጉዳተኞች፣ የፖለቲካ ፓርቲ ተወካዮች ፣ የሀገር ሽማግሌዎች፣ የብሔር-ብሔረሰቦች ተወካዮች እንዲሁም ምሁራንና ሊቃውንት በስምንት አጀንዳዎች ላይ ባደረጉት ሁሉን አቀፍ ውይይት የ130 ሚሊየን ኢትዮጵያውያንን ድምፅ አድምጠዋል።

በዚህም ዘላቂ ሰላም የሚረጋገጠው በንግግር ብቻ መሆኑን ፍጹም አካታች በሆነ አርአያነት አረጋግጠዋል።

የኢትዮጵያ ታሪካዊ ጠላቶች ከባንዳዎቸ ጋር ተጣምረው በዲጂታል ሚዲያ የሐሰት መረጃ ና ውዥንብር ለመፍጠር ቢሞክሩም፣ የምክክር ኮሚሽኑ ተቋማዊ ገለልተኝነቱን በጥብቅ ዲስፕሊን በመመራት በጽናት አስከብሯል።

ከ54 በላይ የሚዲያ ተቋማትና 461 ጋዜጠኞች ሂደቱን በቀጥታ ሽፋን በመስጠት ትክክለኛ መረጃን ለህብረተሰቡ ተደራሽ ማድረግ ችለዋል።

በልጆቿ ፍጹማዊ ጽናት በተከናወነው በዚህ ታሪካዊ ክንውን፣ኢትዮጵያ የራሷን ዕድል በገዛ እጇ መወሰን እንደምትችል በተግባር አሳይታለች!ኢትዮጵያውያን መከሩ ኢትዮጵያም አሸነፈች!

የመንግሥት ኮሙኒኬሽን አገልግሎት

ኢትዮጵያውያን መከሩ፤ ኢትዮጵያም አሸነፈች! - የመንግሥት ኮሙኒኬሽን አገልግሎት
***********

ኢትዮጵያ የኃይልና የግጭት ፖለቲካን በቃ በማለት ልዩነቶቿን በሰለጠነ የምክክር መድረክ ለመፍታት የወሰደችው እርምጃ፣ የሀገራችንን የፖለቲካ ምህዳር በአዲስ መሠረት ላይ የጣለ ታሪካዊ ድል ሆኗል ሲል የኢፌዴሪ የመንግሥት ኮሙኒኬሽን አገልግሎት ገለጸ።

የመንግሥት ኮሙኒኬሽን አገልግሎት የመዝጊያ ሥነ-ሥርዓቱ ዛሬ የተከናወነውን የሀገራዊ ምክክር ጉባኤ በተመለከተ በፌስቡክ ማህበራዊ ትስስር ገጽ ባጋራው መልዕክት፥ በኢትዮጵያ የጥቂት ልሂቃን የጥቅም ድርድር የነበሩ የዝግ በር ልማዶችን የቀየረና፣ ሰፊውን ሕዝብ የውሳኔው ቀጥተኛ ባለቤት ያደረገ አዲስ ምዕራፍ ተከፍቷል ብሏል።

በዚህም ዜጎች ለዘመናት ያጋጠሟቸውን ታሪካዊ ስብራቶች፣ ጥልቅ አለመግባባቶችና የሐሳብ ልዩነቶች በኃይል ሳይሆን በመደማመጥና በጋራ ጥበብ መፍታት እንደሚችሉ በተግባር አስመስክረዋልም ብሏል አገልግሎቱ።

በሁሉም ክልልሎች ከቀበሌ እስከ ፌደራል በተወከሉ የኅብረተሰብ ክፍሎች ሴቶች፣ ወጣቶች፣ አርሶ/ አርብቶ አደሮች፣ አረጋውያን፣ አካል ጉዳተኞች፣ የፖለቲካ ፓርቲ ተወካዮች፣ የሀገር ሽማግሌዎች፣ የብሔር-ብሔረሰቦችና እምነቶች ተወካዮች እንዲሁም ምሁራንና ሊቃውንት በስምንት አጀንዳዎች ላይ ባደረጉት ሁሉን አቀፍ ውይይት የ130 ሚሊዮን ኢትዮጵያውያንን ድምፅ ማድመጣቸውን ገልጿል።

በዚህም ዘላቂ ሰላም የሚረጋገጠው በንግግር ብቻ መሆኑን ፍጹም አካታች በሆነ አርዓያነት አረጋግጠዋል ነው ያለው።

አገልግሎቱ አክሎ እንዳለው፣ የኢትዮጵያ ታሪካዊ ጠላቶች ከባንዳዎቸ ጋር ተጣምረው በዲጂታል ሚዲያ የሐሰት መረጃና ውዥንብር ለመፍጠር ቢሞክሩም፣ የምክክር ኮሚሽኑ ተቋማዊ ገለልተኝነቱን በጥብቅ ዲስፕሊን በመመራት በጽናት አስከብሯል።

ከ54 በላይ የሚዲያ ተቋማትና 461 ጋዜጠኞች ሂደቱን በቀጥታ ሽፋን በመስጠት ትክክለኛ መረጃን ለህብረተሰቡ ተደራሽ ማድረግ መቻላቸውን ጠቅሷል።

በልጆቿ ፍጹማዊ ፅናት በተከናወነው በዚህ ታሪካዊ ክንውን፣ ኢትዮጵያ የራሷን ዕድል በገዛ እጇ መወሰን እንደምትችል በተግባር አሳይታለች፤ ኢትዮጵያውያን መከሩ፣ ኢትዮጵያም አሸነፈች ብሏል የኢፌዴሪ የመንግሥት ኮሙኒኬሽን አገልግሎት።
#ethiopia #nationaldialogue #peacebuilding #historicconsensus #ethiopiawins #ebc