ቴምር ፕሮፐርቲስ የዐቢይ ጾምና ረመዳንን አስመልክቶ ማዕድ አጋራ
#ethiopia | በሪል እስቴት ልማት ዘርፍ የሚታወቀው ቴምር ፕሮፐርቲስ፣ የዐቢይ ጾም እና የረመዳን ጾምን ምክንያት በማድረግ በአዲስ አበባ ቡልጋሪያ አካባቢ አዲስ ባስጀመረው ሳይት አቅራቢያ ለሚገኙ 70 አቅመ ደካማ ዜጎች ማዕድ አጋራ።

ማኅበራዊ ኃላፊነትን መወጣት 🎁

የቴምር ፕሮፐርቲስ የኢቨንትና ፕሮሞሽን ዳይሬክተር የሆኑት አቶ ኡስማን መሐመድ በስነ-ስርዓቱ ላይ እንደገለጹት፤ ተቋሙ የዜጎችን የመኖሪያ እና የንግድ ሕንጻዎች ፍላጎት ከመመለስ ባለፈ ማኅበራዊ ኃላፊነቱን በስፋት እየተወጣ ይገኛል። ተቋሙ ይህንን ሕዝባዊ ወገንተኝነቱን የሚያሳየው፦

* የአቅመ ደካሞችን ቤቶች በማደስ፣
* በተለያዩ አደጋዎች ጉዳት ለደረሰባቸው ወገኖች የገንዘብ ድጋፍ በማድረግ፣ እና
* በበዓላትና በጾም ወቅቶች ማዕድ በማጋራት መሆኑን አብራርተዋል።

በዕለቱ ከተከናወነው የማዕድ ማጋራት መርሐ ግብር በተጨማሪ፣ ተቋሙ ቀደም ብለው ቤት ለገዙና በእጣ አሸናፊ ለሆኑ ሁለት ደንበኞቹ የሁለት ዘመናዊ የቢዋይዲ (BYD) መኪኖች ቁልፍ ርክክብ አድርጓል።

በሪል እስቴት ዘርፉ ተቋሙ እያስመዘገበ ስላለው ውጤትም ዳይሬክተሩ የሚከተሉትን አንኳር ነጥቦች አንስተዋል፦

* እስካሁን ከ10 በላይ አፓርታማዎችን አጠናቆ ለደንበኞች አስረክቧል።

* በአሁኑ ወቅት በ28 የተለያዩ ሳይቶች ላይ የግንባታ ስራዎችን እያከናወነ ይገኛል።

* በዘንድሮው ዓመት የግንባታ ሳይቶቹን ቁጥር ወደ 100 ለማድረስ አቅዶ እየሰራ ነው።

📸 ከበደ መክብብ

Getu Temesgen - (ጌጡ ተመስገን)
#getutemesgen #getu #ጌጡ #ቴምር_ፕሮፐርቲስ #ማዕድ_ማጋራት #ረመዳን #ዐቢይ_ጾም #ሪል_እስቴት #አዲስ_አበባ #ማኅበራዊ_ኃላፊነት #የመኪና_ሽልማት