(ዘ-ሐበሻ ዜና) የኤርትራ ጦር ወደ ትግራይ ክልል ይበልጥ ጠልቆ በመግባት ከመቀሌ ቀጥላ ክልሉ ሁለተኛዋ ትልቅ ከተማ የሆነችውን አዲግራትን መቆጣጠሩን ተከትሎ፣ የኢትዮጵያ መንግስት የኤርትራን ድርጊት "ወረራ" ሲል በይፋ ኮነነ።

የመንግስት ኮሙኒኬሽን አገልግሎት ሚኒስትር ወ/ሮ እናትዓለም መለሰ ለብሉምበርግ የዜና አውታር እንደተናገሩት፣ "በትግራይ ውስጥ የሚንቀሳቀሱት የኤርትራ ኃይሎች ያለምንም የጊዜ ገደብ ከኢትዮጵያ ሉዓላዊ ግዛት ለቀው መውጣት አለባቸው" በማለት የመንግስትን ጥብቅ አቋም አንጸባርቀዋል። ምንም እንኳን የኤርትራ ጦር በኢትዮጵያ ግዛት ውስጥ መኖሩ ከዚህ ቀደም በከፍተኛ የፖለቲካ እና የወታደራዊ መኮንኖች ሲነገር ቢቆይም፣ የሚኒስትሯ የዛሬው መግለጫ ግን ኤርትራ ጦሯን በቀጥታ በማስገባት ሉዓላዊ አገር መውረሯን የሚያረጋግጥ "ይፋዊ የመንግስት ማረጋገጫ" ሆኖ ተመዝግቧል።

ይህ ወታደራዊ ውጥረት ያገረሸው፣ ከ2014ቱ የትግራይ ጦርነት ማብቃት በኋላ ከፌደራል መንግስት ጋር ዳግም መቃቃር ውስጥ የገባው ህወሓት፣ ከመስከረም 13 ቀን ጀምሮ አዲስ ወታደራዊ ጥቃት መክፈቱን ተከትሎ ነው። ህወሓት ይህንን ጥቃት የከፈተው በአማራ ክልል ከሚንቀሳቀሰው 'AFN*M' እና በኦሮሚያ ከሚንቀሳቀሰው የኦሮ*ሞ ነጻነት ሠ*ራዊት (O*LA) ጨምሮ ከስድስት ሌሎች አማፂ ቡድኖች ጋር አዲስ ወታደራዊ ጥምረት ከፈጠረ በኋላ ነው።

መንግስት እንደሚከሰው፣ የኤርትራ መንግስት ይህንን የኢትዮጵያ አማፂያን ጥምረት በተለይም ህወሓትን በስተጀርባ ስትደግፍ ቆይታለች። እንደ መንግስት ትንተና የ"አስመራ ስትራቴጂ የራሷን ጦር ሳታስገባ፣ በእጅ አዙር አማፂያኑን በመደገፍ የኢትዮጵያን መንግስት ማተራመስ እና የመከላከያ ሠራዊቱን አቅም ማዳከም ነበር። የኢትዮጵያ መከላከያ ሠራዊት አቅም ከኤርትራ ጦር እጅግ የገዘፈ በመሆኑ፣ አስመራ ይህንን የእጅ አዙር የከበባ ስትራቴጂን እንደ ዋነኛ መከላከያዋ አድርጋ ወስዳው ነበር።"

የፖለቲካ ተንታኞች እንደሚሉት "በአሁኑ ወቅት አዲስ አበባ ድንበሯን የመጠበቅ እና ሉዓላዊነቷን የማስከበር እጅግ ፈታኝ አጣብቂኝ ውስጥ ትገኛለች። የውጭ አገር ጦር በዚህ ደረጃ ወደ አገር ውስጥ ጠልቆ መግባቱ፣ የቆየውን ፖለቲካዊ ስጋት ወደ አስቸኳይ ብሔራዊ አደጋ የቀየረው ሲሆን፣ የኤርትራ እርምጃም ሁለቱን አገራት ወደ ለየለት ቀጥተኛ ጦርነት ይበልጥ አቅርቧቸዋል።"

ሼር
አስገራሚው የነፃ ዳቦ ማሽኖች!

በቅንጦት ህንፃዎቿ እና በዘመናዊ የቴክኖሎጂ ግስጋሴዋ በምትታወቀው የተባበሩት አረብ ኤምሬትስ ዱባይ ውስጥ፣ ቴክኖሎጂን ለከፍተኛ ሰብዓዊ ርህራሄ ያዋለ አንድ አስገራሚ ተግባር የዓለምን ትኩረት እየሳበ ይገኛል። በከተማዋ ዝቅተኛ ገቢ ያላቸውና ድጋፍ የሚሹ ወገኖች፣ ምንም አይነት የሰው ልጅ ንክኪ በሌለበትና ክብራቸውን ሙሉ በሙሉ በጠበቀ መልኩ በነፃ ትኩስ ዳቦ የሚያገኙባቸው ዘመናዊ አውቶማቲክ ማሽኖች (Smart Vending Machines) አገልግሎት እየሰጡ ነው።

"ዳቦ ለሁሉም" (Bread for All) በተሰኘው በዚህ በጎ አድራጎታዊ መርሃ ግብር አማካኝነት የተገጠሙት እነዚህ ማሽኖች፣ ችግረኞች በየቀኑ በማንኛውም ሰዓት (24/7) ያለ ምንም ክፍያ፣ እንግልት እና ወረፋ ምግብ ማግኘት እንዲችሉ ታስበው የተዘጋጁ ናቸው።
ማሽኖቹን እጅግ አስገራሚ የሚያደርጋቸው የተገጠመላቸው ረቂቅ ቴክኖሎጂ ነው!

እነዚህ ማሽኖች ተራ የዳቦ መደርደሪያዎች አይደሉም። በመጀመሪያ ደረጃ፣ ማሽኖቹ ዳቦው እንዳይቀዘቅዝና ትኩስነቱን ጠብቆ እንዲቆይ የሚያደርግ አውቶማቲክ የሙቀት መቆጣጠሪያ (Heater) አላቸው። አንድ ተጠቃሚ ወደ ማሽኑ ሲቀርብ፣ በስማርት ስክሪኑ (Touch Screen) ላይ ከቀረቡት የተለያዩ የዳቦ አማራጮች (እንደ አረብኛ ፒታ ዳቦ፣ የህንድ ቻፓቲ፣ ወይም ተራ ዳቦ) የሚፈልገውን ይመርጣል።

ማሽኑም ልክ እንደ ኤቲኤም (ATM) ትኩስ ዳቦውን በሰከንዶች ውስጥ አውጥቶ ይሰጠዋል። ከዚህም ባሻገር ማሽኖቹ ከማዕከላዊ የዳቦ መጋገሪያዎች ጋር በኢንተርኔት የተሳሰሩ (IoT Connected) በመሆናቸው፣ በውስጣቸው ያለው የዳቦ መጠን ሲያልቅ ራሳቸው ወዲያውኑ ለመጋገሪያ ቤቶቹ "ዳቦ አልቋልና ሙሉ።" የሚል የጽሁፍ መልዕክት (Alert) ይልካሉ። በመሆኑም ማሽኖቹ በማንኛውም ሰዓት ባዶ አይሆኑም።

የፕሮጀክቱ ሌላኛው ልብ የሚነካው ክፍል ደግሞ "የማይታየው ልገሳ" ስርዓት ነው። ማንኛውም መንገድ አላፊ ወይም ደግ አድራጊ ሰው ማሽኑ ላይ በተገጠመው የካርድ ንባብ (Credit Card Reader) አማካኝነት 10 ዲርሃምም ሆነ 100 ዲርሃም አስገብቶ ለችግረኞች የሚሆን ዳቦ እዛው ማሽኑ ላይ መግዛትና መለገስ ይችላል። ሰጪውም ሆነ ተቀባዩ ሳይተያዩ፣ ትልቅ የሰብዓዊነት ትስስር ይፈጠራል።

አብዛኛውን ጊዜ የእርዳታ አሰጣጥ ሂደቶች ሰዎች እንዲሰለፉ በማድረግ ወይም ማንነታቸውን በማጋለጥ የሥነ-ልቦና ጫና ሲፈጥሩ ይታያል። ይህ የዱባይ ተግባር ግን የሰዎችን ክብር በጠበቀና መብታቸውን ባከበረ መልኩ፣ ማንም ሰው ፊቱን ሳይሸፍን ወይም ሳያፍር ልክ እንደማንኛውም ገዢ ወደ ማሽኑ ሄዶ ምግቡን እንዲወስድ አድርጓል።

ሀገሪቷ ይህንን ስራ ከጀመረች አሁን ላይ አራት አመታት የተቆጠሩ ሲሆን፣ እቅዱ ከመቼውም ጊዜ በላይ አቅሙን እያሰፋ መጥቷል። መጀመሪያ ላይ በተወሰኑ ሱፐርማርኬቶች አካባቢ ብቻ የነበሩት ማሽኖች አሁን ላይ በተለያዩ የከተማዋ ክፍሎች የተተከሉ ሲሆን፣ አሁን ላይ አገልግሎቱ ከዳቦ ባለፈ የተለያዩ ምግቦችን፣ ክሪፕሶችንና ኬኮችን ጭምር በነፃ ማሰራጨት ጀምሯል።

ቴክኖሎጂን ከርህራሄ ጋር በማዋሃድ የሰውን ልጅ ክብር የጠበቀው ይህ አስገራሚ የዱባይ ተሞክሮ፣ ለሌላው ዓለም በተለይም ለታዳጊ ሀገራት ትልቅ ትምህርት የሚሰጥ አበረታች ዜና ነው!

የእናቱን ውለታ በ10 ሚሊዮን ዶላር የዘከረው ጆርዳን!
#ethiopia | ማይክል ጆርዳን የእናቱን ውለታ ለማሰብ ለሰሜን ካሮላይና ዩኒቨርሲቲ የ10 ሚሊዮን ዶላር እርዳታ አደረገ

ኮከቡ የቅርጫት ኳስ ተጫዋች ማይክል ጆርዳን ለተማረበት የሰሜን ካሮላይና ዩኒቨርሲቲ የ10 ሚሊዮን ዶላር የገንዘብ ድጋፍ አደረገ።

ጆርዳን ይህንን ድጋፍ ያደረገው እናቱ ለማህበራዊ አገልግሎት እና ቤተሰቦችን ለመደገፍ የነበረት ከፍተኛ ፍቅርና አስተዋጽኦ ለመዘከር እና ለማክበር እንደሆነ ተገልጿል።

ይህ እርዳታ በትምህርት ቤቱ ታሪክ ውስጥ ከተደረጉት የገንዘብ ድጋፎች በሙሉ ትልቁ ድጋፍ እንደሆነ ተነግሯል።

ለእናቱ መስዋዕትነት እና አሪያነት እውቅና ለመስጠትም በትምህርት ቤቱ ስር የሚገኘው ዓለም አቀፍ የምርምር ማዕከል በስሟ ተሰይሟል።

ይህ ድጋፍ በትምህርት ቤቱ የሚገኙ ተማሪዎችን እና መምህራንን ለመደገፍ ይውላል ነው የተባለው።

በተለይም በማህበራዊ አገልግሎት ዘርፍ ያለውን የሰው ኃይል እጥረት ለመቅረፍ እና ለአደጋ የተጋለጡ ህፃናትና ቤተሰቦችን ለመደገፍ ለሚደረጉ የምርምርና የተግባር ስራዎች ላይ ይውላል ተብሏል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #michaeljordan #delorisjordan #uncsocialwork #motherlylove

ጥራትን ማዕከል ያደረገው የመደመር መንግሥት

አዲስ አበባ፣ መስከረም 27፣ 2019 (ኤፍ ኤም ሲ) የሀገርን ብሩህ መጻኢ ዕድል በጽኑ መሠረት ላይ ገንብቶ ዘላቂ ብልጽግናን ማረጋገጥ የሚቻለው ሕዝብን ማዕከል ያደረገ ልማት ሲረጋገጥ ነው።

የመደመር መንግሥትም በተለያዩ ዘርፎች ሕዝብን ማዕከል ያደረጉ ሁለንተናዊ መዋቅራዊ ሽግግሮችን ሲያከናውን ቆይቷል።

ይህ መዋቅራዊ ሽግግር በተለይም በትምህርት፣ በጤና እና በማህበራዊ ዘርፎች ላይ ያጠነጠነ፤ ዜጋን የልማቱ ዋና ተጠቃሚና ባለቤት ያደረገ የፖሊሲ እና የተግባር ርምጃን የወሰደ አካሄድ ነው።

ለአብነትም የትምህርት ሀገርን ተረካቢ ትውልድ የሚቀረጽበት ዋና ማዕከል እንደመሆኑ መጠን፣ በመደመር መንግሥት ትልቅ የመዋቅር ለውጥ ከተደረገባቸው ዘርፎች አንዱ ነው።

ቀደም ሲል የነበረውን የትምህርት ቤቶችን ቁጥር የማብዛት ብቻ ትኩረት ወደ ትምህርት ጥራት፣ የምዘና ሥርዓት ጥብቅነት ብሎም የትምህርት ፍኖተ- ካርታን እስከ ማሻሻል የተጓዘ ስር ነቀል አቋምን ተከትሏል።

የሀገር አቀፍ እንዲሁም ክልላዊ ፈተናዎች ከስርቆትና ማጭበርበር እንዲጸዱ መደረጉ የትምህርት ጥራትን ለማስጠበቅ ቁልፍ ርምጃ ሆኗል።

የቅድመ-መደበኛ፤ ሀገር በቀል እውቀቶች፤ የዜግነትና ግብረ-ገብ ትምህርት መስፋፋት እንዲሁም የዲጂታል እና የቴክኖሎጂ ስልጠናዎች ትግበራ ትውልዱን ለዘመኑ ዝግጁ የሚያደርጉ ውሳኔዎች ናቸው።

የተማሪዎች ምገባ መርሐ-ግብር ተማሪዎች በትምህርታቸው ላይ ብቻ እንዲያተኩሩና የማቋረጥ ምጣኔም እንዲቀንስ ከፍተኛ አስተዋጽኦ አበርክቷል።

እነዚህ ታሪካዊ ርምጃዎች ትምህርትን በቁጥር ብቻ ሳይሆን በጥራትና በትውልድ ግንባታ ሚዛን ለመለካት የተደረጉ ታላቅ ውሳኔዎች ናቸው።

ጤናማ ዜጋ ለሀገር እድገትና ምርታማነት መሠረት እንደመሆኑ መጠን፤ በተመሳሳይ በጤናው ዘርፍ የተከናወኑ ተግባራት መሠረታዊ የጤና አገልግሎትን ሽፋንን ከማስፋት ባለፈ ጥራቱን ለማሳደግ ያለመ መዋቅራዊ ለውጥ ተካሂዶበታል።

የማህበረሰብ አቀፍ ጤና መድህን ተዳራሽነትን በማስፋት የዜጎችን የሕክምና ወጪ ጫና መቀነስ ከመቻሉም ባሻገር የላቀ የሕክምና ማዕከላት ግንባታ፣ የሆስፒታሎች ደረጃ ማሻሻያ እና የእናቶችና ሕፃናት ጤና ጥበቃን የማጠንከር ሥራዎች በስፋት ተከናውነዋል።

የመድኃኒት አቅርቦት ሥርዓትን ማዘመን እና በቴክኖሎጂ የተደገፈ የሕክምና መረጃ አያያዝን በመዘርጋት፤ ዜጎች ጥራት ያለው የጤና አገልግሎት በቅርበት እንዲያገኙ ተችሏል።

የኢኮኖሚ እድገት ትርጉም የሚኖረው በኢኮኖሚያዊ አቅም ውስንነት ተጋላጭ የሕብረተሰብ ክፍሎችን ሲደግፍ ነው።

በዜጋ ተኮር ማህበራዊ ዘርፉ የተከናወኑ ሥራዎች ክብርና ሰብአዊነትን ማዕከል ያደረጉ ናቸው።

የከተሞች የሴፍቲኔት ፕሮግራሞች፣የሴቶች፤ የአረጋውያንና የአካል ጉዳተኞችን ማህበራዊና ኢኮኖሚያዊ ተሳትፎ የሚያረጋግጡ አሰራሮችን ዘርግተዋል።

በበጎ ፈቃድ አገልግሎት የመኖሪያ ቤቶች እድሳት፣ የምገባ ማዕከላት መመስረትና የዜጎችን ኑሮ የማሻሻል ዘመቻዎች ማህበራዊ ፍትሕንና አንድነትን በማጠናከር ረገድ ጉልህ ስኬትን አስመዝግበዋል፡፡

ፕሬዚዳንት ታዬ አጽቀ ሥላሴ የኢፌዲሪ የሕዝብ ተወካዮች እና የፌዴሬሽን ምክር ቤቶች 7ኛ የስራ ዘመን 1ኛ ዓመት የጋራ መደበኛ ስብሰባ መክፈቻ ላይ እዳሉት÷ "ጥራትን መሰረት ያደረገ ሁለንተናዊ መዋቅራዊ ሽግግር እንዲኖር ይደረጋል፤ ትምህርት፣ ጤና እና ማህበራዊ ጥበቃን ከስፋት ወደ ጥራት በማሸጋገር ዜጋን ማዕከሉ ያደረገ ልማት ይፋጠናል፡፡"

ይህ የሚያሳየው፤ የመደመር መንግሥት የተከተለው ብሎም በቀጣይ የሚከተለው የልማት አቅጣጫ፤ ቁጥርና ስፋትን መሠረት ያደረገውን የተለምዶ አካሄድ ወደ ጥራት፣ ውጤታማነት እና የዜጎችን ሕይወት ማሻሻልን የትኩረት ማዕከሉ ወደ አደረገው እይታ ያሻገረ ነው።

ትምህርትን፣ ጤናን እና አጠቃላይ ማህበራዊ ዘርፉን በጥራት ማደራጀትና ማጠናከር ሰብዓዊ ልማትን ተጨባጭ ከማድረጉም በላይ የሀገር የመበልጸግ ርዕይን እውን ለማድረግ መዋቅራዊ መሠረት ጥሏል።
#የመደመር_መንግሥት

በመልካም ፈቃዱ

በፌስቡክ ገጻቸው የሲዳማ ክልልን ህዝብ በተለይ ወጣቶችን ይቅርታ ጠየቁ የተባሉት የቀድሞ አፈጉባኤ " ፌስቡክ ገጼ ተጠልፎ ነው " አሉ።
‎
በሰሞኑን የሲዳማ ክልል መንግሥት ምስረታ ሂደት ከክልል ፕሬዝዳንት አንስቶ ከፍተኛ የአመራር ለውጦች የተደረጉ ሲሆን፣ በዚህም ሂደት የክልሉ አፈ ጉባኤ ወ/ሮ ፋንታዬ ከበደ በሌላ ሰው ተተክተዋል።

ይህ ከሆነ በኋላ በወ/ሮ ፋንታዬ የፌስቡክ ገጽ ላይ "ይቅርታ" በሚል ርዕስ በስልጣን ዘመናቸው ለሰሯቸው ስህተቶችና በእሳቸው ዝምታ ለተፈጠሩ ልዩ ልዩ ጥፋቶች የሲዳማን ሕዝብ በተለይም ወጣቶችን ይቅርታ መጠየቃቸውን የሚገልጽ ፅሁፍ ወጥቷል።

በርካቶችም ይህንኑ መረጃ በማጋራት የሳቸው ተከታዮችና የስራ ባልደረቦቻቸው ጭምር አስተያየት ሲሰጧቸው የነበረ ሲሆን ቲክቫህ ኢትዮጵያ የቀድሞ የሲዳማ ክልል ምክር ቤት ዋና አፈ ጉባኤ ወ/ሮ ፋንታዬ ከበደ በስልክ አግኝቶ ስለጉዳዩ ማብራሪያ እንዲሰጡ ጠይቋቸዋል።
‎
‎ወ/ሮ ፋንታዬ " አካውንቱ አሁን ላይ የኔ አይደለም፣ ተጠልፎብኛል " ሲሉ ተናግረዋል።
‎
‎" እኔ በአመራር ለውጡ ቅሬታ የለብኝም " ያሉት ወ/ሮ ፋንታዬ ከበደ " አካውንቱ ከዚህ ቀደም የኔ የነበረ ቢሆንም አሁን ላይ ተጠልፎብኛል " ሲሉ አስረድተዋል።

በሌላ በኩል ከሲዳማ ክልል የአመራሮች ለውጥ ጋር በተያያዘ አንዳንድ አስተያየት ሰጪዎች ፥ " በቀድሞ የክልሉ አመራሮች ጊዜ ከላይ እስከ ታች ለጠፉ ጥፋቶች ፣ በልማት ወደኋላ መቅረት ፣ የሰብዓዊ መብት ጥሰት ፣ በክልሉ ተንሰራፋ ሙስና እና በዛ ለመጣው ጥፋት ተጠያቂነት ሊሰፍን ይገባ ነበር " ሲሉ እየገለጹ ናቸው።

በተለይ ደግሞ ከወጣቶች የስራ አጥነት ጋር በተያያዘ በክልሉ ውስጥ የሚነሳው ቅሬታ የበዛ ነው።

አሁን ላይ ክልሉን አዲስ አመራሮች ተረክበው እየመሩት ይገኛሉ። ረጅም ጊዜ የአመራርነት ልምድ ያላቸውና በፌዴራል መ/ቤት የነበሩት ዶ/ር መሳይ ኃይሉ የክልሉ ፕሬዝዳንት ሆነው ወደ ስራ ገብተዋል።

የቀድሞው ፕሬዝዳንት አቶ ደስታ ሌዳሞ ወደ ፌዴራል ሄደው የፌዴራሽን ምክር ቤት ምክትል አፈጉባኤ ሆነው ተሹመዋል።

ቲክቫህ ኢትዮጵያ
ሀዋሳ
መስከረም 26 ቀን 2019 ዓ/ም

@tikvahethiopia አቶ ደስታ ሌዳሞን በመተካት የሲዳማ ክልልን በፕሬዚደንትነት እንዲመሩ የተሾሙት ዶ/ር መሳይ ኃይሉ ማናቸው ? ‎በዛሬው ዕለት የሲዳማ ክልል ፕሬዚዳንት ሆነው የተሾሙት ዶ/ር መሳይ ኃይሉ ከዚህ ቀደም የሲዳማ ዞን ጤና መምሪያ ኃላፊ እንዲሁም የሐዋሳ ዩኒቨርሲቲ የአስተዳደርና ተማሪዎች አገልግሎት ምክትል ፕሬዝዳንት ሆነው አገልግለዋል። ‎ ‎በትምህርት ዝግጅታቸው፦ - የመጀመሪያ ዲግሪ በሕዝብ ጤና ከሐዋሳ ዩኒቨርሲቲ…

ራስን ማጥፋትን የተመለከቱ የሚድያ ዘገባዎች መፍትሔ አመላካች መሆን እንደሚገባቸው ተገለጸ

የመገናኛ ብዙኃን እና በጉዳዩ ላይ መረጃ የሚሰጡ የማኅበራዊ ትስስር ገጾች ራስን ከማጥፋት እና ከአዕምሮ ጤና ጋር የተያያዙ ዘገባዎቻቸው መፍትሔ አመላካች እና ተስፋ የሚሰጡ ሊሆኑ እንደሚገባ የኢትዮጵያ የአዕምሮ ሕክምና ማኅበር ገልጿል።

የማኅበሩ ተወካይ እና የአዕምሮ ሕክምና ስፔሻሊስት ዶክተር እስጢፋኖስ እንዳላማው፣ "አሁን ላይ በመገናኛ ብዙኃን የአዕምሮ ጤናን አስመልክቶ የሚበርቡ ዘገባዎች ቁጥር ማሻቀቡ የሚበረታታ ቢሆንም፤ በተለይም ከራስ ማጥፋት ጋር ተያይዞ በልዩ ሁኔታ በማኅበራዊ ሚዲያ የሚሰራጩ መረጃዎች የሙያ ሥነ-ምግባርን ያልተከተሉ ናቸው" ብለዋል።

ራስን የማጥፋት መረጃዎችን የድርጊቱን አፈጻጸም በዝርዝር ማቅረብ ሌሎች ሰዎች ራሳቸውን እንዲያጠፉ ሊገፋፋ እንደሚችል የጠቆሙት ዶክተር እስጢፋኖስ፣ "ዘገባዎች ሰዎች ከችግሩ የሚወጡበትን እና የሚታከሙበትን መንገድ የሚያመላክቱ መሆን አለባቸው" ብለዋል።

ማኅበሩ በስፋት የሚታየውን ችግር ለማቃለል ለመገናኛ ብዙኃን ባለሙያዎች የግንዛቤ ማስጨበጫ ስልጠና መስጠቱን እና በቀጣይም ከባለድርሻ አካላት ጋር በቅርበት እንደሚሠራ አስታውቋል።

በስፍራሽ ደመላሽ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

መንግስት በ2019 በጀት ዓመት ትኩረት የሚያደርግባቸውን 8 አበይት ጉዳዮች ይፋ አደረገ

ፕሬዝዳንት ታዬ አጽቀስላሴ መንግስት በ2019 በጀት ዓመት ልዩ ትኩረት ሰጥቶ የሚንቀሳቀስባቸውን ስምንት ዋና ዋና ጉዳዮች  ይፋ አደረጉ።

የሕዝብ ተወካዮችና የፌዴሬሽን ምክር ቤቶች 7ኛ የስራ ዘመን 1ኛ ዓመት የጋራ መደበኛ ስብሰባ ላይ ንግግር ያደረጉት ፕሬዝዳንቱ መንግስት በበጀት ዓመቱ በዋናነት ሰላም ለሀገር እድገትና ግስጋሴ ያለውን ከፍተኛ ዋጋ በማጤን ህብረትን ፣ ትብብርን እና ኢትዮጵያን የሚያስቀድም ተግባር ያከናውናል ብለዋል።

በተጨማሪም ጥራትን መሰረት ያደረገ ሁለንተናዊ መዋቅራዊ ሽግግር ለማምጣት ትኩረት ተሰጥቶ እንደሚሰራ አስታውቀዋል።
 
በማህበራዊ ዘርፍ የትምህርት ፣ የጤና እና የማህበራዊ ጥበቃ ስራዎችን ከስፋት ወደ ጥራት በማሸጋገር ዜጋን ማዕከል ያደረገ ልማት ትኩረት እንደሚሰጥበት የገለጹት ፕሬዝዳንቱ ለእድገት ቁልፍ ፋይዳ ባላቸው የኢንዱስትሪና የግብርና ግብዓቶች እንዲሁም በዘመናዊ የመሰረተ ልማት ግንባታ ሀገራዊ አቅም ራሱን እንዲችል ለማድረግ እንደሚሰራ ተናግረዋል። 

በኢኮኖሚና ፋይናንስ ዘርፍ ደግሞ የፕሮጀክትና የፕሮጀክት ፋይናንስ አፈፃፀም ዘመናዊ ፣ ቀልጣፋ እና ተጠያቂነት ያለው እንዲሆን ይደረጋል ብለዋል።

የታክስ መሰረትን በማዘመን ዕዳን ወግ ባለው መልኩ ማስተዳደር እና የመንግስት ገቢና ወጪን በአግባቡ የመቆጣጠር አቅም እንዲያድግ ልዩ ትኩረት ይሰጣል ብለዋል። 

በአስተዳደር እና የውጭ ግንኙነት መስክም በፌዴራል መንግስት እና በክልሎች መካከል ያለው የስራ ቅንጅት እና የአፈጻጸም ክትትል እንከን አልባ እንዲሆን እንደሚሰራ ፕሬዝዳንቱ ገልጸዋል።

አክለውም የኢትዮጵያን የውጭ ግንኙነት ከተቀባይነት ወደ ተፅዕኖ ፈጣሪነት በማሸጋገር በተለይም ወዳጆችን በማብዛት እና ለቀጠናዊ ሰላምና ኢኮኖሚያዊ ትስስር ቅድሚያ የሚሰጡ ተነሳሽነቶችን በማጎልበት አለም አቀፍ ተቀባይነትን ለማሳደግ እንደሚሰራ ገልጸዋል።

በፋሲል አረጋይ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ Photo

መምህራኖቿችሁን አመስግናችሁ ታውቃላችሁ ወይ?
#ethiopia | መስከረም 25 በዓለም አቀፍ ደረጃ "የመምህራን ቀን" ተብሎ ሲከበር፣ የትምህርት አባቶችንና እናቶችን ድካም፣ መስዋዕትነት እና የማይተካ ማህበራዊ ሚና ለማሰብና ለማስከበር ነው።

እ.ኤ.አ. በ1994 በዩኔስኮ ይፋ የተደረገው ይህ ታላቅ ዕለት፣ በየዓመቱ የመምህራንን ድምፅ ለማሰማትና ለትውልድ ግንባታ የሚያደርጉትን ያልተቋረጠ አስተዋጽዖ ለዓለም ለማስታወስ ያገለግላል።

መምህራን የማህበረሰብ መሰረትና የዕውቀት ብርሃን መሪዎች እንደመሆናቸው መጠን፣ አዲስ ትውልድን በስነ-ምግባር፣ በእውቀት እና በክህሎት ኮትኩቶ በማሳደግ ረገድ ቀዳሚውን ስፍራ ይይዛሉ።

በየትኛውም የሙያ መስክ የተሰማሩ ሀገር ተረካቢ ባለሙያዎች፣ከህክምና እስከ ኢንጂነሪንግ፣ ከአመራር እስከ ፈጠራ ባለቤቶች፣ሁሉም ያለፉበት የህይወት መንገድ የመምህር እጅና እይታ ያለበት በመሆኑ መምህር ማለት የነገዋን ዓለም ዛሬ በክፍል ውስጥ የሚቀርጽ ትልቅ ባለሙያ ነው።

ይሁን እንጂ ይህ ዓለም አቀፍ ቀን የምስጋናና የክብር መግለጫ ብቻ ሳይሆን የመምህራንን ነባራዊ ሁኔታና የሚጋፈጧቸውን ፈተናዎች በጥልቀት የምንፈትሽበትም አጋጣሚ ነው።

በአሁኑ ወቅት መምህራን ከስራቸው ክብደትና መስዋዕትነት ጋር ያልተመጣጠነ አነስተኛ ክፍያና የማህበራዊ ዋስትና እጥረት ይፈታተናቸዋል።

በተለይም በታዳጊ ሀገራት በቂ የመማሪያ ቁሳቁስና ምቹ የሥራ አካባቢ አለመኖር፣ እንዲሁም ከዘመናዊው የመረጃ ዘመን ጋር በፍጥነት ለመራመድ የሚያስችል ቀጣይነት ያለው ስልጠና እና የዲጂታል መሳሪያዎች እጥረት የሙያውን ጉዞ አዳጋች አድርጎታል።

ስለሆነም ቀኑን ማከበር በአንድ ቀን ስነ-ስርዓት ወይም መግለጫ ብቻ የሚገደብ ሳይሆን የመምህራንን ክብር በተግባር ለማደስ፣ የኑሮ ደረጃቸውን ለማሻሻል፣ ምቹ ሁኔታዎችን ለመፍጠር እና ቀጣዩ ትውልድ ወደ ሙያው በስፋት እንዲቀላቀል ማራኪ ሁኔታዎችን ለማመቻቸት የሚያስችል ሁለንተናዊ ንቅናቄን ይጠይቃል።

መምህርነት ተራ የሥራ ዘርፍ ሳይሆን የህይወት ጥሪና ተልዕኮ በመሆኑ፣ መስከረም 25 የህይወታችንን መንገድ ላበሩልን፣ እውቀታቸውን ለለገሱልን ለነዚህ የብርሃን ባለቤቶች ሁላችንም ከልብ የምናመሰግንበትና ከጎናቸው የምንቆምበት ታሪካዊ ዕለት ነው።

መምህሮቿቹሁን ዛሬ አመስግኗቸው...

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

(ዘ-ሐበሻ ዜና) የአውሮፓ ህብረት በኢትዮጵያ እየተባባሰ የመጣው ግጭት እንዲሁም በተለይም በኢትዮጵያ እና ኤርትራ መካከል እያደገ ያለው ቀጠናዊ ውጥረት እጅግ እንዳሳሰበው አስታውቋል። ህብረቱ የውጭ ጉዳይ ፖሊሲ ኃላፊው በኩል ባወጣው መግለጫ፣ ይህ ሁኔታ በመላው የአፍሪካ ቀንድ ሰላም እና መረጋጋት ላይ አስከፊ መዘዝ የሚያስከትል ሰፋ ያለ ቀጠናዊ ጦርነት ሊቀሰቅስ የሚችል አደገኛ አዝማሚያ መሆኑን አስጠንቅቋል።

በሁሉም ግንባሮች ውጥረቶች በአስቸኳይ እንዲረግቡ ጥሪ ያቀረበው ህብረቱ፣ የሚመለከታቸው አካላት ሁኔታዎችን ከሚያባብሱ ድርጊቶች እና ንግግሮች እንዲቆጠቡ አሳስቧል። የዘላቂ ግጭት ማቆም ስምምነት (CoHA) ፈራሚ ወገኖችም በአፍሪካ ህብረት ማዕቀፍ ስር ስምምነቱን ሙሉ በሙሉ ተግባራዊ ለማድረግ ዳግም ቁርጠኝነታቸውን ሊያሳዩ ይገባል ብሏል።

ዓለም አቀፍ የሰብዓዊ መብት ህጎች ሊከበሩ እንደሚገባ ያሳሰበው መግለጫው፣ ሲቪሎች በማንኛውም ጊዜ ሊጠበቁ እና ያልተገደበ የሰብዓዊ እርዳታ አቅርቦት ሊረጋገጥ እንደሚገባ አጽንኦት ሰጥቷል።
ከዚህም በተጨማሪ የሁሉም ሀገራት ሉዓላዊነት እና የግዛት አንድነት መከበር እንዳለበት ህብረቱ በጽኑ አሳስቧል።

የውጭ ኃይሎች ከጣልቃ ገብነት እንዲቆጠቡና ይልቁንም ያላቸውን ተፅዕኖ በመጠቀም ውጥረቱ እንዳይባባስ፣ እንዲሁም ፖለቲካዊ እና ዲፕሎማሲያዊ መፍትሄዎች እንዲመጡ ሊሰሩ እንደሚገባ ጥሪ አቅርቧል። በመጨረሻም፣ የአውሮፓ ህብረት በአፍሪካ ቀንድ ቀጠናዊ መረጋጋት፣ ሰላማዊ ትብብር እና የኢኮኖሚ ትስስር እንዲኖር ያለውን ጽኑ አቋም ገልጾ፤ ትርጉም ላለው ውይይት እና ሰላማዊ የግጭት አፈታት የሚደረጉ የዲፕሎማሲ ጥረቶችን ለመደገፍ ዝግጁ መሆኑን አረጋግጧል።

(ዘ-ሐበሻ ዜና) ሮይተርስ በዛሬ ዘገባው የኢትዮጵያ ፌዴራል ሀይሎችና አጋሮቹ መቀሌን ከተቆጣጠሩ በኋላም በትግራይ ክልል ውስጥ ግጭቱ መቀጠሉን አስታወቀ፡፡ ሶስት እርዳታ ሰጪ ምንጮችን በምንጭነት የጠቀሰው ዘገባው በመቀሌ አካባቢ እንዲሁም በአድዋና በሽሬ ከተሞች ላይ የከባድ መሳሪያና የአየር ጥቃቶች መፈፀማቸውን ገልጿል፡፡ እነዚህ ጥቃቶች በሲቪሎች ላይ ጉዳት ማድረሳቸውን አስታውቆ በጠቅላላው 17 ሰዎች መገደላቸውን መስማቱን አስረድቷል፡፡ በቀጠለው ግጭት የተነሳ በአንዳንድ አካባቢዎች የቴሌኮሚኒኬሽንና የመንቀሳቀስ ሁኔታው አስቸጋሪ ሆኖ መቀጠሉንም ገልጿል፡፡

እንደዘገባው የመንግስት ሀይሎች ከመቀሌ በስተምእራብና በስተሰሜን ምስራቅ ወደሚገኙ አካባቢዎች እየገፉና ወደኤርትራ ድንበር እየተጠጉ ይገኛሉ፡፡ እንዲሁም በተከዜ ወንዝ አቅራቢያ ከፍተኛ ውጊያ እየተካሄደ እንደሚገኝ አስታውቋል፡፡ ይህ ግጭት ወደኤርትራ ድንበር እየተቃረበ መሆኑ በተለይም በኢትዮጵያና ኤርትራ መካከል ከተፈጠረው ዲፕሎማሲያዊ ግንኙነት መበላሸት አኳያ ሰፊ ክልላዊ ውጥረትን ሊያስከትል ይችላል የሚል ስጋት እንዳለም ገልጿል፡፡ በተያያዘ የአሜሪካ መንግስት ኢትዮጵያና ኤርትራ ውጥረትን ከሚያባብሱና አለመረጋጋትን ከሚፈጥሩ ድርጊቶች እንዲቆጠቡ ማሳሰቢያ መስጠቷን አውስቷል፡፡

ጥራትና ደህንነቱ ሳይጠበቅ የሚጓጓዝ ጥሬ ወተት ለከፍተኛ የጤና አደጋ የሚያጋልጥ መሆኑ ተገለፀ!
#fastmereja :- ጥራትና ደህንነቱ ሳይጠበቅ ከቦታ ቦታ የሚጓጓዝ ጥሬ ወተት ለከፍተኛ የጤና አደጋ የሚያጋልጥ በመሆኑ፣ የህብረተሰቡን ጤና ለመጠበቅ በትራንስፖርትና አያያዝ ሂደት ላይ ተገቢው ጥንቃቄ ሊደረግ እንደሚገባ ተገለፀ።

ወተት ከታለበ በኋላ ተገቢው የንፅህና እና የቅዝቃዜ ቁጥጥር (Cold Chain) ሳይደረግለት በሚጓጓዝበት ወቅት እንደ E. coli Salmonella እና Listeria ያሉ አደገኛ ባክቴሪያዎች በቀላሉ የሚራቡበት መንገድ እንደሚሆን ተመላክቷል።

በተለይም ወተቱ ከታለበበት ጊዜ ጀምሮ እስከ ተጠቃሚው ድረስ ከ 4°C በታች ባለው የቅዝቃዜ መጠን ካልተጠበቀ፣ በሙቀት ምክንያት ተህዋሲያኑ በፍጥነት በመራባት ለከባድ የሆድ ቁርጠት፣ ለተቅማጥ፣ ለትውከት፣ ለሳንባ ነቀርሳ እንዲሁም ለተለያዩ ህመሞች ሊዳርጉ እንደሚችሉ ተጠቁሟል።

ይህ የጤና አደጋ በተለይ በህፃናት፣ በነፍሰ ጡር እናቶች፣ በአረጋውያን እና የበሽታ መከላከል አቅማቸው ዝቅተኛ በሆኑ የህብረተሰብ ክፍሎች ላይ ከባድ ጉዳት የሚያደርስ ነው።

የወተት ደህንነትንና ጥራትን ለማረጋገጥ የሚከተሉት አበይት እርምጃዎች ሊወሰዱ እንደሚገባ ተመላክቷል፦

ወተትን ለማጓጓዝ ደረጃቸውን የጠበቁ የአሉሚኒየም ወይም የማይዝግ ብረት (Stainless steel) ዕቃዎችን መጠቀም እና የዕቃዎቹን ንፅህና በየጊዜው መጠበቅ፤ የማቀዝቀዣ ዘዴዎችን መጠቀም በትራንስፖርት ወቅት ወተቱ እንዳይበላሽ የቅዝቃዜ ሰንሰለቱን የጠበቁ የመጓጓዣ ዘዴዎችን (Refrigerated transport) መተግበር እንዲሁም ተጠቃሚዎች ጥሬ ወተትን ከመጠቀማቸው በፊት በደንብ አፍልተው የመጠቀም ልምድን ማዳበር እንደሚገባ ነዉ የተገለፀዉ።

በመሆኑም አምራቾች፣ አጓጓዦችና ነጋዴዎች የምግብ ደህንነት መመሪያዎችን በአግባቡ በመተግበርየህብረተሰቡን ጤና የመጠበቅ ሀላፊነታቸውን እንዲወጡ ጥሪ ቀርቧል።

ህብረተሰቡ ጥራትና ደህንነቱ ያልተረጋገጠ የወተት ምርት ሲያጋጥመው ወደ 8482 በነፃ በመደወል ጥቆማ መስጠት እንደሚችል ባለሥልጣኑ አስታውቋል።

አዋሽ ባንክ በዶ/ር አብይ አህመድ ዳግም መመረጥ የተሰማውን ደስታ ገለጸ

​ክቡር ዶክተር አብይ አህመድ የኢፌዲሪ ጠቅላይ ሚኒስቴር ሆነው በድጋሚ በመመረጣቸው የአዋሽ ባንክ ማህበረሰብ የተሰማውን ታላቅ ደስታ በይፋ ገለጸ። የአዋሽ ባንክ የዳይሬክተሮች ቦርድ፣ የሥራ አመራር አባላትና መላው ሠራተኞች በሰጡት መግለጫ፣ ጠቅላይ ሚኒስትሩ ለቀጣይ የስራ ዘመን ዳግም መመረጣቸው ታላቅ ኩራትና ደስታ የፈጠረ መሆኑን አስታውቀዋል።

​ባንኩ በመግለጫው እንዳመለከተው፣ መጪው ጊዜ በእርሳቸው በሳል አመራር ሀገሪቱ የጀመረችው ሁለገብ የሀገር በቀል የኢኮኖሚና የፋይናንሺያል ሪፎርም ተጠናክሮ እንደሚቀጥል ሙሉ እምነት አለው። በተለይም በአፍሪካ በዓይነቱ የመጀመሪያ የሆነው ይህ የኢኮኖሚ ማሻሻያ ሂደት ሀገራችን ተወዳዳሪና የላቀ ለውጥ እንድታስመዘግብ ትልቅ ድርሻ እንዳለው ተገልጿል።

​የአዋሽ ባንክ ማህበረሰብ ለጠቅላይ ሚኒስትር ዶክተር አብይ አህመድ የቀጣይ የስራ ዘመን የተሳካ እንዲሆን መልካም ምኞቱን ያስተላለፈ ሲሆን፣ ተቋማዊና ሀገራዊ ግቦችን እውን ለማድረግ ለሚደረጉ ጥረቶች ባንኩ አጋርነቱን አጠናክሮ እንደሚቀጥል አረጋግጧል።

ለእናት በጎ አድራጎት ፋውንዴሽን (Leenat Charity Foundation) በአሜሪካ የተመሰረተ እና በኢትዮጵያ በተግባር የእርዳታ ስራዎችን እያከናወነ ያለ የበጎ አድራጎት ድርጅት ነው። እስካሁን በደብረ ብርሃን፣ ሻሸመኔ እና ከሚሴ በመድረስ በተለያዩ ትምህርት ቤቶች ለተማሪዎች ሞዴስ፣ ደብተር እና የትምህርት ቁሳቁሶችን በቀጥታ አድርሰናል። በከሚሴ ብቻ ሶስት የተለያዩ ትምህርት ቤቶችን ደርሰን ድጋፋችንን አቅርበናል።

የህክምና ባለሙያና ለእናት በጎ አድራጎት ፋውንዴሽን መስራች የሆኑት የእናትፋንታ አስማማዉ እንደገለጹት፤ የበጎ አድራጎት ቡድኑ በወንድም ካሊድ ፋውንዴሽን ባደረገው ጉብኝት ለበርካታ አራሶች የንፅህና መጠበቂያዎችን (ሞዴስ) እና ለህፃናት ደግሞ ዳይፐሮችን ያበረከተ ሲሆን በተጨማሪም ፋውንዴሽኑ ለህፃናትና ለአናቶች የምሳ ግብዣ በማዘጋጀት አብሮነቱን አሳይቷል።

የፋውንዴሽኑ ቦርድና የበጎ አድራጎት ቡድን አባላትን ያሳተፈው ይህ ፕሮግራም፣ ድጋፍ የሚሹ አራሶችንና ህፃናትን ለማገዝ የተደረገ በጎ ተግባር መሆኑ ተገልጿል።

ለእናት በጎ አድራጎት ፋውንዴሽን በተለይም በገጠር አካባቢዎች ለሚገኙ ተማሪዎች የንፅህና መጠበቂያ ሞዴሶችን በማቅረብ፣ የጤና ትምህርት በመስጠትና ከኢንፌክሽን ቁጥጥር ጋር የተያያዙ ግንዛቤዎችን በመፍጠር ረገድ በርካታ ስራዎችን ሲያከናውን መቆየቱ ተመላክቷል።

ለወደፊቱም በገጠር አካባቢዎች የሚገኙና የንፅህና መጠበቂያዎችን ለመግዛት አቅም የሌላቸውን ተማሪዎች በዘላቂነት ለመደገፍ፣ የንፅህና መጠበቂያ ሞዴሶችን እዚሁ አገር ውስጥ ለማምረት የሚያስችል ትልቅ ፕሮጀክት ተቀርፆ እየተሰራ እንደሚገኝ መስራቿ ገልጸዋል።

በአሜሪካ የተመሰረተውና በኢትዮጵያ በተግባር የእርዳታ ስራዎችን እያከናወነ የሚገኘው ለእናት በጎ አድራጎት ፋውንዴሽን፤ እስካሁን በደብረ ብርሃን፣ ሻሸመኔ እና ከሚሴ በሚገኙ ትምህርት ቤቶች ለተማሪዎች ሞዴስ፣ ደብተር እና የትምህርት ቁሳቁሶችን በቀጥታ ማድረሱ ታውቋል።

👉 ማገዝ ለምትፈልጉ
⚡️Cash | $Enat16
⚡️PayPal & Zelle | +16144056169
⚡️Abyssinia Bank | 266595832
⚡️Commercial Bank | 1000794295305

ለእናት በጎ አድራጎት ፋውንዴሽን በኢትዮጵያ ለሚገኙ ተማሪዎች፣ አራሶች እና ህፃናት ዘለቄታዊ ድጋፍ እያደረገ መሆኑን ገለጸ
#fastmereja :-በአሜሪካ የተመሰረተው እና በኢትዮጵያ በተግባር የእርዳታ ስራዎችን እያከናወነ የሚገኘው ለእናት በጎ አድራጎት ፋውንዴሽን (Leenat Charity Foundation)፤ በደብረ ብርሃን፣ ሻሸመኔ እና ከሚሴ በሚገኙ ትምህርት ቤቶች ለተማሪዎች የንፅህና መጠበቂያ (ሞዴስ)፣ ደብተር እና ልዩ ልዩ የትምህርት ቁሳቁሶችን በቀጥታ ማድረሱን አስታወቀ።

የህክምና ባለሙያ እና የፋውንዴሽኑ መስራች የእናትፋንታ አስማማዉ እንደገለጹት፤ ድርጅቱ በከሚሴ ብቻ በሶስት የተለያዩ ትምህርት ቤቶች በመገኘት ድጋፍ ያደረገ ሲሆን፣ በወንድም ካሊድ ፋውንዴሽን ባደረገው ጉብኝት ደግሞ ለበርካታ አራሶች የንፅህና መጠበቂያዎችን እንዲሁም ለህፃናት ዳይፐር ማበርከቱን ገልጸዋል። በተጨማሪም ለህፃናት እና ለአናቶች የምሳ ግብዣ በማዘጋጀት አብሮነቱን አሳይቷል።

ፋውንዴሽኑ በተለይም በገጠር አካባቢዎች ለሚገኙ ተማሪዎች የንፅህና መጠበቂያዎችን በማቅረብ፣ የጤና ትምህርት እና ከኢንፌክሽን ቁጥጥር ጋር የተያያዙ ግንዛቤዎችን የመፍጠር ስራዎችን ሲያከናውን መቆየቱ ተመላክቷል።

በቀጣይም በገጠር አካባቢዎች የሚገኙ እና የንፅህና መጠበቂያዎችን ለመግዛት አቅም የሌላቸውን ተማሪዎች በዘላቂነት ለመደገፍ፣ ሞዴሶችን እዚሁ አገር ውስጥ ለማምረት የሚያስችል ትልቅ ፕሮጀክት ተቀርፆ እየተሰራ እንደሚገኝ መስራቿ አብራርተዋል።

ጣፋጭ እና ብዙ ስኳር ያላቸዉ ምግቦች የህፃናትን የአእምሮ እድገት ይጎዳሉ ተባለ

ከመጠን በላይ ስኳር እና ጣፋጭ የያዙ ምግቦችን ማዘውተር በህፃናት የአእምሮ እድገት፣ በትምህርት አቀባበል እና በአጠቃላይ ጤንነታቸው ላይ ከፍተኛ ጉዳት እንደሚያደርስ ተጠቁሟል።

​በሙራ የውስጥ ደዌ እና ህፃናት ስፔሻሊስት ክሊኒክ ሜዲካል ዳይሬክተር እንዲሁም የህፃናት ህክምና ስፔሻሊስት የሆኑት ዶክተር አብዱልአዚዝ አሊ ከብስራት ሬዲዮ ጋር ባደረጉት ቆይታ እንደተናገሩት የታሸጉ እና ጣፋጭ የበዛባቸው ምግቦች ለህፃናት የአእምሮ እድገት ጎጂ ናቸዉ ።

የታሸጉ ምግቦች ላይ ጣፋጭነታቸውን ለመጨመር እና ለረጅም ጊዜ እንዲቆዩ ሲባል የሚጨመሩ ኬሚካሎች በህፃናት አካልና አእምሮ ላይ ቀጥተኛ ተጽዕኖ እንደላቸዉ ስፔሻሊስቱ አብራርተዋል ።

ህፃናት በተለይም ማታ አከባቢ እነዚህን ጣፋጭ ምግቦች ሲመገቡ ከመጠን በላይ ንቁ በመሆን የእንቅልፍ እጥረት ያጋጥማቸዋል ። በእንቅልፍ እጥረት ምክንያት ደግሞ በማለዳው ለትምህርት ሲዘጋጁ እና በቀጣዩ ቀን በሚኖራቸው የዕለት ተዕለት እንቅስቃሴ ላይ አእምሮአቸው ትኩረት የመሰብሰብ አቅሙ እንደሚቀንስ ነዉ የተገለፀዉ ።

ከዚህም በተጨማሪ ህፃናቱ ለላልተፈለገ የሰውነት ክብደት መጨመር እና ለተለያዩ ተያያዥ የጤና ችግሮች እንደሚጋለጡ ዶክተር አብዱልአዚዝ አስገንዝበዋል ።በመሆኑም ወላጆች ለልጆቻቸው የሚሰጡትን የምግብ ዓይነት በመምረጥ ረገድ ጥንቃቄ ማድረግ እንደሚገባቸው እና ጤናማ የአመጋገብ ስርዓት እንዲከተሉ ማስተማር እንደሚያስፈልግ ተናግረዋል ።

በመባ ወርቅነህ
#ዳጉ_ጆርናል

ሽንት መጠጣት መድኃኒት ነው? አርቴፊሻል ኢንተለጀንስ (AI)ን ለሽንት ሕክምና ፕሮፓጋንዳ የሚጠቀሙት ሰዎች ቁጥር እየበዛ ነው ተባለ

አንዳንድ ጊዜ የሰዎች እምነት እና የማኅበራዊ ሚዲያ አዝማሚያዎች ከሳይንስ ጋር ሲጋጩ የምናየው እውነታ እጅግ አስገራሚ ይሆናል። በተለይም ሽንት የተለያዩ በሽታዎችን ማዳን ይችላል የሚለውን ሳይንሳዊ መሠረት የሌለው አሰራር (Urine Therapy) አጥብቀው የሚያምኑ ግለሰቦች፣ አሁን ደግሞ ሐሳባቸውን ለማጽናት ወደ አርቴፊሻል ኢንተለጀንስ (AI) ቻትቦቶች እየተመሙ ይገኛሉ።

የዚህ የግብይትና የእምነት ሂደት አካሄድም ቀለል ያለ አይደለም። ተጠቃሚዎች መጀመሪያ ላይ ቻትቦቶች ለእነዚህ የውሸት የጤና መረጃዎች ጠንካራ ተቃውሞ ያቀርቡባቸው እንደነበር ይገልጻሉ። ነገር ግን ጥያቄዎችን በ«ምሥጢራዊ እውቀት» (esoteric knowledge) መልክ በመቀረጽ ጥበቃዎቹን ማለፍ ችለዋል፤ በዚህም የተነሳ ቻትቦቶቹ ለሚያነሷቸው ሐሳቦች ድጋፍ የሚሰጡ ይዘቶችን እንዲያመነጩላቸው አድርገዋል።

ከአባላቱ መካከል አንዷ የጎግል ጀሚኒን እርዳታ በመጠቀም ለስድስት ዓመታት ያህል በቀን ማለት ይቻላል ሽንት እየጠጣች ቢሆንም ኩላሊቷና ኃሞቷ በጥሩ ሁኔታ ላይ እንደሚገኙ ማረጋገጫ እንዳገኘች አጋርታለች። ሌሎች ተጠቃሚዎች ደግሞ ሽንትን መጠጣትና በሽንት መታጠብን የሚያበረታቱ የፕሮፓጋንዳ ፖስተሮችን እና መመሪያዎችን ለማዘጋጀት አርቴፊሻል ኢንተለጀንስን (AI) ተጠቅመዋል ነው የተባለው።

የሕክምና ባለሙያዎች በበኩላቸው የሽንት ሕክምና ምንም ዓይነት የሕክምና መሠረት የሌለውና የተወሰኑ የሰውነት ጉዳቶችን ሊያባብስ እንደሚችል በ«Journal of Urology» ሪፖርት አረጋግጠዋል።

Seledadotio
Seledadotio

ኢትዮጵያ ከጄኔቫው የፈንጂ ማስወገድ ማዕከል ጋር የፈጸመችው ስምምነት የኢትዮጵያን ዲፕሎማሲያዊ ተሰሚነት እንደሚያጎለብት ተገለጸ

ኢትዮጵያ ከጄኔቫ ዓለም አቀፍ የሰብዓዊ ፈንጂ ማስወገድ ማዕከል ጋር የፈጸመችው ስምምነት በምሥራቅ አፍሪካ የዘርፉ ዋና ማዕከል እንድትሆን እና ዲፕሎማሲያዊ ተሰሚነቷን እንድታጎለብት እንደሚያግዛት ተገልጿል።

ስምምነቱ የፈንጂ ማስወገድ ሥራዎችን ለማጠናከር፣ የመረጃ አያያዝን ለማዘመንና የባለሙያዎችን አቅም ለማሳደግ ያስችላል ተብሏል።

የጂኦፖለቲካ እና ዓለም አቀፍ ጉዳዮች ተንታኝ ዶክተር ተሻለ ሰብሮ እንደገለጹት፣ ስምምነቱ ኢትዮጵያ በዘርፉ ያላትን ልምድ በማሳደግ ለሌሎች ሀገራት ሙያዊ ድጋፍ ለመስጠት ዕድል ይፈጥራል። በተለይም ጦርነት በተካሄደባቸው የአፍሪካ ሀገራት ድጋፍ መስጠት በሰብዓዊ ሥራዎች ያላትን ተሳትፎና ዓለም አቀፍ ተሰሚነት ያጠናክራል።

ፖለቲከኛ እና መምህር ዶክተር ጌትዬ ትርፌ በበኩላቸው፣ ከማዕከሉ ጋር የሚደረገው ትብብር የሀገሪቱን የሙያ፣ የልምድ እና የቴክኖሎጂ አቅም ለማሳደግ ወሳኝ መሆኑን ተናግረዋል።

የኢትዮጵያ ባለሙያዎች እና ተቋማት ዘመናዊ ቴክኖሎጂ በመቅሰም አቅማቸውን እንደሚያጎለብቱም ጠቁመዋል።

ትብብሩ የሀገር ውስጥ የፈንጂ አደጋን ከመቀነስ ባለፈ፣ ኢትዮጵያ በአካባቢውና በዓለም አቀፍ ደረጃ ያላትን የዲፕሎማሲ ተሰሚነት ለማሳደግ የሚያግዝ መሆኑን ባለሙያዎቹ አብራርተዋል።

በአበረ ስሜነህ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

የአራቱ ሀገራት መሪዎች በቀይ ባህር ጉዳይ ከቀጣናው ሀገራት ውጭ ማንም አይመለከታቸውም አሉ፤ በዓባይ ወንዝ ላይ ደግሞ የግብፅን አቋም አንፀባረቁ!

ግብፅ፣ ኤርትራ እና ሱዳን በሰሜን ኢትዮጵያ ባለው ጦርነት እጃቸው አለበት በሚል ክስ ከቀረበባቸው በኋላ ሱዳንን ጨምረው ባካሄዱት ስብሰባ፤ የቀይ ባህር ጉዳይ የሚመለከተው ተዋሳኝ ሀገራትን እንጂ ሌሎችን አይደለም ሲሉ አቋም ያዙ፡፡ በስም አይጥቅሱ እንጂ ኢትዮጵያ የባህር በር ጥያቄን ከ2015 ዓ.ም ክረምት አንስቶ እያንጸባረቀች መሆኑ ይታወቃል፡፡

በግብጹ ፕሬዝዳንት አብዱል ፋታህ አል-ሲሲ አስተናጋጅነት፤ የኤርትራው ፕሬዝዳንት ኢሳያስ አፈወርቂ፣ የሶማሊያው ፕሬዝዳንት ሐሰን ሼኽ ሞሃሙድ እና የሱዳን ሉዓላዊ የሽግግር ምክር ቤት ሊቀመንበር ጄነራል አብዱል ፋታህ አል-ቡርሃን የተሳተፉበት አራትዮሽ የምክክር ጉባኤ ትናንትና መስከረም 24 ቀን 2019 ዓ.ም  በግብጿ አዲስ ከተማ ኤል አላሜይን ከተማ ተካሂዶ የጋራ አቋማቸውን ይፋ አድርገዋል።

መሪዎቹ በጋራ ያወጡት መግለጫ፤ የኤል-አላሜይን ስምምነት  በቀጣናዊና ወቅታዊ ጉዳዮች፣ በፖለቲካዊ፣ በንግድ እና በኢኮኖሚ ትብብር እንዲሁም በአካባቢያዊ መረጋጋት ዙሪያ ላይ ያተኮረ መሆኑን ያመላክታል።

መሪዎቹ ኢትዮጵያ በተደጋጋሚ በምታነሳው የቀይ ባህር ጉዳይ ላይ ሰፊ ወይይት አድርገዋል።

በቀይ ባህር ላይ የካርጎና መርከቦች የነፃ ዝውውር መብት መከበር እንዳለበት መሪዎቹ ያረጋገጡ ሲሆን፣ የቀይ ባህር አስተዳደር እና ቁጥጥር ብቸኛ ኃላፊነትና መብት ቀይ ባህር ዳርቻ ላይ ያሉ ሀገራት ብቻ እንደሆነ ገልጸዋል።

የዓባይ ወንዝን ጨምሮ ድንበር ተሻጋሪ ወንዞችን የሚገዙ ዓለም አቀፍ ህጎች መከበር እንዳለባቸው የጠቀሰው የመሪዎቹ መግለጫ፣ ጉዳት የሚመጣ መሆን እንደለሌበት ጠቅሰው በቅድሚያ  ማስታወ፣ በምክክርና በስምምነት መስራት አስፈላጊ ነው ሲሉ አሳስበዋል።

አክለውም፤ የታችኛውን የዓባይ ተፋሰስ ሀገራት የውሃ ጥቅም የሚጎዱ ማንኛቸውንም በአንድ ወገን ብቻ የሚወሰዱ እርምጃዎች  በጽኑ እንደሚቃወሙ አስታውቀዋል። ግብፅ፤ ኢትዮጵያን የተናጠል እርምጃ እየወሰደች መሆኗን ስትገልጽ መቆየቷ የሚታወስ ሲሆን ይህ የጋራ መግለጫቸውም የተለመደውን የግብፅን አቋም ያንፀባረቀ ነው።

በሌላ በኩል ደግም የሶማሊያ የግዛት አንድነትና ሉዓላዊነት ሙሉ በሙሉ እንደሚደግፉ የገለፁት መሪዎቹ፣ የሶማሊያን ግዛታዊ አንድነት የሚሸረሽሩ ማንኛቸውንም ጣልቃ ገብነቶች፣ በተለይም ለሶማሊላንድ የሉዓላዊ ሀገርነት እውቅና የመስጠት ጥረቶችን ውድቅ ማድረጋቸውን አስታውቀዋል። በተጨማሪም ሶማሊያ ሽብርተኝነትን ለመዋጋት የምታደርገውን ጥረት በመደገፍ ለአፍሪካ ህብረት የማረጋጋት ተልእኮ (አውሶም) ዘላቂ በጀት እንዲመደብ ጥሪ አቅርበዋል።

በተጨማሪም ለሱዳን ሉዓላዊነት፣ አንድነት እና ህጋዊ ብሔራዊ ተቋማት አለን ያሉትን ድጋፍ እናረጋግጣለን ያሉ ሲሆን ከህጋዊ ተቋማት ውጪ ትይዩ አካላትን ማቋቋምም ሆነ የውጭ ቅጥረኛ ተዋጊዎችን ማሳተፍ ተቀባይነት እንደሌለው አሳስበዋል።አራቱ ሀገራት የጉባኤውን ውሳኔዎችና ስምምነቶች አፈጻጸም የሚከታተል እና በየጊዜው እየተሰበሰበ ቅንጅታቸውን የሚያጠናክር በጋራ የሚከታተል ቡድን ለማቋቋም ተስማምተዋል።

[Addis Maleda]
@YeneTube FikerAssefa

(ዘ-ሐበሻ ዜና) የግብፅ፣ የኤርትራ፣ የሶማሊያ እና የሱዳን መሪዎች በግብፇ ኤል-አላሜይን ከተማ ያልተጠበቀ የአራትዮሽ ጉባኤ አካሂደዋል። መሪዎቹ በቀጠናው እየተባባሰ ለመጣው ግጭት፣ በተለይም በሱዳን እና በሰሜን ኢትዮጵያ ለሚያገረሸው ጦርነት ሰላማዊ መፍትሄ እንዲፈለግ ጥሪ ቢያቀርቡም፤ ከስብሰባው በኋላ ያወጡት የጋራ መግለጫ ግን በቀጥታ የኢትዮጵያን ብሔራዊ የውጭ ፖሊሲዎች የሚሞግት ሆኖ ተገኝቷል።

የጋራ መግለጫው "የቀይ ባህር አስተዳደር የባህር ዳርቻ ሀገራት ብቻ መብት ነው" በማለት የኢትዮጵያን የባህር በር ፍላጎት በግልፅ ሲቃወም፤ በናይል ወንዝ ላይ "የአንድ-ወገን እርምጃ የታችኛውን ተፋሰስ ሀገራት ይጎዳል" በማለት የታላቁን ህዳሴ ግድብን አጀንዳ በድጋሚ ኮንኗል።
ይህ በእንዲህ እንዳለ፣ በሰሜን ኢትዮጵያ ጦርነቱ ዳግም አገርሽቶ የፌደራል መንግስት ኃይሎች የትግራይ ክልል ዋና ከተማ የሆነችውን መቀሌን ዳግም መቆጣጠራቸው ተዘግቧል። አዲስ አበባ ጎረቤቶቿን (ግብፅ፣ ሱዳን እና ኤርትራን) አማፂያንን በመደገፍ ብትከስምም፣ ሶስቱም ሀገራት ክሱን አስተባብለዋል። ይባስ ብሎ የኤርትራው የማስታወቂያ ሚኒስትር፣ "ኢትዮጵያ ኤርትራን ለማጥቃት የውሸት ሰበብ እየፈለገች ነው" ሲሉ በማህበራዊ ትስስር ገፃቸው ከባድ ክስ ሰንዝረዋል።

የፖለቲካ ተንታኞች ይህንን ክስተት ሲያብራሩ፣ ግብፅ የኢትዮጵያን ታሪካዊ ጎረቤቶች በአንድ በማሰባሰብ ጠንካራ የዲፕሎማሲያዊ እና የደህንነት ከበባ እየፈጠረች መሆኑን ያሳያል ይላሉ። ኢትዮጵያ በአንድ ጊዜ ከምስራቅ በሶማሊያ፣ ከምዕራብ በሱዳን፣ እና ከሰሜን በኤርትራ በኩል በከፍተኛ ጫና ውስጥ ወድቃለች። አዲስ አበባ የውስጥ ጦርነቷን በአጭሩ ቋጭታ ይህንን የተናበበ የውጭ ጥምረት መቋቋም ካልቻለች፣ የቀንድ አፍሪካ ጂኦ-ፖለቲካ ወደ ባሰ የደህንነት ስጋት ሊያመራ እንደሚችል ተገምቷል።
_____
🗣️ ውድ የዘ-ሐበሻ ቤተሰቦች... እናንተስ ምን ታስባላችሁ?
ይህ አዲሱ በግብፅ አቀናባሪነት የተመሰረተው የአራቱ ሀገራት ጥምረት በኢትዮጵያ ላይ ምን ዓይነት ተፅዕኖ ያመጣል? የውስጥ አንድነታችንንስ ለማስጠበቅ ምን መደረግ አለበት? ሀሳባችሁን ኮመንት ላይ አጋሩን!





(ዘ-ሐበሻ ዜና) የግብፅ፣ የኤርትራ፣ የሶማሊያ እና የሱዳን መሪዎች በግብፇ ኤል-አላሜይን ከተማ ያልተጠበቀ የአራትዮሽ ጉባኤ አካሂደዋል። መሪዎቹ በቀጠናው እየተባባሰ ለመጣው ግጭት፣ በተለይም በሱዳን እና በሰሜን ኢትዮጵያ ለሚያገረሸው ጦርነት ሰላማዊ መፍትሄ እንዲፈለግ ጥሪ ቢያቀርቡም፤ ከስብሰባው በኋላ ያወጡት የጋራ መግለጫ ግን በቀጥታ የኢትዮጵያን ብሔራዊ የውጭ ፖሊሲዎች የሚሞግት ሆኖ ተገኝቷል።

የጋራ መግለጫው "የቀይ ባህር አስተዳደር የባህር ዳርቻ ሀገራት ብቻ መብት ነው" በማለት የኢትዮጵያን የባህር በር ፍላጎት በግልፅ ሲቃወም፤ በናይል ወንዝ ላይ "የአንድ-ወገን እርምጃ የታችኛውን ተፋሰስ ሀገራት ይጎዳል" በማለት የታላቁን ህዳሴ ግድብን አጀንዳ በድጋሚ ኮንኗል።
ይህ በእንዲህ እንዳለ፣ በሰሜን ኢትዮጵያ ጦርነቱ ዳግም አገርሽቶ የፌደራል መንግስት ኃይሎች የትግራይ ክልል ዋና ከተማ የሆነችውን መቀሌን ዳግም መቆጣጠራቸው ተዘግቧል። አዲስ አበባ ጎረቤቶቿን (ግብፅ፣ ሱዳን እና ኤርትራን) አማፂያንን በመደገፍ ብትከስምም፣ ሶስቱም ሀገራት ክሱን አስተባብለዋል። ይባስ ብሎ የኤርትራው የማስታወቂያ ሚኒስትር፣ "ኢትዮጵያ ኤርትራን ለማጥቃት የውሸት ሰበብ እየፈለገች ነው" ሲሉ በማህበራዊ ትስስር ገፃቸው ከባድ ክስ ሰንዝረዋል።

የፖለቲካ ተንታኞች ይህንን ክስተት ሲያብራሩ፣ ግብፅ የኢትዮጵያን ታሪካዊ ጎረቤቶች በአንድ በማሰባሰብ ጠንካራ የዲፕሎማሲያዊ እና የደህንነት ከበባ እየፈጠረች መሆኑን ያሳያል ይላሉ። ኢትዮጵያ በአንድ ጊዜ ከምስራቅ በሶማሊያ፣ ከምዕራብ በሱዳን፣ እና ከሰሜን በኤርትራ በኩል በከፍተኛ ጫና ውስጥ ወድቃለች። አዲስ አበባ የውስጥ ጦርነቷን በአጭሩ ቋጭታ ይህንን የተናበበ የውጭ ጥምረት መቋቋም ካልቻለች፣ የቀንድ አፍሪካ ጂኦ-ፖለቲካ ወደ ባሰ የደህንነት ስጋት ሊያመራ እንደሚችል ተገምቷል።
_____
🗣️ ውድ የዘ-ሐበሻ ቤተሰቦች... እናንተስ ምን ታስባላችሁ?
ይህ አዲሱ በግብፅ አቀናባሪነት የተመሰረተው የአራቱ ሀገራት ጥምረት በኢትዮጵያ ላይ ምን ዓይነት ተፅዕኖ ያመጣል? የውስጥ አንድነታችንንስ ለማስጠበቅ ምን መደረግ አለበት? ሀሳባችሁን ኮመንት ላይ አጋሩን!

ህሩይ የፋሽንና የውበት ማሰልጠኛ ት/ቤት 140 ተማሪዎችን አስመረቀ
#ethiopia | በእንጅባራ ከተማ የሚገኘው ህሩይ የፋሽንና የውበት ማሰልጠኛ ት/ቤት በ5ኛ ዙር ያሰለጠናቸውን 140 ተማሪዎች በድምቀት አስመርቋል።

በምረቃ ሥነ-ሥርዓቱ የአዊ ብሔረሰብ አስተዳደር ሥራና ክህሎት ም/መምሪያ ኃላፊ ስንታየሁ መንግስቱ፣ ተቋሙ በከተማዋ የሚገኙ ወጣቶች በጋርመንት ቴክኖሎጂ ዘርፍ የሥራ ዕድል ተጠቃሚ እንዲሆኑ የበኩሉን ድርሻ እየተወጣ መሆኑን ገልጸዋል።

የፋሽንና የጋርመንት ዘርፍ በቀጣይነት አዳዲስ እሳቤዎችንና የላቀ ክህሎትን የሚጠይቅ በመሆኑ፣ ተመራቂዎቹ በሰለጠኑበት ሙያ ብቻ ሳይወሰኑ በቀጣይም እውቀታቸውንና ክህሎታቸውን ማሳደግ እንደሚጠበቅባቸው አስገንዝበዋል።

ዘርፉ የፈጠራ ክህሎትን የሚጠይቅ መሆኑን ያነሱት ኃላፊው፣ ወጣቶች በጋርመንት ቴክኖሎጂ በስፋት በመሰማራት የሥራ ዕድል ፈጥረው ተጠቃሚ እንዲሆኑ ጠይቀዋል። በተጨማሪም ሥራቸውን የማኅበረሰቡን ወግና ባህል በጠበቀ መልኩ እንዲያከናውኑ ለተመራቂዎቹ የሥራ መመሪያ ሰጥተዋል።

የህሩይ የፋሽንና የውበት ማሰልጠኛ ት/ቤት መስራችና ሥራ አስኪያጅ ወጣት ህሩይ አምደወርቅ በበኩሉ፣ ት/ቤቱ በፋሽንና በውበት ዘርፍ ለወጣቶች የሥራ ዕድል በመፍጠር የበኩሉን ድርሻ እየተወጣ ያለ ተቋም መሆኑን ተናግሯል።

በተለይም እየተነቃቃ የመጣውን የባህል አልባሳት በማዘመንና ከዘመኑ ፋሽን ጋር በማጣጣም ወጣቶችን የሙያ ባለቤት ማድረግ የት/ቤቱ ዋና ዓላማ መሆኑን ገልጿል።

ህሩይ የፋሽንና የውበት ማሰልጠኛ ት/ቤት በ5ኛ ዙር የገበያውን ፍላጎት ያሟላሉ ብሎ ያመናቸውን 140 ተማሪዎች አሰልጥኖ ማስመረቁንም ገልጿል።

ወጣት ህሩይ እንደገለጸው፣ የፋሽንና የጋርመንት ዘርፍ በአነስተኛ ወጪ የሥራ ዕድል ለመፍጠር ሰፊ አቅም ያለው ዘርፍ ነው። ይህም ሀገሪቱ የያዘችውን የዕድገት ጎዳና ለማፋጠን ጉልህ ሚና እንደሚኖረው ጠቁሟል።

ዘርፉ አሁንም በሀገር ውስጥ በሙሉ አቅሙ ያልተለማ መሆኑን የገለጸው ወጣት ህሩይ፣ ከውጭ የሚገቡ አልባሳትን በሀገር ውስጥ ምርት ለመተካት እየተደረገ ላለው ጥረት ተቋሙ የበኩሉን ድርሻ ለመወጣት ትኩረት ሰጥቶ እየሰራ መሆኑን አመላክቷል።

በምረቃ ሥነ-ሥርዓቱ የ5ኛ ዙር ሰልጣኝ ተመራቂዎች በሰሯቸው የሙያ ሥራዎች ተወዳድረው ለውጤታማ ተማሪዎች ሜዳሊያዎችና ሽልማቶች ተበርክተዋል።

ከተመራቂዎቹ መካከል 13 ዓመቷ ታዳጊ ፀደኒያ ታደለ ከመደበኛ ትምህርቷ ጎን ለጎን የሙያ ባለቤት ለመሆን በማሰብ ስልጠናውን በስኬት አጠናቃ ተመርቃለች።

ታዳጊዋ በምረቃው ዕለት በራሷ የሰራችውን የሙያ ሥራ ይዛ በውድድሩ ተሳትፋ አንደኛ ደረጃን በማስመዝገብ የወርቅ ሜዳሊያ ተሸላሚ ሆናለች።

ይህም የወጣቶችና የታዳጊዎች የሙያ ትምህርት ከመደበኛ ትምህርት ጋር ተጣምሮ ለቀጣይ ሕይወታቸው ጠቃሚ ክህሎት እንዲያገኙ የሚያስችል መሆኑን ያሳያል።

የኦሮሚያ ጤና ቢሮ የደም እጥረትን ለማቃለል በሆስፒታሎች "ሚኒ ደም ባንክ" ለማቋቋም ማቀዱን አስታወቀ

የኦሮሚያ ክልል ጤና ቢሮ በሆስፒታሎች የሚያጋጥመውን የደም እጥረት ችግር ለመፍታት በክልሉ ከሚገኙ 17 የደም ባንኮች በተጨማሪ በሆስፒታሎች ደረጃ አነስተኛ የደም ባንክ ወይም "ሚኒ ደም ባንክ" ለማቋቋም ማቀዱን አስታውቋል።

አዲሱ አሠራር ሆስፒታሎች የራሳቸውን ደም በራሳቸው እንዲሰበስቡና እንዲያከማቹ እንዲሁም ደም እና የደም ተዋጽኦዎችን ለሚያስፈልጋቸው ለመስጠት የሚያስችል ነው።

የክልሉ ጤና ቢሮ ምክትል ቢሮ ኃላፊ አቶ ደረጀ አብደና ለአሐዱ ሬድዮ እንደገለጹት፤ አሠራሩ በበጀት ዓመቱ አዳዲስ የደም ባንኮችን ከማቋቋም ጎን ለጎን በሆስፒታሎች የሚኒ ደም ባንክ አገልግሎትን ለማስፋፋት ያለመ ነው።

በተለይም የፀጥታ ችግር ባለባቸው አካባቢዎች የሚገኙ ሆስፒታሎች የራሳቸው የደም ባንክ እንዲኖራቸው ይደረጋል ተብሏል።

አገልግሎቱ በአሁኑ ወቅት ከፍተኛ የወሊድ ሕክምና በሚሰጡ ሆስፒታሎች ላይ የተጀመረ ሲሆን፤ በተያዘው የበጀት ዓመት በሁሉም አካባቢዎች በሚገኙ ሆስፒታሎች ለማስፋት ቅድመ ዝግጅት ተደርጓል።

በክልሉ የማኅበረሰቡ የደም ልገሳ ባህል ከጊዜ ወደ ጊዜ እየተሻሻለ መምጣቱን አቶ ደረጀ ተናግረዋል። ደም መለገስ ላይ የነበሩ የአመለካከት ችግሮችም መፈታታቸውን ገልጸዋል።

በክልሉ ከዓመት ዓመት የሚሰበሰበው የደም መጠን እየጨመረ የመጣ ሲሆን፤ ከተጽዕኖ ፈጣሪዎች፣ ከሃይማኖት አባቶች እና አባቶች ገዳዎች ጋር በተሠራ ሥራ የማኅበረሰቡን አመለካከት መለወጥ ተችሏል ተብሏል።

በህይወቴ ጌትነት

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

''የአንበሳ ጭራ ከመሆን የውሻ ጭንቅላት መሆን ይሻላል''

*የአእምሮ ጤና ዘገባዎች ጥንቃቄ እንዲደረግባቸው ለባለሙያዎች ስልጠና የተሰጠ ሲሆን ለመድኃኒት እጥረት መፍትሔ እንዲበጅ ተጠይቋል
#ethiopia | አዕምሮ ሁለተናችንን የሚያዝ ዋና ነገር ሆኖ ሲያበቃ ነገሬ ያላንለው የሰውነታችን ክፍል ነው።ታዲያ እንደማንኛውም የሰውነታችን ክፍል ይታመማል ከታከመም ይድናል።

በሀገራችን ኢትዮጵያ በሚዲያ አውታሮች በአዕምሮ ጤና ላይ የሚሰሩ ዘገባዎችን ለማሻሻል ያለመ የኢትዮጵያ የአዕምሮ ህክምና ማህበር ከአምሬፍ ሄልዝ አፍሪካ እና ከስፓኒሽ ኮርፖሬሽን ጋር በመተባበር ስልጠና ተሰጥቷል።

የማህበሩ አባልና የአዕምሮ ህክምና ስፔሻሊስት ዶክተር እስጢፋኖስ እንደገለጹት የስልጠናው ዋና ዓላማ የሚዲያ ባለሙያዎች በአእምሮ ጤና ላይ በቂ ግንዛቤ እንዲይዙና ዘገባዎችን በሚሰሩበት ጊዜ ሊከተሏቸው የሚገቡ የሙያ ስነ-ምግባሮችን ለማሳወቅ ነው።

በተለይም ራስን ማጥፋትን የመሳሰሉ ጉዳዮች ሲዘገቡ ሌሎች ሰዎችን ወደ ተመሳሳይ ድርጊት በማይገፋፋ ጥንቃቄ በተሞላበት መልኩ መሆን እንደሚገባው የገለጹት ዶክተር እስጢፋኖስ በማህበራዊም ሆነ በሌሎች ሚዲያዎች የሚተላለፉ ይዘቶች ችግሩን ከማባባስ ይልቅ በመፍትሔ፣ በመከላከል እና ተስፋ በመስጠት ላይ ትኩረት ሊያደርጉ እንደሚገባ አሳስበዋል።

በአሁኑ ወቅት በኢትዮጵያ ከ120 ሚሊዮን በላይ ለሚሆነው ህዝብ አገልግሎት የሚሰጡት ከ200 ገደማ የሳይካትሪስት ባለሙያዎች ብቻ በመሆናቸው በዘርፉ ከፍተኛ የባለሙያ እጥረት መኖሩ ተጠቅሷል።

ከዚህ በተጨማሪም ለህክምናው አስፈላጊ የሆኑ የመድኃኒቶች እጥረት ያለ ሲሆን፣ በተለይም ለ'ባይፖላር' ህመምተኞች እጅግ አስፈላጊ የሆነው 'ሊቲየም' የተባለው መድኃኒት በገበያ ላይ በመጥፋቱ ምክንያት ታካሚዎች ለከፍተኛ ችግር መዳረጋቸው ተገልጻል።

በመሆኑም የኢትዮጵያ መድኃኒት አቅራቢ አገልግሎት (EPSS) እና የሚመለከታቸው አካላት ለመድኃኒት አቅርቦት ችግሩ አስቸኳይ መፍትሔ እንዲሰጡ ማህበሩ ጥሪ አቅርቧል።

በተያያዘ ዜና፣ የዘንድሮው የዓለም የአእምሮ ጤና ቀን በዓለም አቀፍ ደረጃ ኦክቶበር 10፣ በሀገራችን ደግሞ መስከረም 30 ቀን በኤካ ኮተቤ ሆስፒታል በብሔራዊ ደረጃ ይከበራል።

የዘንድሮው በዓል የአእምሮ ህመም አጋጥሟቸው ያለፉ ሰዎችን እውነተኛ ድምጽ እና ተሞክሮ በማዳመጥ ላይ ትኩረቱን ያደረገ ሲሆን፣ በዕለቱም ከህመሙ ያገገሙ ሰዎች ተሞክሯቸውን የሚያካፍሉበት፣ የምርምር ውጤቶች፣ የፓናል ውይይቶች እና ዘጋቢ ፊልሞች ለታዳሚው የሚቀርቡበት ፕሮግራም መዘጋጀቱ ተገልጾል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

የማቲዎስ ወንዱ ፋውንዴሽን መስራችና ዋና ሥራ አስፈፃሚ አቶ ወንዱ በቀለ ከዚህ ዓለም በሞት ተለዩ

የማቲዎስ ወንዱ-የኢትዮጵያ ካንሰር ማህበር (የማቲዎስ ወንዱ ፋውንዴሽን) መስራች እና ዋና ሥራ አስፈፃሚ የሆኑት አቶ ወንዱ በቀለ ባደረባቸው ህመም ምክንያት በህክምና ሲረዱ ቆይተው ዛሬ መስከረም 24 ቀን 2019 ዓ.ም ረፋድ ከዚህ ዓለም ተለይተዋል።

አቶ ወንዱ ወጣቱን ልጃቸውን ማቲዎስን በካንሰር በሽታ ካጡ በኋላ፣ ያጋጠማቸውን የግል ሃዘን ወደ ህይወት ዘመን አገር አቀፍ ተልዕኮ በመቀየር በኢትዮጵያ የካንሰር ህሙማን እንክብካቤ፣ ግንዛቤ ማስጨበጫ እና የህዝብ ጤና ፖሊሲ ተሟጋችነት ዘርፍ ታላቅ አሻራ ያኖሩ አንጋፋ ሰው ነበሩ።

በፋውንዴሽኑ ስር በመሆን በሺዎች የሚቆጠሩ የካንሰር ህሙማንን (በተለይ ሴቶችን እና ህፃናትን) የህክምና፣ የስነ-ልቦና እና የማህበራዊ ድጋፍ እንዲያገኙ አድርገዋል።

ህብረተሰቡ ስለ ካንሰር ያለው ግንዛቤ እንዲለወጥ እና በበሽታው ዙሪያ የነበረውን ስጋትና ማህበራዊ ጫና ለመቀነስ ሰፊ አገር አቀፍ ንቅናቄዎችን መርተዋል።

ከካንሰር እንክብካቤ ባለፈ በሀገሪቱ የህዝብ ጤና ፖሊሲዎች በተለይም የትንባኦ ቁጥጥር ስራዎች እና የህግ ማዕቀፎች እንዲጠናከሩ ግንባር ቀደም ሚና ተጫውተዋል።

#ዳጉ_ጆርናል

ሀገራዊ ምክክር ኮሚሽን ሕገ-መንግስታዊ ማሻሻያን ጨምሮ 81 መሰረታዊ ምክረ ሐሳቦችን ለመንግስት አስረከበ

የኢትዮጵያ ሀገራዊ ምክክር ኮሚሽን ሕገ-መንግስታዊ ማሻሻያ እና አዲስ ፖሊሲ የሚፈልጉ 81 መሰረታዊ ምክረ ሐሳቦችን ለመንግስት ማስረከቡን አስታውቋል።

ኮሚሽኑ በአጠቃላይ 394 ምክረ ሐሳቦችን አዘጋጅቶ ማስረከቡን የኮሚሽኑ ዋና ኮሚሽነር ፕሮፌሰር መስፍን አርአያ ገልጸዋል።

የኮሚሽኑ ዋና ኮሚሽነር ፕሮፌሰር መስፍን አጀንዳዎቹን ለክልል ርዕሰ መስተዳደሮች እንዲሁም ለአዲስ አበባ እና ድሬዳዋ ከተማ አስተዳደር ከንቲባዎች አስረክበዋል።

የትግራይ ክልልን አጀንዳ የፌደሬሽን ምክር ቤት አፈ ጉባኤ አቶ አገኘው ተሻገር በይፋ ተረክበዋል። የፌደራል መንግስትን የተመለከተውን አጀንዳ ከምክረ ሐሳብ ጋር የሕዝብ ተወካዮች ምክር ቤት አፈ ጉባኤ አቶ ታገሰ ጫፎ ተረክበዋል።

ፕሮፌሰር መስፍን የቀረቡት ምክረ ሐሳቦች ወደ ተግባር እንዲገቡ አሳስበዋል። ዋና ኮሚሽነሩ በኮሚሽኑ ማቋቋሚያ አዋጅ ቁጥር 1265/2014 መሰረት ትግበራዊ ክትትል እንደሚያስፈልገው ጠቁመዋል።

በተለይም አዲስ የሚቋቋመው መንግስት በዚህ ላይ ውሳኔ እንዲሰጥ ጠይቀዋል።

ኮሚሽኑ በአዋጅ የተሰጠው የሦስት ዓመት የሥራ ዘመን የነበረ ቢሆንም በሕዝብ ተወካዮች ምክር ቤት የሥራ ጊዜው ሁለት ጊዜ ተራዝሞለታል። በዚሁ መሰረት በየካቲት 2017 ዓ.ም ለአንድ ዓመት እንዲሁም በየካቲት 2018 ዓ.ም ለተጨማሪ ስምንት ወራት መራዘሙ ይታወሳል። የኮሚሽኑ የተራዘመ የሥራ ዘመን በያዝነው የ2019 ዓ.ም. ጥቅምት ወር በይፋ ያበቃል።

አሐዱ_ሬዲዮ

(ዘ-ሐበሻ ዜና) በኢትዮጵያ እና ኤርትራ መካከል ከቅርብ ቀናት ወዲህ እያደገ የመጣው የጦርነት ነጋሪት እና የድንበር ላይ ውጥረት አሜሪካን ከፍተኛ ስጋት ውስጥ ጥሏታል። የአሜሪካ የውጭ ጉዳይ ሚኒስቴር ባወጣው ይፋዊ መግለጫ፣ የአፍሪካ ቀንድ ሌላ ጦርነት እና የሰብዓዊ ቀውስ መሸከም እንደማይችል በማስገንዘብ ሁለቱ ሀገራት ከከፋ ግጭት ራሳቸውን እንዲቆጥቡ እና ወደ 2018ቱ የሰላም ስምምነት ማዕቀፍ እንዲመለሱ ጥሪ አቅርቧል።

የአሜሪካ የውጭ ጉዳይ ሚኒስቴር ቃል አቀባይ ቶማስ (ቶሚ) ፒጎት ባወጡት የፕሬስ መግለጫ፣ በኢትዮጵያ እና በኤርትራ መካከል እያደገ የመጣው ድንበር ተሻጋሪ ውጥረት አጠቃላይ ቀጠናውን ሊያዳርስ እና ሊያተራምስ የሚችል አቅም እንዳለው አስጠንቅቀዋል። ቃል አቀባዩ በመግለጫቸው የአፍሪካ ቀንድ ተጨማሪ ወታደራዊ ግጭት እና የሰብአዊ ቀውስን የመቋቋም አቅም እንደሌለው አፅንኦት ሰጥተዋል። አክለውም ይህ አዲስ ሊፈጠር የሚችል ግጭት፣ አሜሪካ ከሁለቱም ሀገራት ጋር በጋራ ጥቅሞች ዙሪያ እያደረገች ያለውን ትብብር አደጋ ላይ የሚጥል መሆኑን አሳስበዋል።

የአሜሪካ መንግስት ሁለቱም ሀገራት የጎረቤቶቻቸውን ሉዓላዊነት እና የግዛት አንድነት እንዲያከብሩ፣ እንዲሁም ከፍተኛ የሆነ የራስን የመግዛት እርምጃ እንዲወስዱ አጥብቆ ጠይቋል። ከዚህ በተጨማሪም አዲስ አበባ እና አስመራ በ2018ቱ የሰላም ማዕቀፍ በተስማሙት መሰረት ወደ ንግግር እና ትብብር እንዲመለሱ ጥሪ ቀርቧል። አሜሪካ በውይይት የሚገኝ ሰላም ለዘላቂ ደህንነት፣ ለኢኮኖሚ ዕድገት እና ለብልጽግና ብቸኛው መንገድ መሆኑን በመግለጫዋ አስታውቃለች።

ይህ የአሜሪካ መግለጫ የወጣው የኢትዮጵያ መንግስት ከፍተኛ ባለስልጣናት በኤርትራ ላይ የከረረ ዛቻ ባሰሙበት እና የኤርትራ ጦር በበኩሉ በድንበር አካባቢ ግስጋሴ እያደረገ ነው በሚባልበት እጅግ ወሳኝ ወቅት ነው። የአሜሪካ "የሉዓላዊነት እና የግዛት አንድነት ይከበር" የሚለው መልዕክት ለሁለቱም ሀገራት የተሰጠ ቀጥተኛ ማስጠንቀቂያ ሲሆን፣ በተለይም ግጭቱ ወደ አጠቃላይ የቀጠናው ጦርነት እንዳያመራ ያላትን ከፍተኛ ስጋት ያሳያል። የ2018ቱን የሰላም ስምምነት ማንሳት፣ ሁለቱ ሀገራት የትላንት ወዳጅነታቸውን አስታውሰው አፈሙዝ ከማዞር ወደ ዲፕሎማሲያዊ ጠረጴዛ እንዲመለሱ የተደረገ የዲፕሎማሲ ግፊት ነው።
______
🗣️ የዘ-ሐበሻ የመወያያ ጥያቄ፦ የዓለም አቀፉ ማህበረሰብ እና የአሜሪካ ግፊት የኢትዮጵያ እና ኤርትራን ውጥረት አብርዶ ወደ ድርድር ጠረጴዛ ያመጣቸዋል ብላችሁ ታምናላችሁ?







(ዘ-ሐበሻ ዜና) በኢትዮጵያ እና ኤርትራ መካከል ከቅርብ ቀናት ወዲህ እያደገ የመጣው የጦርነት ነጋሪት እና የድንበር ላይ ውጥረት አሜሪካን ከፍተኛ ስጋት ውስጥ ጥሏታል። የአሜሪካ የውጭ ጉዳይ ሚኒስቴር ባወጣው ይፋዊ መግለጫ፣ የአፍሪካ ቀንድ ሌላ ጦርነት እና የሰብዓዊ ቀውስ መሸከም እንደማይችል በማስገንዘብ ሁለቱ ሀገራት ከከፋ ግጭት ራሳቸውን እንዲቆጥቡ እና ወደ 2018ቱ የሰላም ስምምነት ማዕቀፍ እንዲመለሱ ጥሪ አቅርቧል።

የአሜሪካ የውጭ ጉዳይ ሚኒስቴር ቃል አቀባይ ቶማስ (ቶሚ) ፒጎት ባወጡት የፕሬስ መግለጫ፣ በኢትዮጵያ እና በኤርትራ መካከል እያደገ የመጣው ድንበር ተሻጋሪ ውጥረት አጠቃላይ ቀጠናውን ሊያዳርስ እና ሊያተራምስ የሚችል አቅም እንዳለው አስጠንቅቀዋል። ቃል አቀባዩ በመግለጫቸው የአፍሪካ ቀንድ ተጨማሪ ወታደራዊ ግጭት እና የሰብአዊ ቀውስን የመቋቋም አቅም እንደሌለው አፅንኦት ሰጥተዋል። አክለውም ይህ አዲስ ሊፈጠር የሚችል ግጭት፣ አሜሪካ ከሁለቱም ሀገራት ጋር በጋራ ጥቅሞች ዙሪያ እያደረገች ያለውን ትብብር አደጋ ላይ የሚጥል መሆኑን አሳስበዋል።

የአሜሪካ መንግስት ሁለቱም ሀገራት የጎረቤቶቻቸውን ሉዓላዊነት እና የግዛት አንድነት እንዲያከብሩ፣ እንዲሁም ከፍተኛ የሆነ የራስን የመግዛት እርምጃ እንዲወስዱ አጥብቆ ጠይቋል። ከዚህ በተጨማሪም አዲስ አበባ እና አስመራ በ2018ቱ የሰላም ማዕቀፍ በተስማሙት መሰረት ወደ ንግግር እና ትብብር እንዲመለሱ ጥሪ ቀርቧል። አሜሪካ በውይይት የሚገኝ ሰላም ለዘላቂ ደህንነት፣ ለኢኮኖሚ ዕድገት እና ለብልጽግና ብቸኛው መንገድ መሆኑን በመግለጫዋ አስታውቃለች።

ይህ የአሜሪካ መግለጫ የወጣው የኢትዮጵያ መንግስት ከፍተኛ ባለስልጣናት በኤርትራ ላይ የከረረ ዛቻ ባሰሙበት እና የኤርትራ ጦር በበኩሉ በድንበር አካባቢ ግስጋሴ እያደረገ ነው በሚባልበት እጅግ ወሳኝ ወቅት ነው። የአሜሪካ "የሉዓላዊነት እና የግዛት አንድነት ይከበር" የሚለው መልዕክት ለሁለቱም ሀገራት የተሰጠ ቀጥተኛ ማስጠንቀቂያ ሲሆን፣ በተለይም ግጭቱ ወደ አጠቃላይ የቀጠናው ጦርነት እንዳያመራ ያላትን ከፍተኛ ስጋት ያሳያል። የ2018ቱን የሰላም ስምምነት ማንሳት፣ ሁለቱ ሀገራት የትላንት ወዳጅነታቸውን አስታውሰው አፈሙዝ ከማዞር ወደ ዲፕሎማሲያዊ ጠረጴዛ እንዲመለሱ የተደረገ የዲፕሎማሲ ግፊት ነው።
______
🗣️ የዘ-ሐበሻ የመወያያ ጥያቄ፦ የዓለም አቀፉ ማህበረሰብ እና የአሜሪካ ግፊት የኢትዮጵያ እና ኤርትራን ውጥረት አብርዶ ወደ ድርድር ጠረጴዛ ያመጣቸዋል ብላችሁ ታምናላችሁ?

(ዘ-ሐበሻ ዜና) የፌደራል መንግስት መቀሌን መቆጣጠሩን ተከትሎ የትግራይ ኃይሎች ወደ ኤርትራ ድንበር እያፈገፈጉ መሆናቸውንና ይህም ጦርነቱን ወደ አዲስ እና አደገኛ የቀጥታ የኢትዮ-ኤርትራ ግጭት ሊያሸጋግረው እንደሚችል አቶ ጃዋር መሐመድ ባወጡት አዲስ የፖለቲካ ትንታኔ አስጠነቀቁ።

አቶ ጃዋር ባወጡት ሰፊ ትንታኔ እንዳብራሩት የህወሓት አመራሮች እና የዕዝ ሰንሰለቱ ከመደበኛ የከተማ ውጊያ ወደ ተንቀሳቃሽ (ደፈጣ) ውጊያ ለመሸጋገር በማሰብ ወደ ኤርትራ ድንበር አካባቢ ማፈግፈጋቸውን ጠቁመዋል። ይህ የህወሓት እንቅስቃሴ በአዲስ አበባ እና በአስመራ መካከል ያለው ዲፕሎማሲያዊ ግንኙነት ሙሉ በሙሉ በተቋረጠበት በአሁኑ ወቅት የሁለቱን አገራት መሪዎች ከባድ የፖለቲካ እና ወታደራዊ ፈተና ውስጥ እንደከተታቸው ትንታኔው ያብራራል።

በጥናቱ መሰረት የኤርትራው ፕሬዚዳንት ኢሳያስ አፈወርቂ ሁለት የተጣረሱ ምርጫዎች ተደቅነውባቸዋል። አንደኛው የህወሓት ኃይሎች ወደ ግዛታቸው ገብተው እንዲደራጁ መፍቀድ ሲሆን፣ ይህ እርምጃ በኢትዮጵያ መንግስት ላይ የሚፈልጉትን የተኪ ጦርነት (Proxy war) ግፊት ለማስቀጠል ይረዳቸዋል። ይሁን እንጂ ይህን ማድረጋቸው፣ ጠቅላይ ሚኒስትር አብይ አህመድ ድንበር ጥሰው ወደ ኤርትራ እንዲገቡ ህጋዊ እና የደህንነት ሽፋን ሊሰጣቸው ስለሚችል አስመራን በቀጥታ ወደ ጦርነት ያስገባታል።

በተመሳሳይ የኢትዮጵያ መንግስትም ከባድ የውሳኔ ማዕበል ውስጥ እንደሚገኝ አቶ ጃዋር ጠቁመዋል። የፌደራል መንግስቱ የህወሓት ኃይሎች ጊዜ አግኝተው ዳግም እንዳይደራጁ ድንበር ጥሶ ፈጣን እርምጃ መውሰድን ከመረጠ፣ ከኤርትራ መደበኛ ጦር ጋር በቀጥታ ጦርነት ውስጥ ከመግባቱም በላይ ዓለም አቀፉን ማህበረሰብ ሊያስቆጣ ይችላል።

በአንፃሩ እርምጃ ሳይወስድ መጠበቁ፣ ህወሓት ጊዜ አግኝቶ ከውጭ አጋሮቹ (በተለይም በድንበር እና በጂኦ-ፖለቲካ ውዝግብ ውስጥ ካሉት ሱዳን እና ግብፅ) ጋር በመቀናጀት ይበልጥ አደገኛ ሀይል ሆኖ እንዲወጣ እድል ሊሰጠው እንደሚችል ተንትነዋል።

ሲያጠቃልልም አቶ ጃዋር የኢትዮጵያ መከላከያ ሰራዊት ተጨማሪ ክፍለ ጦሮችን እና ተንቀሳቃሽ ድልድዮችን ወደ ሰሜን ዕዝ እያንቀሳቀሰ መሆኑን ጠቁመው፤ አስቸኳይ ዲፕሎማሲያዊ መፍትሄ ተፈልጎ ጠቅላይ ሚኒስትር አብይ እና ፕሬዚዳንት ኢሳያስ ወደ ድርድር ጠረጴዛ ካልመጡ በቀር፣ ግጭቱ የትግራይን ድንበር አልፎ ወደ ኤርትራ ግዛት የሚሸጋገርበት እጅግ አደገኛ ምዕራፍ ላይ መድረሱን አጽንኦት ሰጥተዋል።







(ዘ-ሐበሻ ዜና) የፌደራል መንግስት መቀሌን መቆጣጠሩን ተከትሎ የትግራይ ኃይሎች ወደ ኤርትራ ድንበር እያፈገፈጉ መሆናቸውንና ይህም ጦርነቱን ወደ አዲስ እና አደገኛ የቀጥታ የኢትዮ-ኤርትራ ግጭት ሊያሸጋግረው እንደሚችል አቶ ጃዋር መሐመድ ባወጡት አዲስ የፖለቲካ ትንታኔ አስጠነቀቁ።

አቶ ጃዋር ባወጡት ሰፊ ትንታኔ እንዳብራሩት የህወሓት አመራሮች እና የዕዝ ሰንሰለቱ ከመደበኛ የከተማ ውጊያ ወደ ተንቀሳቃሽ (ደፈጣ) ውጊያ ለመሸጋገር በማሰብ ወደ ኤርትራ ድንበር አካባቢ ማፈግፈጋቸውን ጠቁመዋል። ይህ የህወሓት እንቅስቃሴ በአዲስ አበባ እና በአስመራ መካከል ያለው ዲፕሎማሲያዊ ግንኙነት ሙሉ በሙሉ በተቋረጠበት በአሁኑ ወቅት የሁለቱን አገራት መሪዎች ከባድ የፖለቲካ እና ወታደራዊ ፈተና ውስጥ እንደከተታቸው ትንታኔው ያብራራል።

በጥናቱ መሰረት የኤርትራው ፕሬዚዳንት ኢሳያስ አፈወርቂ ሁለት የተጣረሱ ምርጫዎች ተደቅነውባቸዋል። አንደኛው የህወሓት ኃይሎች ወደ ግዛታቸው ገብተው እንዲደራጁ መፍቀድ ሲሆን፣ ይህ እርምጃ በኢትዮጵያ መንግስት ላይ የሚፈልጉትን የተኪ ጦርነት (Proxy war) ግፊት ለማስቀጠል ይረዳቸዋል። ይሁን እንጂ ይህን ማድረጋቸው፣ ጠቅላይ ሚኒስትር አብይ አህመድ ድንበር ጥሰው ወደ ኤርትራ እንዲገቡ ህጋዊ እና የደህንነት ሽፋን ሊሰጣቸው ስለሚችል አስመራን በቀጥታ ወደ ጦርነት ያስገባታል።

በተመሳሳይ የኢትዮጵያ መንግስትም ከባድ የውሳኔ ማዕበል ውስጥ እንደሚገኝ አቶ ጃዋር ጠቁመዋል። የፌደራል መንግስቱ የህወሓት ኃይሎች ጊዜ አግኝተው ዳግም እንዳይደራጁ ድንበር ጥሶ ፈጣን እርምጃ መውሰድን ከመረጠ፣ ከኤርትራ መደበኛ ጦር ጋር በቀጥታ ጦርነት ውስጥ ከመግባቱም በላይ ዓለም አቀፉን ማህበረሰብ ሊያስቆጣ ይችላል።

በአንፃሩ እርምጃ ሳይወስድ መጠበቁ፣ ህወሓት ጊዜ አግኝቶ ከውጭ አጋሮቹ (በተለይም በድንበር እና በጂኦ-ፖለቲካ ውዝግብ ውስጥ ካሉት ሱዳን እና ግብፅ) ጋር በመቀናጀት ይበልጥ አደገኛ ሀይል ሆኖ እንዲወጣ እድል ሊሰጠው እንደሚችል ተንትነዋል።

ሲያጠቃልልም አቶ ጃዋር የኢትዮጵያ መከላከያ ሰራዊት ተጨማሪ ክፍለ ጦሮችን እና ተንቀሳቃሽ ድልድዮችን ወደ ሰሜን ዕዝ እያንቀሳቀሰ መሆኑን ጠቁመው፤ አስቸኳይ ዲፕሎማሲያዊ መፍትሄ ተፈልጎ ጠቅላይ ሚኒስትር አብይ እና ፕሬዚዳንት ኢሳያስ ወደ ድርድር ጠረጴዛ ካልመጡ በቀር፣ ግጭቱ የትግራይን ድንበር አልፎ ወደ ኤርትራ ግዛት የሚሸጋገርበት እጅግ አደገኛ ምዕራፍ ላይ መድረሱን አጽንኦት ሰጥተዋል።

ሀገራዊ ምክክር ኮሚሽን ሕገ-መንግስታዊ ማሻሻያን ጨምሮ 81 መሰረታዊ ምክረ ሐሳቦችን ለመንግስት አስረከበ

የኢትዮጵያ ሀገራዊ ምክክር ኮሚሽን ሕገ-መንግስታዊ ማሻሻያ እና አዲስ ፖሊሲ የሚፈልጉ 81 መሰረታዊ ምክረ ሐሳቦችን ለመንግስት ማስረከቡን አስታውቋል።

ኮሚሽኑ በአጠቃላይ 394 ምክረ ሐሳቦችን አዘጋጅቶ ማስረከቡን የኮሚሽኑ ዋና ኮሚሽነር ፕሮፌሰር መስፍን አርአያ ገልጸዋል።

የኮሚሽኑ ዋና ኮሚሽነር ፕሮፌሰር መስፍን አጀንዳዎቹን ለክልል ርዕሰ መስተዳደሮች እንዲሁም ለአዲስ አበባ እና ድሬዳዋ ከተማ አስተዳደር ከንቲባዎች አስረክበዋል።

የትግራይ ክልልን አጀንዳ የፌደሬሽን ምክር ቤት አፈ ጉባኤ አቶ አገኘው ተሻገር በይፋ ተረክበዋል። የፌደራል መንግስትን የተመለከተውን አጀንዳ ከምክረ ሐሳብ ጋር የሕዝብ ተወካዮች ምክር ቤት አፈ ጉባኤ አቶ ታገሰ ጫፎ ተረክበዋል።

ፕሮፌሰር መስፍን የቀረቡት ምክረ ሐሳቦች ወደ ተግባር እንዲገቡ አሳስበዋል። ዋና ኮሚሽነሩ በኮሚሽኑ ማቋቋሚያ አዋጅ ቁጥር 1265/2014 መሰረት ትግበራዊ ክትትል እንደሚያስፈልገው ጠቁመዋል።

በተለይም አዲስ የሚቋቋመው መንግስት በዚህ ላይ ውሳኔ እንዲሰጥ ጠይቀዋል።

ኮሚሽኑ በአዋጅ የተሰጠው የሦስት ዓመት የሥራ ዘመን የነበረ ቢሆንም በሕዝብ ተወካዮች ምክር ቤት የሥራ ጊዜው ሁለት ጊዜ ተራዝሞለታል። በዚሁ መሰረት በየካቲት 2017 ዓ.ም ለአንድ ዓመት እንዲሁም በየካቲት 2018 ዓ.ም ለተጨማሪ ስምንት ወራት መራዘሙ ይታወሳል። የኮሚሽኑ የተራዘመ የሥራ ዘመን በያዝነው የ2019 ዓ.ም. ጥቅምት ወር በይፋ ያበቃል።

በፋሲል አረጋይ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

" እጁን እያስገባ የማያርፍ አካል ካለ ምላሹ ምን እንደሆነ በጣም ግልጽ ነው " - አብርሃም በላይ (ዶ/ር)

👉 " ... ሻዕቢያ ሰሞኑን በጦርነት በአካል ተሳትፏል ፤ መልሱ እጥፍ ሆኖ እንደሚመለስ ምንም ጥያቄ የለውም ! "

ዳግም ጦርነት ካገረሸ በኋላ የፌዴራል መንግሥት ስላለው አጠቃላይ ሁኔታ ለመጀመሪያ ጊዜ አስተያየቱን ሰጠ።

የፌዴራል መንግሥትን ወክለው አስተያየት የሰጡት አብርሃም በላይ (ዶ/ር) ናቸው።

አብርሃም (ዶ/ር) ፤ ከሰሞኑን በነበረው ጦርነት ከህወሓት ኃይሎች ጋር አብሮ የሻዕቢያ (ኤርትራ) ሰራዊት ተሳትፏል ሲሉ ተናግረዋል።

" የሻዕቢያ መንግሥት የሻዕቢያ ሰራዊት በዚህ ጦርነት በአካል ተሳትፏል። ከነትጥቁ፣ ከነ መሳሪያው ፣ ግምባር ወስዶ ተሳፍቷል። የሞተም፣ መሳሪያዎቹ የተማረኩ መአት ናቸው ያሉት " ሲሉ ገልጸዋል።

" ይሄ መልሱ እጥፍ ሆኖ እንደሚመለስ ምንም ጥያቄ የለውም " ያሉት አብርሃም (ዶ/ር) " በሰው ሀገር ገብቶ ከሽፍታና ባንዳ ጋር መንግሥትን ለመውጋት ጠምሮ (ጥምረት ፈጥሮ) መምጣት ምን ሊያስከትል እንደሚችል በምላሹ ያገኘዋል " ሲሉ ተናግረዋል።

ኢትዮጵያ ስትራቴጂክ ጠላት ዋና ፍላጎቱ የኢትዮጵያ ትርምስ እንደሆነ ፤ ሻዕቢያም ጎረቤት ሆኖ ሁሌም ኢትዮጵያን በስጋት የሚያይ አካል እንደሆነ አመልክተዋል።

የነዚህ አካላት ፍላጎት " ኢትዮጵያ በትርምስ እንድትኖር ፤ አቅሟ እንዳይዳብር ፤ ሰላሟ የፀና ጠንካራ ሀገር እንዳትሆን ነው " ሲሉ አስረድተዋል።

የኢትዮጵያ ጠላቶች እራሳቸው ደፍረው ማድረግ ስለማይችሉ ሁሌም ተላላኪ እንደሚፈልጉ ገልጸዋል።

በሰሞነኛው ግጭትም " ሰው ሞቶብናል ከወጣቶች ሞተዋል በሁሉም ሳይድ ይሄ ኪሳራ ነው። ለአንድ አገር ብዙ ሃብት ለልማት የምናውለው በዚህ እየፈሰሰ ነው ያለው ይሄም ኪሳራ ነው። ከዚህ በላይ ድል ለነሱ የለም " ብለዋል።

ድል የሚሉት ይሄን ማተራመሱን፣ አቅም ማሳጣቱን፣ ማዳከሙን ነው ሲሉ አክለዋል።

ሻዕቢያ " ሰሜን በተለይም ትግራይን የመጨረሻ ደካማ ካልሆነች በስተቀር ስጋት ነች ብሎ " እንደሚያስብ ጠቁመዋል።

አብርሃም (ዶ/ር) ኢትዮጵያን ለማፍረስ ምንም አይነት ጥረት ቢያደርጉም ኢትዮጵያ ልትፈርስ እንደማትችል ገልጸዋል። ህዝቡ ጀግንነቱ እንዳልተቀየረና ጀግንነቱ እየባሰበት እንደሆነ ተናግረዋል።

ሰሞነኛው ጦርነት የኢትዮጵያን መንግሥት ለማፍረስ የተቀሰቀሰ መሆኑን የገለጹት አብርሃም (ዶ/ር) ፤ " እራሳቸው ጦርነት ጀምረውብን መከላከል አድርገን መልሰን እነሱ በሄዱበት እና በገቡበት ቦታ እያጸዳን ነው ምንገኘው " ሲሉ ተናግረዋል።

" አሁን ላይ የመጀመሪያ ጉዳይ የውስጥ ጉዳይን ማጽዳት ነው " ብለው " ከዛ ቀጥሎ ያለውን ደግሞ የመንግስትን አቅጣጫ ምንከታተለው ይሆናል " ብለዋል።

" እጁን እያስገባ የማያርፍ አካል ካለ ምላሹ ምን እንደሆነ በጣም ግልጽ ነው። ሃገር እየደፈረ ዝም ብሎ የሚመለከተው አካል የለም። ኢትዮጵያዊ እንደዚህ አይነት ባህሪ የለውም መንግሥታችንም ይህንን አይቀበልም " ሲሉ አስገንዝበዋል።

እጁን እያስገባ ያለው አካል እጁን የማይሰበስብ ከሆነ ምላሹ ከባድ እንደሚሆን ፤ ይህም ምላሽ የማይቀርለት እንደሆነ አስጠንቅቀዋል።

አብርሃም በላይ (ዶ/ር) የትግራይ ክልል ሁኔታን በተመለከተ ሀገር መከላከያው በአብዛኛው ትግራይን እያፀዳ መሆኑን ገልጸው በፍጥነት ሰላምና መረጋጋት የማስፈኑን ስራ እንዲሁም ህዝቡ እራሱን በራሱ እንዲያስተዳድር የቀበሌ፣ ወረዳ ፣ ዞን አደረጃጀት የመፍጠር ሁኔታ በፌዴራል መንግሥት መጀመሩን ገልጸዋል።

እንዲሁም አሁን ያለው ሁኔታ ቶሎ ተረጋግቶ ፤ የሽግግር ሂደት ኖሮት በፍጥነት ደግሞ ክልላዊ ምርጫ የሚደረግበት ይህም በወራት ውስጥ እንዲሆን የሚያስችል ምቹ ሁኔታ ለመፍጠር እየተሰራ እንደሆነ አመልክተዋል።

ቲክቫህ ኢትዮጵያ
መስከረም 24 ቀን 2019 ዓ/ም

@tikvahethiopia #mekelle ሀገር መከላከያ ሰራዊት እና የትግራይ ሰላም ኃይል ወደ መሃል መቐለ ሮማናት አደባባይ መግባታቸው ተረጋግጧል። መላው የከተማዋን ክፍል ሙሉ በሙሉ በቀጥጥራቸው ስር ማድረጋቸውም ተገልጿል። ይህ በእንዲህ እንዳለ ፥ " የትግራይ ሰላም ለውጥ ምክር ቤት " አካል የሆነው የቃንጪ ሐቂ ፓርቲ ሊቀመንበር አቶ ደጋፊ ጉድፈይ፣ " የመከላከያ እና የትግራይ ሰላም ኃይል (TPF) ጥምረት ብዙ ቦታዎችን…

በ1.4 ቢሊዮን ብር በባሕር ዳር የሚገነባ ልዩ አዳሪ ትምህርት ቤት ግንባታ ተጀመረ
#ethiopia | የትምህርት ሚኒስቴር በ1.4 ቢሊዮን ብር ወጪ በባሕር ዳር ከተማ የሚያስገነባውን ልዩ አዳሪ ትምህርት ቤት ግንባታ ዛሬ አስጀመረ።

የግንባታውን መሠረት ያስጀመሩት የትምህርት ሚኒስትሩ ፕሮፌሰር ብርሃኑ ነጋ፣ ሚኒስቴሩ በሀገሪቱ የትምህርት ዘርፍ የሚታዩ ክፍተቶችን ለመቅረፍ አሠራሮችንና ፖሊሲዎችን በማሻሻል በርካታ ሥራዎችን እያከናወነ መሆኑን ገልጸዋል።

ፕሮፌሰር ብርሃኑ እንዳሉት፣ ባለፉት 40 ዓመታት ለትምህርት ፖሊሲ የተሰጠው ትኩረት ውስን መሆኑ፣ የትምህርት ጥራት ችግሮችና ፍትሐዊ ተደራሽነት አለመረጋገጥ በዘርፉ ላይ ከፍተኛ ክፍተት እንዲፈጠር አድርጓል።

በተለይም በቅርብ ዓመታት የታዩ ክፍተቶችን ለመቅረፍና ብቁ፣ ተወዳዳሪ እና ሀገሩን የሚወድ ትውልድ ለማፍራት፣ ሁሉን አቀፍ ግብዓት የተሟላላቸው ልዩ አዳሪ ትምህርት ቤቶች በተለያዩ የሀገሪቱ ክፍሎች እየተገነቡ መሆናቸውን ሚኒስትሩ ጠቁመዋል።

በባሕር ዳር ዛሬ የተጀመረው የልዩ አዳሪ ትምህርት ቤቱ ግንባታም የመንግሥት ለትምህርት ዘርፍ የሰጠውን ትኩረት የሚያሳይ መሆኑን ፕሮፌሰር ብርሃኑ ገልጸዋል።

ግንባታው በአንድ ዓመት ውስጥ ተጠናቅቆ ለተማሪዎች አገልግሎት እንዲውል መታቀዱንም አስታውቀዋል።

በሥነ-ሥርዓቱ ላይ የተገኙት የአማራ ክልል ምክትል ርዕሰ መስተዳድር ዶ/ር አብዱ ሁሴን በበኩላቸው፣ ትምህርት ለሀገር ሁለንተናዊ ብልጽግና መሠረት መሆኑን ጠቅሰው፣ የክልሉ መንግሥት ዘርፉን በ25 ዓመት አሻጋሪ ዕቅድ ውስጥ በማካተት ልዩ ትኩረት ሰጥቶ እየሠራ መሆኑን ገልጸዋል።

በክልሉ ጥራት ያለው ትምህርት ለሁሉም ተደራሽ ለማድረግ፣ ከትምህርት ቤቶች ግንባታ ጀምሮ በቴክኖሎጂ የታገዙ ብቁና ተወዳዳሪ ዜጎችን የማፍራት ሥራ ተጠናክሮ እንደሚቀጥልም ዶ/ር አብዱ አስታውቀዋል።
#ትልቅ_ሀገር #ትልቅ_ሕዝብ #ታላቅ_ርዕይ #ethiopianbroadcastingcorporation #bahirdar #ministryofeducation





በ1.4 ቢሊዮን ብር በባሕር ዳር የሚገነባ ልዩ አዳሪ ትምህርት ቤት ግንባታ ተጀመረ
#ethiopia | የትምህርት ሚኒስቴር በ1.4 ቢሊዮን ብር ወጪ በባሕር ዳር ከተማ የሚያስገነባውን ልዩ አዳሪ ትምህርት ቤት ግንባታ ዛሬ አስጀመረ።

የግንባታውን መሠረት ያስጀመሩት የትምህርት ሚኒስትሩ ፕሮፌሰር ብርሃኑ ነጋ፣ ሚኒስቴሩ በሀገሪቱ የትምህርት ዘርፍ የሚታዩ ክፍተቶችን ለመቅረፍ አሠራሮችንና ፖሊሲዎችን በማሻሻል በርካታ ሥራዎችን እያከናወነ መሆኑን ገልጸዋል።

ፕሮፌሰር ብርሃኑ እንዳሉት፣ ባለፉት 40 ዓመታት ለትምህርት ፖሊሲ የተሰጠው ትኩረት ውስን መሆኑ፣ የትምህርት ጥራት ችግሮችና ፍትሐዊ ተደራሽነት አለመረጋገጥ በዘርፉ ላይ ከፍተኛ ክፍተት እንዲፈጠር አድርጓል።

በተለይም በቅርብ ዓመታት የታዩ ክፍተቶችን ለመቅረፍና ብቁ፣ ተወዳዳሪ እና ሀገሩን የሚወድ ትውልድ ለማፍራት፣ ሁሉን አቀፍ ግብዓት የተሟላላቸው ልዩ አዳሪ ትምህርት ቤቶች በተለያዩ የሀገሪቱ ክፍሎች እየተገነቡ መሆናቸውን ሚኒስትሩ ጠቁመዋል።

በባሕር ዳር ዛሬ የተጀመረው የልዩ አዳሪ ትምህርት ቤቱ ግንባታም የመንግሥት ለትምህርት ዘርፍ የሰጠውን ትኩረት የሚያሳይ መሆኑን ፕሮፌሰር ብርሃኑ ገልጸዋል።

ግንባታው በአንድ ዓመት ውስጥ ተጠናቅቆ ለተማሪዎች አገልግሎት እንዲውል መታቀዱንም አስታውቀዋል።

በሥነ-ሥርዓቱ ላይ የተገኙት የአማራ ክልል ምክትል ርዕሰ መስተዳድር ዶ/ር አብዱ ሁሴን በበኩላቸው፣ ትምህርት ለሀገር ሁለንተናዊ ብልጽግና መሠረት መሆኑን ጠቅሰው፣ የክልሉ መንግሥት ዘርፉን በ25 ዓመት አሻጋሪ ዕቅድ ውስጥ በማካተት ልዩ ትኩረት ሰጥቶ እየሠራ መሆኑን ገልጸዋል።

በክልሉ ጥራት ያለው ትምህርት ለሁሉም ተደራሽ ለማድረግ፣ ከትምህርት ቤቶች ግንባታ ጀምሮ በቴክኖሎጂ የታገዙ ብቁና ተወዳዳሪ ዜጎችን የማፍራት ሥራ ተጠናክሮ እንደሚቀጥልም ዶ/ር አብዱ አስታውቀዋል።
#ትልቅ_ሀገር #ትልቅ_ሕዝብ #ታላቅ_ርዕይ #ethiopianbroadcastingcorporation #bahirdar #ministryofeducation

የቀድሞው ጠቅላይ ሚኒስትር ኃይለማርያም ደሳለኝ ወንድም አቶ ዳዊት ደሳለኝ የደቡብ ኢትዮጵያ ክልል ጤና ቢሮ ኃላፊ ሆነው ተሾሙ
#ethiopia | የደቡብ ኢትዮጵያ ክልል ምክር ቤት ባካሄደው የመንግሥት ምስረታ ጉባኤ የቀድሞው የኢፌዴሪ ጠቅላይ ሚኒስትር አቶ ኃይለማርያም ደሳለኝ ወንድም የሆኑትን አቶ ዳዊት ደሳለኝን የክልሉ ጤና ቢሮ ኃላፊ አድርጎ ሾሟል።

አቶ ዳዊት ደሳለኝ በጤናው ዘርፍ የካበተ ልምድና ከፍተኛ ሙያዊ ብቃት ያላቸው ባለሙያ እንደሆኑ የሚነገርላቸው ሲሆን፣ አዲሱን የክልሉን የጤና መዋቅር በበላይነት እንዲመሩ ኃላፊነቱ ተሰጥቷቸዋል።

ከአካባቢው ነዋሪዎችና ከስራ ባልደረቦቻቸው የተሰጡ አስተያየቶች እንደሚጠቁሙት፣ እሳቸው በዘርፉ ያላቸው ረጅም የአገልግሎት ዘመን የተጣለባቸውን አዲስ ኃላፊነት በብቃት ለመወጣት ያስችላቸዋል።

አዲስ በተደራጀው የደቡብ ኢትዮጵያ ክልል ውስጥ የመሰረታዊ ጤና አገልግሎትን በተለይም በገጠራማ አካባቢዎች ተዳራሽ ማድረግ፣ የሆስፒታሎችንና የጤና ጣቢያዎችን አቅም ማሳደግ፣ የእናቶችና ሕፃናት ጤና አጠባበቅን ማሻሻል እንዲሁም የተላላፊ በሽታዎችን መከላከል ቀዳሚ ትኩረት የሚሹ ተግባራት ናቸው።

የአቶ ዳዊት ደሳለኝ ወደ አመራርነት መምጣትም እነዚህን የጤና ዘርፍ ግቦች ለማሳካትና ለአካባቢው ህብረተሰብ ጥራት ያለው የህክምና አገልግሎት ለማቅረብ በሚደረገው ጥረት ውስጥ ትልቅ አስተዋጽኦ እንደሚያበረክት ታምኖበታል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu






የቀድሞው ጠቅላይ ሚኒስትር ኃይለማርያም ደሳለኝ ወንድም አቶ ዳዊት ደሳለኝ የደቡብ ኢትዮጵያ ክልል ጤና ቢሮ ኃላፊ ሆነው ተሾሙ
#ethiopia | የደቡብ ኢትዮጵያ ክልል ምክር ቤት ባካሄደው የመንግሥት ምስረታ ጉባኤ የቀድሞው የኢፌዴሪ ጠቅላይ ሚኒስትር አቶ ኃይለማርያም ደሳለኝ ወንድም የሆኑትን አቶ ዳዊት ደሳለኝን የክልሉ ጤና ቢሮ ኃላፊ አድርጎ ሾሟል።

አቶ ዳዊት ደሳለኝ በጤናው ዘርፍ የካበተ ልምድና ከፍተኛ ሙያዊ ብቃት ያላቸው ባለሙያ እንደሆኑ የሚነገርላቸው ሲሆን፣ አዲሱን የክልሉን የጤና መዋቅር በበላይነት እንዲመሩ ኃላፊነቱ ተሰጥቷቸዋል።

ከአካባቢው ነዋሪዎችና ከስራ ባልደረቦቻቸው የተሰጡ አስተያየቶች እንደሚጠቁሙት፣ እሳቸው በዘርፉ ያላቸው ረጅም የአገልግሎት ዘመን የተጣለባቸውን አዲስ ኃላፊነት በብቃት ለመወጣት ያስችላቸዋል።

አዲስ በተደራጀው የደቡብ ኢትዮጵያ ክልል ውስጥ የመሰረታዊ ጤና አገልግሎትን በተለይም በገጠራማ አካባቢዎች ተዳራሽ ማድረግ፣ የሆስፒታሎችንና የጤና ጣቢያዎችን አቅም ማሳደግ፣ የእናቶችና ሕፃናት ጤና አጠባበቅን ማሻሻል እንዲሁም የተላላፊ በሽታዎችን መከላከል ቀዳሚ ትኩረት የሚሹ ተግባራት ናቸው።

የአቶ ዳዊት ደሳለኝ ወደ አመራርነት መምጣትም እነዚህን የጤና ዘርፍ ግቦች ለማሳካትና ለአካባቢው ህብረተሰብ ጥራት ያለው የህክምና አገልግሎት ለማቅረብ በሚደረገው ጥረት ውስጥ ትልቅ አስተዋጽኦ እንደሚያበረክት ታምኖበታል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu