ተወዳጇ አርቲስት አስቴር አወቀ የድሮ ሙዚቃዎችን በአዲስ መልክ የሰራችውን አልበም አስመልክቶ የተለያዩ አስተያየቶች እየተሰጡ ይገኛሉ በተለይ “የሰርጌ ትዝታ” የተሰኘው ሙዚቃ ከብዙዎች ትችት እየቀረበበት ይገኛል።

በዩቲዩብ ከተሰጡ አስተያየቶች መካከል አንዱ የሙዚቃ አድማጭ ይህን ብሏል “ይሄ ሙዚቃ የእውቁ ሙዚቀኛ የግራሚ ሽልማትን የወሰደው የደረጄ መኮንን አሻራ በትልቁ ያረፈበት ነው:: ይሄንን ሙዘቃ ለዚህን ያህል ዘመን ሕያው አድርገው ያቆዩት ዐራት ባለሞያዎች ናቸው:: የድምጻዊቷ አስቱ ዜማና እና ውብ ድምጽ፣ አቀናባሪው ደረጄ መኮንን፣ ገጣሚው ያየህይራድ አላምረው እና የእኛ የአድማጮቹ ትዝታ፡፡ የዚህ ቅንብር ላይ ሁለቱ ነገራት ተዘንግተዋል፡፡ የደረጄ መኮንን የአሬንጅመንት ጥልቅ ፍልስፍና እና የእኛ ትዝታ፡፡ ስለሆነም ይህንን ዘፈን በዚህ መልኩ መስማት ያናድዳል፡፡ ለአድማጭ ስሜት ያልተጨነቀ ትዝታችንን የጨፈለቀ ሙዚቃ ነው።” ብሏል።