‎​‎" የኦቶና ሆስፒታል በተገቢው ሁኔታ መልሶ አለመገንባቱና አለመጠገኑ ታካሚዎችን ለአላስፈላጊ እንግልት እየዳረጋቸው ነው " - ነዋሪዎች እና የጤና ባለሙያዎች
‎
‎​ከአንድ ዓመት በፊት በድንገተኛ የእሳት አደጋ ከፍተኛ ጉዳት የደረሰበት የኦቶና ሆስፒታል አሁንም ድረስ ተገቢው ጥገናና መልሶ መገንባት ስላልተደረገለት ታካሚዎች ለዘርፈ ብዙ ችግሮች እና እንግልት እየተዳረጉ ስለመሆኑ የቲክቫህ ኢትዮጵያ ምንጮች ተናግረዋል።
‎
‎በጉዳዩ ላይ ያነጋገርናቸው ስማቸው እንዲገጸል ያልፈለጉ የሆስፒታሉ ታካሚዎች እና የጤና ባለሙያዎች እንደሚናገሩት ፣ የተቋሙ መልሶ አለመገንባት አጠቃላይ የሕክምና አገልግሎት አሰጣጡ ላይ ከፍተኛ እክል ስለመፍጠሩ ያስረዳሉ።
‎
‎ታካሚዎች ምን አሉ ?
‎
‎​ለረጅም ዓመታት በሕክምና ተቋሙ ይመላለሱ እንደነበር የገለጹት የመጀመሪያው ታካሚ ለቲክቫህ ኢትዮጵያ በሰጡት ቃል " በቃጠሎው ምክንያት በርካታ የአገልግሎት ክፍሎች ተዘግተው በመቆየታቸው በሆስፒታሉ ውስጥ ከፍተኛ መጨናነቅ ፈጥሮ ቆይቷል " ብለዋል።

በእንዲህ ያለው ሁኔታ በርካታ ሰዎች ለሕክምና መጥተው ሳይታከሙ ተስፋ ቆርጠው ሲመለሱ መመልከታቸውን ገልጸው " እኔም ብሆን የኢኮኖሚ አቅም ውሱንነት ስላለብኝ ባለሙያዎችን እየለመንኩ ለመታከም ተገደጃለሁ " ብለዋል።
‎
‎​አክለውም " ሆስፒታሉ ' ፈጥኖ ይታደሳል፣ ይጠገናል ' በሚል በተስፋ ስንጠባበቅ ብንቆይም፣ በአንድ ዓመት ጊዜ ውስጥ ምንም ዓይነት የተሻለ የጥገና እርምጃ አለመወሰዱ እጅግ አሳዝኖናል፤ ታካሚዎችንም ለከፍተኛ እንግልት ዳርጓል " ሲሉ ገልጸዋል።
‎
‎​ለቲክቫህ ኢትዮጵያ አስተያየታቸውን የሰጡት ሁለተኛው የመረጃ ምንጭ በበኩላቸው፤ " ሆስፒታሉ ከዚህ ቀደም ይሰጣቸው የነበሩና በቃጠሎው ምክንያት ሙሉ በሙሉ የቆሙ በርካታ የምርመራ ዓይነቶች አሉ " ብለዋል።
‎
‎​ቀጥለውም " በቅርቡም አንድ የቤተሰብ አባሌን ለማሳከም ወደ ሆስፒታሉ በሄድኩበት ወቅት፣ ከቃጠሎው በፊት እዚያው ይሰጡ የነበሩ ነገር ግን አሁን ላይ የቆሙ ምርመራዎችን ለማድረግ ሁለት ጊዜ ወደ ሌላ የግል ተቋም እንዲሁም ወደ አርባምንጭ ከተማ ጭምር ለመሄድ ተገደድናል " ሲሉ አስረድተዋል።
‎
‎የሆስፒታሉ የጤና ባለሙያዎች ምን አሉ ?
‎
‎ስማቸው እንዲገለጽ ያልፈለጉ ሁለት የሆስፒታሉ የጤና ባለሙያዎች ለቲክቫህ ኢትዮጵያ በሰጡት ቃል፤ " ተቋሙ በድንገተኛ ቃጠሎ ጉዳት ከደረሰበት በኋላ በሕክምና አገልግሎቱ ላይ ሰፊ ክፍተት ተፈጥሯል። የታካሚዎች እንግልትና ቅሬታ ሙሉ በሙሉ ተገቢና እኛም የምንጋራው እውነታ ነው " ብለዋል።
‎
‎​አክለውም " ለሆስፒታሉ መልሶ መገንባት ከፌዴራል ተጠሪ መስሪያ ቤት (ከጤና ሚኒስቴር) ጀምሮ እስከ ክልል አካላት፣ የተለያዩ ተቋማትና ግለሰቦች ድረስ ከፍተኛ የገንዘብና የቁሳቁስ ድጋፍ ቢደረግም፣ ብዙም ግልጽ ባልሆኑ ምክንያቶች እስካሁን ጥገናውና ግንባታው ሳይከናወን መቅረቱ አሳዛኝ ነው " ሲሉ ተናግረዋል።
‎
‎" ከሰሞኑ የተቃጠለውን ሕንፃ የማፀዳዳት ስራዎች እየተከናወኑ ነው " ያሉት ሁለቱ የጤና ባለሙያዎች " ሆስፒታሉ በአስቸኳይ ተጠግኖ የሕብረተሰቡን እንግልት ቢያስቀር ጥሩ ነው " ሲሉ አሳስበዋል።
‎
‎ባለድርሻ አካላት ምን አሉ ?
‎
‎​ቲክቫህ ኢትዮጵያ በጉዳዩ ላይ ፦
- ከወላይታ ሶዶ ዩኒቨርሲቲ፣
- ከወላይታ ሶዶ ጤና መምሪያ
- ከደቡብ ኢትዮጵያ ክልል ጤና ቢሮ ማብራሪያ ለማግኘት ያደረገው ሙከራ ስልክ ባለማንሳት እንዲሁም በሰሞኑ በተደረገው የደቡብ ኢትዮጵያ ክልል የአመራር ለውጥና ሽግሽግ ምክንያት የስራ ኃላፊዎች በመቀያየራቸው መረጃ ማግኘት አልተቻለም።

ተጨማሪ ሙከራዎችን አድርገን ምላሻቸውን ለማቅረብ እንሞክራለን።

ቲክቫህ ኢትዮጵያ
መስከረም 25 ቀን 2019 ዓ/ም

ፎቶ ፦ ፋይል

@tikvahethiopia ፎቶ ፦ በወላይታ ሶዶ ዩኒቨርሲቲ ኮምፕሪሄንሲቭ ስፔሻላይዝድ ሆስፒታል ውስጥ የተከሰተው የእሳት አደጋ በህዝቡ ብርቱ ጥረት በቁጥጥር ሥር ማዋል እንደተቻለ ተገልጿል። በአደጋው የሆስፒታሉ ቀዶ ሕክምና ፣ የውስጥ ደዌ ሕክምና እና ተመላላሽ ሕክምና ክፍሎች ላይ ጉዳት መድረሱ ተጠቁሟል። መንስኤው እየተጣራ ነው ተብሏል። #wolaitazoneadministration #tikvahethiopiafamilywolaitasodo…

የቅርጽ፣ የቀለም እና የማኅበራዊ ትርክት ውህደት፡ የአርቲስት ሉልስገድ ረታ የምስል ጥበብ ፍልስፍና
#ethiopia | በኢትዮጵያ ዘመናዊ የምስል ጥበብ (Ethiopian Visual Art) መድረክ ላይ ቀለሞችና ቅርጾች ተራ የውበት መግለጫ ብቻ ከመሆን አልፈው የሰውን ውስጣዊ ስሜት፣ ማንነትና ማኅበራዊ ሕይወት መተረኪያ መሣሪያ ሲሆኑ ይታያሉ። በዚህ የፈጠራ ምህዳር ውስጥ አርቲስት ሉዑልስገድ ረታ (Leulsged Retta) የሚያቀርባቸው የሥዕል ሥራዎች በቀለም ህብረ-ዜማ፣ በሰው ምስል ቅርጻ ቅርጽ እና በጠንካራ ማህበራዊ ይዘታቸው ተመልካቹን ወደ አዲስ የእይታና የህሊና ምልከታ የሚያስገቡ ናቸው።

የሰው ፊት እና የጂኦሜትሪያዊ ቅርጾች ውህደት

የአርቲስት ሉዑልስገድ ረታ የጥበብ ሥራዎች ዋነኛ ማዕከል የሰው ፊትና የሰው ልጅ ማንነት ነው። አርቲስቱ የሰው ፊትን በተፈጥሯዊ ምሳሌያዊነት (Realistic Style) ብቻ ከመሳል ይልቅ በጂኦሜትሪያዊ ቅርጾች፣ በተቆራረጡ የቀለም ክፍሎችና በጠንካራ መዋቅራዊ መስመሮች ከፋፍሎ ያቀርበዋል።

ይህ አቀራረብ ተመልካቹ ሥዕሉን እያየ አልፎ እንዲሄድ ሳይሆን፣ “በእነዚህ ፊቶች ጀርባ ያለው ታሪክ ምንድን ነው? የፊቶቹ እይታ ምን ዓይነት ማህበራዊና ስሜታዊ እውነትን ይናገራል?” ብሎ እንዲጠይቅ ያደርጋል።

በፊቶቹ ላይ የሚታዩት የተቆራረጡና የተያያዙ ቅርጾች የሰውን ልጅ ውስብስብ ማንነት፣ የባህሪይ ልዩነትና የሕይወት ውጣ ውረድን የሚያመላክቱ የእይታ ምልክቶች ናቸው።

የጠንካራ ቀለሞች ኃይልና የቀለም ንፅፅር (Color Dynamics)

በሉዑልስገድ ረታ ሥራዎች ውስጥ ቀለም እንዲሁ የሚቀባ ሳይሆን የራሱ ድምፅና መልእክት ያለው የቋንቋ አካል ነው። በጥቁር፣ በቀይ፣ በሰማያዊ፣ በቢጫ፣ በነጭ እና በብርቱካናማ ቀለሞች መካከል የሚፈጠረው ከፍተኛ ንፅፅር (High Contrast) ለሥራዎቹ ከፍተኛ የእይታ ኃይልና ሕያውነት ይሰጣቸዋል።

የቀለም ተምሳሌትነት፡
ጥቁርና ጠንካራ መስመሮች መዋቅራዊ ጥንካሬን ሲሰጡ፣ ሞቃት ቀለሞች (ቀይ፣ ቢጫ፣ ብርቱካናማ) የሕይወትን ጉልበትና ውስጣዊ ስሜትን ያንፀባርቃሉ።

የተደራረቡ ቀለሞች (Layering):
በሥዕሎቹ ላይ የሚታየው የቀለም መደራረብ ለሥራው ጥልቀት (Depth) በመስጠት ተመልካቹ በተለያየ የርቀት ደረጃ የተለዩ ምስሎችንና ትርጉሞችን እንዲያስተውል ያመቻቻል።

ከግለሰብ ፊት ወደ ማኅበራዊ ትርክት

የአርቲስቱ ጥበብ በአንድ ግለሰብ ምስል ወይም ፊት ላይ ብቻ የሚወሰን አይደለም። በሸራው ላይ የሚደረደሩት በርካታ ፊቶች፣ ጎን ለጎንና ተደራርበው የሚታዩት የሰው ምስሎች ሰውን እንደ ማህበራዊ ፍጡር (Social Being) ያቀርባሉ።

በሥዕሎቹ የሚንጸባረቁት የፊቶች ስብስብ የማህበረሰብን የጋራ ትውስታ፣ ተስፋ፣ ጭንቀትና ትስስር ያሳያሉ።

አርቲስቱ ተመልካቹን ከሥዕሉ ጋር በቃላት ያልተደገፈ ነገር ግን በስሜትና በህሊና የሚደረግ የውስጥ ውይይት (Silent Dialogue) እንዲጀምር ይጋብዛል።

በኢትዮጵያ ዘመናዊ ጥበብ ውስጥ ያለው ድርሻ

የኢትዮጵያ ሥነ-ጥበብ ታሪክ ከቤተ-ክርስቲያን ሥዕላትና ከባህላዊ የብራና ቅደሶች ተነስቶ ዛሬ ላይ የራሱ ዘመናዊ መልክና ዓለም አቀፋዊ ይዘት ይዟል። በዚህ የዕድገት ሂደት ውስጥ የሉዑልስገድ ረታ አቀራረብ፡

የኢትዮጵያን ባህላዊና ማህበራዊ እሴቶች ከዘመናዊ ረቂቅና ቅርጻዊ የሥዕል ስልቶች (Abstract / Figurative Expression) ጋር አዋህዶ ያቀርባል።

ባህላዊ የፊት ቅርጾችንና የቀለም አመራረጥን በዘመናዊ የምስል ጥበብ ውበት (Modern Visual Aesthetics) በማሸጋገር የራሱን መለያ አሻራ ያሳያል።

የአርቲስት ሉዑልስገድ ረታ “The Art of Leulsged Retta” በሚለው ማዕቀፍ ሥር የሚቀርቡት ሥራዎች በጠቅላላው ሲቃኙ፣ ሥዕል ከቀለም ድብልቅነት በላይ የሰው ልጅን ማንነት፣ ማህበራዊ ህልውና እና ውስጣዊ ስሜት መግለጫ መሆኑን ይመስክራሉ።

ቀለሞች ሲናገሩ፣ መስመሮች ሲጠይቁ እና ፊቶች ታሪክ ሲተርኩ የሚፈጠረው ይህ የእይታ ጥበብ፣ በኢትዮጵያ ዘመናዊ የምስል ጥበብ ዕድገት ውስጥ የራሱን ጠንካራ ድምፅና አሻራ የሚያሳርፍ የፈጠራ ጉዞ ነው።

Getu Temesgen - (ጌጡ ተመስገን)

የእንኳን ደስ አላችሁ እና የመልካም ምኞት መግለጫ!
*****
​በአገራችን የዴሞክራሲ ሂደት ውስጥ አዲስ ምዕራፍ ይከፍታል ተብሎ ተስፋ የተጣለበት አዲሱ የመንግሥት ምሥረታን ምክንያት በማድረግ ለመላው የአገራችን ሕዝቦችና ለአዲሱ መንግሥት እንኳን ደስ አላችሁ ማለት እንወዳለን።

ሰባተኛው ሀገራዊ ምርጫ ህዝቡ ለሰላማዊ የፖለታካ ሂደቶች ያለውን ቁርጠኝነት ያሳየበት ልዩ የታሪክ ምዕራፍ ሲሆን፤ ህዝባችን በአስከፊ የፀጥታ ስጋትና መዋከብ ውስጥ ሆኖም ስልጣን የሚፀናው በድምፄ ብቻ ነው በሚል ቁርጠኝነት በነቂስ ወጥቶ ምርጫ በማድረግ ከምርጫ ውጪ ላሉ የስልጣን ፍላጎቶች ግልፅ መልእክቱን አስተላልፏል።

​በመሆኑም በዚህ የላቀ ህዝባዊ ቁርጠኝነት በታየበት ምርጫ የተመሠረተው መንግሥት አገራችንን ወደ ተሻለ ሁለንተናዊ የዕድገት እና ሰላም የሚያሸጋግር፤ የሕዝባችንን ጥያቄዎችና እውነተኛ ፍላጎቶች የሚመልስ እንዲሆን የአማራ ብሔራዊ ንቅናቄ (አብን) ምኞቱን ይገልጻል።

​ዛሬ ለተሾሙት የመንግሥት አመራሮች በሙሉ የተጣለባችሁን ታሪካዊና አገራዊ ኃላፊነት በታማኝነት፣ በፍትሐዊነትና በትጋት በመወጣት አገራችንን ወደ ላቀ ደረጃ ለማድረስ የምታደርጉት ጉዞ የስኬትና የድል እንዲሆንላችሁ አብን እየተመኘ፤ በሰባተኛ ዙር አንደኛ መደበኛ መስራች ጉባኤ የኢፌዴሪ ጠቅላይ ሚኒስትር ሆነው በድጋሜ የተመረጡትን ክቡር ዐብይ አሕመድን (ዶ.ር) ፓርቲያችን አብን እንኳን ደስ አለዎት ማለት ይወዳል።

አገራችን ያለችበትን ሁለንተናዊ ነባራዊ ሁኔታ፣ ያጋጠሙንን አገራዊና ቀጣናዊ ተፎካካሪ ሁኔታዎች እንዲሁም የሕዝባችንን የልማትና የፍትህ ጥያቄዎች በተገቢው በመረዳት አገራችንን ወደ ተሻለ የዕድገትና የሰላም ምዕራፍ ይመራሉ ብለን እናምናለን። በመሆኑም ድርጅታችን አብን፤ የሕግ የበላይነትን በማስከበር ዘላቂ ሰላምን ለማረጋገጥ፣ የፖለቲካ ምህዳሩን በማስፋት ዲሞክራሲያዊ ሥርዓትን ለመገንባት እንዲሁም የሕዝባችንን የኑሮ ውድነት የሚያቃልሉ የኢኮኖሚ ፖሊሲዎችን ለመተግበር በሚወሰዱ ሀገራዊ እርምጃወች በትብብር ለመሥራት ዝግጁነቱን ያረጋግጣል።

በመጨረሻ ድርጅታችን የአማራ ብሄራዊ ንቅናቄ (አብን) የሀገራዊ ጥቅም፣ አንድነትና ህልውና በሚጠይቀው ቦታ ሁሉ ጽኑ አጋርነታችንን እየገለጽን፣ ፍትሕና እውነት በሚሹ ጉዳዮች ላይ የሕዝብ ድምፅ ሆነን መቆማችንን እንቀጥላለን። በድጋሜ ለክቡር ጠቅላይ ሚኒስትር ዐብይ አሕመድ እና ለአዲሱ መንግስታቸው ስኬትን እንመኛለን።

​ኢትዮጵያ በክብር ለዘላለም ትኑር!

የአማራ ብሔራዊ ንቅናቄ (አብን)
አዲስ አበባ፤ ኢትዮጵያ
መስከረም 25/2019 ዓ.ም

“ስምም ብርሃንም ከመቃብር በላይ ዋለ!”

«መልካሙን ገድል ተጋድያለሁ፤ ሩጫውን ጨርሻለሁ፤ ሃይማኖቴንም ጠብቄያለሁ።»
#ethiopia | የማቲዎስ ወንዱ ፋውንዴሽን መሥራችና ዋና ሥራ አስፈጻሚ፣ በኢትዮጵያ የካንሰር እና የተላላፊ ያልሆኑ ሕመሞች መከላከልና ቁጥጥር ላይ ለዓመታት የላቀ አስተዋጽኦ ያበረከቱት አቶ ወንዱ በቀለ ወ/ማርያም የቀብር ሥነ-ሥርዓታቸው ዛሬ መስከረም 25 ቀን 2019 ዓ.ም. በቦሌ ደብረ ምሕረት ቅዱስ ሚካኤል ቤተ-ክርስቲያን ተፈጽሟል።

አቶ ወንዱ በቀለ ከተወለዱበት ከምሥራቅ ሐረርጌ ጀምሮ በትምህርት፣ በሥራ፣ በማኅበራዊ አገልግሎትና በበጎ አድራጎት የተሞላ ሕይወት ኖረዋል። በአየር ትራፊክ ተቆጣጣሪነት፣ በፋብሪካ አስተዳደር፣ በትምህርት እና በተለያዩ የሥራ ኃላፊነቶች አገልግለዋል።

የሕይወታቸው ትልቁ የበጎ ሥራ ምዕራፍ ግን የልጃቸው ማቲዎስ በሕፃንነቱ በደም ካንሰር ምክንያት መሞት በኋላ ተጀመረ። ከግል ሐዘናቸው በመነሳት ለሌሎች ቤተሰቦች ተስፋ ለመሆን የወሰኑት አቶ ወንዱ፣ የማቲዎስ ወንዱ የኢትዮጵያ ካንሰር ሶሳይቲን መሠረቱ፤ በኋላም ተቋሙ ወደ ማቲዎስ ወንዱ ፋውንዴሽን ተለወጠ።

ላለፉት 22 ዓመታት ፋውንዴሽኑ ዝቅተኛ ገቢ ያላቸውን የካንሰርና ሌሎች ተላላፊ ያልሆኑ ሕመምተኞች በሕክምና ለመደገፍ፣ የኬሞቴራፒ መድኃኒቶችንና የላቦራቶሪ ምርመራ ወጪዎችን ለመሸፈን እንዲሁም ከሩቅ አካባቢዎች ለሕክምና የሚመጡ ሕመምተኞችንና አስታማሚዎቻቸውን ለመደገፍ ሰፊ ሥራ አከናውኗል።

አቶ ወንዱ በግል በጎ አድራጎታቸውም የሚታወቁ ነበሩ። በትውልድ አካባቢያቸውና በአዲስ አበባ ለአቅመ ደካሞች ድጋፍ በማድረግ፣ ለአብያተ ክርስቲያናትና ለገዳማት እንዲሁም በትውልድ መንደራቸው ለመስጊዶች ድጋፍ በማድረግ ይታወቁ ነበር።

በካንሰር ቁጥጥር፣ በትምባሆ ቁጥጥርና በተላላፊ ያልሆኑ ሕመሞች ላይ በሀገር ደረጃ ለተደረጉ የፖሊሲ ለውጦች ያበረከቱት አስተዋጽኦም በስፋት ይጠቀሳል። ፋውንዴሽኑም ከ2017 እስከ 2024 ዓ.ም. ብቻ ስድስት ዓለም አቀፍና ሦስት አገር አቀፍ በድምሩ ዘጠኝ ሽልማቶችን ማግኘቱ ተገልጿል።

አቶ ወንዱ በበሽታ ላይ ሲሆኑም ከሥራቸው አልተለዩም። ለአንድ ዓመት ከ10 ወራት በላይ ከካንሰር ሕመም ጋር ትግል በማድረግ ሕክምናቸውን ሲከታተሉ እንኳን የፋውንዴሽኑን ሥራ በመምራት የታካሚዎችን ድምፅ ማሰማታቸውን ቀጥለው ነበር።

አቶ ወንዱ በቀለ ከወ/ሮ አምሳለ በየነ ጋር ከ42 ዓመታት በላይ በትዳር የቆዩ ሲሆን፣ የሦስት ልጆች አባትና የሁለት የልጅ ልጆች አያት ነበሩ። በደግነታቸውና በሰዎች ላይ በነበራቸው የማያቋርጥ ድጋፍ ግን ከቤተሰባቸው አልፈው ለብዙዎች “አባት” ሆነው ኖረዋል።

አቶ ወንዱ በቀለ የጀመሩት የጤናና የበጎ አድራጎት ሥራ እንዲቀጥል፣ የእሳቸውም ራዕይ በተግባር እንዲተረጎም ቤተሰቦቻቸው፣ ወዳጆቻቸውና ባልደረቦቻቸው ጥሪ አቅርበዋል።

እጅግ የተከበሩ የሕዝብ ባለውለታ አቶ ወንዱ በቀለ ወ/ማርያም፣ በጎ ሥራዎት ይታወሳል፤ ለብዙዎች ያበሩት ብርሃንም ከመቃብር በላይ ይዘልቃል።

ለባለቤታቸው ወ/ሮ አምሳለ በየነ፣ ለልጆቻቸው ዮናስ ወንዱና ሚዛን ወንዱ፣ ለልጅ ልጆቻቸው፣ ለመላው ቤተሰብ፣ ወዳጅ ዘመድና የሥራ ባልደረቦቻቸው መጽናናትን እንመኛለን።

ነፍሳቸው በሰላም ትረፍ።

የደቡብ አፍሪካ ፕሬዚዳንት አዲስ አበባ ናቸው

የደስታ መልዕት አስተላልፈዋል

ጠቅላይ ሚኒስትር ዐቢይ አሕመድ (ዶ/ር) የደቡብ አፍሪካውን ፕሬዝዳንት ሲሪል ራማፎዛን በአዲስ አበባ በደስታ መቀበላቸውን ገለጹ። የአዲስ መንግሥት ምስረታን አስመልክቶ ፕሬዚዳንቱ ላስተላለፉት የእንኳን አደረሳችሁ መልዕክት ምስጋናቸውን ያቀረቡት ጠቅላይ ሚኒስትሩ፣ ይህ ጉብኝት በሁለቱ አገራት መካከል ያለውን ታሪካዊና ጠንካራ ወዳጅነት የሚያሳይ  መሆኑን አጽንዖት ሰጥተዋል።

ኢትዮጵያ እና ደቡብ አፍሪካ ለአህጉሩ አንድነት፣ ሰላም፣ ልማት እና ብሩህ ተስፋ ባላቸው የጋራ ቁርጠኝነት ላይ የተመሰረተ ጠንካራ እና ታሪካዊ ግንኙነት እንዳላቸው ጠቅላይ ሚኒስትር ዐቢይ አንስተዋል። አክለውም፤ የሁለቱን አገራት አጋርነት ይበልጥ በማጠናከር ለጋራ ብሩህ ተስፋና ሁለንተናዊ ትብብር ተግተው እንደሚሠሩ ተስፋቸውን ገልጸዋል።

Seledadotio
Seledadotio

የጠቅላይ ሚኒስትር ዐቢይ አሕመድ (ዶ.ር) መልእክት፦

ወንድሜን ፕሬዝዳንት ሲሪል ራማፎዛን በደስታ ተቀብያለሁ።

‎ዛሬ የመደመር መንግሥት ምሥረታን ስናከብር ላስተላለፉት የእንኳን አደረሳችሁ መልዕክትም ምስጋናዬን አቀርባለሁ።

ኢትዮጵያ እና ደቡብ አፍሪካ ለአህጉሩ አንድነት፣ ሰላም፣ ልማት እና ብሩህ ተስፋ ባላቸው የጋራ ቁርጠኝነት ላይ የተመሰረተ ጠንካራ እና ታሪካዊ ግንኙነት አላቸው። አጋርነታችንን ይበልጥ ለማሳደግ እና በሁለቱ ሀገራት መካከል ያለውን የወዳጅነት ትስስር እንደምናጠናክር ተስፋ አለኝ።

@Yenetube Fikerassefa

የመቀለ ከተማ የባንክ አገልግሎቶች ሙሉ በሙሉ ክፍት መደረጋቸውና ግለሰቦች የገንዘብ ዝውውር መጀመራቸው ተሰማ

በመቀለ ከተማ የሚገኙ የባንክ አገልግሎቶች ሙሉ በሙሉ ክፍት መደረጋቸው እና ግለሰቦች የገንዘብ ዝውውር ማድረግ መጀመራቸው ተገልጿል። ይህ ዜና በከተማዋ ለረጅም ጊዜ ሲስተጓጎል የቆየውን የኢኮኖሚና የንግድ እንቅስቃሴ እንደሚያቀላጥፈውና የህብረተሰቡን እንግልት እንደሚያስቀር ተስፋ ተጥሎበታል።

በዚህም መሰረት በመቀለ ከተማ የሚገኙ የንግድ ባንኮች ቅርንጫፎች በሮች ለደንበኞች ክፍት መሆናቸውና መደበኛ የባንክ ስራዎች መጀመራቸው ተረጋግጧል። ነዋሪዎችና ግለሰቦች ከሌሎች የሀገሪቱ ክፍሎች ገንዘብ መቀበል እንዲሁም ወደ ውጭ መላክ የሚያስችላቸውን የገንዘብ ዝውውር አገልግሎት ማግኘት መጀመራቸው ተገልጿል። አገልግሎቱ መጀመሩ የንግድ እንቅስቃሴዎችን እንዲያንሰራሩ፣ የዕለት ተዕለት ኑሮን እንዲያቀልና የህብረተሰቡን የፋይናንስ እንቅስቃሴዎች ወደ ቀድሞ ሁኔታው ለመመለስ ከፍተኛ አስተዋጽኦ አለው ተብሏል።

የኢትዮጵያ መከላከያ ሰራዊት ከተማውን በቁጥጥር ስር አድርጎ በመሰንበቱ በግንባር ቀደምትነት የጸጥታው አስተማማኝነት እንዲረጋገጥ አድርጓል። ሰራዊቱ በከተማው ውስጥ ሰላምና ጸጥታን በማስፈኑ ባንኮች እና ሌሎች መሰረታዊ የህዝብ አገልግሎት ሰጪ ተቋማት ያለምንም ስጋት ስራቸውን እንዲጀምሩ ምቹ ሁኔታን ፈጥሯል ተብሏል። የባንክ አገልግሎቶች መከፈት እና የጸጥታው መረጋገጥ ከተማዋ ወደ መደበኛ ሰላማዊ እንቅስቃሴዋ እንድትመለስ አበረታች እርምጃ መሆኑ ተመላክቷል።

Seledadotio
Seledadotio

የመላእክት አለቃ ቅዱስ ሚካኤል ልመናችንን ይስማን፤ምልጃ እና ረድኤቱም አይለየን🙏

ቅዱሳት መጻሕፍት እንደሚነግሩን የመላእክት ሁሉ አለቃቸው ቅዱስ ሚካኤል በፈጣሪው ኃይል ብዙ ድንቆችን ሠርቷል፡፡ ከመጀመሪያው ሰው አዳም ጀምሮ እስከ ዛሬ ድረስ አምነው ለሚጠሩት ረዳት ነው፡፡ በመዝሙር 33÷7 እደተጻፈው ዘወትርም ያድናቸው ዘንድ በሚፈሩት ሰዎች ዙሪያ ይሠፍራል፡፡ እግራችን እንዳይሰናከል ዘወትር ይጠብቀናል፡፡ የቅዱስ ሚካኤል ስሙ ድንቅ ነው፡፡ ነቢዩ ቅዱስ ዳንኤል እንደተናገረው ከእርሱ በቀርስ የሚያጸና ማን አለና! ለሕዝቡም የሚቆም ታዳጊ መልአክ ነው፡፡ ይህ ድንቅ መልአክ ከሺህ ዓመታት በፊት በሮም ከተማ ይህንን ድንቅ ተአምር መስከረም ዘጠኝ ቀን መሥራቱን ቤተ ክርስቲያን ትመሰክራለች፡፡ በቀድሞው የሮም ግዛት 'ሩፍምያ' የምትባል ከተማ ነበረች፡፡

ይህች ከተማ በእምነታቸው ጠንካሮች የሆኑ ጥቂት ክርስቲያኖችና በርካታ ኢአማንያን ተቀላቅለው የሚኖሩባት ናት፡፡ በተለይ ደግሞ የቤተ ክርስቲያኗ መጋቢ ፍጹም የእምነት ሰው ነበር፡፡ በቦታው የቅዱስ ሚካኤል ቤተ ክርስቲያን በመኖሩም ብዙ ተአምራት ይደረግ ስለነበር ተበለጥን የሚል ስሜት የተሰማቸው አሕዛብ “ዮናናውያን”ይሕንን ቤተ ክርስቲያን ለማጥፋት ተማማሉ፡፡ በቀጥታ ሔደው ቢያፈርሱት ወይም ቢያቃጥሉት በሕግ እንደሚጠየቁ ያውቃሉና በሥጋዊ ጭንቅላታቸው ዘዴ ያሉትን መከሩና ወሰኑ፡፡ በከተማዋ ዳር የሚያልፍ አንድ ትልቅ ወንዝ አለ፡፡ በሞላ ጊዜ ያገኘውን ሁሉ ጠርጐ የሚወስድም ነበር፡፡ ታዲያ ክፋተኞቹ ሌሊት ሌሊት እየተነሱ የሚሔድበትን መንገድ ዘግተው ወደ ቤተ ክርስቲያኑ አቅጣጫ መንገድ ከፈቱለት ከቀናት በኋላ ከባድ ዝናብ በዚህች ቀን ጣለ፡፡
ወንዙ ትልቅ ነውና ያገኘውን ሁሉ እያገላበጠ ደረሰ፡፡ በወቅቱ በቅዱሱ መልአክ ቤተ መቅደስ ውስጥ ከመጋቢው በስተቀር ሰው አልነበረምና አስፈሪ ድምጽ ሰምቶ ሲወጣ ወንዙ እየደነፋ ወደ ቤተ ክርስቲያኑ እየመጣ ነው፡፡ ከደቂቃዎች በሁዋላ ቤተ ክርስቲያኑ እንዳልነበረ እንደሚሆን የተረዳው መጋቢ በታላቅ ድንግጤ ውስጥ ወደቀ፡፡ እርሱ አንድ ተስፋ ነበረውና ወደ ውስጥ ገብቶ በመላዕክት አለቃ በቅዱስ ሚካኤል ምስለ ስዕል ፊት ወድቆ ተማጸነ፡፡ ታላቁ ወንዝ ቤተ ክርስቲያኑን ጠርጎ የሚወወስደው ከሆነም የሚሆነውን ነገር ለመቀበልና ከዚያም ላለመውጣትም ወሰነ፡፡ ትንሽ ቆይቶ በታላቅ ኃይል ወንዙ ደረሰ፡፡ በዚህ ጊዜ የመላዕክት ሁሉ አለቃቸው ለጠራውም ፈጥኖ የሚደርሰው ቅዱስ ሚካኤል በግርማ ከሰማይ ወርዶ በወንዙ ፊት ቆመ፡፡

መጋቢውንም "ጽና አትፍራ፣ እኔ ካንተ ጋር ነኝና" ብሎት በያዘው የብርሃን በትረ-መስቀል መሬትን አንድ ጊዜ መታት፡፡ በዚያች ቅጽበትም ትልቅ ሸለቆ ተፈጠረ፡፡ በአስፈሪ ሁኔታ ሲመጣ የነበረው ወንዝም በሸለቆው ውስጥ አልፎ ሔደ፡፡ የሚገርመው ነገር የመላዕክት አለቃ ቅዱስ ሚካኤል ሸለቆው የተፈጠረው ከቤተ ክርስቲያኑ በታች መሆኑ ነው፡፡ ቤተክርስቲያኑ ግን ጸንቶ ቆመ፡፡ መጋቢውም እግዚአብሔርንና ቅዱስ ሚካኤልን አመሰገነ፡፡ ቅዱስ ሚካኤል መጋቢውን ባርኮት በክብር ዐረገ፡፡ በማግስቱ ክርስቲያኖቹ ይህንን አይተው ደስ አላቸው፣ መልአኩንም አከበሩት፣ አሕዛብ ግን አፈሩ፡፡

ራሳቸውን ለእግዚአብሔር ያስገዙ ገዳማውያንና ቅዱሳን ጸሎታቸው ኃይልን ታደርጋለች፡፡ ገዳማቸውን እየደገፍን በዓታቸውን እያጸናን የበረከታቸው ተሳታፊ እንሁን፡፡

ድጋፍ ለማድረግ:- ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

የገዳሙ ስልክ ቁጥር:-0918077957 ወይም 0938644444

ጤናማ፣ ጽኑ፣ ለመጪው ትውልድ ተስፋን ከተጨባጭ ሀብት ጋር የምትሰጥ፣ በአፍሪካ መሪ፣ በዓለም መድረክ ደግሞ ተወዳዳሪ የሆነች ሀገር እየገነባን እንገኛለን- ጠቅላይ ሚኒስትር ዐቢይ አሕመድ (ዶ/ር)






ጤናማ፣ ጽኑ፣ ለመጪው ትውልድ ተስፋን ከተጨባጭ ሀብት ጋር የምትሰጥ፣ በአፍሪካ መሪ፣ በዓለም መድረክ ደግሞ ተወዳዳሪ የሆነች ሀገር እየገነባን እንገኛለን- ጠቅላይ ሚኒስትር ዐቢይ አሕመድ (ዶ/ር)

የመንግሥት የመፈጸም አቅም የተገለጸበት የስንዴ አብዮት

አዲስ አበባ፣ መስከረም 24፣ 2019 (ኤፍ ኤም ሲ) ኢትዮጵያ ዓመታዊ የስንዴ ፍላጎቷን ለማሟላት እስከ 1 ቢሊየን ዶላር ድረስ የውጭ ምንዛሪ ታወጣ ነበር።

ይህ የሚሆነው ደግሞ መሬት፣ ውሃ እና ማልማት የሚችል ከፍተኛ የሰው ኃይል ይዛ መሆኑ እጅግ ያስቆጫል። በዚህ የቁጭት መንፈስ ወደ ስራ የገባው የመደመር መንግሥት ፀጋን በመለየት፣ የፖሊሲ ርምጃ በመውሰድ እና በቆራጥ አመራር ታሪክን የቀየረ ውጤት አስመዝግቧል።

ያለውን ፀጋ በመጠቀም ግብርናውን ለማዘመን እና ምርታማነትን ለማሳደግ በተሰራው ስራ የላቀ ውጤት የተመዘገበ ሲሆን፤ በተለይ በስንዴ ሰብል ላይ የተመዘገበው ስኬት አስደማሚ ነው።

ውጤቱ ኢትዮጰያን በስንዴ አምራችነት ከአፍሪካ አህጉር ቀዳሚ ሲያደርጋት፤ ለስንዴ ግዢ ይወጣ የነበረውን እስከ 1 ቢሊየን ዶላር ወጪ ከማስቀረት ባለፈ የውጭ ምንዛሪ ገቢ ማምጣት አስችሏል።

የመደመር መንግሥት የበጋ መስኖ ስንዴ ልማትን በስፋት በመተግበር፣ አሲዳማ መሬቶችን በኖራ በማከም እና ረግረጋማ ቦታዎችን በቴክኖሎጂ በማጠንፈፍ ታሪካዊ ለውጥ አምጥቷል።

በኩታ ገጠም እርሻና በዘመናዊ ማሽነሪዎች አጠቃቀም የታጀበው የልማት ጉዞ በ2018 ዓ.ም የኢትዮጵያን ስንዴ የማምረት ዓቅም 33 ሚሊየን ሜትሪክ ቶን አድርሷል።

በኢትዮጵያ የስንዴ ምርት ዘርፍ ትልቅ እመርታ አሳይቷል፤ የመደመር መንግሥት የመስኖ ልማት፣ ሜካናይዜሽን፣ የግብዓት አቅርቦት እና የግብርና ኤክስቴንሽን ድጋፍ በማጠናከሩ ከፍተኛ ምርት ሊገኝ ችሏል።

የኢትዮጵያ ዓመታዊ የስንዴ ምርት ከ290 እስከ 340 ሚሊዮን ኩንታል (ከ29 እስከ 34 ሚሊዮን ቶን) በላይ መድረሱ ኢትዮጵያን በአፍሪካ አህጉር ቀዳሚ የስንዴ አምራች ሀገር አድርጓታል።

የስንዴ ልማቱ አርሶ አደሩን ከቀድሞው ከእጅ ወደ አፍ ኑሮ አላቅቆ፣ በኩታ ገጠም እርሻና በሜካናይዜሽን ታግዞ ወደ ሰፋፊ የንግድ ምርት እንዲገባ መንገድ ጠርጓል።

የተሻሻሉ የስንዴ ሰብል ዝርያዎች መለቀቃቸው ለዚህ ውጤት ትልቅ አስተዋጽኦ ያበረከተ ሲሆን፤ የምርት አቅርቦት ሰንሰለቱን ማዘመን በቀጣይ በትኩረት የሚሰራበት ነው።

በምርት አቅም እና በኩታ ገጠም እርሻ የተመዘገቡት እነዚህ ሰፊ ስኬቶች፣ ሀገሪቱ በኢኮኖሚ አቅም እያደረገችው ያለውን ሁለገብ ማንሰራራት በግልጽ ከማሳየት ባለፈ፤ የመንግሥትን የመፈጸም ዓቅም የሚያሳይ ተምሳሌታዊ ስራ ነው።

ይህ ትልቅ ለውጥ ኢትዮጵያ ከድህነትና ከዕርዳታ ጥገኝነት ወጥታ የምግብ ሉዓላዊነቷን ማረጋገጥ ብቻ ሳይሆን፣ ለሌሎች አፍሪካ ሀገራትም ተስፋ የሚሰጥ አህጉራዊ አርዓያ መሆን መቻሏን አስመስክሯል።
#ኢትዮጵያ #ትልቅሀገር #ትልቅሕዝብ #ታላቅርዕይ





የመንግሥት የመፈጸም አቅም የተገለጸበት የስንዴ አብዮት

አዲስ አበባ፣ መስከረም 24፣ 2019 (ኤፍ ኤም ሲ) ኢትዮጵያ ዓመታዊ የስንዴ ፍላጎቷን ለማሟላት እስከ 1 ቢሊየን ዶላር ድረስ የውጭ ምንዛሪ ታወጣ ነበር።

ይህ የሚሆነው ደግሞ መሬት፣ ውሃ እና ማልማት የሚችል ከፍተኛ የሰው ኃይል ይዛ መሆኑ እጅግ ያስቆጫል። በዚህ የቁጭት መንፈስ ወደ ስራ የገባው የመደመር መንግሥት ፀጋን በመለየት፣ የፖሊሲ ርምጃ በመውሰድ እና በቆራጥ አመራር ታሪክን የቀየረ ውጤት አስመዝግቧል።

ያለውን ፀጋ በመጠቀም ግብርናውን ለማዘመን እና ምርታማነትን ለማሳደግ በተሰራው ስራ የላቀ ውጤት የተመዘገበ ሲሆን፤ በተለይ በስንዴ ሰብል ላይ የተመዘገበው ስኬት አስደማሚ ነው።

ውጤቱ ኢትዮጰያን በስንዴ አምራችነት ከአፍሪካ አህጉር ቀዳሚ ሲያደርጋት፤ ለስንዴ ግዢ ይወጣ የነበረውን እስከ 1 ቢሊየን ዶላር ወጪ ከማስቀረት ባለፈ የውጭ ምንዛሪ ገቢ ማምጣት አስችሏል።

የመደመር መንግሥት የበጋ መስኖ ስንዴ ልማትን በስፋት በመተግበር፣ አሲዳማ መሬቶችን በኖራ በማከም እና ረግረጋማ ቦታዎችን በቴክኖሎጂ በማጠንፈፍ ታሪካዊ ለውጥ አምጥቷል።

በኩታ ገጠም እርሻና በዘመናዊ ማሽነሪዎች አጠቃቀም የታጀበው የልማት ጉዞ በ2018 ዓ.ም የኢትዮጵያን ስንዴ የማምረት ዓቅም 33 ሚሊየን ሜትሪክ ቶን አድርሷል።

በኢትዮጵያ የስንዴ ምርት ዘርፍ ትልቅ እመርታ አሳይቷል፤ የመደመር መንግሥት የመስኖ ልማት፣ ሜካናይዜሽን፣ የግብዓት አቅርቦት እና የግብርና ኤክስቴንሽን ድጋፍ በማጠናከሩ ከፍተኛ ምርት ሊገኝ ችሏል።

የኢትዮጵያ ዓመታዊ የስንዴ ምርት ከ290 እስከ 340 ሚሊዮን ኩንታል (ከ29 እስከ 34 ሚሊዮን ቶን) በላይ መድረሱ ኢትዮጵያን በአፍሪካ አህጉር ቀዳሚ የስንዴ አምራች ሀገር አድርጓታል።

የስንዴ ልማቱ አርሶ አደሩን ከቀድሞው ከእጅ ወደ አፍ ኑሮ አላቅቆ፣ በኩታ ገጠም እርሻና በሜካናይዜሽን ታግዞ ወደ ሰፋፊ የንግድ ምርት እንዲገባ መንገድ ጠርጓል።

የተሻሻሉ የስንዴ ሰብል ዝርያዎች መለቀቃቸው ለዚህ ውጤት ትልቅ አስተዋጽኦ ያበረከተ ሲሆን፤ የምርት አቅርቦት ሰንሰለቱን ማዘመን በቀጣይ በትኩረት የሚሰራበት ነው።

በምርት አቅም እና በኩታ ገጠም እርሻ የተመዘገቡት እነዚህ ሰፊ ስኬቶች፣ ሀገሪቱ በኢኮኖሚ አቅም እያደረገችው ያለውን ሁለገብ ማንሰራራት በግልጽ ከማሳየት ባለፈ፤ የመንግሥትን የመፈጸም ዓቅም የሚያሳይ ተምሳሌታዊ ስራ ነው።

ይህ ትልቅ ለውጥ ኢትዮጵያ ከድህነትና ከዕርዳታ ጥገኝነት ወጥታ የምግብ ሉዓላዊነቷን ማረጋገጥ ብቻ ሳይሆን፣ ለሌሎች አፍሪካ ሀገራትም ተስፋ የሚሰጥ አህጉራዊ አርዓያ መሆን መቻሏን አስመስክሯል።
#ኢትዮጵያ #ትልቅሀገር #ትልቅሕዝብ #ታላቅርዕይ

በሀገርና በሕዝብ ልክ የተቃኘ ታላቅ ርዕይ

አዲስ አበባ፣ መስከረም 24፣ 2019 (ኤፍ ኤም ሲ) የሰው ልጅ የዘር ሐረግ መጀመሪያ፣ የነፃነት ተምሳሌት ፣የጥንታዊ ሥልጣኔ ዐሻራ የሆነችው ኢትዮጵያ፣ በጊዜ የታሪክ ሸራ ላይ በደማቅ ቀለም የተሳለች ታላቅ ሀገር ናት።

ስሟ ሲጠራ ከፍታ፣ ሕዝቧ ሲታወስ ፅናት፣ ርዕይዋ ሲሰነቅ ደግሞ አዲስ ተስፋ ቀድመው አእምሮ ላይ ይሳላሉ።

ሃገራችን ኢትዮጵያ ባለፉት ዘመናት በርካታ ማዕበሎችንና ውስብስብ የውጭና የውስጥ ፈተናዎችን ያስተናገደች ቢሆንም ዛሬም ድረስ በጥንካሬ የቆመች የማይናወጥ ዓለት መሆኗን በተግባር አስመስክራለች፤ እያስመሰከረችም ትገኛለች።

ፈተናዎች ሊያዳክሟት ሳይሆን ይበልጥ ሊያጠነክሯት የመጡ ይመስል፣ በየዘመናቱ የምታሳየው የትንሣዔ ጉዞ የጸናችና የማትበገር ሀገር ለመሆኗ ሕያው ምስክር ነው።

በዚህ ታሪካዊና ፅኑ መሠረት ላይ በመነሳት፣ በቅርብ ዓመታት የሀገሪቱን ሁለንተናዊ ጉዞ ለመምራት የመጣው የመደመር መንግሥትም የኢትዮጵያን ብሔራዊ ከፍታ ወደ አዲስ የታሪክ ምዕራፍ አሸጋግሮታል።

የመደመር ፍልስፍና ካለፈው ዘመን መልካም የሆኑ ሃገራዊ እሴቶችንና ስኬቶችን በመያዝ የጎደሉትንና የተሰበሩትን የታሪክና የልማት ክፍተቶች እየጠገነ፣ የወደፊቱን ብልጽግና በጋራ ኃይል ለመገንባት የተነደፈ ታላቅ ብሔራዊ ርዕይ ነው።

ይህም ፍልስፍና መርህ ያደረገው የመደመር መንግሥትም የኢትዮጵያን ዘርፈ-ብዙ አቅም ወደ አንድ በማምጣት የሀገሪቱን የነገ ዕጣ ፈንታ በአዲስ መልክ የመቅረጽ ሚናውን በውጤታማነት እየተወጣ ይገኛል።

የመደመር መንግሥት ባለፉት ዓመታት ያከናወናቸው ግዙፍና ስትራቴጂካዊ የልማት ሥራዎች የዚሁ ታላቅ ርዕይ ፍሬዎች ናቸው።

ከነዚህም ውስጥ ታላቁ የኢትዮጵያ ሕዳሴ ግድብ ግንባታ መጠናቀቁ የመንግሥትን ቁርጠኝነትና ኢትዮጵያውያን በአንድነት ከቆሙ የማይቻል ነገር እንደሌለ ለዓለም ያሳየ ነው።

ባለፉት ስምንት ዓመታት ሲከናወን የቆየው የአረንጓዴ ዐሻራ መርሃ ግብርም በቢሊየን የሚቆጠሩ ችግኞችን ኢትዮጵያ ለአየር ንብረት ለውጥ የማይበገርና አረንጓዴ ልማትን የምታስቀድም ቀዳሚ ተምሳሌት አድርጓታል።

የኢትዮጵያን የተፈጥሮ ውበትና ታሪካዊ ክብር ለዓለም መድረክ በአዲስ መልክ ያስተዋወቁት የከተማ ውበት፣ የገበታ ለሀገርና የገበታ ለትውልድ ፕሮጀክቶችም የቱሪዝም አቅም ማደስ ብቻ ሳይሆን፣ ዜጎች በሀገራቸው ታሪክና ውበት ላይ ያላቸውን ኩራትና ብሔራዊ አንድነት አድሰውታል።

በኢኮኖሚው ረገድም፣ ሀገራዊ ምርታማነትንና ራስን በምግብ የመቻል አቅምን ለማሳደግ የተከናወኑት ሰፋፊ የማክሮ-ኢኮኖሚ ማሻሻያዎችና የስንዴ ልማት ስራዎች፣ ኢትዮጵያን ከጥገኝነት አውጥተው ወደ ራስ መቻልና ምርትን ወደ ውጭ የመላክ አዲስ የከፍታ ማማ ላይ አውጥተዋታል።

ኢትዮጵያ በአፍሪካ ቀንድ ብሎም በዓለም አቀፍ መድረክ ላይ ያላት ዲፕሎማሲያዊና ፖለቲካዊ ተፅዕኖ ፈጣሪነት ከአጀንዳ ተቀባይነት ወደ አጀንዳ ሰጪነት መሸጋገር ችሏል።

ኢትዮጵያ በትልቅ ሀገርነቷ፣ በትልቅ ሕዝቧ እና በሰነቀችው ታላቅ ርዕይ ፈተናዎችን ሁሉ በትዕግስትና በብልሃት እያለፈች፣ በጥንካሬ የምትቀጥል የጸናች ማትበገር ሀገር ሆና የብልጽግና ማማ ላይ መውጣቷን ትቀጥላለች።
#ኢትዮጵያ #ትልቅሀገር #ትልቅሕዝብ #ታላቅርዕይ

በሶስና አለማየሁ





በሀገርና በሕዝብ ልክ የተቃኘ ታላቅ ርዕይ

አዲስ አበባ፣ መስከረም 24፣ 2019 (ኤፍ ኤም ሲ) የሰው ልጅ የዘር ሐረግ መጀመሪያ፣ የነፃነት ተምሳሌት ፣የጥንታዊ ሥልጣኔ ዐሻራ የሆነችው ኢትዮጵያ፣ በጊዜ የታሪክ ሸራ ላይ በደማቅ ቀለም የተሳለች ታላቅ ሀገር ናት።

ስሟ ሲጠራ ከፍታ፣ ሕዝቧ ሲታወስ ፅናት፣ ርዕይዋ ሲሰነቅ ደግሞ አዲስ ተስፋ ቀድመው አእምሮ ላይ ይሳላሉ።

ሃገራችን ኢትዮጵያ ባለፉት ዘመናት በርካታ ማዕበሎችንና ውስብስብ የውጭና የውስጥ ፈተናዎችን ያስተናገደች ቢሆንም ዛሬም ድረስ በጥንካሬ የቆመች የማይናወጥ ዓለት መሆኗን በተግባር አስመስክራለች፤ እያስመሰከረችም ትገኛለች።

ፈተናዎች ሊያዳክሟት ሳይሆን ይበልጥ ሊያጠነክሯት የመጡ ይመስል፣ በየዘመናቱ የምታሳየው የትንሣዔ ጉዞ የጸናችና የማትበገር ሀገር ለመሆኗ ሕያው ምስክር ነው።

በዚህ ታሪካዊና ፅኑ መሠረት ላይ በመነሳት፣ በቅርብ ዓመታት የሀገሪቱን ሁለንተናዊ ጉዞ ለመምራት የመጣው የመደመር መንግሥትም የኢትዮጵያን ብሔራዊ ከፍታ ወደ አዲስ የታሪክ ምዕራፍ አሸጋግሮታል።

የመደመር ፍልስፍና ካለፈው ዘመን መልካም የሆኑ ሃገራዊ እሴቶችንና ስኬቶችን በመያዝ የጎደሉትንና የተሰበሩትን የታሪክና የልማት ክፍተቶች እየጠገነ፣ የወደፊቱን ብልጽግና በጋራ ኃይል ለመገንባት የተነደፈ ታላቅ ብሔራዊ ርዕይ ነው።

ይህም ፍልስፍና መርህ ያደረገው የመደመር መንግሥትም የኢትዮጵያን ዘርፈ-ብዙ አቅም ወደ አንድ በማምጣት የሀገሪቱን የነገ ዕጣ ፈንታ በአዲስ መልክ የመቅረጽ ሚናውን በውጤታማነት እየተወጣ ይገኛል።

የመደመር መንግሥት ባለፉት ዓመታት ያከናወናቸው ግዙፍና ስትራቴጂካዊ የልማት ሥራዎች የዚሁ ታላቅ ርዕይ ፍሬዎች ናቸው።

ከነዚህም ውስጥ ታላቁ የኢትዮጵያ ሕዳሴ ግድብ ግንባታ መጠናቀቁ የመንግሥትን ቁርጠኝነትና ኢትዮጵያውያን በአንድነት ከቆሙ የማይቻል ነገር እንደሌለ ለዓለም ያሳየ ነው።

ባለፉት ስምንት ዓመታት ሲከናወን የቆየው የአረንጓዴ ዐሻራ መርሃ ግብርም በቢሊየን የሚቆጠሩ ችግኞችን ኢትዮጵያ ለአየር ንብረት ለውጥ የማይበገርና አረንጓዴ ልማትን የምታስቀድም ቀዳሚ ተምሳሌት አድርጓታል።

የኢትዮጵያን የተፈጥሮ ውበትና ታሪካዊ ክብር ለዓለም መድረክ በአዲስ መልክ ያስተዋወቁት የከተማ ውበት፣ የገበታ ለሀገርና የገበታ ለትውልድ ፕሮጀክቶችም የቱሪዝም አቅም ማደስ ብቻ ሳይሆን፣ ዜጎች በሀገራቸው ታሪክና ውበት ላይ ያላቸውን ኩራትና ብሔራዊ አንድነት አድሰውታል።

በኢኮኖሚው ረገድም፣ ሀገራዊ ምርታማነትንና ራስን በምግብ የመቻል አቅምን ለማሳደግ የተከናወኑት ሰፋፊ የማክሮ-ኢኮኖሚ ማሻሻያዎችና የስንዴ ልማት ስራዎች፣ ኢትዮጵያን ከጥገኝነት አውጥተው ወደ ራስ መቻልና ምርትን ወደ ውጭ የመላክ አዲስ የከፍታ ማማ ላይ አውጥተዋታል።

ኢትዮጵያ በአፍሪካ ቀንድ ብሎም በዓለም አቀፍ መድረክ ላይ ያላት ዲፕሎማሲያዊና ፖለቲካዊ ተፅዕኖ ፈጣሪነት ከአጀንዳ ተቀባይነት ወደ አጀንዳ ሰጪነት መሸጋገር ችሏል።

ኢትዮጵያ በትልቅ ሀገርነቷ፣ በትልቅ ሕዝቧ እና በሰነቀችው ታላቅ ርዕይ ፈተናዎችን ሁሉ በትዕግስትና በብልሃት እያለፈች፣ በጥንካሬ የምትቀጥል የጸናች ማትበገር ሀገር ሆና የብልጽግና ማማ ላይ መውጣቷን ትቀጥላለች።
#ኢትዮጵያ #ትልቅሀገር #ትልቅሕዝብ #ታላቅርዕይ

በሶስና አለማየሁ

በትግራይ መቐለ ከተማ ተቋርጦ የነበረው የስልክ እና ኢንተርኔት አገልግሎት መመለስን ተከትሎ ነዋሪዎችን አነጋግረናል።

ነዋሪዎቹ " ጭልምልም ብሎብን ነበር። አሁን ከወዳጅ ዘመዶቻችን ጋር ስለተገናኘን ደስ ብሎናል " ብለዋል።

" አሁን በከተማዋ የተሻለ መረጋጋት አለ ፤ አልፎ አልፎ ከሩቅ የተኩስ ድምጽ ይሰማል ተኩሱ የትግራይ ሰላም ኃይሎች ከበረሃ ወደ ከተማ ሲገቡ ስለሚተኩሱ ነው " ሲሉ ገልጸዋል።

ትናንት ከረፋድ አንስቶ እግረኛ የኢትዮጵያ መከላከለያ ሰራዊት ሲገባ እንደነበር እና ከሰዓት ከ11:0ዐ በኃላ በመኪና በርካታ ኃይል ገብቶ ማደሩን ለቲክቫህ ኢትዮጵያ ተናግረዋል።

የንግድ ሱቆች፣ ቁርስ ቤቶች፣ ሆቴሎች እና ሌሎችም አገልግሎት ሰጪዎች ወደ መደበኛ ስራቸው ሙሉ በሙሉ ገብተዋል ባይባልም ተዘግተው የነበሩ አንዳንድ የስራ ቦታዎች ዛሬ ሲከፈቱ እንዳዩ ገልጸዋል።

የፀጥታ ሁኔታው አሁን ባለበት ከቀጠለ መደበኛ እንቅስቃሴ ቶሎ ይጀምራል ብለው እንደሚጠብቁ ተናግረዋል።

" አሁንም ጭንቀቶች አሉ ማህበረሰቡ እየተደራጀ አካባቢውን እየጠበቀ ነው። መከላከያ ሰራዊት ወደ ከተማዋ በመግባቱ ተስፋ ሰጥቶናል " ብለዋል።

" ዳግም ግጭቱ ሲያገረሽ ' መከላከያ ሰራዊቶች ይመጡባችኋል ' እየተባለ ሰው ንብረቱን ወደ መኖሪያ ቤት እንዲያሸሽ ሲደረግ ነበር " ያሉት ነዋሪዎቹ  ነገር ግን መከላከያ ሰራዊቱ መቐለ ሲገባ ምንም ነገር እንዳልተፈጠረ ተናግረዋል።

ዝርፊያ የነበረው ህወሓት ወጥቶ መከላከያ እስኪገባ በተፈጠረው ክፍተት እንደነበር ጠቁመዋል።

ሀገር መከላከያ ሰራዊት ከትግራይ ሰላም ኃይል ጋር በመሆን ከተማውን የመጠበቅና ህዝቡን የማረጋጋት ስራ እየሰራ እንዳለ አመልክተዋል።

ሀገር መከላከያ እና የትግራይ ሰላም ኃይል መቐለ ከመግባታቸው በፊት (ከትናንት በስቲያ ምሽት) በከተማው የነበሩ ታጣቂዎች ከፍተኛ ስርቆት ሲፈጽሙ ነበር ብለዋል ነዋሪዎቹ።

የመንግስት ተቋማት እና የግለሰብ ንብረቶች መዘረፋቸውን አመልክተዋል።

" በተለይ የመንግስት ተቋማት በሆኑት እንደ ፍርድ ቤቶች ባሉት ላይ ዘረፋውን ያስጀመሩት የህወሓት ታጣቂዎች ናቸው። ኮምፒውተሮች ተወስደዋል " ሲሉ ተናግረዋል።

" ታጣቂዎቹ ዘርፈው ሲወስዱ የተረፈውን ሌሎች ሌቦች ናቸው የሰረቁት። ታጣቂዎቹ ዘረፋውን ያቆሙትም ተኩስ ሲጀመርባቸው ነው " ሲሉ አክለዋል።

የህወሓት ኃይሎች በአንዳንድ ፖሊስ ጣቢያዎች መሳሪያ ከነ ጥይቱ ትተው በመሄዳቸው ትንንሽ ታዳጊዎች ሳይቀሩ ከዛ እየወሰዱ ታጥቀው መታየታቸውን ድንጋጤን የፈጠረ እንደነበር ቃላቸውን የሰጡ ነዋሪዎች አመልክተዋል።

ነዋሪዎቹ፣ የኢትዮጵያ መከላከያ ሰራዊት ወደ መቐለ ከተማ እየመጡ መሆኑ ሲሰማ ህወሓት ያለውን ኃይል ይዞ ወደ አክሱም ማጓጓዙን ገልጸዋል።

" በመቐለ ከተማ ወጣት የሚባል ሁ የህወሓትን አፈሳ ፈርቶ ከቤቱ ወደ ውጭ አይወጣም ነበር " ያሉት ነዋሪዎቹ " በቀን ቢያንስ 100 ወጣት አፍሰው ሲወስዱ ስንመለከት ነበር ፤ አሁን ላይ ግን በተፈጠረው ነገር ደስተኛ ነው ወጣቱ " ብለዋል።

የኢትዮጵያ መከላከያ ሰራዊት እና የትግራይ ሰላም ኃይል ከተማዋን ሙሉ በሙሉ ሲቆጣጠሩ በርካታ ወጣቶችና ነዋሪዎች አቀባበል ሲያደርጉ ደስታቸውንም ሲገልጹ እንደነበር አስረድተዋል።

ነዋሪዎቹ " አሁን ቢያንስ እፎይታ አግኝተናል " ብለዋል።

ቲክቫህ ኢትዮጵያ
መስከረም 24 ቀን 2019 ዓ/ም

@tikvahethiopia Photo

''የአንበሳ ጭራ ከመሆን የውሻ ጭንቅላት መሆን ይሻላል''

*የአእምሮ ጤና ዘገባዎች ጥንቃቄ እንዲደረግባቸው ለባለሙያዎች ስልጠና የተሰጠ ሲሆን ለመድኃኒት እጥረት መፍትሔ እንዲበጅ ተጠይቋል
#ethiopia | አዕምሮ ሁለተናችንን የሚያዝ ዋና ነገር ሆኖ ሲያበቃ ነገሬ ያላንለው የሰውነታችን ክፍል ነው።ታዲያ እንደማንኛውም የሰውነታችን ክፍል ይታመማል ከታከመም ይድናል።

በሀገራችን ኢትዮጵያ በሚዲያ አውታሮች በአዕምሮ ጤና ላይ የሚሰሩ ዘገባዎችን ለማሻሻል ያለመ የኢትዮጵያ የአዕምሮ ህክምና ማህበር ከአምሬፍ ሄልዝ አፍሪካ እና ከስፓኒሽ ኮርፖሬሽን ጋር በመተባበር ስልጠና ተሰጥቷል።

የማህበሩ አባልና የአዕምሮ ህክምና ስፔሻሊስት ዶክተር እስጢፋኖስ እንደገለጹት የስልጠናው ዋና ዓላማ የሚዲያ ባለሙያዎች በአእምሮ ጤና ላይ በቂ ግንዛቤ እንዲይዙና ዘገባዎችን በሚሰሩበት ጊዜ ሊከተሏቸው የሚገቡ የሙያ ስነ-ምግባሮችን ለማሳወቅ ነው።

በተለይም ራስን ማጥፋትን የመሳሰሉ ጉዳዮች ሲዘገቡ ሌሎች ሰዎችን ወደ ተመሳሳይ ድርጊት በማይገፋፋ ጥንቃቄ በተሞላበት መልኩ መሆን እንደሚገባው የገለጹት ዶክተር እስጢፋኖስ በማህበራዊም ሆነ በሌሎች ሚዲያዎች የሚተላለፉ ይዘቶች ችግሩን ከማባባስ ይልቅ በመፍትሔ፣ በመከላከል እና ተስፋ በመስጠት ላይ ትኩረት ሊያደርጉ እንደሚገባ አሳስበዋል።

በአሁኑ ወቅት በኢትዮጵያ ከ120 ሚሊዮን በላይ ለሚሆነው ህዝብ አገልግሎት የሚሰጡት ከ200 ገደማ የሳይካትሪስት ባለሙያዎች ብቻ በመሆናቸው በዘርፉ ከፍተኛ የባለሙያ እጥረት መኖሩ ተጠቅሷል።

ከዚህ በተጨማሪም ለህክምናው አስፈላጊ የሆኑ የመድኃኒቶች እጥረት ያለ ሲሆን፣ በተለይም ለ'ባይፖላር' ህመምተኞች እጅግ አስፈላጊ የሆነው 'ሊቲየም' የተባለው መድኃኒት በገበያ ላይ በመጥፋቱ ምክንያት ታካሚዎች ለከፍተኛ ችግር መዳረጋቸው ተገልጻል።

በመሆኑም የኢትዮጵያ መድኃኒት አቅራቢ አገልግሎት (EPSS) እና የሚመለከታቸው አካላት ለመድኃኒት አቅርቦት ችግሩ አስቸኳይ መፍትሔ እንዲሰጡ ማህበሩ ጥሪ አቅርቧል።

በተያያዘ ዜና፣ የዘንድሮው የዓለም የአእምሮ ጤና ቀን በዓለም አቀፍ ደረጃ ኦክቶበር 10፣ በሀገራችን ደግሞ መስከረም 30 ቀን በኤካ ኮተቤ ሆስፒታል በብሔራዊ ደረጃ ይከበራል።

የዘንድሮው በዓል የአእምሮ ህመም አጋጥሟቸው ያለፉ ሰዎችን እውነተኛ ድምጽ እና ተሞክሮ በማዳመጥ ላይ ትኩረቱን ያደረገ ሲሆን፣ በዕለቱም ከህመሙ ያገገሙ ሰዎች ተሞክሯቸውን የሚያካፍሉበት፣ የምርምር ውጤቶች፣ የፓናል ውይይቶች እና ዘጋቢ ፊልሞች ለታዳሚው የሚቀርቡበት ፕሮግራም መዘጋጀቱ ተገልጾል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

ሜትሮ ኬተሪንግ የኢቢኤስ ፕሮግራም አቅራቢ ጥበብ ሰለሞንን ብራንድ አምባሳደር አድርጎ መረጠ
​ #fastmereja I በምግብ ዝግጅት የኬተሪንግ አገልግሎቶች ዘርፍ የሚታወቀውና ትልቅ ተወዳጅነትን ያተረፈው "ሜትሮ ኬተሪንግ"፤ ታዋቂዋን የኢቢኤስ ቴሌቪዥን ፕሮግራም አቅራቢ ጥበብ ሰለሞንን የድርጅቱ የብራንድ አምባሳደር አድርጎ መሾሙን አስታወቀ።

ተቋሙ ባለፉት ዓመታት በሜትሮ ቤከሪ እና ፐጀዘወፔስትሪ ስር ስራውን የጀመረ ሲሆን፣ ቆየት ብሎም የተለያዩ ስራዎችን በመስራት አሁን ላይ በትልልቅ ተቋማትና ኮርፖሬት ድርጅቶች ውስጥ የኬተሪንግ አገልግሎቱን በሰፊው በማዳረስ ላይ ይገኛል።

የድርጅቱ ባለቤት ​አቶ ፍጹም ተስፋዬ ባደረጉት ንግግር በምግብ ጥራት፣ በንፅህና እና በጤናማነት አጠባበቅ አሰራሩ በህዝብ ዘንድ ከፍተኛ ተወዳጅነትን ያተረፈው ሜትሮ ኬተሪንግ፤ ከምግብ ጋር በተያያዙ በርካታ ስራዎች ላይ ትልቅ አሻራ ማሳረፉን ገልጸዋል።

የአምባሳደር መመረጥም ተቋሙ ለህብረተሰቡ የሚያደርሰውን አገልግሎት ይበልጥ ተደራሽ ለማድረግ እና ከደንበኞች ጋር ያለውን ቁርጠኝነት ለማጠናከር ትልቅ ሚና እንደሚጫወት ተጠቁሟል።

​በቀጣይም ተቋሙ በምግብ ዝግጅት እና በኬተሪንግ አገልግሎት መስጫዎቻቸው ላይ ከፍተኛ ጥራት ያላቸውን አዳዲስ መርሆችን በመቅረጽ የደንበኞቹን ፍላጎት ለማርካት እንደሚሰራ የገለጹት የስራ ሃላፊዎች፣ በሂደቱም የድርጅቱን ዕድገትና ስኬት ከህዝብ ጋር ለማስተዋወቅ አርቲስት ጥበብ ሰለሞን ትልቅ አስተዋጽኦ እንደምታበረክት ተማምነዋል።

በ2013 ዓ.ም ስራ የጀመረው ሜትሮ በሲኤምሲ እና አያት ቅርጫፍ ያለው ሲሆን በልዩ ሁኔታ አምባሳደር አከባቢ በሚገኘው ግዙፉ በንግድ ባንክ ህንጻ ላይ ሶስተኛውን ቅርጫፍ ከፍቶ አገልግሎት እየሰጠ ይገኛል።

የኢትዮጵያ ጥንካሬና የግብፅ ዋጋ ቢስ የተንኮል ካርዶች

አዲስ አበባ፣ መስከረም 24፣ 2019 (ኤፍ ኤም ሲ) ግብፅ የኢትዮጵያን ልማት እና ሰላም አጥብቀው ከማይሹ ሀገራት ግንባር ቀደሟ ናት፡፡ ግብፅ የኢትዮጵያ ታሪካዊ ጠላት የሚያስብላት በርካታ ምክንያቶች አሉ።

በታሪክ ወደ ኋላ መለስ ብለን ብንመረምር ኢትዮጵያ ላይ የተነሱ የህልውና ፈተናዎች ሁሉም በሚባል ደረጃ የግብፅ የስውርና ግልፅ እጆች አሉባቸው፡፡

በአሳፋሪ ሽንፈት የተጠናቀቀው የጉንደት እና ጉራዕ የቀቢጸ ተስፋ ወረራ እስከ የሀገር ውስጥ ገንጣይ አስገንጣይ ቡድኖች ወታደራዊ፣ ዲፕሎማሲያዊና የፕሮፓጋንዳ ድጋፍ መስጠት የግብፅ ለዘመናት የዘለቁ ፀረ-ኢትዮጵያ ተግባራት ናቸው፡፡ አሁንም በአባይ ወንዝ እና ተፋሰስ ላይ ልማት እንዳታከናውን በሚል ኋላቀር አስተሳሰብ በኢትዮጵያ ውስጥ ነፍጥ ያነሱ ባንዳዎችን ደግፋ ሰላሟን ለማናጋትና ልማቷን ለማደናቀፍ አበክራ እየሠራች ትገኛለች፡፡

ለልማት ዋነኛ ቅድመ ሁኔታ ሰላም፣ መረጋጋትና አንድነት መሆኑ ይታወቃል፡፡ ኢትዮጵያዊያን በትብብር በመሥራትና ኢኮኖሚያቸውን ለማሳደግና ሰላማቸውን ለማፅናት የሚያደርጉትን ጥረት ለማደናቀፍ ግብፅ ያልቆፈረችው ጉድጓድ የለም፡፡

ግብፅ በቀጣናው ያላትን ቁጥር አንድ ተሰሚ የመሆን ፍላጎቷን ለማሳካት ራሷን አንዳንዴ እንደ አረብ፣ ሌላ ጊዜ ደግሞ እንደ አፍሪካዊ ሀገር መልኳን እየለዋወጠች በሁለት እግር ሁለት ዛፍ ላይ ለመውጣት ትፍጨረጨራለች፡፡

ኢትዮጵያ በተፈጥሮ ሀብት አጠቃቀም ላይ ያላትን የጋራ ተጠቃሚነትና አብሮ የማደግ መርህ በመቃወም "ሁሉ የኔ" የሚል የራስ ወዳድነት አካሄድ የግብፅ መለያ ባህሪዋ ከሆነ ዘመናትን ተሻግሯል፡፡

ኢትዮጵያ አባይን ለመገደብ የፋይናንስ ድጋፍ እንዳታገኝ ከማስተጓጎል ጀምሮ አሳማኝነት የሌለው የስጋት ጥያቄ በማንሳት ኢትዮጵያ በሌሎች ሀገራት ዘንድ እንደ ክፉ የተፋሰስሱ ሀገር እንድትታይና በቀጣናው ያላት ተሰሚነት እንዲቀንስ በርካታ ዓለም አቀፋዊ እና ቀጣናዊ ጥረቶችን ስታደርግ ቆይታለች ፡፡ ሁሉም የካይሮ መፍጨርጨሮችና ጥረቶች በኢትዮጵያ ብልሃት የተሞላበት ዲፕሎማሲያዊ አካሄድ እና በልጆቿ አንድነት ከሽፈዋል፡፡

ኢትዮጵያ የባሕር በር ያጣችበት ታሪካዊ ኢፍትሐዊ ክስተት በቀጥታ እና በተዘዋዋሪ መንገድ የግብፅ ሚና ከፍተኛ እንደነበር ሀገር ያወቀው ፀሐይ የሞቀው ሀቅ ነው፡፡

የግብፅ የሁል ጊዜም ጥረት ኢትዮጵያ በቀጣናው ጠንካራ እና በልማት የተራመደች ሀገር ሆና እንዳትታይ ማድረግ ነው፡፡ ይህን ለማሳካት ታዲያ የውስጥ ባንዳዎችን በመጠቀም ግጭቶችን በመጥመቅ እና ልማቷ እንዲደናቀፍ የማድረግ ቀቢጸ ተስፋ ሙከራ ዛሬም ድረስ እንደቀጠለ ነው፡፡

ኢትዮጵያ የግብፅን በርካታ ሴራዎች ተቋቁማ በራሷ አቅም አባይን ከመገደቧ ባሻገር የባሕር በር ባለቤትነት ጥያቄዋን ማንሳቷ ሙሉ ጊዜዋን የኢትዮጵያን ልማት ማስተጓጎል ላይ ለምታውለው ግብፅ ትልቅ ጭንቀት ፈጥሮባታል።

ግብፅና አጋሮቿ የሚያደርጉት ፀረ-ልማትና ፀረ-ሰላም እንቅስቃሴ ከኢትዮጵያ ባለፈ የቀጣናውን ሰላም የሚረብሽ፣ በጋራ የመሥራትን መርህ የሚጥስና የመተማመንን መንፈስ የሚሸረሽር በመሆኑ ኢትዮጵያዊያን፣ የቀጣናው ሀገራትና ዓለም አቀፍ ማኅበረሰብ ሊያወግዘው ይገባል፡፡

ይህ የግብፅ የቀቢጸ ተስፋ ሙከራ ኢትዮጵያን ከልማት ጉዞዋ እንደማያስቆማት ሊታወቅ ይገባል፡፡ ኢትዮጵያ እንደሁል ጊዜው በጀግኖች ልጆቿ የተባበረ ክንድ ሉዓላዊነቷን እና ብሔራዊ ጥቅሟን ታስከብራለች፡፡

በቤተልሔም ግርማ




የኢትዮጵያ ጥንካሬና የግብፅ ዋጋ ቢስ የተንኮል ካርዶች

አዲስ አበባ፣ መስከረም 24፣ 2019 (ኤፍ ኤም ሲ) ግብፅ የኢትዮጵያን ልማት እና ሰላም አጥብቀው ከማይሹ ሀገራት ግንባር ቀደሟ ናት፡፡ ግብፅ የኢትዮጵያ ታሪካዊ ጠላት የሚያስብላት በርካታ ምክንያቶች አሉ።

በታሪክ ወደ ኋላ መለስ ብለን ብንመረምር ኢትዮጵያ ላይ የተነሱ የህልውና ፈተናዎች ሁሉም በሚባል ደረጃ የግብፅ የስውርና ግልፅ እጆች አሉባቸው፡፡

በአሳፋሪ ሽንፈት የተጠናቀቀው የጉንደት እና ጉራዕ የቀቢጸ ተስፋ ወረራ እስከ የሀገር ውስጥ ገንጣይ አስገንጣይ ቡድኖች ወታደራዊ፣ ዲፕሎማሲያዊና የፕሮፓጋንዳ ድጋፍ መስጠት የግብፅ ለዘመናት የዘለቁ ፀረ-ኢትዮጵያ ተግባራት ናቸው፡፡ አሁንም በአባይ ወንዝ እና ተፋሰስ ላይ ልማት እንዳታከናውን በሚል ኋላቀር አስተሳሰብ በኢትዮጵያ ውስጥ ነፍጥ ያነሱ ባንዳዎችን ደግፋ ሰላሟን ለማናጋትና ልማቷን ለማደናቀፍ አበክራ እየሠራች ትገኛለች፡፡

ለልማት ዋነኛ ቅድመ ሁኔታ ሰላም፣ መረጋጋትና አንድነት መሆኑ ይታወቃል፡፡ ኢትዮጵያዊያን በትብብር በመሥራትና ኢኮኖሚያቸውን ለማሳደግና ሰላማቸውን ለማፅናት የሚያደርጉትን ጥረት ለማደናቀፍ ግብፅ ያልቆፈረችው ጉድጓድ የለም፡፡

ግብፅ በቀጣናው ያላትን ቁጥር አንድ ተሰሚ የመሆን ፍላጎቷን ለማሳካት ራሷን አንዳንዴ እንደ አረብ፣ ሌላ ጊዜ ደግሞ እንደ አፍሪካዊ ሀገር መልኳን እየለዋወጠች በሁለት እግር ሁለት ዛፍ ላይ ለመውጣት ትፍጨረጨራለች፡፡

ኢትዮጵያ በተፈጥሮ ሀብት አጠቃቀም ላይ ያላትን የጋራ ተጠቃሚነትና አብሮ የማደግ መርህ በመቃወም "ሁሉ የኔ" የሚል የራስ ወዳድነት አካሄድ የግብፅ መለያ ባህሪዋ ከሆነ ዘመናትን ተሻግሯል፡፡

ኢትዮጵያ አባይን ለመገደብ የፋይናንስ ድጋፍ እንዳታገኝ ከማስተጓጎል ጀምሮ አሳማኝነት የሌለው የስጋት ጥያቄ በማንሳት ኢትዮጵያ በሌሎች ሀገራት ዘንድ እንደ ክፉ የተፋሰስሱ ሀገር እንድትታይና በቀጣናው ያላት ተሰሚነት እንዲቀንስ በርካታ ዓለም አቀፋዊ እና ቀጣናዊ ጥረቶችን ስታደርግ ቆይታለች ፡፡ ሁሉም የካይሮ መፍጨርጨሮችና ጥረቶች በኢትዮጵያ ብልሃት የተሞላበት ዲፕሎማሲያዊ አካሄድ እና በልጆቿ አንድነት ከሽፈዋል፡፡

ኢትዮጵያ የባሕር በር ያጣችበት ታሪካዊ ኢፍትሐዊ ክስተት በቀጥታ እና በተዘዋዋሪ መንገድ የግብፅ ሚና ከፍተኛ እንደነበር ሀገር ያወቀው ፀሐይ የሞቀው ሀቅ ነው፡፡

የግብፅ የሁል ጊዜም ጥረት ኢትዮጵያ በቀጣናው ጠንካራ እና በልማት የተራመደች ሀገር ሆና እንዳትታይ ማድረግ ነው፡፡ ይህን ለማሳካት ታዲያ የውስጥ ባንዳዎችን በመጠቀም ግጭቶችን በመጥመቅ እና ልማቷ እንዲደናቀፍ የማድረግ ቀቢጸ ተስፋ ሙከራ ዛሬም ድረስ እንደቀጠለ ነው፡፡

ኢትዮጵያ የግብፅን በርካታ ሴራዎች ተቋቁማ በራሷ አቅም አባይን ከመገደቧ ባሻገር የባሕር በር ባለቤትነት ጥያቄዋን ማንሳቷ ሙሉ ጊዜዋን የኢትዮጵያን ልማት ማስተጓጎል ላይ ለምታውለው ግብፅ ትልቅ ጭንቀት ፈጥሮባታል።

ግብፅና አጋሮቿ የሚያደርጉት ፀረ-ልማትና ፀረ-ሰላም እንቅስቃሴ ከኢትዮጵያ ባለፈ የቀጣናውን ሰላም የሚረብሽ፣ በጋራ የመሥራትን መርህ የሚጥስና የመተማመንን መንፈስ የሚሸረሽር በመሆኑ ኢትዮጵያዊያን፣ የቀጣናው ሀገራትና ዓለም አቀፍ ማኅበረሰብ ሊያወግዘው ይገባል፡፡

ይህ የግብፅ የቀቢጸ ተስፋ ሙከራ ኢትዮጵያን ከልማት ጉዞዋ እንደማያስቆማት ሊታወቅ ይገባል፡፡ ኢትዮጵያ እንደሁል ጊዜው በጀግኖች ልጆቿ የተባበረ ክንድ ሉዓላዊነቷን እና ብሔራዊ ጥቅሟን ታስከብራለች፡፡

በቤተልሔም ግርማ

«ቤተክርስቲያናችንን አስከፍቱልን» — የድጋፍ ጥሪ

በቢሾፍቱ ወረዳ ቤተክህነት ሥር የሚገኘው የአቡ ገርቢ ቅዱስ እግዚአብሔር አብ ቤተክርስቲያን ከተመሠረተ በርካታ ዓመታትን ያስቆጠረ ታሪካዊ ቤተክርስቲያን መሆኗ ተገልጿል።

በአካባቢው በተካሄደ ልማት ምክንያት በዚያ ይኖሩ የነበሩ ምእመናን ከአካባቢው በመነሳታቸው ቤተክርስቲያኗ የነበራትን ገቢ እንዳጣች ተገልጿል። በዚህም ሳቢያ ካህናቱ ተበትነው፣ የአምልኮ አገልግሎቱም ተቋርጦ ቤተክርስቲያኗ መዘጋቷን የድጋፍ ጥሪው ያስረዳል።

በቦታው የሚገኙት አባት በሐዘን እንዲህ ይላሉ፦

««ይህን ቤተክርስቲያን ከአባቶቼ በአደራ ተረክቤዋለሁ። ዛሬ ግን ምእመናን በማጣቴ ምክንያት ተዘግታብኛለች፤ ካህኑም ትቶኝ ሄዷል። ብቻዬን ምን ላድርግ? በዓለም ያላችሁ የእመቤታችን የድንግል ማርያምና የቅዱስ እግዚአብሔር አብ ወዳጆች፣ እባካችሁ ድረሱልን፤ ቤተክርስቲያናችን እንዳትዘጋ እርዱን።»»

የድጋፍ ጥሪ

በኢትዮጵያም ሆነ በውጭ አገር የምትኖሩ የቤተክርስቲያኗ ልጆች፣ በአቅማችሁ መጠን ድጋፍ በማድረግ የእጣን፣ የጧፍ፣ የዘቢብ፣ የመገበሪያ እና የካህናት አልባሳት እንዲሟሉ በመርዳት የቤተክርስቲያኗን አገልግሎት እንደገና ለማስጀመር ድጋፋችሁን እንጠይቃለን።

የድጋፍ አካውንት
የአቡ ገርቢ ቅዱስ እግዚአብሔር አብ ቤተክርስቲያን
1000781062058

ስልክ፦
+251-901-613814

ድጋፍ ካደረጉ በኋላ የክርስትና ስምዎን በዚህ ስልክ ቁጥር እንዲልኩ ተጠይቋል፤ አባቶችም በጸሎት እንደሚያስቧችሁ ተገልጿል።

«የእያንዳንዱ ሰው ትንሽ አስተዋጽኦ ለቤተ እግዚአብሔር ትልቅ ተስፋ ሊሆን ይችላል።»
#አቡገርቢ #ቅዱስእግዚአብሔርአብ #ቤተክርስቲያን #የድጋፍጥሪ #ኢትዮጵያ #በጎነት #ድጋፍ

በፋይናንስ ፎረም የተነሱ ሀሳቦችን ወደ ተግባር እንዲቀየሩ የምጣኔ ሀብት ባለሙያዎች አሳሰቡ

በሁለተኛው የፋይናንስ ፎረም የተነሱ ውይይቶች በንግግር ብቻ እንዳይቀሩ ወደ ተጨባጭ ፖሊሲ፣ ተቋማዊ እርምጃ እና አዲስ አገልግሎት መቀየር እንደሚገባቸው የምጣኔ ሀብት ባለሙያዎች ገልጸዋል።

የምጣኔ ሀብት ባለሙያው ዶክተር ቆስጠንጢኖስ በርኸተስፋ እንዳስረዱት፣ ፎረሙ ውጤታማ እንዲሆን በዘርፉ ያሉ እድሎችን እና ተግዳሮቶችን የሚዳስሱ የባለሙያዎች ሰፊ ተሳትፎ ያስፈልጋል።

በኢትዮጵያ ኢኮኖሚክ አሶሴሽን ከፍተኛ ተመራማሪ እና የዌልፌር ኤንድ ዴቨሎፕመንት ቡድን መሪ ዶክተር ሞላ ዓለማየሁ በበኩላቸው፣ ሀሳቦችን ወደ ተግባር ለመቀየር ግልጽ እቅድ ማውጣት እንደሚያስፈልግ ገልጸዋል።

በተጨማሪም፤ ኃላፊነት የሚወስዱ አካላትን እና የጊዜ ገደብን በመለየት በቀጣይነት መከታተል ወሳኝ መሆኑን አብራርተዋል።

መስከረም 19 ቀን መካሄድ በጀመረው ሁለተኛው የፋይናንስ ፎረም 2026 የዋጋ ንረትን በዘላቂነት ለመቆጣጠር የውጭ እና የውስጥ ስጋቶች መኖራቸው ተጠቁሟል።

የአቅርቦት ሰንሰለት መስተጓጎል፣ የነዳጅ እና የመጓጓዣ ዋጋ ጭማሪ እንዲሁም የገንዘብ ፖሊሲ ተአማኒነት እና የፊስካል ፖሊሲን ማጠናከር ቀጣይ ትኩረት የሚሹ ጉዳዮች እንደሆኑ ተመላክቷል።

በቃልኪዳን ኃይሌ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

አዲስ ሕይወት ጄኔራል ሆስፒታል ለላንቃ እና ከንፈር መሰንጠቅ የሚሰጠውን ነፃ ህክምና ወደ ሙሉ ማዕቀፍ አሳደገ

አዲስ ሕይወት ጄኔራል ሆስፒታል ከዓለም አቀፉ 'ስማይል ትሬን' እና 'ሪስቶሪንግ ስማይል' ጋር በመተባበር የላንቃ እና የከንፈር መሰንጠቅ ችግር ላለባቸው ህፃናት ሲሰጥ የነበረውን ነፃ የቀዶ ጥገና አገልግሎት በማስፋት ሙሉ የሕክምና ማዕቀፍ መስጠት መጀመሩን አስታውቋል።

የዓለም የፈገግታ ቀንን አስመልክቶ ማዕከሉ ከቀዶ ሕክምናው በተጨማሪ የስነ-ምግብ፣ የአነጋገር ማስተካከያ፣ የጥርስ እና የአፍ ንፅህና እንዲሁም የስነ-ልቦና ድጋፍን ያካተተ ነፃ አገልግሎት መስጠት መጀመሩን ገልጿል ።

የሆስፒታሉ ሜዲካል ዳይሬክተር ዶ/ር ሚካኤል ተስፋዬ ለብስራት ሬድዮ እንደተናገሩት፤ በተያዘው በጀት ዓመት ከ130 በላይ ለሚሆኑ ህፃናት የቀዶ ሕክምና እንዲሁም ለሌሎች በርካታ ህፃናት ተያያዥ የቴራፒ ህክምናዎችን ለመስጠት ታቅዷል።

ሪስቶሪንግ ስማይል' በበኩሉ በዘንድሮው ዓመት በተለያዩ የሀገሪቱ ክፍሎች የሚገኙ 175 ህፃናትን ለይቶ ወደ ህክምና ለማምጣት እየሰራ መሆኑን የድርጅቱ ስራ አስኪያጅ አቶ ቢንያም መኮንን ለብስራት ሬድዮ ተናግረዋል።

የታካሚዎች እና የአጋዥ ቤተሰቦቻቸው ትራንስፖርት፣ ምግብ፣ ማረፊያ እና ሙሉ የሕክምና ወጪ በዓለም አቀፉ 'ስማይል ትሬን' ድርጅት ሙሉ በሙሉ የሚሸፈን መሆኑን የተናገሩት አቶ ቢኒያም፣ የላንቃ እና ከንፈር መሰንጠቅ ሙሉ በሙሉ በህክምና የሚስተካከል እንጂ እርግማን ባለመሆኑ፤ ህብረተሰቡ ችግሩ ያለባቸውን ህፃናት በመደበቅ ፈንታ ወደ ጤና ተቋማት በመውሰድ የነፃ ህክምናው ተጠቃሚ እንዲያደርግ ጥሪ አቅርበዋል።

በሚኪያስ ፀሐዬ

#ዳጉ_ጆርናል

የRAEYE CHILDREN AID 10ኛ ዓመት የGALA DINNER ምሽት

“Let’s Shine Their Abilities” — ችሎታቸውን እናብራ!

RAEYE CHILDREN AID የአእምሯዊና የእድገት እክል ያለባቸውን ሕፃናት በትምህርት፣ በሕክምና/ቴራፒ እና በቴክኖሎጂ ለመደገፍ የሚሠራ ተቋም ሲሆን፣ 10ኛ ዓመቱን በልዩ የGala Dinner ምሽት ያከብራል።

ቀን፦ ጥቅምት 18፣ 2026
ቦታ፦ Holiday Inn Express – Springfield
6601 Brandon Avenue, Springfield, VA 22150

ዋና ተናጋሪ፦ Dr. Wodajeneh Meharene

የመድረክ አስተናጋጆች፦ Blain & Abebe

በዚህ ልዩ ምሽት የRAEYE CHILDREN AIDን የ10 ዓመት ጉዞ ከማክበር ባሻገር፣ የሕፃናቱን ችሎታ፣ ተስፋና የወደፊት ዕድል ለማብራት አብረን እንሰበሰባለን።

እንደግፋቸው፣ ችሎታቸውን እናብራ!
Let’s Shine Their Abilities!

ትኬት ለመግዛት በፖስተሩ ላይ ያለውን QR Code ይስካን ያድርጉ።
#raeyechildrenaid #galadinner #10thanniversary #letsshinetheirabilities #springfieldva #virginia #ethiopiancommunity

#wallagauniversity

የወለጋ ዩኒቨርሲቲ ከፍተኛ አመራሮች ተቋሙን ወደ ራስ ገዝ ዩኒቨርሲቲነት ለማሸጋገር በሚያስፈልጉ ቅድመ ሁኔታዎች፣ ተቋማዊ አቅም፣ የሰነድ ዝግጅት እና የሰው ኃይል ልማት ላይ ውይይት አካሒዷል።

ወደ ሐረማያ ዩኒቨርሲቲ በመሔድ የተገኘ የቤንችማርኪንግ ተሞክሮ በመድረኩ ቀርቧል።

ዩኒቨርሲቲው ለራስ ገዝነት ሽግግር አስፈላጊ በሆኑ የዲጂታላይዜሽን፣ የውስጥ ገቢ አቅም ማጠናከር እና መሠል ሥራዎች ላይ በትኩረት መስራት እንዳለበት የዩኒቨርሲቲው ፕሬዝዳንት ተስፋዬ ለማ (ዶ/ር) ገልፀዋል።

የሽግግር ሰነዶችና ፖሊሲዎች ማዘጋጀት፣ የራስ ገዝነት ጽ/ቤት ማቋቋም፣ የምርምርና የፋይናንስ አቅምን ማጠናከር እንዲሁም ተቋማዊ የሽግግር ካርታ ማዘጋጀት ቀጣይ ሥራዎች መሆናቸው በውይይቱ ተጠቁሟል።

@tikvahuniversity

ዶክተር ተስፋዬ በልጅጌ የደቡብ ኢትዮጵያ ክልል ርዕሰ መስተዳድር ሆነው ተሾሙ

የደቡብ ኢትዮጵያ ክልል ምክር ቤት በአርባ ምንጭ ከተማ ባካሄደው 7ኛ የሥራ ዘመን 1ኛ ዓመት 1ኛ መደበኛ መስራች ጉባኤ ዶክተር ተስፋዬ በልጅጌን በምክትል ርዕሰ መስተዳድር ማዕረግ የክልሉ ርዕሰ መስተዳድር አድርጎ ሾመ።

ምክር ቤቱ በዛሬ ውሎው የአፈ-ጉባኤና የምክትል አፈ-ጉባኤ ሹመቶችን የሚያጸድቅ ሲሆን፣ በርዕሰ መስተዳድሩ አቅራቢነትም የክልሉን ሥራ አስፈፃሚ አባላትና የሌሎች ከፍተኛ ኃላፊዎችን ሹመት ያጸድቃል ተብሎ ይጠበቃል።

ለክልሉ ምክር ቤት ከተወዳደሩ 244 አባላት መካከል 42ቱ ከተፎካካሪ የፖለቲካ ፓርቲዎች የተወጣጡ ናቸው።

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

አቶ ተስፋዬ በልጅጌ የደቡብ ኢትዮጵያ ክልል አዲስ ፕሬዝዳንት ሆነው ተሾሙ

​የደቡብ ኢትዮጵያ ክልል ምክር ቤት እያካሄደ በሚገኘው 7ኛ ዙር 1ኛ ዓመት 1ኛ መደበኛ ጉባኤ ተስፋዬ በልጅጌን(ፒ. ኤች. ዲ) የክልሉ ፕሬዝዳንት አድርጎ ሾሟል።

​አቶ ተስፋዬ ወደ አዲሱ የኃላፊነት ቦታቸው የመጡት የቀድሞው የክልሉ ፕሬዝዳንት አቶ ጥላሁን ከበደ ወደ አዲስ አበባ ከተማ አስተዳደር በመዛወራቸው ነው።

አቶ ጥላሁን በምክትል ከንቲባ ማዕረግ የአዲስ አበባ ከተማ የፐብሊክ ሰርቪስ እና የሰው ሃብት ልማት ቢሮ ኃላፊ ሆነው መሾማቸው ይታወሳል።

​
@YeneTube FikerAssefa

ተስፋዬ ቤልጂጌ (ዶ/ር) የደቡብ ኢትዮጵያ ክልል ርዕሰ መስተዳድር ሆነው ተሰየሙ

ተስፋዬ ቤልጂጌ (ዶ/ር) እስከዚህ ሹመት ድረስ በህዝብ ተወካዮች ምክር ቤት የመንግስት ዋና ተጠሪ ሚንስቴር በመሆን እያገለገሉ መቆየታቸው ይታወቃል።

(ዘ-ሐበሻ ዜና) አቡነ ተስፋስላሴ መድህን ‹‹ተነጥለናል፣ አስቸኳይ የሰብአዊ እርዳታ ጣልቃ ገብነት ያስፈልገናል›› አሉ፡፡ የኢትዮጵያ ካቶሊካዊት ቤተክርስቲያን የአዲግራት አገረ ስብከት ጳጳስ የሆኑት አቡነ ተስፋስላሴ መድህን ዛሬ በላኩት መረጃ ‹‹የሰብአዊ እርዳታ አቅርቦት እንዲመቻች፣ የሰላም ውይይት እንዲፈጠርና የማናቸውም አይነት ንግግሮች ሂደት እንዲጀመር ማድረግ እጅግ አጣዳፊ ጉዳይ ነው፡፡ የመገናኛ መስመሮቻችን ተቋርጠዋል፣ ከማንም ጋር ምንም ግንኙነት የለንም፡፡ ሙሉ በሙሉ ተነጥለናል›› ብለዋል፡፡ የቤተክርስቲያኗ የሀይማኖት አባቶች ባሉበት ቦታ ሆነው የተለመደ አገልግሎታቸውን እየሰጡና ህዝቡን በቻሉት መጠን እየረዱ መሆኑንም ገልፀዋል፡፡

አስከትለውም ‹‹ባንኮች ተዘግተዋል፣ የካህናት ማሰልጠኛዎቻችንና ትምህርት ቤቶቻችን ስራቸውን እንዲቀጥሉ የምንፈልግ ቢሆንም እንዴት እንደሚቀጥሉ ግን በእርግጠኝነት አናውቅም፡፡ አስፈላጊ አቅርቦቶችን እንዴት እንደምናስተዳድር አናውቅም፡፡ የሚያውቀው እግዚአብሄር ብቻ ነው፡፡›› በማለት አስረድተዋል፡፡ ይህንን መልእክት ያስተላለፉት ለቤተክርስቲያኗ ድጋፉን በቀጠለውና ከውጭው አለም ጋር መጠነኛ ግንኙነት እንዲኖር ጥረት እያደረገ ባለው ለአለም ህፃናት መርጃ ድርጅት(ዩኒሴፍ) አማካኝነት ነው፡፡ መልእክቱን ለማስተላለፍ የፈለጉትም በትላንትናው እለት የአለም ካቶሊክ ቤተክርስቲያን ሊቀ ጳጳስ ሊዮ 14ተኛ በትግራይ ክልል ያለው ግጭት እንዲቆም ማሳሰባቸውን ተከትሎ ነው፡፡

ሊቀ ጳጳሱ በትላንት ንግግራቸው ‹‹ሁሉም አካላት የውይይት መንገድን እንዲመርጡ ከልብ የመነጨ ጥሪዬን አቀርባለሁ፡፡ ወታደራዊ ግጭቶች ችግሮችን አይፈቱም፡፡ ይልቁኑ ሞትን፣ ውድመትንና ጥላቻን በማስከተል ሁኔታውን የበለጠ ያባብሳሉ፡፡ ዘላቂ ሰላም ሊመጣ የሚችለው በቅንነት በሚደረግ ውይይት ብቻ ነው›› ካሉ በኋላ ይህን ጦርነት ተከትሎ ለችግር ለተዳረጉት አለም አቀፉ ማህበረሰብ አስፈላጊውን የሰብአዊ እርዳታ በማድረግ አስተዋፅኦ ያደርጋል የሚል ተስፋ እንዳላቸው መግለፃቸው ይታወሳል፡፡







(ዘ-ሐበሻ ዜና) አቡነ ተስፋስላሴ መድህን ‹‹ተነጥለናል፣ አስቸኳይ የሰብአዊ እርዳታ ጣልቃ ገብነት ያስፈልገናል›› አሉ፡፡ የኢትዮጵያ ካቶሊካዊት ቤተክርስቲያን የአዲግራት አገረ ስብከት ጳጳስ የሆኑት አቡነ ተስፋስላሴ መድህን ዛሬ በላኩት መረጃ ‹‹የሰብአዊ እርዳታ አቅርቦት እንዲመቻች፣ የሰላም ውይይት እንዲፈጠርና የማናቸውም አይነት ንግግሮች ሂደት እንዲጀመር ማድረግ እጅግ አጣዳፊ ጉዳይ ነው፡፡ የመገናኛ መስመሮቻችን ተቋርጠዋል፣ ከማንም ጋር ምንም ግንኙነት የለንም፡፡ ሙሉ በሙሉ ተነጥለናል›› ብለዋል፡፡ የቤተክርስቲያኗ የሀይማኖት አባቶች ባሉበት ቦታ ሆነው የተለመደ አገልግሎታቸውን እየሰጡና ህዝቡን በቻሉት መጠን እየረዱ መሆኑንም ገልፀዋል፡፡

አስከትለውም ‹‹ባንኮች ተዘግተዋል፣ የካህናት ማሰልጠኛዎቻችንና ትምህርት ቤቶቻችን ስራቸውን እንዲቀጥሉ የምንፈልግ ቢሆንም እንዴት እንደሚቀጥሉ ግን በእርግጠኝነት አናውቅም፡፡ አስፈላጊ አቅርቦቶችን እንዴት እንደምናስተዳድር አናውቅም፡፡ የሚያውቀው እግዚአብሄር ብቻ ነው፡፡›› በማለት አስረድተዋል፡፡ ይህንን መልእክት ያስተላለፉት ለቤተክርስቲያኗ ድጋፉን በቀጠለውና ከውጭው አለም ጋር መጠነኛ ግንኙነት እንዲኖር ጥረት እያደረገ ባለው ለአለም ህፃናት መርጃ ድርጅት(ዩኒሴፍ) አማካኝነት ነው፡፡ መልእክቱን ለማስተላለፍ የፈለጉትም በትላንትናው እለት የአለም ካቶሊክ ቤተክርስቲያን ሊቀ ጳጳስ ሊዮ 14ተኛ በትግራይ ክልል ያለው ግጭት እንዲቆም ማሳሰባቸውን ተከትሎ ነው፡፡

ሊቀ ጳጳሱ በትላንት ንግግራቸው ‹‹ሁሉም አካላት የውይይት መንገድን እንዲመርጡ ከልብ የመነጨ ጥሪዬን አቀርባለሁ፡፡ ወታደራዊ ግጭቶች ችግሮችን አይፈቱም፡፡ ይልቁኑ ሞትን፣ ውድመትንና ጥላቻን በማስከተል ሁኔታውን የበለጠ ያባብሳሉ፡፡ ዘላቂ ሰላም ሊመጣ የሚችለው በቅንነት በሚደረግ ውይይት ብቻ ነው›› ካሉ በኋላ ይህን ጦርነት ተከትሎ ለችግር ለተዳረጉት አለም አቀፉ ማህበረሰብ አስፈላጊውን የሰብአዊ እርዳታ በማድረግ አስተዋፅኦ ያደርጋል የሚል ተስፋ እንዳላቸው መግለፃቸው ይታወሳል፡፡

የሀገራዊ ሕልውናችን ዋስትና እና የዘላቂ ሰላማችን የጀርባ አጥንት፡ የኢትዮጵያ መከላከያ ሠራዊት
*********************

የሕዝቦች አብሮነት፣ የልማት ሥራ እና ሀገራዊ ዕድገት ሊቀጥል የሚችለው አስተማማኝ ሰላም ሲኖር ብቻ ነው። የኢፌዴሪ መከላከያ ሠራዊት የሀገራችንን ሉዓላዊነት በማስከበር እና የሕዝቦችን ደህንነት በመጠበቅ ረገድ ቀዳሚው እና ጠንካራው የጀርባ አጥንት ሆኖ ይገኛል። ይህ ታሪካዊ ሠራዊት ዛሬ ላይ በመደመር መንግሥት ሁለንተናዊ የማድረግ አቅም ፍልስፍና እና ስትራቴጂ ተደግፎ በሁሉም መስክ አሸናፊነቱን እያረጋገጠ ይገኛል።

ሠራዊታችን በአሁኑ ወቅት ራሱን በዘመናዊ ወታደራዊ ሳይንስ እና ቴክኖሎጂ በማደራጀት ከፍተኛ እመርታ አስመዝግቧል። የመደመር መንግሥት የኢፌዴሪ መከላከያ ሠራዊትን፣ ሀገርን በሁሉም ዘርፍ በብቃት የመገንባት ራዕዩ አካል በማድረግ፣ አቅሙን በዘመኑ ቴክኖሎጂ ገንብቶ በከፍተኛ ሁኔታ አሳድጎታል።

በዚህም የሀገር መከላከያ ሠራዊቱ የምድር ኃይሉን ስልታዊ ዝግጁነት፣ የአየር ኃይሉን የላቀ የአቪዬሽን ቴክኖሎጂ፣ የባሕር ኃይሉን እና የሳይበር ደህንነት አቅሙን በማቀናጀት በምስራቅ አፍሪካ ቀጣና ማንኛውንም ስጋት በአጭር ጊዜ የመቀልበስ ሙሉ ብቃት ገንብቷል።

የሠራዊታችን ጥንካሬ የሚለካው በዘመናዊ መሳሪያዎቹ ብቻ ሳይሆን፣ እያንዳንዱ የሠራዊቱ አባል በውስጡ ባለው ፅኑ የሀገር ፍቅር፣ ከፍተኛ ወታደራዊ ሥነ-ምግባር እና ሕዝባዊ ወገንተኝነት ጭምር ነው። የመደመር መንግሥት በሠራዊቱ ውስጥ ማኅበራዊ ፍትሕን እና ብዝኃነትን ያከበረ አደረጃጀት ተግባራዊ በማድረጉ፣ ሠራዊቱ የኢትዮጵያ ሕዝቦች እውነተኛ ፍቅር እና አንድነት ማሳያ ሆኗል። ሠራዊቱ ከወታደራዊ ግዳጅ ጎን ለጎን በተፈጥሮ እና በሰው ሰራሽ አደጋዎች ወቅት እንዲሁም በልማት ሥራ ከሕዝብ ጎን በመቆም የሚያደርገው ድጋፍ የዚሁ ሕዝባዊ ዓላማው ህያው ማረጋገጫ ነው።

በተጨማሪም በተለያዩ ማዕዘናት የሚከናወኑ ታላላቅ የልማት ፕሮጀክቶች፣ ዋና ዋና የንግድ መተላለፊያ መስመሮች እና የሕዝቦች የዕለት ተለት እንቅስቃሴዎች በሰላም እንዲቀጥሉ ከለላ በመስጠት ለሀገራዊ ብልፅግናችን የማይተካ አስተዋፅኦ እያበረከተ ይገኛል።

በዚህም የመደመር ሁለንተናዊ የዕድገት ማዕቀፍ ከሰላም ጋር ተሳስሮ እንዲቀጥል በማድረግ ረገድ ሠራዊቱ የሰላም እና የኢኮኖሚ ልማት ዋስትናችን ሆኗል።

ከሀገር ወሰን ተሻግሮም በአፍሪካ ኅብረት እና በተባበሩት መንግሥታት የሰላም ማስከበር ተልዕኮዎች ባሳየው ወታደራዊ ዲሲፕሊን እና ሥነ-ምግባር የኢትዮጵያን መልካም ስም በዓለም አቀፍ መድረክ በማስጠራት የሰላም አምባሳደርነቱን አስመስክሯል።

ለሀገሩ ክብር እና ለሕዝቡ ሰላም ሲል ሕይወቱን አሳልፎ የሚሰጠው የኢትዮጵያ መከላከያ ሠራዊት፣ የትናንት ታሪካችን ወራሽ፣ የዛሬ ሰላማችን የጀርባ አጥንት እና የነገ ተስፋችን አስተማማኝ ዋስትና ነው።

በሔዋን ጌታቸው
#ትልቅ_ሀገር #ትልቅ_ሕዝብ #ታላቅ_ርዕይ
#ethiopia #medemer #ethiopianarmy #endf #nationaldefense #peace #security #sovereignty #ebc
የሀገራዊ ሕልውናችን ዋስትና እና የዘላቂ ሰላማችን የጀርባ አጥንት፡ የኢትዮጵያ መከላከያ ሠራዊት
*********************

የሕዝቦች አብሮነት፣ የልማት ሥራ እና ሀገራዊ ዕድገት ሊቀጥል የሚችለው አስተማማኝ ሰላም ሲኖር ብቻ ነው። የኢፌዴሪ መከላከያ ሠራዊት የሀገራችንን ሉዓላዊነት በማስከበር እና የሕዝቦችን ደህንነት በመጠበቅ ረገድ ቀዳሚው እና ጠንካራው የጀርባ አጥንት ሆኖ ይገኛል። ይህ ታሪካዊ ሠራዊት ዛሬ ላይ በመደመር መንግሥት ሁለንተናዊ የማድረግ አቅም ፍልስፍና እና ስትራቴጂ ተደግፎ በሁሉም መስክ አሸናፊነቱን እያረጋገጠ ይገኛል።

ሠራዊታችን በአሁኑ ወቅት ራሱን በዘመናዊ ወታደራዊ ሳይንስ እና ቴክኖሎጂ በማደራጀት ከፍተኛ እመርታ አስመዝግቧል። የመደመር መንግሥት የኢፌዴሪ መከላከያ ሠራዊትን፣ ሀገርን በሁሉም ዘርፍ በብቃት የመገንባት ራዕዩ አካል በማድረግ፣ አቅሙን በዘመኑ ቴክኖሎጂ ገንብቶ በከፍተኛ ሁኔታ አሳድጎታል።

በዚህም የሀገር መከላከያ ሠራዊቱ የምድር ኃይሉን ስልታዊ ዝግጁነት፣ የአየር ኃይሉን የላቀ የአቪዬሽን ቴክኖሎጂ፣ የባሕር ኃይሉን እና የሳይበር ደህንነት አቅሙን በማቀናጀት በምስራቅ አፍሪካ ቀጣና ማንኛውንም ስጋት በአጭር ጊዜ የመቀልበስ ሙሉ ብቃት ገንብቷል።

የሠራዊታችን ጥንካሬ የሚለካው በዘመናዊ መሳሪያዎቹ ብቻ ሳይሆን፣ እያንዳንዱ የሠራዊቱ አባል በውስጡ ባለው ፅኑ የሀገር ፍቅር፣ ከፍተኛ ወታደራዊ ሥነ-ምግባር እና ሕዝባዊ ወገንተኝነት ጭምር ነው። የመደመር መንግሥት በሠራዊቱ ውስጥ ማኅበራዊ ፍትሕን እና ብዝኃነትን ያከበረ አደረጃጀት ተግባራዊ በማድረጉ፣ ሠራዊቱ የኢትዮጵያ ሕዝቦች እውነተኛ ፍቅር እና አንድነት ማሳያ ሆኗል። ሠራዊቱ ከወታደራዊ ግዳጅ ጎን ለጎን በተፈጥሮ እና በሰው ሰራሽ አደጋዎች ወቅት እንዲሁም በልማት ሥራ ከሕዝብ ጎን በመቆም የሚያደርገው ድጋፍ የዚሁ ሕዝባዊ ዓላማው ህያው ማረጋገጫ ነው።

በተጨማሪም በተለያዩ ማዕዘናት የሚከናወኑ ታላላቅ የልማት ፕሮጀክቶች፣ ዋና ዋና የንግድ መተላለፊያ መስመሮች እና የሕዝቦች የዕለት ተለት እንቅስቃሴዎች በሰላም እንዲቀጥሉ ከለላ በመስጠት ለሀገራዊ ብልፅግናችን የማይተካ አስተዋፅኦ እያበረከተ ይገኛል።

በዚህም የመደመር ሁለንተናዊ የዕድገት ማዕቀፍ ከሰላም ጋር ተሳስሮ እንዲቀጥል በማድረግ ረገድ ሠራዊቱ የሰላም እና የኢኮኖሚ ልማት ዋስትናችን ሆኗል።

ከሀገር ወሰን ተሻግሮም በአፍሪካ ኅብረት እና በተባበሩት መንግሥታት የሰላም ማስከበር ተልዕኮዎች ባሳየው ወታደራዊ ዲሲፕሊን እና ሥነ-ምግባር የኢትዮጵያን መልካም ስም በዓለም አቀፍ መድረክ በማስጠራት የሰላም አምባሳደርነቱን አስመስክሯል።

ለሀገሩ ክብር እና ለሕዝቡ ሰላም ሲል ሕይወቱን አሳልፎ የሚሰጠው የኢትዮጵያ መከላከያ ሠራዊት፣ የትናንት ታሪካችን ወራሽ፣ የዛሬ ሰላማችን የጀርባ አጥንት እና የነገ ተስፋችን አስተማማኝ ዋስትና ነው።

በሔዋን ጌታቸው
#ትልቅ_ሀገር #ትልቅ_ሕዝብ #ታላቅ_ርዕይ
#ethiopia #medemer #ethiopianarmy #endf #nationaldefense #peace #security #sovereignty #ebc

የፕሬስ መግለጫ፦ የኤርትራ የውጪ ጉዳይ ሚኒስትር

የኢትዮጵያ መንግሥት ዛሬ ባወጣው የፕሬስ መግለጫ፣ የኤርትራ ኤምባሲን በኢትዮጵያ እንዲዘጋ ማድረጉን እና በአፍሪካ ኅብረት የተመደቡትን የኤርትራ ዲፕሎማቶች ጨምሮ አሥር የኤርትራ ዲፕሎማቶችን፣ የኤምባሲውን ቻርጅ ዲ አፌርስን ጨምሮ፣ “persona non grata” (የማይፈለጉ ሰዎች) ብሎ መፈረጁን አስታውቋል።

የኢትዮጵያ መንግሥት እነዚህን ያልተገቡ የጠላትነት እርምጃዎች ለማስረዳት፣ ኤርትራን “በኢትዮጵያ ላይ ቀጥተኛና ቀጥተኛ ያልሆኑ የጠላትነትና የጦርነት እርምጃዎችን” በመፈጸም ከሷል።
ይህ በእርግጥ አስገራሚ ነው።

በእውነቱ፣ ላለፉት ሦስት ዓመታት በኤርትራ ሉዓላዊ ወደቦችና የባሕር ዳርቻዎች ላይ ወረራ በማድረግ “የባሕር በር ላይ ሉዓላዊ መዳረሻ ማግኘት” የሚለውን አስፈላጊ ዓላማ ለማሳካት በኤርትራ ላይ ቀጣይነት ያለው ጠላትነትን ስትከተል የቆየችው ኢትዮጵያ ናት፤ በተግባርም በይፋ የታወጀ የጦርነት አቋም ይመስላል።

ከእነዚህ ጠበኛ ዓላማዎች ጋር በተያያዘ፣ ኢትዮጵያ የ“ኤርትራ የታጠቁ ተቃዋሚ ቡድኖች” ብላ የምትጠራቸውን የተለያዩ ቡድኖች በማስተናገድ፣ በማሰልጠንና በመሣሪያ በመደገፍ በኤርትራ ውስጥ “የሥርዓት ለውጥ” ለማስከተል የውስጥ ግጭትን ለማባባስ ተጨማሪ እርምጃዎችን ወስዳለች።

በእነዚህ ፈታኝ ጊዜያት ሁሉ፣ ኤርትራ አደገኛ የግጭት መባባስን ለመከላከል በሚል ተስፋ ትዕግሥትና እገዳ አሳይታለች።
ነገር ግን በአሁኑ ሁኔታ፣ ኤርትራ እነዚህን እርምጃዎች በተመሳሳይ መንገድ ከመመለስና ከኢትዮጵያ ጋር ያላትን የዲፕሎማሲ ግንኙነት በከባድ ሁኔታ ከመቁረጥ ውጭ ሌላ አማራጭ የላትም፤ ይህም በርካታ አሉታዊ ውጤቶችን ያስከትላል።

የውጭ ጉዳይ ሚኒስቴር
አስመራ

ቻይና በ2027 ታይዋንን የመውረር ዕድሏ ሰፊ አለመሆኑን የአሜሪካ ባለስልጣናት ገለጹ
 
የቻይናው ፕሬዚዳንት ዢ ጂንፒንግ ሠራዊታቸው በ2027 ታይዋንን በኃይል ለመቆጣጠር ዝግጁ እንዲሆን ትዕዛዝ አስተላልፈው የነበረ ቢሆንም፣ አሜሪካዊያን ባለስልጣናት ከ2028 በፊት የሚደረግ ወረራ ከዕድገት ውጪ መሆኑን ገልጸዋል ።
 
በቻይና ኮሚኒስት ፓርቲ ውስጥ እየተካሄደ ባለው የጸረ-ሙስና ዘመቻ ምክኒያት የወታደራዊ ዝግጁነት መጓተቱ ተነግሯል።ቤጂንግ በታይዋን የ2028 ምርጫ ውጤት ላይ ያላት ፍላጎት ቻይናን በሰላማዊ መንገድ የምታቀራርብ መንግሥት ታመጣለች የሚል ተስፋ እንደሌለም ተዘግቧል።

 የባለሙያዎች አስተያየት እንደሚያሳየው የ2027ቱ የጊዜ ገደብ ወረራ የሚፈጸምበት ቀን ሳይሆን፣ የቻይና ወታደራዊ ዝግጁነት ማሳያ መሆኑን ተንታኞች ይናገራሉ።

ትግስት ላቀው

#ዳጉ_ጆርናል

ቻይና በ2027 ታይዋንን የመውረር ዕድሏ ሰፊ አለመሆኑን የአሜሪካ ባለስልጣናት ገለጹ
 
የቻይናው ፕሬዚዳንት ዢ ጂንፒንግ ሠራዊታቸው በ2027 ታይዋንን በኃይል ለመቆጣጠር ዝግጁ እንዲሆን ትዕዛዝ አስተላልፈው የነበረ ቢሆንም፣ አሜሪካዊያን ባለስልጣናት ከ2028 በፊት የሚደረግ ወረራ ከዕድገት ውጪ መሆኑን ገልጸዋል ።
 
በቻይና ኮሚኒስት ፓርቲ ውስጥ እየተካሄደ ባለው የጸረ-ሙስና ዘመቻ ምክኒያት የወታደራዊ ዝግጁነት መጓተቱ ተነግሯል።ቤጂንግ በታይዋን የ2028 ምርጫ ውጤት ላይ ያላት ፍላጎት ቻይናን በሰላማዊ መንገድ የምታቀራርብ መንግሥት ታመጣለች የሚል ተስፋ እንደሌለም ተዘግቧል።

 የባለሙያዎች አስተያየት እንደሚያሳየው የ2027ቱ የጊዜ ገደብ ወረራ የሚፈጸምበት ቀን ሳይሆን፣ የቻይና ወታደራዊ ዝግጁነት ማሳያ መሆኑን ተንታኞች ይናገራሉ።

#ዳጉ_ጆርናል

የአማራ ክልል ምክር ቤት የቢሮ ኃላፊዎች ሙሉ ሹመት‼

1. የሻለም ገዛኸኝ ዳምጠው (ዶ/ር) - ኢኖቬሽንና ቴክኖሎጂ ቢሮ ኃላፊ፣
2. ጥላሁን ፈንታው ተሾመ - ገቢዎች ቢሮ ኃላፊ፣
3. መስፍን አበጀ ተፈራ (ዶ/ር) - ግብርና ቢሮ ኃላፊ፣
4. ጥላሁን ወርቅነህ ተክሌ - የትምህርት ቢሮ ኃላፊ፣
5. ሞላ መልካሙ ከበደ (ዶ/ር) - ከተማና መሰረተ ልማት ቢሮ ኃላፊ፣
6. ዳኝነት ፈንታው መኮንን (ዶ/ር) - ውኃና ኢነርጂ ቢሮ ኃላፊ፣
7. አታላይ ጥላሁን ጫኔ - ገንዘብ ቢሮ ኃላፊ፣
8. ዶ/ር ጋሻው ሙጬ አለምነው - እንስሳትና ዓሳ ሃብት ልማት ቢሮ ኃላፊ፣
9. እሸቱ የሱፍ አየለ (ዶ/ር) - ሰላምና ጸጥታ ቢሮ ኃላፊ፣
10. አባይ መንግስቴ ሰላምሰው - ኮሙኒኬሽን ቢሮ ኃላፊ፣
11. ባንቺአምላክ ገብረማርያም በላይ - ሲቪል ሰርቪስ እና ሰው ሃብት ቢሮ ኃላፊ፣
12. እንድሪስ አብዱ አሕመድ - ኢንዱስትሪና ኢንቨስትመንት ቢሮ ኃላፊ፣
13. አብዱልከሪም መንግሥቱ ይማም - ጤና ቢሮ ኃላፊ፣
14. መልካሙ ጸጋዬ ገላው - ባህል፣ ቱሪዝምና ስፖርት ቢሮ ኃላፊ፣
15. ኢብራሂም መሀመድ እንድሪስ (ዶ/ር) - ንግድና ገበያ ልማት ቢሮ ኃላፊ፣
16. ሲሳይ ዳምጤ አበባይ - መሬት ቢሮ ኃላፊ፣
17. ጋሻው አወቀ ትኩዬ (ዶ/ር) - መንገድ ትራንስፖርትና ሎጂስቲክስ ቢሮ ኃላፊ፣
18. ደመቀ ቦሩ (ዶ/ር) - ፕላንና ልማት ቢሮ፣
19. ተስፋሁን ዓለምነው ይስማው - የአካበቢ ጥበቃ ባለስልጣን ኃላፊ፣
20. ብርሃኑ ጎሹ አዘረፍ - ፍትህ ቢሮ ኃላፊ፣
21. ሃይሌ አበበ ብዙአየሁ - የማዕድን ቢሮ ኃላፊ፣
22. ስቡ ገበያው ታረቀ (ዶ/ር) - ስራና ክህሎት ቢሮ ኃላፊ፣
23. ብርቱካን ሲሳይ እንየው - ሴቶች፣ ወጣቶች እና ማኅበራዊ ጉዳይ ቢሮ ኃላፊ ሆነው ተሸመዋል፡፡

Seledadotio
Seledadotio

🥊 ሆርጌ ሄሱስ Vs ሮናልዶ 🥊

ብዙውን ጊዜ በ ሁለት ሰዎች መሀከል
" አብዝቶ መከበር " የሚፈልግ አይነት ማንነት የሚኖር ከሆነ አብሮ መስራት ፣ መማር ፣ ጓደኝነት መፍጠር ከባድ ሊሆን ይችላል። በ እርግጥ መከበርን የማይፈልግስ ማን አለ? ነገር ግን አንድ ሰው ለረዥም አመታት በነበረው ሞያ ጋር ተያይዞ የሚመጣ ግዙፍ የስራ ፕሮፋይል ሳይወድ በግዱ ወደዚህ ብዙዎቻችን ወደምንፈልገው መከበር የሚለውን ስሜት ከ ትልቅ ቁጣ ጋር ይዞት ይመጣል። በ እግርኳሱ ደግሞ ይህ ስሜት በ ተጫዋች እና በ አሰልጣኝ መሀከል የሚፈጠር ከሆነ መልበሻ ክፍሉን ከ ቁጥጥር ውጪ የሚያደርገው ይሆናል።

በ 1954 በ ሀገረ ፖርቱጋል ተወልደው በ አማዶራ ከተማ እድገታቸውን ያደረጉትና በ ፖርቱጋል የማሰልጠንም ሆነ በመጫወት የስራ ህይወታቸውን የጀመሩት ሆርጌ ሄሱስ የበለጠ በ አሰልጣኝነት የስራ ህይወታቸው በርካቶቻ ያውቋቸዋል። አንዳንድ ሰዎች ፊታቸውን አይታቹ ገና ምን አይነት ማንነት ሊኖራቸው እንደሚችል ትገምታላቹ በ እርግጥ ቁጡ ፊት ያላቸው ሰዎች ሁሉ ተቆጪ ባይሆኑም። ሆርጌ ሄሱስ ግን የፊት ገፅታቸውን አይታቹ ስለ ሞገዳማ ባህሪያቸው ብትገምቱ አትሳሳቱም።

ከዚህ ቀደም በ ፍላሚንጎ ስኬታማ በነበረ የአሰልጣኝነት ቆይታቸው ወይንም በ ስፖርቲንግ ሊዝበን በቆዮባቸው እንዲሁም በ ቤኔፊካ ባሳለፏቸው ወቅቶች ላይ የነበራቸውን ጋዜጣዊ መግለጫዎች ወይንም ተጫዋቾቻቸውን የሚቆጣጠሩበትን መንገድ የሚያውቅ ሰው ከ ሰሞኑ ከ ሮናልዶ ጋር የገቡበትን እሰጣ ገባ በ ጥቂቱም ቢሆን ሊረዳ ይችላል። ወቅቱ 2016 ላይ ነበር እናም በ ስፖርቲንግ ሊዝበን ቤት በነበሩበት ወቅት ላይ አንድ ጋዜጠኛን በ ጋዜጣዊ መግለጫ ሰአት ላይ ቅር ተሰኝተውበት በ ቁጣ " ዝም ማለት ትችል ይሆን? " ሲሉ ተናግረውታል ፤ እሱ ብቻ ሳይሆን በቅርብ ጊዜ በ አልናስር አሰልጣኝነቱ ጊዜ ላይ ሳለ  አንድ ጋዜጠኛ ከዚህ ቀደምም በ ፖርቶ ሲያሰለጥን ይበልጥ የማሸነፍ ንፃሬ ሲወስደበት በቆየው ሰርጂዮ ኮንሴሳኦ ቡድን በ አል ኢትሀድ ተሸንፎ በቁጥሮቹ የበላይነት ስለተወሰደበት ይህንን ጥያቄ ሲያነሳለት " ይሄ ደግሞ ምን የሚሉት ጥያቄ ነው? " ሲል በ ቁጣ ተሞልቶ መልሶለት ነበር።

በ አጠቃላይ ሆርጌ ከ ጋዜጠኞች ጋር በ ጋዜጣዊ መግለጫ ሰአት ላይ ግብግብ ውስጥ የሚገባ ፣ ከ ክለብ ፕሬዚዳንት ወይንም ባለቤት ጋር በቀጥታ ፀብ ውስጥ ለመግባት ቅርብ የሆነ ፣ መልበሻ ክፍል ውስጥ ተጫዋቾቹ ሀሳቡን የሚፃረኑት ከሆነ ቅጣቱ ከበድ የሚል አይነት የአሰልጣኝነት ማንነት አለው። በ አንፃሩ ሮናልዶን በርካቶች ያውቁታል በታሪክ ከታዮ ትልቅ ተጫዋቾች መካከል ብቻ ሳይሆን ትልቅ የሚድያ መስእብ የሆነ እና ካሜራዎች ሁሉ ሌንሶቻቸውን የሚያነጣጥሩበት እሱም ቢሆን መሰማትን አብዝቶ የሚፈልግ እና ከ አሰልጣኞችም ቢሆን ለ በርካታ አመታት በገነባው ትልቅ የእግርኳሰ ስም ምክንያት መከበርን የሚፈልግ ተጫዋች ነው። ሆርጌ ከ ወራቶች በፊት በ አልናስር ቤት አብረውት ከሰሩት ሮናልዶ ጋር በ ፖርቱጋል ብሔራዊ ዳግም ሲጣመሩ ጥሩ ግንኙነት በ ሁለቱ መሀከል ይኖራል ተብሎ ቢጠበቅም ከሰሞኑ በተለይ ከ ኖርዌይ ጋር ተደርጎ በነበረው ጨዋታ ላይ ለ 30 ደቂቃ ያክል ተች ላይኑ ላይ ሲያሟሙቅ ቢቆይም ቀይረው ሳያስገቡት ቀርተው ከዛም አልፎ በ ጋዜጣዊ መግለጫ ሰአት ላይ የሰጧቸው ግልፍተኛ አስተያየቶች እና በ ውስጥ የተፈጠሩ ግልፅ ያልሆኑ አለመግባባቶች ምክንያት ሮናልዶ ትላንት ከ ኮፐንሀገን በ ግል ጀቱ ስፔን ማድሪድ ገብቷል።

በ ጋዜጣዊ መግለጫ ሰአት ላይ ሮናልዶን በተጠባባቂ ወንበር ላይ የማስቀመጥ ሙሉ መብት እንዳላቸው ደጋግመው ለመናገር ያልቦዘኑት ሆርጌ በ ብሔራዊ ቡድኑ ስለ አንድ ተጫዋች ብቻ መናገር ስለማይፈልጉ እና 23 ተጫዋቾቻቸውን ወክለው የ ፖርቱጋል ብሔራዊ ቡድንን እንደሚወክሉ እንዲሁም ከዚህ ቀደም በ አል ናስር ቤት በነበሩበት ወቅት ላይ ሮናልዶን 18 ጊዜ ቀይረው ማሶጣታቸውን ተናግረው የማይደፈር የሚመስለውን ሮናልዶን በተጠባባቂ ወንበር ላይ ለማስቀመጥ ድፍረት እንዳላቸው በ ጥቂቱም ቢሆን አብሪት የተሞላበት በሚመስል መልኩ ለ ጋዜጠኞች ተናግረዋል። ትላንት ከነዚህ ሁሉ ድራማዎች ቡሀላ ሮናልዶ የተፈጠረውን ወደፊት ግልፅ እንደሚያደርግ ተናግሮ ከ አሰልጣኙ እና ከ ፖርቱጋል ፌዴሬሽን ጋር ንግግር ማድረጉን ተናግሮ ለ ቡድን አጋሮቹ መልካም እድልን ተመኝቶ ካምፑን ለቆ ወቷል።

ሆርጌ እራሱ ሮናልዶ እሳቸው ወደ ብሔራዊ ቡድኑ ሲመጡ እሱን ካሻቸው በ ተጠባባቂ ወንበር ፣ ከፈልጉ ከነ ጭራሹ በ ጨዋታ ላይ አለማሳተፍ ወይንም ከደጋፊዎች ጋር ተቀምጦ ጨዋታውን እንዲከታተል የማድረግ ስልጣን እንዳላቸው አሳውቋቸው እንደነበር ተናግረው የ ሮናልዶ እዳ እንደሌለባቸው ለማሳወቅ ጥረዋል። ነገሮች በዚሁ ከቀጠሉ የ 41 አመቱ ሮናልዶ ከ ሀገሩ ፖርቱጋል ጋር ዳግም የሚጫወት አይመስልም። የበርካቶች ጥያቄ ታድያ ፊጎ ፣ ዮሴብዮ ወይንም ዴኮ ያላደረጉትን ስኬቶች ( የአውሮፓ ዋንጫ ፣ ኔሸንስ ሊግ 2x ) ማሳካት የቻለው ሮናልዶ ይህ ይገባዋል ወይ??? የሚለው ሆኗል በ ሶሻል ሚድያ ትልቅ ተፅእኖ ያላቸው የ 5 ጊዜ የ ባላንዲዮር አሸናፊው አድናቂዎችም ለ ፖርቱጋል ምላሻቸውን መስጠት የጀመሩት የ ፖርቱጋል ብሔራዊ ቡድን የ ሶሻል ሚድያ ገፆች UNFOLLOW በማድረግ ሆኗል። ለ ሀገሪቱ ከሜዳ ላይ ግልጋሎት ባለፈ ትልቅ የምስል ሽያጭ ትርፍ ሚያስገባው ሮናልዶ በ ኢኮኖሚው ክለቡን ምን ያሀል ይጎዳው ይሆን የሚለውም ጥያቄ ጭሯል።

በ መሳይ ተስፋዬ ✍️